☆ ᠯ·ᠣᠳᠤᠨ
ᠭᠠᠠᠵᠤᠭᠠ ᠳᠤᠰᠤᠳᠠᠬᠤ ᠪᠣᠷᠤᠭᠠᠨ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠡᠭᠦᠡᠰᠢ ᠠᠶᠠᠯᠠᠭᠰᠠᠨ ᠳᠠᠳᠠᠯᠭᠠ
2013 ᠣᠨ ᠤ 6 ᠰᠠᠷᠠ ᠶᠢᠨ 16 ᠊ᠤ ᠦᠷᠯᠦᠭᠡ ᠪᠢ ᠨᠢ᠋ᠮᠠᠨ ᠮᠤᠵᠢ ᠣᠷᠤᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ᠂ ᠳᠤᠮᠳᠠᠳᠤ ᠵᠡᠷᠭᠡ ᠶᠢᠨ ᠳᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠰᠤᠷᠭᠠᠭᠤᠯᠢ᠂ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢᠳ ᠤᠨ ᠮᠤᠩᠭ᠋ᠤᠯ ᠣᠷᠠᠨ ᠵᠤᠬᠢᠶᠠᠯ ᠤᠨ ᠳᠦᠷᠪᠠᠳᠦᠭᠡᠷ ᠣᠳᠠᠭᠠᠨ ᠤ 《ᠨᠢ᠋ᠮᠠᠨ ᠰᠢᠷᠭᠠ》 ᠶᠡᠭᠡ ᠣᠷᠤᠯᠳᠤᠭᠠᠨ ᠤ ᠱᠠᠩᠨᠠᠯ ᠣᠯᠭᠤᠬᠤ ᠶᠤᠰᠤᠯᠠᠯ ᠳᠤ ᠣᠷᠤᠯᠴᠠᠬᠤ ᠪᠠᠷ ᠦᠪᠣᠷ ᠮᠤᠩᠭ᠋ᠤᠯ ᠵᠥᠭ᠌ ᠮᠤᠷᠳᠠᠯᠠ᠃ ᠵᠠᠮ ᠤᠨ ᠬᠤᠯᠠ ᠶᠢ ᠨᠤᠭᠤᠯᠠᠬᠤ ᠠᠶᠠᠨ ᠤ ᠳᠦᠷᠦᠭᠡ ᠶᠢ ᠮᠢᠨᠢ ᠮᠢᠯᠢᠶᠠᠬᠤ ᠭᠡᠰᠡᠨ ᠶᠤᠮ ᠰᠢᠭ ᠨᠠᠷᠠ ᠨᠢ ᠢᠨᠢᠶᠡᠴᠢᠭᠡᠭ᠍ᠰᠡᠨ᠂ ᠡᠭᠦᠯᠡ ᠨᠢ ᠭᠦᠯᠦᠷᠡᠴᠢᠭᠡᠭ᠍ᠰᠡᠨ᠂ ᠰᠠᠯᠭᠢ ᠨᠢ ᠢᠰᠭᠡᠷᠴᠢᠭᠡᠭ᠍ᠰᠡᠨ ᠰᠠᠢ᠌ᠬᠠᠨ ᠡᠳᠦᠷ ᠪᠠᠢ᠌ᠯᠠ᠃ ᠭᠢᠴᠢᠶᠠᠯ ᠶᠢᠡᠨ ᠭᠡᠯᠡᠵᠤ᠂ ᠰᠤᠷᠤᠭᠴᠢᠳ ᠲᠡᠶ ᠪᠠᠨ ᠭᠡᠷᠡᠯᠳᠦᠭᠦ ᠶᠢ ᠭᠠᠷᠭᠠᠪᠠᠯ ᠪᠠᠷᠤᠭ ᠲᠡᠶ ᠳᠤ ᠭᠡᠷ ᠤᠨ ᠮᠤᠬᠤᠷ ᠡᠴᠡ ᠰᠠᠯᠳᠠᠭ ᠦᠭᠡᠶ ᠭᠦᠮᠤᠨ ᠳᠤ ᠭᠠᠳᠠᠭᠰᠢ ᠭᠠᠷᠴᠤ ᠨᠢᠳᠤ ᠨᠡᠭᠡᠭᠡᠭᠦ ᠰᠠᠢ᠌ᠬᠠᠨ ᠰᠢᠯᠳᠠᠭ ᠣᠯᠳᠠᠭᠰᠠᠨ ᠨᠢ ᠥᠨᠡᠭᠡᠷ ᠳᠡᠭ᠍ᠷᠢ ᠶᠢᠨ ᠰᠠᠨᠠᠭᠠ᠂ ᠮᠤᠩᠭ᠋ᠤᠯ ᠰᠤᠶᠤᠯ ᠤᠨ ᠮᠢᠨᠢ ᠪᠣᠶᠠᠨ ᠠᠵᠢ ︕
ᠵᠠᠮ ᠵᠠᠭᠤᠷᠠ ᠪᠠᠨ ᠦᠳᠡᠯᠠᠵᠤ ᠠᠮᠠᠷᠠᠯ ᠦᠭᠡᠶ ᠳᠡᠷᠭᠡ ᠰᠤᠯᠢᠨ ᠠᠶᠠᠯᠠᠵᠤ᠂ ᠨᠢᠭᠤᠬᠤ ᠨᠠᠷᠠ ᠲᠡᠶ ᠣᠷᠤᠯᠳᠤᠨ ᠪᠠᠢ᠌ᠵᠤ ᠯᠠᠠᠵᠸᠤ ᠳᠤ ᠭᠦᠷᠦᠯᠡ᠃ ᠭᠡᠦᠭᠡᠨ ᠮᠢᠨᠢ ᠭᠡᠳᠥᠢᠨᠡᠢ ᠬᠤᠨᠤᠬᠤ ᠪᠠᠭᠤᠳᠠᠯ ᠠᠪᠴᠢᠬᠠᠭᠰᠠᠨ᠂ ᠮᠠᠷᠭᠠᠰᠢ ᠨᠢ ᠬᠦᠬᠡᠬᠤᠲᠠ ᠣᠷᠤᠬᠤ ᠳᠡᠷᠭᠡᠨ ᠪᠢᠯᠸᠲ᠋ ᠡᠨᠡ ᠳᠠᠷᠠ ᠶᠢ ᠪᠡᠯᠡᠳᠭᠡᠴᠢᠭ᠍ᠰᠡᠨ ᠨᠠᠮᠠ ᠶᠢ ᠭᠦᠯᠢᠶᠡᠵᠤ ᠪᠠᠢ᠌ᠵᠠᠢ᠃ ᠭᠡᠦᠭᠡᠨ ᠮᠢᠨᠢ ᠪᠠᠷᠠᠭᠤᠨ ᠬᠣᠢ᠌ᠳᠤ ᠶᠢᠨ ᠦᠨᠳᠦᠰᠦᠳᠠᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭ᠋ᠤᠯ ᠭᠡᠯᠡ ᠰᠤᠶᠤᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠳᠤ ᠳᠦᠷᠪᠠᠨ ᠵᠢᠯ ᠰᠤᠷᠤᠯᠴᠠᠭᠰᠠᠨ ᠶᠤᠮ᠃ ᠦᠨᠦ ᠶᠠᠭ ᠳᠡᠭᠦᠰᠭᠦ ᠪᠣᠯᠴᠢᠬᠠᠭᠰᠠᠨ ᠨᠤᠳᠤᠭ ᠵᠥᠭ᠌ ᠶᠢᠡᠨ ᠨᠢᠰᠭᠦ ᠭᠡᠳ ᠭᠦᠭᠡᠷᠦᠵᠤ ᠪᠠᠢ᠌ᠪᠠ᠃ ᠭᠡᠯᠡ ᠪᠠᠨ ᠭᠤᠯᠤᠵᠤ᠂ ᠰᠤᠶᠤᠯ ᠶᠢᠡᠨ ᠭᠠᠳᠠᠭᠤᠷᠴᠢᠯᠠᠬᠤ ᠪᠣᠯᠤᠭᠰᠠᠨ ᠦᠨᠦᠳᠤᠷ᠂ ᠪᠢ ᠭᠠᠭᠴᠠ ᠭᠡᠦᠭᠡᠨ ᠶᠢᠡᠨ ᠮᠤᠩᠭ᠋ᠤᠯ ᠶᠢᠡᠷ ᠰᠤᠷᠭᠠᠴᠢᠬᠠᠭᠠᠤᠨ ᠶᠠᠷᠤ ᠬᠠᠷᠠᠮᠰᠠᠵᠤ ᠦᠵᠡᠭᠡ ᠦᠭᠡᠶ᠃ ᠭᠦᠮᠤᠨ ᠤ ᠬᠡᠦᠬᠡᠳ ᠪᠣᠯᠤᠭᠰᠠᠨ ᠭᠠᠵᠠᠷ ᠮᠢᠨᠤ ᠭᠡᠦᠭᠡᠨ ᠴᠤ ᠪᠣᠯᠤᠨᠠ ᠭᠡᠵᠤ ᠪᠠᠶᠠ ᠳᠡᠭᠡᠨ ᠢᠳᠡᠭᠡᠨ ᠣᠷᠮᠠᠰᠢᠵᠤ᠂ ᠭᠡᠯᠡ ᠰᠤᠶᠤᠯ ᠶᠢᠡᠨ ᠵᠠᠯᠭᠠᠮᠵᠢᠯᠠᠭᠤᠯᠵᠤ ᠴᠢᠳᠠᠭᠰᠠᠨ ᠳᠤ ᠪᠠᠨ ᠰᠡᠳᠭᠢᠯ ᠴᠠᠳᠬᠤᠯᠠᠩ ᠶᠠᠪᠣᠳᠠᠭ ᠪᠢᠯᠠ᠃ ᠮᠢᠨᠤ ᠰᠤᠷᠤᠭᠴᠢ ᠶᠢᠨ ᠶᠢᠡᠨ ᠱᠠᠩᠨᠠᠯ ᠢ ᠳᠤᠰᠬᠤ ᠪᠠᠷ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠰᠢᠯᠢ ᠶᠢᠨ ᠭᠤᠤᠯ ᠭᠦᠷᠳᠡᠯᠡ ᠶᠠᠪᠣᠨᠠ ᠭᠡᠰᠡᠨ ᠢ ᠰᠤᠨᠤᠰᠤᠭᠠᠤᠨ ᠭᠡᠦᠭᠡᠨ ᠮᠢᠨᠢ ᠦᠪᠡᠷ ᠶᠢᠡᠨ ᠡᠨᠡ ᠣᠳᠠᠭᠠᠨ ᠤ ᠣᠷᠤᠯᠳᠤᠭᠠᠨ ᠳᠤ ᠳᠡᠷᠢᠭᠦᠯᠡᠭ᠍ᠰᠡᠨ ᠶᠤᠮ ᠰᠢᠭ ᠠᠪᠣ ᠶᠢᠨ ᠶᠢᠡᠨ ᠰᠤᠷᠤᠭᠴᠢᠳ ᠤᠨ ᠡᠮᠤᠨᠡ ᠡᠴᠡ ᠪᠠᠶᠠᠰᠤᠨ ᠳᠤᠭᠳᠤᠯᠵᠤ ᠪᠠᠢ᠌ᠯᠠ᠃
ᠮᠠᠷᠭᠠᠰᠢ ᠨᠢ ᠰᠦᠪᠧᠢ ᠶᠢᠨ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠶᠠᠰᠬᠤᠯᠠᠩ ᠪᠠᠭᠰᠢ ᠲᠡᠶ ᠪᠣᠯᠵᠤᠭᠠ ᠶᠤᠰᠤᠭᠠᠷ ᠭᠠᠯᠳᠤ ᠦᠷᠳᠡᠭᠡᠨ ᠳᠤ ᠵᠤᠯᠭᠠᠵᠤ᠂ ᠬᠤᠶᠠᠷ ᠡᠪᠦᠭᠡᠨ ᠭᠠᠠᠵᠤᠭᠠ ᠨᠡᠢ᠌ᠯᠡᠭᠦᠯᠤᠨ ᠬᠦᠬᠡᠬᠤᠲᠠ ᠣᠷᠤᠬᠤ ᠭᠠᠯᠳᠤ ᠳᠡᠷᠭᠡᠨ ᠳᠤ ᠭᠠᠷᠴᠠᠢ᠃ ᠳᠡᠷᠭᠡᠨ ᠳᠤ ᠭᠠᠷᠬᠤ ᠲᠡᠶ ᠵᠡᠷᠭᠡ ᠨᠢᠭᠡ ᠵᠠᠭᠤᠷᠠ ᠶᠢᠨ ᠰᠢᠷᠦᠭᠦᠨ ᠪᠣᠷᠤᠭᠠᠨ ᠪᠦᠭᠦᠢᠯᠡ ᠬᠤᠳᠠ ᠶᠢ ᠠᠷᠢᠭᠤᠳᠬᠠᠨ ᠣᠭᠢᠶᠠᠵᠤ᠂ ᠠᠯᠤᠰ ᠢ ᠵᠤᠷᠢᠭᠰᠠᠨ ᠪᠠᠶᠠᠷᠳᠤ ᠰᠡᠳᠬᠢᠯᠭᠡ ᠶᠢ ᠳᠡᠭ᠍ᠷᠢ ᠭᠦᠷᠳᠡᠯᠡ ᠣᠢ᠌ᠯᠠᠭᠠᠨ ᠳᠠᠭᠠᠰᠢᠶᠠᠵᠤ᠂ ᠪᠣᠷᠤᠭᠠ ᠪᠠᠨ ᠬᠠᠢ᠌ᠷᠠᠯᠠᠨ ᠠᠶᠠᠨ ᠤ ᠭᠠᠠᠵᠤᠭᠠ ᠶᠢ ᠳᠤᠰᠤᠯᠠᠭᠠ ᠪᠢᠯᠠ ᠦᠦ ᠭᠡᠮᠡᠨ ᠣᠯᠵᠠᠷᠬᠠᠨ ᠪᠠᠯᠭᠡᠰᠢᠶᠡᠯᠡ᠃ ᠳᠤᠷᠠᠯᠠᠭᠰᠠᠨ ᠶᠠᠭᠤᠮᠠᠨ ᠳᠤ ᠪᠠᠨ ᠰᠢᠨᠤᠵᠤ᠂ ᠳᠤᠷᠠᠳᠠᠢ ᠵᠥᠭ᠌ ᠶᠢᠡᠨ ᠠᠶᠠᠯᠠᠬᠤ ᠭᠡᠭ᠍ᠴᠢ ᠰᠠᠢ᠌ᠬᠠᠨ ᠡ ︕ ᠭᠡᠳᠥᠢᠪᠠᠷ ᠬᠦᠬᠡᠬᠤᠲᠠ ᠳᠤ ᠠᠩᠬᠠ ᠣᠴᠢᠭᠠ ᠪᠣᠯᠪᠠᠴᠤ ᠡᠮᠤᠨᠡ ᠨᠢ ᠪᠣᠭᠤᠳᠤ ᠭᠦᠷᠳᠡᠯᠡ ᠶᠠᠪᠣᠵᠤ ᠪᠠᠢ᠌ᠭᠰᠠᠨ ᠪᠣᠯᠬᠤ ᠪᠠᠷ ᠵᠠᠬᠠ ᠶᠢᠨ ᠨᠤᠳᠤᠭ᠂ ᠵᠠᠮ ᠤᠨ ᠦᠵᠠᠮᠵᠢ ᠮᠢᠨᠤ ᠬᠠᠷᠠᠭᠠ ᠰᠡᠳᠭᠢᠯ ᠢ ᠪᠣᠯᠢᠶᠠᠵᠤ ᠴᠢᠳᠠᠭᠠ ᠦᠭᠡᠶ᠂ ᠬᠠᠷᠢᠨ ᠭᠦᠰᠡᠭᠡᠳ ᠣᠳᠠᠭᠰᠠᠨ ᠣᠤᠭᠠᠯ ᠮᠤᠩᠭ᠋ᠤᠯ ᠨᠤᠳᠤᠭ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠳᠤᠰᠤᠨ ᠨᠤᠭᠤᠭᠠᠨ ᠭᠦᠳᠡᠭᠡ ᠮᠢᠨᠤ ᠵᠢᠷᠦᠭᠡᠨ ᠡᠴᠡ ᠣᠭᠵᠤᠷᠠᠭᠠᠤᠨ ᠪᠠᠢ᠌ᠬᠤ ᠰᠢᠭ ᠰᠠᠨᠠᠭᠳᠠᠯᠠ᠃ ᠶᠠᠰᠤᠨ ᠳᠤ ᠭᠦᠷᠳᠡᠯᠡ ᠰᠡᠢ᠌ᠯᠦᠭ᠍ᠳᠡᠵᠤ᠂ ᠴᠢᠰᠤᠨ ᠳᠤ ᠣᠷᠤᠳᠠᠯᠠ ᠰᠢᠩᠭᠡᠭ᠍ᠰᠡᠨ ᠣᠳᠤᠮ ᠤᠨ ᠠᠷᠢᠭᠤᠨ ᠬᠤᠯᠪᠣᠭᠠ ᠭᠡᠭ᠍ᠴᠢ ᠡᠨᠡ ᠪᠢᠯᠠ ᠦᠦ ⁈
ᠯᠠᠠᠵᠸᠤ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠦᠬᠡᠬᠤᠲᠠ ᠭᠦᠷᠭᠦ ᠣᠠᠴᠠ ᠬᠤᠷᠳᠤᠨ ᠭᠠᠯᠳᠤ ᠳᠡᠷᠭᠡ ᠪᠦᠳᠤᠨ 19 ᠴᠠᠭ ᠱᠤᠤᠭᠢᠳᠠᠯᠠ ᠳᠤᠪᠳᠤᠯᠵᠤ ᠪᠠᠢ᠌ᠭᠠᠤᠨ ᠬᠦᠬᠡᠬᠤᠲᠠ ᠶᠢᠨ ᠪᠠᠷᠠ ᠠᠪᠣᠪᠠ᠃ ᠦᠪᠣᠷ ᠮᠤᠩᠭ᠋ᠤᠯᠴᠤᠳ ᠤᠨ ᠣᠯᠤᠰ ᠳᠦᠷᠤ᠂ ᠠᠵᠤ ᠠᠬᠤᠢ᠂ ᠰᠢᠡᠵᠢᠯᠡᠭᠦ ᠣᠬᠠᠭᠠᠨ ᠳᠸᠭ᠍ᠨᠢᠭ᠌ ᠮᠡᠷᠭᠡᠵᠢᠯ᠂ ᠰᠤᠶᠤᠯ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠲᠥᠪ ᠪᠣᠯᠤᠭᠰᠠᠨ ᠬᠦᠬᠡᠬᠤᠲᠠ ᠦᠷᠡ ᠪᠠᠨ ᠭᠦᠯᠢᠶᠡᠭᠡᠳ ᠣᠳᠠᠭᠰᠠᠨ ᠡᠵᠢ ᠶᠢᠨ ᠡᠨᠡᠷᠢᠩᠭᠦᠢ ᠳᠦᠷᠢ ᠪᠠᠷ ᠳᠤᠰᠤᠨ ᠣᠭᠳᠤᠯᠠ᠃ ᠳᠠᠯᠠᠨ ᠬᠠᠷᠠ ᠠᠭᠤᠯᠠ ᠪᠠᠨ ᠲᠦᠰᠢᠨ᠂ ᠦᠷᠭᠡᠨ ᠳᠠᠯᠠ ᠪᠠᠨ ᠳᠠᠪᠢᠰᠤᠨ ᠪᠠᠢ᠌ᠷᠢᠯᠠᠭᠰᠠᠨ ᠬᠦᠬᠡᠬᠤᠲᠠ ᠶᠠᠭᠠᠭᠢᠬᠤ ᠶᠢᠨ ᠠᠷᠭᠠ ᠦᠭᠡᠶ ᠮᠤᠩᠭ᠋ᠤᠯ ᠨᠤᠳᠤᠭ ᠤᠨ ᠠᠭᠤᠳᠠᠮ ᠢ ᠭᠠᠢ᠌ᠬᠠᠭᠤᠯᠤᠨᠠ᠃ ᠡ᠊ᠨᠳᠡ ᠪᠠᠭᠳᠠᠵᠤ ᠡᠰᠡ ᠪᠣᠯᠬᠤ ᠳᠤ ᠪᠠᠨ ᠪᠠᠢ᠌ᠭᠠᠯᠢ ᠳᠡᠯᠡᠭᠡᠢ ᠪᠠᠨ ᠡᠪᠳᠡᠨ ᠰᠥᠢᠳᠭᠡᠵᠤ᠂ ᠠᠭᠤᠯᠠ ᠬᠠᠳᠠ ᠪᠠᠨ ᠨᠤᠷᠠᠭᠠᠨ ᠨᠥᠭᠡᠯᠡᠭ᠍ᠰᠡᠨ ᠪᠠᠢ᠌ᠳᠠᠯ ᠬᠠᠷᠠᠭᠳᠠᠭᠠ ᠦᠭᠡᠶ᠃ ᠠᠰᠠᠷ ᠪᠠᠷᠢᠯᠭᠠ ᠪᠠᠨ ᠳᠡᠭᠡᠷᠡ ᠳᠡᠭᠡᠷᠡ ᠡᠴᠡ ᠨᠢ ᠰᠢᠪᠠᠯᠳᠠᠭᠤᠯᠤᠨ ᠣᠪᠣᠭᠠᠯᠠᠵᠤ᠂ ᠬᠤᠭ ᠨᠤᠪᠰᠢ ᠪᠠᠨ ᠵᠠᠮ ᠤᠨ ᠬᠠᠵᠠᠭᠤ᠂ ᠵᠠᠬᠠ ᠶᠢᠨ ᠴᠢᠯᠦᠭᠡ ᠣᠷᠤᠭᠤ ᠪᠠᠨ ᠠᠰᠬᠠᠨ ᠰᠠᠴᠤᠭᠰᠠᠨ ᠪᠠᠢ᠌ᠳᠠᠯ ᠢᠯᠡᠷᠡᠭᠡ ᠦᠭᠡᠶ᠃ ᠬᠠᠷᠢᠨ ᠰᠡᠷᠢᠭᠦᠨ ᠵᠥᠭᠡᠯᠡᠨ ᠵᠢᠪᠠᠷ ᠳᠤᠷᠠ ᠪᠠᠷ ᠶᠢᠡᠨ ᠳᠤᠭᠯᠠᠨ ᠦᠯᠢᠶᠠᠵᠤ᠂ ᠳᠤᠷᠭᠠᠨ ᠴᠠᠭᠠᠨ ᠡᠭᠦᠯᠡᠰ ᠳᠤᠯᠤᠭᠠᠢ ᠳᠡᠭᠡᠭᠦᠷ ᠨᠡᠭᠦᠳᠡᠯᠯᠡᠭᠡᠳ ᠰᠡᠳᠭᠢᠯ ᠳᠤ ᠨᠢᠭᠡ ᠯᠠ ᠳᠠᠭᠠᠯᠠᠮᠵᠢᠳᠠᠢ᠃ ᠭᠠᠭᠴᠠ ᠬᠠᠷᠠᠮᠰᠠᠯᠳᠠᠢ ᠨᠢ ᠳᠡᠷᠭᠡ ᠮᠠᠰᠢᠨ ᠭᠡᠳᠤ ᠠᠷᠪᠢᠳᠠᠭᠠᠤᠨ ᠵᠠᠮ ᠵᠡᠭᠡᠯᠢ ᠬᠠᠭᠠᠭᠳᠠᠨ ᠳᠦᠭ᠍ᠵᠢᠷᠡᠵᠤ᠂ ᠴᠠᠭ ᠪᠠᠷᠠᠬᠤ ᠨᠢ ᠭᠡᠴᠡᠭᠦᠤ᠃ ᠡᠨᠡ ᠴᠤ ᠶᠠᠭᠠᠭᠢᠬᠤ ᠪᠣᠢ᠂ ᠨᠡᠢ᠌ᠭᠡᠮ ᠤᠨ ᠭᠦᠭ᠍ᠵᠢᠯᠳᠡ ᠶᠢ ᠳᠠᠭᠠᠯᠳᠤᠨ ᠭᠦᠮᠤᠨ ᠪᠣᠯᠭᠠᠨ ᠳᠡᠷᠭᠡ ᠵᠠᠢ᠌ᠳᠠᠯᠠᠭᠠᠤᠨ ᠰᠤᠷᠳᠤᠭᠤᠯᠠᠳᠠᠭ ᠪᠣᠯᠤᠭᠰᠠᠨ ᠦᠨᠦᠳᠤᠷ ᠠᠷᠭᠠ ᠦᠭᠡᠶ ᠳ᠋ᠠ᠃ ᠭᠡᠳᠡᠯᠡ ᠦᠨᠦᠳᠤᠷ ᠤᠨ ᠵᠢᠷᠭᠠᠯ ᠶᠢᠡᠷ ᠶᠢᠡᠨ ᠢᠷᠡᠭᠡᠳᠦᠢ ᠶᠢᠨ ᠵᠤᠪᠠᠯᠠᠩ ᠶᠢᠡᠨ ᠥᠡᠳᠡᠢ᠌ᠯᠭᠡᠵᠤ ᠰᠠᠭᠤᠭᠠ ᠪᠠᠨ ᠪᠣᠳᠤᠬᠤ ᠰᠦᠪᠡ ᠭᠡᠨ ᠳᠤ ᠨᠢ ᠴᠤ ᠪᠠᠢ᠌ᠭᠠ ᠦᠭᠡᠶ ᠳᠤ ᠵᠤᠪᠠᠮᠠᠷ ᠡ ︕
ᠪᠠᠶᠠᠰᠬᠤᠯᠠᠩ ᠪᠠᠭᠰᠢ ᠪᠢᠳᠠ ᠬᠤᠶᠠᠷ ᠭᠠᠯᠳᠤ ᠳᠡᠷᠭᠡᠨ ᠡᠴᠡ ᠪᠠᠭᠤᠭᠠᠤᠨ ᠰᠢᠭᠤᠳ ᠪᠣᠯᠵᠤᠭᠰᠠᠨ ᠭᠠᠵᠠᠷ ᠲᠤ ᠨᠢ ᠣᠴᠢᠯᠠ᠃ 《ᠦᠨᠢᠷ ᠴᠡᠴᠡᠭ᠌》 ᠰᠡᠳᠭᠦᠯ ᠤᠨ ᠬᠤᠷᠢᠶᠠᠨ ᠡᠴᠡ ᠳᠤᠰᠬᠠᠢ ᠭᠦᠮᠤᠨ ᠭᠠᠷᠭᠠᠨ ᠪᠠᠭᠤᠳᠠᠯ ᠳᠤ ᠮᠠᠨᠤᠰ ᠢ ᠳᠤᠰᠤᠭᠤᠯᠵᠤ ᠪᠠᠢ᠌ᠪᠠ᠃ ᠰᠢᠠᠵᠢᠶᠠᠩ ᠤᠨ ᠲᠦᠯᠦᠭᠡᠯᠡᠭ᠍ᠴᠢ ᠭᠦᠡᠬᠤᠸᠡᠷ ᠪᠠᠭᠰᠢ ᠡᠮᠦᠨᠡ ᠣᠷᠤᠢ ᠨᠢ ᠰᠢᠭᠤᠳ ᠨᠢᠰᠭᠡᠯ ᠶᠢᠡᠷ ᠢᠷᠡᠭᠡᠳ ᠪᠠᠢ᠌ᠵᠠᠢ᠃ 《ᠦᠨᠢᠷ ᠴᠡᠴᠡᠭ᠌》 ᠰᠡᠳᠭᠦᠯ ᠤᠨ ᠭᠢᠨ ᠭᠦᠮᠤᠨ ᠴᠥᠭᠡᠨ᠂ ᠠᠵᠢᠯ ᠠᠷᠪᠢᠨ ᠳᠡᠭᠡᠷᠡ ᠪᠠᠨ ᠴᠠᠭ ᠪᠠᠴᠢᠮ ᠪᠣᠯᠤᠭᠰᠠᠨ ᠳᠤᠯᠠ ᠭᠦᠯ ᠳᠤᠯᠤᠭᠠᠢ ᠦᠭᠡᠶ ᠶᠠᠭᠠᠷᠠᠵᠤ ᠪᠠᠢ᠌ᠬᠤ ᠨᠢ ᠢᠯᠡᠭᠡᠨ᠃ ᠭᠡᠳᠦᠢ ᠡᠢ᠌ᠮᠤ ᠪᠠᠢ᠌ᠭᠰᠠᠨ ᠴᠤ ᠬᠤᠯᠠ ᠡᠴᠡ ᠢᠷᠠᠯᠠ ᠭᠡᠳ ᠪᠠᠷᠠᠭᠤᠨ ᠭᠤᠷᠪᠠᠨ ᠮᠤᠵᠢ ᠡᠴᠡ ᠭᠦᠷᠦᠭ᠍ᠰᠡᠨ ᠪᠢᠳᠠ ᠭᠤᠷᠪᠠ ᠶᠢ ᠰᠠᠢ᠌ᠬᠠᠨ ᠬᠠᠷᠠᠭᠠᠯᠵᠠᠵᠤ᠂ ᠭᠦᠡᠳᠦᠯᠡᠨ ᠳᠠᠢ᠌ᠯᠠᠯᠠ᠃ 《ᠨᠢ᠋ᠮᠠᠨ ᠰᠢᠷᠭᠠ》 ᠰᠤᠷᠤᠭᠴᠢᠳ ᠤᠨ ᠣᠷᠠᠨ ᠵᠤᠬᠢᠶᠠᠯ ᠤᠨ ᠣᠷᠤᠯᠳᠤᠭᠠᠨ ᠵᠥᠭᠡᠷ ᠯᠠ ᠨᠢᠭᠡ ᠣᠷᠠᠨ ᠵᠤᠬᠢᠶᠠᠯ ᠤᠨ ᠣᠷᠤᠯᠳᠤᠭᠠᠨ ᠯᠠᠪ ᠪᠢᠰᠢ ︕ ᠬᠠᠷᠢᠨ ᠭᠡᠯᠡ ᠰᠤᠶᠤᠯ ᠶᠢᠡᠨ ᠣᠯᠠᠮᠵᠢᠯᠠᠨ ᠳᠡᠯᠭᠡᠷᠡᠭᠦᠯᠭᠦ᠂ ᠰᠤᠶᠤᠯ ᠤᠨ ᠵᠤᠷᠢᠭ ᠰᠠᠨᠠᠭᠠ᠂ ᠣᠬᠠᠮᠰᠠᠷ ᠢ ᠳᠠᠢ᠌ᠴᠢᠯᠠᠨ ᠰᠡᠷᠭᠦᠭᠡᠭᠦ᠂ ᠦᠷᠡ ᠬᠣᠢ᠌ᠴᠢᠰ ᠤᠨ ᠣᠷᠠ ᠠᠪᠢᠶᠠᠰ ᠢ ᠰᠤᠷᠢᠬᠤ᠂ ᠳᠤᠷᠠ ᠰᠤᠨᠢᠷᠬᠠᠯ ᠢ ᠭᠦᠭ᠍ᠵᠢᠭᠡᠭᠦ᠂ ᠡᠭᠡ ᠭᠡᠯᠡᠨ ᠤ ᠭᠠᠢ᠌ᠬᠠᠮᠰᠢᠭ ᠶᠢᠡᠨ ᠨᠠᠩ ᠣᠯᠠᠨ ᠭᠦᠮᠦᠰ ᠲᠤ ᠳᠠᠨᠢᠭᠤᠯᠬᠤ᠂ ᠮᠡᠳᠡᠷᠡᠭᠦᠯᠭᠦ᠂ ᠣᠷᠢᠶᠠᠯᠠᠬᠤ᠂ ᠣᠬᠠᠭᠤᠯᠬᠤ ᠵᠡᠷᠭᠡ ᠠᠭᠤᠯᠭᠠ ᠶᠢ ᠬᠠᠮᠤᠷᠠᠭᠰᠠᠨ ᠰᠤᠶᠤᠯ ᠤᠨ ᠠᠵᠢᠯᠯᠠᠭᠠ ᠪᠣᠯᠬᠤ ᠶᠤᠮ᠃ ᠰᠤᠶᠤᠯ ᠳᠤ ᠪᠠᠨ ᠬᠠᠢ᠌ᠷᠠᠳᠠᠢ ᠨᠢᠭᠡ ᠪᠦᠯᠦᠭ᠌ ᠭᠦᠮᠦᠰ ᠭᠢᠭᠡᠳ ᠰᠤᠶᠤᠯ ᠶᠢᠡᠷ ᠶᠢᠡᠨ ᠳᠤᠭ ᠪᠣᠰᠬᠠᠨ ᠠᠵᠢᠯᠯᠠᠭᠠ 《ᠦᠨᠢᠷ ᠴᠡᠴᠡᠭ᠌》 ᠰᠡᠳᠭᠦᠯ ᠤᠨ ᠭᠢᠨ ᠪᠠᠢ᠌ᠭᠰᠠᠨ ᠡᠴᠡ 《ᠨᠢ᠋ᠮᠠᠨ ᠰᠢᠷᠭᠠ》 ᠰᠤᠷᠤᠭᠴᠢᠳ ᠤᠨ ᠣᠷᠠᠨ ᠵᠤᠬᠢᠶᠠᠯ ᠤᠨ ᠣᠷᠤᠯᠳᠤᠭᠠᠨ ᠮᠡᠡᠳᠦᠯᠡᠭ᠍ᠰᠡᠨ ᠴᠠᠭ ᠡᠴᠡ ᠪᠠᠨ ᠦᠨᠦᠳᠤᠷ ᠲᠤ ᠭᠦᠷᠳᠡᠯᠡ ᠳᠦᠷᠪᠠᠳᠠᠭᠢ ᠣᠳᠠᠭᠠ ᠪᠠᠨ ᠠᠮᠵᠢᠯᠳᠠ ᠲᠡᠶ ᠶᠠᠪᠣᠭᠳᠠᠵᠤ ᠴᠢᠳᠠᠯᠠ ᠭᠡᠮᠡᠨ ᠣᠢ᠌ᠯᠠᠭᠠᠵᠤ ᠪᠠᠢ᠌ᠨᠠ᠃ ᠬᠣᠢ᠌ᠰᠢᠳᠠ ᠨᠠᠩ ᠦᠷᠨᠢᠨ ᠭᠦᠭ᠍ᠵᠢᠵᠤ᠂ ᠪᠦᠭᠦᠢᠯᠡ ᠮᠤᠩᠭ᠋ᠤᠯᠴᠤᠳ ᠤᠨ ᠰᠡᠳᠭᠢᠯ ᠤᠨ ᠭᠠᠯ᠂ ᠵᠢᠷᠦᠭᠡᠨ ᠳᠠᠮᠢᠷ ᠢ ᠰᠢᠯᠭᠠᠭᠰᠠᠨ ᠰᠤᠶᠤᠯ ᠤᠨ ᠨᠠᠷᠠᠳᠤ ᠳᠡᠮᠳᠡᠭ᠌ ᠪᠣᠯᠤᠨᠠ ᠭᠡᠳᠡᠭ᠌ ᠲᠤ ᠢᠳᠡᠭᠡᠵᠤ ᠪᠠᠢ᠌ᠨᠠ᠃ ᠳᠦᠷᠪᠠᠳᠦᠭᠡᠷ ᠣᠳᠠᠭᠠᠨ ᠤ 《ᠨᠢ᠋ᠮᠠᠨ ᠰᠢᠷᠭᠠ》 ᠰᠤᠷᠤᠭᠴᠢᠳ ᠤᠨ ᠣᠷᠠᠨ ᠵᠤᠬᠢᠶᠠᠯ ᠤᠨ ᠣᠷᠤᠯᠳᠤᠭᠠᠨ ᠳᠤ ᠨᠢ᠋ᠮᠠᠨ ᠮᠤᠵᠢ ᠣᠷᠤᠨ ᠤ 23 ᠶᠡᠭᠡ ᠰᠤᠷᠭᠠᠭᠤᠯᠢ᠂ 672 ᠳᠡᠭᠡᠳᠤ ᠵᠡᠷᠭᠡ ᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ᠂ 163 ᠠᠩᠬᠠ ᠵᠡᠷᠭᠡ ᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠡᠴᠡ ᠪᠦᠭᠦ 5 ᠲᠦᠮᠡᠨ ᠰᠤᠷᠤᠭᠴᠢ ᠣᠷᠤᠯᠴᠠᠵᠠᠢ᠃ ᠡᠭᠦᠨ ᠡᠴᠡ ᠪᠢᠳᠠ ᠮᠤᠩᠭ᠋ᠤᠯ ᠰᠤᠶᠤᠯ ᠤᠨ ᠭᠦᠭ᠍ᠵᠢᠯᠳᠡ ᠶᠢᠨ ᠠᠯᠤᠰ ᠢᠷᠡᠭᠡᠳᠦᠢ ᠶᠢ ᠣᠯᠵᠤ ᠬᠠᠷᠠᠵᠤ ᠪᠣᠯᠤᠨᠠ᠃ ᠡᠢ᠌ᠮᠦᠷᠭᠦᠤ ᠨᠦᠰᠠᠷ ᠳᠤᠮᠤ ᠰᠤᠶᠤᠯ ᠤᠨ ᠠᠵᠢᠯᠯᠠᠭᠠ ᠳᠤ ᠭᠦᠴᠤ ᠭᠦᠯᠦᠰᠤ᠂ ᠣᠶᠤᠨ ᠣᠬᠠᠭᠠᠨ᠂ ᠪᠢᠯᠢᠭ᠌ ᠤᠨ ᠳᠡᠩᠭᠡᠭᠡ ᠪᠠᠨ ᠰᠢᠪᠬᠠᠭᠠ ᠰᠤᠶᠤᠯ ᠳᠤ ᠪᠠᠨ ᠬᠠᠢ᠌ᠷᠠᠳᠠᠢ ᠭᠦᠮᠦᠰ ᠢ ᠣᠯᠵᠤ ᠬᠠᠷᠠᠵᠤ ᠪᠣᠯᠤᠨᠠ᠃ ᠰᠡᠳᠭᠢᠯ ᠨᠢᠭᠡᠳᠤᠨ ᠴᠢᠷᠮᠠᠢ᠌ᠪᠠᠯ ᠮᠤᠩᠭ᠋ᠤᠯ ᠭᠡᠯᠡ ᠰᠤᠶᠤᠯ ᠶᠢᠡᠨ ᠮᠥᠭᠦᠯ ᠣᠷᠤᠭᠤ ᠨᠢ ᠪᠢᠰᠢ ᠮᠠᠠᠳᠤᠯ ᠥᠭᠡᠳᠡ ᠨᠢ ᠵᠠᠯᠠᠵᠤ ᠪᠣᠯᠤᠨᠠ ᠭᠡᠳᠡᠭ᠌ ᠢ ᠴᠤ ᠣᠢ᠌ᠯᠠᠭᠠᠵᠤ᠂ ᠮᠠᠳᠠᠷᠠᠵᠤ᠂ ᠣᠬᠠᠭᠠᠷᠠᠵᠤ ᠪᠣᠯᠤᠨᠠ᠃
ᠬᠦᠬᠡᠬᠤᠲᠠ ᠶᠢᠨ ᠨᠤᠮ ᠤᠨ ᠳᠡᠯᠭᠡᠭᠦᠷ ᠤᠳ ᠶᠢᠡᠷ ᠣᠷᠤᠯᠠ᠃ ᠬᠤᠳᠠᠯᠳᠤᠵᠤ ᠪᠠᠢ᠌ᠭᠠ ᠮᠤᠩᠭ᠋ᠤᠯ ᠨᠤᠮ ᠠᠷᠪᠢᠨ ᠪᠦᠭᠡᠳ ᠳᠦᠷᠤᠯ ᠪᠦᠷᠢ ᠶᠢᠨ ᠨᠤᠮ ᠪᠦᠷ ᠪᠠᠢ᠌ᠨᠠ᠃ ᠬᠠᠷᠠᠮᠰᠠᠯᠳᠠᠢ ᠨᠢ ᠮᠤᠩᠭ᠋ᠤᠯ ᠨᠤᠮ ᠤᠨ ᠳᠡᠯᠭᠡᠭᠦᠷ ᠶᠢᠡᠷ ᠢᠷᠠᠵᠤ ᠪᠠᠢ᠌ᠭᠠ ᠭᠦᠮᠦᠰ ᠳᠤᠩ ᠴᠥᠭᠡᠨ ᠬᠠᠷᠠᠭᠳᠠᠯᠠ᠃ ᠳᠡᠯᠭᠡᠭᠦᠷ ᠤᠨ ᠡᠵᠡᠨ ᠤ ᠭᠡᠯᠡᠭᠦ ᠪᠠᠷ ᠮᠤᠩᠭ᠋ᠤᠯ ᠨᠤᠮ ᠠᠪᠳᠠᠭ ᠭᠦᠮᠤᠨ ᠵᠢᠯ ᠡᠴᠡ ᠵᠢᠯ ᠬᠤᠪᠣᠷᠳᠠᠵᠤ ᠪᠠᠢ᠌ᠨᠠ ᠭᠡᠨᠡ᠃ ᠮᠠᠨᠠᠢ᠌ᠭᠢᠰ ᠰᠢᠨᠡ ᠬᠤᠪᠴᠠᠰᠤ᠂ ᠭᠤᠶᠤ ᠮᠠᠰᠢᠨ᠂ ᠰᠢᠪᠠᠷ ᠠᠰᠠᠷ ᠲᠤ ᠮᠥᠩᠭᠦ ᠪᠠᠨ ᠬᠠᠢ᠌ᠷᠠᠯᠠᠬᠤ ᠦᠭᠡᠶ ᠪᠠᠢ᠌ᠭᠠᠤᠨ ᠨᠢᠭᠡ ᠯᠤᠩᠬᠤ ᠰᠠᠢ᠌ᠨ ᠠᠷᠢᠭᠢ ᠶᠢᠨ ᠦᠨᠡ ᠠᠷᠠᠢ ᠭᠦᠷᠭᠦ ᠦᠭᠡᠶ ᠪᠠᠢ᠌ᠭᠠ ᠮᠤᠩᠭ᠋ᠤᠯ ᠨᠤᠮ ᠰᠡᠳᠭᠦᠯ ᠠᠪᠴᠤ ᠵᠠᠭᠢᠶᠠᠯᠠᠬᠤ ᠳᠤ ᠶᠠᠭᠤᠨ ᠳᠤ ᠮᠥᠩᠭᠦ ᠪᠠᠨ ᠨᠠᠷᠢᠯᠠᠭᠠᠤᠨ ᠪᠠᠢ᠌ᠳᠠᠭ ᠢ ᠣᠢ᠌ᠯᠠᠭᠠᠵᠤ ᠶᠠᠳᠠᠨ ᠭᠠᠢ᠌ᠬᠠᠯᠠ ︕ ᠡᠭᠦᠨ ᠤ ᠭᠤᠤᠯ ᠰᠢᠯᠳᠠᠭᠠᠨ ᠨᠢ ᠦᠨᠦᠳᠤᠷ ᠤᠨ ᠮᠤᠩᠭ᠋ᠤᠯᠴᠤᠳ ᠪᠣᠳᠠᠰ ᠤᠨ ᠰᠤᠶᠤᠯ ᠢ ᠭᠡᠳᠤ ᠴᠢᠬᠤᠯᠠ ᠪᠠᠢ᠌ᠷᠢᠨ ᠳᠤ ᠳᠠᠯᠪᠢᠭᠠᠤᠨ ᠣᠶᠤᠨ ᠤ ᠰᠤᠶᠤᠯ ᠢ ᠭᠡᠳᠤ ᠭᠦᠩᠭᠡᠪᠴᠢᠯᠡᠭ᠍ᠰᠡᠨ ᠳᠤ ᠪᠠᠢ᠌ᠨᠠ᠃ ᠮᠤᠩᠭ᠋ᠤᠯ ᠤᠨ ᠥᠭᠡᠨ ᠳᠤ 《ᠡᠷᠳᠡᠮ ᠤᠨ ᠪᠠᠶᠠᠨ ᠳᠦᠷᠦᠭᠦᠤ ᠪᠠᠶᠠᠨ᠂ ᠡᠳ᠋ ᠤᠨ ᠪᠠᠶᠠᠨ ᠠᠳᠠᠭ ᠪᠠᠶᠠᠨ》 ᠭᠡᠳᠡᠭ᠌ ᠪᠠᠢ᠌ᠭᠰᠠᠨ᠃ ᠭᠡᠳᠡᠯᠡ ᠣᠳᠤ ᠡᠨᠡ ᠥᠭᠡ ᠶᠢ ᠡᠷᠭᠢᠭᠦᠯᠦᠭᠡᠳ ᠭᠡᠯᠡᠭᠦ ᠭᠡᠮᠵᠢᠶᠡᠨ ᠳᠤ ᠭᠦᠷᠴᠤ ᠳ᠋ᠠ ︕ ᠨᠤᠮ ᠤᠨ ᠳᠡᠯᠭᠡᠭᠦᠷ ᠲᠤ ᠰᠠᠨᠠᠭᠠᠨ ᠳᠤ ᠦᠭᠡᠶ ᠣᠷᠠᠨ ᠵᠤᠬᠢᠶᠠᠯ ᠤᠨ ᠠᠠᠳᠠ ᠳᠠᠭᠤᠳᠠᠭᠠᠴᠢ·ᠡᠩᠭᠡᠬᠠᠳᠡ ᠲᠡᠶ ᠪᠠᠨ ᠵᠤᠯᠭᠠᠴᠢᠬᠠᠯᠠ᠃ ᠨᠤᠮ ᠤᠨ ᠳᠠᠩᠭ᠋ᠠᠷᠢᠭ ᠨᠢᠭᠡᠳᠡᠨ ᠨᠤᠮ ᠤᠨ ᠳᠡᠯᠭᠡᠭᠦᠷ ᠲᠤ ᠯᠠ ᠢᠩᠭᠢᠵᠤ ᠪᠣᠯᠵᠤᠭᠰᠠᠨ ᠦᠭᠡᠶ ᠪᠠᠷ ᠳᠠᠭᠠᠷᠠᠴᠢᠬᠠᠳᠠᠭ ᠪᠠᠢ᠌ᠵᠠᠢ᠃ ᠪᠢᠰᠢ ᠪᠣᠯ ᠣᠷᠢᠳᠤ ᠨᠢ ᠬᠠᠷᠢᠯᠴᠠᠭᠰᠠᠨ ᠦᠭᠡᠶ᠂ ᠪᠠᠢ᠌ᠳᠠᠯ ᠣᠴᠢᠷ ᠶᠢᠡᠨ ᠮᠡᠳᠡᠯᠴᠡᠭ᠍ᠰᠡᠨ ᠦᠭᠡᠶ ᠪᠠᠢ᠌ᠭᠠᠤᠨ ᠳᠤᠮᠤ ᠬᠤᠳᠠ ᠶᠢᠨ ᠨᠢᠭᠡ ᠥᠡᠴᠦᠭ᠌ ᠲᠤ ᠵᠥᠩᠳᠡᠭᠡᠨ ᠬᠠᠷᠭᠤᠴᠢᠬᠠᠨᠠ ᠭᠡᠳᠡᠭ᠌ ᠥᠨᠡᠭᠡᠷ ᠵᠡᠭᠦᠳᠤᠨ ᠳᠤ ᠦᠭᠡᠶ ᠭᠡᠷᠡᠭ᠌ ᠳ᠋ᠠ᠃ ᠨᠠᠢ᠌ᠵᠠ ᠪᠠᠨ ᠳᠠᠭᠠᠭᠠᠤᠨ ᠬᠦᠬᠡᠬᠤᠲᠠ ᠶᠢᠨ ᠮᠦᠽᠧᠢ ᠪᠠᠷ ᠳᠤᠭᠤᠷᠢᠯᠠ᠃ ᠨᠠᠢ᠌ᠵᠠ ᠮᠠᠨᠢ᠂ ᠭᠡᠷ ᠲᠤ ᠨᠢ ᠭᠦᠷᠦᠭ᠍ᠰᠡᠨ ᠡᠴᠡ ᠢᠯᠡᠭᠦᠤ ᠪᠠᠶᠠᠷᠯᠠᠨ ᠳᠤᠭᠳᠤᠯᠵᠤ᠂ ᠬᠤᠶᠠᠭᠤᠯᠠ ᠪᠠᠨ ᠬᠠᠨᠤᠳᠠᠯᠠ ᠨᠠᠷᠭᠢᠪᠠ᠃ ᠰᠠᠯᠤᠭᠠᠤᠨ ᠣᠳᠠᠭᠰᠠᠨ ᠨᠤᠮ ᠤᠨ ᠰᠠᠳᠤᠨ ᠲᠡᠶ ᠪᠠᠨ ᠠᠭᠢᠨ ᠠᠭᠤᠯᠵᠠᠬᠤ ᠭᠡᠭ᠍ᠴᠢ ᠰᠠᠢ᠌ᠬᠠᠨ ᠶᠤᠮ ᠡ᠃
6 ᠰᠠᠷᠠ ᠶᠢᠨ 20 ᠊ᠤ ᠦᠷᠯᠦᠭᠡ ᠶᠢᠨ 5 ᠴᠠᠭ ᠬᠠᠭᠠᠰ ᠲᠤ ᠪᠢᠳᠠ ᠭᠤᠷᠪᠠ 《ᠦᠨᠢᠷ ᠴᠡᠴᠡᠭ᠌》 ᠰᠡᠳᠭᠦᠯ ᠤᠨ ᠬᠤᠷᠢᠶᠠᠨ ᠤ ᠭᠡᠰᠡᠭ᠌ ᠨᠥᠭᠦᠤᠨ ᠲᠡᠶ ᠬᠠᠮᠳᠤ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤ ᠣᠷᠤᠭᠤ ᠵᠢᠯᠤᠭᠤ ᠵᠠᠯᠠᠪᠠ᠃ 《ᠦᠨᠢᠷ ᠴᠡᠴᠡᠭ᠌》 ᠰᠡᠳᠭᠦᠯ ᠤᠨ ᠠᠬᠠᠮᠠᠤᠨ ᠭᠡᠳᠤᠨ ᠨᠠᠢ᠌ᠷᠠᠭᠤᠯᠤᠭᠴᠢ ᠶᠢ ᠭᠠᠷᠭᠠᠪᠠᠯ ᠣᠯᠠᠩᠭᠢ ᠨᠢ ᠪᠦᠷ 《ᠪᠠᠷᠰ ᠪᠠᠷᠢᠵᠤ ᠣᠨᠤᠮᠠᠷ᠂ ᠱᠠᠷ ᠱᠦᠯᠦᠵᠤ ᠢᠳᠠᠮᠠᠷ》 ᠭᠠᠯ ᠵᠠᠯᠠᠭᠤ ᠣᠯᠤᠰ ᠤᠳ ᠪᠠᠢ᠌ᠯᠠ᠃ ᠮᠦᠨ ᠭᠡᠯᠡᠪᠠᠯ ᠮᠤᠩᠭ᠋ᠤᠯ ᠰᠤᠶᠤᠯ ᠤᠨ ᠠᠯᠳᠠᠨ ᠳᠤᠯᠭᠠᠨ ᠳᠤ ᠪᠢᠯᠢᠭ᠌ ᠤᠨ ᠭᠡᠳᠡ ᠴᠠᠭᠢᠵᠤ᠂ ᠭᠠᠯ ᠨᠤᠴᠤᠭᠠᠬᠤ ᠰᠤᠶᠤᠯ ᠤᠨ ᠣᠳᠤᠳ ᠮᠤᠩᠳᠠᠬᠤ ᠦᠭᠡᠶ ᠭᠡᠳᠡᠭ᠌ ᠢ ᠬᠠᠷᠠᠭᠤᠯᠵᠤ ᠪᠠᠢ᠌ᠨᠠ᠃ ᠰᠤᠶᠤᠯ ᠤᠨ ᠭᠠᠯ ᠶᠢᠡᠨ ᠮᠥᠭᠦᠭᠡᠭᠦ ᠦᠭᠡᠶ ᠮᠥᠩᠭᠡ ᠠᠪᠴᠤ ᠶᠠᠪᠣᠶᠠ ᠭᠡᠪᠠᠯ ᠳᠤᠯᠭᠠ ᠶᠢᠨ ᠴᠢᠯᠠᠭᠤ ᠶᠢ ᠨᠢ ᠣᠨᠠᠭᠠᠯ ᠦᠭᠡᠶ ᠲᠦᠰᠢᠵᠤ ᠶᠠᠪᠣᠬᠤ ᠵᠠᠯᠭᠠᠮᠵᠢ ᠬᠣᠢ᠌ᠴᠢᠰ ᠪᠠᠢ᠌ᠬᠤ ᠶᠤᠰᠤᠳᠠᠢ᠃ ᠴᠠᠭ ᠨᠡᠢ᠌ᠭᠡᠮ ᠤᠨ ᠭᠦᠭ᠍ᠵᠢᠯᠳᠡ᠂ ᠰᠤᠶᠤᠯ ᠤᠨ ᠳᠦᠷᠢᠯᠳᠠ ᠡᠴᠡ ᠪᠣᠯᠤᠭᠠᠤᠨ ᠮᠤᠩᠭ᠋ᠤᠯᠴᠤᠳ ᠤᠨ ᠠᠵᠤ ᠳᠦᠷᠤᠨ ᠠᠮᠢᠳᠤᠷᠠᠵᠤ ᠪᠠᠢ᠌ᠭᠠ ᠠᠯᠢ ᠴᠤ ᠨᠢᠭᠡᠨ ᠭᠠᠵᠠᠷ᠂ ᠪᠠᠢ᠌ᠭᠤᠯᠤᠯᠭᠠ ᠨᠢᠭᠡᠴᠡ᠂ ᠰᠤᠷᠭᠠᠭᠤᠯᠢ ᠭᠡᠰᠡᠨ ᠦᠭᠡᠶ ᠦᠨᠳᠦᠰᠦᠳᠠᠨ ᠤ ᠭᠡᠯᠡ ᠪᠠᠷ ᠶᠠᠷᠢᠳᠠᠭ᠂ ᠦᠰᠦᠭ᠌ ᠪᠢᠴᠢᠭ᠌ ᠶᠢᠡᠨ ᠭᠡᠷᠡᠭᠯᠡᠳᠡᠭ᠌ ᠵᠠᠯᠭᠠᠮᠵᠢ ᠦᠶᠡ ᠶᠢᠨ ᠭᠢᠨ ᠯᠠ ᠶᠠᠪᠣᠬᠤ ᠳᠤᠳᠤᠮ ᠴᠥᠭᠡᠷᠡᠵᠤ ᠪᠣᠢ᠃ ᠡᠨᠡ ᠯᠠ ᠳᠤᠩ ᠠᠶᠤᠮᠰᠢᠭᠳᠠᠢ ᠶᠠᠪᠣᠳᠠᠯ ᠡ ︕ ᠠᠯᠢ ᠴᠤ ᠦᠨᠳᠦᠰᠦᠳᠠᠨ ᠳᠤ ᠰᠤᠶᠤᠯ ᠶᠢᠡᠨ ᠵᠠᠯᠭᠠᠮᠵᠢᠯᠠᠬᠤ᠂ ᠣᠯᠠᠮᠵᠢᠯᠠᠬᠤ᠂ ᠭᠦᠭ᠍ᠵᠢᠭᠦᠯᠭᠦ ᠵᠠᠯᠠᠭᠤ ᠨᠢᠭᠡ ᠦᠶᠡ ᠶᠢᠨ ᠭᠢᠨ ᠳᠠᠰᠤᠷᠠᠬᠤ ᠳᠤ ᠭᠦᠷᠪᠠᠯ ᠰᠤᠶᠤᠯ ᠨᠢ ᠢᠷᠤᠭᠠᠷ ᠡᠴᠡ ᠪᠠᠨ ᠢᠳᠡᠭ᠍ᠳᠡᠨ ᠡᠭᠢᠯᠡᠭᠦ ᠨᠢ ᠡᠨᠡᠭᠡᠨ ᠳᠤ ᠪᠣᠢ᠃
ᠬᠦᠬᠡᠬᠤᠲᠠ ᠡᠴᠡ ᠭᠠᠷᠬᠤ ᠳᠤ ᠪᠣᠷᠬᠠᠨ ᠳᠡᠭ᠍ᠷᠢ ᠪᠠᠰᠠ ᠯᠠ ᠵᠥᠭᠡᠯᠡᠨ ᠪᠣᠷᠤᠭᠠ ᠪᠠᠨ ᠬᠠᠢ᠌ᠷᠠᠯᠠᠵᠤ᠂ ᠠᠶᠠᠨ ᠤ ᠭᠠᠠᠵᠤᠭᠠ ᠶᠢ ᠮᠢᠯᠢᠶᠠᠯᠠ᠃ ᠶᠠᠷᠤᠨᠢ ᠪᠢ ᠶᠠᠮᠠᠷ ᠨᠢᠭᠡᠨ ᠰᠤᠶᠤᠯ ᠤᠨ ᠠᠵᠢᠯᠯᠠᠭᠠ ᠳᠤ ᠣᠷᠤᠯᠴᠠᠬᠤ ᠪᠦᠷᠢ ᠪᠣᠷᠤᠭᠠ ᠪᠣᠯᠬᠤ ᠦᠭᠡᠶ ᠭᠡᠳ ᠪᠠᠷᠤᠭ ᠪᠠᠢ᠌ᠳᠠᠭ ᠦᠭᠡᠶ᠃ ᠰᠤᠶᠤᠯ ᠶᠢᠡᠨ ᠳᠡᠭᠡᠳᠦᠯᠡᠭ᠍ᠰᠡᠨ ᠭᠦᠮᠦᠰ ᠤᠨ ᠴᠤᠭᠯᠠᠭᠠᠨ ᠪᠣᠯᠬᠤ ᠳᠤ ᠮᠥᠩᠭᠡ ᠳᠡᠭ᠍ᠷᠢ ᠮᠠᠨᠢ ᠭᠤᠤᠯ ᠡᠴᠡ ᠪᠠᠨ ᠳᠤᠭᠳᠤᠯᠤᠨ ᠣᠶᠠᠷᠠᠵᠤ᠂ ᠪᠣᠷᠤᠭᠠ ᠪᠠᠨ ᠬᠠᠢ᠌ᠷᠠᠯᠠᠨ ᠪᠠᠶᠠᠰᠳᠠᠭ ᠴᠤ ᠪᠢᠯᠠ ᠦᠦ ᠭᠡᠮᠡᠨ ᠪᠢ ᠦᠷᠭᠦᠯᠵᠢ ᠪᠣᠳᠤᠳᠠᠭ ᠡ᠃ ᠵᠠᠮ ᠳᠤ ᠭᠠᠷᠤᠭᠰᠠᠨ ᠵᠠᠯᠠᠭᠤᠴᠤᠳ ᠬᠤᠭᠤᠷᠤᠠᠳᠤ ᠪᠠᠨ ᠨᠢᠭᠡ ᠨᠢᠭᠡ ᠪᠠᠨ ᠨᠠᠭᠠᠳᠤᠨ ᠭᠤᠤᠴᠢᠯᠠᠵᠤ ᠪᠠᠶᠠᠷ ᠭᠦᠷ᠂ ᠳᠠᠭᠤᠤ ᠢᠨᠢᠶᠠᠳᠤ ᠪᠠᠷ ᠳᠡᠷᠭᠡ ᠳᠦᠭᠦᠷᠭᠡᠨ ᠶᠠᠪᠣᠨᠠ᠃ ᠭᠠᠳᠠᠨᠠ ᠰᠠᠯᠭᠢᠨ ᠳᠤ ᠭᠠᠷᠴᠤ᠂ ᠨᠢᠳᠤ ᠨᠡᠭᠡᠭᠡᠭᠦ ᠪᠠᠷ ᠰᠠᠨᠠᠭᠠ ᠰᠡᠳᠭᠢᠯ ᠨᠢ ᠳᠤᠤᠷᠠ ᠪᠠᠨ ᠰᠡᠷᠭᠦᠨ ᠭᠦᠭᠡᠷᠤᠨ ᠭᠦᠭ᠍ᠰᠡᠵᠤ᠂ ᠶᠠᠭᠤ ᠪᠦᠭᠦᠨ ᠶᠢᠡᠨ ᠮᠠᠷᠳᠠᠴᠢᠬᠠᠳᠠᠭ ᠨᠢ ᠨᠡᠭᠦᠳᠡᠯᠴᠢᠨ ᠤ ᠬᠣᠢ᠌ᠴᠢᠰ ᠤᠨ ᠴᠢᠰᠤᠨ ᠳᠤ ᠰᠢᠩᠭᠡᠭ᠍ᠰᠡᠨ ᠭᠧᠨ ᠭᠡᠯᠳᠡᠢ᠃ ᠡᠨᠡ ᠴᠤ ᠠᠷᠭᠠ ᠦᠭᠡᠶ ᠡ᠂ ᠪᠠᠢ᠌ᠭᠠᠯᠢ ᠪᠠᠨ ᠦᠵᠡᠭᠡᠳ ᠪᠠᠶᠠᠰᠴᠤ᠂ ᠪᠠᠰᠠ ᠣᠶᠠᠷᠠᠨ ᠳᠤᠭᠳᠤᠯᠵᠤ ᠴᠢᠳᠠᠳᠠᠭ ᠨᠢ ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠳᠦᠷᠤᠯᠭᠢ ᠶᠢᠨ ᠵᠠᠩ ᠪᠢᠯᠠ᠃ ᠬᠤᠳᠠ ᠶᠢᠨ ᠵᠠᠬᠠ ᠡᠴᠡ ᠭᠠᠷᠬᠤ ᠲᠡᠶ ᠵᠡᠷᠭᠡ ᠭᠦᠳᠡᠭᠡ ᠶᠢᠨ ᠠᠭᠠᠷ᠂ ᠪᠠᠢ᠌ᠭᠠᠯᠢ ᠶᠢᠨ ᠰᠠᠢ᠌ᠬᠠᠨ ᠳᠤ ᠳᠠᠯᠪᠢᠭᠠᠤᠨ ᠣᠷᠤᠴᠢᠬᠠᠨᠠ᠃ ᠡ᠊ᠨᠳᠡᠭᠢ ᠶᠢᠨ ᠮᠠᠯᠴᠢᠳ ᠴᠤ ᠨᠤᠳᠤᠭ ᠣᠷᠤᠨ ᠤ ᠪᠠᠨ ᠡᠨᠡᠭᠦ ᠳᠠᠪᠠᠭᠤᠯᠢᠭ ᠳᠠᠯᠠ ᠪᠠᠨ ᠪᠦᠷᠢᠨ ᠠᠰᠢᠭᠯᠠᠵᠤ᠂ ᠵᠤᠭᠠᠴᠠᠯ ᠤᠨ ᠴᠡᠭ᠌ ᠭᠠᠷᠭᠠᠨ ᠣᠷᠤᠯᠭᠠ ᠪᠠᠨ ᠨᠡᠮᠡᠭ᠍ᠳᠡᠭᠦᠯᠵᠤ ᠪᠠᠢ᠌ᠬᠤ ᠨᠢ ᠢᠯᠡᠭᠡᠨ ᠪᠠᠢ᠌ᠨᠠ᠃ ᠳᠤᠷᠭᠠᠨ ᠨᠤᠭᠤᠭᠠᠨ ᠳᠠᠯᠠ ᠳᠡᠭᠡᠷᠡ ᠬᠨ ᠶᠠ ᠦᠭᠡᠶ ᠮᠤᠩᠭ᠋ᠤᠯ ᠭᠡᠷ ᠤᠳ ᠴᠠᠢ᠌ᠯᠵᠠᠭᠠᠤᠨ ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠣᠮᠤᠷᠬᠠᠬᠤ ᠪᠠᠬᠠᠳᠤᠬᠤ ᠰᠡᠳᠬᠢᠯᠭᠡ ᠳᠦᠷᠦᠭ᠍ᠳᠡᠭᠦᠯᠦᠨᠡ᠃ ᠬᠠᠷᠠᠮᠰᠠᠯᠳᠠᠢ ᠨᠢ ᠮᠤᠩᠭ᠋ᠤᠯ ᠭᠡᠷ ᠨᠢ ᠪᠦᠷ ᠳᠤᠰᠬᠠᠢ ᠵᠤᠭᠠᠴᠠᠭᠰᠠᠤᠨ ᠲᠤ ᠵᠤᠷᠢᠭᠤᠯᠤᠭᠰᠠᠨ ᠰᠢᠪᠠᠷ ᠳᠤᠭᠤᠰᠬᠠᠨ ᠭᠡᠷ ᠤᠳ ᠪᠠᠢ᠌ᠯᠠ᠃ ᠡᠢ᠌ᠮᠤ ᠭᠡᠷ ᠢ ᠭᠠᠳᠠᠨᠠ ᠡᠴᠡ ᠨᠢ ᠬᠠᠷᠠᠬᠤ ᠳᠤ ᠭᠠᠩᠭ᠋ᠠᠩ ᠭᠡᠭᠡᠡᠴᠢᠷ ᠰᠠᠨᠠᠭᠳᠠᠪᠠᠴᠤ ᠪᠠᠢ᠌ᠭᠠᠯᠢ ᠣᠷᠴᠢᠨ ᠶᠢᠡᠨ ᠪᠦᠳᠤᠨ ᠶᠠᠩᠵᠤ ᠪᠠᠷ ᠨᠢ ᠬᠠᠮᠠᠭᠠᠯᠠᠬᠤ᠂ ᠠᠭᠠᠷ ᠠᠮᠢᠰᠬᠤᠯ ᠶᠢᠡᠨ ᠵᠤᠭᠢᠴᠠᠭᠤᠯᠬᠤ᠂ ᠰᠤᠶᠤᠯ ᠤᠨ ᠦᠨᠡ ᠦᠷᠳᠡᠭ᠌ ᠶᠢᠡᠨ ᠳᠠᠨᠢᠭᠤᠯᠬᠤ ᠳᠠᠯᠠ ᠪᠠᠷ ᠶᠠᠭᠠᠭᠢᠯᠠ ᠭᠡᠳ ᠣᠯᠠᠮᠵᠢᠯᠠᠯᠳᠤ ᠮᠤᠩᠭ᠋ᠤᠯ ᠭᠡᠷ ᠢ ᠭᠦᠷᠭᠦ ᠪᠢᠯᠠ᠃
ᠪᠢᠳᠠᠨ ᠤ ᠰᠠᠭᠤᠭᠰᠠᠨ ᠮᠠᠰᠢᠨ ᠶᠠᠭ ᠯᠠ ᠠᠮᠠᠭᠠᠢ ᠵᠢᠯᠤᠭᠤ ᠦᠭᠡᠶ ᠮᠤᠷᠢᠨ ᠰᠢᠭ ᠳᠦᠷᠪᠠᠤᠨ ᠬᠤᠰᠢᠭᠤ᠂ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤ ᠪᠠᠷ ᠳᠤᠭᠤᠷᠢᠨ ᠰᠤᠨᠤᠳᠠᠯᠠ ᠳᠠᠪᠭᠢᠨᠠ᠃ ᠵᠠᠬᠠ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠶ ᠭᠦᠳᠡᠭᠡ᠂ ᠥᠡᠳᠦᠷᠭᠡᠭ᠌ ᠥᠭᠡᠭᠦᠨ ᠰᠢᠯᠢ᠂ ᠡᠯᠡᠰᠦᠷᠭᠡᠭ᠌ ᠴᠠᠢ᠌ᠳᠠᠮ ᠪᠠᠯᠴᠢᠭᠡᠷ ᠬᠠᠷᠠᠭᠠᠨ ᠳᠤ ᠰᠤᠯᠢᠭᠳᠠᠨ ᠥᠩᠭᠡᠷᠡᠨᠡ᠃ ᠮᠤᠩᠭ᠋ᠤᠯ ᠨᠤᠳᠤᠭ ᠤᠨ ᠠᠭᠤᠳᠠᠮ ᠢ ᠢᠩᠭᠢᠵᠤ ᠬᠠᠷᠠᠭᠠ ᠰᠠᠷᠠᠯ᠂ ᠵᠢᠷᠦᠭᠡ ᠰᠡᠳᠭᠢᠯ᠂ ᠪᠠᠶᠠ ᠴᠤᠭᠴᠠᠰ ᠶᠢᠡᠷ ᠶᠢᠡᠨ ᠵᠡᠷᠭᠡ ᠮᠠᠳᠠᠷᠠᠵᠤ ᠶᠠᠪᠣᠬᠤ ᠭᠡᠭ᠍ᠴᠢ ᠳᠠᠭᠠᠳᠠᠢ ᠪᠠᠢ᠌ᠨᠠ᠃ ᠦᠳᠡ ᠥᠩᠭᠡᠷᠡᠭᠦ ᠦᠶᠡᠰ ᠶᠢᠡᠷ ᠪᠢᠳᠠ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤᠨ ᠤ ᠲᠥᠪ ᠮᠠᠠᠳᠠᠯᠳᠤ ᠪᠠᠯᠠᠭᠠᠰᠤᠨ ᠳᠤ ᠢᠷᠠᠵᠤ ᠳᠦᠷᠦᠭᠡ ᠭᠦᠷᠦᠭᠡᠨ ᠦᠳᠡᠯᠠᠪᠠ᠃ ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠤᠨ ᠭᠠᠳᠠᠨᠠ ᠳᠤᠳᠤᠨᠠ ᠪᠠᠨ ᠵᠠᠰᠠᠵᠤ ᠴᠢᠮᠡᠭ᠍ᠰᠡᠨ ᠨᠢ ᠪᠦᠷ ᠴᠤᠯᠤ ᠦᠨᠳᠦᠰᠦᠲᠡᠨ ᠤ ᠣᠠᠴᠠᠯᠢᠭ ᠲᠡᠶ ᠪᠠᠢ᠌ᠨᠠ᠃ ᠦᠪᠡᠷ ᠤᠨ ᠰᠤᠶᠤᠯ ᠶᠢᠡᠨ ᠥᠭᠡᠷᠡ ᠪᠣᠰᠤᠳ ᠲᠤ ᠭᠠᠢ᠌ᠬᠠᠭᠤᠯᠬᠤ᠂ ᠣᠬᠠᠭᠤᠯᠬᠤ᠂ ᠳᠠᠨᠢᠭᠤᠯᠬᠤ ᠪᠠ ᠨᠠᠩ ᠣᠯᠠᠨ ᠵᠤᠴᠠᠭᠠᠭᠰᠠᠤᠨ ᠢ ᠪᠠᠶᠠ ᠣᠷᠤᠭᠤ ᠪᠠᠨ ᠳᠠᠳᠠᠵᠤ᠂ ᠳᠠᠳᠠᠨ ᠤ ᠬᠠᠷᠠᠭᠠ ᠰᠡᠳᠭᠢᠯ ᠢ ᠪᠠᠶᠠᠰᠬᠠᠨ ᠭᠤᠸᠠ ᠰᠠᠢ᠌ᠬᠠᠨ ᠤ ᠭᠦᠷᠳᠡᠭᠡᠯ ᠣᠯᠭᠤᠬᠤ ᠵᠤᠷᠢᠯᠭᠠ ᠡᠴᠡ ᠢᠩᠭᠢᠵᠤ ᠭᠢᠭ᠍ᠰᠡᠨ ᠨᠢ ᠣᠢ᠌ᠯᠠᠭᠠᠮᠵᠢᠳᠠᠢ᠃ ᠦᠨᠳᠦᠰᠦᠳᠠᠨ ᠤ ᠥᠪᠠᠷᠳᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠭᠡᠵᠤ ᠪᠠᠢ᠌ᠭᠠᠤᠨ ᠨᠠᠭᠠᠳᠤ ᠵᠠᠬᠠ ᠨᠢ ᠡᠳᠥᠢᠭᠡᠨ ᠶᠠᠭᠤᠮᠠᠨ ᠳᠤ ᠪᠠᠨ ᠡᠵᠡᠨ ᠮᠠᠳᠠᠨ ᠳᠤᠯᠤᠭᠠᠢ ᠳᠠᠭᠠᠭᠠᠵᠤ ᠴᠢᠳᠠᠬᠤ ᠦᠭᠡᠶ ᠪᠣᠯ ᠳᠡᠦᠭᠡ ᠰᠤᠶᠤᠯ᠂ ᠦᠷᠡ ᠬᠣᠢ᠌ᠴᠢᠰ ᠲᠤ ᠪᠠᠨ ᠣᠰᠤᠯᠳᠠᠨ ᠴᠠᠯᠭᠠᠢ᠌ᠳᠠᠵᠤ ᠪᠠᠢ᠌ᠭᠠ ᠶᠠᠪᠣᠳᠠᠯ ᠪᠣᠯᠤᠨᠠ᠃ ᠦᠨᠦᠳᠤᠷ ᠣᠷᠤᠨ ᠨᠤᠳᠤᠭ ᠶᠢᠡᠨ ᠭᠦᠭ᠍ᠵᠢᠭᠦᠯᠭᠦ ᠳᠤ ᠣᠷᠤᠨ ᠨᠤᠳᠤᠭ ᠤᠨ ᠳᠠᠪᠠᠭᠤᠯᠢᠭ ᠶᠢᠡᠨ ᠠᠰᠢᠭᠯᠠᠨᠠ ᠭᠡᠮᠡᠨ ᠠᠮᠠ ᠲᠡᠶ ᠳᠤᠭᠠᠳᠠᠨ ᠬᠠᠰᠭᠢᠷᠴᠤ ᠪᠣᠢ᠃ ᠳᠡᠭᠡᠪᠠᠯ ᠣᠷᠤᠨ ᠨᠤᠳᠤᠭ ᠤᠨ ᠳᠠᠪᠠᠭᠤᠯᠢᠭ ᠭᠡᠭ᠍ᠴᠢ ᠶᠠᠭᠤ ᠪᠣᠢ ︖ ᠥᠭᠡᠷᠡ ᠪᠣᠰᠤᠳ ᠡᠴᠡ ᠢᠯᠭᠠᠷᠠᠬᠤ ᠦᠨᠳᠦᠰᠦᠳᠠᠨ ᠤ ᠦᠪᠡᠷᠮᠢᠴᠠ ᠰᠤᠶᠤᠯ ᠪᠣᠯ ᠳᠠᠷᠤᠢ ᠣᠷᠤᠨ ᠨᠤᠳᠤᠭ ᠤᠨ ᠳᠠᠪᠠᠭᠤᠯᠢᠭ ᠮᠦᠨ ᠵᠠᠩᠭᠢᠯᠠᠭᠠ ᠨᠢ ᠡᠭᠦᠨ ᠶᠢᠡᠨ ᠶᠠᠭᠠᠭᠢᠵᠤ ᠨᠡᠭᠡᠭᠡᠨ ᠠᠰᠢᠭᠯᠠᠬᠤ ᠳᠤ ᠪᠠᠢ᠌ᠨᠠ᠃ ᠮᠦᠨ ᠭᠡᠯᠡᠪᠠᠯ ᠦᠪᠡᠷ ᠤᠨ ᠰᠤᠶᠤᠯ ᠤᠨ ᠳᠠᠪᠠᠭᠤᠯᠢᠭ ᠶᠢᠡᠨ ᠠᠵᠤ ᠠᠬᠤᠢ ᠶᠢᠨ ᠳᠠᠪᠠᠭᠤᠯᠢᠭ ᠪᠣᠯᠭᠠᠨ ᠠᠰᠢᠭᠯᠠᠵᠤ ᠴᠢᠳᠠᠨᠠ ᠦᠦ ᠦᠭᠡᠶ ᠦᠦ ᠭᠡᠰᠡᠨ ᠳᠤ ᠪᠠᠢ᠌ᠨᠠ᠃
ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠤᠨ ᠰᠦ᠋ ᠲᠡᠶ ᠴᠠᠢ᠂ ᠮᠢᠬᠠ ᠲᠡᠶ ᠪᠠᠩᠰᠢ᠂ ᠭᠦᠮᠡᠯᠢ ᠲᠡᠶ ᠪᠣᠤᠵᠠ᠂ ᠮᠢᠬᠠᠨ ᠱᠦᠯᠦ ᠪᠠᠷ ᠦᠯ ᠶᠢᠡᠨ ᠳᠠᠷᠤᠴᠢᠬᠠᠭᠠᠤᠨ ᠪᠢᠳᠠ ᠦᠷᠭᠦᠯᠵᠢᠯᠡᠨ ᠠᠶᠠᠨ ᠶᠢᠡᠨ ᠭᠦᠭᠡᠭᠡᠯᠡ᠃ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤ᠂ ᠠᠪᠠᠭᠠ ᠬᠤᠰᠢᠭᠤᠨ ᠤ ᠳᠤᠰᠤᠨ ᠨᠤᠭᠤᠭᠠᠨ ᠭᠦᠳᠡᠭᠡ ᠪᠠᠷ ᠬᠠᠷᠠᠭᠠ ᠪᠠᠨ ᠪᠠᠯᠴᠢᠭᠡᠨ ᠳᠤᠷᠭᠠᠨ ᠴᠠᠭᠠᠨ ᠰᠠᠯᠭᠢ ᠪᠠᠷ ᠨᠢ ᠥᠨᠦᠰᠦᠭᠦᠯᠵᠤ ᠴᠤᠬᠤᠮ ᠴᠤ ᠵᠢᠷᠭᠠᠯ ᠤᠨ ᠳᠡᠭᠡᠳᠤ ᠶᠢ ᠡᠳ᠋ᠯᠡᠵᠤ ᠶᠠᠪᠣᠭᠰᠠᠨ ᠡ᠃ ᠡ᠊ᠨᠳᠡᠭᠢ ᠶᠢᠨ ᠮᠠᠯᠴᠢᠳ ᠤᠨ ᠪᠠᠯᠴᠢᠭᠡᠷ ᠨᠢ ᠬᠤᠰᠢᠭᠤᠨ ᠲᠥᠪ ᠲᠡᠶ ᠪᠠᠨ ᠪᠠᠷᠤᠭ ᠵᠠᠯᠭᠠᠭᠠ ᠲᠡᠶ᠃ ᠳᠡᠭᠡᠭᠡᠳ ᠬᠤᠰᠢᠭᠤᠨ ᠲᠥᠪ ᠤᠨ ᠬᠠᠵᠠᠭᠤ ᠬᠠᠪᠢ ᠪᠠᠷ ᠳᠠᠷᠢᠶᠠᠯᠠᠩ ᠳᠠᠮᠠᠢ ᠦᠵᠡᠭ᠍ᠳᠡᠭᠦ ᠦᠭᠡᠶ ᠪᠣᠶᠤ ᠳᠤᠩ ᠪᠠᠭᠠ ᠪᠠᠢ᠌ᠨᠠ᠃ ᠶᠠᠩᠵᠤ ᠶᠢᠨ ᠬᠤᠭ ᠨᠤᠪᠰᠢ ᠡ᠊ᠨᠳᠡ ᠳᠠᠠᠳᠠ ᠪᠣᠳᠠᠷᠠᠬᠤ ᠦᠭᠡᠶ ᠴᠠᠪᠠᠷ ᠴᠡᠮᠴᠢᠭᠡᠷ᠃ ᠬᠤᠳᠠ ᠪᠠᠯᠭᠠᠤᠨ ᠤᠨ ᠵᠠᠬᠠ ᠪᠠᠷ ᠥᠩᠭᠡᠷᠡᠭᠦ ᠳᠤ ᠳᠤᠯᠭᠠ ᠭᠡᠯᠪᠠᠷᠢ ᠲᠡᠶ ᠠᠰᠠᠷ᠂ ᠭᠡᠷ ᠤᠨ ᠶᠠᠩᠵᠤ ᠲᠡᠶ ᠪᠠᠷᠢᠯᠭᠠ᠂ ᠭᠡᠢ᠌ᠮᠦᠷᠢ ᠰᠦᠯᠳᠡ ᠶᠢᠨ ᠳᠤᠭ ᠨᠢ ᠪᠠᠭᠤᠭᠠᠤᠨ ᠥᠡᠵᠢᠭᠡᠳ ᠶᠠᠪᠣ ᠭᠡᠭᠦ ᠰᠢᠭ᠌ ᠰᠡᠳᠭᠢᠯ ᠳᠤ ᠳᠠᠯᠠᠯᠤᠨ ᠬᠤᠴᠤᠷᠤᠨᠠ᠃ ᠢᠯᠠᠩᠭ᠋ᠤᠶᠠ ᠠᠭᠤᠯᠠ ᠶᠢᠨ ᠨᠢᠭᠤᠷ᠂ ᠰᠢᠯᠢ ᠶᠢᠨ ᠣᠷᠤᠢ ᠳᠡᠭᠡᠷᠡ ᠪᠣᠰᠤᠭᠠ ᠮᠤᠩᠭ᠋ᠤᠯ ᠦᠰᠦᠭ᠌ ᠶᠢᠡᠨ ᠳᠠᠳᠠᠯᠠᠨ ᠰᠡᠢ᠌ᠯᠦᠭ᠍ᠰᠡᠨ ᠨᠢ ᠪᠠᠬᠠᠷᠬᠠᠭᠤᠰᠢᠳᠠᠢ ᠪᠦᠭᠡᠳ ᠣᠠᠴᠠᠯᠢᠭ ᠲᠡᠶ᠃ ᠨᠤᠳᠤᠭ ᠤᠨ ᠠᠮᠢᠳᠤ ᠳᠠᠮᠠᠭᠠ ᠭᠡᠵᠤ ᠯᠠ ᠡᠭᠦᠨ ᠢ ᠭᠡᠯᠡᠭᠦ ᠪᠠᠢ᠌ᠬᠠ᠃ ᠳᠡᠷᠭᠡᠨ ᠳᠡᠭᠡᠷᠡ 《ᠴᠢᠩᠭᠢᠰ ᠬᠠᠭᠠᠨ》 ᠊ᠤ ᠦᠷᠭᠦᠯᠵᠢᠯᠡᠭ᠍ᠰᠡᠨ ᠳᠸᠯᠸᠢᠰ ᠵᠥᠴᠦᠭᠡ ᠶᠢ ᠳᠠᠯᠪᠢᠨ ᠶᠠᠪᠣᠨᠠ᠃ ᠬᠠᠷᠠᠭᠠ ᠰᠠᠨᠠᠭᠠ ᠮᠢᠨᠢ ᠬᠤᠶᠠᠷ ᠳᠠᠰᠢ ᠬᠤᠪᠢᠶᠠᠭᠳᠠᠨ ᠵᠠᠪ ᠦᠭᠡᠶ ᠶᠠᠭᠠᠷᠠᠪᠠᠴᠤ ᠰᠡᠳᠭᠢᠯ ᠨᠢᠭᠡ ᠯᠠ ᠳᠦᠭᠦᠷᠡᠩ ︕ ᠮᠤᠩᠭ᠋ᠤᠯ ᠶᠢᠡᠷ ᠶᠢᠡᠨ ᠨᠠᠷᠭᠢᠨ ᠮᠤᠩᠭ᠋ᠤᠯ ᠶᠢᠡᠷ ᠶᠢᠡᠨ ᠰᠠᠳᠭᠢᠵᠤ᠂ ᠮᠤᠩᠭ᠋ᠤᠯ ᠶᠢᠡᠷ ᠶᠢᠡᠨ ᠰᠤᠭᠳᠤᠨ ᠮᠤᠩᠭ᠋ᠤᠯ ᠶᠢᠡᠷ ᠶᠢᠡᠨ ᠪᠠᠶᠠᠰᠴᠤ᠂ ᠮᠤᠩᠭ᠋ᠤᠯ ᠶᠢᠡᠷ ᠶᠢᠡᠨ ᠢᠰᠭᠢᠷᠤᠨ ᠶᠠᠪᠣᠭᠰᠠᠨ ᠠᠯᠳᠠᠨ ᠬᠤᠷᠤᠮᠬᠠᠨ ᠶᠠᠭᠤᠳᠠᠢ ᠠᠵᠠᠳᠠᠢ᠃
ᠰᠢᠯᠢ ᠶᠢᠨ ᠨᠤᠭᠤᠭᠠᠨ ᠭᠦᠳᠡᠭᠡ ᠪᠠᠷ ᠨᠢ ᠰᠤᠨᠤᠳᠠᠯᠠ ᠳᠠᠪᠭᠢᠵᠤ ᠪᠠᠢ᠌ᠭᠠᠤᠨ ᠣᠷᠤᠢ ᠶᠢᠨ 6 ᠴᠠᠭ ᠥᠩᠭᠡᠷᠡᠭᠦ ᠳᠤ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤᠨ ᠤ ᠲᠥᠪ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠯᠭᠠᠷᠭᠤᠤᠯ ᠪᠠᠯᠭᠠᠰᠤᠨ ᠳᠤ ᠢᠷᠠᠵᠤ ᠳᠦᠷᠦᠭᠡ ᠮᠦᠯᠲᠤᠯᠠᠯᠠ᠃ ᠵᠠᠮ ᠬᠤᠯᠠ ᠴᠤ ᠨᠤᠳᠤᠭ ᠤᠨ ᠰᠠᠢ᠌ᠬᠠᠨ ᠳᠤ ᠰᠡᠳᠭᠢᠯ ᠰᠠᠭᠠᠳᠠᠨ ᠶᠠᠪᠣᠭᠰᠠᠭᠠᠷ ᠵᠢᠭᠠᠬᠠᠨ ᠴᠤ ᠶᠠᠳᠠᠷᠠᠭᠰᠠᠨ ᠦᠭᠡᠶ᠃ ᠪᠠᠯᠭᠠᠷᠭᠤᠤᠯ ᠪᠠᠯᠭᠠᠰᠤ ᠶᠢᠨ ᠳᠡᠭ᠍ᠷᠢ ᠨᠢ ᠴᠡᠯᠮᠡᠭ᠌᠂ ᠠᠭᠠᠷ ᠠᠮᠢᠰᠬᠤᠯ ᠨᠢ ᠴᠠᠪᠠᠷ᠂ ᠵᠠᠮ ᠵᠡᠭᠡᠯᠢ ᠨᠢ ᠦᠷᠭᠡᠨ᠂ ᠣᠢ ᠮᠤᠳᠤ ᠪᠠᠷ ᠡᠯᠪᠠᠭ᠌ ᠵᠤᠵᠠᠭᠠᠨ ᠰᠠᠢ᠌ᠬᠠᠨ ᠨᠤᠳᠤᠭ ᠪᠠᠢ᠌ᠨᠠ᠃ ᠪᠦᠭᠦ ᠳᠤᠯᠤᠭᠠᠨ ᠲᠦᠮᠡ ᠭᠠᠷᠤᠢ ᠭᠦᠮᠤᠨ ᠠᠮᠠ ᠲᠡᠶ ᠪᠦᠭᠡᠳ ᠮᠤᠩᠭ᠋ᠤᠯ ᠭᠦᠮᠤᠨ ᠶᠡᠭᠡ ᠬᠠᠭᠠᠰ ᠢ ᠨᠢ ᠡᠵᠡᠯᠡᠵᠤ ᠪᠣᠢ ᠭᠡᠨᠡ᠃ ᠬᠤᠰᠢᠭᠤ ᠵᠤᠴᠢᠳ ᠤᠨ ᠪᠠᠭᠤᠳᠠᠯ ᠨᠢ ᠴᠠᠪᠠᠷ ᠴᠡᠮᠴᠢᠭᠡᠷ ᠮᠦᠷᠳᠡᠭᠡᠨ ᠴᠤᠯᠤ ᠦᠨᠳᠦᠰᠦᠳᠠᠨ ᠤ ᠣᠠᠴᠠᠯᠢᠭ ᠲᠡᠶ ᠪᠠᠢ᠌ᠨᠠ᠃ ᠠᠰᠠᠷ ᠤᠨ ᠡᠭᠦᠳᠡ ᠪᠠᠷ ᠣᠷᠤᠬᠤ ᠲᠡᠶ ᠵᠡᠷᠭᠡ ᠭᠢᠮᠠᠯ ᠮᠤᠷᠢᠨ ᠡᠮᠡᠭᠡᠯ᠂ ᠪᠦᠳᠦᠭᠦᠨ ᠮᠤᠷᠢᠨ ᠬᠤᠭᠤᠷ ᠬᠠᠷᠠᠭᠠᠨ ᠳᠤ ᠳᠤᠳᠤᠷᠠᠭᠠᠤᠨ ᠰᠡᠳᠭᠢᠯ ᠳᠤ ᠠᠷᠭᠠ ᠦᠭᠡᠶ ᠬᠠᠯᠠᠭᠤᠬᠠᠨ᠃ ᠵᠠᠬᠠ ᠵᠡᠭᠡᠯᠢ᠂ ᠴᠡᠴᠡᠷᠯᠢᠭ᠌ ᠤᠨ ᠬᠠᠵᠠᠭᠤ ᠪᠠᠷ ᠮᠤᠳᠤᠨ ᠬᠠᠰᠠᠭ ᠳᠡᠷᠭᠡ ᠶᠢᠨ ᠭᠡᠯᠪᠠᠷᠢ ᠲᠡᠶ ᠰᠠᠠᠳᠠᠯᠢ᠂ ᠮᠤᠩᠭ᠋ᠤᠯ ᠪᠦᠭᠡ ᠶᠢᠨ ᠰᠠᠢ᠌ᠯᠤᠮᠠᠯ᠂ ᠠᠭᠳᠠ ᠭᠦᠯᠦᠭ᠌ ᠤᠨ ᠣᠷᠠᠯᠠᠯ᠂ ᠮᠤᠩᠭ᠋ᠤᠯ ᠭᠡ ᠣᠭᠠᠯᠵᠠ ᠶᠢ ᠪᠠᠢ᠌ᠷᠢ ᠪᠠᠢ᠌ᠷᠢᠨ ᠳᠤ ᠨᠢ ᠳᠤᠭᠢᠷᠠᠭᠤᠯᠤᠨ ᠳᠠᠯᠪᠢᠵᠠᠢ᠃ ᠡᠭᠦᠨ ᠡᠴᠡ ᠪᠢᠳᠠ ᠡᠨᠡ ᠨᠤᠳᠤᠭ ᠤᠨ ᠮᠤᠩᠭ᠋ᠤᠯᠴᠤᠳ ᠦᠨᠳᠦᠰᠦᠳᠠᠨ ᠤ ᠪᠠᠨ ᠰᠤᠶᠤᠯ ᠢ ᠭᠢᠷᠢ ᠵᠡᠷᠭᠡ ᠳᠡᠭᠡᠳᠦᠯᠡᠨ ᠰᠢᠳᠤᠵᠤ᠂ ᠬᠠᠢ᠌ᠷᠠᠯᠠᠨ ᠬᠠᠮᠠᠭᠠᠯᠠᠵᠤ᠂ ᠣᠬᠠᠭᠤᠯᠤᠨ ᠰᠤᠷᠳᠠᠯᠴᠢᠯᠠᠵᠤ ᠶᠠᠪᠣᠭᠠ ᠶᠢ ᠣᠢ᠌ᠯᠠᠭᠠᠵᠤ ᠪᠣᠯᠤᠨᠠ᠃
6 ᠰᠠᠷᠠ ᠶᠢᠨ 21 ᠊ᠤ ᠡᠳᠦᠷ ᠤᠨ ᠦᠳᠡ ᠶᠢᠨ ᠡᠮᠤᠨᠡ ᠮᠤᠩᠭ᠋ᠤᠯ ᠦᠨᠳᠦᠰᠦᠳᠠᠨ ᠤ ᠠᠯᠳᠠᠷᠳᠤ ᠰᠢᠯᠦᠭ᠍ᠴᠢ᠂ ᠨᠠᠷᠠᠳᠤ ᠣᠷᠴᠢᠭᠤᠯᠤᠭᠴᠢ᠂ ᠭᠠᠪᠢᠶᠠᠳᠤ ᠨᠠᠢ᠌ᠷᠠᠭᠤᠯᠤᠭᠴᠢ ᠪ᠊·ᠣᠰᠤᠷ ᠤᠨ ᠳᠠᠪᠤᠨ ᠪᠣᠳᠢ ᠨᠤᠮ ᠊᠊᠊᠊᠊᠊᠊᠊᠊᠊᠊᠊᠊᠊᠊ 《ᠪ᠊·ᠣᠰᠤᠷ ᠤᠨ ᠵᠤᠬᠢᠶᠠᠯ ᠤᠨ ᠴᠢᠭᠤᠯᠭᠠᠨ》 ᠊ᠢ ᠠᠩᠬᠠ ᠳᠠᠷᠬᠠᠭᠠᠬᠤ ᠶᠤᠰᠤᠯᠠᠯ ᠳᠡᠭᠦᠨ ᠤ ᠳᠦᠷᠦᠭ᠍ᠰᠡᠨ ᠨᠤᠳᠤᠭ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤᠨ ᠤ ᠪᠠᠯᠭᠠᠷᠭᠤᠤᠯ ᠪᠠᠯᠭᠠᠰᠤᠨ ᠤ ᠬᠤᠰᠢᠭᠤ ᠵᠤᠴᠢᠳ ᠤᠨ ᠪᠠᠭᠤᠳᠠᠯ ᠤᠨ ᠬᠤᠷᠠᠯ ᠤᠨ ᠳᠠᠩᠭᠢᠮ ᠳᠤ ᠶᠠᠪᠣᠭᠳᠠᠪᠠ᠃ ᠠᠯᠤᠰ ᠬᠤᠯᠠ ᠶᠢᠨ ᠨᠤᠳᠤᠭ ᠬᠦᠬᠡᠨᠠᠭᠤᠷ ᠤᠨ ᠥᠡᠳᠦᠷᠯᠢᠭ᠌ ᠡᠴᠡ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠳᠠᠯᠠ ᠨᠤᠳᠤᠭ ᠲᠤ ᠢᠷᠠᠵᠤ ᠡᠢ᠌ᠮᠦᠷᠭᠦᠤ ᠰᠤᠶᠤᠯ ᠤᠨ ᠠᠵᠢᠯᠯᠠᠭᠠ ᠳᠤ ᠣᠷᠤᠯᠴᠠᠭᠰᠠᠨ ᠨᠢ ᠳᠤᠩ ᠤᠳᠬᠠ ᠠᠭᠤᠯᠭᠠ ᠲᠡᠶ ᠣᠴᠢᠷ᠃ ᠶᠤᠰᠤᠯᠠᠯ ᠳᠤ ᠡᠷᠳᠡᠮᠳᠡᠨ ᠰᠡᠭᠡᠭᠡᠳᠡᠨ᠂ ᠳᠠᠷᠤᠭᠠ ᠣᠳᠤᠷᠢᠳᠤᠯᠭᠠ᠂ ᠪ᠊·ᠣᠰᠤᠷ ᠪᠠᠭᠰᠢ ᠶᠢᠨ ᠳᠦᠷᠤᠯ ᠰᠠᠳᠤᠨ᠂ ᠨᠤᠳᠤᠭ ᠤᠨ ᠭᠦᠮᠦᠰ ᠵᠢᠴᠢ ᠬᠤᠯᠠ ᠶᠢᠨ ᠵᠤᠴᠢᠨ 300 ᠭᠠᠷᠤᠢ ᠭᠦᠮᠤᠨ ᠣᠷᠤᠯᠴᠠᠵᠤ ᠮᠤᠩᠭ᠋ᠤᠯ ᠶᠢᠡᠷ ᠶᠢᠡᠨ ᠭᠤᠶᠤᠯᠠᠵᠤ᠂ ᠮᠤᠩᠭ᠋ᠤᠯ ᠭᠡᠯᠡ ᠪᠠᠷ ᠶᠠᠪᠣᠭᠳᠠᠭᠰᠠᠨ ᠰᠠᠢ᠌ᠬᠠᠨ ᠴᠤᠭᠯᠠᠭᠠᠨ ᠪᠣᠯᠤᠯᠠ᠃ ᠴᠤᠭᠯᠠᠭᠠᠨ ᠳᠡᠭᠡᠷᠡ ᠨᠤᠮ ᠮᠢᠯᠢᠶᠠᠬᠤ ᠢᠷᠦᠭᠡᠯ ᠢᠷᠦᠭᠡᠨ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠭᠤᠯᠵᠤ᠂ 《ᠦᠨᠢᠷ ᠴᠡᠴᠡᠭ᠌》 ᠰᠡᠳᠭᠦᠯ ᠤᠨ ᠬᠤᠷᠢᠶᠠᠨ ᠤ ᠶᠡᠷᠦᠩᠭᠡᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠨ·ᠦᠯᠵᠠᠢ᠌ᠪᠠᠳᠤ ᠪᠠᠭᠰᠢ ᠡᠴᠡ ᠪ᠊·ᠣᠰᠤᠷ ᠤᠨ ᠠᠮᠢᠳᠤᠷᠠᠯ᠂ ᠵᠤᠬᠢᠶᠠᠯ ᠪᠦᠳᠦᠭᠡᠯ ᠤᠨ ᠳᠤᠬᠠᠢ ᠨᠠᠷᠢᠨ ᠳᠠᠨᠢᠯᠴᠠᠭᠤᠯᠤᠨ ᠪ᠊·ᠣᠰᠤᠷ ᠤᠨ ᠵᠤᠬᠢᠶᠠᠭᠰᠠᠨ ᠳᠠᠭᠤᠤ ᠶᠢ ᠪᠦᠭᠦᠳᠡᠭᠡᠷ ᠶᠢᠡᠨ ᠪᠣᠰᠴᠤ ᠵᠤᠭᠰᠤᠭᠠᠤᠨ ᠬᠤᠭᠤᠯᠠᠢ ᠨᠡᠢ᠌ᠯᠡᠭᠦᠯᠤᠨ ᠳᠠᠭᠤᠯᠠᠭᠰᠠᠨ ᠠᠯᠳᠠᠨ ᠬᠤᠷᠤᠮ ᠰᠡᠳᠭᠢᠯ ᠳᠤ ᠬᠠᠳᠠᠭᠠᠯᠠᠭᠳᠠᠨ ᠬᠤᠴᠤᠷᠤᠯᠠ᠃ ᠵᠠᠯᠠᠭᠤ ᠨᠠᠰᠤ᠂ ᠣᠶᠤᠨ ᠣᠬᠠᠭᠠᠨ᠂ ᠠᠪᠢᠶᠠᠰ ᠪᠢᠯᠢᠭ᠌ ᠳᠠᠷᠠ ᠪᠦᠭᠦᠨ ᠶᠢᠡᠨ ᠦᠨᠳᠦᠰᠦᠳᠠᠨ ᠤ ᠰᠤᠶᠤᠯ ᠤᠨ ᠣᠢ᠌ᠯᠠᠰ ᠲᠤ ᠵᠤᠷᠢᠭᠤᠯᠤᠭᠰᠠᠨ ᠠᠬᠠᠮᠠᠤᠨ ᠪᠣᠭᠤᠷᠤᠯ ᠤᠨ ᠠᠯᠳᠠᠷ ᠭᠠᠪᠢᠶᠠ ᠶᠢ ᠳᠡᠦᠭᠡ ᠶᠢᠨ ᠬᠠᠭᠤᠳᠠᠰᠤᠨ ᠳᠤ ᠮᠥᠩᠭᠡ ᠳᠡᠮᠳᠡᠭᠯᠡᠵᠤ᠂ ᠭᠢᠵᠤ ᠪᠦᠳᠦᠭᠡᠭ᠍ᠰᠡᠨ ᠭᠦᠳᠡᠯᠮᠦᠷᠢ ᠵᠢᠳᠭᠦᠯ ᠶᠢᠡᠷ ᠶᠢᠡᠨ ᠭᠦᠰᠢᠶᠡ ᠳᠤᠷᠠᠰᠬᠠᠯ ᠪᠣᠰᠬᠠᠵᠤ ᠦᠭᠭᠦᠭ᠍ᠰᠡᠨ ᠡᠨᠡᠭᠦ ᠠᠷᠢᠭᠤᠨ ᠣᠢ᠌ᠯᠠ ᠨᠢ ᠣᠯᠠᠨ ᠤ ᠰᠡᠳᠭᠢᠯ ᠳᠤ ᠭᠦᠷᠦᠨᠡ ᠭᠡᠳᠡᠭ᠌ ᠲᠤ ᠢᠳᠡᠭᠡᠵᠤ ᠪᠠᠢ᠌ᠨᠠ᠃
6 ᠰᠠᠷᠠ ᠶᠢᠨ 21 ᠊ᠤ ᠡᠳᠦᠷ ᠤᠨ ᠦᠳᠡ ᠶᠢᠨ ᠬᠣᠢ᠌ᠨᠠ᠂ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤᠨ ᠤ ᠳᠤᠰᠤᠨ ᠨᠤᠭᠤᠭᠠᠨ ᠭᠦᠳᠡᠭᠡ ᠳᠡᠭᠡᠷᠡ ᠨᠢ᠋ᠮᠠᠨ ᠮᠤᠵᠢ ᠣᠷᠤᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ᠂ ᠳᠤᠮᠳᠠᠳᠤ ᠵᠡᠷᠭᠡ ᠶᠢᠨ ᠳᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠰᠤᠷᠭᠠᠭᠤᠯᠢ᠂ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢᠳ ᠤᠨ ᠮᠤᠩᠭ᠋ᠤᠯ ᠣᠷᠠᠨ ᠵᠤᠬᠢᠶᠠᠯ ᠤᠨ ᠳᠦᠷᠪᠠᠳᠦᠭᠡᠷ ᠣᠳᠠᠭᠠᠨ ᠤ 《ᠨᠢ᠋ᠮᠠᠨ ᠰᠢᠷᠭᠠ》 ᠶᠡᠭᠡ ᠣᠷᠤᠯᠳᠤᠭᠠᠨ ᠤ ᠱᠠᠩᠨᠠᠯ ᠣᠯᠭᠤᠬᠤ ᠶᠤᠰᠤᠯᠠᠯ ᠢ ᠭᠢᠪᠠ᠃ ᠨᠠᠭᠤᠷ ᠤᠨ ᠣᠰᠤ ᠰᠢᠭ ᠳᠡᠭ᠍ᠰᠢᠭᠡᠨ ᠳᠤᠰᠤᠨ ᠨᠤᠭᠤᠭᠠᠨ ᠭᠦᠳᠡᠭᠡ ᠳᠡᠭᠡᠷᠡ ᠵᠠᠳᠠᠭᠠᠢ ᠦᠷᠭᠡᠨ ᠳᠠᠢ᠌ᠰᠠ ᠵᠠᠰᠠᠭᠠᠤᠨ ᠬᠤᠶᠠᠷ ᠳᠠᠯᠠ ᠳᠤ ᠨᠢ ᠵᠢᠵᠢᠭ᠌ ᠮᠤᠩᠭ᠋ᠤᠯ ᠭᠡᠷ ᠪᠠᠷᠢᠵᠤ᠂ ᠠᠷᠤ ᠳᠠᠯᠠ ᠳᠤ ᠨᠢ ᠰᠢᠷᠭᠠ ᠵᠢᠰᠤᠮ ᠤᠨ ᠮᠤᠷᠢᠳ ᠶᠢᠡᠷ ᠭᠤᠤᠯᠳᠠᠭᠰᠠᠨ ᠠᠳᠤᠭᠤ ᠬᠠᠰᠢᠨ ᠪᠠᠯᠴᠢᠭᠡᠭ᠍ᠰᠡᠨ ᠨᠢ ᠴᠤᠬᠤᠮ ᠴᠤ ᠰᠠᠨᠠᠭᠠᠨ ᠳᠤ ᠳᠠᠭᠠᠷᠠᠨ ᠰᠡᠳᠭᠢᠯ ᠳᠤ ᠳᠠᠭᠠᠯᠠᠭᠳᠠᠯᠠ᠃ ᠵᠢᠭᠠᠬᠠᠨ ᠬᠠᠷᠠᠮᠰᠠᠯᠳᠠᠢ ᠨᠢ ᠦᠵᠡᠭ᠍ᠴᠢᠳ ᠳᠡᠩᠳᠡᠭᠦᠤ ᠴᠥᠭᠡᠭᠡᠨ ᠡ᠂ ᠪᠦᠭᠦ ᠣᠯᠤᠰ ᠤᠨ ᠭᠡᠪᠴᠢᠶᠡᠨ ᠤ ᠡᠢ᠌ᠮᠤ ᠳᠤᠮᠤ ᠰᠤᠶᠤᠯ ᠤᠨ ᠠᠵᠢᠯᠯᠠᠭᠠ ᠦᠷᠨᠢᠭᠦᠯᠵᠤ ᠪᠠᠢ᠌ᠬᠤ ᠳᠤ ᠣᠯᠠᠨ ᠦᠵᠡᠭ᠍ᠴᠢᠳ ᠲᠡᠶ ᠪᠠᠢ᠌ᠪᠠᠯ ᠨᠠᠩ ᠣᠤᠬᠠ ᠠᠭᠤᠯᠭᠠ ᠲᠡᠶ᠂ ᠣᠷᠢᠶᠠᠯᠠᠬᠤ ᠭᠦᠴᠤ ᠲᠡᠶ ᠪᠣᠯᠬᠤ ᠪᠢᠰᠢᠤ᠃ ᠭᠡᠪᠠᠴᠤ ᠦᠵᠡᠭ᠍ᠴᠢᠳ ᠴᠥᠭᠡᠭᠡᠨ ᠴᠤ ᠡᠯᠡ ᠭᠠᠵᠠᠷ ᠡᠴᠡ ᠮᠤᠷᠢᠯᠠᠵᠤ ᠢᠷᠡᠭ᠍ᠰᠡᠨ ᠨᠢ᠋ᠮᠠᠨ ᠮᠤᠵᠢ ᠣᠷᠤᠨ ᠤ ᠲᠦᠯᠦᠭᠡᠯᠡᠭ᠍ᠴᠢᠳ ᠪᠦᠭᠦᠳᠡ ᠪᠠᠢ᠌ᠭᠠ ᠳᠤ ᠪᠠᠰᠠ ᠣᠷᠮᠠᠰᠢᠮᠠᠷ᠃ ᠱᠠᠩᠨᠠᠯ ᠣᠯᠭᠤᠬᠤ ᠶᠤᠰᠤᠯᠠᠯ ᠤᠨ ᠬᠠᠵᠠᠭᠤ ᠪᠠᠷ ᠮᠤᠩᠭ᠋ᠤᠯ ᠬᠤᠪᠴᠠᠰᠤᠨ ᠦᠵᠡᠭᠦᠯᠦᠯᠭᠡ᠂ ᠳᠠᠭᠤᠤ ᠪᠦᠵᠢᠭ᠌᠂ ᠭᠦᠭᠡᠮᠡᠢ᠂ ᠮᠤᠷᠢᠨ ᠬᠤᠭᠤᠷ ᠤᠨ ᠳᠤᠭᠯᠠᠯᠳᠠ ᠭᠠᠷᠭᠠᠵᠤ᠂ ᠦᠵᠡᠭ᠍ᠴᠢᠳ ᠶᠢᠡᠨ ᠪᠠᠶᠠᠷᠯᠠᠭᠤᠯᠤᠨ ᠳᠡᠭ᠍ᠷᠢ ᠭᠠᠵᠠᠷ ᠶᠢᠡᠨ ᠪᠠᠶᠠᠰᠬᠠᠨ ᠮᠢᠯᠢᠶᠠᠪᠠ᠃ ᠨᠠᠩ ᠴᠤ ᠠᠬᠤᠢ ᠳᠠᠯᠠᠪᠠᠢ ᠳᠡᠭᠡᠷᠡ ᠣᠷᠤᠯᠳᠤᠭᠠᠨ ᠳᠤ ᠰᠢᠯᠭᠠᠷᠠᠭᠰᠠᠨ ᠨᠠᠢ᠌ᠷᠠᠭᠤᠯᠤᠯ ᠶᠢᠡᠨ ᠣᠶᠠᠩᠭ᠋ᠠᠯᠠᠬᠤ᠂ ᠣᠷᠠᠯᠢᠭ ᠦᠰᠦᠭ᠌ ᠳᠠᠳᠠᠯᠠᠬᠤ᠂ ᠵᠢᠷᠤᠭ ᠵᠢᠷᠤᠬᠤ ᠰᠢᠭᠤᠳ ᠦᠵᠡᠭᠦᠯᠦᠯᠭᠡ ᠭᠢᠭ᠍ᠰᠡᠨ ᠨᠢ ᠰᠤᠶᠤᠯ ᠶᠢᠡᠨ ᠣᠬᠠᠭᠤᠯᠬᠤ᠂ ᠰᠤᠷᠤᠭᠴᠢᠳ ᠶᠢᠡᠨ ᠣᠷᠮᠠᠰᠢᠭᠤᠯᠬᠤ᠂ ᠣᠷᠠ ᠠᠪᠢᠶᠠᠰ ᠶᠢᠡᠨ ᠭᠠᠢ᠌ᠬᠠᠭᠤᠯᠬᠤ ᠰᠠᠢ᠌ᠬᠠᠨ ᠠᠭᠤᠯᠭᠠ ᠪᠣᠯᠤᠭᠰᠠᠨ ᠪᠠᠢ᠌ᠨᠠ᠃ ᠱᠠᠩᠨᠠᠯ ᠣᠯᠭᠤᠬᠤ ᠶᠤᠰᠤᠯᠠᠯ ᠥᠡᠳᠦᠷᠯᠡᠭᠦ ᠳᠤ ᠪᠢ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤᠨ ᠤ ᠳᠸᠯᠸᠢᠰ ᠬᠤᠷᠢᠶᠠᠨ ᠤ ᠳᠦᠭᠦᠮ ᠰᠤᠷᠪᠣᠯᠵᠢᠯᠠᠭᠠ ᠶᠢ ᠭᠦᠯᠢᠶᠡᠯᠡ᠃ ᠰᠤᠷᠪᠣᠯᠵᠢᠯᠠᠭᠴᠢ ᠡᠴᠡ ᠨᠠᠮᠠ ᠶᠢ ᠡᠨᠡ ᠣᠳᠠᠭᠠᠨ ᠤ ᠱᠠᠩᠨᠠᠯ ᠣᠯᠭᠤᠬᠤ ᠶᠤᠰᠤᠯᠠᠯ ᠳᠤ ᠣᠷᠤᠯᠴᠠᠭᠰᠠᠨ ᠳᠦᠷᠦᠭ᠍ᠳᠡᠯ ᠶᠢᠡᠨ ᠶᠠᠷᠢᠭᠠᠤᠨ ᠦᠭᠭᠦᠨᠡ ᠦᠦ ᠭᠡᠭᠦᠯᠡᠷ ᠪᠢ ᠰᠢᠭᠤᠳ᠄ 《ᠮᠤᠩᠭ᠋ᠤᠯ ᠰᠤᠶᠤᠯ ᠮᠢᠨᠢ ᠨᠠᠮᠠ ᠶᠢ ᠭᠦᠳᠦᠯᠵᠤ ᠬᠦᠬᠡᠨᠠᠭᠤᠷ ᠤᠨ ᠥᠡᠳᠦᠷᠯᠢᠭ᠌ ᠡᠴᠡ ᠬᠦᠬᠡᠬᠤᠲᠠ ᠳᠤ ᠢᠷᠡᠭᠦᠯᠦᠯᠡ᠂ ᠬᠦᠬᠡᠬᠤᠲᠠ ᠡᠴᠡ ᠭᠦᠳᠦᠯᠤᠨ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤᠨ ᠤ ᠳᠤᠰᠤᠨ ᠨᠤᠭᠤᠭᠠᠨ ᠭᠦᠳᠡᠭᠡ ᠳᠡᠭᠡᠷᠡ ᠢᠷᠡᠭᠦᠯᠪᠡ᠃ ᠡ᠊ᠨᠳᠡ ᠢᠷᠡᠭᠡᠳ ᠪᠢ ᠣᠯᠠᠨ ᠠᠷᠪᠢᠨ ᠮᠤᠩᠭ᠋ᠤᠯ ᠰᠤᠶᠤᠯ ᠤᠨ ᠵᠢᠳᠭᠦᠯᠳᠡᠨ᠂ ᠡᠷᠳᠡᠮᠳᠡᠨ ᠪᠠᠭᠰᠢ ᠨᠡᠷ᠂ ᠨᠠᠢ᠌ᠷᠠᠭᠤᠯᠤᠭᠴᠢ ᠰᠡᠳᠭᠦᠯᠴᠢᠳ᠂ ᠳᠠᠷᠤᠭᠠ ᠣᠳᠤᠷᠢᠳᠤᠯᠭᠠ ᠨᠡᠷ ᠵᠢᠴᠢ ᠣᠷᠠᠨ ᠵᠤᠬᠢᠶᠠᠯ ᠤᠨ ᠠᠠᠳᠠ ᠨᠡᠷ ᠭᠢᠭᠡᠳ ᠰᠤᠶᠤᠯ ᠳᠤ ᠪᠠᠨ ᠬᠠᠢ᠌ᠷᠠᠳᠠᠢ ᠭᠦᠮᠦᠰ ᠲᠡᠶ ᠵᠤᠯᠭᠠᠨ ᠳᠠᠨᠢᠯᠴᠠᠯᠠ᠂ ᠮᠠᠰᠢ ᠳᠤᠭᠳᠤᠯᠵᠤ ᠪᠠᠢ᠌ᠭᠠ᠃ ᠮᠤᠩᠭ᠋ᠤᠯ ᠣᠷᠠᠨ ᠵᠤᠬᠢᠶᠠᠯ ᠤᠨ ᠳᠦᠷᠪᠠᠳᠦᠭᠡᠷ ᠣᠳᠠᠭᠠᠨ ᠤ 〈ᠨᠢ᠋ᠮᠠᠨ ᠰᠢᠷᠭᠠ〉 ᠶᠡᠭᠡ ᠣᠷᠤᠯᠳᠤᠭᠠᠨ ᠤ ᠱᠠᠩᠨᠠᠯ ᠣᠯᠭᠤᠬᠤ ᠶᠤᠰᠤᠯᠠᠯ ᠳᠤᠩ ᠠᠮᠵᠢᠯᠳᠠ ᠲᠡᠶ ᠶᠠᠪᠣᠭᠳᠠᠪᠠ᠃ ᠡᠭᠦᠨ ᠶᠢᠡᠷ ᠳᠠᠮᠵᠢᠨ ᠪᠢᠳᠠ ᠰᠤᠶᠤᠯ ᠶᠢᠡᠨ ᠨᠠᠩ ᠦᠷᠭᠡᠨ ᠭᠡᠪᠴᠢᠶᠡᠨ ᠳᠤ᠂ ᠨᠠᠩ ᠣᠯᠠᠨ ᠭᠦᠮᠦᠰ ᠲᠤ ᠣᠢ᠌ᠯᠠᠭᠠᠭᠤᠯᠵᠤ᠂ ᠳᠠᠨᠢᠭᠤᠯᠵᠤ᠂ ᠰᠤᠷᠳᠠᠯᠴᠢᠯᠠᠵᠤ ᠴᠢᠳᠠᠬᠤ ᠨᠢ ᠯᠠᠪᠳᠠᠢ᠃ ᠬᠠᠮᠢᠭᠠ ᠨᠢ ᠣᠴᠢᠭᠰᠠᠨ ᠴᠤ ᠦᠪᠣᠷ ᠮᠤᠩᠭ᠋ᠤᠯ ᠣᠷᠤᠨ ᠤ ᠰᠤᠶᠤᠯ ᠤᠨ ᠠᠭᠤᠷ ᠠᠮᠢᠰᠬᠤᠯ ᠳᠤᠩ ᠦᠳᠭᠡᠨ ᠪᠠᠢ᠌ᠨᠠ᠃ ᠨᠠᠷᠠᠨ ᠳᠤ ᠤᠢ᠌ᠷᠠᠬᠠᠨ ᠨᠤᠳᠤᠭ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠦᠬᠡᠨᠠᠭᠤᠷ ᠤᠨ ᠥᠡᠳᠦᠷᠯᠢᠭ᠌ ᠳᠡᠭᠡᠷᠡ ᠮᠤᠩᠭ᠋ᠤᠯ ᠭᠡᠯᠡ ᠰᠤᠶᠤᠯ ᠳᠤ ᠪᠠᠨ ᠶᠠᠰᠤᠨ ᠡᠴᠡ ᠪᠠᠨ ᠬᠠᠢ᠌ᠷᠠᠳᠠᠢ ᠴᠥᠭᠡᠨ ᠭᠡᠳᠦᠭᠡᠨ ᠮᠤᠩᠭ᠋ᠤᠯᠴᠤᠳ ᠠᠵᠤ ᠳᠦᠷᠤᠨ ᠠᠮᠢᠳᠤᠷᠠᠵᠤ ᠪᠠᠢ᠌ᠳᠠᠭ᠃ ᠪᠢ ᠪᠣᠴᠠᠵᠤ ᠬᠠᠷᠢᠭᠠᠤᠨ ᠡᠨᠡ ᠣᠳᠠᠭᠠᠨ ᠤ ᠰᠤᠶᠤᠯ ᠤᠨ ᠠᠵᠢᠯᠯᠠᠭᠠᠨ ᠤ ᠵᠤᠷᠢᠭ ᠰᠠᠨᠠᠭᠠ ᠶᠢ ᠳᠠᠳᠠᠨ ᠳᠤ ᠰᠠᠢ᠌ᠬᠠᠨ ᠣᠬᠠᠭᠤᠯᠤᠶᠠ ᠭᠡᠮᠡᠨ ᠪᠣᠳᠤᠵᠤ ᠪᠣᠢ》 ᠭᠡᠴᠢᠭᠡᠯᠡ᠃ ᠨᠢ᠋ᠮᠠᠨ ᠵᠥᠭ᠌ ᠤᠨ ᠮᠤᠩᠭ᠋ᠤᠯᠴᠤᠳ ᠳᠤᠰᠤᠨ ᠨᠤᠭᠤᠭᠠᠨ ᠭᠦᠳᠡᠭᠡ ᠳᠡᠭᠡᠷᠡ ᠪᠠᠨ ᠴᠤᠭᠯᠠᠷᠠᠨ ᠰᠤᠶᠤᠯ ᠶᠢᠡᠷ ᠶᠢᠡᠨ ᠪᠣᠷᠤᠭᠠᠯᠠᠭᠠᠤᠨ ᠥᠩᠭᠡᠷᠡᠭᠦ ᠳᠤ ᠳᠡᠭ᠍ᠷᠢ ᠭᠦᠷᠳᠡᠯᠡ ᠣᠶᠠᠷᠠᠨ ᠳᠤᠭᠳᠤᠯᠵᠤ ᠨᠢᠯᠪᠣᠰᠤ ᠣᠨᠠᠭᠠᠮᠠᠷ ᠪᠣᠯᠵᠤ ᠪᠠᠢ᠌ᠪᠠ᠃
6 ᠰᠠᠷᠠ ᠶᠢᠨ 22 ᠊ᠤᠨ ᠦᠷᠯᠦᠭᠡ ᠪᠢᠳᠠ ᠭᠤᠷᠪᠠ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤᠨ ᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠵᠤ ᠪᠠᠢ᠌ᠭᠠ ᠪᠠᠶᠠᠰᠬᠤᠯᠠᠩ ᠪᠠᠭᠰᠢ ᠶᠢᠨ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠡᠩᠭᠡ ᠪᠠᠭᠰᠢ ᠶᠢᠨ ᠳᠠᠭᠠᠭᠤᠯᠭᠠ ᠪᠠᠷ ᠳᠠᠳᠠᠨ ᠤ ᠰᠤᠷᠭᠠᠭᠤᠯᠢ ᠪᠠᠷ ᠡᠷᠭᠢᠨ ᠳᠤᠭᠤᠷᠢᠯᠠ᠃ ᠳᠤᠰ ᠰᠤᠷᠭᠠᠭᠤᠯᠢ 1000 ᠢᠯᠡᠭᠦᠤ ᠰᠤᠷᠤᠭᠴᠢ᠂ 120 ᠪᠠᠭᠰᠢ᠂ 30 ᠵᠢᠭᠠᠬᠤ ᠠᠩᠭᠢ ᠲᠡᠶ᠃ ᠰᠤᠷᠭᠠᠭᠤᠯᠢ ᠶᠢᠨ ᠣᠷᠴᠢᠨ ᠳᠤᠭᠤᠷᠢᠨ ᠴᠠᠪᠠᠷ ᠴᠡᠮᠴᠢᠭᠡᠷ᠂ ᠠᠭᠤᠳᠠᠮ ᠰᠠᠷᠠᠭᠤᠯ᠂ ᠦᠨᠳᠦᠰᠦᠳᠠᠨ ᠤ ᠣᠠᠴᠠᠯᠢᠭ ᠶᠢᠡᠨ ᠭᠡᠪ ᠶᠢᠡᠷ ᠨᠢ ᠬᠠᠳᠠᠭᠠᠯᠠᠭᠰᠠᠨ ᠭᠦᠭ᠍ᠵᠢᠯ ᠤᠨ ᠢᠷᠡᠭᠡᠳᠦᠢ ᠲᠡᠶ ᠰᠤᠷᠭᠠᠭᠤᠯᠢ ᠪᠠᠢ᠌ᠨᠠ᠃ ᠢᠯᠠᠩᠭ᠋ᠤᠶᠠ ᠮᠤᠩᠭ᠋ᠤᠯ ᠭᠡᠯᠡᠨ ᠤ ᠳᠠᠰᠤᠭ ᠨᠢ ᠳᠠᠰᠬᠠᠯ ᠭᠢᠯᠭᠡᠭᠦ ᠡᠴᠡ ᠡᠭᠢᠯᠡᠨ ᠰᠤᠷᠤᠭᠴᠢᠳ ᠤᠨ ᠪᠦᠭᠦ ᠳᠠᠯᠠ ᠶᠢᠨ ᠪᠣᠯᠪᠠᠰᠤᠷᠠᠯ ᠢ ᠴᠢᠩᠭ᠋ᠠ ᠠᠳᠬᠤᠵᠤ᠂ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠳᠤᠭᠳᠠᠭᠰᠠᠨ ᠬᠤᠭᠤᠴᠠᠭᠠ ᠲᠡᠶ ᠮᠤᠩᠭ᠋ᠤᠯ ᠭᠡᠯᠡᠨ ᠤ ᠰᠤᠨᠢᠨ ᠰᠡᠳᠭᠦᠯ ᠡᠷᠭᠢᠯᠡᠵᠤ ᠪᠠᠢ᠌ᠭᠠ ᠨᠢ ᠮᠠᠰᠢ ᠠᠯᠤᠰ ᠤᠨ ᠪᠣᠳᠤᠯᠭᠠ ᠲᠡᠶ ᠠᠵᠢᠯ ᠪᠠᠢ᠌ᠭᠠ᠃ ᠪᠢᠳᠠ ᠭᠢᠷᠢ ᠳᠡᠩᠴᠡᠭ᠍ᠰᠡᠨ ᠦᠨᠳᠦᠰᠦᠳᠠᠨ ᠤ ᠪᠠᠨ ᠵᠠᠯᠭᠠᠮᠵᠢ ᠬᠣᠢ᠌ᠴᠢᠰ ᠢ ᠭᠦᠮᠦᠵᠢᠭᠦᠯᠭᠦ ᠳᠤ ᠰᠠᠭᠤᠷᠢ ᠰᠤᠷᠭᠠᠨ ᠭᠦᠮᠦᠵᠢᠯ ᠡᠴᠡ ᠡᠭᠢᠯᠡᠨ ᠴᠢᠩᠭ᠋ᠠ ᠠᠳᠬᠤᠬᠤ ᠨᠢ ᠳᠠᠭᠠᠷᠠᠨᠠ᠃ ᠪᠠᠭᠰᠢ ᠪᠦᠭᠦᠨ ᠦᠪᠡᠷ ᠤᠨ ᠪᠠᠶᠠ ᠳᠤ ᠪᠠᠨ ᠨᠠᠷᠢᠨ ᠱᠠᠭᠠᠷᠳᠠᠯᠭᠠ ᠳᠠᠯᠪᠢᠵᠤ᠂ ᠦᠨᠳᠦᠰᠦᠳᠠᠨ ᠤ ᠪᠠᠨ ᠠᠯᠤᠰ ᠢᠷᠡᠭᠡᠳᠦᠢ ᠳᠤ ᠬᠠᠷᠢᠭᠤᠴᠠᠬᠤ ᠭᠡᠷᠡᠭ᠍ᠳᠡᠢ᠃ ᠬᠠᠷᠢᠨ ᠡᠭᠡ ᠭᠡᠯᠡᠨ ᠤ ᠪᠠᠨ ᠠᠴᠢ ᠪᠠᠷ ᠦᠪᠡᠷ ᠶᠢᠡᠨ ᠠᠪᠳᠠᠭ ᠶᠢᠡᠨ ᠠᠪᠴᠢᠬᠠᠭᠠᠤᠨ ᠣᠳᠤ ᠪᠣᠯᠤᠯᠠ ᠭᠡᠳ ᠬᠣᠢ᠌ᠰᠢ ᠰᠠᠭᠤᠬᠤ ᠳᠤ ᠭᠦᠷᠪᠠᠯ ᠡᠳ᠋ᠯᠡᠭ᠍ᠰᠡᠨ ᠪᠣᠶᠠᠨ ᠳᠤ ᠪᠠᠨ ᠬᠠᠬᠠᠵᠤ ᠮᠠᠳᠠᠨᠠ ᠰᠢᠤ ︕
ᠦᠳᠡ ᠶᠢᠨ ᠡᠮᠦᠨᠡ ᠶᠢᠨ 11 ᠴᠠᠭ ᠭᠠᠷᠤᠢ ᠳᠤ 《ᠦᠨᠢᠷ ᠴᠡᠴᠡᠭ᠌》 ᠰᠡᠳᠭᠦᠯ ᠤᠨ ᠭᠢᠨ ᠲᠡᠶ ᠬᠠᠮᠳᠤ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤᠨ ᠤ ᠨᠤᠳᠤᠭ ᠲᠤ ᠪᠠᠢ᠌ᠭᠠ ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠤᠯᠤ ᠬᠠᠢ᠌ᠷᠬᠠᠨ ᠵᠥᠭ᠌ ᠮᠤᠷᠳᠠᠯᠠ᠃ ᠵᠠᠮ ᠳᠤ ᠬᠠᠢ᠌ᠯᠠᠰᠤ ᠲᠡᠶ ᠰᠢᠯᠢ᠂ ᠬᠤᠰᠤ ᠮᠤᠳᠤ ᠲᠡᠶ ᠭᠦᠡᠳᠡᠢ᠂ ᠳᠤᠷᠭᠠᠨ ᠪᠠᠯᠴᠢᠭᠡᠷ᠂ ᠳᠤᠩᠭ᠋ᠠᠯᠠᠭ ᠭᠤᠤᠯ᠂ ᠴᠡᠴᠡᠭ᠌ ᠢᠳᠡᠭ᠍ᠰᠡᠨ ᠬᠤᠨᠢᠳ᠂ ᠴᠡᠮᠴᠢᠭᠡᠷ ᠴᠠᠭᠠᠨ ᠭᠡᠷ ᠤᠳ ᠬᠠᠷᠠᠭᠠᠨ ᠳᠤ ᠳᠤᠳᠤᠷᠠᠨ ᠰᠡᠳᠭᠢᠯ ᠳᠤ ᠪᠠᠭᠤᠭᠠᠤᠨ ᠨᠢᠭᠡ ᠯᠠ ᠠᠶᠠᠳᠠᠢ᠃ ᠴᠠᠭ ᠭᠠᠷᠤᠢ ᠳᠠᠪᠭᠢᠭᠠᠤᠨ ᠶᠤᠯᠤ ᠬᠠᠢ᠌ᠷᠬᠠᠨ ᠤ ᠬᠤᠷᠮᠤᠢ ᠳᠤ ᠪᠠᠭᠤᠪᠠ᠃ ᠦᠨᠳᠦᠷ ᠬᠠᠳᠠᠨ ᠳᠡᠭᠡᠷᠡ ᠪᠠᠢ᠌ᠭᠠ ᠶᠤᠯᠤ ᠶᠢᠨ ᠳᠦᠷᠰᠤ ᠲᠡᠶ ᠳᠤᠮᠤ ᠴᠢᠯᠠᠭᠤ ᠶᠠᠭ ᠨᠤᠳᠤᠭ ᠶᠢᠡᠨ ᠴᠠᠭᠳᠠᠭᠠ ᠪᠣᠭᠤᠷᠤᠯ ᠡᠪᠦᠭᠡᠨ ᠰᠢᠭ᠌ ᠰᠦᠷᠳᠠᠢ ᠬᠠᠷᠠᠭᠳᠠᠵᠤ ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠰᠥᠰᠦᠭ᠌ ᠪᠢᠰᠢᠷᠠᠯ ᠳᠦᠷᠦᠭᠦᠯᠤᠨᠡ᠃ ᠦᠵᠡᠭᠦ ᠳᠤ ᠭᠡᠳᠥᠢᠪᠠᠷ ᠡᠩ ᠤᠨ ᠨᠠᠮᠬᠠᠨ ᠬᠠᠢ᠌ᠷᠬᠠᠨ ᠪᠣᠯᠪᠠᠴᠤ ᠳᠡᠭᠡᠷᠡ ᠨᠢ ᠭᠠᠷᠴᠢᠬᠠᠪᠠᠯ ᠪᠦᠭᠦᠢᠯᠡ ᠨᠤᠳᠤᠭ ᠤᠨ ᠦᠵᠠᠮᠵᠢ ᠠᠯᠠᠭᠠᠨ ᠤ ᠵᠢᠷᠤᠭᠠᠰᠤ ᠰᠢᠭ ᠨᠢᠳᠤᠨ ᠳᠤ ᠪᠠᠭᠤᠨᠠ᠃ ᠳᠡᠭᠡᠭᠡᠳ ᠬᠤᠯᠠ ᠡᠴᠡ ᠪᠠᠷᠠᠯᠠᠬᠤ ᠳᠤ ᠶᠤᠯᠤ ᠰᠢᠪᠠᠭᠤᠨ ᠳᠤ ᠶᠡᠭᠡ ᠲᠦᠰᠳᠠᠢ ᠬᠠᠷᠠᠭᠳᠠᠳᠠᠭ ᠨᠢ ᠪᠠᠰᠠ ᠵᠢᠭ᠍ᠳᠡᠢ᠃ ᠶᠤᠯᠤ ᠬᠠᠢ᠌ᠷᠬᠠᠨ ᠤ ᠵᠡᠭᠦᠨ ᠳᠠᠯᠠ ᠨᠢ ᠨᠠᠢ᠌ᠳᠠᠮ ᠳᠤ ᠪᠠᠨ ᠵᠥᠯᠭᠡᠷᠭᠡᠭ᠌ ᠨᠠᠯᠠᠤ ᠭᠠᠵᠠᠷ ᠪᠠᠢ᠌ᠬᠤ ᠳᠤ ᠪᠠᠷᠠᠭᠤᠨ ᠳᠠᠯᠠ ᠨᠢ ᠬᠠᠷᠢᠨ ᠰᠥᠭᠡ ᠪᠠᠷ ᠴᠠᠪᠴᠢᠭᠰᠠᠨ ᠰᠢᠭ ᠡᠭ᠍ᠴᠡ ᠠᠰᠬᠠ ᠪᠠᠢ᠌ᠨᠠ᠃ ᠰᠤᠨᠤᠰᠬᠤᠯᠠᠷ ᠶᠤᠯᠤ ᠬᠠᠢ᠌ᠷᠬᠠᠨ ᠤ ᠬᠠᠭᠠᠰ ᠨᠢ ᠣᠩᠨᠢᠭᠤᠳ ᠬᠤᠰᠢᠭᠤᠨ ᠳᠤ ᠪᠠᠢ᠌ᠳᠠᠭ ᠭᠡᠨᠡ᠃ ᠡ᠊ᠨᠳᠡ ᠳᠤᠰᠬᠠᠢ ᠵᠤᠭᠠᠴᠠᠭᠰᠠᠤᠨ ᠲᠤ ᠵᠤᠷᠢᠭᠤᠯᠤᠭᠰᠠᠨ ᠶᠠᠰᠠᠮᠠᠯ (ᠵᠠᠰᠠᠮᠠᠯ) ᠭᠢᠮᠠᠯ ᠵᠣᠢ᠌ᠯ ᠨᠢᠭᠡ ᠴᠤ ᠦᠭᠡᠶ᠂ ᠪᠦᠭᠦᠢᠯᠡ ᠶᠠᠭᠤᠮᠠ ᠣᠩᠭ᠋ᠤᠨ ᠪᠠᠢ᠌ᠭᠠᠯᠢᠯᠢᠭ ᠣᠤᠭᠠᠯ ᠳᠦᠷᠭᠦ ᠪᠠᠷ ᠶᠢᠡᠨ ᠪᠠᠢ᠌ᠭᠠ ᠨᠢ ᠮᠢᠨᠤ ᠰᠡᠳᠭᠢᠯ ᠢ ᠪᠠᠶᠠᠰᠬᠠᠯᠠ᠃ ᠶᠠᠷᠤᠨᠢ ᠮᠤᠩᠭ᠋ᠤᠯ ᠨᠤᠳᠤᠭ ᠮᠢᠨᠢ ᠡᠪᠳᠡᠭ᠍ᠳᠡᠭᠡ ᠦᠭᠡᠶ ᠡᠷᠡᠭᠦᠯ ᠪᠦᠳᠤᠨ ᠶᠢᠡᠷ ᠶᠢᠡᠨ ᠪᠠᠢ᠌ᠭᠰᠠᠨ ᠴᠠᠭ ᠲᠤ ᠳᠠᠷᠠ ᠶᠠᠩᠵᠤ ᠪᠠᠷ ᠶᠢᠡᠨ ᠪᠦᠷ ᠪᠠᠢ᠌ᠭᠠᠯᠢ ᠡᠭᠡ ᠡᠴᠡ ᠬᠠᠢ᠌ᠷᠠᠯᠠᠭᠰᠠᠨ ᠪᠠᠢ᠌ᠭᠠᠯᠢᠯᠢᠭ ᠵᠤᠭᠠᠴᠠᠯ ᠤᠨ ᠭᠠᠵᠠᠷ᠂ ᠳ᠋ᠸᠪᠠᠵᠠᠨ ᠤ ᠣᠷᠤᠨ ᠭᠡᠵᠤ ᠮᠠᠳᠠ ᠡ ︕
ᠪᠣᠴᠠᠬᠤ ᠵᠠᠮ ᠳᠤ ᠪᠠᠨ ᠪᠦᠭᠦᠳᠡᠭᠡᠷ ᠶᠢᠡᠨ ᠳᠤᠰᠤᠨ ᠨᠤᠭᠤᠭᠠᠨ ᠭᠦᠳᠡᠭᠡ ᠳᠡᠭᠡᠷᠡ ᠵᠡᠷᠭᠡᠴᠡᠭᠦᠯᠤᠨ ᠪᠠᠷᠢᠭᠰᠠᠨ ᠵᠤᠭᠠᠴᠠᠯ ᠤᠨ ᠮᠤᠩᠭ᠋ᠤᠯ ᠭᠡᠷ ᠲᠤ ᠰᠠᠭᠠᠳᠠᠵᠤ᠂ ᠪᠢᠳᠠᠨ ᠳᠤ ᠵᠠᠮᠴᠢᠯᠠᠭᠠ ᠨᠤᠳᠤᠭ ᠤᠨ ᠭᠦᠮᠦᠰ ᠤᠨ ᠭᠦᠡᠳᠦᠳᠤ ᠳᠠᠢ᠌ᠯᠠᠯᠭᠠ ᠶᠢ ᠭᠦᠯᠢᠶᠡᠪᠡ᠃ ᠬᠠᠶᠠᠭᠠᠪᠴᠢ ᠪᠠᠨ ᠰᠢᠭᠤᠭᠰᠠᠨ ᠮᠤᠳᠤᠨ ᠮᠤᠩᠭ᠋ᠤᠯ ᠭᠡᠷ ᠲᠤ᠂ ᠭᠠᠵᠠᠷ ᠨᠠᠭᠠᠯᠳᠤᠭᠰᠠᠨ ᠳᠦᠷᠪᠠᠯᠵᠢᠨ ᠣᠷᠳᠤ ᠰᠢᠷᠡᠭᠡ ᠶᠢ ᠳᠤᠭᠤᠷᠢᠨ ᠰᠠᠭᠤᠭᠠᠤᠨ ᠨᠠᠢ᠌ᠷᠯᠠᠵᠤ ᠡᠭᠢᠯᠡᠭᠦ ᠳᠤ ᠠᠷᠢᠭᠢᠨ ᠳᠤ ᠪᠢᠰᠢ ᠠᠶᠠ ᠳᠠᠭᠤᠤ᠂ ᠵᠤᠴᠢᠠᠰᠠᠭ ᠵᠠᠩ᠂ ᠰᠡᠳᠭᠢᠯ ᠤᠨ ᠥᠭᠡᠨ ᠳᠤ ᠨᠢ ᠪᠠᠶᠠᠰᠤᠨ ᠰᠤᠭᠳᠤᠯᠠ᠃ 《ᠦᠨᠢᠷ ᠴᠡᠴᠡᠭ᠌》 ᠰᠡᠳᠭᠦᠯ ᠤᠨ ᠶᠡᠷᠦᠩᠭᠡᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠨ·ᠦᠯᠵᠠᠢ᠌ᠪᠠᠳᠤ ᠪᠠᠭᠰᠢ ᠴᠢᠷᠠᠢ ᠳᠡᠭᠡᠷᠡ ᠪᠠᠨ ᠪᠠᠶᠠᠷ ᠤᠨ ᠮᠦᠰᠢᠶᠠᠳᠤ ᠳᠤᠭᠯᠠᠭᠤᠯᠤᠨ ᠄ 《ᠠᠯᠤᠰ ᠡᠴᠡ ᠢᠷᠡᠭ᠍ᠰᠡᠨ ᠭᠤᠷᠪᠠᠨ ᠪᠠᠭᠰᠢ ᠪᠠᠨ ᠰᠠᠢ᠌ᠬᠠᠨ ᠬᠠᠷᠠᠭᠠᠯᠵᠠᠵᠤ᠂ ᠭᠦᠡᠳᠦᠯᠡᠨ ᠭᠦᠯᠢᠶᠡᠵᠤ ᠴᠢᠳᠠᠭᠰᠠᠨ ᠥᠭᠡᠢ》 ᠭᠡᠳ ᠬᠤᠠᠳᠠᠭᠠ ᠪᠠᠨ ᠡᠷᠭᠦᠭᠦ ᠳᠤ ᠪᠢ ᠭᠡᠴᠡᠭᠦᠤ ᠡᠪ ᠥᠭᠡᠢ᠌ᠳᠡᠪᠡ᠃ ᠦᠪᠡᠷ ᠤᠨ ᠪᠠᠶᠡᠯᠡᠭᠦᠯᠭᠦ ᠶᠤᠰᠤᠳᠠᠢ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠪᠠᠶᠡᠯᠡᠭᠦᠯᠵᠤ ᠶᠠᠪᠣᠭᠠ ᠯᠠ ᠳᠠᠳᠤᠢ ᠪᠢᠵᠠ᠂ ᠬᠠᠷᠢᠨ ᠰᠤᠶᠤᠯ ᠶᠢᠡᠷ ᠶᠢᠡᠨ ᠪᠠᠮᠪᠠᠢ ᠪᠣᠯᠭᠠᠨ ᠭᠦᠡᠳᠦᠳᠭᠡᠯ ᠬᠠᠷᠠᠭᠠᠯᠵᠠᠯ ᠢ ᠭᠦᠯᠢᠶᠡᠭᠦ ᠡᠷᠭᠡ ᠨᠠᠳᠠ ᠪᠠᠢ᠌ᠬᠤ ᠦᠭᠡᠶ᠃ ᠨ·ᠦᠯᠵᠠᠢ᠌ᠪᠠᠳᠤ ᠪᠠᠭᠰᠢ ᠡᠨᠡ ᠣᠳᠠᠭᠠᠨ ᠤ ᠱᠠᠩᠨᠠᠯ ᠣᠯᠭᠤᠬᠤ ᠶᠤᠰᠤᠯᠠᠯ ᠶᠢᠡᠨ ᠠᠮᠵᠢᠯᠳᠠ ᠲᠡᠶ ᠶᠠᠪᠣᠭᠳᠠᠭᠤᠯᠬᠤ ᠭᠡᠵᠤ ᠳᠤᠩ ᠶᠠᠭᠠᠷᠠᠭᠰᠠᠨ ᠢ ᠮᠠᠳᠠᠨᠡ᠃ ᠬᠠᠮᠢᠭᠠ ᠨᠢ ᠶᠤᠰᠤᠯᠠᠯ ᠳᠤ ᠣᠷᠤᠯᠴᠠᠭᠰᠠᠨ ᠳᠠᠷᠠ ᠪᠦᠭᠦᠨ ᠢ ᠬᠠᠷᠠᠭᠠᠯᠵᠠᠬᠤ ᠵᠠᠪ ᠪᠠᠢ᠌ᠬᠤ ᠪᠢᠯᠠ᠃ ᠦᠨᠦᠳᠤᠷ ᠮᠠᠨᠠᠢ᠌ᠭᠢᠰ ᠳᠤᠳᠤᠷᠠ ᠰᠤᠶᠤᠯ ᠶᠢᠡᠨ ᠡᠮᠦᠨᠡ ᠪᠠᠨ ᠪᠠᠷᠢᠨ ᠨᠢᠭᠡ ᠶᠠᠭᠤᠮᠠ ᠭᠢᠴᠢᠭᠡᠭᠡᠳ ᠬᠤᠭᠤᠰᠤᠨ ᠣᠩᠭᠢᠷᠠᠬᠤ ᠳᠤᠷᠠᠳᠠᠢ ᠭᠦᠮᠤᠨ ᠠᠷᠪᠢᠨ ᠪᠣᠢ᠃ ᠡᠳᠡᠭᠡᠷ ᠭᠦᠮᠦᠰ ᠦᠨᠡᠨ ᠰᠠᠨᠠᠭᠠᠨ ᠡᠴᠡ ᠪᠠᠨ ᠰᠤᠶᠤᠯ ᠳᠤ ᠪᠠᠨ ᠠᠰᠢᠭᠳᠠᠢ ᠠᠵᠢᠯ ᠭᠢᠵᠤ ᠪᠠᠢ᠌ᠬᠤ ᠪᠢᠰᠢ ᠬᠠᠷᠢᠨ ᠠᠰᠢᠭ ᠨᠠᠷᠠ ᠶᠢᠨ ᠬᠣᠢ᠌ᠨᠡ ᠡᠴᠡ ᠨᠢᠳᠤ ᠨᠢ ᠣᠯᠠᠢ᠌ᠬᠤ ᠳᠤ ᠪᠠᠨ ᠬᠠᠭᠤᠷᠮᠠᠭ ᠭᠡᠢ᠌ᠷᠭᠡᠵᠤ ᠪᠠᠢ᠌ᠭᠠ ᠨᠢ ᠳᠠᠷᠠ ︕ ᠳᠠᠢ᠌ᠯᠠᠯᠭᠠ ᠳᠡᠭᠡᠷᠡ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠳᠸᠯᠸᠢᠰ ᠬᠤᠷᠢᠶᠠᠨ ᠤ ᠳᠠᠳ᠋ ᠬᠤᠷᠢᠶᠠᠨ ᠳᠠᠷᠤᠭᠠ ᠡᠩᠭᠡᠪᠠᠶᠡᠷ ᠠᠬᠠ ᠲᠡᠶ ᠳᠠᠨᠢᠯᠴᠠᠯᠠ᠃ ᠳᠠᠷᠤᠭᠠ ᠭᠦᠮᠤᠨ ᠤ ᠶᠠᠩᠪᠠ ᠯᠠᠷᠵᠠ ᠭᠡᠵᠤ ᠵᠢᠭᠠᠬᠠᠨ ᠴᠤ ᠦᠭᠡᠶ ᠪᠦᠭᠡᠳ ᠭᠦᠮᠤᠨ ᠪᠣᠯᠭᠠᠨ ᠲᠡᠶ ᠡᠷᠡᠭᠡ ᠬᠤᠷᠢᠭᠠ ᠦᠭᠡᠶ ᠵᠠᠩ ᠶᠢᠡᠷ ᠨᠠᠭᠠᠳᠤᠨ ᠨᠠᠷᠭᠢᠵᠤ᠂ ᠳᠤᠭᠳᠤᠯᠬᠤ ᠳᠤ ᠪᠠᠨ 《ᠰᠠᠷᠠ ᠲᠡᠶ ᠰᠦᠨᠢ》 ᠪᠠᠨ ᠰᠠᠢ᠌ᠬᠠᠨ ᠬᠤᠭᠤᠯᠠᠢ ᠪᠠᠷ ᠬᠠᠩᠭᠢᠨᠠᠳᠠᠯᠠ ᠠᠪᠴᠢᠬᠠᠨᠠ᠃ ᠦᠪᠣᠷ ᠮᠤᠩᠭ᠋ᠤᠯ ᠳᠤ ᠡᠳᠡᠨᠡᠷ ᠰᠢᠭ᠌ ᠰᠤᠶᠤᠯ ᠶᠢᠡᠨ ᠬᠠᠢ᠌ᠷᠠᠯᠠᠳᠠᠭ᠂ ᠬᠠᠯᠠᠮᠵᠢᠯᠠᠳᠠᠭ᠂ ᠳᠡᠭᠡᠳᠦᠯᠡᠳᠡᠭ᠌ ᠡᠷᠳᠡᠮᠳᠡᠨ ᠰᠡᠭᠡᠭᠡᠳᠡᠨ᠂ ᠳᠠᠷᠤᠭᠠ ᠣᠳᠤᠷᠢᠳᠤᠯᠭᠠ᠂ ᠺᠠᠳ᠋ᠷ ᠠᠵᠢᠯᠳᠠᠨ᠂ ᠮᠠᠯᠴᠢᠨ ᠳᠠᠷᠢᠶᠠᠴᠢᠨ᠂ ᠰᠤᠶᠤᠯ ᠤᠨ ᠵᠢᠳᠭᠦᠯᠳᠡᠳ ᠪᠠᠢ᠌ᠭᠰᠠᠨ ᠡᠴᠡ ᠰᠤᠶᠤᠯ ᠤᠨ ᠪᠣᠷᠤᠭᠠ ᠪᠠᠷ ᠨᠤᠳᠤᠭ ᠨᠢ ᠭᠠᠩᠳᠠᠬᠤ ᠦᠭᠡᠶ ᠶᠠᠪᠣᠭᠠ ᠪᠠᠢ᠌ᠬᠠ ᠡ ︕
ᠣᠷᠤᠢ ᠨᠢ ᠦᠵᠤᠮᠤᠴᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠭᠡᠳᠤᠨ ᠪᠠᠭᠰᠢ ᠲᠡᠶ ᠰᠠᠢ᠌ᠨ ᠨᠢᠭᠡ ᠳᠤᠭᠯᠠᠭᠠᠤᠨ ᠠᠪᠣᠪᠠ᠃ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ᠂ ᠣᠢ᠌ᠯᠠᠰ ᠨᠢᠭᠡᠳᠡᠨ᠂ ᠰᠤᠶᠤᠯ ᠤᠨ ᠭᠦᠮᠦᠰ ᠬᠠᠮᠳᠤᠷᠠᠭᠠᠤᠨ ᠨᠠᠷᠭᠢᠬᠤ ᠭᠡᠭ᠍ᠴᠢ ᠰᠠᠢ᠌ᠬᠠᠨ ᠪᠠᠢ᠌ᠨᠠ᠃ ᠭᠡᠳᠥᠢᠪᠠᠷ ᠠᠩᠬᠠ ᠣᠴᠠᠷᠠᠭᠠ ᠪᠣᠯᠪᠠᠴᠤ ᠠᠯᠢ ᠭᠡᠵᠢᠶᠡᠨᠡᠢ ᠶᠢᠨ ᠳᠠᠨᠢᠯ ᠶᠤᠮ ᠰᠢᠭ ᠬᠤᠭᠤᠷᠤᠠᠳᠤ ᠪᠠᠨ ᠡᠷᠡᠭᠡ ᠵᠢᠷᠤᠭᠠ ᠦᠭᠡᠶ ᠨᠢᠭᠡ ᠨᠢᠭᠡ ᠪᠠᠨ ᠨᠠᠭᠠᠳᠤᠨ ᠭᠤᠤᠴᠢᠯᠠᠵᠤ ᠢᠨᠢᠶᠠᠯᠳᠤᠨ ᠭᠦᠭᠡᠷᠦᠯᠳᠦᠵᠡᠭᠡᠨᠡ᠃ ᠣᠳᠤᠮ ᠣᠭᠰᠠᠭᠠ᠂ ᠰᠤᠶᠤᠯ ᠤᠨ ᠡᠰ ᠭᠡᠳᠡᠭ᠌ ᠶᠠᠭᠤᠮᠠ ᠯᠠ ᠪᠢᠳᠠ ᠪᠦᠭᠦᠨ ᠤ ᠰᠡᠳᠭᠢᠯ ᠡᠴᠡ ᠣᠭᠤᠰᠤᠷᠯᠠᠵᠤ᠂ ᠵᠢᠷᠦᠭᠡ ᠵᠢᠷᠦᠭᠡ ᠪᠠᠷ ᠨᠢ ᠬᠤᠯᠪᠤᠨ ᠢᠵᠢᠯᠢᠰᠢᠭᠦᠯᠳᠡᠭ᠌ ᠪᠠᠢ᠌ᠵᠤ ᠳ᠋ᠠ᠃ ᠬᠠᠷᠠᠮᠰᠠᠯᠳᠠᠢ ᠨᠢ ᠬᠠᠮᠳᠤᠷᠠᠭᠠᠤᠨ ᠳᠤᠭᠯᠠᠭᠰᠠᠨ ᠴᠠᠭ ᠳᠠᠩᠴᠤ ᠣᠬᠤᠷᠬᠠᠨ ᠡ᠂ ᠪᠣᠯᠳᠠᠭ ᠶᠤᠮ ᠪᠣᠯ ᠳᠠᠷᠠ ᠣᠷᠤᠢ ᠴᠠᠭ ᠢ ᠪᠠᠷᠢᠭᠠᠤᠨ ᠣᠶᠠᠴᠢᠬᠠᠮᠠᠷ ᠰᠠᠨᠠᠭᠳᠠᠭᠰᠠᠨ᠃ ᠭᠡᠳᠡᠯᠡ ᠪᠣᠯᠳᠠᠭ ᠦᠭᠡᠶ ᠬᠣᠢ᠌ᠨᠠ ᠶᠠᠭᠠᠭᠢᠬᠤ ᠪᠢᠯᠠ ︖ ᠵᠥᠪᠭᠡᠨ ᠠᠭᠤᠯᠵᠠᠨ ᠳᠠᠨᠢᠯᠴᠠᠭᠰᠠᠨ ᠠᠯᠳᠠᠨ ᠮᠦᠴᠡ ᠪᠠᠨ ᠰᠡᠳᠭᠢᠯ ᠳᠤ ᠪᠠᠨ ᠠᠷᠬᠠᠯᠠᠴᠢᠬᠠᠭᠠᠤᠨ ᠪᠠᠭᠤᠳᠠᠯ ᠳᠤ ᠪᠠᠨ ᠪᠣᠴᠠᠯᠠ᠃ ᠠᠮᠢᠳᠤᠷᠠᠯ ᠳᠤ ᠵᠠᠷᠢᠮ ᠭᠦᠮᠤᠨ ᠲᠡᠶ ᠭᠡᠳᠦᠢ ᠴᠤ ᠣᠴᠠᠷᠠᠴᠢᠬᠠᠭᠠᠤᠨ ᠮᠠᠷᠳᠠᠴᠢᠬᠠᠬᠤ ᠣᠴᠢᠷ ᠣᠯᠠᠨ ᠪᠠᠢ᠌ᠬᠤ ᠳᠤ ᠬᠠᠷᠢᠨ ᠵᠠᠷᠢᠮ ᠭᠦᠮᠤᠨ ᠲᠡᠶ ᠭᠠᠭᠴᠠ ᠯᠠ ᠠᠭᠤᠯᠵᠠᠭᠠᠤᠨ ᠡᠭᠦᠷᠢᠳᠡ ᠳᠤᠷᠠᠰᠳᠠᠭ ᠨᠢ ᠰᠤᠨᠢᠨ ᠶᠤᠮ ᠪᠢᠯᠠ᠃
ᠰᠢᠯᠢ ᠶᠢᠨ ᠭᠤᠤᠯ ᠳᠤ ᠭᠦᠷᠦᠭᠡᠳ ᠪᠢ ᠳᠠᠯᠠ ᠭᠠᠳᠤᠯᠴᠢᠬᠠᠭᠠᠤᠨ ᠨᠤᠮ ᠭᠡᠪᠯᠡᠭᠦᠯᠤᠨ ᠳᠠᠷᠬᠠᠭᠠᠵᠤ ᠶᠠᠪᠣᠭᠠ ᠠᠵᠢᠯ ᠡᠴᠡ ᠪᠠᠨ ᠠᠮᠠᠷᠠᠭᠰᠠᠨ ᠺᠠᠳ᠋ᠷ ᠵᠢ᠊·ᠳᠤᠷᠵᠢ ᠭᠤᠸᠠᠢ ᠪᠣᠯᠤᠨ 《ᠨᠢ᠋ᠮᠠᠨ ᠰᠢᠷᠭᠠ》 ᠰᠤᠷᠤᠭᠴᠢᠳ ᠤᠨ ᠣᠷᠠᠨ ᠵᠤᠬᠢᠶᠠᠯ ᠤᠨ ᠣᠷᠤᠯᠳᠤᠭᠠᠨ ᠤ ᠱᠠᠩᠨᠠᠯ ᠭᠦᠷᠳᠡᠴᠢᠭᠡᠭᠡᠳ ᠣᠯᠵᠠ ᠣᠮᠤᠭ ᠲᠡᠶ ᠦᠰᠤᠷᠴᠤ ᠶᠠᠪᠣᠭᠠ ᠰᠤᠶᠤᠯ ᠳᠤ ᠪᠠᠨ ᠬᠠᠢ᠌ᠷᠠᠳᠠᠢ ᠣᠬᠠᠭᠠᠯᠢᠭ ᠭᠡᠦᠭᠡᠨ ᠢᠷᠭᠤᠢ ᠲᠡᠶ ᠳᠠᠨᠢᠯᠴᠠᠯᠠ᠃ ᠵᠢ᠊·ᠳᠤᠷᠵᠢ ᠭᠤᠸᠠᠢ 《ᠮᠢᠨᠤ ᠭᠦᠭᠡ ᠳᠡᠭ᠍ᠷᠢ》 ᠭᠡᠮᠡᠭᠦ ᠰᠢᠯᠦᠭ᠌ ᠤᠨ ᠨᠤᠮ ᠶᠢᠡᠨ ᠳᠡᠪᠠᠷᠢᠴᠢᠭᠡᠭᠡᠳ ᠬᠤᠯᠠ ᠶᠢᠨ ᠵᠤᠴᠢᠳ ᠲᠤ ᠪᠠᠯᠡᠭᠯᠡᠨ ᠳᠤᠷᠠᠰᠬᠠᠵᠤ ᠶᠠᠪᠣᠨᠠ᠃ ᠶᠠᠮᠠᠷ ᠭᠢᠳᠠᠯ ᠠᠯᠳᠠᠬᠤ ᠳᠤ ᠪᠠᠨ ᠭᠡᠢ᠌ᠷᠭᠡᠵᠤ ᠶᠠᠪᠣᠭᠠ ᠴᠤ ᠪᠢᠰᠢ ᠡ᠂ ᠬᠠᠷᠢᠨ ᠭᠡᠯᠡ ᠰᠤᠶᠤᠯ ᠶᠢᠡᠨ ᠭᠡᠰᠡᠨ ᠬᠠᠷᠢᠭᠤᠴᠠᠯᠭᠠᠳᠤ ᠰᠡᠳᠭᠢᠯ ᠨᠢ ᠳᠠᠷᠠ ᠭᠤᠸᠠᠢ ᠶᠢ ᠨᠠᠮ ᠪᠠᠢ᠌ᠯᠭᠠᠭᠰᠠᠨ ᠦᠭᠡᠶ ᠨᠢ ᠢᠯᠠ ᠪᠠᠢ᠌ᠨᠠ᠃ ᠨᠤᠳᠤᠭ ᠤᠨ ᠠᠮᠢᠳᠤ ᠭᠦᠭᠡ ᠠᠭᠤᠯᠠᠰ ᠪᠣᠯᠤᠭᠰᠠᠨ ᠵᠢ᠊·ᠳᠤᠷᠵᠢ ᠭᠤᠸᠠᠢ ᠰᠢᠭ ᠰᠤᠶᠤᠯ ᠳᠤ ᠪᠠᠨ ᠬᠠᠢ᠌ᠷᠠᠳᠠᠢ ᠪᠣᠭᠤᠷᠤᠯ ᠤᠳ ᠮᠢᠨᠢ ᠪᠦᠭᠦᠳᠡ ᠶᠠᠪᠣᠭᠠᠤᠨ ᠪᠠᠷᠠᠭᠳᠠᠴᠢᠬᠠᠪᠠᠯ ᠬᠣᠢ᠌ᠴᠢᠰ ᠡᠴᠡ ᠨᠢ ᠡᠢ᠌ᠮᠤ ᠭᠦᠮᠦᠰ ᠭᠠᠷᠴᠤ ᠴᠢᠳᠠᠨᠠ ᠦᠦ ᠦᠭᠡᠶ ᠦᠦ ᠭᠡᠳᠡᠭ᠌ ᠢ ᠪᠣᠳᠤᠬᠤ ᠳᠤ ᠬᠤᠭᠤᠯᠠᠢ ᠵᠥᠩᠳᠡᠭᠡᠨ ᠵᠠᠩᠭᠢᠷᠠᠭᠠᠤᠨ ᠢᠷᠡᠳᠡᠭ᠌ ᠨᠢ ᠭᠡᠴᠡᠭᠦᠤ ᠡ ︕ ᠭᠡᠪᠠᠴᠤ ᠰᠤᠶᠤᠯ ᠤᠨ ᠨᠠᠯᠭᠠᠷ ᠭᠦᠷᠦᠰᠤᠨ ᠡᠴᠡ ᠬᠠᠪᠣᠷ ᠤᠨ ᠢᠷᠭᠤᠢ ᠰᠢᠭ ᠨᠢᠳᠦᠯᠡᠭᠡ ᠣᠬᠠᠭᠠᠯᠢᠭ ᠭᠡᠦᠭᠡᠨ ᠢᠷᠭᠤᠢ ᠶᠢ ᠦᠵᠡᠭᠡᠳ ᠰᠡᠳᠭᠢᠯ ᠪᠠᠭᠠ ᠠᠭᠤᠵᠢᠷᠠᠯᠠ᠃ ᠳᠠᠷᠠ ᠮᠢᠨᠤ ᠨᠤᠮ ᠤᠨ ᠨᠠᠢ᠌ᠵᠠ ᠳᠤ ᠪᠠᠨ ᠨᠤᠮ ᠳᠤᠷᠠᠰᠬᠠᠵᠤ ᠰᠠᠭᠤᠭᠠ ᠶᠢ ᠦᠵᠡᠭᠡᠳ ᠡᠷᠭᠡ ᠢᠰᠢᠭᠡᠨ ᠰᠢᠭ᠌ ᠬᠠᠵᠠᠭᠤ ᠳᠤ ᠦᠰᠤᠷᠤᠨ ᠢᠷᠡᠭᠡᠳ ᠄ 《ᠪᠠᠭᠰᠢ ᠡ᠂ ᠨᠤᠮ ᠡᠴᠡ ᠪᠠᠨ ᠨᠠᠳᠠ ᠨᠢᠭᠡ ᠪᠠᠯᠡᠭᠯᠡᠨᠡ ᠦᠦ ︖》 ᠭᠡᠳ ᠭᠦᠭᠡᠷᠦᠭᠦᠨ ᠵᠤᠤᠮᠠᠯᠵᠠᠬᠤ ᠶᠤᠮ ᠪᠢᠯᠠ᠃ ᠨᠤᠮ ᠬᠤᠳᠠᠯᠳᠤᠭᠠᠤᠨ ᠠᠪᠬᠤ ᠶᠠᠭᠠᠮ (ᠭᠡᠷᠡᠭ᠌ ᠦᠭᠡᠶ) ᠡᠮᠦᠨᠡ ᠨᠢ ᠭᠦᠷᠭᠡᠭᠡᠳ ᠳᠠᠯᠪᠢᠬᠤ ᠳᠤ ᠣᠷᠤᠨ ᠳᠤ ᠨᠢ ᠣᠷᠭᠢᠴᠢᠬᠠᠭᠠᠤᠨ ᠭᠠᠷᠳᠠᠭ ᠪᠣᠯᠤᠭᠰᠠᠨ ᠦᠨᠦᠳᠤᠷ ᠭᠦᠮᠤᠨ ᠡᠴᠡ ᠨᠤᠮ ᠰᠤᠷᠠᠭᠠᠤᠨ ᠵᠤᠭᠰᠤᠵᠤ ᠪᠠᠢ᠌ᠭᠠ ᠡᠨᠡ ᠭᠦᠭᠡᠷᠦᠭᠦᠨ ᠭᠡᠦᠭᠡᠨ ᠢ ᠬᠠᠷᠠᠭᠠᠤᠨ ᠳᠤᠭᠳᠤᠯᠤᠭᠰᠠᠨ ᠶᠢᠡᠨ ᠡ᠊ᠨᠳᠡ ᠨᠢᠭᠤᠬᠤ ᠦᠭᠡᠶ᠃
6 ᠰᠠᠷᠠ ᠶᠢᠨ 23 ᠊ᠤ ᠦᠷᠯᠦᠭᠡ ᠣᠶᠤᠨ ᠤ ᠴᠠᠩᠭ᠋ᠠᠭᠠ ᠳᠠᠢ᠌ᠯᠤᠨ ᠰᠡᠳᠭᠢᠯ ᠤᠨ ᠴᠢᠯᠡᠭᠡ ᠭᠠᠷᠭᠠᠵᠤ᠂ ᠣᠯᠠᠨ ᠰᠠᠢ᠌ᠬᠠᠨ ᠳᠤᠷᠠᠳᠬᠠᠯ ᠮᠦᠷᠦᠭᠡᠳᠦᠯ ᠤᠨ ᠨᠤᠭᠤᠭᠠᠨ ᠪᠣᠳᠤᠭ ᠠᠰᠬᠠᠨ ᠬᠤᠴᠤᠷᠤᠭᠠᠭᠰᠠᠨ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤᠨ ᠡᠴᠡ ᠭᠠᠠᠵᠤᠭᠠ ᠳᠤᠰᠤ ᠲᠡᠶ ᠠᠶᠠᠷᠯᠠᠯᠠ᠃ ᠰᠤᠨᠤᠷ ᠰᠡᠳᠭᠢᠯ ᠬᠤᠶᠠᠷ ᠲᠤ 《ᠦᠵᠤᠮᠤᠴᠢᠨ ᠨᠤᠳᠤᠭ》 ᠭᠡᠰᠡᠨ ᠰᠠᠢ᠌ᠬᠠᠨ ᠳᠠᠭᠤᠤ ᠣᠳᠠᠳᠠᠯᠠ ᠬᠠᠩᠭᠢᠨᠠᠨ ᠪᠠᠢ᠌ᠭᠰᠠᠨ ᠡ᠂ ᠡᠨᠡ ᠳᠠᠭᠤᠤ ᠶᠢ ᠨᠤᠳᠤᠭ ᠲᠤ ᠨᠢ ᠢᠷᠡᠭᠡᠳ ᠰᠤᠨᠤᠰᠬᠤ ᠳᠤ ᠴᠢᠰᠤ ᠪᠠᠷ ᠳᠠᠮᠵᠢᠨ ᠵᠢᠷᠦᠭᠡᠨ ᠳᠤ ᠭᠦᠷᠳᠡᠯᠡ ᠳᠠᠭᠤᠷᠢᠰᠴᠤ ᠪᠠᠢ᠌ᠨᠠ᠃ ᠪᠣᠴᠠᠬᠤ ᠳᠤ ᠪᠠᠨ ᠪᠢᠳᠠ ᠭᠤᠷᠪᠠ ᠰᠢᠯᠢᠩᠬᠤᠳᠠ ᠪᠠᠷ ᠳᠠᠭᠠᠷᠢᠨ ᠰᠢᠭᠤᠳ ᠬᠦᠬᠡᠬᠤᠲᠠ ᠣᠷᠤᠬᠤ ᠪᠠᠷᠠᠭᠤᠨ ᠵᠠᠮ ᠢ ᠰᠤᠩᠭ᠋ᠤᠪᠠ᠃ ᠰᠠᠨᠠᠮᠰᠠᠷ ᠦᠭᠡᠶ ᠰᠢᠯᠢᠩᠬᠤᠳᠠ ᠶᠢᠨ ᠳᠡᠷᠭᠡᠨ ᠦᠷᠳᠡᠭᠡᠨ ᠤ ᠬᠤᠭᠤᠯᠠᠨ ᠭᠡᠷ ᠲᠤ ᠠᠷᠢᠭᠢᠳᠠᠵᠤ ᠰᠠᠭᠤᠭᠠ ᠭᠤᠷᠪᠠᠨ ᠮᠤᠩᠭ᠋ᠤᠯ ᠡᠪᠦᠭᠡᠨ ᠲᠡᠶ ᠳᠠᠭᠠᠷᠠᠯᠠ᠃ ᠮᠤᠩᠭ᠋ᠤᠯ ᠶᠢᠡᠷ ᠶᠢᠡᠨ ᠭᠡᠷᠡᠯᠳᠦᠵᠤ᠂ ᠮᠤᠩᠭ᠋ᠤᠯ ᠶᠢᠡᠷ ᠶᠢᠡᠨ ᠳᠠᠭᠤᠯᠠᠵᠠᠭᠠᠨ᠂ ᠮᠤᠩᠭ᠋ᠤᠯ ᠶᠢᠡᠷ ᠶᠢᠡᠨ ᠠᠭᠰᠤᠮᠨᠠᠨ ᠪᠠᠢ᠌ᠭᠠ ᠡᠳᠡ ᠭᠤᠷᠪᠠᠨ ᠡᠨᠡ ᠨᠤᠳᠤᠭ ᠤᠨ ᠵᠢᠩᠭᠢᠨᠢ ᠡᠵᠡᠨ ᠭᠡᠳᠡᠭ᠌ ᠶᠢᠡᠨ ᠭᠦᠮᠦᠰ ᠲᠤ ᠪᠠᠷᠳᠠᠮ ᠭᠡᠯᠡᠵᠤ ᠪᠠᠢ᠌ᠨᠠ᠃ ᠵᠦᠪ ᠳ᠋ᠠ᠂ ᠭᠦᠮᠤᠨ ᠤ ᠴᠢᠷᠠᠢ ᠬᠠᠷᠠᠨ ᠪᠦᠭᠦᠢᠵᠤ ᠠᠮᠢᠳᠤᠷᠠᠭᠰᠠᠨ ᠡᠴᠡ ᠦᠪᠡᠷ ᠤᠨ ᠬᠤᠭᠤᠯᠠᠢ ᠪᠠᠷ ᠶᠢᠡᠨ ᠳᠠᠭᠤᠯᠠᠵᠤ ᠪᠠᠢ᠌ᠭᠠᠤᠨ ᠭᠡᠳᠡᠢ᠌ᠵᠤ ᠥᠭᠦᠭ᠍ᠰᠡᠨ ᠨᠢ ᠳᠡᠭᠡᠷᠡ ᠡ᠃ ᠦᠨᠦᠳᠤᠷ ᠮᠠᠨᠠᠢ᠌ᠭᠢᠰ ᠲᠤ ᠬᠤᠯᠢᠮᠠᠭ ᠭᠡᠯᠡ ᠪᠠᠷ ᠱᠤᠤᠭᠢᠭᠤᠯᠳᠠᠭ ᠰᠤᠶᠤᠯ ᠤᠨ ᠪᠠᠷᠳᠠᠭᠴᠢᠳ ᠣᠯᠠᠰᠢᠷᠠᠵᠤ ᠪᠣᠢ᠃ ᠡᠢ᠌ᠮᠦᠷᠭᠦᠤ ᠰᠤᠶᠤᠯ ᠤᠨ ᠣᠬᠠᠮᠰᠠᠷ ᠦᠭᠡᠶ ᠰᠤᠶᠤᠯ ᠤᠨ ᠪᠠᠷᠳᠠᠭᠴᠢᠳ ᠣᠯᠠᠰᠢᠷᠠᠭᠰᠠᠨ ᠡᠴᠡ ᠮᠠᠨ ᠤ ᠭᠡᠯᠡ ᠰᠤᠶᠤᠯ ᠤᠨ ᠪᠣᠭᠢᠷᠳᠤᠯ ᠶᠠᠪᠣᠬᠤ ᠳᠤᠳᠤᠮ ᠭᠡᠴᠡᠭᠦᠳᠡᠵᠤ᠂ ᠨᠢᠳᠤᠨ ᠳᠤ ᠦᠯᠤ ᠦᠵᠡᠭ᠍ᠳᠡᠭᠦ ᠠᠶᠤᠯ ᠤᠨ ᠬᠠᠷᠠ ᠮᠠᠨᠠᠨ ᠪᠢᠳᠠᠨ ᠢ ᠪᠦᠷᠭᠦᠨ ᠢᠷᠠᠵᠤ ᠪᠠᠢ᠌ᠭᠠ᠃ ᠡᠨᠡᠭᠦ ᠠᠶᠤᠯ ᠡᠴᠡ ᠵᠠᠢ᠌ᠯᠠᠬᠤ ᠶᠢᠨ ᠲᠦᠯᠦᠭᠡ᠂ ᠦᠷᠡ ᠬᠣᠢ᠌ᠴᠢᠰ ᠲᠤ ᠪᠠᠨ ᠴᠠᠪᠠᠷ ᠰᠠᠢ᠌ᠬᠠᠨ ᠡᠭᠡ ᠭᠡᠯᠡᠨ ᠤ ᠣᠷᠴᠢᠨ ᠪᠣᠢ ᠪᠣᠯᠭᠠᠬᠤ ᠡᠭᠦᠳᠡᠨ ᠡᠴᠡ ᠮᠤᠩᠭ᠋ᠤᠯ ᠭᠦᠮᠤᠨ ᠪᠦᠭᠦᠨ ᠭᠡᠯᠡ ᠪᠠᠨ ᠠᠷᠢᠭᠤᠳᠬᠠᠬᠤ ᠭᠡᠷᠡᠭ᠍ᠳᠡᠢ ᠪᠣᠯᠵᠠᠢ᠃ ᠪᠠᠷᠠᠭᠤᠨ ᠵᠠᠮ ᠨᠢ ᠵᠡᠭᠦᠨ ᠵᠠᠮ ᠶᠢᠡᠨ ᠪᠣᠳᠤᠪᠠᠯ ᠮᠤᠳᠤᠯᠢᠭ ᠣᠷᠭᠤᠮᠠᠯ ᠠᠷᠪᠢᠨ ᠪᠦᠭᠡᠳ ᠡᠯᠡᠰᠦᠷᠭᠡᠭ᠌ ᠪᠠᠯᠴᠢᠭᠡᠷ ᠶᠡᠭᠡ ᠪᠠᠢ᠌ᠨᠠ᠃ ᠰᠠᠭᠤᠭᠰᠠᠨ ᠳᠡᠷᠭᠡ ᠬᠠᠭᠠᠰ ᠡᠳᠦᠷ ᠵᠢᠷᠢᠯᠵᠠᠳᠠᠯᠠ ᠳᠠᠪᠭᠢᠭᠠᠤᠨ ᠬᠦᠬᠡᠬᠤᠲᠠ ᠤᠢ᠌ᠷᠠᠳᠴᠤ ᠶᠠᠪᠣᠳᠠᠯᠠ ᠰᠠᠭᠤᠯᠠᠭᠠ ᠰᠠᠪᠠ ᠪᠠᠷ ᠴᠢᠳᠬᠤᠵᠤ ᠪᠠᠢ᠌ᠭᠠ ᠮᠠᠳᠤ ᠪᠠᠰᠠ ᠨᠢᠭᠡ ᠣᠳᠠᠭᠠᠨ ᠤ ᠰᠢᠷᠦᠭᠦᠨ ᠪᠣᠷᠤᠭᠠᠨ ᠳᠠᠭᠤ ᠱᠤᠤ ᠲᠡᠶ ᠱᠠᠭᠢᠭᠠᠤᠨ ᠥᠩᠭᠡᠷᠡᠯᠡ᠃ ᠭᠠᠷᠬᠤ ᠳᠤ ᠪᠣᠷᠤᠭᠠ ᠪᠠᠷ ᠶᠢᠡᠨ ᠥᠳᠡᠭᠡᠳ ᠢᠷᠡᠭᠦ ᠳᠤ ᠴᠤ ᠪᠣᠷᠤᠭᠠ ᠪᠠᠷ ᠶᠢᠡᠨ ᠣᠭᠳᠤᠭᠠᠤᠨ ᠠᠪᠳᠠᠭ ᠶᠠᠭᠠᠭᠢᠭᠰᠠᠨ ᠥᠭ᠍ᠭᠢᠶᠡᠮᠦᠷ ᠬᠤᠳᠠ ᠪᠣᠢ ᠭᠡᠵᠤ ᠵᠢᠷᠦᠭᠡᠨ ᠳᠤ ᠪᠠᠨ ᠰᠥᠰᠦᠭᠯᠡᠨ ᠵᠠᠯᠪᠠᠷᠢᠪᠠ᠃ ᠡᠨᠡ ᠯᠠᠪ ᠰᠤᠶᠤᠯ ᠤᠨ ᠭᠠᠩ ᠳᠠᠢ᠌ᠯᠤᠭᠳᠠᠬᠤ ᠪᠣᠷᠤᠭᠠᠨ ᠪᠠᠢ᠌ᠬᠠ ᠳ᠋ᠠ᠃ ᠮᠤᠩᠭ᠋ᠤᠯ ᠭᠦᠮᠤᠨ ᠳᠤ ᠨᠤᠳᠤᠭ ᠪᠣᠯᠤᠨ ᠰᠤᠶᠤᠯ ᠬᠤᠶᠠᠷ ᠨᠢ ᠠᠮᠢᠨ ᠬᠤᠯᠪᠣᠭᠠ ᠲᠡᠶ ᠪᠠᠢ᠌ᠳᠠᠭ ᠣᠴᠢᠷᠳᠠᠢ᠃ ᠰᠤᠶᠤᠯ ᠨᠢ ᠭᠠᠩᠳᠠᠬᠤ ᠦᠭᠡᠶ ᠪᠠᠢ᠌ᠭᠰᠠᠨ ᠴᠠᠭ ᠲᠤ ᠨᠤᠳᠤᠭ ᠨᠢ ᠴᠤ ᠭᠠᠩᠳᠠᠬᠤ ᠦᠭᠡᠶ ᠭᠡᠳᠡᠭ᠌ ᠢ ᠢᠳᠡᠭᠡᠵᠤ ᠶᠠᠪᠣᠭᠠᠷᠠᠢ ︕
6 ᠰᠠᠷᠠ ᠶᠢᠨ 24 ᠊ᠤ ᠡᠳᠦᠷ᠂ ᠨᠢᠭᠡ ᠡᠳᠦᠷ ᠬᠦᠬᠡᠬᠤᠲᠠ ᠳᠡᠭᠡᠷᠡ ᠦᠨᠵᠢᠨ ᠬᠤᠳᠠᠯᠳᠤᠭᠠ ᠵᠡᠭᠡᠯᠢ ᠪᠠᠷ ᠨᠢ ᠡᠷᠭᠢᠪᠡ᠃ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠥᠪᠠᠷᠳᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠤ ᠲᠥᠪ ᠪᠣᠯᠤᠭᠰᠠᠨ ᠬᠦᠬᠡᠬᠤᠲᠠ ᠳᠤᠮᠤ ᠪᠦᠭᠡᠳ ᠭᠦᠭ᠍ᠵᠢᠭ᠍ᠰᠡᠨ ᠨᠢ ᠰᠠᠢ᠌ᠬᠠᠨ ᠪᠠᠢ᠌ᠨᠠ᠃ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠵᠢᠴᠢ ᠡᠯᠳᠡᠪ ᠤᠨ ᠥᠢᠯᠡᠴᠢᠯᠡᠭᠡ ᠴᠤ ᠪᠦᠷᠢᠨ ᠪᠠᠢ᠌ᠨᠠ᠃ ᠪᠢ ᠭᠡᠷᠡᠭ᠌ ᠪᠣᠯᠵᠤ ᠭᠠᠯᠳᠤ ᠳᠡᠷᠭᠡᠨ ᠤ ᠦᠷᠳᠡᠭᠡᠨ ᠡᠴᠡ ᠤᠢ᠌ᠷᠠᠬᠠᠨ ᠪᠠᠢ᠌ᠭᠠ 《ᠦᠨᠳᠦᠰᠦᠳᠠᠨ ᠤ ᠬᠤᠳᠠᠯᠳᠤᠭᠠᠨ ᠤ ᠳᠠᠯᠠᠪᠣᠷ》 ᠲᠤ ᠭᠦᠷᠪᠡ᠃ ᠭᠡᠳᠡᠯᠡ ᠦᠨᠳᠦᠰᠦᠳᠠᠨ ᠤ ᠭᠡᠷᠡᠭ᠍ᠰᠡᠯ ᠭᠡᠵᠤ ᠪᠠᠷᠤᠭ ᠦᠭᠡᠶ ᠪᠦᠭᠡᠳ ᠮᠤᠩᠭ᠋ᠤᠯ ᠭᠦᠮᠤᠨ ᠨᠢᠭᠡ ᠴᠤ ᠬᠠᠷᠭᠤᠭᠰᠠᠨ ᠦᠭᠡᠶ ᠳᠤ ᠣᠷᠮᠠ ᠬᠤᠭᠤᠷᠠᠨ ᠭᠡᠳᠡᠷᠭᠦ ᠪᠣᠴᠠᠯᠠ᠃ ᠬᠦᠬᠡᠬᠤᠲᠠ ᠨᠠᠷᠠ ᠳᠡᠭᠡᠷᠡ ᠪᠠᠨ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠥᠪᠠᠷᠳᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠤ ᠲᠥᠪ ᠭᠡᠵᠤ ᠪᠠᠢ᠌ᠪᠠᠴᠤ ᠭᠦᠮᠤᠨ ᠠᠮᠠ ᠨᠢ ᠠᠬᠠ ᠦᠨᠳᠦᠰᠦᠳᠠᠨ ᠢ ᠬᠤᠯᠠ ᠭᠦᠷᠭᠦ ᠦᠭᠡᠶ ᠪᠣᠯᠵᠠᠢ᠃ ᠳᠡᠭᠡᠭᠡᠳ ᠬᠤᠳᠠ ᠶᠢᠨ ᠲᠥᠪ᠂ ᠭᠠᠯᠳᠤ ᠲ᠋ᠡᠷᠭᠡ ᠶᠢᠨ ᠦᠷᠳᠡᠭᠡ ᠬᠠᠮᠢᠭᠠ ᠨᠢ ᠴᠤ ᠭᠡᠰᠡᠨ ᠦᠨᠳᠦᠰᠦᠳᠠᠨ ᠤ ᠶᠠᠭᠤᠮᠠ ᠶᠢ ᠬᠤᠳᠠᠯᠳᠤᠵᠤ ᠪᠠᠢ᠌ᠭᠠ ᠶᠢᠨ ᠣᠯᠠᠩᠭᠢ ᠨᠢ ᠠᠬᠠ ᠦᠨᠳᠦᠰᠦᠳᠠᠨ ᠪᠠᠢ᠌ᠭᠠ᠃ ᠡᠭᠦᠨ ᠡᠴᠡ ᠦᠵᠡᠭᠦ ᠳᠤ ᠮᠤᠩᠭ᠋ᠤᠯᠴᠤᠳ ᠬᠤᠳᠠᠯᠳᠤᠭᠠ ᠠᠷᠠᠯᠵᠢᠶᠠ ᠭᠢᠵᠤ ᠨᠢᠭᠡ ᠮᠡᠳᠡᠭᠦ ᠦᠭᠡᠶ᠂ ᠬᠤᠶᠠᠷ ᠬᠡᠦᠬᠡᠳ ᠠᠪᠴᠤ ᠪᠠᠰᠠ ᠮᠡᠳᠡᠭᠦ ᠦᠭᠡᠶ ᠪᠠᠷ ᠶᠢᠡᠨ ᠭᠦᠮᠤᠨ ᠡᠴᠡ ᠬᠤᠴᠤᠷᠴᠤ ᠪᠠᠢ᠌ᠭᠠ ᠨᠢ ᠢᠯᠡᠭᠡᠨ ︕
6 ᠰᠠᠷᠠ ᠶᠢᠨ 25 ᠊ᠤ ᠡᠳᠦᠷ ᠤᠨ ᠦᠳᠡ ᠳᠤ ᠨᠤᠳᠤᠭ ᠵᠥᠭ᠌ ᠶᠢᠡᠨ ᠠᠮᠠᠭᠠᠢ ᠰᠤᠯᠠᠯᠠᠯᠠ᠃ ᠠᠵᠠ ᠳᠠᠭᠠᠷᠠᠵᠤ ᠵᠠᠶᠠᠭᠠ ᠭᠦᠶᠤᠨ ᠳᠦᠷᠪᠠᠳᠦᠭᠡᠷ ᠣᠳᠠᠭᠠᠨ ᠤ 《ᠨᠢ᠋ᠮᠠᠨ ᠰᠢᠷᠭᠠ》 ᠰᠤᠷᠤᠭᠴᠢᠳ ᠤᠨ ᠵᠤᠬᠢᠶᠠᠯ ᠤᠨ ᠣᠷᠤᠯᠳᠤᠭᠠᠨ ᠤ ᠱᠠᠩᠨᠠᠯ ᠣᠯᠭᠤᠬᠤ ᠶᠤᠰᠤᠯᠠᠯ ᠳᠤ ᠰᠠᠭᠠᠳᠠᠭᠠᠤᠨ ᠰᠤᠶᠤᠯ ᠤᠨ ᠪᠣᠷᠤᠭᠠᠨ ᠳᠤ ᠨᠢ ᠬᠠᠨᠤᠳᠠᠯᠠ ᠳᠠᠪᠳᠤᠵᠤ᠂ ᠣᠶᠤᠨ ᠶᠢᠡᠨ ᠣᠮᠳᠠᠯᠠᠨ ᠰᠡᠳᠭᠢᠯ ᠣᠩᠭ᠋ᠣᠢ᠌ᠪᠠ᠃ ᠮᠤᠩᠭ᠋ᠤᠯ ᠭᠡᠯᠡ ᠰᠤᠶᠤᠯ ᠮᠢᠨᠢ ᠭᠡᠳᠥᠢᠪᠠᠷ ᠴᠠᠭ ᠨᠡᠢ᠌ᠭᠡᠮ ᠤᠨ ᠦᠷᠢᠰᠦᠯᠳᠦᠭᠡᠨ ᠳᠤ ᠳᠠᠭᠠᠷᠢᠭᠳᠠᠨ ᠰᠤᠶᠤᠯ ᠤᠨ ᠳᠦᠷᠢᠯᠳᠠ ᠳᠤ ᠣᠴᠠᠷᠠᠭᠠ ᠪᠣᠯᠪᠠᠴᠤ ᠰᠤᠶᠤᠯ ᠤᠨ ᠭᠠᠩ ᠳᠠᠢ᠌ᠯᠬᠤ ᠪᠣᠷᠤᠭᠠᠨ ᠵᠢᠯ ᠵᠢᠯ ᠡᠴᠡ ᠶᠡᠭᠡᠰᠤᠨ ᠰᠢᠷᠦᠭᠦᠰᠭᠦ ᠶᠢᠨ ᠰᠤᠪᠢᠩ ᠢᠳᠡᠭᠡᠯ ᠳᠤ ᠴᠠᠭᠢᠯᠤᠨ ᠪᠠᠢ᠌ᠭᠰᠠᠨ ᠡ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠦᠬᠡᠨᠠᠭᠤᠷ ᠮᠤᠵᠢ ᠶᠢᠨ ᠣᠯᠠᠭᠠᠨ ᠰᠢᠶᠠᠨ ᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠯ·ᠣᠳᠤᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 63305
ᠴᠠᠭ᠄ 2014 ᠤᠨ ᠤ 02 ᠰᠠᠷᠠ ᠶᠢᠨ 17
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ