☆ ᠴᠢ᠊·ᠳᠠᠯᠠᠢ
ᠮᠤᠩᠭ᠋ᠤᠯ ᠪᠠᠢ᠌ᠭᠠᠯᠢ
ᠡᠷᠳᠡᠨᠢ ᠬᠤᠩᠭ᠋ᠤᠷ ᠠᠳᠤᠭᠤ ᠳᠠᠪᠭᠢᠭᠰᠠᠨ
ᠡᠡᠭ᠌ ᠨᠢ ᠬᠠᠶᠠᠭᠠᠷᠠᠬᠤ ᠳᠤᠷᠭᠠᠨ ᠳᠠᠯᠠ
ᠡᠡᠭ᠌ ᠨᠢ ᠬᠠᠶᠠᠭᠠᠷᠠᠬᠤ ᠳᠠᠯᠠ ᠶᠢ ᠨᠤᠶᠠᠯᠠᠭᠰᠠᠨ
ᠡᠩᠭᠡ ᠶᠢᠨ ᠵᠤᠯᠠ ᠲᠡᠶ ᠳᠠᠭᠳᠠᠭᠠᠨ ᠥᠷᠭᠦᠭᠡ
ᠨᠠᠯᠠᠭᠠᠷ ᠬᠤᠷᠸᠠ ᠳᠤ ᠭᠦᠭᠡᠷᠡᠭᠦ
ᠨᠠᠪᠴᠢ ᠳᠡᠯᠭᠡᠷ ᠪᠠᠢ᠌ᠭᠠᠯᠢ ᠮᠢᠨᠢ ᠡ
ᠰᠡᠷᠢᠭᠦᠨ ᠰᠢᠯᠢ ᠶᠢᠨ ᠵᠤᠰᠠᠭᠠᠯ ᠢ ᠰᠤᠭᠳᠤᠭᠠᠬᠤ
ᠰᠡᠯᠡᠭᠦᠭᠡᠨ ᠣᠢ ᠶᠢᠨ ᠭᠦᠭᠦᠭᠡ ᠶᠢᠨ ᠡᠭᠡᠰᠢᠭ᠌
ᠰᠡᠯᠡᠭᠦᠭᠡᠨ ᠣᠢ ᠶᠢᠨ ᠡᠭᠡᠰᠢᠭ᠌ ᠲᠡᠶ ᠬᠤᠤᠰᠯᠠᠭᠰᠠᠨ
ᠰᠡᠷᠭᠦᠯᠡᠩ ᠵᠢᠷᠭᠠᠯ ᠤᠨ ᠳᠤᠩᠭ᠋ᠠᠯᠠᠭ ᠢᠨᠢᠶᠠᠳᠤ
ᠨᠠᠯᠠᠭᠠᠷ ᠬᠤᠷᠸᠠ ᠳᠤ ᠭᠦᠭᠡᠷᠡᠭᠦ
ᠨᠠᠪᠴᠢ ᠳᠡᠯᠭᠡᠷ ᠪᠠᠢ᠌ᠭᠠᠯᠢ ᠮᠢᠨᠢ ᠡ
ᠴᠡᠴᠡᠭ᠍ᠳᠤ ᠬᠤᠩᠬᠤᠷ ᠢ ᠳᠠᠪᠠᠯᠭᠠᠨ ᠪᠣᠰᠬᠠᠭᠰᠠᠨ
ᠴᠠᠢ᠌ᠯᠵᠠᠨ ᠡᠭᠦᠯᠡᠰᠢᠭᠦ ᠪᠠᠶᠠᠨ ᠰᠥᠷᠦᠭ᠌
ᠴᠠᠢ᠌ᠯᠵᠠᠨ ᠡᠭᠦᠯᠡᠰᠢᠭᠦ ᠰᠥᠷᠦᠭ᠌ ᠢ ᠪᠠᠯᠴᠢᠭᠡᠭ᠍ᠰᠡᠨ
ᠳᠤᠩᠭ᠋ᠠᠯᠠᠭ ᠮᠠᠠᠳᠠᠯ ᠤᠨ ᠣᠰᠤᠨ ᠬᠤᠷᠠ
ᠨᠠᠯᠠᠭᠠᠷ ᠬᠤᠷᠸᠠ ᠳᠤ ᠭᠦᠭᠡᠷᠡᠭᠦ
ᠨᠠᠪᠴᠢ ᠳᠡᠯᠭᠡᠷ ᠪᠠᠢ᠌ᠭᠠᠯᠢ ᠮᠢᠨᠢ ᠡ
ᠭᠦᠭᠡᠮᠳᠦᠭ᠌ ᠬᠠᠢ᠌ᠷᠠᠬᠠᠨ ᠤ ᠰᠤᠭᠤ ᠭᠡᠳᠡᠭᠡᠨᠡᠭᠦ
ᠭᠦᠪᠴᠢ ᠡᠴᠡ ᠪᠠᠭᠤᠬᠤ ᠣᠶᠠᠬᠠᠨ ᠬᠠᠢ᠌ᠯ
ᠭᠦᠪᠴᠢ ᠡᠴᠡ ᠪᠠᠭᠤᠬᠤ ᠬᠠᠢ᠌ᠯ ᠢ ᠭᠦᠳᠦᠯᠦᠭ᠍ᠰᠡᠨ
ᠭᠦᠭ᠍ᠵᠢᠮ ᠠᠶᠠᠯᠠᠬᠤ ᠨᠠᠷᠢᠬᠠᠨ ᠰᠤᠳᠠᠭ
ᠨᠠᠯᠠᠭᠠᠷ ᠬᠤᠷᠸᠠ ᠳᠤ ᠭᠦᠭᠡᠷᠡᠭᠦ
ᠨᠠᠪᠴᠢ ᠳᠡᠯᠭᠡᠷ ᠪᠠᠢ᠌ᠭᠠᠯᠢ ᠮᠢᠨᠢ ᠡ
ᠠᠢ᠌ᠷᠠᠭ ᠱᠤᠤᠭᠢᠬᠤ ᠳᠠᠠᠵᠢ ᠶᠢ ᠰᠡᠩᠭᠢᠨᠡᠭᠦᠯᠦᠭ᠍ᠰᠡᠨ
ᠠᠩᠭᠢᠯᠤᠮᠠᠯ ᠴᠡᠴᠡᠭ᠌ ᠤᠨ ᠶᠠᠪᠠᠭᠠᠨ ᠳᠤᠯᠭᠢᠶᠠ
ᠠᠩᠭᠢᠯᠤᠮᠠᠯ ᠴᠡᠴᠡᠭ᠌ ᠤᠨ ᠳᠤᠯᠭᠢᠶᠠ ᠳᠠᠭᠤᠭᠰᠠᠨ
ᠠᠯᠢᠶᠠ ᠰᠠᠯᠭᠢᠨ ᠤ ᠭᠠᠩᠭ᠋ᠠᠩ ᠠᠯᠬᠤᠭᠠ
ᠨᠠᠯᠠᠭᠠᠷ ᠬᠤᠷᠸᠠ ᠳᠤ ᠭᠦᠭᠡᠷᠡᠭᠦ
ᠨᠠᠪᠴᠢ ᠳᠡᠯᠭᠡᠷ ᠪᠠᠢ᠌ᠭᠠᠯᠢ ᠮᠢᠨᠢ ᠡ
ᠮᠠᠩᠨᠤᠭ ᠴᠠᠢ᠌ᠳᠠᠮ ᠤᠨ ᠰᠤᠯᠢ ᠶᠢ ᠮᠥᠩᠭᠦᠯᠡᠭᠦ
ᠮᠠᠠᠳᠤᠬᠤ ᠨᠠᠷᠠᠨ ᠤ ᠢᠷᠠᠭᠤ ᠳᠤᠯᠤᠩ
ᠮᠠᠠᠳᠤᠬᠤ ᠨᠠᠷᠠᠨ ᠤ ᠲᠤᠯᠤᠩ ᠢ ᠣᠭᠳᠤᠬᠤ
ᠮᠠᠠᠵᠢᠯᠭᠠᠳᠤ ᠣᠷᠭᠢᠯ ᠤᠨ ᠣᠩᠭ᠋ᠤᠨ ᠰᠡᠵᠢᠭᠦᠷ
ᠨᠠᠯᠠᠭᠠᠷ ᠬᠤᠷᠸᠠ ᠳᠤ ᠭᠦᠭᠡᠷᠡᠭᠦ
ᠨᠠᠪᠴᠢ ᠳᠡᠯᠭᠡᠷ ᠪᠠᠢ᠌ᠭᠠᠯᠢ ᠮᠢᠨᠢ ᠡ
ᠰᠠᠷᠠᠨᠠ ᠳᠤᠯᠠᠯᠵᠠᠬᠤ ᠬᠠᠩᠭ᠋ᠠᠢ ᠶᠢ ᠵᠥᠰᠦᠭ᠍ᠰᠡᠨ
ᠰᠠᠯᠠᠭᠠ ᠨᠡᠢ᠌ᠯᠡᠭᠦ ᠣᠷᠳᠤ ᠬᠠᠷᠭᠤᠢ
ᠰᠠᠯᠠᠭᠠ ᠨᠡᠢ᠌ᠯᠡᠭᠦ ᠬᠠᠷᠭᠤᠢ ᠶᠢ ᠡᠯᠭᠦᠭ᠍ᠰᠡᠨ
ᠰᠠᠯᠭᠢ ᠳᠠᠳᠠᠬᠤ ᠬᠤᠷᠳᠤᠨ ᠭᠦᠯᠦᠭ᠌
ᠨᠠᠯᠠᠭᠠᠷ ᠬᠤᠷᠸᠠ ᠳᠤ ᠭᠦᠭᠡᠷᠡᠭᠦ
ᠨᠠᠪᠴᠢ ᠳᠡᠯᠭᠡᠷ ᠪᠠᠢ᠌ᠭᠠᠯᠢ ᠮᠢᠨᠢ ᠡ
ᠳᠡᠷᠭᠡᠯ ᠴᠠᠭᠠᠨ ᠰᠠᠷᠠ ᠳᠠᠮᠨᠠᠭᠰᠠᠨ
ᠳᠡᠭ᠍ᠷᠢ ᠳᠤᠯᠬᠤ ᠬᠤᠯᠪᠣᠭᠠᠯᠵᠢ ᠠᠭᠤᠯᠠ
ᠳᠡᠭ᠍ᠷᠢ ᠳᠤᠯᠬᠤ ᠠᠭᠤᠯᠠᠰ ᠢ ᠡᠷᠭᠢᠴᠡᠭ᠍ᠰᠡᠨ
ᠳᠡᠭᠦᠯᠳᠡᠷ ᠵᠢᠪᠬᠤᠭᠠᠳᠤ ᠭᠦᠷᠡᠩ ᠪᠦᠷᠭᠦᠤᠨ
ᠨᠠᠯᠠᠭᠠᠷ ᠬᠤᠷᠸᠠ ᠳᠤ ᠭᠦᠭᠡᠷᠡᠭᠦ
ᠨᠠᠪᠴᠢ ᠳᠡᠯᠭᠡᠷ ᠪᠠᠢ᠌ᠭᠠᠯᠢ ᠮᠢᠨᠢ ᠡ
ᠠᠭᠠᠷ ᠤᠨ ᠪᠦᠪᠠᠢ ᠳᠤ ᠡᠷᠭᠡᠯᠡᠨ ᠭᠦᠪᠦᠯᠵᠡᠭᠦ
ᠠᠶᠠᠠᠰᠢᠵᠤ ᠳᠠᠰᠤᠭᠰᠠᠨ ᠰᠠᠮᠠᠵᠠᠨ ᠡᠭᠦᠯᠡ
ᠠᠶᠠᠠᠰᠢᠬᠤ ᠡᠭᠦᠯᠡᠨ ᠤ ᠴᠢᠯᠦᠭᠡᠨ ᠳᠤ ᠳᠠᠯᠮᠠᠢ᠌ᠬᠤ
ᠠᠮᠠᠷᠠᠭ ᠤᠨ ᠨᠢᠳᠤ ᠰᠢᠭ᠌ ᠭᠡᠷᠡᠯᠳᠤ ᠮᠠᠴᠢᠳ
ᠨᠠᠯᠠᠭᠠᠷ ᠬᠤᠷᠸᠠ ᠳᠤ ᠭᠦᠭᠡᠷᠡᠭᠦ
ᠨᠠᠪᠴᠢ ᠳᠡᠯᠭᠡᠷ ᠪᠠᠢ᠌ᠭᠠᠯᠢ ᠮᠢᠨᠢ ᠡ
ᠵᠤᠬᠢᠶᠠᠭᠴᠢ᠄ ᠴᠢ᠊·ᠳᠠᠯᠠᠢ
ᠢᠷᠡᠯᠲᠡ᠄ ᠨᠡᠷᠡᠡᠴᠡᠴᠡᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2982
ᠴᠠᠭ᠄ 2006 ᠤᠨ ᠤ 07 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ