ᠳᠠᠷᠠᠬᠠᠨ ᠬᠤᠰᠢᠭᠤᠨ ᠡᠴᠠ ᠪᠣᠰᠤᠭᠰᠠᠨ

ᠳᠠᠢ᠌ᠪᠣᠩ ᠰᠠᠯᠭᠢ

ᠳᠠᠶᠠᠩ ᠤᠨ ᠴᠢᠭᠢᠨ ᠳᠤ ᠳᠠᠭᠤᠷᠢᠰᠤᠭᠰᠠᠨ

ᠪᠠᠭᠠᠳᠤᠷᠯᠢᠭ ᠳᠤᠤᠯᠢ

ᠨᠠᠷ᠎ᠠ ᠪᠠᠷ ᠴᠢᠨᠢ ᠳᠠᠭᠤᠳᠠᠬᠤ ᠳ᠋ᠤ

ᠨᠠᠷᠠ ᠳᠤᠯᠠᠢ᠌ᠵᠤ

ᠥᠶᠡᠷᠯᠡᠭᠦ ᠪᠠᠨ ᠮᠠᠷᠳᠠᠭᠰᠠᠨ

ᠦᠯᠵᠡᠢ᠌ᠮᠤᠷᠠᠨ ᠭᠤᠤᠯ ᠊ᠤᠨ

ᠭᠡᠦᠭᠡᠨ ᠭᠡᠪᠠᠯᠢ ᠡᠮᠵᠡᠭᠯᠡᠵᠤ

ᠡᠷᠭᠢ ᠨᠢ

ᠦᠨᠳᠦᠰᠦ ᠲᠡᠶ ᠪᠠᠨ ᠶᠡᠭᠦᠷᠡᠨ᠎ᠡ᠁

ᠮᠠᠨ ᠤ ᠨᠤᠳᠤᠭ ᠤᠨ ᠶᠠᠭᠤ ᠪᠦᠭᠦᠨ

ᠮᠠᠨ ᠤ ᠬᠢ ᠪᠢᠰᠢ ᠰᠢᠭ᠌

ᠰᠤᠬᠤᠷ ᠨᠤᠮᠤᠨ ᠤ ᠠᠭᠰᠤᠮᠨᠠᠵᠤ

ᠭᠠᠵᠠᠷ ᠣᠷᠪᠠᠭᠤᠯᠬᠤ ᠮᠡᠳᠡᠭᠡ

ᠨᠤᠳᠤᠭ ᠪᠠᠭᠳᠠᠬᠤ ᠦᠭᠡᠶ ᠳᠠᠭᠤᠷᠢᠰᠴᠤ

ᠠᠷᠤ ᠭᠠᠵᠠᠷ ᠤᠨ ᠣᠮᠤᠭᠯᠠᠩ ᠡᠷᠡᠰ ᠤᠳ

《ᠭᠠᠳᠠ ᠮᠠᠢ᠌ᠷᠠᠨ》 ᠊ᠤ ᠵᠢᠪᠬᠤᠯᠠᠩᠳᠤ ᠠᠶᠠᠰ ᠢᠰᠭᠢᠷᠴᠤ

ᠠᠳᠤᠭᠤ ᠪᠠᠨ

ᠠᠯᠠᠰᠢᠨ ᠤ ᠭᠠᠵᠠᠷ ᠳᠠᠭᠤᠬᠤ

ᠠᠶᠤᠮᠰᠢᠭᠳᠤ ᠴᠢᠮᠡᠭᠡ

ᠳᠤᠭᠤᠨᠤ ᠪᠠᠷ ᠴᠤᠯᠴᠠᠷᠠᠬᠤ ᠳ᠋ᠤ

ᠭᠠᠴᠢᠭᠳᠠᠬᠤ ᠳ᠋ᠠᠭᠠᠨ

ᠭᠠᠷ ᠬᠠᠵᠠᠳᠠᠭ ᠬᠤᠯᠤᠭᠠᠨ᠎ᠠ ᠡᠴᠠ

ᠭᠠᠯ ᠳᠤ ᠣᠷᠤᠳᠠᠭ ᠬᠤᠯᠤᠭᠠᠨ᠎ᠠ ᠨᠢ

ᠠᠭᠤᠤ ᠶᠡᠭᠡ ᠶᠤᠮ ᠭᠡᠵᠤ

ᠭᠠᠵᠠᠷ ᠳᠤᠤᠷ᠎ᠠ

ᠭᠠᠳᠠ ᠶᠢᠨ ᠵᠢᠷᠦᠭᠡ ᠬᠠᠴᠢᠨ ᠭᠠᠴᠢᠭᠳᠠᠨ᠎ᠠ᠃

1997.4.9

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ ᠄ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠢᠤᠳᠠᠨ ᠳᠤᠪᠴᠢᠶ᠎ᠠ ᠵᠢᠨ 40 ᠳ᠋ᠤᠭᠠᠷ ᠵᠠᠭᠢᠳᠠᠯ ᠤᠨ ᠬᠠᠢ᠌ᠷᠴᠠᠭ