☆ ᠰᠡᠴᠡᠨᠳᠤ
ᠭᠠᠯᠪᠠ ᠶᠢᠨ ᠬᠤᠳᠤᠭ
ᠭᠠᠯᠵᠠᠭᠣᠷᠠᠯ
ᠬᠣᠳᠠ ᠬᠣᠳᠠ ᠶᠢᠨ ᠵᠤᠪᠠᠯᠭᠠ ᠢᠳᠠᠵᠣ
ᠬᠣᠳᠣᠭᠣᠳᠣ ᠨᠢ ᠦᠬᠡᠬᠥᠯᠡᠭ᠍ᠰᠡᠨ ᠨᠣᠬᠠᠢ ᠭᠠᠯᠵᠠᠭᠣᠷᠠᠳᠠᠭ
ᠲᠢᠪ ᠲᠢᠪ ᠤᠨ ᠲᠣᠰᠣ ᠶᠢ ᠣᠣᠭᠣᠵᠣ
ᠲᠣᠯᠳᠣ ᠨᠢ ᠦᠬᠡᠬᠥᠯᠡᠭ᠍ᠰᠡᠨ ᠲᠠᠩᠺ ᠭᠠᠯᠵᠠᠭᠣᠷᠠᠳᠠᠭ
ᠡᠰᠢᠯᠡᠭ᠍ᠰᠡᠨ ᠫᠣᠤ ᠡᠵᠠᠨ ᠢᠶᠡᠨ ᠲᠠᠨᠢᠳᠠᠭ ᠦᠭᠡᠶ ᠨᠢ
ᠲᠠᠷᠢ ᠪᠠᠷ ᠬᠣᠭᠣᠯᠠᠯᠠᠵᠣ ᠭᠠᠯᠵᠠᠭᠣᠷᠠᠭᠰᠠᠨ ᠤ ᠬᠢ
ᠡᠬᠡ ᠲᠡᠯᠠᠬᠡᠢ ᠪᠠᠨ ᠬᠦᠤ ᠨᠢ ᠲᠠᠨᠢᠳᠠᠭ ᠦᠭᠡᠶ ᠨᠢ
ᠲᠠᠶ᠋ᠢᠨ ᠢᠶᠡᠷ ᠬᠣᠭᠣᠯᠠᠯᠠᠵᠣ ᠭᠠᠯᠵᠠᠭᠣᠷᠠᠭᠰᠠᠨ ᠤ ᠬᠢ
ᠭᠠᠯᠵᠠᠭᠣ ᠨᠣᠬᠠᠢ ᠳᠤ ᠬᠠᠵᠠᠭᠳᠠᠭᠰᠠᠨ ᠬᠦᠮᠥᠨ ᠢ
ᠬᠠᠬᠢᠯᠢᠭ ᠤᠨ ᠨᠠᠶ᠋ᠢᠷᠠᠯᠭᠠ ᠲᠡᠶ ᠡᠮ ᠢᠶᠡᠷ ᠠᠨᠠᠭᠠᠳᠠᠭ
ᠭᠠᠯᠵᠠᠭᠣ ᠲᠠᠶ᠋ᠢᠨ ᠳᠤ ᠬᠠᠵᠠᠭᠳᠠᠭᠰᠠᠨ ᠲᠡᠯᠠᠬᠡᠢ ᠪᠠᠨ
ᠬᠠᠶ᠋ᠢᠷᠠ ᠶᠢᠨ ᠨᠠᠶ᠋ᠢᠷᠠᠯᠭᠠ ᠲᠡᠶ ᠡᠮ ᠢᠶᠡᠷ ᠠᠨᠠᠭᠠᠰᠣ︕
ᠬᠠᠬᠢᠯᠢᠭ ᠲᠡᠶ ᠡᠮ ᠣᠣᠭᠣᠭᠰᠠᠨ ᠡᠪᠠᠳᠴᠢᠳᠠᠨ
ᠬᠢᠯᠭᠠᠰᠣ ᠪᠠᠷ ᠬᠦᠯᠦᠬᠡᠯᠡᠵᠦ ᠢᠯᠠᠷᠢ ᠪᠣᠯᠳᠠᠭ
ᠬᠠᠶ᠋ᠢᠷᠠ ᠶᠢᠨ ᠡᠮ ᠣᠣᠭᠣᠭᠰᠠᠨ ᠲᠡᠯᠠᠬᠡᠢ ᠮᠢᠨᠢ
ᠬᠣᠣᠷᠳᠠᠯ ᠨᠢ ᠶᠠᠭᠠᠬᠢᠵᠣ ᠲᠠᠶ᠋ᠢᠯᠣᠭᠳᠠᠳᠠᠭ ᠪᠣᠯ︕
ᠭᠠᠯᠪᠠ ᠶᠢᠨ ᠬᠣᠳᠣᠭ
ᠲᠠᠯᠠ ᠬᠡᠷᠪᠡ ᠬᠠᠶ᠋ᠢᠷᠠ ᠦᠭᠡᠶ ᠪᠣᠯ
ᠲᠡᠮᠠᠬᠡᠨ ᠬᠦᠬᠥ ᠶᠠᠭᠠᠬᠢᠭᠠᠳ ᠰᠥ᠋ ᠲᠡᠶ ᠶᠣᠮ
ᠠᠭᠣᠯᠠ ᠬᠡᠷᠪᠡ ᠠᠮᠢ ᠦᠭᠡᠶ ᠪᠣᠯ
ᠴᠢᠯᠠᠭᠣ ᠨᠢ ᠶᠠᠭᠠᠬᠢᠭᠠᠳ ᠴᠢᠰᠤ ᠲᠡᠶ ᠶᠣᠮ
ᠭᠠᠵᠠᠷ ᠬᠡᠷᠪᠡ ᠮᠠᠳᠠᠷᠠᠯ ᠦᠭᠡᠶ ᠪᠣᠯ
ᠠᠲ᠋ᠣᠮ ᠤᠨ ᠪᠦᠮᠪᠥᠬᠡᠨ ᠳᠤ ᠲᠠᠭᠠᠷᠢᠭᠳᠠᠭᠰᠠᠭᠠᠷ ᠶᠠᠭᠠᠬᠢᠭᠠᠳ
ᠢᠷᠭᠣᠢ ᠴᠤ ᠨᠢᠳᠥᠯᠠᠬᠥ ᠦᠭᠡᠶ ᠪᠡᠯᠪᠡᠰᠥᠷᠠᠳᠡᠭ ᠶᠣᠮ
ᠲᠡᠭ᠍ᠷᠢ ᠬᠡᠷᠪᠡ ᠮᠠᠳᠠᠷᠠᠯ ᠦᠭᠡᠶ ᠪᠣᠯ
ᠬᠦᠬᠥᠷ ᠤᠨ ᠣᠳᠣᠭᠠᠨ ᠳᠤ ᠪᠦᠭ᠍ᠯᠡᠷᠡᠭ᠍ᠰᠠᠬᠡᠷ ᠶᠠᠭᠠᠬᠢᠭᠠᠳ
ᠬᠠᠷᠠ ᠴᠢᠰᠤ ᠪᠠᠭᠣᠯᠭᠠᠵᠣ ᠪᠡᠯᠪᠡᠰᠥᠷᠠᠳᠡᠭ ᠶᠣᠮ︖
ᠭᠠᠵᠠᠷ ᠲᠡᠭ᠍ᠷᠢ ᠪᠠᠨ ᠪᠡᠯᠪᠡᠰᠥᠷᠠᠬᠥᠯᠦᠬᠡᠥᠨ ᠯᠠ ᠪᠠᠶ᠋ᠢᠪᠠᠯ
ᠭᠠᠯᠪᠠ ᠶᠢᠨ ᠬᠣᠳᠣᠭ ᠣᠷᠳᠣᠰᠣᠨᠠ ᠬᠡᠵᠦ ᠦᠦ︖
ᠬᠡᠢ ᠶᠢᠨ ᠣᠷᠣᠨ ᠢᠶᠡᠷ ᠡᠬᠥᠯᠡ ᠢᠰᠥᠭᠰᠠᠬᠡᠷ
ᠮᠣᠳᠣᠨ ᠣᠷᠣᠨ ᠢᠶᠡᠷ ᠰᠢᠭᠣᠢ ᠬᠠᠯᠴᠠᠷᠠᠭᠰᠠᠭᠠᠷ
ᠰᠢᠷᠣᠢ ᠶᠢᠨ ᠣᠷᠣᠨ ᠢᠶᠡᠷ ᠭᠠᠵᠠᠷ ᠬᠠᠮᠠᠭᠣᠷᠠᠭᠰᠠᠭᠠᠷ
ᠣᠰᠣᠨ ᠣᠷᠣᠨ ᠢᠶᠡᠷ ᠭᠣᠣᠯ ᠭᠠᠰᠢᠯᠣᠭᠰᠠᠭᠠᠷ
ᠲᠠᠪᠣᠨ ᠮᠠᠬᠠᠪᠣᠳ ᠢ ᠨᠢ ᠡᠪᠳᠡᠷᠠᠬᠥᠯᠦᠬᠡᠥᠨ ᠯᠠ ᠪᠠᠶ᠋ᠢᠪᠠᠯ
ᠲᠡᠯᠠᠬᠡᠢ ᠶᠢᠨ ᠬᠣᠳᠣᠭ ᠣᠷᠳᠣᠰᠣᠨᠠ ᠬᠡᠵᠦ ᠦᠦ︖
ᠲᠡᠬᠡᠷᠡ ᠨᠢ ᠴᠢᠩᠬᠢᠬᠡᠥᠨ ᠲᠠᠯᠪᠠ ᠲᠠᠷᠭᠣᠯᠠᠪᠠᠴᠣ
ᠲᠡᠯᠠᠬᠡᠢ ᠡᠴᠡ ᠬᠣᠶ᠋ᠢᠨᠠ ᠵᠠᠬᠥᠳᠥᠯᠡᠨᠡ ᠬᠡᠵᠦ ᠦᠦ
ᠬᠦᠮᠥᠨ ᠤ ᠭᠠᠭᠴᠠ ᠲᠡᠯᠠᠬᠡᠢ ᠶᠢᠨ ᠢᠶᠡᠨ ᠬᠣᠳᠣᠭ ᠢ
ᠬᠣᠮᠣᠬᠠᠢ ᠰᠢᠨᠣᠯ ᠢᠶᠡᠨ ᠠᠷᠢᠭᠣᠰᠬᠠᠵᠣ ᠣᠷᠳᠣᠳᠭᠠᠶᠠ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠣᠯᠠᠭᠠᠠᠬᠠᠳᠠ ᠬᠣᠳᠠ ᠶᠢᠨ ᠪᠠᠭᠠᠷᠢᠨ ᠪᠠᠷᠠᠭᠣᠨ ᠬᠣᠰᠢᠭᠣᠨ ᠤ ᠳ᠋ᠠᠪᠠᠨ ᠪᠠᠯᠭᠠᠰᠣ ᠶᠢᠨ 《 ᠬᠡᠷᠡᠯᠲᠦ ᠰᠣᠪᠣᠳ 》 ᠪᠠᠭᠠ ᠲᠣᠭᠣᠷᠢᠭ ᠤᠨ 301 ᠵᠠᠬᠢᠳᠠᠯ ᠤᠨ ᠬᠠᠶ᠋ᠢᠷᠴᠠᠭ
ᠵᠤᠬᠢᠶᠠᠭᠴᠢ᠄ ᠰᠡᠴᠡᠨᠳᠤ
ᠢᠷᠡᠯᠲᠡ᠄ ᠬ·ᠪᠦᠬᠡᠮᠠᠨᠳᠤᠯᠠ
ᠬᠠᠷᠢᠶᠠ᠄ 《
ᠦᠨᠢᠷ ᠴᠡᠴᠡᠭ 》
ᠳᠠᠷᠤᠮ᠄ 9497
ᠴᠠᠭ᠄ 2009 ᠤᠨ ᠤ 04 ᠰᠠᠷᠠ ᠶᠢᠨ 18
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ