☆ ᠠᠰᠬᠠ ᠶᠢᠨ ᠣᠰᠤ
ᠡᠭᠡ ᠭᠡᠯᠡ ᠮᠢᠨᠢ ᠮᠤᠩᠭ᠋ᠤᠯ
ᠲᠦᠮᠡᠨ ᠣᠨ ᠤ ᠭᠡᠷᠡᠭ᠌ ᠶᠠᠪᠣᠳᠠᠯ ᠢ
ᠪᠣᠰᠤᠭᠠ ᠪᠠᠷ ᠨᠠᠮᠳᠠᠷᠯᠠᠳᠠᠭ ᠮᠤᠩᠭ᠋ᠤᠯ ᠭᠡᠯᠡ
ᠳᠡᠦᠭᠡ ᠴᠠᠳᠢᠭ ᠤᠨ ᠡᠭᠦᠰᠦᠯ ᠭᠦᠭ᠍ᠵᠢᠯ ᠢ
ᠪᠣᠰᠤᠭᠠ ᠪᠠᠷ ᠱᠠᠰᠳᠢᠷᠯᠠᠳᠠᠭ ᠮᠤᠩᠭ᠋ᠤᠯ ᠭᠡᠯᠡ
ᠡᠭᠡ ᠭᠡᠯᠡ ᠮᠢᠨᠢ ᠮᠤᠩᠭ᠋ᠤᠯ᠂ ᠮᠤᠩᠭ᠋ᠤᠯ
ᠡᠩᠭᠡ ᠭᠦᠭ᠍ᠵᠢᠯ ᠲᠡᠶ ᠰᠦᠯᠳᠡ ᠭᠡᠯᠡ᠃
ᠣᠷᠳᠤ ᠶᠢᠨ ᠣᠷᠳᠤ ᠳᠡᠦᠭᠡ ᠶᠢᠨ ᠠᠶᠠᠨ ᠳ᠋ᠤ
ᠣᠷᠠᠨ ᠰᠢᠳᠢ ᠪᠠᠨ ᠭᠠᠢ᠌ᠬᠠᠭᠤᠯᠤᠭᠰᠠᠨ ᠭᠡᠯᠡ
ᠣᠨ ᠵᠢᠯ ᠤᠨ ᠰᠢᠷᠦᠭᠦᠨ ᠣᠷᠤᠰᠬᠠᠯ ᠳ᠋ᠤ
ᠣᠶᠠᠬᠠᠨ ᠨᠠᠮᠪᠠ ᠪᠠᠨ ᠬᠠᠳᠠᠭᠠᠯᠠᠭᠰᠠᠨ ᠭᠡᠯᠡ
ᠡᠭᠡ ᠭᠡᠯᠡ ᠮᠢᠨᠢ ᠮᠤᠩᠭ᠋ᠤᠯ᠂ ᠮᠤᠩᠭ᠋ᠤᠯ
ᠡᠪᠦᠭᠡ ᠳᠡᠭᠡᠳᠦᠰ ᠤᠨ ᠮᠢᠨᠢ ᠰᠢᠳᠦᠭᠡᠨ ᠭᠡᠯᠡ᠃
ᠮᠤᠷᠢᠨ ᠬᠤᠭᠤᠷ ᠤᠨ ᠮᠢᠨᠢ ᠣᠶᠠᠩᠭ᠋ᠠᠠᠬᠠᠨ ᠠᠶᠠᠰ
ᠮᠤᠩᠭ᠋ᠤᠯ ᠭᠡᠯᠡᠨ ᠳᠤ ᠮᠢᠨᠢ ᠨᠡᠪᠴᠢᠭ᠍ᠰᠡᠨ ᠪᠠᠢ᠌ᠳᠠᠭ
ᠮᠤᠷᠢᠳᠠᠨ ᠦᠨᠳᠦᠰᠦᠳᠠᠨ ᠤ ᠮᠢᠨᠢ ᠪᠠᠭᠠᠳᠤᠷ ᠵᠢᠪᠬᠤᠭᠠ
ᠮᠤᠩᠭ᠋ᠤᠯ ᠭᠡᠯᠡ ᠳᠤ ᠮᠢᠨᠢ ᠱᠤᠭᠤᠭᠳᠠᠭᠰᠠᠨ ᠪᠠᠢ᠌ᠳᠠᠭ
ᠡᠭᠡ ᠭᠡᠯᠡ ᠮᠢᠨᠢ ᠮᠤᠩᠭ᠋ᠤᠯ᠂ ᠮᠤᠩᠭ᠋ᠤᠯ
ᠥᠯᠢᠭᠡᠷ ᠳᠤᠤᠯᠢ ᠲᠡᠶ ᠪᠠᠭᠠᠳᠤᠷ ᠭᠡᠯᠡ᠃
ᠳᠠᠭᠠᠨᠠ ᠮᠠᠩᠭᠢᠷ ᠤᠨ ᠬᠠᠩᠬᠠᠯᠤᠭᠤᠨ ᠦᠨᠦᠷ
ᠮᠤᠩᠭ᠋ᠤᠯ ᠭᠡᠯᠡ ᠡᠴᠡ ᠮᠢᠨᠢ ᠠᠩᠭᠢᠯᠤᠨᠠ
ᠳᠠᠷᠠᠭ ᠠᠢ᠌ᠷᠠᠭ ᠤᠨ ᠪᠠᠶᠠᠨ ᠪᠣᠯᠠᠭ
ᠮᠤᠩᠭ᠋ᠤᠯ ᠭᠡᠯᠡ ᠡᠴᠡ ᠮᠢᠨᠢ ᠣᠠᠳᠤᠷᠤᠨᠠ
ᠡᠭᠡ ᠭᠡᠯᠡ ᠮᠢᠨᠢ ᠮᠤᠩᠭ᠋ᠤᠯ᠂ ᠮᠤᠩᠭ᠋ᠤᠯ
ᠦᠨᠳᠦᠰᠦᠳᠠᠨ ᠤ ᠣᠮᠤᠭᠰᠢᠯᠳᠤ ᠳᠠᠷᠬᠠᠨ ᠭᠡᠯᠡ᠃
ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤᠨ ᠵᠢᠷᠤᠭ
ᠮᠤᠩᠭ᠋ᠤᠯ ᠭᠡᠯᠡ ᠡᠴᠡ ᠮᠢᠨᠢ ᠳᠤᠳᠤᠷᠠᠨᠠ
ᠡᠭᠡᠰᠢᠭᠯᠢᠭ᠌ ᠣᠶᠠᠩᠭ᠋ᠠᠳᠤ ᠣᠷᠳᠤ ᠶᠢᠨ ᠳᠠᠭᠤᠤ
ᠮᠤᠩᠭ᠋ᠤᠯ ᠭᠡᠯᠡ ᠡᠴᠡ ᠮᠢᠨᠢ ᠢᠪᠢᠯᠤᠨᠡ
ᠡᠭᠡ ᠭᠡᠯᠡ ᠮᠢᠨᠢ ᠮᠤᠩᠭ᠋ᠤᠯ᠂ ᠮᠤᠩᠭ᠋ᠤᠯ
ᠣᠳᠤᠮᠰᠢᠯᠳᠤ ᠢᠷᠠᠭᠤ ᠭᠠᠢ᠌ᠬᠠᠮᠰᠢᠭᠳᠤ ᠭᠡᠯᠡ᠃
ᠠᠠᠳᠠᠢ ᠪᠦᠵᠢᠭ᠌ ᠤᠨ ᠭᠤᠴᠤᠯᠢᠭ ᠠᠶᠠᠰ
ᠮᠤᠩᠭ᠋ᠤᠯ ᠭᠡᠯᠡ ᠡᠴᠡ ᠮᠢᠨᠢ ᠴᠤᠤᠷᠢᠶᠠᠳᠤᠨᠠ
ᠥᠯᠢᠭᠡᠷ ᠳᠤᠤᠯᠢ ᠶᠢᠨ ᠪᠠᠭᠠᠳᠤᠷ ᠢᠳᠠᠳᠠᠨ
ᠮᠤᠩᠭ᠋ᠤᠯ ᠭᠡᠯᠡ ᠡᠴᠡ ᠮᠢᠨᠢ ᠴᠤᠭᠤᠷᠳᠠᠭᠳᠠᠨᠠ
ᠡᠭᠡ ᠭᠡᠯᠡ ᠮᠢᠨᠢ ᠮᠤᠩᠭ᠋ᠤᠯ᠂ ᠮᠤᠩᠭ᠋ᠤᠯ
ᠶᠢᠷᠳᠢᠠᠴᠤ ᠳᠤ ᠭᠠᠭᠴᠠᠬᠠᠨ ᠪᠣᠰᠤᠭᠠ ᠭᠡᠯᠡ᠃
ᠠᠽᠢᠶᠠ ᠧᠦᠷᠦᠫᠡ ᠶᠢᠨ ᠪᠣᠯᠪᠠᠰᠤᠨ ᠢ ᠠᠭᠢᠭᠤᠯᠤᠭᠰᠠᠨ
ᠪᠣᠰᠤᠭᠠ ᠵᠤᠷᠢᠭ ᠮᠢᠨᠢ ᠮᠤᠩᠭ᠋ᠤᠯ ᠪᠢᠯᠠ
ᠡᠷᠡᠨ ᠵᠠᠭᠤᠨ ᠲᠡᠶ ᠠᠮᠢᠰᠬᠤᠭᠠ ᠨᠢᠭᠡᠳᠭᠡᠭ᠍ᠰᠡᠨ
ᠴᠤᠭ ᠵᠢᠪᠬᠤᠭᠠ ᠮᠢᠨᠢ ᠮᠤᠩᠭ᠋ᠤᠯ ᠪᠢᠯᠠ
ᠡᠭᠡ ᠭᠡᠯᠡ ᠮᠢᠨᠢ ᠮᠤᠩᠭ᠋ᠤᠯ᠂ ᠮᠤᠩᠭ᠋ᠤᠯ
ᠡᠶᠡ ᠵᠤᠭᠢᠴᠠᠯ ᠲᠡᠶ ᠰᠤᠳᠤᠨ ᠭᠡᠯᠡ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠳᠠᠪᠢᠨ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠠᠰᠬᠠ ᠶᠢᠨ ᠣᠰᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 4316
ᠴᠠᠭ᠄ 2011 ᠤᠨ ᠤ 04 ᠰᠠᠷᠠ ᠶᠢᠨ 23
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ