ᠨᠢᠭᠡ ᠂ ᠢᠩ ᠤᠨ ᠬᠡᠷ
ᠵᠤᠬᠢᠶᠠᠭᠴᠢ ᠶᠢᠨ ᠳᠤᠬᠠᠢ᠄
ᠬᠠᠷᠭᠤᠢ᠂ ᠣᠤᠯ ᠨᠠᠷᠠ ᠨᠢ ᠦᠯᠵᠡᠢ᠌ᠪᠠᠶᠠᠷ᠃ 1966 ᠣᠨ ᠤ ᠡᠪᠦᠯ᠂ ᠵᠡᠷᠦᠳ ᠬᠤᠰᠢᠭᠤᠨ ᠤ ᠭᠡᠷᠴᠢᠯᠡᠭᠤ ᠰᠤᠮᠤ ᠶᠢᠨ ᠡᠩᠭᠡ ᠶᠢᠨ ᠣᠪᠣᠭᠠ ᠶᠢᠨ ᠠᠷᠤ ᠬᠤᠷᠮᠤᠢ ᠳᠤ᠂ ᠬᠠᠷᠠᠨᠤᠳ ᠳᠠᠢ᠌ᠵᠢ ᠣᠩᠬᠠ ᠶᠢᠨ ᠭᠤᠷᠪᠠᠳᠤᠭᠠᠷ ᠭᠦᠤ ᠪᠣᠯᠵᠤ ᠵᠠᠶᠠᠭᠠᠪᠠ᠃ ᠶᠢᠰᠤᠨ ᠨᠠᠰᠤᠳᠠᠢ ᠰᠠᠶᠢ ᠣᠳᠤᠷ ᠤᠨ ᠰᠤᠷᠭᠠᠭᠤᠯᠢ ᠳᠤ ᠣᠷᠤᠵᠤ ᠥᠰᠦᠭ᠌ ᠨᠢᠳᠤᠯᠠᠵᠤ ᠡᠭᠢᠯᠡᠨ᠂ ᠰᠤᠷᠭᠠᠭᠤᠯᠢ ᠰᠤᠶᠤᠯ ᠤᠨ ᠮᠦᠷ ᠢ ᠠᠯᠳᠠᠯ ᠦᠭᠡᠶ ᠭᠦᠭᠡᠭᠡᠵᠤ ᠶᠠᠪᠣᠭᠰᠠᠭᠠᠷ 90 ᠣᠨ ᠳᠤ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠦᠨᠳᠦᠰᠦᠳᠠᠨ ᠤ ᠪᠠᠭᠰᠢ ᠶᠢᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭ᠋ᠤᠯ ᠭᠡᠯᠡᠨ ᠤ ᠰᠠᠯᠪᠣᠷᠢ ᠡᠴᠡ ᠳᠡᠭᠦᠰᠴᠤ᠂ ᠬᠤᠰᠢᠭᠤᠨ ᠳᠠᠭᠠᠨ ᠬᠠᠷᠢᠨ᠂ ᠪᠠᠶᠠᠷᠳᠤᠬᠤᠰᠢᠭᠤ ᠳ᠋ᠠᠭᠢ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠪᠠ᠃
ᠪᠠᠭᠠ ᠡᠴᠡ ᠨᠤᠮ ᠵᠤᠬᠢᠶᠠᠯ ᠣᠩᠰᠢᠵᠤ ᠴᠤᠭᠯᠠᠭᠤᠯᠬᠤ ᠳᠤᠷᠠᠳᠠᠢ ᠪᠠᠢ᠌ᠭᠰᠠᠨ ᠶᠢᠡᠨ 97 ᠣᠨ ᠡᠴᠡ ᠦᠪᠡᠷ ᠶᠢᠡᠨ ᠪᠢᠴᠢᠵᠤ ᠣᠷᠤᠯᠳᠤᠬᠤ ᠪᠣᠯᠵᠤ᠂ ᠬᠠᠷᠭᠤᠢ ᠨᠠᠷᠠ ᠪᠠᠷ ᠵᠤᠬᠢᠶᠠᠯ ᠪᠦᠳᠦᠭᠡᠯ ᠨᠡᠢ᠌ᠳᠡᠯᠡᠭᠦᠯᠭᠦ ᠪᠤᠯᠪᠠ᠃ ᠡᠨᠡ ᠬᠤᠭᠤᠷᠤᠠᠳᠤ ᠳᠠᠷᠠ 《ᠨᠤᠮᠤᠨ ᠰᠤᠬᠤᠷ ᠤᠨ ᠣᠪᠣᠭᠠ》 ᠭᠡᠭᠦ ᠶᠡᠷᠦᠩᠭᠡᠢ ᠭᠠᠷᠴᠠᠭ ᠲᠡᠶ ᠣᠬᠤᠷ ᠥᠭᠦᠯᠡᠯᠭᠡ ᠶᠢᠨ ᠴᠤᠪᠣᠷᠠᠯ ᠶᠢᠡᠨ ᠥᠷᠭᠦᠯᠵᠢᠯᠡᠨ ᠨᠠᠢ᠌ᠳᠠᠯᠠᠵᠤ᠂ ᠣᠬᠤᠷ ᠡᠷᠴᠢᠮᠯᠢᠭ᠌ ᠵᠤᠬᠢᠶᠠᠮᠵᠢ᠂ ᠣᠨᠤᠪᠴᠢ ᠰᠠᠢ᠌ᠳᠠᠢ ᠭᠡᠯᠡᠯᠭᠡ ᠪᠠᠷ ᠶᠢᠡᠨ ᠣᠩᠰᠢᠭᠴᠢᠤᠨ ᠤᠨ ᠳᠠᠭᠠᠰᠢᠶᠠᠯ ᠳᠤ ᠪᠠᠭᠤᠵᠤ᠂ ᠲ᠋ᠤᠰᠬᠠᠢ ᠰᠢᠭᠦᠮᠵᠢ ᠴᠤ ᠭᠡᠳᠤ ᠭᠠᠷᠤᠯᠠ᠃ ᠪᠠᠰᠠ 《ᠠᠮᠢ ᠨᠠᠰᠤᠨ ᠤ ᠣᠷᠳᠤᠷᠢᠭ》᠂ 《ᠠᠭᠤᠯᠠᠨ ᠳᠤ ᠵᠠᠯᠠᠭᠰᠠᠨ ᠪᠦᠷᠭᠡᠨ》 ᠵᠡᠷᠭᠡ ᠥᠭᠦᠯᠡᠯᠭᠡ ᠪᠢᠴᠢᠵᠤ᠂ ᠠᠮᠢᠳᠤᠷᠠᠯ ᠤᠨ ᠥᠩᠭᠡᠳᠤ ᠭᠦᠷᠦᠰᠤᠨ ᠡᠴᠡ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠶᠢᠡᠨ ᠣᠤᠠᠬᠠᠰ ᠤᠨ ᠨᠤᠭᠤᠭᠠᠨ ᠳᠠᠯᠠ ᠳᠤ ᠣᠪᠤᠨ ᠴᠤᠪᠤᠨ ᠴᠤᠪᠣᠷᠠᠭᠤᠯᠵᠤ ᠪᠠᠢ᠌ᠭᠠ᠃ ᠦᠨᠦ ᠳᠠᠷᠠ 《ᠵᠠᠮ ᠤᠨ ᠳᠤᠭᠤᠰᠤ》 ᠭᠡᠭᠦ ᠣᠤᠭᠠᠨ ᠳᠤᠭᠤᠵᠢ ᠪᠠᠨ ᠪᠢᠴᠢᠵᠤ᠂ ᠣᠩᠰᠢᠭᠴᠢ ᠲᠦᠮᠡᠨ ᠳᠡᠭᠡᠨ ᠡᠷᠭᠦᠨ ᠪᠠᠷᠢᠵᠤ ᠪᠠᠢ᠌ᠨᠠ᠃ ᠲ᠋ᠠ ᠣᠯᠠᠨ ᠳᠤ ᠳᠠᠭᠠᠰᠢᠶᠠᠭᠳᠠᠬᠤ ᠪᠣᠯᠳᠤᠭᠠᠢ!
ᠨᠢᠭᠡ ᠢᠩ ᠤᠨ ᠭᠡᠷ
ᠣᠪᠣᠭᠠ ᠠᠢ᠌ᠯ ᠤᠨ ᠡᠷᠭᠢᠨ ᠳᠤᠭᠤᠷᠢᠨ ᠳ᠋ᠠᠭᠢ ᠭᠠᠵᠠᠷ ᠶᠢᠡᠷ ᠭᠡᠵᠢᠶᠡ ᠡᠴᠡ ᠡᠭᠢᠯᠡᠵᠤ ᠬᠠᠯᠳᠠᠷ ᠪᠣᠯᠳᠠᠷ ᠳᠠᠷᠢᠶᠠ ᠳᠠᠷᠢᠬᠤ ᠪᠣᠯᠤᠭᠰᠠᠨ ᠢ ᠭᠡᠨ ᠨᠢ ᠴᠤ ᠳᠤᠳᠤᠷᠬᠠᠢ ᠭᠡᠯᠡᠵᠤ ᠭᠠᠷᠬᠤ ᠦᠭᠡᠶ᠃ ᠣᠴᠢᠷ ᠪᠣᠯᠭᠠᠵᠤ ᠠᠢ᠌ᠯ ᠤᠨ ᠭᠦᠭ᠍ᠰᠢᠤᠨ ᠡᠴᠡ ᠠᠰᠠᠭᠤᠭᠠᠤᠨ ᠴᠤ 《ᠳᠠᠷᠠ ᠵᠢᠯ》 ᠭᠡᠭᠦ ᠳᠤᠳᠤᠷᠬᠠᠢ ᠬᠠᠷᠢᠭᠤᠯᠳᠠ ᠣᠯᠤᠭᠰᠠᠨ ᠦᠭᠡᠶ ᠭᠡᠳᠡᠭ᠌᠃ ᠡᠨᠡ ᠬᠤᠳᠤᠭᠤᠷ ᠲᠤ ᠬᠠᠮᠤᠭ ᠡᠴᠡ ᠦᠨᠳᠦᠷ ᠨᠠᠰᠤᠳᠠᠢ ᠭᠦᠮᠤᠨ ᠭᠡᠪᠠᠯ ᠬᠠᠮᠤᠭ ᠳᠦᠷᠦᠭᠦᠤ ᠰᠠᠬᠠᠯᠳᠤ ᠡᠶᠢ ᠳᠤᠷᠠᠳᠤᠭᠳᠠᠨᠠ᠃ ᠡᠷᠡᠤ ᠳᠡᠭᠡᠷᠡᠭᠢ ᠭᠢᠮᠤᠰᠤᠨ ᠳᠤᠯᠢᠨ ᠴᠢᠨᠡᠭᠡ ᠪᠣᠷᠤᠪᠳᠤᠷ ᠮᠡᠩᠭᠡ ᠡᠴᠡ ᠨᠢ ᠪᠣᠳᠠ ᠰᠠᠬᠠᠯ ᠤᠷᠭᠤᠵᠤ᠂ ᠡᠩᠭᠡᠯᠵᠡᠭᠦᠷ ᠳᠤᠨᠢ ᠳᠤᠯᠤᠭᠰᠠᠨ ᠪᠠᠢ᠌ᠳᠠᠭ ᠶᠢᠡᠷ ᠰᠠᠬᠠᠯᠳᠤ ᠡᠶᠢ ᠭᠡᠵᠤ ᠨᠠᠷᠠᠰᠢᠵᠠᠢ᠃ ᠨᠠᠰᠤᠨ ᠰᠡᠭᠦᠳᠡᠷ ᠭᠡᠳᠦᠢ ᠪᠣᠯᠤᠭᠰᠠᠨ ᠢ ᠭᠡᠨ ᠴᠤ ᠪᠠᠷᠤᠭᠯᠠᠬᠤ ᠳᠤ ᠪᠠᠷᠭᠡ᠃ ᠡᠷᠡ ᠨᠢ ᠬᠠᠭᠤᠷᠮᠠᠭ ᠮᠠᠠᠵᠤ ᠶᠢᠨ ᠦᠶᠡ ᠳᠤ ᠳᠠᠷᠪᠠ ᠵᠠᠯᠠᠨ ᠤ ᠠᠳᠤᠭᠤᠴᠢᠨ ᠶᠠᠪᠣᠵᠤ ᠪᠠᠢ᠌ᠭᠰᠠᠨ ᠶᠢᠡᠨ ᠭᠡᠳᠡᠰᠤᠨ ᠬᠠᠤᠠᠬᠤᠭᠠ ᠪᠠᠷ ᠨᠠᠰᠤ ᠪᠤᠯᠵᠤ᠂ ᠭᠦᠤ ᠨᠢ ᠨᠡᠭᠦ (ᠤᠷᠦᠰ) ᠤᠷᠦᠵᠤ ᠢᠷᠡᠭ᠍ᠰᠡᠨ ᠵᠢᠯ ᠬᠠᠯᠬᠠ ᠳᠤ ᠭᠠᠷᠤᠯᠠ ᠭᠡᠭᠦ ᠶᠤᠮ᠃ ᠶᠠᠭᠤ ᠴᠤ ᠭᠡᠰᠡᠨ ᠭᠦᠭ᠍ᠰᠢᠨ ᠡᠳᠦᠢ ᠪᠣᠯᠳᠠᠯᠠ ᠭᠠᠭᠴᠠᠭᠠᠷ ᠠᠮᠢᠳᠤᠷᠠᠭᠰᠠᠭᠠᠷ ᠪᠦᠭᠡᠤᠨ ᠣᠳᠤ ᠡᠨᠡ ᠠᠢ᠌ᠯ ᠤᠨ ᠦᠷᠡ ᠶᠢᠨ ᠭᠠᠭᠴᠠ ᠳᠠᠪᠤᠨ ᠪᠠᠳᠤᠯᠭᠠᠳᠤ ᠡᠷᠦᠭᠡ ᠪᠣᠯᠪᠠ᠃ ᠰᠠᠬᠠᠯᠳᠤ ᠡᠶᠢ ᠡᠴᠡ ᠡᠨᠡ ᠬᠤᠳᠤᠭᠤᠷ ᠲᠤ ᠭᠡᠵᠢᠶᠡ ᠡᠴᠡ ᠡᠭᠢᠯᠡᠵᠤ ᠳᠠᠷᠢᠶᠠ ᠳᠠᠷᠢᠬᠤ ᠪᠣᠯᠤᠭᠰᠠᠨ ᠢ ᠠᠰᠠᠭᠤᠬᠤ ᠭᠡᠵᠤ ᠴᠢᠭᠢᠨ ᠳ᠋ᠤᠨᠢ ᠬᠤᠩᠰᠢᠶᠠᠷ ᠶᠢᠡᠨ ᠲᠦᠷᠦᠵᠤ ᠪᠠᠢ᠌ᠭᠠᠤᠨ ᠪᠠᠷᠭᠢᠷᠠᠬᠤ ᠳᠤ ᠡᠶᠢ ᠰᠠᠶᠢ ᠣᠢ᠌ᠯᠠᠭᠠᠪᠠ ᠪᠣᠯᠤᠯᠳᠠᠢ᠂ ᠮᠤᠭᠢᠷ ᠬᠤᠷᠤᠭᠤᠳ ᠤᠨ ᠦᠶᠡ ᠨᠤᠭᠦᠳ ᠶᠢᠡᠨ ᠴᠢᠨᠡᠭᠡ ᠮᠠᠳᠠᠨ ᠵᠢᠭᠢᠯᠭᠡᠵᠤ᠂ ᠳᠦᠩᠭᠡᠵᠢ ᠡᠷᠡᠭᠡᠢ ᠬᠤᠷᠤᠭᠤ ᠣᠷᠤᠬᠤ ᠵᠠᠢ ᠭᠠᠷᠭᠠᠵᠤ ᠪᠠᠢ᠌ᠮᠠᠨ ᠳᠤᠭᠠᠯᠠᠵᠤ ᠳᠤᠭᠠᠯᠠᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲ᠋ᠠᠷᠪᠠ ᠵᠠᠯᠠᠨ ᠤ ᠠᠳᠤᠭᠤᠨ ᠭᠦᠯ ᠶᠢᠡᠷ ᠭᠢᠰᠭᠦᠯᠵᠤ ᠳᠠᠷᠢᠭᠰᠠᠨ ᠴᠢᠨᠢ᠁ ᠭᠡᠤᠨ ᠳᠦᠭ᠍ᠳᠡᠷᠴᠢᠭᠡᠪᠡ᠃ ᠢ᠌ᠳᠡᠪ ᠨᠢ ᠭᠠᠷᠤᠯᠠ ᠭᠡᠵᠤ ᠱᠦᠪᠦᠯᠵᠡᠵᠦ ᠪᠠᠢ᠌ᠳᠠᠯᠠ ᠭᠦᠭ᠍ᠰᠢᠨ ᠤ ᠬᠠᠭᠤᠴᠢᠨ ᠠᠭᠰᠠᠭᠠ ᠨᠢ ᠭᠦᠳᠡᠯᠵᠤ᠂ ᠫᠦᠭ᠍ᠰᠢᠵᠤ ᠬᠠᠭᠰᠢᠭᠠᠤᠨ ᠵᠤᠭᠰᠤᠬᠤ ᠶᠤᠮ ᠪᠢᠰᠢ᠃ ᠨᠥᠭᠡᠨ ᠠᠮᠠᠰᠠᠷ ᠶᠢᠠᠨ ᠱᠠᠭᠠᠢ᠌ᠭᠰᠠᠨ ᠭᠦᠮᠤᠨ ᠢ ᠰᠢᠷᠭᠠᠭᠠᠵᠤ ᠪᠠᠢ᠌ᠭᠰᠠᠭᠠᠷ ᠵᠠᠯᠠᠭᠠᠤᠨ ᠠᠪᠴᠢᠬᠠᠪᠠᠯ ᠵᠠᠳᠠᠷᠠᠭᠰᠠᠨ ᠭᠡᠷᠡᠭ᠌ ᠪᠣᠯᠤᠨᠠ ᠭᠡᠵᠤ ᠣᠴᠢᠭᠰᠠᠨ ᠭᠦᠮᠦᠰ ᠠᠶᠤᠭᠠᠤᠨ ᠴᠢᠨᠠᠭᠰᠢ ᠠᠮᠠ ᠨᠡᠭᠡᠭᠡᠭᠦ ᠵᠤᠷᠢᠭ ᠭᠦᠷᠦᠭ᠍ᠰᠡᠨ ᠦᠭᠡᠶ᠃ ᠭᠡᠳᠡᠷᠭᠦ ᠪᠠᠨ ᠬᠠᠷᠢᠨ ᠭᠦᠯ ᠨᠢᠷᠤᠭᠤ ᠶᠢ ᠨᠢ ᠨᠤᠬᠤᠯᠠᠵᠤ᠂ ᠬᠤᠶᠠᠩ ᠰᠢᠷᠠ ᠣᠰᠤ ᠶᠢ ᠨᠢ ᠳᠠᠷᠠᠭᠠᠵᠤ ᠦᠭᠭᠦ ᠠᠯᠪᠠᠨ ᠳᠤ ᠤᠨᠤᠭᠳᠠᠪᠠ᠃ ᠭᠦᠭ᠍ᠰᠢᠨ᠂ ᠬᠠᠭᠠᠰ ᠡᠳᠦᠷ ᠦᠶᠡ ᠭᠡᠰᠢᠭᠦᠤ ᠪᠠᠨ ᠨᠤᠬᠤᠯᠠᠭᠤᠯᠵᠤ᠂ ᠪᠠᠶᠠ ᠨᠢ ᠳᠠᠯᠪᠢᠭᠤᠷᠠᠭᠰᠠᠨ ᠪᠣᠯᠤᠯᠳᠠᠢ᠂ ᠣᠷᠳᠤᠬᠠᠨ ᠭᠡᠳᠤ ᠭᠡᠭᠡᠷᠡᠭᠦᠯᠵᠤ᠂ ᠢᠰᠡᠭᠡᠢ ᠣᠯᠪᠣᠭ ᠤᠨ ᠶᠢᠡᠨ ᠳᠤᠤᠭᠤᠷ ᠰᠢᠷᠭᠤᠵᠤ ᠣᠷᠤᠭᠠᠤᠨ ᠯᠥᠭ᠌ ᠰᠥᠭ᠌ ᠦᠭᠡᠶ ᠣᠠᠳᠠᠵᠤ ᠣᠷᠭᠢᠵᠠᠢ᠁
ᠣᠪᠣᠭᠠ ᠠᠢ᠌ᠯ ᠤᠨ ᠭᠢᠨ᠂ ᠣᠨ ᠵᠢᠯ ᠳᠡᠭᠡᠨ ᠮᠤᠩᠭ᠋ᠠᠨᠢᠵᠤ ᠪᠠᠢ᠌ᠭᠠᠤᠨ ᠣᠯᠤᠭᠰᠠᠨ ᠳᠠᠷᠢᠶᠠ ᠪᠠᠨ ᠡᠨᠡ ᠡᠳᠦᠷ ᠶᠠᠭᠤ ᠴᠤ ᠭᠡᠰᠡᠨ ᠦᠳᠦᠷᠮᠠ ᠳᠡᠭᠡᠨ ᠣᠷᠤᠭᠤᠯᠵᠤ ᠳᠠᠭᠤᠰᠬᠤ ᠪᠣᠯᠤᠯᠠ᠃ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠨᠢᠭᠡ ᠳᠡᠷᠭᠡ ᠣᠷᠤᠵᠤ ᠢᠷᠡᠭᠦ ᠳᠤ ᠦᠯᠦᠰᠴᠤ ᠶᠠᠳᠠᠷᠠᠭᠰᠠᠨ ᠭᠦᠮᠦᠰ ᠡᠡᠳᠡ ᠳᠠᠠᠳᠠ ᠡᠴᠡ ᠨᠢ ᠴᠢᠮᠭᠢᠵᠤ ᠳᠠᠳᠠᠯᠠᠵᠤ ᠪᠠᠢ᠌ᠬᠤ ᠶᠢ ᠳᠠᠮᠷᠢᠨ ᠱᠦᠵᠢ ᠣᠯᠵᠤ ᠥᠵᠡᠭᠡᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠭᠡ ᠳᠡᠷᠭᠡ ᠮᠤᠩᠭ᠋ᠤᠯ ᠢ ᠪᠠᠭᠤᠯᠭᠠᠬᠤ ᠳᠤ ᠶᠠᠭᠤ ᠨᠢ ᠳᠠᠳᠤᠢ ᠮᠠᠶᠢᠭᠯᠠᠭᠠᠤᠨ ᠪᠠᠢ᠌ᠬᠤ ᠶᠤᠮ᠃ ᠬᠤᠷᠳᠤᠨ ᠳᠦᠷᠦᠭᠦ ᠡᠮᠡ ᠪᠣᠯ ᠡᠨᠡ ᠬᠤᠭᠤᠷᠤᠠᠳᠤ ᠭᠡᠳᠤ ᠳᠦᠷᠦᠭᠡᠤᠨ ᠵᠠᠪᠳᠤᠴᠢᠬᠠᠭᠰᠠᠨ ᠭᠡᠵᠤ ᠪᠠᠷᠭᠢᠷᠠᠬᠤ ᠳᠤ ᠳᠠᠠᠳᠠ ᠪᠠᠢ᠌ᠭᠰᠠᠨ ᠵᠠᠯᠠᠭᠤᠴᠤᠳ ᠳᠦᠷᠴᠢᠭᠢᠨᠠᠳᠠᠯᠠ ᠢᠨᠢᠶᠠᠯᠴᠠᠨ ᠣᠳᠠᠭᠰᠠᠨ ᠴᠤ ᠦᠭᠡᠶ ᠪᠠᠭᠤᠯᠭᠠᠵᠤ ᠪᠠᠷᠠᠪᠠ᠃ ᠦᠨᠡᠨ ᠢ ᠭᠡᠯᠡᠪᠠᠯ ᠡᠨᠡ ᠵᠢᠯ ᠤᠨ ᠳᠠᠷᠢᠶᠠ ᠴᠤ ᠪᠣᠬᠤᠷ ᠡᠴᠡ ᠪᠠᠨ ᠪᠣᠷᠤ ᠰᠤᠯᠤᠩᠭ᠋ᠠ ᠳᠠᠳᠠᠳᠠᠯᠠ ᠭᠢᠮᠠᠷ ᠠᠷᠪᠢᠨ ᠣᠯᠴᠢᠬᠠᠭᠰᠠᠨ ᠳᠠᠭᠠᠨ ᠪᠢᠰᠢ᠂ ᠠᠳᠤᠭᠤ ᠮᠠᠯ ᠭᠢᠰᠭᠢᠯᠠᠵᠤ ᠰᠥᠢᠦᠡᠭᠡᠭᠦ ᠡᠴᠡ ᠠᠶᠤᠭᠠᠤᠨ ᠶᠠᠭᠠᠷᠠᠵᠤ ᠪᠠᠢ᠌ᠬᠤ ᠨᠢ ᠡᠨᠡ᠃ ᠥᠳᠦᠷᠮᠡ ᠳᠡᠭᠡᠨ ᠣᠷᠤᠭᠤᠯᠵᠤ ᠪᠢᠳᠡᠭᠦᠯᠦᠭᠡᠤᠨ ᠠᠪᠴᠢᠬᠠᠪᠠᠯ ᠣᠭᠤᠳᠠᠨ ᠳᠤ ᠬᠠᠭᠠᠰ ᠣᠷᠤᠴᠢᠬᠠᠯᠠ ᠭᠡᠰᠡᠨ ᠥᠭᠡ᠃ ᠠᠭᠠᠵᠢᠮ ᠳᠠᠭᠠᠨ ᠭᠢᠰᠭᠢᠭᠦᠯᠤᠨ ᠠᠪᠴᠤ ᠪᠣᠯᠬᠤ ᠶᠤᠮ ᠴᠢᠨᠢ ᠰᠠᠤᠠᠭᠢᠯ ᠠᠭᠤᠵᠢᠷᠡᠵᠤ᠂ ᠭᠦᠨ ᠨᠢᠭᠡ ᠠᠮᠢᠰᠬᠤᠭᠠ ᠠᠪᠬᠤ ᠨᠢ ᠶᠠᠷᠢᠶᠠᠨ ᠦᠭᠡᠶ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠦᠤ ᠨᠢᠷᠦᠭᠤ᠂ ᠨᠢᠷᠦᠭᠤ ᠭᠡᠵᠤ ᠡᠪᠦᠭᠡᠨ ᠱᠦᠵᠢ ᠨᠢᠷᠤᠭᠤ ᠪᠠᠨ ᠰᠢᠭᠠᠵᠤ᠂ ᠨᠠᠷᠢᠮᠤ ᠶᠢᠨ ᠣᠪᠣᠭᠠᠨ ᠤ ᠡᠩᠭᠡᠷ ᠰᠠᠭᠤᠬᠤ ᠳᠤ ᠡ᠊ ᠡᠷᠭᠢᠯᠡᠭ᠍ᠴᠢ ᠵᠠᠬᠠ ᠳ᠋ᠤᠨᠢ ᠡᠷᠡᠤᠳᠡᠨ ᠴᠦᠮᠴᠥᠢᠪᠡ᠃ ᠡᠨᠡ ᠬᠤᠶᠠᠷ ᠭᠦᠮᠤᠨ ᠪᠣᠯ ᠣᠪᠣᠭᠠ ᠠᠢ᠌ᠯ ᠤᠨ ᠭᠤᠤᠯ ᠳᠤᠯᠭᠠᠭᠤᠷᠢ᠃ ᠣᠴᠢᠷ ᠵᠥᠪᠳᠡᠭᠦ ᠮᠠᠶᠢᠭ ᠲᠡᠶ ᠣᠯᠠᠨ ᠡᠴᠡ ᠵᠠᠢ᠌ᠳᠠᠭᠤ ᠰᠠᠭᠤᠪᠠ᠃ ᠴᠠᠭᠠᠨᠠ ᠪᠠᠢ᠌ᠭᠠ ᠮᠤᠩᠭ᠋ᠤᠯ ᠤᠨ ᠣᠪᠣᠭᠠᠨ ᠤ ᠡᠩᠭᠡᠷ ᠭᠦᠮᠦᠰ ᠡᠷᠡ ᠡᠮᠡ ᠪᠠᠷ ᠶᠢᠡᠨ ᠢᠯᠭᠠᠷᠠᠭᠰᠠᠨ ᠪᠣᠯᠪᠠᠴᠤ ᠨᠢᠭᠡ ᠳᠤᠤᠷᠠ ᠪᠦᠭᠡᠮᠨᠡᠷᠡᠵᠤ ᠰᠠᠭᠤᠭᠠᠤᠨ ᠳᠠᠮᠠᠭᠢ ᠴᠠᠭᠠᠰᠤᠨ ᠤ ᠰᠤᠯᠢᠯᠴᠠᠭᠠ᠂ ᠲ᠋ᠠᠭᠠᠷᠢᠯᠴᠠᠭᠠ ᠥᠭᠡᠨ ᠤ ᠥᠯᠭᠢᠯᠴᠡᠭᠡ ᠪᠠᠨ ᠡᠭᠢᠯᠡᠯᠡ ᠰᠢᠪ᠂ ᠮᠤᠤᠷ ᠥᠵᠡᠭ᠍ᠰᠡᠨ ᠱᠠᠭᠠᠵᠠᠭᠠᠢ ᠨᠤᠭᠤᠳ ᠰᠢᠭ ᠱᠤᠯᠴᠢᠭᠢᠨᠠᠵᠤ ᠭᠠᠷᠪᠠ᠃
ᠲ᠋ᠠᠮᠷᠢᠨ ᠱᠦᠵᠢ ᠨᠠᠪᠴᠢᠨ ᠳᠠᠮᠠᠭᠢ ᠪᠠᠨ ᠪᠦᠳᠦᠭᠦᠨ ᠰᠢᠭ᠌ ᠣᠷᠢᠶᠠᠵᠤ ᠨᠤᠴᠤᠭᠠᠬᠤ ᠶᠢᠨ ᠳᠠᠭᠠᠤ ᠦᠳᠦᠷᠮᠠ ᠳᠤ ᠣᠷᠤᠭᠤᠯᠤᠭᠰᠠᠨ ᠳᠠᠷᠢᠶᠠ ᠪᠠᠨ ᠰᠢᠷᠪᠢᠨ ᠬᠠᠷᠠᠭᠠᠤᠨ ᠣᠷᠳᠤᠬᠠᠨ ᠰᠡᠭᠦᠷᠡᠰᠤ ᠡᠡᠯᠳᠡᠪᠡ᠃ ᠡᠨᠡ ᠪᠣᠯᠤᠩ ᠳ᠋ᠤᠨᠢ ᠬᠠᠯᠢᠰᠤ ᠶᠢ ᠨᠢ ᠱᠠᠭᠠᠯᠤᠭᠠ ᠦᠭᠡᠶ ᠡᠷᠳᠡᠨᠢ ᠰᠢᠰᠢ᠂ ᠲ᠋ᠠᠷᠠ ᠵᠠᠬᠠ ᠳ᠋ᠤᠨᠢ ᠭᠡᠳᠤᠨ ᠣᠪᠣᠭᠠ ᠨᠠᠷᠢᠮᠤ᠂ ᠨᠠᠭᠠᠨᠠ ᠨᠢ ᠪᠠᠰᠠ ᠭᠡᠳᠤᠨ ᠣᠪᠣᠭᠠ ᠭᠢᠰᠭᠢᠭᠦᠯᠦᠭᠡ ᠦᠭᠡᠶ ᠮᠤᠩᠭ᠋ᠤᠯ ᠁
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠤᠬᠠᠢ ᠳᠦᠯᠢᠶᠡ᠂ ᠡᠨᠡ ᠵᠢᠯ ᠪᠠᠰᠠ ᠯᠠ ᠮᠠᠯ ᠤᠨ ᠬᠤᠭᠤᠯᠠ ᠪᠠᠷ ᠢᠷᠡᠭᠦ ᠡᠷᠳᠡᠨᠢ ᠰᠢᠰᠢ ᠶᠢ ᠢᠳᠠᠵᠤ ᠣᠨ ᠳᠤ ᠣᠷᠤᠬᠤ ᠨᠢ ᠡ ᠭᠡᠵᠤ ᠳᠠᠮᠷᠢᠨ ᠱᠦᠵᠢ ᠳᠠᠮᠠᠭᠢ ᠪᠠᠨ ᠭᠦᠴᠦᠳᠡᠢ᠌ᠭᠡᠨ ᠰᠤᠷᠤᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲ᠋ᠡᠭᠡᠭ᠍ᠰᠢ ᠭᠡᠳᠦᠢ ᠭᠡᠵᠤ ᠮᠡᠳᠡᠭᠦᠯᠳᠡᠭ᠌ ᠪᠢᠯᠡ ᠭᠡᠵᠤ ᠡ᠊ ᠡᠷᠭᠢᠯᠡᠭ᠍ᠴᠢ ᠴᠢᠷᠠᠢ᠌ᠳᠠᠬᠤ ᠳ᠋ᠤ ᠡᠪᠦᠭᠡᠨ ᠳᠤᠷᠤᠭᠰᠢ ᠳᠤᠩᠭ᠋ᠣᠢ᠌ᠵᠤ ᠭᠡᠰᠡᠭ᠌ ᠪᠣᠳᠤᠯᠭᠢᠯᠠᠭᠰᠠᠨ ᠶᠢᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠳᠤᠨᠤᠨ ᠭᠡᠳᠦᠢ ᠵᠢᠩ ᠣᠯᠤᠯᠠ ᠭᠡᠵᠤ ᠮᠡᠳᠡᠭᠦᠯᠦᠭ᠍ᠰᠡᠨ ᠪᠢᠯᠡ ᠭᠡᠵᠤ ᠭᠡᠳᠡᠷᠭᠦ ᠠᠰᠠᠭᠤᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢ᠋ᠮᠠᠨ ᠲᠦᠮᠡ ᠳᠠᠪᠤᠨ ᠮᠢᠩᠭ᠋ᠠᠨ ᠵᠢᠩ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲ᠋ᠡᠭᠡᠪᠠᠯ ᠡᠨᠡ ᠵᠢᠯ ᠠᠷᠪᠠᠨ ᠲᠦᠮᠡᠨ ᠵᠢᠩ ᠶᠢᠡᠷ ᠮᠡᠳᠡᠭᠦᠯᠭᠦ ᠭᠡᠷᠡᠭ᠍ᠳᠡᠢ᠃ ᠬᠠᠰᠤᠭᠳᠠᠭᠤᠯᠵᠤ ᠪᠣᠯᠬᠤ ᠦᠭᠡᠶ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠰᠢ ᠰᠦᠷᠡᠯ ᠲᠡᠶ ᠨᠢ ᠵᠢᠩᠯᠡᠭᠡᠤᠨ ᠳᠠᠳᠤᠢ ᠭᠦᠷᠭᠦ ᠦᠭᠡᠶ ᠰᠢᠤ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠡᠢ᠂ ᠥᠭᠡᠷᠡ ᠶᠠᠮᠠᠷ ᠠᠷᠭᠠ ᠪᠠᠢ᠌ᠨᠠ ᠳ᠋ᠡ ᠭᠡᠭᠦ ᠳᠤ ᠡᠷᠭᠢᠯᠡᠭ᠍ᠴᠢ ᠳᠤ ᠴᠤ ᠳᠤᠭᠢᠳᠠᠢ ᠠᠷᠭᠠ ᠣᠯᠳᠠᠭᠰᠠᠨ ᠦᠭᠡᠶ ᠳᠤᠭᠤᠢ ᠪᠣᠯᠪᠠ᠃ ᠮᠤᠩᠭ᠋ᠤᠯ ᠤᠨ ᠣᠪᠣᠭᠠᠨ ᠤ ᠡᠩᠭᠡᠷ ᠲᠤ ᠭᠡᠨ ᠨᠢᠭᠡ ᠨᠢ ᠮᠡᠷᠭᠡᠯᠡᠵᠤ ᠪᠠᠢ᠌ᠭᠠ ᠪᠣᠯᠤᠯᠳᠠᠢ᠂ ᠪᠠᠢ᠌ᠨ ᠪᠠᠢ᠌ᠨ ᠳᠦᠷᠭᠢᠯᠳᠦᠭᠦ ᠳᠠᠭᠤᠨ ᠭᠠᠷᠴᠤ᠂ ᠦᠬᠢᠳ ᠡᠮᠡᠰ ᠨᠢ ᠠᠯᠴᠢᠭᠤᠷ ᠤᠨ ᠶᠢᠡᠨ ᠥᠵᠦᠭᠦᠷ ᠶᠢᠡᠷ ᠠᠮᠠ ᠪᠠᠨ ᠪᠦᠳᠡᠭᠡᠨ ᠭᠢᠤᠨ ᠬᠠᠤᠨ ᠢᠨᠢᠶᠠᠯᠴᠠᠨᠠ᠃ ᠲ᠋ᠠᠮᠷᠢᠨ ᠱᠦᠵᠢ ᠳᠠᠷᠠ ᠣᠷᠤᠭᠤ ᠴᠠᠭᠠᠨ ᠨᠢᠳᠤ ᠪᠠᠷ ᠴᠠᠢ᠌ᠪᠠᠢ᠌ᠵᠤ ᠬᠠᠷᠠᠭᠰᠠᠨ ᠶᠢᠡᠨ ᠭᠠᠷ ᠤᠨ ᠠᠯᠠᠭᠠᠨ ᠳᠡᠭᠡᠷᠡ ᠪᠠᠨ ᠯᠠᠭ ᠭᠡᠳᠡᠯᠡ ᠨᠤᠯᠮᠤᠵᠤ᠂ ᠲ᠋ᠠᠮᠠᠭᠢ ᠶᠢᠨ ᠭᠠᠯ ᠶᠢᠡᠨ ᠲᠦᠷᠦᠵᠤ ᠣᠠᠳᠠᠷᠠᠭᠠᠭᠰᠠᠨ ᠶᠢᠡᠨ ᠳᠠᠭᠢᠨ ᠭᠤᠳᠤᠯ ᠤᠨ ᠶᠢᠡᠨ ᠬᠤᠩᠰᠢᠶᠠᠷ ᠳᠡᠭᠡᠷᠡ ᠱᠤᠳᠤᠷᠤᠨ ᠵᠥᠯᠭᠦᠭᠦ ᠶᠢᠨ ᠳᠠᠭᠠᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠠᠶᠠ ᠡᠨᠡ ᠰᠦᠨᠢ ᠦᠳᠦᠷᠮᠠ ᠰᠠᠭᠢᠵᠤ ᠬᠤᠨᠤ᠂ ᠥᠭᠡᠷᠡ ᠨᠢ ᠨᠤᠬᠠᠢ ᠶᠢᠨ ᠭᠡᠳᠡᠰᠤ ᠪᠠᠨ ᠳᠦᠭᠦᠷᠭᠡᠭᠦ ᠪᠠᠷ ᠶᠡᠪᠦᠵᠠᠭᠠ ᠭᠡᠯᠡ᠃ ᠡ᠊ ᠡᠷᠭᠢᠯᠡᠭ᠍ᠴᠢ ᠨᠢᠭᠡ ᠣᠴᠢᠷ ᠢ ᠰᠠᠨᠠᠭᠠᠨ ᠳᠤ ᠤᠷᠦᠵᠤ᠂ ᠡᠷᠡᠤ ᠪᠠᠨ ᠭᠡᠳᠤ ᠡᠷᠳᠡᠯᠵᠡᠭᠦᠯᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠠᠷᠭᠠᠰᠢ ᠶᠠᠭᠤ ᠭᠢᠨᠡ︖ ᠭᠡᠭᠦ ᠳᠤ ᠳᠠᠮᠷᠢᠨ ᠱᠦᠵᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠤᠷᠭᠠᠭᠤᠯᠢ ᠶᠢᠨ ᠭᠡᠦᠭᠡᠤᠨ ᠶᠢᠡᠷ ᠡᠷᠳᠡᠨᠢ ᠰᠢᠰᠢ ᠱᠠᠭᠠᠯᠤᠭᠤᠯᠤᠨᠠ᠃ ᠴᠢ ᠣᠷᠤᠢ ᠣᠴᠢᠵᠤ ᠵᠠᠮᠪᠠᠯ ᠳᠤ᠂ 《ᠨᠢᠭᠡ ᠶᠢ ᠴᠤ ᠰᠠᠭᠠᠳᠠᠭᠠᠵᠤ ᠪᠣᠯᠬᠤ ᠦᠭᠡᠶ》 ᠭᠡᠵᠤ ᠭᠡᠯᠡᠵᠤ ᠥᠭ᠌ ᠭᠡᠤᠨ ᠨᠢᠷᠤᠭᠤ ᠪᠠᠨ ᠡᠭᠦᠷᠤᠨ ᠭᠡᠷ ᠥᠭᠡᠳᠡ ᠪᠠᠨ ᠠᠯᠬᠤᠯᠠᠪᠠ᠃
ᠭᠡᠯᠡᠭᠦ ᠡᠴᠡ ᠳᠠᠷᠪᠠ ᠵᠠᠯᠠᠨ ᠤ ᠠᠳᠤᠭᠤᠨ ᠭᠦᠯ ᠶᠢᠡᠷ ᠭᠢᠰᠭᠢᠭᠦᠯᠵᠤ ᠳᠠᠷᠢᠭᠰᠠᠨ ᠨᠢ ᠪᠠᠰᠠ ᠥᠯᠢᠭᠡᠷ ᠲᠡᠶ ᠠᠵᠢ᠃ ᠬᠠᠭᠤᠷᠮᠠᠭ ᠮᠠᠠᠵᠤ ᠡᠭᠢᠯᠡᠭ᠍ᠰᠡᠨ ᠳᠠᠷᠠ ᠵᠢᠯ ᠤᠨ ᠬᠠᠪᠣᠷ ᠤᠨ ᠡᠭᠢᠨ ᠤ ᠴᠠᠰᠤ ᠰᠢᠭᠤᠷᠭᠠ ᠲᠡᠶ ᠨᠢᠭᠡ ᠡᠳᠦᠷ᠂ ᠵᠠᠯᠠᠨ ᠤ ᠠᠳᠤᠭᠤᠴᠢᠨ ᠳᠤᠷᠵᠢ᠂ ᠵᠢᠭᠠᠬᠠᠨ ᠪᠠᠶᠠ ᠲᠡᠶ ᠮᠡᠭ᠍ᠵᠢᠭᠡᠷ ᠡᠪᠦᠭᠡᠨ ᠢ ᠡᠮᠡᠭᠡᠯ ᠤᠨ ᠠᠷᠤ ᠳᠠᠭᠠᠨ ᠳᠡᠭᠦᠷᠴᠤ ᠢᠷᠠᠪᠠ᠃ ᠣᠷᠠᠩᠬᠠᠢ ᠨᠠᠪᠳᠠᠷᠬᠠᠢ ᠶᠢ ᠡᠮᠦᠰᠴᠤ᠂ ᠡᠪᠠᠰᠤᠨ ᠱᠠᠬᠠᠢ ᠣᠭᠯᠠᠭᠰᠠᠨ ᠡᠴᠡ ᠨᠢ ᠦᠵᠡᠪᠠᠯ ᠠᠷᠭᠠ ᠦᠭᠡᠶ ᠶᠠᠳᠠᠭᠤ ᠭᠦᠮᠤᠨ ᠭᠡᠳᠡᠭ᠌ ᠨᠢ ᠦᠵᠡᠳᠠᠯᠠ ᠢᠯᠡᠭᠡᠨ᠃ ᠲ᠋ᠡᠷᠡ ᠭᠦᠮᠤᠨ ᠠᠷᠠᠰᠤ ᠶᠠᠰᠤ ᠪᠣᠯᠳᠠᠯᠠ ᠪᠠᠨ ᠡᠴᠡᠵᠤ ᠳᠤᠷᠠᠭᠠᠤᠨ ᠠᠮᠢ ᠨᠠᠭᠠᠨᠠ ᠳᠠᠮᠤ ᠴᠠᠭᠠᠨᠠ ᠭᠡᠮᠡᠷ ᠮᠠᠷ ᠰᠠᠷ ᠠᠮᠢᠰᠬᠤᠭᠠ ᠲᠡᠶ ᠪᠠᠢ᠌ᠯᠠ᠃ ᠠᠳᠤᠭᠤᠴᠢᠨ ᠤ ᠭᠡᠯᠡᠭᠦ ᠪᠠᠷ ᠳᠠᠮᠵᠢᠭᠤᠷ ᠳᠠᠮᠨᠠᠨ ᠳᠡᠨᠡᠭᠦᠴᠢᠯᠡᠵᠤ ᠪᠠᠢ᠌ᠭᠠᠤᠨ ᠭᠤᠤᠯ ᠤᠨ ᠳᠤᠬᠤᠢ ᠳᠤ ᠬᠠᠷᠠᠯᠠᠵᠤ ᠣᠨᠠᠭᠠᠤᠨ ᠪᠠᠢ᠌ᠭᠰᠠᠨ ᠢ ᠦᠷᠦ ᠡᠪᠠᠳᠦᠭᠡᠤᠨ ᠠᠪᠴᠢᠷᠠᠯᠠ ᠭᠡᠨᠡ᠃ ᠵᠡᠯᠡᠨ ᠤ ᠬᠠᠳᠤᠨ ᠭᠡᠵᠤ ᠪᠦᠳᠦᠭᠦᠨ ᠳᠠᠷᠭᠤᠨ ᠡᠮᠡ ᠥᠵᠡᠮᠡᠭ᠍ᠴᠡ 《ᠳᠦᠢ ᠲᠡᠶ》 ᠪᠠᠨ ᠡᠡᠯᠳᠡᠷᠡᠵᠤ᠂ ᠵᠢᠪᠠᠭᠦᠷᠡᠭᠡᠤᠨ ᠡᠭᠦᠳᠡᠨ ᠳᠡᠭᠡᠨ ᠴᠤ ᠣᠢ᠌ᠷᠠᠳᠤᠭᠤᠯᠤᠭᠰᠠᠨ ᠦᠭᠡᠶ᠃ ᠲ᠋ᠤᠷᠵᠢ ᠠᠷᠭᠠ ᠶᠠᠳᠠᠬᠤ ᠳᠠᠭᠠᠨ ᠭᠡᠷ ᠲᠡᠭᠡᠨ ᠡᠭᠦᠷᠴᠤ ᠠᠪᠠᠴᠢᠭᠠᠤᠨ ᠦᠨᠢᠶᠠᠨ ᠰᠥ᠋ ᠶᠢ ᠠᠮᠠᠨ ᠳ᠋ᠤᠨᠢ ᠭᠢᠵᠤ ᠪᠠᠢ᠌ᠮᠠᠨ ᠰᠡᠷᠭᠦᠭᠡᠵᠤ ᠡᠡᠪᠦᠪᠡ᠃ ᠰᠡᠷᠭᠦᠮᠡᠭ᠍ᠴᠡ ᠡᠪᠦᠭᠡᠨ 《ᠭᠧᠤ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠧᠤ》 ᠭᠡᠤᠨ ᠭᠦᠶᠤᠨ ᠪᠣᠰᠴᠤ᠂ ᠬᠠᠨᠠᠨ ᠨᠢᠳᠤᠨ ᠳᠤ ᠳᠤᠯᠤᠭᠠᠢ ᠪᠠᠨ ᠴᠢᠭᠢᠭᠡᠤᠨ ᠴᠡᠴᠡᠷᠡᠨᠡ᠃ ᠭᠡᠷ ᠲᠤ ᠪᠠᠢ᠌ᠭᠰᠠᠨ ᠳᠤᠷᠵᠢ᠂ ᠲᠦᠭᠢᠮᠠ ᠬᠤᠶᠠᠷ ᠡᠨᠡ ᠥᠭᠡ ᠶᠢ ᠨᠢ ᠳᠦᠭᠦᠭᠡᠷᠡᠭ᠍ᠰᠡᠨ ᠦᠭᠡᠶ᠂ ᠥᠭᠡᠳᠡ ᠥᠭᠡᠳᠡ ᠡᠴᠡ ᠪᠠᠨ ᠬᠠᠷᠠᠨ ᠮᠡᠯᠡᠷᠡᠭᠦ ᠳᠤ ᠪᠢᠴᠢᠬᠠᠨ ᠭᠦᠤ ᠨᠢ ᠬᠠᠷᠢᠨ ᠳᠤᠮᠤ ᠭᠦᠮᠤᠨ ᠤ ᠢᠩᠭᠢᠵᠤ ᠠᠭᠠᠰᠢᠯᠠᠬᠤ ᠶᠢ ᠰᠠᠶᠢ ᠯᠠ ᠥᠵᠡᠭ᠍ᠰᠡᠨ ᠳᠡᠭᠡᠨ ᠴᠢᠴᠠᠭᠠ ᠪᠢᠴᠠᠭᠠ ᠠᠯᠳᠠᠨ ᠤᠬᠢᠯᠡᠪᠡ᠃ ᠲ᠋ᠡᠭᠡᠭᠦ ᠳᠤ ᠡᠪᠦᠭᠡᠨ᠂ ᠨᠤᠬᠠᠢ ᠳᠤ ᠣᠷᠠᠭᠤᠯᠵᠤ ᠠᠶᠤᠵᠤ ᠳᠤᠳᠠᠭᠠᠵᠤ ᠪᠠᠢ᠌ᠭᠠᠤᠨ ᠮᠠᠨᠠᠷᠠᠵᠤ ᠣᠨᠠᠭᠰᠠᠨ ᠪᠠᠢ᠌ᠵᠠᠢ᠃
ᠡᠪᠦᠭᠡᠨ ᠪᠠᠭᠠᠬᠠᠨ ᠪᠠᠶᠠ ᠲᠡᠶ᠂ ᠮᠦᠷᠤ ᠪᠠᠷ ᠶᠢᠡᠨ ᠮᠡᠭ᠍ᠵᠢᠭᠡᠷ ᠭᠦᠮᠤᠨ ᠳᠤᠯᠠ ᠳᠠᠳᠠ ᠮᠡᠭ᠍ᠵᠢᠭᠡᠷ ᠡᠪᠦᠭᠡᠨ ᠭᠡᠵᠤ ᠳᠠᠭᠤᠳᠠᠬᠤ ᠪᠣᠯᠪᠠ᠃ ᠲ᠋ᠠᠷᠠ ᠨᠢ ᠮᠤᠩᠭ᠋ᠤᠯ ᠥᠭᠡ ᠶᠢ ᠮᠠᠭᠤᠬᠠᠨ ᠮᠡᠳᠡᠳᠡᠭ᠌ ᠴᠤ ᠮᠤᠳᠤ ᠴᠢᠯᠠᠭᠤᠨ ᠤ ᠠᠵᠢᠯ ᠳᠠᠭᠠᠨ ᠭᠡᠴᠡᠭᠦᠤ ᠳᠠᠮᠳᠠᠢ ᠬᠠᠰᠢᠷ ᠭᠦᠮᠤᠨ ᠪᠠᠢ᠌ᠯᠠ᠃ ᠲ᠋ᠠᠷᠠ ᠬᠠᠪᠣᠷ ᠪᠠᠶᠠ ᠨᠢ ᠳᠡᠩᠭᠡᠷᠡᠭ᠍ᠰᠡᠨ ᠤ ᠰᠡᠭᠦᠯᠡᠷ ᠡᠪᠳᠡᠷᠡᠵᠤ ᠥᠯᠭᠢᠷᠡᠭ᠍ᠰᠡᠨ ᠢ ᠨᠢ ᠭᠡᠳᠤᠨ ᠡᠳᠦᠷ ᠮᠤᠩᠭ᠋ᠠᠨᠢᠵᠤ ᠪᠠᠢ᠌ᠭᠠᠤᠨ ᠵᠠᠰᠠᠨ ᠰᠡᠯᠪᠢᠭᠡᠤᠨ ᠦᠭᠭᠦ ᠳᠤ ᠵᠠᠯᠠᠨ ᠪᠠᠶᠠᠷᠯᠠᠵᠤ᠂ ᠵᠠᠷᠤᠴᠠ ᠨᠡᠷ ᠳᠠᠭᠠᠨ 《ᠰᠠᠢ᠌ᠨ ᠵᠤᠴᠢᠯᠠ》 ᠭᠡᠵᠤ ᠵᠡᠭᠢᠵᠡᠢ᠃ ᠭᠡᠳᠡᠯᠡ ᠰᠠᠢ᠌ᠨ ᠵᠤᠴᠢᠯᠠᠭᠰᠠᠨ ᠨᠢ ᠡᠪᠦᠭᠡᠨ ᠳᠤ ᠬᠠᠷᠠ ᠠᠶᠤᠯ ᠪᠣᠯᠤᠨᠠ ᠭᠡᠵᠤ ᠭᠡᠨ ᠮᠠᠳᠠᠯᠠ ᠲ᠋ᠠᠮᠠᠢ ᠬᠤᠶᠠᠷ ᠬᠤᠨᠤᠭᠰᠠᠨ ᠦᠭᠡᠶ ᠡᠪᠦᠭᠡᠨ᠂ ᠭᠡᠳᠡᠰᠤ ᠪᠠᠨ ᠳᠠᠪᠠᠷᠢᠨ ᠭᠡᠷ ᠤᠨ ᠠᠷᠤ ᠶᠢᠨ ᠪᠣᠳᠠ ᠣᠷᠤᠭᠤ ᠭᠦᠶᠦᠭᠦ ᠪᠣᠯᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲ᠋ᠠᠨ ᠤ ᠡ᠊ᠡᠳᠡ ᠴᠢᠨᠢ ᠮᠢᠬᠠ ᠳᠤᠰᠤ ᠡᠴᠡ ᠣᠠᠳᠤᠤ ᠶᠠᠭᠤᠮᠠ ᠢᠳᠡᠳᠡᠭ᠌ ᠦᠭᠡᠶ ᠶᠤᠮ ᠦᠦ︖ ᠲ᠋ᠤᠷᠤᠭᠰᠢ ᠭᠤᠭᠤᠵᠢᠭᠤᠯᠤᠭᠠᠤᠨ ᠪᠣᠯᠬᠤ ᠦᠭᠡᠶ ᠯᠡᠢ ᠭᠡᠵᠤ ᠥᠷᠴᠢᠯᠵᠡᠭᠡᠤᠨ᠂ ᠵᠡᠯᠡᠨ ᠢ ᠢᠨᠢᠶᠠᠵᠤ ᠴᠤ ᠴᠢᠳᠠᠬᠤ ᠦᠭᠡᠶ ᠬᠠᠨᠢᠶᠠᠵᠤ ᠴᠤ ᠴᠢᠳᠠᠬᠤ ᠦᠭᠡᠶ ᠪᠣᠯᠭᠠᠵᠠᠢ᠃ ᠣᠷᠤᠢ ᠨᠢ ᠵᠠᠯᠠᠨ ᠮᠡᠭ᠍ᠵᠢᠭᠡᠷ ᠡᠪᠦᠭᠡᠨ ᠢ ᠳᠠᠭᠤᠳᠠᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠳᠤᠨᠤᠨ ᠨᠠᠮᠤᠷ ᠤᠨ ᠰᠤᠯᠢᠵᠤ ᠢᠷᠡᠭ᠍ᠰᠡᠨ ᠮᠤᠩᠭ᠋ᠤᠯ ᠠᠮᠤ ᠪᠣᠢ᠃ ᠭᠤᠤ ᠰᠤᠵᠠᠭ᠂ ᠭᠤᠤᠯ ᠤᠨ ᠳᠤᠬᠤᠢ ᠠᠯᠢ ᠳᠤᠭᠤᠭᠰᠠᠨ ᠭᠠᠵᠠᠷ ᠶᠢᠡᠨ ᠰᠤᠩᠭ᠋ᠤᠵᠤ ᠳᠠᠷᠢᠵᠤ ᠥᠵᠡ ᠭᠡᠭᠦ ᠳᠤ ᠡᠪᠦᠭᠡᠨ ᠤ ᠰᠢᠭᠢᠭᠡᠷ ᠨᠢᠳᠤᠨ ᠳ᠋ᠤᠨᠢ ᠶᠠᠭᠠᠨ ᠳᠤᠶᠠᠭᠠ ᠳᠠᠳᠠᠵᠤ᠂ ᠠᠮᠠ ᠨᠢ ᠠᠩᠭ᠋ᠠᠯᠵᠠᠨ ᠵᠠᠪᠠᠵᠢ ᠨᠢ ᠳᠠᠳᠠᠪᠠᠭᠠᠨᠠᠭᠰᠠᠨ ᠪᠣᠯᠪᠠᠴᠤ ᠥᠭᠡ ᠪᠠᠨ ᠭᠡᠯᠡᠵᠤ ᠭᠠᠷᠤᠭᠰᠠᠨ ᠦᠭᠡᠶ᠂ ᠭᠡᠳᠤ ᠪᠦᠭᠦᠯᠵᠡᠭᠡᠤᠨ ᠭᠠᠷᠴᠤ ᠶᠠᠪᠣᠪᠠ᠃
ᠡᠪᠦᠭᠡᠨ ᠤ ᠨᠢᠳᠤᠨ ᠭᠠᠯ ᠮᠠᠭᠤᠳᠠᠭᠰᠠᠨ ᠪᠣᠯᠪᠠᠴᠤ ᠳᠠᠷᠢᠶᠠᠨ ᠠᠵᠢᠯ ᠳᠤ ᠴᠠᠭᠠᠷᠠᠭᠰᠠᠨ ᠭᠠᠷ ᠪᠠᠢ᠌ᠪᠠ᠃ ᠲ᠋ᠠᠷᠢᠶᠠ ᠳᠠᠷᠢᠨᠠ ᠭᠡᠵᠤ ᠰᠤᠩᠭ᠋ᠤᠭᠰᠠᠨ ᠬᠤᠳᠤᠭᠤᠷ ᠨᠢ ᠭᠤᠤᠯ ᠤᠨ ᠳᠤᠬᠤᠢ ᠳ᠋ᠠᠭᠢ ᠨᠠᠷᠠ ᠴᠢᠭᠢᠭ᠌ ᠨᠢ ᠳᠡᠩᠴᠡᠭ᠍ᠰᠡᠨ ᠰᠥᠪᠠᠷᠭᠡᠭ᠌ ᠭᠦᠭᠡᠭ᠌ ᠭᠠᠵᠠᠷ ᠪᠠᠢ᠌ᠯᠠ᠃ ᠵᠠᠯᠠᠨ ᠤ ᠵᠠᠭᠠᠨ ᠰᠢᠭ ᠠᠮᠪᠠᠨ ᠱᠠᠷ ᠤᠳ ᠣᠯᠠᠨ ᠪᠠᠢ᠌ᠭᠰᠠᠨ ᠴᠤ ᠭᠦᠯᠭᠡ ᠵᠢᠦᠡᠭᠦᠵᠤ ᠳᠠᠷᠢᠶᠠᠨ ᠱᠠᠩ ᠶᠢᠡᠷ ᠶᠠᠪᠣᠵᠤ ᠰᠤᠷᠤᠭᠰᠠᠨ ᠦᠭᠡᠶ ᠠᠷᠳᠠᠭ ᠶᠠᠭᠤᠮᠠ ᠨᠤᠭᠤᠳ ᠪᠠᠢ᠌ᠵᠤ᠂ ᠡᠪᠦᠭᠡᠨ ᠤ ᠣᠢ᠌ᠯᠠ ᠳᠠᠮᠤ ᠶᠢ ᠥᠵᠡᠪᠡ᠃ ᠭᠡᠳᠤᠨ ᠡᠳᠦᠷ ᠨᠤᠤᠷᠠᠯᠳᠤᠵᠤ ᠳᠦᠩᠭᠡᠵᠢ ᠥᠭᠡᠷ ᠤᠳ ᠢ ᠵᠥᠭ᠍ᠰᠢᠷᠡᠭᠦᠯᠳᠡᠯᠡ ᠳᠠᠮᠤᠷ ᠬᠤᠰᠢᠭᠤ ᠦᠭᠡᠶ ᠪᠠᠰᠠ ᠨᠢᠭᠡ ᠳᠦᠪᠠᠭ᠌ ᠳᠤᠯᠭᠠᠷᠠᠵᠤ᠂ ᠭᠠᠷ ᠶᠢᠡᠨ ᠨᠤᠬᠤᠯᠠᠵᠤ ᠭᠠᠴᠢᠭᠳᠠᠪᠠ᠃ ᠬᠠᠳᠠᠭᠰᠠᠨ ᠬᠠᠢ᠌ᠯᠠᠰᠤᠨ ᠮᠤᠳᠤ ᠪᠠᠷ ᠬᠤᠰᠢᠭᠤ ᠭᠢᠵᠤ ᠥᠵᠡᠭ᠍ᠰᠡᠨ ᠪᠣᠯᠪᠠᠴᠤ ᠳᠠᠷᠠ ᠨᠢ ᠳᠠᠮᠠᠢ ᠶᠠᠪᠣᠬᠤ ᠦᠭᠡᠶ ᠮᠤᠯᠭᠤ ᠥᠰᠦᠷᠦᠭᠡᠤᠨ ᠶᠠᠪᠤᠴᠢᠬᠠᠨᠠ᠃ ᠡᠪᠦᠭᠡᠨ ᠵᠤᠷᠢᠭ ᠮᠤᠬᠤᠵᠤ ᠵᠢᠯᠤᠭᠤ ᠪᠠᠨ ᠬᠤᠷᠢᠶᠠᠬᠤ ᠭᠡᠮᠵᠢᠶᠡᠨ ᠳᠤ ᠭᠦᠷᠦᠭᠡᠤᠨ ᠪᠠᠢ᠌ᠳᠠᠯᠠ ᠠᠳᠤᠭᠤᠴᠢᠨ ᠳᠤᠷᠵᠢ ᠨᠢᠭᠡ ᠡᠳᠦᠷ ᠵᠠᠬᠠᠭᠤᠷ ᠨᠢ ᠵᠦᠷᠢᠵᠤ ᠭᠠᠷᠬᠤ ᠳᠠᠭᠠᠷᠠᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠨᠡ ᠰᠥᠪᠠᠷᠭᠡᠭ᠌ ᠭᠠᠵᠠᠷ ᠢ ᠣᠷᠪᠠᠭᠤᠯᠬᠤ ᠳᠤ ᠶᠠᠭᠤ ᠨᠢ ᠵᠤᠪᠠᠴᠢᠬᠠᠭᠰᠠᠨ ᠶᠤᠮ ᠪᠢ ᠠᠳᠤᠭᠤ ᠪᠠᠷ ᠶᠢᠡᠨ ᠨᠢᠭᠡ ᠯᠠ ᠳᠠᠭᠠᠷᠢᠭᠤᠯᠪᠠᠯ ᠡᠨᠡ ᠬᠤᠳᠤᠭᠤᠷ ᠢ ᠴᠢᠨᠢ ᠡᠷᠭᠢ ᠮᠠᠩᠬᠠ ᠪᠣᠯᠭᠠᠴᠢᠬᠠᠨᠠ ᠭᠡᠵᠤ ᠮᠤᠷᠢᠨ ᠳᠡᠭᠡᠷᠡ ᠪᠠᠨ ᠭᠡᠯᠳᠡᠭᠡᠢ ᠰᠠᠭᠤᠨ᠂ ᠠᠮᠠ ᠪᠠᠷᠳᠠᠮ ᠭᠡᠯᠡᠭᠦ ᠳᠤ ᠡᠪᠦᠭᠡᠨ ᠢᠳᠡᠭᠡᠭ᠍ᠰᠡᠨ ᠦᠭᠡᠶ᠂ ᠬᠤᠶᠠᠭᠤᠯᠠ ᠭᠡᠨ ᠭᠡᠨ ᠳᠡᠭᠡᠨ ᠠᠪᠳᠠᠬᠤ ᠦᠭᠡᠶ ᠭᠡᠯᠡᠯᠴᠡᠭ᠍ᠰᠡᠭᠡᠷ ᠪᠠᠢ᠌ᠭᠠᠤᠨ ᠮᠠᠯᠵᠢᠶᠠ ᠳᠠᠯᠪᠢᠬᠤ ᠪᠣᠯᠵᠤ᠂ ᠵᠠᠯᠠᠨ ᠤ ᠳᠡᠷᠭᠡᠳᠡ ᠢᠷᠠᠪᠠ᠃ 《ᠬᠠᠯᠳᠠᠪᠠᠯ ᠬᠠᠳᠤᠨ ᠲᠡᠶ ᠨᠢ》 ᠭᠡᠵᠤ ᠭᠡᠷᠡᠭ᠌ ᠶᠡᠭᠡ ᠳᠡᠭᠡᠨ ᠳᠡᠭᠡᠷᠡ ᠭᠡᠵᠤ ᠪᠣᠳᠤᠭᠠᠤᠨ ᠳᠤᠷᠵᠢ ᠰᠥᠷᠡᠭᠡᠢ ᠣᠮᠤᠭ ᠠᠪᠴᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲ᠋ᠤᠭᠤᠯ ᠲᠡᠶ ᠦᠨᠢᠶᠡ ᠭᠡᠪᠡ᠃ ᠲ᠋ᠡᠨᠦᠵᠤ ᠢᠷᠡᠭ᠍ᠰᠡᠨ ᠡᠪᠦᠭᠡᠨ ᠳᠤ ᠳᠤᠭᠤᠯ ᠲᠡᠶ ᠦᠨᠢᠶᠡ ᠪᠠᠢ᠌ᠳᠤᠭᠠᠢ ᠳᠤᠤᠷᠠ ᠪᠠᠨ ᠳᠠᠪᠢᠰᠤᠮᠠᠷ ᠳᠤᠷᠤᠰᠬᠠ ᠴᠤ ᠦᠭᠡᠶ ᠪᠣᠯᠬᠤᠷ ᠵᠠᠯᠠᠨ ᠳᠤᠯᠤᠭᠠᠢ ᠮᠡᠳᠡᠵᠤ᠂ ᠲ᠋ᠡᠢ᠌ᠯᠦᠭ᠍ᠳᠡᠪᠠᠯ ᠡᠪᠦᠭᠡᠨ ᠤ ᠣᠷᠤᠨ ᠳᠤ ᠳᠤᠭᠤᠯ ᠲᠡᠶ ᠦᠨᠢᠶᠡ ᠦᠭᠭᠦ ᠪᠠᠷ ᠪᠣᠯᠪᠠ᠃
ᠲ᠋ᠠᠷᠠ ᠡᠳᠦᠷ ᠨᠢ ᠨᠠᠷᠠᠯᠠᠭ ᠰᠠᠢ᠌ᠬᠠᠨ ᠡᠳᠦᠷ ᠪᠤᠯᠤᠯᠠ᠃ ᠮᠡᠭ᠍ᠵᠢᠭᠡᠷ ᠡᠪᠦᠭᠡᠨ᠂ ᠭᠤᠤᠯ ᠤᠨ ᠳᠤᠬᠤᠢ ᠳᠤ ᠳᠠᠷᠢᠶᠠᠨ ᠦᠷᠡ ᠪᠠᠨ ᠰᠠᠴᠤᠵᠤ ᠪᠠᠷᠠᠭᠠᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ᠂ ᠣᠳᠤ ᠳᠠᠨ ᠤ ᠭᠢ ᠶᠢ ᠥᠵᠢ (ᠥᠵᠡᠶᠡ) ᠪᠡ︕ ᠭᠡᠪᠡ᠃ ᠲ᠋ᠦᠷᠵᠢ ᠠᠳᠤᠭᠤ ᠪᠠᠨ ᠬᠤᠮᠢᠵᠤ ᠢᠷᠡᠭᠦ ᠪᠠᠷ ᠣᠷᠭᠠ ᠪᠠᠨ ᠳᠤᠯᠤᠨ ᠮᠤᠷᠢᠨ ᠳᠠᠭᠠᠨ ᠮᠤᠷᠳᠠᠪᠠ᠃ ᠪᠠᠭᠠ ᠦᠳᠡ ᠪᠣᠯᠬᠤ ᠭᠢᠷᠢ ᠪᠠᠷ ᠪᠠᠶᠠᠠᠴᠠᠭᠠᠨ ᠤ ᠡᠩᠭᠡᠷ ᠶᠢᠡᠷ ᠴᠠᠭᠠᠨ ᠳᠤᠭᠤᠰᠤ ᠳᠡᠭ᠍ᠳᠡᠨ᠂ ᠵᠠᠯᠡᠨ ᠤ ᠮᠢᠩᠭ᠋ᠠᠨ ᠠᠳᠤᠭᠤ ᠦᠶᠡᠷ ᠤᠨ ᠣᠰᠤ ᠰᠢᠭ ᠢᠪᠠᠷᠤᠨ ᠣᠷᠤᠵᠤ ᠢᠷᠡᠭᠦ ᠥᠵᠡᠭ᠍ᠳᠡᠪᠡ᠃ ᠮᠢᠩᠭ᠋ᠡᠨ ᠠᠭᠳᠠ ᠶᠢᠨ ᠳᠦᠪᠠᠷᠭᠡᠨ ᠳᠡᠭ᠍ᠷᠢ ᠳᠤᠤᠭᠠᠷᠴᠤ ᠭᠠᠵᠠᠷ ᠶᠡᠭᠦᠷᠡᠵᠤ ᠪᠠᠢ᠌ᠭᠠ ᠰᠢᠭ ᠪᠢᠳᠡᠭᠦᠤ ᠳᠡᠭᠡᠨ ᠲᠦᠩᠭᠢᠨᠠᠵᠤ᠂ ᠭᠠᠵᠠᠷ ᠤᠨ ᠭᠦᠷᠦᠰᠤ ᠳᠠᠢ᠌ᠪᠠᠯᠵᠠᠵᠤ ᠪᠠᠢ᠌ᠬᠤ ᠰᠢᠭ ᠰᠠᠨᠠᠭᠳᠠᠨᠠ᠃ ᠦᠰᠦ ᠨᠢ ᠭᠤᠭᠤᠵᠢᠵᠤ ᠭᠢᠯᠪᠠᠢ᠌ᠭᠰᠠᠨ ᠬᠤᠷ ᠳᠠᠯ ᠲᠡᠶ ᠡᠡᠵᠢᠷᠭᠠ᠂ ᠡᠰᠭᠡᠭᠡᠯ ᠦᠷᠢᠶᠠ ᠨᠤᠭᠦᠳ ᠮᠠᠭᠰᠢᠵᠤ᠂ ᠬᠣᠢ᠌ᠨᠠ ᠡᠴᠡ ᠨᠢ ᠳᠠᠭᠠ ᠰᠠᠷᠪᠠ ᠨᠤᠭᠤᠳ ᠳᠤᠭᠯᠠᠨ᠂ ᠴᠢᠭᠢ ᠨᠢ ᠰᠤᠷᠳᠤᠯᠵᠠᠭᠰᠠᠨ ᠨᠢᠯᠬᠠ ᠣᠨᠠᠭᠠ ᠨᠤᠭᠤᠳ ᠡᠭᠡ ᠶᠢᠨ ᠶᠢᠡᠨ ᠬᠠᠵᠠᠭᠤ ᠳᠤ ᠪᠦᠮᠪᠣᠯᠵᠠᠨᠠ᠃ ᠠᠯᠢᠶᠠ ᠶᠢᠨ ᠭᠤᠤᠯ ᠢ ᠭᠡᠳᠦᠯᠵᠤ ᠭᠠᠷᠬᠤ ᠳᠤ ᠨᠠᠷᠢᠨ ᠭᠤᠷᠤᠬᠠ ᠶᠢᠨ ᠣᠰᠤ ᠠᠳᠤᠭᠤᠨ ᠭᠦᠯ ᠳᠤ ᠱᠠᠯᠪᠠᠭ ᠳᠠᠳᠤᠢ ᠯᠠ ᠦᠯᠠᠳᠠᠵᠤ᠂ ᠣᠷᠤᠰᠬᠠᠯ ᠳᠤᠤᠷᠠᠭᠢ ᠣᠰᠤ ᠨᠢ ᠬᠠᠳᠠᠭᠠᠤᠨ ᠪᠢᠴᠢᠬᠠᠨ ᠵᠢᠭᠠᠰᠤ ᠨᠤᠭᠤᠳ ᠫᠠᠯ ᠱᠠᠯ ᠦᠰᠦᠷᠴᠤ ᠪᠠᠢ᠌ᠪᠠ᠃ ᠭᠤᠤᠯ ᠤᠨ ᠬᠣᠢ᠌ᠳᠤ ᠳᠤᠬᠤᠢ ᠳᠤ ᠤᠷᠤᠭᠠᠳ᠂ ᠮᠡᠭ᠍ᠵᠢᠭᠡᠷ ᠡᠪᠦᠭᠡᠨ ᠤ ᠦᠷᠡ ᠰᠠᠴᠤᠭᠰᠠᠨ ᠭᠠᠵᠠᠷ ᠭᠡᠳᠦᠭᠡᠨ ᠡᠷᠭᠢᠯᠳᠦᠮᠡᠭ᠍ᠴᠡ ᠨᠣᠢ᠌ᠳᠠᠨ ᠭᠠᠵᠠᠷ ᠤᠨ ᠭᠦᠷᠦᠰᠤ ᠠᠳᠤᠭᠤᠨ ᠭᠦᠯ ᠳᠤ ᠰᠡᠴᠢᠭ᠍ᠳᠡᠨ᠂ ᠥᠨᠡᠭᠡᠷ ᠳᠤᠷᠵᠢ ᠶᠢᠨ ᠭᠡᠯᠡᠭ᠍ᠰᠡᠨ ᠰᠢᠭ᠌ ᠡᠷᠭᠢ ᠮᠠᠩᠬᠠ ᠪᠣᠯᠤᠨ ᠬᠠᠷᠠᠯᠠᠪᠠ᠃
ᠨᠠᠮᠤᠷ ᠨᠢ ᠣᠴᠢᠭᠠᠤᠨ ᠥᠵᠡᠭᠦ ᠳᠤ ᠨᠡᠯᠥᠢᠭ᠍ᠰᠡᠨ ᠮᠤᠩᠭ᠋ᠤᠯ ᠤᠨ ᠳᠠᠷᠢᠶᠠ ᠪᠦᠰᠡᠯᠡᠭᠦᠷ ᠴᠢᠨᠡᠭᠡ ᠣᠷᠭᠤᠵᠤ ᠳᠤᠯᠤᠭᠠᠢ ᠪᠠᠨ ᠳᠠᠭᠠᠭᠠᠬᠤ ᠦᠭᠡᠶ ᠳᠤᠭᠢᠯᠵᠠᠨ᠂ ᠨᠠᠮᠤᠷ ᠤᠨ ᠬᠤᠩᠭ᠋ᠤᠷ ᠰᠠᠯᠭᠢᠨ ᠳᠤ ᠰᠢᠷᠭᠠᠯ ᠥᠩᠭᠡ ᠪᠠᠷ ᠳᠤᠯᠭᠢᠶᠠᠯᠠᠵᠤ ᠪᠠᠢ᠌ᠪᠠ᠃ ᠵᠠᠯᠠᠨ ᠥᠵᠡᠭᠡᠤᠨ ᠪᠠᠶᠠᠷᠯᠠᠭᠰᠠᠨ ᠨᠢ ᠶᠠᠷᠢᠶᠠᠨ ᠦᠭᠡᠶ᠂ ᠨᠠᠮᠤᠷ ᠨᠠᠮᠤᠷ ᠡᠮᠦᠨᠡ ᠬᠤᠸᠠᠩ ᠳᠤ ᠣᠴᠢᠵᠤ᠂ ᠪᠣᠳᠠ ᠪᠣᠭ ᠲᠡᠶ ᠨᠡᠢ᠌ᠯᠡᠭᠡᠤᠨ ᠰᠥᠷᠦᠭ᠌ ᠮᠠᠯ ᠶᠢᠡᠷ ᠶᠢᠡᠨ ᠠᠮᠤ ᠰᠤᠯᠢᠵᠤ ᠢᠳᠡᠳᠡᠭ᠌ ᠢ ᠪᠣᠳᠤᠪᠠᠯ ᠨᠢᠭᠡ ᠳᠤᠭᠤᠯ ᠲᠡᠶ ᠦᠨᠢᠶᠡ ᠶᠠᠭᠤ ᠪᠠᠢ᠌ᠬᠤ ᠪᠣᠢ ᠭᠡᠵᠤ ᠪᠣᠳᠤᠭᠠᠤᠨ ᠭᠡᠯᠡᠯᠴᠡᠭ᠍ᠰᠡᠨ ᠶᠤᠰᠤᠭᠠᠷ ᠪᠣᠯᠪᠠ᠃
ᠲ᠋ᠠᠷᠠ ᠨᠠᠮᠤᠷ ᠮᠤᠩᠭ᠋ᠤᠯ ᠶᠢᠡᠨ ᠬᠠᠳᠤᠵᠤ ᠬᠤᠷᠢᠶᠠᠭᠰᠠᠨ ᠤ ᠳᠠᠷᠠᠭᠠ ᠮᠡᠭ᠍ᠵᠢᠭᠡᠷ ᠡᠪᠦᠭᠡᠨ ᠨᠤᠳᠤᠭ ᠲᠠᠭᠠᠨ ᠬᠠᠷᠢᠬᠤ ᠪᠠᠷ ᠪᠣᠯᠪᠠ᠃ ᠶᠠᠪᠣᠬᠤ ᠳᠠᠷᠠ ᠥᠷᠯᠦᠭᠡ ᠨᠢ ᠳᠠᠷᠪᠠ ᠵᠠᠯᠠᠨ᠂ ᠠᠳᠤᠭᠤᠴᠢᠨ ᠶᠢᠡᠨ ᠳᠠᠭᠤᠳᠠᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠮᠤᠷᠳᠠᠭᠠᠤᠨ ᠨᠤᠮᠤᠬᠠᠨ ᠰᠢᠭ ᠮᠤᠷᠢ ᠪᠠᠷᠢᠭᠠᠤᠨ ᠢᠷᠠ ᠭᠡᠪᠡ᠃ ᠲ᠋ᠦᠷᠵᠢ᠂ ᠨᠤᠭᠳᠤ ᠭᠠᠠᠵᠤᠭᠯᠠᠵᠤ ᠣᠴᠢᠭᠠᠤᠨ ᠡᠪᠦᠭᠡᠨ ᠡᠴᠡ ᠳᠤᠤᠷᠠ ᠦᠭᠡᠶ ᠨᠠᠰᠤᠳᠠᠢ ᠪᠣᠯᠤᠭᠰᠠᠨ ᠭᠦᠭ᠍ᠰᠢᠨ ᠰᠠᠭᠠᠷᠠᠯ ᠭᠡᠭᠦᠤ ᠭᠦᠳᠦᠯᠵᠤ ᠢᠷᠠᠪᠠ᠃ ᠲ᠋ᠠᠷᠠ ᠭᠡᠭᠦᠤ ᠶᠢᠨ ᠨᠢᠷᠤᠭᠤ ᠨᠢ ᠮᠢᠳᠡᠢ᠌ᠵᠤ᠂ ᠭᠡᠳᠡᠰᠤ ᠨᠢ ᠭᠡᠩᠭᠡᠷᠭᠡ ᠰᠢᠭ᠌ ᠳᠦᠩᠭᠦᠢᠭ᠍ᠰᠡᠨ ᠪᠦᠭᠡᠤᠨ ᠬᠤᠨᠢᠨ ᠵᠢᠷᠤᠭᠠ ᠪᠠᠷ ᠨᠠᠢ᠌ᠭᠤᠵᠤ ᠵᠠᠮ ᠬᠤᠷᠤᠭᠠᠮᠠᠷ ᠦᠭᠡᠶ ᠪᠠᠢ᠌ᠪᠠ᠃ ᠲ᠋ᠤᠷᠵᠢ᠂ ᠦᠨᠢᠶᠠᠨ ᠮᠠᠯᠵᠢᠶᠠᠨ ᠡᠴᠡ ᠬᠣᠢ᠌ᠰᠢ ᠡᠪᠦᠭᠡᠨ ᠲᠡᠶ ᠢᠯᠡᠭᠦᠤ ᠳᠤᠳᠠᠭᠤ ᠭᠡᠯᠡᠯᠴᠡᠨ ᠱᠤᠭᠯᠠᠯᠴᠠᠬᠤ ᠪᠣᠯᠤᠭᠰᠠᠨ ᠪᠦᠭᠡᠤᠨ ᠮᠡᠭ᠍ᠵᠢᠭᠡᠷ ᠡᠪᠦᠭᠡᠨ ᠴᠤ ᠠᠮᠢ ᠠᠪᠣᠷᠠᠭᠰᠠᠨ ᠠᠴᠢᠳᠠᠨ ᠭᠡᠤᠨ ᠣᠴᠢᠷ ᠪᠣᠯᠭᠠᠨ ᠳᠤ ᠵᠢᠦᠡᠭᠦᠵᠤ ᠥᠭ᠍ᠳᠡᠭ᠌ ᠡᠴᠡ ᠡᠪᠦᠭᠡᠨ ᠢ ᠭᠦᠭᠡᠷᠦᠭᠦᠢᠯᠡᠵᠤ᠂ 《ᠬᠤᠯᠠ ᠭᠠᠵᠠᠷ ᠵᠠᠢ᠌ᠳᠠᠩ ᠶᠠᠪᠣᠪᠠᠯ ᠪᠦᠭ᠍ᠰᠡ ᠦᠭᠡᠶ ᠣᠴᠢᠬᠤ ᠪᠠᠢ᠌ᠬᠠ》 ᠭᠡᠵᠤ ᠪᠣᠳᠤᠭᠠᠤᠨ ᠬᠠᠭᠤᠴᠢᠨ ᠡᠮᠡᠭᠡᠯ ᠶᠢᠡᠨ ᠡᠪᠯᠡᠭᠦᠯᠵᠤ᠂ ᠨᠤᠬᠠᠢ ᠶᠢᠨ ᠳᠤᠤᠷᠠ ᠳᠠᠪᠢᠰᠴᠤ ᠪᠠᠢ᠌ᠭᠰᠠᠨ ᠢᠰᠡᠭᠡᠢ ᠪᠠᠨ ᠠᠪᠴᠤ ᠳᠤᠬᠤᠮ ᠪᠣᠯᠭᠠᠭᠠᠤᠨ ᠳᠤᠬᠤᠭᠰᠠᠨ ᠴᠢᠨᠢ ᠪᠠᠷᠭᠡ ᠡᠪᠳᠡᠢ ᠡᠮᠡᠭᠡᠯ ᠪᠤᠯᠴᠢᠬᠠᠪᠠ᠃ ᠡᠪᠦᠭᠡᠨ ᠳᠤᠬᠤ ᠦᠭᠡᠶ ᠪᠠᠶᠡᠷᠯᠡᠵᠤ᠂ ᠨᠢᠭᠡ ᠭᠠᠷ ᠶᠢᠡᠷ ᠶᠢᠡᠨ ᠡᠮᠡᠭᠡᠯ ᠤᠨ ᠪᠦᠭᠦᠷᠭᠡ ᠡᠴᠡ ᠵᠢᠭᠦᠷᠡᠨ᠂ ᠨᠥᠭᠦᠭᠡ ᠭᠠᠷ ᠶᠢᠡᠷ ᠶᠢᠡᠨ ᠵᠢᠯᠤᠭᠤ ᠪᠠᠨ ᠡᠪ ᠬᠠᠪᠣ ᠦᠭᠡᠶ ᠠᠤᠠᠬᠤᠵᠤ᠂ ᠬᠠᠱᠠᠩ ᠰᠠᠭᠠᠷᠠᠯ ᠢ ᠳᠠᠪᠢᠵᠤ ᠰᠠᠪᠠᠭᠰᠠᠭᠠᠷ ᠶᠠᠪᠣᠵᠤ ᠣᠤᠠᠪᠠ᠃ ᠣᠯᠤᠭᠰᠠᠨ ᠮᠤᠩᠭ᠋ᠤᠯ ᠶᠢᠡᠨ ᠭᠠᠵᠠᠷ ᠵᠤᠭᠤᠷᠢ ᠵᠤᠭᠤᠵᠤ ᠭᠦᠯᠳᠡᠭᠦᠤ ᠣᠷᠤᠬᠤ ᠶᠢᠨ ᠭᠢᠷᠢ ᠪᠠᠷ ᠵᠤᠭᠤᠷᠢᠯᠠᠵᠤ ᠳᠠᠯᠪᠢᠪᠠ᠃ ᠣᠭ ᠨᠢ ᠠᠮᠤ ᠪᠠᠭᠠ ᠪᠠᠢ᠌ᠬᠤ ᠳᠤ ᠣᠭᠤᠷ ᠲᠤ ᠨᠥᠳᠦᠭᠡᠤᠨ ᠴᠠᠢ᠌ᠯᠭᠠᠵᠤ ᠪᠠᠢ᠌ᠭᠰᠠᠨ᠃ ᠪᠠᠰᠠ ᠳᠤᠰᠬᠠᠢ ᠣᠭᠤᠷᠴᠢᠨ ᠴᠤ ᠵᠠᠯᠠᠵᠤ ᠥᠩᠭᠡᠷᠡᠭ᠍ᠰᠡᠨ ᠶᠤᠮ᠃ ᠲ᠋ᠠᠷᠠ ᠣᠭᠤᠷᠴᠢᠨ ᠨᠢ ᠳᠠᠪᠠᠭᠠᠨ ᠠᠷᠤ ᠵᠢᠨ 《ᠶᠡᠭᠡ ᠭᠡᠳᠡᠰᠤ》 ᠴᠤᠯᠠ ᠲᠡᠶ ᠭᠧᠯᠦᠩ ᠭᠡᠰᠡᠨ ᠭᠦᠮᠤᠨ ᠪᠠᠢ᠌ᠪᠠ᠃ 《ᠶᠡᠭᠡ ᠭᠡᠳᠡᠰᠤ》 ᠭᠡᠭᠦᠷ ᠪᠠᠷᠠ ᠶᠡᠭᠡ᠂ ᠭᠦᠴᠤ ᠴᠢᠳᠠᠯ ᠲᠡᠶ ᠴᠤ ᠢᠳᠡᠭᠦ ᠨᠢ ᠪᠠᠰᠠ ᠭᠡᠳᠤᠨ ᠭᠦᠮᠤᠨ ᠤ ᠢᠳᠡᠭᠦ ᠶᠢ ᠨᠢᠭᠡ ᠯᠠ ᠳᠤᠰᠬᠠᠴᠢᠬᠠᠳᠠᠭ ᠪᠠᠢ᠌ᠪᠡ᠃ ᠢᠷᠡᠭ᠍ᠰᠡᠨ ᠳᠠᠷᠠ ᠡᠳᠦᠷ ᠲᠡᠭᠡᠨ ᠳ᠋ᠠᠨ ᠬᠤᠶᠠᠷ ᠳ᠋ᠸᠤ ᠪᠣᠳᠠᠭᠠ ᠶᠢ ᠨᠦᠳᠤᠵᠤ ᠴᠠᠢ᠌ᠯᠭᠠᠭᠠᠤᠨ᠂ ᠣᠷᠤᠢ ᠨᠢ ᠬᠤᠶᠠᠷ ᠱᠸᠩ ᠬᠠᠭᠤᠷᠠᠢ ᠪᠣᠳᠠᠭᠠ ᠶᠢ ᠨᠢᠭᠡ ᠱᠥᠭᠦᠮᠡᠯ ᠦᠷᠦᠮᠡ ᠪᠠᠷ ᠨᠤᠬᠤᠵᠤ ᠢᠳᠡᠴᠢᠭᠡᠭᠡᠤᠨ ᠠᠶᠠᠭᠠ ᠪᠠᠨ ᠭᠢᠯᠠᠢ᠌ᠳᠠᠯᠠ ᠳᠤᠯᠢᠶᠠᠭᠠᠤᠨ ᠳᠠᠯᠪᠢᠯᠠ ᠭᠡᠳᠡᠭ᠌᠃ ᠵᠡᠯᠡᠨ ᠤ ᠰᠠᠩ ᠬᠠᠮᠢᠶᠠᠷᠤᠭᠴᠢ ᠭᠦᠮᠦᠰᠭᠡ ᠠᠳᠤᠷᠢᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ᠂ ᠲ᠋ᠠ ᠡᠨᠡ ᠰᠦᠨᠢ ᠰᠠᠢ᠌ᠬᠠᠨ ᠨᠣᠢ᠌ᠷᠰᠤᠭᠠᠤᠨ᠂ ᠮᠠᠷᠭᠠᠰᠢ ᠶᠠᠪᠣᠳᠠᠭ ᠭᠠᠵᠠᠷ ᠶᠢᠡᠨ ᠶᠠᠪᠣ ᠡ ᠭᠡᠰᠡᠨ ᠪᠠᠢ᠌ᠪᠠ᠃ ᠣᠳᠤ ᠮᠤᠩᠭ᠋ᠤᠯ ᠠᠷᠪᠢᠨ ᠬᠤᠷᠢᠶᠠᠭᠰᠠᠨ ᠡᠴᠡ ᠢᠩ ᠵᠠᠯᠠᠬᠤ ᠭᠡᠷᠡᠭ᠍ᠳᠡᠢ ᠪᠣᠯᠪᠠ᠃ ᠣᠢ᠌ᠷᠠ ᠣᠷᠴᠢᠮ ᠳᠤ ᠢᠩ ᠤᠨ ᠴᠢᠯᠠᠭᠤ ᠭᠠᠷᠳᠠᠭ ᠦᠭᠡᠶ᠂ ᠴᠠᠪᠴᠢᠵᠤ ᠴᠢᠳᠠᠬᠤ ᠭᠦᠮᠤᠨ ᠴᠤ ᠦᠭᠡᠶ ᠪᠠᠢ᠌ᠪᠡ᠃ ᠡ᠊ᠡᠳᠡ ᠡᠴᠡ ᠵᠠᠭᠤᠨ ᠭᠠᠵᠠᠷ ᠤᠨ ᠥᠵᠦᠭᠦᠷ ᠳᠠᠭᠢ ᠴᠢᠯᠠᠭᠤᠳᠤ ᠶᠢᠨ ᠠᠭᠤᠯᠠ ᠡᠴᠡ ᠢᠩ ᠤᠨ ᠴᠢᠯᠠᠭᠤ ᠭᠠᠷᠳᠠᠭ ᠭᠡᠭᠦ ᠰᠤᠷᠠᠭ ᠶᠢᠡᠷ ᠵᠡᠯᠡᠨ᠂ ᠭᠡᠳᠤᠨ ᠰᠠᠢ᠌ᠨ ᠡᠷᠡᠰ ᠢ ᠴᠤᠭᠯᠠᠭᠤᠯᠵᠤ᠂ ᠠᠷᠪᠠᠨ ᠬᠠᠰᠠᠭ ᠴᠥᠷᠭᠦᠯᠡᠭᠦᠯᠦᠭᠡᠤᠨ ᠢᠩ ᠵᠠᠯᠠᠬᠤ ᠪᠠᠷ ᠶᠠᠪᠣᠭᠤᠯᠪᠠ᠃ ᠲ᠋ᠠᠪᠣ ᠬᠤᠨᠤᠭ ᠤᠨ ᠳᠠᠷᠠᠭᠠ ᠠᠷᠪᠠᠨ ᠬᠠᠰᠠᠭ ᠤᠨ ᠶᠡᠭᠡ ᠬᠠᠭᠠᠰ ᠨᠢ ᠪᠠᠯᠪᠠᠷᠡᠵᠤ᠂ ᠨᠢᠭᠡ ᠥᠭᠡᠷ ᠤᠨ ᠰᠡᠭᠦᠵᠢ ᠨᠢ ᠭᠠᠷᠤᠭᠠᠤᠨ ᠢᠷᠠᠵᠤ ᠴᠢᠳᠠᠭᠰᠠᠨ ᠦᠭᠡᠶ ᠪᠣᠯᠪᠠᠴᠤ ᠨᠠᠯᠢᠶᠠᠤᠨ ᠶᠡᠭᠡ ᠢᠩ ᠠᠪᠴᠢᠷᠠᠭᠰᠠᠨ ᠡᠴᠡ ᠳᠠᠷᠪᠠ ᠵᠠᠯᠠᠨ ᠥᠵᠡᠭᠡᠤᠨ ᠪᠠᠶᠡᠷᠯᠡᠨ᠂ ᠶᠡᠭᠡ ᠭᠡᠷ ᠤᠨ ᠶᠢᠡᠨ ᠪᠠᠷᠠᠭᠤᠨ ᠡᠮᠦᠨᠡ ᠨᠠᠯᠢᠶᠠᠤᠨ ᠵᠠᠢ᠌ᠳᠠᠭᠤ ᠭᠠᠵᠠᠷ ᠢᠩ ᠶᠢᠡᠨ ᠪᠣᠰᠬᠠᠪᠠ᠃
ᠡᠪᠦᠯ ᠤᠨ ᠡᠭᠢᠨ ᠤ ᠨᠢᠭᠡᠨ ᠡᠳᠦᠷ ᠮᠡᠭ᠍ᠵᠢᠭᠡᠷ ᠡᠪᠦᠭᠡᠨ᠂ ᠭᠦᠭ᠍ᠰᠢᠨ ᠰᠠᠭᠠᠷᠠᠯ ᠢ ᠭᠡᠢ ᠭᠦᠷᠳᠤ ᠲᠡᠶ ᠳᠡᠷᠭᠡᠨ ᠳᠤ ᠠᠷᠠᠯᠳᠠᠵᠤ᠂ ᠬᠠᠵᠠᠭᠤ ᠳ᠋ᠤᠨᠢ ᠪᠠᠰᠠ ᠨᠢᠭᠡ ᠲᠠᠭᠠᠨ ᠡᠯᠵᠢᠭᠡ ᠬᠤᠤᠰᠯᠠᠭᠠᠤᠨ ᠰᠠᠯᠭᠢ ᠡᠰᠡᠷᠭᠦ ᠵᠢᠦᠡᠭᠦᠭᠦᠯᠦᠭ᠍ᠰᠡᠭᠡᠷ ᠭᠦᠷᠴᠤ ᠢᠷᠡᠪᠡ᠃ ᠭᠦᠭ᠍ᠰᠢᠨ ᠰᠠᠭᠠᠷᠠᠯ᠂ ᠲ᠋ᠡᠷᠭᠡᠨ ᠮᠤᠷᠢ ᠪᠣᠯᠤᠭᠰᠠᠨ ᠢ ᠥᠵᠡᠭᠡᠤᠨ ᠵᠠᠯᠠᠨ ᠤ ᠬᠤᠳᠠ ᠶᠢᠨ ᠭᠢᠨ᠂ ᠡᠵᠡᠨ ᠵᠠᠷᠤᠴᠠ ᠦᠭᠡᠶ ᠭᠠᠢ᠌ᠬᠠᠨ ᠬᠠᠷᠠᠵᠤ ᠪᠠᠢ᠌ᠳᠠᠯᠠ ᠳᠡᠷᠭᠡᠨ ᠳᠡᠭᠡᠷᠡ ᠡᠴᠡ ᠭᠡᠦᠭᠡᠤᠨ ᠳᠡᠪᠠᠷᠢᠭ᠍ᠰᠡᠨ ᠵᠠᠯᠠᠭᠤ ᠪᠦᠰᠡᠭᠦᠢ ᠴᠠᠴᠠᠷᠠᠵᠤ ᠳᠠᠭᠵᠢᠭᠰᠠᠭᠠᠷ ᠪᠠᠭᠤᠵᠤ ᠢᠷᠠᠪᠠ᠃ ᠮᠡᠭ᠍ᠵᠢᠭᠡᠷ ᠡᠪᠦᠭᠡᠨ ᠢ ᠭᠡᠷ ᠲᠡᠭᠡᠨ ᠭᠦᠷᠭᠦ ᠳᠤ ᠭᠦᠤ ᠨᠢ ᠮᠠᠠᠵᠤ ᠶᠢᠨ ᠴᠡᠷᠢᠭ᠌ ᠲᠤ ᠳᠠᠳᠠᠭᠳᠠᠨ ᠶᠡᠪᠦᠵᠤ᠂ ᠭᠦᠭ᠍ᠰᠢᠨ ᠨᠢ ᠭᠦᠤ ᠶᠢᠨ ᠶᠢᠡᠨ ᠬᠣᠢ᠌ᠨᠠ ᠡᠴᠡ ᠵᠤᠪᠠᠭᠰᠠᠭᠠᠷ ᠪᠠᠢ᠌ᠭᠠᠤᠨ ᠨᠠᠰᠤ ᠪᠣᠯᠴᠢᠬᠠᠭᠰᠠᠨ ᠪᠠᠢ᠌ᠵᠤ᠂ ᠪᠠᠷᠢ ᠨᠢ ᠨᠢᠯᠬᠠ ᠭᠦᠤ ᠲᠡᠶ ᠪᠠᠨ ᠬᠤᠶᠠᠭᠤᠯᠠ ᠣᠳᠠᠰᠤᠨ ᠠᠮᠢ ᠲᠡᠶ ᠠᠮᠢᠳᠤᠷᠠᠵᠤ ᠪᠠᠢ᠌ᠭᠰᠠᠨ ᠠᠵᠢ᠃
ᠡᠪᠦᠯ ᠤᠨ ᠭᠦᠢᠳᠡᠨ ᠳᠤ ᠡᠪᠦᠭᠡᠨ ᠤ ᠠᠮᠠ ᠨᠢ ᠬᠠᠪᠭᠢᠨᠠᠵᠤ᠂ ᠥᠭᠡ ᠪᠠᠨ ᠭᠡᠯᠡᠵᠤ ᠭᠠᠷᠬᠤ ᠦᠭᠡᠶ ᠳᠠᠭᠵᠢᠨᠠ᠃ ᠬᠠᠯᠠᠭᠤᠨ ᠣᠰᠤ ᠣᠭᠤᠴᠢᠭᠠᠤᠨ ᠨᠠᠯᠢᠶᠠᠤᠨ ᠣᠳᠠᠬᠤ ᠳᠤ ᠰᠠᠶᠢ ᠪᠠᠶᠠ ᠨᠢ ᠳᠠᠯᠪᠢᠭᠤᠷᠠᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠᠯᠠᠨ ᠤ ᠵᠠᠷᠤᠴᠠ ᠪᠣᠯᠵᠤ ᠵᠢᠯ ᠵᠢᠯ ᠳᠠᠷᠢᠶᠠ ᠶᠢ ᠴᠢᠨᠢ ᠳᠠᠷᠢᠵᠤ ᠦᠭᠭᠦᠶᠡ᠂ ᠥᠨᠦᠴᠢᠨ ᠥᠷᠦᠭᠡᠰᠤᠨ ᠪᠢᠳᠠᠨ ᠢ ᠥᠯᠡᠳᠡᠭᠡᠵᠤ ᠠᠪᠬᠤ ᠪᠣᠯᠪᠠ ᠦᠦ︖ ᠭᠡᠵᠤ ᠴᠠᠴᠠᠷᠠᠵᠤ ᠪᠦᠭ᠍ᠴᠦᠭᠡᠷᠡᠭ᠍ᠰᠡᠭᠡᠷ ᠮᠥᠷᠭᠦᠨ ᠭᠤᠶᠤᠬᠤ ᠳᠤ ᠵᠠᠯᠠᠨ᠂ ᠰᠢᠳᠤ ᠪᠠᠨ ᠰᠢᠭᠢᠴᠢᠯᠠᠨ ᠭᠡᠰᠡᠭ᠌ ᠣᠳᠠᠭᠰᠠᠨ ᠶᠢᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠢᠩ ᠠᠪᠴᠢᠷᠠᠭᠠᠤᠨ ᠪᠠᠢ᠌ᠨᠠ᠃ ᠪᠠᠶᠠ ᠴᠢᠨᠢ ᠬᠠᠯᠠᠰᠠᠭᠰᠠᠨ ᠪᠣᠯ ᠴᠢ ᠣᠴᠢᠵᠤ ᠦᠵᠡ ᠭᠡᠪᠡ᠃ ᠶᠡᠭᠤ ᠭᠡᠭᠦ ᠪᠤᠯ ᠭᠡᠵᠤ ᠠᠮᠢᠰᠬᠤᠭᠠ ᠳᠠᠷᠤᠨ ᠴᠢᠩᠨᠠᠵᠤ ᠪᠠᠢ᠌ᠭᠰᠠᠨ ᠡᠪᠦᠭᠡᠨ᠂ ᠡᠨᠡ ᠥᠭᠡ ᠶᠢ ᠨᠢ ᠰᠤᠨᠤᠰᠤᠭᠠᠤᠨ ᠪᠠᠶᠠᠷᠯᠠᠨ᠂ ᠪᠣᠳᠠᠭᠠ ᠳᠤᠶᠢᠬᠤ ᠳᠠᠭᠢᠶᠠ ᠰᠢᠭ ᠪᠦᠭᠦᠯᠵᠡᠨ ᠭᠠᠷᠴᠤ ᠶᠠᠪᠣᠪᠠ᠃ ᠪᠢᠴᠢᠬᠠᠨ ᠭᠦᠤ ᠨᠢ ᠭᠡᠷ ᠲᠤ ᠣᠷᠤᠵᠤ ᠢᠷᠡᠭᠡᠤᠨ ᠪᠠᠶᠠ ᠨᠢ ᠳᠤᠯᠠᠭᠠᠴᠠᠭᠰᠠᠨ ᠪᠣᠯᠤᠯᠳᠠᠢ᠂ ᠭᠠᠷ ᠭᠦᠯ ᠶᠢᠡᠨ ᠠᠷᠪᠠᠯᠵᠠᠭᠤᠯᠵᠤ᠂ ᠲ᠋ᠤᠭᠤᠷᠢᠵᠤ ᠰᠠᠭᠤᠭᠰᠠᠨ ᠭᠦᠮᠦᠰ ᠢ ᠡᠭᠡᠯᠵᠢᠯᠡᠨ ᠬᠠᠷᠠᠵᠤ ᠪᠠᠢ᠌ᠭᠰᠠᠨ ᠶᠢᠡᠨ ᠡᠭᠡ ᠶᠢᠨ ᠶᠢᠡᠨ ᠡᠪᠦᠷ ᠳᠡᠭᠡᠷᠡ ᠳᠤᠭᠳᠠᠵᠤ ᠦᠭᠭᠦ ᠦᠭᠡᠶ ᠳᠡᠢ᠌ᠴᠢᠯᠡᠭᠦ ᠶᠢ ᠥᠵᠡᠭᠡᠤᠨ ᠵᠠᠯᠠᠨ ᠤ ᠬᠠᠳᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠯᠢ ᠨᠠᠭᠠᠰᠢ ᠪᠠᠨ ᠭᠡᠵᠤ ᠭᠦᠤ ᠶᠢ ᠳᠠᠪᠠᠷᠢᠨ ᠠᠪᠣᠪᠠ᠃ ᠬᠠᠳᠤᠨ ᠦᠪᠡᠷ ᠶᠢᠡᠨ ᠭᠡᠦᠭᠡᠤᠨ ᠦᠭᠡᠶ ᠶᠢᠨ ᠬᠠᠷᠠᠭᠠ ᠪᠢᠵᠠ᠂ ᠪᠢᠴᠢᠬᠠᠨ ᠭᠡᠦᠭᠡᠤᠨ ᠢ ᠦᠵᠡᠪᠠᠯ ᠥᠭᠦᠭᠡᠷᠳᠡᠵᠤ᠂ ᠡᠩᠭᠡᠷ ᠳᠡᠭᠡᠷᠡ ᠪᠠᠨ ᠳᠤᠭᠯᠠᠭᠤᠯᠳᠠᠭ ᠶᠤᠮ᠃ ᠪᠢᠴᠢᠬᠠᠨ ᠭᠦᠤ᠂ ᠬᠠᠳᠤᠨ ᠤ ᠡᠪᠦᠷ ᠳᠡᠭᠡᠷᠡ ᠭᠠᠷᠴᠤ ᠮᠥᠩᠭᠦᠨ ᠪᠠᠭᠤᠪᠴᠢ᠂ ᠠᠯᠳᠠᠨ ᠪᠦᠭᠡᠵᠢ ᠶᠢ ᠨᠢ ᠰᠤᠨᠢᠷᠬᠠᠨ᠂ ᠠᠪᠬᠤ ᠰᠠᠨᠠᠭᠠ ᠲᠡᠶ ᠣᠷᠤᠯᠳᠤᠵᠤ ᠪᠠᠢ᠌ᠭᠰᠠᠨ ᠶᠢᠡᠨ ᠭᠡᠨᠡᠳᠳᠡ ᠬᠤᠷᠤᠭᠤ ᠶᠢ ᠨᠢ ᠮᠦᠷ ᠣᠷᠤᠳᠠᠯᠠ ᠬᠠᠵᠠᠪᠠ᠃ ᠰᠠᠶᠢ ᠰᠢᠳᠤᠯᠠᠵᠤ ᠪᠠᠢ᠌ᠭᠰᠠᠨ ᠠᠵᠢ᠃ ᠬᠠᠳᠤᠨ ᠰᠠᠨᠠᠭᠠᠨ ᠳᠤ ᠦᠭᠡᠶ ᠪᠠᠢ᠌ᠭᠰᠠᠨ ᠶᠢᠡᠨ ᠶᠤᠤ ᠳᠠᠭᠤ ᠪᠠᠨ ᠳᠡᠯᠪᠢᠨ᠂ ᠭᠦᠤ ᠶᠢᠨ ᠪᠦᠭ᠍ᠰᠡᠨ ᠳᠡᠭᠡᠷᠡ ᠭᠦᠩᠭᠡᠨ ᠳᠠᠪᠰᠢᠬᠤ ᠳᠤ ᠬᠣᠢ᠌ᠮᠤᠷ ᠳᠠᠩᠭ᠋ᠠᠢ᠌ᠵᠤ ᠪᠠᠢ᠌ᠭᠰᠠᠨ ᠵᠠᠯᠠᠨ ᠰᠠᠮᠰᠠ ᠶᠢᠨ ᠳᠤᠳᠤᠷᠠ ᠪᠠᠨ 《ᠭᠡᠭ᠌᠂ ᠭᠡᠭ᠌》 ᠢᠨᠢᠶᠠᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠦ᠋᠂ ᠰᠥᠷᠡᠭᠡᠢ ᠵᠠᠭᠤᠳᠠᠭ ᠭᠦᠯᠦᠭᠡ ᠶᠤᠮ ᠪᠠᠢ᠌ᠨᠡ᠃ ᠭᠦᠤ ᠳᠡᠭᠡᠨ ᠶᠠᠮᠠᠷ ᠨᠠᠷᠠ ᠥᠭ᠍ᠪᠡ ᠭᠡᠵᠤ ᠠᠰᠠᠭᠤᠪᠠ᠃ ᠵᠠᠢ᠌ᠴᠠ ᠶᠢᠨ ᠳᠠᠠᠳᠠ ᠴᠤᠮᠴᠣᠢ᠌ᠵᠤ ᠪᠠᠢ᠌ᠭᠰᠠᠨ ᠡᠭᠡ ᠨᠢ ᠭᠦᠤ ᠪᠠᠨ ᠳᠠᠪᠠᠷᠢᠨ ᠠᠪᠴᠤ᠂ ᠰᠠᠠᠳᠤᠷᠬᠤ ᠳᠠᠭᠠᠨ ᠴᠢᠷᠠᠢ ᠨᠢ ᠴᠢᠰ ᠣᠯᠠᠢ᠌ᠨ ᠳᠤᠷᠤᠭᠰᠢ ᠬᠠᠷᠠᠪᠠ᠃ ᠵᠠᠯᠠᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠦᠮᠤᠨ ᠵᠠᠭᠤᠳᠠᠭ ᠶᠤᠮ ᠴᠢᠨᠢ ᠨᠤᠬᠠᠳᠠᠢ ᠭᠡᠳᠡᠭ᠌ ᠨᠠᠷᠠ ᠥᠭ᠍ᠴᠢᠭᠡ ᠭᠡᠤᠨ ᠭᠦᠰ ᠭᠦᠰ ᠢᠨᠢᠶᠠᠪᠠ᠃ ᠡᠨᠡ ᠨᠠᠷᠢᠬᠠᠨ ᠴᠠᠭᠠᠨ ᠴᠢᠷᠠᠢ ᠲᠡᠶ ᠳᠤᠷᠮᠤᠯᠵᠠᠭᠰᠠᠨ ᠰᠠᠢ᠌ᠬᠠᠨ ᠪᠦᠰᠡᠭᠦᠢ ᠶᠢ ᠺᠠᠢ ᠬᠤᠧᠨ ᠭᠡᠳᠡᠭ᠌᠃ ᠺᠠᠢ ᠬᠤᠧᠨ ᠭᠠᠯ ᠳᠤᠭᠤᠭᠠᠨ ᠳᠠᠭᠠᠨ ᠡᠪ ᠳᠣᠢ᠌ᠳᠠᠢ᠂ ᠬᠠᠭᠤᠷᠢᠯᠭᠠ ᠬᠠᠭᠠᠷᠢᠯᠭᠠ ᠶᠢ ᠰᠠᠩᠭᠢᠨᠠᠳᠠᠯᠠ ᠰᠠᠢ᠌ᠬᠠᠨ ᠦᠨᠦᠷ ᠳᠠᠨᠤᠷ ᠲᠡᠶ ᠭᠢᠳᠡᠭ᠌ ᠶᠢᠡᠷ ᠵᠡᠯᠡᠨ᠂ ᠲ᠋ᠡᠭᠦᠨ ᠤ ᠪᠠᠯᠡᠳᠦᠭ᠍ᠰᠡᠨ ᠨᠤᠭᠤᠭᠠ ᠵᠠᠭᠤᠰᠢ ᠶᠢ ᠠᠮᠳᠠᠷᠬᠠᠨ ᠵᠤᠭᠤᠭᠯᠠᠬᠤ ᠵᠠᠭᠤᠷᠠ᠄ 《ᠳᠠᠷᠠ ᠵᠢᠯ ᠪᠢ ᠱᠠᠭᠠᠵᠠᠭᠠᠢ ᠬᠤᠳᠠ ᠶᠢᠨ ᠭᠤᠸᠠᠠᠵᠠᠨ ᠳᠤ ᠡᠢ᠌ᠮᠤ ᠬᠤᠭᠤᠯᠠ ᠢᠳᠠᠵᠤ ᠥᠩᠭᠡᠷᠡᠭ᠍ᠰᠡᠨ》 ᠭᠡᠵᠤ ᠶᠠᠷᠢᠳᠠᠭ ᠪᠠᠢ᠌ᠪᠠ᠃
ᠮᠡᠭ᠍ᠵᠢᠭᠡᠷ ᠡᠪᠦᠭᠡᠨ᠂ ᠠᠳᠠᠭᠤᠴᠢᠨ ᠳᠤᠷᠵᠢ ᠶᠢᠨ ᠭᠡᠷ ᠲᠤ ᠲᠦᠷ ᠰᠠᠭᠤᠵᠤ᠂ ᠬᠠᠪᠣᠷ ᠨᠢ ᠭᠠᠵᠠᠷ ᠭᠡᠰᠦᠮᠡᠭ᠍ᠴᠡ ᠳᠠᠯᠠ ᠶᠢᠨ ᠵᠡᠭᠡᠰᠤ ᠶᠢ ᠳᠦᠷᠪᠡᠯᠵᠢᠨ ᠤᠬᠤᠵᠤ᠂ ᠭᠦᠭ᠍ᠰᠢᠨ ᠰᠠᠭᠠᠷᠠᠯ ᠮᠤᠷᠢ ᠶᠢ ᠲᠠᠭᠠᠨ ᠡᠯᠵᠢᠭᠡ ᠲᠡᠶ ᠪᠠᠨ ᠬᠤᠤᠰᠯᠠᠵᠤ ᠵᠥᠭᠡᠭᠡᠪᠦᠷᠢᠯᠡᠭᠡᠤᠨ᠂ ᠢᠩ ᠢ ᠳᠤᠭᠤᠷᠢᠭᠤᠯᠤᠨ ᠭᠡᠷ ᠪᠠᠷᠢᠵᠤ ᠡᠭᠢᠯᠡᠪᠡ᠃ ᠰᠡᠷᠡ ᠭᠠᠷᠤᠢ ᠮᠤᠩᠭ᠋ᠠᠨᠢᠭᠠᠤᠨ ᠡᠪᠦᠭᠡᠨ ᠭᠡᠷ ᠶᠢᠡᠨ ᠪᠣᠰᠬᠠᠴᠢᠬᠠᠪᠠ᠃ ᠲ᠋ᠤᠳᠤᠷᠠ ᠨᠢ ᠣᠷᠤᠭᠠᠤᠨ ᠦᠵᠡᠪᠠᠯ ᠬᠤᠶᠠᠷ ᠳᠠᠰᠤᠯᠭᠠ ᠭᠡᠷ ᠪᠠᠢ᠌ᠵᠤ᠂ ᠢᠩ ᠪᠠᠢ᠌ᠬᠤ ᠵᠡᠭᠦᠨ ᠳᠠᠰᠤᠯᠭᠠ ᠨᠢ ᠭᠠᠳᠠᠭᠠ ᠭᠡᠷ ᠭᠡᠵᠤ᠂ ᠪᠠᠷᠡᠭᠤᠨ ᠳᠠᠰᠤᠯᠭᠠ ᠳ᠋ᠤᠨᠢ ᠦᠪᠡᠷ ᠶᠢᠡᠨ ᠰᠠᠭᠤᠬᠤ ᠪᠠᠷ ᠬᠠᠠᠵᠤ ᠲᠡᠶ ᠵᠤᠬᠢᠶᠠᠵᠤ᠂ ᠲ᠋ᠤᠮᠳᠠ ᠨᠢ ᠮᠤᠳᠤ ᠪᠠᠷ ᠵᠠᠭᠠᠭᠯᠠᠨ ᠬᠤᠶᠠᠷ ᠳᠠᠯᠠ ᠡᠴᠡ ᠨᠢ ᠥᠭᠡᠷ ᠤᠨ ᠪᠠᠭᠠᠰᠤ ᠪᠠᠷ ᠰᠢᠪᠠᠭᠰᠠᠨ ᠪᠠᠢ᠌ᠪᠡ᠃ ᠡᠪᠦᠭᠡᠨ ᠡᠨᠡ ᠭᠡᠷ ᠲᠡᠭᠡᠨ ᠰᠠᠭᠤᠬᠤ ᠪᠣᠯᠵᠤ᠂ ᠺᠠᠢ ᠬᠤᠧᠨ ᠭᠠᠯ ᠣᠰᠤᠨ ᠳᠤ ᠬᠠᠪᠰᠤᠷᠤᠨ ᠭᠦᠤ ᠲᠡᠶ ᠪᠠᠨ ᠬᠤᠶᠠᠭᠤᠯᠠ ᠳᠤᠭᠤᠭᠠᠨ ᠭᠡᠷ ᠲᠤ ᠰᠠᠭᠤᠬᠤ ᠪᠣᠯᠪᠠ᠃
ᠨᠢᠭᠡ ᠡᠳᠦᠷ ᠵᠠᠯᠠᠨ᠂ ᠭᠠᠯ ᠳᠤᠭᠤᠭᠠᠨ ᠭᠡᠷ ᠲᠤ ᠣᠷᠤᠬᠤ ᠳᠤ ᠺᠠᠢ ᠬᠤᠧᠨ ᠭᠠᠭᠴᠠᠭᠠᠷ ᠶᠢᠡᠨ ᠵᠤᠯᠤᠭ ᠬᠠᠢ᠌ᠴᠢᠯᠠᠨ ᠰᠠᠭᠤᠵᠤ ᠪᠠᠢ᠌ᠪᠠ᠃ ᠵᠠᠯᠠᠨ ᠢ ᠥᠵᠡᠮᠡᠭ᠍ᠴᠡ ᠰᠠᠠᠳᠤᠷᠤᠨ ᠪᠣᠰᠴᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠᠯᠠᠨ ᠳᠡᠭᠡᠭ᠍ᠰᠢ ᠰᠠᠭᠠᠳᠠ ᠭᠡᠪᠡ᠃ ᠲ᠋ᠡᠷᠪᠡ᠂ ᠺᠠᠢ ᠬᠤᠧᠨ ᠶᠢ ᠯᠠᠪᠯᠠᠬᠤ ᠳᠤ ᠳᠡᠭᠦᠨ ᠤ ᠨᠢᠭᠤᠷ ᠴᠢᠷᠠᠢ ᠨᠢ ᠣᠯᠠᠭᠠᠨ ᠴᠠᠭᠠᠨ ᠨᠢ ᠢᠯᠭᠠᠷᠠᠵᠤ᠂ ᠰᠤᠭᠳᠠᠢ᠌ᠭᠰᠠᠨ ᠨᠠᠷᠢᠬᠠᠨ ᠪᠠᠶᠠ ᠪᠠᠨ ᠪᠠᠭᠠ ᠮᠡᠭᠦᠰᠭᠢᠨ ᠵᠤᠭᠰᠤᠭᠰᠠᠨ ᠨᠢ ᠨᠠᠢ᠌ᠯᠵᠠᠭᠤᠷ ᠪᠣᠷᠭᠠᠰᠤ ᠠᠶᠠᠰ ᠤᠨ ᠰᠠᠯᠭᠢᠨ ᠳᠤ ᠭᠠᠩᠬᠤᠵᠤ ᠪᠠᠢ᠌ᠬᠤ ᠮᠠᠳᠤ ᠰᠠᠨᠠᠭᠳᠠᠪᠠ᠃ ᠵᠠᠯᠠᠨ ᠤ ᠨᠠᠭᠠᠤᠠᠬᠤ ᠳᠤᠷᠠ ᠭᠦᠷᠴᠤ ᠪᠠᠷᠢᠭᠠᠤᠨ ᠠᠪᠬᠤ ᠭᠡᠳᠡᠯᠡ ᠪᠦᠰᠡᠭᠦᠢ ᠶᠢᠨ ᠴᠢᠷᠠᠢ ᠨᠢᠯ ᠣᠯᠠᠢ᠌ᠵᠤ᠂ ᠢᠯᠳᠠᠮᠬᠠᠨ ᠢᠨᠢᠶᠠᠳᠤ ᠬᠠᠶᠠᠭᠠᠤᠨ ᠪᠣᠯᠳᠠᠨ ᠭᠠᠷᠪᠠ᠃ ᠲ᠋ᠠᠷᠪᠠ ᠶᠢᠨ ᠨᠢᠳᠤ ᠣᠯᠠᠮ ᠨᠠᠷᠢᠰᠴᠤ ᠵᠢᠷᠪᠢᠭᠡᠷ ᠰᠠᠬᠠᠯ ᠶᠢᠡᠨ ᠢᠮᠠᠷᠤᠨ ᠳᠤᠳᠤᠷᠠ ᠪᠠᠨ ᠶᠠᠭᠤ ᠨᠢᠭᠡ ᠶᠢ ᠪᠢᠰᠢᠯᠭᠠᠭᠰᠠᠨ ᠲᠦᠯᠦᠪᠳᠠᠢ ᠵᠠᠪᠠᠵᠢ ᠪᠠᠷ ᠶᠢᠡᠨ ᠢᠨᠢᠶᠡᠭ᠍ᠰᠡᠨ ᠶᠢᠡᠨ ᠭᠡᠷ ᠳᠤᠳᠤᠷᠠᠭᠢ ᠶᠢ ᠨᠢᠭᠡ ᠳᠤᠭᠤᠷᠢᠭᠤᠯᠤᠨ ᠬᠠᠷᠠᠭᠠᠤᠨ ᠭᠠᠷᠴᠤ ᠶᠠᠪᠣᠪᠠ᠃
ᠲ᠋ᠠᠷᠠ ᠣᠷᠤᠢ ᠵᠠᠯᠠᠨ᠂ ᠭᠠᠯ ᠳᠤᠭᠤᠭᠠᠨ ᠤ ᠭᠡᠷ ᠲᠤ ᠣᠷᠤᠪᠠᠯ ᠺᠠᠢ ᠬᠤᠧᠨ ᠪᠠᠢ᠌ᠭᠰᠠᠨ ᠦᠭᠡᠶ᠃ ᠲ᠋ᠠᠷᠠ ᠬᠠᠷᠠᠩᠭ᠋ᠤᠢ ᠳᠤ ᠭᠡᠰᠡᠭ᠌ ᠠᠯᠮᠠᠢ᠌ᠷᠠᠨ ᠵᠤᠭᠰᠤᠭᠰᠠᠨ ᠶᠢᠡᠨ ᠪᠠᠶᠠ ᠡᠷᠭᠢᠭᠦ ᠭᠡᠳᠡᠯᠡ ᠠᠷᠤ ᠳ᠋ᠤᠨᠢ ᠨᠢᠭᠡ ᠭᠦᠮᠤᠨ ᠢᠷᠠᠵᠤ ᠬᠤᠶᠠᠷ ᠭᠠᠷ ᠶᠢᠡᠷ ᠶᠢᠡᠨ ᠨᠢᠳᠤ ᠶᠢ ᠨᠢ ᠪᠦᠳᠡᠭᠡᠪᠡ᠃ ᠲ᠋ᠡᠷᠪᠡ᠂ ᠲ᠋ᠡᠷᠡ ᠭᠠᠷ ᠢ ᠪᠠᠷᠢᠵᠤ ᠦᠵᠡᠪᠠᠯ ᠰᠠᠪᠬᠠ ᠰᠢᠭ ᠨᠠᠷᠢᠬᠠᠨ ᠬᠤᠷᠤᠭᠤᠳ ᠲᠡᠶ ᠵᠥᠭᠡᠯᠡᠨ ᠭᠠᠷ ᠪᠦᠭᠡᠤᠨ ᠬᠠᠮᠠᠷ ᠳᠤᠨᠢ ᠣ ᠡᠩᠭᠡᠰᠭᠡ ᠶᠢᠨ ᠰᠤᠳᠤᠨ ᠦᠨᠦᠷ ᠬᠠᠩᠬᠤᠯᠠᠬᠤ ᠳᠤ ᠭᠡᠨ ᠪᠣᠯᠬᠤ ᠶᠢ ᠮᠠᠳᠠᠵᠤ᠂ ᠨᠠᠷᠢᠨ ᠬᠤᠷᠤᠭᠤᠳ ᠲᠡᠶ ᠭᠠᠷ ᠢ ᠠᠤᠠᠬᠤᠨ ᠦᠨᠦᠰᠴᠤ ᠵᠤᠭᠰᠦᠪᠡ᠃ ᠪᠦᠰᠡᠭᠦᠢ ᠭᠦᠮᠤᠨ ᠤ ᠵᠥᠭᠡᠯᠡᠨ ᠠᠮᠢᠰᠬᠤᠭᠠ ᠰᠢᠯᠢᠨ ᠭᠦᠵᠦᠭᠦᠤ ᠶᠢ ᠨᠢ ᠡᠷᠪᠠᠭᠡᠨᠡᠭᠦᠯᠵᠤ᠂ ᠪᠦᠭᠦ ᠪᠠᠶᠠ ᠳ᠋ᠤᠨᠢ ᠨᠡᠪᠳᠡᠷᠡᠭᠦ ᠳᠤ ᠳᠠᠷᠠ ᠣᠷᠪᠠᠵᠤ ᠬᠠᠠᠳᠤᠭᠠᠤᠨ ᠺᠠᠢ ᠬᠤᠧᠨ ᠶᠢ ᠬᠤᠮᠢᠨ ᠠᠪᠴᠤ ᠡᠪᠦᠷ ᠲᠡᠭᠡᠨ ᠨᠠᠭᠠᠯᠳᠤᠭᠤᠯᠪᠠ᠃ ᠡᠢ᠌ᠮᠤ ᠣᠴᠢᠷ ᠪᠣᠯᠤᠨᠠ ᠭᠡᠵᠤ ᠪᠦᠰᠡᠭᠦᠢ ᠭᠡᠳᠥᠢᠨ ᠮᠠᠳᠠᠵᠤ ᠪᠠᠢ᠌ᠭᠰᠠᠨ ᠠᠵᠢ᠃ ᠲ᠋ᠠᠷᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠᠯᠠᠨ ᠤ ᠪᠠᠶᠠ ᠡᠴᠡ ᠵᠠᠭᠠᠷ ᠤᠨ ᠦᠨᠦᠷ ᠭᠠᠷᠤᠨᠠ ᠭᠡᠵᠤ ᠪᠣᠳᠤᠭᠰᠠᠨ ᠴᠢᠨᠢ ᠮᠢᠬᠠ ᠳᠤᠰᠤᠨ ᠤ ᠦᠨᠦᠷ ᠰᠢᠩᠭᠡᠴᠢᠭᠡᠵᠡᠢ ᠭᠡᠵᠤ ᠡᠷᠭᠡᠯᠡᠨ ᠭᠡᠯᠡᠭᠦ ᠳᠤ ᠵᠠᠯᠠᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲ᠋ᠡᠭᠡᠪᠠᠯ ᠴᠢᠨᠤ ᠪᠠᠶᠠ ᠡᠴᠡ ᠶᠠᠮᠠᠷ ᠦᠨᠦᠷ ᠭᠠᠷᠬᠤ ᠶᠢ ᠦᠵᠡᠶᠠ ᠭᠡᠵᠤ ᠳᠤᠮᠳᠠᠭᠤᠷ ᠨᠢ ᠭᠦᠩᠭᠡᠨ ᠡᠷᠭᠦᠵᠤ ᠣᠷᠤ ᠥᠭᠡᠳᠡ ᠠᠪᠴᠤ ᠶᠠᠪᠣᠪᠠ᠃
ᠲ᠋ᠠᠷᠠ ᠰᠦᠨᠢ᠂ ᠵᠠᠯᠠᠭᠤ ᠪᠦᠰᠡᠭᠦᠢ ᠶᠢᠨ ᠣᠷᠠᠨ ᠨᠠᠷᠢᠨ ᠭᠦᠳᠡᠯᠦᠯ᠂ ᠤᠬᠠᠭᠠ ᠪᠠᠯᠠᠷᠠᠮᠠ ᠢᠷᠠᠭᠯᠠᠯᠳᠠ ᠳᠤ ᠳᠠᠷᠪᠠ ᠵᠠᠯᠠᠨ ᠣᠰᠤᠨ ᠬᠤᠯᠤᠭᠠᠨᠠ ᠪᠣᠯᠳᠠᠯᠠ ᠭᠦᠯᠦᠷᠡᠵᠤ᠂ ᠰᠢᠨᠡ ᠠᠪᠳᠠᠯ ᠳ᠋ᠤᠨᠢ ᠰᠤᠭᠳᠤᠭᠤᠷᠠᠵᠤ ᠪᠣᠴᠠᠬᠤ ᠳᠠᠭᠠᠨ᠄ 《ᠴᠢᠦᠡᠭᠦᠷ ᠤᠨ ᠪᠠᠭᠠ ᠨᠢ ᠬᠤᠤᠷᠳᠠᠢ ᠭᠡᠳᠡᠭ᠌ ᠶᠢᠡᠷ ᠡᠨᠡ ᠡᠮᠡ ᠶᠢᠨ ᠪᠠᠬᠠ᠁》 ᠭᠡᠵᠤ ᠪᠣᠳᠤᠵᠤ ᠶᠠᠪᠣᠪᠠ᠃
ᠲ᠋ᠠᠷᠪᠠ ᠵᠠᠯᠠᠨ᠂ ᠺᠠᠢ ᠬᠤᠧᠨ ᠶᠢ ᠪᠠᠭᠠ ᠡᠭᠡᠨᠡᠷ ᠶᠢᠡᠨ ᠪᠣᠯᠭᠠᠨ ᠠᠪᠬᠤ ᠦᠶᠡ ᠳᠤ ᠳᠠᠷᠠ ᠨᠢᠭᠡᠡᠳᠡ ᠳᠠᠪᠬᠤᠷ ᠪᠣᠯᠵᠤ ᠭᠡᠳᠤᠨ ᠰᠠᠷᠠ ᠪᠣᠯᠴᠢᠬᠠᠭᠰᠠᠨ ᠪᠠᠢ᠌ᠯᠠ᠃ ᠲ᠋ᠠᠷᠠ ᠨᠠᠮᠤᠷ ᠪᠠᠭᠠ ᠬᠠᠳᠤᠨ ᠨᠢ ᠪᠣᠬᠠᠨ ᠴᠠᠭᠠᠨ ᠭᠦᠤ ᠳᠦᠷᠦᠭ᠍ᠰᠡᠨ ᠳᠤ ᠵᠠᠯᠠᠨ ᠭᠦᠯ ᠨᠢ ᠭᠠᠵᠠᠷ ᠭᠦᠷᠭᠦ ᠦᠭᠡᠶ ᠪᠠᠶᠠᠷᠯᠠᠨ᠂ ᠰᠠᠷᠠ ᠳᠦᠭᠦᠷᠡᠮᠡᠭ᠍ᠴᠡ ᠳᠤᠯᠤᠭᠠ ᠬᠤᠨᠤᠭ ᠤᠨ ᠳᠠᠯᠠᠢ ᠶᠡᠭᠡ ᠬᠤᠷᠢᠮ ᠳᠡᠯᠪᠢᠵᠤ᠂ ᠭᠦᠤ ᠳᠡᠭᠡᠨ ᠭᠠᠶᠠ ᠭᠡᠳᠡᠭ᠌ ᠨᠠᠷᠠ ᠥᠭ᠍ᠪᠡ᠃ ᠵᠡᠯᠡᠨ᠂ ᠨᠤᠬᠠᠳᠡᠢ ᠶᠢ ᠴᠢᠨ᠋ᠸᠠ ᠶᠢᠨ ᠬᠠᠷᠠᠴᠠ ᠲᠡᠶ ᠭᠡᠤᠨ ᠦᠵᠡᠨ ᠶᠠᠳᠠᠳᠠᠭ ᠡᠴᠡ ᠮᠡᠭ᠍ᠵᠢᠭᠡᠷ ᠡᠪᠦᠭᠡᠨ ᠣᠮᠪᠣᠯᠤ ᠪᠠᠨ ᠠᠪᠴᠤ᠂ ᠬᠤᠶᠠᠭᠤᠯᠠ ᠢᠩ ᠤᠨ ᠭᠡᠷ ᠲᠤ ᠠᠮᠢᠳᠤᠷᠠᠬᠤ ᠪᠣᠯᠪᠠ ᠁
ᠭᠠᠶᠠ᠂ ᠦᠳᠦᠷᠮᠠ ᠰᠠᠭᠢᠵᠤ ᠦᠯᠠᠳᠠᠯᠠ᠃ ᠣᠪᠣᠭᠠ ᠠᠢ᠌ᠯ ᠭᠡᠵᠤ ᠬᠤᠷᠢᠭᠠᠤᠨ ᠡᠷᠦᠭᠡ ᠲᠡᠶ᠂ ᠵᠠᠭᠤ ᠢᠯᠡᠭᠦᠤ ᠭᠦᠮᠤᠨ ᠠᠮᠠ ᠲᠡᠶ ᠪᠠᠭᠠ ᠠᠢ᠌ᠯ ᠪᠣᠯᠬᠤ ᠶᠤᠮ᠃ ᠠᠢ᠌ᠯ ᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠭᠡᠦᠭᠡᠤᠨ ᠤᠨ ᠣᠪᠣᠭᠠ ᠭᠡᠭᠦ ᠪᠣᠮᠪᠣᠭᠠᠷ ᠣᠪᠣᠭᠠ ᠪᠠᠢ᠌ᠬᠤ ᠡᠴᠡ ᠳᠡᠭᠡᠵᠤ ᠨᠡᠷᠡᠯᠡᠭ᠍ᠰᠡᠨ ᠡᠴᠡ ᠪᠢᠰᠢ ᠦᠨᠡᠨ ᠳᠡᠭᠡᠨ ᠡᠨᠡ ᠠᠢ᠌ᠯ ᠭᠡᠳᠤᠨ ᠳᠠᠯᠠ ᠪᠠᠷ ᠶᠢᠡᠨ ᠪᠦᠷ ᠠᠭᠤᠯᠠᠨ ᠳᠤ ᠭᠦᠷᠢᠶᠡᠯᠡᠭ᠍ᠳᠡᠵᠤ᠂ ᠭᠠᠭᠴᠠ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠭᠠᠷᠬᠤ ᠳᠡᠭ᠍ᠰᠢ ᠵᠠᠮ ᠲᠡᠶ᠂ ᠪᠣᠢ᠌ᠳᠠ ᠪᠦᠭᠯᠡᠭᠦᠤ ᠬᠤᠳᠤᠭᠤᠷ ᠲᠤ ᠰᠠᠭᠤᠭᠰᠠᠨ ᠠᠢ᠌ᠯ ᠪᠣᠯᠬᠤ ᠶᠦᠮ᠃ ᠡᠨᠡ ᠠᠢ᠌ᠯ ᠳᠤ ᠢᠯᠡᠭᠦᠤ ᠳᠤᠳᠠᠭᠤ ᠠᠵᠢᠯ ᠭᠠᠷᠤᠭᠰᠠᠭᠠᠷ ᠭᠠᠶᠠ ᠶᠢᠨ ᠳᠤᠯᠤᠭᠠᠢ ᠳᠡᠭᠡᠷᠡ ᠪᠠᠭᠤᠳᠠᠭ ᠨᠢ ᠵᠤᠷᠰᠢᠯ ᠪᠣᠯᠴᠢᠬᠠᠭᠰᠠᠨ ᠡᠴᠡ ᠦᠳᠦᠷᠮᠠ ᠰᠠᠭᠢᠬᠤ ᠨᠢ ᠶᠠᠷᠢᠶᠠᠨ ᠦᠭᠡᠶ ᠳᠡᠭᠦᠨ ᠳᠤ ᠣᠨᠤᠭᠳᠠᠬᠤ ᠨᠢ ᠵᠠᠢ᠌ᠯᠠᠰᠢ ᠦᠭᠡᠶ᠃
ᠵᠤᠬᠢᠶᠠᠭᠴᠢ᠄ ᠬᠠᠷᠭᠤᠢ
ᠳᠠᠷᠤᠮ᠄ 47180
ᠴᠠᠭ᠄ 2005 ᠤᠨ ᠤ 08 ᠰᠠᠷᠠ ᠶᠢᠨ 08