☆ ᠴᠠᠮᠠᠬᠠᠤᠨ᠂ ᠷᠠᠵᠢᠳᠮᠠ
ᠥᠭᠡᠯᠡᠳᠴᠥᠳ ᠤᠨ ᠣᠷᠤᠭ ᠬᠤᠷᠢᠮ ᠤᠨ ᠶᠤᠰᠤ
ᠨᠢᠭᠡ᠂ ᠭᠡᠦᠭᠡᠨ ᠭᠤᠶᠤᠬᠤ (ᠬᠠᠳᠠᠮᠠᠤᠨ ᠬᠠᠢ᠌ᠬᠤ)
1. ᠮᠠᠠᠳᠤ ᠶᠢᠨ ᠠᠷᠢᠭᠢ (ᠠᠢ᠌ᠯᠴᠢᠨ ᠠᠷᠢᠭᠢ ᠴᠤ ᠭᠡᠳᠡᠭ᠌)
ᠭᠦᠪᠠᠭᠦᠨ ᠲᠡᠶ ᠠᠢ᠌ᠯ ᠤᠨ ᠭᠦᠤ ᠨᠢ ᠥᠰᠦᠭᠡᠳ ᠨᠠᠰᠤᠨ ᠳᠤ ᠭᠦᠷᠪᠠᠯ ᠭᠦᠪᠠᠭᠦᠨ ᠤ ᠡᠴᠢᠭᠡ ᠡᠭᠡ ᠨᠢ᠄
《ᠣᠨᠠᠭᠠ ᠪᠠᠨ ᠳᠡᠵᠢᠭᠡᠭᠡᠳ ᠭᠦᠯᠦᠭ᠌ ᠤᠨ ᠴᠢᠳᠠᠯ ᠲᠡᠶ ᠪᠣᠯᠭᠠᠯᠠ
ᠦᠷᠡ ᠪᠠᠨ ᠥᠰᠭᠡᠭᠡᠳ ᠡᠷᠡ ᠶᠢᠨ ᠴᠡᠭᠡᠯ ᠳᠤ ᠭᠦᠷᠭᠡᠯᠡ᠂
ᠳᠠᠭᠠ ᠪᠠᠨ ᠳᠡᠵᠢᠭᠡᠭᠡᠳ ᠠᠭᠳᠠ ᠶᠢᠨ ᠴᠢᠳᠠᠯ ᠲᠡᠶ ᠪᠣᠯᠭᠠᠯᠠ
ᠵᠠᠶᠠᠭᠠᠭᠰᠠᠨ ᠭᠦᠤ ᠪᠠᠨ ᠥᠰᠭᠡᠭᠡᠳ ᠡᠷᠡ ᠶᠢᠨ ᠴᠢᠳᠠᠯ ᠲᠡᠶ ᠪᠣᠯᠭᠠᠯᠠ᠂
ᠦᠷᠢᠶᠠ ᠪᠠᠨ ᠳᠡᠵᠢᠭᠡᠭᠡᠳ ᠮᠤᠷᠢᠨ ᠤ ᠴᠢᠳᠠᠯ ᠲᠡᠶ ᠪᠣᠯᠭᠠᠯᠠ
ᠠᠯᠠᠭ ᠦᠷᠡ ᠪᠠᠨ ᠥᠰᠭᠡᠭᠡᠳ ᠡᠷᠡ ᠶᠢᠨ ᠴᠡᠭᠡᠯ ᠳᠤ ᠭᠦᠷᠭᠡᠯᠡ᠂
ᠡᠩᠭᠦᠷᠡᠢ᠌ᠯᠡᠵᠤ ᠥᠰᠭᠡᠭ᠍ᠰᠡᠨ ᠭᠦᠪᠠᠭᠦᠨ
ᠡᠷᠡ ᠶᠢᠨ ᠴᠢᠳᠠᠯ ᠳᠤ ᠭᠦᠷᠦᠭ᠍ᠰᠡᠨ ᠳᠤᠯᠠ
ᠡᠭᠦᠳᠡ ᠡᠷᠦᠭᠡ ᠶᠢ ᠨᠢ ᠨᠡᠭᠡᠭᠡᠯᠭᠡᠵᠤ
ᠦᠨᠳᠦᠰᠦ ᠣᠭᠰᠠᠭᠠ ᠶᠢ ᠨᠢ ᠵᠠᠯᠭᠠᠭᠤᠯᠬᠤ》 ᠭᠡᠳ ᠠᠯᠢ ᠠᠢ᠌ᠯ ᠤᠨ ᠭᠡᠦᠭᠡᠨ ᠪᠣᠯᠤᠮᠠᠷ ᠪᠠᠢ᠌ᠨᠠ ᠭᠡᠳᠡᠭ᠌ ᠢ ᠣᠷᠢᠳᠴᠢᠯᠠᠨ ᠭᠡᠷ ᠵᠠᠭᠤᠷᠠ ᠪᠠᠨ ᠵᠥᠪᠳᠡᠯᠴᠡᠭᠡᠳ ᠭᠦᠪᠠᠭᠦᠨ ᠤ ᠠᠪᠣ ᠡᠵᠢ ᠭᠡᠦᠭᠡᠨ ᠰᠤᠩᠭ᠋ᠤᠳᠠᠭ ᠪᠢᠯᠠ᠃ ᠰᠤᠩᠭ᠋ᠤᠬᠤ ᠳᠠᠭᠠᠨ ᠭᠡᠦᠭᠡᠨ ᠤ ᠥᠩᠭᠡ ᠵᠢᠰᠤ᠂ ᠣᠢ᠌ᠯᠠ ᠪᠠᠷᠢᠯ᠂ ᠵᠠᠩ ᠠᠭᠠᠯᠢ ᠶᠢ ᠦᠵᠡᠵᠤ ᠰᠡᠳᠭᠢᠯ ᠲᠡᠶ ᠨᠢ ᠨᠠᠢ᠌ᠴᠠᠪᠠᠯ ᠯᠠᠮᠠ ᠥᠵᠡᠯᠭᠡ ᠥᠵᠡᠭᠦᠯᠤᠨ᠂ ᠦᠨᠢᠷ ᠠᠢ᠌ᠯ ᠦᠦ᠂ ᠳᠠᠳᠠᠭᠤ ᠠᠢ᠌ᠯ ᠦᠦ᠂ ᠡᠭᠦᠳᠡ ᠡᠷᠦᠭᠡ ᠳᠠᠩᠴᠠᠮᠠᠷ ᠪᠠᠢ᠌ᠪᠠᠯ ᠡᠭᠦᠨ ᠳᠤ ᠬᠠᠯᠠ (ᠣᠪᠣᠭ) ᠳᠤᠳᠤᠷᠠᠭᠢ ᠳᠦᠷᠤᠯ ᠪᠢᠰᠢ ᠠᠢ᠌ᠯ ᠤᠨ ᠭᠢ ᠪᠠᠢ᠌ᠬᠤ ᠭᠡᠷᠡᠭ᠍ᠳᠡᠢ᠃ ᠪᠠᠰᠠ ᠭᠦᠪᠠᠭᠦᠨ ᠪᠣᠯᠤᠨ ᠦᠬᠢᠨ ᠤ ᠮᠢᠬᠠ ᠮᠡᠩᠭᠡ ᠨᠢ ᠳᠠᠭᠠᠷᠠᠪᠠᠯ ᠰᠠᠶᠢ ᠳᠠᠷᠠ ᠦᠵᠡᠵᠤ ᠳᠤᠭᠤᠭᠰᠠᠨ ᠭᠡᠦᠭᠡᠨ ᠤ ᠭᠡᠷ ᠲᠤ ᠵᠠᠭᠤᠴᠢ ᠭᠦᠮᠤᠨ ᠣᠴᠢᠭᠤᠯᠤᠨᠠ᠃ ᠡᠭᠦᠨ ᠳᠤ ᠵᠠᠭᠤᠴᠢ ᠶᠠᠪᠣᠭᠤᠯᠬᠤ ᠭᠦᠮᠤᠨ ᠶᠢᠡᠨ ᠣᠯᠬᠤ ᠭᠡᠷᠡᠭ᠍ᠳᠡᠢ ᠪᠣᠯᠤᠨᠠ᠃
ᠵᠠᠭᠤᠴᠢ ᠪᠣᠯᠬᠤ ᠭᠦᠮᠤᠨ ᠨᠢ ᠯᠠᠮᠠ ᠪᠣᠰᠤ ᠪᠦᠭᠡᠳ ᠬᠤᠶᠠᠷ ᠳᠠᠯᠠ ᠳᠤ ᠳᠦᠷᠤᠯ ᠰᠠᠳᠤᠨ ᠪᠢᠰᠢ ᠣᠳᠤᠮ ᠰᠠᠢ᠌ᠳᠠᠢ ᠬᠠᠷᠠ ᠭᠦᠮᠤᠨ ᠪᠦᠭᠡᠳᠡᠯᠡ ᠪᠠᠨ ᠨᠠᠩ ᠴᠤ ᠡᠮᠡᠭ᠍ᠳᠡᠢ ᠭᠦᠮᠤᠨ ᠪᠣᠰᠤ᠂ ᠡᠯᠢᠭᠡ ᠪᠦᠳᠤᠨ ᠬᠠᠨᠢ ᠨᠥᠭᠦᠷ ᠲᠡᠶ᠂ ᠦᠷᠡ ᠬᠡᠦᠬᠡᠳ ᠲᠡᠶ᠂ ᠣᠯᠠᠨ ᠳᠠᠭᠠᠨ ᠢᠳᠡᠭᠡᠯ ᠭᠦᠡᠳᠦᠳᠡᠢ᠂ ᠰᠠᠢ᠌ᠨ ᠨᠠᠷᠠ ᠳᠦᠷᠤ ᠲᠡᠶ᠂ ᠨᠤᠮᠤᠬᠠᠨ ᠳᠠᠷᠤᠤ ᠡᠪ ᠳᠠᠮᠳᠠᠢ ᠪᠠᠷ ᠭᠡᠯᠡᠵᠤ ᠶᠠᠷᠢᠵᠤ ᠴᠢᠳᠠᠳᠠᠭ᠃ ᠨᠠᠩ ᠴᠤ ᠪᠢᠳᠡᠭᠦᠤ ᠳᠠᠯᠳᠠ ᠤᠳᠬᠠ ᠲᠡᠶ ᠥᠭᠡ ᠪᠠᠷ ᠭᠡᠯᠡᠯᠴᠡᠭᠦ ᠳᠤᠯᠠ ᠤᠳᠬᠠ ᠰᠠᠨᠠᠭᠠ ᠶᠢ ᠨᠢ ᠣᠢ᠌ᠯᠠᠭᠠᠨ ᠮᠠᠳᠠᠵᠤ ᠴᠢᠳᠠᠬᠤ᠂ ᠣᠷᠠᠯᠢᠭ ᠳᠠᠪᠠᠯᠢᠭ ᠰᠠᠢ᠌ᠬᠠᠨ ᠥᠭᠡ ᠪᠠᠷ ᠭᠡᠯᠡᠯᠴᠡᠳᠡᠭ᠌ ᠠᠪᠢᠶᠠᠰ ᠪᠢᠯᠢᠭ᠌ ᠲᠡᠶ ᠭᠦᠮᠤᠨ ᠢ ᠵᠠᠭᠤᠴᠢ ᠪᠠᠷ ᠵᠠᠯᠠᠬᠤ ᠪᠣᠯᠤᠨᠠ᠃
ᠢᠩᠭᠢᠭᠡᠳ ᠳᠢᠶᠠᠠᠫᠢᠩ ᠭᠡᠳᠡᠭ᠌ ᠸᠠᠭᠠᠷ ᠶᠢᠡᠷ ᠭᠢᠭ᠍ᠰᠡᠨ 2 ᠊᠊᠊᠊᠊᠊᠊᠊᠊᠊᠊᠊᠊᠊᠊ 3 ᠵᠢᠩ ᠠᠷᠢᠭᠢ ᠪᠠᠭᠳᠠᠳᠠᠭ ᠰᠠᠪᠠ ᠪᠡᠯᠡᠳᠭᠡᠨ ᠠᠷᠢᠭᠢ ᠠᠪᠴᠤ᠂ ᠠᠬᠠ ᠶᠡᠭᠡᠰ ᠳᠤᠨᠢ ᠪᠠᠷᠢᠬᠤ ᠪᠠᠯᠡᠭ᠌ ᠬᠠᠳᠠᠭ ᠲᠡᠶ ᠪᠠᠷ ᠰᠠᠢ᠌ᠨ ᠡᠳᠦᠷ ᠢ ᠰᠤᠩᠭ᠋ᠤᠵᠤ᠂ ᠳᠦᠷᠤ ᠵᠢᠷᠤᠮ ᠤᠨ ᠶᠤᠰᠤᠭᠠᠷ ᠵᠠᠭᠤᠴᠢ ᠪᠣᠯᠤᠭᠰᠠᠨ ᠭᠦᠮᠤᠨ ᠭᠡᠦᠭᠡᠨ ᠤ ᠳᠠᠯᠠ ᠳᠤ ᠮᠤᠷᠢ ᠪᠠᠷ ᠣᠴᠢᠨᠠ᠃
ᠭᠦᠪᠠᠭᠦᠨ ᠤ ᠳᠠᠯᠠ ᠶᠢᠨ ᠵᠠᠭᠤᠴᠢ ᠨᠢ ᠨᠢᠭᠡ ᠨᠠᠰᠤᠳᠠᠨ᠂ ᠬᠠᠵᠠᠭᠤ ᠳᠠᠭᠠᠨ ᠬᠤᠶᠠᠷ ᠳᠤᠮᠳᠠ ᠨᠠᠰᠤᠨ ᠤ ᠪᠣᠶᠤ ᠵᠠᠯᠠᠭᠤ ᠶᠢ ᠳᠠᠭᠠᠭᠤᠯᠵᠤ ᠣᠴᠢᠳᠠᠭ᠃ ᠵᠠᠭᠤᠴᠢ᠂ ᠭᠡᠦᠭᠡᠨ ᠤ ᠭᠡᠷ ᠤᠨ ᠭᠠᠳᠠᠨᠠ ᠭᠦᠷᠴᠤ ᠣᠴᠢᠬᠤ ᠳᠤ ᠭᠡᠷ ᠤᠨ ᠡᠵᠡᠨ ᠨᠤᠬᠠᠢ ᠬᠤᠷᠢᠵᠤ ᠭᠠᠷᠴᠤ ᠢᠷᠡᠭ᠍ᠰᠡᠨ ᠪᠠᠢ᠌ᠬᠤ ᠶᠤᠰᠤᠳᠠᠢ᠃ ᠵᠠᠭᠤᠴᠢ ᠮᠤᠷᠢᠨ ᠡᠴᠠ ᠪᠠᠨ ᠪᠠᠭᠤᠵᠤ ᠮᠢᠯᠢᠶᠠ (ᠳᠠᠰᠢᠭᠤᠷ) ᠪᠠᠨ ᠮᠤᠷᠢᠨ ᠤ ᠪᠠᠨ ᠡᠮᠡᠭᠡᠯ ᠡᠴᠠ ᠡᠯᠭᠦᠭᠦ ᠪᠣᠶᠤ ᠭᠠᠳᠠᠨᠠ ᠣᠷᠭᠢᠵᠤ ᠭᠡᠷ ᠳᠤᠨᠢ ᠣᠷᠤᠨᠠ᠃ ᠭᠡᠷ ᠲᠤ ᠣᠷᠤᠭᠰᠠᠨ ᠤ ᠳᠠᠷᠠᠭᠠ ᠭᠦᠯ ᠳᠠᠳᠠᠨ ᠮᠠᠠᠳᠤ ᠮᠠᠳᠠᠵᠤ ᠠᠮᠤᠷ ᠠᠰᠠᠭᠤᠭᠠᠤᠨ ᠭᠦᠭᠡᠷᠡᠭ᠌ (ᠭᠦᠭᠦᠷ) ᠭᠠᠷᠭᠠᠨ ᠬᠠᠷᠢᠯᠴᠠᠨ ᠳᠠᠮᠠᠭᠢᠯᠠᠵᠤ᠂ ᠨᠠᠰᠤᠳᠠᠨ ᠭᠦᠮᠤᠨ ᠬᠣᠢ᠌ᠮᠤᠷ ᠲᠤ ᠰᠠᠭᠤᠵᠤ ᠬᠠᠵᠠᠭᠤ ᠳ᠋ᠠᠭᠢ ᠬᠤᠶᠠᠷ ᠭᠦᠮᠤᠨ ᠭᠡᠷ ᠤᠨ ᠪᠠᠷᠠᠭᠤᠨ ᠪᠠᠶᠠ ᠪᠠᠷ ᠨᠠᠰᠤᠳᠠᠨ ᠶᠢᠡᠨ ᠳᠠᠭᠠᠯᠴᠠᠨ ᠰᠠᠭᠤᠨᠠ᠃
ᠠᠪᠴᠤ ᠢᠷᠡᠭ᠍ᠰᠡᠨ ᠳᠢᠶᠠᠠᠫᠢᠩ ᠲᠡᠶ ᠠᠷᠢᠭᠢ ᠪᠠᠨ ᠦᠷᠭᠦᠭᠡ (ᠮᠤᠩᠭ᠋ᠤᠯ ᠭᠡᠷ) ᠶ᠋ᠢᠨ ᠡᠭᠦᠳᠡᠨ ᠤ ᠪᠠᠷᠠᠭᠤᠨ ᠡᠮᠦᠨᠡ ᠬᠠᠨᠠ ᠳᠤ ᠡᠯᠭᠦᠨᠡ᠃ ᠵᠠᠭᠤᠴᠢ ᠢᠷᠡᠭᠦ ᠪᠣᠯᠭᠠᠨ ᠳᠤ ᠳᠢᠶᠠᠠᠫᠢᠩ ᠲᠡᠶ ᠠᠷᠢᠭᠢ ᠡᠯᠭᠦᠭᠦ ᠬᠠᠨᠠ ᠶᠢᠨ ᠳᠤᠯᠤᠭᠠᠢ ᠳᠤᠳᠤᠭᠰᠢᠯᠠᠨᠠ᠃ ᠭᠡᠷ ᠤᠨ ᠡᠵᠡᠨ ᠵᠤᠴᠢᠨ ᠳᠤ ᠣᠯᠪᠣᠭ ᠳᠠᠪᠢᠰᠤᠨ ᠬᠣᠢ᠌ᠮᠤᠷ ᠲᠤ ᠰᠠᠭᠤᠯᠭᠠᠨ ᠭᠦᠡᠳᠦᠯᠡᠵᠤ ᠴᠠᠢ ᠠᠶᠠᠭᠠᠯᠠᠵᠤ ᠢᠷᠡᠭ᠍ᠰᠡᠨ ᠵᠤᠴᠢᠨ ᠳᠤ ᠪᠠᠷᠢᠨᠠ᠃ ᠴᠠᠢ ᠣᠤᠭᠤᠬᠤ ᠵᠠᠪᠰᠠᠷ ᠲᠤ ᠵᠤᠭᠤᠭ ᠳᠡᠯᠭᠡᠨ ᠬᠠᠮᠢᠭᠠ ᠡᠴᠠ ᠶᠠᠭᠤᠨ ᠳᠤ ᠢᠷᠡᠭ᠍ᠰᠡᠨ ᠠᠯᠢ ᠠᠢ᠌ᠯ ᠤᠨ ᠭᠦᠮᠤᠨ ᠭᠡᠳᠡᠭ᠌ ᠶᠢᠡᠨ ᠭᠡᠯᠡᠵᠤ ᠢᠷᠡᠭ᠍ᠰᠡᠨ ᠣᠴᠢᠷ ᠶᠢᠡᠨ ᠭᠠᠷᠭᠠᠵᠤ ᠭᠦᠭᠡᠷᠡᠭ᠌ ᠨᠠᠷᠠᠨ ᠳᠠᠮᠠᠭᠢᠯᠠᠵᠤ ᠠᠮᠠ ᠨᠡᠭᠡᠭᠡᠨ ᠬᠣᠢ᠌ᠮᠤᠷ ᠰᠠᠭᠤᠭᠰᠠᠨ ᠨᠠᠰᠤᠳᠠᠨ ᠡᠴᠠ 《ᠪᠢᠳᠠᠨ ᠣᠳᠤ ᠮᠠᠭᠤ ᠶᠢᠨ ᠶᠤᠰᠤᠨ ᠪᠢᠰᠢ᠂ ᠮᠤᠩᠭ᠋ᠤᠯ ᠤᠨ ᠶᠤᠰᠤᠨ᠃ ᠳᠠᠷᠠ ᠠᠢ᠌ᠯ ᠤᠨ××× ᠊ᠤ ᠭᠦᠪᠠᠭᠦᠨ××ᠪᠤᠯᠤᠨ ᠳᠠᠨ ᠤ ᠦᠬᠢᠨ ᠤ ᠮᠢᠬᠠ ᠮᠡᠩᠭᠡ ᠳᠠᠭᠠᠷᠠᠵᠤ᠂ (ᠭᠡᠷᠪᠡ ᠮᠢᠬᠠ ᠮᠡᠩᠭᠡ ᠨᠢ ᠳᠠᠭᠠᠷᠠᠬᠤ ᠦᠭᠡᠶ ᠪᠣᠯ ᠡᠨᠡ ᠣᠷᠤᠭ ᠤᠨ ᠶᠠᠪᠣᠳᠠᠯ ᠪᠦᠳᠦᠭᠦ ᠦᠭᠡᠶ) ᠵᠠᠶᠠᠭᠠ ᠰᠠᠭᠤᠳᠠᠯ ᠨᠢᠭᠡᠳᠦᠭ᠍ᠰᠡᠨ ᠪᠦᠭᠡᠳ ᠵᠢᠷᠤᠬᠠᠢ ᠪᠠᠯᠭᠡ ᠰᠠᠢ᠌ᠨ ᠪᠠᠭᠤᠭᠰᠠᠨ ᠡᠴᠠ ᠮᠠᠨ ᠤ ᠳᠡᠭᠡᠳᠦᠰ ᠨᠠᠳᠠ ᠶᠢ ᠳᠤᠰᠬᠠᠢ᠌ᠯᠠᠨ ᠶᠠᠪᠣᠭᠤᠯᠵᠤ ᠳᠠᠨ ᠳᠤ ᠮᠠᠨᠳᠤ ᠮᠡᠳᠡᠭᠦᠯᠵᠤ ᠢᠷᠡᠭᠦᠯᠦᠭ᠍ᠰᠡᠨ ᠡᠴᠠ ᠭᠦᠪᠠᠭᠦᠨ ᠶᠢᠡᠨ ᠳᠠᠨ ᠳᠤ ᠳᠦᠰᠢᠭᠦᠯᠦᠨᠡ》 ᠭᠡᠨᠡ᠃
《ᠪᠣᠷᠤ ᠳᠢᠶᠠᠠᠫᠢᠩ ᠲᠡᠶ ᠠᠷᠢᠭᠢ ᠶᠢ ᠪᠠᠨ
ᠪᠠᠷᠠᠭᠤᠨ ᠬᠠᠨᠠ ᠳᠤ ᠳᠠᠨᠢ ᠡᠯᠭᠦᠶᠡ
ᠪᠠᠭᠠ ᠡᠴᠠ ᠨᠢ ᠥᠰᠭᠡᠭ᠍ᠰᠡᠨ ᠭᠦᠪᠠᠭᠦᠨ ᠵᠢᠠᠨ
ᠪᠠᠷᠠᠭᠤᠨ ᠬᠤᠷᠮᠤᠢ ᠳᠤ ᠳᠠᠨᠢ ᠬᠤᠴᠢᠭᠤᠯᠤᠶᠠ᠃
ᠳᠢᠶᠠᠠᠫᠢᠩ ᠰᠠᠪᠠ ᠲᠡᠶ ᠠᠷᠢᠭᠢ ᠶᠢ ᠪᠠᠨ
ᠳᠠᠨ ᠤ ᠬᠠᠨᠠ ᠳᠤ ᠴᠢᠨᠢ ᠡᠯᠭᠦᠶᠡ
ᠵᠠᠶᠠᠭᠠᠵᠤ ᠳᠦᠷᠦᠭ᠍ᠰᠡᠨ ᠭᠦᠪᠠᠭᠦᠨ ᠵᠢᠠᠨ
ᠵᠡᠭᠦᠨ ᠬᠤᠷᠮᠤᠢ ᠳᠤ ᠳᠠᠨᠢ ᠬᠤᠴᠢᠭᠤᠯᠤᠶᠠ᠃
ᠥᠩᠭᠡᠳᠤ ᠳᠢᠶᠠᠠᠫᠢᠩ ᠲᠡᠶ ᠠᠷᠢᠭᠢ ᠶᠢ ᠪᠠᠨ
ᠦᠨᠳᠦᠷ ᠬᠠᠨᠠ ᠳᠤ ᠴᠢᠨᠢ ᠡᠯᠭᠦᠶᠡ
ᠥᠰᠭᠡᠵᠤ ᠪᠣᠢ᠌ᠵᠠᠭᠤᠯᠤᠭᠰᠠᠨ ᠭᠦᠪᠠᠭᠦᠨ ᠵᠢᠠᠨ
ᠣᠤ (ᠠᠭᠤᠵᠢᠮ) ᠰᠤᠭᠤ ᠳᠤ ᠳᠠᠨᠢ ᠡᠪᠦᠷᠳᠦᠯᠡᠭᠦᠯᠦᠶᠡ᠃
ᠡᠷᠢᠶᠡᠨ ᠳᠢᠶᠠᠠᠫᠢᠩ ᠲᠡᠶ ᠠᠷᠢᠭᠢ ᠶᠢ ᠪᠠᠨ
ᠡᠭᠦᠳᠡᠨ ᠬᠠᠵᠠᠭᠤ ᠳᠤ ᠳᠠᠨᠢ ᠡᠯᠭᠦᠶᠡ
ᠡᠩᠭᠦᠷᠡᠢ᠌ᠯᠡᠵᠤ ᠥᠰᠭᠡᠭ᠍ᠰᠡᠨ ᠭᠦᠪᠠᠭᠦᠨ ᠵᠢᠠᠨ
ᠡᠯᠪᠠᠭ᠌ ᠳᠠᠪᠠᠯ ᠳᠤ ᠳᠠᠨᠢ ᠰᠢᠷᠭᠤᠭᠤᠯᠤᠶᠠ᠃
ᠣᠷᠢᠳᠤ ᠶᠢᠨ ᠢᠷᠦᠭᠡᠯ ᠢ ᠪᠣᠳᠤᠭᠠᠤᠨ
ᠦᠷᠡ ᠪᠠᠨ ᠳᠠᠨ ᠳᠤ ᠳᠦᠰᠢᠭᠦᠯᠦᠨᠡ ᠭᠡᠨᠡ
ᠡᠷᠳᠡᠨ ᠤ ᠢᠷᠦᠭᠡᠯ ᠢ ᠵᠢᠷᠤᠮᠯᠠᠭᠠᠤᠨ
ᠭᠦᠪᠠᠭᠦᠨ ᠶᠢᠡᠨ ᠳᠠᠨ ᠳᠤ ᠳᠦᠰᠢᠭᠦᠯᠦᠨᠡ ᠭᠡᠨᠡ》 ᠭᠡᠵᠤ ᠳᠢᠶᠠᠠᠫᠢᠩ ᠲᠡᠶ ᠠᠷᠢᠭᠢ ᠪᠠᠨ ᠠᠪᠴᠤ ᠬᠤᠠᠳᠠᠭᠠᠯᠠᠨ ᠬᠠᠳᠠᠭ ᠲᠡᠶ ᠬᠠᠮᠳᠤ ᠪᠣᠰᠴᠤ ᠪᠠᠷᠢᠭᠠᠤᠨ 《ᠲᠦᠮᠡᠨ ᠳᠠᠪᠬᠤᠷ ᠦᠷᠤᠰᠢᠶᠠᠯ ᠬᠠᠢ᠌ᠷᠠ ᠶᠢ ᠳᠠᠨᠢ ᠭᠦᠯᠢᠶᠡᠵᠤ ᠪᠠᠢ᠌ᠨᠠ᠃ ᠦᠷᠭᠡᠨ ᠭᠡᠰᠢᠭ᠌ ᠲᠡᠭᠡᠨ ᠪᠠᠭᠳᠠᠭᠠᠵᠤ ᠬᠠᠢ᠌ᠷᠠᠯᠠᠭᠳᠤᠨ》 ᠭᠡᠵᠤ ᠳᠠᠨ ᠤ ᠦᠬᠢᠨ ᠢ ᠪᠠᠷᠢ ᠭᠤᠶᠤᠬᠤ ᠰᠠᠨᠠᠭᠠ ᠪᠠᠨ ᠮᠡᠳᠡᠭᠦᠯᠦᠨᠡ᠃
ᠦᠬᠢᠨ ᠤ ᠡᠴᠢᠭᠡ ᠡᠭᠡ ᠨᠢ ᠪᠦᠭᠦ ᠶᠠᠪᠣᠳᠠᠯ ᠢ ᠮᠡᠳᠡᠭ᠍ᠰᠡᠨ ᠤ ᠰᠡᠭᠦᠯᠡᠷ ᠦᠬᠢᠨ ᠶᠢᠡᠨ ᠦᠭᠭᠦ ᠳᠤᠷᠠ ᠦᠭᠡᠶ ᠪᠣᠯ ᠠᠷᠢᠭᠢ ᠶᠢ ᠨᠢ ᠣᠤᠭᠤᠬᠤ ᠦᠭᠡᠶ᠂ ᠭᠡᠷᠪᠡ ᠣᠷᠤᠭ ᠤᠨ ᠶᠠᠪᠣᠳᠠᠯ ᠪᠦᠳᠦᠭᠦ ᠦᠭᠡᠶ ᠳᠤ ᠳᠤᠯᠪᠠᠯ ᠮᠤᠷᠢᠨ ᠤ ᠬᠠᠷᠠ ᠳᠤᠭᠤᠷᠠᠢ ᠬᠠᠷᠢᠶᠠᠨᠠ ᠭᠡᠳ ᠵᠠᠭᠤᠴᠢ ᠶᠢ ᠭᠤᠷᠪᠠ ᠳᠠᠭᠢᠨ ᠶᠠᠪᠣᠭᠤᠯᠬᠤ ᠦᠭᠡᠶ᠃
ᠡᠨᠡ ᠦᠶᠡ ᠳᠤ ᠦᠬᠢᠨ ᠤ ᠠᠪᠣ ᠡᠵᠢ ᠨᠢ 《ᠵᠠ᠂ ᠳᠠᠨᠠᠷ ᠤᠨ ᠭᠡᠯᠡᠳᠡᠭ᠌ ᠵᠦᠪ᠂ ᠪᠢᠳᠠᠨ ᠤ ᠰᠤᠨᠤᠰᠳᠠᠭ ᠴᠤ ᠵᠦᠪ ᠰᠢᠤ᠂ ᠭᠦᠪᠠᠭᠦᠨ ᠲᠡᠶ ᠭᠦᠮᠤᠨ ᠪᠠᠷᠢ ᠠᠪᠴᠤ᠂ ᠦᠬᠢᠨ ᠲᠡᠶ ᠭᠦᠮᠤᠨ ᠠᠢ᠌ᠯ ᠭᠦᠷᠭᠡᠨ ᠳᠤ ᠦᠭᠭᠦᠨᠡ ᠭᠡᠳᠡᠭ᠌᠃ ᠳᠠᠨᠠᠷ ᠡᠢ᠌ᠮᠤ ᠭᠡᠷᠡᠭ᠌ ᠶᠢᠡᠷ ᠢᠷᠡᠭ᠍ᠰᠡᠨ ᠪᠣᠯ ᠪᠢᠳᠠᠨ ᠴᠤ ᠳᠠᠨᠠᠷ ᠤᠨ ᠡᠨᠡ ᠣᠴᠢᠷ ᠢ ᠪᠣᠷᠤᠭᠤ ᠭᠡᠵᠤ ᠭᠡᠯᠡᠵᠤ ᠴᠢᠳᠠᠬᠤ ᠦᠭᠡᠶ》 ᠭᠡᠵᠤ ᠵᠦᠪ ᠬᠠᠷᠢᠭᠤ ᠪᠠᠨ ᠦᠭᠭᠦᠨᠡ᠃
ᠳᠡᠭᠡᠭᠡᠳ ᠭᠤᠷᠪᠠᠳᠤᠭᠠᠷ ᠭᠦᠮᠤᠨ ᠳᠠᠷᠠ ᠭᠦ ᠬᠠᠨᠠ ᠡᠴᠠ ᠡᠯᠭᠦᠭ᠍ᠰᠡᠨ ᠳᠢᠶᠠᠠᠫᠢᠩ ᠶᠢᠡᠨ ᠠᠪᠴᠤ ᠨᠢᠭᠡᠳᠦᠭᠡᠷ ᠭᠦᠮᠤᠨ ᠳᠡᠭᠡᠨ ᠦᠭᠭᠦ ᠳᠤ ᠨᠢᠭᠡᠳᠦᠭᠡᠷ ᠭᠦᠮᠤᠨ ᠠᠷᠢᠭᠢ ᠶᠢ ᠨᠢ ᠠᠪᠣ ᠳ᠋ᠤᠨᠢ ᠠᠷᠢᠭᠢ ᠪᠠᠷᠢᠵᠤ ᠠᠮᠠᠨ ᠢᠷᠦᠭᠡᠯ ᠢ ᠨᠢ ᠠᠪᠣᠨᠠ᠃ ᠠᠪᠣ ᠨᠢ᠄
《ᠠᠭᠤᠯᠠᠨ ᠳᠤ ᠣᠷᠭᠤᠭᠰᠠᠨ ᠬᠠᠷᠭᠠᠢ ᠵᠢ
ᠣᠭᠳᠤᠯᠤᠨ ᠠᠪᠴᠤ ᠨᠠᠭᠠᠳᠤᠭᠤᠯᠤᠨ
ᠣᠭᠵᠢᠵᠤ ᠥᠰᠭᠡᠭ᠍ᠰᠡᠨ ᠦᠬᠢᠨ ᠵᠢᠠᠨ
ᠣᠷᠢᠳᠤ ᠶᠢᠨ ᠵᠢᠷᠤᠮ ᠢ ᠪᠣᠳᠤᠭᠠᠤᠨ
ᠣᠷᠤᠭ ᠤᠨ ᠬᠤᠯᠠ ᠳᠠᠭᠠᠨ ᠦᠭᠭᠦ ᠶᠤᠰᠤᠳᠠᠢ᠃
ᠬᠠᠳᠠᠨ ᠳᠤ ᠣᠷᠭᠤᠭᠰᠠᠨ ᠬᠠᠷᠭᠠᠢ ᠵᠢ
ᠬᠠᠯᠢᠰᠤᠯᠠᠨ ᠠᠪᠴᠤ ᠰᠠᠭᠠᠳᠠᠭᠤᠯᠤᠨ
ᠬᠠᠢ᠌ᠷᠠᠯᠠᠨ ᠥᠰᠭᠡᠭ᠍ᠰᠡᠨ ᠦᠬᠢᠨ ᠵᠢᠠᠨ
ᠬᠠᠷᠢ ᠶᠢᠨ ᠬᠤᠯᠠ ᠳᠠᠭᠠᠨ ᠦᠭᠭᠦ ᠶᠤᠰᠤᠳᠠᠢ᠃
ᠬᠠᠵᠠᠭᠠᠷᠯᠠᠭᠠᠤᠨ ᠢᠷᠡᠭ᠍ᠰᠡᠨ ᠮᠤᠷᠢ ᠶᠢ ᠴᠢᠨᠢ
ᠣᠯᠵᠠ ᠶᠢ ᠪᠣᠳᠤᠭᠠᠤᠨ ᠠᠪᠣᠭᠠ ᠥᠭᠡᠢ
ᠬᠠᠳᠠᠭ ᠰᠠᠮᠪᠠᠢ ᠬᠤᠶᠠᠷ ᠢ ᠴᠢᠨᠢ
ᠪᠠᠯᠭᠡ ᠶᠢ ᠪᠣᠳᠤᠭᠠᠤᠨ ᠠᠪᠣᠭᠰᠠᠨ ᠶᠤᠮ᠃
ᠨᠤᠭᠳᠤᠯᠠᠭᠠᠤᠨ ᠢᠷᠡᠭ᠍ᠰᠡᠨ ᠮᠤᠷᠢ ᠶᠢ ᠴᠢᠨᠢ
ᠣᠯᠵᠠ ᠶᠢ ᠪᠣᠳᠤᠭᠠᠤᠨ ᠠᠪᠣᠭᠠ ᠥᠭᠡᠢ
ᠯᠤᠩᠬᠤ ᠲᠡᠶ ᠠᠷᠢᠭᠢ ᠬᠠᠳᠠᠭ ᠬᠤᠶᠠᠷ ᠢ ᠴᠢᠨᠢ
ᠪᠠᠯᠭᠡ ᠶᠢ ᠪᠣᠳᠤᠭᠠᠤᠨ ᠠᠪᠣᠭᠰᠠᠨ ᠶᠤᠮ᠃
ᠭᠡᠪᠠᠴᠤ ᠳᠠᠨ ᠤ ᠭᠡᠯᠡᠭ᠍ᠰᠡᠨ ᠡᠨᠡ ᠶᠡᠭᠡ ᠣᠴᠢᠷ ᠢ
ᠭᠡᠦᠭᠡᠨ ᠦᠷᠡ ᠳᠦᠷᠦᠭᠰᠠᠨ ᠡᠴᠠ ᠬᠣᠢ᠌ᠰᠢ
ᠭᠦᠮᠤᠨ ᠤ ᠭᠠᠵᠠᠷ ᠵᠠᠶᠠᠭᠠ ᠲᠡᠶ ᠭᠡᠳᠡᠭ᠌
ᠭᠦᠭᠦᠨ ᠤ ᠰᠦ᠋ ᠪᠠᠨ ᠰᠢᠮᠡᠭᠦᠯᠦᠭ᠍ᠰᠡᠨ
ᠭᠦᠡᠳᠦᠳᠤ ᠡᠵᠢ ᠨᠢ ᠭᠤᠤᠯ ᠮᠠᠳᠠᠨᠠ᠃
ᠦᠬᠢᠨ ᠦᠷᠡ ᠥᠰᠦᠭ᠍ᠰᠡᠨ ᠡᠴᠠ ᠬᠣᠢ᠌ᠰᠢ
ᠣᠷᠤᠭ ᠤᠨ ᠭᠠᠵᠠᠷ ᠵᠠᠶᠠᠭᠠ ᠲᠡᠶ ᠭᠡᠳᠡᠭ᠌
ᠬᠠᠯᠠᠭᠤᠨ ᠰᠦ᠋ ᠪᠠᠨ ᠭᠦᠭᠦᠭᠦᠯᠦᠭ᠍ᠰᠡᠨ
ᠬᠠᠢ᠌ᠷᠠᠳᠤ ᠡᠵᠢ ᠨᠢ ᠭᠤᠤᠯ ᠮᠠᠳᠠᠨᠠ᠃》
ᠡᠵᠢ ᠨᠢ᠄ 《ᠨᠠᠷᠠᠰᠤ ᠡᠴᠠ ᠪᠦᠳᠦᠭᠦᠨ ᠮᠤᠳᠤ ᠦᠭᠡᠶ᠂ ᠨᠠᠭᠠᠴᠤ ᠡᠴᠠ ᠶᠡᠭᠡ ᠳᠦᠷᠤᠯ ᠦᠭᠡᠶ ᠶᠤᠮ ᠴᠢᠨᠢ ᠨᠠᠭᠠᠴᠤ ᠨᠡᠷ ᠡᠴᠠ ᠨᠢ ᠠᠰᠠᠭᠤᠵᠤ ᠵᠦᠪᠳᠠᠯᠴᠠᠵᠤ ᠦᠵᠡᠶᠠ》 ᠭᠡᠳᠡᠭ᠌᠃
ᠠᠷᠢᠭᠢ ᠪᠠᠷᠢᠬᠤ ᠳᠠᠭᠠᠨ ᠪᠦᠷ ᠬᠤᠶᠠᠷ ᠬᠤᠠᠳᠠᠭᠠ ᠪᠠᠢ᠌ᠳᠠᠭ᠃ ᠠᠪᠣ ᠨᠢ ᠠᠷᠢᠭᠢ ᠠᠪᠴᠤ ᠣᠤᠭᠤᠪᠠᠯ ᠬᠠᠮᠳᠤ ᠰᠠᠭᠤᠯᠴᠠᠭᠰᠠᠨ ᠡᠵᠢ ᠨᠢ 《ᠮᠠᠨ ᠤ ᠦᠬᠢᠨ᠂ ᠳᠠᠨ ᠤ ᠭᠦᠪᠠᠭᠦᠨ ᠤ ᠮᠢᠬᠠ ᠮᠡᠩᠭᠡ ᠳᠠᠭᠠᠷᠠᠭᠠᠤᠨ ᠠᠴᠢᠳᠤ ᠠᠪᠣ ᠨᠢ ᠠᠷᠢᠭᠢ ᠣᠤᠭᠤᠭᠰᠠᠨ ᠳᠤᠯᠠ ᠡᠵᠢ ᠨᠢ ᠨᠠᠳᠠ ᠰᠠᠨᠠᠯ ᠦᠭᠡᠶ》 ᠭᠡᠳ ᠬᠠᠳᠠᠭ ᠢ ᠨᠢ ᠳᠤᠰᠴᠤ ᠠᠷᠢᠭᠢ ᠶᠢ ᠨᠢ ᠣᠤᠭᠤᠪᠠᠯ ᠳᠠᠷᠤᠢ ᠣᠷᠤᠭ ᠭᠤᠶᠤᠬᠤ ᠶᠢ ᠵᠥᠪᠰᠢᠶᠡᠷᠡᠭ᠍ᠰᠡᠨ ᠰᠠᠨᠠᠭᠠ ᠲᠡᠶ᠃
ᠢᠩᠭᠢᠭᠡᠳ ᠵᠠᠭᠤᠴᠢ ᠨᠢ《 ᠪᠢ××× ᠊ᠤ ᠭᠦᠪᠠᠭᠦᠨ ᠢ ᠲᠦᠯᠦᠭᠡᠯᠡᠨ ᠭᠦᠡᠳᠦᠳᠤ ᠭᠡᠰᠢᠭ᠌ ᠲᠤ ᠮᠦᠷᠭᠦᠵᠤ ᠪᠠᠢ᠌ᠨᠠ》 ᠭᠡᠳ ᠬᠠᠳᠠᠭ ᠶᠢᠡᠨ ᠭᠠᠷᠭᠠᠵᠤ ᠠᠬᠠᠰ ᠵᠠᠬᠠᠰ ᠡᠴᠠ ᠳᠠᠷᠠᠭᠠᠯᠠᠨ ᠠᠷᠢᠭᠢ ᠪᠠᠨ ᠪᠦᠭᠦ ᠭᠡᠷ ᠤᠨ ᠭᠦᠮᠦᠰ ᠲᠤ ᠪᠠᠷᠢᠨᠠ᠃ ᠵᠠᠯᠭᠠᠭᠠᠤᠨ ᠬᠠᠮᠳᠤ ᠰᠠᠭᠤᠯᠴᠠᠨ ᠠᠷᠢᠭᠢᠳᠠᠨ ᠨᠠᠢ᠌ᠷᠯᠠᠵᠤ ᠭᠡᠷ ᠤᠨ ᠡᠵᠡᠨ ᠬᠤᠭᠤᠯᠠ ᠱᠦᠯᠦ ᠪᠡᠯᠡᠳᠭᠡᠵᠤ ᠳᠠᠢ᠌ᠯᠠᠨᠠ᠃ ᠡᠨᠡ ᠬᠤᠭᠤᠷᠤᠠᠳᠤ ᠦᠬᠢᠨ ᠤ ᠳᠠᠯᠠ ᠡᠴᠠ ᠭᠦᠪᠠᠭᠦᠨ ᠤ ᠳᠠᠯᠠ ᠪᠠᠷ ᠳᠦᠭᠦᠭᠡᠷᠦᠭᠦᠯᠭᠦ ᠵᠣᠢ᠌ᠯ ᠶᠢᠡᠨ ᠪᠦᠷ ᠠᠰᠠᠭᠤᠵᠤ ᠳᠤᠭᠳᠠᠭᠠᠬᠤ᠂ ᠴᠢᠨᠠᠭᠰᠢᠯᠠᠪᠠᠯ ᠠᠷᠢᠭᠢ ᠬᠠᠳᠠᠭ ᠳᠠᠯᠪᠢᠬᠤ ᠴᠠᠭ ᠬᠤᠭᠤᠴᠠᠭᠠ ᠪᠠᠨ ᠴᠤ ᠶᠡᠭᠡ ᠲᠦᠯᠤᠪ ᠳᠤᠭᠳᠠᠭᠠᠵᠤ ᠪᠣᠯᠤᠨᠠ᠃ (ᠬᠤᠵᠢᠮ ᠨᠢ ᠦᠬᠢᠨ ᠪᠠ ᠭᠦᠪᠠᠭᠦᠨ ᠤ ᠳᠠᠯᠠ ᠶᠢᠨ ᠭᠢᠨ ᠦᠪᠡᠷᠰᠠᠤᠨ ᠶᠢᠡᠨ ᠳᠠᠭᠢᠨ ᠭᠡᠯᠡᠯᠴᠡᠵᠤ ᠳᠤᠭᠢᠷᠠᠬᠤ ᠴᠤ ᠪᠠᠢ᠌ᠳᠠᠭ)᠃
ᠨᠤᠳᠤᠭ ᠤᠨ ᠥᠭᠡᠯᠡᠳ ᠤᠨ ᠶᠠᠷᠢᠶᠠᠨ ᠳᠤ 《ᠭᠤᠷᠪᠠᠨ ᠪᠠᠷᠢ ᠪᠠᠭᠤᠯᠭᠠᠪᠠᠯ ᠪᠠᠶᠠᠵᠢᠨ᠂ ᠭᠤᠷᠪᠠᠨ ᠭᠡᠦᠭᠡᠨ ᠮᠤᠷᠳᠠᠭᠤᠯᠪᠠᠯ ᠬᠠᠶᠠᠭᠠ ᠴᠡᠭᠡᠢ᠌ᠨᠡ》 ᠭᠡᠵᠤ ᠭᠡᠯᠳᠡᠭ᠌᠃ ᠡᠢ᠌ᠮᠤ ᠡᠴᠠ ᠶᠠᠮᠠᠷ ᠴᠤ ᠠᠢ᠌ᠯ ᠭᠡᠰᠡᠨ ᠦᠭᠡᠶ ᠦᠪᠡᠷ ᠤᠨ ᠪᠠᠢ᠌ᠳᠠᠯ ᠶᠢᠡᠨ ᠦᠵᠡᠨ ᠦᠬᠢᠨ ᠶᠢᠡᠨ ᠮᠤᠷᠳᠠᠭᠤᠯᠬᠤ ᠳᠠᠭᠠᠨ ᠢᠰᠡᠭᠡᠢ ᠭᠡᠷ (ᠦᠷᠭᠦᠭᠡ) ᠲᠡᠶ᠂ ᠣᠨᠤᠬᠤ ᠡᠴᠠ ᠮᠤᠷᠢ ᠲᠡᠶ᠂ ᠰᠠᠭᠠᠬᠤ ᠡᠴᠠ ᠳᠤᠭᠤᠯ ᠲᠡᠶ ᠦᠨᠢᠶᠡ᠂ ᠭᠦᠯᠯᠡᠭᠦ ᠡᠴᠠ ᠱᠠᠷ ᠲᠡᠶ᠂ ᠳᠠᠭᠤᠬᠤ ᠡᠴᠠ ᠬᠤᠨᠢ ᠲᠡᠶ᠂ ᠡᠮᠦᠰᠭᠦ ᠡᠴᠠ ᠬᠤᠷᠠᠭᠠᠨ ᠦᠴᠢ ᠲᠡᠶ᠂ ᠯᠠᠪᠰᠢᠭ ᠪᠠ ᠭᠠᠭᠠᠷ ᠴᠠᠮᠴᠠ ᠡᠴᠠ ᠡᠭᠢᠯᠡᠨ ᠳᠤᠳᠤᠷ ᠬᠤᠪᠴᠠᠰᠤ ᠲᠡᠶ ᠮᠤᠷᠳᠠᠭᠤᠯᠤᠨᠠ᠃
ᠵᠠᠭᠤᠴᠢ ᠶᠢᠨ ᠭᠦᠮᠤᠨ ᠦᠬᠢᠨ ᠤ ᠳᠠᠯᠠ ᠡᠴᠠ ᠵᠦᠪᠰᠢᠶᠠᠷᠠᠯ ᠣᠯᠵᠤ ᠵᠦᠪᠳᠠᠯᠴᠠᠵᠤ ᠳᠤᠭᠳᠠᠭᠰᠠᠨ ᠶᠢᠡᠨ ᠭᠦᠪᠠᠭᠦᠨ ᠤ ᠭᠡᠷ ᠲᠤ ᠭᠦᠷᠦᠭ᠍ᠰᠡᠨ ᠤ ᠳᠠᠷᠠᠭᠠ ᠨᠢᠭᠡᠳ ᠨᠢᠭᠡ ᠪᠠᠷ ᠳᠠᠰ ᠳᠠᠷᠠᠭᠠᠯᠠᠨ ᠶᠠᠷᠢᠯᠴᠠᠭᠰᠠᠨ ᠣᠴᠢᠷ᠂ ᠭᠡᠯᠡᠭ᠍ᠰᠡᠨ ᠥᠭᠡ ᠶᠢ ᠨᠢ ᠭᠦᠪᠠᠭᠦᠨ ᠤ ᠡᠴᠢᠭᠡ ᠡᠭᠡ ᠳ᠋ᠤᠨᠢ ᠳᠤᠭᠠᠴᠢᠭᠰᠠᠨ ᠤ ᠳᠠᠷᠠᠭᠠ ᠪᠠᠷ ᠵᠠᠭᠤᠴᠢ ᠳᠠᠭᠠᠨ ᠰᠠᠢ᠌ᠨ ᠬᠤᠭᠤᠯᠠ ᠪᠣᠳᠠᠭᠠ ᠪᠠᠨ ᠢᠳᠡᠭᠦᠯᠤᠨ᠂ ᠠᠷᠢᠭᠢ ᠪᠠᠷᠢᠵᠤ ᠴᠠᠢ ᠪᠠᠨ ᠣᠤᠭᠤᠯᠠᠭᠠᠭᠠᠤᠨ ᠬᠠᠳᠠᠭ ᠪᠠᠷᠢᠵᠤ᠂
《ᠰᠠᠨᠠᠭᠰᠠᠨ ᠣᠴᠢᠷ
ᠰᠡᠳᠭᠢᠯᠴᠢᠯᠠᠨ ᠪᠦᠳᠦᠭᠡᠳ
ᠰᠠᠢ᠌ᠨ ᠪᠣᠯᠵᠠᠢ᠃
ᠪᠣᠳᠤᠭᠰᠠᠨ ᠭᠡᠷᠡᠭ᠌
ᠪᠣᠳᠤᠯᠭᠠᠨ ᠤ ᠶᠤᠰᠤᠭᠠᠷ
ᠪᠦᠳᠦᠮᠵᠢ ᠲᠡᠶ ᠪᠣᠯᠵᠠᠢ᠃
ᠣᠷᠤᠭ ᠤᠨ ᠶᠠᠪᠣᠳᠠᠯ
ᠣᠷᠤᠭᠰᠢ ᠲᠡᠶ ᠪᠣᠯᠵᠤ
ᠰᠠᠭᠠᠤᠨ ᠳᠤᠳᠬᠠᠷ ᠥᠭᠡᠢ
ᠰᠠᠢ᠌ᠬᠠᠨ ᠶᠠᠪᠣᠭᠠᠤᠨ ᠢᠷᠠᠪᠠ》 ᠭᠡᠮᠡᠨ ᠪᠠᠯᠡᠭ᠌ ᠳᠠᠯᠠᠷᠬᠠᠯ ᠤᠨ ᠶᠠᠭᠤᠮᠠ ᠪᠠᠨ ᠥᠭ᠍ᠴᠤ ᠢᠷᠦᠭᠡᠯ ᠤᠨ ᠥᠭᠡ ᠪᠠᠨ ᠭᠡᠯᠡᠵᠤ ᠰᠥᠭᠦᠷᠡᠨ ᠮᠦᠷᠭᠦᠵᠤ ᠮᠤᠷᠳᠠᠭᠤᠯᠤᠨᠠ᠃
ᠢᠩᠭᠢᠵᠤ ᠵᠥᠪᠰᠢᠶᠡᠷᠡᠭ᠍ᠰᠡᠨ ᠤ ᠳᠠᠷᠠᠭᠠ ᠭᠡᠳᠤᠨ ᠡᠳᠦᠷ ᠪᠣᠯᠤᠭᠠᠤᠨ ᠭᠦᠪᠠᠭᠦᠨ ᠤ ᠡᠴᠢᠭᠡ ᠡᠭᠡ ᠠᠢ᠌ᠯᠴᠢᠯᠠᠵᠤ ᠢᠷᠡᠭᠡᠳ᠄
《ᠣᠷᠢᠳᠤ ᠶᠢᠨ ᠢᠷᠦᠭᠡᠯ ᠢ ᠪᠣᠳᠤᠭᠠᠤᠨ
ᠦᠷᠡ ᠪᠠᠨ ᠳᠠᠨ ᠳᠤ ᠳᠦᠰᠢᠭᠦᠯᠦᠶᠡ
ᠡᠷᠳᠡᠨ ᠤ ᠢᠷᠦᠭᠡᠯ ᠢ ᠵᠢᠷᠤᠮᠯᠠᠭᠠᠤᠨ
ᠭᠦᠪᠠᠭᠦᠨ ᠶᠢᠡᠨ ᠳᠠᠨ ᠳᠤ ᠳᠦᠰᠢᠭᠦᠯᠦᠶᠡ
ᠮᠠᠳᠠᠭᠠᠤᠨ ᠮᠠᠷᠳᠠᠰᠢ ᠦᠭᠡᠶ ᠬᠤᠳᠠ ᠬᠤᠳᠠᠭᠠᠢ ᠪᠣᠯᠤᠯᠴᠠᠨ
ᠳᠠᠳᠠᠭᠠᠤᠨ ᠳᠠᠰᠤᠷᠠᠰᠢ ᠦᠭᠡᠶ ᠣᠷᠤᠭ ᠰᠠᠳᠤᠨ ᠪᠣᠯᠤᠯᠴᠠᠵᠠᠭᠠᠶᠠ》 ᠭᠡᠵᠤ ᠭᠦᠮᠤᠨ ᠢᠯᠡᠭᠡᠭ᠍ᠰᠡᠨ ᠪᠢᠯᠠ᠃ ᠡᠭᠦᠨ ᠳᠤ ᠳᠠ ᠪᠦᠭᠦᠨ ᠠᠮᠠᠨ ᠢᠷᠦᠭᠡᠯ ᠶᠢᠡᠨ ᠬᠠᠢ᠌ᠷᠠᠯᠠᠵᠤ ᠦᠨᠡᠨ ᠥᠭᠡ ᠪᠠᠨ ᠭᠡᠯᠡᠵᠤ ᠵᠥᠪᠰᠢᠶᠡᠷᠡᠭ᠍ᠰᠡᠨ ᠳᠤ ᠪᠢᠳᠠ ᠪᠠᠶᠠᠷᠯᠠᠵᠤ ᠣᠳᠤ ᠳᠠᠨᠠᠷ ᠤᠨ ᠦᠷᠤᠰᠢᠶᠠᠯ᠂ ᠢᠷᠦᠭᠡᠯ ᠢ ᠴᠢᠨᠢ ᠠᠪᠬᠤ ᠪᠠᠷ ᠢᠷᠠᠪᠠ ᠭᠡᠮᠡᠨ ᠬᠠᠳᠠᠭ ᠶᠢᠡᠨ ᠪᠠᠷᠢᠵᠤ ᠠᠷᠢᠭᠢ ᠪᠠᠷᠢᠨᠠ᠃ ᠦᠬᠢᠨ ᠤ ᠡᠴᠢᠭᠡ ᠨᠢ ᠬᠠᠳᠠᠭ ᠢ ᠠᠪᠴᠤ ᠠᠷᠢᠭᠢ ᠶᠢ ᠨᠢ ᠣᠤᠭᠤᠬᠤ ᠳᠠᠭᠠᠨ᠄
《ᠬᠠᠳᠠ ᠶᠢᠨ ᠬᠠᠷᠴᠠᠭᠠᠢ ᠶᠢᠨ ᠵᠤᠯᠵᠠᠭᠠ
ᠬᠠᠳᠠ ᠲᠡᠶ ᠠᠭᠤᠯᠠᠨ ᠳᠠᠭᠠᠨ ᠵᠠᠶᠠᠭᠠ ᠳᠠᠢ
ᠬᠠᠢ᠌ᠷᠠᠳᠤ ᠦᠷᠡ ᠦᠰᠪᠠᠯ
ᠬᠠᠳᠠᠮ ᠤᠨ ᠭᠠᠵᠠᠷ ᠵᠠᠶᠠᠭᠠ ᠳᠠᠢ
ᠪᠣᠷᠤ ᠪᠢᠯᠵᠤᠤᠬᠠᠢ ᠶᠢᠨ ᠵᠤᠯᠵᠠᠭᠠ
ᠪᠣᠷᠭᠠᠰᠤᠨ ᠳᠤᠬᠤᠢ ᠳᠠᠭᠠᠨ ᠵᠠᠶᠠᠭᠠ ᠳᠠᠢ
ᠪᠠᠭᠠ ᠶᠢᠨ ᠦᠷᠡ ᠦᠰᠪᠠᠯ
ᠪᠣᠰᠤᠳ ᠭᠠᠵᠠᠷ ᠵᠠᠶᠠᠭᠠ ᠳᠠᠢ
ᠠᠯᠳᠠᠨ ᠭᠤᠷᠭᠤᠯᠳᠠᠢ ᠶᠢᠨ ᠵᠤᠯᠵᠠᠭᠠ
ᠠᠳᠠᠷ ᠳᠠᠯᠠ ᠳᠠᠭᠠᠨ ᠵᠠᠶᠠᠭᠠ ᠳᠠᠢ
ᠠᠯᠠᠭ ᠦᠷᠡ ᠦᠰᠪᠠᠯ
ᠠᠯᠤᠰ ᠤᠨ ᠨᠤᠳᠤᠭ ᠲᠤ ᠵᠠᠶᠠᠭᠠ ᠳᠠᠢ
ᠨᠠᠴᠢᠨ ᠱᠤᠩᠬᠤᠷ ᠤᠨ ᠵᠤᠯᠵᠠᠭᠠ
ᠨᠠᠷᠠᠰᠤᠳᠤ ᠠᠭᠤᠯᠠᠨ ᠳᠠᠭᠠᠨ ᠵᠠᠶᠠᠭᠠ ᠳᠠᠢ
ᠨᠠᠮᠤᠭᠤᠨ ᠳᠦᠷᠦᠭ᠍ᠰᠡᠨ ᠭᠡᠦᠭᠡᠨ
ᠨᠠᠰᠤᠨ ᠤ ᠭᠠᠵᠠᠷ ᠲᠠᠭᠠᠨ ᠵᠠᠶᠠᠭᠠ ᠳᠠᠢ》 ᠭᠡᠵᠤ ᠢᠷᠦᠭᠡᠯ ᠶᠢᠡᠨ ᠳᠠᠯᠪᠢᠨᠠ᠃ ᠦᠬᠢᠨ ᠤ ᠡᠭᠡ ᠨᠢ ᠬᠠᠳᠠᠭ ᠢ ᠠᠪᠴᠤ ᠠᠷᠢᠭᠢ ᠶᠢ ᠨᠢ ᠣᠤᠭᠤᠬᠤ ᠳᠠᠭᠠᠨ᠄
《ᠭᠦᠭᠦᠭᠡ ᠰᠢᠪᠠᠭᠤ ᠶᠢᠨ ᠳᠡᠭ᠍ᠳᠡᠭᠡᠭᠡᠢ
ᠭᠦᠳᠡᠭᠡ ᠳᠠᠯᠠ ᠳᠠᠭᠠᠨ ᠵᠠᠶᠠᠭᠠ ᠳᠠᠢ
ᠭᠡᠦᠭᠡᠨ ᠦᠷᠡ ᠦᠰᠪᠠᠯ
ᠭᠦᠮᠤᠨ ᠤ ᠭᠠᠵᠠᠷ ᠵᠠᠶᠠᠭᠠ ᠳᠠᠢ
ᠬᠠᠷᠴᠠᠭᠠᠢ ᠰᠢᠪᠠᠭᠤ ᠶᠢᠨ ᠳᠡᠭ᠍ᠳᠡᠭᠡᠭᠡᠢ
ᠬᠠᠳᠠᠳᠤ ᠠᠭᠤᠯᠠᠨ ᠳᠠᠭᠠᠨ ᠵᠠᠶᠠᠭᠠ ᠳᠠᠢ
ᠬᠠᠢ᠌ᠷᠠᠳᠤ ᠭᠡᠦᠭᠡᠨ ᠦᠰᠪᠠᠯ
ᠬᠠᠳᠠᠮ ᠤᠨ ᠭᠠᠵᠠᠷ ᠵᠠᠶᠠᠭᠠ ᠳᠠᠢ
ᠬᠤᠨ ᠰᠢᠪᠠᠭᠤ ᠶᠢᠨ ᠵᠤᠯᠵᠠᠭᠠ
ᠬᠤᠯᠤᠰᠤᠳᠤ ᠨᠠᠭᠤᠷ ᠲᠠᠭᠠᠨ ᠵᠠᠶᠠᠭᠠ ᠳᠠᠢ
ᠦᠬᠢᠨ ᠦᠷᠡ ᠦᠰᠪᠠᠯ
ᠣᠷᠤᠭ ᠤᠨ ᠭᠠᠵᠠᠷ ᠵᠠᠶᠠᠭᠠ ᠳᠠᠢ》 ᠭᠡᠵᠤ ᠢᠷᠦᠭᠡᠯ ᠶᠢᠡᠨ ᠳᠠᠯᠪᠢᠭᠠᠤᠨ ᠦᠬᠢᠨ ᠤ ᠡᠭᠡ ᠨᠢ ᠬᠤᠶᠠᠳᠠᠭᠢ ᠠᠷᠢᠭᠢ ᠣᠤᠭᠤᠬᠤ ᠳᠠᠭᠠᠨ᠄
《ᠪᠣᠷᠤ ᠵᠡᠭᠡᠷᠳᠡ ᠮᠤᠷᠢ ᠶᠢ ᠴᠢᠨᠢ
ᠣᠯᠵᠠ ᠶᠢ ᠪᠣᠳᠤᠭᠠᠤᠨ ᠠᠪᠣᠭᠰᠠᠨ ᠥᠭᠡᠢ
ᠪᠡᠯᠡᠳᠭᠡᠭᠡᠳ ᠢᠷᠡᠭ᠍ᠰᠡᠨ ᠠᠷᠢᠭᠢ ᠶᠢ ᠴᠢᠨᠢ
ᠪᠠᠯᠭᠡ ᠶᠢ ᠪᠣᠳᠤᠭᠠᠤᠨ ᠠᠪᠣᠭᠰᠠᠨ ᠶᠤᠮ᠃
ᠳᠠᠯᠠᠮᠠᠨ ᠵᠢᠷᠤᠭᠠ ᠮᠤᠷᠢ ᠶᠢ ᠴᠢᠨᠢ
ᠣᠯᠵᠠ ᠶᠢ ᠪᠣᠳᠤᠭᠠᠤᠨ ᠠᠪᠣᠭᠰᠠᠨ ᠥᠭᠡᠢ
ᠳᠢᠶᠠᠠᠫᠢᠩ ᠬᠤᠤ ᠲᠡᠶ ᠠᠷᠢᠭᠢ ᠶᠢ ᠴᠢᠨᠢ
ᠳᠠᠯᠠ ᠶᠢ ᠪᠣᠳᠤᠭᠠᠤᠨ ᠠᠪᠣᠭᠰᠠᠨ ᠶᠤᠮ᠃
ᠰᠠᠷᠠᠯ ᠵᠢᠷᠤᠭᠠ ᠮᠤᠷᠢ ᠶᠢ ᠴᠢᠨᠢ
ᠣᠯᠵᠠ ᠶᠢ ᠪᠣᠳᠤᠭᠠᠤᠨ ᠠᠪᠣᠭᠠ ᠥᠭᠡᠢ
ᠰᠠᠭᠠᠯᠢ ᠶᠢᠨ ᠠᠷᠢᠭᠢ᠂ ᠬᠠᠳᠠᠭ ᠬᠤᠶᠠᠷ ᠢ ᠴᠢᠨᠢ
ᠰᠠᠢ᠌ᠨ ᠤ ᠶᠠᠪᠣᠳᠠᠯ ᠳᠤ ᠠᠪᠣᠭᠰᠠᠨ ᠶᠤᠮ᠃
ᠬᠠᠷᠠ ᠭᠡᠭᠡᠷ ᠮᠤᠷᠢ ᠶᠢ ᠴᠢᠨᠢ
ᠣᠯᠵᠠ ᠶᠢ ᠪᠣᠳᠤᠭᠠᠤᠨ ᠠᠪᠣᠭᠠ ᠥᠭᠡᠢ
ᠠᠯᠴᠢᠭᠤᠷ ᠬᠠᠳᠠᠭ ᠬᠤᠶᠠᠷ ᠢ ᠴᠢᠨᠢ
ᠣᠷᠤᠭ ᠤᠨ ᠶᠤᠰᠤᠨ ᠳᠠᠭᠠᠨ ᠠᠪᠣᠭᠰᠠᠨ ᠶᠤᠮ》 ᠭᠡᠵᠤ ᠢᠷᠦᠭᠡᠯ ᠶᠢᠡᠨ ᠳᠠᠯᠪᠢᠨᠠ᠃ ᠢᠩᠭᠢᠭᠡᠳ ᠦᠬᠢᠨ ᠤ ᠠᠪᠣ ᠡᠵᠢ ᠨᠢ ᠠᠷᠢᠭᠢ ᠶᠢ ᠨᠢ ᠣᠤᠭᠤᠵᠤ᠂ ᠬᠠᠳᠠᠭ ᠢ ᠠᠪᠴᠤ ᠠᠮᠠᠨ ᠢᠷᠦᠭᠡᠯ ᠶᠢᠡᠨ ᠳᠠᠯᠪᠢᠵᠤ᠂ ᠤᠢ᠌ᠷᠡ ᠳᠦᠷᠤᠯ ᠰᠠᠳᠤᠨ᠂ ᠠᠢ᠌ᠯ ᠶᠢᠡᠨ ᠳᠠᠭᠤᠳᠠᠵᠤ 《ᠰᠢ᠌ᠤᠠᠪᠣᠷᠢ ᠬᠤᠷᠢᠮ》 ᠭᠢᠨᠡ᠃
2. ᠰᠢ᠌ᠤᠠᠪᠣᠷᠢ ᠬᠤᠷᠢᠮ
ᠰᠢ᠌ᠳ ᠤᠨ ᠠᠷᠢᠭᠢ ᠶᠢ ᠪᠠᠰᠠ ᠴᠠᠭᠠᠨ ᠬᠠᠳᠠᠭ ᠤᠨ ᠨᠠᠢ᠌ᠷ ᠭᠡᠳᠡᠭ᠌᠃
《ᠬᠠᠳᠠᠭ ᠳᠠᠯᠪᠢᠬᠤ ᠦᠭᠡᠶ ᠪᠣᠯ ᠭᠡᠦᠭᠡᠨ ᠢ ᠠᠪᠣᠯᠠ ᠭᠡᠵᠤ ᠪᠢᠳᠡᠭᠡᠢ ᠰᠠᠨᠠ
ᠬᠠᠠᠴᠢᠶᠠᠰ ᠢ ᠣᠶᠠᠬᠤ ᠦᠭᠡᠶ ᠪᠣᠯ ᠮᠤᠷᠢ ᠶᠢ ᠪᠠᠷᠢᠯᠠ ᠭᠡᠵᠤ ᠪᠣᠤ ᠪᠣᠳᠤ᠃
ᠬᠠᠳᠠᠭ ᠳᠠᠯᠪᠢᠭᠰᠠᠨ ᠭᠡᠦᠭᠡᠨ ᠪᠣᠴᠠᠵᠤ ᠪᠣᠯᠬᠤ ᠥᠭᠡᠢ
ᠬᠠᠠᠴᠠᠶᠠᠰ ᠢ ᠣᠶᠠᠭᠰᠠᠨ ᠮᠤᠷᠢ ᠶᠢ ᠠᠯᠳᠠᠷᠭᠠᠨᠠ ᠭᠡᠵᠤ ᠪᠣᠤ ᠰᠠᠨᠠ》 ᠭᠡᠳᠡᠭ᠌ ᠳᠤᠯᠠ ᠴᠠᠭᠠᠨ ᠬᠠᠳᠠᠭ ᠤᠨ ᠨᠠᠢ᠌ᠷ ᠪᠣᠯᠪᠠᠯ ᠣᠳᠤ ᠶᠢᠨ ᠣᠷᠤᠭ ᠤᠨ ᠪᠠᠳᠤᠯᠠᠪᠣᠷᠢ ᠪᠢᠴᠢᠭ᠌ ᠠᠪᠣᠭᠰᠠᠨ ᠡᠴᠠ ᠢᠯᠡᠭᠦᠤ ᠪᠦᠷᠢᠮᠦᠰᠤᠨ ᠣᠷᠤᠭ ᠳᠤᠭᠳᠠᠭᠰᠠᠨ ᠶᠠᠪᠣᠳᠠᠯ ᠪᠣᠯᠤᠨᠠ᠃
ᠦᠬᠢᠨ ᠤ ᠳᠠᠯᠠ ᠳᠦᠷᠤᠯ ᠰᠠᠳᠤᠨ ᠶᠢᠡᠨ ᠳᠠᠭᠤᠳᠠᠵᠤ᠂ ᠪᠠᠰᠠ ᠤᠢ᠌ᠷᠡ ᠠᠢ᠌ᠯ ᠶᠢᠡᠨ ᠳᠠᠭᠤᠳᠠᠵᠤ ᠪᠠᠭᠠ ᠨᠠᠢ᠌ᠷ ᠭᠢᠵᠤ᠂ ᠭᠡᠦᠭᠡᠨ ᠳ᠋ᠤᠨᠢ ᠭᠦᠮᠤᠨ ᠢᠷᠠᠵᠤ᠂ ᠬᠤᠳᠠ ᠡᠯᠢᠭᠡᠨ ᠪᠣᠯᠵᠤ᠂ ᠠᠷᠢᠭᠢ ᠬᠠᠳᠠᠭ ᠢ ᠨᠢ ᠠᠪᠴᠤ ᠢᠷᠦᠭᠡᠯ ᠳᠠᠯᠪᠢᠵᠤ ᠵᠦᠪ ᠶᠢᠡᠨ ᠦᠭᠭᠦᠭ᠍ᠰᠡᠨ ᠭᠡᠷᠡᠭ᠌ ᠣᠴᠢᠷ ᠶᠢᠡᠨ ᠭᠡᠯᠡᠵᠤ᠂ ᠠᠬᠠ ᠳᠡᠭᠦᠤ ᠶᠢᠨ ᠵᠦᠪᠰᠢᠶᠠᠷᠠᠯ ᠢ ᠠᠪᠴᠤ᠂ 《ᠰᠢ᠌ᠤᠠᠪᠣᠷᠢ ᠬᠤᠷᠢᠮ》 ᠭᠢᠨᠠ᠃ ᠡᠨᠡ ᠬᠤᠷᠢᠮ ᠵᠥᠪᠭᠡᠨ ᠦᠬᠢᠨ ᠶᠢᠡᠨ ᠭᠦᠮᠤᠨ ᠳᠤ ᠳᠦᠰᠢᠭᠦᠯᠦᠭ᠍ᠰᠡᠨ ᠭᠡᠷᠡᠭ᠌ ᠶᠢᠡᠨ ᠯᠠ ᠮᠡᠳᠡᠭᠦᠯᠵᠤ ᠠᠬᠠ ᠳᠡᠭᠦᠤ ᠶᠢᠨ ᠵᠦᠪᠰᠢᠶᠠᠷᠠᠯ ᠢ ᠠᠪᠬᠤ ᠶᠢᠨ ᠳᠠᠳᠤᠢ ᠨᠠᠢ᠌ᠷ ᠪᠣᠯᠤᠨᠠ᠃
ᠰᠢ᠌ᠳ ᠤᠨ ᠬᠤᠷᠢᠮ ᠡᠴᠠ ᠬᠣᠢ᠌ᠰᠢ ᠡᠨᠡ ᠡᠳᠦᠷ ᠡᠴᠠ ᠡᠭᠢᠯᠡᠨ ᠪᠠᠷᠢ ᠪᠣᠯᠬᠤ ᠭᠡᠦᠭᠡᠨ ᠨᠢ ᠬᠠᠳᠠᠮ ᠤᠨ ᠳᠠᠯᠠ ᠶᠢᠨ ᠳᠦᠷᠤᠯ ᠰᠠᠳᠤᠨ ᠢᠷᠡᠭᠦ ᠪᠦᠷᠢ ᠬᠠᠳᠠᠮ ᠤᠨ ᠳᠠᠯᠠ ᠶᠢᠨ ᠭᠢᠨ ᠲᠡᠶ ᠠᠭᠤᠯᠵᠠᠬᠤ ᠦᠭᠡᠶ ᠪᠠᠷ ᠪᠣᠯᠳᠠᠳᠠᠭ ᠪᠠᠢ᠌ᠨᠠ᠃ ᠢᠩᠭᠢᠵᠤ ᠨᠢᠭᠤᠭᠳᠠᠵᠤ᠂ ᠢᠴᠢᠵᠤ᠂ ᠶᠠᠭ ᠶᠡᠭᠡ ᠬᠤᠷᠢᠮ ᠶᠢᠡᠨ ᠭᠢᠭᠦ ᠭᠦᠷᠳᠡᠯᠡ ᠬᠠᠳᠠᠮ ᠤᠨ ᠳᠠᠯᠠ ᠶᠢᠨ ᠭᠦᠮᠦᠰ ᠲᠤ ᠨᠢᠭᠤᠷ ᠶᠢᠡᠨ ᠥᠵᠡᠭᠦᠯᠭᠦ ᠦᠭᠡᠶ ᠪᠣᠯᠳᠠᠵᠤ ᠶᠠᠪᠣᠬᠤ ᠶᠢ ᠭᠡᠦᠭᠡᠨ ᠪᠣᠯᠳᠠᠨᠠ ᠭᠡᠳᠡᠭ᠌᠃
ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠢᠨ ᠨᠠᠢ᠌ᠷ ᠲᠤ ᠢᠷᠡᠭᠦ ᠳᠡᠭᠡᠨ ᠬᠤᠨᠢ ᠠᠯᠠᠵᠤ᠂ ᠠᠯᠠᠭᠰᠠᠨ ᠬᠤᠨᠢ ᠪᠠᠨ ᠪᠦᠭ᠍ᠰᠡ ᠪᠠᠶᠠ᠂ ᠴᠡᠭᠡᠵᠢ ᠪᠠᠷ ᠰᠠᠯᠭᠠᠨ ᠭᠠᠠᠵᠤᠭᠠ ᠪᠠᠷ ᠬᠤᠯᠪᠤᠨ ᠮᠤᠷᠢᠨ ᠳᠤ ᠳᠡᠩᠨᠡᠭᠡᠳ ᠠᠪᠴᠢᠷᠠᠨ ᠭᠡᠦᠭᠡᠨ ᠤ ᠭᠡᠷ ᠲᠤ ᠣᠷᠤᠮᠠᠭᠴᠠ ᠪᠠᠨ ᠳᠢᠶᠠᠠᠫᠢᠩ ᠲᠡᠶ ᠠᠷᠢᠭᠢ ᠲᠡᠶ ᠪᠠᠨ ᠬᠠᠮᠳᠤ ᠪᠠᠷᠠᠭᠤᠨ ᠬᠠᠨᠠ ᠶᠢᠨ ᠳᠤᠯᠤᠭᠠᠢ ᠳᠤ ᠡᠯᠭᠦᠨ ᠳᠡᠭᠦᠵᠢᠯᠡᠨᠡ᠃ ᠦᠷᠭᠦᠭᠡ ᠭᠡᠷ ᠤᠨ ᠪᠣᠷᠬᠠᠨ ᠰᠢᠷᠡᠭᠡ ᠪᠠᠷ ᠭᠤᠤᠯ ᠪᠣᠯᠭᠠᠨ᠂ ᠪᠣᠷᠬᠠᠨ ᠰᠢᠷᠡᠭᠡᠨ ᠡᠴᠠ ᠪᠠᠷᠠᠭᠤᠠᠰᠢ ᠭᠠᠵᠠᠷ ᠢ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠵᠤᠴᠢᠨ ᠡᠵᠡᠯᠡᠨ᠂ ᠪᠣᠷᠬᠠᠨ ᠰᠢᠷᠡᠭᠡᠨ ᠡᠴᠠ ᠵᠡᠭᠦᠡᠰᠢᠭᠢ ᠶᠢ ᠭᠡᠷ ᠤᠨ ᠡᠵᠡᠨ ᠪᠣᠯᠤᠨ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠵᠤᠴᠢᠨ ᠡᠵᠡᠯᠡᠨᠡ᠃
ᠵᠠᠭᠤᠴᠢ ᠭᠦᠮᠤᠨ ᠰᠠᠭᠤᠬᠤ ᠦᠭᠡᠶ᠂ ᠭᠡᠷ ᠤᠨ ᠪᠠᠷᠠᠭᠤᠨ ᠳᠠᠯᠠ ᠳᠤ ᠠᠷᠢᠭᠢ ᠪᠠᠨ ᠪᠠᠷᠢᠨ ᠵᠤᠭᠰᠤᠵᠤ ᠰᠢ᠌ᠤᠠᠪᠣᠷᠢ ᠪᠠᠨ ᠠᠪᠣᠨᠠ᠃
ᠰᠢ᠌ᠳ ᠤᠨ ᠠᠷᠢᠭᠢ ᠶᠢᠨ ᠨᠠᠢ᠌ᠷ ᠲᠤ ᠭᠡᠦᠭᠡᠨ ᠤ ᠳᠠᠯᠠ ᠴᠤ ᠪᠠᠰᠠ ᠬᠤᠨᠢ ᠠᠯᠠᠵᠤ ᠪᠦᠭᠦᠯᠢ ᠨᠢᠭᠡ ᠡᠳᠦᠷ ᠤᠨ ᠨᠠᠢ᠌ᠷ ᠭᠢᠵᠤ ᠨᠡᠢ᠌ᠭᠡᠮᠳᠡᠨᠡ᠃
ᠬᠤᠷᠢᠮ ᠨᠠᠢ᠌ᠷ ᠲᠤ ᠬᠠᠷᠠ ᠠᠷᠢᠭᠢ ᠪᠠᠷᠢᠯᠠ ᠴᠤ ᠭᠡᠰᠡᠨ ᠵᠠᠪᠠᠯ ᠰᠠᠭᠠᠯᠢ ᠶᠢᠨ ᠠᠷᠢᠭᠢ ᠶᠢ ᠣᠷᠢᠳᠴᠢᠯᠠᠨ ᠭᠠᠷᠭᠠᠵᠤ ᠪᠠᠷᠢᠨᠠ᠃ ᠡᠨᠡ ᠪᠣᠯ ᠵᠢᠩᠭᠢᠨᠢ ᠪᠠᠷ ᠣᠷᠤᠭ ᠳᠤᠭᠳᠠᠵᠤ ᠣᠷᠤᠭ ᠤᠨ ᠶᠠᠪᠣᠳᠠᠯ ᠶᠢᠡᠨ ᠣᠯᠠᠮ ᠪᠠᠳᠤ ᠲᠡᠶ ᠪᠣᠯᠭᠠᠵᠤ ᠪᠠᠢ᠌ᠭᠠ ᠶᠠᠪᠣᠴᠠ ᠪᠣᠯᠤᠨᠠ᠃ ᠡᠢ᠌ᠮᠤ ᠡᠴᠠ ᠳᠠᠰ ᠳᠠᠷᠠᠭᠠ ᠨᠢ ᠮᠠᠰᠢ ᠨᠠᠷᠢᠯᠢᠭ ᠪᠦᠭᠡᠳ ᠶᠤᠰᠤ ᠳᠦᠷᠢᠮ ᠨᠢ ᠨᠠᠯᠢᠶᠠᠤᠨ ᠴᠢᠩᠭᠠ ᠶᠤᠮ᠃ ᠡᠭᠦᠨ ᠳᠤ ᠭᠡᠦᠭᠡᠨ ᠤ ᠳᠠᠯᠠ ᠴᠤ ᠨᠠᠯᠢᠶᠠᠤᠨ ᠪᠡᠯᠡᠳᠭᠡᠯ ᠲᠡᠶ ᠪᠠᠢ᠌ᠬᠤ ᠶᠤᠮ᠃ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠦᠮᠦᠰ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠨᠠᠢ᠌ᠷ ᠤᠨ ᠭᠡᠷ ᠤᠨ ᠪᠠᠷᠠᠭᠤᠨ ᠬᠣᠢ᠌ᠮᠤᠷ ᠶᠢᠡᠷ ᠰᠠᠭᠤᠵᠠᠭᠠᠵᠤ᠂ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠠᠢ᠌ᠯᠴᠢᠨ ᠭᠡᠷ ᠤᠨ ᠵᠡᠭᠦᠨ ᠳᠠᠯᠠ ᠪᠠᠷ ᠳᠠᠰ ᠳᠠᠷᠠᠭᠠᠯᠠᠨ ᠰᠠᠭᠤᠵᠠᠭᠠᠨᠠ᠃
ᠢᠩᠭᠢᠭᠡᠳ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠢᠨ ᠪᠦᠭᠦᠳᠡ ᠶᠢᠨ ᠠᠮᠤᠷ ᠮᠠᠠᠳᠤ ᠶᠢ ᠠᠰᠠᠭᠤᠵᠤ ᠭᠦᠭᠡᠷᠡᠭ᠌ ᠶᠢᠡᠷ ᠳᠠᠮᠠᠭᠢᠯᠠᠵᠤ ᠪᠠᠷᠠᠪᠠᠯ ᠰᠠᠶᠢ ᠭᠡᠦᠭᠡᠨ ᠤ ᠳᠠᠯᠠ ᠡᠴᠠ ᠣᠷᠤᠵᠤ ᠢᠷᠡᠭ᠍ᠰᠡᠨ ᠪᠦᠭᠦᠨ ᠢ ᠰᠠᠭᠤᠯᠭᠠᠵᠤ ᠴᠠᠢ ᠠᠶᠠᠭᠠᠯᠠᠨᠠ᠃ ᠴᠠᠢ ᠪᠠᠨ ᠣᠤᠭᠤᠵᠤ ᠳᠠᠭᠤᠰᠤᠭᠠᠤᠨ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠢᠨ ᠪᠦᠭᠦᠳᠡᠭᠡᠷ ᠪᠣᠰᠴᠤ ᠵᠤᠭᠰᠤᠭᠠᠤᠨ ᠠᠬᠠᠮᠠᠤᠨ ᠨᠢ ᠭᠦᠭᠡᠷᠡᠭ᠌ ᠶᠢᠡᠨ ᠭᠠᠷᠭᠠᠵᠤ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠢᠨ ᠳᠤ ᠮᠠᠠᠳᠤᠯᠠᠨᠠ᠃
ᠬᠤᠶᠠᠷ᠂ ᠬᠠᠳᠠᠭ ᠮᠠᠯ ᠤᠨ ᠬᠤᠷᠢᠮ
ᠰᠢ᠌ᠤᠠᠪᠣᠷᠢ ᠬᠤᠷᠢᠮ ᠤᠨ ᠳᠠᠷᠠᠭᠠ ᠬᠠᠳᠠᠭ ᠮᠠᠯ ᠤᠨ ᠬᠤᠷᠢᠮ ᠭᠢᠨᠠ᠃
ᠡᠨᠡ ᠬᠤᠷᠢᠮ ᠳᠤ ᠭᠦᠪᠠᠭᠦᠨ ᠤ ᠳᠠᠯᠠ ᠡᠴᠠ ᠡᠭᠡ ᠶᠢᠨ ᠰᠦ᠋ ᠶᠢ ᠬᠠᠷᠢᠭᠤᠯᠤᠨᠠ ᠭᠡᠵᠤ ᠦᠨᠢᠶᠡ ᠭᠦᠳᠦᠯᠵᠤ᠂ ᠠᠪᠣ ᠶᠢᠨ ᠬᠠᠢ᠌ᠷᠠ ᠶᠢ ᠬᠠᠷᠢᠭᠤᠯᠤᠨᠠ ᠭᠡᠵᠤ ᠵᠠᠬᠠ ᠬᠤᠪᠴᠠᠰᠤ ᠪᠠᠨ ᠠᠪᠴᠤ᠂ ᠠᠬᠠ ᠳᠡᠭᠦᠤ ᠶᠢᠨ ᠰᠡᠳᠭᠢᠯ ᠢ ᠬᠠᠷᠢᠭᠤᠯᠤᠨᠠ ᠭᠡᠵᠤ ᠪᠠᠯᠡᠭ᠌ ᠶᠠᠭᠤᠮᠠ ᠪᠠᠨ ᠠᠪᠴᠤ ᠠᠷᠢᠭᠢ ᠰᠢᠭᠢᠷ ᠶᠢᠡᠨ ᠭᠠᠠᠵᠤᠭᠠᠯᠠᠵᠤ ᠢᠷᠠᠨᠠ᠃ ᠵᠠᠷᠢᠮ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠢᠨ ᠭᠦᠷᠭᠡᠨ ᠤ ᠳᠠᠯᠠ ᠡᠴᠠ ᠮᠠᠯ ᠪᠣᠶᠤ ᠮᠦᠩᠭᠦ ᠵᠤᠭᠤᠰ ᠠᠪᠳᠠᠭ᠃ ᠮᠠᠯ ᠵᠤᠭᠤᠰ ᠠᠪᠬᠤ ᠳᠠᠭᠠᠨ ᠵᠠᠷᠢᠮ ᠨᠢ ᠡᠳᠦᠢ ᠳᠠᠳᠤᠢ ᠳᠤᠭᠠ ᠭᠡᠯᠡᠵᠤ ᠶᠡᠭᠡ ᠪᠠᠷ ᠠᠪᠬᠤ ᠪᠣᠶᠤ ᠪᠠᠭᠠ ᠪᠠᠷ ᠠᠪᠳᠠᠭ ᠪᠠᠢ᠌ᠨᠠ᠃ ᠳᠡᠭᠡᠭᠡᠳ ᠮᠠᠯ᠂ ᠵᠤᠭᠤᠰ᠂ ᠪᠠᠯᠡᠭ᠌ ᠰᠡᠯᠡᠭ᠌᠂ ᠠᠷᠢᠭᠢ ᠰᠢᠭᠢᠷ ᠶᠢᠡᠨ ᠭᠦᠪᠠᠭᠦᠨ ᠤ ᠳᠠᠯᠠ ᠡᠴᠠ ᠠᠪᠴᠢᠷᠠᠨ ᠭᠡᠵᠢᠶᠡ ᠬᠤᠷᠢᠮ ᠶᠢᠡᠨ ᠭᠢᠭᠦ᠂ ᠠᠯᠢ ᠰᠠᠷᠠ ᠶᠢᠨ ᠠᠯᠢ ᠡᠳᠦᠷ ᠶᠠᠮᠠᠷ ᠴᠠᠭ ᠲᠤ ᠢᠷᠡᠭᠦ ᠶᠢ ᠪᠦᠷ ᠭᠡᠯᠡᠯᠴᠡᠵᠤ ᠳᠤᠭᠳᠠᠨᠠ᠃ ᠡᠭᠦᠨ ᠳᠤ ᠭᠦᠷᠭᠡᠨ ᠤ ᠠᠪᠣ ᠡᠵᠢ᠂ ᠳᠦᠷᠤᠯ ᠰᠠᠳᠤᠨ ᠡᠴᠠ ᠠᠯᠢ ᠰᠠᠷᠠ ᠶᠢᠨ ᠠᠯᠢ ᠡᠳᠦᠷ ᠶᠠᠮᠠᠷ ᠡᠷᠡᠨ ᠴᠠᠭ ᠲᠤ ᠢᠷᠠᠵᠤ ᠭᠡᠦᠭᠡᠨ ᠶᠢᠡᠨ ᠠᠪᠣᠭᠳᠤᠨ ᠭᠡᠵᠤ ᠭᠡᠯᠡᠨᠡ᠃ ᠭᠦᠪᠠᠭᠦᠨ ᠤ ᠳᠠᠯᠠ ᠶᠢᠨ ᠭᠦᠮᠦᠰ ᠵᠦᠪ ᠣᠴᠢᠷ ᠭᠡᠷᠡᠭ᠌ ᠶᠢᠡᠨ ᠪᠦᠳᠦᠭᠡᠭ᠍ᠰᠡᠨ ᠤ ᠳᠠᠷᠠᠭᠠ ᠭᠦᠪᠠᠭᠦᠨ ᠤ ᠳᠠᠯᠠ ᠡᠴᠠ ᠢᠷᠡᠭ᠍ᠰᠡᠳ ᠦᠬᠢᠨ ᠤ ᠳᠠᠯᠠ ᠶᠢᠨ ᠭᠢᠨ ᠤ ᠬᠠᠮᠳᠤ ᠶᠡᠭᠡ ᠨᠠᠢ᠌ᠷ ᠭᠢᠵᠤ ᠳᠠᠭᠤᠰᠤᠭᠠᠤᠨ ᠪᠣᠴᠠᠨᠠ᠃ ᠪᠣᠴᠠᠭᠰᠠᠨ ᠤ ᠳᠠᠷᠠᠭᠠ ᠭᠦᠪᠠᠭᠦᠨ ᠤ ᠳᠠᠯᠠ ᠶᠢᠨ ᠭᠡᠷ ᠲᠤ ᠭᠦᠷᠴᠤ᠂ ᠡᠳᠦᠷ ᠶᠢᠡᠨ ᠳᠤᠭᠳᠠᠭᠠᠭᠰᠠᠨ ᠣᠴᠢᠷ ᠶᠢᠡᠨ ᠴᠦᠮ ᠢ ᠬᠠᠷᠢᠭᠤ ᠮᠡᠳᠡᠭᠦᠯᠤᠨ ᠭᠡᠯᠡᠨᠡ᠃
1. ᠭᠡᠦᠭᠡᠨ ᠮᠤᠷᠳᠠᠬᠤ
ᠭᠦᠪᠠᠭᠦᠨ ᠤ ᠳᠠᠯᠠ ᠡᠴᠠ ᠢᠷᠡᠭ᠍ᠰᠡᠨ ᠭᠦᠮᠦᠰ ᠮᠠᠷᠭᠠᠰᠢ ᠡᠷᠳᠡ ᠨᠠᠷᠠᠨ ᠭᠠᠷᠬᠤ ᠡᠴᠠ ᠡᠮᠦᠨᠡ ᠭᠡᠦᠭᠡᠨ ᠮᠤᠷᠳᠠᠭᠤᠯᠵᠤ ᠠᠪᠬᠤ ᠶᠤᠰᠤ ᠭᠢᠨᠠ᠃ ᠭᠡᠦᠭᠡᠨ ᠢ ᠠᠪᠴᠤ ᠶᠠᠪᠣᠬᠤ ᠳᠠᠭᠠᠨ ᠪᠠᠰᠠ ᠳᠡᠷᠡᠭᠦ 《ᠬᠠᠳᠠᠭ ᠮᠠᠯ ᠤᠨ ᠬᠤᠷᠢᠮ》 ᠳᠡᠭᠡᠷᠡ ᠳᠤᠭᠳᠠᠭᠰᠠᠨ ᠶᠤᠰᠤ ᠪᠠᠷ ᠭᠢᠵᠤ ᠠᠪᠴᠤ ᠭᠠᠷᠤᠨᠠ᠃ ᠦᠷᠯᠦᠭᠡ ᠨᠢ ᠭᠦᠪᠠᠭᠦᠨ ᠤ ᠳᠠᠯᠠ ᠪᠣᠯᠤᠨ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠡᠢ᠌ᠴᠢᠨ ᠨᠡᠷ ᠬᠤᠭᠤᠯᠠ ᠬᠤᠳᠠ ᠢᠳᠡᠭ᠍ᠰᠡᠨ ᠤ ᠳᠠᠷᠠᠭᠠ ᠪᠠᠷ ᠦᠬᠢᠨ ᠤ ᠳᠠᠯᠠ ᠡᠴᠠ ᠠᠷᠢᠭᠢ ᠪᠠᠷᠢᠵᠤ ᠳᠠᠭᠤᠯᠠᠯᠳᠤᠨᠠ᠃ ᠳᠠᠭᠤᠨ ᠥᠭᠡ ᠨᠢ᠄
《ᠬᠤᠯᠤᠰᠤ ᠳᠠᠢ᠌ᠬᠠᠨ ᠨᠠᠭᠤᠷ ᠳᠠᠭᠠᠨ
ᠬᠤᠨ ᠰᠢᠪᠠᠭᠤ ᠴᠤᠭᠯᠠᠷᠠᠨᠠ
ᠬᠤᠷᠢᠮ ᠳᠦᠷᠤ ᠶᠢᠨ ᠨᠠᠢ᠌ᠷ ᠳᠠᠭᠠᠨ
ᠬᠤᠯᠠ ᠶᠢᠨ ᠠᠬᠠ ᠳᠡᠭᠦᠤ ᠨᠡᠷ ᠴᠤᠭᠯᠠᠷᠠᠨᠠ
ᠵᠡᠭᠡᠰᠤ ᠳᠠᠢ᠌ᠬᠠᠨ ᠨᠠᠭᠤᠷ ᠳᠠᠭᠠᠨ
ᠵᠣᠢ᠌ᠯ ᠤᠨ ᠰᠢᠪᠠᠭᠤ ᠴᠤᠭᠯᠠᠷᠠᠨᠠ
ᠵᠥᠢᠳᠡᠢ᠌ᠭᠡᠨ ᠶᠤᠰᠤᠨ ᠤ ᠨᠠᠢ᠌ᠷ ᠳᠠᠭᠠᠨ
ᠵᠢᠷᠤᠮᠳᠤ ᠳᠠᠨᠠᠷ ᠮᠠᠨᠢ ᠴᠤᠭᠯᠠᠷᠠᠨᠠ
ᠠᠯᠳᠠᠨ ᠬᠠᠩᠭ᠋ᠠᠢ ᠶᠢᠨ ᠰᠢᠯᠢ ᠳ᠋ᠤ
ᠠᠯᠳᠠᠨ ᠭᠤᠷᠭᠤᠤᠯᠳᠠᠢ ᠰᠠᠭᠤᠨᠠ
ᠠᠯᠤᠰ ᠡᠴᠠ ᠢᠷᠡᠭ᠍ᠰᠡᠨ ᠳᠠᠨᠠᠷ ᠳᠠᠭᠠᠨ
ᠠᠷᠢᠭᠤᠨ ᠳᠠᠷᠠᠰᠤ ᠪᠠᠨ ᠪᠠᠷᠢᠶᠠ
ᠬᠠᠳᠠᠳᠤ ᠶᠡᠭᠡ ᠠᠭᠤᠯᠠᠨ ᠳ᠋ᠤ
ᠬᠠᠷᠴᠠᠭᠠᠢ ᠰᠢᠪᠠᠭᠤ ᠰᠠᠭᠤᠨᠠ
ᠳᠦᠷᠤ ᠬᠤᠷᠢᠮ ᠤᠨ ᠳᠠᠨᠠᠷ ᠳᠠᠭᠠᠨ
ᠳᠤᠩᠭ᠋ᠠᠯᠠᠭ ᠰᠠᠷᠬᠤᠤᠨ ᠶᠢᠡᠨ ᠪᠠᠷᠢᠶᠠ
ᠪᠣᠳᠤᠭ ᠤᠨ ᠥᠩᠭᠡ ᠪᠠᠷ ᠬᠠᠷᠠᠭᠳᠠᠳᠠᠭ ᠨᠢ
ᠪᠠᠷᠠᠭᠤᠨ ᠦᠨᠳᠦᠷ ᠠᠭᠤᠯᠠ ᠯᠠ ᠪᠠᠢ᠌ᠨᠠ
ᠪᠣᠯᠠᠩᠭᠢᠷ ᠦᠭᠡᠶ ᠣᠷᠤᠰᠳᠠᠭ ᠨᠢ
ᠪᠣᠢ᠌ᠷ ᠳᠠᠯᠠᠢ ᠶᠢᠨ ᠣᠰᠤ ᠯᠠ ᠪᠠᠢ᠌ᠨᠠ
ᠴᠢᠠᠳᠠᠭᠠᠨ ᠰᠢᠷᠭᠠ ᠮᠤᠷᠢ ᠶᠤᠭᠠᠨ
ᠱᠠᠩᠳᠠ ᠶᠢᠨ ᠣᠰᠤᠨ ᠡᠴᠠ ᠣᠰᠤᠯᠠᠨᠠ
ᠱᠠᠭᠠᠵᠠᠩ ᠳᠤ ᠭᠢᠭ᠍ᠰᠡ ᠳᠠᠷᠠᠰᠤ ᠶᠤᠭᠠᠨ
ᠱᠠᠭᠠᠳᠤ ᠶᠢᠨ ᠬᠤᠳᠠ ᠨᠡᠷ ᠲᠠᠭᠠᠨ ᠪᠠᠷᠢᠶᠠ
ᠬᠤᠯᠤᠰᠤᠨ ᠰᠢᠷᠭᠠ ᠮᠤᠷᠢ ᠶᠤᠭᠠᠨ
ᠬᠤᠤᠳᠤᠭ ᠤᠨ ᠣᠰᠤ ᠪᠠᠷ ᠣᠮᠳᠠᠯᠠᠶᠠ
ᠬᠤᠠᠳᠠᠭᠠᠨ ᠳᠤ ᠭᠢᠭ᠍ᠰᠡᠨ ᠳᠠᠷᠠᠰᠤ ᠶᠤᠭᠠᠨ
ᠬᠤᠳᠠ ᠳᠠᠨᠠᠷ ᠲᠠᠭᠠᠨ ᠪᠠᠷᠢᠶᠠ᠃》
ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠢᠨ ᠢᠷᠦᠭᠡᠯ ᠶᠢᠡᠨ ᠳᠠᠯᠪᠢᠬᠤ ᠳᠤ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠢᠨ ᠬᠠᠷᠢᠭᠤ ᠢᠷᠦᠭᠡᠯ ᠶᠢᠡᠨ ᠳᠤᠤᠷᠠᠭᠢ ᠮᠠᠳᠤ ᠳᠠᠯᠪᠢᠨᠠ᠃
《ᠠᠯᠳᠠᠨ ᠣᠷᠤᠭ ᠳᠠ ᠪᠦᠭᠦᠨ ᠤ
ᠠᠶᠠᠭᠠᠯᠠᠭᠰᠠᠨ ᠠᠷᠢᠭᠢ ᠶᠢ ᠭᠦᠡᠳᠦᠷᠦᠶᠡ᠃
ᠬᠤᠳᠠ ᠨᠡᠷ ᠤᠨ ᠬᠤᠨᠳᠠᠭᠠᠯᠠᠭᠰᠠᠨ ᠳᠠᠷᠠᠰᠤ ᠵᠢ
ᠬᠤᠤᠰ ᠬᠤᠤᠰ ᠶᠢᠡᠷ ᠨᠢ ᠭᠦᠷᠳᠡᠶᠡ᠃
ᠳᠦᠷᠤᠯ ᠤᠨ ᠬᠠᠢ᠌ᠷᠠᠯᠠᠭᠰᠠᠨ ᠭᠡᠰᠢᠭ᠌ ᠢ
ᠳᠤᠰᠤᠭᠠᠯ ᠦᠭᠡᠶ ᠳᠤᠭᠳᠠᠭᠠᠶᠠ᠃
ᠠᠬᠠ ᠳᠡᠭᠦᠤ ᠶᠢᠨ ᠪᠠᠷᠢᠭᠰᠠᠨ ᠰᠠᠷᠬᠤᠤᠨ ᠢ
ᠠᠰᠬᠠᠯ ᠦᠭᠡᠶ ᠣᠤᠭᠤᠵᠠᠭᠠᠶᠠ》 ᠭᠡᠨᠡ᠃
2. ᠭᠡᠦᠭᠡᠨ ᠪᠣᠯᠢᠶᠠᠯᠳᠤᠬᠤ
ᠭᠡᠦᠭᠡᠨ ᠠᠪᠴᠤ ᠶᠠᠪᠣᠬᠤ ᠦᠶᠡ ᠳᠤ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠦᠬᠢᠳ ᠭᠡᠦᠭᠡᠡᠴᠦᠳ ᠬᠠᠳᠠᠭ ᠵᠠᠩᠭᠢᠳᠤᠨ ᠪᠠᠶᠠ ᠪᠠᠶᠠ ᠳᠡᠭᠡᠨ ᠬᠠᠠᠵᠤᠢ ᠪᠠᠷ ᠶᠢᠡᠨ ᠣᠷᠤᠭᠤᠯᠤᠨ ᠬᠤᠯᠪᠣᠵᠤ ᠪᠠᠷᠢ ᠪᠣᠯᠬᠤ ᠭᠡᠵᠤ ᠪᠠᠢ᠌ᠭᠠ ᠭᠡᠦᠭᠡᠨ ᠢ ᠳᠤᠭᠤᠷᠢᠨ ᠪᠦᠰᠡᠯᠡᠵᠤ ᠰᠠᠯᠵᠤ ᠶᠠᠳᠠᠭᠰᠠᠨ ᠰᠡᠳᠭᠢᠯ ᠶᠢᠡᠨ ᠢᠯᠡᠳᠭᠡᠵᠤ ᠭᠡᠦᠭᠡᠨ ᠢ ᠳᠠᠪᠠᠷᠢᠯᠳᠤᠨ ᠣᠭᠢᠯᠠᠯᠳᠤᠵᠤ ᠰᠠᠯᠵᠤ ᠶᠠᠳᠠᠨ ᠳᠠᠳᠠᠯᠴᠠᠨ ᠴᠢᠩᠭ᠋ᠠᠭᠠᠯᠴᠠᠳᠠᠭ᠃ ᠡᠨᠡ ᠦᠶᠡ ᠳᠤ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠦᠮᠦᠰ ᠢᠷᠠᠵᠤ ᠪᠠᠷᠢ ᠪᠠᠨ ᠠᠪᠬᠤ ᠭᠡᠵᠤ ᠪᠣᠯᠢᠶᠠᠯᠳᠤᠬᠤ ᠳᠤ ᠭᠡᠦᠭᠡᠡᠴᠦᠳ ᠪᠦᠷ ᠰᠠᠯᠠᠬᠤ ᠦᠭᠡᠶ ᠪᠠᠷ ᠭᠡᠦᠭᠡᠨ ᠢ ᠳᠤᠭᠤᠷᠢᠵᠤ ᠳᠠᠪᠠᠷᠢᠯᠳᠤᠵᠤ ᠳᠠᠯᠪᠢᠬᠤ ᠦᠭᠡᠶ ᠵᠢᠭᠤᠷᠠᠯᠳᠤᠨᠠ᠃
ᠭᠡᠷ ᠲᠤ ᠪᠠᠢ᠌ᠭᠰᠠᠨ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠦᠭ᠍ᠰᠢᠳ ᠨᠠᠰᠤᠳᠠᠨ ᠪᠦᠷ᠄ 《ᠢᠷ ᠲᠡᠶ ᠰᠢᠳᠤ ᠲᠡᠶ ᠶᠠᠭᠤᠮᠠ ᠪᠠᠷ ᠭᠡᠦᠭᠡᠨ ᠤ ᠭᠡᠯᠭᠢᠶᠡᠷᠢ ᠪᠦᠰᠡ ᠶᠢ ᠪᠣᠤ ᠳᠠᠰᠤᠯ᠂ ᠴᠢᠳᠠᠪᠠᠯ ᠳᠠᠢ᠌ᠯᠵᠤ ᠠᠪᠤᠭᠳᠤᠨ》 ᠭᠡᠵᠤ ᠬᠠᠰᠭᠢᠷᠤᠯᠳᠤᠨ ᠪᠠᠢ᠌ᠳᠠᠭ᠃
ᠢᠩᠭᠢᠭᠡᠳ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠦᠮᠦᠰ ᠠᠷᠭᠠ ᠦᠭᠡᠶ ᠭᠡᠦᠭᠡᠡᠴᠦᠳ ᠤᠨ ᠪᠦᠰᠡᠯᠡᠭ᠍ᠰᠡᠨ ᠪᠦᠰᠡ ᠶᠢ ᠳᠠᠢ᠌ᠯᠬᠤ ᠪᠠᠷ ᠣᠷᠤᠯᠳᠤᠵᠤ ᠪᠠᠢ᠌ᠪᠠᠴᠤ᠂ ᠳᠡᠷᠡᠭᠦ ᠭᠡᠦᠭᠡᠡᠴᠦᠳ ᠳᠠᠯᠪᠢᠬᠤ ᠦᠭᠡᠶ ᠪᠠᠷ ᠣᠭᠢᠯᠠᠯᠳᠤᠨ ᠵᠢᠭᠤᠷᠠᠯᠳᠤᠨ ᠪᠠᠢ᠌ᠳᠠᠭ᠃ ᠡᠨᠡ ᠮᠠᠳᠤ ᠪᠠᠷ ᠳᠠᠳᠠᠯᠴᠠᠭᠰᠠᠭᠠᠷ ᠪᠠᠢ᠌ᠵᠤ ᠡᠴᠦᠰ ᠲᠡᠭᠡᠨ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠦᠮᠦᠰ ᠵᠠᠩᠭᠢᠶᠠ ᠬᠠᠳᠠᠭ ᠢ ᠳᠠᠢ᠌ᠯᠵᠤ ᠪᠠᠷᠢ ᠪᠠᠨ ᠨᠠᠷᠠᠨ ᠲᠡᠶ ᠬᠠᠮᠳᠤ ᠠᠪᠴᠤ ᠭᠠᠷᠳᠠᠭ ᠶᠤᠮ᠃
ᠬᠤᠷᠢᠮ ᠤᠨ ᠡᠳᠦᠷ ᠭᠦᠷᠪᠠᠯ ᠭᠡᠦᠭᠡᠨ ᠢ ᠭᠡᠳᠤᠨ ᠴᠠᠭ ᠲᠤ ᠪᠠᠭᠤᠵᠤ ᠢᠷᠡᠭᠦ ᠶᠢ ᠯᠠᠮᠠ ᠪᠠᠷ ᠥᠵᠡᠭᠦᠯᠤᠨ ᠳᠤᠭᠳᠠᠭᠠᠨᠠ᠃ ᠡᠨᠡ ᠴᠠᠭ ᠡᠴᠠ ᠡᠮᠦᠨᠡ ᠭᠦᠷᠭᠡᠨ ᠵᠠᠪᠳᠤᠵᠤ ᠦᠬᠢᠨ ᠤ ᠭᠡᠷ ᠲᠤ ᠭᠦᠷᠦᠭ᠍ᠰᠡᠨ ᠪᠠᠢ᠌ᠬᠤ ᠭᠡᠷᠡᠭ᠍ᠳᠡᠢ᠃ ᠭᠡᠷᠪᠡ ᠳᠤᠭᠳᠠᠭᠰᠠᠨ ᠴᠠᠭ ᠲᠠᠭᠠᠨ ᠢᠷᠡᠭᠦ ᠦᠭᠡᠶ ᠪᠠᠷ ᠴᠠᠭ ᠡᠴᠠ ᠣᠷᠣᠢ᠌ᠳᠠᠯᠠ ᠭᠡᠳ ᠭᠦᠷᠭᠡᠨ ᠪᠣᠯᠤᠨ ᠭᠦᠷᠭᠡᠨ ᠤ ᠳᠠᠯᠠ ᠳ᠋ᠤ᠄《ᠬᠠᠷᠠ ᠵᠢᠷᠤᠭᠠ ᠶᠢ ᠨᠢ ᠣᠨᠤᠭᠤᠯᠤᠨᠠ ᠦᠦ ︖ ᠰᠢᠷᠠ ᠵᠢᠷᠤᠭᠠ ᠶᠢ ᠨᠢ ᠣᠨᠤᠭᠤᠯᠤᠨᠠ ᠦᠦ ︖》 ᠭᠡᠵᠤ ᠠᠰᠠᠭᠤᠨ ᠳᠤᠷᠭᠠᠨ ᠶᠠᠯᠠᠯᠠᠵᠤ᠂ ᠭᠡᠦᠭᠡᠨ ᠠᠪᠬᠤ ᠪᠠᠷ ᠢᠷᠡᠭ᠍ᠰᠡᠨ ᠬᠤᠳᠠ ᠬᠤᠳᠠᠭᠠᠢ ᠳᠤ ᠥᠭ᠍ᠴᠤ ᠣᠤᠭᠤᠯᠭᠠᠨᠠ᠃ ᠬᠠᠷᠠ ᠵᠢᠷᠤᠭᠠ ᠭᠡᠳᠡᠭ᠌ ᠨᠢ ᠬᠠᠷᠠ ᠠᠷᠢᠭᠢ ᠶᠢ ᠭᠡᠯᠡᠨᠡ᠃ ᠰᠢᠷᠠ ᠵᠢᠷᠤᠭᠠ ᠭᠡᠳᠡᠭ᠌ ᠨᠢ ᠣᠰᠤ ᠶᠢ ᠭᠡᠯᠡᠨᠡ᠃ ᠳᠤᠭᠳᠠᠭᠰᠠᠨ ᠴᠠᠭ ᠡᠴᠠ ᠣᠷᠣᠢ᠌ᠳᠠᠭᠰᠠᠨ ᠭᠦᠷᠭᠡᠨ ᠪᠠ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠢᠨ ᠰᠢᠷᠠ ᠵᠢᠷᠤᠭᠠ ᠶᠢ ᠨᠢ ᠣᠨᠤᠭᠤᠯᠤᠨᠠ ᠭᠡᠪᠠᠯ ᠰᠢᠷᠠ ᠣᠰᠤ ᠣᠤᠭᠤᠯᠭᠠᠨᠠ᠃ ᠬᠠᠷᠠ ᠵᠢᠷᠤᠭᠠ ᠶᠢ ᠨᠢ ᠣᠨᠤᠭᠤᠯᠤᠨᠠ ᠭᠡᠪᠠᠯ ᠬᠠᠷᠠ ᠠᠷᠢᠭᠢ ᠣᠤᠭᠤᠯᠭᠠᠨᠠ᠃
ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠠᠪᠬᠤᠯᠴᠢᠨ ᠢᠷᠡᠭᠦ ᠳᠡᠭᠡᠨ ᠱᠠᠭᠠ ᠴᠢᠮᠦᠭᠡ ᠪᠠᠨ ᠴᠢᠨᠠᠭᠠᠤᠨ ᠳᠤᠮᠳᠠᠭᠤᠷ ᠨᠢ ᠬᠠᠳᠠᠭ ᠶᠢᠡᠷ ᠪᠣᠭᠤᠭᠠᠤᠨ ᠠᠪᠣᠭᠠᠤᠨ ᠶᠠᠪᠣᠳᠠᠭ᠃ ᠭᠡᠦᠭᠡᠨ ᠢ ᠭᠡᠷ ᠡᠴᠠ ᠠᠪᠴᠤ ᠭᠠᠷᠤᠮᠠᠭᠴᠠ ᠱᠠᠭᠠᠨᠳᠤ ᠪᠠᠷ ᠶᠢᠡᠨ ᠳᠠᠯᠠᠯᠵᠤ ᠪᠠᠷᠠᠭᠠᠤᠨ 《ᠳᠠᠪᠠᠭ ᠭᠦᠭᠡᠭᠦ》 ᠭᠡᠵᠤ ᠱᠠᠭᠠᠨᠳᠤ ᠪᠠᠷᠢᠭᠰᠠᠨ ᠮᠤᠷᠢ ᠲᠡᠶ ᠭᠦᠮᠤᠨ ᠢ ᠭᠦᠭᠡᠭᠡᠨᠡ᠃ ᠭᠡᠪᠴᠤ ᠡᠨᠡᠭᠦ ᠱᠠᠭᠠᠨᠳᠤ ᠶᠢᠨ ᠭᠦᠮᠤᠨ ᠢ ᠭᠦᠢᠴᠡᠭᠦ ᠶᠤᠰᠤᠨ ᠦᠭᠡᠶ᠂ ᠭᠦᠭᠡᠭᠡᠵᠤ ᠭᠦᠢᠴᠡᠪᠠᠯ ᠰᠢᠨᠠ ᠪᠠᠷᠢ ᠪᠣᠯᠬᠤ ᠭᠡᠵᠤ ᠪᠠᠢ᠌ᠭᠠ ᠠᠢ᠌ᠯ ᠤᠨ ᠬᠤᠵᠢᠮ ᠤᠨ ᠠᠮᠢᠳᠤᠷᠠᠯ ᠳ᠋ᠤᠨᠢ ᠮᠠᠭᠤ ᠭᠡᠳᠡᠭ᠌᠃
ᠭᠦᠷᠭᠡᠨ ᠭᠡᠦᠭᠡᠨ ᠬᠤᠶᠠᠷ ᠭᠡᠷ ᠲᠤ ᠭᠦᠷᠦᠭ᠍ᠰᠡᠨ ᠤ ᠳᠠᠷᠠᠭᠠ ᠱᠠᠭᠠᠠᠳᠤ ᠴᠢᠮᠦᠭᠡ ᠪᠠᠨ ᠠᠳᠬᠤᠵᠤ ᠳᠡᠭ᠍ᠷᠢ ᠳᠤ ᠮᠦᠷᠭᠦᠳᠡᠭ᠌ ᠳᠤᠯᠠ ᠳᠡᠭ᠍ᠷᠢ ᠳᠤ ᠮᠦᠷᠭᠦᠭ᠍ᠰᠡᠨ ᠭᠡᠰᠢᠭ᠌ ᠲᠡᠶ ᠮᠢᠬᠠ ᠭᠡᠳ ᠡᠨᠡᠭᠦ ᠱᠠᠭᠠᠨᠳᠤ ᠶᠢᠨ ᠭᠡᠰᠢᠭ᠌ ᠮᠢᠬᠠ ᠶᠢ ᠭᠦᠷᠭᠡᠨ ᠭᠡᠦᠭᠡᠨ ᠬᠤᠶᠠᠭᠤᠯᠠ ᠬᠤᠪᠢᠶᠠᠯᠴᠠᠨ ᠢᠳᠡᠭᠡᠳ ᠶᠠᠰᠤ ᠶᠢ ᠨᠢ ᠣᠨᠢᠨ ᠳᠠᠭᠠᠨ ᠬᠠᠪᠴᠢᠭᠤᠯᠤᠨᠠ᠃
3. ᠭᠡᠦᠭᠡᠨ ᠢ ᠠᠪᠴᠤ ᠶᠠᠪᠣᠬᠤ
ᠭᠡᠦᠭᠡᠨ ᠢ ᠣᠨᠤᠭᠤᠯᠳᠠᠭ ᠮᠤᠷᠢ ᠪᠣᠯᠤᠨ ᠮᠤᠬᠤᠯᠠᠭ ᠳᠡᠷᠭᠡ ᠡᠭᠦᠳᠡᠨ ᠭᠠᠳᠠᠨᠠ ᠭᠦᠡᠳᠡᠯᠡᠨ ᠵᠤᠭᠰᠤᠵᠤ ᠪᠠᠢ᠌ᠳᠠᠭ᠃ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠵᠠᠯᠠᠭᠤᠴᠤᠳ ᠪᠠᠷᠢ ᠪᠣᠯᠬᠤ ᠭᠡᠦᠭᠡᠨ ᠢ ᠰᠠᠯᠭᠠᠨ ᠠᠪᠣᠮᠠᠭᠴᠠ ᠭᠡᠷ ᠡᠴᠠ ᠭᠠᠷᠴᠤ ᠡᠭᠦᠳᠡᠨ ᠳ᠋ᠠᠭᠢ ᠮᠤᠷᠢᠨ ᠳᠤ ᠣᠨᠤᠭᠤᠯᠬᠤ ᠪᠣᠶᠤ ᠮᠤᠬᠤᠯᠠᠭ ᠳᠡᠷᠭᠡᠨ ᠳᠤ ᠣᠷᠤᠭᠤᠯᠤᠭᠠᠤᠨ᠂ ᠳᠠᠭᠠᠯᠳᠤᠭᠰᠠᠨ ᠭᠡᠦᠭᠡᠡᠴᠦᠳ ᠢ ᠳᠠᠪᠢᠷᠠᠵᠤ ᠮᠦᠨ ᠮᠤᠬᠤᠯᠠᠭ ᠳᠡᠷᠭᠡᠨ ᠳᠤ ᠣᠷᠤᠭᠤᠯᠤᠨᠠ᠃ ᠮᠤᠬᠤᠯᠠᠭ ᠳᠡᠷᠭᠡᠨ ᠳᠤ ᠰᠠᠭᠤᠯᠭᠠᠭᠰᠠᠨ ᠪᠠᠷᠢ ᠶᠢ ᠣᠯᠠᠭᠠᠨ ᠪᠦᠰ ᠶᠢᠡᠷ ᠳᠤᠯᠤᠭᠠᠢ ᠶᠢ ᠪᠦᠳᠦᠭᠡᠵᠤ ᠭᠡᠦᠭᠡᠨ ᠤ ᠳᠠᠯᠠ ᠡᠴᠠ ᠠᠷᠪᠠ ᠭᠠᠷᠤᠢ ᠭᠦᠮᠤᠨ ᠳᠠᠭᠠᠵᠤ ᠭᠦᠷᠭᠡᠯᠴᠡᠨ ᠣᠴᠢᠳᠠᠭ᠃ ᠭᠡᠭᠦ ᠳᠡᠭᠡᠨ ᠭᠡᠦᠭᠡᠨ ᠤ ᠳᠠᠯᠠ ᠡᠴᠠ ᠪᠠᠰᠠ ᠨᠢᠭᠡᠨ ᠳᠦᠷᠦᠭᠦᠤ ᠬᠤᠳᠠᠭᠠᠢ ᠭᠡᠵᠤ ᠨᠢᠭᠡ ᠭᠦᠮᠤᠨ ᠶᠠᠪᠣᠵᠤ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠠᠯᠢᠪᠠ ᠭᠡᠷᠡᠭ᠌ ᠢ ᠬᠠᠮᠢᠶᠠᠷᠳᠠᠭ᠃
(ᠭᠡᠦᠭᠡᠨ ᠮᠤᠷᠳᠠᠭᠤᠯᠬᠤ ᠶᠢᠡᠨ ᠢᠷᠦᠭᠡᠯ)
《ᠬᠠᠷᠢᠶᠠᠴᠠᠢ ᠰᠢᠪᠠᠭᠤ ᠶᠢᠨ ᠵᠢᠭᠦᠷ ᠭᠡᠭ᠍ᠴᠢ ᠨᠢ
ᠭᠠᠷᠤᠭᠰᠠᠨ ᠴᠠᠭ ᠡᠴᠠ ᠪᠠᠨ ᠬᠤᠶᠠᠷ
ᠬᠠᠷᠠ ᠦᠰᠦ ᠪᠠᠨ ᠬᠠᠭᠠᠯᠵᠤ
ᠬᠠᠭᠠᠨ ᠳᠡᠭ᠍ᠷᠢ ᠳᠤ ᠮᠦᠷᠭᠦᠨᠡ ᠭᠡᠭ᠍ᠴᠢ
ᠪᠣᠷᠬᠠᠨ ᠪᠠᠭᠰᠢ ᠶᠢᠡᠨ ᠢᠷᠦᠭᠡᠯ
ᠳᠤᠭᠤᠳᠠᠭ ᠰᠢᠪᠠᠭᠤ ᠶᠢᠨ ᠵᠢᠭᠦᠷ ᠭᠡᠭ᠍ᠴᠢ
ᠳᠦᠷᠦᠭ᠍ᠰᠡᠨ ᠴᠠᠭ ᠡᠴᠠ ᠪᠠᠨ ᠬᠤᠶᠠᠷ
ᠳᠤᠯᠤᠭᠠᠢ ᠶᠢᠨ ᠦᠰᠦ ᠪᠠᠨ ᠵᠠᠭᠠᠭᠯᠠᠵᠤ
ᠳᠡᠭ᠍ᠷᠢ ᠳᠤ ᠮᠦᠷᠭᠦᠨᠡ ᠭᠡᠭ᠍ᠴᠢ ᠨᠢ
ᠳᠡᠭᠡᠳᠦᠰ ᠡᠴᠠ ᠣᠯᠠᠮᠵᠢᠯᠠᠭᠰᠠᠨ ᠶᠤᠰᠤ》 ᠭᠡᠵᠤ ᠢᠷᠦᠭᠡᠯ ᠢᠷᠦᠭᠡᠭᠦ ᠳᠤ ᠪᠠᠰᠠ ᠵᠠᠯᠠᠭᠠᠭᠠᠤᠨ ᠳᠠᠭᠤᠤ ᠳᠠᠭᠤᠯᠠᠨᠠ᠄
ᠭᠡᠡᠵᠡᠭᠡᠨ ᠪᠠᠶᠠ ᠲᠡᠶ ᠭᠡᠭᠡᠷ (ᠬᠡᠦᠬᠡᠳ ᠳᠠᠯᠠ ᠶᠢᠨ ᠳᠠᠭᠤᠤ)
《ᠭᠡᠡᠵᠡᠭᠡᠨ ᠪᠠᠶᠠ ᠲᠡᠶ ᠭᠡᠭᠡᠷ ᠮᠢᠨᠢ
ᠭᠡᠨ ᠤ ᠪᠠᠨ ᠠᠳᠤᠭᠤᠨ ᠳᠤ ᠢᠠᠴᠭᠠᠨᠠ ᠪᠣᠢ
ᠭᠡᠡᠵᠡᠭᠡᠨ ᠪᠠᠭᠠ ᠳᠡᠭᠦᠤ ᠮᠢᠨᠢ
ᠭᠡᠨ ᠤ ᠪᠠᠨ ᠡᠭᠦᠳᠡᠨ ᠳᠤ ᠮᠠᠯᠮᠠᠯᠵᠠᠨᠠ ᠪᠣᠢ
ᠰᠠᠨᠠᠬᠤ ᠳᠠᠭᠠᠨ ᠳᠠᠭᠤᠯᠠᠭᠰᠠᠨ ᠳᠠᠭᠤᠤ ᠮᠢᠨᠢ
ᠰᠠᠯᠭᠢᠨ ᠤ ᠠᠶᠠ ᠪᠠᠷ ᠭᠦᠷᠳᠦᠭᠡᠢ
ᠣᠷᠤᠰᠬᠤ ᠳᠠᠭᠠᠨ ᠳᠠᠭᠤᠯᠠᠭᠰᠠᠨ ᠳᠠᠭᠤᠤ ᠮᠢᠨᠢ
ᠣᠰᠤᠨ ᠤ ᠣᠷᠤᠰᠬᠠᠯ ᠶᠢᠡᠷ ᠭᠦᠷᠳᠦᠭᠡᠢ᠃》
(ᠭᠡᠦᠭᠡᠨ ᠮᠤᠷᠳᠠᠭᠤᠯᠬᠤ ᠳᠠᠭᠤᠤ)
《ᠭᠦᠳᠡᠭᠡ ᠳᠠᠯᠠ ᠳᠠᠭᠠᠨ ᠵᠤᠰᠠᠭᠰᠠᠨ
ᠭᠦᠭᠦᠭᠡ ᠰᠢᠪᠠᠭᠤ ᠭᠦᠭᠡᠷᠦᠭᠦᠢ
ᠭᠦᠮᠤᠨ ᠤ ᠭᠠᠵᠠᠷ ᠦᠭᠭᠦᠭ᠍ᠰᠡᠨ
ᠭᠡᠦᠭᠡᠨ ᠭᠦᠮᠤᠨ ᠭᠦᠭᠡᠷᠦᠭᠦᠢ
ᠠᠷᠤ ᠶᠢᠨ ᠳᠠᠯᠠ ᠳᠠᠭᠠᠨ ᠵᠤᠰᠠᠭᠰᠠᠨ
ᠠᠩᠭᠢᠷ ᠭᠠᠯᠠᠭᠤ ᠭᠦᠭᠡᠷᠦᠭᠦᠢ
ᠠᠯᠤᠰ ᠬᠤᠯᠠ ᠳᠠᠭᠠᠨ ᠦᠭᠭᠦᠭ᠍ᠰᠡᠨ
ᠭᠡᠦᠭᠡᠨ ᠭᠦᠮᠤᠨ ᠭᠦᠭᠡᠷᠦᠭᠦᠢ
ᠵᠥᠯᠭᠡᠳᠤ ᠳᠠᠯᠠ ᠳᠠᠭᠠᠨ ᠵᠤᠰᠠᠭᠰᠠᠨ
ᠵᠡᠭᠡᠷᠡ ᠭᠦᠷᠦᠭᠡᠰᠤ ᠨᠢ ᠭᠦᠭᠡᠷᠦᠭᠦᠢ
ᠵᠠᠮ ᠤᠨ ᠬᠤᠯᠠ ᠳᠠᠭᠠᠨ ᠮᠤᠷᠳᠠᠭᠤᠯᠤᠭᠰᠠᠨ
ᠭᠡᠦᠭᠡᠨ ᠭᠦᠮᠤᠨ ᠭᠦᠭᠡᠷᠦᠭᠦᠢ
ᠵᠥᠭ᠌ ᠵᠥᠭ᠌ ᠲᠡᠭᠡᠨ ᠵᠤᠰᠠᠭᠰᠠᠨ
ᠵᠦᠷᠠ ᠭᠦᠷᠦᠭᠡᠰᠤ ᠨᠢ ᠭᠦᠭᠡᠷᠦᠭᠦᠢ
ᠵᠥᠭ᠌ ᠤᠨ ᠬᠤᠯᠠ ᠮᠤᠷᠳᠠᠭᠤᠯᠤᠭᠰᠠᠨ
ᠭᠡᠦᠭᠡᠨ ᠭᠦᠮᠤᠨ ᠭᠦᠭᠡᠷᠦᠭᠦᠢ》 ᠭᠡᠵᠤ ᠳᠠᠭᠤᠯᠠᠨᠠ᠃ ᠭᠡᠦᠭᠡᠨ ᠭᠡᠷ ᠡᠴᠠ ᠭᠠᠷᠬᠤ ᠳᠤ ᠭᠡᠦᠭᠡᠨ ᠤ ᠪᠠᠷᠢᠭᠰᠠᠨ ᠠᠷᠢᠭᠢ ᠶᠢ ᠳᠤᠩᠭ᠋ᠠᠵᠤ ᠣᠤᠭᠤᠭᠠᠤᠨ᠂ ᠠᠪᠣ ᠡᠵᠢ ᠠᠬᠠ ᠳᠡᠭᠦᠤ ᠳᠦᠷᠤᠯ ᠰᠠᠳᠤᠨ ᠨᠢ ᠭᠡᠦᠭᠡᠨ ᠳᠡᠭᠡᠨ ᠳᠠᠭᠤᠤ ᠳᠠᠭᠤᠯᠠᠵᠤ᠂ ᠢᠷᠦᠭᠡᠯ ᠳᠠᠯᠪᠢᠵᠤ ᠮᠤᠷᠳᠠᠭᠤᠯᠤᠨᠠ᠃
《ᠬᠠᠷᠠ ᠭᠡᠭᠡᠷ ᠮᠤᠷᠢ ᠶᠢ ᠪᠠᠨ
ᠳᠠᠳᠠᠰᠭᠢᠵᠤ ᠶᠠᠪᠣᠭᠠᠷᠠᠢ
ᠬᠠᠳᠠ ᠴᠢᠯᠠᠭᠤ ᠲᠡᠶ ᠭᠠᠵᠠᠷ ᠳᠤ
ᠳᠤᠪᠳᠤᠯᠵᠤ ᠪᠢᠳᠡᠭᠡᠢ ᠶᠠᠪᠣᠭᠠᠷᠠᠢ
ᠨᠠᠷᠢᠬᠠᠨ ᠪᠠᠭᠠ ᠰᠢᠷᠭᠠ ᠪᠠᠨ
ᠳᠠᠳᠠᠰᠭᠢᠵᠤ ᠶᠠᠪᠣᠭᠠᠷᠠᠢ
ᠳᠤᠪᠤᠨ ᠶᠡᠭᠡᠳᠡᠢ ᠭᠠᠵᠠᠷ ᠳᠤ
ᠳᠤᠪᠳᠤᠯᠵᠤ ᠪᠢᠳᠡᠭᠡᠢ ᠶᠠᠪᠣᠭᠠᠷᠠᠢ
ᠢᠯᠢ ᠭᠤᠤᠯ ᠤᠨ ᠣᠰᠤᠨ ᠨᠢ
ᠡᠷᠭᠢ ᠪᠠᠨ ᠴᠤᠭᠢᠯᠠᠨ ᠳᠤᠯᠭᠢᠶᠠᠯᠠᠳᠠᠭ
ᠦᠪᠡᠷ ᠤᠨ ᠪᠢᠰᠢ ᠭᠦᠮᠤᠨ ᠳ᠋ᠤ
ᠦᠨᠡᠨ ᠶᠢᠡᠨ ᠪᠣᠤ ᠮᠡᠳᠡᠭᠦᠯ
ᠡᠷᠴᠢᠰ ᠭᠤᠤᠯ ᠤᠨ ᠣᠰᠤᠨ ᠨᠢ
ᠡᠷᠭᠢ ᠪᠠᠨ ᠴᠤᠭᠢᠯᠠᠨ ᠳᠤᠯᠭᠢᠶᠠᠯᠠᠳᠠᠭ
ᠡᠯᠳᠡᠪ ᠪᠣᠰᠤ ᠶᠢᠨ ᠭᠦᠮᠤᠨ ᠳ᠋ᠤ
ᠦᠨᠡᠨ ᠶᠢᠡᠨ ᠪᠣᠤ ᠮᠡᠳᠡᠭᠦᠯ᠃
ᠥᠯᠦᠭᠡᠢ ᠲᠡᠶ ᠪᠠᠢ᠌ᠬᠤ ᠳ᠋ᠠᠭᠠᠨ
ᠮᠠᠨ ᠤ ᠦᠪᠡᠷ ᠤᠨ ᠦᠷᠡ ᠪᠢᠯᠠ
ᠮᠠᠩᠨᠤᠭ ᠡᠮᠦᠰᠦᠭᠡᠳ ᠭᠠᠷᠬᠤ ᠳ᠋ᠤ
ᠭᠦᠮᠤᠨ ᠤ ᠦᠷᠡ ᠪᠣᠯᠤᠯᠠ ᠴᠢ
ᠳᠠᠯᠠᠯᠭᠠ ᠶᠢ ᠴᠢᠨᠢ ᠠᠪᠣᠭᠠᠤᠨ
ᠳᠠᠩᠰᠠ (ᠡᠷᠦᠭᠡ ᠠᠮᠠ) ᠶ᠋ᠢ ᠴᠢᠨᠢ ᠰᠠᠯᠭᠠᠭᠠᠤᠨ
ᠡᠪᠦᠭᠡᠳ ᠳᠡᠭᠡᠳᠦᠰ ᠤᠨ ᠵᠢᠷᠤᠮ ᠵᠢᠠᠷ
ᠥᠭᠡᠯᠡᠳ ᠬᠤᠷᠢᠮ ᠤᠨ ᠶᠤᠰᠤ ᠪᠠᠷ
ᠬᠠᠷᠢ ᠳᠤ ᠦᠭᠭᠦᠯᠡ ᠴᠢᠮᠢ᠋ᠢ᠌
ᠠᠬᠠ ᠪᠠᠨ ᠠᠯᠳᠠ ᠭᠦᠡᠳᠦᠯᠡᠵᠤ
ᠳᠡᠭᠦᠤ ᠪᠠᠨ ᠳᠠᠯᠢᠮ ᠭᠦᠡᠳᠦᠯᠡ
ᠡᠵᠢ ᠠᠪᠣ ᠶᠢᠨ ᠰᠤᠷᠭᠠᠮᠵᠢ ᠭᠡᠯᠡᠮᠵᠢ ᠶᠢ
ᠡ᠊ᠨᠳᠡᠭᠦᠷᠡᠯ ᠦᠭᠡᠶ ᠳᠠᠭᠠᠵᠤ ᠶᠠᠪᠣᠭᠠᠷᠠᠢ》 ᠭᠡᠵᠤ ᠢᠷᠦᠭᠡᠯ ᠳᠠᠯᠪᠢᠬᠤ ᠳ᠋ᠤ
《ᠬᠠᠷᠠ ᠮᠤᠷᠢᠨ ᠤ ᠬᠠᠳᠠᠷᠢᠯᠭᠠᠨ ᠰᠠᠢ᠌ᠬᠠᠨ
ᠬᠠᠢ᠌ᠷᠠᠳᠤ ᠠᠪᠣ ᠶᠢᠨ ᠰᠤᠷᠭᠠᠯ ᠰᠠᠢ᠌ᠬᠠᠨ
ᠭᠦᠷᠡᠩ ᠮᠤᠷᠢᠨ ᠤ ᠠᠯᠬᠤᠴᠠ ᠰᠠᠢ᠌ᠬᠠᠨ
ᠭᠦᠡᠳᠦᠳᠤ ᠡᠵᠢ ᠶᠢᠨ ᠰᠤᠷᠭᠠᠯ ᠰᠠᠢ᠌ᠬᠠᠨ》 ᠭᠡᠵᠤ 《ᠰᠤᠷᠭᠠᠯ ᠨᠢ ᠰᠠᠢ᠌ᠬᠠᠨ ︕》 ᠭᠡᠵᠤ ᠳᠦᠷᠢᠯᠭᠡ ᠭᠢᠨᠠ᠃
ᠭᠡᠦᠭᠡᠨ ᠳᠦᠷᠭᠦᠮ ᠤᠨ ᠭᠡᠷ ᠡᠴᠠ ᠮᠤᠷᠳᠠᠬᠤ ᠦᠶᠡ ᠳᠤ ᠭᠡᠦᠭᠡᠨ ᠭᠦᠷᠭᠡᠨ ᠬᠤᠶᠠᠷ ᠢ ᠳᠡᠷᠡᠭᠦ ᠯᠠᠮᠠ ᠶᠢᠨ ᠥᠵᠡᠭ᠍ᠰᠡᠨ ᠴᠠᠭ ᠶᠤᠰᠤᠭᠠᠷ ᠡᠴᠢᠭᠡ ᠡᠭᠡ ᠳᠡᠭᠡᠨ ᠮᠦᠷᠭᠦᠭᠡᠳ ᠭᠡᠦᠭᠡᠨ ᠭᠦᠷᠭᠡᠨ ᠬᠤᠶᠠᠷ ᠮᠤᠷᠳᠠᠵᠤ ᠭᠠᠷᠬᠤ ᠳᠠᠭᠠᠨ ᠭᠡᠦᠭᠡᠨ ᠤ ᠭᠡᠷ ᠢ ᠵᠦᠪ ᠳᠠᠯᠠ ᠪᠠᠷ ᠨᠢᠭᠡ ᠡᠷᠭᠢᠵᠤ ᠶᠠᠪᠣᠨᠠ᠃
ᠰᠢᠨᠠ ᠭᠦᠷᠭᠡᠨ ᠰᠠᠭᠠᠳᠠᠭ ᠨᠤᠮᠤ ᠰᠤᠮᠤ ᠪᠠᠨ ᠠᠭᠰᠠᠵᠤ ᠮᠤᠷᠢ ᠣᠨᠤᠵᠤ ᠶᠠᠪᠣᠳᠠᠭ᠃ ᠪᠠᠷᠢ ᠶᠢᠨ ᠰᠠᠭᠤᠭᠰᠠᠨ ᠳᠡᠷᠭᠡ ᠭᠦᠳᠡᠯᠦᠮᠡᠭ᠍ᠴᠡ ᠪᠣᠷᠬᠠᠨ ᠨᠢ ᠳᠠᠭᠠᠨᠠ ᠭᠡᠳ ᠰᠢᠨᠠ ᠭᠦᠷᠭᠡᠨ ᠳᠡᠷᠡᠭᠦ ᠠᠭᠰᠠᠵᠤ ᠶᠠᠪᠣᠭᠰᠠᠨ ᠨᠤᠮᠤ ᠰᠤᠮᠤ ᠪᠠᠷ ᠶᠢᠡᠨ ᠪᠠᠷᠢ ᠪᠣᠯᠬᠤ ᠭᠡᠦᠭᠡᠨ ᠤ ᠮᠤᠬᠤᠯᠠᠭ ᠳᠡᠷᠭᠡ ᠪᠣᠶᠤ ᠣᠨᠤᠭᠰᠠᠨ ᠮᠤᠷᠢ ᠲᠡᠶ ᠭᠦᠮᠤᠨ ᠤ ᠳᠡᠭᠡᠭᠦᠷ ᠬᠠᠷᠪᠣᠬᠤ ᠳᠠᠭᠠᠨ᠄《ᠬᠠᠷᠢ ᠳᠤ ᠦᠭᠭᠦᠭ᠍ᠰᠡᠨ ᠭᠡᠦᠭᠡᠨ᠂ ᠬᠠᠳᠠᠨ ᠳᠤ ᠬᠠᠷᠪᠣᠭᠰᠠᠨ ᠰᠤᠮᠤ》 ᠭᠡᠵᠤ ᠠᠠᠳᠠᠭᠠᠢ ᠳᠠᠯᠪᠢᠵᠤ ᠨᠤᠮᠤ ᠪᠠᠨ ᠳᠠᠳᠠᠵᠤ ᠰᠤᠮᠤ ᠪᠠᠨ ᠬᠠᠷᠪᠣᠳᠠᠭ ᠪᠢᠯᠠ᠃ ᠢᠩᠭᠢᠭᠡᠳ ᠭᠦᠷᠭᠡᠨ ᠰᠤᠮᠤ ᠪᠠᠨ ᠭᠤᠷᠪᠠᠠᠳᠠ ᠬᠠᠷᠪᠣᠵᠤ᠂ ᠵᠠᠮ ᠳᠠᠭᠠᠨ ᠠᠷᠢᠭᠢᠨ ᠰᠠᠴᠤᠯᠢ ᠡᠷᠭᠦᠵᠤ ᠠᠷᠢᠭᠢᠳᠠᠨ ᠨᠠᠢ᠌ᠷᠯᠠᠵᠤ ᠭᠦᠷᠭᠡᠨ ᠤ ᠭᠡᠷ ᠵᠥᠭ᠌ ᠶᠠᠪᠣᠨᠠ᠃ ᠭᠦᠷᠭᠡᠨ ᠤ ᠭᠡᠷ ᠲᠤ ᠤᠢ᠌ᠷᠠᠳᠤᠮᠠᠭᠴᠠ ᠪᠠᠷᠢ ᠶᠢᠨ ᠡᠮᠦᠨᠡ ᠡᠴᠠ ᠣᠭᠳᠤᠯᠭᠠ ᠭᠠᠷᠴᠤ ᠢᠷᠠᠨᠠ᠃ ᠡᠭᠦᠨ ᠢ ᠥᠳᠦᠯᠦᠭᠡᠯᠡᠭᠦᠯᠦᠨᠡ ᠭᠡᠨᠡ᠃ ᠥᠳᠡᠯᠡᠭᠦ ᠳᠡᠭᠡᠨ ᠭᠦᠷᠭᠡᠨ ᠤ ᠳᠠᠯᠠ ᠡᠴᠠ ᠴᠠᠢ ᠴᠢᠨᠠᠵᠤ ᠭᠡᠦᠭᠡᠨ ᠤ ᠳᠠᠯᠠ ᠪᠠ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠦᠮᠦᠰ ᠤᠨ ᠴᠢᠮᠦᠭᠡ ᠶᠢ ᠳᠠᠢ᠌ᠯᠠᠨᠠ ᠭᠡᠵᠤ ᠴᠠᠢ ᠪᠠᠨ ᠣᠤᠭᠤᠯᠭᠠᠨᠠ᠃ ᠴᠠᠢ ᠪᠠᠨ ᠣᠤᠭᠤᠭᠰᠠᠨ ᠤ ᠰᠡᠭᠦᠯᠡᠷ ᠭᠦᠷᠭᠡᠨ ᠤ ᠭᠡᠷ ᠡᠴᠠ ᠳᠠᠮᠠᠢ ᠬᠤᠯᠠ ᠦᠭᠡᠶ ᠭᠠᠵᠠᠷ ᠲᠤ ᠢᠰᠡᠭᠡᠢ ᠳᠠᠪᠢᠰᠴᠤ ᠳᠦᠷᠪᠠᠨ ᠱᠤᠷᠤ ᠮᠢᠬᠠ ᠶᠢ ᠳᠦᠷᠪᠠᠨ ᠳᠠᠯᠠ ᠳ᠋ᠤᠨᠢ ᠬᠠᠳᠬᠤᠨᠠ᠃ ᠬᠠᠵᠠᠭᠤ ᠳ᠋ᠤᠨᠢ ᠭᠠᠯ ᠲᠦᠯᠠᠨᠠ᠃ ᠡᠨᠡᠭᠦ ᠳᠡᠪᠢᠰᠦᠭ᠍ᠰᠡᠨ ᠢᠰᠡᠭᠡᠢ ᠳᠡᠭᠡᠷᠡ ᠪᠠᠷᠠᠭᠤᠨ ᠣᠷᠤᠭᠰᠢ ᠬᠠᠠᠳᠤᠨ ᠡᠵᠡᠨ ᠰᠦᠯᠳᠡ ᠳᠤ ᠠᠷᠢᠭᠢ ᠳᠠᠷᠠᠰᠤ ᠰᠠᠴᠤᠯᠠᠨ ᠭᠤᠷᠪᠠᠠᠳᠠ ᠮᠦᠷᠭᠦᠨᠡ᠃ ᠪᠠᠰᠠ ᠭᠦᠷᠭᠡᠨ ᠭᠡᠦᠭᠡᠨ ᠬᠤᠶᠠᠭᠤᠯᠠ ᠪᠠᠨ ᠭᠡᠷ ᠲᠤ ᠪᠠᠨ ᠭᠦᠷᠦᠮᠡᠭ᠍ᠴᠡ ᠭᠡᠷ ᠭᠦᠷᠢᠶᠡ ᠪᠠᠨ ᠵᠦᠪ ᠭᠤᠷᠪᠠᠠᠳᠠ ᠡᠷᠭᠢᠨᠡ᠃
ᠰᠢᠨᠠ ᠪᠠᠷᠢ ᠭᠡᠷ ᠲᠤ ᠣᠷᠤᠬᠤ ᠦᠶᠡᠰ ᠡᠭᠦᠳᠡ ᠳᠤᠰᠤᠨᠠ ᠭᠡᠵᠤ ᠪᠠᠰᠠ ᠨᠢᠭᠡ ᠶᠤᠰᠤ ᠪᠠᠢ᠌ᠨᠠ᠃ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠨᠢᠭᠡ ᠭᠦᠮᠤᠨ (ᠭᠦᠷᠭᠡᠨ ᠭᠦᠪᠠᠭᠦᠨ ᠤ ᠤᠢ᠌ᠷᠡ ᠰᠠᠳᠤᠨ ᠳᠦᠷᠤᠯ) ᠡᠭᠦᠳᠡ ᠶᠢ ᠳᠤᠰᠴᠤ ᠰᠢᠨᠠ ᠪᠠᠷᠢ ᠶᠢ ᠣᠷᠤᠭᠤᠯᠬᠤ ᠦᠭᠡᠶ ᠭᠡᠳᠡᠭ᠌᠃ ᠢᠩᠭᠢᠭᠦ ᠳᠤ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠦᠮᠦᠰ ᠠᠷᠢᠭᠢ ᠳᠠᠷᠠᠰᠤ ᠪᠠᠨ ᠪᠠᠷᠢᠵᠤ ᠣᠷᠠᠨ ᠰᠠᠢ᠌ᠬᠠᠨ ᠥᠭᠡ ᠪᠠᠷ ᠭᠡᠯᠡᠯᠴᠡᠵᠤ ᠡᠭᠦᠳᠡ ᠪᠠᠨ ᠨᠡᠭᠡᠭᠡᠵᠤ ᠣᠷᠤᠳᠠᠭ᠃ ᠭᠡᠯᠡᠯᠴᠡᠭᠦ ᠥᠭᠡ ᠨᠤᠭᠦᠳ ᠨᠢ ᠳᠤᠤᠷᠠᠭᠢ ᠮᠠᠳᠤ᠄
ᠭᠦᠪᠠᠭᠦᠨ ᠤ ᠳᠠᠯᠠ ᠶᠢᠨ ᠪᠠᠷᠭᠡᠨ᠄ 《ᠳᠠᠨᠠᠷ ᠶᠠᠮᠠᠷ ᠭᠦᠮᠤᠨ᠂ ᠶᠠᠭᠤᠨ ᠤ ᠣᠴᠢᠷ ᠲᠡᠶ ᠪᠣᠢ ︖》 ᠭᠡᠭᠦ ᠳᠤ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠪᠠᠷᠭᠡᠨ᠄
《ᠠᠩᠬᠠ ᠣᠷᠢᠳᠤ ᠴᠠᠭ ᠳᠤ
ᠠᠢ᠌ᠯᠠᠳᠬᠠᠨ ᠭᠤᠶᠤᠵᠤ ᠣᠴᠢᠭᠰᠠᠨ ᠣᠴᠢᠷ ᠳᠤ
ᠶᠤᠰᠤ ᠵᠢᠷᠤᠮ ᠳ᠋ᠤᠨᠢ ᠳᠠᠭᠠᠷᠠᠭᠤᠯᠵᠤ
ᠶᠠᠭ ᠡᠨᠡ ᠡᠳᠦᠷ ᠲᠤ ᠭᠡᠳ
ᠡᠷᠳᠡ ᠡᠳᠦᠷ ᠭᠡᠯᠡᠯᠴᠡᠭᠡ ᠳᠠᠢ
ᠡᠨᠡ ᠡᠳᠦᠷ ᠤᠨ ᠪᠣᠯᠵᠤᠭᠠ ᠳᠠᠢ
ᠡᠪᠦᠭᠡᠳ ᠳᠡᠭᠡᠳᠦᠰ ᠤᠨ ᠵᠢᠷᠤᠮ
ᠥᠭᠡᠯᠡᠳ ᠬᠤᠷᠢᠮ ᠤᠨ ᠶᠤᠰᠤᠨ
ᠠᠴᠢᠳᠤ ᠠᠪᠣ ᠡᠵᠢ ᠡᠴᠠ ᠡᠭᠢᠯᠡᠨ
ᠠᠢ᠌ᠯ ᠤᠨ ᠠᠬᠠ ᠳᠡᠭᠦᠤ ᠳᠠ ᠪᠦᠭᠦᠨ ᠳ᠋ᠤ
ᠠᠮᠳᠠᠳᠤ ᠠᠷᠢᠭᠢᠨ ᠳᠡᠭᠡᠵᠢ
ᠠᠯᠳᠠ ᠴᠠᠭᠠᠨ ᠬᠠᠳᠠᠭ ᠤᠨ ᠬᠠᠮᠳᠤ
ᠠᠮᠤᠷ ᠠᠰᠠᠭᠤᠨ ᠮᠠᠠᠳᠤ ᠶᠢ ᠮᠠᠳᠠᠨ
ᠠᠢ᠌ᠯᠠᠳᠬᠠᠨ ᠢᠷᠠᠯᠠ ᠪᠢᠳᠠ ᠨᠠᠷ》 ᠭᠡᠳ ᠵᠠᠯᠠᠭᠠᠭᠠᠤᠨ᠄
《ᠪᠣᠶᠠᠨ ᠲᠡᠶ ᠳᠦᠷᠦᠭ᠍ᠰᠡᠨ ᠭᠡᠦᠭᠡᠨ ᠵᠢᠠᠨ
ᠪᠣᠭᠳᠤᠯᠠᠵᠤ ᠱᠠᠩᠬᠤᠯᠠᠨ ᠠᠪᠣᠭᠠᠤᠨ
ᠬᠤᠳᠳᠤᠭ ᠣᠰᠤ ᠶᠢ ᠡ᠊ᠨᠳᠡ ᠭᠡᠵᠤ
ᠬᠤᠳᠠ ᠰᠦᠷᠦᠭ᠌ ᠨᠢ ᠡᠨᠡᠭᠦᠷ ᠭᠡᠳ
ᠥᠩᠭᠡᠳᠤ ᠳᠦᠷᠦᠭ᠍ᠰᠡᠨ ᠭᠡᠦᠭᠡᠨ ᠵᠢᠠᠨ
ᠡᠭᠦᠳᠡᠨ ᠳᠤ ᠴᠢᠨᠢ ᠠᠪᠴᠢᠷᠠᠯᠠ
ᠦᠷᠭᠦᠭᠡ ᠳᠤ ᠴᠢᠨᠢ ᠣᠷᠤᠭᠤᠯᠤᠯᠠ
ᠭᠠᠩᠭ᠋ᠠᠩ ᠰᠠᠢ᠌ᠬᠠᠨ ᠦᠷᠡ ᠶᠢ ᠪᠠᠨ
ᠭᠠᠷ ᠲᠤ ᠴᠢᠨᠢ ᠳᠤᠰᠢᠶᠠᠯᠠ
ᠭᠡᠭᠡᠨ ᠳᠦᠷᠦᠭ᠍ᠰᠡᠨ ᠭᠡᠦᠭᠡᠨ ᠵᠢᠠᠨ
ᠭᠡᠷ ᠲᠤ ᠴᠢᠨᠢ ᠠᠪᠴᠢᠷᠠᠯᠠ
ᠭᠡᠷᠭᠡᠢ ᠪᠣᠯᠭᠠᠨ ᠦᠭᠭᠦᠯᠡ ᠭᠡᠳᠡᠭ᠌᠃
ᠠᠯᠤᠰ ᠭᠠᠵᠠᠷ ᠢ ᠤᠢ᠌ᠷᠠᠳᠤᠭᠤᠯᠳᠠᠭ
ᠠᠭᠳᠠ ᠮᠤᠷᠢᠨ ᠡᠷᠳᠡᠨᠢ ᠶᠤᠮ
ᠬᠤᠶᠠᠷ ᠭᠦᠮᠤᠨ ᠢ ᠤᠢ᠌ᠷᠠᠳᠤᠭᠤᠯᠳᠠᠭ
ᠭᠡᠦᠭᠡᠨ ᠦᠷᠡ ᠨᠢ ᠡᠷᠳᠡᠨᠢ ᠶᠤᠮ
ᠠᠯᠳᠠᠢ ᠬᠠᠩᠭ᠋ᠠᠢ ᠮᠠᠳᠤ
ᠦᠨᠳᠦᠷ ᠪᠣᠭᠤᠨᠢ ᠠᠭᠤᠯᠠ ᠪᠠᠷ ᠬᠤᠯᠪᠣᠭᠠ ᠳᠠᠢ
ᠳᠠᠳᠠᠬᠤᠯᠠ ᠳᠠᠰᠤᠷᠠᠳᠠᠭ ᠥᠭᠡᠢ
ᠲᠦᠮᠡᠨ ᠵᠢᠯ ᠤᠨ ᠡᠯᠢᠭᠡᠨ ᠰᠠᠳᠤᠨ ᠪᠣᠯᠤᠶᠠ
ᠮᠠᠳᠠᠬᠤᠯᠠ ᠮᠠᠳᠠᠷᠠᠰᠢ ᠥᠭᠡᠢ
ᠮᠢᠩᠭ᠋ᠠᠨ ᠵᠢᠯ ᠤᠨ ᠬᠤᠳᠠ ᠣᠷᠤᠭ ᠪᠣᠯᠤᠶᠠ ᠭᠡᠵᠤ
ᠡᠳᠦᠷ ᠤᠨ ᠰᠠᠢ᠌ᠨ ᠢ ᠣᠠᠴᠠᠭᠠᠢ᠌ᠯᠠᠨ
ᠦᠯᠵᠡᠢ ᠳᠠᠮᠪᠠᠷᠠᠯ ᠲᠡᠶ ᠡᠨᠡ ᠡᠳᠦᠷ ᠳᠤ
ᠳᠠᠨ ᠤ ᠦᠷᠡ ᠮᠠᠨ ᠤ ᠪᠣᠯᠳᠤᠭᠠᠢ ᠭᠡᠵᠤ
ᠮᠠᠨ ᠤ ᠦᠷᠡ ᠳᠠᠨ ᠤ ᠪᠣᠯᠳᠤᠭᠠᠢ ᠭᠡᠳ
ᠳᠠᠨ ᠤ ᠮᠠᠨ ᠤ ᠬᠤᠶᠠᠷ ᠠᠢ᠌ᠯ ᠨᠡᠢ᠌ᠯᠡᠭᠡᠳ
ᠨᠢᠭᠡ ᠡᠷᠦᠭᠡ ᠠᠢ᠌ᠯ ᠪᠣᠰᠬᠠᠬᠤ ᠶᠢᠨ ᠲᠦᠯᠦᠭᠡ
ᠣᠷᠤᠭ ᠡᠯᠢᠭᠡᠨ ᠪᠣᠯᠤᠶᠠ ᠭᠡᠵᠤ ᠢᠷᠠᠯᠠ ᠪᠢᠳᠠᠨ》 ᠭᠡᠪᠠᠯ ᠭᠦᠪᠠᠭᠦᠨ ᠤ ᠳᠠᠯᠠ ᠶᠢᠨ ᠪᠠᠷᠭᠡᠨ᠄
《ᠰᠠᠨᠠᠭᠰᠠᠨ ᠨᠢ ᠪᠦᠳᠦᠭᠦ ᠪᠣᠯᠳᠤᠭᠠᠢ
ᠰᠠᠭᠢᠭᠰᠠᠨ ᠨᠢ ᠦᠷᠦᠰᠢᠶᠡᠭᠦ ᠪᠣᠯᠳᠤᠭᠠᠢ
ᠮᠠᠨ ᠤ ᠦᠷᠡ ᠳᠠᠨᠠᠢ᠌ᠭᠢ ᠪᠣᠯᠳᠤᠭᠠᠢ
ᠳᠠᠨ ᠤ ᠦᠷᠡ ᠮᠠᠨᠠᠢ᠌ᠭᠢ ᠪᠣᠯᠳᠤᠭᠠᠢ
ᠶᠠᠪᠣᠭᠰᠠᠨ ᠶᠠᠪᠣᠳᠠᠯ ᠨᠢ ᠶᠤᠰᠤ ᠪᠠᠷ ᠪᠣᠯᠵᠤ
ᠢᠷᠡᠭ᠍ᠰᠡᠨ ᠣᠢ᠌ᠯᠠ ᠨᠢ ᠶᠤᠰᠤ ᠪᠠᠷ ᠪᠦᠳᠦᠵᠤ
ᠣᠷᠳᠤ ᠨᠠᠰᠤ ᠲᠡᠶ ᠣᠳᠠᠭᠠᠨ ᠵᠢᠷᠭᠠᠯ ᠲᠡᠶ
ᠦᠯᠵᠡᠢ᠌ᠳᠠᠢ ᠡᠷᠦᠭᠡ ᠭᠡᠷ ᠪᠣᠰᠬᠠᠵᠤ
ᠣᠮ ᠰᠠᠢ᠌ᠨ ᠠᠮᠤᠭᠤᠯᠠᠩ ᠡᠳ᠋ᠯᠡᠳᠦᠭᠡᠢ》 ᠭᠡᠳ ᠪᠠᠷᠢ ᠪᠠᠨ ᠣᠷᠤᠭᠤᠯᠵᠤ ᠠᠪᠣᠨᠠ᠃
ᠡᠭᠦᠨ ᠳᠤ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠢᠨ ᠠᠷᠢᠭᠢ ᠰᠠᠷᠬᠤᠤᠨ ᠲᠡᠶ ᠬᠠᠳᠠᠭ ᠶᠢᠡᠨ ᠪᠠᠷᠢᠵᠤ ᠡᠭᠦᠳᠡ ᠪᠠᠨ ᠨᠡᠭᠡᠭᠡᠵᠤ ᠣᠷᠤᠳᠠᠭ᠃
(ᠪᠠᠷᠢ ᠪᠠᠭᠤᠵᠤ ᠢᠷᠡᠭᠦ ᠳᠤ ᠳᠠᠭᠤᠯᠠᠬᠤ ᠳᠠᠭᠤᠤ)
《ᠳᠤᠭᠤᠨᠤ ᠲᠡᠶ ᠬᠠᠳᠠᠨ ᠳᠠᠭᠠᠨ ᠣᠷᠭᠤᠭᠰᠠᠨ
ᠳᠠᠪᠤᠨ ᠥᠩᠭᠡ ᠶᠢᠨ ᠴᠡᠴᠡᠭ᠌
ᠳᠠᠪᠤᠨ ᠥᠩᠭᠡ ᠶᠢᠨ ᠴᠡᠴᠡᠭ᠌ ᠡᠴᠠ
ᠳᠠᠨᠠᠷ ᠪᠦᠭᠦᠳᠡ ᠳᠤ ᠪᠠᠨ ᠪᠠᠷᠢᠶᠠ
ᠨᠤᠮᠤᠬᠠᠨ ᠪᠣᠷᠤᠬᠠᠨ ᠢ ᠪᠦᠳᠦᠷᠢᠭᠦᠯᠳᠡᠭ᠌
ᠨᠤᠳᠤᠭ ᠤᠨ ᠠᠷᠪᠢᠨ ᠰᠢᠷᠠᠯᠵᠢ
ᠨᠤᠶᠠᠤᠨ ᠰᠠᠢ᠌ᠳ ᠢ ᠴᠤᠭᠯᠠᠭᠤᠯᠳᠠᠭ
ᠠᠷᠢᠭᠢ ᠦᠷᠦᠭᠡ ᠬᠤᠶᠠᠷ
ᠣᠨᠤᠭᠰᠠᠨ ᠪᠣᠷᠤ ᠶᠢ ᠪᠦᠳᠦᠷᠢᠭᠦᠯᠳᠡᠭ᠌
ᠣᠰᠤᠨ ᠴᠠᠯᠴᠠᠬᠠᠢ ᠬᠤᠶᠠᠭᠤᠯᠠ
ᠣᠷᠤᠭ ᠵᠠᠯᠠᠭᠤᠴᠤᠳ ᠢ ᠴᠤᠭᠯᠠᠭᠤᠯᠳᠠᠭ
ᠣᠷᠢᠳᠤ ᠳᠦᠷᠤ ᠶᠢᠨ ᠬᠤᠷᠢᠮ᠃》
ᠪᠠᠷᠢ ᠪᠠᠭᠤᠵᠤ ᠢᠷᠡᠭᠦ ᠳᠡᠭᠡᠨ ᠠᠷᠪᠠᠨ ᠨᠢ᠋ᠮᠠᠨ ᠱᠠᠩᠬᠤ ᠲᠡᠶ ᠪᠢᠳᠡᠭᠦᠤ ᠭᠡᠦᠭᠡᠨ ᠣᠷᠤᠵᠤ ᠢᠷᠡᠳᠡᠭ᠌᠃ ᠭᠦᠷᠭᠡᠨ ᠭᠡᠦᠭᠡᠨ ᠬᠤᠶᠠᠷ ᠭᠡᠷ ᠲᠤ ᠭᠦᠷᠦᠭ᠍ᠰᠡᠨ ᠤ ᠳᠠᠷᠠᠭᠠ ᠱᠠᠭᠠᠠᠳᠤ ᠴᠢᠮᠦᠭᠡ ᠪᠠᠨ ᠱᠠᠭᠠ ᠲᠡᠶ ᠳᠠᠯᠠ ᠶᠢ ᠭᠡᠦᠭᠡᠨ ᠠᠳᠬᠤᠵᠤ ᠨᠥᠭᠦᠭᠡ ᠳᠠᠯᠠ ᠶᠢ ᠭᠦᠷᠭᠡᠨ ᠨᠢ ᠠᠳᠬᠤᠵᠤ ᠭᠦᠷᠭᠡᠨ ᠭᠡᠦᠭᠡᠨ ᠬᠤᠶᠠᠭᠤᠯᠠ ᠪᠠᠨ ᠳᠡᠭ᠍ᠷᠢ ᠳᠤ ᠮᠦᠷᠭᠦᠨᠡ᠃
《ᠬᠠᠷᠠ ᠦᠰᠦ ᠶᠢ ᠨᠢ ᠬᠠᠭᠠᠯᠵᠤ
ᠬᠠᠭᠠᠨ ᠳᠡᠭ᠍ᠷᠢ ᠳ᠋ᠤᠨᠢ ᠮᠦᠷᠭᠦᠭᠦᠯᠦᠨᠡ
ᠪᠣᠷᠤ ᠦᠰᠦ ᠶᠢ ᠨᠢ ᠬᠠᠭᠠᠯᠵᠤ
ᠪᠣᠷᠬᠠᠨ ᠳᠡᠭ᠍ᠷᠢ ᠳ᠋ᠤᠨᠢ ᠮᠦᠷᠭᠦᠭᠦᠯᠦᠨᠡ》 ᠭᠡᠳ ᠠᠷᠪᠠᠨ ᠨᠢ᠋ᠮᠠᠨ ᠱᠠᠩᠬᠤ ᠲᠡᠶ ᠭᠡᠦᠭᠡᠨ ᠤ ᠭᠡᠵᠢᠭᠡ ᠶᠢ ᠵᠠᠳᠠᠯᠤᠨ ᠬᠤᠶᠠᠷ ᠭᠡᠵᠢᠭᠡ ᠪᠣᠯᠭᠠᠨ ᠭᠦᠷᠦᠭᠡᠳ ᠪᠠᠷᠢ ᠶᠢ ᠬᠠᠳᠠᠮ ᠡᠵᠢ ᠳ᠋ᠤᠨᠢ ᠳᠤᠰᠢᠶᠠᠵᠤ ᠦᠭᠭᠦᠨᠡ᠃
(ᠪᠠᠷᠢ ᠶᠢ ᠬᠠᠳᠠᠮ ᠳᠤ ᠳᠤᠰᠢᠶᠠᠬᠤ ᠳᠠᠭᠤᠤ)
《ᠡᠷᠭᠡ ᠪᠠᠷᠭᠡ ᠪᠠᠷ ᠥᠰᠭᠡᠭ᠍ᠰᠡᠨ ᠶᠤᠮ
ᠡᠷᠭᠢᠵᠤ ᠰᠤᠷᠭᠠᠬᠤ ᠶᠢ ᠳᠠᠨ ᠳᠤ ᠳᠤᠰᠢᠶᠠᠯᠠ
ᠡᠭᠦᠨ ᠡᠴᠠ ᠬᠤᠵᠢᠮ ᠨᠢ
ᠥᠰᠭᠡᠨ ᠭᠦᠮᠦᠵᠢᠭᠦᠯᠵᠤ ᠠᠪᠣᠭᠠᠷᠠᠢ
ᠳᠡᠪᠢᠭᠦᠷ ᠪᠠᠷᠢᠬᠤ ᠶᠢ ᠨᠢ ᠦᠵᠡᠯᠠ
ᠳᠠᠪᠠᠯ ᠣᠶᠤᠬᠤ ᠶᠢ ᠨᠢ ᠥᠵᠡᠭᠡ ᠥᠭᠡᠢ
ᠳᠠᠮᠵᠢᠵᠤ ᠴᠠᠰᠢ ᠰᠤᠷᠭᠠᠬᠤ ᠵᠢ
ᠬᠤᠳᠠᠭᠠᠢ ᠳᠠᠨ ᠳᠠᠭᠠᠨ ᠳᠦᠰᠢᠭᠦᠯᠦᠶᠡ᠃
ᠭᠤᠳᠤᠯ ᠣᠶᠤᠬᠤ ᠶᠢ ᠨᠢ ᠦᠵᠡᠯᠠ
ᠭᠤᠯᠵᠠ ᠣᠶᠤᠬᠤ ᠶᠢ ᠨᠢ ᠥᠵᠡᠭᠡ ᠥᠭᠡᠢ
ᠭᠤᠤᠯᠯᠠᠵᠤ ᠴᠠᠰᠢ ᠰᠤᠷᠭᠠᠬᠤ ᠵᠢ
ᠬᠤᠳᠠᠭᠠᠢ ᠳᠠᠨ ᠳᠠᠭᠠᠨ ᠳᠦᠰᠢᠭᠦᠯᠦᠨᠡ᠃》
ᠭᠦᠷᠭᠡᠨ ᠤ ᠪᠠᠷᠠᠭᠠ ᠶᠢ ᠭᠡᠦᠭᠡᠨ ᠤ ᠭᠡᠷ ᠳᠤ ᠠᠪᠠᠴᠢᠨ ᠪᠠᠷᠠᠭᠤᠨ ᠳᠠᠯᠠ ᠳ᠋ᠤᠨᠢ ᠳᠠᠯᠪᠢᠵᠤ ᠬᠤᠨᠤᠭᠠᠤᠨ ᠮᠠᠷᠭᠠᠰᠢ ᠨᠢ ᠭᠡᠦᠭᠡᠨ ᠲᠡᠶ ᠪᠠᠨ ᠬᠠᠮᠳᠤ ᠠᠪᠠᠴᠢᠨᠠ᠃ ᠭᠡᠭᠦ ᠳᠡᠭᠡᠨ ᠪᠠᠷᠠᠭᠠᠨ ᠤ ᠳᠡᠷᠭᠡ ᠣᠷᠢᠳᠴᠢᠯᠠᠨ ᠶᠠᠪᠣᠭᠰᠠᠨ ᠪᠠᠢ᠌ᠬᠤ ᠭᠡᠷᠡᠭ᠍ᠳᠡᠢ᠃ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠪᠠᠷᠠᠭᠠᠨ ᠤ ᠳᠡᠷᠭᠡ ᠢᠷᠡᠭᠡᠳ ᠪᠠᠷᠠᠭᠠ ᠶᠢ ᠪᠠᠭᠤᠯᠭᠠᠬᠤ ᠦᠶᠡ ᠳᠤ ᠭᠠᠵᠠᠷ ᠲᠤ ᠪᠠᠭᠤᠯᠭᠠᠵᠤ ᠪᠣᠯᠬᠤ ᠦᠭᠡᠶ᠂ ᠡᠢ᠌ᠮᠤ ᠡᠴᠠ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠦᠮᠦᠰ ᠭᠡᠦᠭᠡᠨ ᠤ ᠪᠠᠷᠠᠭᠠ ᠶᠢ ᠪᠠᠭᠤᠯᠭᠠᠬᠤ ᠳᠠᠭᠠᠨ ᠶᠡᠭᠡ ᠭᠢᠴᠢᠶᠡᠩᠭᠦᠢᠯᠡᠨ ᠪᠠᠭᠤᠯᠭᠠᠵᠤ᠂ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠪᠠᠷᠭᠡᠨ ᠬᠤᠳᠠᠭᠠᠢ ᠨᠡᠷ ᠬᠠᠷᠠᠵᠤ ᠵᠤᠭᠰᠤᠳᠠᠭ᠃ ᠭᠡᠷᠪᠡ ᠭᠠᠵᠠᠷ ᠲᠤ ᠭᠦᠷᠭᠡᠪᠠᠯ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠦᠮᠦᠰ 《ᠪᠣᠤ ᠭᠠᠵᠠᠷ ᠲᠤ ᠭᠦᠷᠭᠡᠴᠢᠭᠡ ︕ ᠡᠨᠡ ᠴᠢᠨᠢ ᠮᠠᠨ ᠤ ᠭᠡᠦᠭᠡᠨ ᠤ ᠦᠨᠡ ᠴᠠᠨᠠ ᠲᠡᠶ ᠪᠠᠷᠠᠭᠠ ᠰᠢᠤ᠁》 ᠭᠡᠭᠦ ᠮᠠᠳᠤ ᠪᠠᠷ ᠠᠭᠤᠷᠯᠠᠵᠤ ᠵᠠᠭᠢᠷᠳᠠᠭ᠃ ᠡᠭᠦᠨ ᠳᠤ ᠭᠦᠷᠭᠡᠨ ᠳᠠᠯᠠ ᠡᠴᠠ ᠶᠠᠮᠠᠷ ᠴᠤ ᠥᠭᠡ ᠭᠡᠯᠡᠭᠦ ᠶᠤᠰᠤᠨ ᠪᠠᠢ᠌ᠬᠤ ᠦᠭᠡᠶ᠃ ᠵᠥᠪᠭᠡᠨ ᠳᠤᠭᠤᠢ ᠶᠠᠭᠤᠮᠠ ᠪᠠᠨ ᠭᠢᠵᠤ ᠶᠠᠪᠣᠵᠠᠭᠠᠨᠠ᠃ ᠣᠴᠢᠷ ᠨᠢ ᠭᠡᠦᠭᠡᠨ ᠳᠠᠯᠠ ᠡᠴᠠ ᠭᠡᠦᠭᠡᠨ ᠶᠢᠡᠨ ᠭᠦᠷᠭᠡᠵᠤ ᠢᠷᠠᠵᠤ ᠪᠠᠢ᠌ᠬᠤ ᠳᠤᠯᠠ ᠪᠦᠷᠢᠨ ᠡᠷᠭᠡ ᠲᠡᠶ ᠪᠦᠭᠡᠳ ᠣᠮᠤᠭᠳᠠᠢ ᠪᠠᠢ᠌ᠳᠠᠭ᠃
ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠬᠤᠳᠠ ᠬᠤᠳᠠᠭᠠᠢ ᠭᠡᠷ ᠲᠤ ᠣᠷᠤᠵᠤ ᠢᠷᠠᠨ ᠡᠭᠦᠳᠡᠨ ᠳᠠᠯᠠ ᠳᠤ ᠴᠤᠮᠴᠣᠢ᠌ᠨ ᠰᠠᠭᠤᠭᠠᠤᠨ ᠭᠡᠦᠭᠡᠨ ᠤ ᠪᠠᠷᠠᠭᠠ ᠪᠠᠯᠡᠭ᠌ ᠢ ᠳᠤᠭᠠ ᠶᠤᠰᠤᠭᠠᠷ ᠨᠢ ᠣᠯᠠᠨ ᠳᠤ ᠮᠡᠳᠡᠭᠦᠯᠦᠨᠡ᠃
《ᠠᠷᠠᠯ ᠳᠤ ᠪᠠᠭᠳᠠᠬᠤ ᠦᠭᠡᠶ ᠠᠮᠪᠠᠨ ᠱᠠᠷ
ᠠᠭᠳᠠ ᠮᠤᠷᠢ᠂ ᠠᠳᠠᠨ ᠳᠡᠮᠡᠭᠡ
ᠠᠯᠳᠠᠨ ᠡᠮᠡᠭᠡᠯ᠂ ᠮᠦᠩᠭᠦᠨ ᠬᠠᠵᠠᠭᠠᠷ
ᠳᠤᠭᠤᠯ ᠲᠡᠶ ᠦᠨᠢᠶᠡ᠂ ᠣᠨᠠᠭᠠ ᠲᠡᠶ ᠭᠡᠭᠦᠤ
ᠳᠠᠭᠤᠭᠠᠤᠨ ᠠᠪᠴᠢᠷᠠᠭᠰᠠᠨ ᠬᠤᠨᠢᠨ ᠰᠦᠷᠦᠭ᠌
ᠳᠤᠯᠤᠮ ᠳᠤ ᠰᠠᠪᠠᠯᠠᠭᠰᠠᠨ ᠵᠤᠭᠤᠰ ᠮᠦᠩᠭᠦ
ᠳᠠᠷᠬᠠᠨ ᠭᠦᠮᠤᠨ ᠤ ᠳᠠᠪᠳᠠᠵᠤ ᠵᠤᠬᠢᠶᠠᠭᠰᠠᠨ
ᠳᠠᠪᠠᠭᠤ ᠶᠠᠩᠵᠤ ᠲᠡᠶ ᠪᠠᠭᠤᠪᠴᠢ ᠪᠦᠯᠡᠴᠡᠭ᠌
ᠡᠭᠡᠨᠡᠷ ᠭᠦᠮᠤᠨ ᠤ ᠵᠠᠰᠠᠯ ᠴᠢᠮᠡᠭᠯᠡᠯ
ᠡᠯᠳᠡᠪ ᠵᠣᠢ᠌ᠯ ᠤᠨ ᠡᠭᠡᠮᠦᠭ᠌ ᠰᠥᠢᠭᠡ
ᠡᠪᠭᠡᠮᠡᠯ ᠳᠤᠷᠭᠠ᠂ ᠴᠢᠰᠴᠠᠤ ᠳᠤᠷᠳᠤᠩ
ᠡᠷᠢᠶᠡᠨ ᠴᠤᠬᠤᠷ ᠡᠩ ᠲᠡᠶ ᠪᠦᠰ
ᠬᠠᠯᠢᠭᠤ ᠪᠣᠯᠠᠭᠠ ᠶᠢᠨ ᠦᠴᠢ ᠳᠠᠪᠠᠯ
ᠬᠠᠷᠠ ᠬᠤᠷᠭᠠᠨ ᠠᠷᠠᠰᠤᠨ ᠮᠠᠯᠠᠭᠠᠢ
ᠳᠠᠵᠢ ᠳᠤᠷᠭᠠᠨ ᠭᠦᠡᠵᠢᠯᠡ ᠳᠡᠪᠢᠰᠭᠡᠷ
ᠬᠠᠮᠪᠣ ᠳᠤᠷᠭᠠᠨ ᠣᠯᠪᠣᠭ ᠬᠤᠤᠰ
ᠬᠠᠰ ᠤᠨ ᠭᠡ ᠲᠡᠶ ᠰᠢᠷᠢᠮᠠᠯ ᠰᠢᠷᠳᠡᠭ᠌
ᠬᠠᠪᠳᠠᠭᠠᠢ ᠳᠦᠷᠪᠠᠯᠵᠢᠨ ᠳᠠᠷᠠ ᠬᠤᠤᠰ
ᠽᠠᠠᠳᠠᠨ ᠮᠤᠳᠤ ᠶᠢ ᠵᠦᠰᠤᠵᠤ ᠭᠢᠭ᠍ᠰᠡᠨ
ᠬᠤᠰᠤᠨ ᠮᠤᠳᠤ ᠶᠢ ᠭᠢᠷᠦᠭᠡᠳᠡᠵᠤ ᠣᠷᠠᠯᠠᠭᠰᠠᠨ
ᠠᠯᠳᠠᠨ ᠵᠢᠷᠤᠮᠠᠯ ᠵᠢᠷᠤᠭ ᠳᠠᠢ
ᠠᠪᠳᠠᠷᠠ ᠥᠭᠡᠭ᠌ ᠬᠤᠤᠰ ᠬᠤᠤᠰ
ᠪᠠᠷᠢ ᠭᠦᠮᠤᠨ ᠤ ᠡᠳ᠋ᠯᠡᠯ ᠭᠡᠷᠡᠭ᠍ᠰᠡᠯ
ᠪᠦᠭᠦᠳᠡ ᠪᠠᠢ᠌ᠬᠤ ᠶᠢ ᠮᠡᠳᠡᠭᠦᠯᠦᠯᠡ》 ᠭᠡᠳᠡᠭ᠌᠃
ᠭᠤᠷᠪᠠ᠂ ᠪᠠᠷᠢ ᠶᠢᠨ ᠵᠠᠰᠠᠯ ᠴᠢᠮᠡᠭᠯᠡᠯ
ᠰᠢ᠌ᠭᠡ (ᠰᠥᠢᠭᠡ) ᠭᠡᠵᠤ ᠡᠭᠡᠮᠦᠭ᠌ ᠵᠡᠭᠦᠨᠡ᠃ ᠡᠨᠡ ᠨᠢ ᠳᠤᠮᠳᠠ ᠨᠢ ᠣᠯᠠᠭᠠᠨ ᠱᠢᠷᠤ ᠲᠡᠶ᠂ ᠬᠤᠶᠠᠷ ᠥᠵᠦᠭᠦᠷ ᠳᠤᠨᠢ ᠬᠤᠶᠠᠷ ᠨᠤᠮᠢᠨ ᠲᠡᠶ᠂ ᠨᠠᠯᠢᠶᠠᠤᠨ ᠭᠦᠡᠳᠤ ᠳᠤᠯᠠ ᠴᠢᠭᠢ ᠳᠠᠭᠠᠭᠠᠬᠤ ᠦᠭᠡᠶ ᠡᠴᠠ ᠪᠣᠯᠭᠤᠮᠵᠢᠯᠠᠨ ᠴᠢᠭᠢᠨ ᠡᠴᠠ ᠪᠠᠨ ᠣᠳᠠᠰᠤ ᠪᠠᠷ ᠳᠡᠭᠦᠵᠢᠯᠡᠨᠡ᠃
ᠭᠡᠦᠭᠡᠨ ᠳᠦᠷᠭᠦᠮ ᠤᠨ ᠭᠡᠷ ᠡᠴᠠ ᠮᠤᠷᠳᠠᠬᠤ ᠳᠠᠭᠠᠨ ᠳᠤᠯᠤᠭᠠᠢ ᠶᠢᠨ ᠦᠰᠦ ᠪᠠᠨ ᠱᠠᠩᠬᠤᠯᠠᠨᠠ᠃ ᠱᠠᠩᠬᠤ ᠭᠡᠳᠡᠭ᠌ ᠨᠢ ᠳᠤᠯᠤᠭᠠᠢ ᠶᠢᠨ ᠦᠰᠦ ᠶᠢ ᠳᠤᠮᠳᠠᠭᠤᠷ ᠨᠢ ᠵᠠᠭᠠᠭᠯᠠᠨ ᠪᠠᠷᠠᠭᠤᠨ ᠳᠠᠯᠠ ᠶᠢᠨ ᠭᠡᠵᠢᠭᠡ ᠶᠢ ᠨᠢ ᠭᠤᠷᠪᠠ ᠭᠤᠷᠪᠠ ᠪᠠᠷ ᠶᠢᠰᠤ ᠭᠦᠷᠦᠵᠤ᠂ ᠵᠡᠭᠦᠨ ᠳᠠᠯᠠ ᠶᠢᠨ ᠭᠡᠵᠢᠭᠡ ᠶᠢ ᠨᠢ ᠪᠠᠰᠠ ᠭᠤᠷᠪᠠ ᠭᠤᠷᠪᠠ ᠪᠠᠷ ᠶᠢᠰᠤ ᠭᠦᠷᠦᠨᠡ᠃ ᠠᠷᠤ ᠳ᠋ᠤᠨᠢ ᠭᠠᠭᠴᠠ ᠭᠡᠵᠢᠭᠡ ᠭᠦᠷᠦᠭᠡᠳ ᠪᠣᠭᠤᠳᠠᠭ ᠶᠢᠡᠷ ᠪᠣᠭᠤᠨᠠ᠃ ᠬᠠᠷᠠ ᠦᠰᠦ ᠶᠢ ᠨᠢ ᠬᠠᠭᠠᠯᠠᠵᠤ᠂ ᠬᠠᠭᠠᠨ ᠳᠡᠭ᠍ᠷᠢ ᠳ᠋ᠤᠨᠢ ᠮᠦᠷᠭᠦᠭᠦ ᠡᠴᠠ ᠡᠮᠦᠨᠡ ᠪᠠᠷᠢ ᠪᠣᠯᠬᠤ ᠭᠡᠦᠭᠡᠨ ᠨᠢ ᠠᠷᠪᠠᠨ ᠨᠢ᠋ᠮᠠᠨ ᠱᠠᠩᠬᠤ ᠲᠡᠶ ᠪᠢᠳᠡᠭᠦᠤ ᠭᠡᠦᠭᠡᠨ ᠣᠷᠤᠵᠤ ᠢᠷᠡᠳᠡᠭ᠌᠃
ᠬᠤᠶᠠᠷ ᠪᠠᠷᠭᠡᠨ ᠨᠢ ᠠᠷᠪᠠᠨ ᠨᠢ᠋ᠮᠠᠨ ᠱᠠᠩᠬᠤ ᠭᠡᠵᠢᠭᠡ ᠶᠢ ᠵᠠᠳᠠᠯᠤᠨ ᠰᠢᠷᠠ ᠦᠰᠦ ᠶᠢ ᠳᠡᠭᠦᠨᠡ᠃ ᠡᠭᠦᠨ ᠤ ᠳᠠᠷᠠᠭᠠ ᠪᠠᠷ ᠬᠤᠶᠠᠷ ᠭᠡᠵᠢᠭᠡ ᠪᠣᠯᠭᠠᠨ ᠭᠦᠷᠦᠵᠤ᠂ ᠭᠦᠷᠦᠮᠡᠯ ᠭᠡᠵᠢᠭᠡᠨ ᠤ ᠥᠵᠦᠭᠦᠷ ᠲᠤ ᠵᠠᠯᠭᠠᠭᠤᠷᠠᠢ ᠦᠰᠦ ᠪᠠᠨ ᠵᠠᠯᠭᠠᠨᠠ᠃ ᠵᠠᠯᠭᠠᠭᠤᠷᠠᠢ ᠦᠰᠦ ᠶᠢᠨ ᠥᠵᠦᠭᠦᠷ ᠳᠤᠨᠢ ᠳᠤᠭᠢᠭ ᠵᠡᠭᠦᠯᠭᠡᠨᠡ᠃ ᠳᠤᠭᠢᠭ ᠨᠢ ᠬᠠᠷᠠ ᠮᠢᠠᠳᠠᠰᠤᠨ ᠣᠠᠵᠢᠯᠭᠠ ᠲᠡᠶ᠂ ᠳᠡᠭᠡᠷᠡ ᠳᠠᠯᠠ ᠳ᠋ᠤᠨᠢ ᠠᠯᠳᠠᠨ ᠣᠳᠠᠰᠤᠨ ᠣᠷᠢᠶᠠᠮᠠᠭ ᠲᠡᠶ ᠪᠠᠢ᠌ᠳᠠᠭ᠃
ᠭᠦᠷᠦᠭ᠍ᠰᠡᠨ ᠬᠤᠶᠠᠷ ᠭᠡᠵᠢᠭᠡ ᠪᠠᠨ ᠡᠮᠦᠨᠡ ᠡᠩᠭᠡᠷ ᠣᠷᠤᠭᠤ ᠪᠠᠨ ᠵᠡᠷᠭᠡᠴᠡᠭᠦᠯᠤᠨ ᠪᠠᠭᠤᠯᠭᠠᠵᠤ ᠡᠷᠪᠠᠭᠡᠢ ᠭᠡᠯᠪᠠᠷᠢᠳᠤ ᠮᠦᠩᠭᠦᠨ ᠡᠳ᠋ᠯᠡᠯ ᠶᠢᠡᠷ ᠬᠤᠯᠪᠣᠨᠠ᠃ ᠡᠷᠪᠠᠭᠡᠢ ᠨᠢ ᠬᠤᠶᠠᠷ ᠬᠤᠤᠰ ᠪᠣᠶᠤ ᠳᠦᠷᠪᠠᠨ ᠬᠤᠤᠰ ᠪᠠᠢ᠌ᠵᠤ ᠴᠤ ᠪᠣᠯᠤᠨᠠ᠃ ᠡᠨᠡᠭᠦ ᠬᠤᠶᠠᠷ ᠡᠷᠪᠠᠭᠡᠢ ᠶᠢ ᠬᠤᠭᠤᠷᠤᠠᠳᠤ ᠨᠢ ᠬᠤᠯᠪᠣᠨᠠ᠃
ᠭᠡᠵᠢᠭᠡ ᠪᠠᠭᠤᠯᠭᠠᠭᠰᠠᠨ ᠤ ᠳᠠᠷᠠᠭᠠ ᠬᠠᠷᠠ ᠰᠢᠪᠠᠭᠠ ᠪᠠᠷ ᠮᠠᠩᠨᠠᠢ ᠳᠡᠭᠡᠭᠦᠷ ᠨᠢ ᠬᠠᠪᠳᠠᠢ᠌ᠯᠭᠠᠨ ᠣᠷᠢᠶᠠᠨ ᠣᠶᠠᠵᠤ ᠣᠠᠵᠢᠯᠭᠠ ᠶᠢ ᠨᠢ ᠵᠡᠭᠦᠨ ᠳᠠᠯᠠ ᠳ᠋ᠤᠨᠢ ᠭᠠᠷᠭᠠᠳᠠᠭ᠃ ᠣᠴᠢᠷ ᠨᠢ ᠰᠢᠨᠠ ᠪᠠᠷᠢ ᠪᠠᠷᠠᠭᠤᠨ ᠭᠠᠷ ᠲᠤ ᠪᠠᠨ ᠴᠠᠢ ᠶᠢᠨ ᠠᠶᠠᠭᠠ ᠪᠠᠷᠢᠬᠤ ᠳᠤᠯᠠ ᠵᠡᠭᠦᠨ ᠳᠠᠯᠠ ᠳ᠋ᠤᠨᠢ ᠣᠶᠠᠳᠠᠭ᠃ ᠵᠤᠴᠢᠳ ᠲᠤ ᠴᠠᠢ ᠪᠠᠷᠢᠬᠤ ᠳᠠᠭᠠᠨ ᠳᠤᠯᠤᠭᠠᠢ ᠪᠠᠨ ᠪᠠᠬᠠᠨ ᠵᠡᠭᠦᠡᠰᠢ ᠳᠡᠯᠵᠢᠯᠭᠢᠯᠭᠡᠵᠤ ᠪᠠᠷᠠᠭᠤᠨ ᠭᠠᠷ ᠶᠢᠡᠷ ᠴᠠᠢ ᠶᠢᠨ ᠠᠶᠠᠭᠠ ᠪᠠᠷᠢᠵᠤ ᠵᠡᠭᠦᠨ ᠭᠠᠷ ᠢ ᠳᠤᠤᠷᠠ ᠨᠢ ᠳᠤᠰᠤᠨᠠ᠃ ᠡᠪᠦᠷ ᠡᠩᠭᠡᠷ ᠤᠨ ᠭᠠᠷᠠᠨᠠ ᠡᠴᠠ ᠵᠡᠭᠦᠦᠴᠢ᠂ ᠰᠡᠳᠭᠢᠭᠦᠷ᠂ ᠬᠠᠪᠳᠠᠷᠭᠠ ᠵᠡᠷᠭᠡ ᠶᠢ ᠵᠡᠭᠦᠨᠡ᠃
ᠡᠮᠦᠰᠦᠭ᠍ᠰᠡᠨ ᠬᠤᠪᠴᠠᠰᠤ ᠳᠡᠭᠡᠷᠡ ᠪᠠᠨ ᠰᠸᠭ᠍ᠳᠧᠭ᠌ ᠭᠡᠳᠡᠭ᠌ ᠬᠠᠠᠴᠤᠢ ᠦᠭᠡᠶ ᠨᠢᠭᠡᠨ ᠬᠤᠪᠴᠠᠰᠤ ᠡᠮᠦᠰᠴᠤ ᠳᠠᠰᠢᠶᠠᠨ ᠡᠴᠠ ᠪᠠᠨ ᠳᠤᠷᠳᠤᠩ ᠠᠯᠴᠢᠭᠤᠷ ᠭᠤᠷᠪᠠ ᠭᠤᠷᠪᠠ ᠪᠠᠷ ᠵᠡᠭᠦᠭᠡᠳ ᠪᠠᠯᠡᠭ᠌ ᠲᠤ ᠢᠷᠡᠭ᠍ᠰᠡᠨ ᠳᠤᠷᠳᠤᠩ ᠠᠯᠴᠢᠭᠤᠷ ᠤᠳ ᠢ ᠪᠠᠰᠠ ᠨᠠᠮᠠᠵᠤ ᠵᠡᠭᠦᠨᠡ᠃ ᠭᠤᠤ ᠭᠡᠵᠤ ᠪᠠᠰᠠ ᠨᠢᠭᠡᠨ ᠳᠤᠭᠤᠷᠢᠭ ᠭᠡᠯᠪᠠᠷᠢ ᠲᠡᠶ ᠮᠦᠩᠭᠦ ᠪᠠᠷ ᠭᠢᠭ᠍ᠰᠡᠨ ᠵᠠᠰᠠᠯ ᠤᠨ ᠡᠳ᠋ᠯᠡᠯ ᠢ ᠵᠡᠭᠦᠨᠡ᠃
ᠰᠢᠨᠠ ᠪᠠᠷᠢ ᠳᠤ ᠨᠤᠶᠠᠨ ᠭᠦᠮᠤᠨ ᠤ ᠭᠦᠷᠮᠡ ᠶᠢ ᠨᠥᠮᠦᠷᠦᠭᠦᠯᠤᠨ ᠳᠤᠭᠤᠷᠢᠭ ᠮᠠᠯᠠᠭᠠᠢ ᠶᠢ ᠳᠤᠷᠤᠭᠰᠢ ᠳᠠᠷᠤᠨ ᠵᠡᠭᠦᠯᠭᠡᠨᠡ᠃ ᠡᠭᠦᠨ ᠢ (ᠭᠡᠦᠭᠡᠨ ᠢ ᠣᠷᠤᠭᠤ ᠳᠠᠷᠤᠬᠤ ᠭᠡᠨᠡ)
ᠢᠩᠭᠢᠭᠡᠳ ᠪᠠᠭᠤᠪᠴᠢ᠂ ᠡᠭᠡᠮᠦᠭ᠌᠂ ᠪᠦᠯᠡᠵᠡᠩ ᠭᠡᠭᠦ ᠮᠠᠳᠤ ᠵᠠᠰᠠᠯ ᠵᠢᠮᠰᠡᠭ᠌ ᠵᠡᠭᠦᠯᠭᠡᠨᠡ᠃ ᠵᠠᠰᠠᠯ ᠵᠢᠮᠰᠡᠭ᠌ ᠲᠤ ᠨᠢ ᠮᠦᠩᠭᠦᠨ ᠪᠣᠶᠤ ᠳᠠᠨᠠ᠂ ᠤᠭ᠍ᠶᠤ᠂ ᠱᠢᠷᠤ᠂ ᠰᠤᠪᠣᠤᠨ᠂ ᠬᠠᠰ ᠤᠨ ᠰᠢᠭᠢᠳᠭᠡᠷᠢ ᠲᠡᠶ ᠴᠤ ᠪᠠᠢ᠌ᠳᠠᠭ᠃
ᠥᠭᠡᠯᠡᠳ ᠮᠤᠩᠭ᠋ᠤᠯ ᠤᠨ ᠰᠢᠨᠠ ᠪᠠᠷᠢ ᠶᠢᠨ ᠵᠠᠰᠠᠯ ᠵᠢᠮᠰᠡᠭ᠌ ᠤᠨ ᠵᠣᠢ᠌ᠯ ᠭᠡᠵᠤ ᠦᠨᠡᠳᠠᠢ ᠮᠦᠷᠳᠡᠭᠡᠨ ᠭᠤᠶᠤ ᠰᠠᠢ᠌ᠬᠠᠨ ᠪᠠᠢ᠌ᠳᠠᠭ᠃ ᠡᠭᠦᠨ ᠳᠤ ᠠᠢ᠌ᠯ ᠠᠢ᠌ᠯ ᠦᠪᠡᠷ ᠤᠨ ᠭᠡᠪᠴᠢᠶᠡᠨ ᠳᠤᠳᠤᠷᠠ ᠵᠠᠰᠠᠯ ᠵᠢᠮᠰᠡᠭ᠌ ᠤᠨ ᠵᠣᠢ᠌ᠯᠠᠰ ᠶᠢᠡᠨ ᠪᠡᠯᠡᠳᠭᠡᠨᠡ᠃ ᠣᠯᠠᠨ ᠶᠠᠩᠵᠤ ᠶᠢᠨ ᠵᠠᠰᠠᠯ ᠵᠢᠮᠰᠡᠭ᠌ ᠵᠡᠭᠦᠭᠡᠳ ᠢᠷᠡᠭᠦ ᠳᠤ ᠳᠡᠩᠭᠡᠭᠡ ᠴᠢᠳᠠᠯ ᠣᠶᠠᠨ ᠶᠤᠮ ᠦᠦ᠂ ᠪᠠᠭᠠ ᠨᠠᠰᠤᠨ ᠤ ᠭᠡᠦᠭᠡᠨ ᠳᠤ ᠪᠣᠯ ᠳᠠᠭᠠᠭᠠᠵᠤ ᠳᠠᠪᠠᠰᠢ ᠦᠭᠡᠶ ᠶᠠᠪᠣᠳᠠᠯ ᠪᠣᠯᠳᠠᠭ ᠭᠡᠰᠡᠨ᠃ ᠡᠳᠡᠭᠡᠷ ᠵᠠᠰᠠᠯ ᠵᠢᠮᠰᠡᠭ᠌ ᠲᠤ ᠳᠤᠯᠤᠭᠠᠢ ᠶᠢᠨ ᠵᠠᠰᠠᠯ᠂ ᠬᠤᠪᠴᠠᠰᠤᠨ ᠤ ᠵᠠᠰᠠᠯ᠂ ᠭᠠᠷ ᠤᠨ ᠵᠠᠰᠠᠯ᠂ ᠭᠦᠯ ᠤᠨ ᠵᠠᠰᠠᠯ ᠭᠡᠵᠤ ᠳᠦᠷᠤᠯ ᠵᠣᠢ᠌ᠯ ᠬᠤᠪᠢᠶᠠᠨᠠ᠃ ᠳᠤᠯᠤᠭᠠᠢ ᠶᠢᠨ ᠵᠠᠰᠠᠯ ᠳᠤᠳᠤᠷᠠ ᠳᠤᠭᠤᠷᠴᠠᠭ᠂ ᠪᠠᠰᠠᠯᠢᠭ᠂ ᠰᠠᠢ᠌ᠭᠢ᠂ ᠱᠢᠪᠠᠷᠳᠠᠭ ᠭᠡᠭᠦ ᠮᠠᠳᠤ ᠪᠠᠢ᠌ᠳᠠᠭ᠃ ᠮᠠᠯᠠᠭᠠᠢ ᠵᠡᠭᠦᠭᠦ ᠡᠴᠠ ᠭᠠᠳᠠᠨᠠ ᠠᠯᠳᠠ ᠮᠦᠩᠭᠦᠨ ᠪᠣᠶᠤ ᠡᠯᠳᠡᠪ ᠤᠨ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ ᠶᠢᠨ ᠰᠢᠭᠢᠳᠭᠡᠷᠢ ᠲᠡᠶ ᠣᠠᠵᠢᠯᠭᠠ ᠲᠡᠶ ᠬᠠᠳᠬᠤᠭᠤᠷ ᠬᠠᠳᠬᠤᠨᠠ᠃
ᠬᠤᠪᠴᠠᠰᠤᠨ ᠤ ᠳᠤᠳᠤᠷᠠ ᠳᠡᠷᠯᠢᠭ᠌᠂ ᠴᠠᠮᠴᠠ᠂ ᠭᠠᠭᠠᠷ᠂ ᠪᠢᠱᠢᠮᠠᠤᠨ᠂ ᠬᠠᠠᠳᠠᠭᠠᠰᠤ ᠵᠡᠷᠭᠡ ᠪᠣᠢ᠃ ᠭᠠᠷ ᠤᠨ ᠵᠠᠰᠠᠯ ᠳᠤ ᠪᠠᠭᠤᠪᠴᠢ᠂ ᠪᠦᠯᠡᠵᠡᠩ ᠭᠡᠭᠦ ᠮᠠᠳᠤ᠃ ᠭᠦᠯ ᠤᠨ ᠵᠠᠰᠠᠯ ᠳᠤ ᠠᠷᠠᠰᠤᠨ ᠭᠤᠳᠤᠯ᠂ ᠮᠠᠭᠠᠨ ᠭᠤᠳᠤᠯ᠂ ᠰᠥᠭᠦᠭᠡᠢ ᠭᠤᠳᠤᠯ᠂ ᠡᠪᠦᠯ ᠤᠨ ᠪᠦᠷᠭᠡ ᠭᠤᠳᠤᠯ᠂ ᠢᠰᠡᠭᠡᠢ ᠭᠤᠳᠤᠯ ᠭᠡᠵᠤ ᠰᠢᠨᠠ ᠪᠠᠷᠢ ᠴᠠᠭ ᠣᠯᠠᠷᠢᠯ ᠳᠠᠭᠠᠨ ᠵᠤᠭᠢᠴᠠᠭᠤᠯᠤᠨ ᠳᠤᠳᠠᠭᠤ ᠦᠭᠡᠶ ᠡᠮᠦᠰᠦᠨᠡ᠃ ᠬᠠᠳᠠᠮ ᠠᠪᠣ ᠡᠵᠢ ᠶᠢᠨ ᠭᠡᠷ ᠲᠤ ᠣᠷᠤᠬᠤ ᠳᠤ ᠰᠢᠨᠠ ᠪᠠᠷᠢ ᠶᠢᠨ ᠵᠠᠰᠠᠯ ᠬᠤᠪᠴᠠᠰᠤ ᠲᠡᠶ ᠣᠷᠤᠵᠤ ᠡᠭᠦᠳᠡᠨ ᠳᠡᠷᠭᠡᠳᠡ ᠰᠠᠭᠤᠵᠤ᠂ ᠣᠷᠤᠵᠤ ᠭᠠᠷᠬᠤ ᠳᠠᠭᠠᠨ ᠠᠷᠤ ᠪᠠᠷ ᠶᠢᠡᠨ ᠭᠠᠷᠤᠨᠠ᠃ ᠡᠨᠡ ᠨᠢ ᠬᠠᠳᠠᠮ ᠠᠪᠣ ᠡᠵᠢ ᠪᠠᠨ ᠭᠦᠡᠳᠦᠳᠭᠡᠭ᠍ᠰᠡᠨ ᠶᠠᠪᠣᠳᠠᠯ ᠪᠣᠯᠤᠨᠠ᠃ ᠭᠡᠵᠢᠶᠡ ᠬᠣᠢ᠌ᠨᠠ ᠬᠠᠳᠠᠮ ᠡᠵᠢ ᠨᠢ ᠪᠠᠷᠢ ᠪᠠᠨ ᠳᠠᠭᠤᠳᠠᠵᠤ ᠴᠠᠢ ᠥᠭ᠍ᠴᠤ ᠪᠠᠸᠷᠢ ᠳᠠᠢ᠌ᠯᠬᠤ ᠬᠤᠷᠢᠮ ᠨᠠᠢ᠌ᠷ ᠭᠢᠪᠠᠯ ᠰᠠᠶᠢ ᠭᠡᠵᠢᠭᠡ ᠪᠠᠨ ᠵᠠᠭᠠᠭᠯᠠᠨ ᠬᠤᠶᠠᠷ ᠭᠡᠵᠢᠭᠡ ᠭᠦᠷᠦᠵᠤ᠂ ᠬᠤᠪᠴᠠᠰᠤᠨ ᠤ ᠬᠤᠭᠤᠯᠠᠢ ᠶᠢᠨ ᠳᠤᠪᠴᠢ ᠪᠠᠷ ᠳᠠᠢ᠌ᠯᠵᠤ᠂ ᠪᠠᠷᠢ ᠣᠷᠤᠭᠰᠠᠨ ᠬᠤᠪᠴᠠᠰᠤ ᠪᠠᠨ ᠰᠤᠯᠢᠵᠤ ᠣᠭ ᠤᠨ ᠠᠳᠠᠯᠢ ᠪᠠᠷᠢᠯᠡᠭᠦ ᠦᠭᠡᠶ᠂ ᠨᠢᠭᠡᠨᠲᠡ ᠬᠠᠭᠤᠴᠢᠨ ᠪᠠᠷᠢ ᠪᠣᠯᠳᠠᠭ ᠪᠠᠢ᠌ᠨᠠ᠃ ᠡᠨᠡ ᠪᠣᠯ ᠥᠭᠡᠯᠡᠳ ᠮᠤᠩᠭ᠋ᠤᠯ ᠤᠨ ᠪᠠᠷᠢ ᠳᠠᠢ᠌ᠯᠬᠤ ᠶᠤᠰᠤᠨ ᠪᠣᠯᠤᠨᠠ᠃
ᠰᠢᠨᠠ ᠭᠦᠷᠭᠡᠨ ᠬᠤᠷᠢᠮᠯᠠᠬᠤ ᠵᠠᠰᠠᠯ ᠤᠨ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠴᠤ ᠳᠤᠷᠳᠤᠩ ᠪᠦᠰᠡ ᠪᠠᠨ ᠪᠠᠬᠠᠨ ᠭᠦᠭᠡᠷᠭᠡᠨ ᠪᠦᠰᠡᠯᠡᠵᠤ ᠪᠠᠷᠠᠭᠤᠨ ᠳᠠᠰᠢᠶᠠᠨ ᠳᠠᠭᠠᠨ ᠭᠡᠳᠡ ᠴᠠᠭᠢᠭᠤᠷ ᠭᠢᠳᠤᠭᠠ ᠪᠠᠨ ᠵᠡᠭᠦᠵᠤ᠂ ᠵᠡᠭᠦᠨ ᠳᠠᠰᠢᠶᠠᠨ ᠤ ᠡᠮᠦᠨᠡ ᠳᠠᠯᠠ ᠳᠤ ᠥᠩᠭᠡ ᠶᠢᠨ ᠳᠤᠷᠭᠠ ᠪᠠᠷ ᠭᠢᠭ᠍ᠰᠡᠨ ᠭᠦᠭᠡᠷᠡᠭ᠌ ᠤᠨ ᠣᠭᠤᠳᠠ ᠰᠣᠢ᠌ᠷᠠᠵᠤ ᠳᠤᠳᠤᠷᠠ ᠨᠢ ᠮᠠᠨᠤᠬᠤ᠂ ᠬᠠᠰ ᠮᠠᠳᠤ ᠶᠢᠨ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ ᠪᠠᠷ ᠭᠢᠭ᠍ᠰᠡᠨ ᠭᠦᠭᠡᠷᠡᠭ᠌ ᠶᠢᠡᠨ ᠰᠠᠪᠠᠯᠠᠨᠠ᠃ ᠬᠤᠪᠴᠠᠰᠤᠨ ᠤ ᠠᠷᠤ ᠪᠦᠰᠡ ᠳᠤ ᠬᠠᠳᠬᠤᠮᠠᠯ ᠭᠡ ᠣᠭᠠᠯᠵᠠ ᠲᠡᠶ ᠬᠠᠪᠳᠠᠷᠭᠠᠨ ᠳᠤ ᠭᠠᠩᠰᠠ ᠪᠠᠨ ᠳᠦᠷᠢᠭᠡᠳ ᠰᠣᠢ᠌ᠷᠠᠨᠠ᠃
ᠳᠦᠷᠪᠠ᠂ ᠭᠡᠦᠭᠡᠨ ᠴᠠᠢ᠌ᠯᠠᠭᠤᠯᠬᠤ ᠶᠤᠰᠤᠨ
ᠭᠡᠦᠭᠡᠨ ᠭᠦᠮᠤᠨ ᠢ ᠪᠠᠷᠢ ᠪᠣᠯᠭᠠᠨ ᠠᠢ᠌ᠯ ᠳᠤ ᠮᠤᠷᠳᠠᠬᠤ ᠡᠴᠠ ᠡᠮᠦᠨᠡ ᠵᠠᠪᠠᠯ ᠴᠠᠢ᠌ᠯᠠᠭᠤᠯᠳᠠᠭ᠃ ᠭᠡᠦᠭᠡᠨ ᠢ ᠴᠠᠢ᠌ᠯᠠᠭᠤᠯᠬᠤ ᠦᠭᠡᠶ ᠪᠣᠯ ᠮᠤᠷᠢ ᠨᠢ ᠡᠴᠡᠨᠡ ᠭᠡᠳ ᠵᠠᠪᠠᠯ ᠴᠠᠢ᠌ᠯᠠᠭᠤᠯᠬᠤ ᠶᠤᠰᠤᠳᠠᠢ᠃ ᠶᠡᠭᠡ ᠬᠤᠷᠢᠮ ᠡᠴᠠ ᠡᠮᠦᠨᠡ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠨᠠᠭᠠᠴᠤ᠂ ᠠᠬᠠ ᠳᠡᠭᠦᠤ ᠳᠦᠷᠤᠯ ᠰᠠᠳᠤᠨ ᠨᠢ ᠬᠠᠷᠢ ᠳᠤ ᠮᠤᠷᠳᠠᠬᠤ ᠭᠡᠦᠭᠡᠨ ᠶᠢᠡᠨ ᠳᠠᠭᠤᠳᠠᠵᠤ ᠴᠠᠢ᠌ᠯᠠᠭᠤᠯᠤᠨᠠ ᠭᠡᠵᠤ ᠬᠤᠨᠢ ᠭᠠᠷᠭᠠᠨ ᠣᠭᠤᠴᠠ ᠳᠠᠯᠪᠢᠵᠤ ᠨᠠᠢ᠌ᠷ ᠭᠢᠳᠡᠭ᠌᠃ ᠡᠭᠦᠨ ᠢ ᠰᠠᠭᠤᠷᠢ ᠭᠦᠡᠳᠡᠭᠦ ᠭᠡᠦᠭᠡᠨ ᠤ ᠨᠠᠢ᠌ᠷ ᠭᠡᠳᠡᠭ᠌᠃ ᠪᠠᠷᠢ ᠪᠣᠯᠬᠤ ᠭᠡᠦᠭᠡᠨ ᠮᠤᠷᠢᠨ ᠳᠡᠷᠭᠡ ᠪᠣᠶᠤ ᠮᠤᠷᠢ ᠪᠠᠷ ᠭᠡᠳᠤᠨ ᠭᠡᠦᠭᠡᠨ ᠳᠠᠭᠠᠭᠤᠯᠵᠤ ᠶᠠᠪᠣᠳᠠᠭ᠃ ᠨᠢᠭᠡ ᠠᠢ᠌ᠯ ᠳᠤ ᠭᠡᠳᠤᠨ ᠴᠠᠭ ᠴᠠᠢ᠌ᠯᠠᠨ ᠰᠠᠭᠤᠵᠤ᠂ ᠭᠤᠤᠯ ᠠᠬᠠ ᠳᠡᠭᠦᠤ ᠳᠦᠷᠤᠯ ᠰᠠᠳᠤᠨ ᠳᠠᠭᠠᠨ ᠬᠤᠨᠤᠵᠤ ᠠᠷᠪᠠᠭᠠᠤᠨ ᠡᠳᠦᠷ ᠦᠷᠭᠦᠯᠵᠢᠯᠡᠭᠦᠯᠤᠨ ᠭᠡᠦᠭᠡᠨ ᠳᠡᠭᠡᠨ ᠵᠦᠪᠳᠠᠢ ᠪᠠᠯᠡᠭ᠌ ᠶᠤᠮ ᠦᠦ ᠭᠡᠦᠭᠡᠨ ᠶᠢᠡᠨ ᠬᠤᠪᠴᠠᠰᠤᠯᠠᠨᠠ᠃
1. ᠶᠡᠭᠡ ᠬᠤᠷᠢᠮ
ᠪᠠᠷᠢ ᠪᠠᠭᠤᠯᠭᠠᠬᠤ ᠦᠶᠡ ᠳᠤ ᠰᠢᠨᠠ ᠭᠦᠷᠭᠡᠨ ᠢ ᠳᠠᠭᠠᠵᠤ ᠣᠴᠢᠬᠤ ᠳᠤ ᠵᠠᠭᠤᠴᠢ᠂ ᠳᠠᠭᠠᠯᠳᠠ ᠭᠦᠷᠭᠡᠨ᠂ ᠨᠠᠰᠤ ᠠᠭᠢᠭᠰᠠᠨ ᠠᠬᠠᠮᠠᠤᠨ ᠦᠶᠡ ᠶᠢᠨ ᠭᠢᠨ ᠡᠴᠠ ᠨᠢᠭᠡᠨ ᠭᠦᠮᠤᠨ ᠪᠣᠯᠤᠨ ᠭᠡᠳᠤᠨ ᠳᠤᠮᠳᠠ ᠢᠳᠠᠷ ᠨᠠᠰᠤᠨ ᠤ ᠡᠮᠡᠭ᠍ᠳᠡᠢ ᠡᠷᠡᠭ᠍ᠳᠡᠢ ᠭᠦᠮᠦᠰ ᠳᠠᠭᠠᠵᠤ ᠣᠴᠢᠨᠠ᠃ ᠪᠠᠰᠠ ᠬᠤᠳᠠᠭᠠᠢ ᠪᠣᠯᠤᠨ ᠭᠡᠯᠡᠵᠤ ᠶᠠᠷᠢᠬᠤ ᠳᠠᠭᠠᠨ ᠰᠠᠢ᠌ᠨ᠂ ᠬᠤᠠᠵᠢᠶᠠ ᠭᠡᠯᠡᠮᠦᠷᠴᠢ ᠳᠤᠰ ᠳᠤᠰ ᠨᠢᠭᠡ ᠭᠦᠮᠤᠨ ᠣᠴᠢᠵᠤ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠠᠯᠢᠪᠠ ᠶᠠᠭᠤᠮᠠ ᠶᠢ ᠬᠠᠮᠢᠶᠠᠷᠳᠠᠭ᠃ ᠡᠨᠡᠭᠦ ᠭᠦᠷᠭᠡᠨ ᠤ ᠳᠠᠯᠠ ᠡᠴᠠ ᠢᠷᠡᠭᠦ ᠭᠦᠮᠦᠰ ᠢ ᠠᠪᠬᠤᠯᠴᠢᠨ ᠭᠡᠵᠤ ᠭᠡᠯᠡᠳᠡᠭ᠌᠃ ᠡᠳᠡᠭᠡᠷ ᠠᠪᠬᠤᠯᠴᠢᠨ ᠤ ᠭᠦᠮᠤᠨ ᠤ ᠳᠤᠭᠠ ᠨᠢ ᠰᠤᠠᠳᠠᠭᠠᠢ ᠪᠠᠢ᠌ᠳᠠᠭ᠃ ᠦᠳᠡᠰᠢ ᠨᠢ ᠵᠠᠪᠠᠯ ᠭᠡᠦᠭᠡᠨ ᠤ ᠳᠠᠯᠠ ᠳᠤ ᠭᠦᠷᠴᠤ ᠢᠷᠡᠭ᠍ᠰᠡᠨ ᠪᠠᠢ᠌ᠬᠤ ᠭᠡᠷᠡᠭ᠍ᠳᠡᠢ᠃
ᠭᠦᠷᠭᠡᠨ ᠪᠣᠯᠬᠤ ᠭᠦᠪᠠᠭᠦᠨ ᠭᠡᠷ ᠡᠴᠠ ᠠᠪᠬᠤᠯᠴᠢᠨ ᠲᠡᠶ ᠪᠠᠨ ᠬᠠᠮᠳᠤ ᠭᠠᠷᠬᠤ ᠳᠠᠭᠠᠨ ᠬᠤᠨᠢᠨ ᠮᠢᠬᠠ᠂ ᠠᠷᠢᠭᠢ ᠳᠠᠷᠠᠰᠤ᠂ ᠰᠢᠭᠢᠷ ᠪᠣᠭᠤᠷᠰᠤᠭ᠂ ᠪᠠᠰᠠ ᠭᠡᠦᠭᠡᠨ ᠳᠤ ᠣᠨᠤᠭᠤᠯᠬᠤ ᠡᠮᠡᠭᠡᠯ ᠬᠠᠵᠠᠭᠠᠷ ᠲᠡᠶ ᠮᠤᠷᠢ ᠪᠣᠶᠤ ᠮᠤᠬᠤᠯᠠᠭ ᠳᠡᠷᠭᠡ ᠭᠦᠳᠦᠯᠵᠤ ᠢᠷᠠᠨᠠ᠃
ᠪᠠᠷᠢ ᠪᠠᠭᠤᠯᠭᠠᠬᠤ ᠠᠪᠬᠤᠯᠴᠢᠨ ᠢᠷᠡᠭᠦ ᠦᠶᠡ ᠳᠤ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠦᠮᠦᠰ᠂ ᠭᠡᠯᠡᠮᠦᠷᠴᠢ ᠡᠴᠠ ᠠᠷᠢᠭᠢ ᠪᠠᠷᠢᠳᠠᠭ ᠭᠡᠳᠤᠨ ᠭᠦᠮᠤᠨ ᠢ ᠳᠠᠭᠠᠭᠤᠯᠤᠨ ᠡᠭᠦᠳᠡᠨ ᠭᠠᠳᠠᠨᠠ ᠪᠠᠨ ᠣᠭᠳᠤᠵᠤ᠂ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠠᠪᠬᠤᠯᠴᠢᠨ ᠨᠡᠷ ᠮᠤᠷᠢᠨ ᠡᠴᠠ ᠪᠠᠭᠤᠮᠠᠭᠴᠠ ᠠᠷᠢᠭᠢ ᠪᠠᠷᠢᠳᠠᠭ᠃ ᠶᠠᠭ ᠡᠨᠡ ᠦᠶᠡ ᠳᠤ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠡᠯᠡᠮᠦᠷᠴᠢ ᠭᠡᠷ ᠲᠤ ᠣᠷᠤᠬᠤ ᠳᠤᠯᠠ ᠭᠡᠦᠭᠡᠨ ᠤ ᠵᠢᠭᠡ ᠨᠢ ᠡᠭᠦᠳᠡ ᠶᠢ ᠮᠤᠳᠤ ᠪᠠᠷ ᠭᠦᠡᠳᠡᠯᠡᠨ ᠳᠠᠷᠤᠭᠠᠤᠨ ᠪᠠᠢ᠌ᠳᠠᠭ᠃ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠢᠨ ᠠᠷᠢᠭᠢ ᠪᠠᠷᠢᠬᠤ ᠳᠠᠰᠢᠷᠠᠮ ᠳᠤ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠡᠯᠡᠮᠦᠷᠴᠢ ᠡᠴᠠ᠄
《ᠠᠯᠳᠠᠭᠤᠷᠴᠢᠨ ᠭᠡᠭᠦ ᠳ᠋ᠤ
ᠠᠰᠠᠭᠤᠬᠤ ᠰᠤᠷᠠᠭ ᠦᠭᠡᠶ᠂
ᠠᠩᠴᠢᠨ ᠶᠤᠮ ᠦᠦ ᠭᠡᠭᠦᠯᠡᠷ
ᠠᠪᠠ ᠶᠢᠨ ᠨᠤᠬᠠᠢ ᠦᠭᠡᠶ᠂
ᠬᠤᠨᠢᠴᠢᠨ ᠶᠤᠮ ᠦᠦ ᠭᠡᠭᠦ ᠳ᠋ᠤ
ᠬᠤᠰᠤᠨ ᠣᠷᠭᠠ ᠠᠳᠬᠤᠭᠰᠠᠨ ᠦᠭᠡᠶ᠂
ᠳᠠᠶᠠᠭᠠᠷ ᠣᠯᠠᠨ ᠶᠢᠡᠷ ᠶᠢᠡᠨ ᠬᠠᠷᠢᠨ
ᠳᠠᠩᠴᠤ ᠭᠤᠶᠤ ᠬᠤᠪᠴᠠᠰᠤᠯᠠᠭᠠᠤᠨ
ᠳᠠᠨᠠᠷ ᠴᠢᠨᠢ ᠶᠠᠭᠤᠨ ᠤ ᠭᠦᠮᠤᠨ ᠪᠠᠢ᠌ᠨᠠ ᠪᠣᠢ ︖
ᠳᠦᠭᠡᠷᠢᠭᠡᠳ ᠵᠠᠮ ᠶᠢᠡᠨ ᠠᠯᠳᠠᠭᠰᠠᠨ ᠪᠣᠯ
ᠳᠡᠭᠦᠨ ᠢ ᠴᠢᠨᠢ ᠵᠢᠭᠠᠵᠤ ᠦᠭᠭᠦᠶᠡ》 ᠭᠡᠭᠦ ᠳ᠋ᠤᠨᠢ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠡᠯᠡᠮᠦᠷᠴᠢ ᠡᠴᠠ᠄
《ᠬᠤᠯᠠᠨ ᠵᠢᠷᠤᠭᠠ ᠮᠤᠷᠢ ᠶᠢ ᠪᠠᠨ ᠭᠦᠳᠦᠯᠤᠨ
ᠬᠤᠯᠠ ᠠᠯᠤᠰ ᠤᠨ ᠨᠤᠳᠤᠭ ᠡᠴᠠ ᠭᠠᠷᠴᠤ
ᠵᠢᠯ ᠤᠨ ᠰᠠᠢ᠌ᠨ ᠢ ᠰᠢᠯᠢᠵᠤ ᠪᠠᠢ᠌ᠭᠠᠤᠨ
ᠰᠠᠷᠠ ᠶᠢᠨ ᠰᠠᠢ᠌ᠨ ᠢ ᠰᠤᠩᠭ᠋ᠤᠨ
ᠡᠳᠦᠷ ᠤᠨ ᠰᠠᠢ᠌ᠨ ᠢ ᠡᠨᠡ ᠡᠳᠦᠷ ᠭᠡᠵᠤ
ᠡᠷᠳᠡ ᠡᠳᠦᠷ ᠭᠡᠯᠡᠯᠴᠡᠭᠡ ᠳᠠᠢ
ᠡᠨᠡ ᠡᠳᠦᠷ ᠤᠨ ᠪᠣᠯᠵᠤᠭᠠ ᠳᠠᠢ
ᠳᠠᠪᠠᠭᠠ ᠶᠢᠨ ᠦᠨᠳᠦᠷ ᠢ ᠳᠠᠪᠠᠵᠤ
ᠳᠠᠪᠠᠯᠭᠠᠨ ᠲᠡᠶ ᠭᠤᠤᠯ ᠢ ᠭᠡᠳᠦᠯᠤᠨ
ᠦᠷᠭᠡᠨ ᠳᠠᠯᠠ ᠶᠢ ᠳᠤᠭᠤᠯᠤᠨ
ᠦᠵᠡᠮᠵᠢᠳᠤ ᠨᠤᠳᠤᠭ ᠢ ᠴᠢᠨᠢ ᠴᠢᠭᠯᠡᠭᠡᠳ
ᠠᠯᠳᠠᠨ ᠦᠷᠭᠦᠭᠡ ᠶᠢ ᠴᠢᠨᠢ ᠠᠰᠯᠠᠭᠠᠤᠨ
ᠠᠪᠣ ᠡᠵᠢ ᠠᠬᠠᠰ ᠶᠡᠭᠡᠰ ᠲᠤ ᠴᠢᠨᠢ
ᠠᠮᠤᠷ ᠢ ᠠᠰᠠᠭᠤᠵᠤ᠂ ᠮᠠᠠᠳᠤ ᠶᠢ ᠮᠠᠳᠠᠵᠤ
ᠠᠢ᠌ᠯᠠᠳᠬᠠᠨ ᠢᠷᠡᠭ᠍ᠰᠡᠨ ᠪᠢᠯᠠ᠃
ᠬᠠᠷᠭᠠᠢ ᠶᠡᠭᠡ ᠮᠤᠳᠤ ᠪᠠᠷ
ᠬᠠᠭᠠᠯᠭᠠ ᠪᠠᠨ ᠳᠠᠷᠤᠭᠰᠠᠨ ᠣᠴᠢᠷ ᠶᠠᠭᠤ ᠪᠢᠯᠠ ︖》 ᠭᠡᠭᠦ ᠳ᠋ᠤᠨᠢ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠡᠯᠡᠮᠦᠷᠴᠢ ᠡᠴᠠ᠄
《ᠡᠨᠡ ᠡᠳᠦᠷ ᠣᠯᠠᠨ ᠶᠢᠡᠷ ᠵᠢᠠᠨ
ᠥᠩᠭᠡᠳᠤ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠦᠭᠡᠳ
ᠳᠠᠨᠠᠷ ᠴᠢᠨᠢ ᠶᠠᠭᠤᠨ ᠤ ᠭᠦᠮᠦᠰ ᠪᠣᠢ᠃
ᠭᠡᠷᠡᠭ᠌ ᠣᠴᠢᠷ ᠶᠠᠭᠤ ᠪᠢᠯᠠ ︖
ᠭᠡᠨ ᠢ ᠡᠷᠢᠵᠤ ᠶᠠᠪᠣᠭᠠ ᠪᠣᠢ ︖
ᠵᠠᠮ ᠳᠦᠭᠡᠷᠢᠭᠡᠳ ᠢᠷᠡᠭ᠍ᠰᠡᠨ ᠪᠣᠯ
ᠵᠢᠭᠠᠵᠤ ᠦᠭᠭᠦᠶᠡ ᠵᠥᠭ᠌ ᠢ ᠴᠢᠨᠢ》 ᠭᠡᠭᠦᠯᠡᠷ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠡᠯᠡᠮᠦᠷᠴᠢ ᠡᠴᠠ᠄
《ᠪᠣᠶᠠᠨ ᠲᠡᠶ ᠳᠦᠷᠦᠭ᠍ᠰᠡᠨ ᠦᠷᠡ ᠶᠢ ᠴᠢᠨᠢ
ᠪᠣᠭᠳᠤᠯᠠᠨ ᠪᠠᠭᠤᠯᠭᠠᠵᠤ ᠠᠪᠬᠤ ᠪᠠᠷ ᠢᠷᠠᠯᠠ᠂
ᠪᠣᠱᠤᠭᠠ ᠡᠭᠦᠳᠡ ᠶᠢ ᠠᠯᠬᠤᠨ ᠣᠷᠤᠵᠤ
ᠪᠣᠷᠬᠠᠨ ᠰᠠᠭᠢᠭᠤᠯᠰᠤᠨ ᠳᠤ ᠴᠢᠨᠢ ᠮᠦᠷᠭᠦᠵᠤ
ᠪᠣᠭᠤᠷᠤᠯ ᠨᠠᠰᠤᠳᠠᠨ ᠳᠤ ᠳᠠᠨᠢ ᠪᠠᠷᠠᠯᠬᠠᠵᠤ
ᠪᠦᠭᠦᠳᠡ ᠨᠠᠢ᠌ᠳᠠ ᠶᠢᠨ ᠠᠮᠤᠷ ᠢ ᠠᠰᠠᠭᠤᠨ ᠢᠷᠡᠭᠦ ᠳ᠋ᠤ
ᠪᠦᠳᠦᠭᠦᠨ ᠶᠡᠭᠡ ᠮᠤᠳᠤ ᠪᠠᠷ
ᠡᠭᠦᠳᠡ ᠪᠠᠨ ᠳᠠᠷᠤᠭᠰᠠᠨ ᠤ ᠣᠴᠢᠷ ᠶᠠᠭᠤ ᠪᠢᠯᠠ ︖》 ᠭᠡᠭᠦᠯᠡᠷ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠡᠯᠡᠮᠦᠷᠴᠢ ᠡᠴᠠ ᠄
《ᠮᠠᠨᠠᠢ ᠳᠤ ᠢᠷᠡᠭ᠍ᠰᠡᠨ ᠣᠴᠢᠷ ᠶᠢᠡᠨ ᠭᠡᠯᠡ᠃
ᠮᠠᠨᠠᠨ ᠳᠤ ᠳᠦᠭᠡᠷᠢᠭ᠍ᠰᠡᠨ ᠪᠣᠯ ᠵᠠᠮ ᠢ ᠴᠢᠨᠢ ᠵᠢᠭᠠᠵᠤ ᠦᠭᠭᠦᠶᠡ》 ᠭᠡᠭᠦ ᠳᠤ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠡᠯᠡᠮᠦᠷᠴᠢ ᠡᠴᠠ᠄
《ᠰᠠᠭᠤᠳᠠᠭ ᠨᠤᠳᠤᠭ ᠨᠢ ᠮᠠᠨ ᠤ ᠳᠠᠠᠳᠠ ᠭᠡᠵᠤ
ᠣᠤᠭᠤᠳᠠᠭ ᠣᠰᠤ ᠨᠢ ᠮᠠᠨ ᠤ ᠳᠡᠷᠡᠭᠡᠭᠦᠷ ᠭᠡᠳ
ᠣᠷᠴᠢᠯᠠᠩ ᠤᠨ ᠵᠢᠮᠠ ᠶᠤᠰᠤ ᠪᠠᠷ
ᠣᠷᠤᠭ ᠤᠨ ᠶᠤᠰᠤᠨ ᠳᠤ ᠵᠤᠭᠢᠴᠠᠭᠤᠯᠤᠨ
ᠪᠣᠷᠬᠠᠨ ᠳ᠋ᠤᠨᠢ ᠮᠦᠷᠭᠦᠭᠡᠳ
ᠪᠣᠭᠤᠷᠤᠯ ᠳ᠋ᠤᠨᠢ ᠵᠤᠯᠭᠠᠭᠠᠤᠨ
ᠦᠯᠵᠡᠢ ᠲᠡᠶ ᠡᠨᠡ ᠡᠳᠦᠷ ᠪᠢᠳᠠᠨᠠᠷ
ᠣᠷᠢᠳᠠ ᠡᠴᠠ ᠳᠤᠭᠳᠠᠭᠠᠭᠰᠠᠨ
ᠣᠷᠤᠭ ᠤᠨ ᠶᠤᠰᠤᠭᠠᠷ ᠵᠢᠠᠨ
ᠭᠡᠦᠭᠡᠨ ᠢ ᠴᠢᠨᠢ ᠪᠠᠭᠤᠯᠭᠠᠵᠤ ᠠᠪᠬᠤ ᠪᠠᠷ ᠢᠷᠠᠯᠠ᠃》
ᠢᠩᠭᠢᠭᠦ ᠳ᠋ᠤᠨᠢ ᠭᠡᠷ ᠲᠤ ᠣᠷᠢᠵᠤ ᠣᠷᠤᠭᠤᠯᠤᠭᠠᠤᠨ ᠠᠷᠢᠭᠢ ᠪᠠᠨ ᠪᠠᠷᠢᠵᠤ ᠰᠠᠴᠤᠯᠢ ᠪᠠᠨ ᠰᠠᠴᠤᠵᠤ᠂ ᠬᠤᠨᠢᠨ ᠣᠭᠤᠴᠠ᠂ ᠬᠤᠨᠢᠨ ᠳᠤᠯᠤᠭᠠᠢ ᠶᠢ ᠪᠠᠷᠠᠭᠠ ᠶᠢᠨ ᠳᠡᠭᠡᠷᠡ ᠳᠠᠯᠪᠢᠵᠤ ᠢᠷᠦᠭᠡᠯ ᠶᠢᠡᠨ ᠬᠠᠢ᠌ᠷᠠᠯᠠᠨᠠ᠃
《ᠦᠷᠢᠯ ᠤᠨ ᠮᠤᠳᠤ ᠭᠡᠭ᠍ᠴᠢ ᠨᠢ
ᠣᠰᠤᠨ ᠤ ᠴᠢᠭᠢᠭ᠌ ᠶᠢᠡᠷ ᠣᠷᠭᠤᠨᠠ
ᠣᠷᠤᠭ ᠬᠤᠳᠠ ᠪᠠᠷᠢᠯᠳᠤᠬᠤ ᠨᠢ
ᠣᠷᠢᠳ ᠳᠦᠷᠤᠯ ᠤᠨ ᠢᠷᠦᠭᠡᠯ ᠶᠤᠮ᠃
ᠬᠤᠨ ᠴᠠᠭᠠᠨ ᠬᠤᠰᠤᠨ ᠮᠤᠳᠤ
ᠬᠤᠯᠠ ᠶᠢᠨ ᠪᠠᠷᠠ ᠳᠠᠭᠠᠨ ᠴᠠᠢ᠌ᠷᠠᠨᠠ
ᠬᠤᠳᠠ ᠣᠷᠤᠭ ᠪᠠᠷᠢᠯᠳᠤᠬᠤ ᠨᠢ
ᠬᠣᠢ᠌ᠳᠤ ᠢᠷᠦᠭᠡᠯ ᠤᠨ ᠣᠴᠠᠷᠠᠯ ᠶᠤᠮ᠃
ᠭᠦᠭᠡ ᠨᠠᠷᠠᠰᠤᠳᠤ ᠠᠭᠤᠯᠠ ᠨᠢ
ᠭᠦᠭᠡᠷᠡᠭᠦ ᠳᠡᠭᠡᠷᠡ ᠪᠠᠨ ᠰᠦᠷᠯᠢᠭ᠌
ᠭᠦᠷᠭᠡᠨ ᠪᠣᠯᠤᠭᠠᠤᠨ ᠢᠷᠡᠭᠦ ᠨᠢ
ᠭᠦᠪᠠᠭᠦᠨ ᠭᠦᠮᠤᠨ ᠤ ᠵᠠᠶᠠᠭᠠ ᠶᠤᠮ᠃
ᠰᠢᠨᠠ ᠭᠦᠷᠭᠡᠨ ᠶᠢᠡᠨ ᠠᠪᠴᠢᠷᠠ
ᠱᠠᠭᠠᠠᠳᠤ ᠶᠢᠨ ᠭᠦᠮᠤᠨ ᠶᠢᠡᠨ ᠠᠪᠴᠢᠷᠠ
ᠴᠠᠭᠠᠨ ᠪᠣᠭᠤᠷᠤᠯ ᠳ᠋ᠤᠨᠢ ᠮᠦᠷᠭᠦᠭᠦᠯᠦᠶᠡ
ᠰᠠᠢ᠌ᠨ ᠥᠭᠡ ᠶᠢ ᠨᠢ ᠰᠤᠨᠤᠰᠴᠤ
ᠰᠠᠢ᠌ᠬᠠᠨ ᠢᠷᠦᠭᠡᠯ ᠢ ᠨᠢ ᠠᠪᠣᠶᠠ᠃》
ᠳᠠᠷᠠᠭᠠ ᠪᠠᠷ ᠨᠢ ᠵᠠᠯᠭᠠᠭᠠᠤᠨ
《ᠣᠷᠢᠳ ᠤᠨ ᠢᠷᠦᠭᠡᠯ ᠶᠢᠡᠷ ᠣᠴᠠᠷᠠᠭᠰᠠᠨ ᠬᠤᠳᠠ ᠣᠷᠤᠭ ᠳᠠᠨ ᠳᠤ ᠪᠠᠨ
ᠣᠴᠢᠷ ᠲᠡᠶ ᠠᠷᠢᠭᠢ ᠪᠠᠨ ᠡᠷᠭᠦᠨ ᠪᠠᠢ᠌ᠭᠠᠤᠨ ᠭᠦᠭᠡᠷᠦᠯᠳᠦᠶᠡ᠃
ᠬᠤᠷᠢᠮ ᠳᠦᠷᠤ ᠳᠤ ᠢᠷᠡᠭ᠍ᠰᠡᠨ ᠬᠤᠳᠠ ᠣᠷᠤᠭ ᠳᠠᠨ ᠳᠤ ᠪᠠᠨ
ᠬᠤᠠᠳᠠᠭᠠᠨ ᠳᠡᠭᠡᠵᠢ ᠪᠠᠨ ᠡᠷᠭᠦᠨ ᠪᠠᠢ᠌ᠭᠠᠤᠨ ᠨᠠᠢ᠌ᠷᠯᠠᠯᠳᠤᠶᠠ᠃
ᠣᠷᠤᠭ ᠰᠠᠳᠤᠨ ᠳᠠᠭᠠᠨ ᠢᠷᠡᠭ᠍ᠰᠡᠨ ᠬᠤᠳᠠ ᠣᠷᠤᠭ ᠳᠠᠨ ᠳᠤ ᠪᠠᠨ
ᠠᠷᠢᠭᠢᠨ ᠤ ᠳᠡᠭᠡᠵᠢ ᠪᠠᠨ ᠡᠷᠭᠦᠨ ᠪᠠᠢ᠌ᠭᠠᠤᠨ ᠭᠦᠭᠡᠷᠦᠯᠳᠦᠶᠡ᠃
ᠪᠠᠶᠠᠷᠳᠤ ᠪᠣᠶᠠᠨ ᠶᠢᠡᠷ ᠠᠭᠤᠯᠵᠠᠭᠰᠠᠨ ᠬᠤᠳᠠ ᠣᠷᠤᠭ ᠳᠠᠨ ᠳᠤ ᠪᠠᠨ
ᠪᠣᠷᠤ ᠳᠢᠶᠠᠠᠫᠧᠩ ᠲᠡᠶ ᠠᠷᠢᠭᠢ ᠪᠠᠨ ᠡᠷᠭᠦᠨ ᠪᠠᠢ᠌ᠭᠠᠤᠨ ᠭᠦᠭᠡᠷᠦᠯᠳᠦᠶᠡ》 ᠭᠡᠵᠤ ᠳᠠᠰᠤᠯᠳᠠᠭᠠ ᠦᠭᠡᠶ ᠢᠷᠦᠭᠡᠯ ᠶᠢᠡᠨ ᠳᠠᠯᠪᠢᠵᠤ ᠨᠠᠢ᠌ᠷ ᠦᠷᠭᠦᠯᠵᠢᠯᠡᠭ᠍ᠰᠡᠭᠡᠷ ᠨᠡᠢ᠌ᠭᠡᠮᠳᠡᠨᠡ᠃
2. ᠣᠭᠤᠴᠠ ᠳᠠᠯᠪᠢᠬᠤ ᠶᠤᠰᠤᠨ
ᠣᠭᠤᠴᠠ ᠳᠠᠪᠠᠭᠯᠠᠬᠤ ᠨᠢ ᠪᠠᠰᠠ ᠳᠤᠩ ᠨᠠᠷᠢᠯᠢᠭ ᠶᠤᠰᠤ ᠲᠡᠶ ᠶᠤᠮ᠃ ᠣᠭᠤᠴᠠ ᠳᠠᠪᠠᠭᠯᠠᠬᠤ ᠳᠤ ᠳᠤᠰᠬᠠᠢ ᠮᠤᠳᠤᠨ ᠶᠡᠭᠡ ᠳᠠᠪᠰᠢ (ᠳᠠᠪᠠᠭ) ᠭᠡᠷᠡᠭᠯᠡᠨᠡ᠃
ᠳᠦᠷᠦᠭᠦᠤ ᠬᠤᠳᠠ ᠶᠢᠨ ᠳᠠᠪᠠᠭ ᠲᠤ (ᠪᠠᠷᠠᠭᠤᠨ ᠳᠠᠯᠠ) ᠬᠤᠨᠢᠨ ᠳᠤᠯᠤᠭᠠᠢ᠂ ᠬᠠᠪᠢᠷᠭᠠ᠂ ᠳᠤᠮᠳᠠ ᠴᠢᠮᠦᠭᠡ᠂ ᠱᠠᠭᠠᠠᠳᠤ᠂ ᠳᠠᠯᠤ ᠵᠡᠷᠭᠡ ᠶᠢ ᠳᠠᠪᠠᠭᠯᠠᠨᠠ᠃
ᠵᠤᠴᠢᠳ ᠤᠨ ᠠᠬᠠᠯᠠᠵᠤ ᠰᠠᠭᠤᠭᠰᠠᠨ ᠭᠦᠮᠤᠨ ᠡᠴᠠ ᠡᠭᠢᠯᠡᠵᠤ ᠣᠭᠤᠴᠠ ᠶᠢ ᠭᠦᠡᠳᠡᠭᠦ ᠪᠣᠯᠤᠨᠠ᠃ ᠢᠩᠭᠢᠭᠦ ᠳᠡᠭᠡᠨ ᠳᠤᠯᠤᠭᠠᠢ ᠶᠢᠨ ᠪᠠᠷᠠᠭᠤᠨ ᠴᠢᠭᠢ ᠶᠢ ᠨᠢ ᠣᠭᠳᠤᠯᠤᠨ᠂ ᠰᠡᠭᠦᠯ ᠤᠨ ᠥᠭᠡᠭᠦ ᠡᠴᠠ ᠬᠠᠯᠢᠮᠯᠠᠨ ᠠᠪᠣᠭᠠᠤᠨ ᠬᠤᠨᠢᠨ ᠳᠤᠯᠤᠭᠠᠢ ᠶᠢᠨ ᠮᠠᠩᠨᠠᠢ ᠳ᠋ᠤᠨᠢ ᠳᠠᠯᠪᠢᠭᠠᠤᠨ ᠭᠦᠷᠭᠡᠨ ᠳᠤ ᠪᠣᠴᠠᠭᠠᠨᠠ᠃ ᠳᠡᠭᠡᠭᠦ ᠳᠡᠭᠡᠨ ᠭᠤᠷᠪᠠᠳᠠ 《ᠳᠠᠪᠠᠭ ᠪᠠᠷᠢ᠂ ᠪᠠᠷᠢ᠂ ᠪᠠᠷᠢ》 ᠭᠡᠵᠤ ᠶᠠᠩᠨᠠᠨᠠ᠃ ᠬᠤᠳᠠᠭᠠᠢ ᠶᠢᠨ ᠳᠠᠪᠰᠢ ᠳᠤ ᠣᠭᠤᠴᠠ ᠳᠠᠯᠪᠢᠨᠠ᠃ ᠣᠭᠤᠴᠠ ᠶᠢᠨ ᠬᠤᠶᠠᠷ ᠳᠠᠯᠠ ᠶᠢ ᠥᠭᠡᠯᠡᠨ ᠵᠦᠰᠤᠵᠤ ᠪᠠᠷᠠᠭᠤᠨ ᠵᠡᠭᠦᠨ ᠳᠠᠯᠠ ᠶᠢᠨ ᠳᠠᠪᠰᠢ ᠳᠤ ᠬᠤᠪᠢᠶᠠᠨ ᠦᠭᠭᠦᠨᠡ᠃ ᠥᠭᠡᠯᠡᠨ ᠵᠥᠰᠦᠭ᠍ᠰᠡᠨ ᠣᠭᠤᠴᠠ ᠶᠢᠨ ᠭᠤᠤᠯ ᠢ ᠵᠦᠪ ᠡᠷᠭᠢᠭᠦᠯᠤᠨ ᠭᠡᠷ ᠤᠨ ᠡᠵᠡᠨ ᠳᠤ ᠪᠣᠴᠠᠭᠠᠨᠠ᠃ ᠭᠡᠷ ᠤᠨ ᠡᠵᠡᠨ 《ᠪᠠᠷᠢ᠂ ᠪᠠᠷᠢ᠂ ᠪᠠᠷᠢ》 ᠭᠡᠳ ᠵᠦᠪ ᠡᠷᠭᠢᠭᠦᠯᠤᠨ ᠳᠠᠪᠰᠢ ᠳᠤ ᠪᠣᠴᠠᠭᠠᠨ ᠳᠠᠯᠪᠢᠨᠠ᠃
ᠵᠡᠭᠦᠨ ᠳᠠᠪᠰᠢ ᠳᠤ᠄ (ᠭᠡᠦᠭᠡᠨ ᠤ ᠠᠬᠠ ᠳᠡᠭᠦᠤ ᠨᠡᠷ ᠤᠨ ᠳᠠᠪᠠᠭ) ᠡᠪᠴᠢᠭᠦᠤ᠂ ᠬᠠᠪᠢᠷᠭᠠ᠂ ᠨᠢᠷᠤᠭᠤ᠂ ᠣᠷᠳᠤ ᠴᠢᠮᠦᠭᠡ ᠶᠢ ᠳᠠᠯᠪᠢᠨᠠ᠃
ᠠᠬᠠ ᠳᠡᠭᠦᠤ ᠨᠡᠷ ᠤᠨ ᠠᠬᠠᠯᠠᠵᠤ ᠰᠠᠭᠤᠭᠰᠠᠨ ᠭᠦᠮᠤᠨ ᠡᠴᠠ ᠡᠪᠴᠢᠭᠦᠤ ᠳᠤ ᠠᠮᠠ ᠭᠦᠷᠤᠨ ᠭᠡᠷ ᠤᠨ ᠡᠵᠡᠨ ᠳᠤ ᠪᠣᠴᠠᠭᠠᠨᠠ᠃ ᠭᠡᠷ ᠤᠨ ᠡᠵᠡᠨ 《ᠳᠠᠪᠠᠭ ᠪᠠᠷᠢ᠂ ᠪᠠᠷᠢ᠂ ᠪᠠᠷᠢ》 ᠭᠡᠳ ᠳᠠᠪᠠᠭ ᠢ ᠵᠦᠪ ᠡᠷᠭᠢᠭᠦᠯᠤᠨ ᠳᠠᠪᠰᠢ ᠳᠤ ᠪᠣᠴᠠᠭᠠᠨᠠ᠃
ᠢᠩᠭᠢᠵᠤ ᠨᠠᠢ᠌ᠷᠯᠠᠨ ᠭᠤᠷᠪᠠᠨ ᠳᠤᠭᠤᠷᠠ ᠵᠢᠷᠭᠤᠭᠠᠨ ᠬᠤᠠᠳᠠᠭᠠ ᠠᠷᠢᠭᠢᠨ ᠤ ᠳᠠᠷᠠᠭᠠ ᠭᠣᠢ᠌ᠮᠤᠨ ᠲᠡᠶ ᠱᠦᠯᠦ ᠪᠣᠶᠤ ᠠᠢ᠌ᠷᠠᠭ ᠲᠡᠶ ᠬᠠᠷᠠ ᠱᠦᠯᠦ ᠭᠠᠷᠤᠨᠠ᠃ ᠵᠤᠴᠢᠳ ᠢ ᠮᠤᠷᠳᠠᠭᠤᠯᠬᠤ ᠳᠠᠮᠠᠭᠢ ᠳᠠᠮᠠᠭᠢᠯᠠᠵᠤ᠂ 《ᠬᠤᠳᠠ ᠶᠢᠨ ᠮᠤᠷᠢ ᠶᠢ ᠪᠠᠷᠢᠯᠠ᠂ ᠬᠤᠠᠳᠠᠭᠠ ᠴᠢᠯᠠᠵᠤ ᠪᠠᠢ᠌ᠨᠠ》 ᠭᠡᠵᠤ ᠢᠷᠡᠭ᠍ᠰᠡᠨ ᠵᠤᠴᠢᠳ ᠢ ᠦᠳᠡᠨᠠ᠃
(ᠣᠭᠤᠴᠠ ᠶᠢᠨ ᠢᠷᠦᠭᠡᠯ)
《ᠬᠤᠨᠢᠨ ᠤ ᠣᠭᠤᠴᠠ ᠪᠠᠨ ᠳᠠᠯᠪᠢᠯᠠ
ᠬᠤᠳᠠ ᠣᠷᠤᠭ ᠶᠢᠡᠨ ᠵᠤᠭᠤᠭᠯᠠᠭᠤᠯᠤᠶᠠ
ᠢᠷᠭᠡᠨ ᠤ ᠣᠭᠤᠴᠠ ᠪᠠᠨ ᠳᠠᠯᠪᠢᠯᠠ
ᠢᠷᠡᠭ᠍ᠰᠡᠨ ᠪᠦᠭᠦᠨ ᠳᠤ ᠵᠤᠭᠤᠭᠯᠠᠭᠤᠯᠤᠶᠠ
ᠳᠠᠷᠭᠤᠨ ᠣᠭᠤᠴᠠ ᠪᠠᠨ ᠳᠠᠯᠪᠢᠯᠠ
ᠳᠠ ᠪᠦᠭᠦᠳᠡ ᠶᠢᠡᠨ ᠵᠤᠭᠭᠤᠯᠠᠭᠤᠯᠤᠶᠠ
ᠪᠦᠭᠦᠯᠢ ᠣᠭᠤᠴᠠ ᠪᠠᠨ ᠳᠠᠯᠪᠢᠯᠠ
ᠪᠦᠭᠦᠳᠡ ᠳᠠᠨᠠᠷ ᠲᠤ ᠵᠤᠭᠤᠭᠯᠠᠭᠤᠯᠤᠶᠠ》
ᠡᠭᠦᠨ ᠳᠤ ᠪᠠᠰᠠ ᠳᠠᠯᠤ ᠶᠢᠨ ᠮᠢᠬᠠ ᠶᠢ ᠳᠠᠶᠠᠭᠠᠷ ᠲᠤ ᠭᠡᠵᠤ ᠣᠯᠠᠨ ᠳᠠᠶᠠᠭᠠᠷ ᠲᠤ ᠢᠳᠡᠭᠦᠯᠵᠤ᠂ ᠳᠠᠯᠤ ᠶᠢ ᠴᠠᠢ᠌ᠯᠭᠠᠨ ᠴᠠᠪᠠᠷᠯᠠᠵᠤ ᠮᠥᠯᠵᠢᠭᠡᠳ 《ᠳᠠᠯᠤ ᠶᠢ ᠰᠢᠠᠵᠢᠨᠠ》 ᠭᠡᠵᠤ ᠳᠠᠯᠤ ᠶᠢ ᠰᠢᠠᠵᠢᠵᠤ ᠴᠢᠳᠠᠳᠠᠭ ᠠᠬᠠᠮᠠᠤᠨ ᠳᠤᠮᠤᠭᠠᠳᠠᠨ ᠭᠦᠮᠤᠨ ᠳᠤ ᠥᠭ᠍ᠴᠤ ᠳᠠᠯᠤ ᠰᠢᠡᠵᠢᠭᠦᠯᠦᠨᠡ᠃
(ᠳᠠᠯᠤ ᠶᠢᠨ ᠢᠷᠦᠭᠡᠯ)
《ᠳᠠᠷᠭᠤᠨ ᠬᠤᠨᠢᠨ ᠤ ᠳᠠᠯᠤ ᠪᠠᠢ᠌ᠨᠠ
ᠳᠠᠨᠠᠷ ᠪᠦᠭᠦᠨ ᠳᠡᠭᠡᠨ ᠢᠷᠦᠭᠡᠯ ᠶᠢᠡᠨ ᠳᠠᠯᠪᠢᠶᠠ᠄
ᠳᠤᠭᠤᠭᠠ ᠰᠠᠢ᠌ᠠᠳᠠᠢ ᠳᠠᠯᠤ ᠪᠠᠢ᠌ᠨᠠ
ᠲᠦᠪᠰᠢᠨ ᠵᠢᠷᠭᠠᠯ ᠪᠢᠯᠬᠠᠳᠤᠭᠠᠢ᠃
ᠠᠳᠤᠭᠤᠨ ᠴᠤᠪᠣᠭᠠ ᠰᠠᠢ᠌ᠳᠠᠢ
ᠠᠯᠠᠭ ᠬᠤᠨᠢᠨ ᠤ ᠳᠠᠯᠤ ᠪᠠᠢ᠌ᠨᠠ
ᠥᠭᠡᠷ ᠤᠨ ᠴᠤᠪᠣᠭᠠ ᠰᠠᠢ᠌ᠳᠠᠢ
ᠣᠩᠭ᠋ᠤᠨ ᠬᠤᠨᠢᠨ ᠤ ᠳᠠᠯᠤ ᠪᠠᠢ᠌ᠨᠠ
ᠬᠠᠷᠠ ᠳᠦᠷᠦᠭᠦᠤ ᠬᠤᠨᠢᠨ ᠤ
ᠬᠠᠪᠳᠠᠭᠠᠢ ᠰᠠᠢ᠌ᠳᠠᠢ ᠳᠠᠯᠤ ᠪᠠᠢ᠌ᠨᠠ᠃
ᠬᠠᠵᠠᠭᠤ ᠰᠠᠢ᠌ᠳᠠᠢ ᠳᠠᠯᠤ ᠪᠠᠢ᠌ᠨᠠ
ᠬᠠᠮᠳᠤ ᠶᠢᠨ ᠵᠢᠷᠭᠠᠯ ᠪᠢᠯᠬᠠᠳᠤᠭᠠᠢ ︕》
ᠳᠠᠪᠣ᠂ ᠪᠠᠷᠢ ᠮᠦᠷᠭᠦᠭᠦᠯᠭᠦ ᠪᠣᠯᠤᠨ ᠭᠡᠷ ᠢᠷᠦᠭᠡᠭᠦ
ᠰᠢᠨᠠ ᠪᠠᠷᠢ ᠰᠢᠨᠠ ᠭᠦᠷᠭᠡᠨ ᠭᠡᠷ ᠲᠤ ᠣᠷᠤᠬᠤ ᠦᠶᠡ ᠳᠤ ᠬᠠᠳᠠᠮ ᠠᠪᠣ ᠡᠵᠢ ᠨᠢ ᠪᠠᠷᠢ ᠳᠡᠭᠡᠨ ᠴᠠᠭᠠᠨ ᠰᠥ᠋ ᠠᠮᠰᠠᠭᠤᠯᠵᠤ ᠣᠤᠭᠤᠯᠭᠠᠨᠠ᠃ ᠢᠩᠭᠢᠭᠡᠳ ᠪᠠᠷᠢ ᠶᠢ ᠣᠯᠠᠭᠠᠨ ᠭᠦᠰᠢᠭᠡ ᠶᠢᠨ ᠠᠷᠤ ᠳᠤ ᠣᠷᠤᠭᠤᠯᠴᠢᠬᠠᠨᠠ᠃ ᠭᠦᠰᠢᠭᠡᠨ ᠤ ᠠᠷᠤ ᠳᠤ ᠭᠦᠷᠭᠡᠨ ᠨᠢ ᠭᠠᠯ ᠥᠭᠡᠳᠡ ᠬᠠᠠᠳᠤᠨ ᠰᠠᠭᠤᠵᠤ᠂ ᠪᠠᠷᠢ ᠨᠢ ᠵᠡᠭᠦᠡᠰᠢ ᠬᠠᠠᠳᠤᠨ ᠰᠠᠭᠤᠭᠠᠤᠨ ᠬᠤᠶᠠᠭᠤᠯᠠ ᠶᠢᠨ ᠭᠡᠵᠢᠭᠡ ᠶᠢ ᠬᠠᠮᠳᠤᠷᠠᠭᠤᠯᠤᠨ ᠰᠠᠮᠨᠠᠵᠤ᠂ ᠰᠠᠮᠨᠠᠭᠰᠠᠨ ᠶᠢᠡᠨ ᠳᠠᠭᠢᠨ ᠰᠠᠯᠭᠠᠨᠠ᠃ ᠡᠨᠡ ᠨᠢ ᠬᠤᠶᠠᠷ ᠪᠠᠶᠠ ᠶᠢ ᠨᠢᠭᠡ ᠪᠣᠯᠭᠠᠨ ᠬᠤᠯᠪᠣᠵᠤ ᠪᠠᠢ᠌ᠭᠠ ᠳᠡᠮᠳᠡᠭ᠌ ᠪᠢᠯᠠ᠃ ᠢᠩᠭᠢᠭᠡᠳ ᠰᠢᠨᠠ ᠪᠠᠷᠢ ᠶᠢ ᠭᠦᠰᠢᠭᠡᠨ ᠤ ᠠᠷᠤ ᠳᠤ ᠰᠥᠭᠦᠳᠭᠡᠨ ᠰᠠᠭᠤᠯᠭᠠᠵᠤ ᠮᠦᠷᠭᠦᠭᠦᠯᠭᠦ ᠪᠠᠷ ᠪᠡᠯᠡᠳᠭᠡᠨᠡ᠃ ᠭᠦᠰᠢᠭᠡᠨ ᠤ ᠠᠷᠤ ᠳᠤ ᠰᠥᠭᠦᠳᠴᠤ ᠰᠠᠭᠤᠭᠠ ᠪᠠᠷᠢ ᠶᠢᠨ ᠳᠤᠯᠤᠭᠠᠢ ᠶᠢ ᠪᠠᠷᠭᠡᠨ ᠨᠢ ᠳᠤᠭᠢᠭᠤᠯᠵᠤ᠂ 《ᠪᠠᠷᠢ ᠪᠣᠷᠬᠠᠨ ᠳᠤ ᠮᠦᠷᠭᠦᠯᠡ ︕》 ᠭᠡᠭᠦ ᠳᠤ ᠭᠦᠷᠭᠡᠨ ᠳᠠᠯᠠ ᠶᠢᠨ ᠢᠷᠦᠭᠡᠯᠴᠢ ᠡᠴᠠ᠄
《ᠠᠷᠢᠶᠠᠪᠠᠯᠤ ᠪᠣᠷᠬᠠᠨ ᠤ ᠱᠠᠰᠢᠨ ᠮᠠᠳᠤ ᠳᠡᠯᠭᠡᠷᠡᠵᠤ
ᠨᠠᠮᠰᠠᠷᠠᠢ ᠪᠣᠷᠬᠠᠨ ᠰᠢᠭ ᠪᠠᠶᠠᠨ ᠶᠠᠪᠣ
ᠨᠡᠢ᠌ᠯᠡᠭᠦᠯᠤᠨ ᠬᠤᠯᠪᠣᠭᠰᠠᠨ ᠠᠮᠢᠳᠤᠷᠠᠯ ᠴᠢᠨᠢ
ᠨᠠᠢ᠌ᠳᠠᠨ ᠵᠥᠭ᠍ᠳᠡᠷ ᠰᠢᠭ᠌ ᠦᠨᠢᠷ ᠶᠠᠪᠣ
ᠪᠣᠳᠢᠰᠳᠠᠸᠠ ᠪᠣᠷᠬᠠᠨ ᠢ ᠠᠳᠢᠰᠯᠠᠵᠤ
ᠪᠣᠭᠤᠷᠤᠯ ᠪᠣᠯᠳᠠᠯᠠ ᠪᠠᠨ ᠠᠮᠢᠳᠤᠷᠠᠵᠤ ᠶᠠᠪᠣ
ᠽᠦᠩᠺᠠᠸᠠ ᠶᠢᠨ ᠭᠡᠭᠡᠨ ᠢ ᠠᠳᠢᠰᠯᠠᠵᠤ
ᠵᠢᠷᠭᠠᠯ ᠴᠡᠩᠭᠡᠯ ᠶᠢᠡᠷ ᠪᠢᠯᠬᠠᠵᠤ ᠶᠠᠪᠣ
ᠪᠣᠷᠬᠠᠨ ᠪᠠᠭᠰᠢ ᠨᠢ ᠦᠷᠤᠰᠢᠶᠠᠵᠤ
ᠪᠣᠭᠳᠠ ᠶᠢᠨ ᠱᠠᠵᠢᠨ ᠮᠠᠳᠤ ᠳᠡᠯᠭᠡᠷᠡᠵᠤ ᠶᠠᠪᠣ
ᠳᠦᠷᠦᠭ᠍ᠰᠡᠨ ᠬᠤᠶᠠᠷ ᠪᠠᠶᠠ ᠴᠢᠨᠢ
ᠳᠡᠭᠦᠰ ᠦᠳᠡᠯᠵᠤ ᠶᠠᠪᠣᠭ᠃》 ᠭᠡᠭᠦ ᠳᠤ ᠭᠡᠦᠭᠡᠨ ᠤ ᠳᠠᠯᠠ ᠡᠴᠠ᠄ 《ᠪᠣᠷᠬᠠᠨ ᠪᠠᠭᠰᠢ ᠶᠢᠨ ᠵᠠᠷᠯᠢᠭ ᠪᠣᠯᠳᠤᠭᠠᠢ ︕》 ᠭᠡᠨᠡ᠃
ᠳᠠᠷᠠᠭᠠ ᠪᠠᠷ ᠵᠠᠯᠠᠭᠠᠭᠠᠤᠨ ᠳᠡᠭ᠍ᠷᠢ ᠳᠤ ᠮᠦᠷᠭᠦᠭᠦ ᠢᠷᠦᠭᠡᠯ ᠶᠢᠡᠨ ᠳᠠᠯᠪᠢᠨᠠ᠃ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠢᠷᠦᠭᠡᠯᠴᠢ ᠡᠴᠠ᠄
《ᠭᠦᠭᠡ ᠳᠡᠭ᠍ᠷᠢ ᠨᠢ ᠢᠪᠠᠭᠡᠵᠤ
ᠭᠦᠭᠡ ᠮᠤᠩᠭ᠋ᠤᠯ ᠶᠢᠡᠨ ᠮᠠᠠᠳᠤᠭᠤᠯᠵᠤ ᠶᠠᠪᠣᠭ
ᠦᠨᠳᠦᠷ ᠳᠡᠭ᠍ᠷᠢ ᠨᠢ ᠦᠵᠡᠵᠤ ᠶᠠᠪᠣᠭ
ᠥᠭᠡᠯᠡᠳ ᠮᠤᠩᠭ᠋ᠤᠯ ᠶᠢᠡᠨ ᠮᠠᠠᠳᠤᠭᠤᠯᠵᠤ ᠶᠠᠪᠣᠭ
ᠭᠡᠭᠡᠨ ᠳᠡᠭ᠍ᠷᠢ ᠨᠢ ᠭᠡᠷᠡᠯᠳᠦᠭᠦᠯᠵᠤ ᠶᠠᠪᠣᠭ
ᠭᠡᠷ ᠡᠷᠦᠭᠡ ᠨᠢ ᠳᠡᠭ᠍ᠵᠢᠷᠡᠵᠤ ᠶᠠᠪᠣᠭ
ᠪᠣᠷᠬᠠᠨ ᠳᠡᠭ᠍ᠷᠢ ᠨᠢ ᠬᠠᠢ᠌ᠷᠠᠯᠠᠵᠤ ᠶᠠᠪᠣᠭ
ᠪᠣᠶᠠᠨ ᠵᠢᠷᠭᠠᠯ ᠨᠢ ᠳᠡᠯᠭᠡᠷᠡᠵᠤ ᠶᠠᠪᠣᠭ
ᠰᠠᠭᠰᠠᠷ ᠳᠡᠭ᠍ᠷᠢ ᠨᠢ ᠰᠠᠷᠠᠭᠤᠯᠰᠢᠵᠤ
ᠰᠠᠢ᠌ᠬᠠᠨ ᠠᠮᠢᠳᠤᠷᠠᠯ ᠨᠢ ᠰᠠᠢ᠌ᠵᠢᠷᠠᠵᠤ ᠶᠠᠪᠣᠳᠤᠭᠠᠢ》 ᠭᠡᠪᠠᠯ ᠪᠦᠭᠦᠳᠡᠭᠡᠷ ᠶᠢᠡᠨ 《ᠦᠨᠳᠦᠷ ᠳᠡᠭ᠍ᠷᠢ ᠨᠢ ᠦᠷᠦᠰᠢᠶᠡᠳᠦᠭᠡᠢ ︕》 ᠭᠡᠨᠡ᠃ ᠮᠦᠨ ᠵᠠᠯᠠᠭᠠᠭᠠᠤᠨ ᠪᠠᠷᠢ ᠶᠢ ᠭᠠᠯ ᠭᠤᠯᠤᠮᠳᠠ ᠳᠠᠭᠠᠨ ᠮᠦᠷᠭᠦᠭᠦ ᠳ᠋ᠤᠨᠢ ᠭᠦᠷᠭᠡᠨ ᠳᠠᠯᠠ ᠶᠢᠨ ᠢᠷᠦᠭᠡᠯᠴᠢ ᠡᠴᠠ᠄
《ᠥᠭᠡᠯᠡᠳ ᠮᠤᠩᠭ᠋ᠤᠯ ᠤᠨ ᠣᠭᠰᠠᠭᠠ
ᠳᠤᠸᠠ ᠰᠤᠬᠤᠷ ᠤᠨ ᠬᠣᠢ᠌ᠴᠢᠰ ᠪᠢᠳᠠ ᠨᠠᠷ
ᠳᠡᠭᠦᠰ ᠴᠤᠭᠳᠤ ᠭᠠᠯ ᠤᠨ ᠬᠠᠭᠠᠨ ᠳ᠋ᠤᠷ
ᠵᠡᠭᠦᠨᠭᠠᠷ ᠥᠭᠡᠯᠡᠳ ᠡᠴᠠ ᠬᠤᠪᠢᠶᠠᠭᠳᠠᠭᠰᠠᠨ
ᠭᠠᠯᠳᠠᠨ ᠪᠣᠱᠤᠭᠳᠤ ᠶᠢᠨ ᠬᠠᠷᠢᠶᠠᠳᠤ ᠠᠯᠪᠠᠳᠤ
ᠰᠢᠨᠠ ᠬᠤᠶᠠᠷ ᠭᠦᠮᠤᠨ ᠡᠴᠠ
ᠰᠠᠷᠵᠢᠮ ᠰᠠᠴᠤᠯᠢ ᠪᠠᠨ ᠡᠷᠭᠦᠨ ᠪᠠᠷᠢᠵᠤ
ᠰᠥᠰᠦᠭ᠍ᠳᠤ ᠰᠡᠳᠭᠢᠯ ᠶᠢᠡᠷ ᠮᠦᠷᠭᠦᠮᠦᠢ》 ᠭᠡᠪᠠᠯ 《ᠭᠠᠯ ᠤᠨ ᠪᠣᠷᠬᠠᠨ ᠳᠠ ᠦᠷᠤᠰᠢᠶᠠ ︕》 ᠭᠡᠳᠡᠭ᠌᠃
ᠳᠠᠷᠠᠭᠠ ᠳ᠋ᠤᠨᠢ ᠯᠠᠮᠠ᠂ ᠠᠪᠣ ᠡᠵᠢ᠂ ᠠᠪᠣ ᠶᠢᠨ ᠳᠦᠷᠤᠯ ᠠᠪᠠᠭᠠ᠂ ᠡᠵᠢ ᠶᠢᠨ ᠳᠦᠷᠤᠯ ᠨᠠᠭᠠᠴᠤ᠂ ᠠᠬᠠᠮᠠᠤᠨ ᠨᠠᠰᠤᠳᠠᠤᠨ᠂ ᠠᠬᠠ ᠪᠠᠷᠭᠡᠨ᠂ ᠡᠭᠡᠴᠢ ᠭᠦᠷᠭᠡᠨ ᠠᠬᠠ ᠪᠦᠭᠦᠳᠡ ᠳᠡᠭᠡᠨ ᠮᠦᠷᠭᠦᠭᠦ ᠪᠦᠭᠡᠳ ᠬᠠᠳᠠᠭ ᠪᠠᠷᠢᠨᠠ᠃ ᠰᠢᠨᠠ ᠪᠠᠷᠢ ᠮᠦᠷᠭᠦᠭᠦ ᠦᠶᠡ ᠳᠤ ᠪᠠᠯᠡᠭ᠌ ᠪᠠᠯᠡᠭᠯᠡᠵᠤ ᠦᠭᠭᠦᠨᠡ᠃ ᠢᠩᠭᠢᠭᠦ ᠳᠡᠭᠡᠨ ᠪᠠᠯᠡᠭ᠌ ᠤᠨ ᠭᠦᠡᠳᠤ ᠬᠦᠩᠭᠡᠨ ᠠᠳᠠᠯᠢ ᠦᠭᠡᠶ᠂ ᠡᠳᠡᠭᠡᠷ ᠪᠠᠯᠡᠭ᠌ ᠤᠳ ᠢ ᠬᠤᠳᠠᠭᠠᠢ ᠬᠤᠷᠢᠶᠠᠨ ᠴᠤᠭᠯᠠᠭᠤᠯᠤᠨᠠ᠃ ᠪᠠᠷᠢ ᠮᠦᠷᠭᠦᠭᠦ ᠶᠢᠨ ᠭᠡᠰᠢᠭ᠌ ᠢᠷᠦᠭᠡᠯ ᠤᠳ ᠨᠢ᠄
《ᠰᠠᠳᠤᠨ ᠶᠢᠡᠷ ᠶᠢᠡᠨ ᠰᠠᠢ᠌ᠬᠠᠨ ᠵᠢᠷᠭᠠᠵᠤ
ᠳᠦᠷᠤᠯ ᠶᠢᠡᠷ ᠶᠢᠡᠨ ᠳᠡᠭᠦᠰ ᠵᠢᠷᠭᠠᠵᠤ
ᠡᠩᠭᠡ ᠳᠦᠷᠤ ᠶᠢ ᠡᠵᠡᠯᠡᠵᠤ
ᠡᠷᠡᠭᠦᠯ ᠴᠢᠭᠢᠷᠠᠭ ᠶᠠᠪᠣᠭᠳᠤᠨ
ᠳᠦᠷᠤ ᠳᠡᠭᠡᠨ ᠲᠦᠰᠢᠮᠠᠤᠨ ᠪᠣᠯᠵᠤ
ᠳᠦᠷᠤᠯ ᠳᠡᠭᠡᠨ ᠡᠨᠡᠷᠢᠯ ᠲᠡᠶ ᠶᠠᠪᠣᠭᠳᠤᠨ
ᠬᠠᠷᠢᠭᠤᠯᠤᠭᠰᠠᠨ ᠮᠠᠯ ᠴᠢᠨᠢ
ᠬᠠᠰᠢᠶᠠ ᠳᠦᠭᠦᠷᠡᠩ
ᠥᠰᠭᠡᠭ᠍ᠰᠡᠨ ᠮᠠᠯ ᠴᠢᠨᠢ
ᠦᠷᠭᠡᠨ ᠳᠠᠯᠠ ᠳᠤ ᠪᠢᠯᠬᠠᠳᠤᠭᠠᠢ》 ᠭᠡᠳᠡᠭ᠌᠃ ᠪᠠᠷᠢ ᠪᠦᠭᠦᠳᠡ ᠳᠤ ᠮᠦᠷᠭᠦᠵᠤ ᠭᠦᠢᠴᠡᠭ᠍ᠰᠡᠨ ᠤ ᠳᠠᠷᠠᠭᠠ 《ᠪᠠᠷᠢ ᠦᠵᠡᠪᠠᠤ ︖》 ᠭᠡᠵᠤ ᠣᠯᠠᠭᠠᠨ ᠭᠦᠰᠢᠭᠡ ᠶᠢ ᠭᠤᠷᠪᠠᠠᠳᠠ ᠡᠷᠭᠦᠨᠡ᠃ ᠰᠢᠨᠠ ᠪᠠᠷᠢ ᠳᠤᠳᠤᠭᠠᠳᠤ ᠬᠤᠷᠮᠤᠢ ᠳᠡᠭᠡᠷᠡ ᠪᠠᠨ ᠢᠳᠠᠰᠢ ᠳᠠᠯᠪᠢᠭᠠᠤᠨ ᠨᠤᠬᠠᠢ ᠳᠠᠭᠠᠨ ᠮᠦᠷᠭᠦᠨᠡ᠃
(ᠭᠦᠰᠢᠭᠡ ᠶᠢᠨ ᠢᠷᠦᠭᠡᠯ)
《ᠥᠭᠡᠯᠡᠳ ᠤᠨ ᠶᠤᠰᠤ ᠪᠠᠷ ᠳᠠᠳᠠᠭᠰᠠᠨ
ᠦᠯᠵᠡᠢ ᠮᠦᠷ ᠲᠡᠶ ᠣᠯᠠᠭᠠᠨ ᠭᠦᠰᠢᠭᠡ
ᠴᠤᠷᠤᠰᠳᠠᠨ ᠤ ᠶᠤᠰᠤ ᠪᠠᠷ ᠳᠠᠳᠠᠭᠰᠠᠨ
ᠴᠤ᠋ ᠰᠢᠨᠠ ᠣᠯᠠᠭᠠᠨ ᠭᠦᠰᠢᠭᠡ
ᠮᠠᠩᠨᠤᠭ ᠭᠦᠰᠢᠭᠡ ᠶᠢ ᠴᠢᠨᠢ
ᠮᠠᠠᠽᠤᠰᠢᠷᠢ ᠶᠢᠨ ᠭᠡᠭᠡᠨ ᠠᠳᠢᠰᠯᠠᠭᠰᠠᠨ ᠶᠤᠮ
ᠵᠣᠢ᠌ᠯ ᠤᠨ ᠳᠤᠷᠭᠠᠨ ᠭᠦᠰᠢᠭᠡ ᠶᠢ ᠨᠢ
ᠽᠦᠩᠺᠠᠸᠠ ᠶᠢᠨ ᠭᠡᠭᠡᠨ ᠠᠳᠢᠰᠯᠠᠭᠰᠠᠨ ᠶᠤᠮ
ᠡᠷᠳᠡᠨ ᠤ ᠵᠢᠷᠤᠮ ᠤᠨ ᠶᠤᠰᠤ ᠪᠠᠷ
ᠡᠩ ᠦᠷᠭᠡᠨ ᠭᠦᠰᠢᠭᠡ ᠪᠠᠨ ᠳᠠᠳᠠᠪᠠ
ᠵᠡᠭᠦᠨᠭᠠᠷ ᠥᠭᠡᠯᠡᠳ ᠤᠨ ᠶᠤᠰᠤ ᠪᠠᠷ
ᠵᠢᠷᠤᠮ ᠳᠦᠷᠤ ᠶᠢᠨ ᠭᠦᠰᠢᠭᠡ ᠪᠠᠨ ᠳᠠᠳᠠᠪᠠ᠃》
ᠶᠡᠭᠡ ᠬᠤᠷᠢᠮ ᠨᠠᠢ᠌ᠷ ᠤᠨ ᠳᠤᠮᠳᠠ ᠶᠠᠮᠠᠷ ᠨᠢᠭᠡᠨ ᠶᠠᠪᠣᠳᠠᠯ ᠣᠴᠢᠷ ᠲᠤ ᠠᠩᠬᠠᠷᠤᠮᠵᠢ ᠳᠤᠳᠠᠭᠤ ᠡᠴᠠ ᠪᠣᠯᠵᠤ ᠬᠤᠷᠢᠮ ᠤᠨ ᠭᠡᠢ᠌ᠴᠢᠳ ᠭᠤᠮᠤᠳᠠᠯ ᠨᠡᠭᠡᠵᠤ ᠳᠠᠭᠤᠤ ᠪᠠᠷ ᠳᠠᠭᠠᠷᠢᠳᠠᠭ ᠴᠤ ᠶᠠᠪᠣᠳᠠᠯ ᠭᠠᠷᠳᠠᠭ᠃ ᠳᠠᠭᠤᠤ ᠶᠢᠨ ᠥᠭᠡ ᠨᠢ ᠳᠤᠤᠷᠠᠭᠢ ᠮᠠᠳᠤ᠄
《ᠡᠨᠡ ᠳᠡᠭ᠍ᠷᠢ ᠶᠢᠨ ᠶᠠᠩᠵᠤ ᠪᠠᠷ
ᠪᠣᠷᠤᠭᠠᠨ ᠣᠷᠤᠮᠠᠷ ᠪᠠᠢ᠌ᠳᠠᠯ ᠳᠠᠢ
ᠡᠳᠡᠭᠡᠷ ᠬᠤᠳᠠ ᠨᠡᠷ ᠤᠨ ᠶᠠᠩᠵᠤ ᠪᠠᠷ
ᠪᠢᠳᠠ ᠢ ᠳᠤᠷᠤᠮᠵᠢᠯᠠᠮᠠᠷ ᠯᠠ ᠪᠠᠢ᠌ᠳᠠᠯ ᠳᠠᠢ
ᠬᠤᠷᠤᠮᠰᠳᠠ ᠳᠡᠭ᠍ᠷᠢ ᠶᠢᠨ ᠶᠠᠩᠵᠤ ᠪᠠᠷ
ᠬᠤᠷᠠ ᠣᠷᠤᠮᠠᠷ ᠪᠠᠢ᠌ᠳᠠᠯ ᠳᠠᠢ
ᠬᠤᠳᠠ ᠬᠤᠳᠠᠭᠠᠢ ᠨᠡᠷ ᠤᠨ ᠶᠠᠩᠵᠤ ᠪᠠᠷ
ᠮᠠᠨ ᠢ ᠳᠤᠷᠤᠮᠵᠢᠯᠠᠮᠠᠷ ᠯᠠ ᠪᠠᠢ᠌ᠳᠠᠯ ᠲᠡᠶ᠃》
ᠬᠠᠵᠠᠭᠤ ᠡᠴᠠ ᠨᠢ 《ᠳᠤᠷᠤᠮᠵᠢᠯᠠᠮᠠᠷ ᠯᠠ ᠠᠵᠤᠭᠤ》 ᠭᠡᠮᠡᠨ ᠳᠦᠷᠢᠯᠭᠡ ᠳᠦᠷᠢᠵᠤ ᠦᠭᠭᠦᠨᠡ᠃
(ᠰᠠᠭᠠᠯᠢ ᠶᠢᠨ ᠠᠷᠢᠭᠢ ᠶᠢᠨ ᠢᠷᠦᠭᠡᠯ)
《ᠪᠣᠯᠠᠭ ᠤᠨ ᠳᠤᠩᠭ᠋ᠠᠯᠠᠭ ᠣᠰᠤ ᠵᠢ
ᠪᠣᠭᠤᠷᠤᠯ ᠮᠤᠷᠢᠨ ᠳᠠᠭᠠᠨ ᠠᠴᠢᠭᠠᠤᠨ
ᠪᠣᠷᠭᠠᠰᠤᠨ ᠪᠦᠷᠭᠦᠭᠡᠯ ᠶᠢᠡᠨ ᠳᠠᠯᠪᠢᠭᠠᠤᠨ
ᠪᠢᠳᠡᠭᠦᠤ ᠨᠡᠷᠡᠭ᠍ᠰᠡᠨ ᠰᠠᠭᠠᠯᠢ ᠶᠢᠨ ᠠᠷᠢᠭᠢ
ᠬᠠᠷᠠᠯᠠᠭ ᠦᠨᠢᠶᠠᠨ ᠤ ᠦᠰᠦ ᠵᠢ
ᠬᠠᠢ᠌ᠯᠠᠰᠤ ᠳᠠᠭᠠᠨ ᠪᠣᠴᠠᠯᠭᠠᠨ ᠨᠡᠷᠡᠭ᠍ᠰᠡᠨ
ᠭᠦᠭᠡ ᠦᠨᠢᠶᠠᠨ ᠤ ᠦᠰᠦ ᠵᠢ
ᠭᠦᠭᠡᠰᠦᠷᠡᠭᠦᠯᠤᠨ ᠪᠠᠢ᠌ᠵᠤ ᠨᠡᠷᠡᠭ᠍ᠰᠡᠨ
ᠴᠠᠭᠠᠨ ᠦᠨᠢᠶᠠᠨ ᠤ ᠦᠰᠦ ᠵᠢ
ᠰᠠᠭᠠᠵᠤ ᠠᠪᠤᠨ ᠨᠡᠷᠡᠭ᠍ᠰᠡᠨ
ᠰᠠᠷᠬᠤᠤᠨ ᠤᠨ ᠳᠡᠭᠡᠵᠢ᠂ ᠰᠠᠭᠠᠯᠢ ᠶᠢᠨ ᠠᠷᠢᠭᠢ
ᠵᠤᠨ ᠳᠠᠭᠠᠨ ᠨᠡᠷᠡᠭ᠍ᠰᠡᠨ ᠰᠠᠭᠠᠯᠢ ᠶᠢᠨ ᠠᠷᠢᠭᠢ
ᠵᠢᠷᠤᠮ ᠳᠠᠭᠠᠨ ᠪᠠᠷᠢᠬᠤ ᠰᠠᠷᠬᠤᠤᠨ ᠤᠨ ᠳᠡᠭᠡᠵᠢ
ᠨᠠᠮᠤᠷ ᠲᠠᠭᠠᠨ ᠨᠡᠷᠡᠭ᠍ᠰᠡᠨ ᠰᠠᠭᠠᠯᠢ ᠶᠢᠨ ᠠᠷᠢᠭᠢ
ᠨᠠᠢ᠌ᠷ ᠲᠠᠭᠠᠨ ᠡᠷᠭᠦᠭᠦ ᠠᠷᠢᠭᠢᠨ ᠳᠡᠭᠡᠵᠢ᠂ ᠰᠠᠭᠠᠯᠢ ᠶᠢᠨ ᠠᠷᠢᠭᠢ ᠡ ︕》
ᠭᠦᠷᠭᠡᠨ ᠤ ᠰᠢᠨᠠ ᠭᠡᠷ ᠪᠦᠷᠢᠭᠦ ᠨᠠᠢ᠌ᠷ ᠲᠤ ᠳᠦᠷᠤᠯ ᠰᠠᠳᠤᠨ ᠠᠢ᠌ᠯ ᠠᠢ᠌ᠮᠠᠭ ᠤᠨ ᠠᠬᠠ ᠳᠡᠭᠦᠤ ᠨᠡᠷ ᠵᠠᠯᠠᠭᠳᠠᠨ ᠢᠷᠡᠳᠡᠭ᠌᠃ ᠰᠢᠨᠠ ᠭᠡᠷ ᠪᠦᠷᠢᠭᠦ ᠳᠤ ᠬᠠᠷᠠᠭᠠᠴᠠ ᠳ᠋ᠤᠨᠢ ᠬᠠᠳᠠᠭ ᠣᠶᠠᠵᠤ ᠢᠷᠦᠭᠡᠯ ᠳᠠᠯᠪᠢᠳᠠᠭ᠃ ᠰᠢᠨᠠ ᠭᠦᠮᠤᠨ ᠤ ᠭᠡᠷ ᠤᠨ ᠢᠷᠦᠭᠡᠯ ᠢ ᠳᠤᠪᠴᠢᠯᠠᠪᠠᠯ᠄
(ᠬᠠᠭᠠᠯᠭᠠ ᠪᠣᠯᠤᠨ ᠡᠭᠦᠳᠡ ᠶᠢᠨ ᠢᠷᠦᠭᠡᠯ)
《ᠳᠤᠢ᠌ ᠶᠢᠨ ᠭᠤᠤᠯ ᠤᠨ ᠳᠤᠮᠤ ᠪᠣᠷᠭᠠᠰᠤ ᠵᠢ
ᠳᠠᠮᠤᠷ ᠰᠥᠭᠡ ᠪᠠᠷ ᠴᠠᠪᠴᠢᠯᠠᠵᠤ
ᠦᠨᠳᠦᠷ ᠡᠴᠠ ᠨᠢ ᠳᠠᠭᠠᠷᠢᠵᠤ
ᠦᠷᠭᠡᠨ ᠡᠴᠠ ᠨᠢ ᠥᠭᠡᠯᠡᠵᠤ
ᠣᠷᠠᠨ ᠭᠦᠮᠤᠨ ᠤ ᠰᠠᠢ᠌ᠯᠵᠤ ᠭᠢᠭ᠍ᠰᠡᠨ
ᠳᠠᠷᠬᠠᠨ ᠭᠦᠮᠤᠨ ᠤ ᠳᠠᠪᠳᠠᠵᠤ ᠪᠦᠳᠦᠭᠡᠭ᠍ᠰᠡᠨ
ᠳᠡᠭᠡᠷᠡ ᠳᠤᠤᠷᠠ ᠪᠠᠨ ᠡᠷᠭᠢᠭᠦᠯᠭᠡ ᠳᠠᠢ
ᠳᠡᠭ᠍ᠰᠢ ᠳᠦᠷᠪᠠᠨ ᠳᠤᠳᠤᠭᠤ ᠳᠠᠢ
ᠳᠡᠨᠢᠭᠡᠷ ᠬᠤᠶᠠᠷ ᠬᠠᠷᠠᠪᠴᠢ ᠳᠠᠢ
ᠮᠠᠠᠵᠢᠷ ᠸᠠᠩᠳᠠᠩ ᠬᠠᠭᠠᠯᠭᠠ
ᠨᠠᠷᠠᠰᠤᠨ ᠮᠤᠳᠤᠨ ᠡᠭᠦᠳᠡ
ᠬᠠᠭᠠᠯᠭᠠ ᠪᠣᠯᠤᠨ ᠡᠭᠦᠳᠡ ᠶᠢ ᠴᠢᠨᠢ ᠮᠢᠯᠢᠶᠠᠶᠠ᠃》
(ᠳᠤᠭᠤᠨᠤ (ᠬᠠᠷᠠᠭᠠᠵᠠ) ᠶ᠋ᠢᠨ ᠢᠷᠦᠭᠡᠯ)
《ᠬᠠᠯᠬᠠ ᠭᠤᠤᠯ ᠤᠨ ᠬᠠᠢ᠌ᠯᠠᠰᠤᠨ ᠮᠤᠳᠤ ᠵᠢ
ᠭᠠᠩ ᠰᠥᠭᠡ ᠪᠠᠷ ᠴᠠᠪᠴᠢᠯᠠᠨ ᠠᠪᠣᠭᠠᠤᠨ
ᠬᠠᠭᠠ ᠪᠠᠯᠪᠠ ᠳᠠᠭᠠᠷᠢᠵᠤ ᠣᠭᠳᠤᠯᠤᠨ
ᠬᠤᠶᠠᠷ ᠥᠵᠦᠭᠦᠷ ᠢ ᠨᠢ ᠮᠤᠷᠣᠢ᠌ᠯᠭᠠᠨ
ᠬᠤᠯᠪᠤᠨ ᠵᠠᠰᠠᠵᠤ ᠮᠠᠳᠠᠢ᠌ᠯᠭᠠᠭᠰᠠᠨ
ᠬᠠᠰ ᠡᠷᠳᠡᠨᠢ ᠶᠢᠨ ᠳᠤᠭᠤᠨᠤ ᠶᠢ ᠴᠢᠨᠢ
ᠬᠤᠨ ᠴᠠᠭᠠᠨ ᠬᠤᠨᠢ ᠶᠢ ᠠᠯᠠᠵᠤ ᠪᠠᠢ᠌ᠭᠠᠤᠨ ᠨᠢᠭᠡ ᠮᠢᠯᠢᠶᠠᠶᠠ᠃》
(ᠣᠨᠢ ᠶᠢᠨ ᠢᠷᠦᠭᠡᠯ)
《ᠢᠮᠢᠨ ᠭᠤᠤᠯ ᠤᠨ ᠦᠨᠳᠦᠷ ᠪᠣᠷᠭᠠᠰᠤ ᠵᠢ
ᠢᠷ ᠲᠡᠶ ᠰᠥᠭᠡ ᠪᠠᠷ ᠴᠠᠪᠴᠢᠯᠠᠨ ᠠᠪᠣᠭᠠᠤᠨ
ᠦᠨᠳᠦᠷ ᠪᠣᠭᠤᠨᠢ ᠶᠢ ᠨᠢ ᠴᠢᠴᠠᠤᠯᠠᠨ
ᠣᠵᠤᠭᠤᠷ ᠥᠵᠦᠭᠦᠷ ᠢ ᠨᠢ ᠳᠡᠭ᠍ᠰᠢᠯᠡᠨ
ᠥ ᠰᠠᠪ ᠦᠭᠡᠶ ᠵᠠᠰᠠᠭᠰᠠᠨ
ᠦᠨᠳᠦᠷ ᠰᠠᠢ᠌ᠬᠠᠨ ᠣᠨᠢ ᠶᠢ ᠨᠢ ᠨᠢᠭᠡ ᠮᠢᠯᠢᠶᠠᠶᠠ᠃》
(ᠬᠠᠨᠠ ᠶᠢᠨ ᠢᠷᠦᠭᠡᠯ)
《ᠨᠠᠮᠤᠭ ᠭᠠᠵᠠᠷ ᠲᠤ ᠣᠷᠭᠤᠭᠰᠠᠨ
ᠨᠠᠷᠢᠬᠠᠨ ᠪᠣᠷᠭᠠᠰᠤ ᠶᠢ ᠴᠠᠪᠴᠢᠯᠠᠨ ᠠᠪᠣᠭᠠᠤᠨ
ᠨᠠᠪᠴᠢ ᠨᠠᠮᠠᠭᠠ ᠶᠢ ᠨᠢ ᠵᠠᠰᠠᠭᠠᠤᠨ
ᠨᠠᠷᠢᠨ ᠪᠦᠳᠦᠭᠦᠨ ᠢ ᠨᠢ ᠳᠡᠩᠨᠡᠭᠦᠯᠤᠨ
ᠥ ᠴᠦ᠋ ᠶᠢ ᠨᠢ ᠥᠭᠡᠯᠡᠭᠡᠳ
ᠦᠨᠳᠦᠷ ᠪᠣᠭᠤᠨᠢ ᠶᠢ ᠨᠢ ᠳᠡᠭ᠍ᠰᠢᠯᠡᠭᠡᠳ
ᠠᠷᠠᠰᠤᠨ ᠰᠤᠷ ᠢ ᠨᠢ ᠵᠥᠰᠦᠭᠡᠳ
ᠥᠳᠡᠭᠡᠰᠤ ᠪᠣᠯᠭᠠᠨ ᠵᠠᠩᠭᠢᠳᠤᠭᠠᠤᠨ
ᠨᠠᠭᠠᠨᠠ ᠴᠠᠭᠠᠨᠠ ᠨᠢ ᠴᠢᠭᠳᠠᠯᠠᠭᠠᠤᠨ
ᠦᠯᠵᠡᠢ ᠣᠳᠠᠰᠤ ᠪᠠᠷ ᠪᠦᠷᠢᠯᠳᠦᠭ᠍ᠰᠡᠨ
ᠥᠩᠭᠡᠳᠤ ᠰᠠᠢ᠌ᠬᠠᠨ ᠬᠠᠨᠠ ᠶᠢ ᠴᠢᠨᠢ ᠨᠢᠭᠡ ᠮᠢᠯᠢᠶᠠᠶᠠ᠃》
(ᠳᠡᠭᠡᠪᠦᠷ ᠤᠨ ᠢᠷᠦᠭᠡᠯ)
《ᠲᠦᠮᠡᠨ ᠬᠤᠨᠢᠨ ᠤ ᠨᠤᠤᠰᠤ ᠶᠢ ᠭᠢᠷᠭᠠᠨ ᠠᠪᠣᠭᠠᠤᠨ
ᠲᠥᠪ ᠳᠤᠮᠳᠠ ᠨᠢ ᠣᠪᠣᠭᠠᠯᠠᠨ ᠳᠠᠯᠪᠢᠭᠠᠤᠨ
ᠨᠠᠷᠢᠬᠠᠨ ᠪᠣᠷᠭᠠᠰᠤ ᠪᠠᠷ ᠰᠠᠮᠠᠯᠠᠨ ᠵᠤᠯᠤᠭᠠᠤᠨ
ᠳᠦᠷᠤ ᠶᠢᠨ ᠣᠯᠠᠨ ᠭᠦᠭ᠍ᠰᠢᠳ ᠨᠠᠰᠤᠳᠠᠨ
ᠳᠦᠭᠡᠯᠡᠨ ᠰᠠᠭᠤᠭᠠᠤᠨ ᠵᠤᠬᠢᠶᠠᠪᠠ
ᠬᠤᠷᠠ ᠶᠢᠨ ᠣᠰᠤ ᠪᠠᠷ ᠰᠢᠪᠬᠠᠵᠤ
ᠬᠤᠷᠳᠤᠨ ᠮᠤᠷᠢ ᠪᠠᠷ ᠳᠠᠳᠠᠭᠤᠯᠤᠭᠰᠠᠨ
ᠪᠣᠯᠠᠭ ᠤᠨ ᠣᠰᠤ ᠪᠠᠷ ᠰᠢᠪᠬᠠᠵᠤ
ᠪᠣᠭᠤᠷᠤᠯ ᠮᠤᠷᠢ ᠪᠠᠷ ᠳᠠᠳᠠᠭᠤᠯᠤᠭᠰᠠᠨ
ᠨᠠᠭᠠᠨᠠ ᠨᠢ ᠨᠠᠪ ᠥᠭᠡᠢ
ᠴᠠᠭᠠᠨᠠ ᠨᠢ ᠰᠠᠪ ᠥᠭᠡᠢ
ᠴᠢᠠᠳᠠᠭᠠᠨ ᠴᠠᠭᠠᠨ ᠳᠡᠭᠡᠪᠦᠷ ᠢ ᠴᠢᠨᠢ ᠨᠢᠭᠡ ᠮᠢᠯᠢᠶᠠᠶᠠ᠃》
(ᠭᠡᠷ ᠤᠨ ᠪᠦᠰᠡ ᠶᠢᠨ ᠢᠷᠦᠭᠡᠯ)
《ᠲᠦᠮᠡᠨ ᠠᠳᠤᠭᠤᠨ ᠤ ᠳᠠᠯ ᠢ ᠭᠢᠷᠭᠠᠵᠤ
ᠮᠢᠩᠭ᠋ᠠᠨ ᠮᠤᠷᠢᠨ ᠤ ᠰᠡᠭᠦᠯ ᠢ ᠬᠠᠢ᠌ᠴᠢᠯᠠᠵᠤ
ᠳᠦᠷᠤ ᠶᠢᠨ ᠣᠯᠠᠨ ᠭᠦᠭ᠍ᠰᠢᠳ ᠨᠠᠰᠤᠳᠠᠨ
ᠲᠦᠪᠯᠡᠷᠠᠨ ᠰᠠᠭᠤᠭᠠᠤᠨ ᠵᠤᠬᠢᠶᠠᠭᠰᠠᠨ
ᠭᠢᠯᠭᠠᠰᠤ ᠶᠢ ᠨᠢ ᠡᠷᠴᠢᠯᠡᠵᠤ
ᠭᠢᠳᠤ ᠶᠢ ᠨᠢ ᠬᠠᠮᠳᠤᠷᠠᠭᠤᠯᠤᠨ ᠳᠠᠮᠤᠭᠠᠤᠨ
ᠰᠢᠷᠭᠡᠭ᠌ ᠶᠢᠡᠷ ᠨᠢ ᠰᠢᠷᠠᠵᠤ
ᠣᠳᠠᠰᠤ ᠪᠠᠷ ᠨᠢ ᠣᠶᠤᠭᠠᠤᠨ
ᠬᠠᠪᠳᠠᠭᠠᠢ ᠦᠷᠭᠡᠨ ᠪᠦᠰᠡ ᠶᠢ ᠨᠢ
ᠬᠠᠮᠳᠤ ᠪᠠᠷ ᠪᠦᠳᠦᠭᠡᠨ ᠭᠠᠷᠭᠠᠭᠰᠠᠨ
ᠪᠠᠷᠠᠭᠤᠨ ᠳᠠᠯᠠ ᠶᠢᠨ ᠬᠠᠳᠠᠪᠴᠢ ᠡᠴᠠ ᠨᠢ
ᠵᠡᠭᠦᠨ ᠳᠠᠰᠢ ᠪᠠᠨ ᠡᠷᠭᠢᠭᠦᠯᠦᠭ᠍ᠰᠡᠨ
ᠪᠠᠷᠰ ᠤᠨ ᠡᠷᠢᠶᠡᠨ ᠴᠤᠬᠤᠷ ᠳᠠᠢ
ᠠᠷᠰᠯᠠᠨ ᠤ ᠰᠢᠠᠵᠢ ᠲᠦᠯᠤᠪ ᠳᠠᠢ
ᠭᠡᠷ ᠤᠨ ᠪᠦᠰᠡ ᠶᠢ ᠪᠠᠰᠠ ᠨᠢᠭᠡ ᠮᠢᠯᠢᠶᠠᠶᠠ᠃》
(ᠭᠡᠷ ᠤᠨ ᠳᠠᠷᠤᠭᠤᠯᠭᠠ ᠶᠢᠨ ᠢᠷᠦᠭᠡᠯ)
《ᠲᠦᠮᠡᠨ ᠠᠳᠤᠭᠤᠨ ᠤ ᠳᠦᠷᠦᠭᠦᠨ ᠭᠢᠯᠭᠠᠰᠤ ᠶᠢ ᠠᠪᠣᠭᠠᠤᠨ
ᠮᠢᠩᠭ᠋ᠠᠨ ᠠᠳᠤᠭᠤᠨ ᠤ ᠨᠠᠷᠢᠨ ᠭᠢᠯᠭᠠᠰᠤ ᠶᠢ ᠴᠤᠭᠯᠠᠭᠤᠯᠤᠨ
ᠴᠠᠭᠠᠨ ᠮᠤᠷᠢᠨ ᠤ ᠭᠢᠯᠭᠠᠰᠤ ᠶᠢ
ᠴᠢᠩᠭᠠ ᠴᠢᠩᠭᠠ ᠳᠦᠭᠦᠳᠡᠭᠯᠡᠭᠡᠳ
ᠪᠣᠭᠤᠷᠤᠯ ᠮᠤᠷᠢᠨ ᠤ ᠭᠢᠯᠭᠠᠰᠤ ᠵᠢ
ᠪᠣᠷᠤᠭᠤ ᠳᠠᠯᠠ ᠪᠠᠷ ᠨᠢ ᠡᠷᠴᠢᠯᠡᠭᠡᠳ
ᠵᠢᠰᠤᠳᠤ ᠭᠡᠭᠡᠷ ᠤᠨ ᠭᠢᠯᠭᠠᠰᠤ ᠵᠢ
ᠵᠦᠪ ᠳᠠᠯᠠ ᠪᠠᠷ ᠨᠢ ᠡᠷᠴᠢᠯᠡᠭᠡᠳ
ᠭᠤᠨᠠᠨ ᠦᠷᠢᠶᠠ ᠶᠢᠨ ᠭᠢᠯᠭᠠᠰᠤ ᠵᠢ
ᠭᠤᠷᠪᠠ ᠭᠤᠷᠪᠠ ᠪᠠᠷ ᠳᠠᠮᠤᠭᠠᠤᠨ
ᠣᠷᠳᠤ ᠡᠴᠠ ᠣᠷᠳᠤ ᠳᠠᠷᠤᠭᠤᠯᠭᠠ ᠵᠢ
ᠣᠷᠢᠳᠤ ᠪᠠᠷ ᠨᠢ ᠭᠤᠷᠪᠠ ᠳᠠᠷᠤᠭᠤᠯᠪᠠ
ᠬᠣᠢ᠌ᠭᠤᠷ ᠨᠢ ᠳᠠᠳᠠᠬᠤ ᠭᠤᠷᠪᠠ ᠵᠢ
ᠬᠤᠭᠤᠷᠤᠠᠳᠤ ᠨᠢ ᠴᠢᠩᠭ᠋ᠠᠯᠠᠨ ᠳᠠᠷᠤᠭᠰᠠᠨ
ᠨᠠᠢ᠌ᠳᠠ ᠪᠦᠭᠦᠳᠡ ᠳᠠᠷᠤᠭᠤᠯᠭᠠ ᠨᠢ
ᠨᠡᠢ᠌ᠯᠡᠭᠡᠳ ᠵᠢᠷᠭᠤᠭᠠ ᠶᠢ ᠨᠢ ᠮᠢᠯᠢᠶᠠᠶᠠ᠃》
(ᠰᠢᠨᠠ ᠭᠡᠷ ᠤᠨ ᠭᠡᠷᠡᠭ᠍ᠰᠡᠯ ᠤᠨ ᠢᠷᠦᠭᠡᠯ)
《ᠭᠠᠩ ᠳᠦᠷᠪᠠᠨ ᠭᠦᠯ ᠳᠠᠢ
ᠵᠠᠳᠠᠭᠠᠢ ᠳᠠᠮᠤᠷ ᠳᠤᠯᠭᠠ
ᠭᠠᠯ ᠤᠨ ᠬᠠᠢ᠌ᠴᠢ᠂ ᠭᠠᠭᠴᠠ ᠡᠳᠡᠭᠦᠷ
ᠭᠠᠵᠠᠷ ᠤᠨ ᠰᠢᠷᠪᠠᠭᠦᠯ᠂ ᠵᠡᠭᠡᠷᠭᠡᠨᠡ ᠱᠥᠭᠦᠷ
ᠮᠤᠳᠤᠨ ᠳᠤᠮᠪᠣ᠂ ᠰᠠᠭᠠᠯᠢ ᠶᠢᠨ ᠰᠠᠭᠤᠯᠭᠠ
ᠰᠢᠷᠠᠮᠤᠨ ᠬᠠᠢ᠌ᠰᠤ᠂ ᠮᠤᠳᠤᠨ ᠬᠠᠯᠢᠪ
ᠡᠤ ᠮᠤᠵᠢᠶᠠᠩ ᠤᠨ ᠣᠷᠠᠯᠠᠭᠰᠠᠨ
ᠡᠭᠦᠯᠡᠨ ᠬᠤᠸᠠᠷ ᠲᠡᠶ ᠥᠭᠡᠭ᠌
ᠽᠠᠠᠳᠠᠨ ᠮᠤᠳᠤ ᠶᠢ ᠵᠠᠰᠠᠵᠤ ᠭᠢᠭ᠍ᠰᠡᠨ
ᠽᠦᠩᠺᠠᠤᠠ ᠪᠣᠷᠬᠠᠨ ᠤ ᠭᠦᠩᠭ᠋ᠡᠷᠡᠪᠡ
ᠠᠯᠳᠠᠨ ᠪᠣᠳᠤᠭ ᠶᠢᠡᠷ ᠡᠷᠢᠶᠡᠯᠡᠭ᠍ᠰᠡᠨ
ᠠᠶᠠᠭᠠᠨ ᠬᠤᠷᠭᠤ᠂ ᠳᠦᠷᠪᠠᠯᠵᠢᠨ ᠰᠢᠷᠡᠭᠡ
ᠭᠡᠷ ᠤᠨ ᠭᠡᠷᠡᠭ᠍ᠰᠡᠯ ᠪᠦᠷᠢᠨ
ᠳᠦᠭᠦᠭᠡᠷᠦᠭ᠍ᠰᠡᠨ ᠶᠠᠭᠤᠮᠠ ᠨᠢ ᠳᠡᠭᠦᠰ
ᠡᠳᠡᠭᠡᠷ ᠪᠦᠭᠦᠨ ᠢ ᠨᠢᠭᠡ ᠮᠢᠯᠢᠶᠠᠶᠠ᠃》
(ᠡᠷᠦᠭᠡ ᠶᠢᠨ ᠢᠷᠦᠭᠡᠯ)
《ᠳᠦᠭᠦᠷᠡᠩ ᠳᠦᠭᠦᠷᠡᠩ ᠭᠢᠯᠭᠠᠰᠤ ᠪᠠᠷ
ᠳᠠᠮᠤᠵᠤ ᠵᠠᠯᠭᠠᠨ ᠠᠯᠠᠭᠠᠳᠠᠭᠰᠠᠨ
ᠭᠤᠷᠪᠠ ᠭᠤᠷᠪᠠ ᠪᠠᠷ ᠡᠷᠴᠢᠯᠡᠭ᠍ᠰᠡᠨ
ᠭᠢᠯᠳᠤᠭᠠᠨᠠᠭᠰᠠᠨ ᠭᠢᠯᠭᠠᠰᠤᠨ ᠳᠡᠭᠡᠰᠤ ᠪᠠᠷ
ᠳᠠᠷᠤᠬᠤ ᠭᠤᠷᠪᠠᠨ ᠣᠭᠤᠰᠤᠷ ᠭᠢᠵᠤ
ᠳᠠᠳᠠᠬᠤ ᠨᠢᠭᠡ ᠣᠭᠤᠰᠤᠷ ᠬᠠᠳᠠᠵᠤ
ᠦᠷᠯᠦᠭᠡ ᠣᠷᠤᠢ ᠢᠯᠭᠠᠭᠳᠠᠬᠤ ᠥᠭᠡᠢ
ᠦᠷᠭᠦᠯᠵᠢ ᠰᠡᠭᠦᠨ ᠨᠡᠭᠡᠭᠡᠳᠡᠭ᠌
ᠡᠷᠦᠭᠡ ᠶᠢ ᠳᠠᠨᠢ ᠨᠢᠭᠡ᠂ ᠮᠢᠯᠢᠶᠠᠶᠠ᠃
ᠠᠷᠪᠠᠨ ᠴᠠᠭᠠᠨ ᠪᠣᠶᠠᠨ ᠤ ᠭᠡᠰᠢᠭ᠌ ᠬᠤᠷᠤᠢ ᠬᠤᠷᠤᠢ
ᠡᠶᠡ ᠰᠠᠢ᠌ᠳᠤ ᠡᠷᠡ ᠡᠮᠡ ᠶᠢᠨ ᠭᠡᠰᠢᠭ᠌ ᠬᠤᠷᠤᠢ ᠬᠤᠷᠤᠢ
ᠦᠯᠵᠡᠢ ᠬᠤᠳᠤᠭ ᠣᠷᠤᠰᠢᠬᠤ ᠪᠣᠯᠳᠤᠭᠠᠢ》
ᠭᠡᠵᠤ ᠳᠠᠯᠠᠯᠭᠠ ᠠᠪᠣᠨᠠ᠃
ᠵᠢᠷᠭᠤᠭᠠ. ᠭᠡᠦᠭᠡᠨ ᠭᠦᠷᠭᠡᠭᠦ
ᠭᠦᠷᠭᠡᠯᠴᠢᠨ ᠭᠡᠵᠤ ᠭᠡᠦᠭᠡᠨ ᠮᠤᠷᠳᠠᠵᠤ ᠶᠠᠪᠣᠬᠤ ᠳᠤ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠡᠳᠦᠢ ᠳᠠᠳᠤᠢ ᠣᠯᠠᠨ ᠭᠦᠮᠤᠨ ᠭᠡᠦᠭᠡᠨ ᠢ ᠭᠦᠷᠭᠡᠭᠦ ᠳᠤ ᠬᠠᠮᠳᠤ ᠶᠠᠪᠣᠯᠴᠠᠨᠠ᠃ ᠬᠤᠳᠠᠭᠠᠢ ᠪᠠᠷᠭᠡᠨ ᠨᠢ ᠰᠢᠨᠠ ᠪᠠᠷᠢ ᠪᠠᠨ ᠳᠠᠭᠠᠯᠴᠠᠨ ᠶᠠᠪᠣᠳᠠᠭ᠃ ᠭᠡᠦᠭᠡᠨ ᠶᠢᠡᠨ ᠭᠦᠷᠭᠡᠵᠤ ᠢᠷᠡᠭ᠍ᠰᠡᠨ ᠪᠠᠷᠭᠡᠨ ᠨᠢ ᠭᠡᠦᠭᠡᠨ ᠶᠢᠡᠨ ᠳᠠᠭᠠᠭᠤᠯᠵᠤ ᠭᠦᠷᠭᠡᠯᠴᠢᠨ ᠤ ᠭᠦᠮᠦᠰ ᠲᠡᠶ ᠪᠠᠨ ᠭᠦᠷᠭᠡᠨ ᠤ ᠳᠠᠯᠠ ᠶᠢᠨ ᠭᠤᠤᠯ ᠳᠦᠷᠤᠯ ᠰᠠᠳᠤᠨ ᠳᠤ ᠪᠠᠨ ᠮᠦᠷᠭᠦᠭᠦᠯᠦᠨᠡ᠃ ᠡᠭᠦᠨ ᠢ ᠪᠠᠷᠢ ᠮᠦᠷᠭᠦᠭᠦᠯᠭᠦ ᠶᠤᠰᠤᠨ ᠭᠡᠨᠡ᠃ ᠮᠦᠷᠭᠦᠯᠳᠡ ᠳᠡᠭᠦᠰᠦᠭ᠍ᠰᠡᠨ ᠤ ᠳᠠᠷᠠᠭᠠ ᠭᠡᠦᠭᠡᠨ ᠢ ᠭᠦᠷᠭᠡᠵᠤ ᠢᠷᠡᠭ᠍ᠰᠡᠨ ᠭᠦᠷᠭᠡᠯᠴᠢᠨ ᠭᠡᠷ ᠲᠤ ᠣᠷᠤᠵᠤ ᠢᠷᠠᠨ ᠣᠷᠤᠨ ᠳᠠᠭᠠᠨ ᠰᠠᠭᠤᠯᠴᠠᠨᠠ᠃ ᠣᠯᠠᠨ ᠭᠦᠮᠤᠨ ᠵᠡᠷᠭᠡ ᠭᠡᠷᠭᠡᠮ᠂ ᠠᠬᠠᠰ ᠵᠠᠬᠠᠰ᠂ ᠨᠠᠰᠤ ᠵᠢᠯ ᠤᠨ ᠳᠠᠰ ᠳᠠᠷᠠᠭᠠᠯᠠᠯ ᠶᠢᠡᠷ ᠪᠠᠢ᠌ᠷᠢᠯᠠᠨᠠ᠃ ᠬᠤᠷᠢᠮ ᠳᠤ ᠬᠤᠶᠠᠷ ᠳᠠᠯᠠ ᠶᠢᠨ ᠭᠦᠮᠦᠰ ᠪᠦᠷ ᠬᠠᠮᠳᠤ ᠳᠠᠭᠠᠨ ᠨᠠᠢ᠌ᠷᠯᠠᠵᠤ᠂ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠦᠮᠦᠰ ᠢ ᠭᠦᠡᠳᠦᠳᠭᠡᠨ ᠳᠠᠢ᠌ᠯᠠᠨᠠ᠃
ᠳᠠᠷᠠᠭᠠ ᠪᠠᠷ ᠣᠯᠠᠨ ᠶᠢᠡᠷ ᠶᠢᠡᠨ ᠨᠠᠭᠠᠳᠤᠮ ᠨᠠᠭᠠᠳᠤᠨᠠ᠃ ᠬᠤᠶᠠᠷ ᠡᠳᠡᠭᠡᠳ ᠶᠢᠡᠷ ᠶᠢᠡᠨ ᠭᠡᠳᠡ ᠴᠤᠭᠢᠬᠤ᠂ ᠱᠠᠭᠠ ᠴᠢᠮᠦᠭᠡ ᠪᠣᠯᠢᠶᠠᠯᠳᠤᠬᠤ᠂ ᠬᠤᠨᠢᠨ ᠳᠤᠯᠤᠭᠠᠢ ᠰᠢᠳᠡᠭᠦ ᠵᠡᠷᠭᠡ ᠣᠯᠠᠮᠵᠢᠯᠠᠯᠳᠤ ᠨᠠᠭᠠᠳᠤᠮ ᠭᠠᠷᠭᠠᠵᠤ ᠮᠦᠷᠣᠢ᠌ᠴᠠᠨᠠ᠃ ᠭᠡᠳᠡ ᠴᠤᠭᠢᠬᠤ ᠭᠡᠳᠡᠭ᠌ ᠨᠢ ᠬᠤᠶᠠᠷ ᠡᠳᠡᠭᠡᠳ ᠡᠴᠠ ᠨᠢᠭᠡ ᠨᠢᠭᠡ ᠭᠡᠳᠡ ᠭᠠᠷᠭᠠᠵᠤ ᠴᠤᠭᠢᠭᠠᠤᠨ ᠭᠡᠨ ᠤ ᠭᠢᠨᠢ ᠳᠦᠷᠦᠭᠦᠯᠡᠵᠤ ᠠᠰᠠᠪᠠᠯ ᠳᠠᠷᠠ ᠨᠢ ᠢᠯᠠᠯᠳᠠ ᠣᠯᠵᠤ ᠮᠦᠷᠤᠢ ᠠᠪᠣᠨᠠ᠃ ᠱᠠᠭᠠ ᠴᠢᠮᠦᠭᠡ ᠪᠣᠯᠢᠶᠠᠯᠳᠤᠬᠤ ᠭᠡᠳᠡᠭ᠌ ᠨᠢ ᠬᠤᠨᠢᠨ ᠤ ᠱᠠᠭᠠ ᠴᠢᠮᠦᠭᠡᠨ ᠳᠤ ᠣᠯᠠᠭᠠᠨ ᠪᠦᠰ ᠣᠶᠠᠵᠤ ᠮᠤᠷᠢᠨ ᠳᠡᠭᠡᠷᠡ ᠡᠴᠠ ᠪᠣᠯᠢᠶᠠᠯᠳᠤᠨ ᠳᠦᠷᠦᠭᠦᠨ ᠳ᠋ᠤᠨᠢ ᠢᠷᠠᠪᠠᠯ ᠢᠯᠠᠯᠳᠠ ᠣᠯᠤᠨᠠ᠃ ᠬᠤᠨᠢᠨ ᠳᠤᠯᠤᠭᠠᠢ ᠰᠢᠳᠡᠭᠦ ᠭᠡᠳᠡᠭ᠌ ᠨᠢ ᠰᠢᠨᠠ ᠭᠦᠷᠭᠡᠨ ᠤ ᠭᠡᠷ ᠤᠨ ᠬᠠᠷᠠᠭᠠᠴᠠ ᠪᠠᠷ ᠬᠤᠨᠢᠨ ᠳᠤᠯᠤᠭᠠᠢ ᠶᠢ ᠰᠢᠳᠠᠨ ᠭᠠᠷᠭᠠᠬᠤ ᠳᠤ ᠭᠠᠳᠠᠨᠠ ᠭᠦᠯᠢᠶᠡᠵᠤ ᠵᠤᠭᠰᠤᠭᠰᠠᠨ ᠭᠦᠮᠦᠰ ᠤᠨ ᠭᠡᠨ ᠨᠢᠭᠡ ᠨᠢ ᠬᠤᠨᠢᠨ ᠳᠤᠯᠤᠭᠠᠢ ᠶᠢ ᠪᠠᠷᠢᠵᠤ ᠠᠪᠣᠭᠠᠤᠨ ᠭᠡᠷ ᠲᠤ ᠣᠷᠤᠵᠤ ᠢᠷᠠᠪᠠᠯ ᠳᠠᠷᠠ ᠭᠦᠮᠤᠨ ᠮᠦᠷᠤᠢ ᠣᠯᠤᠨᠠ᠃ ᠨᠠᠭᠠᠳᠤᠮ ᠳᠤ ᠮᠦᠷᠤᠢ ᠠᠪᠣᠭᠰᠠᠨ ᠭᠦᠮᠦᠰ ᠨᠥᠭᠦᠭᠡ ᠪᠣᠰᠤᠳ ᠡᠴᠠ ᠪᠠᠨ ᠠᠷᠢᠭᠢ ᠣᠤᠭᠤᠨᠠ᠃
ᠨᠠᠢ᠌ᠷ ᠲᠤ ᠨᠠᠢ᠌ᠷᠯᠠᠭᠠᠤᠨ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠭᠦᠷᠭᠡᠯᠴᠢᠨ ᠪᠣᠴᠠᠬᠤ ᠪᠣᠯᠤᠨᠠ᠃ ᠭᠡᠭᠦ ᠳᠡᠭᠡᠨ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠬᠤᠳᠠᠭᠠᠢ ᠪᠣᠶᠤ ᠪᠠᠷᠭᠡᠨ ᠨᠢ ᠬᠤᠴᠤᠷᠤᠨᠠ᠃ ᠣᠷᠤᠢ ᠮᠦᠷᠭᠦᠯ ᠭᠢᠨᠠ᠃ ᠰᠢᠨᠠ ᠪᠠᠷᠢ ᠬᠠᠳᠠᠮ ᠠᠪᠣ ᠡᠵᠢ ᠳᠡᠭᠡᠨ ᠮᠦᠷᠭᠦᠨᠡ᠃ ᠮᠦᠷᠭᠦᠯ ᠤᠨ ᠰᠢᠷᠢᠳᠡᠭ᠌ ᠦᠭᠭᠦᠨᠡ᠃ ᠰᠠᠳᠤᠨ ᠳᠦᠷᠤᠯ ᠨᠢ ᠪᠠᠷᠢ ᠳᠤ ᠶᠠᠭᠤᠮᠠ ᠦᠭᠭᠦ᠂ ᠡᠮᠦᠰᠭᠡᠯ ᠡᠮᠦᠰᠭᠡᠭᠦ᠂ ᠮᠠᠯ ᠵᠢᠭᠠᠵᠤ ᠦᠭᠭᠦᠨᠡ᠃ ᠪᠠᠷᠢ ᠶᠢᠨ ᠰᠢᠨᠠ ᠭᠡᠷ ᠲᠤ ᠬᠤᠶᠠᠷ ᠣᠷᠳᠤ ᠳᠠᠷᠠ ᠲᠡᠶ᠂ ᠨᠢᠭᠡ ᠶᠢ ᠳᠤᠯᠤᠭᠠᠢ ᠶᠢᠨ ᠳᠠᠯᠠ ᠳᠠᠯᠪᠢᠵᠤ᠂ ᠨᠥᠭᠦᠭᠡ ᠶᠢ ᠨᠢ ᠭᠦᠯ ᠳᠠᠯᠠ ᠳᠤ ᠳᠠᠯᠪᠢᠨᠠ᠃ ᠭᠦᠯ ᠳᠠᠯᠠ ᠶᠢᠨ ᠳᠠᠷᠠ ᠳᠤᠳᠤᠷᠠ ᠪᠠᠷᠢ ᠶᠢᠨ ᠡᠮᠦᠰᠳᠡᠭ᠌ ᠳᠤᠳᠤᠷ ᠬᠤᠪᠴᠠᠰᠤ ᠶᠢ ᠳᠠᠯᠪᠢᠨᠠ᠃ ᠳᠤᠯᠤᠭᠠᠢ ᠳᠠᠯᠠ ᠶᠢᠨ ᠳᠠᠷᠠ ᠳᠤᠳᠤᠷᠠ ᠡᠴᠠ ᠴᠠᠢ᠂ ᠬᠠᠩᠵᠤᠨᠠᠰᠤ ᠮᠠᠳᠤ ᠶᠢᠨ ᠪᠠᠯᠡᠭ᠌ ᠢ ᠭᠠᠷᠭᠠᠨ ᠭᠡᠦᠭᠡᠨ ᠤ ᠳᠠᠯᠠ ᠶᠢᠨ ᠪᠠᠷᠭᠡᠨ ᠳᠤ ᠪᠠᠯᠡᠭᠯᠡᠨᠡ᠃
ᠰᠦᠨᠢ ᠣᠠᠳᠠᠬᠤ ᠦᠶᠡ ᠳᠤ ᠬᠤᠶᠠᠷ ᠳᠠᠯᠠ ᠶᠢᠨ ᠪᠠᠷᠭᠡᠨ ᠰᠢᠨᠠ ᠭᠡᠷ ᠲᠤ ᠣᠷᠤᠵᠤ ᠰᠢᠨᠠ ᠭᠡᠷ ᠲᠤ ᠬᠤᠨᠤᠬᠤ ᠪᠣᠶᠤ ᠬᠤᠨᠤᠬᠤ ᠦᠭᠡᠶ ᠴᠤ ᠪᠠᠢ᠌ᠳᠠᠭ᠃ ᠭᠦᠷᠭᠡᠯᠴᠢᠨ ᠬᠠᠷᠢᠭᠰᠠᠨ ᠤ ᠳᠠᠷᠠᠭᠠ ᠭᠤᠷᠪᠠᠳᠤᠭᠠᠷ ᠡᠳᠦᠷ ᠲᠤ ᠭᠡᠦᠭᠡᠨ ᠤ ᠠᠪᠣ ᠡᠵᠢ ᠨᠢ ᠢᠷᠠᠨᠠ᠃ ᠮᠠᠷᠭᠠᠰᠢ ᠨᠢ ᠭᠦᠷᠭᠡᠨ ᠭᠦᠪᠠᠭᠦᠨ ᠣᠴᠢᠵᠤ ᠬᠠᠳᠠᠮ ᠠᠪᠣ ᠡᠵᠢ ᠪᠠᠨ ᠠᠪᠴᠢᠷᠠᠨᠠ᠃ ᠭᠦᠷᠭᠡᠨ ᠤ ᠭᠡᠷ ᠲᠤ ᠢᠷᠡᠭ᠍ᠰᠡᠨ ᠭᠡᠦᠭᠡᠨ ᠤ ᠡᠭᠡ ᠨᠢ ᠪᠠᠷᠢ ᠶᠢᠨ ᠳᠤᠯᠤᠭᠠᠢ ᠶᠢᠨ ᠪᠦᠳᠦᠭᠡᠯᠭᠡ ᠶᠢ ᠠᠪᠴᠤ ᠢᠯᠠ ᠪᠣᠯᠭᠠᠵᠤ ᠬᠠᠳᠠᠮ ᠠᠪᠣ ᠡᠵᠢ ᠳ᠋ᠤᠨᠢ ᠮᠦᠷᠭᠦᠭᠦᠯᠳᠡᠭ᠌᠃ ᠭᠡᠦᠭᠡᠨ ᠤ ᠡᠭᠡ ᠨᠢ ᠰᠢᠨᠠ ᠪᠠᠷᠢ ᠪᠣᠯᠤᠭᠰᠠᠨ ᠭᠡᠦᠭᠡᠨ ᠶᠢᠡᠨ ᠡᠮᠦᠨᠡ ᠪᠠᠨ ᠰᠠᠭᠤᠯᠭᠠᠨ ᠬᠤᠷᠮᠤᠢ ᠶᠢ ᠳᠡᠯᠭᠡᠨ ᠴᠢᠯᠠᠭᠤ ᠪᠠᠷ ᠳᠠᠷᠤᠵᠤ᠂ ᠴᠢᠯᠠᠭᠤ ᠴᠤᠭᠢᠭᠰᠠᠨ ᠭᠠᠵᠠᠷ ᠲᠤ ᠪᠠᠨ᠂ ᠭᠡᠦᠭᠡᠨ ᠭᠦᠮᠤᠨ ᠦᠭᠭᠦᠭ᠍ᠰᠡᠨ ᠭᠠᠵᠠᠷ ᠲᠤ ᠪᠠᠨ᠂ ᠬᠠᠳᠠᠨ ᠳᠤ ᠬᠠᠷᠪᠣᠭᠰᠠᠨ ᠰᠤᠮᠤ᠂ ᠬᠠᠷᠢ ᠳᠤ ᠦᠭᠭᠦᠭ᠍ᠰᠡᠨ ᠭᠡᠦᠭᠡᠨ ᠭᠡᠳ ᠦᠬᠢᠨ ᠶᠢᠡᠨ ᠳᠤᠰᠢᠶᠠᠨ ᠥᠭ᠍ᠴᠤ ᠭᠠᠷᠴᠤ ᠶᠠᠪᠣᠨᠠ᠃
ᠳᠠᠭᠢᠨ ᠭᠤᠷᠪᠠ ᠬᠤᠨᠤᠵᠤ ᠭᠡᠦᠭᠡᠨ ᠳᠦᠷᠭᠦᠮ ᠳᠡᠭᠡᠨ ᠬᠠᠷᠢᠵᠤ ᠭᠡᠳᠤ ᠬᠤᠨᠤᠭᠠᠤᠨ ᠪᠣᠴᠠᠵᠤ ᠢᠷᠠᠨᠠ᠃ ᠡ᠊ᠨᠳᠡ ᠭᠦᠷᠦᠭᠡᠳ ᠥᠭᠡᠯᠡᠳ ᠤᠨ ᠬᠤᠷᠢᠮ ᠤᠨ ᠶᠤᠰᠤᠨ ᠳᠡᠭᠦᠰᠦᠨᠡ᠃
(ᠭᠡᠦᠭᠡᠨ ᠭᠦᠷᠭᠡᠵᠤ ᠢᠷᠡᠭ᠍ᠰᠡᠳ ᠤᠨ ᠪᠣᠴᠠᠬᠤ ᠳᠠᠭᠤᠤ)
《ᠨᠤᠭᠤᠭᠠᠨ ᠳᠤᠯᠤᠭᠠᠢ ᠲᠡᠶ ᠨᠤᠭᠤᠰᠤ
ᠨᠠᠭᠤᠷ ᠤᠨ ᠳᠤᠮᠳᠠ ᠪᠠᠨ ᠱᠤᠤᠭᠢᠶᠠᠨ ᠳᠠᠢ
ᠨᠤᠵᠢᠶᠠᠷᠠᠵᠤ ᠰᠠᠭᠤᠭᠰᠠᠨ ᠬᠤᠳᠠ ᠨᠠᠷ
ᠳᠠᠷᠬᠠᠬᠤ ᠳᠠᠢ᠌ᠰᠢ ᠪᠠᠨ ᠪᠣᠯᠤᠯᠠ
ᠪᠣᠷᠤ ᠳᠢᠶᠠᠠᠫᠢᠩ ᠲᠡᠶ ᠠᠷᠢᠭᠢ ᠨᠢ
ᠪᠠᠷᠠᠬᠤ ᠳᠠᠢ᠌ᠰᠢ ᠪᠠᠨ ᠪᠣᠯᠤᠯᠠ
ᠪᠠᠷᠠᠭᠤᠨ ᠵᠡᠭᠦᠨ ᠡᠴᠠ ᠴᠤᠭᠯᠠᠭᠰᠠᠨ ᠬᠤᠳᠠ ᠨᠠᠷ
ᠪᠠᠷᠭᠠᠬᠤ ᠳᠠᠢ᠌ᠰᠢ ᠪᠠᠨ ᠪᠣᠯᠤᠯᠠ
ᠬᠤᠨ ᠭᠡᠮᠡᠭᠦ ᠰᠢᠪᠠᠭᠤ ᠨᠢ
ᠬᠤᠯᠤᠰᠤᠳᠤ ᠨᠠᠭᠤᠷ ᠲᠠᠭᠠᠨ ᠱᠤᠤᠭᠢᠶᠠᠨ ᠳᠠᠢ
ᠬᠤᠷᠠᠵᠤ ᠢᠷᠡᠭ᠍ᠰᠡᠨ ᠬᠤᠳᠠ ᠨᠠᠷ
ᠳᠠᠷᠠᠬᠠᠬᠤ ᠳᠠᠢ᠌ᠰᠢ ᠪᠠᠨ ᠪᠣᠯᠤᠯᠠ
ᠳᠢᠶᠠᠠᠫᠢᠩ ᠰᠠᠪᠠ ᠲᠡᠶ ᠠᠷᠢᠭᠢ ᠨᠢ
ᠳᠠᠭᠤᠰᠬᠤ ᠳᠠᠢ᠌ᠰᠢ ᠪᠠᠨ ᠪᠣᠯᠤᠯᠠ
ᠳᠠᠭᠠᠷᠠᠯᠴᠠᠵᠤ ᠰᠠᠭᠤᠭᠰᠠᠨ ᠬᠤᠳᠠ ᠨᠠᠷ
ᠳᠠᠷᠬᠠᠬᠤ ᠳᠠᠢ᠌ᠰᠢ ᠪᠠᠨ ᠪᠣᠯᠤᠯᠠ᠃》
(ᠬᠤᠷᠢᠮ ᠳᠡᠭᠦᠰᠭᠦ ᠳᠠᠭᠤᠤ)
《ᠬᠤᠨ ᠰᠢᠪᠠᠭᠤ ᠬᠤᠷᠠᠵᠤ ᠨᠢᠰᠤᠨᠠ
ᠬᠤᠷᠢᠮ ᠤᠨ ᠠᠬᠠ ᠨᠡᠷ ᠴᠤᠭᠯᠠᠷᠠᠵᠤ ᠮᠤᠷᠳᠠᠨᠠ
ᠨᠠᠭᠤᠷ ᠤᠨ ᠰᠢᠪᠠᠭᠤ ᠨᠠᠢ᠌ᠳᠠ ᠪᠠᠷ ᠨᠢᠰᠤᠨᠠ
ᠨᠠᠢ᠌ᠷ ᠤᠨ ᠠᠬᠠ ᠨᠡᠷ ᠴᠤᠭᠯᠠᠷᠠᠵᠤ ᠮᠤᠷᠳᠠᠨᠠ
ᠬᠤᠶᠠᠷ ᠬᠤᠶᠠᠷ ᠶᠢᠡᠷ ᠨᠠᠢ᠌ᠷᠠᠭᠤᠯᠵᠤ
ᠬᠤᠷᠢᠮ ᠨᠠᠢ᠌ᠷ ᠶᠢᠡᠨ ᠳᠡᠭᠦᠰᠭᠡᠶᠡ
ᠳᠦᠷᠪᠠ ᠳᠦᠷᠪᠠ ᠪᠠᠷ ᠨᠠᠢ᠌ᠷᠠᠭᠤᠯᠵᠤ
ᠳᠦᠷᠤ ᠶᠢᠨ ᠬᠤᠷᠢᠮ ᠶᠢᠡᠨ ᠳᠡᠭᠦᠰᠭᠡᠶᠡ
ᠨᠢ᠋ᠮᠠ ᠨᠢ᠋ᠮᠠ ᠪᠠᠷ ᠨᠠᠢ᠌ᠷᠭᠤᠯᠵᠤ
ᠨᠠᠢ᠌ᠷ ᠬᠤᠷᠢᠮ ᠶᠢᠡᠨ ᠳᠡᠭᠦᠰᠭᠡᠶᠡ᠃
ᠬᠤᠳᠠ ᠨᠡᠷ ᠤᠨ ᠮᠤᠷᠢ ᠶᠢ ᠪᠠᠷᠢ
ᠬᠤᠠᠳᠠᠭᠠ ᠴᠢᠯᠠᠵᠤ ᠪᠠᠢ᠌ᠨᠠ ᠭᠡᠳᠡᠭ᠌᠃》
ᠮᠠᠨ ᠤ ᠥᠭᠡᠯᠡᠳ ᠶᠠᠰᠤᠳᠠᠨ ᠳᠤ ᠡᠷᠳᠡᠨ ᠤ ᠰᠤᠶᠤᠯ ᠲᠡᠶ ᠪᠦᠭᠡᠳ ᠡᠷᠳᠡᠨ ᠡᠴᠠ ᠣᠯᠠᠮᠵᠢᠯᠠᠵᠤ ᠢᠷᠡᠭ᠍ᠰᠡᠨ ᠶᠤᠮ᠃ ᠬᠤᠷᠢᠮ ᠨᠠᠢ᠌ᠷ ᠤᠨ ᠶᠤᠰᠤᠨ ᠲᠡᠶ ᠪᠦᠭᠡᠳ ᠳᠠᠷᠠ ᠪᠠᠷ ᠬᠤᠷᠢᠮ ᠤᠨ ᠶᠤᠰᠤᠨ ᠳᠤ ᠵᠣᠢ᠌ᠷ ᠥᠭᠡ᠂ ᠰᠠᠴᠠᠨ ᠥᠭᠡ᠂ ᠮᠠᠭᠳᠠᠭᠠᠯ᠂ ᠢᠷᠦᠭᠡᠯ ᠳᠠᠯᠪᠢᠵᠤ᠂ ᠠᠷᠢᠭᠢ ᠰᠠᠷᠬᠤᠤᠨ ᠪᠠᠷᠢᠵᠤ ᠳᠠᠭᠤᠤ ᠳᠠᠭᠤᠯᠠᠬᠤ ᠨᠢ ᠠᠯᠢ ᠡᠷᠳᠡ ᠡᠴᠠ ᠣᠯᠠᠮᠵᠢᠯᠠᠨ ᠢᠷᠠᠵᠤ᠂ ᠠᠷᠢᠭᠢ ᠪᠠᠷᠢᠬᠤ ᠳᠠᠭᠠᠨ ᠶᠡᠭᠡ ᠪᠠᠭᠠ ᠭᠦᠮᠤᠨ ᠭᠡᠵᠤ ᠢᠯᠭᠠᠬᠤ ᠦᠭᠡᠶ᠂ ᠬᠤᠷᠢᠮ ᠳᠤ ᠢᠷᠡᠭ᠍ᠰᠡᠨ ᠭᠦᠮᠤᠨ ᠪᠤᠯᠭᠠᠨ ᠳᠤ ᠠᠷᠢᠭᠢ ᠪᠠᠷᠢᠵᠤ ᠨᠢᠭᠡ ᠯᠠ ᠳᠠᠭᠤᠤ ᠪᠠᠷ ᠠᠷᠢᠭᠢ ᠪᠠᠷᠢᠬᠤ ᠪᠢᠰᠢ ᠭᠦᠮᠤᠨ ᠪᠣᠯᠭᠠᠨ ᠳᠠᠭᠤᠤ ᠲᠡᠶ ᠠᠷᠢᠭᠢ ᠪᠠᠷᠢᠨᠠ᠃
ᠬᠤᠷᠢᠮ ᠤᠨ ᠰᠤᠶᠤᠯ ᠮᠠᠨᠢ ᠭᠡᠭᠡᠭ᠍ᠳᠡᠵᠤ ᠪᠠᠢ᠌ᠬᠤ ᠮᠦᠷᠳᠡᠭᠡᠨ ᠨᠤᠳᠤᠭ ᠤᠨ ᠡᠪᠦᠭᠡᠳ ᠭᠦᠭ᠍ᠰᠢᠳ ᠨᠠᠰᠤᠳᠠᠤᠨ ᠴᠥᠭᠡᠳᠡᠵᠤ ᠬᠠᠭᠤᠴᠢᠨ ᠤ ᠣᠯᠠᠮᠵᠢᠯᠠᠯ ᠴᠤ ᠣᠷᠤᠨ ᠪᠠᠢ᠌ᠷᠢ ᠪᠠᠨ ᠣᠯᠬᠤ ᠦᠭᠡᠶ ᠪᠣᠯᠵᠠᠢ᠃
ᠪᠢᠳᠠᠨ ᠤ ᠣᠤᠷ ᠨᠤᠳᠤᠭ ᠰᠢᠠᠵᠢᠶᠠᠩ ᠪᠣᠯᠪᠠᠴᠤ ᠣᠳᠤ ᠳᠤ ᠰᠠᠭᠤᠷᠢᠰᠢᠨ ᠨᠤᠳᠤᠭᠰᠢᠭᠰᠠᠨ ᠨᠢ ᠭᠦᠯᠤᠨ ᠪᠣᠢ᠌ᠷ ᠪᠣᠯᠵᠤ ᠣᠷᠴᠢᠨ ᠳᠤᠭᠤᠷᠢᠨ᠂ ᠪᠠᠢ᠌ᠭᠠᠯᠢ᠂ ᠠᠵᠤ ᠠᠬᠤᠢ᠂ ᠰᠤᠶᠤᠯ ᠤᠨ ᠭᠦᠭ᠍ᠵᠢᠯ ᠡᠴᠠ ᠪᠣᠯᠵᠤ ᠣᠯᠠᠮᠵᠢᠯᠠᠯ ᠰᠤᠶᠤᠯ ᠴᠤ ᠠᠳᠠᠯᠢ ᠦᠭᠡᠶ ᠣᠠᠴᠠᠯᠢᠭ ᠲᠡᠶ ᠪᠣᠯᠵᠠᠢ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠧᠡᠩᠭᠢ ᠶᠢᠨ ᠳᠸᠯᠸᠢᠰ ᠬᠤᠷᠢᠶᠠ
ᠵᠤᠬᠢᠶᠠᠭᠴᠢ᠄ ᠴᠠᠮᠠᠬᠠᠤᠨ᠂ ᠷᠠᠵᠢᠳᠮᠠ
ᠢᠷᠡᠯᠲᠡ᠄ ᠥᠭᠡᠯᠡᠳ·ᠵᠠᠮᠰᠠ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠵᠠᠩ ᠤᠢ᠌ᠯᠠᠳᠠᠷᠤᠮ᠄ 15654
ᠴᠠᠭ᠄ 2012 ᠤᠨ ᠤ 02 ᠰᠠᠷᠠ ᠶᠢᠨ 17
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ