ᠲᠦᠷᠪᠡ ᠂ ᠶᠠᠰᠤ ᠪᠠᠷᠢᠶᠠᠴᠢ
ᠵᠤᠨ ᠤ ᠡᠬᠥᠯᠡ ᠲᠣᠭᠣᠰᠣ ᠦᠭᠡᠶ ᠨᠢᠬᠡ ᠡᠳᠣᠷ ᠤᠨ ᠦᠷᠯᠦᠬᠡ᠂ ᠰᠠᠮᠠᠭᠠ ᠬᠡᠯᠡ ᠨᠢ ᠣᠨᠠᠭᠰᠠᠨ ᠲᠡᠪᠢᠬᠥᠷ ᠰᠣᠭᠣᠪᠳᠠᠭᠠᠳ ᠢᠩ ᠤᠨ ᠬᠡᠷ ᠲᠤ ᠣᠷᠣᠵᠣ ᠢᠷᠠᠪᠠ᠃ ᠭᠠᠶᠠ ᠪᠠᠷᠠᠭᠣᠨ ᠲᠠᠰᠣᠯᠭᠠᠨ ᠡᠴᠡ ᠪᠠᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠡᠷᠬᠡᠨ ᠪᠣᠳᠠᠭᠠ ᠢᠩᠳᠡᠬᠥ ᠬᠡᠵᠦ ᠪᠠᠢ᠌ᠨᠠ ᠦᠦ︖ ᠬᠡᠬᠥ ᠳᠤ ᠰᠠᠮᠠᠭᠠ᠂ ᠢᠩ ᠢ ᠣᠷᠢᠳ ᠶᠢᠠᠷ ᠡᠵᠡᠯᠡᠭ᠍ᠰᠡᠨ ᠤ ᠲᠡᠮᠳᠡᠭ ᠪᠣᠯᠭᠠᠵᠣ ᠲᠡᠪᠢᠬᠥᠷ ᠶᠢᠠᠨ ᠢᠩ ᠤᠨ ᠭᠣᠣᠯ ᠳᠤ ᠬᠦᠮᠥᠷᠢᠵᠦ ᠲᠠᠯᠪᠢᠬᠣ ᠶᠢᠨ ᠲᠠᠭᠠᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠬᠡ ᠲᠣᠭᠣᠭᠠ ᠮᠣᠩᠭ᠋ᠣᠯ ᠬᠠᠭᠣᠷᠣᠭᠰᠠᠨ ᠶᠣᠮ᠃ ᠡᠬᠥᠯᠡ ᠴᠢᠬᠢᠭ᠌ ᠦᠭᠡᠶ ᠪᠠᠢ᠌ᠬᠣ ᠳ᠋ᠤᠨᠢ ᠵᠠᠪᠳᠣᠭᠠᠳ ᠢᠩᠳᠡᠴᠢᠬᠡᠢᠡ ᠬᠡᠵᠦ ᠬᠡᠯᠡᠬᠡᠥᠨ ᠭᠠᠷᠴᠣ ᠶᠠᠪᠣᠬᠣ ᠳᠠᠭᠠᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠢᠩ ᠳᠤ ᠦᠬᠡᠷᠡ ᠬᠦᠮᠥᠨ ᠢ ᠪᠢᠳᠡᠬᠡᠢ ᠢᠩᠳᠡᠬᠥᠯᠵᠦ ᠪᠠᠢ ᠳ᠋ᠠ᠂ ᠪᠢ ᠡᠯᠵᠢᠬᠡ ᠪᠠᠨ ᠪᠠᠷᠢᠭᠠᠳ ᠢᠷᠠᠶᠠ ᠬᠡᠵᠦ ᠵᠠᠬᠢᠪᠠ᠃ ᠰᠠᠮᠠᠭᠠ ᠶᠠᠪᠣᠭᠠᠳ ᠲᠠᠮᠠᠢ ᠣᠳᠠᠯ ᠦᠭᠡᠶ ᠭᠠᠩᠷᠠᠢ᠂ ᠡᠷᠬᠡ ᠶᠢᠨ ᠰᠠᠭᠠᠷᠠᠯ ᠡᠯᠵᠢᠬᠡᠨ ᠲᠡᠬᠡᠷᠡ ᠳᠤᠮᠳᠠᠭᠤᠷ ᠣᠭᠣᠳᠠ ᠪᠣᠳᠠᠭᠠ ᠠᠴᠢᠭᠠᠳ ᠢᠩ ᠤᠨ ᠬᠡᠷ ᠲᠤ ᠣᠷᠣᠵᠣ ᠢᠷᠠᠪᠠ᠃ ᠲᠠᠷᠠ᠂ ᠭᠠᠶᠠ ᠶᠢ ᠦᠵᠡᠨ ᠶᠠᠳᠠᠬᠣ ᠪᠣᠯᠣᠭᠰᠠᠨ ᠡᠴᠡ ᠪᠠᠷᠠᠭᠣᠨ ᠲᠠᠰᠣᠯᠭᠠᠨ ᠤ ᠡᠬᠥᠳᠡ ᠣᠷᠣᠭᠣ ᠴᠠᠭᠠᠨ ᠨᠢᠳᠣ ᠪᠠᠷ ᠴᠠᠢ᠌ᠪᠠᠢ᠌ᠨ ᠬᠠᠷᠠᠭᠰᠠᠨ ᠶᠢᠠᠨ ᠢᠩ ᠤᠨ ᠭᠣᠣᠯ ᠳᠤ ᠪᠠᠢ᠌ᠭᠰᠠᠨ ᠲᠡᠪᠢᠬᠥᠷ ᠢ ᠠᠪᠴᠣ ᠪᠣᠯᠣᠩ ᠳᠤ ᠬᠠᠶᠠᠭᠠᠳ ᠡᠯᠵᠢᠬᠡ ᠪᠠᠨ ᠬᠦᠯᠦᠪᠡ᠃ ᠲᠡᠬᠥᠨ ᠢ ᠡᠯᠵᠢᠬᠡ ᠪᠠᠨ ᠬᠦᠯᠦᠬᠡᠥᠨ ᠪᠠᠷᠠᠳᠠᠯᠠ ᠪᠣᠷᠪᠢ ᠶᠢᠨ ᠬᠣᠶ᠋ᠢᠨᠠ ᠡᠴᠡ ᠨᠢ ᠰᠠᠮᠠᠭᠠ ᠣᠷᠣᠵᠣ ᠢᠷᠠᠪᠠ᠃ ᠲᠠᠷᠠ᠂ ᠲᠡᠪᠢᠬᠥᠷ ᠨᠢ ᠬᠡᠷᠡᠮ ᠤᠨ ᠪᠣᠯᠣᠩ ᠳᠤ ᠬᠠᠶᠠᠭᠳᠠᠭᠰᠠᠨ ᠢ ᠦᠵᠡᠬᠡᠥᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠣᠷᠢᠳ ᠶᠢᠠᠷ ᠡᠵᠠᠯᠠᠵᠣ ᠲᠠᠯᠪᠢᠭᠰᠠᠨ ᠰᠢᠤ᠂ ᠶᠠᠮᠠᠷ ᠶᠣᠰᠣ ᠮᠡᠳᠡᠬᠥ ᠦᠭᠡᠶ ᠬᠦᠮᠥᠨ ᠶᠣᠮ︖ ᠬᠡᠪᠡ᠃ ᠭᠠᠩᠷᠠᠢ ᠰᠣᠨᠣᠰᠣᠭᠰᠠᠨ ᠦᠬᠡᠢ ᠶᠣᠮ ᠰᠢᠭ ᠣᠭᠣᠳᠠ ᠲᠡᠶ ᠪᠣᠳᠠᠭᠠ ᠪᠠᠨ ᠢᠩ ᠤᠨ ᠲᠠᠢ᠌ᠰᠠᠨ ᠲᠡᠬᠡᠷᠡ ᠴᠢᠳᠬᠣᠬᠣ ᠶᠢᠨ ᠲᠠᠭᠠᠤ ᠡᠯᠵᠢᠬᠡ ᠪᠠᠨ ᠰᠢᠪᠬᠠᠷᠳᠠᠵᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠦᠬᠥ︕ ᠬᠡᠪᠡ᠃ ᠦᠵᠡᠵᠦ ᠪᠠᠢ᠌ᠭᠰᠠᠨ ᠰᠠᠮᠠᠭᠠ ᠶᠢᠨ ᠲᠣᠳᠣᠷᠠ ᠠᠬᠤᠰ ᠬᠡᠵᠦ ᠡᠯᠵᠢᠬᠡᠨ ᠨᠣᠭᠳᠣ ᠡᠴᠡ ᠨᠢ ᠪᠠᠷᠢᠵᠣ ᠠᠪᠣᠭᠠᠳ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠠᠩᠷᠠᠢ ᠴᠢ ᠪᠠᠶᠠ ᠪᠠᠨ ᠮᠠᠳᠠ︕ ᠡᠷᠬᠡ ᠲᠡᠶ ᠨᠠᠢ᠌ᠯᠠᠯᠠ ᠬᠡᠥᠨ ᠬᠦᠮᠥᠨ ᠲᠠᠷᠣᠯᠠᠬᠣ ᠨᠢ ᠦᠦ︖ ᠬᠡᠵᠦ ᠶᠠᠷᠠ ᠶᠢ ᠨᠢ ᠮᠠᠯᠳᠠᠪᠠᠯ ᠭᠠᠩᠷᠠᠢ ᠶᠢᠨ ᠨᠢᠳᠣ ᠡᠷᠠᠢ᠌ᠵᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢᠳᠠᠯ ᠲᠡᠶ ᠪᠣᠯ ᠴᠢ ᠪᠠᠰᠠ ᠨᠢᠬᠡ ᠶᠢ ᠣᠯᠣᠭᠠᠳ ᠲᠠᠭᠠᠭᠣᠯᠬᠣ ᠦᠭᠡᠶ ᠦᠦ︖ ᠴᠢᠮᠠ ᠰᠢᠭ ᠬᠠᠳᠠᠩᠬᠢᠷ ᠬᠠᠷᠠ ᠶᠢ ᠵᠠᠮ ᠲᠡᠬᠡᠷᠡ ᠪᠠᠢ᠌ᠭᠰᠠᠨ ᠴᠤ ᠠᠪᠬᠣ ᠬᠦᠮᠥᠨ ᠦᠭᠡᠶ ᠬᠡᠵᠦ ᠬᠣᠷᠣᠰᠭᠠᠨᠠ᠃ ᠢᠩ ᠤᠨ ᠬᠡᠷ ᠤᠨ ᠬᠡᠷᠡᠬᠥᠯ ᠢ ᠰᠣᠨᠣᠰᠴᠣ ᠣᠶ᠋ᠢᠷᠠ ᠣᠷᠴᠢᠮ ᠤᠨ ᠡᠮᠠᠰ ᠬᠡᠣᠬᠡᠥᠨ ᠴᠣᠭᠯᠠᠷᠠᠪᠠ᠃ ᠵᠠᠷᠢᠮ ᠨᠢ ᠬᠡᠷᠡᠬᠥᠯ ᠰᠠᠯᠭᠠᠬᠣ ᠬᠡᠵᠦ ᠣᠷᠣᠯᠳᠣᠬᠣ ᠳᠤ ᠵᠠᠷᠢᠮ ᠨᠢ ᠶᠧᠨᠦ ᠦᠵᠡᠵᠦ ᠵᠤᠭᠰᠣᠨᠠ᠃ ᠰᠠᠮᠠᠭᠠ᠂ ᠭᠠᠶᠠ ᠶᠢ ᠲᠠᠭᠣᠳᠠᠨ ᠭᠠᠷᠭᠠᠵᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠬᠠᠷᠠ ᠦᠷᠯᠦᠬᠡ ᠢᠷᠡᠬᠡᠥᠨ ᠲᠡᠪᠢᠬᠥᠷ ᠶᠢᠠᠨ ᠲᠠᠯᠪᠢᠭᠰᠠᠨ᠃ ᠬᠣᠳᠠᠯ ᠬᠡᠪᠡᠯ ᠲᠠ ᠨᠡᠷ ᠭᠠᠶᠠ ᠡᠴᠡ ᠠᠰᠠᠭᠣ ᠬᠡᠪᠡ᠃ ᠭᠠᠶᠠ ᠲᠣᠯᠣᠭᠠᠢ ᠪᠠᠨ ᠮᠠᠭᠠᠵᠢᠭᠰᠠᠭᠠᠷ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠᠢ᠌ᠮᠣ᠂ ᠲᠠᠢ᠌ᠮᠣ᠃ ᠰᠠᠮᠠᠭᠠ ᠪᠡᠷᠬᠡᠨ ᠲᠡᠪᠢᠬᠥᠷ ᠶᠢᠠᠨ ᠲᠠᠯᠪᠢᠭᠠᠳ ᠪᠠᠰᠠ ᠨᠠᠳᠠ ᠨᠠᠢ᠌ᠳᠠᠭᠠᠳ ᠶᠠᠪᠣᠭᠰᠠᠨ ᠶᠣᠮ᠃ ᠪᠢ ᠭᠠᠩᠷᠠᠢ ᠶ᠋ᠢᠨ ᠣᠷᠣᠵᠣ ᠢᠷᠡᠭ᠍ᠰᠡᠨ ᠢ ᠮᠡᠳᠡᠭ᠍ᠰᠡᠨ ᠦᠭᠡᠶ ᠬᠡᠪᠡ᠃ ᠭᠠᠩᠷᠠᠢ ᠨᠢᠭᠣᠷ ᠣᠯᠣᠭᠰᠠᠨ ᠦᠭᠡᠶ ᠪᠣᠯᠬᠣ ᠳᠠᠭᠠᠨ ᠢᠩ ᠤᠨ ᠲᠡᠬᠡᠷᠡ ᠡᠴᠠ ᠪᠣᠳᠠᠭᠠ ᠪᠠᠨ ᠱᠦᠬᠥᠷᠳᠡᠨ ᠬᠡᠣᠳᠡᠢ᠌ᠯᠡᠵᠦ᠂ ᠡᠯᠵᠢᠬᠡᠨ ᠲᠣ᠋ ᠵᠢ ᠠᠯᠳᠠᠷᠭᠠᠮᠠᠭᠴᠠ ᠪᠥᠭ᠍ᠰᠡ ᠣᠷᠣᠭᠣ ᠨᠢ ᠭᠣᠶᠠᠳᠠᠬᠣ ᠳᠤ ᠨᠢᠳᠣᠨ ᠪᠦᠳᠡᠬᠡᠯᠬᠡ ᠶᠢ ᠨᠢ ᠠᠪᠣᠭᠰᠠᠨ ᠦᠭᠡᠶ ᠡᠯᠵᠢᠬᠡ ᠬᠠᠮᠢᠭᠠᠰᠢ ᠶᠠᠪᠣᠬᠣ ᠪᠠᠨ ᠣᠯᠬᠣ ᠦᠭᠡᠶ ᠣᠷᠣᠨ ᠳᠠᠭᠠᠨ ᠲᠡᠪᠬᠡᠴᠡᠨᠡ᠃ ᠭᠠᠩᠷᠠᠢ ᠪᠠᠢ᠌ᠭᠰᠠᠨ ᠠᠭᠣᠷ ᠶᠢᠠᠨ ᠡᠯᠵᠢᠬᠡᠨ ᠳᠤ ᠭᠠᠷᠭᠠᠵᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠢ᠌ᠯ ᠤᠨ ᠪᠣᠭ ᠮᠠᠭᠣ ᠬᠠᠷᠠ ᠴᠢ᠂ ᠦᠬᠥᠭ᠍ᠰᠡᠨ ᠶᠢᠠᠨ ᠵᠦᠷᠢᠭᠦᠳᠯᠡᠬᠡᠥᠨ ᠪᠠᠢ᠌ᠬᠣ ᠶᠣᠮ︖ ᠬᠡᠵᠦ ᠴᠣᠬᠢᠬᠣ ᠬᠡᠳᠡᠯᠡ ᠨᠢᠬᠡ ᠬᠡᠣᠬᠡᠥᠨ ᠬᠦᠶᠥᠵᠦ ᠢᠷᠡᠬᠡᠥᠨ ᠡᠯᠵᠢᠬᠡᠨ ᠪᠦᠳᠡᠬᠡᠯᠬᠡ ᠶᠢ ᠨᠢ ᠠᠪᠣᠪᠠ᠃ ᠨᠠᠷᠢᠨ ᠰᠢᠪᠰᠢᠷᠭᠠ ᠦᠵᠡᠭ᠍ᠰᠡᠨ ᠡᠯᠵᠢᠬᠡ ᠰᠡᠬᠥᠯ ᠶᠢᠠᠨ ᠬᠠᠪᠴᠢᠨ ᠭᠣᠰ ᠦᠰᠥᠷᠬᠥ ᠳ᠋ᠤᠨᠢ ᠭᠠᠩᠷᠠᠢ ᠲᠠᠳᠠᠭᠳᠠᠨ᠂ ᠲᠥᠷᠪᠡᠨ ᠮᠦᠴᠢ ᠨᠢ ᠲᠡᠬᠡᠭ᠍ᠰᠢ ᠬᠠᠷᠠᠵᠣ ᠰᠠᠷᠪᠠᠢ᠌ᠨ ᠣᠨᠠᠪᠠ᠃ ᠲᠣᠭᠣᠷᠢᠭᠰᠠᠨ ᠬᠦᠮᠥᠰ ᠬᠦᠷ ᠬᠡᠳᠡᠯᠡ ᠢᠨᠢᠶᠡᠯᠴᠡᠬᠥ ᠳᠤ ᠭᠠᠩᠷᠠᠢ ᠬᠣᠪᠴᠠᠰᠣᠨ ᠲᠡᠬᠡᠷᠡᠬᠢ ᠲᠣᠭᠣᠰᠣ ᠰᠢᠷᠣᠢ ᠪᠠᠨ ᠬᠦᠪᠢᠵᠦ ᠰᠠᠪᠠᠭᠰᠠᠭᠠᠷ ᠪᠣᠰᠴᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠠᠮᠠᠭᠠ ᠴᠢ ᠪᠣᠤ ᠶᠠᠭᠠᠷᠠᠵᠣ ᠪᠠᠢ︕ ᠬᠡᠵᠦ ᠵᠠᠨᠣᠭᠠᠳ ᠭᠠᠷᠴᠣ ᠶᠠᠪᠣᠪᠠ᠃ ᠡᠨᠠ ᠬᠣᠭᠣᠷᠣᠠᠳᠣ ᠰᠠᠭᠠᠷᠠᠯ ᠡᠯᠵᠢᠬᠡ ᠴᠣᠯᠪᠣᠭᠣᠷ ᠶ᠋ᠢᠠᠨ ᠴᠢᠷᠣᠨ ᠡᠬᠡᠭ᠍ᠯᠠᠵᠦ ᠣᠣᠠᠪᠠ᠃
ᠰᠠᠮᠠᠭᠠ ᠪᠣᠳᠠᠭᠠ ᠪᠠᠨ ᠴᠠᠢ᠌ᠯᠭᠠᠵᠣ᠂ ᠲᠣᠠᠳᠠᠰᠢᠯᠠᠬᠣ ᠦᠶᠡ ᠪᠠᠷ ᠡᠯᠵᠢᠬᠡ ᠨᠢ ᠵᠤᠭᠰᠣᠴᠢᠬᠠᠪᠠ᠃ ᠲᠥᠷᠣᠬᠥ ᠰᠢᠬᠠᠭᠰᠠᠨ ᠡᠯᠵᠢᠬᠡ ᠬᠡᠳᠥᠢ ᠯᠠ ᠲᠠᠩᠬᠡᠬᠡ ᠪᠠᠢ᠌ᠬᠣ ᠪᠣᠢ︖ ᠲᠥᠯᠬᠢᠵᠦ ᠲᠠᠳᠠᠭᠠᠳ ᠴᠤ ᠣᠬᠣᠷᠢᠬᠤ ᠡᠴᠡ ᠪᠢᠰᠢ ᠣᠷᠣᠭᠰᠢ ᠵᠢᠣᠠᠬᠥᠬᠥ ᠦᠭᠡᠶ ᠪᠤᠯᠬᠤᠷ ᠰᠠᠮᠠᠭᠠ ᠠᠷᠭᠠ ᠶᠠᠳᠠᠬᠣ ᠳᠠᠭᠠᠨ ᠡᠯᠵᠢᠬᠡ ᠪᠠᠨ ᠪᠠᠭᠣᠯᠭᠠᠵᠣ ᠠᠮᠠᠷᠠᠭᠣᠯᠪᠠ᠃ ᠭᠠᠶᠠ ᠲᠣᠳᠣᠷᠠ ᠬᠡᠷ ᠡᠴᠡ ᠭᠠᠷᠴᠣ ᠢᠷᠡᠬᠡᠥᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠡᠷᠬᠡᠨ ᠡ᠂ ᠪᠢ ᠬᠠᠪᠰᠣᠷᠴᠣ ᠦᠭ᠍ᠬᠥᠢᠡ ᠬᠡᠥᠨ ᠢᠩ ᠵᠢᠣᠠᠬᠥᠵᠦ ᠡᠬᠢᠯᠠᠪᠠ᠃ ᠰᠠᠮᠠᠭᠠ ᠡᠪ ᠦᠬᠡᠶ᠋ᠢᠷᠡᠵᠦ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠡᠬᠥᠤ ᠮᠢᠨᠢ ᠪᠠᠢ᠌ᠴᠢᠬᠠ᠂ ᠵᠤᠨ ᠤ ᠬᠠᠯᠠᠭᠣᠨ ᠳᠤ ᠢᠩ ᠵᠢᠣᠠᠬᠥᠬᠥ ᠴᠢᠨᠢ ᠠᠮᠠᠷ ᠦᠭᠡᠶ ᠳ᠋ᠠ︕ ᠬᠡᠪᠡ᠃ ᠭᠠᠶᠠ ᠢᠨᠢᠶᠠᠮᠰᠣᠭ᠍ᠯᠠᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠦᠬᠡᠷ ᠰᠠᠭᠣᠪᠠᠯ ᠬᠠᠷᠢᠨ ᠪᠠᠶᠠ ᠠᠳᠬᠣᠷᠠᠭᠠᠳ ᠲᠡᠰᠬᠥ ᠠᠯᠳᠠᠷᠠᠨᠠ᠃ ᠪᠡᠷᠬᠡᠨ ᠡ᠂ ᠪᠣᠳᠠᠭᠠ ᠪᠠᠨ ᠲᠡᠪᠢᠬᠥᠷᠳᠡ ᠬᠡᠪᠡ᠃ ᠡᠷᠬᠢᠬᠥ ᠲᠣᠳᠣᠮ ᠭᠠᠶᠠ ᠶᠢᠨ ᠬᠣᠷᠳᠣᠴᠠ ᠨᠡᠮᠡᠭ᠍ᠳᠡᠨ ᠬᠦᠯ ᠬᠦᠩᠬᠡᠷᠡᠵᠦ ᠢᠷᠡᠬᠥ ᠳᠤ ᠰᠠᠮᠠᠭᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠣ ᠶᠠᠭᠠᠷᠠᠬᠣ ᠪᠣᠢ︖ ᠬᠣᠷᠳᠣᠨ ᠡᠷᠬᠢᠪᠠᠯ ᠲᠣᠯᠣᠭᠠᠢ ᠴᠢᠨᠢ ᠡᠷᠬᠢᠨᠠ ᠬᠡᠬᠥ ᠳᠤ ᠭᠠᠶᠠ᠂ ᠮᠠᠩᠨᠠᠢ ᠶᠢᠨ ᠬᠦᠯᠥᠰᠤ ᠪᠠᠨ ᠵᠦᠯᠬᠥᠬᠥ ᠶ᠋ᠢᠨ ᠲᠠᠭᠠᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠡᠬᠡᠪᠡᠯ ᠡᠯᠵᠢᠬᠡᠨ ᠪᠦᠳᠡᠬᠡᠯᠬᠡ ᠪᠠᠷ ᠶᠢᠠᠨ ᠮᠢᠨᠣ ᠨᠢᠳᠣ ᠶᠢ ᠪᠦᠳᠡᠬᠡᠴᠢᠬᠡ᠂ ᠲᠣᠯᠣᠭᠠᠢ ᠡᠷᠬᠢᠬᠥ ᠦᠭᠡᠶ ᠪᠣᠯᠬᠣ ᠪᠢᠰᠢ ᠦᠦ︖ ᠬᠡᠵᠦ ᠨᠠᠭᠠᠳᠣᠮ ᠬᠢᠪᠠᠯ ᠰᠠᠮᠠᠭᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠦᠮᠥᠨ ᠦᠵᠡᠪᠡᠯ ᠴᠢᠮᠢ᠋ᠢ ᠡᠯᠵᠢᠬᠡ ᠬᠡᠵᠦ ᠬᠣᠴᠢᠯᠠᠬᠣ ᠡᠴᠡ ᠠᠶᠣᠬᠣ ᠦᠭᠡᠶ ᠦᠦ︖ ᠬᠡᠪᠡ᠃ ᠭᠠᠶᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠬᠦᠮᠥᠨ ᠳᠤ ᠬᠡᠯᠡᠭ᠍ᠳᠡᠭ᠍ᠰᠠᠬᠡᠷ ᠪᠠᠢ᠌ᠭᠠᠳ ᠬᠠᠮᠢᠶᠠᠷᠬᠣ ᠴᠤ ᠦᠭᠡᠶ ᠪᠣᠯᠴᠢᠬᠠᠵᠠᠢ᠃ ᠡᠶ᠋ᠢᠮᠣ ᠯᠠ ᠵᠠᠶᠠᠭᠠ ᠲᠡᠶ ᠬᠦᠮᠥᠨ ᠡ ᠬᠡᠪᠡ᠃ ᠰᠠᠮᠠᠭᠠ ᠰᠣᠨᠣᠰᠣᠭᠠᠳ ᠰᠠᠨᠠᠭᠠ ᠠᠯᠳᠠᠨ ᠲᠠᠬᠢᠵᠣ ᠲᠣᠣᠭᠠᠷᠣᠭᠰᠠᠨ ᠦᠭᠡᠶ᠃ ᠪᠣᠳᠠᠭᠠ ᠪᠠᠨ ᠴᠠᠢ᠌ᠯᠭᠠᠵᠣ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠲᠠᠷᠠ᠂ ᠬᠡᠷᠡᠭ ᠦᠭᠡᠶ ᠬᠡᠵᠦ ᠬᠣᠷᠢᠭᠯᠠᠵᠣ ᠪᠠᠢ᠌ᠳᠠᠯᠠ ᠭᠠᠶᠠ ᠶᠢᠨ ᠣᠭᠣᠳᠠᠨ ᠳᠤ ᠬᠡᠳᠥᠨ ᠠᠶᠠᠭᠠ ᠴᠠᠢ᠌ᠯᠭᠠᠭᠰᠠᠨ ᠮᠣᠩᠭ᠋ᠣᠯ ᠶ᠋ᠢᠠᠨ ᠬᠢᠵᠣ ᠦᠭ᠍ᠬᠥᠬᠡᠥᠨ ᠬᠡᠷ ᠲᠡᠭᠡᠨ ᠬᠠᠷᠢᠪᠠ᠃
ᠬᠣᠣᠯᠢᠨ ᠭᠣᠣᠯ ᠳᠤ ᠣᠳᠣᠷ ᠶᠢᠠᠷ ᠶᠠᠪᠣᠭᠰᠠᠨ ᠮᠠᠯᠴᠢᠳ ᠡᠴᠡ 《ᠪᠣᠳᠠᠭᠠ ᠲᠣᠳᠠᠵᠣ ᠪᠠᠢ᠌ᠨᠠ》 ᠬᠡᠰᠡᠨ ᠴᠢᠮᠡᠬᠡ ᠢᠷᠠᠪᠠ᠃ ᠰᠠᠮᠠᠭᠠ ᠲᠡᠷᠢᠬᠥᠳᠡᠢ ᠬᠡᠳᠥᠨ ᠬᠦᠮᠥᠨ ᠮᠣᠩᠭ᠋ᠣᠯ ᠪᠣᠳᠠᠭᠠ ᠬᠠᠭᠣᠷᠴᠣ ᠢᠩᠳᠡᠬᠡᠥᠨ ᠪᠣᠵᠢᠬᠢᠨᠠᠯᠳᠣᠨᠠ᠃ ᠬᠣᠶᠠᠷ ᠡᠳᠣᠷ ᠬᠠᠷᠠ ᠬᠦᠯᠥᠰᠤ ᠲ᠋ᠠᠢ ᠪᠠᠨ ᠵᠢᠭᠣᠷᠠᠯᠳᠣᠨ ᠶᠠᠭᠣ ᠴᠤ ᠬᠡᠰᠡᠨ ᠬᠡᠳᠥᠨ ᠮᠠᠳᠠᠢ ᠴᠠᠢ᠌ᠯᠭᠠᠭᠰᠠᠨ ᠪᠣᠳᠠᠭᠠ ᠪᠡᠯᠡᠳᠬᠡᠪᠡ᠃ ᠮᠠᠷᠭᠠᠰᠢ ᠨᠢ ᠭᠠᠶᠠ ᠶᠢ ᠲᠠᠷᠢᠶᠠᠨ ᠲᠡᠬᠡᠷᠡ ᠡᠴᠡ ᠲᠠᠭᠣᠳᠠᠨ ᠠᠪᠴᠢᠷᠠᠭᠠᠳ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠳᠣᠷ ᠤᠨ ᠮᠠᠯᠴᠢᠳ ᠲᠤ ᠪᠣᠳᠠᠭᠠ ᠬᠦᠷᠬᠡᠬᠡᠥᠨ ᠢᠷᠠ ᠬᠡᠪᠡ᠃ ᠭᠠᠶᠠ ᠭᠣᠷᠪᠠ ᠬᠦᠯᠥᠭᠰᠡᠨ ᠦᠬᠡᠷ ᠲᠡᠷᠬᠡ ᠶᠢ ᠪᠠᠷᠢᠵᠣ᠂ ᠨᠠᠷᠢᠨ ᠬᠣᠯᠣᠰᠣᠨ ᠲᠠᠰᠢᠭᠣᠷ ᠶᠢᠠᠨ ᠲᠠᠰ ᠨᠢᠰ ᠲᠣᠣᠭᠠᠷᠭᠠᠭᠰᠠᠭᠠᠷ ᠬᠣᠣᠯᠢᠨ ᠭᠣᠣᠯ ᠢ ᠵᠤᠷᠢᠵᠣ ᠣᠣᠠᠪᠠ᠃
ᠭᠠᠶᠠ ᠶᠢ ᠶᠠᠪᠣᠭᠰᠠᠨ ᠤ ᠲᠠᠷᠠᠭᠠ ᠣᠷᠣᠢ ᠪᠠᠢ᠌ᠯᠠ᠃ ᠡᠳᠣᠷ ᠤᠨ ᠠᠵᠢᠯ ᠳᠠᠭᠠᠨ ᠶᠠᠭᠠᠷᠠᠵᠣ᠂ ᠶᠠᠳᠠᠷᠠᠵᠣ ᠵᠦᠳᠡᠷᠡᠭ᠍ᠰᠡᠨ ᠬᠦᠮᠥᠰ ᠠᠯᠢ ᠬᠡᠳᠦᠢ᠌ᠨ ᠲᠣᠭ ᠨᠣᠢ᠌ᠷ ᠲᠠᠭᠠᠨ ᠣᠷᠣᠵᠣ᠂ ᠭᠣᠣᠯ ᠤᠨ ᠲᠣᠬᠣᠢ ᠡᠴᠡ ᠮᠡᠯᠠᠬᠡᠢ ᠶᠢᠨ ᠭᠤᠸᠠᠭᠠᠭᠯᠠᠬᠤ ᠲᠠᠭᠣ ᠯᠠ ᠰᠦᠨᠢ ᠶ᠋ᠢᠨ ᠨᠠᠮ ᠵᠢᠮ ᠢ ᠡᠪᠳᠠᠨᠠ᠃ ᠰᠦᠨᠢ ᠶᠢᠨ ᠬᠦᠨ ᠪᠣᠯᠵᠣ ᠬᠦᠮᠥᠨ ᠠᠮᠢᠳᠠᠨ ᠤ ᠬᠦᠯ ᠬᠣᠷᠢᠶᠠᠭᠳᠠᠭᠰᠠᠨ ᠤ ᠬᠣᠶ᠋ᠢᠨᠠ ᠬᠣᠶᠠᠷ ᠪᠠᠷᠠᠭᠠᠨ ᠰᠡᠬᠥᠳᠡᠷ ᠨᠡᠲᠦᠪᠡᠯᠵᠡᠭ᠍ᠰᠠᠬᠡᠷ ᠢᠩ ᠤᠨ ᠬᠡᠷ ᠲᠤ ᠴᠢᠮᠡᠬᠡ ᠢᠮᠡᠬᠡ ᠦᠭᠡᠶ ᠭᠣᠯᠭᠣᠨ ᠣᠷᠣᠪᠠ᠃ ᠡᠬᠥᠳᠡ ᠣᠷᠣᠮᠠᠭᠴᠠ ᠨᠢᠬᠡ ᠨᠢ ᠭᠠᠷ ᠰᠠᠷᠪᠠᠢ᠌ᠵᠣ ᠨᠦᠬᠥᠬᠡ ᠪᠠᠨ ᠲᠡᠪᠡᠷᠢᠬᠥ ᠬᠡᠳᠡᠯᠡ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠦᠱᠢ︕ ᠭᠠᠶᠠ ᠢᠷᠡᠴᠢᠬᠡᠭ᠍ᠰᠡᠨ ᠦᠭᠡᠶ ᠪᠠ︖ ᠬᠡᠵᠦ ᠨᠠᠮ ᠲᠠᠭᠣᠨ ᠶᠢᠠᠷ ᠬᠡᠯᠡᠪᠡ᠃ ᠲᠠᠷᠠ ᠨᠢ ᠭᠠᠩᠷᠠᠢ ᠶᠢᠨ ᠲᠠᠭᠣ ᠪᠠᠢ᠌ᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠭᠡᠶ᠃ ᠲᠠᠷᠠ ᠮᠠᠭᠣ ᠬᠦᠮᠥᠨ ᠤ ᠣᠷᠣᠠᠴᠣᠭ ᠡᠨᠠ ᠦᠶᠡᠰ ᠬᠣᠣᠯᠢᠨ ᠭᠣᠣᠯ ᠬᠦᠷᠬᠥ ᠴᠤ ᠪᠣᠯᠣᠭᠠ ᠦᠭᠡᠶ᠃ ᠨᠠᠭᠠᠰᠢ ᠢᠷᠠ︕ ᠴᠢᠮᠢ᠋ᠢ ᠰᠠᠨᠠᠭᠠᠳ ᠲᠡᠰᠬᠥ ᠦᠭᠡᠶ ᠪᠣᠯᠣᠯᠠ ᠬᠡᠵᠦ ᠨᠦᠬᠥᠬᠡ ᠪᠠᠨ ᠪᠠᠶᠠ ᠦᠬᠡᠳᠡ ᠪᠠᠨ ᠲᠠᠳᠠᠨᠠ᠃ ᠡᠨᠠ ᠨᠢ ᠡᠷᠬᠡ ᠪᠠᠢ᠌ᠯᠠ᠃ ᠲᠠᠳᠠ ᠬᠣᠶᠠᠭᠣᠯᠠ ᠢᠩ ᠤᠨ ᠬᠡᠷ ᠲᠤ ᠵᠠᠭᠣᠷᠠᠯᠳᠣᠵᠣ ᠪᠠᠢ᠌ᠭᠰᠠᠨ ᠶᠢᠠᠨ ᠡᠷᠬᠡ᠂ ᠭᠠᠩᠷᠠᠢ ᠶᠢᠨ ᠲᠣᠮᠳᠠᠭᠣᠷ ᠲᠠᠪᠠᠷᠢᠨ ᠠᠪᠴᠣ ᠢᠩ ᠤᠨ ᠲ᠋ᠠᠢ᠌ᠰᠠᠨ ᠲᠡᠬᠡᠷᠡ ᠬᠡᠪᠳᠡᠬᠥᠯᠪᠡ᠃ ᠴᠠᠰᠣ ᠴᠠᠭᠠᠨ ᠪᠦᠰᠠᠬᠥᠢ ᠬᠦᠮᠥᠨ ᠤ ᠨᠢᠴᠥᠬᠥᠨ ᠪᠠᠶᠠ ᠴᠣᠩᠬᠤ ᠪᠠᠷ ᠲᠣᠰᠣᠭᠰᠠᠨ ᠰᠠᠷᠠᠨ ᠤ ᠬᠡᠷᠡᠯ ᠳᠤ ᠴᠠᠢ᠌ᠯᠵᠠᠨ᠂ ᠢᠩ ᠤᠨ ᠲᠠᠢ᠌ᠰᠠᠨ ᠲᠡᠬᠡᠷᠡ ᠠᠳᠣᠭᠠᠨᠠᠨ ᠬᠦᠳᠡᠯᠬᠥ ᠳᠤ ᠨᠦᠬᠥᠬᠡ ᠲᠠᠯᠠ ᠡᠴᠡ ᠦᠨᠳᠥᠷ ᠬᠠᠷᠠ ᠰᠡᠬᠥᠳᠡᠷ ᠨᠠᠳᠣᠶ᠋ᠢᠨ ᠢᠷᠠᠵᠣ᠂ ᠪᠦᠰᠠᠬᠥᠢ ᠶᠢᠨ ᠲᠡᠬᠡᠷᠡ ᠡᠴᠡ ᠢᠪ ᠲᠠᠷᠣᠨ ᠬᠣᠮᠢᠨ ᠠᠪᠣᠯᠠ᠃ ᠶᠠᠭ ᠯᠠ ᠲᠣᠩᠭ᠋ᠠᠯᠠᠭ ᠰᠠᠢ᠌ᠬᠠᠨ ᠰᠦᠨᠢ ᠬᠡᠨᠡᠳᠳᠡ ᠬᠠᠷᠠ ᠡᠬᠥᠯᠡ ᠪᠣᠰᠴᠣ ᠰᠠᠷᠠᠨ ᠤ ᠬᠡᠷᠡᠯ ᠢ ᠬᠠᠯᠬᠠᠯᠠᠬᠣ ᠰᠢᠭ᠂ ᠰᠠᠷᠠ ᠶᠢ ᠳᠠᠪᠬᠤᠷ ᠳᠠᠪᠬᠤᠷ ᠪᠦᠰᠡᠯᠡᠨ ᠵᠠᠯᠬᠢᠬᠣ ᠰᠢᠭ ᠁ ᠬᠠᠷᠠ ᠡᠬᠥᠯᠡ ᠬᠣᠶ᠋ᠢᠯᠠᠷᠠᠨ ᠠᠶᠣᠩᠭᠠ ᠨᠢᠵᠢᠬᠢᠨᠠᠵᠣ ᠁
ᠭᠠᠶᠠ᠂ ᠦᠬᠡᠷ ᠲᠡᠷᠬᠡ ᠲᠡᠶ ᠪᠠᠨ ᠨᠣᠴᠣᠯᠳᠣᠭᠰᠠᠭᠠᠷ ᠪᠠᠢ᠌ᠵᠣ᠂ ᠲᠠᠪᠣ ᠬᠣᠨᠣᠭ ᠲᠡᠬᠡᠷᠡ ᠪᠠᠨ ᠬᠠᠷᠢᠵᠣ ᠢᠷᠠᠪᠠ᠃ ᠬᠡᠳᠥᠨ ᠡᠳᠣᠷ ᠤᠨ ᠠᠶᠠᠨ ᠤ ᠶᠥᠷᠬᠥᠬᠡ ᠳᠤ ᠲᠡᠬᠥᠨ ᠤ ᠨᠢᠳᠣ ᠨᠢ ᠬᠦᠩᠬᠦᠢ᠌ᠵᠦ᠂ ᠨᠠᠷᠠᠨ ᠳᠤ ᠰᠢᠷᠠᠭᠳᠠᠨ ᠨᠢᠭᠣᠷ ᠴᠢᠷᠠᠢ ᠨᠢ ᠬᠠᠷᠠᠯᠠᠵᠣ ᠪᠣᠷᠣᠯᠠᠭᠠᠳ ᠦᠰᠤ ᠨᠢ ᠪᠣᠷᠵᠠᠢ᠌ᠵᠠᠢ᠃ ᠲᠠᠷᠠ᠂ ᠲᠠᠮᠷᠢᠨ ᠱᠦᠵᠢ ᠶᠢᠨ ᠡᠬᠥᠳᠡᠨ ᠳᠤ ᠲᠡᠷᠬᠡ ᠪᠠᠨ ᠪᠠᠭᠣᠯᠭᠠᠵᠣ ᠦᠬᠡᠷ ᠶᠢᠠᠨ ᠲᠠᠯᠪᠢᠮᠠᠭᠴᠠ ᠢᠩ ᠤᠨ ᠬᠡᠷ ᠲᠡᠭᠡᠨ ᠰᠢᠷᠭᠣᠨ ᠲᠣᠯᠣᠭᠠᠢ ᠦᠨᠳᠡᠢ᠌ᠬᠥ ᠲᠠᠩᠬᠡᠬᠡ ᠦᠭᠡᠶ ᠣᠠᠳᠠᠵᠣ ᠣᠷᠬᠢᠪᠠ᠃
ᠲᠠᠷᠠ ᠰᠦᠨᠢ ᠨᠢ ᠪᠠᠷᠠᠭᠣᠨ ᠬᠣᠶ᠋ᠢᠨᠠ ᠡᠴᠡ ᠬᠠᠷᠠ ᠡᠬᠥᠯᠡ ᠣᠭᠰᠢᠨ ᠰᠣᠭᠣᠷᠠᠵᠣ᠂ ᠣᠳᠠᠭᠰᠠ ᠦᠭᠡᠶ ᠣᠳᠣᠳᠣ ᠲᠡᠭ᠍ᠷᠢ ᠵᠢ ᠪᠦᠷᠬᠥᠪᠡ᠃ ᠠᠯᠣᠰ ᠲᠤ ᠴᠠᠬᠢᠯᠭᠠᠨ ᠴᠠᠬᠢᠯᠵᠣ᠂ ᠰᠦᠨᠢ ᠶᠢᠨ ᠬᠠᠷᠠᠩᠭ᠋ᠣᠢ ᠳᠤ ᠬᠢᠯᠠᠰᠴᠣ ᠪᠠᠢ᠌ᠭᠰᠠᠨ ᠶᠢᠠᠨ ᠠᠶᠣᠩᠭᠠ ᠶᠢᠨ ᠲᠠᠭᠣᠨ ᠣᠯᠠᠮ ᠶᠢᠠᠷ ᠣᠢ᠌ᠷᠠᠳᠣᠪᠠ᠃ ᠪᠣᠷᠣᠭᠠᠨ ᠡᠴᠡ ᠡᠮᠣᠨᠠᠬᠢ ᠰᠡᠷᠢᠬᠥᠨ ᠰᠠᠯᠬᠢ ᠦᠷᠪᠥᠯᠵᠡᠵᠤ᠂ ᠣᠳᠠᠯ ᠦᠭᠡᠶ ᠶᠡᠬᠡ ᠪᠣᠷᠣᠭᠠᠨ ᠢᠷᠡᠬᠥ ᠵᠢ ᠮᠡᠳᠡᠬᠡᠯᠡᠵᠦ ᠪᠠᠢ᠌ᠯᠠ᠃ ᠪᠣᠷᠣᠭᠠᠨ ᠱᠣᠳ ᠫᠠᠳ ᠲᠣᠰᠣᠯᠠᠵᠣ ᠪᠠᠢ᠌ᠭᠰᠠᠨ ᠶᠢᠠᠨ ᠣᠳᠠᠭᠰᠠᠨ ᠦᠭᠡᠶ ᠰᠠᠭᠣᠯᠠᠭᠠ ᠰᠠᠪᠠ ᠪᠠᠷ ᠴᠢᠳᠬᠣᠬᠣ ᠰᠢᠭ ᠱᠠᠬᠢᠨ᠂ ᠡᠬᠡ ᠲᠡᠯᠠᠬᠡᠢ ᠶᠢ ᠨᠠᠢ᠌ᠳᠠᠮ ᠣᠬᠢᠶᠠᠵᠣ ᠡᠬᠢᠯᠠᠪᠠ᠃
ᠮᠠᠷᠭᠠᠰᠢ ᠦᠷᠯᠦᠬᠡ ᠨᠢ ᠡᠷᠬᠡ᠂ ᠲᠠᠮᠷᠢᠨ ᠱᠦᠵᠢ ᠶᠢᠨ ᠳᠤ ᠱᠣᠭᠰᠢᠭᠠ ᠪᠠᠷ ᠬᠦᠶᠥᠵᠦ ᠣᠴᠢᠭᠠᠳ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠣᠯᠠᠢ ᠪᠣᠯᠵᠠᠢ︕ ᠢᠩ ᠤᠨ ᠬᠡᠷ ᠨᠣᠷᠠᠵᠣ ᠭᠠᠶᠠ ᠲᠠᠷᠣᠭᠳᠠᠴᠢᠬᠠᠯᠠ ᠬᠡᠪᠡ᠃ ᠡᠪᠥᠬᠡᠨ ᠱᠦᠵᠢ ᠵᠠᠵᠢᠯᠠᠵᠣ ᠪᠠᠢ᠌ᠭᠰᠠᠨ ᠪᠣᠳᠠᠭᠠ ᠪᠠᠨ ᠵᠠᠯᠬᠢᠬᠣ ᠪᠠᠨ ᠮᠠᠷᠳᠠᠭᠠᠳ ᠠᠮᠨ ᠠᠩᠭ᠋ᠠᠢ᠌ᠨ ᠡᠷᠬᠡ ᠶᠢ ᠬᠠᠷᠠᠬᠣ ᠨᠢ ᠲᠡᠬᠥᠨ ᠤ ᠦᠬᠡ ᠶᠢ ᠢᠳᠡᠬᠡᠵᠦ ᠶᠠᠳᠠᠭᠰᠠᠨ ᠨᠢ ᠢᠯᠡᠬᠡᠨ ᠪᠠᠢ᠌ᠯᠠ᠃ ᠲᠠᠳᠠ ᠬᠣᠶᠠᠭᠣᠯᠠ ᠶᠢ ᠢᠩ ᠤᠨ ᠬᠡᠷ ᠵᠦᠭ᠌ ᠠᠯᠳᠠ ᠲᠠᠯᠢᠮ ᠶᠢᠠᠷ ᠠᠯᠬᠤᠨ ᠢᠷᠡᠬᠥ ᠳᠤ ᠠᠢ᠌ᠯ ᠤᠨ ᠬᠦᠮᠥᠰ ᠴᠣᠭᠯᠠᠷᠠᠭᠠᠳ ᠵᠠᠷᠢᠮ ᠨᠢ ᠬᠦᠷᠵᠡ᠂ ᠵᠠᠬᠡᠲᠦᠤ ᠠᠪᠴᠢᠷᠠᠨ ᠰᠢᠷᠣᠢ ᠶᠢ ᠨᠢ ᠰᠢᠯᠵᠢᠬᠥᠯᠵᠦ ᠪᠠᠢ᠌ᠪᠠ᠃ ᠢᠩ ᠤᠨ ᠬᠡᠷ ᠨᠣᠷᠠᠭᠰᠠᠨ ᠨᠢ ᠶᠠᠮᠠᠷ ᠨᠢᠬᠡᠨ ᠮᠠᠭᠣ ᠢᠷᠸᠠ ᠶᠢᠨ ᠲᠡᠮᠳᠡᠭ ᠰᠢᠭ᠌ ᠣᠯᠠᠨ ᠤ ᠰᠠᠳᠬᠢᠯ ᠲᠦᠭ᠌ ᠲᠠᠭ ᠲᠡᠶ ᠪᠣᠯᠪᠠ᠃ ᠰᠠᠬᠠᠷᠠ᠂ ᠡᠨᠠ ᠪᠠᠢ᠌ᠳᠠᠯ ᠢ ᠦᠵᠡᠵᠦ ᠭᠠᠷᠣᠭᠠᠳ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠯᠢ ᠬᠡᠳᠦᠢ᠌ᠨ ᠰᠢᠪᠠᠭᠰᠠᠨ ᠪᠣᠯ ᠲᠠᠭᠠᠷᠠᠬᠣ ᠪᠠᠢ᠌ᠭᠰᠠᠨ ᠶᠣᠮ᠃ ᠮᠠᠠᠵᠣ ᠶᠢᠨ ᠦᠶᠡ ᠶᠢᠨ ᠶᠠᠭᠣᠮᠠ ᠴᠢᠨᠢ ᠪᠣᠷᠣᠭᠠᠨ ᠳᠤ ᠦᠯᠳᠥᠷᠠᠬᠡᠥᠨ ᠨᠣᠷᠠᠴᠢᠬᠠᠵᠠᠢ︕ ᠬᠡᠬᠥ ᠳᠤ ᠭᠠᠩᠷᠠᠢ ᠬᠢᠯᠠᠪ ᠲᠠᠳᠠᠵᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠣᠷᠠᠬᠣ ᠪᠣᠯ ᠬᠡᠵᠢᠶᠡᠨ ᠤ ᠨᠣᠷᠠᠴᠢᠬᠠᠬᠣ ᠦᠭᠡᠶ ᠦᠦ︖ ᠡᠨᠠ ᠴᠢᠳᠬᠥᠷ ᠭᠠᠶᠠ ᠯᠠ ᠢᠩ ᠤᠨ ᠬᠡᠷ ᠢ ᠪᠣᠵᠠᠷᠯᠠᠭᠠᠳ ᠲᠡᠭ᠍ᠷᠢ ᠳᠤ ᠪᠣᠷᠣᠭᠣ ᠦᠵᠡᠭ᠍ᠳᠡᠭ᠍ᠰᠡᠨ ᠡᠴᠡ ᠪᠢᠰᠢ ᠬᠡᠨᠡ᠃ ᠡᠨᠠ ᠦᠬᠡ ᠶᠢ ᠰᠣᠨᠣᠰᠣᠭᠠᠳ ᠲᠣᠭᠣᠷᠢᠭᠰᠠᠨ ᠬᠦᠮᠥᠰ ᠡᠯᠳᠠᠪ ᠶᠠᠩᠵᠣ ᠪᠠᠷ ᠱᠣᠣᠬᠢᠯᠳᠣᠵᠣ ᠡᠬᠢᠯᠠᠯᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠣ︖ ᠢᠩ ᠤᠨ ᠬᠡᠷ ᠢ ᠪᠣᠵᠠᠷᠯᠠᠯᠠ ᠬᠡᠨᠡ ᠦᠦ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠᠢ᠌ᠮᠣ ᠦᠭᠡᠶ ᠶᠠᠭᠠᠬᠢᠬᠣ ᠪᠣᠢ︖ ᠦᠴᠥᠬᠡᠳᠥᠷ ᠣᠷᠣᠢ ᠪᠢ ᠪᠣᠷᠣᠭᠠᠨ ᠡᠴᠡ ᠵᠠᠪᠳᠣᠵᠣ ᠡᠯᠵᠢᠬᠡ ᠪᠠᠨ ᠪᠠᠷᠢᠵᠣ ᠠᠪᠣᠶᠠ ᠬᠡᠥᠨ ᠠᠢ᠌ᠯ ᠢ ᠪᠠᠷᠠᠳᠠᠯᠠ ᠡᠷᠢᠬᠡᠥᠨ ᠣᠯᠣᠭᠰᠠᠨ ᠦᠭᠡᠶ᠃ ᠲᠡᠬᠡᠬᠥ ᠳᠤ ᠲᠠᠨᠣᠰ ᠬᠠᠮᠢᠭᠠ ᠡᠴᠡ ᠣᠯᠣᠯᠠ ᠬᠡᠵᠦ ᠰᠠᠨᠠᠪᠠ᠂ ᠡᠨ︖ ᠡᠨᠠ ᠰᠢᠨᠵᠢ ᠦᠬᠡᠢ ᠭᠠᠶᠠ ᠬᠠᠷᠢᠨ ᠢᠩ ᠤᠨ ᠬᠡᠷ ᠲᠡᠭᠡᠨ ᠬᠣᠷᠢᠵᠣ ᠠᠪᠣᠭᠠᠳ ᠪᠠᠢ᠌ᠯᠠ ᠰᠢᠤ᠂ ᠡᠮᠠ ᠡᠯᠵᠢᠬᠡ ᠲᠡᠶ ᠁ ᠢᠩ ᠤᠨ ᠬᠡᠷ ᠢ ᠪᠣᠵᠠᠷᠯᠠᠭᠰᠠᠨ ᠡᠴᠡ ᠲᠡᠬᠡᠷᠡ ᠨᠢ ᠲᠡᠭ᠍ᠷᠢ ᠪᠠᠭᠣᠵᠠᠢ︕ ᠬᠡᠵᠦ ᠡᠠᠶᠠ ᠲᠠᠩ ᠲᠡᠶ ᠶᠠᠷᠢᠨᠠ᠃ ᠲᠠᠮᠷᠢᠨ ᠱᠦᠵᠢ ᠣᠯᠠᠨ ᠤ ᠦᠢᠮᠡᠬᠡᠨ ᠢ ᠵᠤᠭᠰᠣᠭᠠᠵᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠯᠠᠨ ᠲᠠᠪᠣᠨ ᠦᠬᠡ ᠬᠡᠯᠡᠬᠥ ᠬᠡᠷᠡᠭ ᠦᠭᠡᠶ᠃ ᠰᠢᠮᠳᠠᠭᠣᠨ ᠬᠦᠳᠡᠯᠬᠡᠵᠦ ᠮᠣᠳᠣ ᠴᠢᠯᠠᠭᠣ ᠶᠢ ᠨᠢ ᠰᠢᠯᠵᠢᠬᠥᠯ︕ ᠬᠡᠵᠦ ᠦᠪᠡᠷ ᠶ᠋ᠢᠠᠨ ᠲᠡᠷᠢᠬᠥᠯᠡᠨ ᠭᠠᠷ ᠰᠢᠮᠠᠯᠠᠨ ᠣᠷᠣᠪᠠ᠃ ᠣᠷᠢᠳ ᠶᠢᠠᠷ ᠪᠠᠷᠠᠭᠣᠨ ᠲᠠᠰᠣᠯᠭᠠ ᠡᠴᠡ ᠨᠢ ᠡᠬᠢᠯᠠᠨ ᠰᠢᠪᠠᠷ ᠰᠢᠷᠣᠢ ᠶᠢ ᠨᠢ ᠰᠢᠯᠵᠢᠬᠥᠯᠵᠦ᠂ ᠨᠢᠷᠣᠭᠣ᠂ ᠣᠨᠢ ᠶᠢ ᠨᠢ ᠠᠪᠬᠣ ᠳᠤ ᠡᠷᠠᠬᠡᠢ ᠬᠣᠷᠣᠭᠣ ᠶᠢᠨ ᠲᠠᠠᠳᠠ ᠨᠢ ᠮᠡᠯᠠᠬᠡᠢ ᠶᠢᠨ ᠨᠢᠳᠣ ᠭᠠᠷᠣᠭᠰᠠᠨ ᠮᠠᠢ᠌ᠵᠢᠬᠢ ᠱᠠᠬᠠᠢ ᠭᠠᠷᠴᠣ ᠢᠷᠠᠪᠠ᠃ ᠲᠠᠮᠣᠷᠠ ᠲᠡᠬᠥᠵᠦ ᠠᠪᠣᠭᠠᠳ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠱᠠᠬᠠᠢ ᠨᠢ ᠡ᠊ᠠᠳᠠ ᠪᠠᠢ᠌ᠨᠠ︕ ᠬᠡᠥᠨ ᠭᠠᠳᠠᠭᠰᠢ ᠰᠢᠳᠡᠬᠥ ᠳᠤ ᠶᠠᠭ ᠰᠠᠢ᠌ᠬᠠᠨ ᠭᠠᠩᠷᠠᠢ ᠶᠢᠨ ᠦᠯᠮᠡᠢ ᠲᠣᠣᠷᠠ ᠲᠣᠰᠴᠢᠬᠠᠪᠠ᠃ ᠭᠠᠩᠷᠠᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠦᠢ︕ ᠴᠢᠳᠬᠥᠷ ᠠᠷᠢᠯᠨ᠂ ᠮᠠᠨ ᠤ ᠠᠢ᠌ᠯ ᠤᠨ ᠪᠣᠭ ᠴᠢᠳᠬᠥᠷ ᠠᠷᠢᠯᠵᠠᠢ ᠬᠡᠵᠦ ᠭᠠᠷ ᠬᠦᠯ ᠶᠢᠠᠨ ᠰᠠᠪᠠᠨ ᠵᠠᠢ᠌ᠯᠠᠨ ᠲᠣᠳᠠᠭᠠᠪᠠ᠃ ᠭᠠᠶᠠ ᠶᠢᠨ ᠰᠠᠭᠣᠵᠣ ᠪᠠᠢ᠌ᠭᠰᠠᠨ ᠲᠠᠰᠣᠯᠭᠠ ᠶᠢᠨ ᠨᠣᠷᠠᠵᠣ ᠣᠨᠠᠭᠰᠠᠨ ᠣᠷᠣᠢ ᠶᠢ ᠪᠦᠬᠥᠨ ᠢ ᠰᠢᠯᠵᠢᠬᠥᠯᠵᠦ ᠪᠠᠷᠠᠭᠰᠠᠨ ᠴᠤ ᠠᠳᠠᠭ ᠲᠠᠭᠠᠨ ᠭᠠᠶᠠ ᠶᠢᠨ ᠬᠡᠬᠥᠷ ᠢ ᠴᠤ ᠣᠯᠣᠭᠰᠠᠨ ᠦᠭᠡᠶ᠃ ᠣᠯᠠᠨ ᠢᠶᠡᠷ ᠶᠢᠠᠨ ᠰᠠᠠᠳᠣᠷᠴᠣ ᠢᠩ ᠪᠠᠢ᠌ᠬᠣ ᠵᠠᠬᠥᠨ ᠲᠠᠰᠣᠯᠭᠠ ᠶᠢ ᠴᠠᠪᠠᠷᠯᠠᠵᠣ ᠡᠬᠢᠯᠠᠪᠠ᠃ ᠨᠢᠬᠡ ᠨᠢᠷᠣᠭᠣ ᠶᠢ ᠡᠷᠬᠥᠨ ᠠᠪᠳᠠᠯᠠ ᠲᠣᠣᠷᠠ ᠡᠴᠡ ᠨᠢ ᠴᠢᠰᠤ ᠨᠦᠵᠢᠨ ᠳᠤ ᠪᠢᠯᠳᠠᠭᠳᠠᠵᠣ᠂ ᠬᠦᠬᠡᠷᠡᠨ ᠬᠠᠪᠣᠳᠣᠭᠰᠠᠨ ᠦᠷᠣᠬᠡᠰᠥᠨ ᠬᠦᠯ ᠦᠵᠡᠭ᠍ᠳᠡᠪᠡ᠃ ᠡᠨᠠ ᠬᠥ ᠨᠢᠳᠣ ᠬᠠᠯᠳᠣᠷᠢᠮᠠ ᠪᠠᠢ᠌ᠳᠠᠯ ᠢ ᠦᠵᠡᠬᠡᠥᠨ ᠬᠦᠮᠥᠰ ᠲᠠᠭᠣ ᠠᠯᠳᠠᠨ ᠴᠢᠨᠠᠭᠰᠢ ᠠᠭᠣᠳᠠᠯᠠᠬᠣ ᠳᠤ ᠭᠠᠶᠠ ᠬᠠᠷᠢᠨ ᠢᠩ ᠤᠨ ᠴᠢᠯᠠᠭᠣᠨ ᠤ ᠲᠣᠣᠷᠠᠬᠢ ᠬᠦᠠᠳᠡᠢ ᠳᠤ ᠰᠢᠷᠭᠣᠭᠠᠳ ᠮᠡᠳᠡᠬᠡ ᠰᠡᠬᠡᠬᠡ ᠦᠭᠡᠶ ᠬᠡᠪᠳᠡᠵᠦ ᠪᠠᠢ᠌ᠯᠠ᠃ ᠲᠠᠮᠨᠠᠵᠣ ᠭᠠᠷᠭᠠᠭᠠᠳ ᠵᠢᠪᠠᠷ ᠦᠬᠡᠳᠡ ᠬᠠᠠᠳᠣᠭᠣᠯᠣᠨ ᠰᠠᠭᠣᠯᠭᠠᠬᠣ ᠳᠤ 《ᠶᠤ᠋︕》 ᠬᠡᠰᠡᠨ ᠨᠠᠮᠬᠠᠨ ᠲᠠᠭᠣ ᠭᠠᠷᠴᠣ᠂ ᠨᠢᠳᠣ ᠨᠢ ᠠᠯᠭᠣᠷ ᠶᠢᠠᠷ ᠨᠡᠬᠡᠬᠡᠭ᠍ᠳᠡᠨ ᠰᠣᠯᠠᠬᠠᠨ ᠬᠠᠷᠠᠴᠠ ᠪᠠᠷ ᠣᠯᠠᠨ ᠢ ᠲᠣᠭᠣᠷᠢᠭᠣᠯᠣᠨ ᠬᠠᠷᠠᠪᠠ᠃
ᠭᠠᠶᠠ ᠠᠮᠢᠳᠣ ᠪᠠᠢ᠌ᠪᠠ᠃ ᠲᠠᠮᠷᠢᠨ ᠱᠦᠵᠢ ᠶᠢᠨ ᠴᠡᠬᠡᠵᠢ ᠨᠢ ᠰᠠᠶᠢ ᠣᠩᠭ᠋ᠣᠢ᠌ᠵᠣ᠂ ᠪᠥᠭ᠍ᠰᠡ ᠪᠠᠨ ᠲᠡᠮᠳᠡᠷᠢᠬᠥ ᠳᠤ ᠶᠠᠭᠠᠷᠠᠪᠠᠯ ᠰᠠᠭᠠᠷᠠᠨᠠ ᠬᠡᠳᠡᠭ ᠶᠢᠠᠷ ᠰᠣᠶ᠋ᠢᠷᠠᠵᠣ ᠶᠠᠪᠣᠳᠠᠭ ᠲᠠᠮᠠᠬᠢᠨ ᠣᠭᠣᠳᠠ ᠪᠠᠨ ᠮᠠᠷᠳᠠᠴᠢᠬᠠᠭᠰᠠᠨ ᠪᠠᠢ᠌ᠵᠠᠢ᠃ ᠲᠠᠷᠠ᠂ ᠰᠠᠬᠠᠷᠠ ᠶᠢᠨ ᠵᠠᠭᠣᠵᠣ ᠪᠠᠢ᠌ᠭᠰᠠᠨ ᠲᠠᠮᠠᠬᠢ ᠶᠢ ᠪᠣᠯᠳᠠ ᠲᠠᠳᠠᠨ ᠠᠪᠴᠣ ᠰᠢᠨᠣᠭ ᠰᠣᠷᠣᠭᠰᠠᠨ ᠢᠶᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠮᠢᠳᠣ ᠪᠠᠷ ᠣᠯᠣᠭᠰᠠᠨ ᠴᠢᠨᠢ ᠪᠣᠷᠬᠠᠨ ᠤ ᠠᠪᠣᠷᠠᠯ︕ ᠮᠠᠭᠣ ᠬᠦᠮᠥᠨ ᠤ ᠠᠮᠢ ᠪᠦᠬᠡ ᠬᠡᠳᠡᠭ ᠶᠢᠠᠷ ᠡᠷᠯᠢᠭ᠌ ᠨᠣᠮᠣᠨ ᠬᠠᠭᠠᠨ ᠴᠣ ᠭᠠᠶᠠ ᠶᠢ ᠭᠣᠯᠣᠭᠠᠳ ᠡᠬᠥᠳᠡᠨ ᠳᠡᠭᠡᠨ ᠣᠶ᠋ᠢᠷᠠᠳᠣᠭᠣᠯᠣᠭᠰᠠᠨ ᠦᠭᠡᠶ ᠪᠢᠰᠢ ᠦᠦ︖ ᠬᠡᠥᠨ 《ᠮᠢᠨᠣ ᠬᠡᠷ ᠵᠦᠭ᠌ ᠲᠠᠮᠨᠠᠭᠠᠳ ᠶᠠᠪᠣ︕》 ᠬᠡᠰᠡᠨ ᠲᠣᠬᠢᠶᠠ ᠦᠭ᠍ᠬᠥᠯᠡ᠃
ᠭᠠᠶᠠ ᠶᠢᠨ ᠵᠠᠬᠥᠨ ᠬᠦᠯ ᠨᠢ ᠲᠠᠷᠣᠭᠳᠠᠵᠣ᠂ ᠬᠢᠩᠭ᠋ᠠᠷᠠ ᠶᠢᠨ ᠶᠠᠰᠣ ᠨᠢ ᠨᠢᠴᠠᠷᠠᠭᠰᠠᠨ ᠡᠴᠡ ᠶᠠᠰᠣ ᠪᠠᠷᠢᠶᠠᠴᠢ ᠳᠤ ᠣᠴᠢᠬᠤ ᠬᠡᠷᠡᠭ᠍ᠳᠡᠢ ᠪᠣᠯᠪᠠ᠃ ᠲᠠᠮᠷᠢᠨ ᠱᠦᠵᠢ᠂ ᠡᠷᠬᠡ ᠶᠢᠨ ᠪᠣᠷᠣ ᠰᠠᠭᠠᠷᠠᠯ ᠡᠯᠵᠢᠬᠡ ᠶᠢ ᠬᠦᠯᠦᠬᠡᠥᠨ ᠲᠥᠷᠬᠡᠨ ᠶᠠᠪᠣ ᠬᠡᠵᠦ ᠲᠠᠮᠣᠷᠠ ᠳᠤ ᠵᠠᠬᠢᠪᠠ᠃ ᠲᠠᠮᠣᠷᠠ᠂ ᠪᠣᠷᠣ ᠰᠠᠭᠠᠷᠠᠯ ᠡᠯᠵᠢᠬᠡ ᠶᠢ ᠲᠣᠭᠰᠢᠭᠣᠯᠣᠭᠰᠠᠭᠠᠷ ᠭᠣᠴᠢᠨ ᠭᠠᠵᠠᠷ ᠤᠨ ᠦᠵᠦᠬᠥᠷ ᠲᠠᠬᠢ ᠶᠠᠰᠣ ᠪᠠᠷᠢᠶᠠᠴᠢ ᠮᠠᠮᠠ ᠶᠢᠨ ᠳᠤ ᠬᠦᠷᠴᠦ ᠢᠷᠠᠪᠠ᠃ ᠦᠨᠳᠥᠷ ᠪᠠᠶᠠᠳᠠᠢ ᠡᠪᠥᠬᠡᠵᠢᠶᠡᠷ ᠶᠠᠰᠣ ᠪᠠᠷᠢᠶᠠᠴᠢ᠂ ᠭᠠᠶᠠ ᠶᠢᠨ ᠦᠮᠣᠳᠥᠨ ᠰᠢᠷᠬᠣᠨᠠᠭ ᠢ ᠬᠠᠢ᠌ᠴᠢ ᠪᠠᠷ ᠣᠭᠳᠣᠯᠵᠣ ᠦᠵᠡᠬᠥ ᠳᠤ ᠬᠣᠭᠣᠷᠠᠭᠰᠠᠨ ᠬᠡᠰᠡᠭ ᠤᠨ ᠶᠠᠰᠣ ᠨᠢ ᠠᠷᠠᠰᠣ ᠪᠠᠨ ᠴᠣᠭᠣᠯᠣᠨ ᠨᠠᠷᠢᠨ ᠦᠵᠦᠬᠥᠷ ᠨᠢ ᠴᠠᠢ᠌ᠷᠠᠨ ᠬᠠᠷᠠᠭᠳᠠᠵᠣ ᠪᠠᠢ᠌ᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠡᠵᠢᠶᠡᠨ ᠤ ᠢᠷᠡᠬᠥ ᠦᠭᠡᠶ ᠶᠠᠭᠣ ᠬᠢᠬᠡᠥᠨ ᠪᠠᠢ᠌ᠭᠰᠠᠨ ᠣᠯᠣᠰ ᠶᠣᠮ︖ ᠬᠡᠵᠦ ᠶᠠᠰᠣ ᠪᠠᠷᠢᠶᠠᠴᠢ ᠬᠡᠭ᠍ᠵᠢᠬᠥᠨ ᠴᠢᠷᠠᠢ᠌ᠯᠠᠨ᠂ ᠲᠠᠮᠣᠷᠠ ᠵᠢ ᠬᠢᠯᠣᠶ᠋ᠢᠬᠣ ᠳᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠷᠢᠶᠠᠴᠢ ᠮᠠᠮᠠ ᠡ᠂ ᠪᠢᠳᠠ ᠲᠠᠷᠣᠭᠳᠠᠭᠰᠠᠨ ᠭᠠᠵᠠᠷ ᠡᠴᠡ ᠨᠢ ᠡᠷᠢᠬᠡᠥᠨ ᠣᠯᠳᠠᠯᠠ ᠦᠳᠡ ᠰᠢᠬᠠᠴᠢᠬᠠᠵᠠᠢ᠃ ᠪᠠᠰᠠ ᠵᠠᠮ ᠬᠣᠯᠠ ᠁ ᠬᠡᠵᠦ ᠲᠠᠮᠣᠷᠠ ᠲᠣᠯᠣᠭᠠᠨ ᠪᠣᠯᠴᠢᠷᠬᠠᠢ ᠪᠠᠨ ᠲᠣᠭᠠᠴᠢᠬᠤ ᠳᠤ ᠡᠪᠥᠬᠡᠨ ᠰᠣᠨᠣᠰᠬᠣ ᠮᠠᠶᠢᠭ ᠦᠭᠡᠶ ᠭᠠᠷᠴᠣ ᠶᠠᠪᠣᠪᠠ᠃ ᠶᠠᠰᠣ ᠪᠠᠷᠢᠶᠠᠴᠢ ᠭᠠᠷᠴᠣ ᠶᠠᠪᠣᠭᠠᠳ ᠲᠠᠮᠠᠢ ᠣᠳᠠᠯ ᠦᠭᠡᠶ ᠲᠥᠷᠪᠡᠨ ᠪᠦᠲᠦᠬᠥᠨ ᠡᠷᠠ ᠲᠠᠭᠠᠭᠣᠯᠣᠨ ᠣᠷᠣᠵᠣ ᠢᠷᠠᠪᠠ᠃ ᠪᠦᠬᠥᠯᠢ ᠬᠠᠢ᠌ᠯᠠᠰᠣ ᠶᠢ ᠵᠦᠰᠦᠵᠦ ᠵᠤᠬᠢᠶᠠᠭᠰᠠᠨ ᠮᠣᠳᠣᠨ ᠣᠷᠣ ᠲᠡᠬᠡᠷᠡ ᠭᠠᠶᠠ ᠶᠢ ᠬᠡᠪᠳᠡᠬᠥᠯᠵᠦ᠂ ᠲᠥᠷᠪᠡᠨ ᠡᠷᠠ ᠪᠠᠷ ᠲᠡᠬᠡᠷᠡ ᠡᠴᠡ ᠨᠢ ᠲᠠᠷᠣᠭᠣᠯᠪᠠ᠃ ᠲᠡᠬᠡᠬᠡᠥᠨ ᠰᠢᠷᠡᠬᠡᠨ ᠲᠣᠣᠷᠠ ᠡᠴᠡ ᠨᠢᠳᠣᠷᠭᠠᠨ ᠬᠢᠷᠢ ᠲᠠᠮᠣᠷ ᠠᠯᠣᠬᠠ ᠭᠠᠷᠭᠠᠵᠣ ᠢᠷᠡᠬᠥ ᠳᠤ ᠲᠠᠮᠣᠷᠠ᠄ 《ᠶᠠᠰᠣ ᠪᠠᠷᠢᠬᠤ ᠳᠤ ᠲᠠᠮᠣᠷ ᠠᠯᠣᠬᠠ ᠪᠠᠷ ᠶᠠᠭᠠᠬᠢᠬᠣ ᠪᠣᠯ︖》 ᠬᠡᠵᠦ ᠲᠣᠩ ᠭᠠᠢ᠌ᠬᠠᠪᠠ᠃ ᠶᠠᠰᠣ ᠪᠠᠷᠢᠶᠠᠴᠢ ᠲᠠᠮᠣᠷ ᠠᠯᠣᠬᠠ ᠪᠠᠨ ᠡᠷᠬᠢᠬᠥᠯᠥᠨ ᠬᠣᠭᠣᠷᠠᠭᠰᠠᠨ ᠭᠠᠵᠠᠷ ᠨᠢ ᠬᠦᠴᠥᠳᠡᠢ᠌ᠬᠡᠨ ᠴᠣᠬᠢᠬᠣ ᠳᠤ ᠶᠠᠰᠣ ᠨᠢ ᠫᠠᠷᠴᠢᠬᠢᠨᠠᠨ ᠲᠣᠣᠭᠠᠷᠴᠣ ᠪᠠᠢ᠌ᠪᠠ᠃ ᠠᠶᠣᠭᠰᠠᠨ ᠳᠠᠭᠠᠨ ᠶᠣᠮ ᠦᠦ︖ ᠡᠰᠠᠬᠥᠯᠡ ᠮᠡᠳᠡᠬᠡ ᠠᠯᠳᠠᠭᠰᠠᠨ ᠬᠦᠯ ᠨᠢ ᠡᠪᠡᠣᠠᠬᠥ ᠶᠢ ᠮᠡᠳᠡᠬᠥ ᠦᠭᠡᠶ ᠪᠣᠯᠴᠢᠬᠠᠭᠰᠠᠨ ᠤ ᠦᠦ︖ ᠭᠠᠶᠠ ᠶᠢᠨ ᠨᠢᠳᠣᠨ ᠡᠴᠡ ᠭᠠᠯ ᠪᠣᠳᠠᠷᠠᠵᠣ᠂ ᠨᠢᠷᠣᠭᠣᠨ ᠭᠣᠣᠯ ᠡᠴᠡ ᠨᠢ ᠬᠦᠢᠳᠡᠨ ᠬᠦᠯᠥᠰᠤ ᠴᠢᠬᠢᠭ᠍ᠯᠡᠭ᠍ᠰᠡᠨ ᠪᠣᠯᠪᠠᠴᠣ ᠠᠷᠠᠢ ᠮᠠᠨᠠᠷᠠᠵᠣ ᠣᠨᠠᠭᠰᠠᠨ ᠦᠭᠡᠶ᠃ ᠶᠠᠰᠣ ᠪᠠᠷᠢᠶᠠᠴᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠷᠢᠬᠢ︕ ᠬᠡᠵᠦ ᠭᠠᠷ ᠰᠠᠷᠪᠠᠢ᠌ᠪᠠ᠃ ᠲᠠᠮᠣᠷᠠ᠂ ᠯᠣᠩᠬᠤ ᠲᠡᠶ ᠠᠷᠢᠬᠢ ᠶᠢ ᠣᠢ᠌ᠷᠠᠳᠣᠭᠣᠯᠵᠣ ᠦᠭ᠍ᠬᠥᠯᠡ᠃ ᠶᠠᠰᠣ ᠪᠠᠷᠢᠶᠠᠴᠢ ᠰᠢᠯ ᠲᠡᠶ ᠠᠷᠢᠬᠢ ᠡᠴᠡ ᠣᠭᠣᠴᠢᠨ᠂ ᠬᠡᠮᠳᠥᠭᠰᠡᠨ ᠬᠦᠯ ᠢ ᠨᠢ ᠲᠠᠭᠠᠭᠣᠯᠣᠨ ᠦᠯᠢᠶᠡᠬᠥ ᠳᠤ ᠰᠡᠷᠢᠬᠥᠨ ᠵᠢᠪᠠᠷ ᠲᠠᠳᠠᠨ 《ᠵᠢᠦ᠋ ᠊᠊᠊᠊᠊᠊᠊᠊᠊᠊᠊᠊᠊᠊᠊》 ᠬᠡᠬᠥ ᠣᠷᠳᠣᠬᠠᠨ ᠲᠠᠭᠣ ᠭᠠᠷᠴᠣ᠂ ᠠᠮᠠᠨ ᠡᠴᠡ ᠨᠢ ᠭᠠᠷᠣᠭᠰᠠᠨ ᠠᠷᠢᠬᠢ ᠨᠢ ᠡᠬᠥᠯᠡ ᠮᠠᠨᠠᠨ ᠬᠦᠪᠥᠯᠵᠡᠵᠦ ᠪᠠᠢ᠌ᠬᠣ ᠰᠢᠭ ᠣᠳᠣᠭᠠ ᠲᠠᠳᠠᠨ ᠰᠣᠪᠣᠷᠠᠨᠠ᠃ ᠲᠠᠷᠠ᠂ ᠬᠣᠶᠠᠷ ᠭᠠᠷ ᠶᠢᠠᠷ ᠶᠢᠠᠨ ᠬᠦᠯ ᠢ ᠨᠢ ᠢᠳᠠᠯᠠᠨ ᠪᠠᠷᠢᠵᠣ᠂ ᠡᠪᠥᠳᠥᠭ ᠡᠴᠡ ᠨᠢ ᠲᠣᠷᠣᠭᠰᠢ ᠰᠢᠪᠳᠣᠷᠬᠣ ᠳᠤ ᠬᠣᠭᠣᠷᠠᠭᠰᠠᠨ ᠶᠠᠰᠣ ᠨᠢ ᠮᠦᠨ ᠯᠠ ᠫᠠᠷᠴᠢᠬᠢᠨᠠᠨ ᠲᠣᠣᠭᠠᠷᠴᠣ ᠣᠭ ᠤᠨ ᠣᠷᠣᠨ ᠳᠠᠭᠠᠨ ᠣᠷᠣᠪᠠ᠃ ᠡᠨᠠ ᠶᠠᠩᠵᠣ ᠪᠠᠷ ᠬᠡᠲᠦᠬᠡᠨ ᠰᠢᠪᠳᠣᠷᠠᠮᠠᠭᠴᠠ ᠲᠥᠷᠪᠡᠨ ᠡᠷᠠ ᠳᠤ 《ᠲᠠᠯᠪᠢᠴᠢᠬᠠ》 ᠬᠡᠰᠡᠨ ᠲᠣᠬᠢᠶᠠ ᠦᠭ᠍ᠬᠥᠬᠡᠥᠨ ᠭᠠᠶᠠ ᠶᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠣᠰ︕ ᠬᠡᠵᠦ ᠵᠠᠩᠳᠣᠷᠪᠠ᠃ ᠭᠠᠶᠠ ᠲᠠᠪ ᠬᠢᠨ ᠪᠣᠰᠴᠣ᠂ ᠭᠠᠵᠠᠷ ᠲᠣᠣᠷᠠ ᠬᠦᠯ ᠶᠢᠠᠨ ᠬᠦᠩᠬᠡᠨ ᠲᠠᠯᠪᠢᠬᠣ ᠳᠤ ᠡᠪᠡᠣᠠᠬᠥ ᠶᠠᠩᠵᠣ ᠦᠬᠡᠢ ᠪᠠᠢ᠌ᠪᠠ᠃ ᠶᠠᠰᠣ ᠪᠠᠷᠢᠶᠠᠴᠢ ᠣᠰᠣ ᠲᠡᠶ ᠲᠠᠪᠣᠷᠠ ᠶᠢ ᠪᠠᠷᠠᠭᠣᠨ ᠭᠠᠷ ᠲᠣᠨᠢ ᠪᠠᠷᠢᠭᠣᠯᠵᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠯᠬᠣ︕ ᠬᠡᠪᠡ᠃ ᠭᠠᠶᠠ ᠭᠣᠣᠯ ᠤᠨ ᠢᠳᠠ ᠪᠠᠨ ᠭᠠᠷᠭᠠᠵᠣ ᠬᠦᠴᠥᠯᠡᠨ ᠠᠯᠬᠣᠵᠣ ᠡᠬᠢᠯᠠᠪᠠ᠃ ᠨᠢᠬᠡ᠂ ᠬᠣᠶᠠᠷ᠂ ᠭᠣᠷᠪᠠ ᠁ ᠪᠦᠬᠥ ᠪᠠᠶᠠ ᠡᠴᠡ ᠨᠢ ᠬᠦᠯᠥᠰᠤ ᠴᠢᠬᠢᠭ᠍ᠯᠠᠨ᠂ ᠲᠠᠮᠢᠷᠳᠠᠵᠣ ᠢᠷᠡᠬᠥ ᠳᠤ ᠰᠣᠭᠣᠨ ᠡᠴᠡ ᠨᠢ ᠲᠥᠰᠢᠵᠦ ᠠᠪᠣᠭᠠᠳ ᠣᠷᠣᠨ ᠲᠡᠬᠡᠷᠡ ᠬᠡᠪᠳᠡᠬᠥᠯᠪᠡ᠃
ᠵᠤᠬᠢᠶᠠᠭᠴᠢ᠄ ᠬᠠᠷᠭᠤᠢ
ᠳᠠᠷᠤᠮ᠄ 26402
ᠴᠠᠭ᠄ 2005 ᠤᠨ ᠤ 08 ᠰᠠᠷᠠ ᠶᠢᠨ 08