ᠭᠠᠳᠠᠨ᠎ᠠ ᠪᠣᠷᠤᠭ᠎ᠠ ᠱᠠᠪᠰᠢᠨ᠎ᠠ

ᠭᠠᠳᠠᠯᠢ ᠶᠢᠨ ᠮᠤᠳᠤ ᠶᠠᠭᠠᠭᠢᠳ ᠴᠤ ᠶᠤᠮ

ᠭᠠᠭᠴᠠᠭᠠᠷ ᠣᠭᠢᠯᠠᠨ᠎ᠠ

ᠭᠠᠩᠳᠠᠭᠰᠠᠨ ᠮᠢᠨᠤ ᠰᠡᠳᠭᠢᠯ ᠪᠠᠰᠠ ᠴᠤ

ᠶᠠᠭᠤ ᠨᠢᠭᠡ ᠴᠢᠩᠨᠠᠨ

ᠭᠠᠩᠰᠠᠷᠠᠬᠤ ᠪᠣᠳᠤᠯ ᠰᠡᠷᠭᠦᠵᠤ ᠶᠠᠳᠠᠨ

ᠭᠠᠩᠬᠤᠬᠤ ᠮᠤᠳᠤᠨ ᠤ ᠨᠤᠭᠤᠭᠠᠨ ᠨᠠᠪᠴᠢ ᠶᠢ ᠰᠢᠷᠳᠠᠨ᠎ᠠ

ᠣᠰᠤ ᠪᠠᠷ ᠵᠢᠷᠤᠭᠰᠠᠨ ᠵᠤᠨ ᠤ ᠨᠤᠭᠤᠭᠠᠨ ᠦᠭᠡᠶ ᠪᠣᠯ

ᠣᠯᠠᠢ᠌ᠮ᠎ᠠ ᠭᠠᠩ ᠳᠤ ᠴᠡᠴᠡᠭ᠌ ᠬᠠᠮᠢᠭ᠎ᠠ ᠡᠴᠡ ᠣᠯᠳᠠᠬᠤ ᠪᠣᠢ

ᠣᠰᠤ ᠦᠭᠡᠶ ᠬᠠᠳᠠᠭᠰᠠᠨ ᠨᠠᠭᠤᠷ ᠪᠦᠷᠢᠳᠤ ᠶᠢᠨ ᠳᠡᠭᠡᠭᠦᠷ

ᠦᠳᠦ ᠪᠠᠨ ᠰᠤᠭᠤᠴᠢᠨ ᠰᠢᠪᠠᠭᠤᠳ ᠣᠭᠢᠯᠠᠭᠰᠠᠨ ᠴᠤ ᠶᠠᠭᠠᠭᠢᠮᠠᠢ

ᠭᠠᠳᠠᠨ᠎ᠠ ᠪᠣᠷᠤᠭ᠎ᠠ ᠱᠠᠪᠰᠢᠨ᠎ᠠ

ᠭᠠᠭᠴᠠᠭᠠᠷ ᠶᠢᠠᠨ ᠪᠢ ᠶᠠᠭᠠᠭᠢᠭᠠᠤᠨ ᠴᠤ ᠶᠤᠮ

ᠰᠡᠭᠦᠷᠰᠤ ᠠᠯᠳᠠᠨ᠎ᠠ

ᠬᠠᠶᠠᠭᠠᠨ ᠤ ᠴᠠᠭ ᠤᠨ ᠰᠡᠷᠢᠭᠦᠯᠭᠡ ᠶᠢᠨ ᠳᠠᠭᠤ ᠯᠠ ᠬᠠᠳᠠᠭᠤᠬᠠᠨ

ᠬᠠᠵᠠᠭᠤ ᠡᠴᠡ ᠱᠤᠤᠯᠠᠬᠤ ᠰᠢᠭ ᠡᠭ᠍ᠳᠡᠭᠦᠤ ᠭᠦᠷᠦᠮᠡᠷ ᠶᠠᠭᠠᠷᠠᠤᠬᠠᠨ

ᠬᠠᠶᠠ ᠳᠠᠴᠢᠭᠢᠨᠠᠬᠤ ᠠᠶᠤᠩᠭ᠋᠎ᠠ ᠶᠢᠨ ᠳᠠᠭᠤᠨ ᠬᠤᠯᠠᠳᠠᠭᠰᠠᠭᠠᠷ

ᠬᠠᠶᠠᠭᠠᠤᠨ ᠶᠠᠪᠣᠭᠰᠠᠨ ᠳᠦᠴᠢᠨ ᠵᠢᠯ ᠢ ᠮᠠᠷᠳᠠᠭᠤᠯᠤᠨ᠎ᠠ

ᠭᠠᠳᠠᠨ᠎ᠠ ᠪᠣᠷᠤᠭ᠎ᠠ ᠱᠠᠪᠰᠢᠨ᠎ᠠ

ᠭᠠᠵᠠᠷ ᠤᠨ ᠴᠢᠭᠢᠭ᠌ ᠶᠢᠡᠷ ᠶᠠᠭᠠᠭᠢᠭᠠᠤᠨ ᠴᠤ ᠶᠤᠮ

ᠴᠡᠭᠡᠵᠢ ᠣᠩᠭ᠋ᠣᠢ᠌ᠨ᠎ᠠ

ᠭᠠᠷ ᠲᠤ ᠠᠳᠬᠤᠭᠳᠠᠭᠰᠠᠨ ᠡᠨᠡ ᠪᠢᠷ ᠯᠠ ᠳᠡᠭᠡᠭᠦ ᠳᠤ

ᠭᠠᠷᠬᠤ ᠮᠦᠷ ᠶᠢᠡᠷ ᠶᠢᠠᠨ ᠵᠢᠷᠦᠭᠡ ᠶᠢ ᠴᠢᠩᠨᠠᠨ ᠴᠢᠩᠨᠠᠨ

ᠭᠠᠯ ᠲᠡᠶ ᠥᠭᠡᠰ ᠤᠨ ᠱᠠᠤᠨ ᠢ ᠳᠤᠷᠭᠠᠨ ᠴᠠᠭᠠᠰᠤᠨ ᠳᠤ ᠪᠠᠭᠤᠯᠠᠭᠠᠨ᠎ᠠ᠃