☆ ᠴᠢ᠊·ᠮᠠᠠᠳᠤᠯᠠ
ᠡᠷᠢᠭ᠍ᠳᠡᠯ ᠤᠨ ᠰᠠᠢ᠌ᠬᠠᠨ
ᠢᠳᠡᠭᠡᠯ ᠶᠢᠡᠷ ᠰᠡᠳᠭᠢᠯ ᠶᠢᠡᠨ ᠰᠦᠯᠠᠵᠤ᠂ ᠳᠤᠷᠠᠯᠠᠯ ᠶᠢᠡᠷ ᠳᠠᠭᠤᠤ ᠪᠠᠨ ᠨᠡᠷᠡᠭ᠍ᠰᠡᠨ ᠵᠤᠠᠰᠠᠭ ᠰᠠᠢ᠌ᠬᠠᠨ ᠵᠢᠷᠦᠭᠡᠨ ᠳᠠᠯᠠ ᠳᠤ ᠴᠡᠮᠴᠡᠭᠡᠷ ᠪᠠᠢ᠌ᠭᠠᠯᠢ ᠶᠢᠨ ᠰᠤᠳᠤᠨ ᠴᠡᠴᠡᠭ᠌ ᠭᠡᠮᠡᠷ ᠴᠡᠪᠠᠷᠭᠡᠨ ᠭᠡᠭᠡᠡᠴᠢᠷ ᠢᠨᠠᠭ ᠮᠢᠨᠢ ᠦᠯᠡᠮᠵᠢ ᠶᠢᠨ ᠨᠠᠢ᠌ᠷ ᠲᠡᠶ ᠦᠨᠢ ᠡᠷᠢᠭ᠍ᠳᠡᠨᠡ᠃
ᠳᠤᠷᠠᠨ ᠰᠢᠭ ᠬᠤᠶᠠᠷ ᠳᠤᠪᠴᠢᠨ ᠬᠠᠷᠠ ᠨᠢᠳᠤ ᠴᠢᠨᠢ ᠡᠷᠢᠭ᠍ᠳᠡᠨᠡ᠂ ᠳᠤᠭᠤᠷᠢᠮ ᠪᠦᠷᠢᠳᠤ ᠰᠢᠭ᠌ ᠣᠶᠠᠬᠠᠨ ᠭᠤᠪᠠᠢ ᠠᠭᠠᠯᠢ ᠴᠢᠨᠢ ᠡᠷᠢᠭ᠍ᠳᠡᠨᠡ᠃ ᠡᠳᠦᠷ ᠤᠨ ᠴᠠᠭᠠᠨ ᠪᠣᠳᠤᠯ ᠳᠤ ᠡᠷᠢᠭ᠍ᠳᠡᠨᠡ᠂ ᠥᠷᠭᠡᠯᠡᠭᠦ ᠰᠦᠨᠢ ᠶᠢᠨ ᠵᠡᠭᠦᠳᠤᠨ ᠳᠤ ᠡᠷᠢᠭ᠍ᠳᠡᠨᠡ᠃
ᠡᠷᠢᠭ᠍ᠳᠡᠯ ᠪᠣᠯ ᠥᠭ᠍ᠭᠢᠶᠡᠮᠦᠷ ᠬᠠᠢ᠌ᠷᠠ ᠶᠢᠨ ᠴᠤᠩᠬᠤᠨ ᠳᠤᠤᠷᠠ ᠴᠡᠩᠭᠡᠭ᠌ ᠠᠭᠠᠷ ᠠᠮᠢᠰᠬᠤᠨ ᠮᠦᠰᠢᠶᠠᠨ ᠳᠡᠯᠭᠡᠷᠡᠭ᠍ᠰᠡᠨ ᠨᠢᠭᠡᠨ ᠪᠣᠳᠠ ᠰᠤᠷᠭᠤᠭ ᠴᠡᠴᠡᠭ᠌᠃ ᠪᠠᠢ᠌ᠨ ᠪᠠᠢ᠌ᠨ ᠳᠤᠨᠤᠷᠠᠨ ᠮᠡᠯᠳᠡᠷᠡᠭᠦ ᠰᠢᠭᠦᠳᠡᠷᠢ ᠶᠢᠨ ᠪᠦᠮᠪᠦᠯᠢᠭ᠌ ᠲᠤ ᠮᠢᠩᠭ᠋ᠠᠨ ᠬᠠᠪᠣᠷ ᠤᠨ ᠵᠢᠷᠤᠭ ᠰᠤᠯᠤᠩᠭ᠋ᠠᠷᠠᠵᠤ ᠣᠯᠠᠷᠢᠯ ᠤᠨ ᠥᠩᠭᠡ ᠣᠶᠠᠩᠭ᠋ᠠ ᠶᠢᠨ ᠭᠦᠭ᠌ ᠲᠡᠶ ᠢᠳᠡᠭᠡᠰᠢᠨᠡ᠃
ᠪᠣᠷᠤᠭᠠᠠᠳᠤ ᠰᠦᠨᠢ ᠨᠣᠢ᠌ᠷ ᠬᠤᠯᠵᠢᠨ ᠪᠣᠳᠤᠯ ᠳᠠᠪᠳᠤᠵᠤ ᠴᠢᠮᠠ ᠶᠢ ᠥᠭᠡᠢ᠌ᠯᠡᠨᠡ᠂ ᠨᠠᠷᠠᠳᠤ ᠡᠳᠦᠷ ᠵᠢᠷᠦᠭᠡ ᠡᠮᠵᠡᠭᠯᠡᠨ ᠨᠠᠮᠤᠷ ᠤᠨ ᠨᠠᠪᠴᠢ ᠰᠢᠭ ᠭᠠᠩᠳᠠᠵᠤ ᠥᠭᠡᠢ᠌ᠯᠡᠨᠡ᠃ ᠥᠭᠡᠢ᠌ᠯᠡᠭᠦ ᠶᠢᠨ ᠵᠢᠷᠭᠠᠯ ᠳᠤ ᠬᠠᠢ᠌ᠯ ᠤᠨ ᠣᠰᠤ ᠰᠢᠭ ᠣᠷᠤᠰᠴᠤ ᠢᠷᠡᠭᠦ ᠳᠤᠷᠠᠰᠤᠯ ᠮᠥᠷᠦᠭᠡᠳᠦᠯ ᠤᠨ ᠵᠤᠵᠠᠭᠠᠨ ᠮᠠᠨᠠᠨ ᠨᠦᠮᠤᠷᠤᠨ ᠥᠶᠦᠭ᠍ᠭᠡᠨ ᠰᠡᠳᠭᠢᠯ ᠤᠨ ᠳᠤᠷᠭᠠᠨ ᠪᠠᠯᠴᠢᠭᠡᠷ ᠲᠤ ᠪᠠᠨ ᠥᠤᠷ ᠰᠦᠨᠢ ᠶᠢᠨ ᠴᠢᠮᠡᠭᠡ ᠴᠢᠩᠨᠠᠨ ᠵᠤᠭᠰᠤᠬᠤ ᠦᠨᠦᠴᠢᠷᠠᠯ ᠤᠨ ᠳᠠᠪᠢᠯᠠᠩ ᠭᠡᠴᠡᠭᠦᠤ᠃
ᠬᠤᠷᠸᠠ ᠶᠢᠨ ᠠᠭᠤᠳᠠᠮ ᠵᠠᠢ ᠳᠤ ᠬᠤᠩᠭ᠋ᠤᠷᠬᠠᠨ ᠪᠣᠯᠪᠠᠷᠠᠢ ᠬᠤᠶᠠᠷ ᠰᠡᠳᠭᠢᠯ ᠳᠤᠷᠠᠯᠠᠯ ᠤᠨ ᠨᠤᠭᠤᠭᠠᠨ ᠵᠤᠨ ᠡᠪᠦᠷᠯᠡᠵᠤ ᠪᠣᠴᠠᠬᠤ ᠭᠠᠯᠠᠭᠤᠳ ᠤᠨ ᠣᠶᠠᠬᠠᠨ ᠭᠠᠩᠭ᠋ᠠᠨᠠᠭᠠ ᠰᠢᠭ ᠰᠤᠷᠠᠭ ᠤᠨ ᠬᠤᠯᠠ ᠡᠴᠡ ᠡᠷᠭᠢᠨ ᠡᠷᠭᠢᠨ ᠡᠷᠢᠭ᠍ᠳᠡᠯ ᠳᠤᠤᠷᠯᠠᠨᠠ᠃ ᠡᠨᠡ ᠳᠡᠯᠡᠭᠡᠢ ᠳᠤ ᠡᠷᠢᠭ᠍ᠳᠡᠯ ᠥᠭᠡᠢ᠌ᠯᠡᠯ ᠤᠨ ᠪᠣᠷᠤ ᠬᠠᠩᠭ᠋ᠠᠢ ᠪᠠᠷ ᠡᠯᠢᠨ ᠬᠠᠯᠢᠬᠤ ᠴᠡᠩᠭᠡᠯ ᠪᠠᠶᠠᠰᠤᠯ ᠢ ᠥᠭᠡᠷᠡ ᠶᠠᠭᠤ ᠲᠡᠶ ᠵᠣᠢ᠌ᠷᠯᠠᠨᠠ ᠪᠢᠯᠠ︖
ᠵᠤᠬᠢᠶᠠᠭᠴᠢ᠄ ᠴᠢ᠊·ᠮᠠᠠᠳᠤᠯᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 6171
ᠴᠠᠭ᠄ 2009 ᠤᠨ ᠤ 08 ᠰᠠᠷᠠ ᠶᠢᠨ 19
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ