☆ ᠬᠦᠷᠡᠯᠤ᠋ᠨᠢᠰᠤ
ᠴᠠᠷᠮᠠᠢ᠌ᠨ ᠰᠤᠷᠤᠯᠴᠠᠶᠠ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠠᠷᠭᠢᠵᠤ ᠨᠠᠭᠠᠳᠴᠤ ᠶᠠᠪᠣᠬᠤ ᠳᠠᠭᠠᠨ
《ᠨᠢ᠋ᠮᠠᠨ ᠰᠢᠷᠭᠠ》 ᠳᠠᠯᠠ ᠳᠤ ᠳᠠᠪᠭᠢᠬᠤ ᠠᠳᠠᠯᠢᠬᠠᠨ
ᠨᠡᠢ᠌ᠷ ᠡᠪᠳᠡᠷᠡᠯᠴᠡᠵᠤ ᠥᠵᠡᠭᠡ ᠥᠭᠡᠢ
ᠨᠠᠢ᠌ᠷᠰᠠᠭ ᠳᠤᠳᠤᠨᠤ ᠳᠡᠭᠦᠨᠡᠷ ᠲᠡᠭᠡᠨ ᠵᠤᠷᠢᠭᠤᠯᠪᠠ
ᠳᠡᠷᠳᠡᠭᠡ ᠣᠷᠤᠰᠬᠤ ᠳᠡᠷᠡᠭᠦ ᠭᠤᠤᠯ
ᠮᠢᠷᠠᠯᠵᠠᠨ ᠳᠠᠪᠠᠯᠭᠠᠯᠠᠨ ᠣᠷᠤᠰᠤᠨᠠ
ᠡᠷᠭᠢ ᠳᠠᠠᠵᠢ ᠳ᠋ᠠᠭᠢ ᠠᠮᠢᠳᠤ ᠪᠣᠳᠠᠰ ᠲᠤ ᠪᠠᠨ
ᠣᠭᠤᠷᠠᠭ ᠰᠢᠮᠠ ᠬᠠᠩᠭ᠋ᠠᠭᠠᠤᠨ ᠠᠶᠠᠷᠯᠠᠨᠠ
《ᠨᠤᠳᠤᠭ ᠤᠨ ᠮᠢᠨᠢ ᠠᠮᠢᠨ ᠰᠤᠳᠠᠰᠤ ᠡ
ᠪᠣᠴᠠᠭᠠᠤᠨ ᠣᠷᠤᠰᠤᠭᠠᠷᠠᠢ ⁈》 ᠭᠡᠵᠤ
ᠨᠤᠭᠤᠭᠠᠨ ᠵᠥᠯᠭᠡᠨ ᠳᠡᠭᠡᠭᠦᠷ
ᠪᠦᠭᠦ ᠭᠦᠴᠤ ᠪᠠᠷ ᠶᠢᠡᠨ ᠬᠠᠰᠭᠢᠷᠤᠯᠠ ᠪᠢ
ᠭᠡᠳᠡᠯᠡ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠭᠤᠤᠯ ᠤᠨ ᠣᠰᠤ ᠪᠣᠴᠠᠭᠠᠤᠨ ᠣᠷᠤᠰᠳᠠᠭ ᠦᠭᠡᠶ︕
ᠴᠠᠭ ᠤᠨ ᠵᠡᠭᠦᠤ ᠠᠭᠢᠭᠠᠤᠨ ᠡᠷᠭᠢᠳᠡᠭ᠌ ᠦᠭᠡᠶ︕
ᠪᠠᠭᠠ ᠨᠠᠰᠤ ᠳᠠᠭᠢᠭᠠᠤᠨ ᠢᠷᠡᠳᠡᠭ᠌ ᠦᠭᠡᠶ︕
ᠥᠩᠭᠡᠷᠡᠰᠡᠨ ᠪᠦᠭᠦᠨ ᠡᠭᠦᠷᠢᠳᠡ ᠪᠣᠴᠠᠰᠢ ᠦᠭᠡᠶ︕
ᠡᠭᠦᠰᠦᠭ᠍ᠰᠡᠨ ᠪᠦᠭᠦᠨ ᠭᠡᠵᠢᠶᠡ ᠴᠤ ᠡᠷᠭᠢᠰᠢ ᠦᠭᠡᠶ︕
ᠡᠭᠡᠯᠢ ᠲᠡᠶ ᠡᠩᠭᠡ ᠬᠤᠷᠸᠠ ᠶᠢᠨ ᠵᠢᠮᠠ
ᠡᠭᠡᠭᠡᠨ ᠠᠮᠢᠳᠤᠷᠠᠯ ᠤᠨ ᠠᠶᠠᠨ
ᠣᠯᠠ ᠮᠦᠷ ᠶᠤᠮᠰᠠᠨ
ᠳᠠᠢ᠌ᠮᠤ ᠡ︕
ᠰᠤᠷᠳᠠᠯ ᠤᠨ ᠳᠤᠷᠭᠠᠨ ᠵᠢᠯᠤᠭᠤᠨ ᠳᠤ ᠵᠠᠯᠠᠭᠳᠠᠨ
ᠰᠤᠷᠢᠯᠳᠠ ᠴᠢᠩᠭᠠ ᠠᠮᠢᠳᠤᠷᠠᠯ ᠳᠤ ᠭᠦᠳᠦᠯᠦᠭ᠍ᠳᠡᠭ᠍ᠰᠡᠭᠡᠷ
ᠰᠤᠶᠤᠯ ᠤᠨ ᠠᠭᠤᠳᠠᠮ ᠬᠤᠷᠸᠠ ᠳᠤ ᠳᠠᠮᠠᠤᠯᠠᠨ
ᠰᠤᠷᠤᠯᠭᠠ ᠶᠢᠨ ᠠᠰᠬᠠ ᠳᠡᠭ᠍ᠳᠡᠷ ᠲᠤ ᠠᠪᠢᠷᠠᠭᠰᠠᠭᠠᠷ
ᠰᠤᠳᠤᠯᠤᠯᠳᠠ ᠪᠦᠳᠦᠭᠡᠯ ᠶᠢᠡᠷ ᠬᠣᠢ᠌ᠮᠤᠷ ᠴᠢᠮᠠᠵᠤ
ᠰᠤᠷᠤᠭᠴᠢ ᠠᠮᠢᠳᠤᠷᠠᠯ ᠳᠤ ᠠᠭᠤᠰᠤᠨ ᠰᠤᠶᠤᠯᠵᠢᠭᠰᠠᠭᠠᠷ
ᠰᠦᠨ ᠤ ᠦᠪ ᠰᠤᠶᠤᠯ ᠶᠢᠠᠨ ᠳᠡᠭᠡᠳᠦᠯᠡᠵᠤ ᠶᠠᠪᠣᠬᠤ
ᠰᠤᠳᠤᠨᠮᠤᠩᠭ᠋ᠤᠯ ᠤᠨ ᠰᠢᠯᠢᠳᠡᠭ᠌ ᠦᠷᠠᠰ ᠡᠭ᠍ᠡᠨᠡᠭ᠍ᠳᠡ ᠭᠦᠮᠦᠵᠢᠭ᠍ᠰᠡᠭᠡᠷ ᠁
ᠰᠤᠷᠤᠭᠴᠢ ᠭᠦᠮᠤᠨ ᠤ ᠰᠤᠷᠢᠶᠠ ᠶᠡᠭᠡᠳᠡᠢ ᠠᠮᠢᠳᠤᠷᠠᠯ
ᠰᠦ᠋ ᠲᠡᠶ ᠳᠦᠷᠦᠭᠡᠨ ᠳᠤ ᠢᠷᠦᠭᠡᠯ ᠲᠡᠶ ᠮᠤᠷᠳᠠᠭᠤᠯᠳᠠᠭ
ᠰᠤᠷᠭᠠᠭᠤᠯᠢ ᠶᠢᠨ ᠭᠦᠷᠢᠶᠡᠨ ᠳᠤ ᠯᠠ ᠪᠠᠢ᠌ᠳᠠᠭ ᠰᠢᠭ
ᠰᠤᠷᠤᠯᠴᠠᠯᠭᠠ ᠶᠢᠨ ᠳᠤᠬᠠᠢ ᠰᠤᠳᠤᠯᠵᠤ
ᠰᠤᠷᠤᠯᠭᠠ ᠶᠢᠨ ᠲᠦᠯᠦᠭᠡᠨᠡ ᠴᠢᠷᠮᠠᠢ᠌ᠬᠤ
ᠬᠠᠮᠤᠭ ᠢ ᠪᠦᠳᠦᠭᠡᠭᠦ ᠮᠡᠷᠭᠡᠨ ᠣᠬᠠᠭᠠᠨ
ᠬᠠᠳᠠᠨ ᠴᠠᠭᠢᠷᠠᠭ ᠪᠠᠶᠠ ᠮᠠᠬᠠᠪᠣᠤᠨ
ᠬᠠᠯᠠᠭᠤᠨ ᠨᠢᠭᠦᠯᠡᠰᠦᠩᠭᠦᠢ ᠰᠡᠳᠭᠢᠯ
ᠬᠠᠠᠳᠤᠯᠭᠠ ᠡᠷᠭᠢᠮ ᠰᠤᠷᠳᠠᠯ
ᠬᠠᠨᠠᠭᠠᠷ ᠪᠠᠭᠳᠠᠭᠠᠮᠵᠢᠳᠤ ᠴᠡᠭᠡᠵᠢ
ᠬᠠᠢ᠌ᠷᠠ ᠦᠨᠡᠠᠴᠢ ᠨᠥᠭᠦᠷᠯᠡᠯ
ᠬᠠᠮᠤᠭ ᠪᠦᠭᠦᠨ ᠢ ᠮᠢᠯᠢᠶᠠᠬᠤ
ᠬᠤᠤᠰ ᠦᠭᠡᠶ ᠳᠤᠷᠭᠠᠨ ᠵᠢᠯᠤᠭᠤ
ᠰᠤᠳᠤᠯᠤᠰᠢ ᠦᠭᠡᠶ ᠪᠠᠷᠭᠡ
ᠨᠢᠭᠤᠴᠠᠭᠠᠢ ᠭᠡᠷᠡᠭ᠌ ᠢ ᠴᠤ
ᠰᠤᠳᠤᠯᠤᠭᠰᠠᠭᠠᠷ ᠶᠢᠡᠨ ᠪᠠᠢ᠌ᠵᠤ
ᠠᠮᠵᠢᠯᠳᠠ ᠳᠤ ᠭᠦᠷᠳᠡᠭ᠌᠂
ᠳᠠᠢ᠌ᠯᠤᠰᠢ ᠦᠭᠡᠶ ᠪᠠᠭᠡ
ᠮᠥᠩᠭᠡ ᠶᠢᠨ ᠣᠨᠢᠰᠤᠭᠠ ᠶᠢ ᠴᠤ
ᠳᠠᠭᠠᠭᠠᠭᠰᠠᠭᠠᠷ ᠶᠢᠡᠨ ᠪᠠᠢ᠌ᠵᠤ
ᠬᠦᠩᠭᠡᠨ ᠶᠢᠡᠷ ᠰᠢᠦᠡᠪᠦᠷᠢᠯᠡᠳᠡᠭ᠌᠂
ᠰᠤᠯᠤᠩᠭᠠ ᠰᠢᠭ ᠰᠠᠢ᠌ᠬᠠᠨ
ᠢᠳᠡᠭᠡᠯ ᠡᠪᠦᠷᠯᠡᠭ᠍ᠰᠡᠨ
ᠰᠤᠷᠤᠭᠴᠢ ᠠᠮᠢᠳᠤᠷᠠᠯ ᠳᠤ ᠯᠠ
ᠪᠠᠢ᠌ᠳᠠᠭ ᠣᠴᠢᠷ ᠲᠡᠶ
ᠬᠠᠪᠰᠤᠷᠤᠯᠴᠠᠬᠤ ᠶᠢᠨ ᠰᠠᠢ᠌ᠬᠠᠨ ᠳ᠋ᠤ
ᠬᠠᠮᠳᠤᠪᠠᠷ ᠳᠠᠪᠰᠢᠬᠤ ᠵᠤᠷᠢᠭ︕
ᠬᠠᠯᠠᠮᠵᠢᠯᠠᠯ ᠤᠨ ᠭᠦᠴᠤᠨ ᠳ᠋ᠤ
ᠬᠠᠮᠳᠤ ᠳᠠᠭᠠᠨ ᠳᠡᠮᠡᠤᠯᠡᠭᠦ ᠭᠦᠰᠡᠯᠡᠩ︕
ᠬᠠᠢ᠌ᠷᠬᠠᠨ ᠪᠠᠶᠠ ᠶᠢᠨ ᠮᠢᠨᠢ ᠭᠠᠭᠴᠠ ᠳᠦᠰᠢᠭ᠌
ᠰᠤᠷᠤᠯᠴᠠᠯᠭᠠ ᠭᠢᠭᠡᠳ
ᠬᠠᠮᠤᠭ ᠨᠠᠢ᠌ᠵᠠᠰ ᠤᠨ ᠮᠢᠨᠢ ᠢᠳᠡᠭᠡᠯ ᠤᠨ ᠵᠢᠯᠤᠭᠤ
ᠴᠢᠷᠮᠠᠢ᠌ᠯᠠᠭᠠ ᠳᠤ ᠯᠠ ᠪᠠᠢ᠌ᠳᠠᠭ ᠰᠠᠨ
ᠴᠢᠷᠮᠠᠢ᠌ᠨ ᠰᠤᠷᠤᠯᠴᠠᠶᠠ᠂ ᠴᠢᠷᠮᠠᠢ᠌ᠨ ᠰᠤᠷᠤᠯᠴᠠᠶᠠ
ᠴᠠᠭ ᠢ ᠠᠮᠵᠢᠨ ᠴᠢᠷᠮᠠᠢ᠌ᠨ ᠰᠤᠷᠤᠯᠴᠠᠶᠠ︕
ᠴᠡᠴᠡᠭ᠌ ᠰᠢᠭ᠌ ᠨᠠᠰᠤ ᠪᠠᠨ ᠡᠷᠭᠢᠮᠯᠡᠵᠤ ᠴᠢᠷᠮᠠᠢ᠌ᠨ ᠰᠤᠷᠤᠯᠴᠠᠶᠠ︕
ᠴᠢᠷᠮᠠᠢ᠌ᠨ ᠰᠤᠷᠤᠯᠴᠠᠶᠠ᠂ ᠴᠢᠷᠮᠠᠢ᠌ᠨ ᠰᠤᠷᠤᠯᠴᠠᠶᠠ
ᠴᠢᠩᠭᠠ ᠬᠠᠳᠠᠨ ᠵᠤᠷᠢᠭ ᠢ ᠪᠠᠷᠢᠨ ᠴᠢᠷᠮᠠᠢ᠌ᠨ ᠰᠤᠷᠤᠯᠴᠠᠶᠠ︕
ᠴᠠᠭᠯᠠᠰᠢ ᠦᠭᠡᠶ ᠭᠦᠰᠡᠯᠡᠩ ᠶᠢᠨ ᠶᠢᠡᠨ ᠲᠦᠯᠦᠭᠡ ᠴᠢᠷᠮᠠᠢ᠌ᠨ ᠰᠤᠷᠤᠯᠴᠠᠶᠠ︕
2010 ᠣᠨ ᠤ10 ᠰᠠᠷᠠ ᠵᠢᠨ12 ᠊ᠤ ᠡᠳᠦᠷ
ᠪᠣᠷᠤᠬᠤᠳᠠᠨᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠦᠬᠡᠬᠤᠲᠠ ᠦᠨᠳᠦᠰᠦᠳᠠᠨ ᠤ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠨᠢᠨ ᠮᠡᠳᠡᠭᠡᠨ ᠤ ᠰᠠᠯᠪᠣᠷᠢ ᠵᠢᠨ2009 ᠣᠨ ᠤ ᠰᠤᠷᠪᠣᠯᠵᠢᠯᠭᠠ᠂ ᠨᠠᠢ᠌ᠷᠠᠭᠤᠯᠭᠠ ᠶᠢᠨ ᠨᠢᠭᠡᠳᠦᠭᠡᠷ ᠠᠩᠭᠢ
ᠵᠤᠬᠢᠶᠠᠭᠴᠢ᠄ ᠬᠦᠷᠡᠯᠤ᠋ᠨᠢᠰᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2644
ᠴᠠᠭ᠄ 2011 ᠤᠨ ᠤ 01 ᠰᠠᠷᠠ ᠶᠢᠨ 09
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ