ᠠᠷᠪᠠ ᠂ ᠦᠳᠡᠰᠢ ᠶᠢᠨ ᠳᠤᠯᠤᠩ
ᠦᠶᠡ ᠦᠶᠡ ᠨᠠᠪᠴᠢ ᠱᠠᠷᠴᠢᠬᠢᠨᠠᠭᠣᠯᠣᠭᠰᠠᠨ ᠵᠤᠨ ᠤ ᠡᠬᠢᠨ ᠰᠠᠷᠠ ᠶᠢᠨ ᠰᠠᠯᠬᠢ ᠲᠡᠶ ᠨᠢᠬᠡ ᠡᠳᠣᠷ᠂ ᠪᠠᠶᠠᠠᠴᠠᠭᠠᠨ ᠤ ᠪᠠᠷᠠᠭᠣᠨ ᠰᠣᠭᠣ ᠪᠠᠷ ᠣᠷᠣᠵᠣ ᠢᠷᠡᠭ᠍ᠰᠡᠨ ᠰᠢᠷᠠ ᠵᠠᠮ ᠶᠢᠠᠷ ᠨᠣᠭᠣᠭᠠᠨ ᠥᠩᠬᠡᠳᠡᠢ ᠵᠢᠫ ᠲᠡᠷᠬᠡ ᠲᠣᠭᠣᠰᠣ ᠲᠠᠳᠠᠭᠣᠯᠣᠨ ᠵᠢᠷᠢᠯᠵᠠᠨ ᠲᠠᠪᠬᠢᠨᠠ᠃ ᠲᠠᠷᠠ ᠮᠠᠰᠢᠨ ᠣᠪᠣᠭᠠ ᠠᠢ᠌ᠯ ᠤᠨ ᠪᠠᠷᠠᠭᠣᠨ ᠡᠮᠣᠨᠠ ᠡᠴᠡ ᠣᠷᠣᠬᠣ ᠵᠠᠮ ᠢ ᠡᠯᠬᠥᠵᠦ᠂ ᠰᠢᠭᠣᠳ ᠠᠢ᠌ᠯ ᠲᠣᠮᠳᠠ ᠣᠷᠣᠵᠣ ᠢᠷᠡᠬᠡᠥᠨ ᠰᠣᠷᠭᠠᠭᠣᠯᠢ ᠶᠢᠨ ᠬᠦᠷᠢᠶᠡᠨ ᠤ ᠡᠬᠥᠳᠡᠨ ᠳᠤ ᠵᠤᠭᠰᠣᠪᠠ᠃ ᠵᠢᠯᠣᠭᠣᠴᠢ ᠶᠢᠨ ᠰᠠᠭᠣᠳᠠᠯ ᠳᠤ ᠰᠠᠭᠣᠭᠰᠠᠨ ᠴᠡᠮᠴᠡᠬᠡᠷ ᠦᠨᠳᠥᠷ ᠵᠠᠯᠠᠭᠤ ᠬᠠᠮᠢᠭᠠᠰᠢ ᠶᠠᠪᠣᠬᠣ ᠪᠠᠨ ᠣᠯ ᠶᠠᠳᠠᠨ ᠲᠡᠷᠬᠡᠨ ᠡᠴᠡ ᠪᠠᠨ ᠪᠠᠭᠣᠵᠣ ᠢᠷᠠᠪᠠ᠃ ᠠᠷᠤ ᠶᠢᠨ ᠰᠠᠭᠣᠳᠠᠯ ᠡᠴᠡ ᠡᠷᠡᠭ᠍ᠳᠡᠢ᠂ ᠡᠮᠡᠭ᠍ᠳᠡᠢ ᠠᠬᠢᠮᠠᠭ ᠨᠠᠰᠣᠨ ᠤ ᠬᠣᠶᠠᠷ ᠬᠦᠮᠥᠨ ᠪᠠᠭᠣᠵᠣ ᠢᠷᠡᠬᠡᠥᠨ ᠡᠢ᠌ᠰᠢ ᠲᠠᠢ᠌ᠰᠢ ᠯᠠᠪᠯᠠᠭᠰᠠᠨ ᠶᠢᠠᠨ ᠰᠣᠷᠭᠠᠭᠣᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠣᠷᠣᠪᠠ᠃ ᠵᠤᠨ ᠤ ᠬᠠᠯᠠᠭᠣᠨ ᠳᠤ ᠦᠨᠳᠥᠷ ᠲᠠᠪᠠᠯ ᠶᠢᠠᠨ ᠠᠭᠰᠠᠵᠣ ᠪᠦᠰᠡᠯᠠᠬᠡᠥᠨ᠂ ᠪᠣᠯᠭᠠᠷᠢᠨ ᠭᠣᠳᠣᠯ ᠡᠮᠥᠰᠥᠭᠰᠡᠨ ᠬᠦᠮᠥᠨ ᠢ ᠦᠵᠡᠬᠡᠥᠨ ᠰᠣᠷᠭᠠᠭᠣᠯᠢ ᠶᠢᠨ ᠬᠡᠣᠬᠡᠥᠨ ᠴᠣᠩᠬᠤ ᠪᠠᠷ ᠶᠢᠠᠨ ᠲᠣᠯᠣᠭᠠᠢ ᠪᠠᠨ ᠪᠣᠯᠳᠠᠢ᠌ᠯᠭᠠᠨ ᠬᠠᠷᠠᠵᠠᠭᠠᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠦᠶᠢ᠂ ᠦᠵᠥᠮᠣᠴᠢᠨ ᠬᠦᠮᠥᠨ︕
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠨᠠ ᠬᠠᠯᠠᠭᠣᠨ ᠳᠤ ᠦᠨᠳᠥᠷ ᠲᠠᠪᠠᠯ ᠡᠮᠥᠰᠣᠬᠡᠥᠨ ᠬᠠᠯᠠᠭᠣᠴᠠᠬᠣ ᠦᠭᠡᠶ ᠪᠣᠯ ᠦᠦ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠᠳᠠ ᠬᠣᠪᠴᠠᠰᠣᠨ ᠳᠠᠭᠠᠨ ᠬᠠᠷᠮᠠᠨ ᠦᠭᠡᠶ᠃ ᠬᠣᠷᠰᠢᠶᠠᠨ ᠡᠴᠡ ᠶᠠᠭᠣᠮᠠ ᠠᠪᠣᠪᠠᠯ ᠡᠪᠣᠷ ᠲᠡᠭᠡᠨ ᠴᠢᠬᠢᠳᠡᠭ ᠬᠡᠨᠡ᠃
ᠰᠣᠷᠣᠭᠴᠢᠳ ᠦᠢᠮᠡᠯᠲᠦᠬᠥ ᠪᠠᠷ ᠵᠠ᠊ ᠪᠠᠭᠰᠢ ᠠᠵᠢᠯᠯᠠᠬᠣ ᠬᠡᠷ ᠡᠴᠡ ᠪᠠᠨ ᠭᠠᠷᠴᠣ ᠢᠷᠡᠬᠡᠥᠨ ᠦᠵᠥᠮᠣᠴᠢᠨ ᠤ ᠬᠡᠬᠥ ᠭᠣᠷᠪᠠᠨ ᠬᠦᠮᠥᠨ ᠲᠡᠶ ᠮᠡᠨᠳᠥᠯᠠᠬᠡᠥᠨ ᠠᠵᠢᠯᠯᠠᠬᠣ ᠬᠡᠷ ᠲᠡᠭᠡᠨ ᠲᠠᠭᠠᠭᠣᠯᠵᠣ ᠣᠷᠣᠪᠠ᠃ ᠦᠨᠳᠥᠷ ᠪᠠᠶᠠ ᠲᠡᠶ ᠡᠪᠥᠬᠡᠵᠢᠶᠡᠷ ᠬᠦᠮᠥᠨ ᠡᠪᠣᠷ ᠡᠴᠡ ᠪᠠᠨ ᠶᠠᠠᠵᠣᠣᠷ ᠭᠠᠷᠭᠠᠨ ᠵᠠ᠊ ᠪᠠᠭᠰᠢ ᠳᠤ ᠪᠠᠷᠢᠭᠠᠳ᠂ ᠦᠬᠡ ᠰᠣᠯᠢᠬᠤ ᠵᠠᠭᠣᠷᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠᠨ ᠤ ᠠᠢ᠌ᠯ ᠳᠤ ᠬᠠᠭᠣᠴᠢᠨ ᠰᠠᠭᠣᠭᠠᠯᠢ ᠡᠷᠣᠬᠡ ᠪᠠᠢ᠌ᠳᠠᠭ ᠦᠦ︖ ᠬᠡᠵᠦ ᠠᠰᠠᠭᠣᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠭᠣᠴᠢᠨ ᠰᠠᠭᠣᠭᠠᠯᠢ ᠬᠡᠵᠦ ᠦᠭᠡᠶ᠃ ᠪᠦᠷ ᠯᠠ ᠡ᠊ᠠᠳᠠ ᠲᠠᠠᠳᠠ ᠡᠴᠡ ᠴᠣᠭᠯᠠᠭᠰᠠᠨ ᠠᠢ᠌ᠯ ᠰᠢᠤ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣ᠂ ᠲᠠᠷᠪᠠ ᠵᠠᠯᠠᠨ ᠤ ᠬᠢᠨ ᠬᠡᠵᠦ ᠰᠣᠨᠣᠰᠴᠣ ᠥᠩᠬᠡᠷᠡᠭ᠍ᠰᠡᠨ ᠦᠦ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠡᠳᠡᠯᠬᠥᠢ ᠶᠠᠭᠠᠬᠢᠬᠣ ᠪᠣᠢ︖ ᠲᠠᠷᠪᠠ ᠵᠠᠯᠠᠨ ᠤ ᠣᠩᠭ᠋ᠣᠨ ᠡᠨᠠ ᠣᠷᠳᠣ ᠣᠪᠣᠭᠠᠨ ᠤ ᠡᠩᠬᠡᠷ ᠪᠠᠢ᠌ᠳᠠᠭ ᠶᠣᠮ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠᠳᠠᠨ ᠤ ᠳᠤ ᠵᠠᠷᠣᠭᠳᠠᠵᠣ ᠪᠠᠢ᠌ᠭᠰᠠᠨ ᠲᠦᠬᠢᠮᠡ ᠬᠡᠳᠡᠭ ᠡᠮᠡᠭ᠍ᠳᠡᠢ ᠶᠢ ᠮᠠᠳᠠᠨᠠ ᠦᠦ︖ ᠡᠷᠠᠤ ᠲᠡᠬᠡᠷᠡ ᠪᠠᠨ ᠮᠠᠩᠬᠡᠳᠡᠢ ᠬᠡᠵᠦ ᠡᠮᠡᠭ᠍ᠳᠡᠢ ᠨᠢ ᠦᠬᠡ ᠬᠠᠪᠴᠢᠭᠣᠯᠪᠠ᠃ ᠵᠠ᠊ ᠪᠠᠭᠰᠢ ᠬᠡᠰᠡᠭ ᠪᠣᠳᠣᠯᠬᠢᠯᠠᠭᠰᠠᠨ ᠢᠶᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠦᠬᠢᠮᠡ ᠡᠶᠢ ᠬᠡᠵᠦ ᠶᠠᠷᠣ ᠰᠣᠨᠣᠰᠣᠭᠰᠠᠨ ᠦᠭᠡᠶ᠃ ᠮᠠᠨ ᠤ ᠡ᠊ᠠᠳᠠ ᠰᠠᠬᠠᠯᠳᠣ ᠡᠶᠢ ᠬᠡᠵᠦ ᠪᠠᠢ᠌ᠭᠰᠠᠨ᠃ ᠨᠠᠰᠣ ᠪᠠᠷᠠᠭᠠᠳ ᠨᠠᠯᠢᠶᠠᠳ ᠬᠡᠳᠥᠨ ᠵᠢᠯ ᠪᠣᠯᠴᠢᠬᠠᠯᠠ᠃ ᠲᠠᠨᠣᠰ ᠡᠠᠳᠠᠬᠢ ᠬᠦᠮᠥᠨ ᠦᠦ︖ ᠬᠡᠵᠦ ᠵᠠ᠊ ᠪᠠᠭᠰᠢ ᠬᠡᠳᠡᠷᠬᠥ ᠠᠰᠠᠭᠣᠪᠠ᠃ ᠡᠨᠠ ᠦᠬᠡᠨ ᠳᠤ ᠡᠷᠡᠭ᠍ᠳᠡᠢ ᠨᠢ ᠰᠡᠬᠡᠰᠬᠢᠵᠦ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠢᠨᠣ ᠨᠡᠷᠡ ᠨᠢᠩᠪᠣ ᠬᠡᠳᠡᠭ᠃ ᠲᠠᠷᠪᠠ ᠵᠠᠯᠠᠨ ᠤ ᠠᠳᠣᠭᠣᠴᠢᠨ ᠶᠠᠪᠣᠵᠣ ᠪᠠᠢ᠌ᠭᠰᠠᠨ ᠶᠣᠮ᠃ ᠡᠨᠠ ᠪᠣᠯ ᠮᠢᠨᠣ ᠡᠬᠡᠨᠡᠷ ᠨᠢᠴᠢᠭ᠍ᠮᠡ᠃ ᠪᠢᠳᠠ ᠲᠦᠬᠡᠷᠢᠵᠦ ᠲᠣᠭᠰᠢᠭᠰᠠᠭᠠᠷ ᠪᠠᠢ᠌ᠭᠠᠳ ᠬᠡᠳᠥᠨ ᠠᠷᠪᠠᠨ ᠵᠢᠯ ᠪᠣᠯᠴᠢᠬᠠᠯᠠ᠃ ᠴᠠᠭ ᠲᠥᠷᠤ ᠲᠡᠭ᠍ᠰᠢᠷᠡᠭ᠍ᠰᠡᠨ ᠡᠴᠡ ᠣᠳᠣ ᠰᠠᠶᠢ ᠯᠨ ᠲᠣᠯᠣᠭᠠᠢ ᠦᠨᠳᠡᠢ᠌ᠵᠦ᠂ ᠡᠬᠡ ᠲᠡᠶ ᠪᠠᠨ ᠠᠭᠣᠯᠵᠠᠬᠣ ᠪᠠᠷ ᠢᠷᠡᠭ᠍ᠰᠡᠨ ᠶᠣᠮ᠃ ᠬᠡᠳᠡᠯᠡ ᠲᠠᠳᠠ ᠪᠦᠷ ᠶᠠᠭᠠᠬᠢᠭᠰᠠᠨ ᠢ ᠮᠡᠳᠡᠬᠥ ᠦᠬᠡᠢ ᠬᠡᠵᠦ ᠰᠡᠬᠥᠷᠡᠰᠤ ᠠᠯᠳᠠᠪᠠ᠃ ᠠᠵᠢᠯᠯᠠᠬᠣ ᠬᠡᠷ ᠤᠨ ᠬᠠᠶᠠᠭᠠᠨ ᠳᠤ ᠡᠯᠬᠥᠭ᠍ᠰᠡᠨ ᠴᠠᠭ 《ᠲ᠋ᠢᠭ᠂ ᠲᠠᠭ᠁》 ᠲᠣᠣᠭᠠᠷᠬᠣ ᠡᠴᠠ ᠦᠬᠡᠷᠡ ᠴᠢᠮᠡᠬᠡ ᠦᠭᠡᠶ᠃ ᠵᠠ᠊ ᠪᠠᠭᠰᠢ ᠬᠡᠨᠡᠳᠳᠡ ᠭᠠᠶᠠ ᠶᠢ ᠰᠠᠨᠠᠭᠠᠨ ᠳᠤ ᠣᠷᠣᠵᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣ᠂ ᠪᠠᠰᠠ ᠨᠢᠬᠡ ᠬᠦᠮᠥᠨ ᠪᠠᠢ᠌ᠨᠠ᠃ ᠲᠠᠷᠪᠠ ᠵᠠᠯᠠᠨ ᠤ ᠬᠦᠤ ᠭᠠᠶᠠ ᠬᠡᠪᠡ᠃ ᠭᠠᠶᠠ ᠬᠡᠬᠥ ᠶᠢ ᠰᠣᠨᠣᠰᠣᠭᠠᠳ ᠠᠬᠢᠮᠠᠭ ᠨᠠᠰᠣᠨ ᠤ ᠬᠣᠶᠠᠷ ᠤᠨ ᠴᠢᠷᠠᠢ ᠳᠤ ᠰᠣᠴᠢᠵᠣ ᠪᠠᠶᠠᠷᠯᠠᠬᠣ ᠬᠣᠣᠰᠯᠠᠨ ᠵᠠᠷᠬᠡ ᠪᠠᠷ ᠬᠦᠶᠥᠨ ᠪᠣᠰᠪᠠ᠃
ᠵᠠ᠊ ᠪᠠᠭᠰᠢ ᠲᠠᠳᠠᠨ ᠢ ᠭᠠᠶᠠ ᠲᠡᠶ ᠠᠭᠣᠯᠵᠠᠭᠣᠯᠬᠣ ᠪᠠᠷ ᠢᠩ ᠤᠨ ᠬᠡᠷ ᠲᠤ ᠲᠠᠭᠠᠭᠣᠯᠵᠣ ᠢᠷᠠᠪᠠ᠃ ᠭᠠᠶᠠ ᠲᠠᠷᠢᠶᠠᠨ ᠳᠤ ᠭᠠᠷᠣᠭᠠᠳ ᠪᠠᠢ᠌ᠭᠰᠠᠨ ᠡᠴᠡ ᠲᠠᠳᠠ ᠣᠷᠣᠢ ᠪᠣᠯᠳᠠᠯᠠ ᠬᠦᠯᠢᠶᠡᠪᠡ᠃ ᠨᠠᠷᠠ ᠣᠨᠠᠬᠣ ᠦᠶᠡ ᠪᠠᠷ ᠭᠠᠶᠠ ᠠᠷᠴᠢᠭᠣᠷ ᠶᠢᠠᠨ ᠮᠥᠷᠥᠯᠡᠭ᠍ᠰᠠᠬᠡᠷ ᠬᠠᠷᠢᠵᠣ ᠢᠷᠡᠬᠥ ᠳᠤ ᠡᠬᠥᠳᠡᠨ ᠲᠡᠬᠡᠷᠡ ᠨᠢ ᠪᠠᠭᠠ ᠮᠠᠰᠢᠨ ᠵᠤᠭᠰᠣᠵᠣ ᠪᠠᠢ᠌ᠪᠠ᠃ ᠬᠡᠷ ᠡᠴᠡ ᠬᠦᠬᠡ ᠲᠣᠷᠭᠠᠨ ᠲᠡᠷᠯᠢᠭ᠌ ᠡᠮᠣᠰᠴᠣ᠂ ᠥᠩᠬᠡ ᠨᠢ ᠬᠣᠢ᠌ᠭᠰᠠᠨ ᠠᠯᠴᠢᠭᠣᠷ ᠲᠡᠶ ᠡᠮᠡᠭ᠍ᠳᠡᠢ ᠭᠠᠷᠴᠣ ᠢᠷᠡᠬᠡᠥᠨ ᠨᠠᠷᠠ ᠰᠠᠷᠠᠪᠴᠢᠯᠠᠨ ᠵᠤᠭᠰᠣᠨᠠ᠃ ᠣᠢ᠌ᠷᠠᠳᠣᠨ ᠢᠷᠡᠬᠡᠥᠨ ᠭᠠᠶᠠ ᠡᠨᠠ ᠬᠥ ᠦᠰᠤ ᠨᠢ ᠪᠣᠭᠣᠷᠣᠯᠳᠣᠵᠣ ᠡᠬᠢᠯᠡᠭ᠍ᠰᠡᠨ ᠡᠮᠡᠭ᠍ᠳᠡᠢ ᠶᠢ ᠵᠢᠰᠣᠨ ᠲᠥᠯᠥᠪ ᠶᠢᠠᠷ ᠨᠢ ᠬᠡᠨ ᠬᠡᠳᠡᠭ ᠢ ᠲᠠᠨᠢᠵᠣ᠂ ᠬᠡᠰᠡᠭ ᠮᠠᠯᠠᠷᠠᠨ ᠵᠤᠭᠰᠤᠭᠰᠠᠨ ᠶᠢᠠᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠴᠢᠭ᠍ᠮᠡ︕ ᠬᠡᠵᠦ ᠴᠡᠴᠡᠷᠬᠢᠯᠡᠭ᠍ᠰᠡᠨ ᠲᠠᠭᠣᠨ ᠶᠢᠠᠷ ᠬᠡᠯᠡᠪᠡ᠃ ᠮᠥᠷᠥᠨ ᠲᠡᠬᠡᠷᠡ ᠨᠢ ᠪᠠᠢ᠌ᠭᠰᠠᠨ ᠠᠷᠴᠢᠭᠣᠷ ᠭᠣᠯᠭᠣᠷᠢᠨ ᠣᠨᠠᠭᠰᠠᠨ ᠢ ᠴᠤ ᠮᠡᠳᠡᠭ᠍ᠰᠡᠨ ᠦᠭᠡᠶ᠃ ᠰᠦᠨᠢ ᠶᠢᠨ ᠬᠦᠰᠢᠬᠡ ᠲᠠᠳᠠᠯᠠ᠃ ᠲᠠᠳᠠ ᠭᠣᠷᠪᠠ ᠥᠩᠬᠡᠷᠡᠭ᠍ᠰᠡᠨ ᠤ ᠣᠴᠢᠷ ᠬᠦᠥᠷᠨᠢᠯᠲᠦᠬᠡᠥᠨ ᠨᠢᠬᠡ ᠰᠦᠨᠢ ᠨᠢᠳᠣ ᠬᠠᠮᠬᠢᠭᠰᠠᠨ ᠦᠭᠡᠶ᠃ ᠭᠠᠶᠠ ᠡᠳᠣᠢ ᠪᠣᠯᠳᠠᠯᠠ ᠭᠣᠣᠨᠢ ᠶᠠᠪᠣᠵᠣ᠂ ᠢᠩ ᠤᠨ ᠬᠡᠷ ᠤᠨ ᠮᠤᠬᠤᠷ ᠰᠠᠬᠢᠭᠰᠠᠨ ᠢ ᠰᠣᠨᠣᠰᠣᠭᠠᠳ ᠨᠢᠴᠢᠭ᠍ᠮᠡ ᠪᠠᠢ᠌ᠨ ᠪᠠᠢ᠌ᠨ ᠨᠢᠯᠪᠣᠰᠣ ᠣᠨᠠᠭᠠᠵᠣ ᠪᠠᠢ᠌ᠪᠠ᠃ ᠬᠦᠤ ᠨᠢ ᠬᠠᠷᠢᠨ ᠬᠣᠯᠠ ᠵᠠᠮ ᠤᠨ ᠴᠣᠬᠢᠶᠠᠨ ᠳᠤ ᠶᠠᠳᠠᠷᠠᠭᠰᠠᠨ ᠪᠣᠯᠣᠯᠳᠠᠢ ᠬᠠᠠᠵᠣᠨ ᠪᠣᠯᠣᠩ ᠶᠢᠠᠷ ᠣᠷᠣᠵᠣ ᠰᠡᠬᠡᠬᠡ ᠦᠭᠡᠶ ᠣᠠᠳᠠᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠨᠠ ᠪᠣᠯ ᠮᠢᠨᠣ ᠪᠠᠭᠠ ᠬᠦᠤ᠂ ᠡ᠊ᠠᠳᠠ ᠲᠠᠠᠳᠠ ᠲᠡᠨᠦᠬᠥᠴᠢᠯᠡᠵᠦ ᠶᠠᠪᠣᠬᠣ ᠲᠣᠮᠳᠠ ᠪᠠᠨ ᠶᠡᠬᠡ ᠬᠦᠤ ᠪᠠᠨ ᠨᠢᠯᠬᠠ ᠳᠤ ᠨᠢ ᠠᠯᠳᠠᠴᠢᠬᠠᠭᠰᠠᠨ ᠰᠢᠤ︕ ᠬᠡᠵᠦ ᠨᠢᠴᠢᠭ᠍ᠮᠡ ᠬᠡᠯᠡᠨᠡ᠃
ᠮᠠᠷᠭᠠᠰᠢ ᠦᠷᠯᠦᠬᠡ ᠨᠢ ᠲᠠᠳᠠ ᠪᠠᠶᠠᠠᠴᠠᠭᠠᠨ ᠤ ᠡᠩᠬᠡᠷ ᠪᠠᠢ᠌ᠭᠠ ᠰᠠᠬᠠᠯᠳᠣ ᠡᠶᠢ ᠶᠢᠨ ᠣᠩᠭ᠋ᠣᠨ ᠲᠡᠬᠡᠷᠡ ᠣᠴᠢᠪᠠ᠃ ᠨᠢᠩᠪᠣ᠂ ᠡᠬᠡ ᠶᠢᠨ ᠶᠢᠠᠨ ᠣᠩᠭ᠋ᠣᠨ ᠤ ᠡᠮᠣᠨᠠ ᠰᠦᠭᠦᠳᠴᠦ ᠨᠢᠯᠪᠣᠰᠣ ᠠᠰᠬᠠᠷᠠᠭᠣᠯᠣᠨᠠ᠃ ᠥᠩᠬᠡᠷᠡᠭ᠍ᠰᠡᠨ ᠣᠴᠢᠷ ᠤᠳ ᠣᠭᠣᠷᠠᠭ ᠲᠠᠷᠢᠬᠢᠨ ᠳᠤ ᠨᠢ ᠴᠠᠬᠢᠯᠣᠨ ᠣᠷᠣᠵᠣ᠂ ᠵᠢᠷᠥᠬᠡ ᠰᠠᠳᠬᠢᠯ ᠳᠤ ᠨᠢ ᠣᠢ᠌ᠯᠣᠨ ᠲᠠᠪᠠᠯᠭᠠᠯᠠᠬᠣ ᠳᠤ ᠲᠠᠳᠠ ᠬᠡᠨ ᠨᠢ ᠴᠤ ᠨᠢᠬᠡ ᠨᠢᠬᠡᠨ ᠶᠢᠠᠨ ᠡᠠᠰ ᠬᠠᠷᠠᠬᠣ ᠵᠤᠷᠢᠭ ᠪᠠᠢ᠌ᠭᠰᠠᠨ ᠦᠭᠡᠶ᠃ ᠭᠠᠶᠠ ᠨᠢᠯᠪᠣᠰᠣ ᠪᠦᠷᠬᠥᠭ᠍ᠰᠡᠨ ᠨᠢᠳᠣᠨ ᠬᠠᠷᠠᠴᠠ ᠪᠠᠨ ᠪᠣᠷᠣᠭᠣᠯᠠᠵᠣ᠂ ᠪᠠᠶᠠᠠᠴᠠᠭᠠᠨ ᠤ ᠣᠷᠣᠢ ᠵᠢ ᠰᠢᠷᠳᠠᠨᠠ᠃ ᠪᠠᠶᠠᠠᠴᠠᠭᠠᠨ ᠤ ᠡᠩᠬᠡᠷ ᠲᠠᠬᠢ ᠪᠣᠰᠣᠭᠠ ᠬᠠᠳᠠᠨ ᠲᠡᠬᠡᠷᠡ ᠬᠢᠯᠠᠭᠠᠨ ᠦᠯᠥᠭᠴᠢᠨ ᠭᠠᠷᠴᠣ ᠢᠷᠡᠬᠡᠥᠨ ᠣᠴᠣᠢ᠌ᠨ ᠰᠠᠭᠣᠭᠰᠠᠨ ᠶᠢᠠᠨ ᠣᠷᠳᠣᠬᠠᠨ ᠨᠢᠬᠡ ᠣᠯᠢᠭᠠᠳ ᠲᠠᠯᠳᠠ ᠣᠷᠣᠭᠰᠠᠨ ᠢ ᠭᠠᠶᠠ ᠣᠯᠵᠣ ᠦᠵᠡᠪᠡ᠃
ᠲᠠᠳᠠ᠂ ᠭᠠᠶᠠ ᠶᠢ ᠠᠪᠠᠴᠢᠬᠤ ᠬᠡᠵᠦ ᠬᠡᠴᠢᠨᠡᠬᠡᠨ ᠣᠷᠣᠯᠳᠣᠭᠰᠠᠨ ᠴᠤ᠄ 《ᠪᠢ ᠡ᠊ᠠᠳᠠ ᠪᠠᠨ ᠲᠠᠰᠴᠢᠬᠠᠵᠠᠢ》 ᠬᠡᠬᠥ ᠡᠴᠡ ᠦᠬᠡᠷᠡ ᠬᠠᠷᠢᠭᠣ ᠣᠯᠣᠭᠰᠠᠨ ᠦᠭᠡᠶ᠃ ᠭᠣᠷᠪᠠ ᠬᠣᠨᠣᠭᠠᠳ ᠪᠣᠴᠠᠬᠣ ᠳᠠᠭᠠᠨ ᠨᠢᠩᠪᠣ᠂ ᠨᠢᠴᠢᠭ᠍ᠮᠡ ᠬᠣᠶᠠᠷ᠄ 《ᠨᠠᠰᠣ ᠠᠬᠢᠬᠣ ᠲᠣᠳᠣᠮ ᠨᠣᠳᠣᠭ ᠤᠨ ᠶᠢᠠᠨ ᠵᠦᠭ᠌ ᠨᠣᠢ᠌ᠳᠠᠨ ᠡᠯᠢᠬᠡ ᠦᠨᠳᠡᠯᠵᠡᠬᠡᠥᠨ ᠪᠠᠢ᠌ᠬᠣ ᠶᠣᠮ᠃ ᠦᠳᠡᠯᠬᠥ ᠶᠢᠨ ᠦᠵᠦᠬᠥᠷ ᠪᠢᠳᠠ ᠬᠣᠶᠠᠷ ᠴᠤ ᠡ᠊ᠠᠳᠠ ᠪᠠᠨ ᠢᠷᠠᠨᠠ ᠰᠢᠤ》 ᠬᠡᠵᠦ ᠬᠡᠯᠡᠵᠦ ᠪᠠᠢ᠌ᠪᠠ᠃
ᠣᠷᠣᠢ ᠶᠢᠨ ᠰᠡᠷᠢᠬᠥᠨ ᠣᠷᠣᠪᠠ᠃ ᠠᠢ᠌ᠯ ᠲᠣᠮᠳᠠ ᠦᠨᠢᠶᠡ ᠲᠣᠭᠣᠯ ᠮᠦᠬᠡᠷᠡᠯᠳᠥᠨ᠂ ᠲᠠᠷᠢᠶᠠᠨ ᠤ ᠬᠦᠮᠥᠰ ᠬᠡᠷ ᠵᠦᠭ᠌ ᠶᠢᠡᠨ ᠬᠠᠷᠢᠵᠠᠭᠠᠵᠣ ᠪᠠᠢ᠌ᠯᠠ᠃ ᠭᠠᠶᠠ ᠢᠩ ᠤᠨ ᠬᠡᠷ ᠤᠨ ᠡᠬᠥᠳᠡᠨ ᠳᠡᠭᠡᠨ ᠵᠠᠪᠢᠯᠠᠵᠣ᠂ ᠬᠡᠳᠥᠨ ᠠᠷᠴᠢᠭᠣᠷ ᠢ ᠡᠬᠡᠯᠵᠢ ᠪᠠᠷ ᠱᠥᠷᠬᠥᠬᠡᠵᠦ ᠰᠠᠭᠣᠨᠠ᠃ ᠲᠠᠷᠢᠶᠠ ᠠᠷᠴᠢᠬᠤ ᠶᠠᠭᠠᠷᠠᠤ ᠦᠶᠡ ᠳᠤ ᠬᠡᠨ ᠨᠢ ᠲᠡᠬᠥᠨ ᠶᠢᠠᠷ ᠬᠠᠪᠰᠣᠷᠣᠭᠣᠯᠬᠣ ᠬᠡᠪᠡᠯ ᠦᠳᠡ ᠶᠢᠨ ᠬᠦᠨᠡᠰᠤ ᠶᠢ ᠨᠢ ᠪᠡᠯᠡᠳᠬᠡᠬᠡᠥᠨ᠂ ᠢᠩ ᠤᠨ ᠬᠡᠷ ᠢ ᠲᠠᠭᠠᠷᠢᠭᠠᠳ ᠠᠪᠴᠣ ᠭᠠᠷᠳᠠᠭ᠃ ᠰᠡᠬᠥᠯᠳᠡᠵᠦ ᠢᠷᠡᠬᠡᠥᠨ ᠵᠠᠷᠣᠬᠣ ᠬᠦᠮᠥᠨ ᠠᠷᠪᠢᠳᠤᠭᠰᠠᠨ ᠡᠴᠡ ᠬᠡᠨ ᠨᠢ ᠣᠷᠢᠳ ᠶᠢᠠᠷ ᠠᠷᠴᠢᠭᠣᠷ ᠶᠢᠠᠨ ᠠᠪᠴᠢᠷᠠᠵᠣ ᠦᠭ᠍ᠪᠡᠯ ᠬᠡᠨ ᠳᠤ ᠣᠷᠢᠳ ᠶᠢᠠᠷ ᠶᠠᠪᠣᠬᠣ ᠨᠢ ᠵᠤᠷᠰᠢᠯ ᠪᠣᠯᠣᠭᠰᠠᠨ ᠡᠴᠡ ᠭᠠᠶᠠ ᠶᠢᠨ ᠢᠩ ᠤᠨ ᠬᠡᠷ ᠤᠨ ᠪᠣᠯᠣᠩ ᠳᠤ ᠦᠷᠬᠥᠯᠵᠢ ᠬᠡᠳᠥᠨ ᠠᠷᠴᠢᠭᠣᠷ ᠲᠠᠯᠪᠢᠭᠠᠰᠣᠳᠠᠢ ᠪᠠᠢ᠌ᠳᠠᠭ᠃ ᠭᠠᠶᠠ ᠲᠡᠳᠡᠬᠡᠷ ᠠᠷᠴᠢᠭᠣᠷ ᠤᠳ ᠢ ᠡ᠊ᠨᠳᠡᠬᠥᠷᠡᠳᠡᠭ ᠦᠭᠡᠶ᠃ ᠣᠯᠠᠨ ᠶᠠᠩᠵᠣ ᠶᠢᠨ ᠲᠡᠮᠳᠡᠭ ᠬᠢᠵᠣ᠄ 《ᠲᠠᠷᠠ ᠣᠯᠠᠭᠠᠨ ᠪᠦᠰ ᠶᠢᠠᠷ ᠣᠶᠠᠭᠰᠠᠨ ᠨᠢ ᠣᠷᠬᠢᠶᠠ ᠪᠠᠭᠠᠳᠣᠷ ᠤᠨ ᠬᠢ᠂ ᠬᠦᠬᠡ ᠪᠦᠰ ᠶᠢᠠᠷ ᠣᠶᠠᠭᠰᠠᠨ ᠨᠢ ᠪᠠᠯᠪᠠᠰᠣᠨ ᠭᠠᠩᠷᠠᠢ ᠶᠢᠨ ᠬᠢ᠂ ᠱᠠᠬᠠᠢ ᠶᠢᠨ ᠣᠭᠣᠰᠣᠷ ᠶᠢᠠᠷ ᠣᠶᠠᠭᠰᠠᠨ ᠨᠢ ᠵᠠᠮᠪᠠᠯ ᠤᠨ ᠬᠢ᠁》 ᠬᠡᠵᠦ ᠴᠡᠬᠡᠵᠢᠯᠡᠵᠦ ᠪᠠᠢ᠌ᠳᠠᠭ᠃
ᠵᠤᠨ ᠤ ᠢᠯᠴᠢᠳᠣ ᠨᠠᠷᠠ ᠲᠦᠬᠡᠨᠡᠬᠥ ᠪᠠᠨ ᠪᠠᠢ᠌ᠭᠠᠳ ᠪᠠᠷᠠᠭᠣᠨ ᠠᠭᠣᠯᠠ ᠶᠢᠨ ᠲᠣᠯᠣᠭᠠᠢ ᠲᠡᠬᠡᠷᠡ ᠪᠦᠮᠪᠥᠬᠡᠨᠡᠨ᠂ ᠵᠤᠷᠪᠣᠰᠯᠠᠨ ᠲᠣᠭᠳᠠᠭᠰᠠᠨ ᠰᠠᠮᠠᠵᠠᠨ ᠡᠬᠥᠯᠡ ᠶᠢ ᠭᠠᠯ ᠣᠯᠠᠢ᠌ᠯᠭᠠᠪᠠ᠃ ᠪᠠᠶᠠᠠᠴᠠᠭᠠᠨ ᠤ ᠬᠢᠷᠠ ᠡᠴᠡ ᠡᠬᠢᠯᠠᠨ ᠠᠢ᠌ᠯ ᠲᠣᠮᠳᠠᠬᠢ ᠢᠩ ᠤᠨ ᠬᠡᠷ᠂ ᠬᠡᠷ ᠤᠨ ᠡᠮᠣᠨᠠ ᠪᠠᠨ ᠰᠠᠭᠣᠭᠰᠠᠨ ᠭᠠᠶᠠ ᠶᠢᠨ ᠪᠣᠭᠣᠷᠣᠯᠳᠣᠵᠣ ᠡᠬᠢᠯᠡᠭ᠍ᠰᠡᠨ ᠦᠰᠤ ᠶᠢ ᠪᠣᠳᠣᠭᠯᠠᠵᠣ᠂ ᠬᠦᠮᠥᠨ ᠪᠠᠢ᠌ᠭᠠᠯᠢ ᠶᠢᠨ ᠲᠥᠮᠡᠨ ᠪᠣᠳᠠᠰ ᠦᠳᠡᠰᠢ ᠶᠢᠨ ᠲᠣᠯᠣᠩ ᠤᠨ ᠣᠯᠠᠪᠣᠷ ᠲᠣᠶᠠᠭᠠᠨ ᠳᠤ ᠰᠢᠩᠬᠡᠨ ᠠᠭᠣᠰᠣᠭᠰᠠᠨ ᠨᠠᠮ ᠲᠠᠢ᠌ᠪᠣᠩ ᠨᠢᠬᠡᠨ ᠦᠳᠡᠰᠢ ᠪᠣᠯᠵᠣ ᠪᠠᠢ᠌ᠯᠠ ᠁
(ᠳᠡᠬᠦᠰᠪᠡ)
ᠵᠤᠬᠢᠶᠠᠭᠴᠢ ᠶᠢᠨ ᠳᠠᠨᠢᠯᠴᠠᠭᠤᠯᠭᠠ
ᠬᠠᠷᠭᠤᠢ᠂ ᠤᠤᠯ ᠨᠡᠷᠠ ᠨᠢ ᠦᠯᠵᠡᠢ᠌ᠪᠠᠶᠠᠷ᠃ 1966 ᠤᠨ ᠤ ᠡᠪᠤᠯ᠂ ᠵᠠᠷᠤᠳ ᠬᠤᠰᠢᠭᠤᠨ ᠤ ᠬᠡᠷᠴᠢᠯᠠᠭᠤ ᠰᠤᠮᠤ ᠶᠢᠨ ᠡᠩᠭᠡ ᠶᠢᠨ ᠤᠪᠤᠭᠠ ᠶᠢᠨ ᠠᠷᠤ ᠬᠤᠷᠮᠤᠢ ᠳᠤ ᠬᠠᠷᠠᠨᠤᠳ ᠳᠠᠢ᠌ᠵᠢ ᠤᠩᠬᠠ ᠶᠢᠨ ᠭᠤᠷᠪᠠᠳᠤᠭᠠᠷ ᠬᠦᠦ ᠪᠤᠯᠵᠤ ᠵᠠᠶᠭᠠᠪᠠ᠃ ᠶᠢᠰᠤᠨ ᠨᠠᠰᠤᠳᠠᠢ ᠰᠠᠶᠢ ᠤᠳᠤᠷ ᠤᠨ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠵᠤ ᠦᠰᠦᠭ ᠨᠢᠳᠤᠯᠠᠵᠤ ᠡᠬᠢᠯᠡᠨ᠂ ᠰᠤᠷᠭᠠᠭᠤᠯᠢ ᠰᠤᠶᠤᠯ ᠤᠨ ᠮᠦᠷ ᠢ ᠠᠯᠳᠠᠯ ᠦᠭᠡᠢ ᠬᠦᠭᠡᠭᠡᠵᠤ ᠶᠠᠪᠤᠭᠰᠠᠭᠠᠷ 90 ᠤᠨ ᠳᠤ ᠦᠪᠤᠷ ᠮᠤᠩᠭ᠋ᠤᠯ ᠤᠨ ᠦᠨᠳᠤᠰᠤᠳᠠᠨ ᠤ ᠪᠠᠭᠰᠢ ᠶᠢᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭ᠋ᠤᠯ ᠬᠡᠯᠡᠨ ᠤ ᠰᠠᠯᠪᠤᠷᠢ ᠡᠴᠡ ᠳᠡᠬᠦᠰᠴᠤ᠂ ᠬᠤᠰᠢᠭᠤᠨ ᠳᠠᠭᠠᠨ ᠬᠠᠷᠢᠨ᠂ ᠪᠠᠶᠠᠷᠳᠤᠬᠤᠰᠢᠭᠤ ᠳᠡᠬᠢ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠪᠠ᠃
ᠪᠠᠭᠠ ᠡᠴᠡ ᠨᠤᠮ ᠵᠤᠬᠢᠶᠠᠯ ᠤᠩᠰᠢᠵᠤ ᠴᠤᠭᠯᠠᠭᠤᠯᠬᠤ ᠳᠤᠷᠠᠳᠠᠢ ᠪᠠᠢ᠌ᠭᠰᠠᠨ ᠶᠢᠠᠨ 97 ᠤᠨ ᠡᠴᠡ ᠦᠪᠡᠷ ᠶᠢᠠᠨ ᠪᠢᠴᠢᠵᠤ ᠤᠷᠤᠯᠳᠤᠬᠤ ᠪᠤᠯᠵᠤ᠂ ᠬᠠᠷᠭᠤᠢ ᠨᠡᠷᠡ ᠪᠠᠷ ᠵᠤᠬᠢᠶᠠᠯ ᠪᠦᠳᠦᠭᠡᠯ ᠨᠡᠢ᠌ᠳᠡᠯᠡᠬᠦᠯᠬᠦ ᠪᠤᠯᠪᠠ᠃ ᠡᠨᠡ ᠬᠤᠭᠤᠷᠤᠨᠳᠤ ᠳᠡᠷᠡ 《ᠨᠤᠮᠤᠨ ᠰᠤᠬᠤᠷ ᠤᠨ ᠤᠪᠤᠭᠠ 》 ᠭᠡᠬᠦ ᠶᠡᠷᠦᠩᠬᠡᠢ ᠭᠠᠷᠴᠠᠭ ᠲᠠᠢ ᠤᠬᠤᠷ ᠦᠬᠦᠯᠡᠯᠭᠡ ᠶᠢᠨ ᠴᠤᠪᠤᠷᠠᠯ ᠶᠢᠠᠨ ᠦᠷᠬᠦᠯᠵᠢᠯᠠᠨ ᠨᠡᠢ᠌ᠳᠡᠯᠡᠵᠤ᠂ ᠤᠬᠤᠷ ᠡᠷᠴᠢᠮᠯᠢᠭ᠌ ᠵᠤᠬᠢᠶᠠᠮᠵᠢ᠂ ᠤᠨᠤᠪᠴᠢ ᠰᠠᠢ᠌ᠳᠠᠢ ᠬᠡᠯᠡᠯᠭᠡ ᠪᠠᠷ ᠶᠢᠡᠨ ᠤᠩᠰᠢᠭᠴᠢᠳ ᠤᠨ ᠳᠠᠭᠠᠰᠢᠶᠠᠯ ᠳᠤ ᠪᠠᠭᠤᠵᠤ᠂ ᠳᠤᠰᠬᠠᠢ ᠰᠢᠬᠦᠮᠵᠢ ᠴᠤ ᠬᠡᠳᠦ ᠭᠠᠷᠤᠯᠠ᠃ ᠪᠠᠰᠠ 《ᠠᠮᠢ ᠨᠠᠰᠤᠨ ᠤ ᠤᠷᠳᠤᠷᠢᠭ 》᠂ 《ᠠᠭᠤᠯᠠᠨ ᠳᠤ ᠵᠠᠯᠠᠭᠰᠠᠨ ᠪᠤᠷᠬᠠᠨ 》 ᠵᠡᠷᠭᠡ ᠦᠬᠦᠯᠡᠯᠭᠡ ᠪᠢᠴᠢᠵᠤ᠂ ᠠᠮᠢᠳᠤᠷᠠᠯ ᠤᠨ ᠦᠩᠭᠡᠳᠤ ᠬᠦᠷᠦᠰᠤᠨ ᠡᠴᠡ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠶᠢᠠᠨ ᠤᠳᠬᠠᠰ ᠤᠨ ᠨᠤᠭᠤᠭᠠᠨ ᠲᠠᠯᠠ ᠳᠤ ᠤᠪᠤᠨ ᠴᠤᠪᠤᠨ ᠴᠤᠪᠤᠷᠠᠭᠤᠯᠵᠤ ᠪᠠᠢ᠌ᠭᠠ᠃
《ᠵᠠᠮ ᠤᠨ ᠳᠤᠭᠤᠰᠤ》 ᠭᠡᠬᠦ ᠤᠤᠭᠠᠨ ᠳᠤᠭᠤᠵᠢ ᠵᠢ ᠨᠢ ᠤᠩᠰᠢᠵᠦ ᠬᠠᠢ᠌ᠷᠠᠯᠠᠭᠰᠠᠨ ᠲᠠᠨ ᠳ᠋ᠤ ᠪᠠᠶᠠᠷᠯᠠᠭᠰᠠᠨ ᠰᠢᠤ᠃
ᠵᠤᠬᠢᠶᠠᠭᠴᠢ᠄ ᠬᠠᠷᠭᠤᠢ
ᠳᠠᠷᠤᠮ᠄ 21446
ᠴᠠᠭ᠄ 2005 ᠤᠨ ᠤ 08 ᠰᠠᠷᠠ ᠶᠢᠨ 09