☆ ᠭᠤ᠋·ᠮᠢᠩᠭ᠋ᠠᠠᠪᠠᠶᠠᠷ
ᠭᠤ᠋·ᠮᠢᠩᠭ᠋ᠠᠠᠪᠠᠶᠠᠷ ᠤᠨ ᠰᠢᠯᠦᠭ᠌ ᠡᠴᠡ
ᠬᠠᠳᠤᠨ ᠭᠤᠤᠯ ᠤᠨ ᠣᠶᠠᠩᠭ᠋ᠠ
ᠮᠤᠨᠢ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠤ
ᠮᠥᠩᠭᠦᠨ ᠯᠤᠤ ᠳᠤᠭᠯᠠᠨ ᠪᠠᠢ᠌ᠨᠠ᠂
ᠮᠤᠷᠣᠢ᠌ᠯᠵᠠᠨ ᠵᠢᠱᠢᠭᠦᠯᠵᠡᠨ ᠮᠤᠰᠭᠢᠷᠠᠯᠳᠤᠭᠠᠤᠨ
ᠮᠠᠩᠨᠤᠭ ᠳᠠᠯᠠ ᠪᠠᠷ ᠨᠠᠭᠠᠳᠤᠨ ᠪᠠᠢ᠌ᠨᠠ᠃
ᠬᠠᠢ᠌ᠷᠠ ᠶᠢᠨ ᠳᠤᠳᠤᠷᠠ ᠬᠠᠯᠭᠤᠯᠵᠠᠨ ᠪᠠᠢ᠌ᠨᠠ
ᠬᠠᠷᠠᠭᠠ ᠠᠯᠳᠠᠮᠠ ᠨᠠᠯᠤᠯᠵᠠᠨ ᠪᠠᠢ᠌ᠨᠠ᠂
ᠬᠤᠯᠠ ᠡᠴᠡ ᠬᠠᠷᠠᠬᠤ ᠳᠤ ᠭᠢᠯᠠᠯᠵᠠᠨ ᠪᠠᠢ᠌ᠨᠠ
ᠭᠦᠷᠦᠭᠡᠤᠨ ᠢᠷᠡᠭᠦ ᠳᠤ ᠵᠢᠯᠠᠪᠠᠯᠵᠠᠨ ᠪᠠᠢ᠌ᠨᠠ᠃
ᠭᠦᠪᠪᠤᠰ ᠭᠦᠪᠪᠤᠰ ᠭᠦᠪᠪᠦᠯᠵᠡᠨ ᠪᠠᠢ᠌ᠨᠠ
ᠭᠦᠪᠦᠩ ᠡᠭᠦᠯᠡ ᠰᠢᠭ᠌ ᠭᠦᠷᠪᠠᠯᠵᠡᠨ ᠪᠠᠢ᠌ᠨᠠ᠂
ᠭᠦᠭᠡᠰᠤ ᠭᠠᠷᠤᠭᠠᠤᠨ ᠭᠦᠪᠰᠦᠭᠢᠨᠡᠨ ᠪᠠᠢ᠌ᠨᠠ
ᠭᠦᠭᠡᠷᠦᠭ᠍ᠰᠡᠨ ᠠᠢ᠌ᠷᠠᠭ ᠰᠢᠭ ᠰᠠᠭᠠᠯᠵᠠᠨ ᠪᠠᠢ᠌ᠨᠠ᠃
ᠰᠥᠯᠡᠭᠡᠤᠨ ᠰᠠᠮᠤᠭᠰᠠᠨ ᠴᠠᠢ ᠰᠢᠭ᠌ ᠪᠠᠢ᠌ᠨᠠ
ᠰᠢᠷᠭᠠᠯᠳᠤᠭᠰᠠᠨ ᠢᠳᠡᠭᠡᠨ ᠬᠠᠷᠠᠭᠳᠠᠨ ᠪᠠᠢ᠌ᠨᠠ᠂
ᠰᠥᠷᠦᠭ᠌ ᠵᠤᠵᠠᠭᠠᠨ ᠬᠤᠨᠢᠳ ᠰᠢᠭ ᠪᠠᠢ᠌ᠨᠠ
ᠰᠤᠪᠣᠬᠤ ᠨᠢᠷᠤᠭᠤᠳ ᠨᠢ ᠪᠦᠮᠪᠦᠯᠵᠡᠨ ᠪᠠᠢ᠌ᠨᠠ᠃
ᠰᠤᠨᠤᠨ ᠰᠤᠨᠤᠨ ᠰᠤᠨᠤᠯᠵᠠᠨ ᠪᠠᠢ᠌ᠨᠠ
ᠱᠤᠩᠭ᠋ᠤᠭᠠ ᠵᠢᠷᠤᠭᠠ ᠵᠢᠷᠪᠠᠯᠵᠠᠨ ᠪᠠᠢ᠌ᠨᠠ᠂
ᠰᠣᠢ᠌ᠯᠭᠠ ᠠᠪᠣᠭᠰᠠᠨ ᠠᠳᠤᠭᠤᠳ ᠰᠢᠭ ᠪᠠᠢ᠌ᠨᠠ
ᠰᠤᠠᠵᠤ ᠣᠷᠤᠯᠳᠤᠭᠠᠤᠨ ᠳᠠᠪᠭᠢᠯᠳᠤᠨ ᠪᠠᠢ᠌ᠨᠠ᠃
ᠪᠣᠭᠤᠷᠤᠯ ᠰᠠᠷᠠᠯ ᠶᠢᠡᠷ ᠪᠣᠷᠭᠢᠯᠤᠨ ᠪᠠᠢ᠌ᠨᠠ
ᠪᠣᠤᠠᠭᠢᠷᠤᠨ ᠬᠤᠤᠠᠬᠤᠷᠠᠨ ᠪᠣᠯᠤᠩᠭ᠋ᠤᠷᠠᠨ ᠪᠠᠢ᠌ᠨᠠ᠂
ᠪᠣᠤᠷᠠᠨ ᠳᠡᠮᠡᠭᠡ ᠬᠠᠪᠰᠢᠬᠤ ᠰᠢᠭ ᠪᠠᠢ᠌ᠨᠠ
ᠪᠣᠰᠤᠭᠠ ᠪᠦᠭᠡ ᠨᠢ ᠰᠠᠵᠢᠯᠠᠬᠤ ᠰᠢᠭ᠌ ᠪᠠᠢ᠌ᠨᠠ᠃
ᠪᠦᠯᠦᠭ᠌ ᠪᠦᠯᠦᠭ᠌ ᠶᠢᠡᠷ ᠨᠦᠷᠢᠯᠳᠤᠨ ᠪᠠᠢ᠌ᠨᠠ
ᠪᠦᠭᠦᠮ ᠪᠦᠭᠦᠮ ᠶᠢᠡᠷ ᠳᠦᠯᠭᠢᠯᠴᠡᠨ ᠪᠠᠢ᠌ᠨᠠ᠂
ᠪᠣᠬᠠᠨ ᠥᠭᠡᠷ ᠤᠳ ᠮᠥᠷᠭᠦᠯᠳᠦᠭᠦ ᠰᠢᠭ᠌ ᠪᠠᠢ᠌ᠨᠠ
ᠪᠦᠳᠦᠭᠦᠨ ᠡᠪᠠᠷ ᠨᠢ ᠰᠡᠵᠢᠯᠡᠭᠦ ᠰᠢᠭ᠌ ᠪᠠᠢ᠌ᠨᠠ᠃
ᠡᠷᠭᠢᠨ ᠡᠷᠭᠢᠨ ᠡᠪᠭᠡᠷᠡᠨ ᠪᠠᠢ᠌ᠨᠠ
ᠡᠭᠡᠷᠦᠯ ᠰᠢᠤᠬᠠᠨ ᠡᠷᠭᠢᠯᠳᠤᠨ ᠪᠠᠢ᠌ᠨᠠ᠂
ᠢᠷᠮᠡᠭ᠌ ᠭᠦᠪᠠᠭᠡ ᠳᠡᠭᠡᠨ ᠴᠠᠯᠭᠢᠨ ᠪᠠᠢ᠌ᠨᠠ
ᠡᠷᠭᠢ ᠪᠠᠨ ᠢᠳᠡᠭᠡᠤᠨ ᠪᠣᠯᠭᠢᠯᠠᠨ ᠪᠠᠢ᠌ᠨᠠ᠃
ᠰᠦᠮᠪᠦᠷ ᠠᠭᠤᠯᠠ ᠶᠢ ᠬᠤᠷᠮᠣᠢ᠌ᠳᠠᠨ ᠪᠠᠢ᠌ᠨᠠ
ᠰᠦᠨᠢ ᠡᠳᠦᠷ ᠦᠭᠡᠶ ᠱᠤᠭᠰᠢᠯᠳᠤᠨ ᠪᠠᠢ᠌ᠨᠠ᠂
ᠰᠦᠨ ᠳᠠᠯᠠᠢ ᠶᠢ ᠴᠢᠭ᠍ᠯᠡᠨ ᠪᠠᠢ᠌ᠨᠠ
ᠰᠢᠷᠦᠭᠦᠨ ᠪᠣᠴᠠᠯᠤᠭᠠᠤᠨ ᠶᠠᠭᠠᠷᠠᠯᠳᠠᠢ ᠪᠠᠢ᠌ᠨᠠ᠃
ᠰᠠᠢ᠌ᠬᠠᠨ ᠳᠠᠯᠠ
ᠰᠠᠢ᠌ᠬᠠᠨ ᠳᠠᠯᠠ ᠰᠠᠢ᠌ᠬᠠᠨ ᠶᠤᠮ ᠪᠠᠢ᠌ᠨᠠ
ᠰᠠᠴᠤᠷᠠᠭ ᠨᠠᠷᠠ ᠨᠢ ᠬᠤᠷᠴᠠᠯᠢᠭ ᠶᠤᠮ ᠪᠠᠢ᠌ᠨᠠ᠂
ᠰᠢᠯᠢ ᠶᠢᠨ ᠳᠤᠮᠳᠠ ᠪᠠᠨ ᠨᠠᠭᠠᠳᠤᠨ ᠳᠤᠭᠯᠠᠭᠰᠠᠨ
ᠰᠢᠯᠤᠨ ᠪᠣᠰᠤᠭᠠ ᠵᠡᠷᠭᠡᠯᠭᠡᠨ ᠲᠡᠶ ᠶᠤᠮ ᠪᠠᠢ᠌ᠨᠠ᠃
ᠰᠠᠢ᠌ᠬᠠᠨ ᠳᠠᠯᠠ ᠰᠠᠢ᠌ᠬᠠᠨ ᠶᠤᠮ ᠪᠠᠢ᠌ᠨᠠ
ᠰᠤᠪᠣᠤᠨ ᠴᠠᠭᠠᠨ ᠬᠤᠨᠢᠳ ᠲᠡᠶ ᠶᠤᠮ ᠪᠠᠢ᠌ᠨᠠ᠂
ᠰᠥᠷᠦᠭ᠌ ᠵᠤᠵᠠᠭᠠᠨ ᠠᠳᠤᠭᠤᠳ ᠲᠡᠶ ᠶᠤᠮ ᠪᠠᠢ᠌ᠨᠠ
ᠱᠢᠷᠤᠨ ᠣᠯᠠᠭᠠᠨ ᠥᠭᠡᠷ ᠲᠡᠶ ᠶᠤᠮ ᠪᠠᠢ᠌ᠨᠠ᠃
ᠰᠠᠢ᠌ᠬᠠᠨ ᠳᠠᠯᠠ ᠰᠠᠢ᠌ᠬᠠᠨ ᠶᠤᠮ ᠪᠠᠢ᠌ᠨᠠ
ᠰᠠᠢ᠌ᠷ ᠤᠨ ᠣᠪᠣᠭᠠᠨ ᠳᠠᠭᠠᠨ ᠵᠤᠰᠠᠭᠠᠯ ᠲᠡᠶ ᠶᠤᠮ ᠪᠠᠢ᠌ᠨᠠ᠂
ᠰᠢᠨᠡᠭᠡᠨ ᠭᠡᠷ ᠤᠳ ᠨᠢ ᠣᠯᠠᠨ ᠶᠤᠮ ᠪᠠᠢ᠌ᠨᠠ
ᠰᠠᠭᠠᠯᠢ ᠰᠦ᠋ ᠪᠠᠷ ᠡᠯᠪᠠᠭ᠌ ᠴᠤ ᠶᠤᠮ ᠪᠠᠢ᠌ᠨᠠ
ᠰᠠᠢ᠌ᠬᠠᠨ ᠳᠠᠯᠠ ᠰᠠᠢ᠌ᠬᠠᠨ ᠶᠤᠮ ᠪᠠᠢ᠌ᠨᠠ
ᠰᠠᠭᠠᠯᠴᠢᠨ ᠪᠦᠰᠡᠭᠦᠢ ᠨᠢ ᠳᠠᠭᠤᠴᠢᠨ ᠶᠤᠮ ᠪᠠᠢ᠌ᠨᠠ᠃
ᠰᠠᠷᠠᠭᠤᠯᠬᠠᠨ ᠴᠢᠷᠠᠢ᠌ᠯᠠᠭ ᠵᠢᠰᠦᠷᠭᠡᠭ᠌ ᠶᠤᠮ ᠪᠠᠢ᠌ᠨᠠ
ᠰᠠᠨᠠᠭᠠ ᠪᠣᠳᠤᠯ ᠨᠢ ᠪᠠᠶᠠᠨ ᠴᠤ ᠶᠤᠮ ᠪᠠᠢ᠌ᠨᠠ᠃
ᠰᠠᠢ᠌ᠬᠠᠨ ᠳᠠᠯᠠ ᠰᠠᠢ᠌ᠬᠠᠨ ᠶᠤᠮ ᠪᠠᠢ᠌ᠨᠠ
ᠰᠠᠨᠰᠠᠷ ᠬᠤᠷᠸᠠ ᠨᠢ ᠳᠤᠩᠭ᠋ᠠᠯᠠᠭ ᠶᠤᠮ ᠪᠠᠢ᠌ᠨᠠ
ᠰᠠᠷᠠ ᠨᠢ ᠳᠦᠭᠡᠷᠢᠮᠡᠷ ᠨᠡᠯᠦᠭᠡᠷ ᠶᠤᠮ ᠪᠠᠢ᠌ᠨ
ᠰᠠᠯᠭᠢᠨ ᠨᠢ ᠪᠠᠰᠠ ᠴᠡᠪᠠᠷᠭᠡᠨ ᠶᠤᠮ ᠪᠠᠢ᠌ᠨᠠ᠃
ᠰᠠᠢ᠌ᠬᠠᠨ ᠳᠠᠯᠠ ᠰᠠᠢ᠌ᠬᠠᠨ ᠶᠤᠮ ᠪᠠᠢ᠌ᠨᠠ
ᠰᠤᠭᠤᠨᠠᠭ ᠳᠠᠳᠠᠭᠰᠠᠨ ᠵᠠᠮ ᠲᠡᠶ ᠶᠤᠮ ᠪᠠᠢ᠌ᠨᠠ᠂
ᠰᠠᠤᠠᠭᠢᠯ ᠱᠤᠩᠭ᠋ᠤᠭᠠᠨ ᠳᠠᠪᠭᠢᠭᠠᠤᠨ ᠢᠷᠡᠭᠦ ᠳᠤ
ᠰᠠᠨᠠᠭᠰᠠᠨ ᠭᠠᠵᠠᠷ ᠨᠢ ᠣᠢ᠌ᠷᠬᠠᠨ ᠶᠤᠮ ᠪᠠᠢ᠌ᠨᠠ᠃
ᠡᠷᠢᠶᠡᠨ ᠬᠤᠳᠠ ᠳᠤ ᠣᠴᠢᠭᠠᠤᠨ
ᠶᠢᠰᠤᠨ ᠰᠠᠷᠠ ᠶᠢᠨ ᠰᠠᠢ᠌ᠬᠠᠨ ᠵᠢᠠᠷ
ᠡᠷᠢᠶᠡᠨ ᠬᠤᠳᠠ ᠳᠤ ᠨᠢᠭᠡ ᠣᠴᠢᠯᠠ᠂
ᠡᠷᠢᠶᠡᠨ ᠨᠠᠭᠤᠷ ᠤᠨ ᠡᠷᠭᠢ ᠳᠡᠭᠡᠷᠡ
ᠡᠷᠢᠶᠡᠨ ᠠᠯᠠᠭ ᠬᠤᠷᠸᠠ ᠪᠠᠢ᠌ᠨᠠ᠃
ᠠᠪᠣᠷᠭᠤ ᠭᠦᠷᠪᠠᠯ ᠤᠨ ᠰᠢᠭᠤᠮᠠᠯ ᠨᠢ
ᠠᠮᠢᠳᠠᠢ ᠰᠢᠭ ᠶᠢᠡᠨ ᠵᠤᠭᠰᠤᠵᠤ ᠪᠠᠢ᠌ᠨᠠ᠂
ᠠᠮᠠ ᠬᠠᠮᠠᠷ ᠶᠢᠡᠨ ᠨᠡᠢ᠌ᠯᠡᠭᠦᠯᠦᠭᠡᠤᠨ
ᠦᠨᠦᠰᠤᠯᠴᠠᠵᠤ ᠪᠠᠢ᠌ᠮᠠᠷ ᠬᠠᠷᠠᠭᠳᠠᠵᠤ ᠪᠠᠢ᠌ᠨᠠ᠃
ᠨᠠᠢ᠌ᠵᠠ ᠨᠥᠭᠦᠤᠨ ᠲᠡᠭᠡᠨ ᠠᠭᠤᠯᠵᠠᠭᠠᠤᠨ
ᠨᠠᠢ᠌ᠷᠰᠠᠭ ᠨᠠᠩᠰᠤᠯᠴᠠᠭᠠᠤᠨ ᠨᠠᠭᠠᠳᠤᠯᠠ᠂
ᠨᠠᠳᠠ ᠳᠤ ᠦᠭᠭᠦᠭ᠍ᠰᠡᠨ ᠳᠤᠷᠠᠰᠤᠮᠵᠢ
ᠨᠠᠰᠤᠨ ᠳᠤ ᠮᠠᠷᠳᠠᠭᠳᠠᠰᠢ ᠦᠭᠡᠶ ᠰᠠᠭᠤᠭᠳᠠᠯᠠ᠃
ᠰᠤᠯᠤᠩᠭ᠋ᠤᠨ ᠭᠦᠭᠦᠷᠭᠡ ᠨᠢ ᠰᠤᠨᠢᠬᠠᠨ ᠪᠠᠢ᠌ᠨᠠ
ᠰᠤᠨᠤᠷ ᠥᠩᠭᠡᠳᠡᠢ ᠭᠤᠶᠤᠬᠠᠨ ᠪᠠᠢ᠌ᠨᠠ᠂
ᠰᠤᠯᠢᠯᠴᠠᠭᠠᠨ ᠤ ᠭᠠᠵᠠᠷ ᠨᠢ ᠭᠠᠢ᠌ᠬᠠᠯᠳᠠᠢ ᠪᠠᠢ᠌ᠨᠠ
ᠰᠤᠪᠣᠤᠨ ᠰᠤᠠᠳᠤᠷ ᠶᠢᠡᠷ ᠡᠯᠪᠠᠭ᠌ ᠪᠠᠢ᠌ᠨᠠ᠃
ᠣᠯᠤᠰ ᠤᠨ ᠡᠭᠦᠳᠡᠨ ᠳ᠋ᠤᠨᠢ ᠭᠦᠷᠦᠯᠡ
ᠠᠼᠢᠶᠠ ᠳᠢᠪ ᠲᠡᠭᠡᠨ ᠠᠭᠤᠤ ᠶᠤᠮ ᠪᠠᠢ᠌ᠨᠠ᠂
ᠠᠴᠢᠶᠠᠨ ᠳᠡᠷᠭᠡ ᠨᠤᠭᠦᠤᠨ ᠵᠥᠷᠢᠯᠳᠦᠭᠡᠤᠨ
ᠠᠷᠤ ᠶᠢᠨ ᠭᠡᠢ᠌ᠴᠢᠨ ᠨᠢ ᠠᠷᠪᠢᠨ ᠪᠠᠢ᠌ᠨᠠ᠃
ᠨᠡᠭᠡᠭᠡᠯᠳᠡ ᠶᠢᠨ ᠣᠷᠤᠨ ᠤ ᠭᠠᠵᠠᠷ ᠶᠤᠮ ᠭᠡᠨᠡ
ᠨᠡᠭᠡᠭᠡᠭ᠍ᠰᠡᠨ ᠡᠭᠦᠳᠡ ᠪᠠᠷ ᠨᠢ ᠣᠷᠤᠯᠠ᠂
ᠨᠢᠯᠬᠠᠰᠠᠭ ᠵᠢᠭᠠᠬᠠᠨ ᠭᠡᠦᠭᠡᠡᠴᠦᠦᠯ ᠤᠨ
ᠨᠢᠴᠦᠭᠦᠨ ᠪᠦᠵᠢᠭᠯᠡᠭᠦ ᠶᠢ ᠨᠢ ᠦᠵᠡᠯᠠ᠃
ᠠᠯᠢᠶᠠ ᠦᠬᠢᠠᠴᠦᠳ ᠣᠯᠠᠨ ᠪᠠᠢ᠌ᠨᠠ
ᠠᠭᠠᠯᠢ ᠭᠠᠷᠭᠠᠭᠠᠤᠨ ᠢᠨᠢᠶᠠᠵᠤ ᠪᠠᠢ᠌ᠨᠠ᠃
ᠠᠭᠠᠰᠢ ᠵᠠᠩ ᠶᠢᠡᠨ ᠮᠡᠳᠡᠯᠴᠡᠭᠦ ᠦᠭᠡᠶ ᠴᠤ
ᠠᠬᠠᠰ ᠲ᠋ᠡᠭᠦᠨᠡᠷ ᠰᠢᠭ᠌ ᠳᠤᠳᠤᠨᠤᠰᠤᠭ ᠪᠠᠢ᠌ᠨᠠ᠃
ᠡᠷᠢᠶᠡᠨ ᠨᠠᠭᠤᠷ ᠶᠢᠡᠷ ᠨᠢ ᠵᠤᠭᠠᠴᠢᠯᠠ
ᠡᠷᠳᠡᠨ ᠤ ᠳᠤᠮᠤᠭ ᠨᠢ ᠳᠤᠳᠤᠷᠬᠠᠢ ᠪᠠᠢ᠌ᠨᠠ᠂
ᠠᠪᠣᠷᠭᠤ ᠭᠦᠷᠪᠠᠯ ᠤᠨ ᠴᠢᠯᠠᠭᠤᠵᠢᠮᠠᠯ ᠤᠳ
ᠠᠩᠬᠠᠨ ᠤ ᠳᠡᠦᠭᠡ ᠪᠠᠨ ᠶᠠᠷᠢᠵᠤ ᠯᠠ ᠪᠠᠢ᠌ᠨᠠ᠃
ᠵᠤᠬᠢᠶᠠᠭᠴᠢ᠄ ᠭᠤ᠋·ᠮᠢᠩᠭ᠋ᠠᠠᠪᠠᠶᠠᠷ
ᠢᠷᠡᠯᠲᠡ᠄ ᠰᠠᠮᠪᠠᠷᠠ ᠡᠴᠡ ᠰᠢᠯᠢᠪᠠ (ᠰᠠᠯᠭᠢᠨ)
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 5295
ᠴᠠᠭ᠄ 2007 ᠤᠨ ᠤ 11 ᠰᠠᠷᠠ ᠶᠢᠨ 03
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ