☆ ᠨᠠᠰᠤᠨ
ᠭᠦᠳᠡᠭᠡ ᠶᠢᠨ ᠰᠠᠢ᠌ᠬᠠᠨ
ᠴᠢᠭᠢᠭ᠌ ᠤᠨ ᠦᠨᠦᠷ ᠰᠡᠩᠭᠢᠨᠡᠭ᠍ᠰᠡᠨ ᠳᠠᠷᠠ ᠰᠠᠢ᠌ᠬᠠᠨ ᠠᠮᠢᠰᠬᠤᠯ᠂
ᠴᠡᠴᠡᠭ᠌ ᠬᠤᠷᠠ ᠪᠠᠷ ᠣᠭᠢᠶᠠᠭᠳᠠᠭᠰᠠᠨ ᠳᠠᠷᠠ ᠰᠠᠢ᠌ᠬᠠᠨ ᠥᠩᠭᠡ᠂
ᠴᠡᠩᠭᠡᠷ ᠣᠳᠤᠭᠠ ᠪᠣᠷᠭᠢᠯᠤᠭᠰᠠᠨ ᠳᠠᠷᠠ ᠰᠠᠢ᠌ᠬᠠᠨ ᠦᠷᠭᠦᠭᠡ᠂
ᠴᠡᠭᠡ ᠶᠢᠨ ᠦᠨᠦᠷ ᠬᠠᠩᠬᠤᠯᠤᠭᠰᠠᠨ ᠲ᠋ᠠᠯᠠ ᠤᠨ ᠰᠠᠢ᠌ᠬᠠᠨ ᠦᠷᠯᠦᠭᠡ᠃
ᠭᠤᠷᠤᠬᠠ ᠨᠠᠮᠢᠷᠠᠨ ᠣᠷᠤᠰᠬᠤ ᠳᠠᠷᠠ ᠰᠠᠢ᠌ᠬᠠᠨ ᠴᠢᠮᠡᠭᠡ᠂
ᠭᠤᠷᠭᠤᠤᠯ ᠭᠦᠭᠦᠭᠡ ᠳᠤᠩᠭ᠋ᠤᠳᠬᠤ ᠳᠠᠷᠠ ᠰᠠᠢ᠌ᠬᠠᠨ ᠡᠭᠡᠰᠢᠭ᠌᠂
ᠭᠤᠪᠢ ᠳᠤ ᠪᠣᠳᠤᠭᠤ ᠪᠣᠢ᠌ᠯᠠᠭᠰᠠᠨ ᠳᠠᠷᠠ ᠰᠠᠢ᠌ᠬᠠᠨ ᠳᠠᠭᠤ᠂
ᠭᠣᠢ᠌ᠳᠠ ᠪᠠᠯᠴᠢᠭᠡᠷ ᠲᠤ ᠨᠡᠢ᠌ᠯᠡᠭᠦᠯᠦᠭ᠍ᠰᠡᠨ ᠭᠦᠳᠡᠭᠡ ᠶᠢᠨ ᠰᠠᠢ᠌ᠬᠠᠨ ᠨᠠᠢ᠌ᠷᠠᠯ᠃
ᠰᠠᠷᠠ ᠶᠢᠨ ᠡᠭᠡᠯᠵᠢ ᠪᠠᠷ ᠳᠠᠭᠢᠯᠭᠠ ᠲᠡᠶ ᠨᠤᠳᠤᠭ ᠤᠨ ᠰᠠᠭᠢᠭᠤᠰᠤ ᠬᠠᠨ ᠨᠤᠭᠤᠳ᠂
ᠰᠠᠷᠠ ᠵᠢᠰᠤ ᠪᠠᠨ ᠳᠤᠯᠢᠳᠠᠭᠰᠠᠨ ᠨᠤᠮᠢᠨ ᠳᠤᠩᠭ᠋ᠠᠯᠠᠭ ᠪᠦᠷᠢᠳᠤ ᠨᠤᠭᠦᠳ᠂
ᠰᠠᠯᠭᠢ ᠮᠠᠨᠠᠨ ᠢ ᠢᠷᠠᠬᠤ ᠳᠤ ᠢᠯᠡᠷᠡᠭᠦ ᠰᠠᠢ᠌ᠬᠠᠨ ᠦᠵᠡᠮᠵᠢ᠂
ᠰᠠᠨᠠᠭᠠᠨ ᠳᠤ ᠦᠷᠭᠦᠯᠵᠢ ᠬᠤᠨᠤᠭᠰᠢᠭᠰᠠᠨ ᠨᠤᠳᠤᠭ ᠤᠨ ᠭᠠᠩᠭ᠋ᠠᠩ ᠪᠠᠢ᠌ᠭᠠᠯᠢ᠃
ᠨᠠᠪᠴᠢᠨ ᠥᠵᠦᠭᠦᠷ ᠲᠤ ᠵᠥᠰᠡᠷᠡᠭ᠍ᠰᠡᠨ ᠳᠠᠷᠠ ᠰᠠᠢ᠌ᠬᠠᠨ ᠬᠤᠷᠠ᠂
ᠨᠠᠷᠠ ᠳᠤᠨᠤᠷᠠᠬᠤ ᠳᠤ ᠢᠯᠪᠢᠭ᠍ᠰᠡᠨ ᠳᠠᠷᠠ ᠬᠤᠩᠭ᠋ᠤᠷ ᠰᠠᠯᠭᠢ᠂
ᠡᠭᠦᠯᠡᠨ ᠳᠤᠯᠤᠭᠠᠢ ᠣᠭᠠᠯᠵᠠᠯᠠᠭᠰᠠᠨ ᠳᠠᠷᠠ ᠴᠡᠯᠮᠡᠭ᠌ ᠠᠭᠠᠷ᠂
ᠡᠳᠦᠷ ᠤᠨ ᠡᠭᠡᠯᠵᠢᠨ ᠳᠤ ᠡᠨᠡᠭ᠍ᠰᠢᠭ᠍ᠰᠡᠨ ᠮᠢᠨᠤ ᠥᠯᠦᠭᠡᠢ ᠶᠢᠨ ᠠᠮᠢᠰᠬᠤᠭᠠ᠃
ᠡᠷᠡ ᠶᠢᠨ ᠰᠠᠢ᠌ᠬᠠᠨ ᠪᠦᠷᠢᠳᠦᠭ᠍ᠰᠡᠨ ᠳᠠᠷᠠ ᠭᠡᠭᠡᠡᠴᠢᠷ ᠵᠠᠯᠠᠭᠤ᠂
ᠡᠷᠪᠠᠭᠡᠢ ᠴᠡᠴᠡᠭ᠌ ᠢ ᠢᠴᠢᠭᠡᠭ᠍ᠰᠡᠨ ᠳᠠᠷᠠ ᠭᠤᠪᠠᠢ ᠭᠡᠦᠭᠡᠨ᠂
ᠰᠠᠷᠯᠠᠩ ᠬᠤᠸᠠᠷ ᠶᠢᠡᠷ ᠮᠢᠷᠠᠯᠵᠠᠭᠰᠠᠨ ᠳᠠᠯᠠ ᠶᠢᠨ ᠴᠡᠩᠭᠡᠷ ᠬᠠᠢ᠌ᠷᠠ᠂
ᠰᠠᠷᠠᠭᠤᠯ ᠰᠢᠯᠢ ᠶᠢᠨ ᠳᠠᠠᠵᠢᠨ ᠳᠤ ᠣᠴᠠᠷᠠᠬᠤ ᠢᠨᠠᠭ ᠤᠨ ᠪᠣᠯᠵᠤᠭᠠ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠯᠢ ᠶᠢᠨ ᠭᠤᠤᠯ ᠠᠢ᠌ᠮᠠᠭ ᠤᠨ ᠪᠠᠷᠠᠭᠤᠨ ᠦᠵᠦᠮᠤᠴᠢᠨ ᠬᠤᠰᠢᠭᠤᠨ ᠤ ᠪᠠᠯᠭᠠᠷᠭᠤᠤᠯ ᠪᠠᠯᠭᠠᠰᠤᠨ ᠤ ᠪᠠᠯᠭᠠᠷ ᠵᠡᠭᠡᠯᠢ ᠵᠢᠨ 18 ᠳ᠋ᠤᠭᠠᠷ ᠳᠤᠭᠣᠢ᠌ᠯᠠᠩ ᠤᠨ 43 ᠳ᠋ᠤᠭᠠᠷ ᠨᠤᠮᠸᠷ
ᠵᠤᠬᠢᠶᠠᠭᠴᠢ᠄ ᠨᠠᠰᠤᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2635
ᠴᠠᠭ᠄ 2012 ᠤᠨ ᠤ 07 ᠰᠠᠷᠠ ᠶᠢᠨ 03
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ