ᠣᠷᠤᠭᠰᠢ ᠪᠠᠨ ᠳᠠᠮᠠᠤᠯᠠᠶ᠎ᠠ

ᠬᠠᠮᠳᠤ ᠪᠠᠷ ᠣᠷᠤᠭᠰᠢ ᠪᠠᠨ

ᠲ᠋ᠤᠭ᠎ᠠ ᠦᠭᠡᠶ ᠭᠦᠴᠢᠷ ᠢ ᠳᠤᠭᠤᠯᠤᠭᠠᠤᠨ

ᠳᠤᠮᠤᠭ᠎ᠠ ᠦᠭᠡᠶ ᠨᠠᠰᠤ ᠪᠠᠨ ᠳᠠᠶᠠᠭᠳᠠᠭᠠᠤᠨ

ᠳᠤᠶᠠᠭᠠᠷᠠᠵᠤ ᠥᠵᠡᠭ᠍ᠳᠡᠭᠦ ᠭᠦᠰᠡᠯ ᠵᠥᠭ᠌

ᠳᠤᠳᠤᠬᠠᠨ ᠬᠠᠷᠠᠭᠳᠠᠬᠤ ᠢᠷᠦᠭᠡᠳᠦᠢ ᠵᠥᠭ᠌

ᠭᠦᠰᠡᠯ ᠤᠨ ᠶᠢᠡᠨ ᠲᠦᠯᠦᠭᠡ

ᠭᠦᠳᠡᠷᠯᠡᠵᠤ ᠣᠷᠤᠭᠰᠢ ᠪᠠᠨ

ᠮᠦᠷᠦᠭᠡᠳᠦᠯ ᠤᠨ ᠶᠢᠡᠨ ᠲᠦᠯᠦᠭᠡ

ᠮᠠᠷᠠᠢ᠌ᠵᠤ ᠣᠷᠤᠭᠰᠢ ᠪᠠᠨ

ᠲ᠋ᠠᠯ᠎ᠠ ᠰᠢᠭ ᠰᠡᠳᠭᠢᠯ ᠳᠠᠢ

ᠳᠠᠩᠭᠢᠰ ᠰᠢᠭ ᠪᠣᠳᠤᠯ ᠲᠡᠶ

ᠳᠡᠭ᠍ᠷᠢᠯᠢᠭ᠌ ᠰᠡᠳᠭᠢᠯ ᠢ ᠡᠪᠦᠷᠯᠡᠨ

ᠳᠠᠮᠡᠤᠯᠵᠤ ᠣᠷᠤᠭᠰᠢ ᠪᠠᠨ ᠮᠠᠷᠠᠢ᠌ᠨ᠎ᠠ

ᠡᠷᠡᠨ ᠤ ᠠᠯᠬᠤᠴᠠ ᠶᠢ ᠲᠠᠭᠠᠨ

ᠡᠷᠴᠢᠯᠡᠵᠤ ᠳᠡᠭᠦᠨ ᠤ ᠪᠠᠨ ᠲᠦᠯᠦᠭᠡ

ᠡᠷᠳᠡᠮ ᠤᠨ ᠳᠠᠯᠠᠢ ᠳᠤ ᠱᠤᠩᠪᠠᠨ

ᠡᠨᠡᠭᠦ ᠣᠷᠤᠭᠰᠢ ᠪᠠᠨ ᠠᠯᠬᠤᠬᠤ ᠨᠢ ᠦᠦ

ᠮᠢᠩᠭ᠋ᠠᠨ ᠮᠢᠩᠭ᠋ᠠᠨ ᠬᠠᠪᠣᠷ ᠢ ᠥᠩᠭᠡᠷᠡᠭᠡᠨ

ᠮᠢᠨᠦ᠋ᠲ᠋ ᠴᠠᠭ ᠢ ᠡ᠊ᠨᠳᠡᠯ ᠦᠭᠡᠶ

ᠮᠢᠳᠠᠷᠠᠰᠢ ᠦᠭᠡᠶ ᠰᠡᠳᠭᠢᠯ ᠶᠢᠡᠷ

ᠮᠠᠷᠠᠢ᠌ᠨ ᠣᠷᠤᠭᠰᠢ ᠪᠠᠨ

ᠵᠤᠬᠢᠶᠠᠭᠴᠢ ᠶᠢᠨ ᠬᠠ‍‌ᠶᠢᠭ ᠄ ᠭᠢᠩᠭ᠋ᠠᠨ ᠠᠢ᠌ᠮᠠᠭ ᠤᠨ ᠬᠤᠷᠴᠢᠨ ᠪᠠᠷᠠᠭᠤᠨ ᠳᠤᠠᠭᠠᠳᠤ ᠬᠤᠰᠢᠭᠤᠨ ᠤ ᠭᠦᠡᠳᠡᠯᠡᠨ ᠰᠤᠮᠤᠨ ᠤ ᠳᠠᠢ᠌ᠳᠠᠭ ᠭᠠᠴᠬᠠᠭ᠎ᠠ