ᠶᠠᠭᠤᠨ ᠤ ᠭᠦᠮᠤᠨ ᠶᠠᠭᠤᠨ ᠳᠤ ᠪᠠᠨ ᠭᠡᠵᠤ

ᠶᠠᠭᠤᠨ ᠳᠤ ᠵᠠᠪᠠᠯ ᠭᠢᠴᠢᠶᠠᠯ ᠣᠷᠤᠵᠤ ᠪᠠᠢ᠌ᠨ᠎ᠠ ᠭᠡᠵᠤ ᠵᠡᠭᠦᠳᠦᠯᠡᠳᠡᠭ᠌ ᠶᠤᠮ︖

ᠨᠢᠭᠡᠯᠭᠡᠨ ᠣᠳᠠᠭᠠᠨ ᠤ ᠵᠡᠭᠦᠳᠤ ᠶᠤᠮ ᠪᠣᠯ

ᠨᠢᠭᠡᠴᠤ ᠨᠢᠭᠤᠭᠠᠤᠨ ᠪᠢ ᠭᠦᠮᠤᠨ ᠳᠤ ᠭᠡᠯᠡᠭᠦ ᠦᠭᠡᠶ᠂

ᠨᠠᠢ᠌ᠳᠠ ᠳᠤ ᠪᠠᠨ ᠢᠩᠭᠢᠵᠤ ᠵᠡᠭᠦᠳᠦᠯᠡᠭᠡᠳ ᠪᠠᠢ᠌ᠬᠤᠯᠠᠷ

ᠨᠢᠭᠡ ᠦᠯᠡᠳᠡᠭᠡᠯ ᠦᠭᠡᠶ ᠪᠢ ᠭᠦᠮᠤᠨ ᠳᠤ ᠭᠡᠯᠡᠨ᠎ᠡ᠃

ᠵᠦᠪ ᠵᠥᠭᠡᠷ ᠰᠠᠢ᠌ᠬᠠᠨ ᠰᠤᠨᠤᠰᠳᠠᠭ ᠬᠡᠦᠬᠡᠳ ᠢ

ᠵᠦᠷᠢᠭᠦᠤ ᠪᠣᠷᠤᠭᠤ ᠠᠭᠠᠰᠢᠯᠠᠯ᠎ᠠ ᠭᠡᠵᠤ ᠵᠡᠭᠦᠳᠦᠯᠡᠭᠦ ᠶᠤᠮ᠂

ᠵᠥᠩᠳᠡᠭᠡᠨ ᠠᠰᠠᠭᠤᠯᠳᠠ ᠬᠠᠷᠢᠭᠤᠯᠳᠠᠭ ᠨᠥᠭᠦᠤᠨ ᠢ

ᠵᠦᠯᠴᠢ᠌ᠵᠤ ᠰᠠᠭᠤᠭᠠᠤᠨ ᠭᠦᠳᠡᠯᠭᠦ ᠦᠭᠡᠶ ᠭᠡᠵᠤ ᠵᠡᠭᠦᠳᠦᠯᠡᠭᠦ ᠶᠤᠮ᠃

ᠠᠯᠴᠢᠭᠤᠷ ᠮᠠᠯᠠᠭᠠᠢ ᠵᠡᠭᠦᠴᠢᠭᠡᠭᠡᠳ

ᠣᠪᠠᠢ᠌ᠯᠠᠬᠤ ᠴᠤ ᠦᠭᠡᠶ ᠭᠡᠵᠤ ᠵᠡᠭᠦᠳᠦᠯᠡᠭᠦ ᠶᠤᠮ᠂

ᠠᠯᠢ ᠡᠴᠠ ᠨᠢ ᠴᠤ ᠠᠰᠠᠭᠤᠪᠠᠴᠤ ᠮᠡᠳᠡᠭᠦ ᠥᠭᠡᠢ

ᠮᠠᠯᠠᠷᠠᠵᠤ ᠪᠠᠢ᠌ᠨ᠎ᠠ ᠭᠡᠵᠤ ᠵᠡᠭᠦᠳᠦᠯᠡᠭᠦ ᠶᠤᠮ᠃

ᠳᠠᠪᠳᠠᠵᠤ ᠰᠠᠭᠤᠭᠰᠠᠨ ᠨᠥᠭᠦᠤᠨ ᠢ

ᠳᠠᠪᠠᠭᠤᠷᠠᠵᠤ ᠪᠠᠢ᠌ᠨ᠎ᠠ ᠭᠡᠵᠤ ᠵᠡᠭᠦᠳᠦᠯᠡᠭᠦ ᠶᠤᠮ

ᠳᠠᠯᠤ ᠮᠦᠷᠤ ᠡᠴᠠ ᠨᠢ ᠳᠠᠳᠠᠭᠰᠠᠨ ᠴᠤ

ᠣᠯᠢ᠌ᠬᠤ ᠴᠤ ᠦᠭᠡᠶ ᠭᠡᠵᠤ ᠵᠡᠭᠦᠳᠦᠯᠡᠭᠦ ᠶᠤᠮ᠃

ᠴᠠᠪᠠᠷ ᠳᠡᠭ᠍ᠰᠢ ᠪᠢᠴᠢᠳᠡᠭ᠌ ᠨᠥᠭᠦᠤᠨ ᠢ

ᠰᠢᠳᠤ ᠠᠴᠤᠭ ᠦᠭᠡᠶ ᠪᠢᠴᠢᠯ᠎ᠠ ᠭᠡᠵᠤ ᠵᠡᠭᠦᠳᠦᠯᠡᠭᠦ ᠶᠤᠮ᠂

ᠰᠢᠠᠵᠢᠵᠤ ᠠᠵᠢᠭᠯᠠᠭᠠᠤᠨ ᠵᠤᠬᠢᠶᠠᠯ ᠪᠢᠴᠢᠳᠡᠭ᠌ ᠰᠤᠷᠤᠭᠴᠢ ᠵᠢ

ᠰᠠᠨᠠᠭᠠᠨ ᠳᠠᠪᠠ ᠪᠠᠷ ᠶᠢᠡᠨ ᠡᠷᠦᠢ ᠬᠤᠷᠤᠢ ᠦᠭᠡᠶ ᠪᠢᠴᠢᠯ᠎ᠠ ᠭᠡᠵᠤ ᠵᠡᠭᠦᠳᠦᠯᠡᠳᠡᠭ᠌ ᠶᠤᠮ᠃

ᠶᠠᠷᠢᠭᠠᠤᠨ ᠪᠠᠷᠠᠬᠤ ᠦᠭᠡᠶ ᠶᠠᠩᠰᠢᠶ᠎ᠠ ᠥᠭᠡᠰ ᠵᠢᠠᠨ

ᠶᠠᠭ ᠣᠯᠳᠠᠬᠤ ᠦᠭᠡᠶ ᠯᠠᠢ ᠭᠡᠵᠤ ᠵᠡᠭᠦᠳᠦᠯᠡᠭᠦ ᠶᠤᠮ᠂

ᠭᠡᠯᠡᠭᠡᠳ ᠪᠠᠷᠠᠬᠤ ᠦᠭᠡᠶ ᠭᠡᠳᠦᠷᠭᠡᠢ ᠥᠭᠡᠰ ᠵᠢᠠᠨ

ᠭᠡᠮᠵᠢᠶ᠎ᠡ ᠲᠡᠶ ᠪᠣᠯᠤᠯ᠎ᠠ ᠭᠡᠵᠤ ᠵᠡᠭᠦᠳᠦᠯᠡᠭᠦ ᠶᠤᠮ᠂

ᠶᠠᠭᠠᠭᠢᠵᠤ ᠭᠡᠯᠡᠪᠠᠴᠤ ᠳᠦᠭᠦᠭᠡᠷᠡᠭᠦᠯᠵᠤ ᠳᠡᠢ᠌ᠯᠭᠦ ᠥᠭᠡᠢ

ᠶᠠᠭᠠᠷᠠᠵᠤ ᠪᠠᠴᠢᠮᠳᠠᠭᠠᠤᠨ ᠰᠡᠷᠢᠳᠡᠭ᠌ ᠶᠤᠮ᠂

ᠭᠡᠷᠭᠢᠵᠤ ᠭᠡᠯᠡᠪᠠᠴᠤ ᠭᠡᠯᠡᠵᠤ ᠳᠡᠢ᠌ᠯᠭᠦ ᠥᠭᠡᠢ

ᠭᠡᠳᠡᠷ ᠭᠦᠷᠦᠭᠡᠳ ᠰᠡᠷᠢᠳᠡᠭ᠌ ᠶᠤᠮ᠃

ᠵᠡᠭᠦᠳᠤᠨ ᠡᠴᠠ ᠪᠠᠨ ᠰᠡᠷᠢᠭᠡᠳ ᠬᠤᠳᠠᠯ ᠪᠣᠯᠬᠤᠯᠠᠷ

ᠵᠥᠭᠡᠷ ᠳᠤᠳᠤᠷ᠎ᠠ ᠳᠠᠯᠪᠢᠭᠤᠷᠳᠠᠭ ᠴᠤ

ᠵᠢᠷᠦᠭᠡ ᠭᠤᠤᠯ ᠠᠮᠠ ᠪᠠᠷ ᠭᠠᠷᠤᠮᠠᠷ

ᠰᠠᠪᠠᠯᠠᠵᠤ ᠪᠠᠢ᠌ᠬᠤ ᠨᠢ ᠦᠨᠡᠨ ᠪᠠᠢ᠌ᠭᠰᠠᠨ᠃

ᠵᠡᠭᠦᠳᠤ ᠭᠡᠳᠡᠭ᠌ ᠬᠤᠳᠠᠯ ᠶᠠᠭᠤᠮ᠎ᠠ

ᠵᠥᠩᠳᠡᠭᠡᠨ ᠡᠰᠡᠷᠭᠦ ᠪᠠᠷ ᠵᠡᠭᠦᠳᠦᠯᠡᠳᠡᠭ᠌ ᠶᠤᠮ᠂

ᠵᠡᠭᠦᠳᠤ ᠭᠡᠳᠡᠭ᠌ ᠰᠤᠨᠢᠨ ᠶᠠᠭᠤᠮ᠎ᠠ

ᠵᠢᠷᠦᠭᠡᠨ ᠳᠤ ᠪᠠᠨ ᠪᠣᠳᠤᠭᠰᠠᠨ ᠶᠢᠡᠨ ᠯᠠ ᠵᠡᠭᠦᠳᠦᠯᠡᠳᠡᠭ᠌ ᠶᠤᠮ᠃

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ᠄ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠣᠢ᠌ᠳᠤ ᠬᠤᠰᠢᠭᠤᠨ ᠤ ᠠᠳᠤᠭᠤᠴᠢᠨ ᠰᠤᠮᠤ ᠶᠢᠨ ᠡᠮᠡᠭᠡᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ