☆ ᠭᠠᠩᠭ᠋ᠠ
ᠳᠤᠪᠰᠢᠭᠤᠷ
ᠪᠢ ᠪᠣᠯ ᠠᠷᠭᠠ ᠣᠳᠠᠰᠤ
ᠴᠢ ᠪᠣᠯ ᠪᠢᠯᠢᠭ᠌ ᠣᠳᠠᠰᠤ
ᠪᠠᠳᠠ ᠬᠤᠶᠠᠷ ᠪᠣᠯ ᠮᠤᠩᠭ᠋ᠤᠯ ᠳᠤᠪᠰᠢᠭᠤᠷ ᠤᠨ
ᠪᠠᠶᠠᠨ ᠠᠶᠠᠰ ᠲᠡᠶ ᠬᠤᠤᠰ ᠣᠳᠠᠰᠤ ᠶᠤᠮ ᠡ
ᠣᠨ ᠵᠢᠯ ᠣᠷᠤᠰᠴᠤ
ᠣᠩᠭ᠋ᠤᠨ ᠬᠠᠢ᠌ᠷᠠ ᠠᠰᠠᠵᠤ
ᠣᠷᠢᠳᠠ ᠶᠢᠨ ᠵᠠᠶᠠᠭᠠᠨ ᠳᠠᠩᠭ᠋ᠠᠷᠢᠭ ᠶᠢᠡᠷ
ᠣᠴᠠᠷᠠᠵᠤ ᠪᠠᠳᠠ ᠬᠠᠨᠢᠯᠠᠭᠰᠠᠨ
ᠠᠮᠢᠳᠤᠷᠠᠯ ᠭᠡᠳᠡᠭ᠌ ᠪᠠᠭᠰᠢ
ᠠᠯᠳᠠᠨ ᠬᠤᠷᠤᠭᠤ ᠪᠠᠨ ᠭᠦᠳᠡᠯᠭᠡᠵᠤ
ᠨᠠᠮᠢ᠋ᠢ ᠭᠦᠪᠴᠢᠳᠡᠭᠡᠳ ᠳᠠᠯᠪᠢᠭᠰᠠᠨ
ᠨᠠᠷᠠ ᠮᠢᠨᠢ ᠪᠣᠯ ᠴᠢ ᠭᠡᠵᠤ ᠪᠢ ᠴᠢᠮᠠ ᠳᠠᠭᠠᠨ ᠳᠠᠩᠭ᠋ᠠᠷᠢᠭᠯᠠᠭᠰᠠᠨ
ᠳᠤᠷᠠᠯᠠᠯ ᠭᠡᠳᠡᠭ᠌ ᠰᠠᠭᠢᠭᠤᠰᠤ
ᠳᠤᠯᠤᠷ ᠬᠤᠷᠤᠭᠤ ᠪᠠᠨ ᠭᠦᠳᠡᠯᠭᠡᠵᠤ
ᠴᠢᠮᠢ᠋ᠢ ᠶᠤᠩᠬᠤᠷᠳᠤᠭᠠᠤᠨ ᠳᠠᠯᠪᠢᠭᠰᠠᠨ
ᠰᠠᠷᠠ ᠮᠢᠨᠢ ᠪᠣᠯ ᠴᠢ ᠭᠡᠵᠤ ᠴᠢ ᠮᠢᠨᠢ ᠨᠠᠳᠠᠳᠤ ᠪᠠᠨ ᠠᠠᠳᠠᠭᠠᠢ᠌ᠯᠠᠭᠰᠠᠨ
ᠳᠤᠷᠠᠯᠠᠯ ᠤᠨ ᠪᠠᠯ ᠢ ᠠᠮᠰᠠᠵᠤ
ᠳᠤᠤᠯᠢᠮᠠ ᠬᠤᠷᠤ ᠡ ᠶᠢ ᠳᠤᠭᠤᠯᠵᠤ
ᠠᠮᠢᠳᠤᠷᠠᠯ ᠤᠨ ᠬᠠᠯᠠ ᠶᠢ ᠠᠮᠳᠠᠯᠠᠵᠤ
ᠠᠶᠠᠨ ᠤ ᠵᠠᠮ ᠶᠢᠡᠨ ᠡᠯᠡᠭᠡᠭᠦ ᠳᠡᠭᠡᠨ
ᠭᠡᠨ ᠴᠤ ᠵᠤᠬᠢᠶᠠᠵᠤ ᠦᠯᠦ ᠳᠠᠢ᠌ᠯᠤᠮᠠ
ᠭᠤᠶᠤᠬᠠᠨ ᠠᠶᠠᠰ ᠢ ᠪᠦᠳᠦᠭᠡᠵᠤ
ᠭᠡᠨ ᠴᠤ ᠭᠦᠭ᠍ᠵᠢᠮᠳᠡᠵᠤ ᠦᠯᠦ ᠴᠢᠳᠠᠮᠠ
ᠭᠤᠴᠤ ᠠᠶᠠᠯᠭᠤ ᠶᠢ ᠴᠤᠤᠷᠢᠶᠠᠳᠤᠭᠤᠯᠵᠤ
ᠠᠮᠢᠳᠠᠨ ᠢ ᠭᠠᠢ᠌ᠬᠠᠰᠢᠷᠠᠭᠤᠯᠤᠨ ᠠᠮᠢᠳᠤᠷᠠᠭᠰᠠᠨ ᠪᠠᠢ᠌ᠨᠠ
ᠠᠴᠢᠷ ᠦᠷᠡ ᠲᠡᠶ ᠪᠣᠯᠤᠭᠰᠠᠨ ᠪᠠᠢ᠌ᠨᠠ
ᠠᠵᠠ ᠵᠢᠷᠭᠠᠯ ᠢ ᠡᠳ᠋ᠯᠡᠭ᠍ᠰᠡᠨ ᠪᠠᠢ᠌ᠨᠠ
ᠠᠭᠢᠶᠠᠤᠨ ᠰᠠᠢ᠌ᠬᠠᠨ ᠭᠦᠭ᠍ᠰᠢᠷᠡᠭ᠍ᠰᠡᠨ ᠪᠠᠢ᠌ᠨᠠ
ᠡᠨᠡ ᠠᠶᠠᠯᠭᠤ ᠪᠠᠨ ᠪᠢᠳᠠ ᠬᠤᠶᠠᠷ
ᠡᠳᠦᠭᠡ ᠪᠠᠰᠠ ᠭᠦᠭ᠍ᠵᠢᠮᠳᠡᠭ᠍ᠰᠡᠭᠡᠷ ᠪᠠᠢ᠌ᠨᠠ
ᠡᠨᠡᠭᠡᠨ ᠬᠤᠷᠸᠠ ᠳᠤ ᠪᠢᠳᠠᠨ ᠤ ᠳᠠᠭᠤᠤ
ᠦᠶᠡ ᠶᠢᠨ ᠦᠶᠡ ᠳᠤ ᠳᠠᠭᠤᠯᠠᠭᠳᠠᠬᠤ ᠪᠣᠯᠤᠨᠠ
ᠪᠢ ᠪᠣᠯ ᠠᠷᠭᠠ ᠣᠳᠠᠰᠤ
ᠴᠢ ᠪᠣᠯ ᠪᠢᠯᠢᠭ᠌ ᠣᠳᠠᠰᠤ
ᠪᠠᠳᠠ ᠬᠤᠶᠠᠷ ᠪᠣᠯ ᠳᠤᠷᠠᠯᠠᠯ ᠭᠡᠳᠡᠭ᠌ ᠳᠤᠪᠰᠢᠭᠤᠷ ᠤᠨ
ᠪᠠᠬᠠᠷᠤᠮᠠ ᠰᠤᠭᠳᠤᠭᠤᠷᠠᠮᠠ ᠠᠶᠠᠯᠭᠤ ᠶᠤᠮᠰᠠᠨ
ᠨᠢᠭᠡᠨ ᠡᠳᠦᠷ ᠠᠵᠠ ᠪᠣᠰᠤ ᠪᠠᠷ
ᠨᠡᠭᠡᠷᠡᠨ ᠪᠢ ᠴᠢᠮᠠ ᠡᠴᠡ ᠪᠠᠨ ᠡᠰᠡᠭᠦᠯᠡ ᠴᠢ ᠨᠠᠳᠠ ᠡᠴᠡ ᠪᠠᠨ
ᠨᠢᠭᠡᠮᠦᠰᠤᠨ ᠰᠠᠯᠤᠨ ᠣᠤᠠᠬᠤ ᠴᠠᠭ ᠲᠤ
ᠨᠠᠮᠢ᠋ᠢ ᠴᠢᠮᠢ᠋ᠢ ᠵᠢᠶᠠᠭᠠᠭᠰᠠᠨ ᠪᠣᠷᠬᠠᠨ ᠳᠠᠪᠳᠠᠢ ᠨᠢᠭᠡ ᠣᠭᠢᠯᠠᠨᠠ ᠳ᠋ᠠ ᠴᠠᠪᠠᠰᠤ︕
ᠵᠤᠬᠢᠶᠠᠭᠴᠢ᠄ ᠭᠠᠩᠭ᠋ᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2621
ᠴᠠᠭ᠄ 2009 ᠤᠨ ᠤ 03 ᠰᠠᠷᠠ ᠶᠢᠨ 19
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ