☆ ᠪᠣᠷᠵᠢᠭᠢᠨ ᠷᠢᠠᠴᠢᠨ
ᠬᠠᠢ᠌ᠷᠠ ᠶᠢᠨ ᠳᠤᠬᠠᠢ ᠪᠠᠳᠠᠭ ᠤᠳ
1
ᠲᠦᠮᠡᠨ ᠤ ᠳᠤᠮᠳᠠ ᠪᠠᠨ ᠣᠠᠴᠠᠭᠠᠢ ᠴᠢᠮᠠ ᠳ᠋ᠠᠭᠠᠨ
ᠳᠡᠭᠦᠵᠤ ᠪᠢᠴᠢᠭ᠍ᠰᠡᠨ ᠳᠠᠷᠠ ᠦᠰᠦᠭ᠌ ᠤᠳ ᠢ
ᠳᠠᠷᠠ ᠨᠢᠭᠡᠨ ᠭᠡᠦᠭᠡᠨ ᠣᠯᠵᠤ ᠦᠵᠡᠭᠡᠳ
ᠳᠡᠮᠳᠡᠭᠯᠡᠨ ᠠᠪᠴᠤ ᠣᠩᠰᠢᠵᠤ ᠶᠠᠪᠣᠨᠠ ᠭᠡᠨᠡᠮ
ᠦᠨᠡᠨ ᠰᠢᠤ ᠬᠤᠩᠭ᠋ᠤᠷ ᠮᠢᠨᠢ ᠦᠨᠡᠨ ᠡ
ᠦᠷᠤᠴᠠᠨ ᠤ ᠭᠦᠨ ᠡᠴᠠ ᠭᠢᠯᠪᠠᠵᠤ ᠭᠠᠷᠤᠭᠰᠠᠨ
ᠦᠪᠡᠷ ᠤᠨ ᠴᠢᠨᠢ ᠳᠤᠬᠠᠢ ᠣᠠᠳᠤᠷᠤᠭᠰᠠᠨ ᠦᠰᠦᠭ᠌ ᠤᠳ
ᠦᠷᠦᠭᠡᠯ ᠤᠨ ᠳᠤᠮᠳᠠ ᠳᠠᠷᠬᠠᠭᠰᠠᠨ ᠰᠢᠤ ᠳᠠᠷᠬᠠᠭᠰᠠᠨ ᠡ
2
ᠨᠢᠰᠭᠡᠭ᠍ᠰᠡᠨ ᠵᠠᠭᠢᠳᠠᠯ ᠬᠠᠷᠢᠭᠤ ᠥᠭᠡᠢ
ᠨᠢᠭᠡᠨ ᠨᠠᠮᠤᠷ ᠢ ᠥᠩᠭᠡᠷᠡᠭᠡᠯᠡ
ᠨᠢᠭᠡ ᠯᠠ ᠥᠭᠡᠨ ᠳᠤ ᠪᠦᠳᠦᠷᠢᠭᠡᠳ
ᠨᠥᠭᠦᠭᠡᠳ ᠪᠠᠷᠠᠬᠤ ᠦᠭᠡᠶ ᠣᠰᠤᠯ ᠨᠡᠭᠡᠨᠡ
ᠣᠰᠤᠯ ᠪᠣᠯᠤᠭᠰᠠᠨ ᠥᠭᠡ ᠪᠠᠨ ᠡᠷᠢᠭᠦ ᠳ᠋ᠤ
ᠣᠷᠤᠢ ᠶᠢᠨ ᠦᠰᠤ ᠴᠠᠢ᠌ᠴᠢᠬᠠᠭᠰᠠᠨ ᠪᠠᠢ᠌ᠯᠠ
ᠴᠠᠢ᠌ᠷᠠᠭᠰᠠᠨ ᠦᠰᠤ ᠪᠠᠨ ᠳᠤᠭᠠᠯᠠᠬᠤ ᠳ᠋ᠤ
ᠴᠢᠨᠤ ᠳᠤᠬᠠᠢ ᠳᠤᠷᠠᠯᠠᠯ ᠳᠤᠷᠠᠢ᠌ᠵᠤ ᠪᠠᠢ᠌ᠯᠠ
3
ᠣᠶᠠᠬᠠᠨ ᠽᠠᠠᠳᠠᠨ ᠨᠠᠰᠤ ᠮᠢᠨᠢ
ᠣᠯᠠᠭᠠᠨ ᠵᠢᠷᠦᠭᠡᠨ ᠳᠤ ᠴᠢᠨᠢ ᠣᠴᠢᠨᠠ
ᠣᠷᠢᠬᠠᠨ ᠳᠤᠯᠠᠭᠠᠨ ᠬᠠᠷᠠᠴᠠ ᠳᠤ ᠴᠢᠨᠢ
ᠣᠷᠮᠠ ᠰᠡᠳᠭᠢᠯ ᠮᠢᠨᠢ ᠣᠴᠢᠯᠠᠨᠠ
ᠡᠮᠨᠢᠭ᠌ ᠣᠩᠭ᠋ᠤᠨ ᠨᠠᠰᠤ ᠮᠢᠨᠢ
ᠡᠩᠭᠡᠷ ᠤᠨ ᠵᠡᠭᠦᠳᠤᠨ ᠳᠤ ᠴᠢᠨᠢ ᠡᠷᠭᠢᠴᠡᠨᠡ
ᠡᠩᠭᠦᠷᠡᠢ ᠬᠠᠯᠠᠭᠤᠨ ᠦᠨᠦᠰᠤᠯᠳᠠ ᠳᠤ ᠴᠢᠨᠢ
ᠡᠷᠡ ᠪᠠᠶᠠ ᠮᠢᠨᠢ ᠵᠢᠷᠭᠠᠨᠠ
4
ᠡᠳᠦᠷ ᠤᠨ ᠭᠡᠭᠡᠨ ᠳᠤ ᠴᠤ ᠴᠢᠮᠢ᠋ᠢ ᠰᠠᠨᠠᠨᠠ
ᠦᠳᠡᠰᠢ ᠶᠢᠨ ᠬᠠᠷᠠᠩᠭ᠋ᠤᠢ ᠳᠤ ᠴᠤ ᠴᠢᠮᠢ᠋ᠢ ᠰᠠᠨᠠᠨᠠ
ᠥᠩᠭᠡᠷᠡᠭᠦ ᠰᠠᠯᠭᠢᠨ ᠳᠤ ᠴᠤ ᠴᠢᠮᠢ᠋ᠢ ᠰᠠᠨᠠᠨᠠ
ᠡᠭᠦᠯᠡ ᠪᠣᠷᠤᠭᠠᠨ ᠳᠤ ᠴᠤ ᠴᠢᠮᠢ᠋ᠢ ᠰᠠᠨᠠᠨᠠ
ᠰᠠᠷᠠ ᠭᠠᠷᠬᠤ ᠳᠤ ᠴᠤ ᠴᠢᠮᠢ᠋ᠢ ᠰᠠᠨᠠᠨᠠ
ᠰᠠᠴᠤᠷᠠᠬᠤ ᠨᠠᠷᠠᠨ ᠳᠤ ᠴᠤ ᠴᠢᠮᠢ᠋ᠢ ᠰᠠᠨᠠᠨᠠ
ᠰᠠᠨᠠᠬᠤ ᠰᠡᠳᠭᠢᠯ ᠢ ᠬᠤᠷᠢᠭᠠᠵᠤ ᠴᠢᠳᠠᠬᠤ ᠥᠭᠡᠢ
ᠽᠠᠮᠪᠣᠳᠢᠪ ᠤᠨ ᠭᠠᠵᠠᠷ ᠲᠤ ᠴᠤ ᠬᠤᠤᠰ ᠦᠭᠡᠶ ᠰᠠᠨᠠᠨᠠ
5
ᠨᠠᠰᠤ ᠪᠠᠨ ᠪᠢ ᠮᠠᠷᠳᠠᠵᠤ ᠶᠠᠪᠣᠳᠠᠭ
ᠨᠠᠮᠳᠠᠷ ᠶᠢᠡᠨ ᠪᠢ ᠨᠠᠢ᠌ᠷᠠᠭᠯᠠᠵᠤ ᠶᠠᠪᠣᠳᠠᠭ
ᠨᠠᠮᠤᠷ ᠢ ᠪᠢ ᠮᠠᠭᠳᠠᠵᠤ ᠶᠠᠪᠣᠳᠠᠭ
ᠨᠠᠢ᠌ᠷ ᠶᠢᠡᠨ ᠪᠢ ᠨᠠᠷᠭᠢᠭᠤᠯᠵᠤ ᠶᠠᠪᠣᠳᠠᠭ
ᠴᠠᠭ ᠢ ᠪᠢ ᠠᠮᠵᠢᠵᠤ ᠶᠠᠪᠣᠳᠠᠭ
ᠴᠠᠭᠢᠷᠮᠠ ᠶᠢ ᠪᠢ ᠰᠢᠯᠦᠭᠯᠡᠵᠤ ᠶᠠᠪᠣᠳᠠᠭ
ᠴᠠᠭᠢᠯᠳᠠᠭ ᠢ ᠪᠢ ᠵᠢᠷᠤᠵᠤ ᠶᠠᠪᠣᠳᠠᠭ
ᠴᠢᠮᠢ᠋ᠢ ᠪᠠᠨ ᠪᠢ ᠵᠡᠭᠦᠳᠦᠯᠡᠵᠤ ᠶᠠᠪᠣᠳᠠᠭ ᠡ
6
ᠥᠭᠡ ᠪᠠᠨ ᠭᠦᠮᠦᠰ ᠮᠠᠷᠳᠠᠵᠤ ᠪᠣᠯᠤᠨᠠ
ᠥᠩᠭᠡᠷᠡᠭ᠍ᠰᠡᠨ ᠤᠴᠢᠷ ᠶᠢᠡᠨ ᠮᠠᠷᠳᠠᠵᠤ ᠪᠣᠯᠤᠨᠠ
ᠦᠨᠦᠳᠤᠷ ᠶᠢᠡᠨ ᠥᠩᠭᠡᠷᠡᠪᠠᠯ ᠮᠡᠳᠡᠭᠦ ᠦᠭᠡᠶ ᠪᠠᠢ᠌ᠵᠤ ᠪᠣᠯᠤᠨᠠ
ᠥᠩᠭᠡᠷᠡᠭᠡᠳ ᠭᠠᠷᠪᠠᠯ ᠡᠷᠭᠢᠵᠤ ᠪᠣᠳᠤᠬᠤ ᠦᠭᠡᠶ ᠪᠠᠢ᠌ᠵᠤ ᠪᠣᠯᠤᠨᠠ
ᠮᠠᠷᠭᠠᠰᠢ ᠪᠠᠰᠠ ᠮᠠᠷᠳᠠᠴᠢᠬᠠᠭᠰᠠᠨ ᠪᠠᠢ᠌ᠵᠤ ᠪᠣᠯᠤᠨᠠ
ᠮᠠᠰᠢ ᠦᠨᠡᠨ ᠨᠢᠭᠡ ᠯᠠ ᠶᠠᠭᠤᠮᠠ ᠶᠢ ᠮᠠᠷᠳᠠᠵᠤ ᠦᠯᠤ ᠪᠣᠯᠤᠨᠠ
ᠮᠠᠭᠠᠤᠨ ᠳᠡᠭᠦᠨ ᠢ ᠨᠢ ᠥᠭᠦᠯᠡᠨ ᠭᠡᠯᠡᠭᠦ ᠶᠤᠮ ᠪᠣᠯ
ᠮᠠᠷᠭᠤᠰᠢ ᠦᠭᠡᠶ ᠬᠠᠢ᠌ᠷᠠ ᠯᠠ ᠪᠠᠢ᠌ᠬᠤ ᠣᠴᠢᠷᠳᠠᠢ
7
ᠬᠠᠢ᠌ᠷᠠᠯᠠᠵᠤ ᠬᠠᠯᠠᠮᠵᠢᠯᠠᠵᠤ ᠶᠠᠪᠣᠭᠰᠠᠨ
ᠬᠠᠷᠠ ᠭᠦᠮᠤᠨ ᠣᠷᠤᠭᠤ ᠪᠠᠨ
ᠬᠠᠭᠢᠷ ᠰᠢᠷᠦᠭᠦᠨ ᠥᠭᠡ ᠢᠳᠡᠭᠦᠯᠵᠤ
ᠬᠠᠯᠠᠭᠤᠨ ᠰᠡᠳᠭᠢᠯ ᠳ᠋ᠤᠨᠢ ᠪᠢᠳᠡᠭᠡᠢ ᠴᠢᠯᠠᠭᠤ ᠰᠢᠳᠠ
ᠬᠠᠳᠠᠭᠤ ᠪᠠᠷᠭᠡ ᠡᠴᠠ ᠠᠶᠤᠳᠠᠭ ᠦᠭᠡᠶ ᠴᠤ
ᠬᠠᠷᠭᠢᠰ ᠭᠡᠴᠡᠭᠦᠤ ᠡᠴᠠ ᠰᠦᠷᠳᠡᠳᠡᠭ᠌ ᠦᠭᠡᠶ ᠴᠤ
ᠬᠠᠢ᠌ᠷᠠ ᠰᠡᠳᠭᠢᠯ ᠨᠢ ᠶᠠᠯᠢᠮ ᠦᠭᠡᠶ ᠰᠢᠷᠬᠠᠳᠤᠬᠤ ᠡᠴᠠ
ᠬᠠᠷᠢᠨ ᠣᠬᠠᠭᠠᠨ ᠦᠭᠡᠶ ᠠᠶᠤᠳᠠᠭ ᠶᠤᠮ ᠰᠢᠤ
8
ᠠᠶᠠᠨ ᠤ ᠦᠷᠳᠡᠭᠡᠨ ᠳᠤ ᠠᠭᠤᠯᠵᠠᠭᠰᠠᠨ
ᠠᠩᠬᠠᠨ ᠤ ᠬᠠᠷᠠᠴᠠ ᠪᠠᠨ ᠪᠢ ᠳᠤᠷᠠᠰᠳᠠᠭ ᠶᠤᠮ
ᠠᠯᠤᠰ ᠤᠨ ᠣᠳᠠᠰᠤ ᠶᠢ ᠴᠢᠨᠢ ᠳᠤᠰᠤᠭᠰᠠᠨ
ᠠᠩᠬᠠᠨ ᠤ ᠰᠤᠨᠤᠷ ᠶᠢᠡᠨ ᠪᠢ ᠴᠢᠩᠨᠠᠳᠠᠭ ᠶᠤᠮ ᠡ
ᠠᠯᠢᠮᠠᠨ ᠬᠠᠴᠠᠷ ᠢ ᠴᠢᠨᠢ ᠥᠨᠦᠰᠦᠭ᠍ᠰᠡᠨ
ᠠᠩᠬᠠᠨ ᠤ ᠰᠠᠷᠠᠯ ᠶᠢᠡᠨ ᠪᠢ ᠡᠷᠢᠳᠡᠭ᠌ ᠶᠤᠮ
ᠠᠮᠠᠷᠠᠭ ᠲᠠᠭᠠᠨ ᠰᠢᠯᠦᠭ᠌ ᠪᠢᠴᠢᠭ᠍ᠰᠡᠨ
ᠠᠩᠬᠠᠨ ᠤ ᠮᠦᠴᠡ ᠪᠠᠨ ᠪᠢ ᠰᠠᠨᠠᠭᠠᠯᠵᠠᠳᠠᠭ ᠶᠤᠮ ᠡ
9
ᠶᠠᠪᠣᠬᠤ ᠦᠭᠡᠶ ᠭᠡᠰᠡᠨ ᠭᠠᠵᠠᠷ ᠳᠤ
ᠶᠠᠪᠣᠵᠤ ᠪᠣᠯᠤᠨᠠ ᠵᠤᠭᠰᠤᠵᠤ ᠪᠣᠯᠬᠤ ᠥᠭᠡᠢ
ᠶᠠᠷᠢᠬᠤ ᠦᠭᠡᠶ ᠭᠡᠰᠡᠨ ᠣᠴᠢᠷ ᠢ
ᠶᠠᠷᠢᠵᠤ ᠪᠣᠯᠤᠨᠠ ᠶᠠᠪᠣᠭᠳᠠᠭᠤᠯᠵᠤ ᠪᠣᠯᠬᠤ ᠥᠭᠡᠢ
ᠶᠠᠮᠠᠷ ᠭᠡᠦᠭᠡᠨ ᠲᠡᠶ ᠭᠡᠳ
ᠶᠠᠷᠢᠯᠴᠠᠵᠤ ᠪᠣᠯᠤᠨᠠ ᠢᠨᠠᠭᠯᠠᠵᠤ ᠪᠣᠯᠬᠤ ᠥᠭᠡᠢ
ᠶᠠᠭᠠᠭᠢᠭᠠᠤᠨ ᠶᠤᠮ ᠪᠣᠯ ᠭᠡᠪᠠᠯ
ᠢᠨᠠᠭ ᠤᠨ ᠰᠠᠭᠤᠳᠠᠯ ᠳᠤ ᠡᠵᠡᠨ ᠲᠡᠶ ᠡᠴᠠ
10
ᠴᠠᠰᠤ ᠣᠷᠤᠬᠤ ᠪᠠᠷ
ᠴᠢᠮᠢ᠋ᠢ ᠨᠢᠭᠡ ᠬᠠᠷᠠᠪᠠᠯ ᠳ᠋ᠠ
ᠴᠠᠭᠢᠯᠳᠠᠭ ᠭᠦᠭᠡᠷᠡᠭᠦ ᠪᠠᠷ
ᠴᠢᠮᠢ᠋ᠢ ᠨᠢᠭᠡ ᠦᠵᠠᠪᠠᠯ ᠳ᠋ᠠ
ᠴᠠᠭ ᠴᠠᠭ ᠵᠢᠠᠷ
ᠴᠢᠮᠢ᠋ᠢ ᠨᠢᠭᠡ ᠵᠢᠷᠤᠪᠠᠯ ᠳ᠋ᠠ
ᠴᠢᠩᠭᠠ ᠴᠢᠩᠭᠠ ᠪᠠᠷ
ᠴᠢᠮᠢ᠋ᠢ ᠨᠢᠭᠡ ᠦᠨᠦᠰᠪᠠᠯ ᠳ᠋ᠠ
11
ᠬᠠᠢ᠌ᠷᠠᠳᠠᠢ ᠭᠡᠵᠤ ᠲᠦᠮᠡ ᠳᠠᠪᠳᠠᠭᠠᠤᠨ ᠭᠡᠷᠡᠭ᠌ ᠥᠭᠡᠢ
ᠬᠠᠷᠢᠭᠤᠯᠳᠠ ᠪᠣᠯᠭᠠᠵᠤ ᠬᠠᠮᠤᠭ ᠨᠠᠰᠤ ᠪᠠᠷ ᠶᠢᠡᠨ ᠰᠢᠯᠭᠠᠭᠤᠯᠤᠨᠠ
ᠠᠯᠳᠠ ᠯᠠ ᠶᠤᠮ ᠪᠣᠯ ᠰᠢᠵᠢᠷᠳᠠᠨᠡ
ᠠᠷᠭᠠᠯ ᠶᠤᠮ ᠪᠣᠯ ᠦᠨᠡᠰᠤᠷᠠᠨᠡ
ᠬᠠᠢ᠌ᠷᠠᠳᠠᠢ ᠭᠡᠵᠤ ᠭᠡᠯᠡᠭᠦ ᠦᠭᠡᠶ ᠪᠠᠢ᠌ᠵᠤ ᠪᠣᠯᠤᠨᠠ
ᠬᠠᠢ᠌ᠷᠠ ᠪᠠᠷ ᠣᠴᠢᠵᠤ ᠭᠢᠭᠦ ᠦᠭᠡᠶ ᠪᠠᠢ᠌ᠵᠤ ᠦᠯᠤ ᠪᠣᠯᠤᠨᠠ
ᠬᠠᠢ᠌ᠷᠠᠯᠠᠭᠰᠠᠨ ᠯᠠ ᠶᠤᠮ ᠪᠣᠯ ᠭᠡᠵᠢᠶᠡ ᠴᠤ ᠭᠡᠰᠡᠨ
ᠬᠠᠢ᠌ᠷᠠ ᠶᠢ ᠬᠠᠢ᠌ᠷᠠ ᠪᠠᠷ ᠬᠠᠷᠢᠭᠤᠯᠤᠭᠰᠠᠨ ᠪᠠᠢ᠌ᠬᠤ ᠣᠴᠢᠷᠳᠠᠢ
12
ᠰᠠᠢ᠌ᠬᠠᠨ ᠭᠦᠮᠤᠨ ᠤ ᠵᠡᠭᠦᠳᠤ
ᠰᠠᠷᠠᠨ ᠡᠴᠠ ᠵᠢᠰᠤ ᠵᠢᠭᠡᠯᠡᠨᠡ
ᠰᠠᠨᠠᠭᠰᠠᠨ ᠭᠦᠮᠤᠨ ᠤ ᠭᠦᠰᠡᠯ
ᠰᠠᠷᠬᠤᠤᠨ ᠡᠴᠠ ᠰᠠᠨᠠᠭᠠ ᠵᠢᠭᠡᠯᠡᠨᠡ
ᠰᠠᠨᠠᠯ ᠪᠣᠳᠤᠯ ᠤᠨ ᠭᠦᠴᠤᠨ ᠳ᠋ᠤ
ᠰᠠᠷᠠ ᠳᠡᠷᠭᠡᠯ ᠵᠡᠭᠦᠳᠤ ᠱᠠᠩᠨᠠᠨᠠ
ᠰᠠᠨᠠᠨ ᠰᠠᠨᠠᠨ ᠰᠢᠮᠡᠭᠦ ᠳ᠋ᠤ
ᠰᠠᠷᠬᠤᠤᠨ ᠳᠤᠷᠠᠯᠠᠯ ᠤᠨ ᠭᠠᠯ ᠢ ᠭᠦᠭ᠍ᠵᠢᠭᠡᠨᠡ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠭᠦᠯᠤᠨ ᠪᠣᠢ᠌ᠷ ᠬᠤᠳᠠ ᠶᠢᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ ᠷᠢᠠᠴᠢᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2893
ᠴᠠᠭ᠄ 2012 ᠤᠨ ᠤ 09 ᠰᠠᠷᠠ ᠶᠢᠨ 07
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ