☆ ᠭᠦᠭ᠍ᠵᠢᠯ
ᠵᠡᠭᠦᠳᠤᠨ ᠳᠤ ᠮᠢᠨᠢ ᠡᠷᠢᠭ᠍ᠳᠡᠭᠡᠳ ᠪᠠᠢ᠌ᠬᠤ ᠶᠤᠮ
ᠳᠡᠭ᠍ᠷᠢ ᠶᠢᠨ ᠴᠡᠩᠭᠡᠷ ᠬᠠᠶᠠᠭᠠ ᠶᠢ ᠳᠡᠯᠡᠭ᠍ᠰᠡᠨ
ᠳᠡᠷᠭᠡᠯ ᠰᠠᠷᠠᠨ ᠤ ᠮᠢᠨᠢ ᠳᠤᠷᠭᠠᠨ ᠪᠠᠭᠤᠴᠠ
ᠳᠡᠭ᠍ᠷᠢ ᠶᠢᠨ ᠡᠡᠭ᠌ ᠦᠭᠡᠶ ᠳᠠᠯᠠ ᠡᠴᠡ
ᠳᠤᠷᠠᠰᠴᠤ ᠶᠠᠪᠣᠭᠰᠠᠨ ᠰᠡᠳᠭᠢᠯ ᠮᠢᠨᠢ
ᠳᠠᠯᠠ ᠰᠢᠭ ᠠᠭᠤᠵᠢᠮ ᠴᠡᠭᠡᠵᠢ ᠳᠠᠢ
ᠳᠠᠩᠭᠢᠰ ᠰᠢᠭ ᠨᠢᠩᠵᠢᠨ ᠰᠡᠳᠭᠢᠯ ᠳᠠᠢ
ᠳᠡᠩᠳᠡᠭᠦᠤ ᠰᠠᠨᠠᠭᠰᠠᠨ ᠴᠢᠮᠠ ᠳᠠᠭᠠᠨ
ᠳᠠᠯᠠ ᠶᠢᠨ ᠵᠢᠷᠦᠭᠡᠨ ᠡᠴᠡ ᠣᠷᠭᠤᠭᠰᠠᠨ
ᠳᠠᠷᠠᠭ ᠠᠢ᠌ᠷᠠᠭ ᠤᠨ ᠦᠨᠦᠷ ᠳᠠᠢ
ᠳᠠᠨᠠ ᠰᠤᠪᠣᠤᠨ ᠰᠢᠭ ᠭᠦᠭᠡ ᠰᠢᠯᠦᠭ᠌ ᠵᠢᠠᠨ
ᠰᠠᠷᠠᠭᠤᠯ ᠣᠬᠠᠭᠠᠨ ᠤ ᠪᠠᠯᠭᠡᠳᠡᠯ
ᠰᠠᠮᠪᠠᠢ ᠬᠠᠳᠠᠭ ᠲᠡᠶ ᠪᠠᠨ ᠡᠷᠭᠦᠨ ᠪᠠᠢ᠌ᠨᠠ
ᠵᠤ᠋ ᠨᠠᠷᠠᠨ ᠤ ᠢᠯᠴᠢ ᠶᠢ ᠭᠦᠷᠳᠡᠭ᠍ᠰᠡᠨ
ᠵᠢᠷᠭᠤᠭᠠᠨ ᠰᠠᠷᠠ ᠳᠤ ᠮᠥᠴᠡᠭᠡᠷᠭᠡᠭ᠍ᠰᠡᠨ
ᠵᠣᠢ᠌ᠯ ᠤᠨ ᠴᠡᠴᠡᠭ᠌ ᠰᠢᠭ᠌ ᠮᠥᠰᠢᠶᠡᠭᠦ ᠳᠦᠷᠭᠦ ᠴᠢᠨᠢ
ᠵᠢᠷᠦᠭᠡ ᠰᠡᠳᠭᠢᠯ ᠳᠤ ᠥᠭᠡᠢ᠌ᠯᠡᠭ᠍ᠳᠡᠭᠡᠳ ᠪᠠᠢ᠌ᠬᠤ ᠶᠤᠮ
ᠰᠠᠨᠠᠭᠠᠨ ᠤ ᠠᠶᠠᠰ ᠶᠢᠡᠷ ᠢᠯᠪᠢᠭᠡᠳ ᠪᠠᠭᠤᠬᠤ
ᠰᠠᠢ᠌ᠬᠠᠨ ᠠᠠᠳᠠ ᠶᠢᠨ ᠮᠢᠨᠢ
ᠬᠠᠯᠬᠠ ᠮᠤᠩᠭ᠋ᠤᠯ ᠤᠨ ᠰᠢᠯᠦᠭ᠌ ᠤᠨ ᠰᠢᠳᠦᠭᠡᠨ
ᠬᠠᠮᠤᠭ ᠮᠤᠩᠭ᠋ᠤᠯ ᠤᠨ ᠰᠤᠳᠤᠨ ᠨᠠᠢ᠌ᠷᠠᠭᠴᠢ ᠴᠣᠢ᠌ᠨᠤᠮ ᠤᠨ
ᠰᠦᠮᠠᠳᠠᠢ ᠪᠣᠳᠠᠷ ᠤᠨ ᠴᠢᠯᠠᠭᠤ ᠶᠢ
ᠠᠯᠠᠭᠠᠨ ᠳᠡᠭᠡᠷᠡ ᠪᠠᠨ ᠳᠤᠰᠬᠤ ᠳ᠋ᠤ
ᠠᠮᠢᠳᠤ ᠶᠢᠨ ᠴᠡᠩᠭᠡᠷ ᠬᠤᠷᠸᠠ ᠳ᠋ᠤ
ᠰᠦᠰᠦ ᠬᠠᠳᠠᠭᠤ ᠵᠤᠷᠢᠭ ᠲᠦᠰᠢᠵᠤ
ᠣᠬᠠᠭᠠᠨ ᠤ ᠬᠠᠩᠭ᠋ᠠᠢ ᠳᠤ ᠨᠠᠢ᠌ᠷᠠᠭ ᠶᠢᠡᠷ ᠣᠠᠳᠤᠷᠬᠤ
ᠣᠶᠠᠩᠭ᠋ᠠ ᠴᠠᠭᠠᠨ ᠰᠢᠯᠦᠭ᠌ ᠲᠤ ᠮᠢᠨᠢ ᠣᠷᠢ ᠳᠠᠮᠢᠷ ᠨᠥᠭᠦᠭ᠍ᠰᠡᠨ
ᠰᠥ᠋ ᠰᠢᠭ᠌ ᠰᠡᠳᠭᠢᠯ ᠳᠤ ᠣᠶᠠᠷᠠᠵᠤ ᠶᠠᠪᠣᠨᠠ
ᠪᠣᠳᠤᠯ ᠤᠨ ᠪᠣᠮᠠᠨ ᠰᠠᠴᠤᠷᠠᠭ ᠢ
ᠪᠣᠷᠤ ᠴᠡᠭᠡᠵᠢᠨ ᠳᠡᠭᠡᠨ ᠳᠤᠩᠭ᠋ᠠᠨ ᠰᠤᠪᠢᠬᠤ ᠳ᠋ᠤ
ᠣᠨᠠᠭᠠᠨ ᠮᠦᠷᠦᠭᠡᠳᠦᠯ ᠴᠠᠭᠳᠠᠭᠰᠠᠨ
ᠣᠨᠠᠭᠰᠠᠨ ᠨᠤᠳᠤᠭ ᠤᠨ ᠮᠢᠨᠢ ᠳᠡᠷᠭᠡᠯ ᠰᠠᠷᠠ ᠰᠢᠭ ᠰᠠᠢ᠌ᠬᠠᠨ
ᠬᠤᠨᠤᠭ ᠤᠨ ᠶᠠᠭᠠᠨ ᠵᠡᠭᠦᠳᠤ ᠮᠠᠨᠠᠭᠰᠠᠨ
ᠬᠤᠨᠢᠴᠢᠨ ᠭᠡᠦᠭᠡᠨ ᠤ《ᠡᠵᠢ ᠮᠢᠨᠢ》 ᠭᠡᠭᠦ
ᠰᠡᠳᠭᠢᠯ ᠳᠤ ᠣᠶᠠᠩᠭ᠋ᠠᠷᠠᠬᠤ ᠵᠢᠷᠦᠭᠡᠨ ᠳᠠᠭᠤᠤ
ᠰᠠᠨᠠᠭᠠᠨ ᠡᠴᠡ ᠭᠠᠷᠳᠠᠭ ᠥᠭᠡᠢ
ᠰᠡᠪᠠᠯᠭᠡ ᠭᠡᠢ᠌ᠰᠭᠡᠨ ᠦᠳᠡᠵᠤ ᠬᠤᠴᠤᠷᠤᠭᠰᠠᠨ
ᠰᠠᠠᠴᠢᠭ ᠪᠣᠭᠤᠷᠤᠯ ᠡᠵᠢ ᠶᠢᠨ ᠮᠢᠨᠢ ᠪᠠᠷᠠ
ᠰᠠᠨᠠᠬᠤ ᠦᠷᠡ ᠶᠢᠨ ᠬᠠᠷᠠᠭᠠᠨ ᠳᠤ ᠳᠤᠳᠤᠷᠠᠨᠠ
ᠬᠤᠯᠠ ᠶᠢᠨ ᠨᠠᠢ᠌ᠵᠠ ᠶᠢᠨ ᠨᠠᠠᠳᠢᠨ ᠪᠠᠯᠡᠭ᠌
ᠬᠤᠨᠤᠴᠠ ᠶᠢᠨ ᠬᠡᠦᠬᠡᠳ ᠢ
ᠬᠤᠩᠭ᠋ᠤᠷ ᠰᠡᠳᠭᠢᠯ ᠳᠡᠭᠡᠨ ᠪᠢᠰᠢᠯᠭᠠᠬᠤ ᠳ᠋ᠤ
ᠣᠶᠠᠬᠠᠨ ᠽᠡᠮᠪᠦᠯᠢᠭ᠌ ᠤᠨ ᠨᠠᠷᠠᠨ ᠰᠢᠭ
ᠣᠯᠠᠭᠠᠨ ᠳᠠᠪᠳᠠᠷ ᠲᠤ ᠣᠶᠠᠩᠭ᠋ᠠᠷᠠᠭᠰᠠᠨ
ᠬᠤᠷᠸᠠ ᠳᠤ ᠦᠯᠡᠳᠡᠭᠡᠭᠦ ᠳᠠᠭᠤᠨ
ᠬᠤᠩᠭ᠋ᠤᠷ ᠵᠢᠷᠦᠭᠡᠨ ᠳᠤ ᠬᠤᠨᠤᠭᠰᠢᠨᠠ
ᠬᠠᠷᠠᠬᠤ ᠨᠢᠳᠤᠨ ᠤ ᠮᠢᠨᠢ ᠴᠡᠴᠡᠭᠡᠢ
ᠬᠠᠨᠢᠰᠠᠬᠤ ᠠᠮᠢᠳᠤᠷᠠᠯ ᠤᠨ ᠬᠠᠢ᠌ᠷᠠ ᠶᠢᠨ ᠴᠡᠴᠡᠭ᠌
ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠭᠤᠯᠤᠮᠳᠠ ᠮᠠᠨᠠᠭᠰᠠᠨ
ᠮᠤᠩᠭ᠋ᠤᠯ ᠪᠦᠰᠡᠭᠦᠢ ᠶᠢᠨ ᠦᠵᠡᠰᠭᠦᠯᠡᠭ᠌
ᠨᠢᠩᠵᠢᠨ ᠰᠡᠳᠭᠢᠯ ᠤᠨ ᠣᠶᠠᠬᠠᠨ ᠴᠢᠪᠬᠠᠳᠠᠰᠤ
ᠨᠢᠭᠡᠨ ᠬᠠᠢ᠌ᠷᠠ ᠶᠢᠨ ᠳᠤᠤᠯᠢ
ᠣᠨᠠᠭᠠᠨ ᠪᠠᠭᠠ ᠶᠢᠨ ᠳᠤᠷᠠᠰᠤᠮᠵᠢ
ᠣᠩᠭ᠋ᠤᠨ ᠬᠠᠢ᠌ᠷᠠ ᠶᠢᠨ ᠮᠥᠩᠭᠡ ᠵᠤᠯᠠ
ᠵᠢᠷᠦᠭᠡ ᠰᠡᠳᠭᠢᠯ ᠡᠴᠡ ᠭᠠᠷᠳᠠᠭ ᠥᠭᠡᠢ
ᠵᠡᠭᠦᠳᠤᠨ ᠳᠤ ᠮᠢᠨᠢ ᠡᠷᠢᠭ᠍ᠳᠡᠭᠡᠳ ᠪᠠᠢ᠌ᠬᠤ ᠶᠤᠮ
ᠨᠠᠯᠠᠭᠠᠷ ᠰᠠᠢ᠌ᠬᠠᠨ ᠬᠤᠷᠸᠠ ᠳ᠋ᠤ
ᠨᠠᠷᠠᠨ ᠤ ᠴᠡᠩᠭᠡᠷ ᠠᠮᠢᠰᠬᠤᠭᠠ ᠥᠨᠦᠷᠯᠡᠭ᠍ᠰᠡᠨ
ᠨᠠᠷᠭᠢᠵᠤ ᠦᠰᠦᠭ᠍ᠰᠡᠨ ᠳᠠᠯᠠ ᠶᠢᠨ ᠮᠢᠨᠢ
ᠨᠠᠯᠠᠵᠤ ᠰᠠᠭᠤᠭᠰᠠᠨ ᠳᠡᠷᠭᠡᠯ ᠰᠠᠷᠠ ᠰᠢᠭ
ᠨᠠᠷᠮᠠᠢ ᠪᠠᠭᠠ ᠨᠠᠰᠤᠨ ᠤ ᠮᠢᠨᠢ
ᠨᠠᠷᠠ ᠰᠢᠭ ᠳᠤᠯᠠᠭᠠᠬᠠᠨ
ᠨᠠᠢ᠌ᠵᠠ ᠶᠢᠨ ᠥᠭ᠍ᠭᠢᠶᠡᠮᠦᠷ ᠰᠡᠳᠭᠢᠯ ᠢ
ᠨᠠᠰᠤᠨ ᠳᠤᠷᠰᠢ ᠳᠠᠭᠠᠨ ᠥᠭᠡᠢ᠌ᠯᠡᠵᠤ ᠶᠠᠪᠣᠨᠠ ᠪᠢ
2013.11.22
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠪᠠᠶᠠᠠᠨᠠᠭᠤᠷ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠳᠤᠪᠴᠢᠶᠠ
ᠵᠤᠬᠢᠶᠠᠭᠴᠢ᠄ ᠭᠦᠭ᠍ᠵᠢᠯ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 10375
ᠴᠠᠭ᠄ 2013 ᠤᠨ ᠤ 11 ᠰᠠᠷᠠ ᠶᠢᠨ 22
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ