ᠰᠠᠢ᠌ᠬᠠᠨ ᠬᠠᠨ ᠤ ᠵᠢᠪᠠᠷ  

ᠨᠠᠭᠤᠷ ᠤᠨ ᠶᠢᠡᠨ ᠣᠰᠤᠨ ᠤ ᠳᠤᠩᠭ᠋ᠠᠯᠠᠭ ᠭᠡᠪᠠᠯᠢ ᠳ᠋ᠤ  

ᠡᠭᠦᠯᠡ ᠲᠡᠶ ᠪᠠᠨ ᠶᠠᠷᠢᠳᠠᠭ

ᠠᠯᠳᠠᠩᠬᠸ᠎ᠠ ᠴᠡᠴᠡᠭ᠌ ᠤᠨ ᠭᠤᠶᠤᠬᠠᠨ ᠭᠠᠯᠪᠢᠷ  

ᠳᠤᠷᠠᠰᠬᠤ ᠶᠢᠨ ᠡᠷᠭᠡᠨ ᠳᠤ ᠵᠡᠭᠦᠳᠤᠨ ᠳᠡᠭᠡᠨ ᠣᠴᠠᠷᠠᠳᠠᠭ

ᠳᠤᠭᠤᠢ ᠭᠦᠭᠡᠷᠦᠭᠦᠨ ᠴᠢᠨᠤ ᠳᠦᠷᠢ᠁   

ᠰᠠᠢ᠌ᠬᠠᠨ ᠬᠠᠨ ᠤ ᠪᠠᠨ ᠣᠷᠤᠢ ᠳ᠋ᠤ  

                  ᠭᠠᠷᠴᠤ ᠨᠢᠭᠡ ᠬᠠᠷᠠᠶ᠎ᠠ ᠭᠡᠭᠦ

ᠰᠠᠨᠠᠭ᠎ᠠ ᠨᠢ ᠪᠠᠢ᠌ᠭᠠᠤᠨ ᠴᠠᠭ ᠨᠢ ᠥᠭᠡᠢ  

                  ᠮᠢᠨᠤ ᠳᠤᠷᠠᠰᠤᠯ

ᠴᠢᠨᠤ ᠵᠥᠭᠡᠯᠡᠨ ᠠᠮᠢᠰᠬᠤᠭᠠᠨ ᠳᠤ

                  ᠬᠠᠮᠤᠭ ᠤᠢ᠌ᠷᠠᠬᠠᠨ ᠵᠢᠷᠭᠠᠶ᠎ᠠ ᠭᠡᠭᠦ

ᠴᠢᠩ ᠰᠡᠳᠭᠢᠯ ᠤᠨ ᠮᠦᠷᠦᠭᠡᠳᠦᠯ ᠶᠢᠡᠨ

                   ᠳᠠᠰᠤ ᠨᠢᠭᠤᠳᠠᠭ

                   ᠮᠢᠨᠤ ᠵᠠᠶᠠᠭ᠎ᠠ

ᠪᠢ ᠵᠥᠪᠭᠡᠨ ᠭᠦᠮᠤᠨ ᠤ

            ᠣᠯᠠᠷᠢᠯ ᠤᠨ ᠰᠠᠯᠭᠢ

ᠰᠠᠢ᠌ᠨ ᠰᠠᠢ᠌ᠬᠠᠨ ᠪᠣᠯᠪᠠᠰᠤᠨ ᠭᠡᠳᠡᠭ᠌ ᠲᠤ

ᠬᠠᠢ᠌ᠷ᠎ᠠ ᠪᠠᠨ ᠠᠮᠢᠳᠤ ᠪᠠᠷ ᠨᠢ ᠪᠣᠯᠠᠰᠢᠯᠠᠳᠠᠭ

ᠰᠡᠳᠬᠢᠯᠭᠡ ᠶᠢᠨ ᠭᠢᠮᠤᠷᠠᠯ

ᠣᠯᠠᠨ ᠤ ᠨᠢᠳᠤᠨ ᠳᠡᠭᠡᠷ᠎ᠡ

ᠴᠢᠨᠤ ᠭᠦ᠋ ᠬᠠᠷ᠎ᠠ ᠭᠡᠵᠢᠭᠡ ᠶᠢ ᠡᠩᠭᠦᠷᠡᠢ᠌ᠯᠡᠨ ᠢᠯᠪᠢᠳᠡᠭ᠌

ᠰᠠᠢ᠌ᠬᠠᠨ ᠬᠠᠨ ᠤ ᠵᠢᠪᠠᠷ᠁

ᠵᠤᠬᠢᠶᠠᠭᠴᠢ ᠶᠢᠨ ᠬᠠ‍‌ᠶᠢᠭ ᠄ ᠪᠠᠭᠠᠷᠢᠨ ᠤ ᠪᠠᠢ᠌ᠰᠢᠩᠳᠤ