☆ ᠪᠠ᠊·ᠬᠠᠰᠴᠢᠯᠠᠭᠤ
ᠡ᠊ᠨᠳᠡᠭ᠍ᠰᠡᠨ ᠰᠢᠪᠠᠭᠤᠨ ᠳᠤ ᠣᠩᠰᠢᠬᠤ ᠰᠢᠯᠦᠭ᠌
ᠡᠷᠢᠶᠡᠨ ᠬᠤᠷᠸᠠ ᠭᠡᠵᠤ
ᠭᠠᠯ ᠣᠰᠤ ᠪᠠᠷ ᠵᠥᠷᠢᠴᠡᠯᠳᠦᠳᠡᠭ᠌ ᠴᠤ
ᠡᠷᠡᠭ᠍ᠳᠡᠢ ᠡᠮᠡᠭ᠍ᠳᠡᠢ ᠭᠡᠵᠤ
ᠠᠷᠭᠠ ᠪᠢᠯᠢᠭ᠌ ᠶᠢᠡᠷ ᠵᠤᠭᠢᠯᠳᠤᠳᠠᠭ ᠡ
ᠡᠷᠡ ᠭᠦᠮᠤᠨ ᠭᠡᠵᠤ
ᠢᠷᠠᠭᠤ ᠠᠯᠳᠠᠷ ᠤᠨ ᠳᠦᠯᠦᠭᠡ ᠠᠮᠢᠳᠤᠷᠠᠳᠠᠭ ᠥᠭᠡᠢ
ᠡᠮᠡ ᠭᠦᠮᠤᠨ ᠤ ᠳᠦᠯᠦᠭᠡ ᠭᠡᠵᠤ ᠨᠠᠩ ᠠᠮᠢᠳᠤᠷᠠᠳᠠᠭ ᠥᠭᠡᠢ
ᠶᠡᠭᠡ ᠣᠢ᠌ᠯᠠ ᠶᠢᠨ ᠳᠦᠯᠦᠭᠡ ᠠᠮᠢᠳᠤᠷᠠᠳᠠᠭ ᠶᠤᠮ ᠡ
ᠳᠡᠭᠡᠭᠦ ᠳ᠋ᠤ
ᠪᠦᠰᠡᠭᠦᠢ ᠬᠡᠦᠬᠡᠳ ᠴᠢᠨᠢ
ᠵᠢᠩᠭᠢᠨᠢ ᠴᠢᠨᠠᠷ ᠴᠢᠠᠰᠠᠭᠠ ᠵᠢ
ᠨᠢᠯᠪᠣᠰᠤ ᠪᠠᠷ ᠶᠢᠡᠨ ᠣᠭᠢᠶᠠᠵᠤ ᠬᠤᠴᠤᠷᠳᠠᠭ
ᠪᠦᠳᠤᠨ ᠪᠦᠮᠪᠦᠷᠴᠡᠭ᠌ ᠴᠠᠴᠠᠷᠠᠵᠤ ᠬᠤᠨᠤᠳᠠᠭ
ᠰᠢᠪᠠᠭᠤᠨ ᠴᠢᠮᠠ ᠳᠤ ᠵᠢᠭᠦᠷ ᠪᠣᠯᠵᠤ ᠬᠠᠨᠢᠰᠳᠠᠭ
ᠰᠢᠳᠤᠷᠭᠤ ᠶᠤᠰᠤ ᠳᠤᠯᠤᠭᠠᠢ ᠪᠦᠭᠦᠢᠵᠤ
ᠵᠠᠮ ᠪᠣᠯᠵᠤ ᠳᠡᠪᠢᠰᠦᠭ᠍ᠳᠡᠳᠡᠭ᠌ ᠶᠤᠮ ᠡ
ᠬᠤᠯᠠ ᠬᠤᠯᠠ ᠶᠠᠪᠣᠵᠤ
ᠬᠣᠢ᠌ᠳᠤᠨ ᠨᠠᠮᠤᠷ ᠨᠢ ᠴᠢ ᠬᠠᠷᠢᠳᠠᠭ ᠪᠠᠢ᠌ᠭᠰᠠᠨ
ᠪᠣᠳᠤᠭᠤᠨ ᠨᠢᠯᠪᠣᠰᠤᠳᠠᠢ ᠦᠬᠢᠨ ᠴᠢᠨᠢ
ᠪᠣᠴᠠᠵᠤ ᠢᠷᠡᠭᠡᠰᠡᠢ ᠠᠪᠣ ᠮᠢᠨᠢ ᠭᠡᠵᠤ ᠥᠭᠡᠢ᠌ᠯᠡᠳᠡᠭ᠌
ᠪᠦᠳᠤᠨ ᠰᠦᠨᠢ ᠵᠡᠭᠦᠳᠤ ᠮᠠᠨᠠᠳᠠᠭ
ᠪᠦᠰᠡᠭᠦᠢ ᠴᠢᠨᠢ ᠨᠠᠷᠠ ᠶᠢ ᠴᠢᠨᠢ ᠳᠠᠪᠠᠷᠢᠵᠤ ᠬᠤᠨᠤᠳᠠᠭ ᠡ
ᠣᠳᠠᠰᠤᠨ ᠤ ᠨᠤᠮᠸᠷ ᠤᠨ ᠳᠤᠪᠴᠢ
ᠨᠢᠭᠤᠴᠠ ᠠᠮᠠᠷᠠᠭ ᠤᠨ ᠳᠤᠭᠢᠶᠠ ᠪᠠᠷ ᠡᠯᠡᠭ᠍ᠳᠡᠭᠡ ᠥᠭᠡᠢ
ᠬᠠᠢ᠌ᠷᠠ ᠶᠢᠨ ᠳᠤᠷᠭᠠᠨ ᠰᠢᠪᠠᠨᠡᠭᠡ ᠪᠠᠷ
ᠣᠷᠤᠰᠤᠨ ᠣᠷᠤᠰᠤᠨ ᠡᠯᠡᠭ᠍ᠳᠡᠳᠡᠭ᠌ ᠡ
ᠭᠦᠷᠢᠶᠡᠨ ᠤ ᠴᠠᠭᠠᠨᠠ ᠮᠤᠲ᠋ᠤᠷ
ᠰᠢᠭᠦᠳᠡᠷᠢ ᠳᠤ ᠴᠠᠴᠠᠷᠠᠨ ᠨᠣᠢ᠌ᠷᠮᠤᠭᠯᠠᠵᠤ ᠪᠠᠢ᠌ᠭᠰᠠᠨ ᠡ
ᠰᠦᠨᠢᠵᠢᠨ ᠵᠤᠭᠰᠤᠭᠰᠠᠨ ᠭᠦᠯ
ᠰᠦᠷ ᠨᠢ ᠮᠠᠭᠤᠳᠠᠭᠠᠤᠨ ᠪᠣᠴᠠᠳᠠᠭ ᠪᠠᠢ᠌ᠭᠰᠠᠨ ᠡ
ᠣᠷᠭᠤᠭᠠ ᠣᠷᠭᠤᠭᠠ ᠣᠢ᠌ᠯᠠᠰ ᠴᠢᠨᠢ
ᠲᠦᠮᠡᠨ ᠤ ᠰᠡᠳᠭᠢᠯ ᠳᠤ ᠳᠠᠭᠠᠯᠠᠭᠳᠠᠵᠤ ᠪᠠᠢ᠌ᠬᠤ ᠳ᠋ᠤ
ᠣᠬᠤᠷ ᠣᠬᠤᠷ ᠪᠣᠳᠤᠯ ᠴᠢᠨᠢ ᠬᠠᠷᠢᠨ
ᠥᠭᠦᠯ ᠤᠨ ᠵᠠᠪᠰᠠᠷ ᠲᠤ ᠮᠤᠩᠬᠠᠷᠠᠵᠤ ᠪᠠᠢ᠌ᠵᠠᠢ
ᠥᠭᠦᠯ ᠨᠠᠮᠢ᠋ᠢ ᠴᠤ ᠳᠠᠭᠤᠳᠠᠵᠤ ᠪᠠᠢ᠌ᠭᠰᠠᠨ ᠡ
ᠦᠨᠳᠦᠷ ᠮᠤᠳᠤ ᠣᠷᠳᠤ ᠳᠡᠭᠡᠰᠤ ᠶᠢ
ᠪᠠᠵᠠᠭᠠᠭᠠᠤᠨ ᠪᠠᠵᠠᠭᠠᠭᠠᠤᠨ ᠢᠷᠡᠳᠡᠭ᠌ ᠴᠤ ᠪᠠᠢ᠌ᠭᠰᠠᠨ ᠡ
ᠥᠩᠭᠡᠷᠡᠵᠤ ᠳᠠᠯᠢ᠌ᠭᠰᠠᠨ ᠡᠪᠦᠭᠡ ᠮᠢᠨᠢ
ᠥᠭᠡᠳᠡ ᠦᠭᠡᠶ ᠳᠠᠮᠰᠢᠭ ᠭᠡᠵᠤ ᠵᠡᠭᠦᠳᠤ ᠦᠭᠭᠦᠭ᠍ᠰᠡᠨ
ᠣᠩᠭ᠋ᠤᠨ ᠬᠠᠢ᠌ᠯᠠᠰᠤ ᠨᠠᠳᠠ
ᠡᠷᠡ ᠭᠦᠮᠤᠨ ᠥᠭᠦᠳᠡᠭ᠌ ᠦᠭᠡᠶ ᠭᠡᠵᠤ
ᠳᠠᠶᠠᠭ ᠥᠭ᠍ᠴᠤ ᠳᠠᠮᠢᠷ ᠵᠠᠰᠠᠭᠰᠠᠨ ᠡ
ᠬᠠᠶᠢᠭ ᠪᠢᠴᠢᠵᠤ ᠣᠬᠠᠭᠠ ᠨᠡᠭᠡᠭᠡᠭ᠍ᠰᠡᠨ ᠡ
ᠵᠢᠵᠢᠭ᠍ᠬᠡᠨ ᠦᠬᠢᠨ ᠤ ᠮᠢᠨᠢ ᠨᠢᠯᠪᠣᠰᠤ
ᠦᠶᠡᠷ ᠪᠣᠯᠵᠤ ᠵᠠᠮ ᠭᠦᠡᠳᠡᠯᠢᠰᠦᠭ᠍ᠰᠡᠨ ᠡ
ᠵᠠᠮ ᠭᠡᠭ᠍ᠴᠢ ᠭᠠᠭᠴᠠᠬᠠᠨ ᠴᠤ ᠪᠠᠢ᠌ᠳᠠᠭ ᠪᠢᠰᠢ
ᠵᠠᠪᠠᠯ ᠶᠠᠪᠣᠬᠤ ᠠᠯᠪᠠᠳᠠᠯᠭᠠ ᠴᠤ ᠪᠠᠢ᠌ᠳᠠᠭ ᠥᠭᠡᠢ
ᠵᠠᠭᠠᠰᠤᠨ ᠬᠠᠨᠠ ᠰᠢᠭ ᠡᠷᠢᠶᠡᠯᠵᠡᠭ᠍ᠰᠡᠨ ᠵᠠᠮ ᠵᠢᠠᠷ
ᠵᠠᠭᠠᠨ ᠤ ᠳᠠᠪᠠᠭ ᠰᠢᠭ ᠢᠳᠡᠷᠡᠭᠦᠨ ᠠᠯᠬᠤᠯᠠᠵᠤ ᠪᠣᠯᠤᠨᠠ
ᠡᠷᠡ ᠭᠦᠮᠤᠨ ᠪᠣᠰᠤᠭᠠ
ᠡᠷᠯᠢᠭ᠌ ᠴᠤ ᠠᠶᠤᠬᠤ ᠳᠤ ᠪᠠᠨ ᠰᠢᠭᠡᠴᠢᠭᠡᠳᠡᠭ᠌
ᠡᠷᠡ ᠵᠤᠷᠢᠭ ᠵᠤᠭᠰᠤᠭᠠ
ᠡᠮᠨᠢᠭ᠌ ᠴᠤ ᠨᠤᠮᠤᠬᠠᠷᠠᠬᠤ ᠳᠤ ᠪᠠᠨ ᠭᠡᠪᠳᠡᠴᠢᠭᠡᠳᠡᠭ᠌
ᠪᠢ ᠴᠤ ᠥᠭᠦᠵᠤ ᠪᠣᠯᠬᠤ ᠥᠭᠡᠢ
ᠴᠢ ᠴᠤ ᠥᠭᠦᠵᠤ ᠪᠣᠯᠬᠤ ᠥᠭᠡᠢ
ᠭᠡᠨ ᠴᠤ ᠥᠭᠦᠵᠤ ᠪᠣᠯᠬᠤ ᠥᠭᠡᠢ
ᠡ᠊ᠨᠳᠡᠭ᠍ᠰᠡᠨ ᠰᠢᠪᠠᠭᠤᠨ ᠳᠤ ᠣᠩᠰᠢᠬᠤ
ᠡᠷᠡᠭᠦᠯ ᠣᠶᠠᠩᠭ᠋ᠠ ᠮᠢᠨᠢ ᠡᠨᠡ ᠠᠵᠤᠭᠤ
2007 ᠣᠨ ᠤ 7 ᠳ᠋ᠤᠭᠠᠷ ᠰᠠᠷᠠ ᠳᠤ
ᠵᠤᠬᠢᠶᠠᠭᠴᠢ᠄ ᠪᠠ᠊·ᠬᠠᠰᠴᠢᠯᠠᠭᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2738
ᠴᠠᠭ᠄ 2009 ᠤᠨ ᠤ 04 ᠰᠠᠷᠠ ᠶᠢᠨ 29
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ