☆ ᠰ·ᠮᠥᠩᠭᠡᠨᠡᠷᠡᠰᠤ
ᠵᠢᠷᠭᠠᠯ ᠶᠠᠭᠤ︖
ᠡᠨᠡ ᠦᠳᠡ ᠳᠤ ᠳᠠᠢ᠌ᠯᠠᠯᠭᠠ ᠲᠡᠶ ᠭᠡᠳ ᠶᠠᠪᠣᠬᠤ ᠳᠤ ᠪᠠᠨ ᠪᠢ
ᠡᠷᠭᠡ ᠦᠭᠡᠶ ᠡᠷᠭᠢᠵᠤ ᠬᠠᠷᠠᠭᠰᠠᠨ ᠶᠤᠮ
ᠡᠩᠭᠦᠷᠡᠢ ᠭᠦᠤ ᠪᠠᠨ ᠠᠷᠭᠠᠳᠠᠵᠤ ᠴᠢ ᠠᠭᠠᠵᠢᠮ ᠬᠤᠯᠠᠳᠠᠭᠰᠠᠨ ᠶᠤᠮ
ᠡᠷᠭᠢᠨ ᠡᠷᠭᠢᠨ ᠬᠠᠷᠠᠬᠤ ᠳᠤ ᠮᠢᠨᠢ
ᠠᠯᠬᠤᠭᠠ ᠴᠢᠨᠢ ᠣᠳᠠᠭᠠᠰᠢᠷᠠᠭᠰᠠᠨ ᠰᠢᠭ ᠰᠠᠨᠠᠭᠳᠠᠨᠠ
ᠭᠡᠭᠡᠭᠡᠨ ᠴᠡᠯᠮᠡᠭ᠌ ᠳᠡᠭ᠍ᠷᠢ
ᠭᠡᠨᠡᠳᠲᠡ ᠪᠣᠷᠤᠭᠠᠯᠠᠬᠤ ᠰᠢᠭ ᠨᠢᠳᠤ ᠴᠢᠭᠢᠭ᠍ᠳᠤᠨᠡ ᠁
ᠡᠵᠢ ᠬᠠᠮᠢᠭᠠ ᠶᠠᠪᠣᠨᠠᠮ ᠭᠡᠵᠤ
ᠡᠷᠪᠠᠢ ᠭᠦᠤ ᠮᠢᠨᠢ ᠥᠭᠡᠢ᠌ᠯᠡᠨᠡ
ᠬᠤᠳᠠᠯ ᠶᠠᠷᠢᠵᠤ ᠴᠢᠳᠠᠬᠤ ᠦᠭᠡᠶ ᠴᠢ ᠮᠢᠨᠢ
ᠬᠠᠷᠠᠴᠠ ᠪᠣᠷᠤᠭᠤᠯᠠᠨ ᠭᠦᠤ ᠪᠠᠨ ᠬᠠᠭᠤᠷᠤᠨᠠ
ᠠᠷᠢᠭᠢᠨ ᠰᠢᠷᠡᠭᠡᠨ ᠳᠤ ᠡᠵᠢ ᠴᠢᠨᠢ
ᠠᠢ᠌ᠯ ᠤᠨ ᠠᠪᠠᠭᠠ᠂ ᠠᠨᠢᠶᠠ ᠲᠡᠶ ᠴᠢᠨᠢ ᠁ ᠭᠡᠵᠤ
ᠬᠤᠩᠭ᠋ᠤᠷ ᠦᠷᠡ ᠳᠤ ᠪᠠᠨ
ᠴᠢ ᠮᠢᠨᠢ ᠭᠡᠯᠡᠭᠦ ᠥᠭᠡᠢ
ᠬᠡᠦᠬᠡᠳ ᠤᠨ ᠰᠡᠳᠭᠢᠯ ᠳᠤ ᠰᠠᠪ ᠥᠭᠡᠢ
ᠬᠡᠦᠬᠡᠳ ᠤᠨ ᠶᠢᠷᠳᠢᠠᠴᠤ ᠳᠤ ᠠᠷᠢᠭᠢ ᠨᠠᠩ ᠥᠭᠡᠢ
ᠳᠤᠭᠤᠷᠢᠭ ᠰᠢᠷᠡᠭᠡᠨ ᠳᠤ ᠡᠵᠢ ᠨᠢ ᠰᠢᠯᠦᠭ᠍ᠴᠢ ᠴᠤ
ᠳᠤᠭᠤᠷᠢᠭᠰᠠᠨ ᠣᠯᠠᠨ ᠳᠤ ᠪᠠᠨ ᠡᠵᠢ ᠨᠢ ᠳᠠᠭᠢᠨᠢ ᠪᠢᠰᠢ
ᠳᠤᠭᠤᠨᠤᠳᠤ ᠭᠡᠷ ᠲᠤ ᠪᠠᠨ ᠳᠠ ᠬᠤᠶᠠᠭᠤᠯᠠ ᠪᠠᠨ ᠯᠠ
ᠳᠤᠭᠤᠵᠤ ᠨᠠᠮᠠ ᠪᠠᠨ ᠳᠠᠭᠤᠯᠠᠮᠠᠷ ᠰᠢᠳᠤᠨᠡ
ᠠᠯᠠᠭ ᠲᠡᠶ ᠪᠣᠯᠠᠭ ᠲᠡᠶ ᠬᠤᠷᠸᠠ ᠳᠤ ᠪᠠᠨ
ᠠᠮᠢᠳᠤᠷᠠᠵᠤ ᠪᠦᠳᠦᠴᠢᠵᠤ ᠡᠵᠢ ᠨᠢ ᠶᠠᠪᠣᠨᠠ
ᠠᠵᠠ ᠶᠢᠨ ᠠᠯᠳᠠᠨ ᠲᠦᠯᠭᠢᠭᠦᠷ ᠢ
ᠠᠯᠠᠭᠠᠨ ᠳᠤ ᠪᠠᠨ ᠠᠳᠬᠤᠬᠤ ᠭᠡᠵᠤ ᠮᠠᠷᠠᠢ᠌ᠨᠡ᠂᠂
ᠠᠢ᠂ ᠳᠡᠭᠡᠭᠦ ᠳ᠋ᠤ
ᠠᠮᠠᠷᠠᠭ ᠴᠢ ᠮᠢᠨᠢ︕
ᠠᠭᠢᠭᠠᠤᠨ ᠣᠯᠳᠠᠬᠤ ᠦᠭᠡᠶ ᠬᠠᠢ᠌ᠷᠠ ᠶᠢᠨ ᠰᠠᠭᠢᠭᠤᠰᠤ ᠡ
ᠠᠷᠢᠭᠤᠨ ᠳᠤᠷᠠᠯᠠᠯ ᠤᠨ ᠮᠢᠨᠢ ᠭᠦᠰᠢᠭᠡ ᠶᠢ ᠢᠷᠠᠭᠰᠠᠨ ᠬᠠᠯᠠᠭᠤᠨ ᠭᠠᠷ ᠡ
ᠠᠩᠭᠢᠯᠤᠮᠠ ᠴᠡᠴᠡᠭ᠌ ᠤᠨ ᠦᠨᠦᠷ ᠦᠷᠦᠭᠡᠨ ᠳᠤ ᠬᠠᠩᠬᠤᠯᠤᠭᠰᠠᠨ ᠷᠤᠮᠠᠠᠲ᠋ᠢᠭ ᠦᠷᠯᠦᠭᠡ ᠡ
ᠠᠮᠢᠳᠤᠷᠠᠯ ᠤᠨ ᠵᠠᠮ ᠳᠤ ᠬᠠᠮᠳᠤᠪᠠᠷ ᠥᠳᠡᠯᠭᠦ ᠶᠢᠨ ᠦᠨᠡᠨ ᠮᠦᠨ ᠵᠢᠷᠤᠬᠠ
ᠬᠤᠷᠤᠮᠬᠠᠨ ᠵᠠᠭᠤᠷᠠ ᠶᠢᠨ ᠥᠩᠭᠡᠳᠤ ᠰᠤᠯᠤᠩᠭᠠ
ᠬᠤᠶᠠᠷ ᠴᠤ ᠣᠳᠠᠭᠠ ᠡᠯᠭᠦᠭ᠍ᠳᠡᠭᠦ ᠪᠢᠰᠢ
ᠬᠤᠤᠰᠯᠠᠨ ᠵᠢᠷᠭᠠᠬᠤ ᠶᠢᠨ ᠠᠮᠠᠷᠠᠭ ᠵᠠᠶᠠᠭᠠ
ᠬᠤᠶᠠᠷ ᠴᠤ ᠣᠳᠠᠭᠠ ᠲᠤᠬᠢᠶᠠᠯᠳᠤᠬᠤ ᠪᠢᠰᠢ
ᠠᠢ᠂ ᠭᠦᠭᠡᠷᠦᠭᠦᠢ
ᠠᠮᠠᠷᠠᠭ ᠬᠠᠢ᠌ᠷᠠ ᠮᠢᠨᠢ
ᠦᠩᠭᠡᠨ ᠳᠠᠳᠤᠢ ᠪᠠᠬᠠᠷᠬᠠᠯ ᠳᠤ ᠪᠢᠰᠢ
ᠥᠭᠡᠨ ᠤ ᠳᠠᠳᠤᠢ ᠮᠠᠭᠳᠠᠭᠠᠯ ᠳᠤ ᠪᠢᠰᠢ
ᠦᠨᠡᠨ ᠵᠢᠷᠦᠭᠡᠨ ᠤ ᠬᠠᠢ᠌ᠷᠠᠨ ᠳᠤ ᠪᠠᠨ ᠯᠠ
ᠦᠶᠡ ᠶᠢᠨ ᠦᠶᠡ ᠳᠤ ᠮᠥᠩᠭᠡᠷᠡᠳᠡᠭ᠌ ᠪᠠᠢ᠌ᠵᠠᠢ ᠡ
ᠪᠣᠷᠤᠭᠠᠨ ᠠᠷᠢᠯᠵᠤ ᠰᠤᠯᠤᠩᠭᠠ ᠳᠡᠭ᠍ᠳᠡᠳᠡᠭ᠌ ᠴᠤ
ᠪᠣᠴᠠᠭᠠᠤᠨ ᠬᠠᠷᠠᠪᠠᠯ ᠭᠤᠨᠢᠭ ᠮᠠᠷᠳᠠᠭᠳᠠᠬᠤ ᠥᠭᠡᠢ
ᠪᠣᠳᠤᠯ ᠳᠤ ᠬᠤᠨᠤᠭᠰᠭᠰᠠᠨ ᠥᠭᠡ᠂ ᠠᠭᠤᠷ ᠪᠣᠭᠢᠨᠢᠳᠤᠯ ᠪᠦᠭᠦᠨ ᠶᠢᠡᠨ
ᠭᠡᠯᠡᠭᠡᠳ ᠯᠠ ᠪᠠᠢ᠌ᠬᠤ ᠶᠠᠮᠠᠷ ᠭᠦᠮᠤᠨ ᠪᠦᠭᠦᠨ ᠨᠠᠢ᠌ᠵᠠ ᠴᠢᠨᠢ ᠪᠢᠰᠢ
ᠠᠷᠢᠭᠢᠨ ᠬᠠᠯᠠᠭᠤᠨ ᠶᠢᠡᠷ ᠳᠠᠭᠤᠤ ᠳᠠᠭᠤᠯᠠᠵᠤ ᠪᠣᠯᠳᠠᠭ ᠴᠤ
ᠠᠷᠢᠭᠤᠨ ᠰᠡᠳᠭᠢᠯ ᠤᠨ ᠵᠢᠯᠤᠭᠤ ᠶᠢ ᠠᠯᠳᠠᠨ ᠰᠤᠭᠳᠤᠵᠤ ᠪᠣᠯᠬᠤ ᠦᠦ︖
ᠠᠮᠠᠷᠠᠭ ᠬᠠᠢ᠌ᠷᠠ ᠶᠢᠨ ᠰᠢᠯᠦᠭ᠌ ᠣᠶᠠᠩᠭ᠋ᠠᠯᠠᠬᠤ ᠰᠠᠢ᠌ᠬᠠᠨ ᠴᠤ
ᠠᠳᠬᠤᠬᠠᠨ ᠵᠢᠷᠦᠭᠡ ᠪᠠᠨ ᠪᠣᠯᠭᠢᠭᠰᠠᠨ ᠶᠢᠡᠷ ᠨᠢ ᠳᠠᠯᠪᠢᠵᠤ ᠪᠣᠯᠬᠤ ᠦᠦ︖
ᠠᠢ᠂ ᠭᠦᠭᠡᠷᠦᠭᠦᠢ
ᠠᠮᠢᠳᠤᠷᠠᠯ᠂ ᠵᠢᠷᠭᠠᠯ ᠮᠢᠨᠢ
ᠠᠩᠭᠢᠷᠬᠠᠨ ᠰᠠᠷᠠ ᠲᠡᠶ ᠰᠦᠨᠢ ᠶᠢᠨ
ᠨᠢᠯᠤᠭᠤᠬᠠᠨ ᠰᠢᠷᠭᠠᠯ ᠫᠢᠸᠤ᠋ ᠳᠤ ᠪᠢᠰᠢ
ᠠᠶᠠᠷᠬᠠᠨ ᠠᠶᠠᠰ ᠲᠡᠶ ᠭᠦᠭ᠍ᠵᠢᠮ ᠳᠤ ᠪᠢᠰᠢ
ᠠᠯᠢᠶᠠᠷᠬᠠᠵᠤ ᠳᠡᠷᠪᠠᠭᠦ ᠪᠦᠵᠢᠭ᠌ ᠲᠤ ᠪᠢᠰᠢ
ᠳᠡᠭ᠍ᠳᠡᠭᠡᠭᠡᠢ ᠭᠦᠭᠡᠷᠦᠭᠦᠨ ᠦᠷᠡ ᠶᠢᠨ ᠮᠢᠨᠢ
ᠳᠡᠭ᠍ᠵᠢᠨ ᠳᠠᠷᠪᠠᠨ ᠠᠭᠠᠰᠢᠨ ᠳᠤ ᠯᠠ ᠪᠣᠢ︕
ᠳᠡᠭᠡᠭ᠍ᠰᠢᠯᠡᠨ ᠮᠠᠠᠳᠤᠭᠰᠠᠨ ᠨᠠᠷᠠᠨ ᠰᠢᠭ ᠳᠡᠷᠭᠡᠯ
ᠳᠡᠯᠡᠭᠡᠢ ᠪᠠᠶᠠᠰᠬᠠᠮᠠ ᠦᠷᠦᠭᠡᠨ ᠳᠤ ᠮᠢᠨᠢ ᠯᠠ ᠪᠣᠢ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠢᠪᠠᠷᠳᠠᠢ ᠭᠤᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠰ·ᠮᠥᠩᠭᠡᠨᠡᠷᠡᠰᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2625
ᠴᠠᠭ᠄ 2010 ᠤᠨ ᠤ 07 ᠰᠠᠷᠠ ᠶᠢᠨ 05
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ