☆ ᠳ᠋·ᠨᠠᠮᠵᠠᠪ
ᠭᠡᠷᠭᠡᠢ ᠮᠢᠨᠢ
ᠭᠡᠷᠭᠡᠢ ᠮᠢᠨᠢ
ᠨᠢᠭᠡ
ᠭᠡᠷᠭᠡᠢ ᠮᠢᠨᠢ ᠴᠢ
ᠶᠠᠭᠤᠳᠠᠢ ᠰᠠᠢ᠌ᠬᠠᠨ ᠰᠢᠯᠦᠭ᠌ ᠪᠣᠢ ︖
ᠴᠢᠮᠠ ᠶᠢ ᠣᠩᠰᠢᠬᠤ ᠳ᠋ᠤ
ᠭᠡᠷ ᠮᠢᠨᠢ ᠪᠠᠶᠠᠰᠤᠯ ᠶᠢᠡᠷ ᠳᠦᠭᠦᠷᠡᠨᠡ
ᠬᠡᠦᠬᠡᠳ ᠮᠢᠨᠢ ᠵᠢᠷᠭᠠᠯ ᠶᠢᠡᠷ ᠦᠰᠦᠨᠠ᠃
ᠬᠤᠶᠠᠷ
ᠴᠢ ᠦᠭᠡᠶ ᠴᠠᠭ ᠲᠤ ᠪᠢ
ᠦᠷᠦᠭᠡᠰᠤᠨ ᠵᠢᠭᠦᠷ ᠲᠡᠶ ᠰᠢᠪᠠᠭᠤ ᠪᠣᠯᠴᠢᠬᠠᠨᠠ᠂
ᠴᠢᠮᠠ ᠲᠡᠶ ᠪᠠᠨ ᠪᠠᠢ᠌ᠪᠠᠯ ᠪᠢ
ᠣᠭᠳᠠᠷᠭᠤᠢ ᠡᠵᠡᠮᠳᠡᠭ᠍ᠰᠡᠨ ᠪᠦᠷᠭᠦᠤᠨ ᠬᠤᠪᠢᠯᠠᠴᠢᠬᠠᠨᠠ᠃
ᠭᠤᠷᠪᠠ
ᠶᠠᠳᠠᠷᠠᠯ ᠬᠠᠮᠤᠭ ᠢ ᠮᠢᠨᠢ ᠬᠤᠪᠢᠶᠠᠯᠴᠠᠵᠤ
ᠢᠷᠠᠯᠵᠠᠭᠰᠠᠨ ᠢᠨᠢᠶᠠᠳᠤ ᠪᠠᠷ ᠵᠢᠠᠨ
ᠴᠠᠢ ᠪᠠᠨ ᠥᠰᠦᠯᠡᠭᠡᠳ᠂
ᠴᠢ ᠮᠢᠨᠢ
ᠴᠠᠭᠠᠨ ᠰᠠᠨᠠᠭᠠ ᠪᠠᠷ ᠶᠢᠡᠨ ᠠᠯᠳᠠᠷᠰᠢᠨᠡ᠃
ᠳᠦᠷᠪᠡ
ᠠᠴᠢ ᠳᠤᠰᠠ ᠶᠢᠨ ᠦᠷᠡ ᠪᠠᠨ ᠴᠢ
ᠠᠷᠠᠤᠨ ᠤᠨ ᠰᠡᠳᠬᠢᠯ ᠳᠤ ᠰᠤᠶᠤᠭᠠᠯᠠᠭᠤᠯᠵᠤ
ᠣᠯᠠᠨ ᠤ ᠴᠠᠪᠠᠷ ᠰᠠᠢ᠌ᠰᠢᠶᠠᠯ ᠢ ᠴᠢ
ᠢᠨᠢᠶᠠᠳᠤ ᠪᠠᠷ ᠶᠢᠡᠨ ᠣᠭᠳᠤᠨ ᠪᠠᠶᠠᠰᠤᠨᠠ᠃
ᠲ᠋ᠠᠪᠣ
ᠠᠪᠣ ᠮᠢᠨᠢ
ᠠᠭᠠᠷ ᠤᠨ ᠨᠠᠷᠠᠨ ᠳ᠋ᠤ
ᠡᠭᠡᠪᠦᠷᠢᠯᠡᠵᠤ ᠰᠠᠭᠤᠨᠠ᠂
ᠡᠵᠢ ᠮᠢᠨᠢ
ᠡᠷᠭᠡ ᠣᠮᠪᠣᠯᠤ ᠲᠡᠶ ᠪᠠᠨ
ᠪᠠᠶᠠᠰᠴᠤ ᠰᠠᠭᠤᠨᠠ᠃
ᠡᠳᠡᠨ ᠴᠢᠨᠢ ᠪᠢᠳᠠᠨ ᠤ
ᠬᠤᠶᠠᠷ ᠠᠮᠢᠳᠤ ᠪᠣᠷᠬᠠᠨ ᠭᠡᠭ᠍ᠴᠢ ᠵᠢ
ᠡᠩᠭᠦᠷᠡᠢ ᠴᠢ ᠮᠢᠨᠢ ᠮᠠᠷᠳᠠᠭᠠᠤᠨ ᠦᠭᠡᠶ ᠡ ︕
ᠵᠢᠷᠭᠤᠭᠠ
ᠴᠢ ᠪᠢᠳᠠᠨ ᠬᠤᠶᠠᠷ
ᠴᠡᠩᠭᠡᠯᠳᠤ ᠨᠤᠳᠤᠭ ᠳᠠᠭᠠᠨ
ᠰᠡᠳᠬᠢᠯ ᠶᠢᠡᠷ ᠪᠠᠶᠠᠨ ᠵᠢᠷᠭᠠᠶᠠ
ᠵᠢᠳᠭᠦᠯ ᠶᠢᠡᠷ ᠪᠠᠶᠠᠨ ᠠᠮᠢᠳᠤᠷᠠᠶᠠ ︕
* 《ᠦᠣᠷ ᠤᠨ ᠴᠤᠯᠮᠤᠨ》 ᠊ᠤ 1995.5 ᠬᠤᠭᠤᠴᠠᠭᠠ ᠳ᠋ᠤ
ᠣᠬᠠᠭᠠᠨ
ᠪᠣᠳᠤᠯ ᠰᠠᠨᠠᠭᠠ ᠳᠦᠭᠦᠷᠡᠩ
ᠪᠣᠳᠤᠯᠢᠶᠠᠠᠳᠠᠢ ᠨᠡᠢ᠌ᠭᠡᠮ ᠤᠨ ᠦᠷᠤ ᠳᠡᠭᠡᠷᠡ
ᠪᠣᠰᠤᠭᠠ ᠳᠦᠷᠦᠭᠡ ᠪᠠᠷ ᠳᠠᠪᠭᠢᠬᠤ ᠳ᠋ᠤ
ᠪᠢᠳᠠᠨ ᠳᠤ ᠣᠬᠠᠭᠠᠨ ᠭᠡᠷᠡᠭ᠌ ᠰᠢᠤ᠂
ᠭᠦᠴᠢᠷ ᠤᠨ ᠵᠠᠷᠢᠮ ᠭᠦᠡᠳᠡᠢ ᠳᠤ
ᠭᠦᠯ ᠠᠯᠳᠠᠬᠤ ᠠᠶᠤᠯ ᠪᠣᠢ᠂
ᠭᠦᠷᠭᠦ ᠶᠢᠨ ᠬᠠᠶᠠᠭᠠ ᠡᠷᠭᠡᠢ ᠳ᠋ᠤ
ᠭᠦᠡᠳᠡᠯᠡᠨ ᠳᠤᠰᠬᠤ ᠵᠡᠳᠭᠡᠷ ᠪᠣᠢ᠂
ᠠᠮᠢᠳᠤᠷᠠᠯ ᠤᠨ ᠲᠦᠯᠦᠭᠡ ᠶᠠᠪᠣᠬᠤ
ᠠᠯᠬᠤᠳᠠᠯ ᠳᠤ ᠣᠬᠠᠭᠠᠨ ᠭᠡᠷᠡᠭ᠌ ᠶᠤᠮ
ᠣᠢ᠌ᠯᠠᠰ ᠤᠨ ᠲᠦᠯᠦᠭᠡ ᠵᠢᠳᠭᠦᠭᠦ
ᠣᠷᠤᠯᠳᠤᠯ ᠳᠤ ᠣᠬᠠᠭᠠᠨ ᠴᠢᠬᠤᠯᠠ ᠶᠤᠮ᠂
ᠡᠷᠳᠡ ᠳᠡᠭᠡᠳᠤ ᠡᠴᠡ ᠨᠠᠰᠢ
ᠣᠬᠠᠭᠠᠨ ᠢ ᠡᠷᠭᠢᠮᠯᠡᠵᠤ ᠢᠷᠡᠭ᠍ᠰᠡᠨ ᠶᠤᠮ
ᠣᠬᠠᠭᠠᠨ ᠡᠴᠡ ᠣᠬᠠᠭᠠᠨ ᠳᠦᠷᠤᠨᠠ ᠭᠡᠵᠤ
ᠣᠭᠤᠷᠠᠭ ᠳᠠᠷᠢᠭᠢ ᠪᠠᠨ ᠰᠢᠪᠬᠠᠭᠰᠠᠨ ᠶᠤᠮ᠂
ᠣᠯᠠᠨ ᠣᠬᠠᠭᠠᠨ ᠤ ᠬᠤᠷᠠᠮᠳᠠᠯ
ᠣᠬᠠᠭᠠᠨ ᠤ ᠺᠠᠠᠳᠠ ᠪᠣᠯᠳᠠᠭ ᠶᠤᠮ᠂
ᠡᠪ ᠲᠡᠶ ᠣᠬᠠᠭᠠᠨ ᠳᠡᠭᠡᠭᠡᠳ
ᠣᠬᠠᠭᠠᠨ ᠤ ᠣᠭᠢ ᠪᠣᠯᠤᠭᠰᠠᠨ ᠶᠤᠮ᠃
ᠪᠣᠷᠤᠭᠤ ᠵᠦᠪ ᠢ ᠢᠯᠭᠠᠳᠠᠭ
ᠪᠣᠯᠪᠠᠰᠤᠨ ᠣᠬᠠᠭᠠᠨ ᠢ ᠪᠣᠢ ᠪᠣᠯᠭᠠᠵᠤ
ᠪᠦᠳᠦᠭᠡᠯ ᠣᠢ᠌ᠯᠠᠰ ᠤᠨ ᠬᠠᠷᠭᠤᠢ ᠪᠠᠷ
ᠪᠢᠳᠠᠨ ᠪᠦᠭᠦᠳᠡ ᠪᠠᠷ ᠶᠢᠡᠨ ᠵᠢᠳᠭᠦᠴᠡᠭᠡᠶᠡ ︕
* 《ᠰᠢᠠᠵᠢᠶᠠᠩ ᠤ ᠡᠳᠦᠷ ᠤᠨ ᠰᠤᠨᠢᠨ》 1997.9.7
ᠠᠮᠳᠠᠯᠢᠭ ᠵᠢᠮᠢᠰ
ᠰᠤᠷᠭᠠᠨᠠ ᠭᠡᠳᠡᠭ᠌ ᠮᠤᠳᠤ ᠵᠢ
ᠰᠤᠳᠤᠷᠴᠢ ᠪᠠᠭᠰᠢ ᠠᠰᠠᠷᠠᠨᠠ᠃
ᠰᠤᠷᠤᠨᠠ ᠭᠡᠳᠡᠭ᠌ ᠵᠢᠮᠢᠰ ᠢ
ᠰᠤᠷᠮᠠᠭᠠᠢ ᠰᠤᠷᠤᠭᠴᠢ ᠠᠮᠳᠠᠯᠠᠨᠠ᠃
ᠭᠦᠰᠡᠯ ᠤᠨ ᠡᠨᠡ ᠵᠢᠮᠢᠰ ᠴᠢᠨᠢ
ᠬᠡᠦᠬᠡᠳ ᠤᠨ ᠰᠢᠮᠡᠳᠡᠭᠦ ᠭᠢᠴᠢᠶᠠᠯ ᠶᠤᠮ᠃
ᠭᠦᠷᠭᠦ ᠰᠤᠷᠭᠤᠭ ᠪᠠᠬᠠᠷᠠᠯ ᠳ᠋ᠤᠨᠢ
ᠭᠦᠭᠦᠷᠭᠡ ᠭᠠᠳᠤᠯᠠᠬᠤ ᠨᠢᠳᠤᠨ ᠶᠤᠮ᠃
ᠶᠠᠭᠤ ᠪᠠᠷ ᠴᠤ ᠰᠤᠯᠢᠵᠤ ᠪᠣᠯᠳᠠᠭ ᠥᠭᠡᠢ
ᠶᠤᠰᠤᠳᠠᠢ ᠡᠨᠡ ᠨᠢᠳᠤ ᠵᠢ
ᠭᠢᠴᠢᠶᠠᠯ ᠪᠡᠯᠡᠳᠭᠡᠭᠦ ᠡᠴᠡ ᠬᠠᠯᠠᠰᠢᠷᠠᠳᠠᠭ ᠥᠭᠡᠢ
ᠭᠦᠡᠳᠦᠳᠤ ᠪᠠᠭᠰᠢ ᠣᠯᠭᠤᠳᠠᠭ ᠶᠤᠮ᠃
ᠰᠠᠮᠪᠠᠷᠠ ᠶᠢᠨ ᠡᠮᠦᠨᠡᠭᠢ ᠭᠢᠴᠢᠶᠡᠯᠡᠯᠭᠡ ᠡᠴᠡ
ᠰᠤᠷᠭᠠᠬᠤ ᠡᠷᠳᠡᠮ ᠡᠭᠢᠯᠡᠵᠤ
ᠰᠢᠳᠤᠵᠤ ᠭᠦᠯᠢᠶᠡᠭᠦ ᠰᠢᠮᠠᠳᠠᠯ ᠡᠴᠡ
ᠰᠤᠷᠬᠤ ᠶᠢᠨ ᠰᠠᠢ᠌ᠬᠠᠨ ᠪᠣᠢ᠌ᠵᠢᠳᠠᠭ ᠶᠤᠮ᠃
ᠲ᠋ᠠᠯᠠᠢ ᠣᠯᠠᠨ ᠳᠠᠰᠬᠠᠯ
ᠲ᠋ᠠᠪᠳᠠᠭᠳᠠᠬᠤ ᠴᠢᠨᠠᠷ ᠢ ᠲᠦᠯᠵᠢᠭᠦᠯᠵᠤ
ᠰᠠᠭᠤᠳᠠᠯ ᠪᠠᠳᠤᠯᠠᠬᠤ ᠪᠠᠢ᠌ᠴᠠᠭᠠᠯᠳᠠ
ᠰᠢᠨᠠ ᠶᠢᠨ ᠡᠷᠢᠯ ᠳᠤ ᠣᠷᠠᠮᠰᠢᠭᠤᠯᠳᠠᠭ ᠶᠤᠮ᠃
ᠰᠥᠰᠦᠭᠯᠢᠭ᠌ ᠪᠣᠯᠪᠠᠰᠤᠷᠠᠯ ᠤᠨ ᠳᠠᠮᠰᠢᠯᠭᠠ
ᠰᠤᠷᠤᠭᠴᠢ ᠶᠢ ᠰᠤᠳᠤᠷ ᠲᠤ ᠰᠢᠮᠡᠳᠡᠭᠦᠯᠵᠤ
ᠬᠠᠳᠠᠨ ᠣᠶᠠᠨ ᠵᠤᠷᠢᠭ ᠢ ᠨᠢ
ᠬᠤᠨᠤᠭ ᠤᠨ ᠵᠤᠵᠠᠭᠠᠨ ᠳᠠᠭᠠᠨ ᠳᠠᠪᠳᠠᠳᠠᠭ᠃
ᠰᠢᠡᠵᠢᠯᠡᠭᠦ ᠣᠬᠠᠭᠠᠨ ᠤ ᠪᠠᠶᠠᠯᠢᠭ ᠢ
ᠰᠤᠶᠤᠯ ᠮᠢᠨᠢ ᠭᠡᠵᠤ ᠡᠵᠡᠯᠡᠵᠤ
ᠰᠤᠶᠤᠯᠳᠠᠨ ᠤ ᠠᠪᠣᠷᠭᠤ ᠡᠩᠨᠡᠭᠡ ᠳ᠋ᠤ
ᠰᠤᠷᠤᠭᠴᠢ ᠴᠢᠨᠢ ᠳᠡᠭᠡᠳᠤ ᠪᠣᠯᠳᠠᠭ ᠶᠤᠮ᠃
ᠢᠩᠭᠢᠵᠤ ᠴᠢᠳᠠᠪᠣᠷᠢᠳᠠᠨ ᠭᠠᠷᠤᠭᠠᠤᠨ
ᠣᠢ᠌ᠯᠠᠰ ᠪᠦᠳᠦᠭᠡᠵᠤ ᠶᠠᠪᠣᠳᠠᠭ ᠶᠤᠮ᠃
ᠡᠭᠡ ᠣᠷᠤᠨ ᠤ ᠪᠠᠨ ᠲᠦᠯᠦᠭᠡ
ᠦᠨᠡᠨ ᠰᠡᠳᠬᠢᠯ ᠶᠢᠡᠷ ᠵᠢᠳᠭᠦᠳᠡᠭ᠌ ᠶᠤᠮ᠃
ᠰᠤᠶᠤᠯ ᠤᠨ ᠨᠤᠭᠤᠭᠠᠨ ᠮᠤᠳᠤ ᠴᠢᠨᠢ
ᠰᠤᠷᠤᠭᠴᠢ ᠰᠤᠷᠭᠠᠳᠠᠭ ᠪᠠᠭᠰᠢ ᠶᠤᠮ ᠡ ︕
ᠰᠤᠷᠠᠬᠤ ᠶᠢᠨ ᠠᠮᠳᠠᠯᠢᠭ ᠵᠢᠮᠢᠰ ᠴᠢᠨᠢ
ᠰᠤᠷᠤᠭᠴᠢ ᠨᠠᠷᠠ ᠲᠡᠶ ᠣᠯᠠᠨ ᠶᠤᠮ ᠡ ︕
* 《ᠰᠢᠠᠵᠢᠶᠠᠩ ᠤ ᠡᠳᠦᠷ ᠤᠨ ᠰᠤᠨᠢᠨ》 1998.3.1
ᠣᠬᠠᠭᠠᠷᠠᠭᠠᠴᠢ ᠭᠦᠤ ᠮᠢᠨᠢ
ᠪᠠᠭᠰᠢ ᠴᠢᠨᠢ ᠢᠷᠡᠭᠡᠳ ᠶᠠᠪᠣᠯᠠ
ᠪᠠᠢ᠌ᠳᠠᠯ ᠢ ᠴᠢᠨᠢ ᠰᠠᠢ᠌ᠬᠠᠨ ᠭᠡᠯᠡᠯᠡ᠂
ᠪᠠᠢ᠌ᠬᠤ ᠳ᠋ᠦ᠋ᠩ ᠢ ᠴᠢᠨᠢ ᠥᠵᠡᠭᠡᠳ
ᠪᠢ ᠴᠢᠨᠢ ᠰᠦᠷᠡᠭᠡᠢ ᠵᠤᠪᠠᠯᠠ᠃
ᠰᠤᠷᠬᠤ ᠴᠠᠭ ᠶᠢᠡᠨ ᠦᠷᠡᠭᠡᠭᠡᠳ
ᠰᠤᠷᠭᠠᠭᠤᠯᠢ ᠡᠵᠢ ᠪᠠᠨ ᠭᠤᠮᠤᠳᠠᠭᠠᠭᠠᠤᠨ᠂
ᠰᠤᠯᠠ ᠶᠠᠭᠤᠨ ᠳᠠᠭᠠᠨ ᠭᠦᠶᠦᠨᠡ ᠴᠢ ︖
ᠰᠤᠶᠤᠯ ᠡᠴᠡ ᠶᠠᠭᠤᠨ ᠳᠤ ᠵᠠᠢ᠌ᠳᠠᠨᠠ ᠪᠣᠢ ᠴᠢ ︖
ᠦᠷᠯᠦᠭᠡ ᠨᠠᠳᠠ ᠡᠴᠡ ᠠᠪᠣᠭᠰᠠᠨ
ᠠᠷᠪᠠᠨ ᠳᠦᠭᠦᠷᠢᠭ᠌ ᠶᠢᠨ ᠶᠠᠭᠠᠭᠢᠯᠠ ᠴᠢ︖
ᠠᠪᠬᠤ ᠳᠠᠪᠳᠠᠷ ᠣᠯᠠᠨ ᠭᠡᠰᠡᠨ ᠴᠢᠨᠢ
ᠦᠨᠡᠨ ᠥᠭᠡ ᠦᠦ᠂ ᠬᠤᠳᠠᠯ ᠥᠭᠡ ᠦᠦ ︖
ᠳᠠᠰᠬᠠᠯ ᠶᠢᠡᠨ ᠠᠩᠭᠢ ᠳᠠᠭᠠᠨ ᠭᠢᠴᠢᠭᠡᠯᠡ ᠭᠡᠳ
ᠳᠡᠩᠳᠡ ᠭᠡᠯᠡᠳᠡᠭ᠌ ᠴᠢᠨᠢ ᠬᠤᠳᠠᠯ ᠠᠵᠠᠢ᠂
ᠳᠠᠯᠠᠨ ᠡᠴᠡ ᠥᠭᠡᠳᠡᠭᠡᠨ ᠬᠤᠪᠢ ᠲᠡᠶ ᠪᠢ ᠭᠡᠳ
ᠳᠡᠭᠡᠷᠡᠭᠡᠨ ᠶᠠᠷᠢᠳᠠᠭ ᠴᠢᠨᠢ ᠭᠦᠭᠡᠷᠦᠯ ᠠᠵᠠᠢ᠃
ᠦᠷᠤ ᠵᠢᠷᠦᠭᠡ ᠪᠣᠯᠤᠭᠰᠠᠨ ᠭᠦᠤ ᠮᠢᠨᠢ
ᠡᠭᠦᠨ ᠡᠴᠡ ᠬᠤᠵᠢᠮ ᠣᠬᠠᠭᠠᠷᠠᠭᠠᠴᠢ ︕
ᠠᠷᠠᠢ᠌ᠬᠠᠨ ᠠᠷᠪᠠᠨ ᠨᠠᠰᠤ ᠪᠠᠨ
ᠦᠷᠡᠭᠡᠵᠤ ᠬᠠᠶᠠᠬᠤ ᠡᠴᠡ ᠭᠢᠴᠢᠶᠡᠭᠡᠴᠢ ︕
ᠰᠤᠷᠭᠤᠭ ᠬᠤᠷᠴᠠ ᠣᠬᠠᠭᠠᠨ ᠵᠢᠠᠨ
ᠰᠤᠷᠮᠠᠭᠠᠢ ᠴᠤᠪᠣᠭᠤ ᠪᠢᠯᠢᠭ᠌ ᠵᠢᠠᠨ
ᠡᠷᠳᠡᠮ ᠰᠤᠷᠬᠤ ᠳᠤ ᠵᠤᠷᠢᠭᠤᠯ ᠡ ︕
ᠠᠯᠳᠠᠨ ᠬᠠᠳᠠᠯᠭᠠ ᠪᠣᠯᠢᠶᠠᠯᠳᠤ ᠡ ︕
ᠠᠯᠢᠪᠠ ᠳᠠᠯᠠ ᠪᠠᠷ ᠭᠦᠭ᠍ᠵᠢᠭᠦ
ᠡᠷᠭᠢᠮ ᠪᠣᠯᠪᠠᠰᠤᠨ ᠢ ᠭᠦᠡᠳᠦᠳᠭᠡᠵᠤ᠂
ᠣᠯᠠᠭᠠᠨ ᠪᠦᠴᠡ ᠪᠠᠨ ᠳᠤᠯᠠᠯᠵᠠᠭᠤᠯᠵᠤ
ᠦᠶᠡ ᠶᠢᠨ ᠣᠯᠠᠨ ᠶᠢᠡᠨ ᠳᠠᠭᠠᠭᠤᠯ ᠡ ︕
ᠢᠩᠭᠢᠪᠠᠯ ᠴᠢᠮᠠ ᠶᠢ ᠭᠡᠵᠢᠶᠡ ᠴᠤ
ᠣᠷᠤᠭᠰᠢᠯ ᠳᠠᠪᠰᠢᠯ ᠭᠦᠷᠢᠶᠡᠯᠡᠨᠡ᠂
ᠡᠷᠳᠡᠮᠳᠡᠨ ᠴᠢᠳᠠᠪᠣᠷᠢᠳᠠᠨ ᠤ ᠡᠡᠭ᠍ᠨᠡᠭᠡ
ᠢᠷᠡᠭᠡᠳᠦᠢ ᠶᠢᠨ ᠳᠠᠠᠳᠠ ᠡᠴᠡ ᠳᠠᠯᠠᠯᠤᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ 《ᠨᠠᠭᠢᠶᠠ》 ᠰᠡᠳᠭᠦᠯ 2000.8 ᠳ᠋ᠤᠭᠠᠷ ᠬᠤᠭᠤᠴᠠᠭᠠ
ᠭᠡᠮᠰᠢᠯ ᠤᠨ ᠭᠦᠭᠡ ᠣᠳᠤᠭᠠ
ᠰᠠᠨᠠᠬᠤ ᠶᠢᠨ ᠨᠢᠭᠡ ᠨᠢᠯᠪᠣᠰᠤ ᠣᠨᠠᠭᠠᠭᠤᠯᠬᠤ
ᠠᠯᠳᠠᠭᠰᠠᠨ ᠰᠤᠷᠤᠯᠭᠠ ᠶᠢᠨ ᠴᠠᠭ ᠮᠢᠨᠢ
ᠣᠩᠰᠢᠬᠤ ᠶᠢᠨ ᠨᠢᠭᠡ ᠰᠡᠭᠦᠷᠰᠤ ᠠᠯᠳᠠᠭᠤᠯᠬᠤ
ᠣᠷᠭᠢᠭᠰᠠᠨ ᠡᠷᠢᠯ ᠤᠨ ᠵᠠᠮ ᠮᠢᠨᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊
ᠭᠡᠷ ᠶᠢᠡᠨ ᠰᠠᠭᠢᠭᠰᠠᠨ ᠨᠠᠳᠠ ᠳ᠋ᠤ
ᠭᠡᠮᠰᠢᠯ ᠤᠨ ᠭᠦᠭᠡ ᠣᠳᠤᠭᠠ ᠡ ︕
ᠪᠣᠰᠴᠤ ᠰᠠᠭᠤᠬᠤ ᠶᠢᠨ ᠬᠤᠷᠤᠮᠠᠬᠠᠨ ᠵᠠᠭᠤᠷᠠ ᠳ᠋ᠤ
ᠨᠠᠰᠤᠨ ᠤ ᠬᠠᠭᠤᠳᠠᠰᠤ ᠵᠤᠵᠠᠭᠠᠷᠠᠬᠤ ᠰᠢᠭ᠂
ᠪᠣᠳᠤᠵᠤ ᠰᠡᠳᠭᠢᠭᠦ ᠶᠢᠨ ᠢᠪᠴᠤᠳᠬᠠᠨ ᠳᠠᠯᠠᠪᠣᠷ ᠳᠤ
ᠭᠦᠰᠡᠯ ᠤᠨ ᠰᠥ᠋ ᠳᠠᠳᠠᠷᠠᠬᠤ ᠰᠢᠭ᠂
ᠭᠡᠮᠰᠢᠯ ᠤᠨ ᠭᠦᠭᠡ ᠣᠳᠤᠭᠠ ᠮᠢᠨᠢ
ᠭᠡᠷ ᠤᠨ ᠳᠤᠭᠤᠷᠭᠠ ᠶᠢ ᠬᠠᠷᠠᠯᠭᠤᠯᠤᠨᠠ᠃
ᠡᠳᠦᠷ ᠤᠨ ᠬᠤᠭᠤᠰ ᠲᠤ ᠦᠷᠴᠢᠯᠡᠭᠡᠰᠤ ᠨᠡᠮᠡᠭ᠍ᠳᠡᠭᠦ
ᠴᠢᠷᠠᠢ ᠠᠯᠳᠠᠭᠰᠠᠨ ᠪᠠᠶᠠ᠂
ᠥᠵᠡᠭᠦ ᠶᠢᠨ ᠵᠠᠪᠰᠠᠷ ᠲᠤ ᠪᠣᠭᠤᠷᠤᠯ ᠣᠯᠠᠰᠢᠷᠠᠬᠤ
ᠦᠰᠦ ᠴᠠᠢ᠌ᠭᠰᠠᠨ ᠳᠤᠯᠤᠭᠠᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠭᠡᠮᠰᠢᠯ ᠤᠨ ᠭᠦᠭᠡ ᠣᠳᠤᠭᠠ
ᠭᠡᠨᠡᠳᠡᠯ ᠤᠨ ᠰᠢᠷᠠ ᠰᠤᠳᠤᠷ᠃
ᠡᠪᠦᠭᠡᠳ ᠶᠢᠡᠨ ᠪᠣᠳᠤᠵᠤ ᠴᠡᠭᠡᠵᠢ ᠠᠯᠠᠭᠠᠳᠠᠭᠰᠠᠨ
ᠬᠦᠩᠭᠡᠨ ᠬᠤᠭᠤᠮᠠᠢ ᠰᠠᠷᠠᠯ
ᠢᠷᠡᠭᠡᠳᠦᠢ ᠪᠠᠨ ᠪᠠᠷᠠᠯᠠᠬᠤ ᠦᠭᠡᠶ ᠯᠤᠩᠬᠤ ᠳᠠᠪᠠᠷᠢᠵᠤ
ᠬᠡᠦᠬᠡᠳ ᠶᠢᠡᠨ ᠭᠤᠮᠤᠳᠠᠭᠠᠭᠰᠠᠨ ᠮᠠᠳᠠᠯ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠭᠡᠮᠰᠢᠯ ᠤᠨ ᠭᠦᠭᠡ ᠣᠳᠤᠭᠠ
ᠭᠡᠷᠡᠯ ᠬᠠᠢ᠌ᠭᠰᠠᠨ ᠪᠢ ︕
ᠪᠣᠰᠤᠳ ᠤᠨ ᠳᠠᠪᠰᠢᠯᠳᠠ ᠨᠠᠳᠠ ᠶᠢ ᠬᠠᠶᠠᠵᠤ
ᠭᠦᠭ᠍ᠵᠢᠯ ᠡᠮᠦᠨᠡ ᠬᠤᠰᠢᠭᠤᠷᠠᠨᠠ᠃
ᠪᠣᠳᠤᠩ ᠳᠤ ᠳᠦᠭᠡᠷᠢᠭ᠍ᠰᠡᠨ ᠮᠢᠨᠤ ᠪᠠᠶᠠ
ᠰᠢᠨᠡᠭᠡᠨ ᠨᠢᠳᠤ ᠪᠠᠨ ᠨᠡᠭᠡᠭᠡᠵᠤ ᠪᠠᠢ᠌ᠨᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠭᠡᠮᠰᠢᠯ ᠤᠨ ᠭᠦᠭᠡ ᠣᠳᠤᠭᠠ ᠮᠢᠨᠢ
ᠭᠡᠭᠡᠷᠡᠯ ᠤᠨ ᠭᠦᠭᠡ ᠣᠳᠤᠭᠠ ᠪᠣᠯᠤᠭᠠᠰᠢ ︕
* 《ᠦᠣᠷ ᠤᠨ ᠴᠤᠯᠮᠤᠨ》 1989.10
ᠪᠢ ᠮᠠᠳᠠᠯᠠ
ᠪᠢ ᠮᠠᠳᠠᠯᠠ
ᠪᠢ ᠥᠨᠡᠭᠡᠷ ᠮᠡᠳᠡᠴᠢᠭᠡᠯᠡ ︕
ᠮᠢᠨᠤ ᠡᠨᠡ ᠥᠭᠡ
ᠰᠦᠷ ᠪᠣᠰᠤᠭᠠ
ᠰᠦᠯᠳᠡ ᠪᠣᠰᠤᠭᠠ
ᠬᠠᠢ᠌ᠷᠠ ᠶᠢᠨ ᠳᠠᠩᠭᠢᠮ ᠳ᠋ᠤ
ᠬᠠᠰᠭᠢᠷᠴᠤ ᠪᠠᠢ᠌ᠨᠠᠮ ︕
ᠭᠣᠢ᠌ᠪᠠᠯᠵᠠᠯ
ᠭᠤᠷᠪᠠ ᠶᠢᠰᠤᠨ ᠤ
ᠭᠦᠢᠳᠡᠨ ᠳ᠋ᠤ
ᠲ᠋ᠠᠭᠵᠢᠵᠤ
ᠭᠤᠤᠯ ᠮᠦᠰᠤᠳᠠᠨ
ᠭᠤᠷᠠᠢ ᠣᠰᠤᠳᠤᠨ
ᠵᠢᠵᠢᠭ᠍ᠷᠡᠨ ᠣᠳᠤᠨᠠ᠃
ᠡᠵᠢ ᠶᠢᠨ ᠴᠠᠢ ᠶᠢᠨ ᠬᠠᠯᠠᠭᠤᠨ ᠠᠭᠤᠷ
ᠡᠷᠢᠯ ᠤᠨ ᠡᠯᠴᠢ ᠶᠢ ᠳᠠᠭᠤᠳᠠᠵᠤ
ᠡᠷᠭᠢ ᠮᠦᠷᠭᠦᠭᠡ ᠥᠭᠡᠢ
ᠮᠢᠨᠤ
ᠣᠮᠤᠭᠰᠢᠯ ᠤᠨ ᠭᠠᠯ ᠢ
ᠰᠠᠢ᠌ᠬᠠᠨ ᠤ ᠬᠡᠦᠬᠡᠳ ᠳᠦᠷᠡᠯᠵᠡᠭᠦᠯᠭᠦ ᠶᠤᠮ ᠰᠠᠨ ︕
《ᠦᠨᠢᠷ ᠴᠡᠴᠡᠭ᠌》 ᠰᠡᠳᠭᠦᠯ1988.11 ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠤᠭᠤᠴᠠᠭᠠ ᠳ᠋ᠤ
ᠭᠦᠮᠤᠨ ᠤ ᠵᠠᠩ
ᠠᠮᠠ ᠠᠩᠭ᠋ᠠᠢ᠌ᠭᠰᠠᠨ ᠪᠣᠳᠤᠯ
ᠠᠯᠳᠠ ᠮᠦᠩᠭᠦ ᠣᠪᠣᠭᠠᠯᠠᠵᠤ
ᠦᠭᠭᠦ ᠡᠭᠦᠳᠡ ᠪᠠᠨ ᠬᠠᠭᠠᠵᠤ
ᠦᠪ ᠤᠨ ᠡᠵᠡᠨ ᠲᠡᠶ ᠵᠠᠷᠭᠤᠴᠢᠨᠠ᠃
ᠵᠠᠷᠭᠤ ᠴᠢᠨᠢ
ᠵᠦᠪ ᠪᠢᠰᠢ ᠭᠡᠵᠤ
ᠥᠭᠡᠷ ᠳᠡᠷᠭᠡᠨ ᠤ ᠭᠦᠷᠳᠤ
ᠦᠷᠭᠡᠯᠡᠭ᠍ᠰᠡᠨ ᠭᠢᠬᠤᠨᠠᠯ ᠶᠢᠡᠷ ᠶᠢᠡᠨ ᠳᠤᠭᠤᠭᠢᠯᠠᠨᠠ᠃
ᠭᠡᠳᠡᠯᠡ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠳᠠᠷᠠ ᠴᠢᠨᠢ ᠵᠦᠪ
ᠳᠡᠮᠡᠭᠡᠨ ᠡᠴᠡ ᠠᠰᠠᠭᠤ ᠭᠡᠵᠤ
ᠲ᠋ᠠᠪᠠᠨᠡ ᠶᠢᠨ ᠬᠤᠭᠤᠷᠬᠠᠢ
ᠬᠤᠭ ᠤᠨ ᠣᠪᠣᠭᠠ ᠡᠴᠡ ᠬᠠᠰᠭᠢᠷᠤᠨᠠ ︕
* 《ᠦᠨᠢᠷ ᠴᠡᠴᠡᠭ᠌》 ᠰᠡᠳᠭᠦᠯ 1988.11 ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠤᠭᠤᠴᠠᠭᠠ ᠳ᠋ᠤ
ᠨᠤᠮ ᠮᠢᠨᠤ ᠪᠠᠭᠰᠢ
ᠪᠢᠯᠢᠭ᠌ ᠤᠨ ᠨᠤᠶᠠᠨ ᠣᠷᠭᠢᠯ
ᠪᠢᠴᠢᠭ᠌ ᠤᠨ ᠨᠤᠭᠤᠭᠠᠨ ᠳᠡᠯᠡᠭᠡᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠨᠤᠮ ᠭᠡᠳᠡᠭ᠌ ᠭᠦᠮᠤᠨ
ᠨᠤᠮᠤᠬᠠᠨ ᠮᠢᠨᠤ ᠪᠠᠭᠰᠢ᠂
ᠪᠠᠭᠰᠢ ᠶᠢᠨ ᠴᠠᠭᠠᠨ ᠬᠤᠨᠢ
ᠪᠠᠶᠠᠷ ᠤᠨ ᠭᠦᠭᠡ ᠰᠤᠳᠤᠷ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠨᠤᠮ ᠭᠡᠳᠡᠭ᠌ ᠭᠦᠮᠤᠨ
ᠨᠤᠮᠤᠬᠠᠨ ᠮᠢᠨᠤ ᠪᠠᠭᠰᠢ᠂
ᠪᠠᠯᠴᠢᠷ ᠣᠶᠤᠨ ᠤ ᠵᠤᠯᠠ
ᠪᠠᠳᠮᠠ ᠶᠢᠨ ᠲᠦᠮᠡᠨ ᠴᠡᠴᠡᠭ᠌ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠨᠤᠮ ᠭᠡᠳᠡᠭ᠌ ᠭᠦᠮᠤᠨ
ᠨᠤᠮᠤᠬᠠᠨ ᠮᠢᠨᠤ ᠪᠠᠭᠰᠢ᠃
ᠡᠭᠡ ᠣᠷᠤᠨ ᠤ ᠰᠦᠯᠳᠡ
ᠡᠷᠡᠨ ᠤ ᠠᠯᠳᠠᠨ ᠲᠦᠯᠭᠢᠭᠦᠷ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠨᠤᠮ ᠭᠡᠳᠡᠭ᠌ ᠭᠦᠮᠤᠨ
ᠨᠤᠮᠤᠬᠠᠨ ᠮᠢᠨᠤ ᠪᠠᠭᠰᠢ᠃
ᠨᠤᠮ ᠪᠣᠯ ᠮᠢᠨᠤ ᠪᠠᠭᠰᠢ
ᠨᠤᠮᠤᠬᠠᠨ ᠪᠢ ᠪᠣᠯ ᠰᠤᠷᠤᠭᠴᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠨᠤᠮ ᠪᠢᠳᠠ ᠬᠤᠶᠠᠷ ᠪᠣᠯ
ᠨᠠᠷᠠᠨ ᠪᠠ ᠨᠠᠪᠴᠢ ᠠᠳᠠᠯᠢ ᠡ ︕
* 《ᠨᠠᠭᠢᠶᠠ》 1988.11 ᠳ᠋ᠤ
ᠠᠬᠠᠷᠪᠣᠯᠠᠭ ᠢᠨᠢᠶᠠᠨᠠ
ᠠᠬᠠᠷᠪᠣᠯᠠᠭ ᠢᠨᠢᠶᠠᠨᠠ ︕
ᠣᠢ᠌ᠯᠠᠰ ᠤᠨ ᠰᠠᠢ᠌ᠬᠠᠨ ᠢ ᠣᠠᠳᠤᠷᠠᠭᠤᠯᠤᠭᠠᠤᠨ
ᠥᠯᠦᠭᠡᠢ ᠬᠤᠪᠣᠭ ᠶᠢᠡᠨ ᠪᠠᠶᠠᠰᠬᠠᠭᠠᠤᠨ
ᠠᠬᠠᠷᠪᠣᠯᠠᠭ ᠢᠨᠢᠶᠠᠨᠠ᠃
ᠴᠠᠢ᠌ᠳᠠᠮ ᠭᠤᠪᠢ ᠭᠦᠳᠡᠭᠡ ᠨᠢ
ᠴᠠᠭᠢᠭᠤᠷ ᠴᠢᠯᠠᠭᠤ ᠪᠠᠷ ᠢᠨᠢᠶᠠᠨᠠ
ᠳᠠᠰᠭᠢᠨᠠ᠂ ᠰᠢᠷᠠᠯᠵᠢ᠂ ᠡᠪᠠᠰᠤ ᠨᠢ
ᠳᠤᠰᠤᠨ ᠰᠢᠮᠠ ᠪᠠᠷ ᠢᠨᠢᠶᠠᠨᠠ᠃
ᠰᠢᠷᠭᠠᠯᠳᠤᠨ ᠨᠠᠢ᠌ᠬᠤᠯᠠᠭᠠ ᠳᠦᠩᠭᠡ ᠨᠢ
ᠱᠤᠤᠷᠠᠢ᠂ ᠦᠯᠦᠩ ᠶᠢᠡᠷ ᠢᠨᠢᠶᠠᠨᠠ᠂
ᠬᠤᠯᠪᠣᠭᠠ ᠰᠢᠷᠢᠭ᠌ ᠳᠤᠪᠣ ᠨᠢ
ᠬᠤᠵᠢᠷ ᠱᠦᠯᠲᠦ ᠪᠠᠷ ᠢᠨᠢᠶᠠᠨᠠ᠃
ᠦᠷ ᠢ ᠣᠭᠳᠤᠭᠰᠠᠨ ᠳᠤᠰᠬᠤᠨ ᠨᠢ
ᠣᠢ ᠮᠤᠳᠤ ᠪᠠᠷ ᠢᠨᠢᠶᠠᠨᠠ
ᠭᠦᠰᠡᠯ ᠪᠠᠶᠠᠨ ᠡᠵᠡᠳ ᠨᠢ
ᠭᠦᠨ ᠪᠣᠳᠤᠯ ᠶᠢᠡᠷ ᠢᠨᠢᠶᠠᠨᠠ᠃
ᠵᠠᠰᠠᠮᠠᠯ ᠳᠠᠷᠳᠠᠩ ᠬᠠᠭᠠᠯᠭᠠ ᠨᠢ
ᠵᠣᠢ᠌ᠯ ᠤᠨ ᠮᠠᠰᠢᠨ ᠶᠢᠡᠷ ᠢᠨᠢᠶᠠᠨᠠ᠂
ᠵᠠᠮ ᠤᠨ ᠣᠯᠠᠨ ᠠᠶᠠᠠᠴᠢᠳ
ᠵᠠᠶᠠᠭᠠ ᠶᠢ ᠨᠢ ᠪᠠᠬᠠᠳᠤᠭᠠᠤᠨ ᠢᠨᠢᠶᠠᠨᠠ᠃
ᠪᠣᠯᠠᠭ ᠣᠰᠤ ᠨᠢ ᠪᠣᠷᠭᠢᠯᠤᠭᠠᠤᠨ
ᠴᠥᠭᠦᠷᠡᠮ ᠳ᠋ᠤᠨᠢ ᠳᠤᠨᠤᠯᠵᠠᠭᠠᠤᠨ ᠢᠨᠢᠶᠠᠨᠠ᠂
ᠵᠢᠭᠠᠰᠤ ᠵᠢᠷᠭᠠᠬᠠᠢ ᠨᠢ ᠢᠷᠠᠯᠵᠠᠭᠠᠤᠨ
ᠪᠣᠢ᠌ᠵᠠᠯ ᠬᠠᠪᠣᠯᠠᠭᠠᠤᠨ ᠢᠨᠢᠶᠠᠨᠠ᠃
ᠣᠯᠠᠨ ᠳᠦᠷᠤᠯ ᠤᠨ ᠡᠵᠡᠭ᠍ᠨᠡᠯᠳᠡ
ᠣᠷᠮᠠ ᠪᠠᠳᠠᠷᠠᠭᠠᠤᠨ ᠢᠨᠢᠶᠠᠨᠠ
ᠡᠪᠦᠭᠡᠳ ᠰᠤᠶᠤᠯ ᠣᠬᠠᠭᠠᠵᠢᠭᠠᠤᠨ
ᠣᠷᠢ ᠵᠠᠯᠠᠭᠤ ᠪᠠᠷ ᠢᠨᠢᠶᠠᠨᠠ᠃
ᠬᠠᠪᠣᠷ ᠤᠨ ᠡᠯᠪᠠᠭ᠌ ᠳᠠᠷᠢᠮᠠᠯ ᠨᠢ
ᠬᠠᠷᠢᠶᠠᠴᠠᠢ ᠶᠢ ᠳᠠᠯᠠᠯᠤᠭᠠᠤᠨ ᠢᠨᠢᠶᠠᠨᠠ
ᠲᠦᠯ ᠣᠯᠠᠨ ᠮᠠᠯ ᠨᠢ
ᠳᠡᠦᠭᠡ ᠶᠢ ᠡᠪᠳᠡᠭᠡᠳ ᠢᠨᠢᠶᠠᠨᠠ᠃
ᠨᠠᠮᠤᠷ ᠤᠨ ᠳᠠᠩᠰᠤᠭ ᠬᠤᠷᠢᠶᠠᠯᠳᠠ ᠨᠢ
ᠨᠤᠳᠤᠭ ᠶᠢᠡᠨ ᠣᠮᠤᠭᠰᠢᠭᠤᠯᠠᠭᠠᠤᠨ ᠢᠨᠢᠶᠠᠨᠠ᠂
ᠨᠠᠷᠠ ᠡᠷᠭᠦᠭ᠍ᠰᠡᠨ ᠥᠭᠡᠳᠡᠯᠡᠯ ᠨᠢ
ᠨᠠᠢ᠌ᠷᠠᠭ ᠨᠡᠷᠡᠭᠡᠳ ᠢᠨᠢᠶᠠᠨᠠ᠃
ᠦᠨᠢᠷ ᠢᠨᠢᠶᠠᠳᠤ ᠳᠦᠭᠦᠷᠡᠩ
ᠠᠬᠠᠷᠪᠣᠯᠠᠭ ᠢᠨᠢᠶᠠᠨᠠ᠂
ᠥᠭᠡᠳᠡᠯᠡᠭᠦ ᠵᠠᠮ ᠳᠠᠭᠠᠨ ᠣᠷᠤᠭᠰᠠᠨ
ᠠᠬᠠᠷᠪᠣᠯᠠᠭ ᠢᠨᠢᠶᠠᠨᠠ ᠡ ︕
* 《ᠰᠢᠠᠵᠢᠶᠠᠩ ᠤᠨ ᠡᠳᠦᠷ ᠤᠨ ᠰᠤᠨᠢᠨ》 1992.9.20
ᠥᠭᠡᠳᠡᠯᠡᠭ᠍ᠰᠡᠨ ᠠᠢ᠌ᠯ ᠤᠨ ᠦᠷ
ᠦᠷᠢᠨ ᠤ ᠠᠭᠤᠯᠠᠨ ᠪᠠᠨ ᠡᠷᠭᠦᠵᠤ ᠬᠠᠶᠠᠭᠰᠠᠨ ᠠᠪᠣᠷᠭᠤ
ᠥᠭᠡᠢ᠌ᠷᠡᠯ ᠤᠨ ᠵᠤᠳ ᠢ ᠭᠦᠳᠡᠯᠮᠦᠷᠢ ᠪᠠᠷ ᠠᠷᠢᠯᠭᠠᠭᠰᠠᠨ ᠴᠢᠳᠠᠯᠳᠠᠨ ᠭᠡᠭᠦ
ᠦᠯᠵᠡᠢ ᠶᠢᠨ ᠮᠠᠭᠳᠠᠭᠠᠯ ᠮᠠᠨ ᠤ ᠨᠤᠳᠤᠭ ᠲᠤ ᠳᠦᠭᠡᠨᠡ
ᠣᠢ᠌ᠯᠠ ᠥᠯᠢᠭᠡᠷ ᠨᠢ ᠪᠢᠳᠠᠨ ᠪᠦᠭᠦᠨ ᠳᠤ ᠪᠢᠰᠢᠷᠡᠭ᠍ᠳᠡᠨᠡ᠃
ᠣᠷᠢᠳᠠ ᠳᠠᠳᠠᠨ ᠤ ᠭᠢᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠠᠩᠭᠠ ᠬᠡᠦᠬᠡᠳ ᠨᠢ ᠬᠠᠷᠠ ᠪᠣᠷᠤ ᠬᠤᠭᠤᠯᠠ ᠳᠠᠢ
ᠠᠪᠠᠯᠢ ᠡᠭᠡᠨᠡᠷ ᠨᠢ ᠡᠪᠡᠳᠴᠢᠨ ᠲᠡᠶ ᠴᠤ ᠡᠮᠡᠨᠡᠭᠦᠯᠳᠡᠭ᠌ ᠦᠭᠡᠶ
ᠠᠰ ᠤᠨ ᠪᠠᠶᠠ ᠨᠢ ᠠᠷᠢᠭᠢ ᠶᠢᠨ ᠴᠢᠳᠭᠦᠷ ᠪᠠᠢ᠌ᠭᠰᠠᠨ ᠡ ︕
ᠬᠤᠵᠢᠮ ᠨᠢ ᠳᠠᠷᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠴᠢᠨᠠᠬᠤ ᠴᠠᠢ ᠦᠭᠡᠶ ᠭᠦᠮᠦᠰ ᠤᠨ
ᠴᠢᠨᠡᠭᠡᠯᠢᠭ᠍ᠵᠢᠭ᠍ᠰᠡᠨ ᠳᠤ ᠪᠣᠳᠤᠯᠭᠠᠰᠢᠷᠠᠯᠠ᠂
ᠴᠤᠤᠳᠠᠢ ᠵᠠᠯᠠᠬᠠᠭᠤ ᠳᠠᠨᠢᠯ ᠤᠳ ᠤᠨ ᠵᠢᠠᠨ
ᠪᠠᠶᠠᠵᠢᠭᠰᠠᠨ ᠳ᠋ᠤᠨᠢ ᠠᠳᠠᠭᠠᠷᠬᠠᠯᠠ ︕
ᠢᠩᠭᠢᠭᠡᠳ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠠᠢ᠌ᠯ ᠡᠷᠭᠢᠳᠡᠭ᠌ ᠶᠢᠡᠨ ᠬᠠᠶᠠᠯᠠ᠂
ᠠᠷᠢᠭᠢ ᠶᠢᠨ ᠰᠢᠳᠦᠭᠡᠨ ᠶᠢᠨ ᠪᠠᠯᠪᠠᠴᠢᠯᠠ ︕
ᠳᠠᠭᠠᠭᠠᠴᠢᠯᠠᠭᠰᠠᠨ ᠮᠠᠯ ᠤᠨ ᠶᠢᠡᠨ ᠳᠤᠭᠠ ᠵᠢ
ᠴᠥᠭᠡᠷᠡᠴᠤ ᠪᠠᠢ᠌ᠭᠰᠠᠨ ᠡᠴᠡ ᠨᠢ ᠣᠯᠠᠰᠢᠷᠠᠭᠤᠯᠤᠯᠠ᠂
ᠳᠡᠭᠡᠭ᠍ᠰᠢᠯᠡᠯ ᠦᠭᠡᠶ ᠪᠠᠢ᠌ᠭᠰᠠᠨ ᠠᠮᠢᠳᠤᠷᠠᠯ ᠵᠢᠠᠨ
ᠣᠷᠤᠭᠤᠳᠠᠵᠤ ᠪᠠᠢ᠌ᠭᠰᠠᠨ ᠡᠴᠠ ᠨᠢ ᠥᠭᠡᠳᠡᠯᠡᠭᠦᠯᠦᠯᠡ ︕
ᠪᠣᠶᠠᠨ ᠭᠡᠰᠢᠭ᠌ ᠳᠡᠭᠦᠨ ᠲᠡᠶ ᠢᠨᠠᠭᠰᠢᠵᠤ
ᠪᠠᠶᠠᠵᠢᠯ ᠤᠨ ᠬᠤᠩᠬᠤ ᠡᠭᠦᠳᠡᠨ ᠳ᠋ᠤᠨᠢ ᠳᠤᠤᠭᠠᠷᠤᠯᠠ᠂
ᠮᠠᠯ ᠨᠢ ᠦᠰᠴᠦ
ᠮᠦᠩᠭᠦ ᠨᠢ ᠪᠠᠩᠭᠢ ᠳᠤ ᠵᠤᠵᠠᠭᠠᠷᠠᠴᠤ
ᠮᠦᠩᠭᠦ ᠪᠠᠷ ᠮᠦᠩᠭᠦ ᠣᠯᠤᠨᠠᠮ ᠭᠡᠳ
ᠮᠠᠢ᠌ᠮᠠᠢ ᠬᠤᠳᠠᠯᠳᠤᠭᠠ ᠭᠡᠯᠡ᠃
ᠣᠳᠤ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠪᠠᠶᠠᠷ ᠤᠨ ᠢᠨᠢᠶᠠᠳᠤ ᠲᠡᠶ ᠪᠦᠰᠡᠭᠦᠢ ᠨᠢ
ᠪᠠᠭᠠ ᠳᠡᠯᠭᠡᠭᠦᠷ ᠲᠡᠭᠡᠨ ᠭᠠᠷᠮᠠᠭᠠᠢ᠂
ᠵᠤᠷᠢᠭᠳᠠᠢ ᠣᠤᠠᠬᠠᠨ ᠭᠦᠪᠠᠭᠦᠨ ᠨᠢ
ᠵᠢᠯᠤᠭᠤᠳᠤᠭᠰᠠᠨ ᠮᠠᠰᠢᠨ ᠳᠠᠭᠠᠨ ᠱᠠᠯᠠᠮᠠᠭᠠᠢ᠂
ᠠᠯᠢᠶᠠᠷᠠᠬᠠᠭ ᠰᠢᠷᠠ ᠭᠡᠦᠭᠡᠨ ᠨᠢ
ᠣᠶᠤᠳᠠᠯ ᠬᠠᠳᠬᠤᠮᠠᠯ ᠳᠠᠭᠠᠨ ᠣᠷᠠᠨ᠃
ᠣᠬᠠᠭᠠᠯᠢᠭ ᠪᠣᠷᠤ ᠭᠦᠪᠠᠭᠦᠨ ᠨᠢ
ᠦᠨᠢᠷ ᠰᠦᠷᠦᠭ᠌ ᠲᠡᠭᠡᠨ ᠳᠠᠮᠳᠠᠢ᠃
ᠦᠷᠤᠮᠴᠢ᠂ ᠪᠠᠭᠡᠵᠢᠩ ᠭᠡᠳᠤᠨ ᠭᠠᠵᠠᠷ ᠳᠤ
ᠣᠩᠰᠢᠵᠤ ᠶᠠᠪᠣᠭᠠ ᠭᠦᠪᠠᠭᠦᠤᠨ ᠨᠢ ᠪᠣᠢ᠄
ᠡᠭᠡ ᠡᠴᠢᠭᠡ ᠳᠡᠭᠡᠨ ᠡ᠊ᠨᠳᠡᠭᠢ ᠳᠠᠠᠳᠠᠭᠢ ᠵᠢᠨ
ᠥᠭᠡᠳᠡᠯᠡᠭ᠍ᠰᠡᠨ ᠠᠷᠭᠠ ᠶᠢ ᠣᠯᠠᠮᠵᠢᠯᠠᠨᠠ᠃
ᠡᠭᠦᠨ ᠤ ᠳ᠋ᠦ᠋ᠩ ᠳ᠋ᠤ
ᠡᠳᠡᠨ ᠤ ᠭᠢᠨ ᠤ
ᠵᠢᠯ ᠤᠨ ᠣᠷᠤᠯᠭᠠ ᠨᠢ ᠴᠡᠭᠡᠵᠢ ᠪᠠᠨ ᠴᠤᠭᠢᠭᠠᠤᠨ
ᠵᠢᠩᠭᠢᠨ ᠭᠡᠳᠤᠨ ᠲᠦᠮᠡᠨ ᠳᠦᠭᠦᠷᠡᠭ᠌ ᠡ ︕
ᠭᠡᠪᠠᠴᠤ ᠳᠠᠷᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠠᠮᠢᠳᠤᠷᠠᠯ ᠮᠢᠨᠢ ᠠᠯᠳᠠᠨ ᠪᠠᠷ ᠪᠦᠷᠢᠭ᠍ᠳᠡᠭ᠍ᠰᠡᠨ ᠴᠤ
ᠠᠢ᠌ᠯ ᠬᠤᠰᠢᠶᠠ ᠪᠠᠨ ᠮᠠᠷᠳᠠᠯ ᠥᠭᠡᠢ
ᠠᠬᠠ ᠳᠡᠭᠦᠤ ᠪᠠᠨ ᠬᠠᠶᠠᠯ ᠥᠭᠡᠢ
ᠠᠮᠢᠳᠤᠷᠠᠬᠤ ᠠᠷᠭᠠ ᠪᠠᠨ ᠵᠢᠭᠠᠨᠠᠮ ᠭᠡᠵᠤ
ᠡᠪᠦᠭᠡᠷᠡᠭᠦ ᠨᠠᠰᠤ ᠨᠢ ᠵᠠᠯᠠᠭᠤᠷᠠᠭᠰᠠᠨ
ᠦᠯᠵᠡᠢ ᠭᠡᠳᠡᠭ᠌ ᠡᠪᠦᠭᠡᠨ
ᠦᠯᠵᠡᠢ ᠬᠤᠪᠢ ᠪᠠᠨ
ᠥᠯᠦᠭᠡᠢ ᠨᠤᠳᠤᠭ ᠲᠠᠭᠠᠨ ᠳᠡᠭᠡᠵᠢᠯᠡᠵᠤ ᠶᠠᠪᠣᠨᠠ ︕
* 《ᠰᠢᠠᠵᠢᠶᠠᠩ ᠤᠨ ᠡᠳᠦᠷ ᠤᠨ ᠰᠤᠨᠢᠨ》 1994.3.13 ᠳ᠋ᠤ
ᠠᠯᠠᠭ ᠳᠤᠭᠤᠯ ᠤᠨ ᠥᠭᠡ
(ᠬᠡᠦᠬᠡᠳ ᠤᠨ ᠰᠢᠯᠦᠭ᠌)
ᠠᠯᠠᠭ ᠳᠤᠭᠤᠯ ᠨᠠᠮᠢ᠋ᠢ᠌
ᠠᠭᠠᠰᠢ ᠵᠠᠩ ᠨᠢ ᠨᠤᠮᠤᠬᠠᠨ ᠭᠡᠳ
ᠷᠠᠰᠢ ᠭᠦᠪᠠᠭᠦᠨ ᠦᠷᠭᠦᠯᠵᠢ
ᠡᠯᠳᠡᠵᠤ ᠨᠤᠤᠯᠤᠭᠠᠤᠨ ᠪᠠᠢ᠌ᠨᠠ᠃
ᠷᠠᠰᠢ ᠶᠢᠨ ᠡᠵᠢ ᠴᠤ ᠡᠭᠡ ᠶᠢ ᠮᠢᠨᠢ
ᠦᠰᠦ ᠶᠡᠭᠡᠳᠡᠢ ᠭᠡᠳ ᠮᠠᠭᠳᠠᠨᠠ᠂
ᠦᠷᠡ ᠨᠢ ᠨᠠᠮᠢ᠋ᠢ ᠭᠦᠭᠡᠯᠦᠯ ᠥᠭᠡᠢ
ᠢᠨᠢᠶᠠᠵᠤ ᠪᠠᠢ᠌ᠭᠠᠤᠨ ᠰᠢᠪᠠᠬᠠᠨᠠ᠃
ᠪᠠᠶᠠ ᠴᠤᠭᠴᠠ ᠮᠢᠨᠢ ᠳᠤᠷᠠᠩᠬᠠᠢ
ᠪᠦᠳᠦᠭᠦᠷᠴᠤ ᠥᠰᠭᠦ ᠪᠠᠨ ᠠᠭᠤᠷᠠᠪᠠ᠂
ᠪᠤᠷᠪᠢ ᠪᠠᠨ ᠳᠠᠭᠠᠭᠠᠵᠤ ᠴᠢᠳᠠᠯ ᠥᠭᠡᠢ
ᠪᠠᠢ᠌ᠷᠢ ᠡᠴᠡ ᠪᠠᠨ ᠠᠷᠠᠢ ᠪᠣᠰᠤᠨᠠ ᠪᠢ᠃
ᠡᠨᠡ ᠪᠠᠢ᠌ᠳᠠᠯ ᠳᠤ ᠮᠢᠨᠢ ᠷᠠᠰᠢ
ᠦᠴᠦᠭᠡᠨ ᠴᠤ ᠦᠷᠤ ᠡᠪᠠᠦᠡᠭᠦ ᠦᠭᠡᠶ᠂
ᠡᠵᠡᠨ ᠳᠡᠭᠡᠨ ᠦᠯᠵᠡᠢ ᠦᠭᠡᠶ ᠮᠠᠯ ᠭᠡᠵᠤ
ᠠᠮᠢ ᠶᠢ ᠮᠢᠨᠢ ᠭᠠᠷᠤᠳᠠᠯᠠ ᠮᠠᠯᠢᠶᠠᠳᠤᠨᠠ᠂
ᠡᠭᠡ ᠮᠢᠨᠢ ᠨᠠᠮᠢ᠋ᠢ ᠥᠵᠡᠭᠡᠳ
ᠣᠰᠤᠨ ᠨᠢᠳᠤᠯᠠᠵᠤ ᠮᠥᠭᠡᠷᠦᠨᠡ᠂
ᠡᠯᠢᠭᠡ ᠵᠢᠷᠦᠭᠡ ᠨᠢ ᠡᠪᠭᠢᠯᠳᠦᠭᠡᠳ
ᠥᠭᠡ ᠳᠠᠭᠤ ᠦᠭᠡᠶ ᠳᠤᠯᠢᠶᠠᠨᠠ᠃
ᠦᠨᠦᠳᠤᠷ ᠪᠢ ᠢᠩᠭᠢᠪᠡ ᠭᠡᠳ
ᠥᠵᠡᠭ᠍ᠰᠡᠨ ᠵᠤᠪᠠᠯᠠᠩ ᠶᠢᠡᠨ ᠳᠤᠭᠠᠴᠢᠨᠠ᠃
ᠠᠷᠠᠭᠠ ᠪᠠᠨ ᠵᠠᠭᠤᠵᠤ ᠳᠠᠰᠤ ᠭᠡᠳ
ᠣᠶᠠᠷᠠᠵᠤ ᠣᠬᠢᠯᠠᠭᠠᠤᠨ ᠵᠤᠭᠰᠤᠨᠠ ︕
ᠴᠠᠩᠭᠠ ᠪᠠᠨ ᠳᠠᠢ᠌ᠯᠬᠤ ᠣᠰᠤ ᠥᠭᠡᠢ
ᠴᠠᠳᠴᠤ ᠢᠳᠡᠭᠦ ᠡᠪᠠᠰᠤ ᠦᠭᠡᠶ᠂
ᠨᠤᠮ ᠡᠴᠡ ᠵᠤᠯᠠᠭᠰᠠᠨ ᠷᠠᠰᠢ ᠳ᠋ᠤ
ᠨᠠᠭᠠᠳᠤᠮ ᠪᠣᠯᠵᠤ ᠪᠢ ᠡᠴᠡᠨᠡ᠃
ᠦᠷᠡ ᠳᠡᠭᠡᠨ ᠦᠭᠭᠦ ᠦᠰᠦ ᠥᠭᠡᠢ
ᠢᠳᠡᠯᠭᠡ ᠳᠠᠭᠠᠷᠠᠭᠰᠠᠨ ᠭᠡᠪᠠᠯᠭᠡ ᠦᠭᠡᠶ᠂
ᠦᠰᠦ ᠶᠡᠭᠡᠳᠡᠢ ᠡᠭᠡ ᠮᠢᠨᠢ
ᠷᠠᠰᠢ ᠶᠢᠨ ᠡᠭᠡ ᠳᠤ ᠵᠤᠪᠠᠭᠠᠳᠠᠨᠠ᠃
ᠡᠨᠡᠷᠢᠯ ᠦᠭᠡᠶ ᠵᠠᠩ ᠶᠢᠡᠨ ᠬᠠᠯᠠᠭᠠᠤᠨ
ᠷᠠᠰᠢ ᠰᠤᠷᠠᠭᠠᠭᠤᠯᠢ ᠳᠠᠭᠠᠨ ᠣᠴᠢᠬᠤ ᠦᠦ ︖
ᠦᠰᠦᠨ ᠳᠤ ᠰᠢᠨᠤᠭᠰᠠᠨ ᠡᠵᠢ ᠨᠢ
ᠠᠯᠠᠭ ᠨᠠᠮᠢ᠋ᠢ ᠪᠣᠳᠤᠬᠤ ᠦᠦ ︖
ᠡᠭᠡ ᠶᠢᠨ ᠶᠢᠡᠨ ᠣᠤᠭᠠᠨ ᠳᠤᠭᠤᠯ ᠪᠢ
ᠡᠷᠭᠡ ᠴᠢᠯᠦᠭᠡ ᠶᠢ ᠭᠦᠰᠡᠨᠡ᠃
ᠸᠴᠢᠷ ᠤᠨ ᠣᠯᠠᠭᠠᠨ ᠳᠤᠭᠤᠯ ᠰᠢᠭ
ᠡᠷᠳᠡᠨᠢ ᠳᠤ ᠬᠤᠪᠢᠯᠠᠬᠤ ᠶᠢ ᠵᠡᠭᠦᠳᠦᠯᠡᠨᠡ ︕
* 《ᠰᠢᠠᠵᠢᠶᠠᠩ ᠤᠨ ᠡᠳᠦᠷ ᠤᠨ ᠰᠤᠨᠢᠨ》 1994.10.30 ᠳ᠋ᠤ
ᠲ᠋ᠡᠯᠡᠭᠡᠢ ᠳᠠᠢ᠌ᠪᠣᠩ ᠪᠠᠢ᠌ᠭᠠᠰᠠᠢ
ᠳᠦᠷᠪᠠᠨ ᠠᠷᠠᠰᠤᠳᠠᠨ ᠤ ᠦᠷᠠᠰ ᠢ
ᠳᠤᠯᠠᠭᠠᠨ ᠦᠷᠤᠴᠠ ᠳᠡᠭᠡᠨ ᠳᠡᠪᠠᠷᠢᠭ᠍ᠰᠡᠨ
ᠳᠡᠯᠡᠭᠡᠢ ᠮᠢᠨᠢ
ᠳᠠᠢ᠌ᠪᠣᠩ ᠪᠠᠢ᠌ᠭᠠᠰᠠᠢ ︕
ᠴᠢᠩ ᠦᠨᠡᠨ ᠢ ᠭᠡᠯᠡᠪᠠᠯ
ᠴᠢᠨᠤ ᠵᠠᠷᠢᠮ ᠭᠠᠵᠠᠷ ᠳᠤ
ᠫᠣᠤ ᠶᠢᠨ ᠳᠠᠭᠤ ᠳᠠᠴᠢᠭᠢᠨᠠᠨ
ᠳᠤᠪ ᠤᠨ ᠰᠤᠮᠤ ᠣᠯᠠᠩᠭ᠋ᠠᠰᠤᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠦᠷᠤ ᠵᠢᠷᠦᠭᠡ ᠪᠠᠨ ᠰᠤᠭᠤᠯᠤᠯᠴᠠᠬᠤ
ᠠᠯᠠᠯᠳᠤᠭᠠᠨ ᠤ ᠳᠠᠭᠤ ᠮᠠᠠᠳᠤᠨ
ᠡᠭᠡ ᠪᠣᠯᠤᠭᠰᠠᠨ ᠴᠢᠮᠢ᠋ᠢ᠌
ᠡᠩᠭᠦᠷᠡᠢ ᠥᠵᠡᠭᠦ ᠦᠭᠡᠶ ᠳᠠᠯᠭᠢᠳᠠᠵᠤ ᠪᠠᠢ᠌ᠨᠠ᠃
ᠡᠪᠦᠷ ᠲᠤ ᠴᠢᠨᠢ ᠪᠠᠢ᠌ᠭᠠ ᠦᠷᠠᠰ ᠢ
ᠦᠰᠢᠶᠠᠳᠠᠨ ᠳᠠᠢ᠌ᠰᠤᠨ ᠪᠣᠯᠭᠠᠵᠤ ᠪᠠᠢ᠌ᠨᠠ᠂
ᠡᠪᠴᠡᠵᠤ ᠨᠠᠢ᠌ᠷᠠᠮᠳᠠᠨ ᠰᠠᠭᠤᠬᠤ ᠥᠭᠡᠢ
ᠠᠷᠠᠭᠠ ᠬᠠᠪᠢᠷᠠᠨ ᠪᠣᠰᠤᠯᠴᠠᠬᠤ
ᠢᠭᠢᠷᠠ ᠬᠤᠷᠠᠭᠠ ᠰᠢᠭ ᠪᠣᠢ᠌ᠵᠢᠬᠤ ᠥᠭᠡᠢ
ᠠᠷᠢᠶᠠᠳᠠᠨ ᠴᠢᠨᠤᠠ ᠰᠢᠭ ᠠᠪᠣᠯᠴᠠᠬᠤ
ᠮᠠᠭᠤ ᠵᠠᠩ ᠰᠤᠷᠭᠠᠵᠤ ᠪᠠᠢ᠌ᠨᠠ᠂
ᠮᠤᠩᠬᠠᠭ ᠠᠭᠠᠰᠢ ᠣᠯᠭᠤᠵᠤ ᠪᠠᠢ᠌ᠨᠠ᠃
ᠡᠨᠡ ᠪᠣᠯ ᠳᠠᠷᠤᠢ ᠳᠠᠢ᠌ᠨ ᠳᠠᠵᠢᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠥᠭᠦᠯ ᠮᠥᠭᠦᠯ ᠤᠨ ᠣᠯᠠᠭᠠ
ᠢᠯᠠᠵᠤ ᠢᠯᠠᠭᠳᠠᠬᠤ ᠶᠢᠨ ᠳᠡᠮᠡᠴᠡᠭᠡᠨ᠃
ᠳᠠᠢ᠌ᠮᠤ ᠡᠴᠡ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠳᠦᠷᠢᠮᠡᠭᠡᠢ ᠳᠠᠢ᠌ᠨ ᠮᠠᠭᠤ ᠣᠴᠢᠷ ᠡᠴᠡ
ᠳᠡᠭᠦᠨ ᠢ ᠪᠢᠳᠠᠨ ᠭᠦᠷᠢᠶᠡᠯᠡᠭᠦ ᠥᠭᠡᠢ
ᠰᠢᠳᠤᠷᠭᠤ ᠳᠠᠢ᠌ᠨ ᠰᠠᠢ᠌ᠨ ᠪᠣᠯᠬᠤᠷ
ᠰᠠᠯᠪᠠᠩ ᠶᠢᠡᠨ ᠪᠢᠳᠠ ᠵᠤᠭᠰᠤᠭᠠᠬᠤ ᠦᠭᠡᠶ᠃
ᠡᠭᠡ ᠣᠷᠤᠨ
ᠡᠷᠭᠡ ᠴᠢᠯᠦᠭᠡ
ᠢᠨᠠᠭ ᠳᠤᠷᠠᠯᠠᠯ
ᠡᠩᠭᠡ ᠵᠢᠷᠭᠠᠯ
ᠭᠦᠮᠤᠨ ᠪᠦᠭᠦᠨ ᠳᠤ ᠵᠠᠪᠠᠯ ᠪᠠᠢ᠌ᠬᠤ
ᠶᠠᠭᠤᠨ ᠡᠴᠡ ᠴᠤ ᠡᠷᠭᠢᠮ ᠡᠷᠳᠡᠨᠢ ᠮᠦᠨ᠂
ᠭᠡᠨ ᠴᠤ ᠦᠭᠭᠦ ᠦᠭᠡᠶ ᠪᠣᠶᠠᠨ ᠮᠦᠨ᠃
ᠭᠡᠪᠠᠴᠤ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠵᠠᠮ ᠳᠠᠭᠠᠨ ᠪᠠᠢ᠌ᠭᠴᠢ ᠡᠴᠡ ᠭᠡᠷᠡᠭ᠌ ᠡᠷᠢᠭᠦ
ᠵᠠᠯᠭᠢᠬᠤ ᠬᠤᠭᠤᠯᠠ ᠡᠴᠡ ᠪᠠᠨ ᠢᠯᠡᠭᠦᠤ ᠶᠢ ᠨᠢᠳᠦᠯᠡᠭᠦ
ᠪᠣᠰᠤᠳ ᠤᠨ ᠡᠮᠦᠨᠡᠭᠢ ᠶᠢ ᠮᠢᠨᠤ ᠭᠡᠭᠦ
ᠪᠣᠷᠤᠭᠤ ᠵᠦᠪ ᠦᠭᠡᠶ ᠬᠠᠮᠤᠷᠠᠨ ᠡᠵᠡᠯᠡᠭᠦ
ᠳᠡᠭᠦᠨ ᠢ ᠪᠢᠳᠠ ᠡᠰᠡᠷᠭᠦᠴᠡᠨᠡ᠃
ᠳᠡᠯᠡᠭᠡᠢ ᠶᠢᠨ ᠣᠯᠠᠨ ᠦᠷᠠᠰ ᠮᠢᠨᠢ
ᠨᠠᠢ᠌ᠷᠠᠮᠳᠠᠯ ᠶᠢᠡᠷ ᠳᠡᠭᠡᠳᠤ ᠰᠢᠳᠦᠭᠡᠨ ᠪᠣᠯᠭᠠᠵᠤ
ᠨᠢᠰᠤᠨ ᠭᠦᠭ᠍ᠵᠢᠵᠤ ᠣᠷᠤᠭᠰᠢᠯᠠᠵᠠᠭᠠᠶᠠ ︕
ᠳᠡᠯᠡᠭᠡᠢ ᠡᠵᠢ ᠪᠠᠨ ᠬᠠᠮᠠᠭᠠᠯᠠᠴᠠᠶᠠ ︕
ᠬᠤᠭᠤᠷᠤᠠᠳᠤ ᠪᠠᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠦᠰᠢᠶᠡ ᠬᠤᠷᠤᠰᠤᠯ ᠵᠠᠩᠭᠢᠳᠤᠯ ᠥᠭᠡᠢ
ᠢᠷᠡᠭᠡᠳᠦᠢ ᠶᠢᠨ ᠰᠠᠢ᠌ᠬᠠᠨ ᠶᠢᠡᠨ ᠰᠥᠢᠳᠭᠡᠯ ᠥᠭᠡᠢ
ᠨᠥᠭᠦᠷᠰᠡᠭ᠌ ᠰᠠᠢ᠌ᠬᠠᠨ ᠶᠠᠪᠣᠶᠠ
ᠵᠦᠷᠢᠶᠠ ᠪᠠᠨ ᠵᠦᠪ ᠶᠢᠡᠷ ᠰᠢ᠌ᠤᠠᠪᠣᠷᠢᠯᠠᠵᠤ
ᠨᠠᠢ᠌ᠳᠠ ᠣᠯᠠᠨ ᠶᠢᠡᠷ ᠶᠢᠡᠨ ᠵᠢᠷᠠᠭᠠᠶᠠ ︕
ᠳᠡᠭᠡᠭᠦ ᠳ᠋ᠤ
ᠳᠡᠯᠡᠭᠡᠢ ᠡᠵᠢ ᠮᠢᠨᠢ
ᠳᠠᠢ᠌ᠪᠣᠩ ᠪᠠᠶᠠᠷ ᠶᠢᠡᠷ ᠪᠢᠯᠬᠠᠨᠠ ᠡ ︕
* 《ᠰᠢᠠᠵᠢᠶᠠᠩ ᠤᠨ ᠡᠳᠦᠷ ᠤᠨ ᠰᠤᠨᠢᠨ》 1992.11.15 ᠳ᠋ᠤ
ᠵᠠᠬᠠ ᠶᠢᠨ ᠰᠠᠯᠠᠭᠠ
1
ᠮᠢᠨᠤ ᠰᠠᠢ᠌ᠷᠢ ᠶᠢᠨ ᠳᠡᠷᠯᠢᠭ᠌ ᠤᠨ ᠵᠠᠬᠠ
ᠮᠢᠨᠤ ᠬᠠᠢ᠌ᠷᠠᠯᠠᠳᠠᠭ ᠰᠠᠢ᠌ᠬᠠᠨ ᠵᠤᠰᠠᠯᠠᠩ᠃
2
ᠥᠭ᠍ᠰᠦᠭᠡᠳ ᠨᠡᠭᠦᠭᠦ ᠳ᠋ᠤ
ᠦᠨᠢᠷ ᠲᠦᠯ ᠳᠤ ᠮᠢᠨᠢ ᠭᠡᠳᠤ ᠳᠤᠭᠠ ᠨᠠᠮᠠᠪᠠ ᠴᠢ ᠭᠡᠳ
ᠡᠪᠠᠰᠤ ᠴᠡᠴᠡᠭ᠌ ᠲᠡᠶ ᠪᠠᠨ ᠠᠰᠠᠭᠤᠯᠳᠠ ᠳᠠᠯᠪᠢᠳᠠᠭ᠃
ᠣᠷᠤᠭᠤᠳᠠᠭᠠᠤᠨ ᠪᠠᠭᠤᠬᠤ ᠳ᠋ᠤ
ᠢᠷᠡᠭᠦ ᠵᠤᠨ ᠳᠠᠭᠠᠨ ᠣᠯᠵᠠ ᠲᠡᠶ ᠢᠷᠠ ᠭᠡᠳ
ᠣᠰᠤᠨ ᠬᠠᠷᠠᠵᠠ ᠨᠢ ᠰᠠᠯᠵᠤ ᠶᠠᠳᠠᠨᠠ᠃
3
ᠬᠤᠶᠠᠷ ᠪᠣᠯᠳᠠᠭ ᠨᠢ
ᠡᠭᠡᠮᠡ ᠴᠠᠴᠠᠭᠤᠯᠠᠵᠤ
ᠬᠤᠯᠠ ᠶᠢᠨ ᠠᠬᠠ ᠳᠡᠭᠦᠤ ᠪᠠᠨ ᠮᠥᠩᠭᠡ ᠣᠭᠳᠤᠨᠠ᠃
4
ᠡᠮ ᠤᠨ ᠵᠡᠭᠡ
ᠡᠯᠳᠡᠪ ᠰᠠᠢ᠌ᠬᠠᠨ ᠴᠡᠴᠡᠭ᠌
ᠦᠨᠦᠷ ᠠᠩᠭᠢᠯᠤᠮᠠ ᠡᠪᠠᠰᠤ
ᠡᠮᠴᠢ ᠳᠠᠭᠤᠳᠠᠨᠠ᠃
ᠨᠠᠷᠠᠨ ᠰᠡᠭᠦᠳᠡᠷ
ᠨᠠᠯᠠᠭᠠᠷ ᠳᠠᠰᠢᠭᠤ ᠪᠠᠷ ᠨᠢ
ᠲ᠋ᠤᠰᠢᠯ ᠵᠢᠮᠢᠰ
ᠭᠦᠪᠠᠭᠦᠤᠨ ᠣᠷᠢᠨᠠ᠃
ᠣᠷᠢᠶᠠᠯᠭᠠ᠂ ᠬᠠᠯᠢᠰᠤᠳᠤ ᠁
ᠣᠯᠠᠭᠠᠨ ᠨᠤᠭᠤᠭᠠᠨ ᠴᠡᠴᠡᠭ᠌ ᠬᠤᠷᠣᠢ᠌ᠯᠠᠨ
ᠨᠠᠷᠠ ᠳᠠᠭᠤᠳᠠᠨᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠰᠠᠯᠭᠢ ᠳᠠᠭᠤᠳᠠᠨᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠬᠤᠷᠠ ᠳᠠᠭᠤᠳᠠᠨᠠ ︕
5
ᠮᠢᠨᠤ ᠪᠠᠭᠠ ᠳᠠᠭᠠᠨ ᠳᠠᠪᠰᠢᠨ ᠨᠠᠭᠠᠳᠤᠳᠠᠭ
ᠮᠠᠰᠢ ᠰᠠᠢ᠌ᠬᠠᠨ ᠠᠪᠳᠠᠷᠠ ᠴᠢᠯᠠᠭᠤ
ᠨᠢᠭᠡ ᠨᠢ ᠬᠤᠶᠠᠷ ᠪᠣᠯᠳᠠᠭ ᠲᠤ ᠪᠠᠢ᠌ᠨᠠ
ᠨᠥᠭᠦᠭᠡ ᠨᠢ ᠰᠠᠯᠠᠭᠠ ᠶᠢᠨ ᠠᠮᠠᠨ ᠳᠤ ᠪᠠᠢ᠌ᠨᠠ᠃
ᠪᠦᠮᠪᠦᠭᠡᠷ ᠪᠦᠮᠪᠦᠭᠡᠷ ᠴᠢᠯᠠᠭᠤ ᠨᠢ
ᠪᠣᠯᠤᠷ ᠳᠤᠩᠭ᠋ᠠᠯᠠᠭ ᠣᠰᠤᠨ ᠳ᠋ᠤ
ᠪᠠᠶᠠ ᠪᠠᠨ ᠣᠭᠢᠶᠠᠵᠤ ᠠᠮᠠᠷᠠᠨᠠ᠃
ᠪᠢ ᠴᠤ ᠵᠠᠷᠢᠮ ᠳ᠋ᠠᠭᠠᠨ
ᠡ᠊ᠨᠳᠡ ᠢᠷᠠᠵᠤ ᠠᠮᠠᠷᠠᠨᠠ᠃
ᠪᠠᠬᠠᠨ ᠣᠷᠮᠠᠰ ᠭᠦᠳᠡᠯᠪᠠᠯ
ᠰᠢᠯᠦᠭ᠌ ᠲᠡᠶ ᠪᠠᠨ ᠠᠮᠠᠷᠠᠨᠠ᠃
6
ᠠᠮᠠᠨ ᠳ᠋ᠤᠨᠢ
ᠠᠯᠳᠠᠨ ᠤ ᠠᠭᠤᠷᠬᠠᠢ
ᠪᠠᠢ᠌ᠨᠠ ᠭᠡᠨᠡ
ᠯᠠᠪ ᠡ ︕ ᠯᠠᠪ᠃
ᠡᠭᠢᠨ ᠳ᠋ᠤᠨᠢ
ᠶᠠᠭᠤ ᠪᠠᠢ᠌ᠳᠠᠭ ᠪᠣᠯᠬᠠᠢ ⁈
ᠯᠠᠪ ᠪᠠᠢ᠌ᠨᠠ ︕
ᠮᠠᠨ ᠤ ᠵᠤᠰᠠᠯᠠᠩ ᠵᠠᠬᠠ
ᠮᠠᠩᠭ᠋ᠠᠳᠤᠷ ᠳᠠᠭᠠᠨ
ᠬᠤᠳᠠ ᠪᠣᠯᠬᠤ ᠪᠠᠢ᠌ᠯ ᠦᠭᠡᠶ ︕
7
ᠨᠠᠷᠠ ᠰᠠᠷᠠ ᠵᠢ
ᠮᠥᠰᠢᠶᠡᠯᠭᠡᠵᠤ ᠪᠠᠢ᠌ᠬᠤ
ᠮᠢᠨᠤ ᠵᠠᠬᠠ
ᠨᠠᠮᠵᠠᠪ ᠨᠠᠢ᠌ᠷᠠᠭᠴᠢ ᠵᠢ
ᠰᠤᠭᠳᠤᠭᠠᠵᠤ ᠪᠠᠢ᠌ᠬᠤ
ᠰᠠᠢ᠌ᠬᠠᠨ ᠵᠠᠬᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠡᠨᠡ ᠦᠷᠯᠦᠭᠡ
ᠥᠭ᠍ᠰᠦᠭᠡᠳ ᠶᠠᠪᠣᠬᠤ ᠳ᠋ᠤ
ᠲ᠋ᠤᠩ ᠰᠠᠢ᠌ᠬᠠᠷᠠᠭᠰᠠᠨ ᠪᠠᠢ᠌ᠨᠠᠮ ︕
ᠥᠨᠡᠭᠡᠷ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠰᠠᠢ᠌ᠬᠠᠨ ᠵᠤᠰᠠᠯᠠᠩ
ᠵᠠᠬᠠ ᠮᠢᠨᠤ ᠡ ︕
* 《ᠦᠣᠷ ᠤᠨ ᠴᠤᠯᠮᠤᠨ》 1992.1 ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠤᠭᠤᠴᠠᠭᠠ ᠳ᠋ᠤ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠠᠵᠢᠶᠠᠩ ᠤᠨ ᠬᠤᠪᠣᠭᠰᠠᠢ᠌ᠷᠢ
ᠵᠤᠬᠢᠶᠠᠭᠴᠢ᠄ ᠳ᠋·ᠨᠠᠮᠵᠠᠪ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2627
ᠴᠠᠭ᠄ 2011 ᠤᠨ ᠤ 08 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ