☆ ᠳᠠᠩᠨᠤᠳ ᠬᠠᠢ᠌ᠬᠤ
ᠨᠤᠨ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ《ᠬᠤᠪᠣᠩ》 ᠭᠠᠯ ᠤᠨ ᠰᠤᠶᠤᠯ
【ᠠᠭᠤᠯᠭᠠ ᠶᠢᠨ ᠳᠤᠪᠴᠢ 】ᠲ᠋ᠤᠰ ᠥᠭᠦᠯᠡᠯ ᠳᠤ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠬᠤᠪᠣᠩ ᠤᠨ ᠭᠠᠯ ᠰᠤᠶᠤᠯ ᠨᠢ ᠣᠵᠠᠭᠤᠷ ᠳᠡᠦᠭᠡ ᠶᠢᠨ ᠣᠯᠠ ᠮᠦᠷ ᠲᠡᠶ᠂ ᠦᠨᠢ ᠣᠳᠠᠭᠠᠨ ᠭᠦᠭ᠍ᠵᠢᠯᠳᠡ ᠶᠢᠨ ᠶᠠᠪᠣᠴᠠ ᠲᠡᠶ᠂ ᠰᠠᠢ᠌ᠨ ᠰᠠᠢ᠌ᠬᠠᠨ ᠭᠦᠰᠡᠯ ᠮᠦᠷᠦᠭᠡᠳᠦᠯ ᠲᠡᠶ᠂ ᠣᠷᠤᠨ ᠨᠤᠳᠤᠭ ᠤᠨ ᠦᠪᠡᠷᠮᠢᠴᠠ ᠣᠠᠴᠠᠯᠢᠭ ᠲᠡᠶ᠂ ᠪᠣᠯᠪᠠᠰᠤᠨ ᠰᠤᠶᠤᠯ ᠤᠨ ᠭᠢᠨ ᠤ ᠢᠯᠡᠷᠡᠭᠦᠨ ᠮᠦᠨ ᠭᠡᠵᠤ ᠦᠵᠡᠪᠠ᠃
【ᠵᠠᠩᠭᠢᠯᠠᠭᠠ ᠶᠢᠨ ᠥᠭᠡᠰ 】ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ᠂ ᠬᠤᠪᠣᠩ ᠤᠨ ᠭᠠᠯ᠂ ᠳᠡᠦᠭᠡᠨ ᠣᠯᠪᠠᠭᠠ
ᠬᠠᠪᠣᠳᠤ ᠬᠠᠰᠠᠷ ᠤᠨ ᠬᠣᠢ᠌ᠴᠢᠰ ᠪᠣᠯᠤᠭᠰᠠᠨ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ᠂ ᠠᠯᠢ ᠡᠷᠳᠡᠨ ᠡᠴᠡ ᠬᠠᠷᠢ ᠦᠨᠳᠦᠰᠦᠳᠠᠨ ᠲᠡᠶ ᠭᠢᠯᠢ ᠵᠠᠯᠭᠠᠯᠳᠤᠬᠤ ᠪᠣᠶᠤ ᠬᠤᠯᠢᠯᠳᠤᠨ ᠰᠠᠭᠤᠭᠰᠠᠨ ᠡᠴᠡ ᠳᠠᠷᠢᠶᠠᠯᠠᠬᠤ ᠰᠤᠶᠤᠯ ᠤᠨ ᠨᠥᠯᠦᠭᠡ ᠶᠢ ᠭᠦᠷᠳᠡᠨ᠂ ᠵᠠᠷᠢᠮ ᠠᠵᠤ ᠠᠬᠤᠢ ᠭᠢᠭᠡᠳ ᠠᠮᠢᠳᠤᠷᠠᠯ ᠤᠨ ᠵᠠᠩ ᠲ᠋ᠠᠳᠬᠠᠯ ᠤᠨ ᠳᠠᠯᠠ ᠪᠠᠷ ᠪᠠᠭᠠ ᠪᠣᠰᠤ ᠶᠢᠨ ᠬᠤᠪᠢᠷᠠᠯᠳᠠ ᠭᠠᠷᠤᠭᠰᠠᠨ ᠪᠠᠢ᠌ᠨᠠ᠃ ᠭᠡᠳᠡᠯᠡ 《ᠭᠠᠯ ᠶᠢᠡᠨ ᠰᠢᠳᠤᠨ᠂ ᠭᠠᠯ ᠶᠢᠡᠨ ᠳᠠᠭᠢᠵᠤ》᠂ 《ᠳᠤᠯᠭᠠ ᠶᠢᠨ ᠭᠤᠷᠪᠠᠨ ᠴᠢᠯᠠᠭᠤ ᠪᠠᠷ ᠭᠠᠯ ᠭᠤᠯᠤᠮᠳᠠ ᠪᠠᠨ ᠪᠣᠰᠬᠠᠵᠤ᠂ ᠠᠢ᠌ᠯ ᠡᠷᠦᠭᠡ ᠶᠢᠨ ᠶᠢᠡᠨ ᠰᠦᠷ ᠰᠦᠯᠳᠡ ᠪᠣᠯᠭᠠᠨ ᠥᠵᠡᠳᠡᠭ᠌》 ᠤᠵᠤᠭᠤᠷ ᠮᠤᠩᠭ᠋ᠤᠯᠴᠤᠳ ᠤᠨ ᠰᠢᠯᠢᠳᠡᠭ᠌ ᠣᠳᠤᠮᠰᠢᠯ ᠣᠬᠠᠮᠰᠠᠷᠳᠤ ᠵᠠᠩ ᠵᠠᠩᠰᠢᠯ ᠶᠢᠡᠨ ᠶᠠᠷᠤᠨᠢ ᠭᠡᠭᠡᠵᠤ ᠣᠷᠭᠢᠭᠳᠠᠭᠤᠯᠤᠯ ᠦᠭᠡᠶ ᠦᠶᠡ ᠣᠯᠠᠷᠢᠨ ᠣᠯᠠᠮᠵᠢᠯᠠᠨ ᠬᠠᠳᠠᠭᠠᠯᠠᠭᠰᠠᠭᠠᠷ ᠢᠷᠠᠵᠠᠢ᠃ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠲᠤ ᠯᠠ ᠪᠠᠢ᠌ᠭᠠ 《ᠬᠤᠪᠣᠩ》 ᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠠᠯ ᠭᠤᠯᠤᠮᠳᠠ ᠶᠢᠨ ᠦᠵᠡᠯᠳᠠ ᠮᠠᠰᠢ ᠳᠤᠳᠤᠷᠬᠠᠢ᠃ ᠭᠤᠯᠤᠮᠳᠠ ᠭᠡᠭᠦ ᠥᠭᠡ ᠨᠢ ᠡᠷᠳᠡᠨ ᠳᠤ ᠪᠠᠨ ᠭᠠᠯ ᠮᠠᠨᠠᠬᠤ ᠣᠷᠤ ᠶᠢ ᠵᠢᠭᠠᠵᠤ ᠪᠠᠢ᠌ᠪᠠ᠃ ᠳᠠᠷᠠ ᠣᠷᠤ ᠨᠢ ᠮᠤᠩᠭ᠋ᠤᠯ ᠭᠡᠷ ᠤᠨ ᠳᠤᠯᠭᠠ ᠶᠢᠨ ᠡᠮᠦᠨᠡ ᠭᠤᠷᠪᠠᠨ ᠨᠢᠳᠤᠷᠭᠠ ᠣᠷᠳᠤ᠂ ᠬᠤᠶᠠᠷ ᠨᠢᠳᠤᠷᠭᠠ ᠬᠠᠭᠠᠰ ᠦᠷᠭᠡᠨ᠂ ᠳᠠᠤᠯᠠᠢ ᠶᠢᠨ ᠭᠡᠪᠳᠡᠰᠢ ᠭᠢᠷᠢ ᠭᠦᠨ ᠬᠤᠩᠬᠤᠷ ᠭᠠᠵᠠᠷ ᠪᠠᠢ᠌ᠪᠠ᠃ ᠪᠠᠢ᠌ᠰᠢᠩ ᠭᠡᠷ ᠲᠤ ᠰᠠᠭᠤᠬᠤ ᠪᠣᠯᠤᠭᠰᠠᠨ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠭᠤᠯᠤᠮᠳᠠ ᠶᠢ ᠣᠷᠤᠯᠠᠭᠰᠠᠨ ᠨᠢ ᠬᠤᠪᠣᠩ ᠪᠣᠯᠤᠨᠠ᠃ ᠭᠡᠷ ᠤᠨ ᠡᠵᠡᠨ ᠡᠴᠡ ᠭᠠᠯ ᠤᠨ ᠪᠣᠷᠬᠠᠨ ᠶᠢᠡᠨ ᠣᠠᠴᠠᠯᠠᠨ ᠰᠢᠳᠤᠵᠤ ᠠᠰᠳᠠᠭᠠᠨ 《ᠭᠠᠯ ᠤᠨ ᠣᠷᠤ》 ᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊《ᠬᠤᠪᠣᠩ》 (火盆 ᠭᠡᠰᠡᠨ ᠭᠢᠳᠠᠤᠨ ᠥᠭᠡ ᠡᠴᠡ ᠢᠷᠡᠭ᠍ᠰᠡᠨ ᠪᠣᠯᠤᠯᠳᠠᠢ) ᠭᠡᠵᠤ ᠳᠦᠭᠦᠭᠡᠢ ᠳᠠᠮᠤᠷ ᠶᠢᠡᠷ ᠭᠢᠭ᠍ᠰᠡᠨ ᠳᠤᠰᠬᠠᠢ ᠭᠠᠯ ᠤᠨ ᠳᠤᠭᠤᠭᠠ ᠪᠠᠯᠠᠳᠴᠤ ᠡᠳᠦᠷ ᠰᠦᠨᠢ ᠦᠭᠡᠶ᠂ ᠡᠪᠦᠯ ᠵᠤᠨ ᠭᠡᠵᠤ ᠢᠯᠭᠠᠯ ᠦᠭᠡᠶ᠂ ᠦᠨᠢ ᠡᠭᠦᠷᠢᠳᠡ᠂ ᠦᠶᠡ ᠶᠢᠨ ᠦᠶᠡ ᠳᠤ ᠪᠠᠨ ᠣᠠᠳᠠᠷᠠᠰᠢ ᠦᠭᠡᠶ ᠭᠠᠯ ᠤᠨ ᠭᠦᠷᠦᠩᠭᠡ ᠪᠠᠨ ᠬᠠᠳᠠᠭᠠᠯᠠᠵᠤ ᠮᠠᠰᠢ ᠭᠦᠡᠳᠦᠳᠭᠡᠨ ᠡᠷᠭᠢᠯᠡᠨ ᠶᠠᠪᠣᠨᠠ᠃ ᠭᠡᠷᠪᠡ ᠭᠡᠷ ᠤᠨ ᠡᠵᠡᠨ ᠤ ᠳᠡᠭᠦᠤ ᠪᠠᠷᠢ ᠪᠣᠶᠤ ᠭᠦᠤ ᠪᠠᠷᠢ ᠨᠢ ᠠᠰᠳᠠᠭᠠᠨ ᠠᠢ᠌ᠯ ᠡᠷᠦᠭᠡ ᠪᠣᠯᠵᠤ ᠰᠠᠯᠵᠤ ᠭᠠᠷᠬᠤ ᠳᠤ ᠭᠦᠷᠪᠠᠯ᠂ ᠶᠡᠭᠡ ᠭᠡᠷ ᠤᠨ ᠶᠢᠡᠨ ᠬᠤᠪᠣᠩ ᠲᠡᠶ ᠭᠠᠯ ᠡᠴᠡ ᠭᠦᠷᠦᠩᠭᠡ ᠠᠪᠴᠤ ᠰᠢᠨᠠ ᠭᠡᠷ ᠤᠨ ᠶᠢᠡᠨ ᠭᠠᠯ ᠢ ᠭᠦᠭ᠍ᠵᠢᠭᠡᠵᠤ ᠭᠠᠯ ᠭᠤᠯᠤᠮᠳᠠ ᠵᠠᠯᠭᠠᠮᠵᠢᠯᠠᠭᠰᠠᠨ ᠶᠢᠡᠨ ᠢᠯᠡᠷᠡᠭᠦᠯᠳᠡᠭ᠌᠃ ᠡᠭᠦᠨ ᠳᠤ ᠠᠢ᠌ᠯ ᠠᠢ᠌ᠮᠠᠭ ᠤᠨ ᠠᠬᠠ ᠳᠡᠭᠦᠤ᠂ ᠳᠦᠷᠤᠯ ᠰᠠᠳᠤᠨ ᠨᠢ 《ᠭᠠᠯ ᠲᠡᠶ ᠪᠤᠯᠭᠠᠨᠠ》 ᠭᠡᠵᠤ ᠰᠢᠨᠠ ᠳᠤᠭᠤᠭᠠ ᠰᠢᠨᠠᠭᠠ᠂ ᠠᠶᠠᠭᠠ ᠰᠠᠪᠬᠠ ᠵᠡᠷᠭᠡ ᠪᠠᠷ ᠪᠠᠯᠡᠭ᠌ ᠪᠣᠯᠭᠠᠨ ᠭᠦᠷᠭᠡᠵᠤ ᠭᠠᠯ ᠭᠤᠯᠤᠮᠳᠠ ᠶᠢ ᠨᠢ ᠭᠦᠭ᠍ᠵᠢᠭᠡᠨ᠂ ᠭᠡᠢ᠌ᠮᠦᠷᠢ ᠶᠢ ᠨᠢ ᠪᠣᠰᠬᠠᠵᠤ ᠪᠠᠢ᠌ᠨᠠ ᠭᠡᠵᠤ ᠴᠤᠭᠯᠠᠷᠠᠨ ᠢᠷᠡᠭᠦ ᠳᠤ ᠰᠢᠨᠠ ᠭᠡᠷ ᠤᠨ ᠡᠵᠡᠨ ᠨᠢ ᠰᠢᠷᠡᠭᠡ ᠪᠣᠳᠠᠭᠠ ᠪᠡᠯᠡᠳᠭᠡᠨ ᠶᠡᠭᠡᠯᠡ ᠭᠦᠡᠳᠦᠳᠭᠡᠨ ᠵᠤᠴᠢᠯᠠᠵᠤ ᠳᠠᠯᠠᠷᠬᠠᠯ ᠤᠨ ᠰᠡᠳᠬᠢᠯᠭᠡ ᠪᠠᠨ ᠢᠯᠡᠳᠭᠡᠳᠡᠭ᠌᠃
ᠨᠢᠭᠡ᠂ ᠭᠠᠯ ᠢ ᠰᠢᠳᠦᠭᠦ ᠶᠢᠨ ᠣᠴᠢᠷ
ᠭᠠᠯ ᠢ ᠰᠢᠳᠦᠭᠦ ᠪᠣᠯ ᠮᠤᠩᠭ᠋ᠤᠯᠴᠤᠳ ᠤᠨ ᠪᠠᠯᠠᠷᠯᠢᠭ ᠦᠶᠡ ᠳᠤ ᠪᠣᠢ ᠪᠣᠯᠤᠭᠰᠠᠨ ᠣᠵᠠᠭᠤᠷ ᠰᠤᠶᠤᠯ ᠮᠦᠨ᠃ ᠭᠠᠯ ᠤᠨ ᠰᠤᠳᠤᠷ ᠲᠤ 《ᠤᠳᠬᠠᠨ ᠭᠠᠯᠢᠬᠠᠨ ᠡᠭᠡ》 ᠭᠡᠵᠤ ᠭᠠᠷᠳᠠᠭ ᠨᠢ ᠪᠠᠯᠠᠷ ᠡᠷᠳᠡᠨ ᠤ ᠡᠭᠡᠴᠢᠯᠡᠯ ᠤᠨ ᠣᠪᠣᠭ ᠳᠦᠷᠤᠯ ᠤᠨ ᠨᠡᠢ᠌ᠭᠡᠮ ᠤᠨ ᠦᠶᠡ ᠶᠢᠨ ᠣᠢ᠌ᠯᠠᠭᠠᠭᠳᠠᠬᠤᠨ ᠤ ᠣᠯᠠᠮᠵᠢᠯᠠᠯ ᠪᠣᠯᠬᠤ ᠶᠤᠮ᠃ ᠭᠠᠯ ᠤᠨ ᠪᠠᠯᠭᠡᠳᠤ ᠰᠢᠠᠵᠢ ᠨᠢ ᠭᠦᠭ᠍ᠵᠢᠯ ᠪᠠᠳᠠᠷᠠᠯ᠂ ᠠᠷᠢᠭᠤᠳᠬᠠᠯ ᠰᠢᠨᠡᠳᠭᠡᠯ᠂ ᠦᠷᠠᠵᠢᠯ ᠲᠦᠯᠵᠢᠯ ᠴᠢᠨᠠᠷ ᠳᠡᠭᠡᠷᠡ ᠢᠯᠠᠷᠠᠯ ᠶᠢᠡᠨ ᠣᠯᠵᠠᠢ᠃
《ᠤᠳ᠋》 ᠭᠡᠰᠡᠨ ᠥᠭᠡ ᠶᠢ ᠳᠦᠷᠺ ᠭᠠᠷᠤᠯ ᠲᠡᠶ ᠭᠠᠯ ᠭᠡᠰᠡᠨ ᠥᠭᠡ ᠭᠡᠵᠤ ᠡᠷᠳᠡᠮᠳᠡᠨ ᠮᠡᠷᠭᠡᠳ ᠳᠠᠢ᠌ᠯᠪᠣᠷᠢᠯᠠᠵᠠᠢ᠃ 《ᠣᠳ᠋ ᠪᠠ ᠭᠠᠯ》 ᠭᠡᠰᠡᠨ ᠥᠭᠡ ᠶᠢᠨ ᠳᠤᠤᠷᠠ 《ᠬᠠᠨ》 ᠳᠠᠭᠠᠪᠣᠷᠢ ᠵᠠᠯᠭᠠᠵᠤ 《ᠤᠳᠬᠠᠨ ᠭᠠᠯᠡᠢ᠌ᠬᠠᠨ》 ᠭᠡᠭᠦ ᠥᠭᠡ ᠪᠦᠳᠦᠭᠡᠵᠤ᠂ ᠭᠠᠯ ᠢ ᠡᠮᠡ ᠭᠦᠢᠰᠦᠳᠡᠨ ᠪᠣᠶᠤ ᠡᠭᠡ ᠶᠢᠨ ᠪᠦᠷᠢᠯᠸᠡ ᠪᠣᠯᠭᠠᠭᠠᠤᠨ ᠠᠮᠢ ᠨᠠᠰᠤ ᠣᠯᠭᠤᠬᠤ᠂ ᠳᠦᠷᠦᠭᠦ ᠡᠰᠡᠨᠢᠭᠦ ᠶᠢ ᠦᠢᠯᠡᠳᠬᠦ ᠶᠢᠨ ᠡᠭᠢ ᠡᠭᠦᠰᠦᠯ 《ᠡᠳᠦᠭᠡᠨ ᠡᠭᠡ》 ᠪᠠᠷ ᠦᠵᠡᠵᠤ ᠰᠢᠳᠦᠳᠡᠭ᠌ ᠪᠣᠯᠵᠠᠢ᠃ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠠᠮᠠᠨ ᠶᠠᠷᠢᠶᠠᠨ ᠳᠤ 《ᠡᠳᠦᠭᠡᠨ》 ᠊ᠢ 《ᠥᠳᠦᠭᠡᠨ》 ᠭᠡᠳᠡᠭ᠌᠃ ᠥᠭᠡᠷᠡ ᠪᠠᠷ ᠭᠡᠯᠡᠪᠠᠯ ᠡᠮᠡᠭ᠍ᠳᠡᠢ ᠭᠦᠮᠤᠨ ᠤ ᠪᠠᠯᠭᠡ ᠶᠢᠨ ᠡᠷᠭᠡᠳᠡᠨ ᠢ 《ᠥᠳᠦᠭ᠌》 ᠭᠡᠳᠡᠭ᠌᠃ ᠮᠤᠩᠭ᠋ᠤᠯ ᠤᠨ ᠣᠯᠠᠩᠭᠢ ᠳᠤᠯᠭᠤᠷ ᠪᠢᠴᠢᠭ᠌ ᠲᠤ ᠴᠤ 《ᠡᠳᠦᠭᠡᠨ᠂ ᠥᠳᠦᠭᠡᠨ᠂ ᠶᠡᠭᠡᠰ ᠭᠠᠵᠡᠷ》 ᠭᠡᠵᠤ ᠭᠠᠷᠳᠠᠭ ᠨᠢ ᠪᠠᠯᠠᠷ ᠡᠷᠳᠡᠨ ᠤ ᠦᠶᠡ ᠳᠤ ᠰᠢᠳᠤᠨ ᠪᠢᠰᠢᠷᠠᠵᠤ ᠪᠠᠢ᠌ᠭᠰᠠᠨ ᠡᠮᠡᠭ᠍ᠳᠡᠢ ᠭᠦᠮᠤᠨ ᠤ ᠪᠠᠯᠭᠡ ᠶᠢᠨ ᠡᠷᠭᠡᠳᠡᠨ 《ᠥᠳᠦᠭ᠌》 ᠲᠤ ᠬᠤᠯᠪᠣᠭᠳᠠᠨᠠ᠃ ᠡᠭᠦᠨ ᠡᠴᠡ ᠦᠵᠡᠪᠠᠯ ᠭᠠᠯ ᠤᠨ ᠪᠣᠷᠬᠠᠨ ᠪᠣᠯ ᠦᠷᠠᠵᠢᠯ ᠲᠦᠯᠵᠢᠯ ᠤᠨ ᠴᠢᠳᠠᠪᠣᠷᠢ ᠲᠡᠶ ᠡᠮᠡ ᠭᠦᠢᠰᠦᠳᠤ ᠭᠦᠮᠤᠨ ᠪᠠᠢ᠌ᠵᠤ ᠳᠠᠭᠠᠷᠠᠨᠠ᠃ ᠭᠠᠯ ᠶᠢᠡᠨ ᠳᠠᠭᠢᠵᠤ ᠰᠢᠳᠤᠨ ᠪᠠᠢ᠌ᠭᠠ ᠨᠢ ᠦᠪᠡᠷ ᠤᠨ ᠣᠭᠰᠠᠭᠠ ᠠᠢ᠌ᠮᠠᠭ ᠤᠨ ᠶᠢᠡᠨ ᠭᠦᠮᠤᠨ ᠠᠮᠠ ᠶᠢᠨ ᠳᠤᠭᠠ ᠶᠢ ᠣᠯᠠᠰᠢᠷᠠᠭᠤᠯᠤᠨ ᠰᠦᠷ ᠭᠦᠴᠤᠨ ᠶᠢᠡᠨ ᠨᠡᠮᠡᠭ᠍ᠳᠡᠭᠦᠯᠭᠦ ᠶᠢᠨ ᠰᠠᠨᠠᠭᠠ ᠶᠡᠭᠡ ᠦᠳᠭᠡᠨ ᠪᠠᠢ᠌ᠨᠠ᠃ ᠪᠠᠯᠠᠷᠰᠢᠤ ᠦᠶᠡ ᠶᠢᠨ ᠭᠦᠮᠦᠰ ᠤᠨ ᠣᠪᠣᠭ ᠠᠢ᠌ᠮᠠᠭ ᠤᠨ ᠬᠤᠭᠤᠷᠤᠠᠳᠤᠭᠢ ᠡᠯᠡ ᠵᠣᠢ᠌ᠯ ᠤᠨ ᠪᠣᠯᠢᠶᠠᠯᠳᠤᠭᠠᠨ ᠨᠢ ᠪᠦᠷ ᠭᠦᠮᠤᠨ ᠤ ᠭᠦᠴᠤᠨ ᠳᠤ ᠳᠦᠰᠢᠭᠯᠡᠭᠦ ᠪᠣᠯᠬᠤᠷ ᠭᠦᠴᠤᠨ ᠶᠢᠡᠨ ᠨᠡᠮᠡᠭ᠍ᠳᠡᠭᠦᠯᠦᠶᠡ ᠭᠡᠪᠠᠯ ᠭᠦᠮᠤᠨ ᠣᠯᠠᠨ ᠪᠠᠢ᠌ᠬᠤ ᠭᠡᠷᠡᠭ᠍ᠳᠡᠢ᠂ ᠭᠦᠮᠤᠨ ᠣᠯᠠᠨ ᠪᠣᠯᠤᠶᠠ ᠭᠡᠪᠠᠯ ᠦᠷᠠᠵᠢᠯ ᠰᠠᠢ᠌ᠳᠠᠢ ᠡᠮᠡ ᠪᠠᠯᠭᠡ ᠪᠠᠢ᠌ᠬᠤ ᠭᠡᠷᠡᠭ᠍ᠳᠡᠢ᠃
ᠮᠤᠩᠭ᠋ᠤᠯ ᠦᠨᠳᠦᠰᠦᠳᠠᠨ ᠤ ᠡᠭᠦᠰᠦᠯ ᠭᠠᠷᠤᠯ ᠤᠨ ᠳᠤᠬᠠᠢ ᠶᠠᠷᠢᠭᠰᠠᠨ 《ᠡᠷᠭᠦᠨᠡ ᠬᠤᠨ ᠤ ᠳᠤᠮᠤᠭ》 ①ᠲ᠋ᠤ᠄
᠁ ᠮᠤᠩᠭ᠋ᠤᠯ ᠤᠨ ᠣᠯᠠᠨ ᠠᠢ᠌ᠮᠠᠭ ᠣᠭᠰᠠᠭᠠᠳᠠᠨ ᠡᠷᠭᠦᠨᠡ ᠬᠤᠨ ᠡᠴᠡ ᠰᠢᠬᠠᠴᠠᠯᠳᠤᠨ ᠭᠠᠷᠬᠤ ᠳᠤ ᠪᠠᠨ ᠬᠤᠩᠭᠢᠷᠠᠤᠨ ᠠᠢ᠌ᠮᠠᠭ ᠤᠨ ᠭᠦᠮᠦᠰ ᠪᠣᠰᠤᠳ ᠤᠨ ᠭᠠᠯ ᠵᠤᠤᠬᠠ ᠶᠢ ᠭᠢᠰᠭᠢᠵᠤ ᠭᠠᠷᠴᠠᠢ᠃ ᠬᠤᠵᠢᠮ ᠨᠢ ᠬᠤᠩᠭᠢᠷᠠᠤᠨ ᠭᠦᠮᠦᠰ ᠠᠶᠤᠮᠰᠢᠭᠳᠤ ᠪᠠᠮ ᠡᠪᠡᠳᠴᠢᠨᠡ ᠨᠡᠷᠪᠠᠭ᠍ᠳᠡᠭ᠍ᠰᠡᠨ ᠭᠡᠳᠡᠭ᠌᠃ ᠢᠩᠭᠢᠭᠡᠳ ᠡᠷᠳᠡᠨ ᠤ ᠮᠤᠩᠭ᠋ᠤᠯᠴᠤᠳ ᠭᠠᠯ ᠪᠣᠯ ᠷᠢᠳᠢ ᠰᠢᠳᠢ ᠲᠡᠶ ᠬᠠᠮᠤᠭ ᠤᠨ ᠠᠷᠢᠭᠤᠨ ᠶᠠᠭᠤᠮᠠ ᠮᠦᠨ᠃ ᠭᠠᠯ ᠤᠨ ᠳᠡᠭᠡᠭᠦᠷ ᠠᠯᠬᠤᠵᠤ ᠭᠠᠯ ᠤᠨ ᠪᠣᠷᠬᠠᠨ ᠢ ᠠᠭᠤᠷᠯᠠᠭᠤᠯᠵᠤ ᠪᠣᠯᠬᠤ ᠦᠭᠡᠶ᠃ ᠬᠤᠩᠭᠢᠷᠠᠳᠴᠤᠳ ᠭᠠᠯ ᠢ ᠭᠦᠡᠳᠦᠳᠭᠡᠭ᠍ᠰᠡᠨ ᠦᠭᠡᠶ ᠪᠣᠯᠬᠤᠷ ᠭᠠᠯ ᠤᠨ ᠰᠠᠭᠢᠭᠤᠯᠰᠤᠨ ᠳᠤ ᠰᠢᠳᠭᠡᠭ᠍ᠳᠡᠯᠡ ᠭᠡᠵᠤ ᠥᠵᠡᠳᠡᠭ᠌ ᠪᠣᠯᠵᠠᠢ᠃
ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠭᠠᠯ ᠭᠤᠯᠤᠮᠳᠠ ᠶᠢ ᠮᠠᠰᠢ ᠡᠷᠭᠢᠮᠯᠡᠨ ᠭᠦᠡᠳᠦᠳᠭᠡᠳᠡᠭ᠌᠃ ᠭᠠᠯ ᠭᠤᠯᠤᠮᠳᠠ ᠪᠠᠨ ᠵᠠᠯᠭᠠᠮᠵᠢᠯᠠᠬᠤ᠂ ᠭᠠᠯ ᠭᠤᠯᠤᠮᠳᠠ ᠪᠠᠨ ᠰᠠᠭᠢᠬᠤ᠂ ᠭᠠᠯ ᠭᠤᠯᠤᠮᠳᠠ ᠪᠠᠨ ᠮᠠᠠᠳᠤᠭᠤᠯᠬᠤ ᠭᠡᠵᠤ ᠦᠷᠡ ᠦᠨᠳᠦᠰᠦ ᠵᠠᠯᠭᠠᠵᠤ᠂ ᠣᠳᠤᠮ ᠣᠭᠰᠠᠭᠠ ᠰᠠᠢ᠌ᠵᠢᠷᠠᠬᠤ᠂ ᠡᠭᠦᠳᠡ ᠡᠷᠦᠭᠡ ᠭᠡᠷᠡᠯᠳᠦᠵᠤ᠂ ᠦᠶᠡ ᠣᠯᠠᠷᠢᠨ ᠥᠭᠡᠳᠡᠯᠡᠭᠦ ᠶᠢᠨ ᠰᠠᠢ᠌ᠨ ᠰᠠᠢ᠌ᠬᠠᠨ ᠭᠦᠰᠡᠯ ᠮᠦᠷᠦᠭᠡᠳᠦᠯ ᠲᠡᠶ ᠪᠠᠢ᠌ᠳᠠᠭ᠃
ᠡᠷᠳᠡᠨ ᠤ ᠮᠤᠩᠭ᠋ᠤᠯ ᠤᠨ ᠵᠠᠩᠰᠢᠯ ᠶᠢᠡᠷ ᠪᠣᠯ ᠳᠡᠭᠡᠳᠦᠰ ᠤᠨ ᠭᠠᠯ ᠭᠤᠯᠤᠮᠳᠠ ᠶᠢ ᠡᠴᠢᠭᠡ ᠡᠴᠡ ᠤᠳᠬᠤᠨ ᠭᠦᠤ ᠨᠢ ᠵᠠᠯᠭᠠᠮᠵᠢᠯᠠᠨ ᠰᠠᠭᠢᠨᠠ᠃ ᠡᠨᠡ ᠭᠦ ᠵᠠᠩᠰᠢᠯ ᠨᠢ ᠴᠢᠩᠭᠢᠰ ᠤᠨ ᠶᠡᠭᠡ ᠮᠤᠩᠭ᠋ᠤᠯ ᠬᠠᠭᠠᠠᠳᠤ ᠣᠯᠤᠰ ᠪᠠᠢ᠌ᠭᠤᠯᠤᠭᠳᠠᠬᠤ ᠡᠴᠡ ᠬᠤᠯᠠ ᠡᠮᠦᠨᠡ ᠨᠢᠭᠡᠨᠲᠡ ᠪᠣᠢ ᠪᠣᠯᠤᠭᠠᠤᠨ ᠪᠠᠢ᠌ᠭᠰᠠᠨ ᠪᠣᠯᠬᠤ ᠶᠢ ᠠᠯᠢ ᠣᠯᠠᠨ ᠳᠡᠦᠭᠡ ᠱᠠᠰᠳᠢᠷ ᠤᠨ ᠳᠡᠮᠳᠡᠭᠯᠡᠯ ᠤᠳ ᠭᠡᠷᠡᠴᠢᠯᠡᠵᠤ ᠪᠠᠢ᠌ᠨᠠ᠃ ᠡᠷᠳᠡᠨ ᠤ ᠮᠤᠩᠭ᠋ᠤᠯᠴᠤᠳ ᠬᠠᠮᠤᠭ ᠪᠠᠭᠠ ᠭᠦᠤ ᠪᠠᠨ 《ᠤᠳᠴᠢᠭᠢᠨ》 ᠭᠡᠵᠤ ᠨᠠᠷᠠ ᠥᠭ᠍ᠳᠡᠭ᠌᠃ ᠡᠭᠦᠨ ᠳᠤ 《ᠤᠳ》 ᠭᠡᠳᠡᠭ᠌ ᠨᠢ 《ᠭᠠᠯ》 ᠭᠡᠭᠦ ᠤᠳᠬᠠ ᠲᠡᠶ᠂ 《ᠴᠢᠭᠢᠨ ᠪᠣᠶᠤ ᠳᠢᠭᠢᠨ》 ᠭᠡᠳᠡᠭ᠌ ᠨᠢ 《ᠡᠵᠡᠨ》 ᠭᠡᠭᠦ ᠤᠳᠬᠠ ᠲᠡᠶ᠂ ᠪᠦᠷ ᠴᠤ ᠳᠦᠷᠺ ᠭᠠᠷᠤᠯᠳᠠᠢ ᠥᠭᠡ ᠪᠣᠯᠤᠨᠠ᠃ ᠳᠠᠷᠤᠢ 《ᠭᠠᠯ ᠤᠨ ᠡᠵᠡᠨ》᠂ 《ᠥᠪ ᠭᠦᠷᠦᠩᠭᠡ ᠶᠢᠨ ᠵᠠᠯᠭᠠᠮᠵᠢᠯᠠᠭᠴᠢ》᠂ 《ᠭᠠᠯ ᠭᠤᠯᠤᠮᠳᠠ ᠶᠢ ᠰᠠᠭᠢᠭᠴᠢ ᠭᠡᠷ ᠤᠨ ᠡᠵᠡᠨ》 ᠭᠡᠮᠡᠭᠦ ᠤᠳᠬᠠ ᠲᠡᠶ ᠪᠣᠯᠠᠢ᠃ ᠵᠢᠱᠢᠶᠠᠯᠠᠪᠠᠯ 《ᠮᠤᠩᠭ᠋ᠤᠯ ᠤᠨ ᠨᠢᠭᠤᠴᠠ ᠳᠤᠪᠴᠢᠶᠠᠨ》 ᠳ᠋ᠤ 《ᠳᠦᠳᠦᠭᠡᠨ ᠤᠳᠴᠢᠭᠢᠨ》 ᠬᠠᠪᠣᠯ ᠬᠠᠭᠠᠨ ᠤ ᠪᠠᠭᠠ ᠭᠦᠤ᠂ 《ᠠᠯᠳᠠᠨ ᠤᠳᠴᠢᠭᠢᠨ》 ᠬᠤᠳᠠᠯᠠ ᠬᠠᠭᠠᠨ ᠤ ᠪᠠᠭᠠ ᠭᠦᠤ᠂ 《ᠳᠠᠷᠢᠳᠠᠢ ᠤᠳᠴᠢᠭᠢᠨ》 ᠪᠠᠷᠳᠠᠨ ᠪᠠᠭᠠᠳᠤᠷ ᠤᠨ ᠪᠠᠭᠠ ᠭᠦᠤ᠂ ᠶᠢᠰᠦᠭᠡᠢ ᠪᠠᠭᠠᠳᠤᠷ ᠤᠨ ᠪᠠᠭᠠ ᠳᠡᠭᠦᠤ᠂ ᠳᠠᠮᠤᠵᠢᠨ ᠤ ᠪᠠᠭᠠ ᠠᠪᠠᠭᠠ᠂ 《ᠳᠡᠮᠦᠭᠡ ᠤᠳᠴᠢᠭᠢᠨ》 ᠶᠢᠰᠦᠭᠡᠢ ᠪᠠᠭᠠᠳᠤᠷ ᠤᠨ ᠪᠠᠭᠠ ᠭᠦᠤ᠂ ᠳᠠᠮᠤᠵᠢᠨ ᠤ ᠪᠠᠭᠠ ᠳᠡᠭᠦᠤ᠁ ᠭᠡᠵᠤ ᠣᠯᠠᠨ ᠨᠠᠷᠠᠰ ᠳᠡᠮᠳᠡᠭᠯᠡᠭ᠍ᠳᠡᠳᠡᠭ᠌᠃ ᠴᠢᠩᠭᠢᠰ ᠬᠠᠭᠠᠨ ᠭᠦᠪᠠᠭᠦᠤᠨ ᠲᠤ ᠪᠠᠨ ᠬᠤᠪᠢ ᠬᠤᠪᠢᠯᠠᠵᠤ ᠦᠭᠭᠦ ᠳᠤ ᠪᠠᠨ ᠤᠳᠬᠤᠨ ᠭᠦᠪᠠᠭᠦᠨ ᠳᠤᠯᠤᠢ ᠳᠤ ᠭᠤᠤᠯ ᠤᠨ ᠣᠯᠤᠰ ᠶᠢᠡᠨ ᠳᠤᠰᠢᠶᠠᠵᠤ᠂ ᠭᠠᠯ ᠭᠤᠯᠤᠮᠳᠠ ᠪᠠᠨ ᠰᠠᠭᠢᠭᠤᠯᠤᠭᠰᠠᠨ ᠪᠠᠢ᠌ᠳᠠᠭ ᠨᠢ ᠪᠠᠰᠠ 《ᠨᠢᠭᠤᠴᠠ ᠳᠤᠪᠴᠢᠶᠠᠨ》 ᠳ᠋ᠤ ᠳᠡᠮᠳᠡᠭᠯᠡᠯ ᠲᠡᠶ᠃ ᠣᠳᠤ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠲᠤ ᠬᠠᠮᠤᠭ ᠪᠠᠭᠠ ᠭᠦᠤ ᠪᠠᠨ 《ᠤᠳᠭᠤᠨ》᠂ 《ᠤᠳᠭᠤᠡᠪᠠᠶᠡᠷ》᠂ 《ᠤᠳᠭᠤᠡᠪᠠᠭᠠᠳᠤᠷ》᠂ 《ᠤᠳᠭᠤᠡᠪᠢᠯᠢᠭ᠌》᠁ ᠭᠡᠵᠤ ᠨᠡᠷᠡᠯᠡᠳᠡᠭ᠌ ᠪᠠ ᠣᠯᠠᠨ ᠭᠡᠦᠭᠡᠨ ᠲᠡᠶ ᠪᠣᠯᠤᠭᠠᠤᠨ ᠭᠦᠤ ᠲᠡᠶ ᠪᠣᠯᠤᠶᠠ ᠭᠡᠵᠤ ᠰᠠᠨᠠᠭᠰᠠᠨ ᠭᠦᠮᠤᠨ ᠪᠣᠶᠤ ᠪᠦᠷ ᠦᠬᠢᠨ ᠪᠣᠯᠤᠭᠠᠤᠨ ᠭᠦᠤ ᠠᠪᠣᠶᠠ ᠭᠡᠵᠤ ᠰᠠᠨᠠᠭᠠ ᠭᠦᠮᠤᠨ ᠪᠠᠰᠠ 《ᠤᠳᠭᠤᠡᠬᠤᠸᠡᠷ》 《ᠤᠳᠭᠤᠡᠴᠢᠮᠡᠭ᠌》 ᠭᠡᠭᠦ ᠨᠠᠷᠠ ᠶᠢ ᠭᠡᠷᠡᠭᠯᠡᠳᠡᠭ᠌ ᠵᠠᠩᠰᠢᠯ ᠲᠡᠶ ᠪᠦᠭᠡᠳ ᠬᠠᠮᠤᠭ ᠪᠠᠭᠠ ᠭᠦᠤ ᠳᠤ ᠪᠠᠨ ᠡᠭᠦᠳᠡ ᠡᠷᠦᠭᠡ ᠪᠠᠨ ᠮᠡᠳᠡᠭᠦᠯᠵᠤ᠂ ᠭᠤᠤᠯ ᠦᠪ ᠭᠦᠷᠦᠩᠭᠡ ᠪᠠᠨ ᠵᠠᠯᠭᠠᠮᠵᠢᠯᠠᠭᠤᠯᠵᠤ᠂ ᠭᠠᠯ ᠭᠤᠯᠤᠮᠳᠠ ᠪᠠᠨ ᠰᠠᠭᠢᠭᠤᠯᠳᠠᠭ᠃
《ᠮᠠᠠᠳᠤᠬᠠᠢ ᠰᠠᠴᠠᠨ ᠬᠠᠳᠤᠨ ᠤ ᠳᠤᠮᠤᠭ》 ᠳᠤ ᠬᠠᠪᠣᠳᠤ ᠬᠠᠰᠠᠷ ᠤᠨ ᠦᠷᠠᠳᠤᠰ᠂ ᠬᠤᠷᠴᠢᠨ ᠤ ᠦᠨᠡᠠᠪᠣᠯᠤᠳ ᠸᠠᠩ ᠬᠠᠭᠠᠨ ᠣᠷᠤ ᠰᠠᠭᠤᠵᠤ᠂ ᠬᠠᠮᠤᠭ ᠮᠤᠩᠭ᠋ᠤᠯ ᠢ ᠵᠠᠭᠢᠷᠠᠬᠤ ᠶᠢᠨ ᠲᠦᠯᠦᠭᠡ ᠮᠠᠠᠳᠤᠬᠠᠢ ᠰᠠᠴᠠᠨ ᠬᠠᠳᠤᠨ ᠳᠤ 《ᠭᠠᠯ ᠢ ᠴᠢᠨᠢ ᠴᠠᠭᠢᠵᠤ᠂ ᠨᠤᠳᠤᠭ ᠢ ᠴᠢᠨᠢ ᠵᠢᠭᠠᠵᠤ ᠥᠭ᠍ᠰᠤ》 ②ᠡᠷᠡ ᠨᠥᠭᠦᠷ ᠴᠢᠨᠢ ᠪᠣᠯᠵᠤ᠂ ᠡᠵᠡᠨ ᠳᠦᠷᠤ ᠶᠢ ᠴᠢᠨᠢ ᠵᠠᠭᠢᠷᠴᠤ ᠦᠭᠭᠦᠶᠡ ᠭᠡᠵᠤ ᠭᠡᠯᠡᠨ ᠥᠭ᠍ᠴᠡᠢ᠃ ᠭᠡᠳᠡᠯᠡ ᠮᠠᠠᠳᠤᠬᠠᠢ ᠰᠠᠴᠠᠨ ᠬᠠᠳᠤᠨ ᠦᠪᠡᠷ ᠤᠨ ᠪᠠᠶᠠ ᠶᠢᠨ ᠠᠮᠤᠷ ᠵᠢᠷᠭᠠᠯ ᠢ ᠠᠷᠤ ᠳᠤ ᠪᠠᠨ ᠳᠠᠪᠴᠢᠵᠤ᠂ ᠬᠠᠮᠤᠭ ᠮᠤᠩᠭ᠋ᠤᠯ ᠤᠨ ᠪᠦᠯᠭᠦᠮᠳᠡᠯ ᠨᠢᠭᠳᠠᠷᠠᠯ᠂ ᠨᠢᠭᠡᠳᠦᠯ ᠭᠦᠭ᠍ᠵᠢᠯ ᠤᠨ ᠡᠭᠦᠳᠡᠨ ᠡᠴᠡ ᠪᠣᠳᠤᠯᠭᠢᠯᠠᠵᠤ ᠴᠢᠩᠭᠢᠰ ᠤᠨ ᠠᠯᠳᠠᠨ ᠣᠷᠤᠭ ᠤᠨ ᠬᠣᠢ᠌ᠴᠢᠰ᠂ ᠪᠣᠯᠬᠤ ᠵᠢᠨᠤᠩ ᠪᠠᠶᠡᠡᠮᠦ᠋ᠩᠭᠡ ᠶᠢᠨ ᠳᠤᠯᠤᠭᠠᠬᠠᠨ ᠨᠠᠰᠤᠳᠠᠢ ᠦᠨᠦᠴᠢᠨ ᠭᠦᠪᠠᠭᠦᠨ ᠪᠠᠳᠦᠮᠦ᠋ᠩᠭᠡ ᠶᠢ 《ᠥᠭᠡᠭᠡᠭᠯᠡᠵᠤ》 ᠪᠦᠷᠭᠦᠭᠦᠯ ᠲᠡᠶ ᠳᠡᠷᠭᠡᠨ ᠳᠤ ᠰᠠᠭᠤᠯᠭᠠᠵᠤ ᠴᠢᠩᠭᠢᠰ ᠤᠨ ᠨᠢ᠋ᠮᠠᠨ ᠴᠠᠭᠠᠨ ᠣᠷᠳᠤᠨ ᠤ ᠡᠮᠦᠨᠡ ᠰᠠᠭᠢᠯ ᠳᠤᠭᠳᠠᠭᠠᠨ ᠠᠮᠠᠨ ᠳᠠᠩᠭ᠋ᠠᠷᠢᠭ ᠥᠭ᠍ᠴᠤ᠂ ᠰᠠᠴᠤᠯᠢ ᠡᠷᠭᠦᠨ ᠦᠷᠡ ᠶᠢᠨ ᠬᠤᠳᠤᠭ ᠭᠤᠶᠤᠨ᠄
ᠦᠷᠭᠡᠨ ᠶᠡᠭᠡ ᠡᠭᠦᠳᠡ ᠶᠢ ᠴᠢᠨᠤ ᠭᠦᠩᠭᠡᠨ ᠭᠡᠵᠤ
ᠦᠨᠳᠦᠷ ᠶᠡᠭᠡ ᠪᠣᠱᠤᠭᠠ ᠶᠢ ᠴᠢᠨᠤ ᠪᠣᠭᠤᠨᠢ ᠭᠡᠵᠤ
ᠥᠭᠡᠷᠡ ᠭᠦᠮᠤᠨ ᠳᠤ ᠡᠴᠢᠪᠠᠰᠤ
ᠥᠭᠡᠳᠡ ᠦᠭᠡᠶ ᠨᠠᠷᠠ ᠨᠠᠳᠠ ᠬᠤᠴᠤᠷᠤᠮᠤᠢ
᠁ ᠁ ᠁
ᠪᠠᠯᠴᠢᠷ ᠦᠷᠡ ᠶᠢ ᠴᠢᠨᠢ ᠪᠠᠭᠠ ᠭᠡᠵᠤ
ᠪᠠᠰᠤᠵᠤ ᠳᠤᠷᠤᠮᠵᠢᠯᠠᠬᠤ ᠦᠭᠡᠶ ᠪᠢ
ᠪᠣᠯᠤᠳ ᠣᠩ ᠢ ᠶᠡᠭᠡ ᠭᠡᠵᠤ
ᠪᠣᠭᠳᠤᠯᠠᠭᠳᠠᠵᠤ ᠣᠴᠢᠬᠤ ᠦᠭᠡᠶ ᠪᠢ
᠁ ᠁ ᠁
ᠬᠠᠷᠠ ᠪᠠᠶᠠ ᠪᠠᠨ ᠮᠠᠳᠠᠵᠤ ᠡᠴᠢᠪᠠᠰᠤ
ᠬᠨ ᠭᠤᠶᠠ ᠡᠴᠡ ᠪᠠᠨ ᠬᠠᠭᠠᠴᠠᠰᠤ ᠪᠢ ᠭᠡᠵᠤ ᠠᠮᠠᠯᠠᠭᠠᠤᠨ ᠳᠠᠭᠢᠨ
᠁ ᠁ ᠁
ᠳᠤᠳᠤᠭᠠᠳᠤ ᠡᠩᠭᠡᠷ ᠲᠤᠷ ᠮᠢᠨᠢ
ᠳᠤᠯᠤᠭᠠᠨ ᠭᠦᠪᠠᠭᠦᠨ ᠳᠦᠷᠦᠭᠦᠯ᠃
ᠭᠠᠳᠠᠭᠠᠳᠤ ᠡᠩᠭᠡᠷ ᠲᠤᠷ ᠮᠢᠨᠢ
ᠭᠠᠭᠴᠠ ᠦᠬᠢᠨ ᠳᠦᠷᠦᠭᠦᠯ᠃
ᠳᠤᠤᠷᠠᠳᠤ ᠬᠠᠳᠤᠨ ᠨᠠᠳᠠ
ᠳᠤᠯᠤᠭᠠᠨ ᠨᠤᠭᠤᠨ ᠵᠠᠶᠠᠭᠠᠪᠠᠰᠤ
ᠳᠤᠯᠤᠭᠤᠯᠠ ᠳᠤᠷ ᠪᠣᠯᠤᠳ ᠨᠠᠷᠠ ᠥᠭ᠍ᠴᠤ
ᠭᠠᠯ ᠭᠤᠯᠤᠮᠳᠠ ᠶᠢ ᠴᠢᠨᠢ ᠰᠠᠭᠢᠭᠤᠯᠤᠶᠠ᠂
ᠭᠠᠵᠠᠷ ᠨᠤᠳᠤᠭ ᠢ ᠴᠢᠨᠢ ᠡᠵᠡᠯᠡᠭᠦᠯᠦᠶᠡ ︕ ᠭᠡᠵᠤ ᠦᠷᠡ ᠶᠢᠨ ᠬᠤᠳᠤᠭ ᠭᠤᠶᠤᠵᠤ᠂ ᠦᠨᠳᠦᠰᠦ ᠣᠭᠰᠠᠭᠠ ᠶᠢ ᠨᠢ ᠵᠠᠯᠭᠠᠨ᠂ ᠬᠠᠭᠠᠨ ᠣᠷᠤ ᠶᠢ ᠨᠢ ᠡᠵᠡᠯᠡᠵᠤ᠂ ᠬᠠᠮᠤᠭ ᠮᠤᠩᠭ᠋ᠤᠯ ᠢ ᠵᠠᠭᠢᠷᠠᠭᠤᠯᠬᠤ ᠪᠠᠷ ᠳᠠᠩᠭ᠋ᠠᠷᠢᠭᠯᠠᠭᠠᠤᠨ ᠪᠠᠳᠦᠮᠦ᠋ᠩᠭᠡ ᠲᠡᠶ ᠣᠷᠤᠭᠯᠠᠵᠠᠢ᠃ ᠳᠡᠭᠡᠭᠡᠳ
《ᠰᠠᠢ᠌ᠨ ᠮᠠᠠᠳᠤᠬᠠᠢ ᠬᠠᠲ᠋ᠤᠨ ᠬᠠᠳᠤᠨ
ᠰᠠᠭᠠᠳᠠᠭ ᠠᠭᠰᠠᠵᠤ
ᠰᠠᠳᠠᠷᠠᠭᠰᠠᠨ ᠦᠰᠤᠨ ᠶᠢᠡᠨ ᠬᠤᠷᠢᠶᠠᠵᠤ᠂ ᠳᠦᠷᠪᠠᠨ ᠲᠦᠮᠡᠨ ᠤᠢ᠌ᠷᠠᠤᠨ ᠢ ᠳ᠋ᠠᠷᠤᠵᠤ᠂ ᠭᠡᠷ ᠮᠠᠯ ᠢ ᠳ᠋ᠤᠪᠳᠤᠯᠤᠨ᠂ ᠦᠨᠡᠰᠤᠨ ᠢ ᠢᠨᠤ ᠭᠡᠢ᠌ᠰ ᠭᠡᠪᠠᠢ᠃》 ③ᠡᠭᠦᠨ ᠳ᠋ᠠᠭᠢ 《ᠭᠠᠯ ᠭᠤᠯᠤᠮᠳᠠ》 ᠪᠣᠯ ᠳᠠᠷᠤᠢ ᠴᠢᠩᠭᠢᠰ ᠬᠠᠭᠠᠨ ᠤ ᠠᠯᠳᠠᠨ ᠣᠷᠤᠭ ᠤᠨ ᠣᠳᠤᠮ ᠣᠭᠰᠠᠭᠠ ᠶᠢ ᠦᠶᠡ ᠣᠯᠠᠷᠢᠨ ᠬᠠᠭᠠᠨ ᠣᠷᠤ ᠡᠵᠡᠯᠡᠵᠤ᠂ ᠬᠠᠮᠤᠭ ᠮᠤᠩᠭ᠋ᠤᠯ ᠶᠢᠡᠨ ᠵᠠᠭᠢᠷᠤᠨ᠂ ᠣᠯᠤᠰ ᠦᠨᠳᠦᠰᠦᠳᠠᠨ ᠶᠢᠡᠨ ᠭᠦᠭ᠍ᠵᠢᠭᠦᠯᠵᠤ ᠮᠠᠠᠳᠤᠭᠤᠯᠵᠤ ᠶᠠᠪᠣᠬᠤ ᠭᠡᠰᠡᠨ ᠠᠭᠤᠤ ᠰᠠᠨᠠᠭᠠ᠂ ᠠᠤᠭᠠ ᠪᠣᠳᠤᠯᠭᠠ ᠶᠢ ᠳᠤᠰᠬᠠᠭᠰᠠᠨ ᠪᠠᠢ᠌ᠨᠠ᠃ ᠳᠡᠭᠡᠭᠡᠳ ᠡᠩ ᠳᠡᠷᠢᠭᠦᠨ ᠳᠤ ᠴᠢᠩᠭᠢᠰ ᠤᠨ ᠠᠯᠳᠠᠨ ᠣᠷᠤᠭ ᠤᠨ ᠬᠠᠭᠠᠨ ᠣᠷᠤ ᠳᠤ ᠠᠶᠤᠯ ᠪᠣᠯᠵᠤ ᠪᠠᠢ᠌ᠭᠰᠠᠨ ᠭᠦᠴᠦᠷᠭᠡᠭ᠌ ᠳᠠᠢ᠌ᠰᠤᠨ ᠳᠦᠷᠪᠠᠨ ᠲᠦᠮᠡᠨ ᠤᠢ᠌ᠷᠠᠤᠨ ᠢ ᠰᠥᠨᠦᠭᠡᠵᠤ 《᠁ᠦᠨᠡᠰᠤᠨ ᠢ ᠢᠨᠤ ᠭᠡᠢ᠌ᠰ ᠭᠡᠪᠠᠢ᠃》 ᠭᠠᠯ ᠭᠤᠯᠤᠮᠳᠠ ᠶᠢ ᠨᠢ ᠬᠠᠷᠠᠯᠠᠭᠤᠯᠤᠭᠰᠠᠨ᠃ 《ᠮᠤᠩᠭ᠋ᠤᠯ ᠤᠨ ᠨᠢᠭᠤᠴᠠ ᠳᠤᠪᠴᠢᠶᠠᠨ》 §87.112.146.148 ᠳ᠋ᠤ 《ᠦᠨᠡᠰᠤ ᠪᠠᠷ ᠭᠡᠢ᠌ᠰᠭᠡᠭᠦ》 ᠭᠡᠭᠦ ᠥᠭᠡ ᠭᠠᠷᠳᠠᠭ ᠨᠢ ᠭᠦᠢᠰᠤ ᠳᠠᠮᠳᠠᠷᠢᠳᠠᠯᠠ ᠭᠠᠯ ᠭᠤᠯᠤᠮᠳᠠ ᠶᠢ ᠨᠢ ᠳᠠᠰᠤᠯᠬᠤ ᠭᠡᠭᠦ ᠰᠠᠨᠠᠭᠠ ᠲᠡᠶ ᠥᠭᠡ ᠪᠣᠯᠬᠤ ᠶᠤᠮ᠃ ᠳᠤᠬᠠᠢ᠌ᠯᠠᠪᠠᠯ᠂ 《ᠭᠤᠷᠪᠠᠨ ᠮᠡᠷᠭᠢᠳ ᠢ ᠣᠷᠤᠭ ᠤᠨ ᠣᠷᠤᠭᠠ ᠭᠦᠷᠳᠡᠯᠡ ᠦᠨᠡᠰᠤ ᠪᠠᠷ ᠭᠡᠢ᠌ᠰᠳᠡᠯᠡ ᠥᠯᠢᠳᠭᠡᠪᠡ》 ᠭᠡᠵᠡᠢ᠃ ᠡᠢ᠌ᠮᠤ ᠡᠴᠡ ᠭᠠᠯ ᠢ ᠲᠤᠢ᠌ᠯ ᠤᠨ ᠡᠷᠭᠢᠮ ᠳᠡᠭᠡᠳᠤ ᠷᠢᠳ᠋ ᠰᠢᠳᠢ ᠲᠡᠶ ᠶᠠᠭᠤᠮᠠ ᠪᠠᠷ ᠦᠵᠡᠵᠤ᠂ ᠠᠷᠢᠭᠤᠨ ᠴᠢᠨᠠᠷ ᠲᠡᠶ᠂ ᠢᠯᠴᠢ ᠪᠠ ᠭᠡᠷᠡᠯ ᠢ ᠠᠪᠴᠢᠷᠠᠭᠴᠢ ᠡᠳᠦᠭᠡᠨ ᠰᠠᠭᠢᠭᠤᠰᠤ ᠪᠣᠯᠭᠠᠵᠠᠢ᠃ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠰᠡᠳᠭᠢᠭᠦᠢ ᠳᠤ ᠭᠠᠯ ᠪᠣᠯ ᠭᠦᠭ᠍ᠵᠢᠨ ᠪᠠᠳᠠᠷᠠᠵᠤ ᠲᠦᠯᠵᠢᠭᠦᠢ᠂ ᠦᠨᠢ ᠮᠥᠩᠭᠡ ᠣᠷᠤᠰᠢᠬᠤᠢ ᠶᠢᠨ ᠪᠠᠯᠭᠡ ᠳᠡᠮᠳᠡᠭ᠌ ᠪᠣᠯᠳᠠᠭ ᠪᠣᠯᠬᠤᠷ ᠦᠶᠡ ᠵᠠᠯᠭᠠᠮᠵᠢᠯᠠᠬᠤ᠂ ᠥᠭᠡᠳᠡᠯᠡᠭᠦ ᠳᠡᠭ᠍ᠵᠢᠷᠡᠭᠦ ᠪᠣᠶᠤ ᠣᠭᠰᠠᠭᠠ ᠳᠠᠰᠤᠷᠠᠬᠤ᠂ ᠥᠭᠡᠢ᠌ᠷᠡᠭᠦ ᠳᠤᠷᠣᠢ᠌ᠳᠠᠬᠤ ᠶᠢ ᠪᠦᠷ ᠭᠠᠯ ᠲᠡᠶ ᠬᠤᠯᠪᠣᠭᠳᠠᠭᠤᠯᠤᠨ ᠰᠡᠳᠭᠢᠳᠡᠭ᠌᠃ ᠳᠠᠷᠤᠢ ᠦᠷᠡ ᠦᠨᠳᠦᠰᠦ ᠵᠠᠯᠭᠠᠮᠵᠢᠯᠠᠬᠤ ᠬᠡᠦᠬᠡᠳ ᠲᠡᠶ ᠪᠣᠯᠪᠠᠯ 《ᠭᠠᠯ ᠭᠤᠯᠤᠮᠳᠠ ᠪᠠᠨ ᠵᠠᠯᠭᠠᠯᠠ》 ᠭᠡᠵᠤ ᠪᠠᠶᠠᠷᠯᠠᠨ ᠣᠮᠤᠭᠰᠢᠳᠠᠭ᠃ ᠡᠢ᠌ᠮᠤ ᠡᠴᠡ ᠤᠳᠬᠤᠨ ᠭᠦᠤ ᠪᠠᠨ 《ᠭᠤᠯᠤᠮᠳᠠ ᠶᠢᠨ ᠡᠵᠡᠨ》 ᠭᠡᠳᠡᠭ᠌᠃
ᠬᠤᠶᠠᠷ᠂ ᠭᠠᠯ ᠳᠠᠭᠢᠯᠭᠠ ᠶᠢᠨ ᠶᠤᠰᠤᠨ
ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ 《ᠭᠠᠯ ᠳᠠᠭᠢᠯᠭᠠ ᠶᠢᠨ ᠶᠦᠰᠤᠨ》 ᠦᠨᠡᠨᠳᠡᠭᠡᠨ ᠪᠦᠭᠡ ᠶᠢᠨ ᠱᠠᠰᠢᠨ ᠡᠴᠡ ᠡᠭᠦᠰᠦᠯᠳᠡᠢ᠃ ᠭᠡᠳᠡᠯᠡ 《ᠭᠠᠯ ᠳᠠᠭᠢᠯᠭᠠ》 ᠶ᠋ᠢ ᠪᠠᠰᠠ ᠭᠠᠯ ᠤᠨ ᠪᠣᠷᠬᠠᠨ ᠶᠢᠡᠨ ᠳᠠᠭᠢᠨᠠ ᠭᠡᠳᠡᠭ᠌ ᠶᠢᠡᠷ ᠦᠵᠡᠪᠠᠯ ᠴᠤᠯᠤ ᠪᠦᠭᠡ ᠶᠢᠨ ᠱᠠᠰᠢᠨ ᠤ ᠠᠵᠢᠯᠯᠠᠭᠠ ᠪᠢᠰᠢ ᠮᠠᠳᠤ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠥᠩᠭᠡ ᠪᠣᠳᠤᠭ ᠲᠡᠶ ᠪᠣᠯᠵᠠᠢ᠃ ᠪᠦᠭᠡ ᠶᠢᠨ ᠱᠠᠰᠢᠨ ᠪᠣᠯ ᠮᠤᠩᠭ᠋ᠤᠯᠴᠤᠳ ᠤᠨ ᠣᠤᠷ ᠱᠠᠰᠢᠨ ᠮᠦᠨ᠃ ᠣᠤᠯ ᠤᠨ ᠳᠠᠭᠢᠯᠭᠠ ᠶᠢᠨ ᠡᠵᠡᠨ ᠤ 《ᠤᠳᠬᠤᠨ ᠦᠬᠢᠨ ᠳᠡᠭ᠍ᠷᠢ》 ᠪᠤᠯᠤᠨᠠ᠃ ᠭᠧᠷᠮᠡᠨ ᠤ ᠮᠤᠩᠭ᠋ᠤᠯᠴᠢ ᠡᠷᠳᠡᠮᠳᠡᠨ ᠸ·ᠾᠢ᠌ᠰᠰᠢᠭ᠌ ᠪᠠᠭᠰᠢᠳᠠᠨ ᠤ ᠬᠤᠷᠴᠢᠨ ᠨᠤᠳᠤᠭ ᠡᠴᠡ ᠣᠯᠵᠤ ᠠᠪᠣᠭᠰᠠᠨ 《ᠭᠠᠯ ᠳᠡᠭ᠍ᠷᠢ ᠳᠠᠭᠢᠬᠤ ᠰᠤᠳᠤᠷ ᠣᠷᠤᠰᠢᠪᠠᠢ》 ᠳ᠋ᠤ
ᠶᠢᠰᠦᠭᠡᠢ ᠪᠣᠭᠳᠠ ᠶᠢᠨ ᠴᠠᠭᠢᠭᠰᠠᠨ
ᠥᠭᠡᠯᠤᠨ ᠡᠭᠡ ᠶᠢᠨ ᠥᠯᠢᠶᠡᠭ᠍ᠰᠡᠨ
ᠬᠠᠷᠠ ᠴᠢᠯᠠᠭᠤᠨ ᠡᠭᠡᠳᠤ
ᠬᠠᠳᠤᠨ ᠳᠠᠮᠤᠷ ᠡᠴᠢᠭᠡᠳᠤ
ᠤᠳᠬᠤᠨ ᠭᠠᠯᠢᠬᠠᠨ ᠮᠢᠨᠢ ᠭᠡᠵᠤ ᠰᠢᠯᠦᠭᠯᠡᠳᠡᠭ᠌ ᠪᠣᠶᠤ 《ᠤᠳᠬᠤᠨ ᠭᠠᠯ ᠡᠭᠡᠨ ᠮᠢᠨᠢ》 ᠭᠡᠵᠤ ᠳᠠᠭᠤᠳᠠᠳᠠᠭ᠃
ᠰᠡᠭᠦᠯᠡᠷ ᠮᠤᠩᠭ᠋ᠤᠯ ᠣᠷᠤᠨ ᠳᠤ ᠪᠣᠳ᠋ᠳ᠋ᡁᠨ ᠶᠢᠨ ᠱᠠᠰᠢᠨ ᠤ ᠨᠠᠪᠴᠢᠨ ᠳᠡᠯᠭᠡᠷᠡᠭᠦ ᠪᠠᠷ ᠳᠠᠮᠵᠢᠭᠠᠤᠨ ᠭᠠᠯ ᠳᠠᠭᠢᠯᠭᠠ ᠶᠢᠨ ᠶᠤᠰᠤᠨ ᠨᠢ ᠳᠠᠩ ᠭᠠᠭᠴᠠ ᠪᠦᠭᠡ ᠮᠦᠷᠭᠦᠯ ᠤᠨ ᠨᠤᠮᠯᠠᠯ ᠶᠢᠡᠷ ᠣᠢ᠌ᠯᠠᠳᠴᠤ ᠪᠠᠢ᠌ᠭᠰᠠᠨ ᠡᠴᠡ ᠪᠠᠨ ᠬᠤᠪᠢᠰᠤᠭᠠᠤᠨ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠰᠥᠰᠦᠭ᠌ ᠪᠢᠰᠢᠷᠠᠯ ᠤᠨ ᠠᠭᠤᠯᠭᠠ ᠦᠣᠡᠭᠡᠷᠡᠵᠤ ᠢᠷᠠᠵᠠᠢ᠃ ᠭᠡᠳᠥᠢᠪᠠᠷ 《ᠭᠠᠯ ᠤᠨ ᠳᠠᠭᠢᠯᠭᠠ》 ᠨᠢ 《ᠭᠠᠯ ᠤᠨ ᠪᠣᠷᠬᠠᠨ ᠤ ᠳᠠᠭᠢᠯᠭᠠ》 ᠪᠣᠯᠵᠤ ᠨᠠᠷᠠ ᠨᠢ ᠬᠤᠪᠢᠷᠠᠭᠰᠠᠨ ᠪᠣᠯᠪᠠᠴᠤ ᠮᠦᠨ ᠯᠠ 《ᠤᠳᠬᠤᠨ ᠦᠬᠢᠨ ᠳᠡᠭ᠍ᠷᠢ》 ᠶ᠋ᠢᠨ ᠳᠠᠭᠢᠯᠭᠠ ᠪᠠᠷ ᠶᠢᠡᠨ ᠪᠠᠢ᠌ᠭᠰᠠᠭᠠᠷ ᠪᠢᠯᠠ᠃ ᠳᠡᠭᠡᠭᠦ ᠪᠠᠷ ᠶᠢᠡᠷ ᠲᠦᠪᠡᠳ ᠤᠨ ᠰᠦᠮᠡ ᠭᠡᠢ᠌ᠳ ᠭᠠᠯ ᠳᠠᠭᠢᠳᠠᠭ ᠦᠭᠡᠶ᠂ ᠵᠥᠪᠭᠡᠨ ᠮᠤᠩᠭ᠋ᠤᠯ ᠣᠷᠤᠨ ᠤ ᠰᠦᠮᠡ ᠭᠡᠢ᠌ᠳ ᠯᠠ ᠭᠠᠯ ᠳᠠᠭᠢᠳᠠᠭ ᠭᠡᠨᠡ᠃ ᠳᠠᠮᠤᠵᠢᠨ ᠢ ᠬᠠᠮᠤᠭ ᠮᠤᠩᠭ᠋ᠤᠯ ᠠᠢ᠌ᠮᠠᠭ ᠤᠨ ᠬᠠᠭᠠᠨ ᠪᠣᠯᠬᠤ ᠶᠢ ᠵᠢᠭᠠᠷᠢᠨ ᠳᠡᠭ᠍ᠷᠢ ᠶᠢᠨ ᠵᠠᠭᠢᠶᠠ ᠪᠠᠷ ᠬᠤᠷᠴᠢ ᠪᠦᠭᠡ ᠵᠦᠩᠨᠠᠯᠠ ᠭᠡᠵᠤ 《ᠮᠤᠩᠭ᠋ᠤᠯ ᠤᠨ ᠨᠢᠭᠤᠴᠠ ᠳᠤᠪᠴᠢᠶᠠᠨ》 ᠳ᠋ᠤ ᠳᠡᠮᠳᠡᠭᠯᠡᠭ᠍ᠰᠡᠨ ᠪᠠ ᠳᠠᠪ ᠳᠡᠭ᠍ᠷᠢ ᠪᠦᠭᠡ ᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠦᠭᠡᠴᠤ ᠡᠴᠡ 《ᠴᠢᠩᠭᠢᠰ ᠬᠡᠭᠡᠨ》 ᠭᠡᠮᠡᠨ ᠨᠡᠷᠡᠯᠡᠭᠡᠳ ᠳᠠᠮᠤᠵᠢᠨ ᠤ ᠬᠠᠮᠤᠭ ᠮᠤᠩᠭ᠋ᠤᠯ ᠶᠢᠡᠨ ᠬᠤᠷᠢᠶᠠᠵᠤ ᠬᠠᠭᠠᠠᠳᠤ ᠳᠦᠷᠤ ᠶᠢ ᠪᠠᠢ᠌ᠭᠤᠯᠬᠤ ᠳᠤ ᠳᠤᠩ ᠴᠢᠬᠤᠯᠠ ᠨᠥᠯᠦᠭᠡ ᠥᠵᠡᠭᠦᠯᠦᠭ᠍ᠰᠡᠨ ᠪᠣᠯᠬᠤᠷ ᠳᠦᠷᠤ ᠱᠠᠰᠢᠨ ᠬᠤᠶᠠᠷ ᠢ ᠬᠠᠮᠳᠤ ᠳ᠋ᠤᠨᠢ ᠡᠷᠭᠡᠰᠢᠶᠡᠭ᠍ᠰᠡᠨ ᠬᠠᠮᠤᠭ ᠮᠤᠩᠭ᠋ᠤᠯᠴᠤᠳ ᠤᠨ ᠬᠠᠭᠠᠨ ᠭᠡᠮᠡᠨ ᠳᠤᠩᠬᠠᠭᠯᠠᠭᠰᠠᠨ ᠪᠠᠢ᠌ᠨᠠ᠃ ᠬᠤᠷᠴᠢᠨ ᠪᠦᠭᠡ ᠶᠢᠨ ᠵᠤᠯ ᠶᠢᠡᠷ ᠥᠯᠡᠳᠡᠭ᠍ᠰᠡᠨ ᠨᠢ ᠬᠤᠷᠴᠢᠨ ᠰᠤᠶᠤᠯ ᠤᠨ ᠵᠠᠪᠰᠢᠶᠠᠨ ᠭᠡᠵᠤ ᠦᠵᠡᠯᠳᠠᠢ᠃ ᠪᠦᠭᠡ ᠶᠢᠨ ᠪᠠᠢ᠌ᠭᠠᠯᠢᠯᠢᠭ ᠰᠤᠶᠤᠯ ᠳᠤ ᠳᠠᠭᠤᠤ ᠭᠦᠭ᠍ᠵᠢᠮ᠂ ᠪᠦᠵᠢᠭ᠌ ᠳᠤᠭᠯᠠᠭᠠᠮ᠂ ᠵᠠᠩ ᠵᠠᠩᠰᠢᠯ᠂ ᠱᠠᠰᠢᠨ ᠰᠤᠷᠳᠠᠬᠤᠨ ᠤ ᠵᠡᠷᠭᠡ ᠶᠢᠨ ᠣᠯᠠᠨ ᠳᠠᠯᠠ ᠪᠠᠢ᠌ᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠶ ᠵᠠᠩ ᠵᠠᠩᠰᠢᠯ ᠤᠨ ᠳᠤᠳᠤᠷᠠ ᠨᠢ ᠭᠠᠯ ᠢ ᠭᠦᠡᠳᠦᠳᠭᠡᠨ᠂ ᠭᠠᠯ ᠰᠢᠳᠦᠭᠦ ᠵᠠᠩ ᠵᠠᠩᠰᠢᠯ ᠨᠢ ᠮᠦᠨ ᠨᠢᠭᠡᠨ ᠴᠢᠬᠤᠯᠠ ᠨᠢᠭᠡᠨ ᠠᠭᠤᠯᠭᠠ ᠪᠣᠯᠤᠨᠠ᠃ ᠣᠴᠢᠷ ᠨᠢ ᠪᠦᠭᠡ ᠶᠢᠨ ᠱᠠᠰᠢᠨ ᠨᠢ ᠡᠴᠢᠭᠡ ᠳᠡᠭ᠍ᠷᠢ᠂ ᠡᠭᠡ ᠭᠠᠵᠠᠷ᠂ ᠠᠷᠢᠭᠤᠨ ᠭᠠᠯ ᠭᠡᠵᠤ 《ᠳᠡᠭ᠍ᠷᠢ᠂ ᠭᠠᠵᠠᠷ᠂ ᠭᠠᠯ》 ᠭᠤᠷᠪᠠ ᠶᠢ ᠭᠤᠤᠯ ᠰᠢᠳᠦᠭᠦ ᠶᠤᠮ᠃ ᠭᠠᠯ ᠤᠨ 《ᠳᠠᠭᠢᠯᠭᠠ ᠶᠢᠨ ᠰᠤᠳᠤᠷ》 ᠲᠤ
ᠰᠦᠮᠪᠦᠷ ᠠᠭᠤᠯᠠ ᠶᠢ ᠳᠤᠪᠣ ᠳᠠᠳᠤᠢ ᠪᠠᠢ᠌ᠬᠤ ᠳᠤ
ᠰᠦᠨ ᠳᠠᠯᠠᠢ ᠶᠢ ᠱᠠᠯᠪᠠᠭ ᠳᠠᠳᠤᠢ ᠪᠠᠢ᠌ᠬᠤ ᠳᠤ
ᠬᠠᠭᠠᠨ ᠡᠴᠢᠭᠡ ᠶᠢᠨ ᠴᠠᠭᠢᠭᠰᠠᠨ
ᠬᠠᠳᠤᠨ ᠡᠭᠡ ᠶᠢᠨ ᠭᠦᠯᠢᠶᠡᠭ᠍ᠰᠡᠨ
ᠬᠠᠳᠠᠭᠤ ᠳᠠᠮᠤᠷ ᠡᠴᠢᠭᠡ ᠳᠤ
ᠬᠠᠢ᠌ᠷ ᠴᠢᠯᠠᠭᠤᠨ ᠡᠭᠡ ᠳᠤ
ᠬᠠᠢ᠌ᠯᠠᠰᠤ ᠶᠢᠨ ᠮᠤᠳᠤᠨ ᠠᠮᠢ ᠳᠤ
ᠬᠠᠳᠠᠭᠰᠠᠨ ᠠᠷᠭᠠᠯ ᠤᠨ ᠴᠤᠭ ᠲᠤ
ᠥᠭᠡᠭᠦ ᠳᠤᠰᠤᠨ ᠢᠳᠠᠰᠢ ᠳᠤ
ᠡᠪᠴᠢᠭᠦᠤ ᠰᠠᠮᠡᠵᠡᠨ ᠳᠠᠭᠢᠯᠭᠠ ᠳᠤ
ᠭᠠᠯ ᠭᠠᠯᠠᠢ᠌ᠬᠠᠨ ᠡᠭᠡ ᠳᠡᠭᠡᠨ
ᠭᠠᠯ ᠪᠠᠳᠠᠷᠠᠭᠠᠬᠤ ᠰᠢᠷᠠ ᠳᠤᠰᠤ
ᠱᠠᠷᠵᠠ ᠠᠷᠢᠭᠢ ᠪᠠᠨ ᠳᠤᠰᠤᠭᠠᠨᠠᠮ
ᠪᠣᠶᠠᠨ ᠭᠡᠰᠢᠭ᠌ ᠬᠤᠷᠤᠢ ︕ ᠬᠤᠷᠤᠢ ︕ ᠬᠤᠷᠤᠢ ︕ ᠭᠡᠵᠤ ᠭᠦᠪᠪᠦᠨ ᠳᠠᠪᠢᠨ ᠭᠦᠭ᠍ᠰᠡᠨ ᠪᠦᠵᠢᠭᠯᠡᠵᠤ᠂ ᠰᠢᠯᠦᠭᠯᠡᠨ ᠳᠠᠭᠤᠯᠠᠵᠤ 《ᠡᠳᠦᠷᠵᠢᠨ ᠰᠦᠨᠢᠵᠢᠨ ᠣᠠᠳᠠᠷᠠᠰᠢ ᠦᠭᠡᠶ᠂ ᠦᠶᠡ ᠶᠢᠨ ᠦᠶᠡ ᠳᠤ ᠪᠠᠨ ᠳᠠᠰᠤᠷᠠᠰᠢ ᠦᠭᠡᠶ》 ᠦᠷᠭᠦᠯᠵᠢᠯᠡᠨ ᠪᠠᠳᠠᠷᠠᠨ ᠡᠭᠦᠷᠢᠳᠡ ᠳᠦᠷᠠᠯᠵᠠᠵᠤ 《ᠭᠡᠷᠡᠯ ᠶᠢᠡᠷ ᠶᠢᠡᠨ ᠭᠡᠢ᠌ᠭᠦᠯᠵᠤ᠂ ᠭᠡᠭᠡᠨ ᠶᠢᠡᠷ ᠶᠢᠡᠨ ᠢᠪᠠᠭᠡᠵᠤ》 ᠪᠠᠢ᠌ᠳᠠᠭ ᠭᠡᠷᠡᠯ ᠭᠢᠯᠪᠠᠭᠠ ᠶᠢᠨ ᠪᠠᠯᠭᠡ ᠳᠡᠮᠳᠡᠭ᠌᠂ ᠪᠣᠵᠠᠷ ᠪᠣᠷᠳᠠᠭ ᠢ ᠠᠷᠢᠯᠭᠠᠨ ᠰᠤᠶᠤᠷᠬᠠᠭᠴᠢ ᠠᠷᠢᠭᠤᠨ ᠴᠠᠪᠠᠷ ᠤᠨ ᠪᠠᠯᠭᠡ ᠳᠡᠮᠳᠡᠭ᠌᠂ ᠪᠣᠷᠤᠯᠠᠭᠤᠯᠤᠨ ᠴᠢᠨᠠᠵᠤ᠂ ᠪᠣᠯᠭᠠᠨ ᠢᠳᠡᠭᠦᠯᠳᠡᠭ᠌ ᠪᠣᠯᠪᠠᠰᠤᠨ ᠤ ᠪᠠᠯᠭᠡ ᠳᠡᠮᠳᠡᠭ᠌ ᠭᠡᠵᠤ ᠥᠵᠡᠳᠡᠭ᠌ ᠪᠦᠭᠡᠳ
ᠰᠢᠯᠢ ᠰᠠᠢ᠌ᠳᠤ ᠭᠦᠪᠠᠭᠦᠨ ᠲᠡᠶ ᠪᠣᠯᠭᠠᠬᠤ ᠴᠢ
ᠰᠢᠪᠠᠷᠭᠡᠯ ᠰᠠᠢ᠌ᠳᠤ ᠪᠠᠷᠢ ᠲᠡᠶ ᠪᠣᠯᠭᠠᠬᠤ ᠴᠢ
ᠰᠢᠯᠤᠭᠤᠨ ᠰᠠᠢ᠌ᠬᠠᠨ ᠦᠬᠢᠨ ᠲᠡᠶ ᠪᠣᠯᠭᠠᠬᠤ ᠴᠢ
᠁ ᠁ ᠁
ᠡᠩ ᠦᠭᠡᠶ ᠳᠤᠷᠭᠠ ᠶᠢ ᠡᠰᠭᠡᠵᠤ
ᠡᠩᠭᠡᠷ ᠵᠠᠭᠠᠮᠠ ᠶᠢ ᠵᠠᠯᠭᠠᠵᠤ
ᠡᠩᠭᠡ ᠮᠥᠩᠭᠡ ᠵᠢᠷᠭᠠᠬᠤ ᠪᠣᠯᠳᠤᠭᠠᠢ ︕ ᠭᠡᠵᠤ ᠦᠷᠡ ᠬᠡᠦᠬᠡᠳ ᠡᠰᠡᠨ ᠮᠠᠠᠳᠤ᠂ ᠡᠷᠦᠭᠡ ᠭᠡᠷ ᠥᠭᠡᠳᠡ ᠡᠰᠡᠷᠡᠭ᠌ ᠪᠣᠯᠬᠤ ᠶᠢ ᠭᠦᠰᠡᠨ ᠭᠠᠯ ᠤᠨ ᠪᠣᠷᠬᠠᠨ ᠳᠤ ᠪᠠᠨ ᠳᠠᠭᠠᠳᠬᠠᠵᠤ ᠵᠠᠯᠪᠢᠷᠠᠵᠤ ᠪᠠᠢ᠌ᠳᠠᠭ᠃ ᠦᠨᠦᠳᠤᠷ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ 《ᠭᠠᠯ ᠤᠨ ᠳᠠᠭᠢᠯᠭᠠ》 ᠳ᠋ᠤ ᠭᠠᠯ ᠢ ᠨᠤᠳᠤᠭ ᠣᠰᠤᠨ ᠤ ᠭᠡᠢ ᠳᠠᠷᠤᠯᠭᠠ᠂ ᠣᠷᠤᠨ ᠰᠠᠭᠤᠴᠠ ᠶᠢᠨ ᠨᠠᠪᠳᠠᠭ ᠰᠠᠪᠳᠠᠭ ᠢ ᠪᠠᠶᠠᠰᠬᠠᠭᠴᠢ᠂ ᠡᠵᠡᠳ ᠳᠤᠭᠰᠢᠳ ᠢ ᠳᠠᠷᠤᠩᠭ᠋ᠣᠢ᠌ᠯᠠᠭᠴᠢ ᠭᠡᠵᠤ ᠥᠵᠡᠳᠡᠭ᠌᠃ ᠳᠠᠷᠬᠠᠨ ᠬᠤᠰᠢᠭᠤᠨ ᠤ ᠱᠸᠪᠠᠷᠳᠤ ᠪᠠᠯᠭᠠᠰᠤᠨ ᠤ ᠪᠦᠳᠦᠭᠦᠨ ᠮᠤᠳᠤᠨ ᠠᠢ᠌ᠯ ᠤᠨ ᠵᠠᠯᠠᠭᠤ ᠪᠦᠭᠡ ᠳᠡᠭ᠍ᠰᠢᠪᠠᠶᠡᠷ ᠡᠴᠡ
ᠡᠭᠦᠯᠡᠨ ᠽᠠᠠᠳᠠᠨ ᠮᠤᠳᠤ ᠶᠢ ᠭᠡᠡᠵᠡ ᠶᠠ
ᠡᠷᠦᠭᠡ ᠶᠢᠨ ᠳᠤᠮᠳᠠ ᠪᠠᠨ ᠭᠦᠭ᠍ᠵᠢᠭᠡᠶᠡ ᠭᠡᠡᠵᠡ ᠶᠠ ︕
ᠡᠩᠭᠡ ᠶᠢᠨ ᠭᠠᠯ ᠤᠨ ᠣᠳᠤᠭᠠ ᠪᠠᠷ ᠭᠡᠡᠵᠡ ᠶᠠ
ᠡᠵᠡᠳ ᠰᠠᠭᠢᠭᠤᠯᠰᠤᠨ ᠢ ᠪᠠᠭᠤᠯᠭᠠᠶᠠ ᠭᠡᠡᠵᠡ ᠶᠠ ︕
᠁ ᠁ ᠁
ᠰᠠᠩᠭᠢᠭᠠᠤᠨ ᠭᠠᠷᠬᠤ ᠣᠳᠤᠭᠠ ᠭᠡᠡᠵᠡ ᠶᠠ ︕
ᠰᠠᠭᠢᠭᠤᠯᠰᠤᠨ ᠡᠵᠡᠳ ᠢ ᠵᠠᠯᠠᠶᠠ ᠭᠡᠡᠵᠡ ᠶᠠ ︕
ᠰᠠᠭᠤᠭᠰᠠᠨ ᠨᠤᠳᠤᠭ ᠣᠰᠤ ᠳᠤᠭᠰᠢᠷᠠᠵᠠᠢ ᠭᠡᠡᠵᠡ ᠶᠠ ︕
ᠰᠠᠭᠠᠤᠨ ᠦᠭᠡᠶ ᠰᠠᠢ᠌ᠨ ᠳᠠᠷᠤᠶᠠ ᠭᠡᠡᠵᠡ ᠶᠠ ︕ ᠭᠡᠵᠤ ᠭᠦᠷᠢᠶᠡᠨ ᠳᠤᠮᠳᠠ ᠪᠠᠨ ᠭᠠᠯ ᠶᠢᠡᠨ ᠪᠣᠰᠬᠠᠵᠤ ᠳᠤᠭᠤᠷᠢᠨ ᠪᠦᠵᠢᠭᠯᠡᠵᠤ᠂ ᠳᠠᠯᠠ ᠭᠡᠩᠭᠡᠷᠭᠡ ᠪᠠᠨ ᠳᠠᠯᠠᠳᠤᠨ ᠳᠠᠭᠤᠯᠠᠵᠤ ᠪᠦᠵᠢᠭᠯᠡᠵᠤ ᠪᠠᠢ᠌ᠪᠠ᠃ ᠡᠢ᠌ᠮᠦᠷᠭᠦ 《ᠭᠠᠯ ᠳᠠᠭᠢᠯᠭᠠ》 ᠨᠢ ᠣᠯᠠᠩᠭᠢ ᠳᠤ ᠪᠠᠨ ᠰᠢᠨᠠ ᠭᠡᠷ ᠪᠠᠷᠢᠵᠤ ᠨᠡᠭᠦᠵᠤ ᠣᠷᠤᠬᠤ ᠪᠣᠶᠤ ᠭᠡᠷ ᠪᠦᠯᠢ ᠶᠢᠨ ᠭᠦᠮᠦᠰ ᠡᠪᠡᠳᠴᠢᠨ ᠳᠠᠬᠤᠯ ᠭᠦᠷᠭᠦ ᠪᠠᠷ ᠨᠢ ᠭᠠᠵᠷ ᠣᠰᠤ ᠬᠠᠳᠠᠭᠤ ᠳᠤᠭᠰᠢᠨ ᠪᠠᠢ᠌ᠨᠠ ᠭᠠᠯ ᠤᠨ ᠳᠠᠭᠢᠯᠭᠠ ᠭᠢᠵᠤ ᠳᠠᠷᠤᠯᠭᠠ ᠪᠣᠯᠭᠠᠳᠠᠭ᠃ ᠡᠭᠦᠳᠡ ᠡᠷᠦᠭᠡ ᠪᠠᠨ ᠥᠭᠡᠳᠡ ᠡᠰᠡᠷᠡᠭ᠌᠂ ᠭᠦᠮᠤᠨ ᠵᠤᠨ ᠡᠩᠭᠡ ᠠᠮᠤᠷ᠂ ᠬᠡᠦᠬᠡᠳ ᠪᠠᠭᠠᠴᠤᠳ ᠰᠦᠷ ᠭᠡᠷᠡᠯᠳᠡᠢ᠂ ᠵᠠᠯᠠᠭᠤ ᠡᠷᠡᠴᠦᠯ ᠭᠡᠢ ᠮᠤᠷᠢ ᠲᠡᠶ ᠪᠠᠢ᠌ᠯᠭᠠᠬᠤ ᠶᠢᠨ ᠳᠤᠰᠠᠳᠠ ᠬᠤᠨᠢ ᠥᠭᠡᠷ ᠨᠢᠳᠤᠯᠵᠤ᠂ ᠰᠢᠷᠡᠭᠡ ᠪᠣᠳᠠᠭᠠ ᠪᠡᠯᠡᠳᠭᠡᠨ ᠭᠠᠯ ᠤᠨ ᠳᠠᠭᠢᠯᠭᠠ ᠭᠢᠭᠡᠳ
ᠰᠠᠩ ᠤᠨ ᠣᠳᠤᠭᠠᠨ ᠦᠨᠦᠷ ᠲᠤ
ᠰᠠᠭᠢᠭᠤᠰᠤ ᠪᠦᠭᠦᠳᠡᠭᠡᠷ ᠪᠠᠭᠤᠬᠤ ᠦᠦ ︖
ᠮᠠᠠᠳᠤᠭᠠᠤᠨ ᠭᠠᠷᠬᠤ ᠭᠠᠯ ᠢ ᠶᠠ
ᠮᠠᠨ ᠤ ᠪᠦᠭᠦᠳᠡᠭᠡᠷ ᠡᠷᠭᠢᠭᠦᠯᠦᠶᠡ
᠁ ᠁ ᠁
ᠪᠦᠭᠡ ᠶᠢᠨ ᠴᠤᠭᠯᠠᠭᠠᠨ ᠡ᠊ᠨᠳᠡ ᠶᠠ
ᠭᠡᠳᠤᠨ ᠥᠭᠡ ᠪᠠᠷ ᠶᠢᠡᠨ ᠵᠠᠯᠠᠴᠢᠬᠠᠶᠠ ︕
ᠪᠣᠭᠤᠷᠤᠯ ᠭᠠᠯ ᠤᠨ ᠰᠠᠭᠢᠭᠤᠰᠤ ᠶᠠ
ᠭᠡᠰᠢᠭ᠌ ᠪᠣᠶᠠᠨ ᠶᠢᠡᠨ ᠭᠦᠷᠳᠡᠭᠡᠴᠢᠭᠡ ᠳ᠋ᠠ ︕ ᠭᠡᠵᠤ ᠣᠩᠭ᠋ᠤᠳ ᠰᠠᠭᠢᠭᠤᠰᠤ ᠪᠠᠨ ᠵᠠᠯᠠᠵᠤ ᠠᠯᠢᠪᠠ ᠪᠢᠯᠢᠭ᠌ ᠵᠢᠯᠤᠭᠤ ᠪᠠᠨ ᠭᠠᠯ ᠶᠢᠡᠷ ᠠᠷᠢᠭᠤᠳᠬᠠᠨ ᠪᠠᠢ᠌ᠳᠠᠭ᠃
ᠭᠠᠯ ᠤᠨ ᠪᠣᠷᠬᠠᠨ ᠪᠣᠯ ᠬᠤᠷᠮᠤᠰᠳᠠ ᠳᠡᠭ᠍ᠷᠢ ᠶᠢᠨ ᠤᠳᠬᠤᠨ ᠭᠡᠦᠭᠡᠨ ᠨᠢ ᠪᠦᠭᠡᠳ ᠳᠡᠯᠡᠭᠡᠢ ᠶᠢᠷᠳᠢᠠᠴᠤ ᠶᠢᠨ ᠠᠮᠢᠳᠠᠨ ᠭᠤᠤᠯᠳᠠᠨ ᠤ ᠪᠣᠶᠠᠨ᠂ ᠨᠢᠭᠦᠯ ᠢ ᠰᠠᠯᠭᠠᠨ ᠭᠢᠨᠠᠭᠴᠢ ᠡᠭᠡ ᠳᠠᠭᠢᠨᠢᠰ ᠭᠡᠳᠡᠭ᠌᠃ ᠭᠠᠯ ᠤᠨ ᠪᠣᠷᠬᠠᠨ ᠵᠢᠯ ᠪᠦᠷᠢ ᠶᠢᠨ ᠭᠦᠭᠡᠭᠡ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠤ ᠰᠦᠨᠢ ᠡᠴᠡ ᠡᠭᠢᠯᠡᠵᠤ᠂ ᠶᠢᠷᠳᠢᠠᠴᠤ ᠶᠢᠨ ᠭᠦᠮᠦᠰ ᠤᠨ ᠥᠢᠯᠡᠳᠦᠭ᠍ᠰᠡᠨ ᠪᠣᠶᠠᠨ᠂ ᠭᠢᠭ᠍ᠰᠡᠨ ᠨᠢᠭᠦᠯ ᠭᠢᠯᠢᠠᠴᠠ ᠶᠢ ᠭᠢᠨᠠᠨ ᠪᠠᠢ᠌ᠴᠠᠭᠠᠵᠤ ᠬᠤᠷᠢᠨ ᠳᠦᠷᠪᠠᠨ ᠤ ᠦᠷᠯᠦᠭᠡ ᠡᠷᠳᠡ ᠳᠡᠭ᠍ᠷᠢ ᠳᠤ ᠭᠠᠷᠴᠤ ᠬᠤᠷᠮᠤᠰᠳᠠ ᠡᠴᠢᠭᠡ ᠳᠤ ᠪᠠᠨ ᠮᠡᠳᠡᠭᠦᠯᠦᠭᠡᠳ ᠰᠢᠨᠠ ᠶᠢᠨ ᠨᠢᠭᠡᠨ ᠤ ᠦᠷᠯᠦᠭᠡ ᠪᠣᠴᠠᠨ ᠢᠷᠡᠳᠡᠭ᠌ ᠭᠡᠨᠡ᠃ ᠡᠢ᠌ᠮᠤ ᠡᠴᠡ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠬᠤᠷᠢᠨ ᠭᠤᠷᠪᠠᠨ ᠤ ᠡᠳᠦᠷ ᠨᠢ ᠭᠠᠯ ᠤᠨ ᠳᠤᠭᠤᠰᠤ ᠭᠦᠪᠢᠭᠦ ᠴᠡᠪᠠᠷᠯᠡᠭᠡ ᠭᠢᠵᠤ ᠭᠡᠷ ᠳᠡᠷᠭᠡ ᠪᠠᠨ ᠴᠠᠪᠠᠷᠯᠠᠨ᠂ ᠭᠦᠷᠢᠶᠡ ᠬᠠᠰᠢᠶᠠ ᠪᠠᠨ ᠱᠥᠭᠦᠷᠳᠡᠵᠤ᠂ ᠵᠤᠤᠬᠠ ᠳᠤᠭᠤᠯᠭᠠ ᠪᠠᠨ ᠰᠢᠪᠠᠨ᠂ ᠴᠤᠩᠬᠤ ᠡᠭᠦᠳᠡ ᠪᠠᠨ ᠵᠥᠯᠭᠦᠭᠡᠳ᠂ ᠬᠤᠪᠴᠠᠰᠤ ᠬᠤᠨᠠᠷ᠂ ᠭᠦᠡᠵᠢᠯᠡ ᠳᠡᠪᠢᠰᠭᠡᠷ᠂ ᠠᠪᠳᠠᠷᠠ ᠬᠤᠷᠭᠤ᠂ ᠠᠶᠠᠭᠠ ᠰᠢᠨᠠᠭᠠ ᠳᠤ ᠭᠦᠷᠳᠡᠯᠡ ᠭᠢᠯ ᠴᠢᠯ ᠣᠭᠢᠶᠠᠨ ᠴᠠᠪᠠᠷᠯᠠᠵᠤ ᠳᠠᠭᠢᠨ ᠳᠠᠮᠤᠷ ᠳᠤᠩᠹᠧᠨ ᠳᠤ ᠪᠠᠨ ᠬᠠᠢ᠌ᠯᠠᠰᠤᠨ ᠮᠤᠳᠤᠨ ᠬᠤᠵᠤᠤᠯ ᠰᠢᠳᠠᠭᠠᠵᠤ ᠭᠠᠵᠠᠷ ᠤᠨ ᠭᠤᠤᠯ ᠳᠤ ᠪᠠᠨ ᠳᠠᠯᠪᠢᠨ ᠭᠠᠯ ᠣᠳᠤᠭᠠ ᠪᠠᠷ ᠭᠡᠷ ᠶᠢᠡᠨ ᠰᠠᠢ᠌ᠬᠠᠨ ᠠᠷᠢᠭᠤᠳᠬᠠᠨ ᠣᠳᠤᠳᠠᠭ᠃ ᠰᠦᠨᠢ ᠪᠣᠯᠵᠤ ᠣᠭᠳᠠᠷᠭᠤᠢ ᠳᠤ ᠣᠳᠤᠨ ᠮᠠᠴᠢᠳ ᠳᠦᠭᠡᠭ᠍ᠰᠡᠨ ᠤ ᠳᠠᠷᠠᠭᠠ ᠬᠤᠨᠢᠨ ᠡᠪᠴᠢᠭᠦᠤ ᠭᠠᠷᠭᠠᠵᠤ 《ᠭᠠᠯ ᠤᠨ ᠳᠠᠭᠢᠯᠭᠠ》 ᠪᠠᠨ ᠭᠢᠵᠤ᠂ ᠭᠠᠯ ᠤᠨ ᠪᠣᠷᠬᠠᠨ ᠶᠢᠡᠨ ᠪᠠᠶᠠᠰᠬᠠᠨ ᠦᠳᠡᠨ ᠮᠤᠷᠳᠠᠭᠤᠯᠳᠠᠭ ᠪᠢᠯᠠ᠃ ᠦᠨᠡᠨᠳᠡᠭᠡᠨ ᠪᠦᠭᠡ ᠶᠢᠨ ᠱᠠᠰᠢᠨ ᠶᠢᠡᠷ ᠪᠣᠯ ᠪᠦᠭᠦᠯᠢ ᠬᠤᠨᠢ ᠪᠠᠷ ᠳᠠᠭᠢᠳᠠᠭ ᠪᠠᠢ᠌ᠭᠰᠠᠨ᠃ ᠡᠪᠴᠢᠭᠦᠤ ᠪᠠᠷ ᠳᠠᠭᠢᠬᠤ ᠪᠣᠯᠤᠭᠰᠠᠨ ᠨᠢ ᠮᠦᠨ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠨᠥᠯᠦᠭᠡᠯᠡᠯ ᠪᠣᠯᠬᠤ ᠶᠤᠮ᠃ 《ᠬᠠᠮᠤᠭ ᠮᠢᠬᠠᠨ ᠤ ᠳᠡᠪᠢᠰᠭᠡᠷ ᠡᠪᠴᠢᠭᠦᠤ》 ᠭᠡᠵᠤ ᠡᠪᠴᠢᠭᠦᠤ ᠪᠠᠷ ᠪᠦᠭᠦᠯᠢ ᠬᠤᠨᠢ ᠶᠢ ᠣᠷᠤᠯᠠᠭᠤᠯᠵᠠᠢ᠃ ᠬᠤᠨᠢᠨ ᠡᠪᠴᠢᠭᠦᠤ ᠭᠠᠷᠭᠠᠵᠤ ᠭᠠᠯ ᠳᠠᠭᠢᠳᠠᠭ ᠤᠨ ᠣᠴᠢᠷ ᠭᠡᠪᠠᠯ᠂ ᠮᠤᠩᠭ᠋ᠤᠯᠴᠤᠳ ᠶᠠᠷᠤᠨᠢ ᠭᠡᠦᠭᠡᠨ ᠶᠢᠡᠨ ᠬᠤᠨᠢᠨ ᠡᠪᠴᠢᠭᠦᠤ ᠪᠠᠷ ᠳᠠᠢ᠌ᠯᠠᠬᠤ ᠵᠠᠩᠰᠢᠯ ᠲᠡᠶ ᠪᠠᠢ᠌ᠳᠠᠭ᠃ ᠭᠠᠯ ᠤᠨ ᠪᠣᠷᠬᠠᠨ ᠨᠢ ᠮᠦᠨᠴᠤ ᠬᠤᠷᠮᠤᠰᠳᠠ ᠳᠡᠭ᠍ᠷᠢ ᠶᠢᠨ ᠭᠡᠦᠭᠡᠨ ᠳᠠᠭᠢᠨᠢ ᠪᠣᠯᠬᠤᠷ ᠭᠡᠦᠭᠡᠨ ᠭᠦᠮᠤᠨ ᠢ ᠳᠠᠢ᠌ᠯᠠᠳᠠᠭ ᠤᠨ ᠶᠤᠰᠤ ᠪᠠᠷ ᠢᠩᠭᠢᠵᠤ ᠭᠦᠡᠳᠦᠳᠭᠡᠨ ᠳᠠᠢ᠌ᠯᠠᠳᠠᠭ ᠤᠨ ᠣᠴᠢᠷ ᠡᠭᠦᠨ ᠳᠤ ᠪᠠᠢ᠌ᠨᠠ᠃ ᠪᠠᠰᠠ ᠭᠠᠯ ᠤᠨ ᠪᠣᠳᠠᠭᠠ ᠪᠡᠯᠡᠳᠭᠡᠭᠦ ᠭᠡᠷᠡᠭ᠍ᠳᠡᠢ᠃ ᠭᠠᠯ ᠤᠨ ᠪᠣᠳᠠᠭᠠ ᠪᠠᠨ ᠬᠠᠭᠤᠷᠤᠭᠰᠠᠨ ᠠᠮᠤ ᠪᠠᠨ ᠰᠢᠷᠠ ᠳᠤᠰᠤ ᠶᠢᠡᠷ ᠵᠢᠭᠤᠷᠠᠵᠤ ᠭᠢᠭᠦ ᠪᠣᠶᠤ ᠣᠯᠠᠩᠭᠢ ᠳᠤ ᠪᠠᠨ ᠰᠢᠯᠦᠭᠡᠢ ᠨᠠᠩᠭᠢ ᠪᠣᠳᠠᠭᠠ ᠪᠠᠨ ᠡᠪᠴᠢᠭᠦᠤ ᠴᠢᠨᠠᠭᠰᠠᠨ ᠱᠦᠯᠦ ᠳᠤ ᠪᠠᠨ ᠠᠭᠰᠢᠭᠠᠵᠤ ᠴᠢᠨᠠᠭᠠᠤᠨ ᠳᠠᠭᠢᠯᠭᠠ ᠳᠤ ᠭᠡᠷᠡᠭᠯᠡᠨᠡ᠃ ᠨᠠᠩᠭᠢ ᠪᠣᠳᠠᠭᠠ ᠪᠠᠷ ᠳᠠᠭᠢᠵᠤ ᠪᠠᠢ᠌ᠭᠠ ᠨᠢ ᠦᠬᠢᠨ ᠭᠦᠮᠤᠨ ᠤ ᠬᠤᠩᠰᠢᠶᠠᠷ ᠮᠠᠭᠤ ᠭᠡᠨᠡ᠃ ᠨᠠᠩᠭᠢ ᠪᠣᠳᠠᠭᠠ ᠪᠠᠷ ᠳᠠᠭᠢᠵᠤ ᠠᠮᠠ ᠶᠢ ᠨᠢ ᠴᠠᠪᠠᠤᠳᠠᠴᠢᠬᠠᠬᠤ ᠪᠣᠯᠬᠤᠷ ᠳᠤᠤᠷᠠ ᠶᠢᠷᠳᠢᠠᠴᠤ ᠶᠢᠨ ᠮᠠᠭᠤ ᠰᠠᠢ᠌ᠨ ᠣᠴᠢᠷ ᠢ ᠡᠴᠢᠭᠡ ᠳᠡᠭ᠍ᠷᠢ ᠬᠤᠷᠮᠤᠰᠳᠠ ᠳᠤ ᠪᠠᠨ ᠭᠡᠯᠡᠵᠤ ᠥᠭ᠍ᠴᠤ ᠳᠡᠢ᠌ᠯᠭᠦ ᠦᠭᠡᠶ ᠭᠡᠨᠡ᠃
ᠣᠤᠯ ᠨᠢ ᠠᠢ᠌ᠯ ᠭᠡᠷ ᠤᠨ ᠭᠢᠨ ᠳᠤᠰᠬᠠᠢ ᠪᠦᠭᠡ ᠵᠠᠯᠠᠵᠤ ᠭᠠᠯ ᠤᠨ ᠳᠠᠭᠢᠯᠭᠠ ᠶᠢ ᠡᠷᠭᠢᠯᠡᠭᠦᠯᠵᠤ ᠪᠠᠢ᠌ᠭᠰᠠᠨ ᠪᠣᠯ ᠬᠤᠵᠢᠮ ᠨᠢ ᠭᠠᠯ ᠤᠨ ᠯᠠᠮᠠ ᠪᠠᠷ ᠣᠷᠤᠯᠠᠭᠤᠯᠵᠠᠢ᠃ ᠭᠠᠯ ᠤᠨ ᠯᠠᠮᠠ ᠭᠡᠳᠡᠭ᠌ ᠨᠢ ᠮᠤᠩᠭ᠋ᠤᠯ ᠣᠷᠤᠨ ᠳᠤ ᠰᠢᠷᠠ ᠶᠢᠨ ᠱᠠᠰᠢᠨ ᠣᠷᠤᠵᠤ ᠢᠷᠡᠭ᠍ᠰᠡᠨ ᠤ ᠰᠡᠭᠦᠯᠡᠷ ᠪᠣᠢ ᠪᠣᠯᠤᠭᠰᠠᠨ ᠭᠠᠯ ᠳᠠᠭᠢᠯᠭᠠ ᠡᠷᠭᠢᠯᠡᠭ᠍ᠴᠢ ᠯᠠᠮᠠ ᠪᠣᠯᠤᠨᠠ᠃ ᠣᠳᠤ ᠪᠦᠷ ᠭᠠᠯ ᠳᠠᠭᠢᠯᠭᠠ ᠳᠤ ᠪᠦᠭᠡ ᠯᠠᠮᠠ ᠵᠠᠯᠠᠬᠤ ᠪᠠᠨ ᠪᠣᠯᠢᠵᠤ ᠠᠢ᠌ᠯ ᠠᠢ᠌ᠮᠠᠭ ᠤᠨ ᠪᠣᠶᠤ ᠣᠪᠣᠭ ᠣᠭᠰᠠᠭᠠᠳᠠᠨ ᠤ ᠳᠤᠳᠤᠷᠠᠭᠢ ᠠᠬᠠᠮᠠᠤᠨ ᠳᠤᠮᠤᠭᠠᠳᠠᠨ ᠶᠢᠡᠷ ᠶᠢᠡᠨ ᠡᠷᠭᠢᠯᠡᠭᠦᠯᠤᠨ ᠭᠢᠭᠦ ᠪᠣᠯᠵᠠᠢ᠃
ᠭᠤᠷᠪᠠ᠂ ᠬᠤᠪᠣᠩ ᠤᠨ ᠰᠤᠶᠤᠯ
《ᠬᠤᠪᠣᠩ ᠤᠨ ᠰᠤᠶᠤᠯ》 ᠨᠢ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ 《ᠭᠠᠯ ᠭᠤᠯᠤᠮᠳᠠ》 ᠶ᠋ᠢᠨ ᠦᠵᠡᠯ ᠤᠨ ᠭᠤᠤᠯ ᠢᠯᠡᠷᠡᠭᠦᠨ ᠣᠴᠢᠷ 《ᠭᠠᠯ ᠤᠨ ᠪᠣᠷᠬᠠᠨ ᠪᠠᠶᠠᠷᠯᠠᠪᠠᠯ ᠭᠠᠢ ᠳᠤᠳᠬᠠᠷ ᠠᠷᠢᠯᠤᠨᠠ᠂ ᠭᠠᠯ ᠤᠨ ᠪᠣᠷᠬᠠᠨ ᠭᠢᠯᠢᠩᠨᠠᠪᠠᠯ ᠠᠶᠤᠯ ᠭᠠᠮᠰᠢᠭ ᠪᠤᠯᠤᠨᠠ》 ᠭᠡᠵᠤ ᠰᠥᠰᠦᠭᠯᠡᠨ ᠭᠠᠯ ᠤᠨ ᠳᠤᠬᠠᠢ ᠭᠦᠡᠳᠦᠳᠭᠡᠯ ᠶᠤᠰᠤ ᠪᠠ ᠣᠯᠠᠨ ᠠᠷᠪᠢᠨ ᠴᠡᠭᠡᠷ ᠬᠤᠷᠢᠭᠠ ᠲᠡᠶ ᠪᠠᠢ᠌ᠳᠠᠭ᠃ ᠵᠢᠱᠢᠶᠠᠯᠠᠪᠠᠯ 《ᠭᠠᠳᠠᠭᠰᠢ ᠶᠠᠪᠣᠬᠤ ᠭᠦᠮᠤᠨ ᠠᠮᠠ ᠪᠠᠨ ᠭᠢᠴᠢᠶᠠ᠂ ᠭᠡᠷ ᠲᠤ ᠰᠠᠭᠤᠬᠤ ᠭᠦᠮᠤᠨ ᠭᠠᠯ ᠶᠢᠡᠨ ᠭᠢᠴᠢᠶᠡ》 ④ ᠭᠡᠰᠡᠨ ᠰᠤᠷᠭᠠᠯ ᠥᠭᠡᠨ ᠡᠴᠡ ᠡᠷᠳᠡᠨ ᠤ ᠮᠤᠩᠭ᠋ᠤᠯᠴᠤᠳ ᠤᠨ ᠭᠠᠯ ᠭᠤᠯᠤᠮᠳᠠ ᠪᠠᠨ ᠣᠠᠳᠠᠷᠭᠠᠬᠤ ᠡᠴᠡ ᠭᠢᠴᠢᠶᠠᠵᠤ ᠭᠠᠯ ᠶᠢᠡᠨ ᠮᠠᠨᠠᠵᠤ ᠠᠮᠢᠳᠤᠷᠠᠵᠤ ᠪᠠᠢ᠌ᠭᠰᠠᠨ ᠦᠶᠡ ᠡᠴᠡ ᠣᠯᠠᠮᠵᠢᠯᠠᠨ ᠢᠷᠡᠭ᠍ᠰᠡᠨ ᠬᠠᠭᠤᠴᠢᠨ ᠤ ᠰᠤᠷᠭᠠᠯ ᠥᠭᠡ ᠪᠣᠯᠬᠤ ᠨᠢ ᠳᠤᠳᠤᠷᠬᠠᠢ᠃ ᠡᠳᠦᠷ ᠤᠨ ᠭᠤᠷᠪᠠᠨ ᠴᠠᠭ ᠤᠨ ᠬᠤᠭᠤᠯᠠ ᠪᠠᠨ ᠪᠠᠯᠡᠳᠭᠦ ᠳᠤ ᠪᠠᠨ ᠵᠤᠤᠬᠠ ᠶᠢᠨ ᠭᠠᠯ ᠶᠢᠡᠨ ᠮᠠᠯᠳᠠᠨ ᠠᠪᠴᠤ ᠬᠤᠪᠣᠩ ᠤᠨ ᠭᠠᠯ ᠳᠡᠭᠡᠷᠡ ᠪᠠᠨ ᠨᠠᠮᠠᠵᠤ ᠴᠢᠩᠭ᠋ᠠ ᠳᠠᠷᠤᠵᠤ ᠳᠠᠯᠪᠢᠳᠠᠭ᠃ ᠬᠤᠪᠣᠩ ᠶᠢᠡᠨ ᠰᠢᠭᠤᠳ ᠬᠠᠠᠵᠤᠨ ᠳᠡᠭᠡᠷᠡ ᠪᠠᠨ ᠳᠠᠯᠪᠢᠬᠤ ᠶᠤᠮ ᠪᠢᠰᠢ᠂ ᠬᠠᠷᠢᠨ ᠬᠠᠠᠵᠤᠨ ᠳᠡᠭᠡᠷᠡ ᠪᠠᠨ ᠪᠣᠶᠤ ᠬᠠᠠᠵᠤᠨ ᠤ ᠬᠠᠶᠠᠩ ᠤᠨ ᠤᠢ᠌ᠷᠠᠯᠴᠠᠭᠠ ᠮᠤᠳᠤ ᠪᠠᠷ ᠪᠣᠶᠤ ᠳᠠᠮᠤᠷ ᠶᠢᠡᠷ ᠬᠤᠪᠣᠩ ᠤᠨ ᠳᠠᠯᠪᠢᠭᠤᠷ ᠵᠤᠬᠢᠶᠠᠵᠤ ᠬᠤᠪᠣᠩ ᠶᠢᠡᠨ ᠳᠠᠪ ᠳᠡᠭ᠍ᠰᠢᠭᠡᠨ ᠳᠠᠯᠪᠢᠨᠠ᠃ ᠦᠭᠡᠶ ᠪᠣᠯ ᠭᠡᠰᠢᠭ᠌ ᠪᠣᠶᠠᠨ ᠵᠠᠢ᠌ᠯᠠᠨᠠ᠃ ᠭᠠᠯ ᠶᠢᠡᠨ ᠵᠠᠷᠤᠬᠤ ᠦᠭᠡᠶ ᠦᠶᠡ ᠳᠤ ᠦᠨᠡᠰᠤ ᠪᠠᠷ ᠪᠦᠷᠭᠦᠵᠤ ᠴᠢᠩᠭ᠋ᠠ ᠳᠠᠷᠤᠵᠤ ᠳᠠᠯᠪᠢᠬᠤ ᠪᠦᠭᠡᠳ ᠪᠠᠰᠠ ᠭᠦᠭᠡ ᠳᠤᠭᠤᠰᠭᠠ ᠪᠠᠷ ᠪᠠᠰᠠ ᠳᠠᠷᠤᠵᠤ ᠳᠠᠯᠪᠢᠪᠠᠯ ᠠᠷᠪᠠᠨ ᠭᠡᠳᠤᠨ ᠴᠠᠭ ᠴᠢᠨᠠᠭᠰᠢᠯᠠᠪᠠᠯ ᠨᠠᠩ ᠣᠷᠳᠤ ᠴᠠᠭ ᠲᠤ ᠣᠠᠳᠠᠷᠠᠬᠤ ᠦᠭᠡᠶ ᠪᠢᠯᠠ᠃ ᠭᠠᠯ ᠶᠢᠡᠨ ᠵᠠᠷᠤᠬᠤ ᠦᠶᠡ ᠳᠤ ᠭᠠᠯ ᠤᠨ ᠬᠤᠰᠤᠭᠤᠷ ᠶᠢᠡᠷ ᠶᠢᠡᠨ ᠭᠠᠯ ᠤᠨ ᠦᠨᠡᠰᠤ ᠶᠢ ᠨᠢ ᠭᠦᠩᠭᠡᠭᠡᠨ ᠢᠷᠠᠵᠤ ᠣᠩᠭ᠋ᠤᠴᠠᠯᠠᠨ ᠮᠠᠯᠳᠠᠪᠠᠯ ᠭᠠᠯ ᠨᠢ ᠮᠠᠰᠢ ᠳᠦᠷᠭᠡᠨ ᠣᠯᠠᠢ᠌ᠵᠤ ᠰᠤᠷᠯᠠᠨ ᠵᠠᠷᠤᠬᠤ ᠳᠤ ᠮᠠᠰᠢ ᠳᠦᠭᠦᠮ ᠪᠠᠢ᠌ᠳᠠᠭ᠃ ᠣᠰᠤ ᠪᠣᠴᠠᠯᠭᠠᠬᠤ ᠪᠣᠶᠤ ᠮᠢᠬᠠ ᠴᠢᠨᠠᠵᠤ ᠨᠤᠭᠤᠭᠠ ᠪᠣᠯᠭᠤᠭᠠᠨᠠ᠃ ᠬᠤᠪᠣᠩ ᠤᠨ ᠵᠥᠭᠡᠯᠡᠨ ᠭᠠᠯ ᠳᠡᠭᠡᠷᠡ ᠪᠠᠨ ᠰᠢᠷᠤᠢ ᠶᠢᠨ ᠫᠧᠩᠰᠠ (砂锅) ᠳ᠋ᠤ ᠴᠢᠨᠠᠵᠤ ᠪᠣᠯᠭᠤᠭᠠᠭᠰᠠᠨ ᠮᠢᠬᠠ ᠨᠤᠭᠤᠭᠠ ᠣᠠᠴᠠ ᠶᠢᠨ ᠦᠨᠦᠷ ᠠᠮᠳᠠ ᠲᠡᠶ ᠪᠠᠢ᠌ᠳᠠᠭ ᠶᠤᠮ᠃ ᠨᠠᠮᠤᠷ ᠤᠨ ᠡᠭᠢᠨ ᠤ ᠦᠶᠡ ᠳᠤ ᠰᠢᠨᠠ ᠪᠠᠭᠤᠭᠰᠠᠨ ᠲᠦᠮᠦᠰᠦ ᠶᠢ ᠬᠤᠪᠣᠩ ᠤᠨ ᠭᠠᠯ ᠳᠤ ᠪᠠᠨ ᠪᠣᠯᠠᠵᠤ ᠳᠠᠯᠪᠢᠭᠠᠤᠨ ᠰᠢᠷᠠᠵᠤ ᠢᠳᠠᠨᠠ᠃ ᠰᠠᠭᠠᠭ ᠤᠨ ᠭᠤᠯᠢᠷ ᠶᠢᠡᠨ ᠨᠤᠬᠤᠵᠤ ᠨᠥᠭᠡᠯᠡᠭᠡᠳ ᠳᠤᠳᠤᠷᠠ ᠨᠢ ᠣᠯᠠᠭᠠᠨ ᠱᠠᠳᠠᠩ ᠪᠠᠭᠠ ᠭᠢᠭᠡᠳ ᠮᠦᠨ ᠭᠠᠯ ᠳ᠋ᠤᠨᠢ ᠪᠣᠯᠠᠵᠤ ᠰᠢᠷᠠᠭᠠᠤᠨ ᠢᠳᠡᠭᠦ ᠨᠢ ᠳᠤᠬᠠᠢ ᠦᠶᠡ ᠶᠢᠨ ᠨᠢᠭᠡᠨ ᠨᠤᠳᠤᠭ ᠤᠨ ᠭᠠᠷᠤᠯᠳᠠᠢ ᠠᠮᠳᠠᠳᠤ ᠢᠳᠡᠭᠡᠨ ᠪᠣᠯᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠶ᠃
ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠭᠠᠯ ᠤᠨ ᠳᠠᠭᠢᠯᠭᠠ ᠨᠢ ᠪᠦᠷ ᠬᠤᠪᠣᠩ ᠳᠡᠭᠡᠷᠡ ᠪᠠᠨ ᠶᠠᠪᠣᠭᠳᠠᠳᠠᠭ᠃ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠯᠠ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠪᠣᠯᠤᠭᠰᠠᠭᠠᠷ ᠭᠠᠯ ᠤᠨ ᠳᠠᠭᠢᠯᠭᠠ ᠭᠢᠭᠦ ᠨᠢ ᠨᠢᠭᠡᠨ ᠶᠡᠭᠡ ᠥᠪᠠᠳᠡᠭ᠍ᠰᠢ ᠶᠤᠰᠤᠯᠠᠯ ᠪᠣᠯᠬᠤ ᠶᠤᠮ᠃ ᠬᠠᠭᠤᠷᠠᠢ ᠮᠤᠳᠤᠨ ᠰᠠᠯᠠᠭᠠ ᠪᠠᠨ ᠬᠤᠪᠣᠩ ᠤᠨ ᠳᠡᠭᠡᠷᠡ ᠪᠠᠨ ᠭᠤᠷᠪᠠᠯᠵᠢᠯᠠᠨ ᠳᠠᠯᠪᠢᠵᠤ᠂ ᠳᠠᠭᠢᠨ ᠪᠣᠷᠭᠠᠰᠤ ᠶᠢ ᠳᠤᠮᠳᠠᠭᠤᠷ ᠨᠢ ᠬᠠᠭᠠᠯᠵᠤ ᠳᠠᠪᠤᠨ ᠥᠩᠭᠡ ᠶᠢᠨ ᠪᠦᠰ ᠢ ᠬᠠᠪᠴᠢᠭᠤᠯᠤᠨ ᠬᠠᠭᠤᠷᠠᠢ ᠮᠤᠳᠤᠨ ᠳᠤᠮᠳᠠ ᠪᠠᠨ ᠳᠠᠯᠪᠢᠵᠤ ᠰᠢᠳᠠᠭᠠᠨᠠ᠃ ᠳᠡᠭᠡᠭᠡᠳ ᠴᠢᠨᠠᠭᠰᠠᠨ ᠬᠤᠨᠢ ᠶᠢᠨ ᠡᠪᠴᠢᠭᠦᠨ ᠡᠴᠡ ᠪᠠᠨ ᠳᠡᠭᠡᠵᠢ ᠶᠢ ᠨᠢ ᠠᠪᠴᠤ ᠭᠠᠯ ᠳᠤ ᠪᠠᠨ ᠰᠢᠳᠠᠭᠠᠨ᠂ ᠭᠡᠷ ᠤᠨ ᠡᠵᠡᠨ ᠨᠢ 《ᠠᠬᠠᠮᠠᠤᠨ ᠨᠠᠰᠤᠳᠠᠨ ᠮᠢᠨᠢ ᠡᠷᠡᠭᠦᠯ ᠴᠢᠭᠢᠷᠠᠭ᠂ ᠠᠩᠭ᠋ᠠ ᠬᠡᠦᠬᠡᠳ ᠮᠢᠨᠢ ᠳᠡᠭ᠍ᠵᠢᠨ ᠴᠤᠪᠣᠭᠤ᠂ ᠠᠰ ᠤᠨ ᠠᠮᠢᠳᠤᠷᠠᠯ ᠮᠢᠨᠢ ᠥᠭᠡᠳᠡ ᠡᠰᠡᠷᠡᠭ᠌᠂ ᠠᠳᠤᠭᠤ ᠮᠠᠯ ᠮᠢᠨᠢ ᠦᠷᠠᠵᠢᠯ ᠰᠠᠢ᠌ᠳᠠᠢ᠁》 ᠠᠯᠢᠪᠠ ᠪᠦᠭᠦᠨ ᠰᠠᠢ᠌ᠨ ᠰᠠᠢ᠌ᠬᠠᠨ ᠪᠣᠶᠠᠨ ᠭᠡᠰᠢᠭ᠌ ᠢ ᠰᠤᠶᠤᠷᠬᠠᠨ ᠬᠠᠢ᠌ᠷᠠᠯᠠᠬᠤ ᠶᠢ ᠭᠦᠰᠡᠮᠵᠢᠯᠡᠨ ᠭᠤᠶᠤᠵᠤ 《ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ ︕》 ᠭᠡᠵᠤ ᠨᠠᠮᠠᠠᠴᠢᠯᠠᠨ ᠳᠠᠭᠠᠳᠬᠠᠵᠤ᠂ ᠥᠳᠡᠯᠦᠭ᠍ᠰᠡᠨ ᠵᠠᠯᠠᠭᠤ ᠪᠦᠭᠦᠳᠡ ᠣᠯᠠᠨ ᠶᠢᠡᠷ ᠶᠢᠡᠨ ᠬᠤᠪᠣᠩ ᠶᠢᠡᠨ ᠳᠤᠭᠤᠷᠢᠨ ᠰᠥᠭᠦᠳᠤᠨ ᠮᠦᠷᠭᠦᠨᠡ᠃ ᠦᠷᠯᠦᠭᠡ ᠪᠦᠷᠢ ᠬᠤᠪᠣᠩ ᠤᠨ ᠭᠠᠯ ᠳᠤ ᠪᠠᠨ ᠭᠠᠯ ᠤᠨ ᠪᠣᠳᠠᠭᠠ ᠡᠷᠭᠦᠳᠡᠭ᠌ ᠵᠠᠩᠰᠢᠯ ᠲᠡᠶ᠃ ᠭᠠᠯ ᠤᠨ ᠪᠣᠳᠠᠭᠠ ᠶᠢ ᠬᠠᠭᠤᠷᠤᠭᠰᠠᠨ ᠠᠮᠤ ᠶᠢ ᠰᠢᠭᠢᠷ ᠰᠢᠷᠠ ᠳᠤᠰᠤ ᠲᠡᠶ ᠵᠢᠭᠤᠷᠠᠵᠤ ᠴᠠᠷᠴᠠᠭᠠᠵᠤ ᠭᠢᠳᠡᠭ᠌᠃
ᠬᠤᠪᠣᠩ ᠲᠡᠶ ᠭᠠᠯ ᠴᠡᠭᠡᠷ ᠶᠤᠰᠤᠨ ᠪᠠᠰᠠ ᠪᠠᠭᠠ ᠪᠣᠰᠤ ᠪᠠᠢ᠌ᠳᠠᠭ᠃ ᠬᠤᠪᠣᠩ ᠶᠢᠡᠨ ᠳᠠᠪ ᠳᠡᠭ᠍ᠰᠢ ᠳᠤᠯᠵᠤ ᠳᠠᠯᠪᠢᠨᠠ᠃ ᠦᠭᠡᠶ ᠪᠣᠯ ᠪᠣᠶᠠᠨ ᠭᠡᠰᠢᠭ᠌ ᠵᠠᠢ᠌ᠯᠠᠨᠠ᠃ ᠬᠤᠪᠣᠩ ᠲᠡᠶ ᠭᠠᠯ ᠳᠤ ᠰᠤᠩᠭᠢᠨᠠ ᠰᠠᠷᠢᠮᠰᠠᠭ ᠤᠨ ᠬᠠᠯᠢᠰᠤ ᠶᠢ ᠣᠷᠤᠭᠤᠯᠵᠤ ᠪᠣᠯᠬᠤ ᠦᠭᠡᠶ᠃ ᠳᠤᠯᠤᠭᠠᠢ ᠳᠤ ᠶᠠᠭᠤᠮᠠ ᠭᠠᠷᠴᠤ ᠬᠤᠵᠢᠭᠠᠷ ᠪᠣᠯᠤᠨᠠ᠂ ᠨᠢᠳᠤ ᠡᠪᠠᠳᠦᠨᠡ᠂ ᠬᠠᠳᠠᠭᠢ ᠭᠠᠷᠤᠨᠠ᠃ ᠬᠡᠦᠬᠡᠳ ᠬᠤᠪᠣᠩ ᠲᠡᠶ ᠭᠠᠯ ᠶᠢᠡᠷ ᠨᠠᠭᠠᠳᠴᠤ ᠪᠣᠯᠬᠤ ᠦᠭᠡᠶ ᠮᠠᠯ ᠬᠤᠯᠠᠳᠤᠨᠠ ᠭᠡᠭᠦ᠃ ᠬᠤᠪᠣᠩ ᠲᠡᠶ ᠭᠠᠯ ᠤᠨ ᠣᠷᠤᠢ ᠶᠢ ᠢᠷ ᠲᠡᠶ᠂ ᠥᠵᠦᠭᠦᠷ ᠲᠡᠶ ᠳᠡᠮᠦᠷᠯᠢᠭ᠌ ᠶᠢᠡᠷ ᠴᠢᠴᠢᠯᠠᠵᠤ ᠪᠣᠯᠬᠤ ᠦᠭᠡᠶ ᠭᠠᠯ ᠤᠨ ᠪᠣᠷᠬᠠᠨ ᠠᠭᠤᠷᠯᠠᠨᠠ ᠭᠡᠭᠦ᠃ ᠬᠤᠪᠣᠩ ᠲᠡᠶ ᠭᠠᠯ ᠤᠨ ᠣᠷᠤᠢ ᠳᠡᠭᠡᠷᠡ ᠶᠠᠮᠠᠷᠪᠠ ᠶᠠᠭᠤᠮᠠ ᠶᠢ ᠳᠠᠯᠪᠢᠵᠤ ᠪᠣᠯᠬᠤ ᠦᠭᠡᠶ ᠡᠭᠦᠳᠡ ᠡᠷᠦᠭᠡ ᠳᠤᠷᠣᠢ᠌ᠳᠠᠨᠠ ᠭᠡᠭᠦ᠃ ᠭᠠᠯ ᠤᠨ ᠦᠨᠡᠰᠤ ᠪᠠᠨ ᠬᠤᠭ ᠨᠤᠪᠰᠢ ᠲᠡᠶ ᠨᠡᠢ᠌ᠯᠡᠭᠦᠯᠳᠡᠭ᠌ ᠦᠭᠡᠶ ᠪᠦᠭᠡᠳ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠶ ᠬᠠᠶᠠᠵᠤ ᠭᠢᠰᠭᠢᠯᠡᠳᠡᠭ᠌ ᠦᠭᠡᠶ᠂ ᠭᠡᠢ᠌ᠰᠭᠡᠵᠤ ᠪᠣᠳᠠᠷᠠᠭᠤᠯᠳᠠᠭ ᠦᠭᠡᠶ ᠭᠡᠰᠢᠭ᠌ ᠪᠣᠶᠠᠨ ᠶᠢᠡᠨ ᠪᠠᠷᠠᠭᠠᠵᠤ ᠪᠠᠢ᠌ᠭᠠ ᠭᠡᠭᠦ᠃ ᠬᠤᠷᠴᠢᠨ ᠬᠡᠦᠬᠡᠳ ᠤᠨ ᠣᠨᠢᠰᠤᠭᠠ ᠳᠤ 《ᠭᠦᠭᠡ ᠪᠣᠬᠠ ᠭᠡᠪᠳᠡᠭ᠍ᠰᠡᠭᠡᠷ ᠪᠠᠢ᠌ᠭᠠᠤᠨ ᠳᠠᠷᠭᠤᠯᠠᠳᠠᠭ》 ᠪᠠᠢ᠌ᠳᠠᠭ ᠨᠢ ᠠᠢ᠌ᠯ ᠠᠢ᠌ᠯ ᠤᠨ ᠭᠡᠷ ᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠪᠠᠨ ᠨᠢᠭᠡᠯᠡ ᠭᠠᠵᠠᠷ ᠲᠤ ᠦᠨᠡᠰᠤ ᠪᠠᠨ ᠠᠰᠬᠠᠵᠤ ᠠᠰᠬᠠᠭᠰᠠᠭᠠᠷ ᠳᠤᠮᠤ ᠪᠣᠯᠳᠠᠭ ᠪᠦᠭᠡᠳ ᠦᠨᠡᠰᠤᠨ ᠣᠪᠣᠭᠠᠨ ᠤ ᠶᠡᠭᠡ ᠪᠠᠭᠠ ᠪᠠᠷ ᠡᠨᠡ ᠠᠢ᠌ᠯ ᠡᠷᠦᠭᠡ ᠶᠢᠨ ᠪᠠᠶᠠᠨ ᠭᠦᠴᠦᠷᠭᠡᠭ᠌ ᠤᠨ ᠭᠡᠮᠵᠢᠶᠡ ᠶᠠᠮᠠᠷ ᠵᠡᠷᠭᠡ ᠭᠡᠰᠡᠨ ᠢ ᠦᠵᠡᠵᠤ ᠭᠠᠷᠤᠨᠠ ᠭᠡᠳᠡᠭ᠌᠃ ᠬᠤᠪᠣᠩ ᠲᠡᠶ ᠭᠠᠯ ᠳᠡᠭᠡᠷᠡ ᠣᠰᠤ ᠰᠥ᠋ ᠵᠡᠷᠭᠡ ᠶᠢ ᠰᠦᠷᠴᠢᠵᠤ ᠪᠣᠯᠬᠤ ᠦᠭᠡᠶ ᠪᠦᠭᠡᠳ ᠨᠢᠯᠪᠣᠵᠤ ᠨᠠᠩ ᠪᠣᠯᠬᠤ ᠦᠭᠡᠶ᠃ 《ᠬᠤᠷᠢᠶᠠᠩᠭ᠋ᠤᠢ ᠠᠯᠳᠠᠨ ᠳᠤᠪᠴᠢ》᠂ 《ᠪᠣᠯᠤᠷ ᠡᠷᠢᠭᠡ》 ᠵᠡᠷᠭᠡ ᠶᠢᠨ ᠰᠤᠷᠪᠣᠯᠵᠢ ᠪᠢᠴᠢᠭ᠌ ᠲᠤ ᠦᠵᠡᠪᠠᠯ ᠤᠢ᠌ᠷᠠᠤᠨ ᠤᠨ ᠡᠰᠡᠨ ᠳᠠᠢ᠌ᠱᠢ ᠡᠴᠡ ᠳᠠᠢ᠌ᠰᠦᠩ ᠬᠠᠭᠠᠨ ᠳᠤᠭᠳᠤᠪᠣᠬᠠ ᠪᠠ ᠳᠡᠭᠦᠨ ᠤ ᠳᠡᠭᠦᠤ ᠠᠭᠪᠠᠷᠵᠢᠨ ᠵᠢᠨᠤᠩ ᠬᠤᠶᠠᠭᠤᠯᠠ ᠶᠢᠨ ᠬᠤᠭᠤᠷᠤᠠᠳᠤ ᠬᠤᠪ ᠵᠢᠪ ᠲᠡᠶ ᠥᠭᠡ ᠵᠥᠭᠡᠭᠡᠵᠤ ᠠᠭᠪᠠᠷᠵᠢᠨ ᠵᠢᠨᠤᠩ ᠲᠡᠶ ᠰᠥᠯᠪᠠᠭᠡᠯᠳᠤᠨ ᠴᠡᠷᠢᠭ᠌ ᠵᠠᠰᠠᠵᠤ ᠳᠠᠢ᠌ᠰᠦᠩ ᠬᠠᠭᠠᠨ ᠢ ᠳᠠᠢ᠌ᠯᠠᠬᠤ ᠳᠤ ᠳᠠᠢ᠌ᠰᠦᠩ ᠬᠠᠭᠠᠨ ᠳᠠᠷᠤᠭᠳᠠᠵᠤ ᠭᠡᠷᠦᠯᠤᠨ ᠳᠤ ᠳᠤᠳᠠᠭᠠᠨ ᠣᠴᠢᠭᠠᠤᠨ ᠭᠤᠷᠯᠤᠰ ᠤᠨ ᠴᠠᠪᠳᠠᠨ ᠨᠠᠷᠠᠳᠤ ᠭᠦᠮᠤᠨ ᠳᠤ ᠬᠤᠷᠤᠭᠠᠭᠳᠠᠪᠠ᠃ 《ᠭᠠᠯ ᠳᠠᠭᠠᠨ ᠣᠰᠤᠨ ᠴᠢᠳᠬᠤᠭᠰᠠᠨ ᠠᠭᠪᠠᠷᠵᠢ ᠭᠡᠵᠢᠶᠡ ᠪᠢᠳᠠᠨ ᠤ ᠨᠠᠷᠠ ᠵᠢᠰᠤᠨ ᠢ ᠰᠠᠨᠠᠵᠤ ᠳᠤᠰᠤᠨ ᠴᠢᠳᠬᠤᠨᠠᠮ ︕》 ⑤ ᠭᠡᠳ ᠡᠰᠡᠨ ᠳᠠᠢ᠌ᠱᠢ ᠠᠭᠪᠠᠷᠵᠢᠨ ᠵᠢᠨᠤᠩ ᠢ ᠬᠠᠭᠠᠨ ᠣᠷᠤ ᠰᠠᠭᠤᠯᠭᠠᠭᠰᠠᠨ ᠦᠭᠡᠶ᠂ ᠤᠢ᠌ᠷᠠᠤᠨ ᠦᠪᠡᠷ ᠵᠠᠭᠤᠷᠠᠪᠠᠨ ᠴᠢᠭᠤᠯᠵᠤ 《ᠦᠪᠡᠷ ᠤᠨ ᠳᠦᠷᠤᠯ ᠶᠢᠡᠨ ᠡᠰᠡ ᠰᠠᠨᠠᠭᠰᠠᠨ ᠭᠦᠮᠤᠨ ᠮᠠᠨ ᠤ ᠳᠦᠷᠤᠯ ᠢ ᠰᠠᠨᠠᠮᠤ᠂ ᠦᠪᠡᠷᠤᠨ ᠳᠦᠷᠤ ᠪᠠᠨ ᠡᠰᠡ ᠰᠠᠨᠠᠭᠰᠠᠨ ᠭᠦᠮᠤᠨ ᠮᠠᠨ ᠤ ᠳᠦᠷᠤ ᠶᠢ ᠰᠠᠨᠠᠮᠤ᠂ ᠦᠪᠡᠷᠤᠨ ᠨᠠᠷᠠ ᠪᠠᠨ ᠡᠰᠡ ᠰᠠᠨᠠᠭᠰᠠᠨ ᠭᠦᠮᠤᠨ ᠮᠠᠨ ᠤ ᠨᠠᠷᠠ ᠶᠢ ᠰᠠᠨᠠᠮᠤ᠂ ᠦᠪᠡᠷᠤᠨ ᠭᠠᠯ ᠳᠤᠷ ᠶᠢᠡᠨ ᠰᠠᠢ᠌ᠳᠤ ᠵᠢᠨᠤᠩ ᠪᠤᠶᠤ》 ⑥ ᠭᠡᠵᠤ ᠭᠡᠯᠡᠯᠴᠡᠭᠡᠳ ᠠᠭᠪᠠᠷᠵᠢᠨ ᠵᠢᠨᠤᠩ ᠢ ᠭᠤᠴᠢᠨ ᠭᠤᠷᠪᠠᠨ ᠦᠷᠪᠠᠯᠭᠡᠳᠡᠨ᠂ ᠳᠦᠴᠢᠨ ᠳᠦᠷᠪᠠᠨ ᠣᠳᠤᠭᠠᠳᠠᠨ᠂ ᠵᠢᠷᠠᠨ ᠨᠢᠭᠡᠨ ᠭᠢᠭᠢᠷᠢᠳᠠᠨ ᠲᠡᠶ ᠨᠢ ᠪᠦᠷ ᠠᠯᠠᠪᠠ ⑦᠃ ᠡᠭᠦᠨ ᠳᠤ ᠶᠠᠷᠢᠭᠰᠠᠨ 《ᠭᠠᠯ ᠳᠠᠭᠠᠨ ᠣᠰᠤᠨ ᠴᠢᠳᠬᠤᠭᠰᠠᠨ ᠠᠭᠪᠠᠷᠵᠢ᠁》 ᠭᠡᠭᠦ ᠡᠴᠡ ᠦᠵᠡᠪᠠᠯ ᠠᠭᠪᠠᠷᠵᠢᠨ ᠵᠢᠨᠤᠩ ᠤᠨ ᠦᠪᠡᠷ ᠤᠨ ᠭᠠᠯ ᠭᠤᠯᠤᠮᠳᠠ ᠳᠤ ᠪᠠᠨ ᠣᠰᠤᠨ ᠭᠢᠵᠤ ᠰᠥᠨᠦᠭᠡᠭ᠍ᠰᠡᠨ ᠭᠡᠵᠤ ᠡᠯᠡᠭᠯᠡᠨ ᠰᠢᠭᠦᠮᠵᠢᠯᠡᠵᠤ᠂ ᠢᠳᠡᠭᠡᠵᠤ ᠪᠣᠯᠬᠤ ᠦᠭᠡᠶ ᠭᠦᠮᠤᠨ ᠭᠡᠵᠤ ᠭᠤᠯᠤᠵᠤ ᠪᠠᠢ᠌ᠭᠠ ᠨᠢ ᠢᠯᠡᠭᠡᠨ ᠪᠠᠢ᠌ᠨᠠ᠃ ᠭᠠᠯ ᠳᠠᠭᠢᠯᠭᠠ ᠶᠢᠨ ᠭᠤᠤᠯ ᠰᠠᠨᠠᠭᠠ ᠨᠢ ᠪᠦᠷ ᠯᠠ ᠭᠤᠯᠤᠮᠳᠠ ᠶᠢᠨ ᠵᠠᠯᠭᠠᠮᠵᠢᠯᠠᠭᠴᠢ ᠲᠡᠶ ᠪᠣᠯᠬᠤ ᠶᠢᠨ ᠲᠦᠯᠦᠭᠡ ᠪᠣᠯᠬᠤᠷ ᠭᠠᠯ ᠤᠨ ᠪᠣᠷᠬᠠᠨ ᠨᠢ ᠦᠷᠡᠵᠢᠭᠦᠯᠵᠤ ᠦᠰᠭᠡᠭᠦ ᠴᠢᠳᠠᠪᠣᠷᠢ ᠲᠡᠶ ᠡᠮᠡ ᠭᠦᠢᠰᠦᠳᠡᠢ ᠰᠠᠭᠢᠭᠤᠯᠰᠤᠨ ᠪᠠᠢ᠌ᠵᠤ ᠳᠠᠭᠠᠷᠠᠨᠠ᠃ ᠳᠠᠷᠤᠢ ᠭᠠᠯ ᠤᠨ ᠳᠠᠭᠢᠯᠭᠠ ᠳᠤ ᠭᠠᠷᠳᠠᠭ 《ᠭᠠᠯᠢᠬᠠᠨ ᠡᠭᠡ》 ᠪᠤᠯᠤᠨᠠ᠃ 《ᠭᠠᠯᠢᠬᠠᠨ ᠡᠭᠡ》 ᠶ᠋ᠢ ᠳᠠᠭᠢᠵᠤ ᠦᠷᠡ ᠬᠡᠦᠬᠡᠳ ᠵᠠᠶᠠᠭᠠᠯᠭᠠᠵᠤ ᠦᠨᠳᠦᠰᠦ ᠣᠭᠰᠠᠭᠠ ᠪᠠᠨ ᠦᠷᠭᠦᠯᠵᠢᠯᠡᠭᠦᠯᠭᠦ ᠨᠢ ᠭᠠᠯ ᠭᠤᠯᠤᠮᠳᠠ ᠪᠠᠨ ᠵᠠᠯᠭᠠᠵᠤ ᠪᠠᠢ᠌ᠨᠠ ᠭᠡᠵᠤ ᠥᠵᠡᠳᠡᠭ᠌᠃ 《ᠠᠯᠳᠠᠨ ᠣᠷᠳᠤᠨ ᠤ ᠭᠤᠯᠤᠮᠳᠠ ᠶᠢᠨ ᠪᠠᠭᠠ ᠦᠴᠢᠭ᠌》 ᠲᠤ
《ᠬᠠᠳᠠᠨ ᠳᠠᠮᠤᠷ ᠡᠴᠢᠭᠡᠳᠤ
ᠬᠠᠢ᠌ᠯᠠᠰᠤᠨ ᠡᠪᠠᠰᠤᠨ ᠣᠮᠠᠢ᠌ᠳᠤ》
《ᠰᠢᠷᠠ ᠭᠢᠯᠠᠭᠠᠨᠠ ᠠᠮᠢᠳᠤ
ᠰᠢᠷᠠᠬᠠᠯᠵᠢᠬᠠᠨ ᠡᠪᠠᠰᠤᠨ ᠤᠮᠡᠢ᠌ᠳᠤ》 ᠭᠡᠵᠤ ᠦᠴᠢᠳᠡᠭ᠌ ᠨᠢ ᠬᠠᠢ᠌ᠯᠠᠰᠤ ᠪᠣᠯ ᠦᠷᠡ ᠠᠷᠪᠢᠨ᠂ ᠭᠢᠯᠠᠭᠠᠨᠠ ᠪᠣᠯ ᠭᠠᠯ ᠢ ᠬᠤᠷᠳᠤᠨ ᠦᠷᠪᠢᠰᠦᠭᠦᠯᠤᠨ ᠪᠠᠳᠠᠷᠠᠭᠠᠭᠴᠢ ᠴᠢᠨᠠᠷᠳᠠᠢ᠃ 《ᠡᠦᠮᠡᠢ》 ᠭᠡᠳᠡᠭ᠌ ᠨᠢ ᠡᠮᠡ ᠭᠦᠢᠰᠦᠳᠡᠨ ᠤ ᠪᠠᠯᠭᠡ ᠶᠢᠨ ᠡᠷᠭᠡᠳᠡᠨ ᠮᠦᠨ᠃ ᠡᠢ᠌ᠮᠤ ᠡᠴᠡ ᠭᠠᠯ ᠤᠨ ᠳᠠᠭᠢᠯᠭᠠ ᠳᠤ ᠬᠠᠢ᠌ᠯᠠᠰᠤ ᠭᠢᠯᠠᠭᠠᠨᠠ ᠬᠤᠶᠠᠷ ᠢ ᠭᠦᠡᠳᠦᠳᠭᠡᠨ ᠭᠡᠷᠡᠭᠯᠡᠵᠤ ᠦᠷᠡ ᠬᠡᠦᠬᠡᠳ ᠲᠡᠶ ᠪᠣᠯᠬᠤ ᠳᠤ ᠪᠠᠯᠭᠡ ᠲᠡᠶ ᠭᠡᠵᠤ ᠥᠵᠡᠳᠡᠭ᠌᠃
ᠳᠦᠷᠪᠠ᠂ ᠠᠷᠢᠭᠤᠨ ᠭᠠᠯ
ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠭᠠᠯ ᠢ ᠠᠷᠢᠭᠤᠨ ᠳᠠᠷᠬᠠᠨ ᠶᠢᠡᠷ ᠳᠡᠭᠡᠳᠦᠯᠡᠵᠤ᠂ ᠭᠠᠯ ᠪᠣᠵᠠᠷᠳᠠᠪᠠᠯ ᠭᠦᠩᠭᠡᠨ ᠳᠤ ᠪᠠᠨ ᠮᠠᠯ ᠣᠨᠤᠭᠠ ᠰᠣᠢ᠌ᠤᠠᠴᠤ ᠪᠣᠶᠠᠨ ᠭᠡᠰᠢᠭ᠌ ᠵᠠᠢ᠌ᠯᠠᠨ᠂ ᠭᠦᠡᠳᠤ ᠪᠣᠯ ᠣᠭ ᠦᠨᠳᠦᠰᠦ ᠳᠠᠰᠤᠷᠠᠨ ᠭᠠᠯ ᠭᠤᠯᠤᠮᠳᠠ ᠬᠠᠷᠠᠯᠠᠨᠠ ᠭᠡᠵᠤ ᠥᠵᠡᠭᠦ ᠪᠦᠭᠡᠳ ᠪᠠᠰᠠ ᠭᠠᠯ ᠢ ᠭᠡᠷᠡᠭᠯᠡᠵᠤ ᠪᠣᠵᠠᠷ ᠪᠣᠷᠳᠤᠭ ᠶᠠᠭᠤᠮᠠ ᠶᠢ ᠳᠤᠮᠨᠠᠨ ᠠᠷᠢᠭᠤᠳᠭᠠᠳᠠᠭ᠃ ᠭᠠᠯ ᠶᠢᠡᠷ ᠰᠠᠩ ᠠᠷᠢᠭᠤᠳᠬᠠᠯ ᠳᠠᠯᠪᠢᠳᠠᠭ ᠨᠢ ᠮᠦᠨ ᠭᠠᠯ ᠢ ᠠᠷᠢᠭᠤᠨ ᠴᠢᠨᠠᠷ ᠲᠡᠶ᠂ ᠠᠷᠢᠭᠤᠳᠬᠠᠯ ᠤᠨ ᠰᠢᠳᠢ ᠲᠡᠶ ᠭᠡᠵᠤ ᠪᠢᠰᠢᠷᠠᠨ ᠰᠢᠳᠦᠳᠡᠭ᠌ ᠲᠤ ᠬᠤᠯᠪᠣᠭᠳᠠᠨᠠ᠃ ᠮᠤᠩᠭ᠋ᠤᠯᠴᠤᠳ ᠣᠵᠠᠭᠤᠷ ᠦᠶᠡ ᠡᠴᠡ ᠭᠠᠯ ᠤᠨ ᠠᠷᠢᠭᠤᠳᠬᠠᠯ ᠢ ᠡᠳᠦᠷ ᠳᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠠᠬᠤᠢ ᠡᠴᠡ ᠠᠪᠣᠭᠠᠤᠨ ᠣᠯᠤᠰ ᠦᠨᠳᠦᠰᠦᠳᠠᠨ ᠤ ᠬᠤᠭᠤᠷᠤᠠᠳᠤᠭᠢ ᠭᠠᠳᠠᠭᠠᠳᠤ ᠬᠠᠷᠢᠯᠴᠠᠭᠠᠨ ᠳᠤ ᠭᠦᠷᠳᠡᠯᠡᠭᠢ ᠶᠡᠭᠡ ᠪᠠᠭᠠ ᠣᠢ᠌ᠯᠠ ᠠᠵᠢᠯᠯᠠᠭᠠᠨ ᠳᠡᠭᠡᠷᠡ ᠨᠠᠢ᠌ᠳᠠᠮ ᠭᠡᠷᠡᠭᠯᠡᠭ᠍ᠰᠡᠭᠡᠷ ᠢᠷᠡᠭ᠍ᠰᠡᠨ ᠪᠠᠢ᠌ᠵᠠᠢ᠃ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠨᠢᠯᠬᠠ ᠬᠡᠦᠬᠡᠳ ᠶᠢᠡᠨ ᠥᠯᠦᠭᠡᠢ᠌ᠳᠡᠭᠦ ᠳᠤ ᠪᠠᠨ ᠥᠯᠦᠭᠡᠢ ᠪᠠᠨ ᠣᠷᠢᠳᠠᠪᠠᠷ ᠭᠦᠵᠢ ᠶᠢᠨ ᠭᠠᠯ ᠠᠷᠢᠭᠤᠯᠠᠵᠤ ᠠᠪᠳᠠᠭ ᠵᠠᠩᠰᠢᠯ ᠲᠡᠶ᠃ ᠣᠷᠤᠢ ᠪᠦᠷᠦᠢ ᠭᠠᠳᠠᠨᠠ ᠡᠴᠡ ᠭᠦᠮᠤᠨ ᠬᠠᠷᠠ ᠭᠡᠷ ᠳᠤᠨᠢ ᠢᠷᠠᠪᠠᠯ ᠥᠭᠡᠳᠡ ᠡᠴᠡ ᠨᠢ ᠭᠠᠯ ᠬᠠᠶᠠᠳᠠᠭ ᠵᠠᠩᠰᠢᠯ ᠨᠢ ᠣᠳᠤ ᠴᠣᠢ᠌ᠳᠠᠩ ᠳᠠᠯᠪᠢᠬᠤ ᠪᠠᠷ ᠣᠷᠤᠯᠠᠭᠳᠠᠵᠠᠢ᠃ 《ᠫᠠᠯᠠᠨ ᠺᠠᠷᠪᠢᠨ᠂ ᠸᠢᠯᠢᠶᠠᠮ ᠷᠥᠪᠷᠥᠭ᠌ ᠤᠨ ᠮᠤᠩᠭ᠋ᠤᠯ ᠳᠤ ᠵᠢᠭᠤᠯᠴᠢᠯᠠᠭᠰᠠᠨ ᠳᠡᠮᠳᠡᠭᠯᠡᠯ》 ᠳ᠋ᠤ 《ᠳᠦᠭᠦᠮᠴᠢᠯᠡᠭᠡᠳ ᠭᠡᠯᠡᠪᠠᠯ ᠶᠠᠭᠤᠮᠠ ᠪᠦᠭᠦᠨ ᠢ ᠭᠠᠯ ᠳᠤ ᠠᠷᠢᠭᠤᠳᠬᠠᠳᠠᠭ ᠶᠤᠮ ᠭᠡᠵᠤ ᠳᠠᠳᠠᠨᠠᠷ ᠢᠳᠡᠭᠡᠳᠡᠭ᠌ ᠪᠠᠢ᠌ᠨᠠ᠃ ᠳᠠᠢ᠌ᠮᠤ ᠣᠴᠢᠷ ᠡᠴᠡ ᠡᠯᠴᠢᠨ ᠰᠠᠢ᠌ᠳ᠂ ᠨᠤᠶᠠᠤᠨ ᠲᠦᠰᠢᠮᠠᠤᠨ ᠪᠣᠶᠤ ᠥᠭᠡᠷᠡ ᠶᠠᠮᠠᠷ ᠴᠤ ᠭᠦᠮᠤᠨ ᠪᠣᠯᠳᠤᠭᠠᠢ᠂ ᠳᠠᠳᠠᠨᠠᠷ ᠡᠴᠡ ᠳᠠᠠᠳᠠ ᠭᠦᠷᠴᠤ ᠣᠴᠢᠪᠠᠯ᠂ ᠳᠠᠳᠠᠨᠠᠷ ᠤᠨ ᠦᠪᠡᠷᠰᠠᠤᠨ ᠤᠨ ᠪᠠᠶᠠ ᠭᠢᠭᠡᠳ ᠳᠠᠳᠠᠨᠠᠷ ᠲᠤ ᠪᠠᠯᠭᠡ ᠰᠠᠯᠳᠠ ᠡᠷᠭᠦᠨ ᠪᠠᠷᠢᠭᠰᠠᠤᠨ ᠢ ᠴᠦᠮ ᠬᠤᠶᠠᠷ ᠭᠡᠰᠡᠭ᠌ ᠭᠠᠯ ᠤᠨ ᠳᠤᠮᠳᠠᠭᠤᠷ ᠶᠠᠪᠣᠭᠤᠯᠤᠨ ᠭᠠᠯ ᠤᠨ ᠠᠷᠢᠭᠤᠳᠬᠠᠯ ᠭᠢᠵᠤ᠂ ᠳᠠᠳᠠᠨᠠᠷ ᠶᠠᠮᠠᠷ ᠨᠢᠭᠡᠨ ᠬᠤᠤᠷᠠ ᠭᠦᠨᠦᠭᠡᠯ ᠠᠪᠴᠢᠷᠠᠵᠤ ᠠᠶᠤᠯ ᠭᠠᠮᠰᠢᠭ ᠪᠣᠯᠬᠤ ᠡᠴᠡ ᠰᠡᠷᠡᠮᠵᠢᠯᠡᠳᠡᠭ᠌ ᠪᠠᠢ᠌ᠨᠡ》 ᠭᠡᠵᠤ ᠳᠡᠮᠳᠡᠭᠯᠡᠵᠡᠢ᠃ ᠪᠦᠭᠡ ᠶᠢᠨ ᠱᠠᠰᠢᠨ ᠤ ᠥᠵᠡᠭᠦ ᠪᠠᠷ ᠠᠯᠢᠪᠠ ᠡᠪᠡᠳᠴᠢᠨ ᠡᠮᠭᠡᠭ᠌᠂ ᠭᠠᠢ ᠭᠠᠮᠰᠢᠭ᠂ ᠠᠶᠤᠯ ᠵᠤᠪᠠᠯᠠᠩ ᠨᠢ ᠴᠦᠮ ᠪᠣᠵᠠᠷᠳᠠᠯ ᠡᠴᠡ ᠪᠣᠯᠵᠤ ᠠᠳᠠ ᠴᠢᠳᠭᠦᠷ ᠨᠠᠭᠠᠯᠳᠤᠭᠰᠠᠨ ᠪᠠ ᠣᠷᠤᠰᠢᠵᠤ ᠳᠣᠢ᠌ᠤᠠᠴᠤ ᠪᠠᠢ᠌ᠬᠤ ᠡᠴᠡ ᠰᠢᠯᠳᠠᠭᠠᠯᠠᠵᠠᠢ ᠭᠡᠵᠤ ᠥᠵᠡᠳᠡᠭ᠌᠃ ᠳᠤᠯᠤᠭᠠᠢ ᠪᠣᠵᠠᠷᠳᠠᠪᠠᠯ ᠭᠡᠢ ᠮᠤᠷᠢ ᠭᠡᠪᠳᠡᠵᠤ ᠴᠢᠨᠠᠭᠰᠢᠯᠠᠨ ᠡᠷᠭᠢᠭᠦᠤ ᠮᠤᠩᠬᠠᠭ ᠪᠣᠯᠤᠨᠠ᠃ ᠭᠠᠷ ᠪᠣᠵᠠᠷᠳᠠᠪᠠᠯ ᠭᠠᠷᠤᠵᠠ ᠨᠢ ᠶᠡᠭᠡᠳᠡᠵᠤ ᠣᠯᠵᠠ ᠨᠢ ᠪᠠᠭᠠᠳᠠᠨᠠ᠃ ᠡᠮᠡᠭ᠍ᠳᠡᠢ ᠭᠦᠮᠤᠨ ᠪᠣᠵᠠᠷᠳᠠᠪᠠᠯ ᠬᠡᠦᠬᠡᠳ ᠭᠠᠷᠬᠤ ᠦᠭᠡᠶ ᠡᠪᠡᠳᠴᠢᠨ ᠲᠡᠶ ᠪᠣᠯᠤᠨᠠ ᠭᠡᠳᠡᠭ᠌᠃ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠣᠢ᠌ᠯᠠᠭᠠᠭᠳᠠᠬᠤᠨ ᠳᠤ ᠭᠠᠯ ᠪᠣᠯ ᠠᠯᠢᠪᠠ ᠶᠢ ᠠᠷᠢᠭᠤᠳᠬᠠᠬᠤ ᠷᠢᠳᠢ ᠰᠢᠳᠢ ᠲᠡᠶ ᠶᠠᠭᠤᠮᠠ ᠮᠦᠨ ᠭᠡᠭᠦ ᠳᠤᠯᠠ ᠠᠯᠢᠪᠠ ᠪᠣᠳᠠᠰ ᠤᠨ ᠪᠣᠵᠠᠷᠳᠠᠯ ᠢ ᠪᠦᠷ ᠭᠠᠯ ᠶᠢᠡᠷ ᠠᠷᠢᠭᠤᠳᠬᠠᠳᠠᠭ᠃ ᠡᠢ᠌ᠮᠤ ᠡᠴᠡ ᠭᠠᠯ ᠤᠨ ᠪᠣᠵᠠᠷᠳᠠᠬᠤ ᠶᠢ ᠨᠠᠩ ᠢᠯᠡᠭᠦᠤ ᠭᠢᠴᠢᠶᠠᠨ ᠰᠡᠷᠡᠮᠵᠢᠯᠡᠳᠡᠭ᠌ ᠨᠢ ᠬᠤᠵᠢᠳ ᠳᠤᠷᠠᠳᠬᠤ ᠭᠠᠯ ᠤᠨ ᠴᠡᠭᠡᠷ ᠲᠤ ᠢᠯᠠᠷᠠᠨᠠ᠃ ᠭᠡᠷᠪᠡ ᠭᠠᠯ ᠪᠣᠵᠠᠷᠳᠠᠪᠠᠯ ᠭᠦᠩᠭᠡ ᠶᠢᠨ ᠶᠢᠠᠨ ᠮᠠᠯ ᠣᠨᠤᠭᠠ ᠰᠣᠢ᠌ᠤᠠᠴᠤ ᠪᠣᠶᠠᠨ ᠭᠡᠰᠢᠭ᠌ ᠵᠠᠢ᠌ᠯᠠᠨ᠂ ᠭᠦᠡᠳᠤ ᠪᠣᠯᠪᠠᠯ ᠣᠭ ᠦᠨᠳᠦᠰᠦ ᠳᠠᠰᠤᠷᠠᠨ ᠭᠠᠯ ᠭᠤᠯᠤᠮᠳᠠ ᠬᠠᠷᠠᠯᠠᠬᠤ ᠠᠶᠤᠯᠳᠠᠢ ᠭᠡᠳᠡᠭ᠌᠃
ᠭᠠᠯ ᠶᠢᠡᠷ ᠪᠠᠰᠠ ᠡᠮ ᠡᠮᠨᠡᠯᠭᠡ ᠶᠢᠨ ᠰᠢᠠᠵᠢ ᠲᠡᠶ ᠳᠤᠮ ᠭᠢᠳᠡᠭ᠌᠃ 《ᠮᠤᠩᠭ᠋ᠤᠯ ᠤᠨ ᠨᠢᠭᠤᠴᠠ ᠳᠤᠪᠴᠢᠶᠠᠨ》 §173 ᠳ᠋ᠤ ᠴᠢᠩᠭᠢᠰ ᠬᠠᠭᠠᠨ ᠥᠭᠡᠳᠡᠢ ᠶᠢᠨ ᠰᠢᠷᠬᠠᠳᠤᠭᠰᠠᠨ ᠢ ᠥᠵᠡᠭᠡᠳ ᠵᠢᠷᠦᠭᠡ ᠰᠢᠮᠰᠢᠷᠠᠵᠤ᠂ ᠨᠢᠳᠤᠨ ᠡᠴᠡ ᠪᠠᠨ ᠨᠢᠯᠪᠣᠰᠤᠨ ᠣᠨᠠᠭᠠᠵᠤ 《ᠳᠠᠷᠤᠢ ᠭᠠᠯ ᠲᠦᠯᠡᠭᠦᠯᠵᠤ ᠰᠢᠷᠬᠠ ᠶᠢ ᠬᠠᠭᠠᠷᠢᠵᠤ᠁》 ᠭᠡᠵᠤ ᠭᠠᠷᠳᠠᠭ ᠡᠴᠡ ᠭᠠᠯ ᠶᠢᠡᠷ ᠰᠢᠷᠬᠠ ᠶᠢ ᠬᠠᠭᠠᠷᠢᠵᠤ ᠴᠢᠰᠤ ᠶᠢ ᠵᠤᠭᠰᠤᠭᠠᠬᠤ ᠪᠣᠶᠤ ᠬᠤᠤᠷ ᠢ ᠨᠢ ᠠᠷᠢᠯᠭᠠᠳᠠᠭ ᠪᠠᠢ᠌ᠵᠠᠢ᠃ ᠣᠳᠤ ᠶᠢᠨ ᠬᠤᠷᠴᠢᠠᠴᠤᠳ ᠮᠦᠨ ᠭᠠᠯ ᠶᠢᠡᠷ ᠰᠢᠷᠬᠠ ᠵᠠᠰᠠᠬᠤ ᠠᠷᠭᠠ ᠶᠢ ᠨᠠᠢ᠌ᠳᠠᠮ ᠭᠡᠷᠡᠭᠯᠡᠵᠤ ᠪᠠᠢ᠌ᠳᠠᠭ᠃ ᠪᠠᠭᠠ ᠰᠠᠭᠠ ᠰᠢᠷᠬᠠ ᠪᠣᠯ ᠭᠦᠪᠦᠩ ᠢ ᠰᠢᠳᠠᠭᠠᠭᠠᠤᠨ ᠰᠢᠷᠬᠠᠨ ᠤ ᠳᠡᠭᠡᠷᠡ ᠪᠠᠨ ᠳᠠᠷᠤᠪᠠᠯ ᠴᠢᠰᠤ ᠶᠢ ᠵᠤᠭᠰᠤᠭᠠᠵᠤ᠂ ᠬᠤᠤᠷ ᠭᠡᠮ ᠶᠢ ᠨᠢ ᠠᠷᠢᠯᠭᠠᠳᠠᠭ᠃ ᠮᠠᠯ ᠭᠠᠬᠠᠢ ᠶᠢᠨ ᠪᠦᠭᠡᠷᠡ ᠠᠪᠬᠤ ᠳᠤ ᠪᠠᠨ ᠪᠦᠷ ᠭᠢᠳᠤᠭᠠ ᠪᠠᠨ ᠭᠠᠯ ᠳᠤ ᠬᠣᠢ᠌ᠯᠠᠬᠤ ᠪᠦᠭᠡᠳ ᠠᠪᠣᠭᠰᠠᠨ ᠤ ᠳᠠᠷᠠᠭᠠ ᠠᠷᠭᠠᠯ ᠤᠨ ᠭᠠᠯ ᠶᠢᠡᠷ ᠭᠢᠳᠤᠭᠠ ᠶᠢᠨ ᠰᠢᠷᠬᠠ ᠶᠢᠨ ᠠᠮᠠᠰᠠᠷ ᠢ ᠳᠤᠮᠨᠠᠳᠠᠭ ᠶᠤᠰᠤᠳᠠᠢ᠃ ᠢᠩᠭᠢᠪᠠᠯ ᠰᠢᠷᠬᠠ ᠨᠢ ᠭᠡᠮᠳᠦᠭᠦ ᠦᠭᠡᠶ ᠪᠦᠭᠡᠳ ᠳᠦᠷᠭᠡᠨ ᠡᠳᠡᠭᠡᠷᠡᠳᠡᠭ᠌᠃ ᠭᠡᠷᠪᠡ ᠳᠠᠯᠤᠨ ᠤ ᠭᠡᠰᠡᠭ᠌ ᠤᠨ ᠪᠣᠭᠤᠮᠠ ᠶᠠᠷᠠ ᠪᠣᠶᠤ ᠭᠦᠭᠦᠨ ᠪᠣᠯᠴᠢᠷᠬᠠᠢ ᠶᠢᠨ ᠦᠮᠠᠨ ᠬᠠᠪᠣᠳᠠᠷ ᠮᠠᠳᠤ ᠶᠢᠨ ᠭᠦᠡᠳᠤ ᠭᠦᠴᠢᠷ᠂ ᠡᠪᠡᠳᠴᠢᠯᠡᠭ᠍ᠰᠡᠨ ᠭᠡᠪᠴᠢᠶᠡ ᠨᠢ ᠶᠡᠭᠡ ᠪᠠᠢ᠌ᠪᠠᠯ ᠭᠦᠪᠦᠩ ᠶᠢᠡᠨ ᠬᠤᠷᠤᠭᠤᠨ ᠥᠡᠳᠡᠭᠡ ᠶᠢᠨ ᠭᠢᠷᠢ ᠪᠠᠮᠪᠠᠷ ᠵᠤᠬᠢᠶᠠᠵᠤ ᠮᠠᠭᠠᠵᠢ ᠶᠢᠨ ᠳᠤᠰᠤᠨ ᠳᠤ ᠳᠦᠷᠤᠵᠤ ᠨᠤᠴᠤᠭᠠᠭᠠᠤᠨ ᠡᠪᠡᠳᠴᠢᠯᠡᠭ᠍ᠰᠡᠨ ᠭᠡᠰᠡᠭ᠌ ᠢ ᠳᠦᠭᠡᠨᠡᠳᠡᠭ᠌᠂ ᠡᠭᠦᠨ ᠢ ᠭᠠᠯ ᠪᠠᠮᠪᠠᠷ ᠤᠨ ᠳᠦᠭᠡᠨᠡᠯᠭᠡ ᠭᠡᠳᠡᠭ᠌᠃ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠭᠠᠯ ᠰᠤᠷᠤᠭᠤᠯ ᠤᠨ ᠡᠮᠨᠡᠯ ᠵᠠᠰᠠᠯᠭᠠ ᠶᠡᠭᠡ ᠭᠡᠷᠡᠭᠯᠳᠡᠭ᠌᠃ ᠳᠠᠭᠰᠢᠭᠤᠷ᠂ ᠳᠤᠯᠤᠭᠠᠢ ᠡᠪᠡᠳᠭᠦ᠂ ᠭᠦᠯ ᠨᠢᠷᠤᠭᠤ ᠡᠪᠡᠳᠭᠦ᠂ ᠬᠤᠳᠤᠭᠠᠳᠤ ᠭᠡᠳᠡᠰᠤᠨ ᠤ ᠭᠦᠢᠳᠡᠨ ᠭᠡᠢ᠂ ᠪᠣᠯᠴᠢᠩ ᠣᠷᠪᠠᠬᠤ᠂ ᠰᠠᠷᠠ ᠶᠢᠨ ᠊ᠭ᠍ᠬᠢᠷ ᠤᠨ ᠡᠪᠠᠳᠦᠯᠳᠡ᠂ ᠬᠡᠦᠬᠡᠳ ᠤᠨ ᠰᠢᠭᠡᠷᠡᠩ ᠵᠡᠷᠭᠡ ᠡᠪᠡᠳᠴᠢᠨ ᠳᠤ ᠭᠠᠯ ᠰᠤᠷᠤᠭᠤᠯ ᠤᠨ ᠵᠠᠰᠠᠯᠭᠠ ᠶᠢ ᠭᠡᠷᠡᠭᠯᠡᠨᠡ᠃ ᠭᠠᠯ ᠰᠤᠷᠤᠭᠤᠯ ᠳᠠᠯᠪᠢᠬᠤ ᠳᠤ ᠪᠠᠨ ᠰᠤᠷᠤᠭᠤᠯ ᠤᠨ ᠯᠤᠩᠬᠤᠨ ᠳᠤᠳᠤᠷᠠ ᠪᠠᠨ ᠴᠠᠭᠠᠰᠤ ᠪᠣᠶᠤ ᠭᠦᠪᠦᠩ ᠳᠤ ᠭᠠᠯ ᠵᠤᠯᠭᠠᠭᠤᠯᠤᠨ ᠭᠢᠵᠤ ᠡᠪᠡᠳᠴᠢᠨ ᠤ ᠵᠠᠰᠠᠯᠭᠠ ᠶᠢᠨ ᠭᠠᠵᠠᠷ ᠲᠤ ᠰᠤᠷᠤᠭᠤᠯᠳᠤᠨᠠ᠃
ᠶᠠᠮᠠᠷ ᠨᠢᠭᠡᠨ ᠰᠢᠯᠳᠠᠭᠠᠨ ᠶᠢᠡᠷ ᠪᠣᠵᠠᠷᠳᠠᠯᠠ ᠭᠡᠵᠤ ᠥᠵᠡᠭ᠍ᠰᠡᠨ ᠶᠠᠭᠤᠮᠠ ᠪᠠᠨ ᠡᠷᠭᠡᠪᠰᠢ ᠭᠠᠯ ᠶᠢᠡᠷ ᠠᠷᠢᠭᠤᠳᠬᠠᠵᠤ ᠠᠪᠳᠠᠭ ᠶᠤᠰᠤᠳᠠᠢ᠃ ᠯᠠᠢ᠌ᠴᠢᠩ ᠤᠨ ᠵᠠᠷᠤᠬᠤ ᠰᠠᠶᠠᠭ ᠶᠢᠡᠨ ᠴᠤ ᠭᠠᠯ ᠶᠢᠡᠷ ᠠᠷᠢᠭᠤᠳᠬᠠᠳᠠᠭ ᠪᠠᠢ᠌ᠯᠠ᠃ ᠳᠠᠷᠤᠢ ᠰᠢᠷᠠ ᠴᠠᠭᠠᠰᠤᠨ ᠳᠡᠭᠡᠷᠡ ᠪᠠᠭᠡ ᠪᠠᠷ ᠪᠣᠶᠤ ᠵᠤᠢᠱᠠ ᠪᠠᠷ ᠳᠠᠷᠨᠢ ᠶᠢᠨ ᠦᠰᠦᠭ᠌ ᠪᠢᠴᠢᠭᠡᠳ ᠪᠦᠭᠡᠮᠯᠡᠵᠤ ᠵᠤᠬᠢᠶᠠᠭᠰᠠᠨ 《ᠰᠠᠶᠠᠭ》 ᠶ᠋ᠢᠡᠨ ᠭᠠᠯ ᠶᠢᠡᠷ ᠰᠢᠳᠠᠭᠠᠵᠤ ᠠᠷᠢᠭᠤᠳᠬᠠᠭᠰᠠᠨ ᠤ ᠰᠡᠭᠦᠯᠡᠷ ᠯᠠᠢ᠌ᠴᠢᠩ ᠤᠨ ᠰᠠᠶᠠᠭ ᠨᠠᠩ ᠷᠢᠳᠢ ᠰᠢᠳᠢ ᠲᠡᠶ ᠪᠣᠯᠤᠯᠠ ᠭᠡᠵᠤ ᠥᠵᠡᠳᠡᠭ᠌᠃ ᠭᠦᠮᠤᠨ ᠳᠤᠯᠤᠭᠠᠢ ᠳᠡᠭᠡᠭᠦᠷ ᠶᠢᠡᠨ ᠡᠯᠳᠡᠪ ᠡᠰᠡᠨ ᠮᠠᠭᠤ ᠰᠠᠢ᠌ᠨ ᠶᠠᠭᠤᠮᠠ ᠶᠢ ᠭᠠᠷᠭᠠᠳᠠᠭ ᠦᠭᠡᠶ ᠶᠤᠮ᠃ ᠭᠡᠷᠪᠡ ᠮᠠᠯᠠᠭᠠᠢ ᠳᠤᠯᠤᠭᠠᠢ ᠪᠣᠵᠠᠷᠳᠠᠯᠠ ᠭᠡᠵᠤ ᠦᠵᠡᠪᠠᠯ ᠮᠠᠯᠠᠭᠠᠢ ᠳᠤᠯᠤᠭᠠᠢ ᠪᠠᠨ ᠦᠣᠠᠳᠤᠷ ᠳᠦᠷᠭᠡᠨ ᠭᠠᠯ ᠶᠢᠡᠷ ᠭᠤᠯᠢᠶᠠᠨ ᠠᠷᠢᠭᠤᠳᠬᠠᠵᠤ ᠳᠤᠮ ᠭᠢᠵᠤ ᠠᠪᠬᠤ ᠶᠤᠰᠤᠳᠠᠢ᠃ ᠡᠪᠡᠳᠴᠢᠨ ᠲᠡᠶ ᠭᠦᠮᠤᠨ ᠳᠤ ᠠᠳᠠ ᠴᠢᠳᠭᠦᠷ ᠨᠠᠭᠠᠯᠳᠤᠵᠤ ᠪᠣᠵᠠᠷᠳᠠᠯᠠ ᠭᠡᠵᠤ ᠥᠵᠡᠭ᠍ᠰᠡᠨ ᠦᠶᠡ ᠳᠤ ᠣᠰᠤ ᠭᠡᠭᠡᠵᠤ ᠦᠭᠭᠦᠭᠡᠳ ᠴᠠᠭᠠᠰᠤᠨ ᠭᠦᠮᠤᠨ ᠬᠠᠢ᠌ᠴᠢᠯᠠᠵᠤ ᠵᠤᠯᠢᠭ ᠪᠣᠯᠭᠠᠭᠠᠤᠨ ᠡᠪᠡᠳᠴᠢᠳᠡᠨ ᠤ ᠳᠠᠷᠠ ᠶᠢᠨ ᠳᠤᠤᠷᠠ ᠨᠢᠭᠡ ᠬᠤᠨᠤᠭᠤᠯᠬᠤ ᠪᠣᠶᠤ ᠭᠡᠰᠡᠭ᠌ ᠣᠳᠠᠭᠠᠤᠨ ᠦᠨᠦᠭᠢ ᠣᠰᠤ ᠪᠠᠨ ᠭᠡᠭᠡᠭᠦ ᠶᠢᠨ ᠳᠠᠭᠠᠤ ᠴᠠᠭᠠᠰᠤᠨ ᠭᠦᠮᠤᠨ ᠶᠢᠡᠨ ᠭᠤᠷᠪᠠᠨ ᠵᠠᠮ ᠤᠨ ᠠᠭᠤᠯᠵᠠᠷ ᠲᠤ ᠰᠢᠳᠠᠭᠠᠳᠠᠭ᠃ ᠵᠤᠯᠢᠭ ᠭᠠᠷᠭᠠᠭᠰᠠᠨ ᠭᠦᠮᠤᠨ ᠶᠢᠡᠨ ᠪᠣᠴᠠᠵᠤ ᠢᠷᠡᠭᠦ ᠢᠷᠡᠭᠦ ᠳᠤ ᠡᠭᠦᠳᠡᠨ ᠭᠠᠳᠠᠨᠠ ᠪᠠᠨ ᠭᠠᠯ ᠶᠢᠡᠷ ᠠᠷᠢᠭᠤᠳᠬᠠᠵᠤ ᠠᠪᠣᠨᠠ᠃
ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠠᠷᠢᠭᠤᠳᠬᠠᠯ ᠤᠨ ᠶᠤᠰᠤᠨ ᠳᠤ ᠭᠠᠯ ᠤᠨ ᠠᠷᠢᠭᠤᠳᠬᠠᠯ ᠭᠢᠭᠦ ᠨᠢ ᠭᠤᠤᠯ ᠪᠣᠯᠬᠤ ᠡᠴᠡ ᠭᠠᠳᠠᠨᠠ ᠪᠠᠰᠠ ᠰᠠᠩ ᠤᠨ ᠠᠷᠢᠭᠤᠳᠬᠠᠯ᠂ ᠷᠠᠰᠢᠶᠠᠨ ᠠᠷᠢᠭᠤᠳᠬᠠᠯ ᠪᠠ ᠠᠷᠠᠵᠠ ᠶᠢᠨ ᠠᠷᠢᠭᠤᠳᠬᠠᠯ ᠭᠢᠭᠦ ᠵᠡᠷᠭᠡ ᠶᠤᠰᠤ ᠪᠠᠢ᠌ᠵᠤ ᠵᠠᠷᠢᠮ ᠦᠶᠡ ᠳᠤ ᠠᠰ ᠠᠰ ᠶᠢᠡᠷ ᠨᠢ ᠭᠢᠭᠦ ᠪᠣᠶᠤ ᠪᠠᠰᠠ ᠵᠠᠷᠢᠮ ᠳᠤ ᠪᠠᠨ ᠳᠦᠷᠪᠠᠭᠦᠯᠡ ᠶᠢ ᠬᠠᠮᠳᠤ ᠳ᠋ᠤᠨᠢ ᠭᠢᠭᠦ ᠴᠤ ᠶᠤᠰᠤ ᠪᠠᠢ᠌ᠳᠠᠭ᠃ ᠰᠠᠩ ᠤᠨ ᠠᠷᠢᠭᠤᠳᠬᠠᠯ ᠨᠢ ᠭᠡᠷᠡᠭ᠌ ᠳᠡᠭᠡᠷᠡ ᠪᠠᠨ ᠭᠠᠯ ᠠᠷᠢᠭᠤᠳᠬᠠᠯ ᠲᠡᠶ ᠪᠠᠨ ᠲᠦᠰᠳᠠᠢ ᠪᠠᠢ᠌ᠳᠠᠭ᠃ ᠳᠠᠷᠤᠢ ᠠᠷᠴᠠ᠂ ᠽᠠᠠᠳᠠᠨ᠂ ᠴᠢᠪᠠᠭᠠ ᠵᠡᠷᠭᠡ ᠶᠢᠨ ᠦᠨᠦᠷᠳᠠᠨ ᠪᠣᠳᠠᠰ ᠢ ᠬᠠᠳᠠᠭᠠᠵᠤ ᠨᠤᠠᠳᠤᠭᠯᠠᠭᠠᠤᠨ ᠱᠡᠡᠭᠯᠤ ᠳᠤ ᠭᠢᠵᠤ ᠰᠢᠳᠠᠭᠠᠨ ᠣᠳᠠᠭᠠ ᠪᠠᠷ ᠨᠢ ᠠᠷᠢᠭᠤᠳᠬᠠᠬᠤ ᠶᠠᠪᠣᠳᠠᠯ ᠪᠣᠯᠤᠨᠠ᠃
ᠬᠤᠷᠴᠢᠨ ᠪᠦᠭᠡ ᠯᠠᠢ᠌ᠴᠢᠩ ᠨᠡᠷ ᠭᠦᠷᠳᠡᠮ ᠪᠠᠭᠤᠬᠤ ᠳᠤ ᠪᠠᠨ ᠡᠩ ᠳᠡᠷᠢᠭᠦᠨ ᠳᠤ ᠭᠦᠵᠢ ᠠᠰᠠᠭᠠᠵᠤ ᠦᠪᠡᠷ ᠤᠨ ᠪᠠᠶᠠ ᠪᠠ ᠵᠠᠷᠤᠳᠠᠯ ᠪᠠᠷᠢᠳᠠᠯ᠂ ᠵᠡᠪᠰᠡᠭ᠌ ᠳᠤᠨᠤᠭᠯᠠᠯ ᠶᠢᠡᠨ ᠭᠤᠯᠢᠶᠠᠵᠤ ᠪᠠᠷᠠᠪᠠᠯ ᠳᠠᠭᠢᠨ ᠭᠡᠷ ᠤᠨ ᠭᠠᠳᠠᠭᠤᠷ ᠳᠤᠳᠤᠭᠤᠷ᠂ ᠭᠦᠷᠢᠶᠡ ᠬᠠᠰᠢᠶᠠ᠂ ᠡᠭᠦᠳᠡ ᠴᠤᠩᠬᠤ᠂ ᠥᠡᠴᠦᠭ᠌ ᠪᠣᠯᠤᠩ ᠥᠯᠡᠳᠡᠭᠡᠯ ᠦᠭᠡᠶ ᠭᠤᠯᠢᠶᠠᠵᠤ ᠣᠷᠴᠢᠨ ᠳᠤᠭᠤᠷᠢᠨ ᠶᠢᠡᠨ ᠠᠷᠢᠭᠤᠳᠬᠠᠨᠠ᠃ ᠶᠡᠭᠡ ᠶᠡᠭᠡ ᠳᠠᠭᠢᠯᠭᠠ ᠳᠤ ᠪᠣᠯ ᠳᠡᠭ᠍ᠷᠢ ᠶᠢᠨ ᠰᠠᠭᠢᠭᠤᠰᠤ᠂ ᠭᠠᠵᠠᠷ ᠤᠨ ᠡᠵᠡᠳ ᠲᠤ ᠭᠦᠷᠳᠡᠯᠡ ᠪᠦᠷ ᠭᠤᠯᠢᠶᠠᠵᠤ ᠠᠷᠢᠭᠤᠯᠠᠬᠤ ᠪᠦᠭᠡᠳ ᠳᠠᠭᠢᠯ ᠳᠠᠪᠢᠭ ᠲᠤ ᠣᠷᠤᠬᠤ ᠢᠳᠡᠭᠡᠨ ᠣᠮᠳᠠᠭᠠᠨ ᠶᠢᠡᠨ ᠴᠤ ᠭᠤᠯᠢᠶᠠᠨ ᠠᠷᠢᠭᠤᠳᠬᠠᠨᠠ᠃ ᠬᠤᠷᠴᠢᠨ ᠤ ᠴᠠᠭᠠᠨ ᠵᠥᠭ᠌ ᠤᠨ ᠪᠦᠭᠡ ᠪᠣᠯ ᠪᠣᠷᠬᠠᠨ ᠶᠢᠡᠨ ᠪᠠᠰᠠ ᠭᠤᠯᠢᠶᠠᠨ ᠠᠷᠢᠭᠤᠳᠬᠠᠳᠠᠭ᠃
ᠣᠷᠤᠰᠢᠭᠤᠯᠭᠠ ᠳᠤ ᠭᠠᠯ ᠠᠷᠢᠭᠤᠳᠬᠠᠯ ᠭᠢᠭᠦ ᠨᠢ ᠬᠤᠷᠴᠢᠨ ᠨᠤᠳᠤᠭ ᠲᠤ ᠨᠠᠩ ᠨᠠᠢ᠌ᠳᠠᠮ ᠤᠨ ᠰᠢᠠᠵᠢ ᠲᠡᠶ ᠪᠠᠢ᠌ᠳᠠᠭ᠃ ᠭᠦᠮᠤᠨ ᠨᠢ ᠠᠮᠢ ᠳᠠᠯᠪᠢᠬᠤ ᠲᠡᠶ ᠵᠡᠷᠭᠡ ᠭᠦᠵᠢ ᠠᠰᠠᠭᠠᠵᠤ ᠭᠡᠷ ᠳᠡᠷᠭᠡ ᠪᠠᠨ ᠠᠷᠢᠭᠤᠯᠠᠨᠠ᠃ ᠳᠠᠯᠠᠢ᠌ᠴᠢ ᠶᠢ ᠠᠪᠣᠭᠠᠤᠨ ᠭᠠᠷᠬᠤ ᠶᠢᠨ ᠦᠶᠡ ᠡᠭᠦᠳᠡᠨ ᠳᠡᠭᠡᠷᠡ ᠪᠠᠨ ᠭᠠᠯ ᠨᠤᠴᠤᠭᠠᠬᠤ ᠪᠦᠭᠡᠳ ᠭᠡᠨ ᠤ ᠡᠭᠦᠳᠡᠨ ᠡᠮᠦᠨᠡᠭᠦᠷ ᠨᠢ ᠭᠠᠷᠪᠠᠯ ᠳᠠᠷᠠ ᠭᠡᠷ ᠤᠨ ᠭᠢᠨ ᠭᠡᠷ ᠳᠡᠷᠭᠡ ᠭᠦᠷᠢᠶᠡ ᠬᠠᠰᠢᠶᠠ ᠪᠠᠨ ᠪᠣᠵᠠᠷᠳᠠᠭᠤᠯᠬᠤ ᠦᠭᠡᠶ ᠶᠢᠨ ᠲᠦᠯᠦᠭᠡ ᠡᠭᠦᠳᠡᠨ ᠳᠤ ᠪᠠᠨ ᠭᠠᠯ ᠭᠠᠷᠭᠠᠵᠤ ᠠᠷᠢᠭᠤᠯᠠᠨᠠ᠃ ᠭᠡᠭᠦᠷ ᠳᠠᠯᠪᠢᠬᠤ ᠭᠠᠵᠠᠷ ᠢ ᠪᠠᠰᠠ ᠭᠦᠵᠢ ᠪᠠᠷᠢᠵᠤ ᠠᠷᠢᠭᠤᠳᠬᠠᠭᠠᠤᠨ ᠣᠷᠤᠰᠢᠭᠤᠯᠭᠠ ᠡᠴᠡ ᠪᠣᠴᠠᠵᠤ ᠢᠷᠡᠭ᠍ᠰᠡᠳ ᠵᠢᠴᠢ ᠵᠠᠷᠤᠳᠠᠯ ᠪᠠᠷᠢᠳᠠᠯ ᠤᠨ ᠵᠣᠢ᠌ᠯ ᠢ ᠪᠦᠷ ᠭᠠᠯ ᠶᠢᠡᠷ ᠠᠷᠢᠭᠤᠳᠬᠠᠨᠠ᠃ ᠳᠠᠷᠤᠢ ᠡᠭᠦᠳᠡᠨ ᠳᠤ ᠪᠠᠨ ᠣᠪᠣᠭᠠ ᠭᠠᠯ ᠭᠠᠷᠭᠠᠵᠤ ᠪᠠᠰᠠ ᠲᠦᠩᠹᠧᠨ ᠲᠡᠶ ᠣᠰᠤ᠂ ᠯᠤᠩᠬᠤ ᠲᠡᠶ ᠠᠷᠢᠭᠢ ᠵᠡᠷᠭᠡ ᠶᠢ ᠪᠠᠯᠡᠭᠡᠨ ᠳᠠᠯᠪᠢᠵᠤ ᠦᠭᠭᠦ ᠳᠤ ᠦᠪᠡᠷ ᠦᠪᠡᠷ ᠶᠢᠡᠨ ᠪᠠᠶᠠ ᠪᠠᠨ ᠠᠷᠢᠭᠤᠳᠬᠠᠨᠠ᠃ ᠥᠩᠭᠡᠷᠡᠭ᠍ᠰᠡᠨ ᠳᠤ ᠮᠠᠭᠤ ᠡᠪᠡᠳᠴᠢᠨ ᠶᠢᠡᠷ ᠥᠭᠦᠭ᠍ᠰᠡᠨ ᠭᠦᠮᠤᠨ ᠢ ᠭᠠᠯ ᠣᠷᠤᠰᠢᠭᠤᠯᠭᠠ ᠭᠢᠵᠤ ᠠᠷᠢᠭᠤᠳᠬᠠᠭᠰᠠᠨ ᠰᠠᠨᠠᠭᠠ ᠪᠠᠨ ᠢᠯᠡᠳᠭᠡᠵᠤ ᠳᠠᠷᠠᠭᠠ ᠳᠦᠷᠤᠯ ᠳᠤ ᠪᠠᠨ ᠡᠪᠡᠳᠴᠢᠨ ᠡᠮᠭᠡᠭ᠌ ᠦᠭᠡᠶ ᠭᠦᠮᠤᠨ ᠪᠣᠯᠵᠤ ᠳᠦᠷᠦᠭᠦ ᠶᠢ ᠪᠠᠯᠭᠡᠳᠡᠵᠤ ᠪᠠᠢ᠌ᠳᠠᠭ᠂
ᠳᠠᠪᠣ᠂ ᠭᠠᠯ ᠤᠨ ᠴᠡᠭᠡᠷ
ᠴᠢᠩᠭᠢᠰ ᠤᠨ 《ᠵᠠᠰᠠᠭ ᠤᠨ ᠶᠡᠭᠡ ᠳᠤᠯᠢ》 ᠳ᠋ᠤ ᠮᠤᠩᠭ᠋ᠤᠯᠴᠤᠳ ᠲᠤ ᠳᠦᠷᠢᠮ ᠶᠤᠰᠤᠨ ᠤ ᠳᠠᠯᠠ ᠪᠠᠷ ᠵᠢᠭᠠᠬᠤ ᠳᠤ ᠪᠠᠨ 《ᠭᠠᠯ ᠭᠤᠯᠤᠮᠳᠠ ᠳᠡᠭᠡᠭᠦᠷ ᠠᠯᠬᠤᠨ ᠭᠠᠷᠬᠤ ᠶᠢ ᠴᠠᠭᠠᠵᠠᠯᠠᠨᠠ》᠂ 《ᠦᠨᠡᠰᠤᠨ ᠳᠤ ᠰᠢᠭᠡᠭ᠍ᠰᠡᠳ ᠢ ᠠᠯᠠᠬᠤ ᠶᠠᠯᠠ ᠪᠠᠷ ᠰᠢᠳᠭᠡᠮᠦᠢ》 ᠭᠡᠵᠤ ᠳᠤᠭᠳᠠᠭᠠᠭᠰᠠᠨ ᠪᠠᠢ᠌ᠳᠠᠭ᠃ ᠣᠳᠤ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠠᠬᠤᠢ᠂ ᠵᠠᠩ ᠵᠠᠩᠰᠢᠯ ᠳᠤ ᠡᠨᠡ ᠭᠦ ᠴᠡᠭᠡᠷᠯᠡᠯ ᠶᠤᠰᠤᠨ ᠮᠠᠰᠢ ᠪᠦᠷᠢᠨ ᠪᠦᠳᠤᠨ ᠶᠢᠡᠷ ᠵᠠᠯᠭᠠᠮᠵᠢᠯᠠᠯᠠᠭᠳᠠᠨ ᠬᠠᠳᠠᠭᠠᠯᠠᠭᠳᠠᠵᠠᠢ᠃ ᠳᠤᠬᠠᠢ᠌ᠯᠠᠪᠠᠯ᠂ ᠳᠤᠤᠷᠠ ᠣᠨᠠᠭᠰᠠᠨ ᠭᠠᠯ ᠤᠨ ᠣᠴᠢ ᠶᠢ ᠭᠦᠯ ᠶᠢᠡᠷ ᠭᠢᠰᠭᠢᠵᠤ ᠣᠠᠳᠠᠷᠭᠠᠵᠤ ᠪᠣᠯᠬᠤ ᠦᠭᠡᠶ ᠭᠦᠯ ᠤᠨ ᠬᠠᠭᠤᠴᠢᠨ ᠡᠪᠡᠳᠴᠢᠨ ᠲᠡᠶ ᠪᠣᠯᠤᠨᠠ ᠭᠡᠳᠡᠭ᠌᠃ ᠭᠠᠯ ᠤᠨ ᠦᠨᠡᠰᠤ ᠪᠠᠨ ᠪᠣᠰᠤᠳ ᠬᠤᠭ ᠨᠤᠪᠰᠢ ᠲᠡᠶ ᠬᠠᠮᠳᠤ ᠡᠷᠦᠢ ᠬᠤᠷᠤᠢ ᠦᠭᠡᠶ ᠬᠠᠶᠠᠳᠠᠭ ᠦᠭᠡᠶ ᠭᠠᠯ ᠤᠨ ᠪᠣᠷᠬᠠᠨ ᠠᠭᠤᠷᠯᠠᠨᠠ ᠭᠡᠳᠡᠭ᠌᠃ ᠡᠷᠭᠡᠪᠰᠢ ᠡᠷᠦᠭᠡ ᠭᠡᠷ ᠤᠨ ᠶᠢᠡᠨ ᠭᠠᠯ ᠭᠤᠤᠯᠯᠠᠬᠤ ᠳᠠᠯᠠ ᠪᠠᠷᠠᠭᠤᠨ ᠡᠮᠦᠨᠡ ᠳᠠᠯᠠ ᠳᠤ ᠠᠰᠬᠠᠨᠠ᠃ ᠦᠨᠡᠰᠤ ᠪᠠᠨ ᠬᠠᠶᠠᠬᠤ ᠵᠠᠮ ᠵᠠᠭᠤᠷᠠ ᠪᠠᠨ ᠭᠤᠭᠤᠵᠢᠭᠤᠯᠵᠤ ᠰᠠᠳᠠᠷᠠᠭᠤᠯᠵᠤ ᠪᠣᠯᠬᠤ ᠦᠭᠡᠶ ᠭᠡᠰᠢᠭ᠌ ᠪᠣᠶᠠᠨ ᠵᠠᠢ᠌ᠯᠠᠨᠠ ᠭᠡᠭᠦ᠃ ᠬᠡᠦᠬᠡᠳ ᠦᠨᠡᠰᠤᠨ ᠣᠪᠣᠭᠠᠨ ᠳᠡᠭᠡᠷᠡ ᠨᠠᠭᠠᠳᠬᠤ ᠦᠭᠡᠶ ᠭᠡᠢ ᠮᠤᠷᠢ ᠭᠡᠪᠳᠡᠨᠡ ᠭᠡᠭᠦ᠃ 《ᠭᠦᠭᠡ ᠪᠣᠬᠠ ᠭᠡᠪᠳᠡᠭ᠍ᠰᠡᠭᠡᠷ ᠪᠠᠢ᠌ᠭᠠᠤᠨ ᠳᠠᠷᠭᠤᠯᠡᠳᠠᠭ》 ᠭᠡᠵᠤ ᠦᠨᠡᠰᠤᠨ ᠣᠪᠣᠭᠠᠨ ᠤ ᠶᠡᠭᠡ ᠪᠠᠭᠠ ᠪᠠᠷ ᠳᠤᠰ ᠠᠢ᠌ᠯ ᠡᠷᠦᠭᠡ ᠶᠢᠨ ᠠᠳᠠᠯ ᠣᠠᠳᠤᠷᠤᠯᠭᠠ ᠶᠢᠨ ᠶᠠᠮᠠᠷ ᠵᠡᠷᠭᠡ ᠪᠣᠯᠬᠤ ᠶᠢ ᠭᠠᠳᠠᠷᠯᠠᠴᠢᠬᠠᠨᠠ ᠭᠡᠨᠡ᠃ ᠡᠭᠦᠨ ᠡᠴᠡ ᠦᠵᠡᠪᠠᠯ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠦᠵᠡᠯᠳᠠ ᠳᠤ ᠦᠨᠡᠰᠤ ᠨᠢ ᠮᠦᠨ ᠭᠠᠯ ᠲᠡᠶ ᠠᠳᠠᠯᠢ ᠪᠠᠢ᠌ᠷᠢ ᠰᠠᠭᠤᠷᠢ ᠲᠡᠶ ᠪᠣᠯᠬᠤ ᠨᠢ ᠳᠠᠮᠵᠢᠭ ᠦᠭᠡᠶ᠃ ᠭᠠᠯ ᠤᠨ ᠳᠡᠭᠡᠷᠡ ᠣᠰᠤ ᠰᠥ᠋ ᠮᠠᠳᠤ ᠶᠢᠨ ᠰᠢᠩᠭᠡᠨ ᠪᠠᠶᠠᠳᠤ ᠶᠠᠭᠤᠮᠠ ᠰᠦᠷᠴᠢᠵᠤ ᠪᠣᠯᠬᠤ ᠦᠭᠡᠶ ᠭᠠᠯ ᠤᠨ ᠰᠦᠷ ᠭᠡᠷᠡᠯ ᠪᠠᠭᠤᠷᠠᠨᠠ ᠭᠡᠭᠦ᠃ ᠭᠠᠯ ᠤᠨ ᠳᠡᠭᠡᠭᠦᠷ ᠣᠯᠠᠭᠠᠨ ᠪᠦᠰ ᠡᠷᠭᠢᠭᠦᠯᠵᠤ ᠪᠣᠯᠬᠤ ᠦᠭᠡᠶ ᠭᠡᠷ ᠪᠦᠯᠢ ᠶᠠᠷᠭᠢᠶᠠᠨ ᠰᠢᠷᠭᠢᠶᠠᠨ ᠲᠡᠶ ᠪᠣᠯᠤᠨᠠ ᠭᠡᠭᠦ᠃ ᠭᠠᠯ ᠳᠤ ᠪᠠᠨ ᠰᠤᠩᠭᠢᠨᠠ᠂ ᠰᠠᠷᠢᠮᠰᠠᠭ ᠵᠡᠷᠭᠡ ᠦᠨᠦᠷ ᠮᠠᠭᠤᠳᠠᠨ ᠪᠣᠳᠠᠰ ᠪᠣᠶᠤ ᠭᠠᠬᠠᠢ ᠨᠤᠬᠠᠢ ᠶᠢᠨ ᠪᠠᠭᠠᠰᠤ ᠵᠡᠷᠭᠡ ᠪᠣᠵᠠᠷ ᠶᠠᠭᠤᠮᠠ ᠶᠢ ᠭᠠᠯ ᠳᠤ ᠣᠷᠤᠭᠤᠯᠵᠤ ᠪᠣᠯᠬᠤ ᠦᠭᠡᠶ ᠭᠠᠯ ᠤᠨ ᠪᠣᠷᠬᠠᠨ ᠠᠭᠤᠷᠰᠠᠵᠤ᠂ ᠭᠡᠰᠢᠭ᠌ ᠪᠣᠶᠠᠨ ᠵᠠᠢ᠌ᠯᠠᠨᠠ᠃ ᠭᠠᠯ ᠤᠨ ᠳᠠᠭᠢᠯᠭᠠ ᠳᠤ ᠬᠠᠷᠢ ᠣᠪᠣᠭ ᠭᠦᠮᠤᠨ ᠢ ᠣᠷᠤᠯᠴᠠᠭᠤᠯᠳᠠᠭ ᠦᠭᠡᠶ᠃ ᠣᠠᠴᠠᠭᠠᠢ᠌ᠯᠠᠨ ᠵᠢᠭᠡ ᠭᠦᠮᠤᠨ ᠢ ᠨᠠᠭᠠᠴᠤ ᠶᠢᠨ ᠭᠠᠯ ᠳᠠᠭᠢᠯᠭᠠ ᠳᠤ ᠤᠢ᠌ᠷᠠᠳᠤᠭᠤᠯᠵᠤ ᠪᠣᠯᠬᠤ ᠦᠭᠡᠶ᠂ ᠭᠠᠯ ᠳᠠᠭᠢᠯᠭᠠ ᠨᠢ ᠪᠣᠶᠠᠨ ᠭᠡᠰᠢᠭ᠌ ᠤᠨ ᠳᠠᠯᠠᠯᠭᠠ ᠮᠦᠨ᠂ ᠵᠢᠭᠡ ᠭᠦᠮᠤᠨ ᠪᠣᠯ ᠨᠠᠭᠠᠴᠤ ᠲᠡᠶ ᠬᠠᠮᠤᠭ ᠤᠨ ᠳᠤᠳᠤᠨᠤᠰᠤᠭ ᠪᠣᠯᠬᠤᠷ ᠨᠠᠭᠠᠴᠤ ᠶᠢᠨ ᠪᠣᠶᠠᠨ ᠭᠡᠰᠢᠭ᠌ ᠢ ᠠᠪᠠᠴᠢᠨᠠ ᠭᠡᠭᠦ᠃ ᠬᠤᠪᠣᠩ ᠤᠨ ᠭᠠᠯ ᠤᠨ ᠣᠷᠤᠢ ᠳᠡᠭᠡᠷᠡ ᠡᠴᠡ ᠬᠠᠭᠠᠯᠬᠤ᠂ ᠭᠠᠯ ᠳᠤ ᠭᠦᠯ ᠶᠢᠡᠨ ᠡᠭᠡᠭᠡᠭᠦ᠂ ᠬᠤᠪᠣᠩ ᠤᠨ ᠳᠡᠭᠡᠭᠦᠷ ᠭᠢᠳᠤᠭᠠ ᠪᠣᠤᠳᠤᠤ ᠡᠷᠭᠢᠭᠦᠯᠭᠦ᠂ ᠬᠤᠪᠣᠩ ᠳᠤ ᠳᠠᠪᠣᠰᠤ ᠣᠷᠤᠭᠤᠯᠬᠤ᠂ ᠣᠰᠤ ᠠᠰᠬᠠᠬᠤ ᠵᠡᠷᠭᠡ ᠨᠢ ᠪᠦᠷ ᠭᠠᠯ ᠤᠨ ᠪᠣᠷᠬᠠᠨ ᠢ ᠭᠦᠡᠳᠦᠯᠡᠭ᠍ᠰᠡᠨ ᠦᠭᠡᠶ ᠠᠵᠢᠯᠯᠠᠭᠠ ᠪᠣᠯᠬᠤ ᠭᠡᠵᠤ ᠥᠵᠡᠳᠡᠭ᠌ ᠪᠣᠯᠬᠤᠷ ᠳᠠᠰᠤ ᠴᠡᠭᠡᠷᠯᠡᠨᠡ᠃ ᠬᠤᠪᠣᠩ ᠤᠨ ᠭᠠᠯ ᠳᠡᠭᠡᠷᠡ ᠬᠡᠦᠬᠡᠳ ᠥᠯᠦᠭᠡᠢ᠌ᠳᠡᠭᠦ ᠰᠢᠷᠤᠢ ᠪᠠᠨ ᠬᠠᠯᠠᠭᠠᠬᠤ ᠳᠤ ᠪᠠᠨ ᠭᠠᠯ ᠳᠤ ᠰᠢᠷᠤᠢ ᠪᠠᠨ ᠣᠷᠤᠭᠤᠯᠵᠤ ᠪᠣᠯᠬᠤ ᠦᠭᠡᠶ ᠬᠡᠦᠬᠡᠳ ᠤᠨ ᠨᠢᠳᠤ ᠡᠪᠠᠳᠦᠨᠡ ᠭᠡᠭᠦ᠃ ᠵᠤᠤᠬᠠ ᠳᠤᠯᠭᠠ ᠳᠡᠭᠡᠷᠡ ᠭᠦᠯ ᠶᠢᠡᠨ ᠳᠠᠯᠪᠢᠵᠤ ᠪᠣᠯᠬᠤ ᠦᠭᠡᠶ᠃ ᠬᠤᠪᠣᠩ ᠤᠨ ᠭᠠᠯ ᠶᠢᠡᠨ ᠭᠦᠷᠦᠩᠭᠡ ᠦᠭᠡᠶ ᠪᠣᠯᠳᠠᠯᠠ ᠣᠠᠳᠠᠷᠠᠭᠠᠬᠤ ᠶᠢ ᠴᠡᠭᠡᠷᠯᠡᠨᠡ ᠭᠠᠯ ᠭᠤᠯᠤᠮᠳᠠ ᠪᠠᠨ ᠳᠠᠰᠤᠯᠠᠭᠰᠠᠨ ᠭᠡᠷᠡᠭ᠌ ᠪᠣᠯᠬᠤ᠃ ᠭᠠᠯ ᠤᠨ ᠰᠢᠯᠡᠭᠡᠪᠦᠷ ᠶᠢᠡᠷ ᠮᠠᠯ ᠣᠨᠤᠭᠠ ᠶᠢ ᠴᠤᠭᠢᠵᠤ ᠪᠣᠯᠬᠤ ᠦᠭᠡᠶ ᠮᠠᠯ ᠤᠨ ᠭᠡᠰᠢᠭ᠌ ᠵᠠᠢ᠌ᠯᠠᠨᠠ ᠭᠡᠭᠦ᠃ ᠪᠣᠰᠤᠳ ᠠᠢ᠌ᠯ ᠭᠡᠷ ᠲᠤ ᠣᠷᠤᠬᠤ ᠳᠤ ᠪᠠᠨ ᠭᠡᠷ ᠤᠨ ᠡᠵᠡᠨ ᠤ ᠵᠦᠪᠰᠢᠶᠠᠷᠠᠯ ᠦᠭᠡᠶ ᠪᠠᠷ ᠡᠮᠦᠨᠡ ᠬᠠᠠᠵᠤᠨ ᠤ ᠪᠠᠷᠠᠭᠤᠨ ᠳᠤᠯᠤᠭᠠᠢ ᠳᠤ ᠰᠠᠭᠤᠵᠤ ᠪᠣᠯᠬᠤ ᠦᠭᠡᠶ᠃ ᠭᠠᠯ ᠭᠤᠤᠯᠯᠠᠬᠤ ᠳᠡᠭᠡᠷᠡ ᠳᠠᠯᠠ ᠳᠤ ᠡᠩ ᠤᠨ ᠵᠤᠴᠢᠨ ᠳᠤᠷᠠ ᠪᠠᠷ ᠰᠠᠭᠤᠪᠠᠯ ᠭᠡᠷ ᠤᠨ ᠡᠵᠡᠨ ᠢ ᠳᠤᠷᠤᠮᠵᠢᠯᠠᠭᠰᠠᠨ ᠪᠣᠯᠵᠤ ᠥᠵᠡᠭ᠍ᠳᠡᠳᠡᠭ᠌᠃ ᠡᠢ᠌ᠮᠤ ᠡᠴᠡ ᠬᠤᠷᠴᠢᠨ ᠳᠤ ᠭᠡᠷ ᠲᠤ ᠢᠷᠡᠭ᠍ᠰᠡᠨ ᠵᠤᠴᠢᠨ ᠢ ᠣᠷᠢᠳᠠᠪᠠᠷ 《ᠳᠠᠢ᠌ᠵᠢ ᠦᠦ ︖ ᠬᠠᠷᠠᠴᠤ ᠦᠦ ︖》 ᠭᠡᠵᠤ ᠠᠰᠠᠭᠤᠭᠠᠤᠨ ᠭᠡᠷᠪᠡ ᠳᠠᠢ᠌ᠵᠢ ᠪᠣᠯ ᠡᠮᠦᠨᠡ ᠬᠠᠠᠵᠤᠨ ᠤ ᠪᠠᠷᠠᠭᠤᠨ ᠳᠤᠯᠤᠭᠠᠢ ᠳᠤ ᠵᠠᠯᠠᠵᠤ ᠰᠠᠭᠤᠯᠭᠠᠨ᠂ ᠬᠠᠷᠠᠴᠤ ᠪᠣᠯ ᠬᠣᠢ᠌ᠳᠤ ᠬᠠᠠᠵᠤᠨ ᠳᠤ ᠣᠷᠤ ᠵᠢᠭᠠᠳᠠᠭ ᠶᠤᠮ᠃ ᠡᠢ᠌ᠮᠦᠷᠭᠦ ᠵᠠᠩ ᠵᠠᠩᠰᠢᠯ ᠶᠤᠰᠤ ᠰᠤᠷᠳᠠᠬᠤᠨ ᠨᠢ ᠪᠦᠷ ᠳᠡᠦᠭᠡ ᠶᠢᠨ ᠡᠭᠦᠰᠦᠯ ᠲᠡᠶ ᠪᠦᠭᠡᠳ ᠦᠨᠦᠳᠤᠷ ᠤᠨ ᠭᠦᠭ᠍ᠵᠢᠯᠳᠡ ᠲᠡᠶ ᠪᠠᠢ᠌ᠵᠤ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠰᠤᠶᠤᠯ ᠳᠡᠦᠭᠡ᠂ ᠵᠠᠩ ᠵᠠᠩᠰᠢᠯ᠂ ᠠᠵᠤ ᠠᠮᠢᠳᠤᠷᠠᠯ᠂ ᠶᠤᠰᠤ ᠰᠤᠷᠳᠠᠬᠤᠨ᠂ ᠱᠠᠰᠢᠨ ᠰᠢᠳᠦᠯᠭᠡ ᠵᠡᠷᠭᠡ ᠣᠯᠠᠨ ᠳᠠᠯᠠ ᠶᠢᠨ ᠠᠭᠤᠯᠭᠠ ᠪᠠᠭᠳᠠᠭᠠᠭᠳᠠᠵᠤ ᠪᠠᠢ᠌ᠭᠠ ᠪᠠ ᠢᠷᠡᠭᠡᠳᠦᠢ ᠶᠢᠨ ᠰᠠᠢ᠌ᠨ ᠰᠠᠢ᠌ᠬᠠᠨ ᠭᠦᠰᠡᠯ ᠮᠦᠷᠦᠭᠡᠳᠦᠯ ᠤᠨ ᠰᠡᠳᠬᠢᠯᠭᠡ ᠴᠤ ᠭᠦᠨ ᠠᠬᠤᠯᠤᠭᠳᠠᠵᠤ ᠪᠣᠢ᠃ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠭᠠᠯ ᠢ ᠲᠤᠢ᠌ᠯ ᠶᠢᠡᠷ ᠢᠳᠡᠭᠡᠨ ᠪᠢᠰᠢᠷᠠᠵᠤ ᠰᠢᠳᠦᠳᠡᠭ᠌ ᠪᠦᠭᠡᠳ ᠪᠠᠰᠠ ᠭᠠᠯ ᠪᠣᠯ ᠭᠡᠢ᠌ᠮᠦᠷᠢ᠂ ᠰᠥᠭ᠌ ᠰᠦᠯᠳᠡ ᠶᠢᠨ ᠪᠠᠯᠭᠡ ᠳᠡᠮᠳᠡᠭ᠌᠂ ᠠᠷᠢᠭᠤᠨ ᠴᠠᠪᠠᠷ ᠤᠨ ᠪᠠᠯᠭᠡ ᠳᠡᠮᠳᠡᠭ᠌᠂ ᠪᠦᠯᠭᠦᠮᠳᠡᠯ ᠨᠢᠭᠳᠠᠷᠠᠯ ᠤᠨ ᠪᠠᠯᠭᠡ ᠳᠡᠮᠳᠡᠭ᠌ ᠭᠡᠵᠤ ᠥᠵᠡᠳᠡᠭ᠌ ᠨᠢ ᠳᠠᠳᠠᠨ ᠤ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠᠭᠢ ᠵᠠᠷᠢᠮ ᠵᠠᠩ ᠵᠠᠩᠰᠢᠯ ᠳ᠋ᠤᠨᠢ ᠢᠯᠠᠷᠠᠵᠤ ᠪᠠᠢ᠌ᠳᠠᠭ᠃ ᠳᠤᠬᠠᠢ᠌ᠯᠠᠪᠠᠯ᠂ ᠭᠠᠳᠠᠭᠰᠢ ᠭᠠᠷᠬᠤ ᠭᠦᠮᠤᠨ ᠡᠰᠡᠭᠦᠯᠡ ᠴᠡᠷᠢᠭ᠌ ᠲᠤ ᠶᠠᠪᠣᠬᠤ ᠭᠦᠮᠤᠨ᠂ ᠨᠠᠩ ᠢᠯᠠᠩᠭ᠋ᠤᠶᠠ ᠰᠦᠨᠢ ᠣᠷᠤᠢ ᠭᠡᠭᠡᠷᠡ ᠭᠠᠳᠠᠨᠠ ᠡᠷᠢᠯ ᠰᠤᠷᠠᠭ ᠶᠢᠡᠷ ᠶᠠᠪᠣᠬᠤ ᠭᠦᠮᠤᠨ ᠡᠷᠭᠡᠪᠰᠢ ᠭᠠᠯ ᠴᠣᠢ᠌ᠳᠠᠩ ᠶᠢᠡᠨ ᠠᠪᠴᠤ ᠶᠠᠪᠣᠬᠤ ᠶᠢ ᠭᠢᠴᠢᠶᠡᠳᠡᠭ᠌᠃ ᠳᠠᠷᠤᠢ ᠭᠠᠯ ᠪᠠᠢ᠌ᠪᠠᠯ ᠭᠠᠯ ᠤᠨ ᠪᠣᠷᠬᠠᠨ ᠪᠠᠢ᠌ᠨᠠ᠂ ᠭᠠᠯ ᠤᠨ ᠪᠣᠷᠬᠠᠨ ᠪᠠᠢ᠌ᠪᠠᠯ ᠭᠠᠢ ᠪᠠᠷᠴᠢᠳ ᠵᠠᠢ᠌ᠯᠠᠨᠠ ᠭᠡᠵᠤ ᠥᠵᠡᠳᠡᠭ᠌᠃ ᠡᠨᠡ ᠮᠠᠳᠤ ᠪᠠᠷ ᠭᠠᠯ ᠶᠢᠡᠷ ᠥᠮᠦᠭ᠌ ᠳᠦᠰᠢᠭ᠌ ᠪᠣᠯᠭᠠᠵᠤ ᠠᠯᠢᠪᠠ ᠰᠠᠢ᠌ᠨ ᠰᠠᠢ᠌ᠬᠠᠨ ᠶᠢᠡᠨ ᠭᠠᠯ ᠤᠨ ᠪᠣᠷᠬᠠᠨ ᠳᠤ ᠪᠠᠨ ᠳᠠᠭᠠᠳᠬᠠᠵᠤ ᠪᠠᠢ᠌ᠳᠠᠭ ᠨᠢ ᠮᠦᠨ ᠴᠤ ᠡᠷᠳᠡᠨ ᠤ ᠮᠤᠩᠭ᠋ᠤᠯᠴᠤᠳ ᠤᠨ ᠭᠠᠯ ᠢ ᠠᠰᠢᠭᠯᠠᠵᠤ ᠵᠡᠷᠯᠢᠭ᠌ ᠠᠷᠢᠶᠠᠳᠠᠨ ᠡᠴᠡ ᠰᠡᠷᠭᠡᠢ᠌ᠯᠡᠵᠤ ᠪᠠᠢ᠌ᠭᠰᠠᠨ ᠲᠡᠶ ᠰᠢᠭᠤᠳ ᠬᠤᠯᠪᠣᠭᠳᠠᠨᠠ᠃ ᠰᠢᠨᠠ ᠪᠠᠷᠢ ᠭᠦᠷᠭᠡᠭᠦ ᠳᠡᠷᠭᠡ ᠨᠢ ᠭᠦᠷᠭᠡᠨ ᠤ ᠭᠡᠷ ᠤᠨ ᠪᠠᠷᠠᠭᠤᠨ ᠳᠠᠯᠠ ᠪᠠᠷ ᠣᠷᠤᠵᠤ ᠪᠠᠭᠤᠬᠤ ᠶᠢ ᠡᠷᠡᠰ ᠴᠡᠭᠡᠷᠯᠡᠨᠡ᠃ ᠪᠦᠭᠡ ᠮᠦᠷᠭᠦᠯ ᠤᠨ ᠱᠠᠰᠢᠨ ᠤ ᠶᠤᠰᠤ ᠪᠠᠷ ᠪᠠᠷᠠᠭᠤᠨ ᠳᠠᠯᠠ ᠪᠣᠯ ᠭᠠᠯ ᠭᠤᠤᠯᠠᠬᠤ ᠳᠡᠭᠡᠳᠤ ᠳᠠᠯᠠ ᠮᠦᠨ᠃ ᠭᠠᠯ ᠤᠨ ᠣᠷᠤᠨ᠂ ᠭᠠᠯ ᠭᠤᠯᠤᠮᠳᠠ ᠶᠢᠨ ᠣᠷᠤᠨ ᠪᠣᠯᠤᠨᠠ᠃ ᠭᠡᠷᠪᠡ ᠦᠬᠢᠨ ᠭᠦᠷᠭᠡᠭᠦ ᠳᠡᠷᠭᠡ ᠭᠦᠷᠭᠡᠨ ᠤ ᠭᠡᠷ ᠤᠨ ᠪᠠᠷᠠᠭᠤᠨ ᠳᠠᠯᠠ ᠪᠠᠷ ᠣᠷᠤᠭᠰᠠᠭᠠᠷ ᠭᠦᠷᠭᠡᠨ ᠤ ᠭᠡᠷ ᠤᠨ ᠰᠦᠷ ᠰᠦᠯᠳᠡ ᠨᠢ ᠳᠠᠷᠤᠭᠳᠠᠨ᠂ ᠭᠡᠢ ᠮᠤᠷᠢ ᠨᠢ ᠭᠡᠪᠳᠡᠵᠤ᠂ ᠠᠮᠢᠳᠤᠷᠠᠯ ᠳ᠋ᠤᠨᠢ ᠥᠭᠡᠳᠡ ᠦᠭᠡᠶ ᠭᠡᠵᠤ ᠥᠵᠡᠳᠡᠭ᠌᠃ ᠣᠯᠠᠨ ᠶᠢᠡᠷ ᠭᠠᠳᠠᠭᠰᠢ ᠠᠷᠠᠵᠢᠶᠠ ᠮᠠᠢ᠌ᠮᠠᠢ ᠭᠢᠭᠦ ᠪᠠᠷ ᠶᠠᠪᠣᠬᠤ ᠪᠣᠶᠤ ᠭᠡᠭᠡᠷᠡ ᠭᠠᠳᠠᠨᠠ ᠠᠩ ᠠᠪᠠ ᠭᠢᠭᠦ ᠦᠶᠡ ᠳᠤ ᠪᠦᠭᠦᠳᠡ ᠶᠢᠨ ᠳᠤᠮᠳᠠ ᠡᠴᠡ ᠬᠠᠮᠤᠭ ᠤᠨ ᠢᠳᠡᠭᠡᠯ ᠭᠦᠡᠳᠦᠳᠡᠢ ᠨᠢᠭᠡ ᠪᠠᠨ ᠰᠤᠩᠭ᠋ᠤᠵᠤ ᠳᠦᠷᠦᠭᠦᠤ ᠪᠣᠯᠭᠠᠳᠠᠭ ᠶᠢᠡᠨ ᠭᠠᠯ ᠤᠨ ᠠᠬᠠ ᠭᠡᠳᠡᠭ᠌᠃ ᠳᠠᠷᠤᠢ ᠡᠨᠡᠭᠦ ᠨᠢᠭᠡ ᠪᠦᠯᠦᠭ᠌ ᠭᠦᠮᠦᠰ ᠶᠢᠡᠨ ᠨᠢᠭᠡ ᠪᠣᠳᠠ ᠭᠠᠯ ᠰᠢᠭ ᠦᠵᠡᠵᠤ ᠭᠠᠯ ᠤᠨ ᠠᠬᠠ ᠶᠢᠨ ᠶᠢᠡᠨ ᠣᠳᠤᠷᠢᠳᠤᠯᠭᠠ ᠶᠢᠨ ᠳᠤᠤᠷᠠ ᠭᠡᠵᠢᠶᠡᠳᠡ ᠬᠠᠭᠠᠴᠠᠵᠤ ᠰᠠᠯᠤᠰᠢ ᠦᠭᠡᠶ ᠭᠠᠯ ᠮᠠᠳᠤ ᠭᠦᠭ᠍ᠵᠢᠨ ᠪᠠᠳᠠᠷᠠᠩᠭ᠋ᠤᠢ᠂ ᠪᠠᠳᠤ ᠪᠦᠯᠭᠦᠮᠳᠡᠯ ᠲᠡᠶ ᠪᠠᠢ᠌ᠵᠤ᠂ ᠳᠤᠤᠭᠠᠷᠪᠠᠯ ᠳᠠᠭᠤ ᠨᠢᠭᠡᠳᠡᠢ᠂ ᠳᠤᠭᠳᠠᠷᠪᠠᠯ ᠭᠦᠴᠤ ᠨᠢᠭᠡᠳᠡᠢ᠂ ᠠᠷᠠᠯᠵᠢᠶᠠ ᠮᠠᠢ᠌ᠮᠠᠢ ᠣᠷᠤᠭᠰᠢᠳᠠᠢ᠂ ᠠᠩ ᠠᠪᠠ ᠣᠯᠵᠠ ᠲᠡᠶ ᠪᠣᠯᠬᠤ ᠶᠢ ᠵᠦᠩᠨᠠᠵᠤ ᠪᠠᠢ᠌ᠳᠠᠭ ᠣᠴᠢᠷᠳᠠᠢ᠃ ᠳᠡᠭᠡᠭᠦ ᠪᠠᠷ ᠶᠢᠡᠨ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠬᠡᠦᠬᠡᠳ ᠤᠨ ᠳᠠᠭᠤᠨ ᠳᠤ ᠴᠤ
ᠭᠦᠭ᠍ᠵᠢ ᠭᠦᠭ᠍ᠵᠢ
ᠭᠦᠭ᠍ᠵᠢ
ᠭᠦᠭᠡ ᠢᠮᠠᠭᠠ
ᠠᠯᠠᠵᠤ ᠦᠭᠭᠦᠶᠡ᠃
ᠨᠤᠴᠤ ᠨᠤᠴᠤ
ᠨᠤᠴᠤ
ᠨᠤᠭᠤᠭᠠᠨ ᠢᠮᠠᠭᠠ
ᠠᠯᠠᠵᠤ ᠦᠭᠭᠦᠶᠡ᠃
ᠪᠠᠳᠠᠷᠠ ᠪᠠᠳᠠᠷᠠ
ᠪᠠᠳᠠᠷᠠ
ᠪᠠᠳᠢᠷ ᠤᠨ ᠳᠤᠰᠤ
ᠡᠷᠭᠦᠶᠡ ᠭᠡᠵᠤ ᠭᠠᠯ ᠭᠦᠭ᠍ᠵᠢᠭᠡᠭᠦ ᠪᠠᠷ ᠳᠠᠭᠤᠯᠠᠵᠤ ᠪᠠᠢ᠌ᠳᠠᠭ ᠡᠴᠡ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠭᠠᠯ ᠶᠢᠡᠨ ᠰᠢᠳᠤᠵᠤ᠂ ᠭᠠᠯ ᠶᠢᠡᠨ ᠳᠠᠭᠢᠵᠤ᠂ ᠭᠠᠯ ᠶᠢᠡᠨ ᠮᠠᠨᠠᠨ ᠭᠡᠵᠢᠶᠡᠳᠡ ᠣᠠᠳᠠᠷᠠᠰᠢ ᠦᠭᠡᠶ᠂ ᠭᠡᠮᠵᠢᠶᠡᠯᠡᠰᠢ ᠦᠭᠡᠶ ᠭᠦᠭ᠍ᠵᠢᠯ ᠪᠠᠳᠠᠷᠠᠯ ᠲᠡᠶ ᠪᠣᠯᠬᠤ ᠶᠢᠨ ᠰᠠᠨᠠᠭᠠ ᠪᠠᠨ ᠢᠯᠡᠳᠭᠡᠵᠤ ᠪᠠᠢ᠌ᠳᠠᠭ᠃
ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ 《ᠬᠤᠪᠣᠩ ᠭᠠᠯ ᠤᠨ ᠰᠤᠶᠤᠯ》 ᠪᠣᠯ ᠪᠦᠭᠦᠢᠯᠡ ᠮᠤᠩᠭ᠋ᠤᠯᠴᠤᠳ ᠤᠨ ᠣᠵᠠᠭᠤᠷ ᠰᠤᠶᠤᠯ ᠶᠢᠡᠨ ᠬᠠᠳᠠᠭᠠᠯᠠᠭᠰᠠᠨ ᠮᠦᠷ ᠣᠯᠪᠠᠭᠠ ᠪᠣᠯᠬᠤ ᠪᠦᠭᠡᠳ ᠬᠤᠷᠴᠢᠨ ᠦᠪᠡᠷᠮᠢᠴᠠ ᠰᠤᠶᠤᠯ ᠤᠨ ᠳᠤᠳᠤᠷᠠᠭᠢ ᠨᠢᠭᠡᠨ ᠴᠢᠬᠤᠯᠠ ᠠᠭᠤᠯᠭᠠ ᠪᠣᠯᠬᠤ ᠪᠦᠭᠡᠳ ᠭᠦᠮᠤᠨ ᠳᠦᠷᠤᠯᠭᠢᠳᠠᠨ ᠤ ᠰᠤᠶᠤᠯ ᠳᠤ ᠴᠤ ᠵᠤᠭᠢᠬᠤ ᠪᠠᠢ᠌ᠷᠢ ᠰᠠᠭᠤᠷᠢ ᠶᠢ ᠡᠵᠡᠯᠡᠵᠤ᠂ ᠪᠣᠷᠬᠠᠨ ᠱᠠᠰᠢᠨ ᠤ ᠰᠤᠶᠤᠯ ᠵᠢᠴᠢ ᠳᠠᠷᠢᠶᠠᠯᠠᠬᠤ ᠰᠤᠶᠤᠯ ᠤᠨ ᠨᠥᠯᠦᠭᠡ ᠶᠢ ᠦᠨᠢ ᠣᠳᠠᠭᠠᠨ ᠭᠦᠷᠳᠡᠭ᠍ᠰᠡᠨ ᠪᠣᠯᠪᠠᠴᠤ ᠦᠪᠡᠷ ᠤᠨ ᠦᠨᠳᠦᠰᠦᠳᠠᠨ ᠤ ᠣᠵᠠᠭᠤᠷ ᠳᠡᠦᠭᠡ ᠶᠢᠨ ᠰᠢᠯᠢᠳᠡᠭ᠌ ᠰᠠᠢ᠌ᠨ ᠰᠤᠶᠤᠯ ᠤᠨ ᠦᠪ ᠭᠦᠷᠦᠩᠭᠡ ᠪᠠᠨ ᠭᠡᠭᠡᠵᠤ ᠣᠷᠭᠢᠭᠳᠠᠭᠤᠯᠤᠯ ᠦᠭᠡᠶ ᠵᠠᠯᠭᠠᠮᠵᠢᠯᠠᠵᠤ᠂ ᠬᠠᠳᠠᠭᠠᠯᠠᠵᠤ᠂ ᠭᠦᠭ᠍ᠵᠢᠭᠦᠯᠵᠤ ᠶᠠᠪᠣᠭᠰᠠᠨ ᠨᠢ ᠳᠡᠯᠡᠭᠡᠢ ᠶᠢᠨ ᠰᠤᠶᠤᠯ ᠳᠡᠦᠭᠡᠨ ᠶᠢᠨ ᠰᠤᠳᠤᠯᠤᠯᠭᠠᠨ ᠤ ᠣᠢ᠌ᠯᠠᠰ ᠲᠤ ᠥᠯᠡᠳᠡᠭᠡᠵᠤ ᠦᠭᠭᠦᠭ᠍ᠰᠡᠨ ᠬᠤᠪᠣᠷ ᠨᠠᠠᠳᠢᠨ ᠨᠠᠮᠠᠷᠢ ᠬᠠᠠᠳᠢᠪ ᠭᠡᠵᠤ ᠦᠵᠡᠯᠳᠠᠢ᠃
ᠠᠰᠢᠭᠯᠠᠭᠰᠠᠨ ᠮᠠᠲ᠋ᠸᠷᠢᠶᠠᠯ
1. ᠴ·ᠳᠠᠮᠳᠢᠠᠰᠤᠷᠤᠩ 《ᠮᠤᠩᠭ᠋ᠤᠯ ᠣᠷᠠᠨ ᠵᠤᠬᠢᠶᠠᠯ ᠤᠨ ᠳᠡᠭᠡᠵᠢ ᠵᠠᠭᠤᠨ ᠪᠢᠯᠢᠭ᠌ ᠣᠷᠤᠰᠢᠪᠠᠢ》᠂ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠠᠷᠠᠤᠨ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1980 ᠣᠨ᠃
2. 《ᠫᠠᠯᠠᠨ ᠺᠠᠷᠪᠢᠨ᠂ ᠸᠢᠯᠢᠶᠠᠮ ᠷᠥᠪᠷᠥᠭ᠌ ᠤᠨ ᠮᠤᠩᠭ᠋ᠤᠯ ᠳᠤ ᠵᠢᠭᠤᠯᠴᠢᠯᠠᠭᠰᠠᠨ ᠳᠡᠮᠳᠡᠭᠯᠡᠯ》᠂ ᠭᠡᠷᠡᠯᠴᠤᠭᠳᠤ ᠮᠤᠩᠭ᠋ᠤᠯᠴᠢᠯᠠᠪᠠ᠃ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1983 ᠣᠨ᠃
3. ᠸ·ᠾᠧᠢ᠌ᠰᠰᠢᠩ 《ᠮᠤᠩᠭ᠋ᠤᠯ ᠤᠨ ᠱᠠᠰᠢᠨ ᠰᠤᠷᠳᠠᠬᠤᠨ》᠂ ᠳᠢᠶᠠᠠᠵᠢᠨ ᠤ ᠡᠷᠳᠡᠨ ᠤ ᠭᠡᠪᠯᠡᠯ ᠤᠨ ᠭᠠᠵᠠᠷ᠃ 1989 ᠣᠨ᠃
4. ᠰᠠᠮᠫᠢᠯᠨᠤᠷᠪᠣ 《ᠮᠤᠩᠭ᠋ᠤᠯ ᠤᠨ ᠵᠠᠩ ᠠᠭᠠᠯᠢ ᠶᠢᠨ ᠳᠣᠢ᠌ᠮᠤ》᠂ ᠯᠢᠶᠤᠤᠨᠢᠩ ᠤᠨ ᠦᠨᠳᠦᠰᠦᠳᠠᠨ ᠤ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1990 ᠣᠨ᠃
5. ᠪᠠ᠊·ᠪᠠᠭᠠᠨᠠ ᠶᠢᠨ ᠳᠠᠢ᠌ᠯᠪᠣᠷᠢᠯᠠᠭᠰᠠᠨ 《ᠠᠰᠠᠷᠠᠭᠴᠢ ᠨᠠᠷᠠᠳᠤ ᠶᠢᠨ ᠳᠡᠦᠭᠡ》᠂ ᠥᠡᠳᠦᠰᠦᠳᠡᠨ ᠤ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1984 ᠣᠨ᠃
6. ᠭᠦᠭᠡ᠊ᠦ᠌ᠡᠳᠦᠷ ᠤᠨ ᠬᠠᠷᠭᠤᠭᠤᠯᠤᠭᠰᠠᠨ ᠷᠠᠰᠢᠫᠣᠩᠰᠤᠭ ᠤᠨ 《ᠪᠣᠯᠤᠷ ᠡᠷᠢᠭᠡ》᠂ ᠥᠪᠦᠷ ᠮᠤᠩᠭ᠋ᠤᠯ ᠤᠨ ᠠᠷᠠᠤᠨ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1985 ᠣᠨ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠱᠸᠪᠠᠷᠳᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠳᠠᠩᠨᠤᠳ ᠬᠠᠢ᠌ᠬᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠵᠠᠩ ᠤᠢ᠌ᠯᠠᠳᠠᠷᠤᠮ᠄ 7470
ᠴᠠᠭ᠄ 2012 ᠤᠨ ᠤ 05 ᠰᠠᠷᠠ ᠶᠢᠨ 08
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ