ᠮᠢᠨᠤ ᠪᠦᠰᠡᠭᠦᠢ

ᠪᠠᠯᠠᠷ ᠤᠨ ᠭᠦᠮᠤᠨ

ᠪᠢᠴᠢᠭ᠌ ᠤᠨ ᠮᠦᠷ ᠳᠠᠢ

ᠰᠤᠶᠤᠯᠳᠠᠨ ᠭᠦᠮᠤᠨ

ᠪᠠᠭᠰᠠᠢ ᠭᠠᠷᠤᠯ ᠳᠠᠢ

ᠭᠠᠪᠢᠶᠠᠳᠠᠨ ᠭᠦᠮᠤᠨ

ᠪᠦᠰᠡ ᠪᠠᠨ ᠳᠠᠷᠤᠭᠰᠠᠨ

ᠪᠣᠷᠤᠭᠵᠢᠭᠤᠨ ᠭᠦᠮᠤᠨ︕

ᠠᠯᠠᠭ᠎ᠠ ᠪᠠᠭᠳᠠᠬᠤ ᠥᠭᠡᠢ

ᠳᠦᠷᠢᠶᠠᠰᠤᠨ ᠭᠡᠷ ᠳᠤ

ᠦᠭᠡᠶ ᠪᠠᠨ ᠬᠤᠪᠢᠶᠠᠯᠴᠠᠵᠤ

ᠠᠢ᠌ᠯ ᠪᠣᠯᠤᠭᠰᠠᠨ ᠶᠤᠮ︕

ᠡᠮᠵᠡᠭ᠍ᠭᠡᠨ ᠬᠠᠢ᠌ᠷ᠎ᠠ ᠶᠢᠨ

ᠭᠦᠪᠠᠭᠡ ᠶᠢ ᠳᠠᠷᠤᠵᠤ

ᠭᠤᠯᠤᠮᠳᠠ ᠶᠢᠨ ᠴᠠᠭᠠᠨ

ᠭᠦᠤ ᠵᠠᠶᠠᠭᠠᠭᠰᠠᠨ ᠶᠤᠮ︕

ᠰᠤᠷᠭᠠᠭᠤᠯᠢ ᠭᠡᠷ ᠤᠨ ᠵᠠᠢ ᠳ᠋ᠤ

ᠰᠤᠨᠤ ᠠᠯᠬᠤᠭᠰᠠᠨ ᠮᠦᠷ ᠴᠢᠨᠢ ᠪᠣᠢ︕

ᠰᠦᠨᠢ ᠡᠳᠦᠷ ᠤᠨ

ᠣᠷᠤᠨ ᠵᠠᠢ ᠳ᠋ᠤ

ᠰᠦᠷᠡᠭᠡᠢ ᠵᠦᠳᠡᠷᠡᠯ᠎ᠠ

ᠪᠦᠰᠡᠭᠦᠢ ᠮᠢᠨᠢ︕

ᠦᠷ᠎ᠡ ᠪᠠᠨ ᠬᠠᠢ᠌ᠷᠠᠯᠠᠬᠤ ᠰᠢᠭ

ᠰᠤᠷᠤᠭᠴᠢ ᠪᠠᠨ ᠳᠤᠳᠤᠮᠳᠠᠵᠤ

ᠦᠷ ᠶᠢᠡᠷ ᠪᠣᠰᠴᠤ

ᠬᠠᠷᠠᠩᠭ᠋ᠤᠢ ᠪᠠᠷ ᠬᠠᠷᠢᠳᠠᠭ

ᠪᠠᠭᠰᠢ ᠭᠦᠮᠤᠨ

ᠴᠢ ᠯᠠ ᠪᠠᠢ᠌ᠭᠰᠠᠨ ᠢ

ᠭᠡᠨ ᠮᠡᠳᠡᠭᠦ ᠦᠭᠡᠶ ᠴᠤ

ᠪᠢ ᠮᠠᠳᠠᠨ᠎ᠠ︕

ᠡᠪᠦᠭᠡᠨ ᠨᠠᠰᠤᠳᠠᠨ

ᠡᠩᠭᠦᠷᠡᠢ ᠨᠢᠯᠬ᠎ᠠ ᠪᠠᠨ

ᠠᠷᠴᠢᠯᠠᠵᠤ ᠶᠠᠪᠣᠭᠰᠠᠨ

ᠭᠠᠪᠢᠶ᠎ᠠ ᠲᠡᠶ ᠭᠦᠮᠤᠨ

ᠠᠢ᠌ᠯ ᠰᠠᠭᠠᠬᠠᠯᠳᠠ ᠳᠠᠭᠠᠨ

ᠡᠶᠡᠯᠳᠡᠭ᠌ ᠶᠠᠪᠣᠯᠴᠠᠳᠠᠭ

ᠣᠠᠴᠠ ᠶᠢᠨ ᠰᠠᠢ᠌ᠬᠠᠨ

ᠠᠭᠠᠰᠢ ᠲᠡᠶ ᠪᠦᠰᠡᠭᠦᠢ︕

      2010.12.12

ᠵᠤᠬᠢᠶᠠᠭᠴᠢ ᠶᠢᠨ ᠬᠠ‍‌ᠶᠢᠭ ᠄ ᠣᠷᠳᠤᠰ ᠬᠤᠳᠠ ᠢᠨ ᠬᠠᠩᠭᠢᠨ ᠬᠤᠰᠢᠭᠤᠨ ᠤ ᠠᠵᠤ ᠣᠢ᠌ᠯᠠᠳᠪᠣᠷᠢ ᠬᠤᠳᠠᠯᠳᠤᠭᠠᠨ ᠤ ᠬᠤᠯᠪᠣᠭ᠎ᠠ