☆ ᠳᠤᠷᠤᠨᠠᠴᠡᠴᠡᠭ
ᠨᠤᠳᠤᠭ ᠤᠨ ᠮᠦᠷᠦᠭᠡᠳᠦᠯ
ᠬᠠᠷᠢ ᠶᠢᠨ ᠭᠠᠵᠠᠷ ᠰᠠᠭᠤᠬᠤ ᠳᠤ
ᠬᠠᠨᠠᠭᠠᠷ ᠠᠭᠤᠳᠠᠮ ᠨᠤᠳᠤᠭ ᠮᠢᠨᠢ ᠳᠤᠷᠠᠰᠤᠭᠳᠠᠨ
ᠬᠠᠷᠠᠬᠤ ᠬᠤᠶᠠᠷ ᠨᠢᠳᠤ ᠶᠢ ᠮᠢᠨᠢ
ᠬᠠᠯᠠᠭᠤᠨ ᠨᠢᠯᠪᠣᠰᠤ ᠪᠦᠷᠭᠦᠭᠡᠳ ᠪᠠᠢ᠌ᠨᠠ
ᠠᠷᠤ ᠶᠢᠨ ᠦᠨᠳᠦᠷ ᠠᠭᠤᠯᠠ ᠶᠢ ᠬᠠᠷᠠᠬᠤ ᠳᠤ
ᠠᠪᠣ ᠶᠢᠨ ᠳᠦᠷᠢ ᠰᠢᠭ᠌ ᠰᠡᠭᠦᠢᠨ ᠰᠦᠨᠳᠠᠷᠯᠠᠵᠤ
ᠠᠯᠠᠭ ᠬᠤᠶᠠᠷ ᠨᠢᠳᠤ ᠶᠢ ᠮᠢᠨᠢ
ᠠᠰᠬᠠᠷᠠᠬᠤ ᠨᠢᠯᠪᠣᠰᠤ ᠪᠦᠷᠭᠦᠭᠡᠳ ᠪᠠᠢ᠌ᠨᠠ
ᠣᠨᠢᠶᠷᠳᠤᠨ ᠨᠡᠭᠦᠳᠡᠯᠯᠡᠭᠦ ᠡᠭᠦᠯᠡᠰ ᠢ ᠬᠠᠷᠠᠬᠤ ᠳᠤ
ᠣᠶᠠᠬᠠᠨ ᠡᠵᠢ ᠶᠢᠨ ᠮᠢᠨᠢ ᠪᠠᠷᠠ ᠳᠤᠳᠤᠷᠠᠨ
ᠣᠰᠬᠠᠯ ᠬᠤᠶᠠᠷ ᠨᠢᠳᠤ ᠶᠢ ᠮᠢᠨᠢ
ᠣᠷᠤᠰᠬᠤ ᠨᠢᠯᠪᠣᠰᠤ ᠪᠦᠷᠭᠦᠭᠡᠳ ᠪᠠᠢ᠌ᠨᠠ
ᠭᠠᠯᠠᠭᠤᠨ ᠰᠢᠪᠠᠭᠤ ᠳᠤᠩᠭ᠋ᠤᠤᠠᠬᠤ ᠳᠤ
ᠭᠠᠵᠠᠷ ᠣᠰᠤ ᠮᠢᠨᠢ ᠰᠠᠨᠠᠭᠳᠠᠨ
ᠭᠠᠯ ᠲᠡᠶ ᠬᠤᠶᠠᠷ ᠨᠢᠳᠤ ᠶᠢ ᠮᠢᠨᠢ
ᠭᠠᠰᠢᠭᠤᠨ ᠨᠢᠯᠪᠣᠰᠤ ᠪᠦᠷᠭᠦᠭᠡᠳ ᠪᠠᠢ᠌ᠨᠠ
ᠲ᠋ᠤᠭᠤᠭᠠ ᠲᠡᠶ ᠰᠦ᠋ ᠪᠠᠨ ᠰᠠᠮᠤᠷᠠᠨ ᠰᠠᠭᠤᠬᠤ ᠳᠤ
ᠳᠤᠭᠤᠨᠤᠳᠤ ᠰᠠᠢ᠌ᠬᠠᠨ ᠭᠡᠷ ᠮᠢᠨᠢ ᠥᠭᠡᠢ᠌ᠯᠡᠭ᠍ᠳᠡᠭᠡᠳ
ᠳᠤᠷᠮᠤᠭᠤᠷ ᠬᠤᠶᠠᠷ ᠨᠢᠳᠤ ᠶᠢ ᠮᠢᠨᠢ
ᠳᠤᠷᠭᠠᠨ ᠨᠢᠯᠪᠣᠰᠤ ᠪᠦᠷᠭᠦᠭᠡᠳ ᠪᠠᠢ᠌ᠨᠠ
ᠪᠦᠷᠳᠡᠯᠵᠡᠨ ᠥᠩᠭᠡᠷᠡᠭᠦ ᠬᠤᠯᠠ ᠶᠢᠨ ᠵᠡᠷᠭᠡᠯᠭᠡᠨ ᠳᠤ
ᠪᠦᠪᠠᠢ ᠶᠢᠨ ᠳᠠᠭᠤᠤ ᠲᠡᠶ ᠦᠯᠦᠭᠡᠢ ᠮᠢᠨᠢ ᠡᠷᠢᠭ᠍ᠳᠡᠨ
ᠪᠦᠷᠭᠦᠷ ᠬᠤᠶᠠᠷ ᠨᠢᠳᠤ ᠶᠢ ᠮᠢᠨᠢ
ᠪᠦᠯᠢᠶᠡᠨ ᠨᠢᠯᠪᠣᠰᠤ ᠪᠦᠷᠭᠦᠭᠡᠳ ᠪᠠᠢ᠌ᠨᠠ
ᠮᠥᠩᠭᠦᠨ ᠰᠠᠷᠠᠨ ᠤ ᠳᠤᠤᠷᠠ ᠰᠡᠷᠢᠭᠦᠴᠡᠨ ᠠᠯᠬᠤᠬᠤ ᠳᠤ
ᠮᠤᠩᠭ᠋ᠤᠯ ᠤᠨ ᠰᠠᠢ᠌ᠬᠠᠨ ᠨᠤᠳᠤᠭ ᠮᠢᠨᠢ ᠰᠠᠨᠠᠭᠳᠠᠨ
ᠮᠣᠢ᠌ᠯ ᠬᠠᠷᠠ ᠨᠢᠳᠤ ᠶᠢ ᠮᠢᠨᠢ
ᠮᠦᠷᠦᠭᠡᠳᠦᠯ ᠤᠨ ᠨᠢᠯᠪᠣᠰᠤ ᠪᠦᠷᠭᠦᠭᠡᠳ ᠪᠠᠢ᠌ᠨᠠ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠰᠢᠠᠵᠢᠶᠠᠩ ᠪᠠᠶᠠᠠᠭᠤᠤᠯ ᠵᠸᠤ ᠾᠸᠵᠢᠩ ᠰᠢᠶᠠᠨ ᠤ ᠦᠯᠵᠠᠢ᠌ᠳᠤ᠊ᠠ᠋ᠭᠤᠯᠠ ᠰᠤᠮᠤᠨ ᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠤᠨ ᠬᠤᠷᠢᠶᠠ
ᠵᠤᠬᠢᠶᠠᠭᠴᠢ᠄ ᠳᠤᠷᠤᠨᠠᠴᠡᠴᠡᠭ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2662
ᠴᠠᠭ᠄ 2010 ᠤᠨ ᠤ 08 ᠰᠠᠷᠠ ᠶᠢᠨ 10
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ