☆ ᠭᠤᠨᠢᠨᠤᠳ·ᠨᠠ᠊·ᠰᠥᠭᠡᠪᠠᠭᠠᠳᠤᠷ
ᠵᠢᠷᠦᠭᠡ ᠰᠢᠷᠬᠠᠯᠠᠨᠠ
ᠵᠢᠷᠦᠭᠡᠨ ᠳᠤᠯᠳᠤ
ᠣᠨᠠᠬᠤ ᠨᠠᠪᠴᠢᠰ ᠤᠨ ᠳᠡᠯᠪᠠᠭᠡᠨ ᠳᠤ ᠡᠰᠭᠡᠭ᠍ᠳᠡᠵᠤ
ᠡᠳᠡᠭᠡᠭᠦ ᠦᠭᠡᠶ ᠰᠢᠷᠬᠠᠯᠠᠨᠠ
ᠵᠢᠭᠦᠷ ᠳᠠᠪᠢᠵᠤ ᠪᠣᠴᠠᠬᠤ ᠰᠢᠪᠠᠭᠤᠳ
ᠣᠷᠤᠭᠤᠯ ᠤᠨ ᠭᠡ ᠶᠢ ᠨᠡᠭᠦᠳᠡᠯ ᠶᠢᠡᠷ ᠶᠢᠡᠨ ᠪᠠᠯᠠᠯᠵᠤ
ᠠᠨᠢᠷ ᠦᠭᠡᠶ ᠬᠤᠯᠠᠳᠠᠨᠠ᠃
ᠴᠢᠮᠠ ᠶᠢ ᠰᠠᠨᠠᠭᠰᠠᠨ ᠡᠳᠦᠷ ᠤᠳ
ᠬᠠᠢ᠌ᠷᠠ ᠶᠢ ᠮᠢᠨᠢ ᠠᠪᠴᠤ
ᠠᠭᠤᠯᠠ ᠳᠠᠪᠠᠨ ᠣᠳᠤᠭᠠᠤᠨ ᠠᠯᠠᠭᠠ᠂
ᠳᠦᠭᠡᠷᠢᠴᠢᠭᠡᠭ᠍ᠰᠡᠨ ᠪᠣᠯ ᠦᠦ
ᠳᠠᠷᠠ ᠮᠢᠨᠢ ᠢᠷᠡᠳᠡᠭ᠌ ᠦᠭᠡᠶ ᠨᠢ᠃
ᠴᠢᠮᠠ ᠳᠤ ᠪᠢᠴᠢᠭ᠍ᠰᠡᠨ ᠰᠢᠯᠦᠭ᠌ ᠤᠳ
ᠦᠪᠡᠷ ᠢ ᠮᠢᠨᠢ ᠡᠪᠦᠷᠳᠦᠯᠡᠵᠤ
ᠡᠭᠦᠯᠡ ᠭᠦᠯᠭᠡᠯᠡᠨ ᠨᠢᠰᠦᠭᠡᠳ ᠠᠯᠠᠭᠠ᠂
ᠪᠠᠭᠡᠷᠡᠴᠢᠭᠡᠭ᠍ᠰᠡᠨ ᠪᠣᠯ ᠤᠤ
ᠪᠠᠶᠠ ᠮᠢᠨᠢ ᠳᠤᠯᠠᠭᠠᠴᠠᠳᠠᠭ ᠦᠭᠡᠶ ᠨᠢ᠃
ᠰᠡᠳᠭᠢᠯ ᠤᠨ ᠥᠭᠡ
ᠳᠡᠷᠡᠯᠡᠭᠦ ᠭᠢᠷᠠᠭᠤᠨ ᠤ ᠠᠮᠢᠰᠬᠤᠭᠠᠨ ᠳᠤ ᠵᠢᠩᠳᠠᠵᠤ
ᠳᠠᠰ ᠳᠠᠰ ᠭᠦᠯᠳᠡᠨᠡ᠂
ᠪᠣᠷᠬᠠᠨ ᠤ ᠪᠠᠨ ᠡᠮᠤᠨᠡ ᠰᠥᠭᠦᠳᠴᠤ
ᠴᠢᠮᠠ ᠲᠡᠶ ᠪᠠᠨ ᠣᠴᠠᠷᠠᠶᠠ ᠭᠡᠵᠤ ᠪᠢ ᠭᠤᠶᠤᠬᠤ ᠳ᠋ᠤ
ᠪᠣᠴᠠᠵᠤ ᠠᠮᠵᠢᠭᠠ ᠦᠭᠡᠶ ᠡᠴᠦᠰ ᠤᠨ ᠭᠠᠭᠴᠠ ᠰᠢᠪᠠᠭᠤ
ᠣᠴᠠᠷᠠᠯ ᠤᠨ ᠭᠡᠭᠡ ᠶᠢ ᠵᠡᠭᠦᠳᠤ ᠪᠠᠷ ᠶᠢᠡᠨ ᠰᠠᠢ᠌ᠯᠵᠤ
ᠠᠮᠢᠰᠬᠤᠭᠠ ᠳᠠᠰᠤᠷᠠᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠤᠧᠨ ᠬᠤᠰᠢᠭᠤ ᠶᠢᠨ ᠡᠩᠭᠡᠷ ᠳᠤ
2009-08 ᠰᠠᠷᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠯᠢᠶᠤᠤᠨᠢᠩ ᠶᠡᠭᠡ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠭᠤᠨᠢᠨᠤᠳ·ᠨᠠ᠊·ᠰᠥᠭᠡᠪᠠᠭᠠᠳᠤᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2631
ᠴᠠᠭ᠄ 2009 ᠤᠨ ᠤ 12 ᠰᠠᠷᠠ ᠶᠢᠨ 06
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ