☆ ᠦ᠊·ᠨᠢᠮᠠᠴᠠᠷᠠᠨ
ᠭᠠᠩᠷᠢᠮᠠ
ᠭᠠᠷ ᠢ ᠴᠢᠨᠢ ᠠᠳᠬᠤᠵᠤ ᠨᠠᠷᠠ ᠶᠢ ᠴᠢᠨᠢ ᠰᠢᠪᠠᠨᠡᠭ᠍ᠰᠡᠨ ᠮᠢᠨᠢ ᠵᠢᠷᠭᠠᠯ ᠲᠡᠶ
ᠭᠠᠯ ᠣᠯᠠᠭᠠᠨ ᠣᠷᠤᠭᠤᠯ ᠡᠴᠡ ᠴᠢᠨᠢ ᠦᠨᠦᠰᠴᠤ ᠳᠠᠭᠠᠯᠠᠭᠰᠠᠨ ᠮᠢᠨᠢ ᠠᠵᠠ ᠲᠡᠶ
ᠭᠠᠭᠴᠠ ᠯᠠ ᠥᠵᠡᠭᠡᠳ ᠳᠤᠷᠠᠯᠠᠭᠰᠠᠨ ᠮᠢᠨᠢ ᠦᠨᠡᠠᠴᠢ ᠰᠡᠳᠭᠢᠯ ᠤᠨ ᠣᠭᠢ ᠲᠡᠶ
ᠭᠠᠭᠴᠠᠭᠠᠷᠳᠠᠵᠤ ᠶᠠᠪᠣᠭᠰᠠᠨ ᠪᠠᠶᠠ ᠳᠤ ᠮᠢᠨᠢ ᠪᠠᠷᠠ ᠨᠡᠮᠡᠭ᠍ᠰᠡᠨ ᠠᠯᠬᠤᠭᠠ ᠲᠡᠶ᠂
ᠬᠠᠢ᠌ᠷᠠ ᠪᠠᠷ ᠳᠤᠭᠳᠠᠬᠤ ᠬᠤᠷᠸᠠ ᠳᠤ
ᠬᠠᠷᠠᠭᠠ ᠶᠢ ᠮᠢᠨᠢ ᠪᠣᠯᠢᠶᠠᠭᠰᠠᠨ ᠭᠠᠩᠷᠢᠮᠠ
ᠬᠠᠢ᠌ᠷᠬᠠᠨ ᠳᠦᠷᠦᠭ᠍ᠰᠡᠨ ᠪᠠᠶᠠ ᠪᠠᠷ ᠶᠢᠡᠨ
ᠵᠡᠭᠦᠳᠤᠨ ᠳᠤ ᠮᠢᠨᠢ ᠬᠤᠨᠤᠭᠰᠢᠭᠰᠠᠨ ᠭᠠᠩᠷᠢᠮᠠ
ᠣᠷᠢ ᠵᠠᠯᠠᠭᠤ ᠨᠠᠰᠤᠨ ᠤ ᠮᠢᠨᠢ
ᠦᠨᠡᠠᠴᠢ ᠬᠠᠢ᠌ᠷᠠ ᠭᠠᠩᠷᠢᠮᠠ
ᠦᠷᠯᠦᠭᠡ ᠦᠳᠡᠰᠢ ᠶᠢᠨ ᠰᠡᠯᠡᠭᠦᠨ ᠳᠤ
ᠪᠣᠳᠤᠯ ᠤᠨ ᠮᠢᠨᠢ ᠣᠶᠠᠭᠠ ᠭᠠᠩᠷᠢᠮᠠ
ᠥᠵᠡᠮᠡᠭ᠍ᠴᠡ ᠳᠤᠭᠤᠭᠰᠠᠨ ᠰᠡᠳᠭᠢᠯ ᠢ ᠮᠢᠨᠢ
ᠣᠢ᠌ᠯᠠᠭᠠᠵᠤ ᠴᠢᠳᠠᠭᠰᠠᠨ ᠦᠭᠡᠶ ᠭᠠᠩᠷᠢᠮᠠ
ᠦᠨᠡᠠᠴᠢ ᠵᠢᠷᠦᠭᠡᠨ ᠤ ᠮᠢᠨᠢ ᠬᠠᠢ᠌ᠷᠠ ᠶᠢ ᠮᠢᠨᠢ
ᠣᠶᠠᠷᠠᠭᠤᠯᠵᠤ ᠳᠤᠭᠳᠤᠯᠤᠭᠤᠯᠤᠭᠰᠠᠨ ᠭᠠᠩᠷᠢᠮᠠ
ᠡᠷᠴᠡᠭᠡᠢ ᠰᠢᠭᠤᠤᠠᠬᠠᠨ ᠵᠠᠩ ᠢ ᠮᠢᠨᠢ
ᠢᠳᠡᠭᠡᠵᠤ ᠠᠮᠵᠢᠭᠠ ᠦᠭᠡᠶ ᠭᠠᠩᠷᠢᠮᠠ
ᠢᠯᠠ ᠳᠤᠳᠤᠬᠠᠨ ᠥᠭᠡ ᠳᠤ ᠮᠢᠨᠢ
ᠳᠤᠭᠳᠠᠪᠣᠷᠢ ᠠᠯᠳᠠᠭᠰᠠᠨ ᠭᠠᠩᠷᠢᠮᠠ
ᠢᠷᠡᠮᠡᠭᠦ ᠮᠦᠴᠡ ᠶᠢᠨ ᠳᠤᠷᠠᠯᠠᠯ ᠳᠤ ᠮᠢᠨᠢ
ᠢᠳᠡᠭᠡᠯ ᠡᠪᠦᠷᠯᠡᠭᠦᠯᠦᠭ᠍ᠰᠡᠨ ᠭᠠᠩᠷᠢᠮᠠ
ᠢᠨᠠᠭ ᠤᠨ ᠣᠯᠠᠭᠠᠨ ᠭᠠᠯ ᠢ ᠮᠢᠨᠢ
ᠣᠠᠳᠠᠷᠠᠭᠠᠬᠤ ᠰᠢᠬᠠᠭᠰᠠᠨ ᠭᠠᠩᠷᠢᠮᠠ
ᠬᠠᠢ᠌ᠷᠠ ᠶᠢᠨ ᠣᠯᠠᠭᠠᠨ ᠰᠠᠷᠠᠨᠠ ᠶᠢ ᠮᠢᠨᠢ
ᠭᠦᠯᠢᠶᠡᠵᠤ ᠴᠢᠳᠠᠭᠰᠠᠨ ᠦᠭᠡᠶ ᠭᠠᠩᠷᠢᠮᠠ
ᠦᠨᠡᠨ ᠴᠠᠢ᠌ᠯᠭᠠᠨ ᠰᠡᠳᠭᠢᠯ ᠳᠤ ᠮᠢᠨᠢ
ᠭᠤᠮᠤᠳᠠᠯ ᠬᠤᠴᠤᠷᠤᠭᠤᠯᠤᠭᠰᠠᠨ ᠭᠠᠩᠷᠢᠮᠠ
ᠦᠨᠦᠴᠢᠨ ᠪᠣᠷᠤ ᠵᠢᠷᠦᠭᠡᠨ ᠳᠤ ᠮᠢᠨᠢ
ᠦᠨᠦᠷ ᠶᠢᠡᠨ ᠦᠯᠡᠳᠡᠭᠡᠭ᠍ᠰᠡᠨ ᠭᠠᠩᠷᠢᠮᠠ
ᠥᠭᠡᠢ᠌ᠷᠡᠰᠢ ᠦᠭᠡᠶ ᠠᠷᠢᠭᠤᠨ ᠬᠠᠢ᠌ᠷᠠ ᠶᠢ ᠮᠢᠨᠢ
ᠦᠪᠡᠷ ᠤᠨ ᠭᠢ ᠪᠣᠯᠭᠠᠭᠠᠴᠢ ᠭᠠᠩᠷᠢᠮᠠ
ᠰᠢᠷᠭᠢᠰᠢ ᠦᠭᠡᠶ ᠦᠨᠡᠨ ᠰᠡᠳᠭᠢᠯ ᠳᠤ ᠮᠢᠨᠢ
ᠰᠢᠭᠢᠤᠠᠴᠤ ᠳᠤᠨᠤᠭᠰᠠᠨ ᠭᠠᠩᠷᠢᠮᠠ
ᠰᠢᠯᠵᠢᠰᠢ ᠦᠭᠡᠶ ᠠᠷᠢᠭᠤᠬᠠᠨ ᠵᠢᠷᠦᠭᠡᠨ ᠳᠤ ᠮᠢᠨᠢ
ᠰᠤᠯᠤᠩᠭ᠋ᠠ ᠪᠣᠯᠤᠨ ᠠᠷᠠᠬᠠᠯᠠᠭᠳᠠᠭᠰᠠᠨ ᠭᠠᠩᠷᠢᠮᠠ
ᠰᠢᠵᠢᠷ ᠠᠯᠳᠠᠨ ᠨᠠᠰᠤᠨ ᠤ ᠮᠢᠨᠢ
ᠰᠢᠠᠳᠠᠰᠤ ᠶᠢ ᠪᠣᠯᠢᠶᠠᠭᠰᠠᠨ ᠭᠠᠩᠷᠢᠮᠠ
ᠰᠡᠪᠳᠦᠭᠡ ᠦᠭᠡᠶ ᠰᠡᠳᠭᠢᠯ ᠳᠤ ᠮᠢᠨᠢ
ᠰᠢᠯᠦᠭ᠌ ᠪᠣᠯᠵᠤ ᠠᠮᠢᠯᠠᠭᠰᠠᠨ ᠭᠠᠩᠷᠢᠮᠠ
ᠰᠡᠭᠦᠷᠡᠰᠤ ᠠᠯᠳᠠᠭᠰᠠᠨ ᠨᠠᠮᠢ᠋ᠢ
ᠠᠷᠭᠠᠳᠠᠵᠤ ᠴᠢᠳᠠᠭᠠ ᠦᠭᠡᠶ ᠭᠠᠩᠷᠢᠮᠠ
ᠰᠡᠳᠭᠢᠯ ᠵᠢᠷᠦᠭᠡᠨ ᠤ ᠮᠢᠨᠢ ᠭᠦᠨ ᠡᠴᠡ
ᠪᠠᠯᠠᠷᠠᠬᠤ ᠦᠭᠡᠶ ᠳᠠᠭᠢᠨᠢ ᠭᠠᠩᠷᠢᠮᠠ
ᠭᠠᠭᠴᠠᠭᠠᠷᠳᠠᠭᠰᠠᠨ ᠰᠦᠨᠢ ᠶᠢᠨ ᠪᠣᠳᠤᠯ ᠳᠤ
ᠬᠠᠵᠠᠭᠤ ᠳᠤ ᠮᠢᠨᠢ ᠪᠠᠢ᠌ᠳᠠᠭ ᠭᠠᠩᠷᠢᠮᠠ
ᠳᠤᠭᠳᠤᠯᠵᠤ ᠳᠠᠷᠤᠭᠰᠠᠨ ᠣᠳᠠᠰᠤᠨ ᠳᠤ
ᠨᠢᠯᠪᠣᠰᠤ ᠲᠡᠶ ᠶᠠᠷᠢᠭᠰᠠᠨ ᠭᠠᠩᠷᠢᠮᠠ
ᠭᠡᠭᠦᠳᠡᠭ᠌ ᠴᠠᠭᠠᠨ ᠴᠡᠭᠡᠵᠢᠨ ᠳᠤ ᠮᠢᠨᠢ
ᠨᠠᠷᠠ ᠪᠠᠨ ᠮᠥᠩᠭᠡᠯᠡᠭ᠍ᠰᠡᠨ ᠭᠠᠩᠷᠢᠮᠠ
ᠭᠦᠰᠡᠯ ᠶᠢᠡᠷ ᠪᠢᠯᠬᠠᠭᠰᠠᠨ ᠠᠮᠢᠳᠤᠷᠠᠯ ᠤᠨ ᠮᠢᠨᠢ
ᠭᠦᠭ᠍ᠵᠢᠮ ᠤᠨ ᠠᠶᠠᠯᠠᠭᠤ ᠭᠠᠩᠷᠢᠮᠠ
ᠭᠦᠷᠡᠩ ᠵᠢᠷᠦᠭᠡᠨ ᠤ ᠮᠢᠨᠢ ᠣᠩᠭ᠋ᠤᠨ ᠳᠤᠷᠠᠯᠠᠯ ᠢ
ᠭᠦᠭᠡᠷᠦᠭᠦᠨ ᠢᠨᠢᠶᠠᠳᠤ ᠪᠠᠷ ᠶᠢᠡᠨ ᠡᠵᠡᠮᠳᠡᠭ᠍ᠰᠡᠨ ᠭᠠᠩᠷᠢᠮᠠ
ᠨᠢᠭᠤᠵᠤ ᠣᠨᠠᠭᠠᠭᠰᠠᠨ ᠨᠢᠯᠪᠣᠰᠤ ᠡᠴᠡ ᠮᠢᠨᠢ
ᠣᠷᠭᠤᠭᠰᠠᠨ ᠴᠡᠴᠡᠭ᠌ ᠭᠠᠩᠷᠢᠮᠠ
ᠨᠢᠳᠤ ᠬᠠᠶᠠᠵᠤ ᠳᠤᠷᠠᠯᠠᠭᠰᠠᠨ
ᠨᠢᠭᠤᠴᠠᠬᠠᠨ ᠭᠡᠦᠭᠡᠨ ᠭᠠᠩᠷᠢᠮᠠ
ᠴᠢᠩ ᠦᠨᠡᠠᠴᠢ ᠳᠤᠷᠠᠯᠠᠯ ᠤᠨ ᠮᠢᠨᠢ
ᠦᠬᠢᠨ ᠳᠡᠭ᠍ᠷᠢ ᠭᠠᠩᠷᠢᠮᠠ
ᠴᠡᠪᠠᠷᠭᠡᠨ ᠳᠦᠷᠦᠭ᠍ᠰᠡᠨ ᠵᠢᠰᠤ ᠪᠠᠨ
ᠵᠢᠷᠦᠭᠡᠨ ᠳᠤ ᠮᠢᠨᠢ ᠬᠠᠳᠠᠭᠠᠯᠠᠭᠰᠠᠨ ᠭᠠᠩᠷᠢᠮᠠ
ᠰᠡᠳᠭᠢᠯ ᠠᠯᠳᠠᠵᠤ ᠬᠠᠢ᠌ᠷᠠᠯᠠᠭᠰᠠᠨ ᠡᠴᠡ
ᠳᠡᠷᠭᠡᠳᠡ ᠴᠢᠨᠢ ᠭᠦᠶᠦᠭᠡᠳ ᠭᠦᠷᠴᠢᠭᠡᠭ᠍ᠰᠡᠨ ᠦᠦ
ᠰᠠᠷᠢᠮᠠ ᠦᠭᠡᠶ ᠰᠦᠨᠢ ᠶᠢᠨ ᠵᠡᠭᠦᠳᠤᠨ ᠡᠴᠡ ᠮᠢᠨᠢ
ᠬᠤᠯᠠᠳᠠᠭᠠᠤᠨ ᠦᠭᠡᠶ ᠰᠠᠷᠠᠨ ᠭᠠᠩᠷᠢᠮᠠ
ᠳᠠᠭᠤᠰᠤᠰᠢ ᠦᠭᠡᠶ ᠠᠷᠢᠭᠤᠨ ᠬᠠᠢ᠌ᠷᠠ ᠪᠠᠨ
ᠳᠤᠷᠠᠯᠠᠭᠰᠠᠨ ᠴᠢᠮᠠ ᠳᠠᠭᠠᠨ ᠵᠤᠷᠢᠭᠤᠯᠤᠨᠠ ᠪᠢ
ᠳᠤᠤᠯᠢᠮᠠ ᠬᠤᠷᠸᠠ ᠶᠢᠨ ᠵᠢᠷᠭᠠᠯ ᠢ
ᠳᠠᠭᠤᠤ ᠰᠢᠯᠦᠭ᠌ ᠲᠡᠶ ᠪᠠᠨ ᠪᠠᠯᠡᠭᠯᠡᠨᠡ ᠪᠢ
ᠠᠵᠢᠯ ᠤᠨ ᠭᠡᠭᠡᠮᠰᠦᠭ᠌ ᠳᠠᠰᠤᠭ ᠲᠤ ᠴᠢᠨᠢ
ᠠᠳᠭᠠᠨ ᠣᠷᠤᠭᠰᠠᠨ ᠢ ᠮᠢᠨᠢ ᠠᠭᠤᠴᠢᠯᠠᠭᠠᠷᠠᠢ
ᠠᠰᠬᠠᠷᠠᠭᠰᠠᠨ ᠬᠠᠯᠠᠭᠤᠨ ᠰᠡᠳᠭᠢᠯ ᠴᠢᠨᠢ
ᠠᠭᠤᠰᠤᠯ ᠦᠭᠡᠶ ᠭᠡᠪ ᠶᠢᠡᠷ ᠶᠢᠡᠨ ᠪᠠᠢ᠌ᠭᠠᠰᠠᠢ
ᠠᠭᠤᠷᠯᠠᠵᠤ ᠪᠢᠳᠡᠭᠡᠢ ᠭᠤᠮᠤᠳᠠᠭᠠᠷᠠᠢ ︕
ᠣᠭᠢᠯᠠᠵᠤ ᠪᠢᠳᠡᠭᠡᠢ ᠭᠡᠮᠰᠢᠭᠡᠷᠡᠢ ︕
ᠣᠳᠠᠰᠤ ᠶᠢ ᠮᠢᠨᠢ ᠪᠢᠳᠡᠭᠡᠢ ᠳᠠᠰᠤᠯᠤᠭᠠᠷᠠᠢ ᠭᠠᠩᠷᠢᠮᠠ ︕
ᠠᠭᠤᠴᠢᠯᠠᠯ ᠭᠤᠶᠤᠭᠰᠠᠨ ᠳᠤ ᠮᠢᠨᠢ ᠣᠬᠠᠭᠠᠷᠠᠭᠠᠴᠢ ᠭᠠᠩᠷᠢᠮᠠ ︕
ᠦᠷᠭᠦᠯᠵᠢ ᠴᠢᠮᠢ᠋ᠢ ᠥᠭᠡᠢ᠌ᠯᠡᠨ ᠰᠠᠨᠠᠵᠤ
ᠣᠢ᠌ᠤᠠᠬᠠᠷᠯᠠᠨ ᠭᠤᠨᠢᠳᠠᠭ ᠲᠤ ᠮᠢᠨᠢ ᠦᠷᠤ ᠡᠪᠠᠳᠦᠭᠡᠴᠢ ︕
ᠦᠨᠡᠨ ᠴᠢᠮᠠ ᠳᠤ ᠳᠤᠷᠠᠯᠠᠭᠰᠠᠨ ᠢ ᠮᠢᠨᠢ
ᠢᠷᠡᠭᠦ ᠮᠠᠷᠭᠠᠰᠢ ᠶᠢᠨ ᠪᠣᠯᠵᠤᠭᠠ ᠭᠡᠷᠡᠴᠢᠯᠡᠳᠦᠭᠡᠢ ︕
ᠦᠷ ᠴᠠᠢ᠌ᠯᠭᠠᠵᠤ ᠴᠢᠳᠠᠭᠰᠠᠨ ᠦᠭᠡᠶ ᠦᠨᠦᠰᠤᠯᠳᠠ ᠮᠢᠨᠢ
ᠡᠪᠦᠯ ᠤᠨ ᠰᠦᠨᠢ ᠶᠢᠨ ᠵᠡᠭᠦᠳᠤ ᠪᠠᠢ᠌ᠭᠠᠰᠠᠢ ︕
ᠦᠪᠡᠷ ᠡᠴᠡ ᠮᠢᠨᠢ ᠬᠤᠯᠠᠳᠠᠭᠰᠠᠨ ᠰᠡᠳᠭᠢᠯ ᠴᠢᠨᠢ
ᠥᠭᠡᠢ᠌ᠯᠡᠵᠤ ᠳᠤᠷᠠᠰᠤᠳᠠᠭ ᠮᠦᠷᠦᠭᠡᠳᠦᠯ ᠪᠣᠯᠤᠭᠠᠰᠠᠢ ︕
ᠬᠠᠳᠠᠭᠤ ᠳᠠᠪᠢᠯᠠᠩ ᠲᠡᠶ ᠣᠷᠴᠢᠯᠠᠩ ᠳᠤ ᠬᠠᠭᠠᠴᠠᠵᠤ ᠥᠩᠭᠡᠷᠡᠭ᠍ᠰᠡᠨ ᠴᠤ ᠶᠠᠭᠠᠭᠢᠬᠤᠪ ︖
ᠬᠠᠯᠠᠭᠤᠨ ᠵᠢᠷᠦᠭᠡᠨ ᠤ ᠮᠢᠨᠢ ᠴᠤᠭᠢᠯᠳᠠ ᠭᠠᠭᠴᠠ ᠴᠢᠮᠠ ᠳᠠᠭᠠᠨ ᠳᠠᠮᠤᠯᠠᠨᠠ
ᠬᠠᠪᠣᠷ ᠤᠨ ᠨᠤᠭᠤᠭᠠ ᠰᠤᠶᠤᠭᠠᠯᠠᠬᠤ ᠡᠴᠡ ᠡᠮᠦᠨᠡ ᠳᠤ ᠬᠠᠢ᠌ᠷᠠ ᠶᠢ ᠮᠢᠨᠢ ᠴᠢ ᠳᠤᠰᠤᠭᠠᠷᠠᠢ ︕
ᠬᠠᠨ ᠳᠡᠯᠡᠭᠡᠢ ᠭᠦᠭᠡᠷᠡᠭᠦ ᠴᠠᠭ ᠲᠤ ᠬᠠᠮᠳᠤ ᠳᠠᠭᠠᠨ ᠪᠢᠳᠠ ᠬᠤᠶᠠᠷ ᠬᠠᠢ᠌ᠷᠠ ᠪᠠᠨ ᠳᠠᠭᠤᠯᠠᠭᠠᠰᠠᠢ ︕
ᠬᠤᠤᠰ ᠦᠭᠡᠶ ᠳᠤᠷᠠᠳᠬᠠᠯ ᠴᠢᠨᠤ ᠳᠤᠬᠠᠢ ᠪᠣᠳᠤᠯ ᠢ
ᠬᠣᠢ᠌ᠰᠢᠳᠠ ᠶᠢᠨ ᠠᠮᠢᠳᠤᠷᠠᠯ ᠳᠠᠭᠠᠨ ᠴᠤ ᠮᠠᠷᠳᠠᠬᠤ ᠦᠭᠡᠶ
ᠬᠤᠤᠰᠯᠠᠬᠤ ᠶᠢᠨ ᠮᠦᠷᠦᠭᠡᠳᠦᠯ ᠢ ᠵᠢᠷᠦᠭᠡᠨ ᠳᠡᠭᠡᠨ ᠵᠢᠷᠤᠭᠯᠠᠵᠤ
ᠬᠤᠩᠭ᠋ᠤᠷ ᠴᠢᠮᠢ᠋ᠢ ᠪᠠᠨ ᠳᠡᠭᠡᠳᠦᠯᠡᠵᠤ ᠶᠠᠪᠣᠨᠠ ᠪᠢ ︕
ᠬᠤᠶᠠᠷ ᠦᠭᠡᠶ ᠰᠡᠳᠭᠢᠯ ᠳᠡᠭᠡᠨ ᠨᠠᠠᠳᠢᠩᠨᠠᠨ ᠬᠠᠷᠠᠮᠨᠠᠵᠤ
ᠬᠤᠪᠳᠤᠯ ᠵᠢᠷᠦᠭᠡᠨ ᠳᠡᠭᠡᠨ ᠥᠭᠡᠢ᠌ᠯᠡᠵᠤ ᠶᠠᠪᠣᠨᠠ ᠪᠢ ︕
ᠬᠠᠢ᠌ᠷᠠ ᠶᠢ ᠮᠢᠨᠢ ᠪᠣᠯᠢᠶᠠᠭᠰᠠᠨ ᠴᠢᠨᠤ ᠨᠠᠷᠠ ᠶᠢ
ᠬᠤᠷᠸᠠ ᠳᠤ ᠪᠢ ᠠᠮᠢᠳᠤ ᠳᠠᠭᠠᠨ ᠮᠠᠷᠳᠠᠬᠤ ᠦᠭᠡᠶ ︕
ᠭᠠᠩᠷᠢᠮᠠ᠁᠂
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠰᠢᠠᠵᠢᠶᠠᠩ ᠤᠨ ᠪᠠᠶᠠᠠᠭᠤᠤᠯ ᠵᠸᠤ ᠶᠢᠨ ᠾᠸᠵᠢᠩ ᠰᠢᠶᠠᠨ ᠤ ᠠᠯᠭᠤᠤ ᠰᠤᠮᠤᠨ
ᠵᠤᠬᠢᠶᠠᠭᠴᠢ᠄ ᠦ᠊·ᠨᠢᠮᠠᠴᠠᠷᠠᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2622
ᠴᠠᠭ᠄ 2010 ᠤᠨ ᠤ 05 ᠰᠠᠷᠠ ᠶᠢᠨ 31
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ