☆ ᠪᠦᠬᠡᠵᠢᠷᠭᠠᠯ
ᠠᠰᠬᠠᠳᠤ ᠶᠢᠨ ᠮᠠᠭᠳᠠᠭᠤ
ᠪᠠᠬᠠᠷᠤᠯᠳᠤ ᠰᠠᠢ᠌ᠬᠠᠨ ᠦᠵᠡᠮᠵᠢ ᠪᠠᠷ ᠶᠢᠡᠨ ᠨᠢᠳᠤ ᠰᠡᠳᠭᠢᠯ ᠢ ᠬᠤᠵᠢᠷᠯᠠᠳᠠᠭ
ᠪᠠᠶᠠᠯᠢᠭ ᠰᠠᠢ᠌ᠬᠠᠨ ᠭᠡᠰᠢᠭ᠍ᠳᠡᠨ ᠤ ᠠᠰᠬᠠᠳᠤ ᠶᠢᠨ ᠴᠢᠯᠠᠭᠤᠨ ᠰᠢᠭᠤᠢ
ᠪᠠᠭᠠᠳᠤᠷᠯᠢᠭ ᠶᠠᠰᠤᠳᠠᠨ ᠮᠤᠩᠭ᠋ᠤᠯᠴᠤᠳ ᠤᠨ ᠬᠠᠮᠠᠭᠠᠯᠠᠵᠤ ᠢᠷᠡᠭ᠍ᠰᠡᠨ ᠥᠯᠦᠭᠡᠢ
ᠪᠠᠶᠠᠨ ᠪᠠᠢ᠌ᠭᠠᠯᠢ ᠶᠢᠨ ᠰᠠᠢ᠌ᠬᠠᠨ ᠢ ᠳᠠᠶᠠᠭᠠᠷ ᠲᠤ ᠭᠠᠢ᠌ᠬᠠᠭᠤᠯᠤᠭᠰᠠᠨ ᠵᠢᠷᠤᠭ
ᠶᠠᠭᠠᠷᠠᠯ ᠦᠭᠡᠶ ᠵᠠᠬᠠ ᠪᠠᠷ ᠨᠢ ᠰᠤᠨᠢᠷᠬᠠᠵᠤ ᠶᠠᠪᠣᠪᠠᠯ
ᠶᠠᠩᠵᠤ ᠶᠢᠨ ᠬᠠᠳᠠᠤᠨ ᠬᠠᠷᠠᠭᠠᠨ ᠳᠤ ᠴᠢᠨᠢ ᠳᠤᠳᠤᠷᠠᠬᠤ ᠶᠤᠮ
ᠬᠠᠯᠠᠰᠢᠷᠠᠯ ᠦᠭᠡᠶ ᠰᠠᠢ᠌ᠬᠠᠨ ᠠᠵᠢᠭᠯᠠᠵᠤ ᠶᠠᠪᠣᠪᠠᠯ
ᠬᠠᠴᠢᠨ ᠦᠵᠡᠮᠵᠢ ᠨᠢ ᠪᠠᠬᠠᠷᠤᠯ ᠢ ᠴᠢᠨᠢ ᠳᠠᠳᠠᠬᠤ ᠶᠤᠮ
ᠡᠷᠳᠡᠮ ᠰᠤᠶᠤᠯ ᠤᠨ ᠨᠢᠭᠤᠴᠠ ᠶᠢ ᠬᠠᠳᠠᠭᠠᠯᠠᠭᠰᠠᠨ ᠰᠤᠳᠤᠷ ᠤᠨ ᠣᠪᠣᠭᠠ ᠰᠢᠭ ᠬᠠᠳᠠ ᠪᠣᠢ
ᠡᠷᠳᠡᠨᠢ ᠠᠯᠳᠠ ᠪᠠᠨ ᠨᠥᠭᠡᠴᠡᠯᠡᠨ ᠬᠠᠳᠠᠭᠠᠯᠠᠭᠰᠠᠨ ᠠᠪᠳᠠᠷᠠ ᠬᠤᠷᠭᠤ ᠰᠢᠭ ᠬᠠᠳᠠ ᠪᠣᠢ
ᠬᠤᠯᠠ ᠶᠢᠨ ᠵᠤᠴᠢᠨ ᠶᠢᠡᠨ ᠣᠭᠳᠤᠨ ᠪᠠᠢ᠌ᠳᠠᠭ ᠮᠤᠷᠢᠨ ᠣᠶᠠᠭᠠ ᠰᠢᠭ ᠬᠠᠳᠠ ᠪᠣᠢ
ᠬᠣᠢ᠌ᠮᠤᠷ ᠳᠤᠮᠳᠠ ᠪᠠᠨ ᠵᠤᠴᠢᠨ ᠶᠢᠡᠨ ᠭᠦᠡᠳᠦᠯᠡᠭᠦ ᠰᠢᠷᠡᠭᠡ ᠵᠠᠰᠠᠯᠭᠠ ᠰᠢᠭ ᠬᠠᠳᠠ ᠪᠣᠢ
ᠰᠡᠭᠦᠯ ᠳᠠᠯ ᠶᠢᠡᠨ ᠪᠣᠰᠬᠠᠨ ᠨᠠᠳᠬᠤᠬᠤ ᠠᠳᠤᠭᠤᠨ ᠰᠥᠷᠦᠭ᠌ ᠰᠢᠭ᠌ ᠬᠠᠳᠠ ᠪᠣᠢ
ᠰᠠᠯᠭᠢ ᠰᠦᠷᠤᠨ ᠠᠯᠬᠤᠯᠠᠨ ᠪᠠᠢ᠌ᠬᠤ ᠠᠳᠠᠨ ᠳᠡᠮᠡᠭᠡ ᠰᠢᠭ᠌ ᠬᠠᠳᠠ ᠪᠣᠢ
ᠵᠤᠨ ᠤ ᠬᠠᠯᠠᠭᠤᠨ ᠳᠤ ᠪᠦᠭ᠍ᠰᠢᠨ ᠵᠤᠭᠰᠤᠭᠠ ᠬᠤᠨᠢᠨ ᠰᠥᠷᠦᠭ᠌ ᠰᠢᠭ᠌ ᠬᠠᠳᠠ ᠪᠣᠢ
ᠵᠤ᠋ ᠨᠢᠷᠤᠭᠤ ᠨᠢ ᠳᠡᠭ᠍ᠰᠢᠭᠡᠨ ᠦᠨᠢᠶᠡ ᠪᠢᠷᠠᠭᠤ ᠰᠢᠭ ᠬᠠᠳᠠ ᠪᠣᠢ
ᠳᠠᠯᠠ ᠶᠢᠨ ᠭᠠᠷᠤᠯᠳᠠ ᠪᠠᠨ ᠰᠤᠯᠢᠯᠴᠠᠵᠤ ᠶᠠᠪᠣᠭᠠ ᠠᠴᠢᠶᠠᠨ ᠤ ᠮᠠᠰᠢᠨ ᠰᠢᠭ ᠬᠠᠳᠠ ᠪᠣᠢ
ᠳᠠᠩᠰᠤᠭ ᠬᠤᠷᠢᠶᠠᠯᠳᠠ ᠪᠠᠨ ᠵᠥᠭᠡᠭᠡᠪᠦᠷᠢᠯᠡᠵᠤ ᠶᠠᠭᠠᠷᠠᠭᠠ ᠭᠦᠯᠭᠡ ᠣᠩᠭ᠋ᠤᠴᠠ ᠰᠢᠭ ᠬᠠᠳᠠ ᠪᠣᠢ
ᠬᠡ ᠣᠭᠠᠯᠵᠠ ᠪᠠᠷ ᠰᠠᠢ᠌ᠯᠵᠤ ᠴᠢᠮᠡᠭ᠍ᠰᠡᠨ ᠭᠡᠷ ᠮᠠᠢ᠌ᠬᠠᠨ ᠰᠢᠭ ᠬᠠᠳᠠ ᠪᠣᠢ
ᠭᠡᠢ᠌ᠴᠢᠨ ᠶᠢᠡᠨ ᠠᠮᠤᠰᠭᠢᠭᠤᠯᠬᠤ ᠪᠠᠷ ᠪᠡᠯᠡᠳᠭᠡᠵᠤ ᠵᠠᠰᠠᠭᠰᠠᠨ ᠬᠠᠠᠵᠤ ᠣᠷᠤ ᠰᠢᠭ᠌ ᠬᠠᠳᠠ ᠪᠣᠢ
ᠰᠥᠪᠠᠭᠡ ᠳᠤᠯᠤᠨ ᠵᠤᠭᠰᠤᠭᠰᠠᠨ ᠪᠦᠭᠡᠴᠢᠨ ᠤ ᠰᠦᠷ ᠲᠡᠶ ᠬᠠᠳᠠ ᠪᠣᠢ
ᠰᠦᠨ ᠳᠦᠷᠦᠭᠡ ᠳᠤᠭᠣᠢ᠌ᠯᠠᠭᠰᠠᠨ ᠪᠠᠷᠢ ᠶᠢᠨ ᠨᠠᠮᠪᠠ ᠲᠡᠶ ᠬᠠᠳᠠ ᠪᠣᠢ
ᠭᠦᠯᠦᠭ᠌ ᠤᠨ ᠨᠢᠷᠤᠭᠤᠨ ᠳᠤ ᠰᠡᠭᠦᠢᠭᠦ ᠠᠳᠤᠭᠤᠴᠢᠨ ᠵᠠᠯᠠᠭᠤ ᠰᠢᠭ ᠬᠠᠳᠠ ᠪᠣᠢ
ᠭᠦᠳᠡᠭᠡ ᠳᠠᠯᠠ ᠳᠠᠭᠠᠨ ᠪᠦᠵᠢᠭᠯᠡᠭᠦ ᠬᠤᠨᠢᠴᠢᠨ ᠭᠡᠦᠭᠡᠨ ᠰᠢᠭ᠌ ᠬᠠᠳᠠ ᠪᠣᠢ
ᠳᠦᠷᠪᠠᠳᠡᠭ᠍ᠴᠢ ᠭᠠᠯᠪᠠ ᠶᠢᠨ ᠮᠥᠰᠦᠳᠦᠯᠭᠡ ᠶᠢᠨ ᠦᠶᠡ ᠳ᠋ᠠᠭᠢ
ᠳᠡᠯᠡᠭᠡᠢ ᠡᠭᠡ ᠶᠢᠨ ᠣᠷᠠᠯᠠᠯ ᠶᠤᠮᠰᠠᠨ ᠡ
ᠳᠠᠶᠠᠩ ᠳᠤ ᠠᠯᠳᠠᠷ ᠲᠡᠶ ᠮᠤᠩᠭ᠋ᠤᠯ ᠳᠠᠭᠠᠨ ᠬᠠᠢ᠌ᠷᠠᠯᠠᠭᠰᠠᠨ
ᠳᠡᠭ᠍ᠷᠢ ᠡᠴᠢᠭᠡ ᠶᠢᠨ ᠱᠠᠩᠨᠠᠯ ᠶᠤᠮᠰᠠᠨ ᠡ
ᠵᠢᠪᠬᠤᠭᠠᠳᠤ ᠰᠠᠢ᠌ᠬᠠᠨ ᠭᠡᠰᠢᠭ᠍ᠳᠡᠨ ᠤ ᠪᠠᠶᠠᠯᠢᠭ ᠳᠦᠷᠭᠦ ᠶᠢᠨ ᠭᠠᠢ᠌ᠬᠠᠭᠤᠯᠤᠯ ᠶᠤᠮᠰᠠᠨ ᠡ
ᠵᠤᠭᠠᠴᠠᠯ ᠤᠨ ᠣᠢ᠌ᠯᠠᠰ ᠢ ᠳᠡᠯᠡᠭᠡᠢ ᠳᠤ ᠬᠠᠠᠳᠤᠭᠤᠯᠬᠤ ᠠᠭᠳᠠ ᠶᠢᠨ ᠳᠤᠷᠭᠠᠨ ᠵᠢᠯᠤᠭᠤ ᠶᠤᠮᠰᠠᠨ ᠡ
ᠴᠢᠨᠡᠭᠡᠯᠢᠭ᠌ ᠵᠥᠭ᠌ ᠢᠳᠠ ᠨᠡᠮᠡᠭᠦᠯᠭᠦ ᠭᠦᠯᠦᠭ᠌ ᠤᠨ ᠠᠯᠳᠠᠨ ᠳᠦᠷᠦᠭᠡ ᠶᠤᠮᠰᠠᠨ ᠡ
ᠴᠢᠨᠠᠭᠰᠢ ᠪᠠᠨ ᠳᠠᠪᠰᠢᠬᠤ ᠪᠠᠷ ᠨᠠᠩ ᠰᠢᠷᠦᠭᠦᠯᠡᠭ᠍ᠰᠡᠨ ᠭᠦᠶᠦᠳᠡᠯ ᠬᠤᠷᠳᠤᠨ ᠵᠡᠭᠡᠷᠳᠡ ᠶᠤᠮᠰᠠᠨ ᠡ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠭᠡᠰᠢᠭ᠍ᠳᠡᠨ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠪᠦᠬᠡᠵᠢᠷᠭᠠᠯ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2622
ᠴᠠᠭ᠄ 2010 ᠤᠨ ᠤ 04 ᠰᠠᠷᠠ ᠶᠢᠨ 18
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ