☆ ᠣᠷᠭᠢᠯᠤᠮᠠ
ᠴᠢᠮᠠ ᠳᠤ ᠯᠠ ᠢᠯᠡᠭᠡᠭᠦ ᠰᠡᠭᠦᠳᠡᠷ
ᠭᠡᠨᠡᠨ ᠬᠤᠩᠭ᠋ᠤᠷ ᠨᠠᠰᠤᠨ ᠤ ᠮᠢᠨᠢ
ᠭᠡᠷᠡᠯ ᠳᠤ ᠠᠭᠤᠰᠤᠭᠰᠠᠨ ᠬᠤᠷᠸᠠ
ᠭᠡᠮᠡᠷᠡᠳᠡᠯᠡ ᠳᠤᠷᠠᠰᠤᠭᠳᠠᠬᠤ ᠳᠠᠨ ᠡᠴᠡ ᠪᠠᠨ
ᠬᠠᠢ᠌ᠷᠠ ᠮᠦᠷᠦᠭᠡᠳᠦᠭ᠍ᠰᠡᠨ ᠵᠠᠭᠢᠶᠠ
ᠣᠰᠤᠨ ᠪᠣᠯᠤᠷ ᠳᠤᠯᠢᠨ ᠳᠤ ᠪᠠᠨ
ᠳᠤᠯᠢᠳᠠᠨ ᠳᠤᠯᠢᠳᠠᠨ ᠰᠡᠭᠦᠳᠡᠷᠯᠡᠯᠡ
ᠣᠶᠠᠷᠠᠭᠤᠨ ᠶᠠᠭᠠᠨ ᠵᠢᠷᠦᠭᠡᠨ ᠳᠤ ᠪᠠᠨ
ᠳᠠᠨ ᠶᠢᠡᠨ ᠰᠢᠩᠭᠡᠭᠡᠨ ᠰᠡᠭᠦᠳᠡᠷᠯᠡᠯᠡ
ᠬᠠᠭᠤᠴᠢᠨ ᠪᠣᠯᠤᠭᠰᠠᠨ ᠴᠤ
᠊ᠭ᠍ᠬᠢᠷ ᠦᠭᠡᠶ ᠴᠡᠪᠠᠷᠭᠡᠨ ᠬᠤᠪᠴᠠᠰᠤ
ᠬᠤᠯᠠ ᠪᠠᠢ᠌ᠭᠰᠠᠨ ᠴᠤ
ᠬᠤᠨᠤᠭ ᠤᠨ ᠵᠡᠭᠦᠳᠤᠨ ᠳᠤ ᠬᠤᠶᠠᠭᠤᠯᠬᠠᠨ ᠡ
ᠬᠤᠯᠠ ᠶᠢᠨ ᠦᠨᠦᠴᠢᠨ ᠭᠠᠯᠠᠭᠤ ᠶᠢ
ᠬᠠᠪᠣᠷ ᠤᠨ ᠵᠡᠷᠭᠡᠯᠭᠡᠨ ᠦᠨᠦᠰᠤᠨᠠ
ᠬᠤᠨ ᠴᠠᠭᠠᠨ ᠳᠤᠷᠠᠯᠠᠯ ᠢ ᠮᠢᠨᠢ
ᠬᠠᠢ᠌ᠷᠠ ᠶᠢᠨ ᠴᠢ ᠯᠠ ᠮᠢᠨᠢ ᠰᠢᠵᠢᠮᠯᠠᠨᠠ
ᠭᠦᠪᠦᠩ ᠴᠠᠭᠠᠨ ᠡᠭᠦᠯᠡᠰ ᠨᠢ
ᠬᠤᠩᠭ᠋ᠤᠷᠬᠠᠨ ᠰᠠᠯᠭᠢᠨ ᠳᠤ ᠢᠨᠠᠭᠰᠢᠨᠠ
ᠭᠦᠳᠡᠷ ᠪᠠᠶᠠ᠂ ᠭᠦᠭ᠍ᠵᠢᠭᠦᠨ ᠰᠡᠳᠭᠢᠯ ᠲᠡᠶ ᠪᠠᠨ
ᠭᠦᠭᠡᠷᠦᠭᠦᠨ ᠴᠢᠮᠠ ᠳᠤ ᠪᠠᠨ ᠨᠢᠰᠤᠨᠠ
ᠰᠢᠪᠠᠨᠠᠵᠤ ᠳᠠᠭᠤᠰᠤᠭᠠ ᠦᠭᠡᠶ ᠳᠠᠩᠭ᠋ᠠᠷᠢᠭ
ᠰᠢᠮᠠᠵᠤ ᠬᠠᠨᠤᠭᠠ ᠦᠭᠡᠶ ᠳᠤᠷᠠᠯᠠᠯ
ᠰᠢᠷᠭᠢᠵᠤ ᠳᠠᠳᠠᠭᠤᠷᠭᠠ ᠦᠭᠡᠶ ᠬᠠᠢ᠌ᠷᠠ
ᠴᠤᠭᠴᠠᠰ ᠪᠣᠯᠵᠤ ᠠᠮᠢᠯᠠᠭᠰᠠᠨ ᠶᠤᠮ ᠡ
ᠣᠳᠤᠨ ᠬᠤᠶᠠᠷ ᠨᠢᠳᠤ ᠮᠢᠨᠢ
ᠣᠷᠤᠭᠤᠯ ᠢ ᠴᠢᠨᠢ ᠰᠢᠮᠠᠨ ᠵᠢᠷᠭᠠᠨᠠ
ᠣᠭᠢᠶᠠᠭᠰᠠᠨ ᠴᠡᠪᠠᠷᠭᠡᠨ ᠬᠠᠴᠠᠷ ᠮᠢᠨᠢ
ᠦᠨᠦᠰᠤᠯᠳᠠ ᠶᠢ ᠴᠢᠨᠢ ᠰᠢᠩᠭᠡᠭᠡᠨ ᠣᠯᠠᠪᠠᠯᠵᠠᠨᠠ
ᠬᠤᠨᠤᠭ ᠤᠨ ᠵᠢᠭᠠᠬᠠᠨ ᠣᠷᠴᠢᠯᠠᠩ ᠤᠨ ᠶᠢᠡᠨ
ᠬᠠᠮᠢᠭᠠ ᠨᠢ ᠳᠠᠷᠬᠠᠯᠳᠠᠭ ᠪᠣᠯ ︖ ᠨᠠᠳᠠᠳᠤ ᠪᠠᠨ
ᠬᠠᠮᠤᠭ ᠭᠦᠮᠤᠨ ᠊ᠭ᠍ᠬᠢᠷᠳᠦᠭᠡᠴᠢᠭᠡᠭᠦ ᠪᠣᠢ ᠭᠡᠵᠤ
ᠬᠠᠪᠢᠰᠤᠨ ᠳᠤ ᠭᠢᠭᠡᠳ ᠬᠠᠷᠠᠮᠨᠠᠬᠤ ᠪᠢᠵᠠ ︕
ᠬᠠᠷᠠᠩᠭ᠋ᠤᠢ ᠰᠦᠨᠢ ᠨᠣᠢ᠌ᠷᠰᠤᠬᠤ ᠳᠤ ᠴᠢᠨᠢ
ᠬᠠᠯᠠᠭᠤᠨ ᠳᠠᠷᠠ ᠶᠢᠨ ᠴᠢᠨᠢ ᠰᠢᠪᠠᠨᠡᠭᠡ ᠪᠣᠯᠤᠭ
ᠬᠤᠪᠢᠳᠠᠵᠤ ᠭᠢᠭᠦ ᠠᠵᠢᠯ ᠤᠨ ᠴᠢᠨᠢ
ᠬᠤᠯᠠᠳᠠᠰᠢ ᠦᠭᠡᠶ ᠵᠥᠪᠳᠡᠭ᠍ᠴᠢ ᠪᠣᠯᠤᠭ
ᠦᠷᠦᠭᠡᠯ ᠤᠨ ᠭᠠᠵᠠᠷ ᠭᠠᠭᠴᠠᠭᠠᠷᠳᠠᠬᠤ ᠨᠢ ᠵᠤᠪᠠᠯᠠᠩ ᠴᠤ
ᠦᠪᠡᠷ ᠤᠨ ᠭᠦᠮᠤᠨ ᠳᠤ ᠪᠠᠨ ᠳᠤᠷᠠᠰᠤᠭᠳᠠᠬᠤ ᠭᠡᠭ᠍ᠴᠢ ᠵᠢᠷᠭᠠᠯ
ᠦᠷᠦᠭᠡᠯ ᠣᠷᠤᠨ ᠤ ᠳᠡᠷᠭᠡᠯ ᠰᠠᠷᠠᠨ ᠡᠴᠡ
ᠦᠪᠡᠷ ᠤᠨ ᠨᠤᠳᠤᠭ ᠤᠨ ᠬᠠᠪᠢᠷᠠᠭᠠᠨ ᠰᠠᠷᠠ ᠳᠦᠭᠦᠷᠢᠭ᠌ ᠡ
ᠭᠡᠨᠡᠨ ᠬᠤᠩᠭ᠋ᠤᠷ ᠨᠠᠰᠤᠨ ᠤ ᠮᠢᠨᠢ
ᠭᠡᠷᠡᠯ ᠳᠤ ᠠᠭᠤᠰᠤᠭᠰᠠᠨ ᠬᠤᠷᠸᠠ
ᠭᠡᠮᠡᠷᠡᠳᠡᠯᠡ ᠳᠤᠷᠠᠰᠤᠭᠳᠠᠬᠤ ᠳᠠᠨ ᠡᠴᠡ ᠪᠠᠨ
ᠬᠠᠢ᠌ᠷᠠ ᠮᠦᠷᠦᠭᠡᠳᠦᠭ᠍ᠰᠡᠨ ᠵᠠᠭᠢᠶᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠲᠦᠰᠢᠶᠠᠳᠤ
ᠵᠤᠬᠢᠶᠠᠭᠴᠢ᠄ ᠣᠷᠭᠢᠯᠤᠮᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2643
ᠴᠠᠭ᠄ 2010 ᠤᠨ ᠤ 07 ᠰᠠᠷᠠ ᠶᠢᠨ 31
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ