☆ ᠴᠤ᠊·ᠭᠡᠷᠡᠯᠪᠠᠭᠠᠳᠤᠷ
ᠨᠤᠳᠤᠭ ᠬᠡᠯᠡ ᠬᠤᠶᠠᠷ
ᠨᠤᠳᠤᠭ ᠭᠡᠯᠡ ᠬᠤᠶᠠᠷ
ᠨᠢᠳᠤ ᠨᠢᠯᠪᠣᠰᠤ ᠬᠤᠶᠠᠷ ᠪᠠᠢ᠌ᠭᠰᠠᠨ ᠶᠤᠮ
ᠵᠢᠷᠭᠠᠯ ᠴᠡᠩᠭᠡᠯ ᠤᠨ ᠨᠢᠯᠪᠣᠰᠤ
ᠵᠢᠪᠠᠷᠳᠠᠢ ᠭᠤᠨᠢᠭ ᠤᠨ ᠠᠶᠠᠰ ᠶᠢᠡᠷ ᠡᠰᠭᠡᠭ᠍ᠳᠡᠭᠦ ᠶᠤᠮ
ᠨᠤᠳᠤᠭ ᠭᠡᠯᠡ ᠬᠤᠶᠠᠷ
ᠣᠪᠣᠭᠠ ᠳᠠᠭᠢᠯᠭᠠ ᠬᠤᠶᠠᠷ ᠪᠠᠢ᠌ᠭᠰᠠᠨ ᠶᠤᠮ
ᠣᠩᠭ᠋ᠤᠨ ᠳᠠᠭᠢᠯᠭᠠᠳᠤ ᠣᠪᠣᠭᠠ
ᠣᠯᠠᠭᠠᠨ ᠭᠠᠩ ᠶᠢᠡᠷ ᠮᠡᠭ᠍ᠰᠢᠭᠦ ᠶᠤᠮ
ᠨᠤᠳᠤᠭ ᠭᠡᠯᠡ ᠬᠤᠶᠠᠷ
ᠰᠦ᠋ ᠰᠦᠵᠢᠭ ᠬᠤᠶᠠᠷ ᠪᠠᠢ᠌ᠭᠰᠠᠨ ᠶᠤᠮ
ᠬᠠᠢ᠌ᠷᠠ ᠶᠢᠨ ᠴᠠᠭᠠᠨ ᠰᠥ᠋
ᠭᠡᠭᠡᠷᠡ ᠶᠢᠨ ᠮᠠᠨᠠᠨ ᠶᠢᠡᠷ ᠡᠭᠡᠳᠡᠭᠦ ᠶᠤᠮ
ᠨᠤᠳᠤᠭ ᠭᠡᠯᠡ ᠬᠤᠶᠠᠷ
ᠵᠢᠷᠦᠭᠡ ᠳᠠᠷᠢᠭᠢ ᠬᠤᠶᠠᠷ ᠪᠠᠢ᠌ᠭᠰᠠᠨ ᠶᠤᠮ
ᠵᠢᠷᠦᠭᠡᠨ ᠤ ᠴᠠᠭᠠᠨ ᠦᠴᠢᠯ
ᠵᠣᠢ᠌ᠳᠠᠯ ᠦᠭᠡᠶ ᠳᠡᠭ᠍ᠷᠢ ᠳᠤ ᠠᠶᠤᠩᠭ᠋ᠠᠯᠠᠬᠤ ᠶᠤᠮ
ᠨᠤᠳᠤᠭ ᠭᠡᠯᠡ ᠬᠤᠶᠠᠷ
ᠨᠠᠭᠤᠷ ᠬᠤᠨ ᠬᠤᠶᠠᠷ ᠪᠠᠢ᠌ᠭᠰᠠᠨ ᠶᠤᠮ
ᠦᠨᠤᠴᠢᠨ ᠭᠡᠳᠤᠨ ᠬᠤᠨ
ᠡᠪᠦᠯ ᠤᠨ ᠡᠭᠢᠨ ᠡᠴᠡ ᠪᠦᠯᠳᠡᠭᠡᠨᠡᠭᠦ ᠶᠤᠮ
ᠨᠤᠳᠤᠭ ᠭᠡᠯᠡ ᠬᠤᠶᠠᠷ
ᠡᠭᠡ ᠰᠤᠷᠭᠠᠭᠤᠯᠢ ᠡᠷᠭᠡ ᠭᠡᠦᠭᠡᠤᠨ ᠬᠤᠶᠠᠷ ᠪᠠᠢ᠌ᠭᠰᠠᠨ ᠶᠤᠮ
ᠰᠤᠮᠤᠨ ᠤ ᠭᠡᠳᠤᠨ ᠰᠤᠷᠭᠠᠭᠤᠯᠢ
ᠳᠤᠯᠢᠨ ᠤ ᠳᠤᠭᠤᠰᠤ ᠰᠢᠭ ᠠᠷᠴᠢᠭᠳᠠᠬᠤ ᠶᠤᠮ
ᠨᠤᠳᠤᠭ ᠭᠡᠯᠡ ᠬᠤᠶᠠᠷ
ᠠᠭᠠᠷ ᠣᠰᠤ ᠬᠤᠶᠠᠷ ᠪᠠᠢ᠌ᠭᠰᠠᠨ ᠶᠤᠮ
ᠠᠯᠳᠠᠨ ᠳᠠᠪᠤᠨ ᠮᠦᠰᠤ ᠪᠠᠷ
ᠠᠯᠤᠩᠭ᠋ᠤᠸᠠ ᠡᠵᠢ ᠮᠢᠨᠢ ᠵᠠᠭᠢᠭᠰᠠᠨ ᠶᠤᠮ
ᠨᠤᠳᠤᠭ ᠭᠡᠯᠡ ᠬᠤᠶᠠᠷ
ᠴᠢᠰᠤ ᠶᠠᠰᠤ ᠬᠤᠶᠠᠷ ᠮᠢᠨᠢ ᠪᠠᠢ᠌ᠭᠰᠠᠨ ᠶᠤᠮ
ᠴᠢᠩᠭᠢᠰ ᠪᠣᠭᠳᠠ ᠮᠢᠨᠢ ᠴᠢ ᠪᠢᠳᠠᠨ ᠳ᠋ᠤ
ᠴᠡᠯᠮᠡᠭ᠌ ᠪᠦᠳᠤᠨ ᠶᠢᠡᠷ ᠨᠢ ᠥᠯᠡᠳᠡᠭᠡᠭ᠍ᠰᠡᠨ ᠶᠤᠮ
ᠬᠠᠷᠠᠬᠤᠷᠤᠮ ᠤᠨ ᠴᠢᠯᠠᠭᠤᠨ ᠮᠡᠯᠡᠭᠡᠢ
ᠳᠦᠷᠤ ᠶᠢᠨ ᠵᠢᠯᠤᠭᠤ
ᠳᠣᠢ᠌ᠮᠠᠷ ᠤᠨ ᠭᠠᠯ ᠊ᠢ
ᠳᠤᠭᠤᠯᠤᠭᠠ ᠦᠭᠡᠶ ᠶᠤᠮ ᠰᠢᠭ᠌
ᠳᠠᠢ᠌ᠪᠣᠩ
ᠵᠠᠳᠠᠷᠠᠭᠰᠠᠨ ᠣᠷᠤᠭ ᠊ᠤᠨ
ᠵᠤᠳᠠᠷᠠᠭᠰᠠᠨ ᠳᠡᠦᠭᠡ ᠵᠢ
ᠵᠠᠨᠤᠭᠠ ᠦᠭᠡᠶ ᠶᠤᠮ ᠰᠢᠭ᠌
ᠳᠠᠢ᠌ᠪᠣᠩ
ᠴᠡᠯᠮᠡᠭ᠌ ᠣᠷᠬᠤᠨ ᠊ᠤ
ᠡᠮᠨᠢᠭ᠌ ᠣᠷᠤᠰᠬᠠᠯ ᠊ᠢ
ᠴᠢᠩᠨᠠᠭᠠ ᠦᠭᠡᠶ ᠶᠤᠮ ᠰᠢᠭ᠌
ᠳᠠᠢ᠌ᠪᠣᠩ
ᠭᠠᠵᠠᠷ ᠳᠡᠭ᠍ᠷᠢ ᠬᠤᠶᠠᠷ ᠢ ᠡᠯᠡᠭᠯᠡᠭᠦ ᠰᠢᠭ᠌
ᠭᠠᠪᠢᠶᠠ ᠭᠠᠢ ᠬᠤᠶᠠᠷ ᠢ ᠭᠡᠷᠡᠴᠢᠯᠡᠭᠦ ᠰᠢᠭ᠌
ᠬᠠᠷᠠᠬᠤᠷᠤᠮ ᠤᠨ ᠴᠢᠯᠠᠭᠤᠨ ᠮᠡᠯᠡᠭᠡᠢ
ᠬᠠᠭᠠᠨ ᠰᠢᠭ ᠳᠠᠢ᠌ᠪᠣᠩ
ᠵᠤᠭᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠭᠦᠪᠠᠭᠡᠳᠤ ᠰᠢᠷᠠ ᠬᠤᠰᠢᠭᠤᠨ ᠤ ᠣᠤᠠᠬᠠ ᠣᠷᠠᠯᠢᠭ ᠤᠨ ᠭᠢᠨ ᠤ ᠬᠤᠯᠪᠣᠭᠠ
ᠵᠤᠬᠢᠶᠠᠭᠴᠢ᠄ ᠴᠤ᠊·ᠭᠡᠷᠡᠯᠪᠠᠭᠠᠳᠤᠷ
ᠢᠷᠡᠯᠲᠡ᠄ ᠬ·ᠪᠦᠬᠡᠮᠠᠨᠳᠤᠯᠠ
ᠬᠠᠷᠢᠶᠠ᠄ 《
ᠦᠨᠢᠷ ᠴᠡᠴᠡᠭ 》
ᠳᠠᠷᠤᠮ᠄ 10781
ᠴᠠᠭ᠄ 2009 ᠤᠨ ᠤ 05 ᠰᠠᠷᠠ ᠶᠢᠨ 12
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ