☆ ᠡᠰᠨᠢᠯ
ᠬᠠᠪᠣᠷ ᠤᠨ ᠪᠠᠶᠠᠰᠤᠯ
ᠬᠠᠪᠣᠷ ᠤᠨ ᠵᠡᠷᠭᠡᠯᠭᠡᠨ ᠮᠢᠷᠠᠯᠵᠠᠭᠠᠤᠨ ᠯᠠ
ᠬᠠᠯᠠᠭᠤᠨ ᠰᠠᠯᠭᠢᠨ ᠢᠯᠪᠢᠭᠡᠳ ᠯᠠ
ᠬᠠᠭᠳᠠ ᠨᠤᠭᠤᠭᠠ ᠴᠤᠬᠣᠢ᠌ᠭᠠᠤᠨ ᠯᠠ
ᠬᠠᠨᠠᠭᠠᠷ ᠳᠠᠯᠠ ᠴᠡᠩᠭᠡᠷᠯᠡᠭᠡᠳ ᠯᠠ
ᠬᠠᠪᠣᠷ ᠴᠠᠭ ᠪᠠᠶᠠᠰᠤᠩᠭ᠋ᠤᠢ
ᠬᠠᠮᠤᠭ ᠪᠣᠳᠠᠰ ᠠᠮᠢᠯᠠᠩᠭ᠋ᠤᠢ
ᠭᠤᠷᠤᠬᠠ ᠶᠢᠨ ᠣᠰᠤ ᠭᠤᠷᠴᠢᠭᠢᠨᠠᠭᠠᠤᠨ ᠯᠠ
ᠭᠤᠤᠯ ᠤᠨ ᠵᠢᠷᠭᠠᠬᠠᠢ ᠵᠢᠷᠢᠯᠵᠡᠭᠡᠳ ᠯᠠ
ᠭᠤᠯᠭᠤᠢ ᠴᠡᠴᠡᠭ᠌ ᠮᠢᠰᠢᠯᠵᠡᠭᠡᠳ ᠯᠠ
ᠭᠤᠠᠳᠠᠭᠰᠠᠨ ᠪᠠᠢ᠌ᠭᠠᠯᠢ ᠰᠡᠷᠪᠠᠯᠵᠡᠭᠡᠳ ᠯᠠ
ᠬᠠᠪᠣᠷ ᠴᠠᠭ ᠪᠠᠶᠠᠰᠤᠩᠭ᠋ᠤᠢ
ᠬᠠᠮᠤᠭ ᠪᠣᠳᠠᠰ ᠠᠮᠢᠯᠠᠩᠭ᠋ᠤᠢ
ᠣᠭᠳᠠᠷᠭᠤᠢ ᠳᠤ ᠵᠢᠭᠦᠷᠳᠡᠨ ᠵᠢᠷᠭᠢᠭᠡᠳ ᠯᠠ
ᠠᠭᠤᠯᠠᠨ ᠳᠤ ᠪᠣᠭᠤ ᠣᠷᠤᠮᠳᠠᠭᠠᠤᠨ ᠯᠠ
ᠣᠶᠠᠭᠠᠨ ᠳᠤ ᠮᠤᠷᠢ ᠴᠤᠪᠬᠤᠴᠢᠭᠠᠤᠨ ᠯᠠ
ᠣᠷᠭᠠᠴᠢᠨ ᠵᠠᠯᠠᠭᠤ ᠥᠡᠳᠡᠯᠵᠡᠭᠡᠳ ᠯᠠ
ᠬᠠᠪᠣᠷ ᠴᠠᠭ ᠪᠠᠶᠠᠰᠤᠩᠭ᠋ᠤᠢ
ᠬᠠᠮᠤᠭ ᠪᠣᠳᠠᠰ ᠠᠮᠢᠯᠠᠩᠭ᠋ᠤᠢ
ᠬᠤᠷᠠᠭᠠ ᠢᠰᠢᠭᠡ ᠮᠠᠢ᠌ᠯᠠᠯᠳᠤᠭᠠᠤᠨ ᠯᠠ
ᠬᠤᠳᠠᠴᠢ ᠨᠤᠬᠠᠢ ᠭᠦᠭ᠍ᠰᠡᠭᠡᠳ ᠯᠠ
ᠬᠤᠯᠠᠨ ᠳᠠᠭᠠ ᠳᠤᠭᠯᠠᠭᠠᠤᠨ ᠯᠠ
ᠬᠤᠩᠭ᠋ᠤᠷ ᠭᠡᠦᠭᠡᠨ ᠰᠠᠷᠠᠪᠴᠢᠯᠠᠭᠠᠤᠨ ᠯᠠ
ᠬᠠᠪᠣᠷ ᠴᠠᠭ ᠪᠠᠶᠠᠰᠤᠩᠭ᠋ᠤᠢ
ᠬᠠᠮᠤᠭ ᠪᠣᠳᠠᠰ ᠠᠮᠢᠯᠠᠩᠭ᠋ᠤᠢ
ᠣᠷᠭᠤᠬᠤ ᠨᠠᠷᠠᠨ ᠳᠤᠶᠠᠭᠠᠷᠠᠤᠨ ᠯᠠ
ᠣᠨᠠᠬᠤ ᠨᠠᠷᠠᠨ ᠳᠤᠯᠠᠩᠷᠠᠭᠠᠤᠨ ᠯᠠ
ᠣᠷᠠᠢ ᠵᠠᠯᠠᠭᠤᠰ ᠣᠷᠮᠠᠰᠢᠭᠠᠤᠨ ᠯᠠ
ᠣᠷᠠ ᠡᠷᠳᠡᠮ ᠶᠢᠡᠨ ᠭᠠᠷᠭᠠᠯᠴᠠᠭᠠᠤᠨ ᠯᠠ
ᠬᠠᠪᠣᠷ ᠴᠠᠭ ᠪᠠᠶᠠᠰᠤᠩᠭ᠋ᠤᠢ
ᠬᠠᠮᠤᠭ ᠪᠣᠳᠠᠰ ᠠᠮᠢᠯᠠᠩᠭ᠋ᠤᠢ
ᠳᠠᠯᠠ ᠨᠤᠳᠤᠭ ᠰᠤᠯᠤᠩᠭ᠋ᠠᠷᠠᠭᠠᠤᠨ ᠯᠠ
ᠳᠠᠨᠠᠨ ᠭᠡᠷ ᠴᠠᠢ᠌ᠯᠵᠠᠭᠠᠤᠨ ᠯᠠ
ᠳᠠᠪᠠ ᠴᠡᠩᠭᠡᠯ ᠪᠢᠯᠬᠠᠭᠠᠤᠨ ᠯᠠ
ᠳᠠᠭᠠᠳᠠᠢ ᠠᠮᠢᠳᠤᠷᠠᠯ ᠳᠡᠯᠭᠡᠭ᠍ᠳᠡᠭᠡᠳ ᠯᠠ
ᠬᠠᠪᠣᠷ ᠴᠠᠭ ᠪᠠᠶᠠᠰᠤᠩᠭ᠋ᠤᠢ
ᠬᠠᠮᠤᠭ ᠪᠣᠳᠠᠰ ᠠᠮᠢᠯᠠᠩᠭ᠋ᠤᠢ᠂᠂
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠭᠢᠩᠭ᠋ᠠᠨ ᠤ ᠲᠦᠰᠢᠶᠠᠳᠤ
ᠵᠤᠬᠢᠶᠠᠭᠴᠢ᠄ ᠡᠰᠨᠢᠯ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2633
ᠴᠠᠭ᠄ 2012 ᠤᠨ ᠤ 04 ᠰᠠᠷᠠ ᠶᠢᠨ 12
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ