☆ ᠪᠦᠭᠡᠴᠢᠯᠡᠭᠤ
ᠨᠤᠳᠤᠭ ᠤᠨ ᠶᠢᠡᠨ ᠪᠣᠷᠤᠭᠠᠨ ᠳᠤ ᠨᠤᠷᠬᠤ ᠰᠠᠢ᠌ᠬᠠᠨ
ᠨᠤᠳᠤᠭ ᠲᠤ ᠮᠢᠨᠢ ᠪᠣᠷᠤᠭᠠᠨ ᠣᠷᠤᠬᠤ ᠣᠶᠠᠩᠭ᠋ᠠᠳᠠᠢ ᠰᠠᠢ᠌ᠬᠠᠨ
ᠨᠤᠳᠤᠭ ᠤᠨ ᠶᠢᠡᠨ ᠪᠣᠷᠤᠭᠠᠨ ᠳᠤ ᠨᠤᠷᠬᠤ ᠪᠠᠰᠠ ᠣᠯᠠᠮ ᠰᠠᠢ᠌ᠬᠠᠨ
ᠨᠤᠳᠤᠭ ᠤᠨ ᠮᠢᠨᠢ ᠨᠤᠭᠤᠭᠠ ᠰᠡᠷᠭᠦᠭᠡᠳ ᠥᠩᠭᠡ ᠲᠡᠶ ᠰᠠᠢ᠌ᠬᠠᠨ
ᠨᠤᠳᠤᠭ ᠪᠢᠳᠠ ᠬᠤᠶᠠᠭᠤᠯᠠ ᠨᠤᠷᠤᠭᠠᠤᠨ ᠰᠡᠳᠭᠢᠯ ᠲᠡᠶ ᠰᠠᠢ᠌ᠬᠠᠨ
ᠴᠢᠭᠢᠭ᠌ ᠥᠨᠦᠷᠳᠦᠭᠡᠳ ᠴᠢᠯᠡᠭᠡ ᠳᠠᠢ᠌ᠯᠤᠭᠳᠠᠭᠰᠠᠨ ᠭᠦᠷᠦᠰᠤᠨ ᠳ᠋ᠤ
ᠴᠡᠴᠡᠭ᠌ ᠴᠤᠪᠣᠭᠤᠵᠢᠭᠠᠤᠨ ᠰᠡᠷᠭᠦᠯᠡᠩ ᠨᠢ ᠠᠷᠭᠠ ᠦᠭᠡᠶ ᠭᠦᠭᠡᠷᠦᠭᠦᠢ
ᠴᠡᠩᠭᠡᠯ ᠤᠨ ᠬᠠᠪᠣ ᠳᠡᠯᠡᠭᠡᠢ ᠶᠢ ᠳᠦᠭᠦᠷᠭᠡᠭᠡᠳ
ᠴᠡᠭ᠍ᠴᠡᠦᠭᠡᠢ ᠪᠣᠯᠵᠤᠮᠤᠷ ᠵᠢᠷᠭᠢᠨ ᠳᠠᠭᠤᠯᠠᠵᠠᠢ ᠭᠦᠭᠡᠷᠦᠭᠦᠢ
ᠮᠠᠯ ᠤᠨ ᠨᠢᠷᠤᠭᠤ ᠡᠡᠮᠡᠷᠡᠨᠡ ᠭᠡᠵᠤ ᠥᠭᠦᠯᠡᠭᠡᠳ
ᠮᠠᠯᠴᠢᠳ ᠶᠠᠭᠠᠭᠢᠬᠤ ᠶᠢᠨ ᠠᠷᠭᠠ ᠦᠭᠡᠶ ᠪᠠᠶᠠᠷᠯᠠᠨᠠ ᠭᠦ᠋
ᠮᠠᠢ᠌ᠯᠠᠰᠤ ᠬᠠᠢ᠌ᠯᠠᠰᠤ ᠨᠢ ᠭᠦᠭᠡᠷᠡᠭᠡᠳ
ᠮᠠᠩᠬᠠ ᠭᠤᠪᠢ ᠨᠢ ᠨᠤᠭᠤᠭᠠᠷᠠᠨᠠ ᠭᠦ᠋
ᠨᠠᠷᠠ ᠬᠤᠷᠠ ᠳᠡᠩᠴᠡᠭ᠍ᠰᠡᠨ ᠨᠤᠳᠤᠭ ᠤᠨ ᠵᠢᠷᠭᠠᠯ ᠢ
ᠨᠠᠰᠤᠨ ᠤ ᠵᠢᠷᠭᠠᠯ ᠤᠨ ᠳᠤᠭᠠᠨ ᠳᠤ ᠪᠣᠳᠤᠯ ᠦᠭᠡᠶ ᠶᠠᠭᠠᠭᠢᠬᠤ ᠪᠣᠢ
ᠨᠠᠭᠠᠳᠤᠮ ᠤᠨ ᠳᠤᠭᠤᠰᠤ ᠪᠠᠨ ᠵᠢᠷᠭᠠᠭᠠᠳᠠᠭ ᠪᠣᠷᠤᠭᠠ ᠰᠢᠭ
ᠨᠠᠷᠠᠯᠠᠭ ᠬᠤᠷᠸᠠ ᠳᠤ ᠠᠮᠢᠳᠤᠷᠠᠳᠠᠭ ᠤᠨ ᠣᠴᠢᠷ ᠦᠭᠡᠶ ᠶᠠᠭᠠᠭᠢᠬᠤ ᠪᠣᠢ
ᠳᠡᠭ᠍ᠷᠢ ᠶᠢᠨ ᠬᠠᠶᠠᠭᠠ ᠶᠢ ᠠᠷᠴᠢᠭᠠᠤᠨ ᠥᠩᠭᠡᠷᠡᠭᠦ ᠰᠢᠭ᠌ ᠪᠣᠷᠤᠭᠠᠨ ᠢ
ᠳᠡᠯᠡᠭᠡᠢ ᠪᠠᠷ ᠶᠢᠡᠨ ᠠᠮᠢᠰᠬᠤᠭᠠᠤᠨ ᠠᠭᠤᠵᠢᠷᠠᠵᠤ ᠣᠩᠭ᠋ᠣᠢ᠌ᠳᠠᠭ ᠭᠤᠶᠤ ᠶᠤᠮ
ᠳᠡᠨᠢᠭᠡᠷ ᠳᠠᠯᠠ ᠶᠢ ᠪᠠᠨ ᠬᠠᠷᠠᠭᠰᠠᠨ ᠶᠤᠮᠰᠢᠭ ᠬᠠᠷᠠᠭᠠ ᠳᠠᠯᠪᠢᠭᠤᠷᠠᠭᠠᠤᠨ
ᠳᠡᠨᠢᠭᠦᠨ ᠪᠣᠳᠤᠯ ᠡᠷᠭᠡ ᠦᠭᠡᠶ ᠣᠷᠭᠤᠳᠠᠭ ᠳᠠᠪᠠᠳᠠᠢ ᠶᠤᠮ
ᠨᠤᠳᠤᠭ ᠤᠨ ᠪᠣᠷᠤᠭᠠᠨ ᠳᠤ ᠨᠤᠷᠬᠤ ᠥᠨᠡᠭᠡᠷ ᠰᠠᠢ᠌ᠬᠠᠨ
ᠨᠤᠯᠤᠮ ᠨᠤᠭᠤᠭᠠᠨ ᠳᠤ ᠨᠢ ᠰᠤᠭᠳᠤᠭᠤᠷᠠᠮᠠ ᠳᠤᠷᠠᠯᠠᠳᠠᠭ ᠪᠠᠢ᠌ᠯᠠ ᠪᠢ
ᠨᠤᠭᠤ ᠶᠢᠨ ᠳᠤᠭᠤᠷᠤᠤ ᠰᠢᠭ ᠨᠤᠳᠤᠭᠰᠢᠭᠰᠠᠨ ᠪᠣᠳᠤᠯ ᠮᠢᠨᠢ ᠭᠦᠭᠡᠷᠦᠭᠦᠢ
ᠨᠤᠷᠴᠤ ᠯᠠ ᠶᠠᠪᠣᠭᠰᠠᠨ ᠨᠠᠷᠠ ᠰᠢᠭ ᠳᠤᠩᠭ᠋ᠠᠯᠠᠭ ᠰᠠᠢ᠌ᠬᠠᠨ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠣᠯᠠᠭᠠᠢ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠣᠷᠤᠨ ᠤ ᠮᠤᠩᠭ᠋ᠤᠯ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠪᠦᠭᠡᠴᠢᠯᠡᠭᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2629
ᠴᠠᠭ᠄ 2011 ᠤᠨ ᠤ 06 ᠰᠠᠷᠠ ᠶᠢᠨ 21
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ