☆ ᠯ·ᠣᠳᠤᠨ
ᠣᠪᠣᠭᠠ
ᠭᠢᠴᠢᠶᠠᠯ ᠪᠠᠭᠤᠯᠠ᠃
ᠦᠯᠤᠨ ᠭᠡᠳᠡᠰᠤ ᠪᠠᠨ ᠶᠠᠭᠤ ᠪᠠᠷ ᠳᠦᠭᠦᠷᠭᠡᠳᠡᠭ᠌ ᠪᠢᠯᠠ︖ ᠭᠡᠭᠦ ᠦᠯᠤᠨ ᠪᠣᠳᠤᠯ ᠳᠤ ᠳᠠᠷᠤᠭᠳᠠᠭᠰᠠᠨ ᠪᠢ ᠬᠠᠩᠭ᠋ᠠᠢ ᠬᠤᠭᠤᠰᠤᠨ ᠪᠠᠢ᠌ᠷᠢᠨ ᠭᠡᠷ ᠶᠢᠡᠨ ᠴᠢᠭ᠍ᠯᠡᠪᠡ᠃ ᠦᠨᠦᠳᠤᠷ ᠭᠠᠷᠠᠭ ᠤᠨ ᠵᠢᠷᠭᠤᠭᠠᠨ ᠪᠣᠯᠬᠤᠷ ᠦᠳᠡ ᠶᠢᠨ ᠬᠣᠢ᠌ᠨᠠ ᠭᠢᠴᠢᠶᠠᠯ ᠭᠢᠳᠡᠭ᠌ ᠦᠭᠡᠶ᠃ ᠡᠵᠡᠭᠦᠢ ᠪᠠᠢ᠌ᠷᠢᠨ ᠳᠤ ᠪᠠᠶᠠ ᠪᠠᠨ ᠬᠤᠷᠢᠴᠢᠬᠠᠭᠠᠤᠨ ᠣᠴᠠᠭᠠᠷ ᠲᠡᠶ ᠮᠥᠯᠭᠦᠭᠦ ᠴᠠᠭ ᠮᠦᠴᠡ ᠶᠢ ᠣᠢ᠌ᠤᠠᠬᠠᠷ ᠲᠡᠶ ᠪᠠᠷ ᠡᠯᠡᠭᠡᠭᠦ ᠯᠠ ᠭᠡᠷᠡᠭ᠌ ᠪᠣᠯᠵᠠᠢ᠃ ᠭᠠᠳᠠᠭᠠᠳᠤ ᠶᠢᠷᠳᠢᠠᠴᠤ ᠡᠴᠡ ᠭᠠᠭᠴᠠᠮᠤᠰᠤᠨ ᠳᠤᠰᠭᠠᠷᠯᠠᠭᠳᠠᠭᠰᠠᠨ ᠭᠡᠮᠡᠷ ᠢᠯᠤᠮ ᠵᠢᠯᠤᠮ ᠡᠨᠡ ᠭᠠᠵᠠᠷ ᠠᠵᠢᠯᠯᠠᠭᠠᠤᠨ ᠵᠢᠯ ᠤᠨ ᠨᠢᠭᠤᠷ ᠥᠵᠡᠭᠡ ᠴᠤ ᠣᠢ ᠣᠬᠠᠭᠠᠨ ᠳᠤ ᠮᠡᠳᠡᠷᠡᠭ᠍ᠳᠡᠭ᠍ᠰᠡᠨ ᠨᠢ ᠦᠨᠦᠴᠢᠷᠠᠯ ᠤᠨ ᠪᠣᠷᠤ ᠮᠠᠨᠠᠨ ᠠᠮᠢᠰᠬᠤᠭᠠ ᠠᠪᠬᠤ ᠵᠠᠢ ᠦᠭᠡᠶ ᠳᠠᠷᠤᠨᠠ᠃ ᠶᠠᠪᠣᠬᠤ ᠭᠠᠵᠠᠷ᠂ ᠨᠠᠷᠭᠢᠬᠤ ᠨᠥᠭᠦᠤᠨ ᠶᠢᠡᠷ ᠭᠠᠴᠢᠭᠳᠠᠵᠤ ᠢᠷᠡᠭᠦ ᠳᠤ ᠠᠮᠢᠳᠤᠷᠠᠯ ᠰᠢᠭ ᠠᠮᠳᠠ ᠦᠭᠡᠶ ᠶᠠᠭᠤᠮᠠ ᠦᠭᠡᠶ ᠰᠢᠭ᠌ ᠰᠠᠨᠠᠭᠳᠠᠵᠠᠢ᠃ ᠪᠠᠢ᠌ᠷᠢᠨ ᠭᠡᠷ ᠲᠡᠭᠡᠨ ᠣᠷᠤᠬᠤ ᠳᠤ ᠭᠠᠯ ᠨᠢ ᠣᠠᠳᠠᠷᠠᠭᠰᠠᠨ ᠭᠦᠢᠳᠡᠨ ᠵᠤᠤᠬᠠ ᠴᠤᠭ ᠵᠠᠯᠢ ᠦᠭᠡᠶ ᠬᠠᠷᠠᠯᠠᠨ ᠱᠤᠪᠣᠢ᠌ᠵᠤ᠂ ᠵᠢᠭᠡᠭᠦᠨ ᠠᠮᠢᠰᠬᠤᠯ ᠳᠤ ᠳᠤᠭᠳᠠᠪᠣᠷᠢ ᠠᠯᠳᠠᠨ ᠳᠠᠭᠵᠢᠶᠠᠰᠤ ᠭᠦᠷᠪᠡ᠃ ᠭᠡᠪᠠᠴᠤ ᠪᠠᠰᠠ ᠨᠢᠭᠡ ᠪᠣᠳᠤᠪᠠᠯ ᠭᠤᠩ ᠪᠠᠶᠠ ᠭᠤᠵᠤᠩ ᠳᠤᠯᠤᠭᠠᠢ ᠳᠡᠨᠦᠭᠡ ᠭᠠᠭᠴᠠ ᠪᠠᠶᠠ ᠡᠷᠡ ᠶᠢᠨ ᠠᠮᠢᠳᠤᠷᠠᠯ ᠡᠭᠦᠨ ᠡᠴᠡ ᠳᠡᠭᠡᠷᠡᠳᠡᠭᠡᠳ ᠬᠠᠮᠢᠭᠠ ᠭᠦᠷᠭᠦ ᠪᠢᠯᠠ ⁈ ᠰᠢᠷᠡᠭᠡᠨ ᠳᠡᠭᠡᠷᠡᠭᠢ ᠴᠤᠮᠤᠨ ᠳᠤ ᠬᠠᠯᠠᠭᠤᠨ ᠰᠠᠪᠠ ᠡᠴᠡ ᠴᠠᠢ ᠭᠢᠵᠤ ᠠᠪᠣᠭᠠᠤᠨ ᠭᠠᠳᠤᠷᠠ ᠶᠢᠨ ᠢᠷᠤᠭᠠᠷ ᠲᠤ ᠪᠠᠢ᠌ᠭᠠ ᠬᠠᠳᠠᠭᠠᠤᠨ ᠠᠯᠢ ᠭᠡᠳᠥᠢᠨᠡᠢ ᠳᠠᠮᠤᠷ ᠪᠣᠯᠤᠭᠰᠠᠨ ᠬᠠᠭᠠᠰ ᠳᠤᠭᠤᠢ ᠪᠣᠭᠤᠷᠰᠤᠭ ᠶᠢᠡᠨ ᠪᠠᠯᠪᠠᠯᠠᠬᠤ ᠭᠡᠵᠤ ᠭᠡᠰᠡᠭ᠌ ᠨᠤᠴᠤᠯᠳᠤᠯᠠ᠃ ᠳᠦᠷᠦᠭᠦᠨ ᠭᠠᠷᠠᠭ ᠲᠤ ᠰᠤᠮᠠ ᠡᠭᠡᠴᠢ ᠶᠢ ᠭᠤᠶᠤᠨ ᠬᠠᠭᠠᠷᠢᠭᠤᠯᠵᠤ ᠠᠪᠣᠭᠰᠠᠨ ᠭᠡᠳᠤᠨ ᠬᠠᠭᠠᠷᠢᠭᠤᠯ ᠤᠨ ᠦᠯᠡᠳᠡᠭ᠌ ᠡᠨᠡ ᠶᠤᠮ᠃ ᠪᠠᠷᠤᠭ ᠳᠡᠪᠰᠡᠭᠦ ᠶᠢᠨ ᠨᠠᠭᠠᠭᠤᠷ ᠣᠷᠤᠯᠳᠤᠵᠤ ᠪᠠᠢ᠌ᠭᠠᠤᠨ ᠨᠢᠳᠤᠷᠭᠠ ᠶᠢᠨ ᠴᠢᠨᠡᠭᠡᠨ ᠪᠠᠯᠪᠠᠷᠬᠠᠢ ᠡᠮᠳᠡᠯᠡᠨ ᠠᠪᠴᠤ ᠴᠠᠢ ᠳᠠᠭᠠᠨ ᠳᠡᠪᠳᠦᠭᠡᠨ ᠢᠳᠠᠪᠠ᠃ ᠶᠠᠷᠤᠨᠢ ᠡᠯᠡᠰᠦᠳᠡᠢ ᠭᠡᠮᠡᠭᠦ ᠡᠵᠡᠨ ᠵᠢᠯᠤᠭᠤ ᠳᠠᠰᠤᠷᠠᠭᠰᠠᠨ ᠡᠨᠡ ᠡᠵᠡᠭᠦᠢ ᠨᠤᠳᠤᠭ ᠲᠤ ᠡᠢ᠌ᠮᠤ ᠨᠢᠭᠡᠨ ᠬᠤᠷᠢᠭᠠᠤᠨ ᠰᠤᠷᠤᠭᠴᠢ ᠲᠡᠶ ᠪᠣᠳᠠᠷᠠᠭᠰᠠᠨ ᠰᠤᠷᠭᠠᠭᠤᠯᠢ ᠪᠠᠢ᠌ᠭᠠ ᠦᠭᠡᠶ ᠪᠣᠯ ᠪᠢ ᠡ᠊ᠨᠳᠡ ᠶᠠᠭᠤ ᠭᠡᠵᠤ ᠳᠤᠯᠤᠭᠠᠨ ᠳᠠᠮᠤ ᠪᠠᠨ ᠡᠳ᠋ᠯᠡᠨ ᠣᠢ᠌ᠯᠠ ᠪᠠᠨ ᠥᠵᠡᠭᠦ ᠪᠢᠯᠠ ⁈ ᠵᠢᠭᠡᠯᠡᠪᠦᠷᠢ ᠶᠢᠨ ᠪᠠᠭᠰᠢ ᠰᠤᠮᠠ ᠡᠭᠡᠴᠢ ᠶᠢ ᠪᠠᠭᠳᠠᠭᠠᠪᠠᠯ ᠡ᠊ᠨᠳᠡ ᠭᠤᠷᠪᠠᠨ ᠪᠠᠭᠰᠢ᠂ ᠨᠢᠭᠡ ᠳᠤᠭᠤᠭᠠᠴᠢ ᠲᠡᠶ ᠪᠠᠨ ᠳᠦᠷᠪᠠᠭᠦᠯᠡ ᠪᠠᠢ᠌ᠳᠠᠭ᠃ ᠰᠤᠮᠠ ᠡᠭᠡᠴᠢ ᠶᠢᠨ ᠡᠷᠡᠭ᠍ᠳᠡᠢ ᠡᠨᠡ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠭᠢᠷᠤᠯ ᠤᠨ ᠣᠬᠠᠭᠠᠨ ᠲᠡᠶ᠃ ᠬᠡᠳᠦᠢ᠌ᠪᠡᠷ ᠰᠤᠷᠤᠭᠴᠢ ᠴᠥᠭᠡᠭᠡᠨ᠂ ᠰᠤᠷᠭᠠᠭᠤᠯᠢ ᠨᠢ ᠵᠢᠵᠢᠭ᠍ᠬᠡᠨ ᠴᠤ ᠠᠵᠢᠯ ᠭᠡᠭ᠍ᠴᠢ ᠮᠦᠨ ᠦᠰᠦᠨ ᠡᠴᠡ ᠣᠯᠠᠨ ᠭᠤᠭᠤᠵᠢᠭᠠᠤᠨ ᠪᠠᠢ᠌ᠬᠤ ᠶᠤᠮ᠃ ᠳᠠᠪᠣ ᠭᠤᠷᠪᠠᠨ ᠰᠤᠷᠤᠭᠴᠢ ᠲᠡᠶ ᠴᠤ ᠳᠠᠪᠤᠨ ᠠᠩᠭᠢ ᠶᠢᠨ ᠭᠢᠴᠢᠶᠠᠯ ᠢ ᠪᠢᠳᠠ ᠭᠤᠷᠪᠠᠭᠤᠯᠠ ᠣᠷᠤᠬᠤ ᠪᠠᠷ ᠵᠤᠭᠰᠤᠬᠤ ᠦᠭᠡᠶ ᠪᠠᠰᠠ ᠠᠮᠢᠳᠤᠷᠠᠯ ᠡᠨᠡ ᠳᠠᠷᠠ ᠶᠢ ᠨᠢ ᠳᠤᠭᠢᠷᠠᠭᠤᠯᠵᠤ᠂ ᠬᠠᠯᠠᠭᠤᠨ ᠭᠦᠢᠳᠡᠨ ᠳᠤ ᠨᠢ ᠰᠠᠨᠠᠭᠠ ᠪᠣᠯᠬᠤ ᠭᠡᠷᠡᠭ᠍ᠳᠡᠢ᠃ ᠠᠷᠭᠠ ᠱᠠᠯᠠᠪ᠂ ᠠᠷᠤ ᠡᠭᠦᠳᠡ ᠲᠡᠶ ᠪᠣᠯᠤᠭᠰᠠᠨ ᠪᠣᠯ ᠡ᠊ᠨᠳᠡ ᠶᠠᠭᠤ ᠭᠡᠵᠤ ᠥᠡᠳᠡᠭᠡ ᠪᠠᠨ ᠳᠠᠷᠤᠭᠰᠠᠨ ᠰᠢᠪᠠᠭᠤ ᠰᠢᠭ ᠭᠡᠪᠳᠡᠭᠡᠳ ᠪᠠᠢ᠌ᠬᠤ ᠪᠣᠢ︖ ᠬᠤᠷᠳᠤᠬᠠᠨ ᠨᠢᠭᠡ ᠳᠠᠰᠢ ᠨᠢ ᠶᠠᠪᠣᠭᠠᠤᠨ ᠥᠭ᠍ᠴᠢᠭᠦ ᠦᠭᠡᠶ ᠦᠦ ᠳ᠋ᠠ᠃ ᠭᠡᠳᠡᠯᠡ ᠨᠠᠳᠠ ᠨᠢ ᠡᠢ᠌ᠮᠤ ᠴᠢᠳᠠᠪᠣᠷᠢ᠂ ᠳᠠᠢ᠌ᠮᠤ ᠣᠩᠭ᠋ᠣᠢ᠌ᠭᠰᠠᠨ ᠡᠭᠦᠳᠡ ᠦᠭᠡᠶ ᠬᠣᠢ᠌ᠨᠠ ᠭᠡᠨ ᠳᠡᠭᠡᠨ ᠭᠤᠮᠤᠳᠠᠬᠤ ᠶᠤᠮ᠃ ᠠᠵᠢᠯ ᠠᠯᠪᠠ ᠭᠡᠳ ᠶᠠᠭᠠᠷᠠᠵᠤ ᠪᠠᠢ᠌ᠬᠤ ᠳᠤ ᠴᠠᠭ ᠮᠦᠴᠡ ᠶᠢᠨ ᠥᠩᠭᠡᠷᠡᠭᠦ ᠨᠢ ᠪᠠᠰᠠ ᠭᠠᠢ᠌ᠭᠤᠢ᠂ ᠬᠠᠷᠢᠨ ᠬᠤᠭᠤᠰᠤᠨ ᠪᠠᠢ᠌ᠷᠢᠨ ᠳᠤ ᠭᠢᠳᠠᠯ ᠠᠯᠳᠠᠨ ᠵᠥᠭᠡᠷ ᠭᠡᠪᠳᠡᠵᠤ ᠣᠢ ᠣᠬᠠᠭᠠᠨ ᠤ ᠬᠤᠭᠤᠰᠤᠷᠠᠯ᠂ ᠪᠠᠶᠠ ᠰᠡᠳᠭᠢᠯ ᠤᠨ ᠭᠠᠭᠴᠠᠭᠠᠷᠳᠠᠯ ᠳᠤ ᠭᠦᠯᠢᠭ᠍ᠳᠡᠭᠦ ᠭᠡᠭ᠍ᠴᠢ ᠥᠨᠡᠭᠡᠷ ᠭᠡᠴᠡᠭᠦᠤ ᠪᠠᠢ᠌ᠯᠠ᠃
ᠪᠢ ᠶᠠᠭᠤ ᠶᠠᠭᠠᠭᠢᠳᠠᠭ ᠶᠢᠡᠨ ᠮᠡᠳᠡᠭᠦ ᠦᠭᠡᠶ ᠭᠡᠰᠡᠭ᠌ ᠮᠠᠯᠠᠷᠠᠨ ᠵᠤᠭᠰᠤᠭᠰᠠᠨ ᠶᠢᠡᠨ ᠦᠷᠯᠦᠭᠡ ᠰᠤᠭᠤᠷᠠᠨ ᠪᠣᠰᠤᠭᠰᠠᠨ ᠭᠦᠡᠵᠢᠯᠡ ᠣᠷᠤᠭᠤ ᠪᠠᠨ ᠳᠠᠭᠢᠨ ᠰᠢᠷᠭᠤᠨ ᠣᠷᠤᠪᠠ᠃ ᠪᠣᠯᠳᠠᠭ ᠰᠠᠨ ᠪᠣᠯ ᠨᠠᠳᠠ ᠶᠠᠷᠤ ᠨᠢ ᠶᠠᠭᠤ ᠴᠤ ᠭᠢᠭᠦ ᠦᠭᠡᠶ᠂ ᠶᠠᠭᠤ ᠴᠤ ᠪᠣᠳᠤᠬᠤ ᠦᠭᠡᠶ ᠵᠥᠭᠡᠷ ᠭᠡᠪᠳᠡᠭᠡᠳ ᠪᠠᠢ᠌ᠮᠠᠷ ᠰᠠᠨᠠᠭᠳᠠᠨᠠ᠃ ᠭᠡᠷᠪᠡ ᠭᠠᠳᠠᠨᠠ ᠬᠠᠶᠠ ᠨᠢᠭᠡ ᠰᠤᠷᠤᠭᠴᠢᠳ ᠤᠨ ᠢᠨᠢᠶᠠᠯᠳᠤᠨ ᠱᠤᠤᠭᠢᠬᠤ ᠴᠢᠮᠡᠭᠡ ᠭᠠᠷᠬᠤ ᠦᠭᠡᠶ ᠶᠤᠮ ᠪᠣᠯ ᠪᠢ ᠪᠠᠶᠠ ᠪᠠᠨ ᠶᠠᠭ ᠭᠠᠭᠴᠠ ᠭᠦᠮᠤᠨ ᠤ ᠨᠠᠮ ᠰᠡᠯᠡᠭᠦᠨ ᠶᠢᠷᠳᠢᠠᠴᠤ ᠳᠤ ᠳᠡᠨᠦᠭᠡᠳ ᠢᠷᠡᠴᠢᠭᠡᠭ᠍ᠰᠡᠨ ᠭᠡᠮᠡᠨ ᠰᠡᠵᠢᠭᠯᠡᠭᠦ ᠳᠤ ᠦᠴᠦᠭᠡᠨ ᠴᠤ ᠪᠣᠷᠤᠭᠤ ᠦᠭᠡᠶ ᠪᠠᠢ᠌ᠯᠠ᠃ ᠡᠨᠡ ᠭᠦᠷᠢᠶᠡᠨ ᠳᠤᠳᠤᠷᠠ ᠰᠤᠷᠭᠠᠭᠤᠯᠢ ᠶᠢᠨ ᠳᠤᠭᠤᠭᠠ ᠪᠠᠷᠢᠳᠠᠭ ᠲᠦᠯᠠᠢ ᠡᠪᠦᠭᠡᠨ ᠢ ᠭᠠᠷᠭᠠᠪᠠᠯ ᠮᠢᠨᠤ ᠦᠷᠭᠦᠯᠵᠢ ᠶᠠᠪᠣᠯᠴᠠᠳᠠᠭ ᠨᠢ ᠭᠠᠭᠴᠠ ᠰᠤᠮᠠ ᠡᠭᠡᠴᠢ ᠶᠢᠨ ᠭᠢᠨ ᠪᠢᠯᠠ᠃ ᠰᠤᠮᠠ ᠡᠭᠡᠴᠢ ᠶᠢᠨ ᠡᠷᠡᠭ᠍ᠳᠡᠢ ᠭᠡᠵᠤ ᠭᠡᠯᠡ ᠪᠠᠨ ᠰᠤᠭᠤᠯᠤᠭᠰᠠᠨ ᠶᠤᠮ ᠰᠢᠭ ᠪᠠᠷᠤᠭᠳᠠᠢ ᠳᠤ ᠳᠠᠭᠤ ᠭᠠᠷᠳᠠᠭ ᠦᠭᠡᠶ ᠰᠤᠨᠢᠨ ᠭᠦᠮᠤᠨ᠃ ᠳᠡᠭᠡᠭᠡᠳ ᠳᠠᠳᠠᠨ ᠤ ᠪᠦᠭᠦ ᠭᠡᠷ ᠤᠨ ᠠᠵᠢᠯ ᠣᠢ᠌ᠯᠠ᠂ ᠴᠢᠨᠠᠭᠰᠢᠯᠠᠪᠠᠯ ᠡᠨᠡ ᠰᠤᠷᠭᠠᠭᠤᠯᠢ ᠶᠢᠨ ᠠᠯᠢᠪᠠ ᠪᠦᠭᠦᠨ ᠭᠠᠭᠴᠠᠬᠠᠨ ᠰᠤᠮᠠ ᠡᠭᠡᠴᠢ ᠶᠢᠨ ᠠᠮᠠ ᠪᠠᠷ ᠶᠠᠪᠣᠭᠳᠠᠵᠤ ᠪᠠᠢ᠌ᠳᠠᠭ ᠭᠡᠪᠠᠯ ᠠᠷᠠᠢ ᠬᠤᠳᠠᠯ ᠪᠣᠯᠬᠤ ᠪᠣᠢ᠃ ᠨᠠᠮᠠ ᠶᠢ ᠠᠩᠬᠠ ᠡ᠊ᠨᠳᠡ ᠢᠷᠡᠭᠦ ᠳᠤ ᠰᠤᠮᠠ ᠡᠭᠡᠴᠢ 《ᠭᠠᠭᠴᠠ ᠭᠦᠮᠤᠨ ᠬᠤᠭᠤᠯᠠ ᠭᠢᠨᠠ ᠭᠡᠵᠤ ᠶᠠᠭᠠᠭᠢᠳᠠᠭ ᠶᠤᠮ︖ ᠵᠥᠭᠡᠷ ᠮᠠᠨ ᠤ ᠳᠤ ᠢᠳᠠᠵᠤ ᠪᠠᠢ》 ᠭᠡᠮᠡᠨ ᠵᠠᠭᠢᠭᠰᠠᠨ ᠪᠣᠯᠪᠠᠴᠤ ᠳᠠᠳᠠᠨ ᠤ ᠳᠤ ᠠᠴᠢ ᠵᠢᠭᠡ ᠨᠡᠷ ᠨᠢ ᠭᠡᠳ ᠭᠡᠳᠤ ᠭᠡᠳᠤᠨ ᠭᠡᠳᠡᠰᠤᠨ ᠬᠤᠷᠠᠵᠤ ᠪᠠᠢ᠌ᠬᠤ ᠳᠡᠭᠡᠷᠡ ᠨᠠᠰᠤ ᠪᠠᠶᠠ ᠭᠦᠢᠴᠡᠭ᠍ᠰᠡᠨ ᠪᠦᠳᠦᠭᠦᠨ ᠡᠷᠡ ᠭᠡᠵᠤ ᠪᠠᠢ᠌ᠭᠠᠤᠨ ᠳᠠᠩᠳᠠ ᠪᠠᠨ ᠠᠢ᠌ᠯ ᠤᠨ ᠬᠠᠢ᠌ᠰᠤ ᠰᠢᠨᠠᠭᠠ ᠠᠳᠤᠭᠤᠯᠬᠤ ᠨᠢ ᠡᠪ ᠦᠭᠡᠶ ᠰᠠᠨᠠᠭᠳᠠᠵᠤ᠂ ᠠᠰ ᠲᠠᠭᠠᠨ ᠬᠤᠭᠤᠯᠠ ᠴᠠᠢ ᠪᠠᠨ ᠭᠢᠳᠡᠭ᠌ ᠪᠣᠯᠤᠭᠰᠠᠨ ᠶᠤᠮ᠃ ᠭᠡᠪᠠᠴᠤ ᠰᠤᠮᠠ ᠡᠭᠡᠴᠢ ᠭᠡᠷ ᠲᠡᠭᠡᠨ ᠠᠮᠳᠠᠳᠠᠢ ᠨᠠᠷᠢᠨ ᠬᠤᠭᠤᠯᠠ ᠭᠢᠭᠦ ᠪᠣᠶᠤ ᠮᠢᠬᠠ ᠱᠦᠯᠦ ᠭᠠᠷᠭᠠᠪᠠᠯ ᠨᠠᠮᠠ ᠶᠢ ᠮᠠᠷᠳᠠᠯ ᠦᠭᠡᠶ ᠳᠠᠭᠤᠳᠠᠵᠤ ᠪᠠᠢ᠌ᠳᠠᠭ᠃ ᠪᠢ ᠴᠤ ᠶᠠᠪᠣᠭᠠᠨ ᠳᠠᠭᠠᠨ ᠰᠤᠮᠠ ᠡᠭᠡᠴᠢ ᠲᠡᠶ ᠰᠠᠢ᠌ᠬᠠᠨ ᠳᠠᠰᠴᠤ᠂ ᠦᠪᠡᠷ ᠤᠨ ᠡᠭᠡᠴᠢ ᠲᠡᠶ ᠪᠠᠨ ᠠᠳᠠᠯᠢ ᠦᠵᠡᠨ ᠣᠶᠤᠵᠤ ᠰᠢᠳᠡᠭᠦ ᠶᠠᠭᠤᠮᠠ ᠪᠠᠨ ᠡᠷᠡᠭᠡᠯᠡᠯ ᠦᠭᠡᠶ ᠥᠭ᠍ᠳᠡᠭ᠌ ᠪᠣᠯᠤᠭᠰᠠᠨ ᠶᠤᠮ᠃
ᠡᠢ᠌ᠮᠤ ᠡᠵᠡᠭᠦᠢ ᠨᠤᠳᠤᠭ ᠲᠤ ᠭᠡᠯᠡᠭᠦ ᠭᠢᠭᠦ ᠪᠠᠨ ᠣᠯᠬᠤ ᠦᠭᠡᠶ ᠳᠤᠭᠳᠠᠪᠣᠷᠢ ᠠᠯᠳᠠᠭᠠᠤᠨ ᠢᠷᠡᠭᠦᠯᠡᠷ ᠭᠡᠯᠡᠭ᠍ᠰᠡᠨ ᠥᠭᠡᠨ ᠳᠡᠭᠡᠨ ᠭᠦᠷᠴᠤ ᠮᠡᠳᠡᠳᠡᠭ᠌ ᠦᠭᠡᠶ ᠦᠪᠡᠷ ᠤᠨ ᠠᠬᠠ ᠳᠤ ᠬᠠᠮᠤᠭ ᠣᠴᠠᠭᠠᠷ ᠭᠦᠷᠴᠤ᠂ ᠭᠡᠳᠡᠰᠤ ᠪᠠᠨ ᠶᠡᠭᠦᠯᠡᠮᠡᠷ ᠪᠣᠯᠤᠨᠠ᠃ ᠭᠡᠯᠡᠭᠦ ᠳᠡᠭᠡᠨ 《ᠣᠳᠤ ᠠᠵᠢᠯ ᠣᠯᠳᠠᠭ ᠠᠮᠠᠷ ᠦᠦ᠂ ᠣᠷᠢᠳᠠᠪᠠᠷ ᠳᠠᠷᠠ ᠭᠠᠵᠠᠷ ᠨᠢ ᠭᠦᠷᠦᠭᠡᠳ ᠠᠵᠢᠯᠯᠠᠵᠤ ᠪᠠᠢ︕ ᠡᠪ ᠳᠠᠭᠠᠷᠠᠪᠠᠯ ᠴᠢᠮᠠ ᠶᠢ ᠣᠳᠠᠯ ᠦᠭᠡᠶ ᠨᠠᠰᠢ ᠰᠢᠯᠵᠢᠭᠦᠯᠦᠭᠡᠳ ᠠᠪᠴᠢᠬᠠᠨᠠ》 ᠭᠡᠮᠡᠨ ᠰᠢᠭᠢᠷ ᠠᠮᠠᠯᠠᠴᠢᠬᠠᠭᠠᠤᠨ ᠣᠳᠤ ᠪᠣᠯᠳᠠᠯᠠ ᠬᠤᠭᠤᠰᠤᠨ᠃ ᠭᠡᠵᠢᠶᠡ ᠨᠢᠭᠡ ᠡᠨᠡ ᠭᠠᠵᠠᠷ ᠡᠴᠡ ᠰᠠᠯᠬᠤ ᠪᠢᠯᠠ ᠭᠡᠵᠤ ᠪᠣᠳᠤᠬᠤ ᠳᠤ ᠵᠥᠪᠭᠡᠨ ᠳᠡᠭ᠍ᠷᠢ ᠡᠴᠡ ᠥᠭᠡᠷᠡ ᠶᠠᠭᠤᠮᠠ ᠬᠠᠷᠠᠭᠳᠠᠬᠤ ᠦᠭᠡᠶ ᠭᠦᠨ ᠬᠤᠤᠠᠳᠤᠭ ᠲᠤ ᠣᠨᠠᠴᠢᠬᠠᠭᠰᠠᠨ ᠠᠳᠠᠯᠢ ᠰᠠᠨᠠᠭᠳᠠᠵᠤ ᠣᠴᠠᠭᠠᠷ ᠭᠦᠷᠦᠨᠡ᠃
ᠪᠢ ᠣᠷᠤᠨ ᠤ ᠳᠤᠯᠤᠭᠠᠢ ᠳᠡᠭᠡᠷᠡ ᠪᠠᠢ᠌ᠭᠠ ᠵᠠᠬᠠ ᠵᠤᠬᠠ ᠡᠴᠡ ᠪᠠᠨ ᠰᠠᠮᠠᠷᠠᠵᠤ ᠣᠳᠠᠷᠠᠭᠰᠠᠨ ᠬᠠᠭᠤᠴᠢᠨ ᠭᠡᠳᠤᠨ ᠨᠤᠮ ᠶᠢᠡᠨ ᠨᠢᠭᠡ ᠨᠢᠭᠡ ᠪᠠᠷ ᠳᠠᠭᠢᠨ ᠰᠠᠮᠠᠷᠴᠤ ᠣᠷᠪᠠᠭᠤᠯᠤᠭᠰᠠᠨ ᠪᠣᠯᠪᠠᠴᠤ ᠥᠵᠡᠭᠦ ᠰᠠᠨᠠᠭᠠ ᠶᠠᠷᠤ ᠣᠷᠤᠭᠰᠠᠨ ᠦᠭᠡᠶ᠃ ᠳᠡᠭᠡᠭᠡᠳ ᠭᠡᠳᠡᠰᠤ ᠡᠪᠠᠦᠡᠴᠢᠯᠡᠭ᠍ᠰᠡᠨ ᠭᠦᠮᠤᠨ ᠰᠢᠭ᠌ ᠨᠠᠰᠢ ᠴᠠᠰᠢ ᠣᠷᠪᠠᠨ ᠭᠦᠷᠪᠠᠨ ᠪᠠᠢ᠌ᠳᠠᠯᠠ ᠪᠣᠳᠤᠯ ᠳᠤ ᠠᠮᠢᠨᠠ ᠣᠷᠤᠵᠤ ᠢᠷᠠᠪᠠ᠃ ᠨᠠᠷᠢᠬᠠᠨ ᠣᠷᠳᠤᠯᠵᠢᠨ ᠭᠦᠮᠦᠰᠭᠡ ᠶᠢᠨ ᠳᠤᠤᠷᠠ ᠭᠦᠮᠤᠨ ᠢ ᠡᠭ᠍ᠴᠡ ᠬᠠᠷᠠᠬᠤ ᠡᠴᠡ ᠪᠠᠨ ᠬᠠᠯᠢᠷᠠᠭᠠᠤᠨ ᠪᠠᠢ᠌ᠳᠠᠭ ᠰᠡᠷᠭᠦᠯᠡᠩ ᠪᠣᠷᠤ ᠨᠢᠳᠤ ᠲᠡᠶ ᠭᠦᠳᠡᠭᠡ ᠶᠢᠨ ᠭᠦᠭᠡᠷᠦᠭᠦᠨ ᠭᠡᠦᠭᠡᠨ ᠤ ᠳᠦᠷᠢ ᠮᠢᠨᠤ ᠪᠣᠳᠤᠯ ᠤᠨ ᠥᠵᠦᠭᠦᠷ ᠶᠢᠡᠷ ᠭᠢᠯᠠᠰᠤᠨ ᠥᠩᠭᠡᠷᠡᠵᠤ᠂ ᠰᠡᠳᠭᠢᠯ ᠤᠨ ᠶᠤᠩᠬᠤᠷ ᠡᠴᠡ ᠨᠢᠳᠤᠷᠤᠭᠠᠤᠨ ᠠᠪᠣᠨᠠ᠃
ᠠᠮᠢᠨᠠ ᠲᠡᠶ ᠪᠢ ᠨᠢᠳᠤᠨᠤᠨ ᠨᠠᠮᠤᠷ ᠠᠩᠬᠠ ᠳᠠᠨᠢᠯᠴᠠᠭᠰᠠᠨ ᠶᠤᠮ᠃ ᠭᠠᠷᠠᠭ ᠤᠨ ᠡᠳᠦᠷ ᠢ ᠳᠠᠭᠠᠷᠠᠭᠤᠯᠤᠨ ᠪᠠᠢ᠌ᠷᠢ ᠪᠠᠷ ᠳᠦᠭᠦᠷᠡᠩ ᠭᠦᠰᠭᠡᠷᠡᠭ᠍ᠰᠡᠨ ᠊ᠭ᠍ᠬᠢᠷ ᠲᠡᠶ ᠬᠤᠪᠴᠠᠰᠤ ᠪᠠᠨ ᠣᠭᠢᠶᠠᠬᠤ ᠪᠠᠷ ᠰᠤᠷᠭᠠᠭᠤᠯᠢ ᠶᠢᠨ ᠡᠮᠦᠨᠡᠭᠦᠷ ᠣᠷᠤᠰᠳᠠᠭ ᠰᠤᠬᠠᠢ᠌ᠳᠤ ᠭᠤᠤᠯ ᠤᠨ ᠭᠦᠪᠠᠭᠡᠨ ᠳᠤ ᠭᠦᠷᠭᠦ ᠦᠶᠡ ᠶᠠᠭ ᠰᠠᠢ᠌ᠬᠠᠨ ᠳᠡᠭᠦᠨ ᠤ ᠮᠠᠯ ᠣᠰᠤᠨ ᠳᠤ ᠢᠷᠡᠭᠡᠳ ᠪᠠᠢ᠌ᠵᠠᠢ᠃ ᠣᠮᠳᠠᠭᠠᠰᠤᠭᠠᠤᠨ ᠭᠤᠤᠯ ᠨᠢ ᠬᠠᠳᠠᠬᠤ ᠰᠢᠬᠠᠭᠰᠠᠨ ᠮᠠᠯ ᠭᠤᠤᠯ ᠤᠨ ᠭᠦᠪᠠᠭᠡ ᠪᠠᠷ ᠰᠢᠬᠠᠴᠢᠨ ᠪᠦᠭᠡᠮᠨᠡᠷᠡᠭᠡᠳ ᠣᠰᠤ ᠣᠤᠭᠤᠬᠤ ᠳᠤ ᠳᠠᠷᠠ ᠳᠤᠤᠷᠠᠳᠤ ᠵᠠᠬᠠ ᠶᠢ ᠨᠢ ᠬᠤᠮᠢᠵᠤ ᠰᠠᠭᠤᠭᠠᠤᠨ ᠨᠤᠮ ᠦᠵᠡᠨᠠ᠃ ᠪᠦᠳᠤᠨ ᠳᠠᠪᠠᠷᠢ ᠬᠤᠪᠴᠠᠰᠤᠨ ᠳᠠᠭᠠᠨ ᠡᠭᠦᠷᠳᠦᠭ᠍ᠰᠡᠨ ᠪᠢ ᠶᠠᠭᠤ ᠴᠤ ᠬᠠᠮᠢᠶᠠᠷᠤᠯ ᠦᠭᠡᠶ ᠪᠠᠷ ᠣᠭᠢᠶᠠᠭᠰᠠᠨ ᠬᠤᠪᠴᠠᠰᠤ ᠪᠠᠨ ᠭᠤᠤᠯ ᠤᠨ ᠣᠰᠤᠨ ᠳᠤ ᠵᠢᠭ᠍ᠳᠡᠢ ᠰᠤᠨᠢᠨ ᠣᠷᠤᠰᠬᠠᠨ ᠵᠠᠢ᠌ᠯᠠᠵᠤ ᠪᠠᠢ᠌ᠭᠠᠤᠨ ᠰᠠᠨᠠᠭᠠᠨ ᠳᠤ ᠦᠭᠡᠶ ᠳᠤᠳᠤᠷᠠ ᠡᠯᠢᠭᠡᠪᠴᠢ ᠪᠠᠨ ᠠᠯᠳᠠᠭᠠᠤᠨ ᠶᠠᠪᠣᠭᠤᠯᠴᠢᠬᠠᠯᠠ᠃ ᠭᠤᠤᠯ ᠤᠨ ᠣᠷᠤᠰᠬᠠᠯ ᠰᠢᠷᠦᠭᠦᠨ ᠪᠣᠯᠬᠤᠷ ᠣᠷᠤᠰᠴᠤ ᠶᠠᠪᠣᠭᠠ ᠡᠯᠢᠭᠡᠪᠴᠢ ᠪᠠᠨ ᠪᠠᠷᠢᠬᠤ ᠭᠡᠵᠤ ᠭᠦᠶᠦᠭᠡᠳ ᠪᠠᠷᠢᠵᠤ ᠴᠢᠳᠠᠭᠰᠠᠨ ᠦᠭᠡᠶ ᠳᠡᠭᠡᠷᠡ ᠣᠰᠤ ᠣᠤᠭᠤᠵᠤ ᠪᠠᠢ᠌ᠭᠰᠠᠨ ᠮᠠᠯ ᠢ ᠴᠤ ᠪᠦᠷ ᠦᠷᠭᠦᠭᠡᠭᠡᠳ ᠭᠦᠭᠡᠭᠡᠴᠢᠭᠡᠪᠡ᠃ ᠮᠠᠯ ᠨᠢ ᠭᠡᠨᠡᠳᠲᠡ ᠦᠷᠭᠦᠭᠦ ᠪᠠᠷ ᠰᠤᠴᠢᠨ ᠥᠡᠳᠡᠢ᠌ᠭ᠍ᠰᠡᠨ ᠳᠠᠷᠠ᠂ ᠳᠤᠭᠰᠠᠨ ᠳᠤᠷᠤᠮ ᠠᠳᠠᠯᠢ ᠭᠦᠭᠯᠡᠨ ᠢᠷᠡᠭᠦ ᠨᠠᠳᠠ ᠶᠢ ᠬᠠᠷᠠᠭᠰᠠᠨ ᠶᠢᠡᠨ ᠬᠠᠵᠠᠭᠤ ᠪᠠᠷ ᠨᠢ ᠣᠷᠤᠰᠤᠨ ᠭᠠᠷᠴᠤ ᠶᠠᠪᠣᠭᠠ ᠡᠯᠢᠭᠡᠪᠴᠢ ᠶᠢ ᠮᠢᠨᠢ ᠮᠠᠰᠢ ᠱᠠᠯᠠᠮᠠᠭ ᠰᠢᠭᠦᠷᠤᠨ ᠠᠪᠣᠯᠠ᠃ ᠪᠢ ᠭᠡᠷᠡᠭ᠌ ᠭᠠᠷᠭᠠᠭᠰᠠᠨ ᠬᠡᠦᠬᠡᠳ ᠰᠢᠭ᠌ ᠭᠠᠵᠠᠷ ᠰᠢᠷᠳᠠᠨ ᠶᠠᠪᠣᠭᠰᠠᠭᠠᠷ ᠬᠠᠵᠠᠭᠤ ᠳᠤ ᠨᠢ ᠭᠦᠷᠦᠭᠡᠳ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠯᠳᠠᠭᠰᠠᠨ ᠬᠤᠪᠴᠠᠰᠤ ᠪᠠᠨ ᠪᠠᠷᠢᠬᠤ ᠭᠡᠵᠤ ᠭᠦᠶᠦᠭᠡᠳ ᠮᠠᠯ ᠢ ᠳᠠᠨᠢ ᠪᠦᠷ ᠦᠷᠭᠦᠭᠡᠵᠤ ᠣᠷᠭᠢᠪᠠ ᠭᠡᠵᠤ ᠡᠪ ᠥᠭᠡᠢ᠌ᠷᠭᠡᠨ ᠭᠡᠯᠡᠪᠠᠯ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠠᠯ ᠦᠷᠭᠦᠭᠦ ᠴᠤ ᠭᠠᠢ᠌ᠭᠤᠢ᠂ ᠬᠠᠷᠢᠨ ᠳᠠᠨ ᠤ ᠬᠤᠪᠴᠠᠰᠤ ᠣᠷᠤᠰᠴᠤ ᠶᠠᠪᠣᠭᠠᠤᠨ ᠳᠠᠯᠠᠢ ᠳᠤ ᠣᠷᠤᠴᠢᠬᠠᠪᠠᠯ ᠭᠡᠴᠡᠭᠦᠤ ᠭᠡᠷᠡᠭ᠌ ᠪᠣᠯᠤᠨᠠ ᠭᠡᠮᠡᠨ ᠨᠢᠭᠤᠴᠠᠬᠠᠨ ᠢᠨᠢᠶᠡᠮᠰᠦᠭᠯᠡᠵᠤ ᠡᠯᠢᠭᠡᠪᠴᠢ ᠶᠢ ᠮᠢᠨᠢ ᠦᠭᠭᠦᠭᠡᠳ ᠮᠠᠯ ᠣᠷᠤᠭᠤ ᠪᠠᠨ ᠶᠠᠪᠣᠪᠠ᠃
ᠳᠠᠷᠠ ᠴᠠᠭ ᠲᠤ ᠨᠠᠳᠠ ᠢᠯᠡᠭᠦᠤ ᠳᠤᠳᠠᠭᠤ ᠶᠢ ᠪᠣᠳᠤᠬᠤ ᠰᠦᠪᠡ ᠬᠠᠮᠢᠭᠠ ᠪᠠᠢ᠌ᠬᠤ ᠶᠤᠮ᠃ ᠬᠠᠷᠢᠨ ᠣᠭᠢᠶᠠᠭᠰᠠ ᠬᠤᠪᠴᠠᠰᠤᠨ ᠳᠠᠭᠠᠨ ᠡᠵᠡᠨ ᠪᠣᠯᠵᠤ ᠮᠡᠳᠡᠭᠦ ᠦᠭᠡᠶ ᠰᠢᠪᠰᠢᠭ᠍ᠳᠡᠨ ᠪᠠᠢ᠌ᠵᠤ ᠭᠦᠮᠤᠨ ᠤ ᠮᠠᠯ ᠢ ᠭᠦᠭᠡᠭᠡᠴᠢᠭᠡᠳ ᠶᠠᠮᠠᠷ ᠨᠢᠭᠤᠷ ᠶᠢᠡᠷ ᠬᠠᠮᠢᠶᠠᠷᠬᠤ ᠦᠭᠡᠶ ᠬᠠᠷᠠᠵᠤ ᠵᠤᠭᠰᠤᠬᠤ ᠪᠢᠯᠠ︖ ᠭᠡᠷᠡᠭ᠌ ᠳᠠᠳᠠᠴᠢᠬᠠᠭᠠᠤᠨ ᠴᠢᠭᠢ ᠪᠠᠨ ᠵᠥᠭᠡᠯᠡᠷᠡᠳᠡᠯᠡ ᠰᠢᠭᠦᠮᠵᠢᠯᠡᠭ᠍ᠳᠡᠭ᠍ᠰᠡᠨ ᠬᠡᠦᠬᠡᠳ ᠰᠢᠭ᠌ ᠭᠦᠯ ᠤᠨ ᠥᠵᠦᠭᠦᠷ ᠶᠢᠡᠨ ᠬᠠᠷᠠᠨ ᠳᠡᠭᠦᠨ ᠤ ᠠᠷᠤ ᠡᠴᠡ ᠳᠠᠭᠤ ᠦᠭᠡᠶ ᠳᠠᠭᠠᠯᠠ᠃ ᠨᠠᠳᠠ ᠡᠴᠡ ᠦᠷᠭᠦᠨ ᠵᠠᠢ᠌ᠯᠠᠭᠰᠠᠨ ᠮᠠᠯ ᠳᠠᠭᠢᠨ ᠣᠰᠤᠨ ᠳᠤ ᠡᠷᠭᠢᠵᠤ ᠢᠷᠠᠪᠠ᠃ ᠳᠠᠷᠠ ᠮᠠᠯ ᠤᠨ ᠶᠢᠡᠨ ᠴᠠᠭᠠᠳᠤ ᠵᠠᠬᠠ ᠪᠠᠷ ᠡᠷᠭᠢᠨ ᠶᠠᠪᠣᠭᠰᠠᠭᠠᠷ ᠮᠢᠨᠤ ᠬᠤᠪᠴᠠᠰᠤ ᠣᠭᠢᠶᠠᠵᠤ ᠪᠠᠢ᠌ᠭᠰᠠᠨ ᠭᠠᠵᠠᠷ ᠭᠦᠷᠴᠤ ᠢᠷᠡᠭᠡᠳ ᠪᠠᠭᠠ ᠠᠵᠢᠨ ᠵᠤᠭᠰᠤᠭᠰᠠᠨ ᠶᠢᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠭᠰᠢ ᠭᠦᠮᠤᠨ ᠪᠢᠷ ᠪᠠᠭᠡᠰ ᠲᠡᠶ ᠪᠠᠨ ᠵᠢᠭᠤᠷᠠᠪᠠᠯ ᠪᠣᠯᠬᠤ ᠡᠴᠡ ᠪᠢᠰᠢ ᠬᠠᠷᠢᠨ ᠬᠤᠪᠴᠠᠰᠤ ᠬᠤᠨᠠᠷ ᠣᠭᠢᠶᠠᠵᠤ ᠰᠠᠢ᠌ᠨ ᠳᠠᠰᠤᠭᠠ ᠦᠭᠡᠶ ᠶᠤᠮ ᠪᠠᠢ᠌ᠨᠠ᠃ ᠦᠵᠡ ᠡᠨᠡ᠂ ᠊ᠭ᠍ᠬᠢᠷ ᠨᠢ ᠭᠠᠷᠤᠭᠰᠠᠨ ᠴᠤ ᠰᠠᠪᠣᠩ ᠨᠢ ᠪᠠᠰᠠ ᠭᠠᠷᠤᠭᠠ ᠦᠭᠡᠶ ᠭᠡᠴᠢᠭᠡᠭᠡᠳ ᠭᠤᠤᠯ ᠤᠨ ᠭᠦᠪᠠᠭᠡᠨ ᠳᠤ ᠨᠤᠭᠤᠷᠠᠨ ᠰᠠᠭᠤᠵᠤ ᠰᠠᠶᠢᠬᠠᠨ ᠮᠢᠨᠤ ᠵᠠᠢ᠌ᠯᠠᠵᠤ ᠪᠣᠢ ᠭᠡᠮᠡᠷ ᠪᠣᠯᠤᠭᠰᠠᠨ ᠬᠤᠪᠴᠠᠰᠤ ᠶᠢ ᠳᠠᠭᠢᠨ ᠵᠠᠢ᠌ᠯᠠᠵᠤ ᠭᠠᠷᠪᠠ᠃ ᠭᠡᠷᠡᠭ᠌ ᠭᠠᠷᠭᠠᠵᠤ ᠭᠡᠩᠭᠡᠷᠭᠡ ᠴᠤᠭᠤᠯᠴᠢᠬᠠᠭᠠᠤᠨ ᠳᠠᠷᠠᠩ ᠭᠦᠮᠤᠨ ᠶᠢᠡᠷ ᠊ᠭ᠍ᠬᠢᠷ ᠶᠢᠡᠨ ᠪᠠᠷᠢᠭᠤᠯᠬᠤ ᠨᠢ ᠦᠦ ᠭᠡᠮᠡᠨ ᠪᠣᠳᠤᠵᠤ ᠠᠮᠵᠢᠭᠰᠠᠨ ᠪᠢ ᠶᠠᠭᠠᠷᠠᠨ ᠵᠢᠦᠡᠭᠦᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠨ ᠢ ᠵᠤᠪᠠᠭᠠᠵᠤ ᠭᠡᠷᠡᠭ᠌ ᠦᠭᠡᠶ᠂ ᠠᠯᠢ ᠪᠢ ᠦᠪᠡᠷ ᠶᠢᠡᠨ ᠵᠠᠢ᠌ᠯᠠᠶᠠ ᠭᠡᠳ ᠬᠤᠪᠴᠠᠰᠤ ᠪᠠᠨ ᠠᠪᠬᠤ ᠭᠡᠭᠦ ᠳᠡᠭᠡᠨ ᠶᠠᠭ ᠳᠡᠭᠦᠨ ᠤ ᠬᠠᠯᠢᠰᠤᠯᠠᠭᠰᠠᠨ ᠥᠡᠳᠡᠭᠡ ᠭᠡᠮᠡᠷ ᠪᠦᠡᠳᠦᠭᠡᠷ ᠵᠥᠭᠡᠯᠡᠨ ᠭᠠᠷ ᠡᠴᠡ ᠨᠢ ᠪᠣᠷᠤᠭᠤ ᠭᠦᠷᠦᠭᠡᠳ ᠪᠠᠷᠢᠴᠢᠬᠠᠵᠠᠢ᠃ ᠮᠢᠨᠤ ᠭᠡᠨᠡᠳᠲᠡ ᠶᠢᠨ ᠡᠪ ᠬᠠᠪᠣ ᠦᠭᠡᠶ ᠭᠦᠳᠡᠯᠭᠡᠭᠡᠨ ᠳᠤ ᠰᠤᠴᠢᠨ ᠣᠯᠠᠢ᠌ᠭᠰᠠᠨ ᠳᠠᠷᠠ ᠭᠠᠷ ᠶᠢᠡᠨ ᠳᠠᠳᠠᠰᠭᠢᠭᠠᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠤᠨ ᠳᠤ ᠳᠡᠭᠡᠵᠤ ᠰᠠᠠᠳᠤᠷᠴᠢᠬᠠᠭᠰᠠᠨ ᠶᠤᠮ︖ ᠭᠡᠳᠦᠷᠡᠭᠦ ᠳᠡᠭᠡᠨ ᠭᠡᠳᠦᠭᠡᠨ ᠵᠠᠬᠠ ᠬᠤᠪᠴᠠᠰᠤ ᠪᠢᠵᠠ᠂ ᠪᠢ ᠣᠭᠢᠶᠠᠭᠠᠤᠨ ᠥᠭ᠍ᠴᠢᠭᠡᠶᠡ ᠭᠡᠰᠡᠨ ᠶᠢᠡᠨ ᠪᠦᠷ ᠬᠤᠷᠳᠤᠨ ᠬᠤᠷᠳᠤᠨ ᠭᠦᠳᠡᠯᠵᠤ ᠭᠠᠷᠪᠠ᠃
ᠠᠩᠬᠠ ᠣᠴᠠᠷᠠᠭᠠ ᠠᠢ᠌ᠯ ᠤᠨ ᠭᠡᠦᠭᠡᠨ ᠤ ᠨᠠᠷᠠ ᠣᠰᠤ ᠶᠢ ᠴᠤ ᠰᠤᠷᠴᠤ ᠠᠮᠵᠢᠭᠰᠠᠨ ᠦᠭᠡᠶ ᠪᠠᠷ ᠦᠯᠤᠨ ᠊ᠭ᠍ᠬᠢᠷ ᠶᠢᠡᠨ ᠪᠠᠷᠢᠭᠤᠯᠤᠭᠰᠠᠨ ᠳᠠᠭᠠᠨ ᠮᠠᠭᠤᠬᠠᠢ ᠵᠤᠪᠠᠭᠰᠠᠨ ᠪᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠡᠷ ᠴᠢᠨᠢ ᠬᠠᠮᠢᠭᠠ ᠪᠠᠢ᠌ᠨᠠ︖ ᠤᠢ᠌ᠷᠠᠬᠠᠨ ᠦᠦ︖ ᠳᠡᠭᠡᠭᠡᠳ ᠨᠡᠷᠡ ᠴᠢᠨᠢ ᠭᠡᠨ ᠭᠡᠳᠡᠭ᠌ ᠪᠢᠯᠠ︖ ᠭᠡᠭᠦ ᠠᠮᠠ ᠰᠡᠭᠡᠷ ᠨᠢ ᠨᠡᠢ᠌ᠯᠡᠭᠦ ᠦᠭᠡᠶ ᠨᠢᠭᠡ ᠣᠯᠠᠨ ᠠᠰᠠᠭᠤᠯᠳᠠ ᠶᠢ ᠬᠣᠢ᠌ᠨᠠ ᠬᠣᠢ᠌ᠨᠠ ᠡᠴᠡ ᠨᠢ ᠳᠠᠯᠪᠢᠵᠠᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠢᠨᠤ ᠭᠡᠷ ᠳᠠᠷᠠ ᠥᠵᠡᠭ᠍ᠳᠡᠵᠤ ᠪᠠᠢ᠌ᠭᠠ ᠣᠰᠤᠨ ᠰᠠᠭᠤᠯᠭᠠ ᠰᠢᠭ ᠱᠤᠪᠣᠭᠤᠷ ᠪᠦᠭᠡᠷᠡᠭ᠌ ᠤᠨ ᠠᠷᠤ ᠳᠤ ᠪᠣᠢ᠃ ᠨᠠᠮᠠ ᠶᠢ ᠠᠮᠢᠨᠠ ᠭᠡᠳᠡᠭ᠌ ᠭᠡᠴᠢᠭᠡᠭᠡᠳ ᠳᠠᠷᠠ ᠭᠠᠷ ᠳᠠᠭᠢ ᠭᠦᠭᠡᠰᠤ ᠪᠠᠨ ᠰᠡᠭ᠍ᠰᠦᠷᠤᠨ ᠣᠨᠠᠭᠠᠨᠠ᠃
ᠴᠠᠭ ᠥᠩᠭᠡᠷᠡᠭᠦ ᠳᠤᠳᠤᠮ ᠥᠩᠭᠡ ᠵᠢᠰᠤ᠂ ᠡᠮᠦᠰᠴᠤ ᠵᠡᠭᠦᠭ᠍ᠰᠡᠨ ᠡᠴᠡ ᠪᠠᠨ ᠠᠪᠣᠭᠠᠤᠨ ᠭᠦᠳᠡᠭᠡ ᠶᠢᠨ ᠪᠠᠢ᠌ᠳᠠᠯ ᠲᠡᠶ ᠪᠠᠨ ᠠᠷᠭᠠ ᠦᠭᠡᠶ ᠵᠤᠭᠢᠴᠠᠭᠰᠠᠨ ᠡᠨᠡ ᠪᠣᠷᠤᠭᠵᠢᠭᠤᠨ ᠪᠣᠷᠤ ᠭᠡᠦᠭᠡᠨ ᠢ ᠰᠡᠳᠭᠢᠯ ᠤᠨ ᠣᠭ ᠡᠴᠡ ᠪᠠᠨ ᠬᠠᠢ᠌ᠷᠠᠯᠠᠨ ᠳᠤᠭᠤᠬᠤ ᠬᠠᠯᠠᠭᠤᠨ ᠴᠢᠰᠤ ᠮᠢᠨᠤ ᠰᠤᠳᠠᠯ ᠪᠦᠭᠦᠨ ᠶᠢᠡᠷ ᠦᠶᠡᠷᠯᠠᠨ ᠢᠷᠡᠭᠦ ᠰᠢᠭ᠌ ᠪᠣᠯᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠡ᠊ᠨᠳᠡ ᠡᠳᠦᠷ ᠡᠳᠦᠷ ᠮᠠᠯ ᠶᠢᠡᠨ ᠣᠰᠤᠯᠠᠬᠤ ᠪᠠᠷ ᠢᠷᠡᠳᠡᠭ᠌ ᠦᠦ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠭᠡ ᠥᠡᠵᠢᠭᠡᠳ ᠢᠷᠡᠳᠡᠭ᠌᠂ ᠵᠠᠷᠢᠮ ᠡᠳᠦᠷ ᠡᠵᠢ ᠢᠷᠠᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠤᠮ ᠥᠵᠡᠭᠦ ᠳᠤᠷᠠᠳᠠᠢ ᠪᠠ︖ ᠡᠨᠡ ᠨᠤᠮ ᠰᠠᠢ᠌ᠬᠠᠨ ᠦᠦ︖ ᠭᠡᠳ ᠪᠢ ᠳᠡᠭᠦᠨ ᠤ ᠠᠪᠴᠤ ᠶᠠᠪᠣᠭᠰᠠᠨ ᠨᠤᠮ ᠢ ᠰᠠᠮᠠᠷᠤᠨ ᠦᠵᠡᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠤᠷᠠᠳᠠᠢ ᠭᠡᠳ ᠶᠠᠭᠤ ᠪᠣᠯᠬᠤ ᠶᠤᠮ᠂ ᠬᠠᠷᠢᠨ ᠮᠠᠯ ᠳᠤ ᠶᠠᠪᠣᠬᠤ ᠳᠤ ᠨᠤᠮ ᠦᠵᠡᠪᠠᠯ ᠡᠳᠦᠷ ᠳᠦᠷᠭᠡᠨ ᠥᠩᠭᠡᠷᠡᠳᠡᠭ᠌᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠶᠠᠮᠠᠷ ᠰᠤᠷᠭᠠᠭᠤᠯᠢ ᠳᠡᠭᠦᠰᠪᠡ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠮᠠᠷ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠭᠦᠰᠭᠦ ᠪᠣᠢ᠂ ᠭᠡᠷ ᠲᠡᠭᠡᠨ ᠦᠪᠡᠷ ᠶᠢᠡᠨ ᠰᠤᠷᠤᠭᠰᠠᠨ ᠣᠬᠠᠭᠠᠨ ᠲᠡᠶ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠨ ᠤ ᠭᠡᠷ ᠲᠡᠭᠡᠨ ᠭᠡᠳᠦᠭᠦᠯᠡ ᠪᠢᠯᠠ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠪᠣ ᠡᠵᠢ᠂ ᠳᠡᠭᠦᠤ ᠪᠢᠳᠠ ᠳᠦᠷᠪᠠᠭᠦᠯᠡ᠃ ᠮᠢᠨᠤ ᠳᠡᠭᠦᠤ ᠳᠠᠨ ᠤ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠵᠤ ᠪᠠᠢ᠌ᠨᠠ᠃ ᠳᠠᠨᠢᠬᠤ ᠪᠠᠢ᠌ᠬᠠ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠡᠨ ᠭᠡᠳᠡᠭ᠌ ᠶᠤᠮ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠪᠢᠶᠠᠰᠳᠤ ᠭᠡᠳᠡᠭ᠌ ᠨᠢᠰᠤᠨ ᠳᠠᠭᠠᠨ ᠵᠦᠪ ᠦᠭᠡᠶ ᠠᠯᠢᠶᠠ ᠭᠦᠭᠡ ᠪᠠᠠᠳᠢ ᠪᠣᠢ᠃ ᠭᠡᠷ ᠲᠤ ᠢᠷᠠᠪᠠᠯ ᠮᠢᠨᠤ ᠰᠢᠨᠠ ᠢᠷᠡᠭ᠍ᠰᠡᠨ ᠪᠠᠭᠰᠢ ᠭᠢᠴᠢᠶᠠᠯ ᠰᠠᠢ᠌ᠬᠠᠨ ᠵᠢᠭᠠᠳᠠᠭ ᠭᠡᠳ ᠳᠠᠨ ᠢ ᠭᠠᠢ᠌ᠬᠠᠭᠤᠯᠵᠤ ᠭᠠᠷᠳᠠᠭ ᠭᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠨᠢᠯ ᠦᠭᠡᠶ ᠶᠠᠭᠠᠭᠢᠬᠤ ᠪᠣᠢ᠂ ᠮᠢᠨᠤ ᠭᠡᠷ ᠡᠨᠡᠭᠦᠨ ᠳᠤ ᠪᠣᠢ᠂ ᠪᠠᠭᠰᠢ ᠮᠠᠨ ᠤ ᠳᠤ ᠶᠠᠪᠣᠶᠠ ᠭᠡᠳ ᠨᠠᠳᠠ ᠲᠡᠶ ᠦᠷᠭᠦᠯᠵᠢ ᠨᠤᠤᠷᠠᠵᠤ ᠪᠠᠢ᠌ᠳᠠᠭ ᠭᠡᠵᠤ ᠪᠢ ᠪᠠᠬᠠᠨ ᠪᠠᠷᠳᠠᠮ ᠠᠶᠠᠰ ᠲᠡᠶ ᠱᠤᠤᠭᠢᠭᠤᠯᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠥᠨᠡᠭᠡᠷ ᠣᠨᠤᠭᠠ ᠲᠡᠶ ᠭᠦᠮᠤᠨ ᠳᠡᠭᠡᠨ ᠨᠢᠭᠡ ᠯᠠ ᠦᠨᠳᠠᠢ᠌ᠪᠠᠯ ᠭᠦᠷᠴᠢᠭᠦ ᠭᠠᠵᠠᠷ ᠪᠣᠢ᠃ ᠳᠠ ᠳᠡᠭᠡᠭᠡᠳ ᠠᠷᠠᠢ ᠠᠢ᠌ᠯ ᠳᠤ ᠣᠷᠤᠳᠠᠭ ᠦᠭᠡᠶ ᠰᠠᠭᠢᠯ ᠭᠦᠷᠳᠡᠴᠢᠭᠡᠭ᠍ᠰᠡᠨ ᠨᠢ ᠪᠢᠰᠢ ᠪᠠᠢ ᠯᠠ ᠦᠭᠡᠶ ᠭᠡᠴᠢᠭᠡᠭᠡᠳ ᠳᠤᠷᠤᠭᠰᠢ ᠬᠠᠷᠠᠨ ᠢᠨᠢᠶᠡᠮᠰᠦᠭᠯᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠠᠭᠢᠯᠠ ᠭᠡᠵᠤ ᠳ᠋ᠠ᠂ ᠡᠨᠡ ᠭᠠᠷᠠᠭ ᠢᠩᠭᠡᠭᠡᠳ ᠥᠩᠭᠡᠷᠡᠯᠡ᠃ ᠳᠠᠨᠢᠭᠠᠤᠨ ᠠᠪᠣᠭᠰᠠᠨ ᠶᠤᠮ ᠴᠢᠨᠢ ᠳᠠᠷᠠᠭᠠ ᠭᠠᠷᠠᠭ ᠡᠴᠡ ᠪᠣᠯᠤᠶᠠ ᠭᠡᠳ ᠪᠢ ᠪᠣᠰᠴᠤ ᠠᠮᠢᠨᠠ ᠶᠢᠨ ᠵᠠᠢ᠌ᠯᠠᠵᠤ ᠭᠠᠷᠭᠠᠭᠰᠠᠨ ᠬᠤᠪᠴᠠᠰᠤᠨ ᠤ ᠥᠵᠦᠭᠦᠷ ᠡᠴᠡ ᠮᠤᠰᠭᠢᠯᠴᠠᠯᠠ᠃
ᠮᠢᠨᠤ ᠬᠠᠰᠢᠷᠠᠳᠠᠯᠠ ᠪᠠᠨ ᠰᠠᠭᠤᠭᠠᠤᠨ ᠬᠠᠭᠠᠰᠯᠠᠵᠤ ᠴᠢᠳᠠᠭᠠ ᠦᠭᠡᠶ ᠪᠠᠢ᠌ᠭᠰᠠᠨ ᠬᠤᠪᠴᠠᠰᠤ ᠶᠢ ᠠᠮᠢᠨᠠ ᠶᠠᠭᠤᠨ ᠳᠡᠭᠦᠨ ᠳᠤ ᠦᠭᠡᠶ ᠣᠭᠢᠶᠠᠭᠠᠤᠨ ᠪᠠᠷᠠᠭᠠᠵᠠᠢ᠃ ᠳᠡᠭᠡᠭᠡᠳ ᠵᠠᠢ᠌ᠯᠠᠭᠰᠠᠨ ᠬᠤᠪᠴᠠᠰᠤ ᠪᠠᠨ ᠠᠪᠠᠴᠢᠨ ᠪᠣᠳᠠᠨ ᠳᠡᠭᠡᠷᠡ ᠳᠡᠯᠭᠡᠨ ᠬᠠᠳᠠᠭᠠᠴᠢᠬᠠᠭᠠᠤᠨ ᠪᠠᠯᠴᠢᠭᠡᠷ ᠣᠷᠤᠭᠤ ᠪᠠᠨ ᠰᠤᠪᠣᠷᠠᠨ ᠳᠤᠭᠤᠰᠤᠷᠠᠬᠤ ᠰᠦᠷᠦᠭ᠌ ᠤᠨ ᠬᠣᠢ᠌ᠨᠠ ᠡᠴᠡ ᠳᠦᠡᠳᠦᠭᠡᠷ ᠡᠪᠯᠡᠭᠭᠡᠨ ᠳᠠᠰᠢᠶᠠ ᠪᠠᠨ ᠦᠯᠤ ᠮᠡᠳᠡᠭ᠌ ᠰᠠᠵᠢᠯᠠᠨ ᠭᠡᠳᠦᠢ ᠠᠯᠬᠤᠭᠰᠠᠨ ᠶᠢᠡᠨ ᠭᠡᠳᠡᠷᠭᠦ ᠡᠷᠭᠢᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠᠪ ᠲᠡᠶ ᠪᠣᠯ ᠳᠠᠷᠠᠭᠠ ᠭᠠᠷᠠᠭ ᠡᠴᠡ ᠭᠡᠷ ᠶᠢᠡᠷ ᠢᠷᠡᠭᠡᠷᠡᠢ︕ ᠪᠠᠢ᠌ᠰᠢᠩ ᠤᠨ ᠮᠤᠬᠤᠷ ᠲᠤ ᠬᠤᠷᠢᠭᠳᠠᠵᠤ ᠰᠠᠭᠤᠬᠤ ᠪᠠᠷ ᠭᠡᠭᠡᠷᠡ ᠭᠠᠳᠠᠨᠠ ᠭᠠᠷᠴᠤ ᠴᠠᠪᠠᠷ ᠰᠠᠯᠭᠢ ᠪᠠᠷ ᠥᠨᠦᠰᠦᠭᠦᠯᠤᠨ ᠪᠠᠶᠠ ᠰᠡᠳᠭᠢᠯ ᠶᠢᠡᠨ ᠰᠡᠷᠭᠦᠭᠡᠪᠠᠯ ᠵᠥᠭᠡᠷ ᠪᠠᠢ᠌ᠬᠠ ᠪᠣᠢ ᠭᠡᠴᠢᠭᠡᠭᠡᠳ ᠴᠠᠰᠢ ᠬᠤᠯᠠᠳᠠᠨ ᠶᠠᠪᠣᠵᠤ ᠪᠢᠯᠠ᠃
ᠠᠮᠢᠳᠤᠷᠠᠯ ᠳᠤ ᠮᠢᠨᠢ ᠠᠮᠢᠨᠠ ᠢᠯᠡᠷᠡᠭ᠍ᠰᠡᠨ ᠡᠴᠡ ᠶᠠᠭᠤ ᠪᠦᠭᠦᠨ ᠳᠤ ᠢᠳᠡᠭᠡᠯ ᠠᠯᠳᠠᠨ ᠣᠢ᠌ᠤᠠᠬᠠᠷ ᠪᠣᠭᠢᠨᠢᠳᠤᠯ ᠤᠨ ᠭᠦᠨ ᠭᠦᠪ ᠲᠤ ᠰᠢᠭᠢᠤᠠᠴᠤ ᠶᠠᠪᠣᠭᠰᠠᠨ ᠮᠢᠨᠤ ᠬᠠᠯᠠ ᠳᠠᠮᠤ ᠶᠢᠨ ᠬᠠᠭᠠᠰ ᠨᠢ ᠬᠠᠰᠤᠭᠳᠠᠨ ᠣᠢ ᠣᠬᠠᠭᠠᠨ᠂ ᠪᠠᠶᠠ ᠰᠡᠳᠭᠢᠯ ᠤᠨ ᠡᠰ ᠪᠦᠭᠦᠨ ᠳᠤ ᠰᠢᠨᠠ ᠠᠮᠢᠯᠠᠯ ᠤᠨ ᠭᠦᠴᠤᠨ ᠨᠡᠮᠡᠭ᠍ᠳᠡᠭᠦ ᠰᠢᠭ᠌ ᠪᠣᠯᠤᠭᠰᠠᠨ᠃ ᠬᠡᠳᠦᠢ᠌ᠪᠡᠷ ᠭᠡᠨᠡᠳᠲᠡ ᠶᠢᠨ ᠲᠤᠬᠢᠶᠠᠯ ᠶᠢᠡᠷ ᠠᠩᠬᠠ ᠣᠳᠠᠭᠠ ᠠᠭᠤᠯᠵᠠᠵᠤ᠂ ᠣᠯᠢᠭᠳᠠᠢ ᠭᠡᠳᠤᠨ ᠥᠭᠡ ᠴᠤ ᠰᠤᠯᠢᠵᠤ ᠴᠢᠳᠠᠭᠠ ᠦᠭᠡᠶ ᠪᠣᠯᠪᠠᠴᠤ ᠠᠮᠢᠨᠠ ᠶᠢᠨ ᠨᠠᠳᠠ ᠦᠭᠭᠦᠭ᠍ᠰᠡᠨ ᠰᠠᠭᠤᠭᠳᠠᠯ ᠬᠠᠷᠢᠨ ᠣᠠᠴᠠᠭᠠᠢ ᠭᠦᠨ ᠪᠠᠢ᠌ᠯᠠ᠃
ᠳᠠᠷᠠᠭᠠ ᠭᠠᠷᠠᠭ ᠪᠣᠯᠬᠤ ᠶᠢ ᠪᠢ ᠳᠠᠰᠴᠤ ᠶᠠᠳᠠᠨ ᠭᠦᠯᠢᠶᠡᠵᠤ ᠪᠠᠢ᠌ᠭᠠᠤᠨ ᠠᠪᠢᠶᠠᠰᠳᠤ ᠪᠠᠨ ᠡᠮᠦᠨᠡ ᠪᠠᠨ ᠪᠠᠷᠢᠴᠢᠬᠠᠭᠠᠤᠨ ᠠᠮᠢᠨᠠ ᠶᠢᠨ ᠭᠡᠷ ᠲᠤ ᠳᠠᠯᠪᠢᠭᠠᠤᠨ ᠭᠦᠷᠪᠡ᠃ ᠠᠪᠣ ᠡᠵᠢ ᠨᠢ ᠨᠠᠮᠠ ᠶᠢ ᠥᠵᠡᠭᠡᠳ 《ᠭᠦᠪᠠᠭᠦᠨ ᠤ ᠮᠢᠨᠢ ᠦᠷᠭᠦᠯᠵᠢ ᠭᠡᠯᠡᠳᠡᠭ᠌ ᠰᠠᠢ᠌ᠨ ᠪᠠᠭᠰᠢ》 ᠭᠡᠵᠡᠭᠡᠨ ᠪᠠᠭᠳᠠᠪᠠᠯ ᠪᠠᠷᠠᠭᠠᠨ ᠳᠡᠭᠡᠷᠡ ᠪᠠᠨ ᠳᠠᠯᠪᠢᠮᠠᠷ ᠪᠣᠯᠵᠤ᠂ ᠪᠠᠢ᠌ᠳᠠᠭ ᠪᠦᠭᠦᠨ ᠶᠢᠡᠨ ᠭᠠᠷᠭᠠᠨ ᠭᠦᠯ ᠠᠯᠳᠠᠨ ᠭᠦᠡᠳᠦᠯᠡᠵᠡᠢ᠃ ᠠᠮᠢᠨᠠ ᠬᠡᠳᠦᠢ᠌ᠪᠡᠷ ᠭᠡᠦᠭᠡᠨ ᠭᠦᠮᠤᠨ ᠤ ᠳᠦᠷᠤᠯᠭᠢ ᠶᠢᠨ ᠢᠴᠢᠮᠠᠳᠠᠭᠡᠢ ᠵᠠᠩ ᠳᠠᠭᠠᠨ ᠪᠠᠷᠢᠭᠳᠠᠨ ᠢᠴᠢᠩᠭᠦᠷᠡᠨ ᠣᠯᠠᠢ᠌ᠵᠤ ᠪᠠᠢ᠌ᠪᠠᠴᠤ ᠭᠡᠵᠢᠶᠡᠳᠡ ᠰᠡᠷᠭᠦᠯᠡᠩ ᠳᠤᠨᠤᠷᠠᠳᠠᠭ ᠭᠦᠭᠡᠷᠦᠭᠦᠨ ᠨᠢᠳᠤᠨ ᠡᠴᠡ ᠨᠢ ᠪᠠᠶᠠᠷ ᠤᠨ ᠳᠤᠶᠠᠭᠠ ᠠᠰᠬᠠᠷᠠᠨ ᠪᠠᠢ᠌ᠪᠠ᠃ ᠪᠢ ᠴᠤ ᠵᠤᠪᠠᠬᠤ ᠪᠠᠶᠠᠰᠬᠤ ᠬᠤᠤᠰᠯᠠᠨ ᠪᠠᠢ᠌ᠵᠤ ᠠᠢ᠌ᠯ ᠳᠤ ᠣᠴᠢᠭᠰᠠᠨ ᠠᠩᠬᠠᠨ ᠤ ᠣᠷᠤᠢ ᠶᠢ ᠠᠯᠭᠠᠵᠤ ᠪᠠᠷᠢᠨ ᠥᠩᠭᠡᠷᠡᠭᠡᠵᠤ ᠪᠢᠯᠠ᠃ ᠳᠡᠭᠡᠵᠤ ᠨᠢᠭᠡ ᠨᠢᠭᠤᠷ ᠬᠠᠭᠠᠷᠠᠭᠰᠠᠨ ᠡᠴᠡ ᠬᠣᠢ᠌ᠰᠢ ᠪᠢ ᠪᠠᠷᠤᠭ ᠭᠠᠷᠠᠭ ᠪᠣᠯᠭᠠᠨ ᠠᠮᠢᠨᠠ ᠶᠢᠨ ᠭᠡᠷ ᠣᠷᠤᠭᠤ ᠵᠢᠷᠡᠢ᠌ᠯᠭᠡᠵᠤ᠂ ᠬᠠᠱᠠᠩ ᠮᠤᠷᠢᠨ ᠰᠢᠭ ᠶᠠᠪᠣᠵᠤ ᠶᠠᠳᠠᠭᠠᠤᠨ ᠪᠠᠢ᠌ᠳᠠᠭ ᠣᠴᠠᠭᠠᠷ ᠲᠡᠶ ᠴᠠᠭ ᠤᠨ ᠨᠡᠭᠦᠳᠡᠯ ᠢ ᠵᠤᠪᠠᠯ ᠦᠭᠡᠶ ᠡᠯᠡᠭᠡᠭᠦ ᠪᠣᠯᠪᠠ᠃ ᠭᠡᠰᠡᠭ᠌ ᠬᠤᠭᠤᠴᠠᠭᠠ ᠥᠩᠭᠡᠷᠡᠭᠡᠳ ᠠᠮᠢᠨᠠ ᠪᠢᠳᠠ ᠬᠤᠶᠠᠷ ᠭᠡᠨ ᠠᠯᠢᠨ ᠲᠡᠶ ᠪᠠᠨ ᠵᠢᠭ᠍ᠳᠡᠢ ᠢᠵᠢᠯᠢᠰᠤᠨ ᠳᠠᠰᠤᠵᠤ᠂ ᠠᠮᠢᠳᠤᠷᠠᠯ ᠬᠠᠢ᠌ᠷᠠ ᠶᠢᠨ ᠠᠩᠭᠢᠷ ᠰᠢᠷᠭᠠᠯ ᠡᠳᠦᠷ ᠤᠳ ᠶᠢᠡᠨ ᠰᠡᠳᠭᠢᠯ ᠰᠡᠳᠭᠢᠯ ᠳᠡᠭᠡᠨ ᠬᠠᠳᠠᠭᠠᠯᠠᠨ ᠬᠤᠨᠤᠭᠠᠵᠤ ᠪᠠᠢ᠌ᠯᠠ᠃ ᠵᠥᠪᠭᠡᠨ ᠪᠢᠳᠠ ᠬᠤᠶᠠᠭᠤᠯᠠᠬᠠᠨ ᠪᠠᠢ᠌ᠬᠤ ᠳᠠᠭᠠᠨ ᠶᠠᠮᠠᠷᠴᠤ ᠰᠡᠳᠭᠢᠯ ᠤᠨ ᠨᠢᠭᠤᠴᠠ ᠪᠠᠨ ᠪᠦᠷ ᠨᠢᠭᠤᠯ ᠦᠭᠡᠶ ᠭᠡᠯᠡᠯᠴᠡᠳᠡᠭ᠌ ᠪᠣᠯᠤᠭᠰᠠᠨ ᠪᠦᠭᠡᠳ ᠡᠷᠡᠭᠡ ᠵᠢᠷᠤᠭᠠ ᠦᠭᠡᠶ ᠨᠢᠭᠡ ᠨᠢᠭᠡᠨ ᠤ ᠪᠠᠨ ᠠᠮᠠ ᠳᠠᠳᠠᠵᠤ ᠰᠠᠭᠤᠳᠠᠭ ᠪᠣᠯᠤᠭᠰᠠᠨ᠃ ᠪᠢ ᠠᠮᠢᠨᠠ ᠶᠢᠨ ᠬᠠᠵᠠᠭᠤ ᠳᠤ ᠴᠠᠭ ᠴᠢᠨᠡᠭᠡ ᠪᠠᠷ ᠶᠢᠡᠨ ᠳᠦᠷᠰᠤ ᠥᠭᠡᠢ᠌ᠳᠡᠨ ᠠᠯᠢᠶᠠᠷᠬᠠᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠮᠢᠨᠠ ᠡ︕ ᠴᠢ ᠭᠡᠷᠪᠡ ᠨᠠᠳᠠ ᠲᠡᠶ ᠰᠠᠭᠤᠴᠢᠬᠠᠪᠠᠯ ᠪᠢ ᠠᠵᠢᠯ ᠶᠢᠡᠨ ᠬᠠᠶᠠᠭᠰᠠᠨ ᠴᠤ ᠭᠤᠮᠤᠳᠠᠯ ᠦᠭᠡᠶ ᠪᠠᠢ᠌ᠨᠠ ᠭᠡᠭᠦ ᠳᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠷᠠᠤᠨ ᠤᠨ ᠪᠠᠭᠰᠢ ᠠᠮᠠᠨ ᠤ ᠪᠠᠨ ᠵᠤᠷᠭᠠ ᠪᠠᠷ ᠶᠠᠭᠤ ᠭᠡᠯᠡᠭᠡᠳ ᠪᠠᠢ᠌ᠨᠠ︖ ᠪᠢᠳᠠ ᠬᠤᠶᠠᠷ ᠨᠢᠭᠡ ᠵᠠᠯᠠᠨ ᠳᠡᠭᠡᠷᠡ ᠪᠣᠯᠪᠠᠰᠤᠷᠠᠳᠠᠭ ᠵᠢᠮᠢᠰ ᠪᠢᠰᠢ ᠭᠡᠵᠤ ᠪᠢ ᠠᠯᠢ ᠡᠷᠳᠡ ᠭᠡᠯᠡᠴᠢᠭᠡᠭ᠍ᠰᠡᠨ᠃ ᠶᠠᠮᠠᠷ ᠨᠢᠭᠡ ᠡᠳᠦᠷ ᠤᠨ ᠶᠠᠪᠣᠳᠠᠯ ᠪᠠᠢ᠌ᠬᠤ ᠪᠢᠰᠢ ᠨᠢᠭᠡ ᠨᠠᠰᠤᠨ ᠤ ᠶᠡᠭᠡ ᠣᠴᠢᠷ ᠶᠢᠡᠨ ᠨᠠᠭᠠᠳᠤᠮ ᠠᠳᠠᠯᠢ ᠦᠵᠡᠵᠤ ᠪᠣᠯᠳᠠᠭ ᠦᠭᠡᠶ ᠰᠢᠤ᠃ ᠪᠦᠭᠡᠷᠡ ᠡ ᠭᠡᠳ ᠭᠡᠳᠡᠷᠭᠦ ᠰᠢᠪᠠᠷᠳᠠᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠨᠠᠮᠠ ᠶᠢ ᠥᠨᠡᠭᠡᠷ ᠨᠠᠭᠠᠳᠤᠮ ᠭᠡᠯᠡᠵᠤ ᠪᠣᠢ ᠪᠣᠯᠭᠠᠵᠤ ᠪᠠᠢ᠌ᠨᠠ ᠦᠦ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠭᠡᠶ ᠡ᠂ ᠶᠠᠭᠠᠭᠢᠵᠤ ᠪᠣᠳᠤᠭᠰᠠᠨ ᠴᠤ ᠪᠢᠳᠠ ᠬᠤᠶᠠᠷ ᠤᠨ ᠵᠠᠶᠠᠭᠠ ᠵᠠᠮ ᠬᠤᠶᠠᠷ ᠨᠡᠢ᠌ᠯᠡᠳᠡᠭ᠌ ᠨᠢ ᠪᠢᠰᠢ ᠯᠠ ᠳ᠋ᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠶᠠᠭᠠᠭᠢᠭᠠᠤᠨ ᠥᠭᠦᠳᠡᠯᠡ ᠪᠠᠨ ᠴᠢᠷᠮᠠᠢ᠌ᠭᠠᠤᠨ ᠴᠢᠨᠤ ᠣᠢ᠌ᠨ ᠳᠤ ᠶᠠᠪᠣᠳᠠᠭ ᠦᠭᠡᠶ ᠪᠣᠢ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠢ᠌ᠨ ᠳᠤ ᠶᠠᠪᠣᠬᠤ᠂ ᠶᠠᠪᠣᠬᠤ ᠦᠭᠡᠶ ᠣᠴᠢᠷ ᠪᠢᠰᠢ ᠡ᠃ ᠬᠠᠷᠢᠨ ᠬᠤᠪᠢ ᠢᠷᠦᠭᠡᠯ ᠭᠡᠭ᠍ᠴᠢ ᠶᠢ ᠬᠤᠨᠢᠨ ᠤ ᠮᠤᠷᠢ ᠰᠢᠭ ᠬᠠᠵᠠᠭᠤ ᠳᠠᠭᠠᠨ ᠠᠷᠬᠠᠯᠠᠵᠤ ᠪᠣᠯᠳᠠᠭ ᠦᠭᠡᠶ ᠶᠢ ᠣᠢ᠌ᠯᠠᠭᠠᠷᠠᠢ︕
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠥ᠂ ᠴᠢ ᠨᠠᠮᠠ ᠶᠢ ᠡ᠊ᠨᠳᠡ ᠡᠴᠡ ᠶᠠᠪᠣᠴᠢᠬᠠᠬᠤ ᠡᠴᠡ ᠠᠶᠤᠭᠠ ᠪᠢᠵᠠ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠶᠤᠨᠠ ᠴᠤ ᠭᠡᠵᠤ ᠳ᠋ᠠ᠂ ᠨᠢᠭᠡ ᠯᠠ ᠪᠦᠳᠦᠭᠦ ᠦᠭᠡᠶ ᠰᠤᠪᠢᠩ ᠰᠡᠳᠭᠢᠯ ᠳᠤ ᠪᠦᠷᠳᠦᠯᠵᠡᠭᠡᠳ ᠪᠠᠢ᠌ᠬᠤ ᠶᠤᠮ ᠁
ᠡᠢ᠌ᠮᠦᠷᠭᠦ ᠡᠭᠢ ᠳᠡᠭᠦᠰᠭᠡᠯ ᠦᠭᠡᠶ᠂ ᠣᠴᠢᠷ ᠣᠬᠠᠭᠠᠨ ᠨᠢ ᠣᠯᠳᠠᠬᠤ ᠦᠭᠡᠶ ᠣᠷᠳᠤ ᠶᠠᠷᠢᠶᠠ ᠪᠣᠯᠠᠭ ᠤᠨ ᠣᠰᠤ ᠠᠳᠠᠯᠢ ᠢᠪᠢᠯᠤᠨ ᠪᠢᠳᠠ ᠬᠤᠶᠠᠷ ᠦᠪᠡᠷ ᠤᠨ ᠶᠠᠷᠢᠶᠠᠨ ᠳᠠᠭᠠᠨ ᠡᠷᠭᠢᠭᠡᠭᠡᠳ ᠶᠠᠳᠠᠷᠠᠴᠢᠬᠠᠳᠠᠭ ᠪᠠᠢ᠌ᠯᠠ᠃ ᠭᠡᠷᠪᠡ ᠣᠳᠠᠯ ᠦᠭᠡᠶ ᠡᠪᠦᠯ ᠤᠨ ᠭᠦᠢᠳᠡᠨ ᠣᠨᠠᠵᠤ᠂ ᠠᠮᠢᠨᠠ ᠶᠢᠨ ᠭᠢᠨ ᠡᠪᠦᠯᠵᠢᠶᠡ ᠳᠡᠭᠡᠨ ᠨᠡᠭᠦᠭᠡᠳ ᠶᠠᠪᠣᠴᠢᠬᠠᠭᠰᠠᠨ ᠦᠭᠡᠶ ᠪᠣᠯ ᠪᠠᠰᠠ ᠶᠠᠭᠤᠨ ᠡᠷᠡᠭᠡ᠂ ᠪᠢ ᠠᠮᠢᠨᠠ ᠪᠠᠨ ᠡᠳᠦᠷ ᠪᠣᠯᠭᠠᠨ ᠡᠯᠳᠡᠨ ᠭᠤᠤᠴᠢᠯᠠᠵᠤ ᠪᠠᠢ᠌ᠭᠠᠤᠨ ᠡᠳᠦᠢ ᠳᠤ ᠳᠤᠯᠤᠭᠠᠢ ᠶᠢ ᠨᠢ ᠡᠷᠭᠢᠭᠦᠯᠤᠨ ᠠᠮᠠ ᠶᠢ ᠨᠢ ᠠᠯᠳᠠᠭᠤᠯᠵᠤ᠂ ᠰᠡᠳᠭᠢᠯ ᠢ ᠨᠢ ᠣᠭᠤᠰᠤᠷᠯᠠᠭᠰᠠᠨ ᠪᠠᠢ᠌ᠵᠤ ᠴᠤ ᠮᠠᠳᠠᠨᠠ᠃ ᠠᠮᠢᠨᠠ ᠶᠢᠨ ᠭᠡᠯᠡᠭ᠍ᠰᠡᠨ ᠠᠯᠢ ᠴᠤ ᠨᠢᠭᠡᠨ ᠥᠭᠡᠨ ᠡᠴᠡ ᠨᠠᠳᠠ ᠦᠴᠦᠭᠡᠨ ᠴᠤ ᠬᠠᠢ᠌ᠷᠠ ᠰᠡᠳᠭᠢᠯ ᠦᠭᠡᠶ ᠭᠡᠦᠭᠡᠨ ᠪᠢᠰᠢ ᠭᠡᠳᠡᠭ᠌ ᠢ ᠪᠢ ᠣᠢ᠌ᠯᠠᠭᠠᠨᠠ᠃ ᠠᠮᠢᠳᠤᠷᠠᠯ ᠳᠤ ᠬᠠᠢ᠌ᠷᠠᠯᠠᠵᠤ ᠳᠤᠭᠤᠭᠰᠠᠨ ᠭᠡᠦᠭᠡᠨ ᠶᠢᠡᠨ ᠰᠡᠳᠭᠢᠯ ᠳᠡᠭᠡᠨ ᠥᠮᠴᠢᠷᠭᠡᠨ ᠬᠠᠳᠠᠭᠠᠯᠠᠵᠤ ᠶᠠᠪᠣᠬᠤ ᠵᠢᠷᠭᠠᠯ ᠲᠡᠶ ᠴᠤ ᠬᠠᠢ᠌ᠷᠠ ᠳᠤᠷᠠᠯᠠᠯ ᠢ ᠨᠢ ᠣᠯᠵᠤ ᠴᠢᠳᠠᠬᠤ ᠦᠭᠡᠶ ᠬᠤᠭᠤᠰᠤᠨ ᠭᠦᠯᠢᠶᠡᠵᠤ ᠰᠠᠭᠤᠬᠤ ᠪᠠᠰᠠ ᠵᠤᠪᠠᠯᠠᠩ ᠲᠡᠶ ᠪᠢᠯᠠ᠃ ᠠᠪᠢᠶᠠᠰᠳᠤ ᠶᠢᠨ ᠮᠡᠷᠭᠡᠯᠡᠭᠦ ᠪᠠᠷ ᠭᠠᠵᠠᠷ ᠣᠰᠤᠨ ᠭᠡᠰᠴᠤ᠂ ᠨᠤᠭᠤᠭᠠ ᠴᠤᠬᠣᠢ᠌ᠨ ᠮᠠᠯ ᠭᠦᠯᠦᠳᠭᠦ ᠦᠶᠡ ᠪᠠᠷ ᠳᠠᠳᠠᠨᠠᠢ᠌ᠭᠢ ᠨᠤᠭᠤᠭᠠᠯᠠᠩ ᠳᠠᠭᠠᠨ ᠨᠡᠭᠦᠭᠡᠳ ᠢᠷᠡᠳᠡᠭ᠌ ᠭᠡᠰᠡᠨ᠃ ᠪᠣᠳᠤᠪᠠᠯ ᠣᠳᠤ ᠨᠡᠭᠦᠵᠤ ᠢᠷᠡᠭᠦ ᠤᠢ᠌ᠷᠠᠳᠤᠭᠰᠠᠨ ᠪᠠᠢ᠌ᠬᠤ ᠶᠤᠰᠤᠳᠠᠢ ᠁
ᠭᠡᠨᠡᠳᠲᠡ ᠪᠠᠢ᠌ᠷᠢ ᠶᠢᠨ ᠡᠭᠦᠳᠡ ᠠᠶᠠᠷᠬᠠᠨ ᠨᠡᠭᠡᠭᠡᠭ᠍ᠳᠡᠵᠤ᠂ ᠰᠢᠷᠤᠢ ᠰᠠᠯᠭᠢᠨ ᠳᠤ ᠨᠢᠭᠤᠷ ᠴᠢᠷᠠᠢ ᠨᠢ ᠪᠣᠷᠵᠠᠢ᠌ᠨ ᠬᠠᠯᠳᠤᠷᠳᠤᠭᠰᠠᠨ ᠠᠪᠢᠶᠠᠰᠳᠤ ᠶᠢᠨ ᠪᠦᠡᠳᠦᠭᠡᠷ ᠳᠤᠯᠤᠭᠠᠢ ᠬᠠᠭᠠᠰ ᠴᠤᠬᠣᠢ᠌ᠭᠠᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠭᠰᠢ ᠡ︕ ᠮᠠᠨ ᠤ ᠭᠡᠷ ᠨᠡᠭᠦᠭᠡᠳ ᠢᠷᠡᠴᠢᠭᠡᠭ᠍ᠰᠡᠨ᠃ ᠮᠢᠨᠤ ᠡᠭᠡᠴᠢ ᠪᠢᠳᠠ ᠬᠤᠶᠠᠷ ᠢ ᠳᠤᠰᠬᠤ ᠪᠠᠷ ᠪᠠᠯᠠᠨ ᠣᠨᠤᠭᠠ ᠲᠡᠶ ᠢᠷᠡᠭᠡᠳ ᠰᠤᠷᠭᠠᠭᠤᠯᠢ ᠶᠢᠨ ᠡᠭᠦᠳᠡᠨ ᠳᠡᠭᠡᠷᠡ ᠭᠦᠯᠢᠶᠡᠵᠤ ᠪᠠᠢ᠌ᠨᠠ ᠭᠡᠵᠤ ᠮᠦᠩᠭᠦᠨ ᠬᠤᠩᠬᠠ ᠠᠳᠠᠯᠢ ᠵᠢᠷᠵᠢᠭᠡᠨᠡᠪᠡ᠃
ᠠᠪᠢᠶᠠᠰᠳᠤ ᠶᠢᠨ ᠭᠡᠯᠡᠭᠦ ᠶᠢ ᠰᠤᠨᠤᠰᠤᠭᠠᠤᠨ ᠪᠣᠳᠤᠯ ᠳᠤ ᠣᠷᠢᠶᠠᠭᠳᠠᠵᠤ ᠭᠡᠪᠳᠡᠭ᠍ᠰᠡᠨ ᠪᠢ ᠣᠷᠤᠨ ᠡᠴᠡ ᠪᠠᠨ ᠬᠤᠪᠬᠤ ᠦᠰᠦᠷᠤᠨ ᠪᠣᠰᠤᠯᠠ᠃ ᠪᠣᠭᠢᠨᠢᠳᠤᠨ ᠭᠤᠨᠢᠵᠤ ᠪᠠᠢ᠌ᠭᠰᠠᠨ ᠪᠠᠶᠠ ᠰᠡᠳᠭᠢᠯ ᠳᠤᠤᠷᠠ ᠪᠠᠨ ᠰᠡᠷᠭᠦᠨ ᠳᠠᠨᠢ᠌ᠵᠤ᠂ ᠣᠢ᠌ᠤᠠᠬᠠᠷ ᠲᠤ ᠳᠤᠨᠤᠭᠰᠠᠨ ᠣᠶᠤᠨ ᠮᠠᠳᠠᠷᠠᠯ ᠤᠨ ᠳᠡᠭ᠍ᠷᠢ ᠪᠠᠷ ᠬᠤᠷᠤᠮᠬᠠᠨ ᠵᠠᠭᠤᠷᠠ ᠪᠢᠯᠢᠭ᠌ ᠤᠨ ᠬᠤᠷᠠ ᠱᠠᠭᠢᠭᠠᠤᠨ ᠥᠩᠭᠡᠷᠡᠭ᠍ᠰᠡᠨ ᠰᠢᠭ᠌ ᠴᠠᠯᠮᠠᠢ᠌ᠨ ᠭᠡᠢ᠌ᠵᠡᠢ᠃ ᠶᠠᠭᠠᠷᠠᠭᠰᠠᠨ ᠭᠦᠭ᠍ᠰᠡᠭ᠍ᠰᠡᠨ ᠳᠡᠭᠡᠨ ᠮᠠᠯᠠᠭᠠᠢ ᠪᠠᠨ ᠴᠤ ᠡᠯᠭᠦᠭᠦ ᠵᠠᠪ ᠦᠭᠡᠶ ᠠᠪᠢᠶᠠᠰᠳᠤ ᠶᠢ ᠪᠣᠷᠪᠢᠳᠠᠨ ᠰᠤᠷᠭᠠᠭᠤᠯᠢ ᠶᠢᠨ ᠡᠭᠦᠳᠡᠨ ᠳᠡᠭᠡᠷᠡ ᠢᠷᠠᠪᠠᠯ ᠠᠮᠢᠨᠠ ᠳᠠᠠᠳᠠ ᠭᠦᠯᠢᠶᠡᠵᠤ ᠪᠠᠢ᠌ᠪᠠ᠃ ᠢᠨᠢᠶᠡᠮᠰᠦᠭ᠍ᠯᠡᠭᠦ ᠪᠦᠷᠢ ᠵᠦᠩᠳᠡᠭᠡᠨ ᠶᠠᠭᠠᠷᠠᠨ ᠣᠯᠠᠢ᠌ᠴᠢᠬᠠᠳᠠᠭ ᠨᠢᠮᠭᠡᠨ ᠪᠣᠷᠤ ᠴᠢᠷᠠᠢ ᠨᠢ ᠨᠠᠷᠠ ᠰᠠᠯᠭᠢᠨ ᠳᠤ ᠵᠢᠭᠠᠬᠠᠨ ᠰᠢᠷᠠᠭᠳᠠᠨ ᠬᠠᠷᠠᠯᠠᠭᠰᠠᠨ ᠨᠢ ᠳᠡᠭᠦᠨ ᠢ ᠣᠯᠠᠮ ᠭᠦᠭᠡᠷᠦᠭᠦᠨ ᠪᠣᠯᠭᠠᠵᠠᠢ᠃ ᠪᠢᠳᠠ ᠠᠮᠤᠷ ᠮᠠᠠᠳᠤ ᠪᠠᠨ ᠠᠰᠠᠭᠤᠯᠴᠠᠨ ᠵᠤᠯᠭᠠᠭᠰᠠᠨ ᠤ ᠳᠠᠷᠠᠭᠠ ᠠᠮᠢᠨᠠ ᠠᠪᠢᠶᠠᠰᠳᠤ ᠪᠢᠳᠠ ᠬᠤᠶᠠᠷ ᠢ ᠴᠢᠭᠢ ᠪᠣᠰᠤᠭᠠ᠂ ᠴᠡᠭᠡᠵᠢ ᠦᠨᠳᠦᠷ ᠭᠡᠭᠡᠷ ᠮᠤᠷᠢᠨ ᠳᠡᠭᠡᠷᠡ ᠪᠠᠨ ᠰᠤᠠᠳᠠᠯᠠᠭᠤᠯᠤᠭᠠᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠ ᠬᠤᠶᠠᠷ ᠳᠦᠷᠦᠭᠦᠯᠦᠭᠡᠳ ᠭᠡᠷ ᠣᠷᠤᠭᠤ ᠶᠠᠪᠣᠵᠤ ᠪᠠᠢ᠃ ᠪᠢ ᠮᠠᠯ ᠶᠢᠡᠨ ᠣᠰᠤᠯᠠᠨ ᠭᠠᠷᠭᠠᠴᠢᠬᠠᠭᠠᠤᠨ ᠳᠠᠨᠤᠰ ᠤᠨ ᠠᠷᠤ ᠡᠴᠡ ᠭᠦᠷᠦᠶᠡ ᠭᠡᠴᠢᠭᠡᠭᠡᠳ ᠴᠠᠰᠢ ᠡᠷᠭᠢᠪᠡ᠃ ᠳᠡᠭᠦᠨ ᠲᠡᠶ ᠬᠠᠮᠳᠤ ᠵᠠᠩᠭᠢᠴᠠᠵᠤ ᠶᠠᠪᠣᠬᠤ ᠡᠨᠡ ᠰᠠᠢ᠌ᠬᠠᠨ ᠵᠠᠪᠰᠢᠶᠠᠨ ᠢ ᠠᠯᠳᠠᠵᠤ ᠶᠠᠭᠠᠮ ᠭᠡᠮᠡᠨ ᠣᠬᠠᠭᠠᠯᠠᠨ ᠠᠮᠵᠢᠭᠰᠠᠨ ᠪᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠰᠡ ᠭᠡᠵᠤ ᠪᠢ ᠪᠠᠰᠠ ᠴᠢᠮᠠ ᠲᠡᠶ ᠬᠠᠮᠳᠤ ᠮᠠᠯ ᠣᠰᠤᠯᠠᠯᠴᠠᠶᠠ᠂ ᠠᠪᠢᠶᠠᠰᠳᠤ ᠭᠡᠷ ᠶᠢᠡᠨ ᠣᠯᠬᠤ ᠦᠭᠡᠶ ᠭᠡᠭᠦ ᠶᠢᠨ ᠪᠢᠰᠢ ᠭᠠᠭᠴᠠᠭᠠᠷ ᠶᠢᠡᠨ ᠬᠠᠷᠢᠵᠤ ᠪᠠᠢ ᠭᠡᠪᠠᠯ ᠠᠮᠢᠨᠠ ᠨᠠᠮᠠ ᠶᠢ ᠳᠤᠨᠤᠷᠠᠳᠠᠯᠠ ᠰᠢᠷᠳᠡᠭᠡᠳ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠠᠨᠤᠰ ᠲᠤ ᠢᠯᠡᠭᠦᠤ ᠣᠨᠤᠭᠠ ᠪᠠᠢ᠌ᠬᠤ ᠦᠭᠡᠶ᠂ ᠳᠠ ᠳᠡᠭᠡᠭᠡᠳ ᠭᠠᠷ ᠶᠢᠡᠨ ᠭᠠᠠᠵᠤᠭᠠᠯᠠᠨ ᠶᠠᠪᠠᠭᠠᠨ ᠠᠯᠬᠤᠭᠠᠤᠨ ᠪᠠᠢ᠌ᠬᠤ ᠭᠡᠷᠡᠭ᠌ ᠦᠦ︖ ᠭᠡᠳ ᠢᠨᠢᠶᠠᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠪᠠᠭᠠᠨ ᠭᠡᠷᠡᠭ᠌ ᠦᠭᠡᠶ ᠮᠥᠯᠭᠦᠭ᠍ᠰᠡᠨ ᠴᠤ ᠳᠤᠷᠠᠳᠠᠢ ᠪᠠᠢ᠌ᠨᠠ ᠭᠡᠳ ᠪᠢ ᠮᠤᠷᠢᠨ ᠡᠴᠡ ᠪᠠᠨ ᠦᠰᠦᠷᠤᠨ ᠪᠠᠭᠤᠯᠠ᠃
ᠳᠤᠩᠭ᠋ᠠᠯᠠᠭ ᠬᠠᠷᠠ ᠣᠰᠤ ᠪᠠᠷ ᠬᠠᠳᠠᠭᠰᠠᠨ ᠭᠤᠤᠯ ᠶᠢᠡᠨ ᠳᠡᠪᠳᠦᠭᠡᠭ᠍ᠰᠡᠨ ᠮᠠᠯ ᠭᠦᠷᠦᠰᠤ ᠨᠠᠪᠳᠠᠯᠤᠨ ᠴᠤᠬᠣᠢ᠌ᠭᠰᠠᠨ ᠨᠢᠯᠬᠠ ᠨᠤᠭᠤᠭᠠ ᠭᠦᠭᠡᠭᠡᠨ ᠳᠡᠷᠭᠡᠭᠡᠳ ᠳᠠᠭᠤᠬᠤ ᠭᠡᠷᠡᠭ᠌ ᠦᠭᠡᠶ ᠪᠠᠯᠴᠢᠭᠡᠷ ᠪᠦᠷᠭᠦᠨ ᠬᠤᠰᠢᠭᠤᠷᠠᠨᠠ᠃ ᠠᠮᠢᠨᠠ ᠪᠢᠳᠠ ᠬᠤᠶᠠᠷ ᠬᠤᠨᠢᠨ ᠤ ᠭᠠᠭᠴᠠ ᠮᠤᠷᠢ ᠪᠠᠨ ᠭᠠᠷ ᠲᠠᠭᠠᠨ ᠭᠦᠳᠦᠯᠤᠨ ᠮᠠᠯ ᠤᠨ ᠬᠣᠢ᠌ᠨᠠ ᠡᠴᠡ ᠵᠡᠷᠭᠡᠴᠡᠨ ᠠᠯᠬᠤᠯᠠᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠠᠩᠬᠠᠨ ᠨᠤᠳᠤᠭ ᠲᠤ ᠭᠠᠭᠴᠠᠭᠠᠷ ᠶᠢᠡᠨ ᠮᠠᠯ ᠬᠠᠷᠢᠭᠤᠯᠵᠤ ᠶᠠᠪᠣᠬᠤ ᠳᠤ ᠨᠠᠮᠠ ᠶᠢ ᠰᠠᠨᠠᠭᠰᠠᠨ ᠦᠦ︖ ᠭᠡᠳ ᠪᠢ ᠠᠮᠢᠨᠠ ᠶᠢ ᠭᠤᠤᠴᠢᠯᠠᠬᠤ ᠳᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠠᠯ ᠬᠠᠷᠢᠭᠤᠯᠵᠤ ᠶᠠᠪᠣᠬᠤ ᠳᠤ ᠭᠡᠵᠢᠶᠡ ᠨᠢ ᠭᠦᠮᠤᠨ ᠢ ᠰᠠᠨᠠᠬᠤ ᠴᠢᠯᠦᠭᠡ ᠪᠠᠢ᠌ᠳᠠᠭ ᠶᠤᠮ ᠭᠡᠵᠤ ᠠᠮᠢᠨᠠ ᠭᠡᠳᠡᠷᠭᠦ ᠵᠦᠷᠢᠴᠢᠯᠠᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠠᠯᠤᠯᠴᠠᠭᠰᠠᠨ ᠡᠴᠡ ᠬᠣᠢ᠌ᠰᠢ ᠨᠠᠳᠠ ᠬᠠᠷᠢᠨ ᠴᠢᠮᠠ ᠶᠢ ᠰᠠᠨᠠᠬᠤ ᠦᠭᠡᠶ ᠪᠠᠢ᠌ᠬᠤ ᠴᠢᠯᠦᠭᠡ ᠭᠠᠷᠤᠭᠰᠠᠨ ᠦᠭᠡᠶ ᠭᠡᠪᠠᠯ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠠᠯ ᠣᠷᠤᠭᠤ ᠬᠤᠷᠭᠤᠳᠠᠵᠤ᠂ ᠪᠠᠶᠠ ᠪᠠᠨ ᠬᠠᠷᠢᠭᠤᠯᠤᠭᠰᠠᠨ ᠭᠦᠮᠤᠨ ᠳᠤ ᠭᠡᠨ ᠢ ᠰᠠᠨᠠᠬᠤ ᠴᠢᠯᠦᠭᠡ ᠭᠠᠷᠬᠤ ᠦᠭᠡᠶ ᠪᠣᠢ ᠭᠡᠳ ᠥᠭᠡ ᠢᠳᠡᠭᠦᠯᠦᠨᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠠᠮᠠ ᠶᠢ ᠭᠦᠯᠢᠶᠡᠯᠭᠡᠭᠡᠳ ᠭᠠᠯᠵᠠᠭᠤᠷᠠᠭᠤᠯᠬᠤ ᠰᠢᠬᠠᠵᠤ ᠪᠠᠢ᠌ᠭᠠ ᠪᠠᠶᠠᠷ ᠤᠨ ᠴᠢᠮᠡᠭᠡ ᠪᠠᠨ ᠭᠡᠵᠢᠶᠡ ᠰᠤᠨᠤᠰᠬᠠᠬᠤ ᠪᠠᠷ ᠪᠠᠢ᠌ᠨᠠ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠡᠷᠡᠭᠦ ᠦᠭᠡᠶ ᠪᠣᠯ ᠰᠠᠢ᠌ᠬᠠᠨ ᠵᠡᠭᠦᠳᠤ ᠪᠠᠢ᠌ᠨᠠ ᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠡᠭᠦᠳᠤᠨ ᠳᠡᠭᠡᠨ ᠪᠢᠰᠢ᠂ ᠵᠢᠷᠦᠭᠡᠨ ᠳᠡᠭᠡᠨ ᠭᠦᠯᠢᠶᠡᠵᠤ ᠪᠠᠢ᠌ᠭᠠ ᠳ᠋ᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠭᠤᠨᠤ ᠶᠢᠨ ᠳᠤᠤᠷᠠᠭᠢ ᠣᠨᠠᠭᠠᠤᠨ ᠢᠷᠡᠭᠦ ᠶᠢ ᠭᠦᠯᠢᠶᠡᠭ᠍ᠰᠡᠭᠡᠷ ᠪᠠᠢ᠌ᠭᠠᠤᠨ ᠥᠨᠡᠭᠡ ᠦᠯᠪᠠᠷᠴᠤ ᠥᠭᠦᠯᠡ ᠭᠡᠰᠡᠨ ᠢ ᠰᠤᠨᠤᠰᠤᠭᠰᠠᠨ ᠦᠭᠡᠶ ᠦᠦ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠨᠠᠮᠠ ᠶᠢ ᠥᠨᠡᠭᠡᠷ ᠳᠤᠭᠤᠬᠤ ᠦᠭᠡᠶ ᠪᠠᠢ᠌ᠨᠠ ᠦᠦ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠶᠠᠭᠤ ᠭᠡᠵᠤ ᠡᠳᠦᠷ ᠰᠦᠨᠢ ᠦᠭᠡᠶ ᠡ᠊ᠨᠳᠡ ᠡᠴᠡ ᠶᠠᠪᠣᠬᠤ ᠪᠠᠨ ᠪᠣᠳᠤᠭᠠᠤᠨ ᠪᠠᠢ᠌ᠳᠠᠭ ᠬᠤᠳᠠ ᠶᠢᠨ ᠵᠠᠯᠠᠭᠤ ᠲᠡᠶ ᠬᠤᠪᠢ ᠵᠠᠶᠠᠭᠠ ᠪᠠᠨ ᠬᠤᠯᠪᠣᠬᠤ ᠪᠢᠯᠠ ⁈
ᠠᠮᠢᠨᠠ ᠶᠠᠭ ᠰᠠᠨᠠᠭᠠ ᠶᠢ ᠮᠢᠨᠢ ᠨᠠᠪᠳᠠ ᠥᠵᠡᠭ᠍ᠰᠡᠨ ᠰᠢᠭ᠌ ᠰᠢᠷᠬᠠ ᠲᠡᠶ ᠭᠠᠵᠠᠷ ᠡᠴᠡ ᠨᠢᠳᠤᠷᠤᠭᠠᠤᠨ ᠠᠪᠬᠤ ᠳᠤ ᠨᠠᠳᠠ ᠬᠠᠷᠢᠭᠤᠯᠬᠤ ᠥᠭᠡ ᠣᠯᠳᠠᠭᠰᠠᠨ ᠦᠭᠡᠶ᠃ ᠦᠨᠡᠨ ᠢ ᠭᠡᠯᠡᠭᠦ ᠳᠤ ᠨᠠᠳᠠ ᠡ᠊ᠨᠳᠡ ᠨᠤᠳᠤᠭᠯᠠᠨ ᠰᠠᠭᠤᠷᠢᠰᠢᠵᠤ ᠠᠢ᠌ᠯ ᠭᠡᠷ ᠪᠠᠢ᠌ᠭᠤᠯᠬᠤ ᠰᠠᠨᠠᠭᠠ ᠣᠷᠭᠤᠭᠠ ᠦᠭᠡᠶ ᠪᠦᠭᠡᠳ ᠠᠮᠢᠨᠠ ᠶᠢ ᠬᠠᠢ᠌ᠷᠠᠯᠠᠨ ᠳᠤᠭᠤᠳᠠᠭ ᠴᠤ ᠳᠡᠭᠦᠨ ᠳᠤ ᠣᠶᠠᠭᠳᠠᠨ ᠡᠯᠡᠰᠦᠳᠡᠢ ᠨᠤᠳᠤᠭ ᠤᠨ ᠡᠯᠡᠰᠤ ᠰᠠᠢ᠌ᠷ ᠳᠤᠳᠤᠷᠠ ᠬᠠᠢ᠌ᠷᠠᠨ ᠨᠠᠰᠤ ᠪᠠᠨ ᠬᠠᠷᠠᠯᠠᠭᠤᠯᠬᠤ ᠭᠡᠮᠡᠨ ᠭᠡᠵᠢᠶᠡ ᠴᠤ ᠪᠣᠳᠤᠭᠠ ᠦᠭᠡᠶ ᠪᠢᠯᠠ᠃ ᠠᠮᠢᠨᠠ ᠲᠡᠶ ᠦᠰᠦ ᠪᠠᠨ ᠬᠤᠯᠪᠣᠪᠠᠯ ᠶᠠᠮᠠᠷ ᠡᠨᠡ ᠨᠤᠳᠤᠭ ᠲᠤ ᠨᠠᠰᠤ ᠪᠠᠷ ᠬᠤᠷᠭᠤᠳᠠᠬᠤ ᠠᠯᠪᠠ ᠲᠡᠶ ᠴᠤ ᠪᠢᠰᠢ ᠭᠡᠵᠤ ᠪᠠᠶᠠ ᠳᠡᠭᠡᠨ ᠵᠤᠷᠢᠭ ᠦᠭᠭᠦᠨ ᠰᠡᠳᠭᠢᠯ ᠶᠢᠡᠨ ᠵᠠᠰᠠᠳᠠᠭ ᠪᠠᠢ᠌ᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠠᠭᠢᠪᠠ︖ ᠭᠡᠨᠡᠳᠲᠡ ᠳᠠᠭ ᠪᠣᠯᠴᠢᠬᠠᠳᠠᠭ︖ ᠡᠪᠠᠦᠡᠴᠢᠳᠡᠢ ᠭᠠᠵᠠᠷ ᠡᠴᠡ ᠨᠢ ᠬᠠᠵᠠᠭᠠᠤᠨ ᠠᠪᠬᠤ ᠳᠤ ᠡᠪᠠᠳᠦᠯᠡ ᠪᠢᠵᠠ︖ ᠭᠡᠳ ᠠᠮᠢᠨᠠ ᠦᠷᠭᠦᠯᠵᠢᠯᠡᠨ ᠱᠤᠭᠯᠠᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠥᠭᠡᠷ ᠡ︕ ᠭᠡᠯᠡᠯᠴᠡᠭᠡᠳ ᠪᠢ ᠭᠡᠵᠢᠶᠡ ᠴᠢᠮᠠ ᠶᠢ ᠳᠡᠢ᠌ᠯᠳᠡᠭ᠌ ᠪᠠᠢ᠌ᠯᠠ ᠭᠡᠳ ᠪᠢ ᠦᠨᠡᠨ ᠶᠢᠡᠨ ᠭᠡᠯᠡᠯᠡ᠃
ᠣᠷᠤᠢ ᠨᠢ ᠠᠮᠢᠨᠠ᠂ ᠠᠪᠢᠶᠠᠰᠳᠤ ᠪᠢᠳᠠ ᠭᠤᠷᠪᠠᠭᠤᠯᠠ ᠳᠠᠳᠠᠨ ᠤ ᠢᠯᠡᠭᠦᠤ ᠭᠡᠷ ᠲᠤ ᠰᠦᠨᠢ ᠬᠠᠭᠠᠰᠯᠠᠳᠠᠯᠠ ᠪᠣᠭᠤ ᠳᠠᠯᠪᠢᠨ ᠬᠤᠵᠢᠷᠬᠠᠢ ᠪᠠᠨ ᠳᠠᠨᠢ᠌ᠳᠠᠯᠠ ᠨᠠᠭᠠᠳᠪᠠ᠃ ᠨᠠᠷᠢᠨ ᠣᠢ᠌ᠯᠠ ᠲᠡᠶ᠂ ᠴᠠᠪᠠᠷ ᠢᠴᠢᠮᠡᠳᠡᠭᠡᠢ ᠳᠡᠭᠡᠷᠡ ᠪᠠᠨ ᠰᠡᠷᠭᠦᠯᠡᠩ ᠣᠬᠠᠭᠠᠯᠢᠭ ᠠᠮᠢᠨᠠ ᠶᠢᠨ ᠭᠦᠭᠡᠷᠦᠭᠦᠨ ᠳᠦᠷᠢ ᠮᠦᠴᠡ ᠬᠤᠷᠤᠭᠳᠠᠬᠤ ᠳᠤᠰᠤᠮ ᠮᠢᠨᠤ ᠰᠡᠳᠭᠢᠯ ᠤᠨ ᠭᠦᠨ ᠣᠷᠤᠭᠤ ᠠᠭᠤᠰᠤᠨ ᠰᠢᠩᠭᠡᠵᠤ᠂ ᠠᠮᠢᠳᠤᠷᠠᠯ ᠣᠢ᠌ᠯᠠᠰ ᠤᠨ ᠠᠯᠳᠠᠨ ᠵᠢᠯᠤᠭᠤ ᠪᠣᠯᠤᠨ ᠠᠮᠢ ᠨᠠᠰᠤᠨ ᠤ ᠠᠷᠢᠭᠤᠨ ᠪᠣᠯᠠᠭ ᠲᠤ ᠴᠢᠯᠠᠭᠤ ᠪᠣᠯᠤᠨ ᠳᠤᠨᠤᠵᠠᠢ᠃ ᠠᠮᠢᠳᠤᠷᠠᠯ ᠳᠤ ᠮᠢᠨᠢ ᠠᠮᠢᠨᠠ ᠦᠭᠡᠶ ᠪᠠᠷ ᠴᠠᠭ ᠡᠳᠦᠷ ᠴᠠᠰᠢ ᠪᠠᠨ ᠵᠢᠭᠠᠬᠠᠨ ᠴᠤ ᠭᠤᠯᠭᠤᠵᠤ ᠦᠭᠭᠦ ᠦᠭᠡᠶ ᠶᠤᠮ ᠰᠢᠭ ᠰᠠᠨᠠᠭᠳᠠᠭᠰᠠᠨ ᠨᠢ ᠬᠤᠳᠠᠯ ᠪᠢᠰᠢ ᠪᠠᠢ᠌ᠯᠠ᠃
ᠭᠡᠰᠡᠭ᠌ ᠭᠦᠭᠡᠷᠦᠯᠳᠦᠭᠡᠳ ᠭᠡᠳᠦᠷᠭᠡᠢ ᠣᠷᠣᠢ᠌ᠳᠠᠬᠤ ᠡᠴᠡ ᠪᠣᠯᠭᠤᠮᠵᠢᠯᠠᠨ ᠪᠢᠳᠠ ᠭᠤᠷᠪᠠᠭᠤᠯᠠ ᠨᠠᠭᠠᠳᠤᠮ ᠶᠢᠡᠨ ᠬᠤᠷᠢᠶᠠᠵᠤ ᠠᠮᠠᠷᠠᠯᠠ᠃ ᠠᠷᠪᠠᠤᠨ ᠤᠨ ᠰᠠᠷᠠᠨ ᠤ ᠠᠷᠢᠭᠤᠨ ᠭᠡᠷᠡᠯ ᠳᠤᠭᠤᠨᠤ ᠪᠠᠷ ᠰᠠᠴᠤᠷᠠᠨ ᠠᠰᠬᠠᠷᠠᠵᠤ ᠭᠡᠷ ᠳᠤᠳᠤᠷᠠ ᠡᠳᠦᠷ ᠮᠠᠳᠤ ᠰᠠᠷᠠᠭᠤᠯ᠃ ᠨᠠᠳᠠ ᠲᠡᠶ ᠵᠡᠷᠭᠡᠴᠡᠨ ᠭᠡᠪᠳᠡᠭ᠍ᠰᠡᠨ ᠠᠪᠢᠶᠠᠰᠳᠤ ᠣᠳᠠᠭᠰᠠᠨ ᠦᠭᠡᠶ ᠣᠠᠳᠠᠭᠠᠤᠨ ᠦᠭᠭᠦᠯᠡ᠃ ᠭᠡᠷ ᠤᠨ ᠵᠡᠭᠦᠨ ᠬᠠᠶᠠᠭᠠ ᠪᠠᠷ ᠭᠡᠪᠳᠡᠭᠡ ᠠᠮᠢᠨᠠ ᠴᠤ ᠦᠷᠭᠡᠯᠡᠵᠤ ᠡᠭᠢᠯᠡᠭᠡ ᠪᠣᠯᠤᠯᠳᠠᠢ ᠵᠥᠭᠡᠯᠡᠨ ᠵᠥᠭᠡᠯᠡᠨ ᠠᠮᠢᠰᠬᠤᠨᠠ᠃ ᠬᠠᠷᠢᠨ ᠭᠡᠷᠡᠭ᠌ ᠦᠭᠡᠶ ᠳᠤ ᠴᠠᠳᠬᠤᠯᠠᠩ ᠮᠤᠤᠷ ᠰᠢᠭ ᠣᠠᠳᠠᠬᠤ ᠪᠠᠨ ᠭᠢᠭᠡᠳ ᠪᠠᠢ᠌ᠳᠠᠭ ᠮᠢᠨᠤ ᠨᠣᠢ᠌ᠷ ᠢ ᠨᠤᠬᠠᠢ ᠳᠤᠯᠢᠶᠠᠴᠢᠬᠠᠵᠠᠢ᠃ ᠡᠯᠳᠡᠪ ᠤᠨ ᠳᠤᠯᠤᠭᠠᠨ ᠪᠣᠳᠤᠯ ᠰᠡᠳᠭᠢᠯ ᠳᠤ ᠡᠷᠭᠢᠯᠳᠤᠨ ᠳᠤᠳᠤᠷᠠ ᠣᠢ᠌ᠮᠤᠷᠠᠨᠠ᠃ ᠠᠮᠢᠨᠠ ᠶᠢᠨ ᠡᠪᠦᠷ ᠣᠷᠤᠭᠤ ᠱᠠᠯᠠ ᠶᠢᠨ ᠭᠦᠷᠪᠠᠯ ᠠᠳᠠᠯᠢ ᠮᠥᠯᠭᠦᠭᠡᠳ ᠣᠷᠤᠪᠠᠯ ᠶᠠᠭᠠᠭᠢᠳᠠᠭ ᠪᠣᠯ ᠭᠡᠵᠤ ᠭᠡᠰᠡᠭ᠌ ᠠᠢ᠌ᠮᠤᠷᠠᠯᠠ᠃ ᠭᠡᠪᠠᠴᠤ ᠠᠢ᠌ᠯ ᠤᠨ ᠭᠡᠦᠭᠡᠨ ᠤ ᠴᠤᠬᠤᠮ ᠰᠠᠨᠠᠭᠠ ᠶᠢ ᠣᠢ᠌ᠯᠠᠭᠠᠭᠠᠤᠨ ᠦᠭᠡᠶ ᠬᠣᠢ᠌ᠨᠠ ᠭᠡᠳᠤ ᠴᠦᠯᠢᠰᠳᠠᠵᠤ ᠪᠠᠢ᠌ᠭᠠᠤᠨ ᠬᠤᠭᠤᠰᠤᠨ ᠬᠤᠴᠤᠷᠬᠤ ᠪᠠᠨ ᠪᠠᠢ᠌ᠶᠠ ᠭᠡᠵᠤ ᠪᠠᠶᠠ ᠪᠠᠨ ᠪᠠᠷᠢᠪᠠ᠃ ᠠᠮᠢᠨᠠ ᠮᠢᠨᠤ ᠬᠠᠢ᠌ᠷᠠ ᠳᠤᠷᠠᠯᠠᠯ᠂ ᠦᠨᠡᠠᠴᠢ ᠰᠡᠳᠭᠢᠯ ᠢ ᠮᠡᠳᠡᠭ᠍ᠰᠡᠭᠡᠷ ᠪᠠᠢ᠌ᠭᠠᠤᠨ ᠮᠡᠳᠡᠭ᠍ᠰᠡᠨ ᠦᠭᠡᠶ ᠶᠤᠮ ᠰᠢᠭ ᠭᠦᠡᠳᠡᠢ᠌ᠷᠡᠵᠤ ᠶᠠᠪᠣᠬᠤ ᠳᠤ ᠳᠡᠭᠦᠨ ᠤ ᠪᠣᠳᠤᠯ ᠰᠡᠳᠭᠢᠯ ᠤᠨ ᠨᠠᠷᠢᠨ ᠭᠦᠯᠢᠶᠡᠰᠤ ᠶᠢ ᠳᠠᠢ᠌ᠯᠤᠨ ᠠᠯᠳᠠᠷᠭᠠᠬᠤ ᠳᠤᠷᠠ ᠭᠦᠰᠡᠯ ᠤᠨ ᠵᠥᠭᠡᠯᠡᠨ ᠭᠠᠯ ᠵᠢᠷᠦᠭᠡᠨ ᠳᠤ ᠠᠰᠠᠨ ᠳᠦᠷᠠᠯᠵᠠᠨᠠ᠃ ᠴᠣᠢ᠌ᠳᠠᠩ ᠤᠨ ᠳᠤᠯᠤᠭᠠᠢ ᠰᠢᠭ ᠭᠡᠨᠡᠳᠲᠡ ᠠᠰᠠᠭᠰᠠᠨ ᠠᠩᠬᠠᠨ ᠬᠠᠢ᠌ᠷᠠ ᠶᠢᠨ ᠭᠠᠯ ᠭᠡᠵᠤ ᠨᠠᠷᠠ ᠦᠭᠡᠶ ᠳᠣᠢ᠌ᠮᠠᠷ ᠪᠠᠢ᠌ᠵᠠᠢ᠃ ᠨᠢᠭᠡ ᠰᠢᠳᠠᠭᠰᠠᠨ ᠴᠠᠭ ᠲᠤ ᠳᠠᠭᠢᠵᠤ ᠣᠠᠳᠠᠷᠭᠠᠨᠠ ᠭᠡᠳᠡᠭ᠌ ᠪᠠᠯᠪᠠᠷᠠᠭᠰᠠᠨ ᠱᠠᠵᠠᠩ ᠢ ᠵᠥᠢᠭᠦ ᠰᠢᠭ᠌ ᠭᠦᠴᠢᠷ ᠪᠢᠯᠠ᠃ ᠶᠠᠷᠤ ᠨᠢ ᠳᠤᠷᠠᠯᠠᠯ ᠬᠠᠢ᠌ᠷᠠ ᠭᠡᠭ᠍ᠴᠢ ᠶᠢ ᠠᠷᠭᠠᠳᠠᠵᠤ ᠪᠣᠯᠬᠤ ᠡᠴᠡ ᠪᠢᠰᠢ ᠠᠯᠪᠠᠳᠠᠵᠤ ᠪᠣᠯᠳᠠᠭ ᠦᠭᠡᠶ ᠬᠠᠤᠯᠢ ᠲᠡᠶ ᠪᠠᠢ᠌ᠪᠠ ᠦᠦ⁈ ᠪᠣᠳᠤᠭᠰᠠᠭᠠᠷ ᠪᠠᠢ᠌ᠳᠠᠯᠠ ᠭᠡᠨᠡᠳᠲᠡ ᠪᠣᠳᠤᠯ ᠳᠤ ᠳᠤᠭᠤᠰ ᠣᠷᠤᠵᠤ ᠢᠷᠠᠪᠠ᠃ ᠦᠯᠢᠭᠡᠷ ᠶᠡᠭᠡᠳᠡᠢ ᠭᠦᠮᠤᠨ ᠤ ᠠᠮᠢᠳᠤᠷᠠᠯ ᠳᠤ ᠶᠠᠭᠤᠨ ᠡᠰᠡ ᠬᠠᠷᠭᠤᠨᠠ ᠪᠣᠢ᠂ ᠡᠯᠳᠡᠪ ᠤᠨ ᠶᠢᠰᠤᠨ ᠥᠩᠭᠡ ᠪᠠᠷ ᠡᠷᠢᠶᠡᠯᠡᠵᠤ ᠭᠤᠶᠤᠯᠠᠬᠤ ᠳᠤᠷᠠᠳᠠᠢ ᠭᠠᠩᠭ᠋ᠠᠩ ᠳᠤᠭᠤᠰ ᠭᠡᠵᠤ ᠮᠢᠨᠤ ᠠᠬᠠ ᠶᠢᠨ ᠪᠠᠢ᠌ᠭᠤᠯᠭᠠ ᠶᠢᠨ ᠳᠠᠷᠤᠭᠠ ᠶᠢᠨ ᠭᠠᠭᠴᠠ ᠭᠡᠦᠭᠡᠨ ᠶᠤᠮ᠃ ᠪᠢ ᠳᠡᠭᠦᠨ ᠲᠡᠶ ᠡᠨᠡ ᠡᠪᠦᠯ ᠤᠨ ᠴᠢᠯᠦᠭᠡᠨ ᠳᠤ ᠠᠬᠠ ᠶᠢᠨ ᠠᠯᠪᠠᠳᠠᠯᠭᠠ ᠪᠠᠷ ᠰᠠᠶᠢ ᠳᠠᠨᠢᠯᠴᠠᠭᠰᠠᠨ ᠪᠢᠯᠠ᠃ ᠳᠤᠭᠤᠰ ᠲᠤ ᠳᠤᠭᠳᠠᠭᠰᠠᠨ ᠠᠵᠢᠯ ᠦᠭᠡᠶ ᠪᠣᠯᠬᠤᠷ ᠬᠤᠳᠠ ᠶᠢᠨ ᠨᠢᠭᠡᠨ ᠰᠡᠯᠡᠭᠦᠨ ᠭᠤᠳᠤᠮᠵᠢᠨ ᠡᠴᠡ ᠪᠠᠢ᠌ᠰᠢᠩ ᠭᠦᠯᠦᠰᠦᠯᠡᠵᠤ ᠮᠠᠵᠢᠶᠠᠩ ᠳᠤᠭᠯᠠᠬᠠᠤ ᠭᠠᠵᠠᠷ ᠡᠷᠭᠢᠯᠡᠵᠤ ᠪᠠᠢ᠌ᠳᠠᠭ᠃ ᠮᠤᠩᠭ᠋ᠤᠯᠴᠤᠳ ᠤᠨ ᠭᠠᠭᠴᠠ ᠮᠡᠳᠡᠳᠡᠭ᠌ ᠮᠠᠢ᠌ᠮᠠᠢ ᠨᠢ ᠮᠠᠵᠢᠶᠠᠩ ᠨᠠᠭᠠᠳᠬᠤ ᠭᠠᠵᠠᠷ ᠡᠷᠭᠢᠯᠡᠭᠦ ᠠᠵᠢᠯ ᠳᠤᠯᠠ ᠡᠭᠦᠨ ᠳᠡᠭᠡᠨ ᠳᠤᠭᠤᠰ ᠴᠤ ᠴᠠᠭᠠᠷᠠᠭᠰᠠᠨ ᠭᠠᠷ ᠪᠠᠢ᠌ᠵᠤ᠂ ᠦᠷᠯᠦᠭᠡ ᠪᠣᠰᠤᠭᠰᠤᠭᠠᠷ ᠡᠰᠢ ᠳᠠᠰᠢ ᠣᠳᠠᠰᠤᠳᠠᠨ ᠭᠢᠳᠠᠯ ᠠᠯᠳᠠᠭᠰᠠᠨ ᠭᠡᠰᠦᠭᠦᠯ ᠭᠦᠮᠦᠰ ᠢ ᠬᠤᠷᠢᠶᠠᠭᠠᠤᠨ ᠡᠳᠦᠷᠵᠢᠨ ᠰᠢᠷᠡᠭᠡ ᠬᠠᠷᠢᠭᠤᠯᠤᠨ ᠣᠯᠵᠠ ᠣᠮᠤᠭ ᠲᠡᠶ ᠰᠠᠭᠤᠨᠠ᠃ 《ᠴᠢ ᠭᠡᠷᠪᠡ ᠬᠤᠷᠳᠤᠨ ᠠᠵᠢᠯ ᠰᠢᠯᠵᠢᠶᠠ ᠭᠡᠵᠤ ᠪᠣᠳᠤᠪᠠᠯ ᠳᠠᠷᠣᠢ᠌ᠬᠠᠨ ᠮᠠᠨ ᠤ ᠳᠠᠷᠤᠭᠠ ᠶᠢᠨ ᠭᠡᠦᠭᠡᠨ ᠤ ᠳᠤᠯᠤᠭᠠᠢ ᠶᠢ ᠡᠷᠭᠢᠭᠦᠯᠵᠤ ᠠᠪ》 ᠭᠡᠮᠡᠨ ᠦᠷᠭᠦᠯᠵᠢ ᠴᠢᠭᠢ ᠢᠳᠡᠭᠡᠳ ᠰᠠᠭᠤᠯᠭᠠᠳᠠᠭ ᠦᠭᠡᠶ ᠠᠬᠠ ᠶᠢᠨ ᠶᠠᠩᠰᠢᠯᠭᠠ ᠪᠠᠷ ᠪᠢ ᠠᠷᠭᠠ ᠦᠭᠡᠶ ᠳᠤᠭᠤᠰ ᠲᠡᠶ ᠬᠠᠷᠠ ᠭᠦᠴᠤ ᠪᠠᠷ ᠤᠢ᠌ᠷᠠᠳᠤᠵᠤ ᠡᠭᠢᠯᠡᠭ᠍ᠰᠡᠨ᠃ ᠮᠦᠩᠭᠦ ᠲᠡᠶ ᠯᠠ ᠪᠣᠯ ᠭᠠᠩᠭ᠋ᠠᠩ ᠳᠤᠭᠤᠰ ᠢ ᠣᠷᠭᠠᠯᠠᠬᠤ ᠭᠡᠭ᠍ᠴᠢ ᠭᠠᠷ ᠣᠷᠪᠠᠭᠤᠯᠬᠤ ᠰᠢᠭ ᠠᠮᠠᠷ ᠶᠠᠪᠣᠳᠠᠯ ᠪᠢᠯᠠ᠃ ᠭᠡᠳᠤᠨ ᠣᠳᠠᠭᠠ ᠳᠠᠭᠠᠭᠤᠯᠤᠨ ᠬᠤᠭᠤᠯᠠᠨ ᠭᠡᠷ ᠶᠢᠡᠷ ᠪᠠᠭᠤᠵᠤ᠂ ᠰᠢᠨᠠ ᠴᠠᠭ ᠤᠨ ᠬᠤᠪᠴᠠᠰᠤᠨ ᠡᠴᠡ ᠳᠤᠷᠠ ᠪᠠᠷ ᠨᠢ ᠬᠤᠶᠠᠷ ᠵᠠᠬᠠ ᠠᠪᠣᠭᠠᠤᠨ ᠥᠭ᠍ᠴᠢᠭᠡᠭ᠍ᠰᠡᠨ ᠴᠢᠨᠢ ᠨᠠᠳᠠ ᠲᠡᠶ ᠱᠠᠯᠵᠠ ᠠᠳᠠᠯᠢ ᠨᠠᠭᠠᠯᠳᠤᠭᠠᠤᠨ ᠰᠠᠯᠬᠤ ᠦᠭᠡᠶ ᠪᠣᠯᠪᠠ᠃ 《ᠭᠡᠦᠭᠡᠨ ᠲᠡᠶ ᠨᠢ ᠰᠠᠢ᠌ᠨ ᠪᠣᠯᠤᠭᠰᠠᠨ ᠶᠢᠡᠨ ᠵᠠᠪᠠᠯ ᠠᠪᠣ ᠳᠤ ᠨᠢ ᠮᠡᠳᠡᠭᠦᠯᠭᠦ ᠭᠡᠷᠡᠭ᠍ᠳᠡᠢ》 ᠭᠡᠵᠤ ᠠᠬᠠ ᠪᠠᠰᠠ ᠴᠢᠭᠢ ᠰᠠᠨᠠᠭᠠ ᠬᠤᠶᠠᠷ ᠠᠮᠠᠷᠭᠠᠬᠤ ᠦᠭᠡᠶ ᠪᠣᠯᠬᠤᠷ ᠪᠢ ᠳᠤᠷᠠ ᠲᠡᠶ ᠳᠤᠷᠠ ᠦᠭᠡᠶ ᠭᠡᠦᠭᠡᠨ ᠳᠤ ᠨᠢ ᠴᠢᠷᠦᠭ᠍ᠳᠡᠨ ᠪᠦᠳᠦᠭᠦᠨ ᠳᠠᠷᠤᠭᠠ ᠶᠢᠨ ᠭᠡᠷ ᠶᠢᠡᠷ ᠪᠦᠳᠤᠨ ᠭᠠᠷᠠᠭ ᠭᠡᠯᠳᠡᠢ ᠣᠷᠤᠵᠤ ᠭᠠᠷᠴᠠᠢ᠃ ᠭᠠᠪ ᠳᠠᠭᠠᠷᠠᠭᠰᠠᠨ ᠦᠭᠡᠶ ᠭᠡᠭᠦ ᠡᠴᠡ ᠪᠢᠰᠢ ᠭᠡᠷᠪᠡ ᠭᠠᠪ ᠳᠠᠭᠠᠷᠠᠭᠰᠠᠨ ᠪᠣᠯ ᠭᠠᠩᠭ᠋ᠠᠩ ᠳᠤᠭᠤᠰ ᠮᠢᠨᠤ ᠡᠪᠦᠷ ᠣᠷᠤᠭᠤ ᠱᠠᠯᠳᠠᠩ ᠰᠢᠷᠭᠤᠭᠠᠤᠨ ᠢᠷᠡᠭᠦ ᠡᠴᠡ ᠴᠤ ᠪᠣᠴᠠᠬᠤ ᠦᠭᠡᠶ ᠨᠢᠭᠤᠷ ᠲᠡᠶ ᠭᠡᠦᠭᠡᠨ ᠪᠠᠢ᠌ᠯᠠ᠃
ᠴᠢᠯᠦᠭᠡᠨ ᠤ ᠬᠤᠭᠤᠴᠠᠭᠠ ᠳᠠᠭᠤᠰᠤᠭᠠᠤᠨ ᠨᠠᠰᠢ ᠮᠤᠷᠳᠠᠳᠠᠭ ᠦᠷᠯᠦᠭᠡ ᠳᠤᠭᠤᠰ ᠨᠢᠭᠡ ᠣᠯᠠᠨ ᠰᠠᠪᠠ ᠲᠡᠶ ᠢᠳᠡᠭᠡᠨ ᠣᠮᠳᠠᠭᠠᠨ ᠳᠡᠭᠦᠵᠢᠯᠡᠨ ᠢᠷᠡᠭᠡᠳ ᠮᠢᠨᠤ ᠪᠣᠭᠴᠤᠨ ᠳᠤ ᠪᠦᠨᠳᠣᠢ᠌ᠳᠠᠯᠠ ᠴᠢᠭᠢᠭᠡᠳ ᠵᠤᠭᠰᠤᠭᠰᠠᠨ ᠦᠭᠡᠶ ᠶᠠᠭ ᠯᠠ ᠮᠢᠨᠤ ᠪᠦᠰᠡᠭᠦᠢ ᠶᠤᠮ ᠰᠢᠭ ᠭᠡᠷᠡᠭ᠌ ᠲᠠᠢ ᠭᠡᠷᠡᠭ᠌ ᠦᠭᠡᠶ ᠠᠷᠪᠢᠨ ᠶᠠᠭᠤᠮᠠ ᠵᠠᠭᠢᠨ ᠰᠠᠨᠠᠭᠤᠯᠵᠤ ᠪᠢᠯᠠ᠃ ᠡᠨᠡ ᠪᠠᠢ᠌ᠳᠠᠯ ᠢ ᠬᠠᠵᠠᠭᠤ ᠡᠴᠡ ᠬᠠᠷᠠᠭᠰᠠᠨ ᠮᠠᠨ ᠤ ᠠᠬᠠ ᠶᠡᠭᠡᠯᠡ ᠯᠠ ᠭᠡᠰᠭᠦᠯᠡᠩ ᠴᠢᠷᠠᠢ᠌ᠯᠠᠨ 《ᠮᠢᠨᠤ ᠳᠡᠭᠦᠤ ᠰᠠᠨᠠᠭᠠ ᠠᠮᠠᠷ ᠶᠠᠪᠣᠭᠠᠤᠨ ᠠᠵᠢᠯᠯᠠᠵᠤ ᠪᠠᠢ︕ ᠣᠳᠠᠯ ᠦᠭᠡᠶ ᠰᠠᠢ᠌ᠨ ᠴᠢᠮᠡᠭᠡ ᠣᠯᠤᠭᠠᠤᠨ ᠰᠤᠨᠤᠰᠤᠨᠠ》 ᠭᠡᠳ ᠠᠮᠠᠨ ᠳᠠᠪᠠ ᠪᠠᠷ ᠶᠢᠡᠨ ᠦᠯᠢᠶᠠᠵᠤ ᠪᠠᠢ᠌ᠭᠰᠠᠨ᠃ ᠰᠤᠷᠭᠠᠭᠤᠯᠢ ᠳᠤ ᠢᠷᠡᠭ᠍ᠰᠡᠨ ᠤ ᠳᠠᠷᠠᠭᠠ ᠴᠤ ᠳᠤᠭᠤᠰ ᠪᠠᠢ᠌ᠰᠭᠢᠭᠠᠤᠨ ᠵᠠᠭᠢᠳᠠᠯ ᠪᠢᠰᠢ ᠪᠣᠯ ᠶᠠᠭᠤᠮᠠ ᠢᠷᠡᠭᠦᠯᠵᠤ ᠨᠠᠮᠠ ᠶᠢ ᠠᠮᠢᠳᠤ ᠪᠠᠷ ᠳᠠᠮᠤᠯᠠᠨᠠ᠃ ᠭᠦᠯᠢᠶᠡᠭᠦ ᠨᠢᠭᠡ ᠭᠡᠴᠡᠭᠦᠤ᠂ ᠡᠰᠡ ᠭᠦᠯᠢᠶᠡᠭᠦ ᠬᠤᠶᠠᠷ ᠭᠡᠴᠡᠭᠦᠤ ᠨᠠᠳᠠ ᠥᠨᠡᠭᠡᠷ ᠠᠷᠭᠠ ᠣᠯᠳᠠᠬᠤ ᠦᠭᠡᠶ ᠵᠤᠪᠠᠨᠠ᠃ ᠳᠤᠷᠠ ᠦᠭᠡᠶ ᠳᠤ ᠭᠦᠴᠤᠨ ᠦᠭᠡᠶ ᠭᠡᠭ᠍ᠴᠢ ᠪᠠᠷ ᠳᠤᠭᠤᠰ ᠨᠠᠳᠠ ᠭᠡᠳᠦᠢ ᠰᠠᠢ᠌ᠮᠰᠤᠷᠠᠬᠤ ᠳᠤᠳᠤᠮ ᠮᠢᠨᠤ ᠰᠡᠳᠭᠢᠯ ᠳᠠᠳᠤᠢ ᠴᠠᠷᠴᠠᠨ ᠠᠮᠢᠨᠠ ᠪᠠᠨ ᠭᠦᠰᠡᠭᠦ ᠪᠣᠳᠤᠬᠤ ᠰᠡᠳᠭᠢᠯ ᠣᠯᠠᠮ ᠵᠤᠵᠠᠭᠠᠨ ᠪᠣᠯᠳᠠᠭ᠃ ᠭᠡᠪᠠᠴᠤ ᠳᠤᠭᠤᠰ ᠢ ᠭᠤᠮᠤᠳᠠᠭᠠᠬᠤ ᠦᠭᠡᠶ ᠭᠠᠵᠠᠷ ᠭᠤᠮᠤᠳᠠᠭᠠᠴᠢᠬᠠᠪᠠᠯ ᠡᠨᠡ ᠭᠠᠵᠠᠷ ᠨᠢ ᠨᠠᠰᠤ ᠪᠠᠷ ᠬᠤᠷᠢᠭᠳᠠᠴᠢᠬᠠᠳᠠᠭ ᠪᠢᠯᠠ ᠦᠦ ᠭᠡᠭᠦ ᠪᠠᠰᠠ ᠨᠢᠭᠡ ᠪᠣᠳᠤᠯ ᠰᠠᠨᠠᠭᠠᠨ ᠡᠴᠡ ᠴᠢᠩᠭ᠋ᠠᠭᠠᠨᠠ᠃ ᠳᠤᠭᠤᠰ ᠤᠨ ᠳᠤᠰᠤ ᠰᠢᠭ ᠬᠠᠢ᠌ᠯᠤᠮᠠᠳᠠᠭᠠᠢ ᠵᠠᠩ ᠢ ᠬᠠᠴᠢᠷᠬᠠᠨ ᠭᠡᠪᠳᠡᠭ᠍ᠰᠡᠭᠡᠷ ᠪᠠᠢ᠌ᠭᠠᠤᠨ ᠪᠢ ᠨᠢᠭᠡ ᠮᠡᠳᠡᠭᠦ ᠳᠤ ᠨᠠᠮ ᠣᠠᠳᠠᠵᠤ ᠣᠷᠭᠢᠵᠠᠢ ᠁
ᠮᠠᠷᠭᠠᠰᠢ ᠨᠢ ᠠᠮᠢᠨᠠ ᠶᠢᠨ ᠭᠡᠷ ᠲᠤ ᠢᠮᠠᠭᠠ ᠰᠠᠮᠨᠠᠪᠠ᠃ ᠬᠠᠷᠠ ᠪᠠᠭᠠ ᠡᠴᠡ ᠪᠠᠨ ᠰᠤᠷᠭᠠᠭᠤᠯᠢ ᠰᠤᠶᠤᠯ ᠤᠨ ᠮᠦᠷ ᠭᠦᠭᠡᠭᠡᠵᠤ᠂ ᠮᠠᠯᠴᠢᠨ ᠭᠠᠵᠠᠷ ᠤᠨ ᠬᠠᠷᠠ ᠪᠣᠷᠤ ᠠᠵᠢᠯ ᠡᠴᠡ ᠵᠠᠢ᠌ᠳᠠᠵᠤ ᠶᠠᠪᠣᠭᠰᠠᠨ ᠪᠣᠯᠬᠤᠷ ᠭᠡᠨᠡᠳᠲᠡ ᠡᠢ᠌ᠮᠤ ᠣᠢ᠌ᠯᠠ ᠲᠡᠶ ᠣᠷᠢᠶᠠᠯᠳᠤᠬᠤ ᠳᠤ ᠡᠪ ᠳᠠᠮ ᠢ ᠨᠢ ᠣᠯᠬᠤ ᠦᠭᠡᠶ ᠳᠡᠭᠡᠷᠡ ᠭᠠᠷ ᠤᠨ ᠰᠢᠷᠪᠣᠰᠤ ᠣᠨᠠᠵᠤ ᠨᠢᠷᠤᠭᠤ ᠨᠤᠭᠤᠰᠤ ᠪᠠᠷ ᠡᠪᠠᠳᠤᠨ ᠶᠠᠳᠠᠷᠠᠭᠰᠠᠨ ᠭᠡᠳᠡᠭ᠌ ᠢ ᠭᠡᠯᠡᠭᠦ ᠭᠠᠵᠠᠷ ᠪᠠᠢ᠌ᠬᠤ ᠦᠭᠡᠶ᠃ ᠳᠡᠭᠡᠭᠡᠳ ᠠᠮᠢᠨᠠ ᠶᠢᠨ ᠬᠠᠵᠠᠭᠤ ᠳᠤ ᠪᠢ ᠢᠮᠠᠭᠠ ᠰᠠᠮᠨᠠᠵᠤ ᠪᠣᠢ ᠭᠡᠪ ᠭᠠᠷᠤᠭᠠᠤᠨ ᠣᠴᠢᠷ ᠦᠭᠡᠶ ᠪᠠᠶᠠ ᠪᠠᠨ ᠵᠤᠪᠠᠭᠠᠭᠰᠠᠨ ᠭᠡᠷᠡᠭ᠌ ᠪᠠᠢ᠌ᠵᠠᠢ᠃ ᠶᠠᠳᠠᠬᠤ ᠳᠤ ᠨᠠᠮᠠ ᠶᠢ ᠠᠪᠢᠶᠠᠰᠳᠤ ᠴᠤ ᠭᠡᠳᠤ ᠬᠤᠭᠤᠰᠯᠠᠵᠤ ᠪᠠᠢ᠌ᠨᠠ᠃ ᠡᠷᠡ ᠶᠢᠨ ᠳᠠᠰᠤᠷᠬᠠᠢ ᠭᠡᠵᠤ ᠪᠠᠢ᠌ᠭᠠᠤᠨ ᠡᠮᠡ ᠶᠢᠨ ᠬᠣᠢ᠌ᠨᠠ ᠬᠤᠴᠤᠷᠬᠤ ᠳᠠᠭᠠᠨ ᠪᠢ ᠠᠮᠢᠨᠠ ᠶᠢᠨ ᠠᠪᠣ ᠡᠴᠡ ᠪᠠᠬᠠᠨ ᠢᠴᠢᠪᠠ᠃ ᠬᠠᠷᠢᠨ ᠵᠦᠢ ᠪᠣᠯᠵᠤ ᠰᠡᠭᠦᠯ ᠤᠨ ᠭᠡᠳᠤᠨ ᠢᠮᠠᠭᠠᠨ ᠦᠯᠡᠳᠡᠭᠦ ᠳᠤ ᠠᠮᠢᠨᠠ ᠨᠠᠮᠠ ᠶᠢ ᠬᠤᠭᠤᠯᠠ ᠭᠢᠯᠭᠡᠭᠦ ᠪᠠᠷ ᠠᠵᠢᠯ ᠡᠴᠡ ᠴᠢᠯᠦᠭᠡᠯᠡᠵᠡᠢ᠃ ᠦᠭᠡᠶ ᠪᠣᠯ ᠭᠦᠮᠤᠨ ᠤ ᠨᠤᠳᠤᠭ ᠲᠤ ᠪᠠᠢ᠌ᠳᠠᠭ ᠴᠢᠳᠠᠯ ᠶᠢᠡᠨ ᠳᠠᠨᠢᠭᠤᠯᠵᠤ᠂ ᠨᠢᠭᠤᠷ ᠶᠢᠡᠨ ᠭᠦᠳᠡᠵᠤ ᠭᠦᠢᠴᠡᠭᠦ ᠪᠠᠢ᠌ᠬᠠ ᠡ︕
ᠪᠣᠰᠤᠭᠠ ᠡᠷᠡ ᠪᠠᠢ᠌ᠭᠠᠤᠨ ᠠᠯᠢ ᠪᠣᠯᠭᠠᠨ ᠳᠡᠭᠡᠷᠡ ᠭᠦᠮᠤᠨ ᠡᠴᠡ ᠬᠤᠴᠤᠷᠤᠭᠠᠤᠨ ᠪᠠᠢ᠌ᠯᠳᠠᠢ ᠪᠢᠰᠢ᠂ ᠠᠵᠢᠯ ᠳᠤ ᠮᠠᠭᠤ ᠴᠤ ᠵᠥᠭᠡᠷ ᠰᠢᠭ᠌ ᠭᠡᠳᠤᠨ ᠨᠤᠭᠤᠭᠠ ᠭᠢᠴᠢᠭᠡᠳᠡᠭ᠌ ᠶᠢᠡᠨ ᠭᠠᠢ᠌ᠬᠠᠭᠤᠯᠬᠤ ᠰᠠᠨᠠᠭᠠᠳᠠᠢ ᠭᠠᠷ ᠤᠨ ᠵᠢᠭᠠᠬᠠᠨ ᠡᠷᠳᠡᠮ ᠶᠢᠡᠨ ᠭᠠᠷᠭᠠᠯᠠ᠃ ᠰᠠᠨᠠᠭᠠ ᠪᠠᠷ ᠬᠠᠭᠤᠷᠤᠭᠰᠠᠨ ᠭᠡᠳᠤᠨ ᠨᠤᠭᠤᠭᠠ ᠴᠤ ᠳᠠᠪᠣᠰᠤ ᠬᠤᠯᠢᠯᠴᠠᠭᠠ ᠨᠢ ᠳᠠᠭᠠᠷᠠᠨ ᠵᠢᠭ᠍ᠳᠡᠢ ᠠᠮᠳᠠᠳᠠᠢ ᠪᠣᠯᠵᠤ᠂ ᠭᠡᠷ ᠤᠨ ᠡᠵᠡᠨ ᠤ ᠮᠠᠭᠳᠠᠭᠠᠯ ᠳᠤ ᠮᠠᠨᠠᠷᠠᠬᠤ ᠳᠠᠭᠠᠨ ᠡᠮᠦᠰᠦᠭ᠍ᠰᠡᠨ ᠮᠠᠯᠠᠭᠠᠢ ᠪᠠᠨ ᠬᠠᠮᠢᠭᠠ ᠳᠠᠯᠪᠢᠬᠤ ᠪᠠᠨ ᠮᠡᠳᠡᠭᠦ ᠦᠭᠡᠶ ᠭᠦᠭᠡᠷᠴᠤ ᠭᠠᠷᠴᠠᠢ᠃
ᠦᠳᠡ ᠶᠢᠨ ᠬᠤᠭᠤᠯᠠᠨ ᠤ ᠳᠠᠷᠠᠭᠠ ᠠᠮᠢᠨᠠ ᠶᠢᠨ ᠠᠪᠣ ᠳᠠᠷᠢᠶᠠᠯᠠᠬᠤ ᠳᠤᠰᠬᠤᠨ ᠡᠴᠡ ᠭᠦᠯᠦᠰᠤᠨ ᠬᠤᠨᠢᠴᠢᠨ ᠬᠠᠢ᠌ᠬᠤ ᠪᠠᠷ ᠶᠠᠪᠣᠬᠤ ᠳᠤ ᠠᠮᠢᠨᠠ ᠪᠢᠳᠠ ᠬᠤᠶᠠᠷ ᠳᠠᠳᠠᠨ ᠤ ᠭᠡᠷ ᠤᠨ ᠡᠮᠦᠨᠡ ᠪᠠᠢ᠌ᠳᠠᠭ ᠳᠠᠷᠠ ᠣᠰᠤᠨ ᠰᠠᠭᠤᠯᠭᠠ ᠰᠢᠭ ᠱᠤᠪᠣᠭᠤᠷ ᠪᠦᠭᠡᠷᠡᠭ᠌ ᠳᠡᠭᠡᠷᠡ ᠭᠠᠷᠤᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠨᠳᠦᠷ ᠳᠡᠭᠡᠷᠡ ᠭᠠᠷᠬᠤ ᠳᠤ ᠨᠢᠳᠤᠨ ᠨᠡᠭᠡᠭᠡᠭ᠍ᠳᠡᠭᠡᠳ ᠰᠠᠢ᠌ᠠᠬᠠᠨ ᠪᠠᠢ᠌ᠨᠠ ᠡ᠂ ᠡᠨᠡ ᠪᠦᠭᠡᠷᠡᠭ᠌ ᠶᠠᠮᠠᠷ ᠨᠠᠷᠠ ᠲᠡᠶ ᠶᠤᠮ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠣᠯᠵᠤᠭᠠ ᠪᠦᠭᠡᠷᠡᠭ᠌ ᠭᠡᠳᠡᠭ᠌ ᠶᠤᠮ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠮᠠᠷ ᠰᠤᠨᠢᠨ ᠨᠠᠷᠠ ᠲᠡᠶ ᠶᠤᠮ︖ ᠶᠠᠭᠠᠭᠢᠭᠠᠤᠨ ᠢᠩᠭᠢᠵᠤ ᠨᠡᠷᠡᠯᠡᠭ᠍ᠰᠡᠨ ᠪᠣᠯ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠭᠤᠴᠢᠨ ᠳᠤ ᠬᠤᠰᠢᠭᠤᠨ ᠤ ᠨᠤᠶᠠᠨ ᠠᠪᠠ ᠳᠤ ᠭᠠᠷᠬᠤ ᠳᠠᠭᠠᠨ ᠣᠯᠠᠨ ᠲᠡᠶ ᠪᠠᠨ ᠡ᠊ᠨᠳᠡ ᠪᠣᠯᠵᠤᠳᠠᠭ ᠪᠠᠢ᠌ᠭᠰᠠᠨ ᠡᠴᠡ ᠡᠢ᠌ᠮᠤ ᠨᠠᠷᠠ ᠲᠡᠶ ᠪᠣᠯᠤᠯᠠ ᠭᠡᠰᠡᠨ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠮᠢᠨᠠ ᠡ︕ ᠳᠡᠭᠡᠪᠠᠯ ᠬᠤᠶᠠᠭᠤᠯᠠ ᠡ᠊ᠨᠳᠡ ᠠᠮᠢᠳᠤᠷᠠᠯ ᠬᠠᠢ᠌ᠷᠠ ᠶᠢᠨ ᠠᠩᠬᠠᠨ ᠤ ᠪᠣᠯᠵᠤᠭᠠ ᠪᠠᠨ ᠳᠠᠯᠪᠢᠴᠢᠬᠠᠬᠤ ᠦᠦ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠦᠳᠦᠭᠦ ᠢᠷᠦᠭᠡᠯ ᠦᠭᠡᠶ ᠣᠴᠢᠷ ᠢ ᠪᠢᠳᠡᠭᠡᠢ ᠳᠤᠷᠠᠰᠤᠭᠠᠤᠨ ᠪᠠᠢ᠌ᠭᠠᠷᠠᠢ︕
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠠᠭᠢᠭᠠᠤᠨ ᠪᠦᠳᠦᠭᠦ ᠦᠭᠡᠶ ᠶᠤᠮ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠠᠭᠢᠯᠠ ᠭᠡᠳ ᠪᠦᠳᠦᠭᠦ ᠶᠤᠮ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠡᠳᠭᠢᠯ ᠢᠳᠡᠭᠡᠯ ᠪᠠᠢ᠌ᠪᠠᠯ ᠯᠠᠪ ᠪᠦᠳᠦᠨᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠨᠡᠨ ᠶᠢᠡᠨ ᠭᠡᠯᠡᠪᠠᠯ ᠪᠢ ᠴᠤ ᠵᠠᠷᠢᠮ ᠳᠠᠭᠠᠨ ᠢᠩᠭᠡᠵᠤ ᠪᠣᠳᠤᠳᠠᠭ ᠶᠤᠮ᠃ ᠭᠡᠳᠡᠯᠡ ᠠᠮᠢᠳᠤᠷᠠᠯ ᠢ ᠵᠥᠪᠭᠡᠨ ᠠᠬᠠᠷ ᠪᠣᠳᠤᠯ ᠶᠢᠡᠷ ᠬᠠᠷᠠᠭᠠᠤᠨ ᠪᠣᠯᠳᠠᠭ ᠦᠭᠡᠶ ᠶᠤᠮ ᠡ︕ ᠣᠳᠤ ᠳᠡᠭᠡᠷᠡ ᠪᠠᠨ ᠳᠠ ᠳᠤᠤᠷ ᠲᠤ ᠬᠤᠷᠢᠭᠳᠠᠭᠰᠠᠨ ᠪᠣᠯᠵᠤᠮᠤᠷ ᠰᠢᠭ ᠳᠤᠯᠬᠤ ᠳᠠᠶᠢᠭ᠂ ᠳᠦᠰᠢᠭᠦ ᠮᠤᠳᠤᠨ ᠣᠯᠳᠠᠬᠤ ᠦᠭᠡᠶ ᠭᠠᠴᠢᠭᠳᠠᠬᠤ ᠳᠠᠭᠠᠨ ᠬᠠᠢ᠌ᠷᠠ ᠶᠢᠨ ᠰᠠᠯᠭᠢ ᠪᠠᠨ ᠬᠠᠰᠢᠵᠤ ᠴᠢᠳᠠᠬᠤ ᠦᠭᠡᠶ ᠬᠠᠠᠳᠤᠭᠰᠠᠨ ᠵᠥᠭ᠌ ᠲᠤ ᠭᠦᠭᠡᠷᠭᠡᠳᠡᠵᠤ ᠪᠠᠢ᠌ᠭᠠ᠃ ᠭᠡᠷᠪᠡ ᠡᠨᠡ ᠡᠯᠡᠰᠤᠨ ᠨᠤᠳᠤᠭ ᠡᠴᠡ ᠠᠶᠠᠷᠯᠠᠵᠤ ᠬᠤᠳᠠ ᠶᠢᠨ ᠠᠮᠢᠳᠤᠷᠠᠯ ᠳᠠᠭᠠᠨ ᠣᠷᠤᠪᠠᠯ ᠭᠡᠯᠡᠭ᠍ᠰᠡᠨ ᠪᠣᠳᠤᠭᠰᠠᠨ ᠴᠢᠨᠢ ᠭᠦᠭᠡᠰᠤ ᠪᠣᠯᠤᠭᠠᠤᠨ ᠰᠠᠷᠨᠢᠬᠤ ᠶᠢ ᠪᠢ ᠮᠠᠳᠠᠨᠠ᠃ ᠪᠦᠳᠦᠭᠦ ᠢᠷᠦᠭᠡᠯ ᠦᠭᠡᠶ ᠠᠷᠢᠭᠤᠨ ᠳᠤᠷᠠᠯᠠᠯ ᠶᠢᠡᠨ ᠭᠦᠳᠡᠭᠡ ᠳᠤ ᠳᠤᠨᠤᠭᠰᠠᠨ ᠭᠡᠭᠡᠷᠡ ᠶᠢᠨ ᠣᠰᠤᠨ ᠳᠤ ᠴᠠᠷᠴᠠᠭᠠᠬᠤ ᠶᠢ ᠳᠠᠨᠢ ᠪᠢ ᠭᠦᠰᠡᠭᠦ ᠦᠭᠡᠶ ᠭᠡᠴᠢᠭᠡᠭᠡᠳ ᠠᠮᠢᠨᠠ ᠴᠠᠰᠢ ᠡᠷᠭᠢᠨ ᠨᠢᠯᠪᠣᠰᠤ ᠪᠠᠨ ᠠᠷᠴᠢᠪᠠ᠃
ᠮᠠᠯ ᠤᠨ ᠪᠣᠷᠪᠢ ᠬᠠᠷᠠᠭᠰᠠᠨ ᠭᠦᠳᠡᠭᠡ ᠶᠢᠨ ᠪᠣᠷᠤ ᠭᠡᠦᠭᠡᠨ ᠤ ᠠᠮᠠᠨ ᠡᠴᠡ ᠡᠢ᠌ᠮᠦᠷᠭᠦ ᠠᠮᠢᠳᠤᠷᠠᠯ ᠤᠨ ᠪᠠᠶᠠᠨ ᠶᠤᠰᠤ ᠵᠦᠢ ᠨᠢᠭᠤᠭᠳᠠᠭᠰᠠᠨ ᠥᠭᠡ ᠭᠠᠷᠬᠤ ᠭᠡᠵᠤ ᠮᠢᠨᠤ ᠰᠠᠨᠠᠭᠠ ᠵᠡᠭᠦᠳᠤᠨ ᠳᠤ ᠴᠤ ᠪᠠᠢ᠌ᠭᠠ ᠦᠭᠡᠶ᠃ ᠴᠠᠰᠢ ᠨᠢ ᠭᠡᠯᠡᠭᠦ ᠥᠭᠡ ᠣᠯᠳᠠᠬᠤ ᠦᠭᠡᠶ ᠳᠠᠭᠯᠠᠷᠠᠬᠤ ᠳᠠᠭᠠᠨ ᠵᠥᠭᠡᠷ ᠯᠠ ᠥᠭᠡᠷ ᠬᠤᠯᠤᠰᠤ ᠶᠢᠨ ᠨᠠᠷᠢᠨ ᠥᠵᠦᠭᠦᠷ ᠶᠢᠡᠷ ᠭᠠᠵᠠᠷ ᠰᠠᠪᠠᠨ ᠭᠡᠰᠡᠭ᠌ ᠰᠠᠭᠤᠭᠰᠠᠨ ᠶᠢᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠷᠠᠭᠠᠤᠨ ᠪᠠᠢ᠌ᠬᠤ ᠳᠤ ᠴᠢ ᠨᠠᠮᠠ ᠶᠢ ᠨᠢᠭᠡ ᠯᠠ ᠢᠳᠡᠭᠡᠭᠦ ᠦᠭᠡᠶ ᠶᠠᠩᠵᠤ ᠲᠡᠶ᠃ ᠦᠨᠡᠨ ᠶᠢᠡᠨ ᠭᠡᠯᠡᠭᠡᠳ ᠪᠣᠯᠬᠤ ᠦᠭᠡᠶ ᠪᠣᠯ ᠶᠠᠭᠠᠭᠢᠬᠤ ᠪᠣᠢ᠂ ᠠᠯᠪᠠᠳᠠᠬᠤ ᠦᠭᠡᠶ ᠳ᠋ᠠ᠃ ᠭᠡᠳᠡᠯᠡ ᠠᠷᠢᠭᠤᠨ ᠰᠡᠳᠭᠢᠯ ᠡᠴᠡ ᠭᠦᠪᠦᠷᠡᠭ᠍ᠰᠡᠨ ᠠᠩᠬᠠᠨ ᠬᠠᠢ᠌ᠷᠠ ᠶᠢᠨ ᠨᠠᠭᠢᠶᠠ ᠶᠢ ᠡᠯᠡᠰᠤ ᠪᠠᠷ ᠳᠠᠷᠤᠭᠠᠤᠨ ᠳᠠᠯᠳᠠᠯᠠᠵᠤ ᠴᠢᠳᠠᠬᠤ ᠦᠭᠡᠶ ᠭᠡᠳᠡᠭ᠌ ᠢ ᠣᠢ᠌ᠯᠠᠭᠠᠭᠠᠷᠠᠢ︕ ᠪᠠᠶᠠ ᠮᠢᠨᠢ ᠡᠨᠡ ᠨᠤᠳᠤᠭ ᠡᠴᠡ ᠠᠶᠠᠷᠯᠠᠭᠰᠠᠨ ᠴᠤ ᠰᠡᠳᠭᠢᠯ ᠮᠢᠨᠢ ᠡ᠊ᠨᠳᠡ ᠦᠯᠡᠳᠡᠭ᠌ ᠳ᠋ᠠ ᠭᠡᠴᠢᠭᠡᠭᠡᠳ ᠪᠢ ᠪᠣᠰᠴᠤ ᠪᠣᠯᠵᠤᠭᠠ ᠪᠦᠭᠡᠷᠡᠭ᠌ ᠤᠨ ᠡᠮᠦᠨᠡ ᠥᠵᠦᠭᠦᠷ ᠳᠡᠭᠡᠷᠡ ᠴᠢᠯᠠᠭᠤ ᠳᠡᠭᠦᠨ ᠣᠪᠣᠭᠠᠯᠠᠵᠤ ᠡᠭᠢᠯᠡᠪᠡ᠃
ᠡᠯᠡᠰᠦᠷᠭᠡᠭ᠌ ᠴᠠᠢ᠌ᠳᠠᠮ ᠨᠤᠳᠤᠭ ᠲᠤ ᠴᠢᠯᠠᠭᠤ ᠬᠤᠪᠣᠷ ᠪᠠᠢ᠌ᠳᠠᠭ ᠴᠤ ᠪᠣᠯᠵᠤᠭᠠ ᠪᠦᠭᠡᠷᠡᠭ᠌ ᠤᠨ ᠣᠷᠤᠢ ᠳᠡᠭᠡᠷᠡ ᠭᠡᠨ ᠶᠠᠭᠤᠨ ᠨᠢ ᠠᠪᠴᠢᠷᠠᠭᠰᠠᠨ ᠢ ᠮᠡᠳᠡᠭᠦ ᠦᠭᠡᠶ᠂ ᠲᠦᠪᠡᠳ ᠨᠤᠮ ᠶᠠᠭᠰᠢᠳᠠᠯᠠ ᠰᠡᠢ᠌ᠯᠦᠭ᠍ᠰᠡᠨ ᠬᠠᠪᠳᠠᠭᠠᠢ᠌ᠯᠢᠭ ᠭᠦᠭᠡ ᠴᠢᠯᠠᠭᠤᠳ ᠭᠦᠯ ᠳᠠᠯᠪᠢᠬᠤ ᠵᠠᠢ ᠦᠭᠡᠶ ᠭᠦᠰᠭᠡᠷᠡᠵᠤ ᠪᠠᠢ᠌ᠯᠠ᠃ ᠮᠠᠳᠠᠷᠠᠯ ᠨᠢ ᠭᠡᠮᠳᠦᠭ᠍ᠰᠡᠨ ᠭᠦᠮᠤᠨ ᠰᠢᠭ᠌ ᠭᠡᠨᠡᠳᠲᠡ ᠪᠣᠰᠤᠭᠠᠤᠨ ᠴᠢᠯᠠᠭᠤ ᠣᠪᠣᠭᠠᠯᠠᠵᠤ ᠡᠭᠢᠯᠡᠭᠦ ᠳᠤ ᠠᠮᠢᠨᠠ ᠶᠢᠨ ᠬᠠᠷᠠᠴᠠ ᠨᠠᠳᠠ ᠡᠴᠡ ᠰᠠᠯᠬᠤ ᠪᠠᠨ ᠪᠠᠢ᠌ᠴᠢᠬᠠᠭᠠᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠮᠠᠷ ᠡᠪᠡᠳᠴᠢᠨ ᠳᠤᠰᠴᠢᠬᠠᠭᠠᠤᠨ ᠶᠠᠭᠠᠭᠢᠵᠤ ᠪᠠᠢ᠌ᠬᠤ ᠨᠢ ᠡᠨᠡ ᠪᠣᠢ ᠭᠡᠵᠤ ᠭᠠᠢ᠌ᠬᠠᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠤᠷᠠᠯᠠᠯ ᠤᠨ ᠡᠪᠡᠳᠴᠢᠨ ᠣᠯᠴᠢᠬᠠᠭᠠᠤᠨ ᠡᠨᠡ ᠨᠤᠳᠤᠭ ᠲᠤ ᠳᠦᠭᠡᠷᠢᠵᠤ ᠪᠣᠳᠤᠯᠢᠵᠤ ᠶᠠᠪᠣᠭᠰᠠᠨ ᠶᠢᠡᠨ ᠳᠡᠮᠳᠡᠭ᠍ᠯᠡᠵᠤ ᠡ᠊ᠨᠳᠡ ᠪᠢ ᠣᠪᠣᠭᠠ ᠪᠣᠰᠬᠠᠵᠤ ᠪᠠᠢ᠌ᠨᠠ᠃ ᠡᠵᠡᠨ ᠦᠭᠡᠶ ᠬᠠᠶᠠᠭᠳᠠᠭᠰᠠᠨ ᠬᠠᠢ᠌ᠷᠠ ᠶᠢᠨ ᠣᠪᠣᠭᠠ ᠶᠢ ᠮᠢᠨᠢ ᠡᠨᠡ ᠨᠤᠳᠤᠭ ᠤᠨ ᠨᠠᠷᠠ ᠰᠠᠯᠭᠢ ᠨᠢ ᠦᠨᠦᠰᠴᠤ ᠪᠠᠢ᠌ᠭ︕ ᠡᠳᠡᠭᠡᠷ ᠴᠢᠯᠠᠭᠤᠳ ᠥᠭᠢᠷᠡᠭᠦ ᠦᠭᠡᠶ ᠬᠣᠢ᠌ᠨᠠ ᠦᠨᠡᠨ ᠳᠤᠷᠠᠯᠠᠯ ᠮᠢᠨᠢ ᠰᠢᠷᠭᠢᠭᠦ ᠦᠭᠡᠶ᠃ ᠴᠢᠮᠠ ᠳᠤ ᠵᠠᠪ ᠭᠠᠷᠪᠠᠯ ᠬᠠᠶᠠ ᠡᠷᠭᠢᠵᠤ᠂ ᠴᠢᠯᠠᠭᠤ ᠨᠠᠮᠠᠨ ᠪᠠᠢ᠌ᠭᠠᠷᠠᠢ︕ ᠭᠡᠵᠤ ᠪᠢ ᠳᠤᠭᠳᠤᠯᠤᠨ ᠭᠡᠯᠡᠭᠦ ᠳᠤ ᠠᠮᠢᠨᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠤᠷᠤᠭᠤ ᠶᠢᠨ ᠴᠢᠨᠡᠭᠡᠨ ᠮᠤᠳᠤᠨ ᠳᠤ ᠪᠦᠳᠦᠷᠢᠳᠡᠭ᠌ ᠬᠤᠪᠢ ᠵᠠᠶᠠᠭᠠ ᠭᠡᠭ᠍ᠴᠢ ᠶᠠᠭᠠᠭᠢᠭᠰᠠᠨ ᠭᠡᠪᠠᠷᠡᠭ᠌ ᠪᠣᠢ ᠭᠡᠳ ᠰᠠᠨᠠᠭᠠ ᠠᠯᠳᠠᠨ ᠠᠯᠳᠠᠨ ᠴᠢᠯᠠᠭᠤ ᠵᠥᠭᠡᠭᠡᠯᠡ᠃
ᠭᠡᠨ ᠤ ᠬᠠᠷᠠᠴᠠᠨ ᠳᠤ ᠴᠤ ᠳᠤᠷᠬᠤ ᠦᠭᠡᠶ ᠨᠠᠮᠬᠠᠨ ᠮᠦᠷᠳᠡᠭᠡᠨ ᠵᠢᠵᠢᠭ᠍ᠬᠡᠨ ᠣᠪᠣᠭᠠ ᠡ᠊ᠨᠳᠡ ᠪᠣᠰᠪᠠ᠃ ᠬᠠᠢ᠌ᠷᠠ ᠳᠤᠷᠠᠯᠠᠯ ᠤᠨ ᠨᠢᠭᠡ ᠲᠤᠢ᠌ᠯ ᠨᠢ ᠵᠢᠷᠦᠭᠡᠨ ᠡᠴᠡ ᠣᠠᠳᠤᠷᠬᠤ ᠮᠥᠩᠭᠡ ᠶᠢᠨ ᠣᠰᠤᠨ ᠪᠠᠢ᠌ᠳᠠᠭ ᠪᠣᠯ ᠨᠥᠭᠦᠭᠡ ᠨᠢᠭᠡ ᠲᠤᠢ᠌ᠯ ᠨᠢ ᠮᠦᠷᠦᠭᠡᠳᠦᠯ ᠳᠤ ᠴᠠᠯᠭᠢᠬᠤ ᠢᠠᠵᠠᠭᠠᠨ ᠬᠤᠩᠭ᠋ᠤᠷ ᠳᠤᠷᠠᠳᠬᠠᠯ ᠭᠡᠳᠡᠭ᠌ ᠢ ᠡᠨᠡ ᠣᠪᠣᠭᠠ ᠬᠤᠵᠢᠮ ᠭᠦᠮᠦᠰ ᠲᠤ ᠵᠢᠭᠠᠬᠤ ᠪᠠᠢ᠌ᠬᠠ ᠳ᠋ᠠ᠃ ᠣᠪᠣᠭᠠ ᠪᠠᠨ ᠪᠣᠰᠬᠠᠴᠢᠬᠠᠭᠠᠤᠨ ᠠᠮᠢᠨᠠ ᠪᠢᠳᠠ ᠬᠤᠶᠠᠷ ᠭᠡᠨ ᠭᠡᠨ ᠨᠢ ᠰᠡᠳᠭᠢᠯ ᠭᠦᠡᠳᠦᠭᠡᠨ ᠪᠣᠴᠠᠵᠤ ᠪᠢᠯᠠ᠃
ᠭᠡᠷᠡᠭ᠌ ᠶᠠᠪᠣᠳᠠᠯ ᠭᠡᠭ᠍ᠴᠢ ᠭᠡᠵᠢᠶᠡᠳᠡ ᠭᠦᠮᠤᠨ ᠤ ᠰᠠᠨᠠᠭᠠᠨ ᠡᠴᠡ ᠳᠡᠷᠰᠯᠡᠭᠡᠳ ᠪᠠᠢ᠌ᠬᠤ ᠶᠤᠮ᠃ ᠠᠰᠬᠠᠨ ᠨᠢ ᠪᠢ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠬᠠᠷᠢᠭᠠᠤᠨ ᠭᠦᠷᠭᠦ ᠳᠤ ᠰᠤᠮᠠ ᠡᠭᠡᠴᠢ ᠬᠤᠯᠠ ᠡᠴᠡ ᠳᠤᠰᠴᠤ ᠢᠷᠡᠭᠡᠳ ᠮᠢᠨᠤ ᠠᠵᠢᠯ ᠰᠢᠯᠵᠢᠭ᠍ᠰᠡᠨ ᠭᠠᠷ ᠭᠦᠢᠴᠡᠳᠭᠡᠯ ᠢ ᠭᠠᠷᠳᠠᠭᠤᠯᠤᠭᠠᠤᠨ 《ᠡ᠊ᠨᠳᠡ ᠢᠷᠡᠭᠦᠯᠦᠭ᠍ᠰᠡᠨ ᠰᠠᠢ᠌ᠨ ᠪᠠᠭᠰᠢ ᠪᠠᠨ ᠵᠢᠯ ᠴᠤ ᠪᠣᠯᠭᠠᠯ ᠦᠭᠡᠶ ᠠᠪᠣᠭᠠᠤᠨ ᠶᠠᠪᠣᠴᠢᠬᠠᠬᠤ ᠶᠤᠮ ᠴᠢᠨᠢ ᠡᠨᠡ ᠮᠠᠭᠤ ᠰᠤᠷᠭᠠᠭᠤᠯᠢ ᠭᠡᠴᠢᠨᠡᠨ ᠣᠳᠠᠭᠠᠨ ᠳᠡᠰᠭᠦ ᠶᠤᠮ︖》 ᠭᠡᠳ ᠳᠠᠭᠤ ᠨᠢ ᠳᠠᠰᠤᠷᠠᠯ ᠦᠭᠡᠶ ᠭᠠᠰᠠᠯᠤᠨ ᠪᠠᠢ᠌ᠪᠠ᠃
ᠶᠠᠪᠣᠬᠤ ᠭᠡᠵᠤ ᠡᠳᠦᠷ ᠰᠦᠨᠢ ᠦᠭᠡᠶ ᠥᠡᠳᠡᠯᠵᠡᠭᠡᠳ ᠪᠠᠢ᠌ᠭᠰᠠᠨ ᠭᠦᠮᠤᠨ ᠳᠤ ᠳᠡᠭ᠍ᠷᠢ ᠡᠴᠡ ᠣᠨᠠᠭᠰᠠᠨ ᠰᠢᠭ ᠰᠠᠢ᠌ᠬᠠᠨ ᠲᠤᠬᠢᠶᠠᠯ ᠭᠦᠷᠦᠭᠡᠳ ᠢᠷᠡᠭᠦ ᠳᠤ ᠬᠠᠷᠢᠨ ᠡᠷᠭᠢᠭᠡᠳ ᠵᠤᠪᠠᠬᠤ ᠪᠣᠯᠴᠢᠬᠠᠪᠠ᠃ ᠪᠠᠷᠤᠭ ᠵᠢᠯ ᠰᠢᠬᠠᠮ ᠠᠵᠢᠯᠯᠠᠵᠤ ᠠᠯᠪᠠᠯᠠᠨ ᠬᠤᠷᠭᠤᠳᠠᠭᠰᠠᠨ ᠪᠠᠢ᠌ᠷᠢᠨ ᠭᠡᠷ᠂ ᠳᠠᠩᠭᠢᠮ᠂ ᠰᠤᠷᠭᠠᠭᠤᠯᠢ ᠶᠢᠨ ᠭᠦᠷᠢᠶᠡᠨ ᠡᠴᠡ ᠰᠠᠯᠵᠤ ᠶᠠᠳᠠᠨᠠ᠃ ᠨᠠᠩ ᠴᠤ ᠡᠭᠡ ᠭᠡᠯᠡ ᠪᠠᠷ ᠶᠢᠡᠨ ᠡᠷᠳᠡᠮ ᠰᠤᠷᠬᠤ ᠶᠢ ᠭᠦᠰᠡᠭᠡ ᠦᠯᠤᠨ ᠨᠢᠳᠤ ᠲᠡᠶ ᠰᠤᠷᠤᠭᠴᠢᠳ ᠡᠴᠡ ᠪᠠᠨ ᠰᠠᠯᠵᠤ ᠶᠠᠳᠠᠨᠠ᠃ ᠮᠢᠨᠤ ᠶᠠᠪᠣᠬᠤ ᠭᠡᠰᠡᠨ ᠢ ᠰᠤᠨᠤᠰᠤᠭᠠ ᠪᠢᠵᠠ᠂ ᠨᠠᠳᠠ ᠪᠠᠷ ᠰᠢᠭᠦᠮᠵᠢᠯᠡᠭᠦᠯᠵᠤ ᠮᠠᠭᠳᠠᠭᠤᠯᠵᠤ᠂ ᠪᠠᠰᠠ ᠭᠦᠯ ᠶᠢᠡᠨ ᠴᠢᠯᠠᠳᠠᠯᠠ ᠵᠤᠭᠰᠤᠭᠠᠯᠭᠠᠵᠤ ᠪᠠᠢ᠌ᠭᠰᠠᠨ ᠬᠡᠦᠬᠡᠳ ᠤᠳ ᠮᠠᠭᠤ ᠵᠢᠰᠤᠯᠠᠨ ᠪᠠᠢ᠌ᠷᠢ ᠶᠢᠨ ᠡᠭᠦᠳᠡ ᠪᠠᠷ ᠡᠷᠭᠢᠴᠡᠨ ᠥᠩᠭᠡᠯᠵᠡᠵᠤ᠂ ᠶᠠᠭᠤ ᠨᠢᠭᠡᠨ ᠳᠤ ᠬᠤᠷᠭᠤᠳᠠᠨ ᠪᠠᠢ᠌ᠯᠠ᠃ ᠡᠵᠡᠭᠦᠢ ᠭᠠᠵᠠᠷ ᠰᠤᠶᠤᠯ ᠤᠨ ᠮᠦᠷ ᠭᠦᠭᠡᠭᠡ ᠡᠳᠡᠭᠡᠷ ᠬᠡᠦᠬᠡᠳ ᠤᠳ ᠡᠭᠦᠪᠠᠷ ᠥᠩᠭᠡᠷᠡᠭᠦ ᠳᠡᠷᠭᠡ ᠶᠢ ᠪᠣᠯᠪᠠᠴᠤ ᠪᠠᠷᠠ ᠪᠠᠷ ᠨᠢ ᠳᠠᠭᠤᠯᠴᠠᠨ ᠰᠣᠢ᠌ᠤᠨ ᠪᠣᠯᠳᠠᠭ ᠪᠠᠢ᠌ᠬᠤ ᠳᠤ ᠭᠡᠳᠤᠨ ᠰᠠᠷᠠ ᠪᠠᠭᠰᠢᠯᠠᠭᠰᠠᠨ ᠪᠠᠭᠰᠢ ᠲᠡᠶ ᠪᠠᠨ ᠢᠵᠢᠯᠢᠰᠢᠨ ᠳᠠᠰᠬᠤ ᠨᠢ ᠵᠦᠪ ᠪᠢᠵᠠ᠃ ᠳᠡᠭᠡᠭᠡᠳ ᠡᠨᠡ ᠭᠠᠵᠠᠷ ᠡᠴᠡ ᠢᠩᠭᠡᠭᠡᠳ ᠶᠠᠪᠣᠳᠠᠭ ᠪᠠᠢ᠌ᠵᠤ ᠭᠡᠵᠤ ᠪᠣᠳᠤᠬᠤᠯᠠᠷ ᠭᠡᠨ ᠴᠤ ᠳᠠᠭᠠᠵᠤ ᠣᠯᠤᠰᠢ ᠦᠭᠡᠶ ᠭᠡᠢ ᠰᠠᠨᠠᠭᠠᠰᠢᠷᠠᠯ ᠪᠣᠳᠤᠯ ᠰᠡᠳᠭᠢᠯ ᠤᠨ ᠭᠦᠨ ᠳᠤ ᠨᠢᠭᠤᠭᠳᠠᠨ ᠪᠠᠢ᠌ᠯᠠ᠃ ᠶᠠᠭᠤ ᠪᠣᠯᠤᠭᠰᠠᠨ ᠴᠤ ᠠᠮᠢᠨᠠ ᠲᠡᠶ ᠪᠠᠨ ᠨᠢᠭᠡ ᠠᠭᠤᠯᠵᠠᠭᠠᠤᠨ ᠭᠠᠷᠬᠤ ᠨᠢ ᠮᠦᠨ ᠪᠣᠯᠬᠤ ᠪᠠᠷ ᠭᠡᠷ ᠣᠷᠤᠭᠤ ᠨᠢ ᠨᠢᠰᠭᠡᠪᠡ᠃
ᠮᠢᠨᠤ ᠶᠠᠪᠣᠬᠤ ᠭᠡᠳᠡᠭ᠌ ᠢ ᠰᠤᠨᠤᠰᠤᠭᠠᠤᠨ ᠬᠤᠨᠤᠭ ᠶᠢᠡᠨ ᠭᠢᠭᠦ ᠪᠠᠷ ᠶᠠᠭᠠᠷᠠᠵᠤ ᠪᠠᠢ᠌ᠭᠰᠠᠨ ᠠᠮᠢᠨᠠ ᠶᠢᠨ ᠳᠤᠩᠭ᠋ᠠᠯᠠᠭ ᠴᠢᠷᠠᠢ ᠳᠤ ᠮᠠᠨᠠᠨ ᠪᠠᠭᠤᠨ ᠨᠢᠳᠤᠨ ᠳᠤ ᠨᠢ ᠨᠢᠯᠪᠣᠰᠤ ᠬᠤᠷᠠᠨ ᠢᠷᠠᠵᠤ ᠳᠤᠷᠤᠭᠰᠢ ᠬᠠᠷᠠᠬᠤ ᠳᠤ ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠨᠤᠬᠤᠭᠰᠠᠨ ᠭᠤᠯᠢᠷ ᠳᠡᠭᠡᠷᠡ ᠨᠢ ᠳᠤᠰᠴᠠᠢ᠃ ᠣᠳᠠᠭᠠᠨ ᠡᠳᠦᠷ ᠰᠡᠳᠭᠢᠯ ᠳᠡᠭᠡᠨ ᠬᠠᠳᠠᠭᠠᠯᠠᠵᠤ ᠶᠠᠪᠣᠭᠰᠠᠨ ᠬᠠᠢ᠌ᠷᠠ ᠶᠢᠨ ᠰᠤᠪᠣᠤᠨ ᠨᠢ ᠦᠶᠡᠷ ᠪᠣᠯᠤᠨ ᠭᠠᠳᠠᠭᠰᠢ ᠣᠷᠤᠰᠴᠤ ᠪᠠᠢ᠌ᠭᠠ ᠶᠢ ᠪᠢ ᠵᠢᠷᠦᠭᠡ ᠪᠠᠷ ᠶᠢᠡᠨ ᠮᠠᠳᠠᠷᠠᠯᠠ᠃ ᠠᠮᠢᠳᠤᠷᠠᠯ ᠳᠤ ᠬᠠᠢ᠌ᠷᠠ ᠳᠤᠷᠠᠯᠠᠯ ᠰᠢᠭ ᠠᠮᠳᠠᠳᠠᠢ ᠵᠢᠮᠢᠰ ᠪᠠᠢ᠌ᠬᠤ ᠦᠭᠡᠶ᠂ ᠪᠠᠰᠠ ᠡᠭᠦᠨ ᠰᠢᠭ᠌ ᠭᠠᠰᠢᠭᠤᠨ ᠵᠢᠮᠢᠰ ᠴᠤ ᠪᠠᠢ᠌ᠳᠠᠭ ᠦᠭᠡᠶ ᠪᠢᠯᠠ︕
ᠬᠤᠭᠤᠯᠠᠨ ᠤ ᠳᠠᠷᠠᠭᠠ ᠭᠡᠳᠦᠭᠦᠯᠡ ᠪᠠᠨ ᠡᠨᠡ ᠳᠠᠷᠠ ᠶᠢ ᠰᠤᠯᠠ ᠵᠠᠩᠭᠢᠴᠠᠨ ᠨᠠᠯᠢᠶᠠᠤᠨ ᠰᠠᠭᠤᠭᠰᠠᠨ ᠪᠣᠯᠪᠠᠴᠤ ᠪᠦᠭᠦᠳᠡ ᠶᠢᠨ ᠪᠠᠭᠠᠯᠵᠤᠤᠷ ᠳᠡᠭᠡᠷᠡ ᠪᠦᠭᠦᠯᠢ ᠬᠠᠷᠠ ᠶᠠᠭᠤᠮᠠ ᠪᠦᠭᠯᠡᠭᠡᠰᠤ ᠪᠣᠯᠤᠨ ᠳᠡᠭᠡᠭᠡᠭ᠍ᠯᠡᠵᠤ᠂ ᠥᠭᠡ ᠵᠠᠩᠭᠢ ᠴᠤ ᠶᠠᠪᠣᠭᠤᠷᠢ ᠦᠭᠡᠶ ᠪᠣᠯᠬᠤᠷ ᠡᠷᠳᠡᠭᠡᠨ ᠳᠠᠷᠠ ᠳᠤᠯᠤᠭᠠᠢ ᠨᠡᠢ᠌ᠯᠡᠭᠦᠯᠦᠯᠡ᠃ ᠵᠥᠭᠡᠷ ᠲᠤ ᠨᠠᠳᠠ ᠡᠴᠡ ᠵᠠᠢ᠌ᠳᠠᠭᠠᠤᠨ ᠪᠠᠢ᠌ᠳᠠᠭ ᠠᠮᠢᠨᠠ ᠡᠨᠡ ᠣᠷᠤᠢ ᠬᠠᠷᠢᠨ ᠰᠠᠨᠠᠭᠠ ᠲᠡᠶ ᠪᠠᠷ ᠨᠠᠳᠠ ᠲᠡᠶ ᠳᠤᠯᠤᠭᠠᠢ ᠪᠠᠨ ᠮᠦᠷᠭᠦᠭᠦᠯᠤᠨ ᠭᠡᠪᠳᠡᠵᠡᠢ᠃ ᠭᠡᠷ ᠳᠤᠳᠤᠷᠠ ᠴᠠᠭᠠᠰᠤ ᠭᠡᠢ᠌ᠰᠦᠭ᠍ᠰᠡᠨ ᠴᠤ ᠰᠤᠨᠤᠰᠳᠠᠮᠠᠷ ᠨᠠᠮ ᠵᠢᠮ᠃ ᠠᠮᠢᠨᠠ ᠶᠢᠨ ᠨᠣᠢ᠌ᠷ ᠨᠢ ᠭᠦᠷᠭᠦ ᠦᠭᠡᠶ ᠪᠣᠯᠤᠯᠳᠠᠢ ᠣᠷᠤᠨ ᠳᠤᠳᠤᠷᠠ ᠪᠠᠨ ᠨᠠᠰᠢ ᠴᠠᠰᠢ ᠭᠦᠷᠪᠠᠨᠡ᠃ ᠪᠢ ᠭᠡᠷᠪᠡ ᠭᠠᠷ ᠶᠢᠡᠨ ᠰᠤᠩᠭ᠋ᠠᠪᠠᠯ ᠳᠡᠭᠦᠨ ᠤ ᠭᠤᠨᠠᠭᠠᠷ ᠴᠠᠭᠠᠨ ᠭᠦᠵᠦᠭᠦᠤ᠂ ᠵᠢᠩᠨᠡᠭᠡᠳ ᠭᠠᠷᠭᠠᠭᠰᠠᠨ ᠮᠠᠠᠳᠠᠤ ᠠᠳᠠᠯᠢ ᠵᠥᠭᠡᠯᠡᠨ ᠭᠦᠭᠦᠨ ᠡᠴᠡ ᠳᠡᠮᠳᠡᠷᠢᠭᠡᠳ ᠠᠪᠬᠤ ᠳᠤ ᠪᠠᠯᠡᠭᠡᠨ᠃ ᠭᠡᠭᠦ ᠳᠤ ᠴᠠᠭᠠᠨᠠ ᠪᠠᠨ ᠪᠦᠳᠦᠭᠦ ᠬᠤᠪᠢ ᠦᠭᠡᠶ ᠪᠣᠯ ᠪᠦᠳᠦᠮᠡᠷ ᠪᠠᠢ᠌ᠭᠰᠠᠨ ᠭᠡᠷᠡᠭ᠌ ᠴᠤ ᠪᠣᠳᠠᠷᠠᠬᠤ ᠳᠠᠰᠢ ᠪᠠᠨ ᠬᠠᠵᠠᠢ᠌ᠭᠠᠤᠨ ᠪᠠᠢ᠌ᠳᠠᠭ ᠭᠦᠮᠤᠨ ᠤ ᠠᠮᠢᠳᠤᠷᠠᠯ ᠤᠨ ᠨᠢᠮᠭᠡᠨ ᠵᠠᠶᠠᠭᠠᠨ ᠳᠤ ᠵᠤᠷᠢᠭ ᠬᠤᠭᠤᠷᠠᠵᠤ᠂ ᠰᠡᠳᠭᠢᠯ ᠴᠥᠭᠦᠷᠡᠨᠡ᠃ ᠭᠡᠷᠪᠡ ᠬᠤᠪᠢ ᠵᠠᠶᠠᠭᠠ ᠪᠠᠨ ᠣᠭᠤᠰᠤᠷᠯᠠᠵᠤ ᠪᠣᠯᠳᠠᠭ ᠪᠣᠯ ᠣᠭᠤᠰᠤᠷᠯᠠᠭᠠᠤᠨ ᠣᠶᠠᠴᠢᠬᠠᠮᠠᠷ᠃ ᠠᠮᠢᠨᠠ ᠵᠢᠷᠦᠭᠡᠨ ᠳᠤ ᠨᠢ ᠨᠢᠭᠡᠨᠲᠡ ᠭᠦᠪᠦᠷᠡᠵᠤ ᠡᠭᠢᠯᠡᠭ᠍ᠰᠡᠨ ᠬᠠᠢ᠌ᠷᠠ ᠳᠤᠷᠠᠯᠠᠯ ᠶᠢᠡᠨ ᠭᠠᠳᠠᠭᠰᠢ ᠭᠠᠷᠭᠠᠬᠤ ᠦᠭᠡᠶ ᠳᠤᠳᠤᠷᠠ ᠪᠠᠨ ᠨᠢᠭᠤᠭᠠᠤᠨ ᠶᠠᠪᠣᠳᠠᠭ ᠤᠨ ᠴᠠᠭᠠᠳᠤ ᠨᠢᠭᠤᠴᠠ ᠶᠢ ᠪᠢ ᠮᠠᠳᠠᠨᠠ᠃ ᠬᠤᠪᠢ ᠵᠠᠶᠠᠭᠠ ᠪᠠᠨ ᠦᠪᠡᠷ ᠤᠨ ᠨᠢᠳᠤ ᠪᠠᠷ ᠯᠠ ᠬᠠᠷᠠᠵᠤ᠂ ᠨᠢᠳᠤᠯᠠᠵᠤ ᠡᠭᠢᠯᠡᠭᠡ ᠭᠡᠦᠭᠡᠨ ᠳᠤᠷᠠᠯᠠᠯ ᠶᠢᠡᠨ ᠭᠡᠭᠡᠷᠡ ᠶᠢᠨ ᠰᠠᠯᠭᠢᠨ ᠳᠤ ᠭᠡᠢ᠌ᠰᠭᠡᠭᠦ ᠡᠴᠡ ᠪᠠᠨ ᠵᠤᠪᠠᠵᠤ ᠪᠠᠢ᠌ᠨᠠ᠃ ᠡᠨᠡ ᠴᠤ ᠠᠷᠭᠠ ᠦᠭᠡᠶ ᠡ᠂ ᠠᠯᠢ ᠨᠢᠭᠡ ᠣᠬᠠᠭᠠᠨ ᠳᠤᠠᠳᠠᠭᠤᠷ ᠭᠡᠦᠭᠡᠨ ᠨᠢ ᠬᠠᠢ᠌ᠷᠠ ᠳᠤᠷᠠᠯᠠᠯ ᠶᠢᠡᠨ ᠬᠠᠳᠠᠭᠠᠰᠤᠨ ᠥᠵᠦᠭᠦᠷ ᠳᠡᠭᠡᠷᠡ ᠳᠤᠭᠳᠠᠭᠠᠬᠤ ᠭᠡᠵᠤ ᠵᠢᠦᠡᠭᠦᠭᠦ ᠪᠢᠯᠠ ⁈
ᠠᠮᠢᠨᠠ ᠪᠠᠰᠠ ᠰᠠᠨᠠᠭᠠ ᠠᠯᠳᠠᠨ ᠡᠷᠭᠢᠪᠡ᠃ ᠬᠠᠢ᠌ᠷᠠᠯᠠᠵᠤ ᠳᠤᠭᠤᠭᠰᠠᠨ ᠭᠡᠦᠭᠡᠨ ᠶᠢᠡᠨ ᠢᠩᠭᠢᠵᠤ ᠶᠠᠭᠠᠭᠢᠵᠤ ᠴᠤ ᠴᠢᠳᠠᠯ ᠦᠭᠡᠶ ᠬᠤᠭᠤᠰᠤᠨ ᠣᠷᠭᠢᠭᠠᠤᠨ ᠭᠠᠷᠬᠤ ᠨᠢ ᠰᠡᠳᠭᠢᠯ ᠳᠤ ᠭᠦᠷᠭᠦ ᠦᠭᠡᠶ ᠪᠣᠯᠬᠤᠷ ᠪᠠᠶᠠ ᠳᠡᠭᠡᠨ ᠮᠤᠬᠤᠷ ᠵᠤᠷᠢᠭ ᠦᠭᠭᠦᠭᠡᠳ ᠠᠮᠢᠨᠠ ᠶᠢᠨ ᠡᠪᠦᠷ ᠣᠷᠤᠭᠤ ᠭᠠᠷ ᠶᠢᠡᠨ ᠶᠠᠪᠣᠭᠤᠯᠤᠯᠠ᠃ ᠠᠮᠢᠨᠠ ᠰᠤᠴᠢᠨ ᠴᠡᠴᠡᠷᠡᠰᠭᠡᠵᠤ᠂ ᠭᠠᠷ ᠡᠴᠡ ᠭᠡᠳᠡᠷᠭᠦ ᠲᠦᠯᠭᠢᠭᠦ ᠰᠢᠭ᠌ ᠪᠣᠯᠤᠭᠰᠠᠨ ᠶᠢᠡᠨ ᠳᠠᠭᠢᠨ ᠠᠪᠠᠴᠢᠭᠠᠤᠨ ᠬᠠᠴᠠᠷ ᠳᠡᠭᠡᠷᠡ ᠪᠠᠨ ᠨᠠᠭᠠᠪᠠ᠃ ᠳᠤᠷᠭᠠ ᠰᠢᠭ ᠵᠥᠭᠡᠯᠡᠨ ᠬᠠᠴᠠᠷ ᠢ ᠨᠢ ᠢᠯᠪᠢᠨ ᠪᠠᠢ᠌ᠳᠠᠯᠠ ᠬᠤᠷᠤᠭᠤᠨ ᠤ ᠥᠡᠳᠡᠭᠡᠨ ᠳᠤ ᠰᠢᠩᠭᠡᠨ ᠶᠠᠭᠤᠮᠠ ᠳᠡᠮᠳᠡᠷᠡᠭ᠍ᠳᠡᠨᠡ᠃ ᠪᠠᠷᠤᠭ ᠨᠢᠯᠪᠣᠰᠤ ᠪᠠᠢ᠌ᠬᠠ ᠭᠡᠵᠤ ᠪᠢ ᠳᠤᠳᠤᠷᠠ ᠪᠠᠨ ᠳᠠᠭᠠᠮᠠᠭᠯᠠᠯᠠ᠃ ᠪᠢᠳᠠ ᠬᠤᠶᠠᠷ ᠢᠩᠭᠢᠵᠤ ᠵᠥᠪᠭᠡᠨ ᠭᠠᠳᠠᠷ ᠮᠠᠳᠠᠷᠠᠯ ᠶᠢᠡᠷ ᠶᠢᠡᠨ ᠳᠠᠮᠵᠢᠨ ᠰᠡᠳᠭᠢᠯ ᠬᠠᠢ᠌ᠷᠠ ᠶᠢᠨ ᠳᠤᠭᠳᠤᠯᠤᠯ ᠶᠢᠡᠨ ᠭᠡᠴᠢᠨᠡᠨ ᠣᠳᠠᠭᠠᠨ ᠴᠢᠩᠨᠠᠵᠤ ᠭᠡᠪᠳᠡᠭ᠍ᠰᠡᠨ ᠢ ᠪᠣᠤ ᠮᠠᠳᠠ︕ ᠠᠮᠢᠨᠠ ᠮᠢᠨᠤ ᠠᠯᠠᠭᠠ ᠶᠢ ᠬᠠᠴᠠᠷ ᠳᠤᠤᠷᠠ ᠪᠠᠨ ᠳᠠᠪᠢᠰᠤᠨ ᠰᠠᠨᠠᠭᠠ ᠨᠢ ᠠᠮᠠᠷᠠᠭᠠ ᠶᠤᠮ ᠰᠢᠭ ᠦᠷᠭᠡᠯᠡᠵᠤ ᠡᠭᠢᠯᠡᠭᠦ ᠳᠤ ᠮᠢᠨᠤ ᠪᠠᠶᠠ ᠰᠡᠳᠭᠢᠯ ᠴᠤ ᠳᠠᠯᠪᠢᠭᠤᠷᠠᠨ ᠳᠤᠳᠤᠷᠠ ᠨᠢᠭᠡ ᠯᠠ ᠠᠭᠤᠵᠢᠷᠠᠭᠠᠤᠨ ᠣᠠᠳᠠᠭᠠᠤᠨ ᠥᠭ᠍ᠴᠡᠢ᠃ ᠭᠡᠨᠡᠳᠲᠡ ᠭᠠᠷ ᠡᠴᠡ ᠣᠭᠵᠠᠷᠠᠨ ᠳᠠᠳᠠᠬᠤ ᠰᠢᠭ ᠪᠣᠯᠬᠤ ᠳᠤ ᠰᠤᠴᠢᠨ ᠰᠠᠷᠠᠪᠠᠯ ᠭᠡᠳᠥᠢᠨᠡᠢ ᠦᠣᠷ ᠴᠠᠢ᠌ᠭᠠᠤᠨ ᠠᠮᠢᠨᠠ ᠮᠢᠨᠤ ᠠᠯᠠᠭᠠᠨ ᠳᠡᠭᠡᠷᠡ ᠴᠤᠯᠤ ᠮᠦᠩᠭᠦᠨ ᠪᠦᠭᠡᠵᠢ ᠪᠠᠨ ᠳᠠᠯᠪᠢᠭᠠᠤᠨ ᠰᠡᠮᠡᠭᠡᠷᠭᠡᠨ ᠪᠣᠰᠤᠨ ᠭᠠᠷᠴᠠᠢ ᠁
ᠨᠠᠳᠠ ᠶᠢ ᠡᠯᠡᠰᠦᠳᠡᠢ ᠰᠤᠷᠭᠠᠭᠤᠯᠢ ᠡᠴᠡ ᠮᠤᠷᠳᠠᠬᠤ ᠳᠤ ᠨᠢᠯᠪᠣᠰᠤᠨ ᠳᠠᠭᠠᠨ ᠳᠡᠪᠳᠦᠭ᠍ᠰᠡᠨ ᠰᠤᠮᠠ ᠡᠭᠡᠴᠢ ᠬᠤᠷᠢᠭᠠᠤᠨ ᠰᠤᠷᠤᠭᠴᠢ ᠲᠡᠶ ᠪᠠᠨ ᠦᠳᠡᠨ ᠭᠠᠷᠭᠠᠵᠤ ᠵᠠᠮ ᠳᠤ ᠣᠷᠤᠭᠤᠯᠤᠯᠠ᠃ ᠭᠡᠰᠡᠭ᠌ ᠶᠠᠪᠣᠭᠠᠤᠨ ᠠᠷᠤ ᠳᠠᠭᠠᠨ ᠬᠠᠷᠠᠪᠠᠯ ᠠᠮᠢᠨᠠ ᠶᠢᠨ ᠮᠢᠨᠢ ᠦᠨᠦᠴᠢᠨ ᠪᠠᠷᠠ ᠪᠣᠯᠵᠤᠭᠠ ᠪᠦᠭᠡᠷᠡᠭ᠌ ᠳᠡᠭᠡᠷᠡ ᠦᠨᠦᠴᠢᠷᠠᠨ ᠦᠯᠠᠳᠠᠪᠠ᠃ ᠶᠠᠭᠤᠨ ᠳᠤ ᠡᠨᠡ ᠨᠤᠳᠤᠭ ᠡᠴᠡ ᠡᠢ᠌ᠮᠤ ᠬᠤᠷᠳᠤᠨ ᠶᠠᠪᠣᠭᠠ ᠪᠢᠯᠠ︖ ᠭᠡᠵᠤ ᠪᠣᠳᠤᠬᠤ ᠳᠤ ᠬᠠᠮᠤᠭ ᠤᠨ ᠦᠨᠡ ᠲᠡᠶ ᠶᠠᠭᠤᠮᠠ ᠪᠠᠨ ᠡ᠊ᠨᠳᠡ ᠮᠠᠷᠳᠠᠭᠠ ᠶᠤᠮ ᠰᠢᠭ ᠣᠢ ᠣᠬᠠᠭᠠᠨ ᠤ ᠬᠤᠭᠤᠰᠤᠷᠠᠯ ᠳᠤ ᠠᠪᠳᠠᠨ ᠣᠶᠤᠨ ᠮᠠᠳᠠᠷᠠᠯ ᠤᠨ ᠦᠨᠦᠴᠢᠷᠠᠯ ᠳᠤ ᠣᠨᠠᠵᠤ᠂ ᠡᠨᠡ ᠨᠤᠳᠤᠭ ᠤᠨ ᠵᠠᠬᠠ ᠡᠴᠡ ᠭᠠᠷᠤᠨ ᠭᠠᠷᠳᠠᠯᠠ ᠪᠣᠳᠤᠯ ᠰᠡᠳᠭᠢᠯ ᠤᠨ ᠵᠠᠳᠠᠭᠠᠢ ᠬᠠᠷᠠᠮᠰᠠᠯ ᠳᠤ ᠳᠤᠨᠤᠵᠤ ᠶᠠᠪᠣᠯᠠ ᠁
ᠡᠨᠡ ᠨᠤᠳᠤᠭ ᠲᠤ ᠡᠷᠭᠢᠵᠤ ᠢᠷᠡᠭᠦ ᠬᠤᠪᠢ ᠢᠷᠦᠭᠡᠯ ᠪᠠᠢ᠌ᠳᠠᠭ ᠪᠣᠯ ᠡ ⁈
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠦᠬᠡᠨᠠᠭᠤᠷ ᠮᠤᠵᠢ ᠶᠢᠨ ᠣᠯᠠᠭᠠᠨ ᠰᠢᠶᠠᠨ ᠤ ᠮᠤᠩᠭ᠋ᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠯ·ᠣᠳᠤᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠥᠭᠥᠯᠡᠯᠭᠡᠳᠠᠷᠤᠮ᠄ 9245
ᠴᠠᠭ᠄ 2010 ᠤᠨ ᠤ 05 ᠰᠠᠷᠠ ᠶᠢᠨ 08
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ