☆ ᠪᠦᠭᠡᠵᠢᠷᠭᠠᠯ
ᠥᠯᠵᠡᠢ᠌ᠳᠤ ᠮᠤᠩᠭ᠋ᠤᠯ ᠰᠦᠯᠵᠢᠶᠠ
ᠣᠨᠢ ᠨᠢ ᠬᠠᠨᠠ ᠪᠠᠨ ᠳᠠᠯᠠᠵᠤ ᠪᠣᠰᠬᠤ ᠳ᠋ᠤ
ᠳᠤᠭᠤᠨᠤ ᠨᠢ ᠨᠠᠷᠠ ᠪᠠᠨ ᠬᠣᠢ᠌ᠮᠤᠷ ᠲᠤ ᠵᠠᠯᠠᠨᠠ
ᠡᠭᠦᠳᠡ ᠨᠢ ᠳᠡᠯᠡᠭᠡᠢ ᠬᠠᠷᠠᠵᠤ ᠪᠠᠶᠠᠰᠬᠤ ᠳ᠋ᠤ
ᠳᠤᠯᠭᠠ ᠨᠢ ᠭᠠᠯ ᠶᠢᠡᠨ ᠪᠠᠳᠠᠷᠠᠭᠠᠵᠤ ᠣᠮᠤᠭᠰᠢᠨᠠ
ᠭᠡᠢ᠌ᠮᠦᠷᠢᠳᠤ ᠮᠤᠩᠭ᠋ᠤᠯ ᠰᠦᠯᠵᠢᠶᠠ ᠪᠠᠨ
ᠬᠠᠷᠠᠴᠠ ᠶᠢ ᠬᠤᠵᠢᠷᠯᠠᠬᠤ ᠳᠡᠯᠡᠭᠡᠢ ᠭᠡᠭᠦ ᠦᠦ ︖
ᠬᠠᠷᠠᠴᠠ ᠶᠢ ᠬᠤᠵᠢᠷᠯᠠᠬᠤ ᠳᠡᠯᠡᠭᠡᠢ ᠶᠤᠮ ᠪᠣᠯ
ᠬᠠᠵᠠᠭᠤ ᠳᠠᠭᠠᠨ ᠵᠠᠯᠠᠴᠢᠬᠠᠭᠠᠤᠨ ᠪᠠᠬᠠᠷᠬᠠᠵᠤ ᠰᠠᠭᠤᠨᠠᠮ᠃
ᠠᠳᠤᠭᠤᠴᠢᠨ ᠨᠢ ᠣᠷᠭᠠ ᠪᠠᠨ ᠳᠤᠯᠵᠤ ᠮᠤᠷᠳᠠᠬᠤ ᠳ᠋ᠤ
ᠠᠭᠳᠠ ᠨᠢ ᠰᠥᠷᠦᠭ᠌ ᠤᠨ ᠪᠠᠯᠴᠢᠭᠡᠷ ᠲᠤ ᠠᠪᠠᠴᠢᠨᠠ
ᠠᠩᠴᠢᠨ ᠨᠢ ᠳᠠᠢ᠌ᠭᠠ ᠪᠠᠨ ᠳᠠᠭᠠᠭᠤᠯᠵᠤ ᠭᠠᠷᠬᠤ ᠳ᠋ᠤ
ᠠᠪᠠ ᠨᠢ ᠭᠡᠰᠢᠭ᠌ ᠳᠦᠭᠦᠷᠡᠩ ᠪᠣᠴᠠᠭᠤᠯᠤᠨᠠ
ᠦᠯᠵᠡᠢ᠌ᠳᠤ ᠮᠤᠩᠭ᠋ᠤᠯ ᠰᠦᠯᠵᠢᠶᠠ ᠪᠠᠨ
ᠦᠪ ᠶᠢᠡᠨ ᠬᠠᠮᠠᠭᠠᠯᠠᠬᠤ ᠰᠠᠭᠢᠶᠠ ᠭᠡᠭᠦ ᠦᠦ ︖
ᠦᠪ ᠶᠢᠡᠨ ᠬᠠᠮᠠᠭᠠᠯᠠᠬᠤ ᠰᠠᠭᠢᠶᠠ ᠶᠤᠮ ᠪᠣᠯ
ᠥᠭᠡᠳᠡ ᠶᠢᠨ ᠭᠡᠢ᠌ᠮᠦᠷᠢ ᠶᠢ ᠴᠢᠨᠢ ᠪᠠᠯᠭᠡᠳᠡᠵᠤ ᠰᠠᠭᠤᠨᠠᠮ᠃
ᠬᠠᠳᠠᠭ ᠨᠢ ᠳᠠᠭᠤᠤ ᠳᠠᠭᠠᠵᠤ ᠮᠢᠷᠠᠯᠵᠠᠬᠤ ᠳ᠋ᠤ
ᠬᠤᠳᠠᠯᠠ ᠨᠢ ᠮᠠᠠᠳᠤ ᠮᠠᠳᠠᠯᠴᠠᠨ ᠵᠤᠯᠭᠠᠯᠴᠠᠨᠠ
ᠬᠠᠰᠠᠭ ᠨᠢ ᠳᠠᠤᠯᠠᠢ ᠭᠦᠭᠡᠭᠡᠵᠤ ᠠᠶᠠᠯᠠᠬᠤ ᠳ᠋ᠤ
ᠬᠤᠯᠠ ᠨᠢ ᠬᠠᠷᠠᠭᠠᠨ ᠳᠤ ᠳᠤᠳᠤᠷᠠᠵᠤ ᠣᠢ᠌ᠷᠠᠳᠤᠨᠠ
ᠪᠠᠯᠭᠡᠳᠤ ᠮᠤᠩᠭ᠋ᠤᠯ ᠰᠦᠯᠵᠢᠶᠠ ᠪᠠᠨ
ᠪᠢᠯᠢᠭ᠌ ᠢ ᠨᠡᠭᠡᠭ᠍ᠳᠡᠭᠦᠯᠭᠦ ᠳᠦᠯᠭᠢᠭᠦᠷ ᠭᠡᠭᠦ ᠦᠦ ︖
ᠪᠢᠯᠢᠭ᠌ ᠢ ᠨᠡᠭᠡᠭ᠍ᠳᠡᠭᠦᠯᠭᠦ ᠳᠦᠯᠭᠢᠭᠦᠷ ᠶᠤᠮ ᠪᠣᠯ
ᠪᠠᠷᠭᠡᠳᠤ ᠶᠢᠨ ᠨᠢᠭᠤᠴᠠ ᠶᠢ ᠴᠢᠮᠠ ᠪᠠᠷ ᠶᠢᠡᠨ ᠨᠡᠭᠡᠭᠡᠵᠤ ᠰᠠᠭᠤᠨᠠᠮ᠃
2009.10.20
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠣᠯᠠᠭᠠᠠᠬᠠᠳᠠ ᠬᠤᠳᠠ ᠶᠢᠨ ᠭᠡᠰᠢᠭ᠍ᠳᠡᠨ ᠬᠤᠰᠢᠭᠤᠨ ᠤ ᠪᠢᠷᠠᠭᠤ ᠳ᠋ᠠᠭᠢ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠪᠦᠭᠡᠵᠢᠷᠭᠠᠯ
ᠢᠷᠡᠯᠲᠡ᠄ ᠵᠤᠬᠢᠶᠠᠭᠴᠢ ᠢᠮᠸᠯ ᠶᠢᠡᠷ ᠢᠷᠡᠭᠦᠯᠪᠡ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2629
ᠴᠠᠭ᠄ 2010 ᠤᠨ ᠤ 01 ᠰᠠᠷᠠ ᠶᠢᠨ 22
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ