☆ ᠰ·ᠰᠠᠴᠠᠨ
ᠠᠯᠳᠠᠨ ᠳᠤᠭᠤᠰ ᠪᠠ ᠠᠯᠢᠶᠠ ᠬᠡᠦᠬᠡᠳ
ᠬᠡᠦᠬᠡᠳ ᠤᠨ ᠰᠢᠯᠦᠭ᠌
ᠠᠯᠳᠠᠨ ᠳᠤᠭᠤᠰ ᠪᠠ ᠠᠯᠢᠶᠠ ᠬᠡᠦᠬᠡᠳ
ᠠᠯᠳᠠᠨ ᠳᠤᠭᠤᠰ ᠢᠷᠡᠭᠡᠳ
ᠠᠯᠠᠭ ᠵᠢᠭᠦᠷ ᠶᠢᠡᠨ ᠭᠠᠢ᠌ᠬᠠᠭᠤᠯᠤᠨᠠ᠂
ᠠᠢ᠌ᠯ ᠤᠨ ᠬᠡᠦᠬᠡᠳ ᠤᠳ ᠳᠤᠭᠤᠷᠢᠭᠠᠤᠨ
ᠠᠮᠠ ᠠᠯᠳᠠᠨ ᠱᠠᠭᠰᠢᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠤᠭᠤᠰ ᠡ᠂ ᠳᠤᠭᠤᠰ ᠴᠢᠨᠤ
ᠦᠳᠦ ᠴᠢᠨᠢ ᠶᠠᠭᠠᠭᠢᠭᠰᠠᠨ ᠭᠤᠶᠤ ᠪᠣᠢ︖ ᠭᠡᠨᠡ
ᠳᠠᠪᠤᠨ ᠥᠩᠭᠡ ᠪᠠᠷ ᠳᠡᠯᠭᠡᠷᠡᠳᠡᠭ᠌
ᠰᠡᠭᠦᠯ ᠴᠢᠨᠢ ᠶᠠᠭᠠᠭᠢᠭᠰᠠᠨ ᠰᠠᠢ᠌ᠬᠠᠨ ᠪᠣᠢ︖ ᠭᠡᠨᠡ
ᠠᠯᠳᠠᠨ ᠳᠤᠭᠤᠰ ᠬᠠᠷᠢᠭᠤ ᠳ᠋ᠤᠨᠢ
ᠠᠯᠢᠶᠠ ᠬᠡᠦᠬᠡᠳ ᠤᠳ ᠢ ᠰᠢᠠᠵᠢᠨᠠ
ᠠᠰᠪᠣᠷ ᠪᠣᠷᠤᠭᠵᠢᠭᠤᠨ ᠡᠮᠦᠰᠭᠡ
ᠰᠤᠷᠭᠠᠭᠤᠯᠢ ᠶᠢᠨ ᠬᠤᠪᠴᠠᠰᠤ ᠶᠢ ᠨᠢ ᠰᠢᠷᠪᠢᠨᠠ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠭᠤᠰᠤᠷᠯᠠᠵᠤ ᠭᠦᠵᠦᠭᠦᠨ ᠳᠡᠭᠡᠨ ᠵᠡᠭᠦᠭ᠍ᠰᠡᠨ
ᠣᠯᠠᠭᠠᠨ ᠪᠦᠰ ᠴᠢᠨᠢ ᠮᠠᠭᠤᠬᠠᠢ ᠭᠡᠨᠡ
ᠣᠯᠢᠭᠳᠠᠢ ᠰᠠᠢ᠌ᠬᠠᠨ ᠬᠤᠪᠴᠠᠰᠤ ᠦᠭᠡᠶ
ᠣᠯᠠᠨ ᠤ ᠳᠤᠮᠳᠠ ᠪᠠᠨ ᠡᠯᠡᠭ᠌ ᠭᠡᠨᠡ
ᠴᠠᠪᠠᠷ ᠳᠡᠭ᠍ᠰᠢᠭᠡᠨ ᠵᠠᠰᠠᠯ
ᠰᠤᠷᠤᠭᠴᠢ ᠬᠤᠪᠴᠠᠰᠤ ᠪᠠᠨ ᠳᠢᠭᠯᠡᠯᠡ
ᠴᠡᠭᠡᠵᠢᠨ ᠳᠡᠭᠡᠷᠡ ᠣᠯᠠᠯᠵᠠᠬᠤ
ᠣᠯᠠᠭᠠᠨ ᠪᠦᠴᠡ ᠲᠡᠶ ᠳᠡᠭᠡᠨ ᠣᠮᠤᠭᠰᠢᠯᠠ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢᠮᠠ ᠲᠡᠶ ᠭᠤᠶᠤᠯ ᠶᠢᠡᠨ ᠠᠳᠠᠯᠢᠤᠠᠬᠠᠬᠤ ᠦᠭᠡᠶ ᠭᠡᠵᠤ
ᠴᠠᠴᠠᠨ ᠬᠡᠦᠬᠡᠳ ᠤᠳ ᠭᠡᠯᠡᠯᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢᠷᠮᠠᠢ᠌ᠯᠳᠠ ᠳᠠᠪᠰᠢᠯᠳᠠ ᠰᠠᠶᠢ ᠴᠤᠬᠠᠭ︕ ᠭᠡᠳ
ᠴᠡᠮᠴᠡᠭᠡᠷ ᠳᠤᠭᠤᠰ ᠢ ᠭᠠᠷᠳᠠᠭᠠᠯᠠ᠃
ᠵᠢᠭᠠᠬᠠᠨ ᠪᠣᠭᠱᠤᠷᠭᠠ ᠳ᠋ᠤ
ᠵᠢᠭᠠᠬᠠᠨ ᠪᠣᠭᠱᠤᠷᠭᠠ ᠡ
ᠵᠢᠭᠠᠬᠠᠨ ᠪᠣᠭᠱᠤᠷᠭᠠ ᠴᠢ
ᠳᠡᠷᠪᠢᠭᠡᠳ ᠰᠤᠷᠴᠢᠬᠠᠪᠠᠤ︖
ᠵᠠᠯᠠᠨ ᠳᠡᠭᠡᠭᠦᠷ
ᠵᠥᠯᠭᠡᠨ ᠳᠡᠭᠡᠭᠦᠷ
ᠨᠢᠰᠦᠭᠡᠳ ᠰᠤᠷᠴᠢᠬᠠᠪᠠᠤ︖
ᠵᠢᠭᠠᠯ ᠬᠡᠦᠬᠡᠳ
ᠵᠢᠭᠠᠯ ᠬᠡᠦᠬᠡᠳ ᠪᠢ ᠴᠤ
ᠭᠦᠶᠦᠭᠡᠳ ᠰᠤᠷᠤᠭᠰᠠᠨ ᠰᠢᠤ᠂
ᠵᠠᠪᠠᠯ ᠳᠡᠪᠠᠷᠢᠭᠦᠯᠦᠨᠡ
ᠵᠠᠪᠠᠯ ᠡᠭᠦᠷᠦᠭᠦᠯᠦᠨᠡ ᠭᠡᠵᠤ
ᠣᠭᠢᠯᠠᠬᠤ ᠪᠠᠨ ᠪᠠᠢ᠌ᠭᠰᠠᠨ ᠰᠢᠤ︕
ᠵᠢᠭᠠᠬᠠᠨ ᠪᠣᠭᠱᠤᠷᠭᠠ ᠡ
ᠵᠢᠭᠠᠬᠠᠨ ᠪᠣᠭᠱᠤᠷᠭᠠ ᠴᠢ
ᠵᠢᠷᠭᠢᠭᠡᠳ ᠰᠤᠷᠴᠢᠬᠠᠪᠠᠤ︖
ᠵᠳ ᠰᠠᠢ᠌ᠬᠠᠨ
ᠵᠤᠭᠠ ᠲᠡᠶ ᠰᠠᠢ᠌ᠬᠠᠨ ᠭᠡᠵᠤ
ᠱᠤᠯᠤᠭᠠᠨᠠᠭᠠᠤᠨ ᠰᠤᠷᠴᠢᠬᠠᠪᠠᠤ︖
ᠵᠢᠭᠠᠯ ᠬᠡᠦᠬᠡᠳ
ᠵᠢᠭᠠᠯ ᠬᠡᠦᠬᠡᠳ ᠪᠢ ᠴᠤ
ᠳᠤᠷᠠᠰᠤᠭᠠᠤᠨ ᠰᠤᠷᠤᠭᠰᠠᠨ ᠰᠢᠤ᠂
ᠵᠤᠰᠠᠭᠠᠯ ᠰᠠᠢ᠌ᠬᠠᠨ
ᠵᠢᠷᠤᠭ ᠰᠢᠭ᠌ ᠰᠠᠢ᠌ᠬᠠᠨ ᠭᠡᠵᠤ
ᠳᠠᠭᠤᠯᠠᠭᠠᠤᠨ ᠰᠤᠷᠤᠭᠰᠠᠨ ᠰᠢᠤ︕
ᠣᠭᠵᠢᠭᠤᠷ ᠬᠤᠷᠠᠭᠠ
ᠠᠪᠣ ᠶᠢᠨ ᠵᠢᠰᠤᠯᠠᠵᠤ ᠦᠭᠭᠦᠭ᠍ᠰᠡᠨ
ᠠᠯᠢᠶᠠ ᠬᠠᠯᠵᠠᠨ ᠬᠤᠷᠠᠭᠠ
ᠠᠵᠠ ᠨᠢ ᠭᠡᠵᠤ ᠮᠡᠳᠡᠭ᠍ᠰᠡᠨ ᠪᠠ
ᠠᠷᠤ ᠦᠪᠣᠷ ᠶᠢᠡᠷ ᠳᠠᠭᠠᠨᠠ᠂
ᠠᠪᠣᠷᠢ ᠭᠦᠭᠡᠷᠦᠭᠦᠨ ᠭᠡᠵᠤ ᠬᠠᠢ᠌ᠷᠠᠯᠠᠨ
ᠠᠷᠢᠭᠤᠨ ᠰᠦ᠋ ᠪᠠᠷ ᠣᠭᠵᠢᠬᠤ ᠪᠦᠷᠢ
ᠠᠩᠭᠢᠷ ᠡᠵᠢ ᠪᠠᠨ ᠭᠡᠵᠤ ᠰᠠᠨᠠᠳᠠᠭ ᠪᠢᠵᠠ
ᠠᠯᠢᠶᠠᠯᠠᠵᠤ ᠶᠠᠩᠵᠤ ᠪᠠᠷ ᠠᠭᠠᠰᠢᠯᠠᠨᠠ᠃
ᠮᠠᠢ᠂ ᠮᠠᠢ᠂ ᠮᠠᠢ
ᠮᠢᠷᠨᠤᠰ ᠬᠤᠨᠢᠨ ᠤ ᠳᠦᠯ
ᠮᠢᠨᠤ ᠬᠠᠯᠵᠠᠨ ᠬᠤᠷᠠᠭᠠ᠃
ᠡᠵᠢ ᠶᠢᠨ ᠳᠠᠭᠠᠯᠭᠠᠵᠤ ᠦᠭᠭᠦᠭ᠍ᠰᠡᠨ
ᠡᠪᠠᠢ ᠵᠢᠭᠠᠬᠠᠨ ᠬᠤᠷᠠᠭᠠ
ᠡᠵᠡᠨ ᠨᠢ ᠭᠡᠵᠤ ᠮᠡᠳᠡᠭ᠍ᠰᠡᠨ ᠪᠠ
ᠡᠩᠭᠡᠷ ᠡᠪᠦᠷ ᠶᠢᠡᠷ ᠰᠢᠷᠭᠤᠨᠠ᠂
ᠡᠩᠭᠦᠷᠡᠢ ᠭᠦᠭᠡᠷᠦᠭᠦᠨ ᠭᠡᠵᠤ ᠬᠠᠢ᠌ᠷᠠᠯᠠᠨ
ᠡᠳᠡᠮᠡᠭ᠌ ᠰᠦ᠋ ᠪᠠᠷ ᠣᠭᠵᠢᠬᠤ ᠪᠦᠷᠢ
ᠡ᠊ᠨᠳᠡᠭᠦᠷᠡᠵᠤ ᠡᠵᠢ ᠪᠠᠨ ᠭᠡᠵᠤ ᠰᠠᠨᠠᠳᠠᠭ ᠪᠢᠵᠠ
ᠡᠷᠭᠡᠯᠡᠵᠤ ᠶᠠᠩᠵᠤ ᠪᠠᠷ ᠪᠠᠭᠠᠰᠢᠯᠠᠨᠠ᠃
ᠮᠠᠢ᠂ ᠮᠠᠢ᠂ ᠮᠠᠢ
ᠮᠢᠷᠨᠤᠰ ᠬᠤᠨᠢᠨ ᠤ ᠳᠦᠯ
ᠮᠢᠨᠤ ᠣᠭᠵᠢᠭᠤᠷ ᠬᠤᠷᠠᠭᠠ᠃
ᠵᠤᠬᠢᠶᠠᠭᠴᠢ᠄ ᠰ·ᠰᠠᠴᠠᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3536
ᠴᠠᠭ᠄ 2009 ᠤᠨ ᠤ 08 ᠰᠠᠷᠠ ᠶᠢᠨ 29
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ