☆ ᠬᠡ᠊·ᠰᠢᠷᠠᠬᠦ᠋ᠦ
ᠭᠤᠪᠢ ᠶᠢᠨ ᠵᠢᠷᠤᠭ
ᠲᠡᠭ᠍ᠷᠢ ᠰᠢᠬᠥᠷᠡᠭ᠍ᠰᠡᠨ ᠠᠯᠠᠭ ᠠᠭᠣᠯᠠ ᠶᠢᠨ ᠬᠣᠷᠮᠣᠢ ᠡᠴᠡ
ᠲᠡᠮᠠᠬᠡ ᠲᠡᠰᠢᠭ᠍ᠰᠡᠨ ᠠᠯᠠᠱᠠ ᠨᠣᠳᠣᠭ ᠤᠨ ᠭᠣᠪᠢ ᠡᠴᠡ
ᠪᠢ ᠢᠷᠠᠯᠠ᠂ ᠪᠢ ᠢᠷᠠᠯᠠ᠂
ᠪᠡᠯᠴᠢᠬᠡᠷ ᠤᠨ ᠨᠢᠬᠡᠨ ᠰᠢᠪᠠᠭᠣ ᠪᠣᠯᠣᠨ ᠨᠢᠰᠦᠬᠡᠥᠨ ᠢᠷᠠᠯᠠ︕
ᠲᠠ ᠨᠡᠷ ᠶᠡᠬᠡ ᠭᠣᠪᠢ ᠳᠤ ᠠᠶᠠᠯᠠᠵᠣ ᠥᠩᠬᠡᠷᠡᠭ᠍ᠰᠡᠨ ᠦᠦ︖
ᠲᠠᠩᠨᠠᠢ ᠶᠢᠨ ᠡᠷᠢᠶᠠ ᠰᠢᠭ᠌ ᠡᠯᠠᠰᠣᠨ ᠴᠣᠬᠢᠶᠠᠳ ᠢ ᠪᠠᠷᠠᠯᠠᠵᠣ ᠦᠵᠡᠭ᠍ᠰᠡᠨ ᠦᠦ︖
ᠪᠣᠳᠣᠯ ᠠᠯᠳᠠᠮᠠ ᠶᠡᠬᠡ ᠭᠣᠪᠢ ᠶᠢᠨ ᠬᠡᠪᠡᠯᠢ ᠬᠡᠵᠦ
ᠰᠠᠳᠬᠢᠯ ᠬᠠᠢ᠌ᠯᠣᠮᠠ ᠭᠣᠪᠢ ᠵᠢᠷᠣᠭ ᠪᠠᠢ᠌ᠳᠠᠭ ᠶᠣᠮ᠃
ᠪᠣᠭᠣᠷᠣᠯ ᠰᠠᠷᠢᠳᠠᠭ ᠤᠨ ᠴᠠᠰᠣ ᠬᠠᠢ᠌ᠯᠬᠣ ᠳᠤ
ᠪᠣᠮᠠᠨ ᠠᠮᠢᠳᠠᠨ ᠤ ᠰᠠᠨᠠᠭᠠ ᠠᠭᠣᠰᠳᠠᠭ ᠶᠣᠮ᠃
ᠪᠣᠴᠠᠭᠰᠠᠨ ᠠᠩᠬᠢᠷ ᠰᠢᠪᠠᠭᠣᠳ ᠤᠨ ᠬᠠᠪᠣᠷ ᠤᠨ ᠣᠷᠢᠨ ᠬᠣᠷᠠ ᠲᠡᠶ
ᠪᠣᠣᠷᠠ ᠲᠠᠴᠢᠬᠢᠨᠠᠨ ᠬᠦᠷᠬᠢᠷᠡᠭ᠍ᠰᠡᠨ ᠡᠪᠣᠯ ᠤᠨ ᠬᠦᠢᠳᠡᠨ ᠰᠦᠷ ᠲᠡᠶ᠃
ᠴᠠᠯᠠᠭᠠᠷ ᠶᠡᠬᠡ ᠭᠣᠪᠢ ᠳᠤ ᠵᠠᠭᠣᠨ ᠠᠮᠢᠳᠠᠨ ᠬᠥᠭ᠍ᠵᠢᠯᠳᠥᠨ
ᠴᠠᠩᠳᠣᠵᠣ ᠡᠪᠣᠯᠵᠢᠭ᠍ᠰᠠᠨ ᠲᠠᠯᠠ ᠵᠢᠷᠣᠭ ᠤᠨ ᠬᠡ ᠰᠢᠭ᠌ ᠰᠣᠯᠣᠩᠭ᠋ᠠᠷᠠᠨᠠ᠃
ᠴᠠᠩᠬᠡᠷ ᠲᠣᠯᠣᠭᠠᠳ ᠤᠨ ᠲᠣᠮᠳᠠᠭᠣᠷ ᠵᠦᠰᠥᠨ ᠰᠥᠯᠵᠢᠯᠳᠥᠭᠰᠡᠨ ᠭᠠᠩᠭᠠ ᠨᠣᠭᠣᠳ ᠶᠢᠠᠷ
ᠴᠡᠮᠴᠡᠬᠡᠷ ᠶᠠᠭᠠᠨ ᠥᠩᠬᠡᠳᠡᠢ ᠬᠦᠢᠯᠡᠰᠥᠨ ᠴᠡᠴᠡᠭ ᠪᠠᠳᠮᠠᠯᠠᠨ
ᠴᠢᠬᠢᠷᠡᠭ᠍ᠰᠡᠨ ᠵᠠᠬᠡᠷᠡ ᠲᠣᠭᠯᠠᠭᠰᠠᠨ ᠵᠦᠬᠡᠯᠡᠨ ᠰᠠᠢ᠌ᠷ ᠤᠨ ᠬᠦᠪᠡᠬᠡ ᠪᠠᠷ
ᠴᠢᠨᠳᠠᠮᠣᠨᠢ ᠡᠷᠳᠠᠨᠢ ᠶᠢᠨ ᠬᠡᠯᠬᠢᠢᠡ ᠰᠢᠭ᠌ ᠲᠣᠷᠯᠣᠭ ᠤᠨ ᠵᠠᠮᠪᠠᠭᠠ ᠮᠣᠠᠴᠣᠭᠯᠠᠨ
ᠨᠡᠯᠣᠬᠡᠷ ᠠᠭᠣᠳᠠᠮ ᠭᠣᠪᠢ ᠮᠢᠨᠢ ᠶᠠᠩᠵᠣ ᠶᠢᠨ ᠰᠠᠢ᠌ᠬᠠᠨ ᠪᠠᠢ᠌ᠳᠠᠭ ᠶᠣᠮ
ᠨᠡᠬᠡᠷᠡᠨ ᠲᠡᠰᠬᠥ ᠶᠢᠨ ᠠᠷᠭᠠ ᠦᠭᠡᠶ ᠰᠠᠨᠠᠭᠠ ᠠᠯᠳᠠᠮᠠ ᠨᠠᠯᠠᠢ᠌ᠳᠠᠭ ᠶᠣᠮ᠃
ᠲᠣᠯᠣᠭᠠᠳ ᠤᠨ ᠡᠩᠬᠡᠷ ᠤᠨ ᠵᠠᠷᠬᠡᠯᠬᠡᠨ ᠲᠣᠮᠳᠠ ᠣᠶᠠᠬᠠᠨ ᠪᠣᠢ᠌ᠯᠠᠭᠠ ᠡᠬᠡᠰᠢᠭ᠍ᠯᠠᠵᠦ
ᠲᠣᠷᠮᠣᠭᠣᠷ ᠬᠦᠬᠡᠷᠥᠬᠥᠨ ᠪᠣᠳᠣᠭᠣᠳ ᠣᠶᠠᠭᠠᠨ ᠲᠡᠬᠡᠷᠡ ᠪᠠᠨ ᠲᠣᠭᠯᠠᠨ
ᠢᠩᠬᠡᠨ ᠤ ᠠᠩᠬᠢᠷ ᠣᠭᠣᠷᠠᠭ ᠪᠣᠳᠣᠭᠣᠨ ᠤ ᠵᠠᠪᠠᠵᠢ ᠪᠠᠷ ᠲᠣᠰᠣᠯᠠᠨ
ᠡᠵᠢ ᠶᠢᠨ ᠲᠣᠷᠭᠠᠨ ᠬᠣᠷᠮᠣᠢ ᠡᠴᠡ ᠰᠠᠭᠠᠯᠢ ᠶᠢᠨ ᠦᠨᠥᠷ ᠬᠠᠩᠬᠣᠯᠣᠨᠠ᠃
ᠣᠯᠠᠨ ᠴᠣᠬᠢᠶᠠ ᠡᠯᠠᠰᠣ ᠪᠠᠶᠠ ᠪᠠᠶᠠ ᠪᠠᠨ ᠰᠡᠬᠥᠳᠡᠷᠯᠡᠨ
ᠣᠷᠣᠭᠰᠠᠨ ᠪᠣᠣᠷᠠ ᠶᠢᠨ ᠬᠦᠬᠡᠰᠥᠨ ᠴᠠᠭᠠᠨ ᠲᠣᠯᠣᠭᠠᠢ᠂
ᠣᠳᠣᠨ ᠴᠤᠬᠤᠷ᠂ ᠬᠦᠬᠡᠷᠥᠬᠥᠨ ᠠᠯᠠᠭ ᠲᠣᠭᠣᠯ᠃
ᠬᠠᠨᠠᠷᠠᠨ ᠨᠠᠢ᠌ᠭᠣᠬᠣ ᠬᠣᠯᠣᠰᠣ ᠢᠷᠡᠬᠥ ᠦᠶᠡᠷ ᠰᠢᠭ᠌ ᠱᠣᠣᠬᠢᠨ
ᠬᠠᠷᠮᠠᠭ ᠤᠨ ᠣᠯᠠᠭᠠᠨ ᠪᠣᠷᠴᠠᠭ ᠢᠰᠥᠭᠰᠡᠨ ᠠᠢ᠌ᠷᠠᠭ ᠰᠢᠭ ᠰᠠᠭᠠᠨᠠ᠃
ᠠᠳᠠᠨ ᠲᠡᠮᠠᠬᠡᠥᠨ ᠤᠨ ᠬᠣᠮ ᠲᠡᠶ ᠵᠤ᠋ ᠳᠤ ᠵᠠᠯᠬᠠᠭᠣ ᠨᠠᠷᠠᠨ ᠰᠢᠩᠬᠡᠨ
ᠠᠷᠭᠠᠯ ᠤᠨ ᠴᠠᠩᠬᠡᠷ ᠣᠭᠠᠯᠵᠠ ᠣᠳᠣᠭᠠ ᠡᠬᠥᠯᠡᠰ ᠤᠨ ᠰᠡᠬᠥᠯ ᠢ ᠬᠦᠯᠬᠥᠨᠡ᠃
ᠣᠯᠠᠨ ᠮᠠᠯ ᠤᠨ ᠬᠦᠯ ᠤᠨ ᠲᠣᠭᠣᠰᠣ ᠲᠡᠭ᠍ᠷᠢ ᠶᠢᠨ ᠬᠠᠶᠠᠭᠠᠨ ᠳᠤ ᠨᠡᠬᠥᠬᠡᠯᠳᠥᠨ
ᠣᠷᠣᠭ ᠴᠠᠮᠪᠠᠨ ᠬᠦᠰᠢᠬᠡ ᠲᠡᠶ ᠪᠠᠶᠠᠨ ᠠᠢ᠌ᠯ ᠤᠨ ᠬᠣᠢ᠌ᠮᠣᠷ᠃
ᠭᠣᠪᠢ ᠶᠢᠨ ᠠᠮᠤᠭᠤᠯᠠᠩ ᠦᠳᠡᠰᠢ ᠬᠡᠣᠬᠡᠥᠨ ᠤᠨ ᠵᠠᠬᠥᠲᠦ ᠰᠠᠢ᠌ᠬᠠᠨ
ᠭᠣᠶᠣᠬᠠᠨ ᠶᠠᠩᠵᠣ ᠶᠢᠨ ᠵᠢᠷᠣᠭ ᠲᠤ ᠰᠦᠨᠢᠵᠢᠨ ᠰᠣᠭᠳᠣᠭᠣᠷᠠᠵᠣ ᠲᠣᠭᠵᠢᠷᠠᠨᠠ᠃
ᠵᠠᠪᠢᠯᠠᠭᠠ ᠪᠣᠷᠬᠠᠨ ᠨᠠᠮᠰᠠᠷᠠᠢ ᠵᠠᠯᠠᠷᠠᠵᠣ ᠪᠠᠭᠣᠵᠣ ᠦᠵᠡᠭ᠍ᠳᠡᠨᠡ᠂
ᠵᠠᠭ ᠤᠨ ᠲᠣᠮᠳᠠ ᠠᠯᠬᠣᠯᠠᠳᠠᠭ ᠮᠠᠢ᠌ᠭᠠ ᠬᠦᠯ ᠲᠡᠶ ᠠᠪᠣ ᠮᠢᠨᠢ ᠪᠠᠢ᠌ᠨᠠ
ᠬᠣᠮᠰᠢᠮ ᠪᠣᠳᠢᠰᠳ᠋ᠸᠠ ᠰᠢᠲᠦᠬᠡᠨ ᠬᠣᠳᠠᠨ ᠲᠣᠮᠳᠠ ᠠᠯᠬᠣᠯᠠᠨᠠ᠂
ᠬᠣᠪᠢᠡᠭ ᠲᠣᠬᠣᠢ ᠳᠠᠭᠠᠨ ᠡᠯᠬᠥᠭ᠍ᠰᠡᠨ ᠮᠣᠢ᠌ᠨᠣᠭ ᠬᠣᠷᠣᠭᠣ ᠲᠡᠶ ᠡᠵᠢ ᠮᠢᠨᠢ ᠪᠠᠢ᠌ᠨᠠ᠃
《 ᠪᠣᠰ ᠳ᠋ᠠ᠂ ᠪᠣᠰ ᠬᠦᠤ ᠮᠢᠨᠢ︕ ᠪᠣᠳᠣᠭᠣ ᠪᠡᠯᠴᠢᠬᠡᠬᠥ ᠪᠣᠯᠵᠠᠢ 》 ᠬᠡᠬᠥ
ᠪᠣᠷᠬᠠᠨ ᠡᠵᠢ ᠶᠢᠨ ᠣᠶᠠᠬᠠᠨ ᠣᠷᠢᠶᠠᠨ ᠳᠤ ᠪᠣᠷᠵᠢᠭᠠᠷ ᠰᠢᠷᠡᠬᠥ᠋ᠤ ᠬᠠᠷᠠᠢ᠌ᠨ ᠭᠠᠷᠣᠨᠠ᠃
ᠮᠦᠩᠬᠡ ᠪᠠᠢ᠌ᠭᠠᠯᠢ ᠶᠢᠨ ᠡᠴᠢᠬᠡ ︱ ᠨᠠᠷᠠ ᠲᠣᠯᠠᠢ᠌ᠨ ᠮᠠᠠᠳᠣᠵᠠᠢ᠂
ᠮᠥᠷᠣᠬᠡᠳᠥᠯ ᠤᠨ ᠭᠣᠪᠢ ᠳᠤ ᠬᠣᠷᠭᠣᠳᠠᠭᠰᠠᠨ ᠪᠢᠵᠠ᠂ ᠰᠠᠷᠠ ᠬᠡᠬᠡᠷᠡ ᠬᠣᠨᠣᠵᠠᠢ᠃
ᠭᠣᠷᠪᠠᠨ ᠡᠳᠣᠷ ᠵᠠᠬᠥᠨ ᠡᠴᠡ ᠵᠦᠬᠡᠯᠡᠨ ᠰᠠᠯᠬᠢ ᠰᠡᠪᠡᠯᠵᠡᠬᠡᠥᠨ
ᠭᠣᠨᠠᠨ ᠪᠣᠯᠠᠭᠠ ᠶᠢᠨ ᠰᠣᠷ ᠰᠢᠭ ᠵᠦᠰᠡᠷ ᠪᠣᠷᠣᠭᠠᠨ ᠴᠠᠩᠬᠡᠷᠯᠡᠨᠡ
ᠬᠣᠷᠠ ᠶᠢᠨ ᠲᠠᠷᠠᠭᠠᠬᠢ ᠬᠣᠩᠭ᠋ᠣᠷ ᠭᠣᠪᠢ ᠡᠳᠣᠷ ᠡᠴᠡ ᠡᠳᠣᠷ ᠥᠩᠬᠡᠵᠢᠨ
ᠬᠣᠷᠢᠮ ᠳᠠᠭᠠᠨ ᠮᠣᠷᠳᠠᠬᠣ ᠰᠢᠨᠠ ᠪᠠᠷᠢ ᠰᠢᠭ᠌ ᠦᠵᠡᠰᠬᠥᠯᠡᠨᠭ᠌ ᠭᠣᠸᠠ ᠪᠦᠷᠢᠳᠦᠨᠠ
ᠬᠦᠮᠥᠨ ᠪᠠᠢ᠌ᠭᠠᠯᠢ ᠨᠢ ᠵᠤᠬᠢᠴᠠᠭᠰᠠᠨ ᠮᠢᠨᠣ ᠭᠣᠪᠢ ᠨᠣᠳᠣᠭ
ᠬᠦᠷᠥᠰᠣᠲᠦ ᠠᠯᠠᠭ ᠲᠡᠯᠠᠬᠡᠢ ᠶᠢᠨ ᠬᠠᠮᠣᠭ ᠴᠢᠯᠦᠬᠡᠲᠦ ᠣᠷᠣᠨ᠂
ᠬᠦᠨᠥᠭ ᠬᠣᠭᠣᠰᠣᠷᠠᠵᠣ᠂ ᠮᠠᠨᠢ ᠲᠠᠰᠣᠷᠠᠳᠠᠭ ᠦᠭᠡᠶ ᠪᠣᠷᠬᠠᠨ ᠪᠣᠮᠪᠠ ᠶᠢᠨ ᠨᠣᠳᠣᠭ
ᠬᠦᠮᠥᠨ ᠠᠮᠢᠳᠠᠨ ᠤ ᠦᠷᠡ ᠪᠣᠯᠣᠭᠰᠠᠳ ᠵᠠᠪᠠᠯ ᠣᠴᠢᠮᠠᠷ ᠭᠠᠵᠠᠷ᠃
ᠭᠣᠪᠢ ᠶᠢᠨ ᠮᠢᠩᠭ᠋ᠠᠨ ᠬᠦᠢᠰᠦᠳᠡᠨ ᠬᠡᠵᠦ ᠭᠣᠯᠢᠶᠠ ᠨᠢ ᠴᠤ ᠬᠦᠷᠳᠡᠯᠡ ᠲᠠᠭᠣᠴᠢᠨ᠂
ᠭᠣᠶᠣᠤ᠂ ᠰᠣᠵᠦᠡᠭ᠂ ᠬᠦᠮᠡᠯᠢ ᠶᠢᠨ ᠰᠢᠷᠬᠡᠭ᠌ ᠪᠦᠬᠥᠳᠡ ᠨᠢ ᠰᠢᠮᠠ᠃
ᠴᠢᠩᠬᠢᠰ ᠴᠢᠩᠬᠢᠰ ᠵᠢᠷᠬᠢᠬᠥ ᠬᠣᠯᠠᠨ ᠵᠢᠷᠣᠭᠠ ᠨᠢ ᠮᠠᠠᠳᠣ ᠲᠡᠶ
ᠴᠢᠰ ᠴᠢᠰ ᠬᠣᠰᠬᠢᠷᠠᠬᠣ ᠬᠣᠯᠣᠭᠠᠨᠠ ᠵᠤᠷᠠᠮᠠ ᠨᠢ ᠴᠤ ᠬᠥᠭ᠌ ᠲᠡᠶ᠃
ᠡᠥᠮᠣᠭᠯᠡᠨᠭ᠌ ᠡᠷᠠ ᠶᠢᠨ ᠢᠰᠬᠡᠷᠥᠬᠡᠨ ᠳᠤ ᠬᠣᠷᠮᠣᠢ ᠲᠡᠷᠪᠡᠭ᠍ᠰᠡᠨ ᠰᠠᠯᠬᠢ ᠲᠡᠶ
ᠣᠪᠣᠭᠠᠨ ᠲᠠᠬᠢᠯᠭᠠ ᠶᠢᠨ ᠬᠣᠷᠣᠢ᠌ᠯᠭᠠᠨ ᠳᠤ ᠬᠣᠷᠭᠣᠢ ᠨᠠᠮᠢᠷᠠᠭᠠ ᠪᠣᠷᠣᠭᠠᠨ ᠲᠡᠶ
ᠰᠠᠢ᠌ᠨ ᠬᠠᠳᠠᠨ ᠡᠷᠠᠰ ᠤᠨ ᠰᠠᠳᠬᠢᠯ ᠣᠶᠠᠷᠠᠮᠠ ᠭᠣᠪᠢ︕
ᠰᠠᠢ᠌ᠬᠠᠨ ᠭᠣᠸᠠ ᠦᠬᠢᠥᠨ ᠤᠨ ᠢᠨᠠᠭ ᠠᠯᠳᠠᠷᠠᠮᠠ ᠭᠣᠪᠢ︕
ᠵᠠᠭᠣᠨ ᠲᠥᠷᠥᠯ ᠤᠨ ᠰᠢᠮᠫᠣᠨᠢ ︱ ᠬᠥᠭ᠍ᠵᠢᠮ ᠲᠠᠭᠣᠷᠢᠰᠣᠭᠰᠠᠨ ᠭᠣᠪᠢ︕
ᠵᠢᠷᠣᠭ ᠤᠨ ᠰᠠᠢ᠌ᠬᠠᠨ ᠹᠢᠯᠢᠮ ︱ ᠵᠠᠬᠥᠳᠥᠨ ᠤ ᠭᠠᠩᠭ᠋ᠠᠩ ᠭᠣᠪᠢ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠠᠯᠠᠱᠠ ᠪᠠᠷᠠᠭᠣᠨ ᠬᠣᠰᠢᠭᠣᠨ ᠤ ᠵᠢᠭᠠᠬᠣ ᠶᠢ ᠰᠣᠳᠣᠯᠬᠣ ᠲᠠᠰᠣᠭ
ᠵᠤᠬᠢᠶᠠᠭᠴᠢ᠄ ᠬᠡ᠊·ᠰᠢᠷᠠᠬᠦ᠋ᠦ
ᠢᠷᠡᠯᠲᠡ᠄ ᠬ·ᠪᠦᠬᠡᠮᠡᠨᠳᠤᠯᠠ
ᠬᠠᠷᠢᠶᠠ᠄ 《
ᠦᠨᠢᠷ ᠴᠡᠴᠡᠭ 》
ᠳᠠᠷᠤᠮ᠄ 9638
ᠴᠠᠭ᠄ 2009 ᠤᠨ ᠤ 04 ᠰᠠᠷᠠ ᠶᠢᠨ 15
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ