☆ ᠴᠤᠭᠳᠤ
ᠴᠢᠩᠭᠢᠰ ᠪᠣᠭᠳᠠ ᠠᠭᠤᠯᠠ
ᠭᠦᠭᠡ ᠳᠡᠭ᠍ᠷᠢ ᠪᠠᠨ ᠰᠢᠷᠳᠠᠨ ᠭᠦᠡᠵᠡᠭᠡᠢ ᠠᠮᠢᠰᠬᠤᠵᠤ ᠨᠣᠢ᠌ᠷᠰᠤᠬᠤ
ᠭᠦᠷᠦᠰᠦᠳᠤ ᠳᠡᠯᠡᠭᠡᠢ ᠶᠢᠨ ᠵᠢᠷᠦᠭᠡ᠂ ᠴᠢᠩᠭᠢᠰ ᠪᠣᠭᠳᠠ ᠠᠭᠤᠯᠠ
ᠭᠦᠯᠦᠭ᠌ ᠤᠨ ᠶᠢᠡᠨ ᠳᠦᠪᠤᠷᠬᠡᠨ ᠢ ᠴᠢᠩᠨᠠᠨ ᠳᠠᠢ᠌ᠪᠣᠬᠠᠨ ᠭᠡᠪᠳᠡᠵᠤ ᠠᠮᠠᠷᠠᠬᠤ
ᠭᠦᠭᠡ ᠮᠤᠩᠭ᠋ᠤᠯ ᠤᠨ ᠰᠢᠳᠦᠭᠡᠨ᠂ ᠴᠢᠩᠭᠢᠰ ᠪᠣᠭᠳᠠ ᠠᠭᠤᠯᠠ᠃
ᠳᠠᠷᠬᠠᠢ ᠠᠢ᠌ᠮᠠᠭ ᠶᠢᠡᠨ ᠨᠢᠭᠡᠳᠭᠡᠭ᠍ᠰᠡᠨ
ᠳᠠᠯᠠᠢ᠌ᠴᠠ ᠰᠦᠷ ᠶᠢᠡᠨ ᠰᠠᠨᠠᠭᠠᠯᠵᠠᠨ
ᠳᠠᠷᠬᠠᠨ ᠳᠤᠭ ᠶᠢᠠᠨ ᠮᠠᠠᠳᠤᠭᠤᠯᠤᠭᠰᠠᠨ
ᠳᠠᠢ᠌ᠴᠢᠨ ᠣᠢ᠌ᠯᠠᠰ ᠶᠢᠡᠨ ᠮᠥᠷᠦᠭᠡᠳᠤᠨ
ᠴᠢᠩᠭᠢᠰ ᠪᠣᠭᠳᠠ ᠠᠭᠤᠯᠠ ᠴᠢᠪ ᠴᠢᠮᠡᠭᠡ ᠦᠭᠡᠶ ᠨᠣᠢ᠌ᠷᠰᠤᠨᠠ
ᠴᠢ ᠪᠢᠳᠠᠨ ᠤ ᠵᠢᠷᠦᠭᠡᠨ ᠳᠤ ᠴᠢᠮᠡᠭᠡ ᠬᠠᠢ᠌ᠷᠠᠯᠠᠨ ᠨᠣᠢ᠌ᠷᠰᠤᠨᠠ᠃
ᠥᠩᠭᠡᠷᠡᠭᠡᠳ ᠤᠳᠤᠭᠰᠠᠨ ᠳᠡᠦᠭᠡ ᠪᠠᠨ ᠣᠴᠢᠷᠯᠠᠨ ᠪᠠᠢ᠌ᠭᠠ ᠴᠤ ᠶᠤᠮᠰᠢᠭ
ᠵᠡᠭᠦᠳᠤᠨ ᠳᠡᠭᠡᠨ ᠬᠠᠶᠠ ᠢᠨᠢᠶᠡᠮᠰᠦᠭᠯᠡᠨᠡ
ᠦᠨᠦ ᠴᠠᠭ ᠤᠨ ᠣᠴᠢᠷ ᠲᠤ ᠣᠴᠠᠭᠠᠷᠳᠠᠨ ᠪᠠᠢ᠌ᠭᠠ ᠴᠤ ᠶᠤᠮᠰᠢᠭ
ᠵᠢᠷᠦᠭᠡᠨ ᠳᠡᠭᠡᠷᠡ ᠬᠠᠶᠠ ᠠᠶᠤᠩᠭ᠋ᠠᠯᠠᠨᠠ᠃
ᠬᠠᠠᠳᠤᠭᠰᠠᠨ ᠵᠥᠭ᠌ ᠲᠡᠭᠡᠨ ᠳᠠᠢ᠌ᠰᠤᠨ ᠦᠭᠡᠶ ᠶᠠᠪᠣᠭᠰᠠᠨ ᠪᠠᠬᠠᠷᠬᠠᠯ
ᠬᠠᠷᠪᠣᠭᠰᠠᠨ ᠰᠤᠮᠤ ᠨᠢ ᠬᠤᠭᠤᠰᠤᠨ ᠦᠭᠡᠶ ᠶᠠᠪᠣᠭᠰᠠᠨ ᠣᠮᠤᠷᠬᠠᠯ
ᠬᠠᠭᠠᠨ ᠪᠣᠭᠳᠠ ᠶᠢᠨ ᠮᠢᠨᠢ ᠰᠦᠨᠠᠰᠤ ᠬᠠᠨᠠᠭᠠᠷ ᠳᠠᠯᠠ ᠳᠠᠭᠠᠨ ᠨᠣᠢ᠌ᠷᠰᠤᠨᠠ
ᠬᠠᠨᠠᠭᠠᠷ ᠶᠡᠭᠡ ᠳᠠᠯᠠ ᠪᠠᠨ ᠰᠢᠭ ᠠᠭᠤᠵᠢᠮ ᠠᠮᠢᠰᠬᠤᠵᠤ ᠨᠣᠢ᠌ᠷᠰᠤᠨᠠ᠃
ᠡᠯᠡᠷ ᠪᠠᠯᠠᠷ ᠵᠠᠭᠤᠨ ᠢ ᠡᠪᠠᠷᠳᠤ ᠨᠤᠮᠤ ᠪᠠᠷ ᠶᠢᠡᠨ ᠨᠠᠮᠨᠠᠵᠤ
ᠡᠷᠯᠢᠭ᠌ ᠵᠡᠷᠯᠢᠭ᠌ ᠬᠤᠶᠠᠷ ᠢ ᠡᠷᠭᠢᠭᠦᠯᠦᠭ᠍ᠰᠡᠨ ᠰᠠᠯᠠᠮᠠ ᠪᠠᠷ ᠶᠢᠡᠨ ᠨᠤᠮᠤᠬᠠᠳᠬᠠᠵᠤ
ᠡᠷᠭᠢᠭᠦ ᠠᠯᠳᠠᠨ ᠪᠦᠮᠪᠦᠷᠴᠡᠭ᠌ ᠢ ᠭᠦᠯᠦᠭ᠌ ᠤᠨ ᠶᠢᠡᠨ ᠳᠤᠭᠤᠷᠠᠢ ᠪᠠᠷ ᠡᠪᠭᠡᠵᠤ
ᠡᠵᠡᠨ ᠭᠦᠮᠤᠨ ᠤ ᠨᠠᠷᠠ ᠪᠠᠨ ᠭᠦᠭᠡ ᠰᠤᠳᠤᠷ ᠲᠤ ᠳᠡᠮᠳᠡᠭᠯᠡᠭᠦᠯᠵᠤ
ᠦᠶᠡ ᠵᠠᠯᠭᠠᠬᠤ ᠮᠤᠩᠭ᠋ᠤᠯ ᠳᠠᠭᠠᠨ ᠦᠨᠢᠷ ᠪᠣᠶᠠᠨ ᠢ ᠥᠯᠡᠳᠡᠭᠡᠵᠤ
ᠥᠵᠦᠭᠦᠷ ᠨᠢ ᠡᠰᠡ ᠬᠠᠷᠠᠭᠳᠠᠬᠤ ᠦᠷᠭᠡᠨ ᠳᠠᠯᠠ ᠪᠠᠨ ᠥᠯᠡᠳᠡᠭᠡᠵᠤ
ᠡᠭᠦᠯᠡᠨ ᠳᠤ ᠰᠢᠷᠭᠤᠭᠰᠠᠨ ᠠᠭᠤᠯᠠ ᠬᠠᠳᠠ ᠪᠠᠨ ᠥᠯᠡᠳᠡᠭᠡᠵᠤ
ᠥᠭᠡᠷ ᠬᠤᠨᠢ ᠠᠳᠤᠭᠤ ᠮᠠᠯ ᠶᠢᠠᠨ ᠥᠯᠡᠳᠡᠭᠡᠵᠤ
ᠦᠪᠡᠷ ᠶᠢᠡᠨ ᠡᠨᠡ ᠭᠦᠮᠤᠨ
ᠪᠣᠷᠬᠠᠨ ᠳᠤ ᠳᠠᠭᠤᠳᠠᠭᠳᠠᠭᠠᠤᠨ ᠶᠠᠪᠣᠴᠢᠬᠠᠭᠰᠠᠨ ᠪᠠᠢ᠌ᠨᠠ
ᠦᠷᠭᠡᠨ ᠶᠡᠭᠡ ᠭᠤᠪᠢ ᠳ᠋ᠠᠭᠠᠨ
ᠪᠣᠴᠠᠭᠠᠤᠨ ᠶᠠᠪᠣᠴᠢᠬᠠᠭᠰᠠᠨ ᠪᠠᠢ᠌ᠨᠠ
ᠳᠡᠭᠡᠭᠡᠵᠤ ᠶᠠᠪᠣᠭᠰᠠᠨ ᠳᠡᠷᠭᠡᠨ ᠤ ᠭᠢᠨᠢ
ᠪᠣᠭᠤᠯᠭᠠ ᠨᠢ ᠳᠠᠰᠤᠷᠠᠭᠰᠠᠨ ᠭᠠᠵᠠᠷ ᠡᠴᠡ
ᠳᠡᠭ᠍ᠷᠢ ᠶᠢᠨ ᠡᠯᠴᠢᠨ ᠳᠡᠭᠦᠨ ᠢ
ᠪᠣᠷᠬᠠᠨ ᠤ ᠣᠷᠤᠨ ᠳᠤ ᠠᠪᠠᠴᠢᠴᠢᠬᠠᠭᠰᠠᠨ ᠪᠠᠢ᠌ᠨᠠ᠃
ᠨᠠᠰᠤ ᠪᠠᠶᠠ ᠬᠤᠶᠠᠷ ᠤᠨ ᠶᠢᠡᠨ ᠮᠥᠩᠭᠡ ᠪᠣᠰᠤ ᠶᠢ ᠥᠵᠡᠭᠦᠯᠦᠭ᠍ᠰᠡᠨ ᠴᠤ
ᠨᠠᠷᠠ ᠰᠠᠷᠠᠨ ᠤ ᠳᠤᠤᠷᠠ ᠮᠥᠩᠭᠡ ᠶᠢᠨ ᠳᠡᠦᠭᠡ ᠪᠠᠨ ᠪᠦᠳᠦᠭᠡᠭ᠍ᠰᠡᠨ
ᠠᠭᠤᠤ ᠶᠡᠭᠡ ᠡᠨᠡ ᠭᠦᠮᠤᠨ ᠢ
ᠠᠯᠳᠠᠨ ᠳᠡᠯᠡᠭᠡᠢ ᠴᠤ ᠮᠡᠳᠡᠷᠡᠳᠡᠭ᠌ ᠶᠤᠮ ᠪᠣᠯᠬᠤᠷ
ᠠᠭᠢᠭᠠᠤᠨ ᠳᠡᠭᠦᠨ ᠢ ᠠᠮᠢᠯᠠᠭᠤᠯᠤᠨ
ᠪᠣᠭᠳᠠ ᠪᠣᠯᠭᠠᠨ ᠮᠥᠩᠭᠡᠷᠡᠭᠦᠯᠦᠭ᠍ᠰᠡᠨ ᠪᠠᠢ᠌ᠨᠠ᠃
ᠲᠦᠷᠦᠵᠤ ᠣᠨᠠᠭᠰᠠᠨ ᠣᠨᠤᠨ ᠮᠦᠷᠠᠨ ᠶᠢᠡᠨ ᠰᠠᠨᠠᠵᠤ
ᠳᠦᠷᠦᠭᠦᠯᠵᠤ ᠥᠰᠭᠡᠭ᠍ᠰᠡᠨ ᠥᠭᠡᠯᠤᠨ ᠡᠭᠡ ᠪᠠᠨ ᠰᠠᠨᠠᠵᠤ
ᠦᠯᠠᠳᠠᠵᠤ ᠬᠤᠴᠤᠷᠠᠭᠰᠠᠨ ᠮᠤᠩᠭ᠋ᠤᠯ ᠤᠨ ᠶᠢᠡᠨ
ᠬᠤᠪᠢ ᠵᠠᠶᠠᠭᠠ ᠶᠢ ᠬᠠᠷᠠᠨᠠ ᠭᠡᠵᠤ
ᠦᠷᠭᠦᠯᠵᠢᠯᠡᠭᠦ ᠶᠤᠰᠤᠳᠠᠢ ᠳᠡᠦᠭᠡ ᠶᠢᠨ ᠶᠢᠡᠨ
ᠬᠣᠢ᠌ᠰᠢᠳᠠ ᠶᠢᠨ ᠵᠠᠮ ᠢ ᠦᠵᠡᠨᠡ ᠭᠡᠵᠤ
ᠡᠵᠡᠨ ᠪᠣᠭᠳᠠ ᠴᠢᠩᠭᠢᠰ ᠮᠢᠨᠢ
ᠡᠷᠭᠢᠭᠡᠳ ᠣᠷᠴᠢᠯᠠᠩ ᠳᠤ ᠵᠠᠶᠠᠭᠠᠭᠰᠠᠨ ᠪᠠᠢ᠌ᠨᠠ
ᠡᠷᠯᠢᠭ᠌ ᠬᠠᠭᠠᠨ ᠭᠦᠷᠳᠡᠯᠡ
ᠨᠠᠰᠤᠨ ᠬᠤᠳᠤᠭ ᠬᠠᠢ᠌ᠷᠠᠯᠠᠭᠰᠠᠨ ᠪᠠᠢ᠌ᠨᠠ᠃
ᠠᠳᠬᠤᠭᠠᠤᠨ ᠳᠦᠷᠦᠭ᠍ᠰᠡᠨ ᠨᠦᠵᠢ ᠨᠢ
ᠠᠶᠤᠤᠯᠢᠬᠠᠢ ᠳ᠋ᠤᠨᠢ ᠠᠰᠠᠭᠠᠰᠤᠳᠠᠢ ᠶᠢᠨ ᠣᠴᠢᠷ
ᠠᠪᠠᠭᠠ ᠴᠠᠭᠠᠨ ᠪᠣᠭᠳᠠ ᠮᠢᠨᠢ
ᠡᠳᠦᠷ ᠪᠣᠯᠭᠠᠨ ᠳᠦᠷᠡᠯᠵᠡᠨᠡ᠃
ᠳᠦᠭ᠌ ᠲᠦᠮᠡᠨ ᠮᠤᠩᠭ᠋ᠤᠯ ᠴᠢᠨᠢ ᠡᠪᠦᠳᠦᠭ᠌ ᠳᠤᠤᠷᠠ ᠴᠢᠨᠢ ᠰᠥᠭᠦᠷᠡᠨᠡ
ᠲᠦᠷᠦ ᠲᠡᠶ ᠶᠠᠪᠣᠭᠰᠠᠨ ᠠᠢ᠌ᠮᠠᠭ ᠴᠢᠨᠢ ᠡᠪᠦᠯᠵᠢᠨ ᠵᠤᠠᠵᠢᠨ ᠪᠠᠷᠠᠭᠠᠳᠠᠨᠠ
ᠮᠥᠩᠭᠡ ᠴᠠᠭᠠᠨ ᠰᠦᠯᠳᠡ ᠶᠢ ᠴᠢᠨᠢ ᠮᠥᠷᠭᠦᠨ ᠮᠥᠷᠭᠦᠨ ᠳᠠᠭᠢᠨᠠᠮ
ᠮᠥᠷᠦᠭᠡᠳᠦᠯ ᠪᠣᠯᠤᠭᠰᠠᠨ ᠴᠢᠮᠠᠳᠠᠭᠠᠨ ᠮᠥᠩᠭᠡ ᠶᠢᠨ ᠬᠤᠳᠤᠭ ᠭᠤᠶᠤᠨᠠᠮ᠃
2010.4.5 ᠱᠠᠩᠳᠤ ᠪᠠᠯᠭᠠᠰᠤᠨᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠯᠤᠭᠤᠨ ᠭᠦᠭᠡ ᠬᠤᠰᠢᠭᠤᠨ ᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠴᠤᠭᠳᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2639
ᠴᠠᠭ᠄ 2010 ᠤᠨ ᠤ 04 ᠰᠠᠷᠠ ᠶᠢᠨ 12
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ