☆ ᠪᠤᠶᠠᠨᠪᠠᠳᠤ
ᠡᠵᠢ ᠡ᠂ ᠪᠢ ᠲᠠᠨ ᠤᠷᠤᠭᠤ ᠶᠠᠪᠤᠵᠦ ᠪᠠᠢ᠌ᠨᠠ
︱ ᠡᠵᠢ ᠶᠢ ᠪᠠᠨ ᠪᠢᠴᠢᠬᠥ ᠦᠭᠡᠶ
ᠦᠬᠡᠷᠡ ᠬᠡᠨ ᠢ ᠪᠢᠴᠢᠬᠥ ᠶᠣᠮ ᠪᠣᠢ
ᠡᠵᠢ ᠳᠡᠭᠡᠨ ᠣᠴᠢᠬᠤ ᠦᠭᠡᠶ
ᠦᠬᠡᠷᠡ ᠬᠡᠨ ᠳᠤ ᠣᠴᠢᠬᠤ ᠶᠣᠮ ᠪᠣᠢ
(ᠰᠤᠯᠠ ᠳᠡᠮᠳᠡᠭᠯᠡᠯ ᠡᠴᠡ )
ᠡᠪᠠᠰᠣ ᠡᠪᠠᠰᠣᠨ ᠤ ᠮᠦᠩᠬᠥᠨ ᠦᠵᠦᠬᠥᠷ ᠲᠡᠬᠡᠷᠡ ᠣᠳᠣᠳ ᠤᠨ ᠬᠡᠬᠡ ᠶᠢ ᠲᠣᠭᠳᠠᠭᠠᠵᠣ
ᠡᠳᠣᠷ ᠡᠳᠣᠷ ᠤᠨ ᠴᠠᠢ ᠶᠢᠨ ᠲᠡᠬᠡᠵᠢ ᠪᠠᠷ ᠲᠡᠯᠠᠬᠡᠢ ᠶᠢᠨ ᠠᠷᠠᠠᠰᠢᠨ ᠢ ᠠᠷᠭᠠᠳᠠᠵᠣ
ᠵᠠᠬᠥᠲᠦ ᠵᠠᠬᠥᠳᠥᠨ ᠤ ᠡᠬᠢᠨ ᠳᠤ ᠬᠦᠤ ᠲᠡᠶ ᠪᠠᠨ ᠣᠴᠠᠷᠠᠨ ᠵᠢᠷᠭᠠᠵᠣ
ᠵᠦᠡᠭ ᠰᠣᠪᠢᠡᠭ ᠤᠨ ᠡᠷᠬᠡ ᠪᠠᠷ ᠦᠪᠡᠷ ᠢ ᠪᠠᠨ ᠬᠠᠭᠣᠷᠣᠨ ᠲᠠᠢᠳᠬᠣᠷᠠᠵᠣ
ᠡᠵᠢ ᠮᠢᠨᠢ ᠨᠠᠮᠢ᠋ᠢ ᠬᠦᠯᠢᠶᠡᠵᠦ ᠪᠠᠢ᠌ᠨᠠ
ᠡᠵᠢ ᠡ︕ ᠪᠢ ᠲᠠᠨ ᠣᠷᠣᠭᠣ ᠶᠠᠪᠣᠵᠣ ᠪᠠᠢ᠌ᠨᠠ
ᠰᠢᠪᠰᠢᠵᠣ ᠣᠷᠬᠢᠭᠰᠠᠨ ᠶᠢᠰᠣᠨ ᠵᠤᠭᠣᠰ ᠶᠢᠠᠷ ᠬᠦᠤ ᠶᠢᠨ ᠶᠢᠠᠨ ᠠᠨᠢᠷ ᠢ ᠨᠠᠭᠠᠰᠢᠯᠠᠭᠣᠯᠵᠣ
ᠰᠢᠪᠠᠨᠠᠵᠣ ᠲᠣᠭᠠᠯᠠᠭᠰᠠᠨ ᠮᠠᠨᠢ ᠶᠢᠨ ᠡᠷᠢᠬᠡ ᠪᠠᠷ ᠬᠦᠤ ᠶᠢᠨ ᠶᠢᠠᠨ ᠰᠡᠬᠥᠳᠡᠷ ᠢ ᠬᠡᠷᠡᠯᠲᠦᠬᠥᠯᠵᠦ
ᠰᠢᠳᠠᠵᠣ ᠲᠥᠷᠡᠯᠵᠡᠭ᠍ᠰᠡᠨ ᠵᠠᠭ ᠤᠨ ᠭᠠᠯ ᠲᠡᠬᠡᠬᠥᠷ ᠬᠦᠤ ᠶᠢᠨ ᠶᠢᠠᠨ ᠵᠠᠶᠠᠭᠠ ᠶᠢ ᠠᠷᠢᠭᠣᠯᠠᠵᠣ
ᠰᠢᠷᠢᠭ᠍ᠯᠠᠵᠣ ᠣᠭᠣᠬᠢᠭᠣᠯᠣᠭᠰᠠᠨ ᠰᠡᠨᠭ᠌ ᠤᠨ ᠣᠳᠣᠭᠠ ᠪᠠᠷ ᠬᠦᠤ ᠶᠢᠨ ᠶᠢᠠᠨ ᠪᠠᠷᠴᠢᠳ ᠢ ᠦᠷᠬᠥᠬᠡᠵᠦ
ᠡᠵᠢ ᠮᠢᠨᠢ ᠨᠠᠮᠢ᠋ᠢ ᠬᠦᠯᠢᠶᠡᠵᠦ ᠪᠠᠢ᠌ᠨᠠ
ᠡᠵᠢ ᠡ︕ ᠪᠢ ᠲᠠᠨ ᠣᠷᠣᠭᠣ ᠶᠠᠪᠣᠵᠣ ᠪᠠᠢ᠌ᠨᠠ
ᠬᠦᠬᠡ ᠲᠡᠭ᠍ᠷᠢ ᠶᠢᠨ ᠬᠣᠷᠮᠣᠢ ᠶᠢ ᠲᠣᠷᠭᠠ ᠮᠠᠳᠣ ᠰᠠᠮᠠᠯᠠᠵᠣ ᠨᠠᠢ᠋ᠢ ᠬᠠᠷᠠᠯᠠ᠂ ᠡᠵᠢ ᠮᠢᠨᠢ
ᠬᠦᠭ᠍ᠯᠡᠷᠡᠭ᠍ᠰᠡᠨ ᠶᠡᠬᠡ ᠮᠠᠨᠠᠨ ᠢ ᠬᠠᠶᠠᠭᠠ ᠮᠠᠳᠣ ᠰᠢᠭᠣᠵᠣ ᠨᠠᠮᠢ᠋ᠢ ᠰᠠᠷᠠᠪᠴᠢᠯᠠᠯᠠ᠂ ᠡᠵᠢ ᠮᠢᠨᠢ
ᠬᠦᠬᠡᠮᠳᠥᠭ ᠬᠦᠢᠳᠡᠨ ᠵᠢᠪᠠᠷ ᠢ ᠠᠢ᠌ᠷᠠᠭ ᠮᠠᠳᠣ ᠵᠠᠯᠬᠢᠯᠠᠵᠣ ᠨᠠᠮᠢ᠋ᠢ ᠰᠠᠨᠠᠯᠠ᠂ ᠡᠵᠢ ᠮᠢᠨᠢ
ᠬᠦᠮᠥᠰᠬᠡᠨ ᠰᠠᠷᠠᠨ ᠤ ᠨᠢᠯᠪᠣᠰᠣ ᠶᠢ ᠠᠭᠠᠷᠣᠣᠯ ᠮᠠᠳᠣ ᠡᠭᠰᠢᠬᠡᠵᠦ ᠨᠠᠮᠢ᠋ᠢ ᠬᠦᠯᠢᠶᠡᠯᠡ᠂ ᠡᠵᠢ ᠮᠢᠨᠢ
ᠡᠵᠢ ᠮᠢᠨᠢ ᠨᠠᠮᠢ᠋ᠢ ᠬᠦᠯᠢᠶᠡᠵᠦ ᠪᠠᠢ᠌ᠨᠠ
ᠡᠵᠢ ᠡ︕ ᠪᠢ ᠲᠠᠨ ᠣᠷᠣᠭᠣ ᠶᠠᠪᠣᠵᠣ ᠪᠠᠢ᠌ᠨᠠ
ᠴᠢᠳᠣᠷ ᠲᠡᠶ ᠮᠣᠷᠢ ᠢᠨᠴᠠᠭᠠᠵᠣ ᠰᠢᠬᠥᠳᠡᠷᠢ ᠰᠢᠯᠬᠡᠬᠡᠭ᠍ᠰᠡᠨ ᠦᠷᠯᠦᠬᠡ
ᠴᠡᠴᠡᠭ ᠤᠨ ᠰᠣᠯᠣᠩᠭ᠋ᠠᠨ ᠡᠴᠡ ᠣᠷᠭᠣᠭᠰᠠᠨ ᠨᠠᠷᠠᠨ ᠤ ᠰᠣᠷᠮᠣᠣᠰᠣ ᠢᠷᠪᠡᠬᠡᠨᠡᠬᠥᠯᠵᠦ
ᠴᠠᠢ ᠪᠠᠨ ᠬᠣᠪᠢᠶᠠᠯᠴᠠᠬᠣ ᠬᠦᠮᠥᠨ ᠦᠭᠡᠶ ᠭᠠᠭᠴᠠᠭᠠᠷᠳᠠᠵᠤ ᠰᠠᠭᠣᠭᠰᠠᠨ ᠡᠵᠢ ᠳᠡᠭᠡᠨ
ᠴᠠᠪᠢᠳᠠᠷ ᠰᠠᠭᠠᠷᠠᠯ ᠵᠠᠷᠬᠡᠯᠬᠡ ᠵᠦᠰᠦᠵᠦ ᠲᠠᠨ ᠣᠷᠣᠭᠣ ᠪᠢ ᠶᠠᠪᠣᠵᠣ ᠪᠠᠢ᠌ᠨᠠ
ᠡᠵᠢ ᠮᠢᠨᠢ ᠨᠠᠮᠢ᠋ᠢ ᠬᠦᠯᠢᠶᠡᠵᠦ ᠪᠠᠢ᠌ᠨᠠ
ᠡᠵᠢ ᠡ︕ ᠪᠢ ᠲᠠᠨ ᠣᠷᠣᠭᠣ ᠶᠠᠪᠣᠵᠣ ᠪᠠᠢ᠌ᠨᠠ
ᠲᠡᠮᠠᠬᠡᠨ ᠳᠡᠭᠡᠨ ᠶᠠᠪᠣᠭᠰᠠᠨ ᠬᠣᠢ᠌ᠭᠣᠷ ᠬᠦᠤ ᠮᠢᠨᠢ ᠢᠷᠡᠴᠢᠬᠡᠭ᠍ᠰᠡᠨ ᠪᠠᠢ᠌ᠭᠠᠰᠠᠢ ᠬᠡᠵᠦ
ᠲᠥᠯᠠᠬᠡ ᠬᠣᠭᠣᠴᠢᠬᠤ ᠶᠢᠨ ᠠᠭᠱᠠᠨ ᠳᠤ ᠪᠠᠷᠠᠭᠣᠨ ᠴᠢᠬᠢ ᠮᠢᠨᠢ ᠴᠣᠩᠬᠢᠨᠠᠭᠠᠰᠠᠢ ᠬᠡᠵᠦ
ᠲᠣᠭᠬᠢᠬᠡᠥᠨ ᠰᠡᠷᠠᠬᠥ ᠶᠢᠨ ᠵᠠᠬᠥᠳᠥᠨ ᠳᠤ ᠬᠦᠤ ᠪᠠᠨ ᠨᠢᠬᠡ ᠬᠠᠷᠠᠬᠣ ᠰᠠᠨ ᠬᠡᠵᠦ
ᠲᠠᠭᠣᠤ ᠠᠶᠠᠰᠯᠠᠬᠣ ᠶᠢᠨ ᠴᠢᠯᠦᠬᠡᠨ ᠳᠤ ᠬᠣᠷᠸᠠ ᠶᠢ ᠠᠮᠤᠭᠤᠯᠠᠩ ᠪᠠᠢ᠌ᠭ ᠬᠡᠵᠦ
ᠡᠵᠢ ᠮᠢᠨᠢ ᠨᠠᠮᠢ᠋ᠢ ᠬᠦᠯᠢᠶᠡᠵᠦ ᠪᠠᠢ᠌ᠨᠠ
ᠡᠵᠢ ᠡ︕ ᠪᠢ ᠲᠠᠨ ᠣᠷᠣᠭᠣ ᠶᠠᠪᠣᠵᠣ ᠪᠠᠢ᠌ᠨᠠ
ᠪᠠᠭᠣᠭᠠᠳ ᠨᠡᠬᠥᠭ᠍ᠰᠡᠨ ᠪᠠᠭᠣᠴᠠ ᠡᠪᠠᠰᠣ ᠣᠷᠭᠣᠵᠣ ᠲᠠᠢᠢᠳᠬᠣᠷᠠᠭᠰᠠᠨ ᠪᠠᠢ᠌ᠳᠠᠭ
ᠪᠣᠯᠭᠣᠯᠠᠭᠰᠠᠨ ᠭᠠᠳᠠᠰᠣᠨ ᠤ ᠰᠢᠷᠬᠠ ᠴᠡᠴᠡᠭ ᠶᠢᠡᠷ ᠢᠨᠢᠶᠠᠵᠣ ᠠᠨᠠᠭᠰᠠᠨ ᠪᠠᠢ᠌ᠳᠠᠭ
ᠮᠠᠨᠠᠵᠣ ᠲᠠᠯᠪᠢᠭᠰᠠᠨ ᠭᠠᠯ ᠤᠨ ᠦᠨᠡᠰᠤ ᠨᠢ ᠪᠦᠯᠢᠶᠡᠨ ᠬᠡᠪ ᠶᠢᠡᠷ ᠶᠢᠡᠨ ᠪᠠᠢ᠌ᠳᠠᠭ
ᠮᠠᠢ᠌ᠵᠢᠬᠢᠷ ᠡᠵᠢ ᠶᠢᠨ ᠮᠢᠨᠢ ᠬᠢᠰᠬᠢᠭ᠍ᠰᠡᠨ ᠮᠦᠷ ᠲᠡᠬᠡᠷᠡ ᠣᠳᠣᠳ ᠬᠦᠯᠪᠡᠷᠢᠵᠦ ᠬᠣᠨᠣᠭᠰᠠᠨ ᠪᠠᠢ᠌ᠳᠠᠭ
ᠡᠵᠢ ᠮᠢᠨᠢ ᠨᠠᠮᠢ᠋ᠢ ᠬᠦᠯᠢᠶᠡᠵᠦ ᠪᠠᠢ᠌ᠨᠠ
ᠡᠵᠢ ᠡ︕ ᠪᠢ ᠲᠠᠨ ᠣᠷᠣᠭᠣ ᠶᠠᠪᠣᠵᠣ ᠪᠠᠢ᠌ᠨᠠ
ᠦᠬᠡ ᠪᠠᠷ ᠵᠤᠯᠠ ᠪᠠᠷᠢᠭᠠᠳ ᠦᠨᠡᠬᠡᠨ ᠬᠠᠷᠠᠩᠭ᠋ᠣᠢ ᠶᠢ ᠬᠡᠢ᠌ᠬᠥᠯᠳᠡᠭ ᠪᠠᠢ᠌ᠭᠰᠠᠨ᠂ ᠡᠵᠢ ᠮᠢᠨᠢ
ᠦᠯᠢᠬᠡᠷ ᠶᠢᠡᠷ ᠣᠬᠠᠭᠠᠨ ᠵᠠᠳᠠᠯᠣᠭᠠᠳ ᠣᠨᠠᠭᠠᠨ ᠮᠥᠷᠣᠬᠡᠳᠥᠯ ᠢ ᠴᠠᠬᠢᠳᠠᠭ ᠪᠠᠢ᠌ᠭᠰᠠᠨ᠂ ᠡᠵᠢ ᠮᠢᠨᠢ
ᠦᠥᠷ ᠶᠢᠡᠷ ᠰᠠᠴᠣᠯᠢ ᠡᠷᠬᠥᠬᠡᠥᠨ ᠠᠭᠣᠯᠠᠰ ᠤᠨ ᠴᠠᠩᠭ᠋ᠠᠭᠠ ᠶᠢ ᠲᠠᠢ᠌ᠯᠳᠠᠭ ᠪᠠᠢ᠌ᠭᠰᠠᠨ᠂ ᠡᠵᠢ ᠮᠢᠨᠢ
ᠣᠢ᠌ᠯᠠ ᠶᠢᠨ ᠬᠠᠢ᠌ᠴᠢ ᠪᠠᠷ ᠭᠣᠨᠢᠭ ᠶᠢᠠᠨ ᠬᠠᠢ᠌ᠴᠢᠯᠠᠭᠠᠳ ᠵᠢᠷᠭᠠᠯ ᠡᠰᠬᠡᠳᠡᠭ ᠪᠠᠢ᠌ᠭᠰᠠᠨ᠂ ᠡᠵᠢ ᠮᠢᠨᠢ
ᠡᠵᠢ ᠮᠢᠨᠢ ᠨᠠᠮᠢ᠋ᠢ ᠬᠦᠯᠢᠶᠡᠵᠦ ᠪᠠᠢ᠌ᠨᠠ
ᠡᠵᠢ ᠡ︕ ᠪᠢ ᠲᠠᠨ ᠣᠷᠣᠭᠣ ᠶᠠᠪᠣᠵᠣ ᠪᠠᠢ᠌ᠨᠠ
ᠪᠣᠳᠣᠭᠣ ᠪᠠᠨ ᠦᠬᠥᠬᠡᠷᠳᠡᠬᠡᠥᠨ ᠨᠠᠭᠠᠰᠢ ᠪᠠᠨ ᠡᠷᠬᠢᠬᠥ ᠳ᠋ᠣᠨᠢ ᠣᠶᠠᠭᠠᠨ ᠲᠡᠬᠡᠷᠡ ᠪᠠᠨ ᠪᠠᠭᠣᠮᠠᠷ ᠪᠠᠢ᠌ᠨᠠ
ᠪᠣᠴᠢᠬᠢᠨᠠᠭᠣᠷ ᠤᠨ ᠦᠨᠳᠥᠰᠤ ᠰᠢᠭ᠌ ᠭᠠᠷ ᠶᠢᠠᠷ ᠴᠢᠨᠢ ᠬᠡᠮᠰᠢᠯ ᠤᠨ ᠨᠢᠯᠪᠣᠰᠣ ᠪᠠᠨ ᠠᠷᠴᠢᠭᠣᠯᠣᠮᠠᠷ ᠪᠠᠢ᠌ᠨᠠ
ᠪᠣᠭᠣᠷᠣᠯ ᠲᠡᠬᠡᠳᠥᠰ ᠤᠨ ᠵᠢᠮᠡᠯᠡᠭ᠍ᠰᠡᠨ ᠬᠠᠷᠠᠴᠠ ᠪᠠᠷ ᠦᠪᠡᠷ ᠢ ᠪᠠᠨ ᠨᠢᠬᠡ ᠣᠷᠢᠶᠠᠯᠭᠠᠮᠠᠷ ᠪᠠᠢ᠌ᠨᠠ
ᠪᠣᠷᠬᠠᠨ ᠤ ᠠᠯᠠᠭᠠᠨ ᠡᠴᠡ ᠷᠠᠰᠢᠶᠠᠨ ᠠᠮᠰᠠᠭᠣᠯᠵᠣ ᠡᠵᠢ ᠶᠢ ᠪᠠᠨ ᠮᠦᠩᠬᠡ ᠵᠢᠷᠭᠠᠭᠠᠮᠠᠷ ᠪᠠᠢ᠌ᠨᠠ
ᠡᠵᠢ ᠮᠢᠨᠢ ᠨᠠᠮᠢ᠋ᠢ ᠬᠦᠯᠢᠶᠡᠵᠦ ᠪᠠᠢ᠌ᠨᠠ
ᠡᠵᠢ ᠡ︕ ᠪᠢ ᠲᠠᠨ ᠣᠷᠣᠭᠣ ᠶᠠᠪᠣᠵᠣ ᠪᠠᠢ᠌ᠨᠠ
ᠠᠯᠳᠠᠨ ᠨᠠᠷᠠᠨ ᠤ ᠴᠠᠭᠠᠨᠠ ᠡᠴᠡ ᠬᠦᠤ ᠴᠢᠨᠢ ᠲᠠᠪᠬᠢᠵᠣ ᠶᠠᠪᠣᠨᠠ
ᠠᠨᠢᠵᠣ ᠦᠵᠡᠬᠡ ᠦᠭᠡᠶ ᠪᠣᠷᠬᠠᠨ ᠤ ᠮᠠᠯᠮᠠᠢ ᠡᠴᠡ ᠲᠠᠨ ᠳᠠᠭᠠᠨ ᠢᠷᠠᠵᠣ ᠶᠠᠪᠣᠨᠠ
ᠠᠳᠠᠨ ᠲᠡᠮᠠᠬᠡᠨ ᠤ ᠵᠤᠠᠵᠢᠶᠠᠨ ᠳᠤ ᠬᠠᠨ ᠭᠠᠷᠣᠳᠢ ᠰᠢᠭ ᠨᠢᠰᠴᠣ ᠶᠠᠪᠣᠨᠠ
ᠠᠷᠭᠠᠯ ᠤᠨ ᠣᠳᠣᠭᠠ ᠭᠣᠭᠴᠣᠭᠠᠷᠠᠭᠰᠠᠨ ᠲᠣᠯᠣᠭᠣᠳ ᠤᠨ ᠴᠠᠭᠠᠨᠠᠬᠠᠨ ᠬᠦᠷᠴᠦ ᠶᠠᠪᠣᠨᠠ
ᠡᠵᠢ ᠮᠢᠨᠢ ᠨᠠᠮᠢ᠋ᠢ ᠬᠦᠯᠢᠶᠡᠵᠦ ᠪᠠᠢ᠌ᠨᠠ
ᠡᠵᠢ ᠡ︕ ᠪᠢ ᠲᠠᠨ ᠣᠷᠣᠭᠣ ᠶᠠᠪᠣᠵᠣ ᠪᠠᠢ᠌ᠨᠠ
ᠲᠡᠮᠠᠬᠡ ᠲᠡᠷᠬᠡᠭ᠍ᠰᠡᠨ ᠰᠣᠯᠢ ᠲᠡᠶ ᠲᠠᠠᠵᠢᠨ ᠳᠤ ᠬᠡᠷ ᠮᠢᠨᠢ ᠪᠠᠢ᠌ᠳᠠᠭ
ᠲᠡᠭ᠍ᠷᠢ ᠶᠢᠨ ᠰᠣᠯᠣᠩᠭ᠋ᠠᠨ ᠤ ᠨᠢᠬᠡᠨ ᠦᠵᠦᠬᠥᠷ ᠲᠤ ᠡᠵᠢ ᠮᠢᠨᠢ ᠪᠠᠢ᠌ᠳᠠᠭ
ᠡᠷᠬᠡᠰ ᠭᠠᠷᠠᠭ ᠤᠨ ᠣᠷᠣᠰᠬᠠᠯ ᠪᠦᠬᠥᠨ ᠨᠠᠷᠠ ᠵᠦᠪ ᠡᠷᠬᠢᠵᠣ ᠪᠠᠢ᠌ᠳᠠᠭ
ᠡᠵᠢ ᠳᠡᠭᠡᠨ ᠣᠴᠢᠬᠤ ᠵᠦᠭ᠌ ᠮᠢᠨᠢ ᠪᠣᠷᠬᠠᠨ ᠤ ᠵᠦᠭ᠌ ᠪᠠᠢ᠌ᠳᠠᠭ ᠡ
ᠡᠵᠢ ᠮᠢᠨᠢ ᠨᠠᠮᠢ᠋ᠢ ᠬᠦᠯᠢᠶᠡᠵᠦ ᠪᠠᠢ᠌ᠨᠠ
ᠡᠵᠢ ᠡ︕ ᠪᠢ ᠲᠠᠨ ᠣᠷᠣᠭᠣ ᠶᠠᠪᠣᠵᠣ ᠪᠠᠢ᠌ᠨᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠠᠯᠠᠱᠠ ᠠᠢ᠌ᠮᠠᠭ ᠤᠨ ᠦᠨᠳᠥᠰᠣᠳᠡᠨ ᠤ ᠪᠦᠷᠢᠨ ᠲᠣᠮᠳᠠᠳᠣ ᠰᠣᠷᠭᠠᠭᠣᠯᠢ
ᠵᠤᠬᠢᠶᠠᠭᠴᠢ᠄ ᠪᠤᠶᠠᠨᠪᠠᠳᠤ
ᠢᠷᠡᠯᠲᠡ᠄ ᠬ·ᠪᠦᠬᠡᠮᠠᠨᠳᠤᠯᠠ
ᠬᠠᠷᠢᠶᠠ᠄ 《
ᠦᠨᠢᠷ ᠴᠡᠴᠡᠭ 》
ᠳᠠᠷᠤᠮ᠄ 11227
ᠴᠠᠭ᠄ 2009 ᠤᠨ ᠤ 04 ᠰᠠᠷᠠ ᠶᠢᠨ 15
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ