☆ ᠺᠠ᠊·ᠴᠠᠷᠠᠠᠳᠤᠷᠵᠢ
ᠠᠯᠳᠠᠢ ᠶᠢᠨ ᠭᠦᠷᠡᠩ ᠪᠦᠷᠭᠦᠤᠨ
ᠮᠥᠩᠭᠡ ᠴᠠᠰᠤᠳᠤ ᠬᠠᠢ᠌ᠷᠠᠬᠠᠨ ᠤ ᠰᠠᠷᠢᠳᠠᠭ ᠪᠣᠯᠭᠠᠨ ᠳᠤ ᠡᠭᠦᠷ ᠳᠠᠢ
ᠮᠥᠩᠭᠦᠨ ᠳᠤᠭᠤᠯᠭᠠᠢ᠌ᠳᠤ ᠥᠡᠳᠦᠷᠯᠢᠭ᠌ ᠤᠨ ᠰᠠᠯᠠᠭᠠ ᠪᠣᠯᠭᠠᠨ ᠳᠤ ᠪᠠᠭᠤᠷᠢ ᠳᠠᠢ
ᠨᠢ᠋ᠮᠠᠨ ᠳᠠᠭᠢᠯᠳᠤ ᠡᠭᠡ ᠠᠽᠢ ᠶᠢᠨ ᠵᠡᠭᠦᠨ ᠡᠮᠦᠨᠡ ᠳᠠᠭᠤᠤᠷᠢ ᠳᠠᠢ
ᠨᠠᠩᠭᠢᠶᠠᠤᠨ ᠰᠠᠭᠢᠯᠳᠤ ᠶᠡᠭᠡ ᠭᠡᠷ ᠤᠨ ᠪᠠᠷᠠᠭᠤᠨ ᠬᠣᠢ᠌ᠮᠤᠷ ᠲᠤ ᠰᠠᠭᠤᠷᠢ ᠳᠠᠢ
ᠠᠯᠳᠠᠢ ᠶᠢᠨ ᠭᠦᠷᠡᠩ ᠪᠦᠷᠭᠦᠤᠨ ᠠᠳᠠᠭᠠ ᠳᠡᠭ᠍ᠷᠢ ᠶᠢᠨ ᠡᠯᠴᠢᠨ
ᠠᠷᠪᠠᠨ ᠬᠠᠷᠠ ᠶᠢᠨ ᠳᠠᠷᠤᠯᠭᠠ ᠪᠣᠯᠤᠭᠰᠠᠨ ᠠᠮᠤᠷ ᠵᠠᠶᠠᠭᠠᠨ ᠤ ᠭᠢᠯᠢᠴᠢᠨ
ᠠᠯᠳᠠᠢ ᠶᠢᠨ ᠭᠦᠷᠡᠩ ᠪᠦᠷᠭᠦᠤᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠪᠣᠯᠠᠭ ᠤᠨ ᠣᠰᠤ ᠪᠠᠷ ᠴᠦᠯ ᠶᠢᠡᠨ ᠳᠠᠷᠤᠵᠤ
ᠪᠣᠯᠠᠮᠠᠭ ᠳᠠᠯᠬᠠ ᠪᠠᠷ ᠦᠯ ᠶᠢᠡᠨ ᠳᠠᠷᠤᠵᠤ
ᠴᠤᠭ ᠶᠢᠡᠷ ᠪᠣᠯᠭᠤᠭᠰᠠᠨ ᠳᠤᠭᠤᠱ ᠢᠳᠠᠵᠤ
ᠴᠤᠷᠭᠤ ᠪᠠᠷ ᠨᠡᠷᠡᠭ᠍ᠰᠡᠨ ᠠᠷᠢᠭᠢ ᠣᠤᠭᠤᠵᠤ
ᠠᠳᠠᠨ ᠳᠡᠮᠡᠭᠡᠨ ᠤ ᠪᠦᠭᠦᠨ ᠳᠡᠭᠡᠷᠡ
ᠪᠠᠷᠳᠠᠮ ᠳᠡᠦᠭᠡ ᠪᠠᠨ ᠬᠤᠮᠨᠠᠵᠤ
ᠠᠭᠳᠠ ᠭᠦᠯᠦᠭ᠌ ᠤᠨ ᠨᠢᠷᠤᠭᠤᠨ ᠳᠡᠭᠡᠷᠡ
ᠪᠠᠭᠠᠳᠤᠷ ᠳᠤᠤᠯᠢ ᠪᠠᠨ ᠴᠤᠮᠨᠠᠵᠤ ᠢᠷᠡᠭ᠍ᠰᠡᠨ ᠶᠤᠮ
ᠠᠯᠳᠠᠢ ᠶᠢᠨ ᠭᠦᠷᠡᠩ ᠪᠦᠷᠭᠦᠤᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠬᠣᠢ᠌ᠳᠤ ᠰᠠᠷᠠ ᠶᠢᠨ ᠳᠡᠭ᠍ᠷᠢ ᠶᠢ ᠬᠤᠷᠢᠨ ᠳᠤᠯᠤᠭᠠ ᠪᠠᠷ ᠠᠵᠢᠵᠤ
ᠬᠤᠨᠢᠨ ᠤ ᠪᠣᠷᠤ ᠱᠦᠯᠦ ᠪᠠᠷ ᠬᠠᠭᠤᠴᠢ ᠰᠢᠷᠠ ᠪᠠᠨ ᠳᠠᠷᠤᠵᠤ
ᠬᠤᠷᠠᠬᠤ ᠶᠢᠨ ᠦᠨᠳᠦᠷ ᠣᠪᠣᠭᠠᠨ ᠳᠡᠭᠡᠷᠡ ᠭᠠᠵᠠᠷ ᠤᠨ ᠰᠠᠪᠳᠠᠭ ᠲᠡᠶ ᠭᠦᠦᠷᠨᠢᠵᠤ
ᠬᠤᠶᠠᠷᠬᠠᠨ ᠣᠰᠤᠳᠠᠢ ᠨᠠᠷᠠᠮᠠᠯ ᠳᠤ ᠭᠠᠯ ᠤᠨ ᠪᠣᠷᠬᠠᠤᠨ ᠲᠡᠶ ᠭᠦᠭᠡᠷᠦᠯᠳᠦᠵᠤ
ᠢᠳᠡᠭᠡᠨ ᠤ ᠳᠡᠭᠡᠵᠢ ᠡᠯᠢᠭᠡᠨ ᠴᠠᠭᠠᠨ ᠳᠠᠷᠠᠭ ᠶᠢᠡᠷ ᠳᠤᠯᠤᠭᠠᠨ ᠳᠤᠩᠭ᠋ᠠᠷᠠᠢ ᠭᠦᠢᠴᠡᠭᠡᠵᠤ
ᠡᠳ᠋ ᠶᠢᠨ ᠳᠡᠭᠡᠳᠤ ᠠᠷᠢᠭᠤᠨ ᠴᠠᠭᠠᠨ ᠬᠠᠳᠠᠭ ᠶᠢᠡᠷ ᠨᠢ᠋ᠮᠠᠨ ᠭᠠᠠᠵᠤᠭᠠ ᠪᠠᠨ ᠮᠢᠯᠢᠶᠠᠨ
ᠴᠥᠭ᠌ ᠬᠠᠢ᠌ᠷᠠᠬᠠᠨ ᠭᠡᠮᠡᠨ ᠶᠢᠰᠤᠨ ᠭᠦᠰᠡᠯ ᠳᠡᠭ᠍ᠰᠢᠯᠡᠨ ᠢᠷᠦᠭᠡᠵᠤ
ᠴᠤᠬᠤ ᠳᠡᠭᠡᠳᠤ ᠮᠢᠨᠤ ᠭᠡᠵᠤ ᠠᠷᠪᠠᠨ ᠴᠠᠭᠠᠨ ᠪᠣᠶᠠᠨ ᠶᠢᠡᠷ ᠢᠷᠤᠰᠢᠶᠠᠳᠠᠭ ᠶᠤᠮ
ᠠᠯᠳᠠᠢ ᠶᠢᠨ ᠭᠦᠷᠡᠩ ᠪᠦᠷᠭᠦᠤᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠭᠡᠮᠦᠷᠢ ᠳᠠᠯᠠᠰᠤᠨᠠ ᠭᠡᠵᠤ ᠣᠪᠣᠭᠠᠨ ᠳᠡᠭᠡᠷᠡ ᠴᠢᠯᠠᠭᠤ ᠨᠡᠮᠡᠳᠡᠭ᠌ ᠶᠤᠮ
ᠭᠡᠰᠢᠭ᠌ ᠳᠡᠯᠭᠡᠷᠡᠨᠡ ᠭᠡᠵᠤ ᠣᠳᠤᠭᠤ ᠳᠡᠭᠡᠷᠡ ᠪᠠᠨ ᠵᠠᠯᠠᠭᠠ ᠨᠡᠮᠡᠳᠡᠭ᠌ ᠶᠤᠮ
ᠶᠤᠰᠤᠨ ᠳᠤ ᠬᠠᠷᠰᠢ ᠭᠡᠵᠤ ᠲᠦᠷᠦ ᠶᠢᠨ ᠭᠡᠷᠡᠭ᠌ ᠲᠤ ᠳᠤᠯᠤᠭᠠᠢ ᠨᠢᠴᠦᠭᠦᠨ ᠰᠠᠭᠤᠳᠠᠭ ᠦᠭᠡᠶ ᠶᠤᠮ
ᠢᠷᠸᠠ ᠳᠤ ᠮᠠᠭᠤ ᠭᠡᠵᠤ ᠲᠦᠷᠦᠯ ᠤᠨ ᠭᠡᠷᠡᠭ᠌ ᠲᠤ ᠭᠦᠯ ᠨᠢᠴᠦᠭᠦᠨ ᠭᠦᠶᠦᠳᠡᠭ᠌ ᠦᠭᠡᠶ ᠶᠤᠮ
ᠯᠤᠤᠰᠳᠤ ᠠᠳᠠᠢ᠌ᠨᠠ ᠭᠡᠵᠤ ᠪᠣᠯᠠᠭ ᠤᠨ ᠨᠢᠳᠤᠨ ᠳᠤ ᠰᠡᠭᠦᠳᠡᠷ ᠶᠢᠡᠨ ᠥᠵᠡᠭᠦᠯᠳᠡᠭ᠌ ᠦᠭᠡᠶ ᠶᠤᠮ
ᠯᠤᠩᠳᠠᠢ ᠪᠠᠭᠤᠨᠠ ᠭᠡᠵᠤ ᠪᠣᠷᠭᠠᠰᠤᠨ ᠤ ᠨᠠᠮᠠᠭᠠᠨ ᠳᠤ ᠰᠥᠭᠡ ᠭᠦᠷᠭᠡᠳᠡᠭ᠌ ᠦᠭᠡᠶ ᠶᠤᠮ
ᠦᠷᠦᠮᠡ ᠰᠦ᠋ ᠪᠠᠷ ᠳᠠᠭᠢᠵᠤ ᠭᠠᠵᠠᠷ ᠤᠨ ᠰᠠᠪᠳᠠᠭ ᠳᠡᠨᠢ᠌ᠯᠭᠡᠳᠡᠭ᠌ ᠶᠤᠮ
ᠥᠭᠡᠭᠦᠨ ᠳᠤᠰᠤ ᠪᠠᠷ ᠳᠠᠢ᠌ᠵᠤ ᠭᠠᠯ ᠤᠨ ᠪᠣᠷᠬᠠᠨ ᠶᠢᠡᠨ ᠮᠥᠰᠢᠶᠡᠯᠭᠡᠳᠡᠭ᠌ ᠶᠤᠮ
ᠠᠯᠳᠠᠢ ᠶᠢᠨ ᠭᠦᠷᠡᠩ ᠪᠦᠷᠭᠦᠤᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠴᠢᠨ᠋ᠸᠠ ᠶᠢᠨ ᠱᠠᠭᠠ ᠡᠯᠭᠦᠵᠤ ᠶᠠᠰᠤᠨ ᠡᠰᠢᠳᠡᠢ ᠣᠳᠤᠭᠠ ᠵᠡᠭᠦᠳᠡᠭ᠌
ᠴᠢᠯᠠᠭᠤ ᠪᠠᠷ ᠵᠠᠤᠨ ᠪᠠᠷᠢᠵᠤ ᠶᠠᠷᠭᠠᠢ ᠡᠰᠢᠳᠡᠢ ᠮᠠᠯᠢᠶᠠ ᠪᠠᠷᠢᠳᠠᠭ
ᠣᠷᠤᠩᠭ᠋ᠤ ᠶᠢᠨ ᠡᠪᠠᠷ ᠶᠢᠡᠷ ᠪᠠᠭᠤᠷᠢ ᠪᠠᠨ ᠳᠡᠮᠳᠡᠭᠯᠡᠵᠤ ᠪᠠᠶᠠᠷ ᠡᠭᠦᠰᠭᠡᠳᠡᠭ᠌
ᠣᠳᠤᠷ ᠤᠨ ᠰᠢᠷᠤᠢ ᠪᠠᠷ ᠰᠠᠭᠤᠷᠢ ᠪᠠᠨ ᠰᠠᠯᠭᠠᠵᠤ ᠪᠠᠷᠴᠢᠳ ᠶᠢᠡᠨ ᠠᠷᠢᠯᠭᠠᠳᠠᠭ
ᠠᠯᠳᠠᠢ ᠶᠢᠨ ᠭᠦᠷᠡᠩ ᠪᠦᠷᠭᠦᠤᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠳᠠᠯᠯᠤᠭᠰᠠᠨ ᠬᠠᠨᠢ ᠪᠠᠨ ᠡᠪ ᠤᠨ ᠮᠤᠳᠤ ᠪᠠᠷ ᠡᠭᠡᠰᠢᠭ᠌ ᠵᠤᠬᠢᠶᠠᠵᠤ ᠳᠤᠪᠰᠢᠭᠤᠷᠳᠠᠳᠠᠭ ᠶᠤᠮ
ᠳᠠᠯᠠᠢ᠌ᠳᠤᠭᠰᠠᠨ ᠳᠠᠢ᠌ᠰᠤᠨ ᠶᠢᠡᠨ ᠡᠰᠡᠷᠸᠡ ᠳᠡᠭᠡᠷᠡ ᠨᠢ ᠡᠵᠡᠭᠡᠢ ᠪᠣᠴᠠᠯᠭᠠᠵᠤ ᠳᠤᠨᠢᠯᠭᠠᠳᠠᠭ ᠶᠤᠮ
ᠠᠯᠳᠠᠢ ᠶᠢᠨ ᠭᠦᠷᠡᠩ ᠪᠦᠷᠭᠦᠤᠨ ᠠᠳᠠᠭᠠ ᠳᠡᠭ᠍ᠷᠢ ᠶᠢᠨ ᠡᠯᠴᠢᠨ
ᠠᠷᠪᠠᠨ ᠬᠠᠷᠠ ᠶᠢᠨ ᠳᠠᠷᠤᠯᠭᠠ ᠪᠣᠯᠤᠭᠰᠠᠨ ᠠᠮᠤᠷ ᠵᠠᠶᠠᠭᠠᠨ ᠤ ᠭᠢᠯᠢᠴᠢᠨ᠃
ᠵᠤᠬᠢᠶᠠᠭᠴᠢ᠄ ᠺᠠ᠊·ᠴᠠᠷᠠᠠᠳᠤᠷᠵᠢ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2675
ᠴᠠᠭ᠄ 2009 ᠤᠨ ᠤ 06 ᠰᠠᠷᠠ ᠶᠢᠨ 16
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ