☆ ᠸ·ᠠᠭᠤᠯᠠ
ᠰᠦᠯᠳᠡ ᠣᠪᠣᠭᠠ
ᠵᠧ ︕ ᠣᠮ ᠰᠠᠢ᠌ᠬᠠᠨ ᠠᠮᠤᠭᠤᠯᠠᠩ ᠪᠣᠯᠳᠤᠭᠠᠢ ︕
ᠣᠴᠠᠷᠠᠭᠰᠠᠨ ᠪᠦᠭᠦᠨ ᠵᠢᠷᠭᠠᠯᠠᠩ ᠪᠣᠯᠳᠤᠭᠠᠢ ︕
ᠴᠢᠩᠭᠢᠰ ᠣᠳᠤᠮ ᠤᠨ ᠵᠠᠩᠰᠢᠯ ᠶᠢᠡᠷ
ᠴᠠᠭ ᠤᠨ ᠭᠦᠷᠳᠤ ᠶᠢᠨ ᠳᠤᠭᠠᠯᠠᠯ ᠶᠢᠡᠷ
ᠪᠣᠷᠬᠠᠨ ᠳᠡᠭ᠍ᠷᠢ ᠶᠢᠨ ᠠᠪᠣᠷᠠᠯ ᠶᠢᠡᠷ
ᠪᠣᠭᠤᠷᠤᠯ ᠳᠡᠭᠡᠳᠦᠰ ᠤᠨ ᠢᠪᠠᠭᠡᠯ ᠶᠢᠡᠷ
ᠨᠠᠷᠠᠨ ᠤ ᠵᠢᠮᠠ ᠶᠢᠨ ᠡᠷᠭᠢᠯᠳᠡ ᠪᠠᠷ
ᠨᠠᠪᠴᠢ ᠴᠡᠴᠡᠭ᠌ ᠤᠨ ᠮᠦᠰᠢᠶᠠᠯᠳᠠ ᠪᠠᠷ
ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ 5 ᠰᠠᠷᠠᠢ᠌ᠨ ᠰᠢᠨᠠ ᠶᠢᠨ 5 ᠊ᠤ
ᠪᠢᠳᠡᠷᠢᠶᠠᠨ ᠰᠡᠭᠦᠢᠨ ᠰᠥᠮᠪᠦᠷᠢᠯᠡᠭ᠍ᠰᠡᠨ
ᠪᠠᠭᠠᠳᠠᠯᠠ ᠶᠢᠨ ᠡᠮᠦᠨᠡ ᠦᠷᠤᠴᠠᠨ ᠳᠤ
ᠣᠯᠠᠭᠠᠨ ᠥᠭᠡᠷ ᠤᠨ ᠣᠤᠭᠠᠯ ᠨᠤᠳᠤᠭ ᠲᠤ
ᠪᠠᠯᠴᠢᠭᠡᠷ ᠤᠨ ᠰᠤᠷᠭᠤᠭ ᠦᠯᠦᠭᠡᠢ ᠳᠤ
ᠬᠤᠷᠴᠢᠨ ᠥᠭᠡᠷ ᠤᠨ ᠡᠭᠦᠰᠦᠭ᠍ᠰᠡᠨ ᠭᠠᠵᠠᠷ ᠲᠤ
ᠬᠤᠷᠠ ᠶᠢᠨ ᠰᠢᠮᠠ ᠶᠢ ᠭᠦᠰᠡᠮᠵᠢᠯᠡᠵᠤ
ᠠᠷᠭᠠ ᠪᠢᠯᠢᠭ᠌ ᠤᠨ ᠰᠢᠠᠵᠢ ᠪᠦᠷᠢᠯᠳᠦᠭ᠍ᠰᠡᠨ
ᠣᠳᠤᠨ ᠭᠠᠷᠠᠭ ᠣᠴᠠᠷᠠᠨ ᠨᠠᠢ᠌ᠯᠠᠨ ᠲᠤᠬᠢᠶᠠᠯᠳᠤᠭᠰᠠᠨ
ᠬᠤᠷᠴᠢᠨ ᠮᠤᠩᠭ᠋ᠤᠯ ᠤᠨ ᠢᠷᠦᠭᠡᠯ ᠶᠢᠡᠷ ᠦᠯᠦᠭᠡᠢ᠌ᠳᠡᠭ᠍ᠰᠡᠨ
ᠠᠯᠳᠠᠷ ᠲᠡᠶ ᠳᠦᠭᠡᠮᠡᠯ ᠡᠨᠡ ᠰᠠᠢ᠌ᠬᠠᠨ ᠡᠳᠦᠷ ᠲᠤ
ᠶᠡᠭᠡᠳᠡᠯᠡ ᠪᠠᠭᠠᠳᠠᠯᠠ ᠶᠢᠨ ᠳᠤᠮᠳᠠ
ᠠᠷᠢᠭᠤᠨ ᠴᠡᠴᠡᠭ᠌ ᠤᠨ ᠣᠷᠭᠤᠴᠠ ᠲᠡᠶ
ᠷᠠᠰᠢᠶᠠᠨ ᠳᠤᠩᠭ᠋ᠠᠯᠠᠭ ᠣᠠᠳᠤᠷᠤᠯ ᠲᠡᠶ
ᠳᠤᠯᠤᠭᠠᠨ ᠶᠡᠭᠡ ᠰᠦᠯᠳᠡ ᠲᠡᠶ
ᠠᠭᠠᠷᠤ ᠽᠠᠠᠳᠠᠨ ᠴᠤᠭᠴᠠ ᠲᠡᠶ
ᠠᠯᠳᠠᠨ ᠭᠠᠠᠵᠤᠤᠷ ᠳᠡᠷᠢᠭᠦᠨ ᠲᠡᠶ
ᠬᠠᠳᠠᠨ ᠴᠢᠯᠠᠭᠤᠨ ᠪᠠᠭᠢᠯᠢᠭ᠌ ᠰᠠᠭᠤᠷᠢ ᠲᠡᠶ
ᠬᠠᠳᠠᠭ ᠶᠠᠠᠳᠠᠷ ᠭᠡᠢ ᠮᠤᠷᠢ ᠲᠡᠶ
《ᠰᠦᠯᠳᠡ》 ᠨᠠᠷᠠ ᠲᠡᠶ ᠣᠪᠣᠭᠠᠨ ᠳᠠᠭᠠᠨ
ᠠᠷᠢᠭᠤᠳᠬᠠᠨ ᠰᠡᠷᠭᠦᠭᠡᠨ ᠳᠠᠭᠢᠬᠤᠢ ᠳᠤᠷ
ᠤᠢ᠌ᠷᠡ ᠬᠤᠯᠠ ᠶᠢᠨ ᠠᠷᠠᠤᠨ ᠪᠦᠭᠦᠨ ᠶᠢᠡᠷ
ᠠᠷᠪᠠᠨ ᠵᠥᠭ᠌ ᠡᠴᠡ ᠬᠤᠷᠠᠨ ᠢᠷᠡᠭᠡᠳ
ᠪᠢᠯᠢᠭ᠌ ᠤᠨ ᠰᠠᠢ᠌ᠬᠠᠨ ᠢᠷᠦᠭᠡᠯ ᠶᠢᠡᠨ
ᠬᠤᠷᠸᠠ ᠳᠡᠭ᠍ᠷᠢ ᠳᠡᠭᠡᠨ ᠳᠡᠪᠰᠢᠭᠦᠯᠵᠤ
ᠭᠠᠩ ᠴᠠᠭᠢᠯᠭᠠᠨ ᠭᠦᠶᠦᠳᠡᠯ ᠭᠡᠵᠤ
ᠳᠠᠩ ᠭᠦᠰᠡᠯ ᠶᠢᠡᠨ ᠳᠠᠭᠠᠳᠬᠠᠵᠤ
ᠬᠠᠳᠠᠭ ᠶᠠᠠᠳᠠᠷ ᠶᠢᠡᠨ ᠳᠡᠭᠡᠷᠡ ᠡᠷᠭᠦᠨ
ᠭᠡᠢ᠌ᠮᠦᠷᠢ ᠴᠠᠭᠠᠰᠤ ᠪᠠᠨ ᠭᠡᠢ᠌ᠰᠭᠡᠵᠤ
ᠬᠤᠨᠢᠨ ᠤ ᠰᠢᠭᠦᠰᠤ ᠪᠠᠨ ᠡᠷᠭᠦᠵᠤ
ᠬᠤᠳᠠᠯᠠ ᠲᠦᠮᠡᠨ ᠶᠢᠡᠷ ᠶᠢᠡᠨ ᠪᠠᠶᠠᠰᠤᠯᠴᠠᠭᠰᠠᠨ
ᠣᠠᠴᠠ ᠶᠢᠨ ᠪᠠᠶᠠᠯᠢᠭ ᠠᠭᠤᠯᠭᠠ ᠲᠡᠶ
ᠣᠪᠣᠭᠠ ᠶᠢᠨ ᠨᠠᠢ᠌ᠷ ᠭᠠᠢ᠌ᠬᠠᠯᠳᠠᠢ
ᠣᠪᠣᠭᠠ ᠶᠢᠨ ᠨᠠᠢ᠌ᠷ ᠮᠠᠭᠳᠠᠭᠠᠯ ᠲᠡᠶ ︕
ᠵᠧ ︕ ᠰᠦᠯᠳᠡ ᠣᠪᠣᠭᠠ ᠮᠢᠨᠢ
ᠰᠥᠵᠢᠭ᠍ᠳᠤ ᠣᠪᠣᠭᠠ
ᠰᠦᠷ ᠲᠡᠶ ᠴᠤ ᠣᠪᠣᠭᠠ
ᠰᠦᠮᠡ ᠶᠢᠨ ᠣᠪᠣᠭᠠ
ᠰᠦᠷᠦᠭ᠌ ᠤᠨ ᠣᠪᠣᠭᠠ
ᠬᠤᠳᠠᠯᠠ ᠶᠢᠨ ᠣᠪᠣᠭᠠ
ᠬᠤᠰᠢᠭᠤᠨ ᠤ ᠣᠪᠣᠭᠠ
ᠬᠠᠮᠳᠤ ᠶᠢᠨ ᠣᠪᠣᠭᠠ
ᠬᠠᠢ᠌ᠷᠠ ᠶᠢᠨ ᠠᠪᠣᠭᠠ
ᠠᠢ᠌ᠯ ᠤᠨ ᠣᠪᠣᠭᠠ
ᠠᠳᠤᠭᠤᠨ ᠤ ᠣᠪᠣᠭᠠ
ᠬᠡᠦᠬᠡᠳ ᠤᠨ ᠣᠪᠣᠭᠠ
ᠬᠠᠳᠠᠨ ᠤ ᠣᠪᠣᠭᠠ
ᠨᠠᠢ᠌ᠷ ᠤᠨ ᠣᠪᠣᠭᠠ
ᠨᠠᠢ᠌ᠵᠢ ᠶᠢᠨ ᠣᠪᠣᠭᠠ
ᠨᠠᠢ᠌ᠳᠠ ᠶᠢᠨ ᠣᠪᠣᠭᠠ
ᠨᠠᠠᠳᠢᠨ ᠣᠪᠣᠭᠠ
ᠵᠢᠷᠦᠭᠡᠨ ᠤ ᠣᠪᠣᠭᠠ
ᠵᠢᠳᠭᠦᠯ ᠤᠨ ᠣᠪᠣᠭᠠ
ᠪᠦᠭᠡ ᠶᠢᠨ ᠣᠪᠣᠭᠠ
ᠪᠠᠶᠠᠷ ᠤᠨ ᠣᠪᠣᠭᠠ
ᠣᠤᠭᠤᠭᠰᠠᠨ ᠣᠰᠤ ᠷᠠᠰᠢᠶᠠᠨ
ᠣᠨᠠᠭᠰᠠᠨ ᠰᠢᠷᠤᠢ ᠠᠯᠳᠠ
ᠡᠮᠦᠨᠡ ᠪᠠᠭᠠᠳᠠᠯᠠ ᠶᠢᠨ ᠨᠤᠳᠤᠭ ᠲᠤ ᠮᠢᠨᠢ
ᠰᠦᠯᠳᠡ ᠣᠪᠣᠭᠠ ᠰᠥᠡᠳᠡᠷᠯᠡᠭᠡᠴᠢ ︕
ᠣᠪᠣᠭᠠᠨ ᠳᠠᠭᠢᠯᠭᠠ ᠮᠥᠩᠭᠡᠳᠡ
ᠣᠯᠠᠨ ᠤ ᠰᠢᠳᠦᠯᠭᠡ ᠦᠨᠢᠳᠠ
ᠣᠭᠰᠠᠭᠠᠨ ᠤ ᠨᠤᠳᠤᠭ ᠲᠤ ᠮᠢᠨᠢ
ᠰᠦᠯᠳᠡ ᠣᠪᠣᠭᠠ ᠭᠡᠵᠢᠶᠡᠳᠡ ᠢᠪᠠᠭᠡᠭᠡᠴᠢ ︕
ᠠᠠᠳᠠᠢ ᠶᠢᠨ ᠭᠡᠩᠭᠡᠷᠭᠡ ᠨᠢᠵᠢᠭᠢᠨᠠᠨ
ᠡᠷᠡ ᠶᠢᠨ ᠨᠠᠭᠠᠳᠤᠮ ᠦᠷᠭᠦᠯᠵᠢᠯᠡᠨ
ᠣᠶᠠᠩᠭ᠋ᠠᠳᠤ ᠭᠦᠭ᠍ᠵᠢᠮ ᠤᠨ ᠣᠷᠤᠨ ᠮᠢᠨᠢ
ᠰᠦᠯᠳᠡ ᠣᠪᠣᠭᠠᠨ ᠳᠤ ᠪᠠᠶᠠᠰᠤᠭᠠᠴᠢ ︕
ᠨᠠᠢ᠌ᠷ ᠤᠨ ᠡᠷᠴᠢᠮ ᠴᠢᠩᠭ᠋ᠠᠷᠠᠨ
ᠨᠠᠭᠠᠳᠤᠮ ᠤᠨ ᠮᠦᠷᠥᠢᠴᠡᠭᠡᠨ ᠭᠦᠭ᠍ᠵᠢᠨ
ᠣᠯᠠᠭᠠᠨ ᠥᠭᠡᠷ ᠤᠨ ᠡᠨᠡ ᠨᠤᠳᠤᠭ ᠮᠢᠨᠢ
ᠰᠦᠯᠳᠡ ᠣᠪᠣᠭᠠᠨ ᠳᠤ ᠵᠢᠷᠭᠠᠭᠠᠴᠢ ︕
ᠣᠯᠠᠭᠠᠨ ᠳᠤᠭ ᠮᠢᠷᠠᠯᠵᠠᠨ
ᠣᠷᠤᠭᠰᠢᠯᠠᠬᠤ ᠵᠠᠮ ᠰᠠᠷᠠᠭᠤᠯᠵᠢᠨ
ᠣᠤᠭᠠᠨ ᠨᠤᠳᠤᠭ ᠤᠨ ᠳᠠᠷᠬᠠᠨ ᠰᠢᠷᠤᠢ ᠮᠢᠨᠢ
ᠣᠪᠣᠭᠠᠨ ᠰᠦᠯᠳᠡ ᠳᠤ ᠳᠡᠭᠡᠭ᠍ᠰᠢᠯᠡᠭᠡᠴᠢ ︕
ᠥᠭᠡᠷᠡᠴᠢᠯᠡᠯᠳᠡ ᠶᠢᠨ ᠳᠤᠭᠢᠶᠠ ᠴᠤᠤᠷᠢᠶᠠᠳᠤᠨ
ᠥᠩᠰᠢᠭ᠌ ᠨᠤᠳᠤᠭ ᠰᠠᠢ᠌ᠵᠢᠷᠠᠨ
ᠳᠠᠷᠬᠠᠨ ᠮᠤᠩᠭ᠋ᠤᠯ ᠨᠤᠳᠤᠭ ᠮᠢᠨᠢ
ᠳᠡᠭ᠍ᠵᠢᠨ ᠣᠪᠣᠭᠠᠨ ᠳᠤ ᠮᠠᠠᠳᠤᠭᠠᠴᠢ ︕
ᠵᠢᠷᠭᠡᠯᠡᠭ᠍ᠰᠡᠨ ᠴᠢᠯᠠᠭᠤ ᠨᠢ ᠰᠥᠭᠯᠥᠢᠨ
ᠵᠤᠳ ᠰᠢᠭᠤᠷᠭᠠ ᠳᠤ ᠰᠦᠨᠳᠠᠷᠯᠠᠨ
ᠵᠤᠯᠪᠣᠭᠠᠳᠤ ᠣᠷᠤᠨ ᠤ ᠳᠠᠷᠬᠠᠨ ᠭᠦᠢᠰᠤ ᠮᠢᠨᠢ
ᠵᠢᠷᠭᠠᠯᠳᠤ ᠣᠪᠣᠭᠠᠨ ᠳᠤ ᠳᠡᠭ᠍ᠵᠢᠷᠡᠭᠡᠴᠢ ︕
ᠰᠠᠭᠤᠷᠢ ᠪᠠᠨ ᠣᠯᠤᠭᠰᠠᠨ ᠲᠦᠰᠢᠶᠠ
ᠰᠠᠯᠭᠢ ᠶᠢ ᠰᠦᠷᠦᠭ᠍ᠰᠡᠨ ᠰᠦᠯᠳᠡ
ᠰᠠᠷᠠ ᠨᠠᠷᠠᠨ ᠤ ᠡᠭᠡᠯᠵᠢᠯᠡᠭᠡᠨ ᠳᠤ ᠮᠢᠨᠢ
ᠰᠡᠵᠢᠭ᠍ᠳᠤ ᠣᠪᠣᠭᠠ ᠰᠥᠮᠪᠦᠷᠯᠡᠭᠡᠴᠢ ︕
ᠣᠪᠣᠭᠠᠨ ᠤ ᠦᠨᠳᠦᠷ ᠰᠦᠷᠯᠢᠭ᠌ ᠪᠠᠢ᠌ᠨᠠ
ᠣᠪᠣᠭᠠᠨ ᠤ ᠰᠦᠷᠯᠢᠭ᠌ ᠭᠡᠴᠡᠭᠦᠤ ᠪᠠᠢ᠌ᠨᠠ
ᠣᠪᠣᠭᠠᠨ ᠤ ᠰᠦᠯᠳᠡ ᠮᠢᠷᠠᠯᠵᠠᠨ ᠪᠠᠢ᠌ᠨᠠ
ᠣᠪᠣᠭᠠᠨ ᠤ ᠭᠡᠰᠢᠭ᠌ ᠣᠯᠠᠨ ᠤ ᠪᠠᠢ᠌ᠨᠠ
ᠣᠪᠣᠭᠠᠨ ᠤ ᠳᠡᠷᠭᠡᠳᠡ ᠢᠷᠡᠭ᠍ᠰᠡᠨ ᠥᠳᠡᠭᠦᠰ
ᠣᠴᠢᠷ ᠦᠭᠡᠶ ᠰᠠᠢ᠌ᠨ ᠨᠠᠢ᠌ᠷᠠᠯᠳᠤᠭᠠᠴᠢ ︕
ᠣᠪᠣᠭᠠᠨ ᠳᠤ ᠳᠠᠭᠠᠳᠬᠠᠬᠤ ᠪᠠᠷ ᠢᠷᠡᠭ᠍ᠰᠡᠳ
ᠣᠯᠠᠮᠵᠢᠯᠠᠯ ᠶᠤᠰᠤ ᠪᠠᠷ ᠴᠢᠯᠠᠭᠤ ᠪᠠᠨ ᠨᠡᠮᠡᠷᠢᠯᠡᠭᠡᠴᠢ ︕
ᠵᠠ ︕ ᠰᠠᠷᠠ ᠶᠢᠨ ᠨᠠᠢ᠌ᠷ ᠲᠤ
ᠰᠦᠯᠳᠡ ᠣᠪᠣᠭᠠ ᠰᠦᠷᠯᠢᠭ᠌ ︕
ᠬᠣᠢ᠌ᠰᠢᠳᠠ ᠶᠢᠨ ᠣᠨ ᠳᠤ
ᠬᠠᠢ᠌ᠷᠠᠳᠤ ᠣᠪᠣᠭᠠ ᠰᠡᠷᠮᠡᠭᠦᠨ ︕
ᠬᠠᠯᠠᠮᠵᠢᠯᠠᠯ ᠤᠨ ᠬᠠᠷᠢᠭᠤ ᠳᠤ
ᠬᠠᠢ᠌ᠷᠠ ᠰᠡᠳᠭᠢᠯ ᠳᠡᠨᠢᠭᠦᠨ
ᠬᠠᠮᠳᠤ ᠶᠢᠨ ᠵᠢᠳᠭᠦᠯ ᠳᠤ
ᠬᠠᠢ᠌ᠷᠬᠠᠨ ᠣᠪᠣᠭᠠ ᠰᠥᠮᠪᠦᠷᠯᠢᠭ᠌ ︕
ᠢᠷᠦᠭᠡᠯ ᠤᠨ ᠠᠶᠠᠰ ᠲᠤ
ᠰᠦᠯᠳᠡ ᠣᠪᠣᠭᠠ ᠪᠠᠶᠠᠰᠤᠭ ︕
ᠢᠪᠠᠭᠡᠯ ᠤᠨ ᠭᠦᠴᠤᠨ ᠳᠤ
ᠰᠦᠯᠳᠡ ᠣᠪᠣᠭᠠ ᠮᠥᠰᠢᠶᠡᠭ᠌ ︕
ᠮᠤᠩᠭ᠋ᠤᠯ ᠤᠨ ᠶᠤᠰᠤᠨ ᠳᠤ
ᠮᠠᠨᠤᠰ ᠤᠨ ᠣᠪᠣᠭᠠ ᠵᠢᠷᠭᠠᠭ ︕
ᠮᠠᠠᠳᠤᠭᠰᠠᠨ ᠳᠦᠷᠤ ᠳᠤ
ᠮᠠᠩᠨᠤᠭ ᠣᠪᠣᠭᠠ ᠰᠥᠡᠳᠡᠷᠯᠡᠭ᠌ ︕
ᠮᠢᠯᠢᠶᠠᠯᠳᠠ ᠶᠢᠨ ᠭᠦᠴᠤᠨ ᠳᠤ
ᠴᠠᠭᠠᠨ ᠢᠳᠡᠭᠡᠨ ᠳᠡᠯᠭᠡᠷᠡᠭ᠌ ︕
ᠮᠢᠠᠳᠠᠰᠤᠨ ᠵᠠᠩᠭᠢᠶᠠ ᠳᠤ
ᠣᠯᠠᠭᠠᠨ ᠢᠳᠡᠭᠡᠨ ᠣᠯᠠᠰᠢᠷᠠᠭ ︕
ᠨᠠᠭᠠᠳᠤᠮ ᠤᠨ ᠵᠢᠷᠤᠮ ᠳᠤ
ᠨᠠᠢ᠌ᠷᠰᠠᠭ ᠣᠪᠣᠭᠠ ᠪᠠᠶᠠᠷᠯᠠᠭ ︕
ᠨᠠᠢ᠌ᠳᠠ ᠶᠢᠨ ᠴᠢᠭᠤᠯᠭᠠᠨ ᠳᠤ
ᠨᠠᠢ᠌ᠷᠠᠳᠤ ᠣᠪᠣᠭᠠ ᠠᠮᠢᠯᠠᠭ ︕
ᠰᠠᠭᠠᠯᠢ ᠶᠢᠨ ᠳᠡᠭᠡᠵᠢᠨ ᠳᠤ
ᠰᠠᠢ᠌ᠬᠠᠨ ᠣᠪᠣᠭᠠ ᠰᠤᠭᠳᠤᠭᠤᠷᠠᠭ ︕
ᠰᠠᠷᠬᠤᠤᠨ ᠤᠨ ᠠᠮᠰᠠᠭᠠ ᠳᠤ
ᠰᠠᠩ ᠳᠦᠭᠦᠷᠡᠩ ᠪᠣᠯᠠᠭ ︕
ᠵᠠ ︕ ᠬᠤᠷᠠᠨ ᠢᠷᠡᠭ᠍ᠰᠡᠨ ᠥᠳᠡᠯᠦᠭᠡ ᠭᠦᠡᠳᠦᠳᠤ ᠳᠡᠭᠡᠳᠦᠰ ᠡ
ᠬᠤᠳᠠᠯᠠ ᠣᠯᠠᠨ ᠨᠠᠢ᠌ᠵᠢ᠂ ᠠᠬᠠ ᠳᠡᠭᠦᠤ ᠨᠡᠷ ᠡ ︕
ᠣᠪᠣᠭᠠ ᠭᠡᠳᠡᠭ᠌ ᠴᠢᠨᠢ ᠵᠠᠩᠭᠢᠶᠠ ᠶᠤᠮ ︕
ᠣᠭᠤ ᠵᠤᠵᠠᠭᠠᠨ ᠨᠢᠭᠤᠷ ᠲᠡᠶ
ᠰᠤᠶᠤᠯ ᠪᠢᠴᠢᠭ᠌ ᠶᠤᠮ ︕
ᠡᠭᠡ ᠨᠤᠳᠤᠭ ᠤᠨ ᠰᠥᠰᠦᠭ᠌ ᠶᠤᠮ ︕
ᠡᠷᠭᠡᠳᠤ ᠪᠣᠩᠬᠤᠨ ᠤ ᠰᠤᠠᠳᠤᠷ ᠶᠤᠮ ︕
ᠣᠪᠣᠭᠠ ᠭᠡᠳᠡᠭ᠌ ᠴᠢᠨᠢ ᠳᠠᠮᠠᠭᠠ ᠶᠤᠮ ︕
ᠣᠬᠠᠭᠠᠠᠳᠤ ᠭᠦᠮᠦᠰ ᠤᠨ ᠰᠥᠰᠦᠭ᠌ ᠶᠤᠮ ︕
ᠣᠳᠤᠮᠳᠤ ᠮᠤᠩᠭ᠋ᠤᠯ ᠤᠨ ᠵᠢᠷᠤᠮ ᠶᠤᠮ ︕
ᠣᠭᠰᠠᠭᠠ ᠳᠦᠷᠤᠯ ᠤᠨ ᠳᠠᠭᠢᠯᠭᠠ ᠶᠤᠮ ︕
ᠣᠪᠣᠭᠠ ᠭᠡᠳᠡᠭ᠌ ᠴᠢᠨᠢ ᠵᠦᠩᠨᠠᠯ ᠶᠤᠮ ︕
ᠣᠯᠠᠨ ᠤ ᠳᠦᠪᠯᠡᠷᠡᠭ᠍ᠰᠡᠨ ᠪᠢᠰᠢᠷᠠᠯ ᠶᠤᠮ ︕
ᠣᠴᠢᠷ ᠲᠡᠶ ᠵᠤᠯᠭᠠᠳᠠᠭ ᠨᠠᠢ᠌ᠷ ᠶᠤᠮ ︕
ᠣᠬᠠᠭᠠ ᠳᠡᠯᠭᠡᠷᠡᠭᠦ ᠰᠤᠳᠤᠷ ᠶᠤᠮ ︕
ᠣᠷᠤᠭᠰᠢ ᠳᠠᠯᠠᠯᠠᠬᠤ ᠴᠠᠮᠬᠠᠭ ᠶᠤᠮ ︕
ᠣᠪᠣᠭᠠ ᠭᠡᠳᠡᠭ᠌ ᠴᠢᠨᠢ ᠣᠶᠠᠩᠭ᠋ᠠ ᠶᠤᠮ ︕
ᠣᠶᠤᠨ ᠵᠢᠷᠦᠭᠡᠨ ᠤ ᠭᠡᠯᠭᠢᠶᠡ ᠶᠤᠮ ︕
ᠣᠷᠮᠠ ᠥᠡᠳᠥᠢᠭᠦ ᠠᠷᠭᠠᠮᠵᠢᠶᠠ ᠶᠤᠮ ︕
ᠣᠷᠠᠨ ᠵᠤᠬᠢᠶᠠᠯ ᠤᠨ ᠣᠯᠠᠭᠠᠨ ᠮᠦᠷ ᠶᠤᠮ ︕
ᠣᠬᠠᠭᠠᠨ ᠪᠣᠳᠤᠯ ᠤᠨ ᠴᠡᠩᠭᠡᠷ ᠵᠡᠭᠦᠳᠤ ᠶᠤᠮ ︕
ᠣᠠᠳᠤᠷᠤᠮᠠᠯ ᠭᠦᠴᠤᠨ ᠤ ᠪᠠᠯᠭᠡ ᠳᠡᠮᠳᠡᠭ᠌
ᠣᠷᠤᠭᠰᠢᠯᠠᠨ ᠳᠠᠪᠰᠢᠬᠤ ᠶᠢᠨ ᠴᠤᠪᠣᠭᠠ ᠴᠡᠭ᠌ ᠁
ᠵᠠ ︕ ᠦᠷᠯᠦᠭ᠌ ᠰᠠᠢ᠌ᠬᠠᠨ ᠨᠤᠳᠤᠭ ᠤᠨ ᠰᠦᠯᠳᠡ
ᠦᠯᠵᠠᠢ ᠪᠠᠯᠭᠡᠳᠤ ᠰᠦᠯᠳᠡ ᠣᠪᠣᠭᠠ ᠪᠣᠯᠪᠠᠰᠤ ᠄
ᠭᠦᠡᠳᠦᠳᠭᠡᠶᠡ ᠭᠡᠰᠡᠨ
ᠪᠠᠳᠤ ᠪᠠᠭᠢ ᠬᠠᠳᠠᠨ ᠰᠠᠭᠤᠷᠢ ᠲᠡᠶ
ᠪᠦᠯᠭᠦᠮᠳᠡᠶᠡ ᠭᠡᠰᠡᠨ
ᠪᠦᠭᠡ ᠴᠢᠯᠠᠭᠤᠨ ᠵᠡᠷᠭᠡᠭᠡ ᠲᠡᠶ
ᠣᠯᠠᠮᠵᠢᠯᠠᠶᠠ ᠭᠡᠰᠡᠨ ᠣᠶᠠᠨ ᠬᠠᠳᠠᠨ ᠴᠢᠨᠠᠷ ᠲᠡᠶ
ᠣᠷᠤᠭᠰᠢᠯᠠᠶᠠ ᠭᠡᠰᠡᠨ ᠣᠷᠭᠢᠯ ᠴᠢᠮᠡᠭᠯᠡᠭ᠍ᠰᠡᠨ ᠯᠠᠪᠠᠷ ᠳᠠᠢ
ᠴᠢᠷᠮᠠᠢ᠌ᠶᠠ ᠭᠡᠰᠡᠨ ᠮᠤᠩᠭ᠋ᠤᠯ ᠤᠨ ᠳᠠᠷᠬᠠᠨ ᠭᠦᠭᠡ ᠰᠦᠯᠳᠡ ᠳᠠᠢ
ᠴᠥᠩᠭᠦᠢᠨ ᠰᠥᠡᠳᠡᠷᠯᠡᠭ᠍ᠰᠡᠨ ᠪᠠᠭᠠᠳᠠᠯᠠ ᠨᠤᠳᠤᠭ ᠤᠨ ᠰᠥᠭ᠌ ᠰᠦᠯᠳᠡ ᠲᠡᠶ
ᠣᠳᠤ ᠰᠠᠴᠤᠷᠠᠭᠰᠠᠨ ᠣᠬᠠᠭᠠᠨ ᠪᠢᠯᠢᠭ᠌ ᠤᠨ ᠭᠦᠨ ᠭᠦᠴᠤᠨ ᠲᠡᠶ
ᠣᠶᠠᠯᠳᠤᠨ ᠵᠤᠭᠢᠴᠠᠭᠰᠠᠨ ᠣᠩᠭ᠋ᠤᠨ ᠪᠠᠢ᠌ᠭᠠᠯᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠳᠤᠭᠢᠶᠠ ᠳᠠᠢ
ᠣᠬᠠᠭᠠ ᠳᠡᠯᠭᠡᠷᠡᠭᠦᠯᠦᠭ᠍ᠰᠡᠨ ᠣᠨᠠᠭᠠᠨ ᠨᠤᠳᠤᠭ ᠶᠢᠡᠨ ᠨᠠᠠᠳᠢᠩᠨᠠᠬᠤ ᠵᠢᠭᠠᠪᠣᠷᠢ ᠲᠡᠶ ︕
ᠵᠠ ︕ ᠬᠤᠷᠴᠢᠨ ᠣᠪᠣᠭᠠ ᠮᠠᠠᠳᠤᠳᠤᠭᠠᠢ ︕
ᠬᠤᠳᠠᠯᠠ ᠣᠯᠠᠨ ᠶᠢᠡᠷ ᠶᠢᠡᠨ ᠵᠢᠷᠭᠠᠳᠤᠭᠠᠢ ︕
ᠬᠤᠷᠤᠢ ︕ ᠬᠤᠷᠤᠢ ︕ ᠬᠤᠷᠤᠢ ︕
ᠠᠯᠠᠭ ᠬᠤᠷᠸᠠ ᠶᠢᠨ ᠠᠵᠠ ᠵᠢᠷᠭᠠᠯ
ᠡᠨᠡ ᠣᠪᠣᠭᠠᠨ ᠳᠤ ᠳᠤᠭᠳᠠᠬᠤ ᠪᠣᠯᠳᠤᠭᠠᠢ ︕
ᠬᠤᠷᠤᠢ ︕ ᠬᠤᠷᠤᠢ ︕ ᠬᠤᠷᠤᠢ ︕
ᠠᠷᠠᠤᠨ ᠢᠷᠭᠡᠳ ᠤᠨ ᠭᠡᠰᠢᠭ᠌ ᠪᠣᠶᠠᠨ
ᠡᠨᠡ ᠣᠪᠣᠭᠠᠨ ᠳᠤ ᠴᠤᠭᠯᠠᠬᠤ ᠪᠣᠯᠳᠤᠭᠠᠢ ︕
ᠬᠤᠷᠤᠢ ︕ ᠬᠤᠷᠤᠢ ︕ ᠬᠤᠷᠤᠢ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠣᠢ᠌ᠳᠤ ᠬᠤᠰᠢᠭᠤᠨ ᠤ ᠭᠠᠠᠵᠤᠭᠠ ᠨᠢᠭᠡᠳᠦᠭᠡᠷ ᠦᠨᠳᠦᠷ ᠵᠡᠷᠭᠡ ᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠸ·ᠠᠭᠤᠯᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 11182
ᠴᠠᠭ᠄ 2014 ᠤᠨ ᠤ 02 ᠰᠠᠷᠠ ᠶᠢᠨ 19
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ