☆ ᠴ·ᠮᠦᠩᠭᠦᠨᠡᠷᠳᠡᠨᠢ
ᠠᠷᠠᠤᠨ ᠲᠦᠮᠡᠨ ᠮᠢᠨᠢ
ᠰᠢᠭᠤᠢ ᠪᠣᠷᠭᠠᠰᠤ ᠪᠠᠷ ᠭᠡᠷ ᠶᠢᠡᠨ ᠪᠣᠯᠭᠠᠭᠰᠠᠨ ᠪᠣᠯᠵᠤᠮᠤᠷ ᠰᠢᠪᠠᠭᠤᠳ
ᠰᠠᠢ᠌ᠬᠠᠨ ᠰᠠᠨᠠᠭᠠ᠂ ᠢᠷᠠᠭᠤ ᠳᠠᠭᠤᠨ ᠳᠤ ᠴᠢᠨᠢ
ᠵᠢᠷᠭᠢᠵᠤ ᠵᠥᠳᠡᠭᠦ ᠦᠭᠡᠶ᠂ ᠲ᠋ᠠᠳᠠ ᠪᠠᠶᠠᠷᠳᠠᠢ᠂ ᠠᠷᠠᠤᠨ ᠲᠦᠮᠡᠨ ᠮᠢᠨᠢ
ᠴᠡᠯᠮᠡᠭ᠌ ᠳᠡᠭ᠍ᠷᠢ ᠪᠠᠷ ᠵᠤᠰᠠᠭᠠᠯ ᠶᠢᠡᠨ ᠪᠣᠯᠭᠠᠭᠰᠠᠨ ᠣᠳᠤᠨ ᠭᠠᠷᠠᠭ ᠤᠳ
ᠰᠠᠷᠠᠭᠤᠯ ᠭᠦᠰᠡᠯ᠂ ᠢᠳᠡᠭᠡᠯ ᠤᠨ ᠵᠢᠮᠢᠰ ᠢ ᠴᠢᠨᠢ
ᠱᠠᠭᠰᠢᠭᠠᠤᠨ ᠮᠤᠬᠤᠬᠤ ᠦᠭᠡᠶ᠂ ᠲ᠋ᠠᠳᠠ ᠪᠢᠰᠢᠷᠠᠨᠠ᠂ ᠠᠷᠠᠤᠨ ᠲᠦᠮᠡᠨ ᠮᠢᠨᠢ᠂
ᠡᠭᠦᠯᠡᠨ ᠰᠡᠪᠠᠯᠭᠡ ᠪᠠᠨ ᠠᠶᠠᠷᠬᠠᠨ ᠢᠯᠢᠭ᠍ᠰᠡᠨ ᠠᠭᠤᠯᠠ ᠨᠢᠷᠤᠭᠤᠳ ᠮᠢᠨᠢ
ᠥᠷᠭᠡᠨ ᠮᠦᠷᠤᠨ ᠳᠡᠭᠡᠨ ᠵᠤᠷᠢᠭ ᠢ ᠴᠢᠨᠢ ᠡᠷᠭᠦᠨ
ᠦᠨᠳᠦᠷ ᠬᠠᠷᠠᠯᠠ ᠡ᠂ ᠠᠷᠠᠤᠨ ᠲᠦᠮᠡᠨ ᠮᠢᠨᠢ᠂
ᠤᠭ᠍ᠶᠤᠨ ᠴᠠᠯᠭᠢᠶᠠ ᠪᠠᠨ ᠰᠡᠮᠡᠭᠡᠷᠭᠡᠨ ᠳᠦᠯᠭᠢᠭ᠍ᠰᠡᠨ ᠭᠤᠤᠯ ᠮᠦᠷᠠᠨ ᠮᠢᠨᠢ
ᠠᠭᠤᠳᠠᠮ ᠴᠡᠭᠡᠯ ᠳᠡᠭᠡᠨ ᠣᠬᠠᠭᠠᠨ ᠢ ᠴᠢᠨᠢ ᠳᠤᠩᠭ᠋ᠠᠨ
ᠳᠤᠩᠭ᠋ᠠᠯᠠᠭ ᠣᠷᠤᠰᠤᠯᠠ ᠡ᠂ ᠠᠷᠠᠤᠨ ᠲᠦᠮᠡᠨ ᠮᠢᠨᠢ︕
ᠨᠢᠯᠪᠣᠰᠤ ᠴᠢᠰᠤ ᠲᠡᠶ ᠳᠠᠪᠠᠯᠭᠠᠯᠠᠭᠠᠤᠨ ᠥᠩᠭᠡᠷᠡᠭ᠍ᠰᠡᠨ ᠡᠳᠦᠷ ᠬᠤᠨᠤᠭ
ᠨᠢᠭᠦᠯ ᠭᠢᠯᠢᠠᠴᠠ ᠶᠢᠨ ᠳᠠᠮᠠᠭᠠ ᠪᠠᠨ ᠨᠢᠷᠤᠭᠤᠨ ᠳᠤ ᠴᠢᠨᠢ
ᠪᠦᠭ᠍ᠳᠥᠢᠳᠡᠯᠡ ᠳᠠᠷᠤᠭᠰᠠᠨ᠂ ᠥᠴᠦᠭᠡᠳᠦᠷ︕
ᠢᠨᠢᠶᠠᠳᠤ ᠮᠦᠰᠢᠶᠠᠳᠤ ᠲᠡᠶ ᠨᠠᠯᠮᠠᠢ᠌ᠨ ᠮᠠᠠᠳᠤᠭᠰᠠᠨ ᠨᠠᠷᠠ ᠰᠠᠷᠠ
ᠠᠵᠠ ᠵᠢᠷᠭᠠᠯ ᠤᠨ ᠳᠤᠶᠠᠭᠠ ᠪᠠᠨ ᠵᠢᠷᠦᠭᠡᠨ ᠳᠤ ᠴᠢᠨᠢ
ᠭᠡᠳᠡᠢ᠌ᠳᠡᠯᠡ ᠳᠤᠰᠬᠠᠭᠰᠠᠨ᠂ ᠦᠨᠦᠳᠤᠷ︕
ᠠᠷᠠᠤᠨ ᠲᠦᠮᠡᠨ ᠮᠢᠨᠢ︕
ᠴᠢᠯᠠᠭᠤᠨ ᠪᠣᠷᠬᠠᠳ ᠢ ᠴᠠᠪᠴᠢᠵᠤ ᠠᠮᠢᠯᠠᠭᠤᠯᠤᠭᠰᠠᠨ ᠠᠯᠤᠬᠠ ᠰᠥᠭᠡ
ᠴᠠᠭᠠᠨ ᠭᠡᠷᠡᠮ ᠢ ᠪᠣᠰᠬᠠᠵᠤ ᠳᠠᠯᠪᠢᠭᠰᠠᠨ ᠵᠠᠷ ᠵᠡᠪᠰᠡᠭ᠌
ᠰᠢᠳᠤᠷᠭᠤ ᠭᠦᠯᠦᠰᠤ ᠪᠠᠨ ᠣᠷᠤᠰᠬᠠᠵᠤ ᠶᠠᠪᠣᠭᠰᠠᠨ ᠡᠭᠡᠯ ᠪᠠᠢ᠌ᠷᠢ︕
ᠠᠷᠠᠤᠨ ᠲᠦᠮᠡᠨ ᠮᠢᠨᠢ︕
ᠥᠩᠰᠢᠭ᠌ ᠭᠤᠪᠢ ᠶᠢ ᠥᠭᠡᠷ ᠳᠡᠷᠭᠡ ᠪᠠᠷ ᠳᠤᠭᠤᠯᠤᠭᠰᠠᠨ ᠵᠠᠮ
ᠣᠷᠭᠠ ᠶᠢᠨ ᠥᠵᠦᠭᠦᠷ ᠲᠦᠮᠡᠨ ᠣᠳᠤ ᠶᠢ ᠬᠤᠮᠪᠢᠭᠰᠠᠨ ᠴᠢᠳᠠᠯ
ᠣᠰᠤ ᠨᠠᠭᠤᠷ ᠶᠢᠡᠨ ᠰᠢᠭ ᠰᠠᠤᠠᠭᠢᠯ ᠴᠠᠢ᠌ᠯᠭᠠᠨ ᠠᠮᠢᠳᠤᠷᠠᠵᠤ ᠰᠤᠷᠤᠭᠰᠠᠨ ᠣᠬᠠᠭᠠᠨ
ᠠᠷᠢᠭᠢᠨ ᠰᠢᠷᠠ ᠳᠤ ᠣᠢ᠌ᠭᠠ ᠦᠭᠡᠶ ᠮᠢᠡᠴᠦᠭᠦᠷᠡᠵᠤ ᠰᠢᠨᠦᠭ᠍ᠰᠡᠨ ᠭᠠᠷᠤᠵᠠ
ᠠᠷᠠᠤᠨ ᠲᠦᠮᠡᠨ ᠮᠢᠨᠢ︕
ᠠᠶᠤᠯᠳᠤ ᠳᠠᠢ᠌ᠨ ᠢ ᠵᠢᠷᠦᠭᠡᠨ ᠳᠡᠭᠡᠨ ᠳᠡᠭᠡᠭᠡᠵᠤ
ᠠᠶᠠᠯᠠᠭᠠᠤᠨ ᠭᠠᠷᠤᠭᠰᠠᠨ ᠠᠮᠢ ᠨᠠᠰᠤ
ᠠᠪᠣᠷᠭᠤ ᠳᠡᠦᠭᠡ ᠶᠢ ᠨᠢᠷᠤᠭᠤᠨ ᠳᠠᠭᠠᠨ ᠡᠭᠦᠷᠴᠤ
ᠮᠥᠯᠭᠦᠭᠡᠤᠨ ᠢᠷᠡᠭ᠍ᠰᠡᠨ ᠴᠤᠭ ᠵᠤᠯᠢ
ᠠᠯᠳᠠ ᠮᠥᠩᠭᠦ ᠪᠠᠷ ᠠᠷᠠᠯᠵᠢᠭᠠᠤᠨ ᠣᠯᠬᠤ ᠦᠭᠡᠶ
ᠠᠷᠢᠭᠤᠨ ᠰᠠᠢ᠌ᠬᠠᠨ ᠴᠢᠨᠠᠷ
ᠠᠯᠳᠠᠵᠤ ᠬᠠᠶᠠᠵᠤ ᠣᠷᠭᠢᠭᠠᠤᠨ ᠪᠣᠯᠬᠤ ᠦᠭᠡᠶ
ᠦᠨᠢ ᠮᠥᠩᠭᠡ ᠶᠢᠨ ᠭᠠᠪᠢᠶᠠ
ᠠᠷᠠᠤᠨ ᠲᠦᠮᠡᠨ ᠮᠢᠨᠢ︕
ᠴᠠᠮᠴᠠᠢ᠌ᠨ ᠳᠤᠭᠢᠯᠠᠬᠤ ᠴᠡᠴᠡᠭ᠌ ᠶᠢᠡᠨ ᠡᠪᠦᠷᠯᠡᠭᠡᠤᠨ
ᠭᠡᠦᠭᠡᠤᠨ ᠶᠢᠡᠨ ᠰᠠᠨᠠᠳᠠᠭ ᠳᠤᠭᠳᠤᠯᠤᠯ
ᠴᠠᠯᠮᠠᠢ᠌ᠨ ᠳᠤᠯᠠᠢ᠌ᠬᠤ ᠥᠤᠷ ᠶᠢᠡᠨ ᠣᠭᠳᠤᠭᠠᠤᠨ
ᠠᠵᠢᠯ ᠳᠠᠭᠠᠨ ᠭᠠᠷᠳᠠᠭ ᠣᠮᠤᠭᠰᠢᠯ
ᠴᠠᠭᠠᠬᠠᠨ ᠥᠷᠦᠭᠡᠨ ᠳᠡᠭᠡᠨ ᠳᠠᠪᠠᠯᠠᠭ ᠰᠠᠭᠠᠳᠠᠭᠠᠤᠨ
ᠲ᠋ᠡᠯᠡᠭᠡᠢ ᠶᠢ ᠰᠤᠪᠢᠳᠠᠭ ᠣᠬᠠᠭᠠᠷᠠᠯ
ᠴᠡᠯᠡᠭᠡᠷ ᠳᠠᠯᠠ ᠪᠠᠨ ᠨᠠᠷᠠᠯᠠᠭ ᠰᠡᠳᠭᠢᠭᠡᠤᠨ
ᠲ᠋ᠡᠭ᠍ᠵᠢᠷᠡᠯ ᠢ ᠰᠣᠢ᠌ᠳᠠᠭ ᠰᠢᠭᠤᠳᠤᠯ
ᠠᠷᠠᠤᠨ ᠲᠦᠮᠡᠨ ᠮᠢᠨᠢ︕
ᠠᠰᠢᠭ ᠤᠨ ᠬᠣᠢ᠌ᠨᠠ ᠡᠴᠡ ᠰᠢᠳᠤ ᠪᠠᠨ ᠢᠷᠯᠠᠵᠤ ᠮᠢᠷᠠᠳᠠᠭ ᠦᠭᠡᠶ
ᠦᠨᠡᠨ ᠤ ᠡᠮᠦᠨᠡ ᠡᠴᠡ ᠠᠮᠢ ᠪᠠᠨ ᠳᠠᠯᠪᠢᠭᠠᠤᠨ ᠰᠢᠭᠤᠷᠠᠳᠠᠭ ᠪᠠᠷᠰ
ᠭᠠᠴᠢᠭ ᠵᠤᠪᠠᠯᠠᠩ ᠳᠤ ᠨᠥᠭᠦᠷ ᠶᠢᠡᠨ ᠬᠠᠶᠠᠭᠠᠤᠨ ᠵᠠᠢ᠌ᠯᠠᠳᠠᠭ ᠦᠭᠡᠶ
ᠭᠠᠷ ᠶᠢᠡᠨ ᠬᠤᠯᠪᠤᠨ ᠲᠡᠳᠬᠦᠭᠡᠤᠨ ᠶᠠᠪᠣᠳᠠᠭ ᠪᠣᠷᠬᠠᠨ
ᠠᠷᠠᠤᠨ ᠲᠦᠮᠡᠨ ᠮᠢᠨᠢ︕
ᠰᠠᠨᠠᠭᠠᠨ ᠡᠴᠡ ᠵᠥᠰᠡᠷᠡᠭᠦ ᠰᠦ᠋ ᠲᠡᠶ ᠴᠡᠩᠭᠡᠷ ᠪᠣᠷᠤᠭᠠ ᠪᠠᠨ
ᠰᠠᠤᠠᠭᠢᠯ ᠪᠣᠯᠭᠠᠵᠤ ᠳᠦᠷᠪᠡᠨ ᠵᠥᠭ᠌ ᠲᠡᠭᠡᠨ ᠰᠠᠴᠤᠳᠠᠭ᠂
ᠰᠠᠯᠠᠭᠠᠨ ᠳᠤ ᠵᠢᠷᠭᠢᠭᠦ ᠳᠠᠭᠤᠤ ᠲᠡᠶ ᠴᠡᠯᠡᠭᠡᠷ ᠰᠠᠯᠭᠢ ᠪᠠᠨ
ᠰᠠᠷᠬᠤᠤᠨ ᠪᠣᠯᠭᠠᠵᠤ ᠳᠤᠯᠭᠠᠨ ᠬᠠᠪᠢ ᠳᠠᠭᠠᠨ ᠠᠮᠳᠠᠯᠠᠳᠠᠭ
ᠠᠷᠠᠤᠨ ᠲᠦᠮᠡᠨ ᠮᠢᠨᠢ︕
ᠣᠨᠠᠭᠰᠠᠨ ᠭᠠᠵᠠᠷ ᠲᠠᠭᠠᠨ ᠭᠦᠡᠳᠤ ᠭᠡᠪᠳᠡᠷᠢ ᠬᠠᠯᠠᠭᠤᠨ ᠬᠠᠢ᠌ᠷ
ᠣᠷᠭᠤᠭᠰᠠᠨ ᠭᠢᠷᠠ ᠳᠠᠭᠠᠨ ᠳᠦᠪ᠂ ᠦᠨᠳᠦᠰᠦ ᠪᠠᠭᠢ ᠨᠠᠷᠠᠰᠤ
ᠡᠭᠦᠷ ᠬᠠᠳᠠᠨ ᠳᠠᠭᠠᠨ ᠡᠨᠡᠭ᠍ᠰᠢᠯ ᠲᠡᠶ ᠦᠨᠳᠦᠷ ᠴᠣᠢ᠌ᠯᠠᠬᠤ ᠪᠦᠷᠭᠦᠤᠨ
ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ ᠥᠪᠯᠡᠭᠦ ᠦᠩ ᠳᠠᠩᠰᠤᠭ ᠨᠤᠳᠤᠭ
ᠠᠷᠠᠤᠨ ᠲᠦᠮᠡᠨ ᠮᠢᠨᠢ︕
ᠣᠶᠤᠨ ᠤ ᠠᠰᠬᠠ ᠳᠤ ᠪᠢᠯᠢᠭ᠌ ᠢ ᠢᠷᠯᠡᠭ᠍ᠴᠢ
ᠬᠠᠩᠭ᠋ᠠᠢ ᠭᠦᠳᠡᠭᠡ ᠶᠢᠨ ᠴᠢᠳᠠᠪᠣᠷᠢᠳᠠᠨ
ᠣᠳᠤᠳᠠᠢ ᠳᠡᠭ᠍ᠷᠢ ᠳᠤ ᠭᠦᠯᠦᠭ᠌ ᠢ ᠨᠢᠰᠭᠡᠭ᠍ᠴᠢ
ᠬᠤᠷᠸᠠ ᠶᠢᠷᠳᠢᠠᠴᠤ ᠶᠢᠨ ᠡᠵᠡᠨ
ᠠᠷᠠᠤᠨ ᠲᠦᠮᠡᠨ ᠮᠢᠨᠢ︕
ᠨᠠᠢ᠌ᠷᠠᠮᠳᠠᠭᠤ ᠳᠠᠭᠤᠯᠠᠯ ᠳᠤ ᠨᠠᠷᠠᠨ ᠢ ᠱᠠᠯᠠᠭᠴᠢ
ᠪᠠᠶᠠᠷ ᠤᠨ ᠡᠭᠡᠰᠢᠭ᠌ ᠳᠡᠭᠦᠰᠭᠡᠯ ᠦᠭᠡᠶ
ᠨᠠᠯᠠᠭᠠᠷ ᠪᠠᠢ᠌ᠭᠠᠯᠢ ᠳᠤ ᠪᠣᠶᠠᠨ ᠢ ᠡᠳ᠋ᠯᠡᠭ᠍ᠴᠢ ᠨᠠᠰᠤᠨ ᠤ ᠠᠵᠠ ᠭᠢᠵᠠᠭᠠᠷ ᠦᠭᠡᠶ
ᠠᠷᠠᠤᠨ ᠲᠦᠮᠡᠨ ᠮᠢᠨᠢ ᠡ ᠁
ᠵᠤᠬᠢᠶᠠᠭᠴᠢ᠄ ᠴ·ᠮᠦᠩᠭᠦᠨᠡᠷᠳᠡᠨᠢ
ᠢᠷᠡᠯᠲᠡ᠄ ᠴ·ᠮᠦᠩᠭᠦᠨᠡᠷᠳᠡᠨᠢ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3583
ᠴᠠᠭ᠄ 2008 ᠤᠨ ᠤ 10 ᠰᠠᠷᠠ ᠶᠢᠨ 22
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ