☆ ᠨᠡᠷᠡᠡᠴᠡᠴᠡᠭ᠌
ᠴᠠᠢ᠌ᠳᠠᠮ ᠤᠨ ᠳᠠᠯᠠ
ᠵᠢᠩ ᠤᠨ ᠨᠠᠷᠠᠨ ᠳᠤ ᠵᠢᠪᠠᠷ ᠭᠦᠷᠭᠡᠵᠤ
ᠵᠢᠯᠵᠢᠨ ᠴᠠᠰᠤ ᠲᠡᠶ ᠥᠡᠵᠢᠳᠡᠭ᠌
ᠵᠢᠰᠦᠷᠭᠡᠭ᠌ ᠮᠥᠩᠭᠡ ᠬᠠᠢ᠌ᠷᠬᠠᠤᠨ ᠤᠨ ᠬᠤᠷᠮᠤᠢ
ᠴᠠᠢ᠌ᠳᠠᠮ ᠤᠨ ᠳᠠᠯᠠ
ᠰᠤᠨᠤᠷᠯᠢᠭ ᠰᠤᠶᠤᠯᠵᠢᠭᠤᠨ ᠣᠯᠤᠰ ᠤᠨ
ᠰᠤᠳᠤᠯᠵᠤ ᠪᠠᠷᠠᠭᠠᠳᠤᠢ ᠣᠨᠢᠰᠤᠭᠠ ᠬᠠᠳᠠᠭᠠᠯᠠᠭᠠᠰᠤᠳᠠᠢ
ᠰᠤᠨᠢᠨ ᠡᠷᠳᠡᠨᠢᠰ ᠤᠨ ᠠᠭᠤᠷᠬᠠᠢ ᠪᠣᠯᠠᠭᠳᠠᠭᠰᠠᠨ
ᠴᠠᠢ᠌ᠳᠠᠮ ᠤᠨ ᠳᠠᠯᠠ
ᠳᠤᠰᠤᠨ ᠬᠠᠷᠠ ᠵᠠᠮ ᠳᠡᠭ᠍ᠰᠢᠷᠡᠵᠤ ᠴᠢᠳᠠᠯ ᠦᠭᠡᠶ ᠮᠤᠷᠤᠢ᠌ᠳᠠᠭ
ᠳᠤᠮᠤᠭᠳᠤ ᠭᠡᠰᠡᠷ ᠤᠨ ᠴᠤᠯᠪᠣᠭᠤᠷ ᠰᠢᠭᠢᠦᠡᠭᠡᠭ᠍ᠰᠡᠨ
ᠳᠡᠦᠭᠡᠨ ᠥᠯᠢᠭᠡᠷᠳᠤ ᠰᠡᠭᠡᠷ ᠤᠨ ᠮᠤᠰᠭᠢᠭᠤ ᠲᠡᠶ
ᠴᠠᠢ᠌ᠳᠠᠮ ᠤᠨ ᠳᠠᠯᠠ
ᠰᠡᠷᠪᠠᠯᠵᠡᠭᠦ ᠰᠠᠯᠭᠢᠨ ᠤ ᠠᠶᠠᠰ ᠣᠠᠳᠤᠷᠠᠭᠤᠯᠵᠤ
ᠰᠠᠤᠠᠭᠢᠯ ᠭᠦᠭ᠍ᠵᠢᠭᠡᠭᠦ ᠨᠤᠲ᠋ ᠴᠢᠪᠬᠠᠳᠠᠭᠠᠤᠨ
ᠰᠠᠢ᠌ᠬᠠᠨ ᠢᠷᠡᠭᠡᠳᠦᠢ ᠶᠢᠨ ᠵᠢᠷᠭᠠᠯ ᠬᠤᠷᠣᠢ᠌ᠯᠠᠭᠰᠠᠨ
ᠴᠠᠢ᠌ᠳᠠᠮ ᠤᠨ ᠳᠠᠯᠠ
ᠳᠤᠩᠭ᠋ᠠᠯᠠᠭ ᠰᠠᠷᠠ ᠨᠢ ᠵᠢᠰᠤ ᠪᠠᠨ ᠳᠤᠯᠢᠳᠠᠨ ᠥᠡᠵᠢᠳᠡᠭ᠌
ᠳᠤᠯᠭᠠ ᠭᠤᠷᠪᠠᠨ ᠨᠠᠭᠤᠷ ᠤᠨ ᠶᠢᠡᠨ ᠭᠦᠪᠠᠭᠡ ᠪᠠᠷ
ᠳᠠᠷᠬᠠᠨ ᠪᠠᠯᠴᠢᠭᠦ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠶᠢᠡᠨ
ᠳᠤᠷᠭᠠᠨ ᠡᠪᠦᠷ ᠲᠡᠭᠡᠨ ᠥᠮᠴᠢᠷᠭᠡᠨ ᠡᠷᠭᠡᠯᠡᠭᠦᠯᠳᠡᠭ᠌
ᠴᠠᠢ᠌ᠳᠠᠮ ᠤᠨ ᠳᠠᠯᠠ
ᠰᠤᠨᠢᠭᠤᠴᠢ ᠭᠦᠮᠦᠰ ᠤᠨ ᠦᠯᠦᠨ ᠬᠠᠷᠠᠴᠠᠨ ᠳᠤ
ᠰᠡᠪᠭᠢᠭᠦ ᠵᠠᠪ ᠦᠭᠡᠶ ᠡᠪᠦᠷ ᠶᠢᠡᠨ ᠠᠭᠤᠳᠠᠯᠠᠭᠤᠯᠵᠤ
ᠰᠥᠷᠦᠭ᠌ ᠭᠦᠷᠦᠭᠡᠰᠤ ᠪᠠᠨ ᠭᠤᠮᠤᠳᠠᠯ ᠲᠡᠶ ᠨᠡᠭᠦᠯᠭᠡᠭᠡᠤᠨ
ᠰᠥᠷᠡᠭᠡᠢ ᠡᠵᠡᠭᠦᠢᠷᠡᠭ᠍ᠰᠡᠨ
ᠴᠠᠢ᠌ᠳᠠᠮ ᠤᠨ ᠳᠠᠯᠠ
ᠵᠦᠰᠠᠷ ᠪᠣᠷᠤᠭᠠᠨ ᠳᠤ ᠳᠠᠨᠠᠢ᠌ᠳᠠᠯᠠ ᠳᠠᠪᠳᠠᠪᠠᠴᠤ
ᠵᠤᠨ ᠤ ᠰᠠᠭᠠᠯᠢ ᠶᠢᠨ ᠠᠭᠠᠭ ᠳᠤᠳᠠᠵᠤ ᠴᠠᠩᠭ᠋ᠠᠭᠠᠤᠨ
ᠵᠣᠢ᠌ᠯ ᠶᠢᠠᠷ ᠰᠢᠨᠡᠴᠢᠯᠡᠭ᠍ᠰᠡᠨ ᠰᠢᠨᠠ ᠡᠷᠡᠨ ᠳᠤ
ᠵᠤᠯᠠᠮᠠᠯ ᠢᠰᠡᠭᠡᠢ ᠭᠡᠷ ᠶᠢᠡᠨ ᠥᠭᠡᠢ᠌ᠯᠡᠭᠡᠤᠨ ᠭᠤᠨᠢᠷᠬᠠᠭᠰᠠᠨ
ᠴᠠᠢ᠌ᠳᠠᠮ ᠤᠨ ᠳᠠᠯᠠ
ᠠᠷᠢᠭᠤᠨ ᠰᠦᠰᠦᠳᠤ ᠠᠷᠠᠤᠨ ᠤᠨ ᠣᠬᠠᠭᠠᠨ ᠶᠢᠡᠷ
ᠠᠳᠠᠭᠠᠳᠠᠨ ᠤ ᠰᠦᠨᠠᠰᠤ ᠶᠢ ᠭᠦᠷᠦᠰᠤᠨ ᠳᠡᠭᠡᠨ ᠪᠣᠯᠠᠭᠰᠠᠨ
ᠡᠵᠡᠨ ᠪᠣᠭᠤᠷᠤᠯᠴᠤᠳ ᠤᠨ ᠡᠵᠡᠯᠡᠵᠤ ᠨᠤᠳᠤᠭᠯᠠᠭᠰᠠᠨ
ᠴᠠᠢ᠌ᠳᠠᠮ ᠤᠨ ᠳᠠᠯᠠ᠃
ᠠᠰᠢᠭ ᠡᠷᠢᠵᠤ ᠬᠤᠠᠵᠢᠶᠠ ᠭᠤᠷᠢᠳᠠᠭᠠᠤᠨ
ᠠᠮᠳᠠᠳᠠᠨ ᠢ ᠭᠦᠯᠢᠶᠡᠵᠤ ᠠᠷᠠᠭᠠ ᠬᠠᠪᠢᠷᠠᠭᠰᠠᠤᠨ ᠢ
ᠠᠶᠤᠩᠭ᠋ᠠ ᠰᠢᠭ ᠨᠢᠷᠭᠡᠵᠤ ᠮᠡᠳᠡᠭᠦ
ᠴᠠᠢ᠌ᠳᠠᠮ ᠤᠨ ᠳᠠᠯᠠ
ᠡᠷᠭᠢᠭᠦᠤ ᠦᠵᠡᠯᠳᠠᠤᠨ ᠤᠨ ᠳᠡᠨᠡᠭ᠌ ᠣᠬᠠᠭᠠᠨ ᠳᠤ ᠬᠠᠭᠤᠷᠳᠠᠭᠳᠠᠵᠤ
ᠡᠯᠦᠡᠴᠡ ᠶᠢᠨ ᠥᠪᠯᠡᠭ᠍ᠰᠡᠨ ᠪᠣᠰᠤᠭᠠ ᠥᠰᠦᠭ᠌ ᠶᠢᠡᠨ ᠣᠮᠳᠠᠭᠠᠢ᠌ᠯᠠᠭᠠᠤᠨ
ᠡᠭᠡ ᠰᠤᠶᠤᠯ ᠤᠨ ᠡᠷᠴᠢ ᠴᠢᠩᠭ᠋ᠠᠯᠠᠬᠤ ᠶᠢ ᠭᠦᠰᠡᠭ᠍ᠰᠡᠨ
ᠴᠠᠢ᠌ᠳᠠᠮ ᠤᠨ ᠳᠠᠯᠠ
ᠵᠤᠬᠢᠶᠠᠭᠴᠢ᠄ ᠨᠡᠷᠡᠡᠴᠡᠴᠡᠭ᠌
ᠢᠷᠡᠯᠲᠡ᠄ ᠨᠡᠷᠡᠡᠴᠡᠴᠡᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3054
ᠴᠠᠭ᠄ 2006 ᠤᠨ ᠤ 09 ᠰᠠᠷᠠ ᠶᠢᠨ 06
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ