ᠰᠠᠢ᠌ᠨ ᠪᠠᠢ᠌ᠨᠠᠤ ᠵᠤᠯᠠ ᠡ᠂ ᠰᠠᠨᠠᠵᠤ ᠪᠠᠢ᠌ᠨᠠᠤ ᠵᠤᠯᠠ ᠡ

ᠰᠠᠷᠠᠪᠴᠢᠯᠠᠵᠤ ᠬᠣᠢ᠌ᠨ᠎ᠠ ᠡᠴᠡ ᠬᠠᠷᠠᠭᠠᠤᠨ ᠣᠭᠢᠯᠠᠵᠤ ᠰᠠᠭᠤᠨ᠎ᠠ ᠦᠦ ᠵᠤᠯᠠ ᠡ

ᠰᠠᠯᠤᠭᠠᠤᠨ ᠪᠢᠳᠠ ᠡᠳᠦᠢ ᠳᠤ ᠳᠠᠪᠤᠨ ᠮᠦᠴᠡ ᠪᠣᠯᠤᠭ᠎ᠠ ᠦᠭᠡᠶ ᠴᠤ

ᠰᠠᠨᠠᠭᠠᠨ ᠳᠤᠳᠤᠷ᠎ᠠ ᠶᠠᠷᠤᠨᠢ ᠡᠵᠡᠭᠦᠢᠷᠡᠭᠡᠤᠨ ᠪᠠᠢ᠌ᠨ᠎ᠠ ᠵᠤᠯᠠ ᠡ

ᠠᠶᠠᠨ ᠤ ᠳᠡᠷᠭᠡ ᠭᠡᠳᠦᠢ ᠬᠤᠷᠳᠤᠯᠠᠵᠤ ᠶᠠᠪᠣᠬᠤ ᠳᠤᠰᠤᠮ ᠶᠢᠡᠨ

ᠠᠯᠠᠭ ᠨᠢᠳᠤᠨ ᠳᠤ ᠴᠢ ᠮᠢᠨᠢ ᠬᠠᠷᠠᠭᠳᠠᠭᠠᠤᠨ ᠪᠠᠢ᠌ᠨ᠎ᠠ ᠵᠤᠯᠠ ᠡ

ᠠᠭᠢᠭᠠᠤᠨ ᠭᠡᠵᠢᠶ᠎ᠡ ᠠᠭᠤᠯᠵᠠᠨ᠎ᠠ ᠭᠡᠵᠤ ᠰᠠᠨᠠᠭ᠎ᠠ ᠪᠣᠯᠬᠤ ᠳᠤᠳᠤᠮ ᠶᠢᠡᠨ

ᠠᠶᠤᠤᠯᠢᠬᠠᠢ ᠴᠡᠭᠡᠵᠢ ᠮᠢᠨᠢ ᠪᠠᠭ᠍ᠳᠡᠷᠡᠭᠡᠤᠨ ᠪᠠᠢ᠌ᠨ᠎ᠠ ᠵᠤᠯᠠ ᠡ

ᠭᠠᠯ ᠠᠶᠠᠨ ᠤ ᠮᠢᠨᠢ ᠣᠯᠤᠰ ᠭᠦᠭᠡᠷᠦᠯᠳᠦᠵᠤ ᠭᠡᠳᠦᠢ ᠥᠢᠮᠡᠭ᠍ᠰᠡᠨ ᠴᠤ

ᠭᠠᠭᠴᠠᠭᠠᠷᠳᠠᠭᠰᠠᠨ ᠶᠤᠮᠰᠢᠭ ᠪᠢ ᠮᠡᠯᠡᠷᠡᠭᠡᠤᠨ ᠶᠠᠪᠣᠨ᠎ᠠ ᠵᠤᠯᠠ ᠡ

ᠭᠠᠳᠠᠨ᠎ᠠ ᠵᠢᠷᠢᠯᠵᠡᠭᠦ ᠦᠵᠡᠮᠵᠢ ᠶᠠᠮᠠᠷ ᠰᠠᠢ᠌ᠬᠠᠨ ᠢ ᠮᠠᠳᠠᠯ ᠦᠭᠡᠶ

ᠭᠠᠭᠴᠠᠬᠠᠨ ᠴᠢᠨᠤ ᠳᠦᠷᠢ ᠯᠠ ᠳᠤᠳᠤᠷᠠᠭᠠᠤᠨ ᠪᠠᠢ᠌ᠨ᠎ᠠ ᠵᠤᠯᠠ ᠡ

ᠬᠣᠢ᠌ᠨ᠎ᠠ ᠡᠴᠡ ᠠᠪᠣᠭᠰᠠᠨ ᠣᠳᠠᠰᠤ ᠶᠢ ᠴᠢᠨᠢ ᠬᠤᠭᠤᠯᠠᠢ ᠴᠡᠴᠡᠷᠡᠭᠦᠯᠡᠨ ᠳᠤᠰᠤᠭᠠᠤᠨ

ᠬᠤᠶᠠᠷ ᠨᠢᠳᠤ ᠮᠢᠨᠢ ᠡᠷᠭᠡ ᠦᠭᠡᠶ ᠪᠦᠷᠳᠡᠯᠵᠡᠭᠡᠤᠨ ᠪᠠᠢ᠌ᠨ᠎ᠠ ᠵᠤᠯᠠ ᠡ

ᠬᠤᠶᠠᠷᠬᠠᠨ ᠬᠤᠨᠤᠭ ᠲᠠᠭᠠᠨ ᠳᠠᠰᠤᠭᠰᠠᠨ ᠬᠤᠩᠭ᠋ᠤᠷ ᠵᠢᠭᠠᠬᠠᠨ ᠴᠢᠮ᠎ᠠ ᠲᠡᠶ ᠪᠠᠨ

ᠬᠤᠵᠢᠮ ᠤᠨ ᠢᠷᠦᠭᠡᠯ ᠶᠠᠮᠠᠷ ᠭᠡᠭᠦ ᠡᠴᠡ ᠣᠶᠠᠷᠠᠭᠠᠤᠨ ᠪᠠᠢ᠌ᠨ᠎ᠠ ᠵᠤᠯᠠ ᠡ

ᠬᠠᠷ᠎ᠠ ᠨᠢᠳᠤᠨ ᠴᠢᠨᠤ ᠮᠢᠨᠢ ᠬᠠᠯᠠᠭᠤ ᠳᠦᠭᠡᠨᠡᠭ᠍ᠰᠡᠨ ᠰᠢᠷᠳᠠᠯᠳᠠ

ᠬᠠᠭᠠᠴᠠᠭᠠᠤᠨ ᠭᠠᠷᠤᠭᠠᠤᠨ ᠢᠷᠡᠭ᠍ᠰᠡᠨ ᠴᠤ ᠳᠦᠯᠡᠭᠡᠤᠨ ᠪᠠᠢ᠌ᠨ᠎ᠠ ᠵᠤᠯᠠ ᠡ

ᠬᠠᠨ᠎ᠠ ᠲᠦᠰᠢᠨ ᠵᠤᠭᠰᠤᠭᠰᠠᠨ ᠰᠡᠳᠭᠢᠯ ᠰᠡᠷᠭᠦᠭᠡᠮ᠎ᠡ ᠢᠨᠢᠶᠠᠳᠤ ᠴᠢᠨᠢ

ᠬᠠᠮᠢᠭ᠎ᠠ ᠡᠨᠡ ᠭᠠᠵᠠᠷ ᠴᠤ ᠰᠤᠨᠤᠰᠳᠠᠭᠠᠤᠨ ᠪᠠᠢ᠌ᠨ᠎ᠠ ᠵᠤᠯᠠ ᠡ

ᠨᠠᠮᠤᠭᠤᠨ ᠳᠦᠯᠭᠡᠨ ᠠᠭᠠᠯᠢ᠂ ᠨᠠᠢ᠌ᠷᠰᠠᠭ ᠰᠠᠢ᠌ᠬᠠᠨ ᠵᠠᠩ ᠴᠢᠨᠢ

ᠨᠠᠭᠠᠭᠰᠠᠨ ᠶᠤᠮᠰᠢᠭ ᠳᠤᠳᠤᠷ᠎ᠠ ᠡᠴᠡ ᠰᠠᠯᠬᠤ ᠦᠭᠡᠶ ᠪᠠᠢ᠌ᠨ᠎ᠠ ᠵᠤᠯᠠ ᠡ

ᠨᠠᠮᠪᠠᠭᠠᠳᠠᠢ᠌ᠬᠠᠨ ᠠᠯᠬᠤᠬᠤ ᠣᠷᠢ ᠳᠡᠭ᠍ᠰᠢᠭᠡᠨ ᠪᠠᠶ᠎ᠠ ᠴᠢᠨᠢ

ᠨᠠᠢ᠌ᠷᠠᠭ ᠰᠢᠯᠦᠭ᠌ ᠤᠨ ᠬᠠᠭᠤᠳᠠᠰᠤ ᠶᠢ ᠡᠵᠡᠯᠡᠭᠡᠤᠨ ᠪᠠᠢ᠌ᠨ᠎ᠠ ᠵᠤᠯᠠ ᠡ

ᠰᠡᠳᠭᠢᠯ ᠤᠨ ᠮᠢᠨᠢ ᠵᠤᠯᠠ᠂ ᠢᠳᠡᠭᠡᠯ ᠤᠨ ᠮᠢᠨᠢ ᠲᠦᠯᠦ

ᠰᠠᠷᠢᠪᠠᠴᠤ ᠣᠠᠳᠠᠪᠠᠴᠤ ᠨᠠᠳᠠ ᠡᠴᠡ ᠵᠠᠢ᠌ᠳᠠᠬᠤ ᠦᠭᠡᠶ ᠪᠠᠢ᠌ᠨ᠎ᠠ ᠵᠤᠯᠠ ᠡ

ᠵᠢᠦᠡᠭᠦᠯ ᠤᠨ ᠮᠢᠨᠢ ᠭᠦᠪᠴᠢ᠂ ᠵᠢᠷᠦᠭᠡᠨ ᠤ ᠮᠢᠨᠢ ᠨᠠᠪᠴᠢ

ᠵᠣᠢ᠌ᠷᠯᠠᠰᠢ ᠦᠭᠡᠶ ᠨᠠᠮ᠎ᠠ ᠶᠢ ᠡᠵᠡᠮᠳᠡᠭᠡᠤᠨ ᠪᠠᠢ᠌ᠨ᠎ᠠ ᠵᠤᠯᠠ ᠡ

ᠵᠦᠷᠵᠢ ᠶᠢᠨ ᠰᠢᠭᠦᠰᠤ ᠭᠡᠵᠤ ᠴᠢᠮ᠎ᠠ ᠳᠠᠭᠠᠨ ᠨᠢᠭᠡ ᠴᠤᠮᠤ ᠪᠠᠷᠢᠶ᠎ᠠ

ᠵᠦᠳᠡᠷᠡᠯ ᠶᠢᠡᠨ ᠪᠠᠭ᠎ᠠ ᠴᠤ ᠭᠡᠰᠡᠨ ᠳᠠᠢ᠌ᠯᠤᠭᠠᠤᠨ ᠠᠪ ᠳ᠋ᠠ ᠵᠤᠯᠠ ᠡ

ᠵᠦᠰᠤᠮ ᠴᠤ ᠭᠡᠰᠡᠨ ᠳᠠᠯᠬ᠎ᠠ ᠴᠢᠮ᠎ᠠ ᠳᠠᠭᠠᠨ ᠭᠡᠵᠤ ᠪᠠᠯᠠᠳᠤᠶ᠎ᠠ

ᠵᠥᠭᠡᠯᠡᠨ ᠪᠣᠯᠪᠠᠷᠠᠢ ᠪᠠᠶ᠎ᠠ ᠳᠡᠭᠡᠨ ᠳᠠᠮᠢᠷ ᠨᠥᠭᠦ ᠳ᠋ᠠ ᠵᠤᠯᠠ ᠡ

ᠥᠷᠦᠪᠴᠢᠭᠡᠨ ᠬᠠᠢ᠌ᠷ᠎ᠠ ᠪᠠᠨ ᠨᠠᠢ᠌ᠵᠢ ᠴᠢᠮ᠎ᠠ ᠳᠠᠭᠠᠨ ᠦᠭ‍ᠭᠦᠶ᠎ᠡ

ᠥᠩᠭᠡᠷᠡᠭ᠍ᠰᠡᠨ ᠤ ᠭᠤᠨᠢᠭ ᠶᠢᠡᠨ ᠮᠠᠷᠳᠠᠵᠤ ᠶᠠᠪᠣ ᠳ᠋ᠠ ᠵᠤᠯᠠ ᠡ

ᠥ ᠶᠡᠭᠡᠳᠡᠢ ᠬᠤᠷᠸ᠎ᠠ ᠳᠤ ᠰᠡᠳᠭᠢᠯ ᠨᠢᠭᠡᠳᠡᠢ ᠶᠠᠪᠣᠶ᠎ᠠ

ᠢᠷᠡᠭᠡᠳᠦᠢ ᠶᠢᠨ ᠢᠳᠡᠭᠡᠯ ᠶᠢᠡᠨ ᠭᠦᠪᠴᠢᠯᠡᠵᠤ ᠶᠠᠪᠣ ᠳ᠋ᠠ ᠵᠤᠯᠠ ᠡ᠃