ᠴᠢ ᠪᠣᠯ ᠬᠠᠢ᠌ᠷ᠎ᠠ ᠶᠢᠨ ᠭᠡᠳᠡᠭᠡ

ᠬᠠᠮᠤᠭ ᠣᠯᠠᠨ ᠤ ᠳᠤᠷᠠᠯᠠᠯ ᠠᠷᠭᠠᠮᠵᠢᠳᠠᠭ

ᠬᠠᠢ᠌ᠷ᠎ᠠ ᠶᠢᠨ ᠳᠤᠷᠭᠠᠨ ᠪᠦᠷᠢᠯᠸ᠎ᠡ

ᠬᠠᠷᠠᠵᠤ ᠬᠠᠨᠤᠭ᠎ᠠ ᠥᠭ᠍ᠡᠢ ᠴᠡᠴᠡᠭ᠌

ᠬᠠᠢ᠌ᠷ᠎ᠠ ᠶᠢᠨ ᠳᠠᠭᠢᠨᠢ ᠴᠢ ᠪᠢᠯᠠ᠂

ᠬᠠᠷᠠᠴᠠᠨ ᠳᠤ ᠬᠤᠷᠭᠤᠳᠠᠵᠤ ᠳᠤᠷᠠᠰᠳᠠᠭ

ᠬᠠᠯᠠᠭᠤᠨ ᠬᠤᠶᠠᠷ ᠮᠠᠯᠮᠠᠢ ᠪᠣᠶᠤ

ᠬᠠᠨᠠᠭᠠᠷ ᠳᠡᠭ᠍ᠰᠢ ᠳᠠᠨ ᠤ ᠪᠠᠶ᠎ᠠ

ᠬᠠᠢ᠌ᠷ᠎ᠠ ᠶᠢᠨ ᠭᠡᠳᠡᠭᠡ ᠶᠢ ᠴᠢ ᠪᠣᠯᠢᠶᠠᠨᠠᠮ

ᠴᠡᠪᠠᠷᠭᠡᠨ ᠳᠦᠷᠦᠭ᠍ᠰᠡᠨ ᠴᠢᠨᠤ ᠴᠢᠷᠠᠢ

ᠴᠡᠷᠢᠭ᠌ ᠪᠦᠰᠡᠭᠦᠢ ᠳᠠᠨ ᠤ ᠭᠤᠶᠤ

ᠴᠡᠷᠢᠭ᠌ ᠤᠨ ᠬᠤᠸᠠᠷᠠᠨ ᠳ᠋ᠠᠭᠢ ᠴᠢᠨᠤ ᠢᠨᠢᠶᠠᠯ

ᠴᠡᠴᠡᠭᠡᠰ ᠢ ᠢᠴᠢᠭᠡᠭᠦ ᠳᠠᠨ ᠤ ᠪᠠᠶᠠᠰᠤᠯ

ᠴᠢᠮ᠎ᠠ ᠳᠤ ᠣᠶᠠᠰᠬᠤ ᠮᠢᠨᠤ ᠵᠢᠷᠦᠬᠡ

ᠴᠡᠭᠡᠵᠢᠨ ᠳᠤ ᠳᠡᠯᠡᠷᠡᠭᠦ ᠴᠢᠨᠤ ᠳᠠᠯᠪᠢ

ᠴᠠᠭᠠᠪᠣᠷ ᠰᠡᠳᠭᠢᠯ ᠴᠤᠪᠣᠭᠤᠯᠢᠭ ᠵᠠᠩ

ᠴᠡᠷᠢᠭ᠌ ᠪᠦᠰᠡᠭᠦᠢ ᠳᠠᠨ ᠤ ᠠᠭᠠᠯᠢ

ᠵᠢᠭ᠍ᠳᠡ ᠮᠦᠷ ᠲᠡᠶ ᠵᠢᠪᠬᠤᠭᠠᠳᠤ ᠠᠯᠬᠤᠭ᠎ᠠ

ᠵᠢᠠᠠᠰᠠᠭᠠᠯ ᠪᠣᠯᠪᠠᠰᠤᠨ ᠳᠠᠨ ᠤ ᠰᠦᠷ᠂

ᠡᠩᠬᠡ ᠳᠠᠢ᠌ᠪᠣᠩ ᠣᠢ᠌ᠯᠠᠰ ᠮᠦᠷᠳᠠᠵᠤ

ᠡᠰᠨᠢᠭᠦ ᠨᠤᠭᠤᠭᠠᠨ ᠠᠮᠢᠳᠤᠷᠠᠯ ᠬᠠᠢ᠌ᠨ

ᠢᠷᠡᠭᠡᠳᠦᠢ ᠮᠠᠷᠭᠠᠰᠢ ᠶᠢᠨ ᠳᠦᠷᠦᠭᠡᠨ ᠳᠡᠭᠡᠷ᠎ᠡ

ᠴᠤᠴᠠᠯᠳᠠ ᠦᠭᠡᠶ ᠵᠢᠦᠡᠭᠦᠨ ᠳᠡᠮᠡᠤᠯᠳᠡᠭ᠌

ᠴᠡᠷᠢᠭ᠌ ᠪᠦᠰᠡᠭᠦᠢ ᠳᠠᠨ ᠤ ᠠᠯᠪᠠ᠂

ᠨᠠᠯᠠᠭᠠᠷ ᠪᠠᠶᠠᠨ ᠨᠤᠳᠤᠭ ᠳᠠᠭᠠᠨ

ᠨᠠᠪᠴᠢ ᠴᠡᠴᠡᠭ᠌ ᠳᠡᠯᠭᠡᠷᠡᠭᠦ ᠰᠢᠭ᠌

ᠨᠠᠷᠠᠨ ᠵᠥᠭ᠌ ᠤᠨ ᠭᠡᠢ᠌ᠮᠦᠷᠢ ᠡᠷᠭᠦᠨ

ᠠᠮᠢᠳᠤᠷᠠᠯ ᠠᠶᠠᠨ ᠤ ᠦᠨᠡᠨ ᠢ ᠡᠷᠢᠵᠤ

ᠠᠳᠠᠯ ᠭᠡᠷ ᠶᠢᠡᠨ ᠥᠭᠡᠳᠡ ᠳᠠᠳᠠᠨ

ᠵᠢᠷᠦᠭᠡᠨ ᠠᠮᠠᠷᠠᠭ ᠣᠬᠠᠭᠠᠨ ᠳᠤ ᠪᠠᠨ

ᠠᠶᠠᠨ ᠤ ᠴᠡᠩᠭᠡᠷ ᠬᠠᠷᠠᠭ᠎ᠠ ᠡᠪᠦᠷᠯᠡᠵᠤ

ᠵᠡᠭᠦᠳᠤᠨ ᠳᠡᠷᠭᠡᠯ ᠣᠢ᠌ᠯᠠᠰ ᠭᠡᠳ

ᠠᠷᠠᠯ ᠤᠨ ᠱᠠᠷ ᠰᠢᠭ ᠵᠢᠦᠡᠭᠦᠳᠡᠭ᠌

ᠴᠢᠩ ᠬᠠᠢ᠌ᠷ᠎ᠠ ᠶᠢᠨ ᠴᠡᠯᠭᠢᠶ᠎ᠡ

ᠴᠡᠷᠢᠭ᠌ ᠪᠦᠰᠡᠭᠦᠢ ᠴᠢ ᠪᠢᠯᠠ᠃

ᠴᠢᠨᠤ ᠵᠥᠭ᠌ ᠶᠡᠭᠦᠷᠡᠭᠦ ᠬᠠᠢ᠌ᠷ᠎ᠠ

ᠬᠤᠨᠤᠭ ᠤᠨ ᠮᠢᠩᠭ᠋ᠠᠨ ᠵᠡᠭᠦᠳᠤᠨ ᠳ᠋ᠤ

ᠬᠤᠩᠭ᠋ᠤᠷ ᠵᠢᠷᠦᠭᠡᠨ ᠤ ᠨᠢᠭᠤᠴᠠᠬᠠᠨ ᠪᠣᠳᠤᠯ ᠳ᠋ᠤ

ᠴᠡᠴᠡᠭᠯᠡᠵᠤ ᠪᠣᠯᠪᠠᠰᠤᠷᠠᠭᠠᠳᠤᠢ ᠡᠮᠵᠡᠭ‍‍ᠭᠡᠨ ᠬᠠᠢ᠌ᠷ᠎ᠠ

ᠴᠡᠷᠢᠭ᠌ ᠤᠨ ᠬᠤᠸᠠᠷᠠᠨ ᠵᠥᠭ᠌ ᠰᠠᠮ ᠨᠡᠭᠦᠨ᠎ᠡ

ᠬᠤᠷᠠᠭ ᠤᠨ ᠠᠮᠢᠳᠤ ᠳᠠᠪᠢᠯᠠᠩ ᠳᠡᠭᠡᠷ᠎ᠡ

ᠬᠠᠨᠢ ᠶᠢᠨ ᠢᠷᠦᠭᠡᠯ ᠲᠡᠶ ᠵᠡᠭᠦᠳᠤ ᠮᠠᠨᠠᠵᠤ

ᠰᠡᠳᠭᠢᠯ ᠤᠨ ᠴᠡᠩᠭᠡᠷ ᠨᠠᠭᠤᠷ ᠲᠤ ᠪᠠᠨ

ᠰᠥᠵᠦᠭ᠌ ᠠᠷᠢᠭᠤᠬᠠᠨ ᠬᠠᠢ᠌ᠷ᠎ᠠ ᠨᠡᠪᠴᠢᠭᠡᠨ

ᠵᠥᠭᠡᠯᠡᠨ ᠠᠶᠠᠰ ᠲᠡᠶ ᠰᠠᠯᠭᠢ ᠳᠤᠠᠠᠯᠠᠭᠤᠯᠤᠨ

ᠵᠢᠷᠦᠭᠡᠨ ᠳᠤ ᠪᠠᠨ ᠴᠢᠮ᠎ᠠ ᠶᠢ ᠬᠤᠨ ᠪᠣᠯᠭᠠᠭᠰᠠᠨ

ᠴᠢᠩ ᠦᠨᠡᠠᠴᠢ ᠨᠢᠭᠡᠨ ᠳᠤᠷᠠᠯᠠᠯ

ᠬᠤᠷ᠎ᠠ ᠶᠢᠨ ᠡᠭᠦᠯᠡ ᠰᠢᠭ᠌ ᠨᠡᠭᠦᠵᠤ ᠪᠠᠢ᠌ᠨᠠᠮ ᠁

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ᠄ ᠦᠪᠣᠷ ᠮᠤᠩᠭ᠋ᠤᠯ᠂ ᠣᠷᠳᠤᠰ