☆ ᠬᠠᠷᠠᠨᠤᠳ ᠳᠦᠷᠤ ᠵᠠᠶᠠᠭᠠ
ᠡᠨᠡ ᠪᠣᠳᠤᠯ
ᠳᠤᠭᠤᠰᠤᠨ ᠳᠤᠮᠳᠠ ᠳᠤᠳᠤᠬᠠᠨ
ᠳᠤᠷᠭᠠ ᠰᠢᠭ᠌ ᠨᠠᠮᠢᠷᠠᠬᠤ ᠪᠣᠳᠤᠯ
ᠳᠤᠶᠠᠬᠠᠨ ᠵᠥᠭᠡᠯᠡᠨ ᠴᠢᠮᠡᠭᠯᠡᠭ᠍ᠳᠡᠵᠤ
ᠳᠤᠯᠭᠠ ᠶᠢᠨ ᠭᠠᠯ ᠰᠢᠭ᠌ ᠪᠠᠳᠠᠷᠠᠪᠠ᠂
ᠳᠤᠳᠠᠭᠤ ᠶᠢ ᠨᠥᠭᠦᠵᠤ
ᠳᠤᠷᠤᠯᠵᠠᠬᠤ ᠪᠣᠷᠤ ᠬᠤᠷᠸᠠ ᠶᠢᠨ ᠦᠮᠴᠢᠨ ᠳ᠋ᠤ
ᠳᠤᠰᠠ ᠪᠣᠯᠬᠤ ᠨᠢ ᠴᠤ ᠶᠠᠭᠤ ᠮᠠᠭᠠᠤᠨ
ᠠᠯᠤᠰ ᠤᠨ ᠴᠡᠩᠭᠡᠷ ᠪᠣᠳᠤᠯ ᠮᠢᠨᠢ᠂
ᠠᠶᠠᠨ ᠤ ᠠᠷᠢᠭᠤᠨ ᠪᠣᠳᠤᠯ ᠮᠢᠨᠢ︕
ᠡᠨᠡ ᠪᠤᠳᠦᠯ᠂ ᠡᠷᠢᠨ ᠵᠠᠭᠤᠨ ᠤ ᠪᠣᠳᠤᠯ
ᠡᠩᠭᠡ ᠶᠢᠨ ᠴᠠᠭᠠᠨ ᠮᠤᠩᠭ᠋ᠤᠯ ᠳᠠᠭᠤᠨ ᠳᠤ ᠰᠢᠩᠭᠡᠭ᠍ᠰᠡᠨ
ᠢᠮ ᠳᠡᠮᠳᠡᠭ᠌ ᠲᠡᠶ ᠪᠣᠳᠤᠯ
ᠢᠰᠡᠭᠡᠢ ᠭᠡᠷ ᠤᠨ ᠪᠠᠭᠤᠴᠠ ᠶᠢ ᠳᠡᠯᠡᠭ᠍ᠰᠡᠨ
ᠡᠷᠡᠨ ᠴᠠᠭ ᠤᠨ ᠠᠯᠳᠠᠨ ᠪᠠᠢ᠌ᠭᠠᠯᠢ ᠶᠢᠨ ᠪᠣᠳᠤᠯ ᠡ᠂
ᠡᠭᠡ ᠣᠷᠤᠨ ᠤ ᠮᠢᠨᠢ ᠨᠤᠭᠤᠭᠠᠨ ᠰᠠᠯᠭᠢ ᠵᠢ
ᠡᠮᠵᠢᠶᠡᠷᠢ ᠳᠠᠷᠤᠨ ᠦᠷᠭᠦᠭᠡᠭ᠍ᠰᠡᠨ
ᠡᠷᠡᠭᠦᠯ ᠰᠠᠷᠠᠭᠤᠯ ᠣᠩᠭ᠋ᠤᠳ ᠪᠠᠭᠤᠬᠤ ᠳᠤ ᠰᠢᠳᠦᠭ᠍ᠰᠡᠨ
ᠡᠷᠳᠡᠨ ᠤ ᠣᠳᠤᠭ ᠵᠤᠤᠬᠠ ᠶᠢᠨ ᠪᠣᠳᠤᠯ
ᠡᠯᠢᠭᠡ ᠨᠢᠭᠡᠳᠡᠢ ᠨᠤᠳᠤᠭ ᠤᠨ ᠴᠢᠯᠠᠭᠤᠳ ᠢ ᠬᠠᠷᠠᠮᠯᠠᠵᠤ
ᠡᠨᠡ ᠪᠦᠭᠦᠨ ᠮᠤᠩᠭ᠋ᠤᠯ ᠤᠨ ᠭᠢ ᠭᠡᠰᠡᠨ ᠪᠣᠳᠤᠯ
ᠡᠭᠡᠯ ᠪᠠᠰᠠ ᠨᠢᠭᠤᠴᠠᠯᠢᠭ
ᠡᠷᠭᠡᠰ ᠭᠠᠷᠠᠭ ᠤᠨ ᠪᠣᠳᠤᠯ ᠡ︕
ᠡᠨᠡ ᠪᠤᠳᠦᠯ᠂ ᠡᠷᠡᠨ ᠵᠠᠭᠤᠨ ᠤ ᠪᠣᠳᠤᠯ
ᠡᠩᠭᠡ ᠶᠢᠨ ᠭᠦᠭᠡ ᠮᠤᠩᠭ᠋ᠤᠯ ᠤᠨ ᠦᠨᠦᠷ ᠲᠡᠶ ᠪᠣᠳᠤᠯ ᠡ︕
ᠡᠷᠭᠢᠨ ᠬᠠᠷᠠᠬᠤ ᠳᠤ ᠡᠵᠢ ᠶᠢᠨ ᠪᠠᠷᠠ ᠲᠡᠶ ᠪᠣᠳᠤᠯ
ᠡᠮᠳᠡᠷᠡᠭ᠍ᠰᠡᠨ ᠴᠤ ᠡᠷᠡ ᠶᠢᠨ ᠭᠡᠢ᠌ᠮᠦᠷᠢ ᠲᠡᠶ ᠰᠡᠷᠭᠦᠭᠦ
ᠡ᠊ᠨᠳᠡ ᠪᠢ ᠯᠠ ᠪᠠᠢ᠌ᠨᠠ ᠭᠡᠰᠡᠨ ᠪᠣᠳᠤᠯ᠂
ᠪᠣᠳᠤᠯ︕
ᠪᠣᠷᠤᠭᠤ ᠵᠦᠪ ᠴᠤ ᠪᠣᠯᠤᠭᠰᠠᠨ ᠪᠣᠳᠤᠯ
ᠪᠣᠶᠠᠨ ᠨᠢᠭᠦᠯ ᠪᠣᠯᠤᠭᠰᠠᠨ ᠴᠤ ᠪᠣᠳᠤᠯ
ᠪᠣᠷᠤᠬᠠᠨ ᠠᠮᠢᠳᠤᠷᠠᠯ ᠢ ᠳᠡᠮᠡᠴᠡᠭ᠍ᠰᠡᠨ ᠪᠣᠳᠤᠯ
ᠪᠣᠷᠤᠬᠠᠨ ᠰᠠᠨᠠᠭᠠ ᠶᠢ ᠳᠡᠮᠵᠢᠭ᠍ᠰᠡᠨ ᠪᠣᠳᠤᠯ ᠂
ᠪᠤᠳᠦᠯ᠂ ᠢᠯᠡᠷᠭᠡᠢ᠌ᠯᠡᠶᠡ ᠭᠡᠰᠡᠨ ᠪᠣᠳᠤᠯ
ᠢᠯᠡᠭᠦᠤ ᠦᠨᠡᠨ ᠰᠢᠤ ᠭᠡᠰᠡᠨ ᠪᠣᠳᠤᠯ
ᠶᠡᠭᠡ ᠳᠡᠭ᠍ᠷᠢ ᠶᠢᠨ ᠪᠣᠳᠤᠯ
ᠡᠨᠡ ᠪᠤᠳᠦᠯ᠂ ᠡᠷᠡᠨ ᠵᠠᠭᠤᠨ ᠤ ᠪᠣᠳᠤᠯ
ᠡᠨᠡ ᠦᠨᠡᠨ ᠳᠡᠭᠡᠨ ᠦᠨᠡᠨ ᠰᠢᠤ ᠭᠡᠰᠡᠨ ᠪᠣᠳᠤᠯ
ᠡᠷᠭᠢᠵᠤ ᠢᠷᠡᠭᠦ ᠦᠭᠡᠶ ᠣᠩᠭ᠋ᠤᠳ ᠳᠡᠭ᠍ᠷᠢ ᠶᠢᠨ ᠪᠣᠳᠤᠯ ᠡ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠭᠦᠯᠤᠨ ᠪᠣᠢ᠌ᠷ
ᠵᠤᠬᠢᠶᠠᠭᠴᠢ᠄ ᠬᠠᠷᠠᠨᠤᠳ ᠳᠦᠷᠤ ᠵᠠᠶᠠᠭᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2624
ᠴᠠᠭ᠄ 2011 ᠤᠨ ᠤ 05 ᠰᠠᠷᠠ ᠶᠢᠨ 13
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ