ᠨᠢᠭᠡ᠂ ᠠᠭᠤᠯᠠ ᠶᠢᠨ ᠨᠠᠷᠠ ᠲᠡᠶ ᠵᠢᠷᠦᠭᠡ ᠯᠠ ᠠᠷᠢᠭᠤᠰᠠᠨ᠎ᠠ

ᠮᠦᠷᠤ ᠰᠢᠯᠭᠡᠭᠡᠨ ᠪᠣᠰᠤᠭᠰᠠᠨ ᠠᠭᠤᠯᠠ

ᠦᠩ ᠳᠠᠷᠭᠤ ᠪᠠᠷ ᠨᠠᠷᠠᠨ ᠳᠤ ᠰᠤᠷᠯᠠᠪᠠᠴᠤ

ᠮᠦᠷ ᠴᠢᠯᠡᠭᠡᠨ ᠪᠣᠴᠠᠬᠤ ᠨᠠᠮᠤᠷ ᠤᠨ

ᠰᠢᠪᠠᠭᠤ ᠦᠭᠡᠶ ᠮᠤᠳᠤ ᠨᠢ ᠲᠦᠩᠰᠦᠨ᠎ᠠ

ᠣᠢ ᠶᠢᠨ ᠨᠢᠯᠪᠣᠰᠤ ᠨᠢᠭᠡ ᠬᠤᠶᠠᠷ

ᠠᠭᠤᠯᠠ ᠶᠢᠨ ᠰᠡᠳᠭᠢᠯ ᠳᠤᠰᠤᠯᠠᠵᠤ ᠣᠨᠠᠨ᠎ᠠ

ᠭᠠᠯ ᠳᠦᠷᠡᠯᠵᠡᠮ᠎ᠠ ᠵᠤᠯᠠ ᠨᠠᠪᠴᠢᠰ

ᠭᠠᠵᠠᠷ ᠬᠤᠳᠤᠯᠵᠠᠮ᠎ᠠ ᠣᠯᠠ ᠴᠢᠰᠤᠳᠠᠬᠤ ᠳᠤ

ᠴᠠᠪᠴᠢᠵᠤ ᠬᠠᠶᠠᠭᠰᠠᠨ ᠰᠠᠯᠭᠢ ᠶᠢᠨ ᠠᠷᠤ ᠡᠴᠡ

ᠴᠠᠷᠪᠠᠵᠤ ᠢᠷᠡᠭᠡᠳ ᠴᠠᠰᠤ ᠳᠠᠷᠤᠨ᠎ᠠ

ᠨᠠᠮᠠᠭᠠᠨ ᠤ ᠥᠵᠦᠭᠦᠷ ᠮᠡᠳᠡᠩᠭᠡᠨ ᠴᠠᠴᠠᠷᠭᠢᠨᠠᠨ

ᠨᠠᠷᠠᠨ ᠤ ᠳᠤᠤᠷ᠎ᠠ ᠠᠭᠤᠯᠠ ᠪᠠᠯᠪᠠᠰᠤᠷᠠᠨ᠎ᠠ

ᠨᠠᠮ ᠵᠢᠮ ᠢ ᠨᠠᠢ᠌ᠭᠤᠯᠤᠮ᠎ᠠ ᠦᠭᠡᠶ

ᠨᠠᠷᠢᠬᠠᠨ ᠣᠳᠤᠭ᠎ᠠ ᠰᠡᠮᠭᠡᠨ ᠰᠤᠪᠣᠷᠠᠨ

ᠣᠢ᠌ᠳᠤᠯ ᠴᠡᠯᠮᠡᠭᠡᠷ ᠡᠴᠡ ᠣᠬᠠᠭ᠎ᠠ ᠳᠠᠭᠤᠳᠠᠬᠤ ᠰᠢᠭ

ᠣᠷᠭᠢᠯ ᠴᠡᠩᠭᠡᠷᠯᠡᠭᠦᠯᠤᠨ ᠣᠶᠠᠰᠴᠤ ᠶᠠᠪᠣᠨ᠎ᠠ

ᠣᠢ ᠶᠢᠨ ᠰᠠᠷᠠ ᠲᠡᠶ ᠰᠡᠢ᠌ᠷᠡᠭ᠌ ᠭᠡᠩᠰᠢᠯ ᠳ᠋ᠤᠨᠢ

ᠠᠭᠤᠯᠠ ᠶᠢᠨ ᠨᠠᠷᠠ ᠲᠡᠶ ᠵᠢᠷᠦᠭᠡ ᠯᠠ ᠠᠷᠢᠭᠤᠰᠠᠨ᠎ᠠ

ᠬᠤᠶᠠᠷ᠂ ᠳᠠᠷᠠᠭᠠᠴᠢ ᠶᠢᠨ ᠨᠠᠷᠠᠨ ᠤ ᠶᠠᠭᠠᠷᠠᠬᠤ ᠬᠠᠷᠠᠭᠳᠠᠨ᠎ᠠ

ᠢᠷᠡᠭᠦ ᠶᠢᠨ ᠪᠠᠶᠠᠨ ᠠᠭᠠᠷᠠᠤ ᠬᠠᠯᠭᠢᠭᠤᠯᠤᠨ

ᠶᠠᠪᠣᠬᠤ ᠶᠢᠨ ᠦᠨᠦᠴᠢᠨ ᠳᠤᠭᠤᠷᠤᠤ ᠭᠢᠩᠰᠢᠭᠦᠯᠤᠨ

ᠣᠨ ᠳᠡᠪᠭᠡᠷᠡᠭ᠌ ᠳᠣᠢ᠌ᠯᠭᠠᠨ ᠳᠤᠮᠳᠠᠭᠤᠷ

ᠣᠢ᠌ᠳᠤᠯ ᠪᠣᠢ᠌ᠯᠠᠮ᠎ᠠ ᠬᠠᠢ᠌ᠯᠭᠠᠨ ᠣᠷᠤᠰᠬᠠᠬᠤ ᠳᠤ

ᠳᠠᠭᠤᠨ ᠠᠯᠳᠠᠮ᠎ᠠ ᠦᠷᠡᠰ ᠪᠣᠳᠠᠷᠠᠭᠠᠤᠨ

ᠳᠠᠭᠤᠤ ᠴᠢᠪᠪᠣᠮ᠎ᠠ ᠰᠡᠭᠦᠷᠡᠰᠤ ᠲᠡᠶ ᠣᠨᠠᠨ᠎ᠠ

ᠨᠠᠷᠠᠨ ᠢ ᠴᠠᠯᠪᠠᠢ᠌ᠮ᠎ᠠ ᠮᠥᠮᠥᠨ ᠦᠰᠴᠦ

ᠨᠠᠮᠤᠷ ᠶᠢᠡᠨ ᠴᠢᠯᠳᠠᠢ᠌ᠮ᠎ᠠ ᠡᠮᠭᠡᠨᠢᠨ ᠥᠪᠯᠡᠭ᠍ᠰᠡᠨ

ᠪᠦᠷᠢᠨ ᠳᠡᠷᠭᠡᠯ ᠬᠠᠢ᠌ᠷ᠎ᠠ ᠴᠠᠯᠭᠢᠵᠤ

ᠪᠦᠳᠤᠨ ᠡᠯᠢᠭᠡ ᠲᠡᠶ ᠬᠤᠷᠸ᠎ᠠ ᠳᠠᠭᠤᠳᠠᠬᠤ ᠳᠤ

ᠪᠣᠷᠤ ᠨᠤᠳᠤᠭ ᠤᠨ ᠭᠦᠷᠦᠰᠤ ᠵᠥᠭᠡᠯᠡᠷᠡᠭᠡᠳ

ᠪᠣᠴᠠᠬᠤ ᠭᠠᠯᠠᠭᠤᠳ ᠤᠨ ᠳᠡᠭᠡᠰᠤ ᠰᠤᠯᠠᠷᠠᠨ᠎ᠠ

ᠬᠠᠪᠣᠷ ᠶᠢᠡᠨ ᠮᠠᠨᠠᠭᠰᠠᠨ ᠬᠤᠷᠢᠳᠤᠭᠠᠷ ᠪᠠᠭᠤᠴᠠᠨ ᠤ

ᠬᠠᠯᠳᠠᠷ ᠴᠠᠷᠴᠠᠭᠤ ᠭᠦᠷᠦᠰᠤᠨ ᠳᠤᠳᠤᠷ᠎ᠠ

ᠬᠤᠯᠪᠣᠭ᠎ᠠ ᠵᠢᠮᠢᠰ ᠲᠡᠶ ᠰᠢᠭᠤᠢ ᠵᠢᠷᠭᠢᠭᠦᠯᠤᠨ

ᠬᠤᠷᠸ᠎ᠠ ᠴᠠᠭᠠᠨ᠎ᠠ ᠪᠠᠨ ᠨᠢᠭᠡ ᠶᠢ ᠵᠡᠭᠦᠳᠦᠯᠡᠭᠦ ᠳᠤ

ᠳᠠᠢ᠌ᠨ ᠤ ᠣᠳᠤᠭᠠᠨ ᠳᠤ ᠭᠡᠵᠢᠶᠡᠳᠡ ᠊ᠭ᠍‍ᠬᠢᠷᠳᠦᠭᠦ ᠦᠭᠡᠶ

ᠳᠠᠷᠠᠭᠠᠴᠢ ᠶᠢᠨ ᠨᠠᠷᠠᠨ ᠤ ᠶᠠᠭᠠᠷᠠᠬᠤ ᠬᠠᠷᠠᠭᠳᠠᠨ᠎ᠠ