☆ ᠨ·ᠷᠢᠠᠴᠢᠨ
ᠮᠠᠭᠤ ᠳᠦᠰᠢᠭ᠌
ᠰᠢᠨᠠ ᠵᠢᠯ ᠤᠨ ᠰᠢᠨᠠ ᠶᠢᠨ ᠪᠠᠶᠠᠷ ᠶᠢᠡᠷ ᠪᠢ ᠪᠣᠯᠤ ᠡᠭᠡᠴᠢ ᠶᠢᠨ ᠳᠡᠭᠡᠨ ᠠᠢ᠌ᠯᠴᠢᠯᠠᠵᠤ ᠭᠦᠷᠦᠭ᠍ᠰᠡᠨ ᠶᠦᠮ᠃ ᠳᠡᠭᠡᠭᠡᠳ ᠪᠢᠳᠠ ᠬᠤᠶᠠᠭᠤᠯᠠ ᠡᠨᠡ ᠳᠠᠷᠠ ᠡᠯᠳᠡᠪ ᠢ ᠶᠠᠷᠢᠯᠴᠠᠵᠤ ᠨᠠᠯᠢᠶᠠᠤᠨ ᠭᠦᠭᠡᠷᠦᠯᠳᠦᠯᠡ᠃ ᠬᠠᠮᠢᠭᠠ ᠭᠡᠵᠢᠶᠡᠨᠢ ᠥᠩᠭᠡᠷᠡᠭ᠍ᠰᠡᠨ ᠣᠴᠢᠷ ᠤᠳ ᠢ ᠶᠠᠷᠢᠯᠴᠠᠵᠤ ᠶᠤᠰᠤᠳᠠᠢ ᠬᠠᠠᠳᠠᠯᠠ ᠢᠨᠢᠶᠠᠯᠴᠠᠪᠠ᠃ ᠪᠢ ᠪᠦᠷ ᠢᠨᠢᠶᠡᠭ᠍ᠰᠡᠭᠡᠷ ᠪᠠᠢ᠌ᠵᠤ ᠭᠡᠳᠡᠰᠤᠨ ᠪᠣᠯᠴᠠᠩ ᠡᠪᠠᠦᠡᠴᠢᠭᠡᠪᠡ᠃ ᠪᠣᠯᠤ ᠡᠭᠡᠴᠢ ᠴᠤ ᠨᠢᠯᠪᠣᠰᠤ ᠭᠠᠷᠳᠠᠯᠠ ᠢᠨᠢᠶᠠᠪᠠ᠃ ᠳᠠᠷᠠ ᠨᠢᠯᠪᠣᠰᠤ ᠪᠠᠨ ᠠᠷᠴᠢᠬᠤ ᠵᠠᠭᠤᠷᠠ 《ᠡᠨ ᠶᠠ᠂ ᠣᠷᠴᠢᠮ ᠤᠨ ᠵᠢᠯ ᠢᠩᠭᠢᠵᠤ ᠢᠨᠢᠶᠡᠭ᠍ᠰᠡᠨ ᠦᠭᠡᠶ》 ᠭᠡᠭᠦ ᠶᠤᠮ᠃ ᠪᠢ ᠳᠡᠭᠡᠭᠡᠳ 《ᠶᠠᠭᠤ ᠭᠡᠵᠢ ᠳ᠋ᠠ᠂ ᠨᠠᠳᠠ ᠰᠢᠭ ᠡᠭᠡᠯ ᠵᠢᠷ ᠤᠨ ᠮᠥᠷᠳᠡᠭᠡᠨ ᠴᠢᠳᠠᠯ ᠡᠷᠳᠡᠮ ᠳᠤᠳᠠᠮᠠᠭ᠂ ᠭᠡᠷ ᠳᠡᠷᠭᠡ ᠨᠢ ᠳᠦᠭᠦᠮᠭᠡᠨ᠂ ᠨᠠᠢ᠌ᠵᠠ ᠨᠥᠭᠦᠤᠨ ᠠᠷᠪᠢᠨ ᠦᠭᠡᠶ ᠭᠦᠮᠤᠨ ᠬᠠᠶᠠ ᠳᠠᠭᠠᠨ ᠪᠠᠰᠠ ᠢᠩᠭᠢᠵᠤ ᠭᠦᠭᠡᠷᠴᠢᠭᠡᠳᠡᠭ᠌ ᠪᠠᠢ᠌ᠳᠠᠯᠠ ᠴᠢᠮᠠ ᠰᠢᠭ ᠡᠷᠳᠡᠮ ᠴᠢᠳᠠᠯ ᠬᠤᠤᠰᠯᠠᠭᠰᠠᠨ᠂ ᠳᠠᠷᠤᠭᠠ ᠨᠤᠶᠠᠨ ᠪᠣᠯᠴᠢᠬᠠᠭᠰᠠᠨ ᠬᠠᠭᠠᠨ ᠤ ᠣᠷᠳᠤᠨ ᠰᠢᠭ ᠭᠡᠷ ᠭᠦᠷᠦᠩᠭᠡ ᠲᠡᠶ᠂ ᠪᠦᠭ᠍ᠰᠡ ᠪᠠᠷ ᠳᠦᠭᠦᠷᠡᠩ ᠨᠠᠢ᠌ᠵᠠ ᠨᠥᠭᠦᠤᠨ ᠲᠡᠶ ᠭᠦᠮᠤᠨ ᠶᠤᠰᠤᠳᠠᠢ ᠨᠠᠮᠢ᠋ᠢ ᠬᠠᠭᠤᠷᠬᠤ ᠳᠠᠭᠠᠨ᠁》 ᠭᠡᠪᠡ᠃ ᠳᠠᠭᠠᠭᠤᠯᠡᠷ ᠡᠭᠡᠴᠢ ᠮᠢᠨᠢ ᠭᠠᠷ ᠶᠢᠡᠨ ᠰᠠᠵᠢᠯᠠᠨ ᠲᠦᠪ ᠰᠠᠭᠤᠵᠤ᠄ 《 ᠦᠭᠡᠶ ᠰᠢᠤ᠂ ᠥᠨᠡᠭᠡᠷ᠃ ᠳᠠᠳᠠᠨ ᠲᠡᠶ ᠶᠠᠷᠢᠯᠴᠠᠬᠤ ᠪᠣᠯᠤᠨ ᠴᠢᠮᠠ ᠲᠡᠶ ᠶᠠᠷᠢᠯᠴᠠᠬᠤ ᠴᠢᠨᠢ ᠦᠰᠦᠳ ᠣᠠᠳᠤᠤ᠃ ᠭᠦᠮᠤᠨ ᠨᠠᠮᠠ ᠶᠢ ᠡᠳᠦᠷ ᠲᠤ ᠶᠡᠭᠡ ᠵᠢᠷᠭᠠᠯᠳᠠᠢ ᠪᠠᠢ᠌ᠨᠠ ᠭᠡᠵᠤ ᠰᠠᠨᠠᠳᠠᠭ᠂ ᠥᠨᠡᠨᠳᠡᠭᠡᠨ ᠪᠢ ᠰᠡᠳᠭᠢᠯ ᠤᠨ ᠳᠠᠷᠤᠭᠠᠰᠤ ᠲᠡᠶ ᠭᠦᠮᠤᠨ ᠳ᠋ᠠ᠁》
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠤ ᠭᠡᠵᠢ ᠳ᠋ᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠳᠦᠯᠦᠭᠡ ᠠᠮᠢ ᠪᠠᠨ ᠴᠦᠯᠠᠵᠤ ᠶᠠᠪᠣᠭᠰᠠᠨ ᠰᠢᠤ᠂ ᠡᠨᠡ ᠭᠡᠷ ᠢ ᠪᠠᠰᠠ ᠭᠦᠤ ᠳᠡᠭᠡᠨ ᠠᠪᠴᠤ ᠦᠭᠭᠦ ᠭᠡᠵᠤ ᠴᠢᠷᠮᠠᠢ᠌ᠵᠤ ᠯᠠ ᠮᠡᠳᠡᠭ᠍ᠰᠡᠨ᠃ ᠭᠡᠭᠦ ᠳᠤ ᠵᠢᠭᠡ ᠴᠢᠨᠢ ᠡᠳᠡᠭᠡᠷ ᠢ ᠳᠤᠭᠤᠬᠤ ᠦᠭᠡᠶ᠂ ᠣᠳᠤ ᠳ᠋ᠠᠯᠢᠶᠠᠨ ᠳᠤ ᠠᠮᠢᠳᠤᠷᠠᠨᠠ ᠭᠡᠨᠡ᠂ ᠳᠠᠯᠠᠢ ᠬᠠᠷᠠᠵᠤ ᠰᠠᠭᠤᠬᠤ ᠪᠣᠯ ᠮᠢᠨᠤ ᠪᠠᠷᠢ ᠶᠢᠨ ᠭᠦᠰᠡᠯ ᠭᠡᠨᠡ᠁
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠦᠤ ᠪᠠᠷᠢ ᠴᠢᠨᠢ ᠳᠡᠭᠡᠭᠡᠳ ᠳᠠᠷᠠ ᠰᠠᠢ᠌ᠬᠠᠨ ᠠᠵᠢᠯ ᠶᠢᠡᠨ ᠣᠷᠭᠢᠭᠠᠤᠨ ᠶᠠᠪᠣᠨᠠ ᠦᠦ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠡᠭᠡᠯᠭᠦᠢ ᠳ᠋ᠠ᠂ ᠳᠠᠳᠠ ᠴᠢᠨᠢ ᠮᠢᠨᠤ ᠰᠠᠨᠠᠭᠠ ᠶᠢ ᠮᠡᠳᠡᠭᠦ ᠦᠭᠡᠶ᠃ ᠣᠳᠤ ᠳᠡᠭᠡᠭᠡᠳ ᠳ᠋ᠠᠯᠢᠶᠠᠨ ᠳᠤ ᠨᠢᠭᠡ ᠠᠵᠢᠯ ᠠᠮᠢᠳᠤᠷᠠᠯ ᠪᠣᠰᠬᠠᠬᠤ ᠳᠤᠬᠠᠢ ᠡᠪᠯᠡᠭᠦᠯᠦᠭᠡᠳ ᠥᠭ᠌ ᠭᠡᠵᠤ ᠡᠳᠦᠷ ᠲᠡᠭᠡᠨ ᠨᠠᠮᠢ᠋ᠢ ᠰᠢᠨᠠᠯᠭᠠᠬᠤ ᠶᠤᠮ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠳᠠ ᠦᠪᠡᠷᠰᠠᠤᠨ ᠶᠢᠡᠨ ᠠᠷᠭᠠᠯᠠᠨᠠ ᠪᠢᠵᠠ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠳᠠ ᠶᠠᠭᠤ ᠪᠠᠷ ᠶᠢᠡᠨ ᠠᠷᠭᠠᠯᠠᠨᠠ ᠪᠣᠢ︖ ᠬᠤᠭᠤᠰᠤᠨ ᠦᠨᠳᠦᠷ ᠰᠠᠨᠠᠭᠠ ᠪᠠᠢ᠌ᠬᠤ ᠡᠴᠡ ᠳ᠋ᠠ᠂ ᠴᠢ ᠵᠢᠭᠡ ᠪᠠᠨ ᠮᠡᠳᠡᠬᠦ ᠦᠭᠡᠢ ᠴᠤ ᠪᠢᠰᠢ᠂ ᠵᠢᠭᠡ ᠴᠢᠨᠢ ᠳᠡᠭᠡᠵᠤ 《ᠠᠳᠤᠭᠤᠨ ᠤ ᠪᠠᠨ ᠭᠢᠷᠢ ᠪᠠᠷ ᠢᠰᠭᠢᠷᠴᠤ ᠭᠦᠡᠵᠢᠯᠡᠨ ᠤ ᠭᠢᠷᠢ ᠪᠠᠷ ᠵᠢᠭᠢᠳᠡᠭ᠌》 ᠨᠢ ᠪᠢᠰᠢ᠃ ᠪᠠᠷᠢ ᠴᠤ ᠠᠳᠠᠯᠢ ᠡ᠂ 《ᠠᠭᠤᠯᠠ ᠶᠢᠨ ᠪᠣᠭᠤ ᠶᠢ ᠬᠠᠷᠠᠭᠠᠤᠨ ᠣᠨᠤᠭᠰᠠᠨ ᠪᠣᠬᠠ ᠪᠠᠨ ᠬᠠᠶᠠᠳᠠᠭ》 ᠨᠢ᠃ ᠪᠦᠷ ᠯᠠ ᠬᠤᠪᠴᠠᠰᠤ ᠬᠤᠨᠠᠷ᠂ ᠡᠳ᠋ ᠪᠣᠳᠠᠰ ᠶᠢᠡᠷ ᠪᠣᠰᠤᠳ ᠲᠡᠶ ᠠᠳᠠᠯᠢᠤᠠᠬᠠᠬᠤ ᠡᠴᠡ ᠥᠭᠡᠷᠡ ᠶᠠᠮᠠᠷ ᠴᠤ ᠴᠢᠳᠠᠯ ᠦᠭᠡᠶ ᠠᠮᠢᠳᠠᠤᠨ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢᠮᠠ ᠰᠢᠭ ᠳᠦᠰᠢᠭ᠌ ᠪᠠᠢ᠌ᠬᠤ ᠳᠠᠭᠠᠨ ᠯᠠ ᠪᠢᠵᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠤᠯ ᠨᠢ ᠪᠢ ᠳᠠᠳᠠᠨ ᠳᠤ ᠳᠦᠰᠢᠭ᠌ ᠪᠣᠯᠬᠤ ᠪᠠᠷ ᠴᠢᠷᠮᠠᠢ᠌ᠵᠤ ᠶᠠᠪᠣᠭᠰᠠᠨ ᠨᠢ ᠦᠨᠡᠠᠳᠠᠢ᠃ ᠭᠦᠤ ᠪᠠᠨ ᠨᠢᠭᠡ ᠰᠠᠢ᠌ᠬᠠᠨ ᠶᠠᠪᠣᠭᠤᠯᠴᠢᠬᠠᠪᠠᠯ ᠰᠠᠨᠠᠭᠠ ᠠᠮᠠᠷᠠᠬᠤ ᠰᠢᠭ᠌ ᠪᠣᠳᠤᠭᠳᠠᠳᠠᠭ᠃ ᠳᠡᠭᠦᠨ ᠢ ᠯᠠ ᠲᠦᠰᠢᠵᠤ ᠥᠳᠡᠯᠦᠭᠡ ᠨᠠᠰᠤ ᠪᠠᠨ ᠨᠥᠭ᠍ᠴᠢᠭᠡᠭᠦ ᠭᠡᠵᠤ ᠰᠠᠨᠠᠳᠠᠭ᠃ ᠭᠡᠳᠡᠯᠡ ᠳᠡᠳᠡᠭᠡᠷ ᠴᠢᠨᠢ ᠪᠦᠷ ᠰᠠᠨᠠᠭᠠ ᠬᠠᠩᠬᠤ ᠶᠢ ᠮᠡᠳᠡᠳᠡᠭ᠌ ᠦᠭᠡᠶ ᠣᠯᠤᠰ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠥᠳᠡᠯᠦᠭ᠍ᠰᠡᠨ ᠤ ᠳᠠᠷᠠᠭᠠ ᠯᠠᠪ ᠳᠦᠰᠢᠭ᠌ ᠪᠣᠯᠬᠤ ᠪᠠᠢ᠌ᠯᠭᠦᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠳᠠᠨ ᠤ ᠳᠠᠷᠠ ᠴᠢᠷᠠᠢ ᠪᠠᠷ ᠳ᠋ᠠ᠃ ᠮᠠᠨ ᠤ ᠪᠠᠷᠢ ᠮᠠᠨ ᠤ ᠳᠤ ᠢᠷᠡᠭᠡᠳ ᠳᠠᠪᠤᠨ ᠵᠢᠯ ᠪᠣᠯᠵᠤ ᠪᠠᠢ᠌ᠨᠠ᠂ ᠨᠢᠭᠡ ᠴᠤ ᠬᠤᠭᠤᠯᠠ ᠭᠢᠭᠦ ᠶᠢ ᠮᠡᠳᠡᠭᠦ ᠦᠭᠡᠶ᠃ ᠠᠩᠬᠠ ᠵᠢᠯ ᠬᠤᠪᠢ ᠴᠢᠭ᠌ ᠲᠡᠭᠡᠨ ᠰᠠᠭᠤᠨᠠ ᠭᠡᠭᠦᠯᠡᠷ ᠪᠢ ᠬᠤᠳᠠ ᠶᠢᠨ ᠭᠤᠤᠯ ᠳ᠋ᠠᠭᠢ ᠬᠠᠮᠤᠭ ᠰᠠᠢ᠌ᠨ ᠪᠠᠷᠢᠯᠭᠠ ᠶᠢ ᠰᠤᠩᠭ᠋ᠤᠭᠤᠯᠵᠤ ᠪᠠᠢ᠌ᠭᠠᠤᠨ ᠭᠡᠷ ᠠᠪᠴᠤ ᠦᠭᠭᠦᠭ᠍ᠰᠡᠨ ᠶᠤᠮ᠃ ᠳᠠᠮᠠᠢ ᠣᠳᠠᠭᠰᠠᠨ ᠦᠭᠡᠶ ᠳᠠᠠᠳᠠ ᠳᠡᠷᠭᠡ ᠮᠠᠰᠢᠨ ᠱᠤᠤᠭᠢᠭᠠᠤᠨ ᠠᠮᠠᠷᠴᠤ ᠳᠡᠢ᠌ᠯᠭᠦ ᠦᠭᠡᠶ ᠪᠠᠢ᠌ᠨᠠ ᠭᠡᠨᠡ᠂ ᠨᠠᠷᠠᠪᠴᠢ (ᠳᠠᠭᠳᠤ) ᠨᠢ ᠢᠪᠴᠤᠤ ᠪᠣᠯᠴᠢᠬᠠᠵᠠᠢ ᠴᠤ ᠭᠡᠨᠡ᠃ ᠢᠩᠭᠢᠭᠡᠳ ᠡᠨᠡ ᠭᠡᠷ ᠢ ᠠᠪᠣᠭᠠᠤᠨ ᠨᠢᠭᠡ ᠵᠢᠯ ᠴᠤ ᠪᠣᠯᠤᠭᠰᠠᠨ ᠦᠭᠡᠶ ᠳ᠋ᠠᠯᠢᠶᠠᠨ ᠳᠤ ᠶᠠᠪᠣᠨᠠ ᠭᠡᠭᠦ ᠶᠤᠮ᠃ ᠶᠠᠪᠣᠪᠠᠯ ᠶᠠᠪᠣ ᠪᠠ᠂ ᠮᠢᠨᠤ ᠬᠠᠵᠠᠭᠤ ᠡᠴᠡ ᠰᠠᠯᠪᠠᠯ ᠪᠠᠰᠠ ᠰᠤᠨᠢᠨ ᠪᠣᠯᠬᠤ ᠴᠤ ᠮᠠᠭᠠᠤᠨ ᠭᠡᠳ ᠣᠤᠯ ᠤᠨ ᠬᠤᠶᠠᠷ ᠬᠠᠭᠤᠴᠢᠨ ᠭᠡᠷ ᠶᠢᠡᠨ ᠬᠤᠳᠠᠯᠳᠤᠭᠠᠤᠨ ᠳ᠋ᠠᠯᠢᠶᠠᠨ ᠳᠤ ᠨᠢᠭᠡ ᠭᠡᠷ ᠢ ᠨᠢ ᠠᠪᠴᠢᠬᠠᠭᠰᠠᠨ᠃ ᠪᠣᠰᠤᠳ ᠢ ᠨᠢ ᠥᠪᠠᠷᠳᠡᠭᠡᠨ ᠮᠠᠳᠠ ᠭᠡᠭᠦᠯᠡᠷ ᠶᠠᠭᠤ ᠴᠤ ᠴᠢᠳᠠᠬᠤ ᠦᠭᠡᠶ ᠳᠠᠳᠠ ᠬᠤᠶᠠᠷ ᠶᠠᠭᠠᠭᠢᠨᠠ ᠪᠣᠢ︖ ᠠᠵᠢᠯ ᠢ ᠨᠢ ᠰᠢᠯᠵᠢᠭᠦᠯᠭᠦ ᠭᠡᠵᠤ ᠪᠠᠰᠠ ᠠᠮᠤᠷ ᠦᠭᠡᠶ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠶᠤᠰᠤᠳᠠᠢ ᠬᠡᠦᠬᠡᠳ ᠤᠨ ᠶᠢᠡᠨ ᠳᠦᠯᠦᠭᠡ ᠠᠮᠢᠳᠤᠷᠠᠭᠰᠠᠨ ᠭᠦᠮᠤᠨ ᠳ᠋ᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠯᠢ ᠠᠪᠣ ᠡᠵᠢ ᠨᠢ ᠳᠠᠮᠠᠢ ᠦᠭᠡᠶ ᠪᠣᠢ︖ ᠭᠡᠯᠡᠶᠡ ᠭᠡᠰᠡᠨ ᠪᠢ ᠠᠵᠢᠯ᠂ ᠮᠥᠩᠭᠦ ᠭᠡᠭ᠍ᠰᠡᠭᠡᠷ ᠪᠠᠢ᠌ᠵᠤ ᠭᠦᠤ ᠪᠠᠨ ᠰᠤᠷᠭᠠᠵᠤ ᠴᠢᠳᠠᠭᠰᠠᠨ ᠦᠭᠡᠶ᠂ ᠮᠢᠨᠤ ᠭᠦᠤ ᠵᠤᠭᠤᠰ ᠵᠠᠷᠤᠬᠤ ᠡᠴᠡ ᠥᠭᠡᠷᠡ ᠶᠠᠭᠤ ᠴᠤ ᠴᠢᠳᠠᠬᠤ ᠦᠭᠡᠶ ᠭᠦᠮᠤᠨ ᠪᠣᠯᠵᠠᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠪᠰᠢᠬᠤ ᠵᠠᠩ ᠨᠢ ᠴᠢᠮᠠ ᠶᠢ ᠶᠡᠭᠡ ᠳᠠᠭᠤᠷᠢᠶᠠᠵᠠᠢ᠃ ᠪᠢ ᠰᠡᠳᠭᠢᠯ ᠳᠤ ᠳᠠᠭᠠ ᠦᠭᠡᠶ ᠣᠴᠢᠷ ᠢ ᠶᠠᠷᠢᠯᠴᠠᠬᠤ ᠳᠤᠷᠠ ᠦᠭᠡᠶ ᠪᠣᠯᠵᠤ ᠥᠭᠡ ᠰᠢᠯᠵᠢᠭᠦᠯᠭᠦ ᠢ ᠰᠠᠨᠠᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠠᠮᠢ᠋ᠢ ᠳᠠᠭᠤᠷᠢᠶᠠᠯᠠ ⁈ ᠪᠢ ᠳᠠᠢ᠌ᠮᠤ ᠬᠠᠨᠤᠰᠢ ᠦᠭᠡᠶ ᠪᠠᠢ᠌ᠭᠰᠠᠨ ᠭᠡᠵᠢ ᠦᠦ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠭᠡᠶ᠂ ᠦᠭᠡᠶ᠃ ᠳᠠᠳᠠ ᠪᠠᠰᠠ ᠳᠠᠪᠰᠢᠬᠤ ᠶᠢ ᠪᠣᠳᠤᠵᠤ ᠪᠠᠢ᠌ᠬᠤ ᠳᠠᠭᠠᠨ ᠪᠠᠢ᠌ᠯᠭᠦᠢ᠂ ᠪᠠᠭᠠ ᠭᠡᠷ ᠢ ᠶᠡᠭᠡ ᠭᠡᠷ ᠶᠢᠡᠷ ᠰᠤᠯᠢᠵᠤ᠂ ᠪᠠᠭᠠ ᠬᠤᠳᠠᠨ ᠳᠤ ᠪᠠᠢ᠌ᠭᠰᠠᠨ ᠡᠴᠡ ᠶᠡᠭᠡ ᠬᠤᠳᠠᠨ ᠳᠤ ᠰᠠᠭᠤᠬᠤ ᠭᠡᠰᠡᠨ ᠨᠢ ᠁
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠷᠠ ᠶᠢ ᠪᠠᠰᠠ ᠳᠠᠪᠰᠢᠬᠤ ᠭᠡᠵᠤ ᠭᠡᠯᠡᠨᠡ ᠦᠦ︖ ᠡᠭᠡᠴᠢ ᠠᠭᠤᠷᠯᠠᠭᠰᠠᠨ ᠰᠢᠭ ᠪᠣᠯᠪᠠ᠃ ᠪᠢ ᠪᠣᠳᠤᠭᠰᠠᠨ ᠶᠢᠡᠷ ᠶᠢᠡᠨ ᠶᠠᠷᠢᠭᠰᠠᠨ ᠳᠠᠭᠠᠨ ᠬᠠᠷᠠᠮᠰᠠᠵᠤ᠂ 《ᠳᠡᠭᠦᠤ ᠨᠢ ᠥᠭᠡ ᠶᠠᠷᠢᠵᠤ ᠴᠢᠳᠠᠬᠤ ᠦᠭᠡᠶ ᠰᠢᠤ》 ᠭᠡᠵᠤ ᠴᠠᠭᠠᠪᠣᠷᠢᠯᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠪᠠᠰᠠ ᠠᠯᠪᠠ ᠪᠠᠷ ᠨᠠᠮᠢ᠋ᠢ ᠠᠷᠭᠠᠳᠠᠵᠤ ᠪᠠᠢ᠌ᠬᠤ ᠳ᠋ᠠ ᠭᠡᠵᠤ ᠡᠭᠡᠴᠢ ᠬᠤᠶᠠᠷ ᠭᠠᠷ ᠶᠢᠡᠨ ᠰᠠᠯᠠᠭᠠᠪᠴᠢᠯᠠᠵᠤ᠂ ᠳᠤᠭᠤᠭᠰᠢ ᠬᠠᠷᠠᠨ ᠭᠡᠰᠡᠭ᠌ ᠣᠳᠠᠭᠰᠠᠨ ᠶᠢᠡᠨ ᠳᠤᠯᠤᠭᠠᠢ ᠪᠠᠨ ᠡᠷᠭᠦᠵᠤ᠂ ᠭᠡᠵᠢᠭᠡ ᠪᠠᠨ ᠠᠷᠤᠠᠰᠢ ᠪᠠᠨ ᠢᠯᠪᠢᠨ᠄ 《ᠨᠠᠳᠠᠳᠤ ᠦᠨᠡᠨ ᠥᠭᠡ ᠶᠠᠷᠢᠳᠠᠭ ᠭᠦᠮᠤᠨ ᠦᠭᠡᠶ ᠪᠣᠯᠵᠠᠢ》 ᠭᠡᠳ ᠱᠠᠹᠠᠨ ᠤ ᠳᠦᠰᠢᠯᠭᠡ ᠲᠦᠰᠢᠵᠤ ᠣᠷᠳᠤ ᠭᠡᠭ᠍ᠴᠢ ᠰᠢᠭᠦᠷᠡᠰᠤ ᠠᠯᠳᠠᠪᠠ᠃
ᠡᠨᠡ ᠊ᠭ᠍ᠱᠡᠨ ᠠᠷᠪᠠᠨ ᠵᠢᠯ ᠤᠨ ᠡᠮᠦᠨᠡᠭᠢ ᠨᠢᠭᠡ ᠣᠴᠢᠷ ᠪᠣᠳᠤᠯ ᠳᠤ ᠣᠷᠤᠵᠤ ᠢᠷᠠᠯᠠ᠃ ᠳᠠᠷᠠ ᠦᠶᠡ ᠪᠢ ᠳᠦᠩᠭᠡᠵᠢ ᠣᠶᠤᠳᠠᠨ ᠪᠣᠯᠴᠢᠬᠠᠭᠠᠤᠨ ᠡᠨᠡ ᠬᠤᠳᠠᠨ ᠳᠤ ᠢᠷᠡᠭ᠍ᠰᠡᠨ ᠶᠤᠮ᠃ ᠡᠵᠢ ᠮᠢᠨᠢ ᠨᠠᠮᠢ᠋ᠢ ᠭᠦᠷᠭᠡᠵᠤ ᠢᠷᠠᠨ ᠪᠣᠯᠤ ᠡᠭᠡᠴᠢ ᠶᠢᠨ ᠳᠤ ᠭᠡᠳᠤ ᠬᠤᠨᠤᠪᠠ᠃ ᠪᠣᠯᠤ ᠡᠭᠡᠴᠢ ᠺᠤᠮᠫᠠᠨᠢ ᠳᠠᠭᠠᠨ ᠶᠠᠭᠠᠷᠠᠭᠠᠤᠨ ᠰᠦᠨᠢ ᠬᠠᠷᠢᠵᠤ ᠢᠷᠠᠨ ᠥᠷᠯᠦᠭᠡ ᠡᠷᠳᠡ ᠶᠠᠪᠣᠴᠢᠬᠠᠳᠠᠭ ᠪᠣᠯᠬᠤᠷ ᠠᠩᠬᠠ ᠡᠳᠦᠷ ᠡᠴᠡ ᠬᠣᠢ᠌ᠰᠢ ᠪᠢ ᠳᠡᠭᠦᠨ ᠲᠡᠶ ᠳᠠᠭᠢᠵᠤ ᠠᠭᠤᠯᠵᠠᠭᠰᠠᠨ ᠦᠭᠡᠶ᠃ ᠵᠢᠭᠡ ᠭᠦᠤ ᠮᠢᠨᠢ ᠳᠠᠷᠠ ᠦᠶᠡ ᠠᠷᠪᠠ ᠥᠩᠭᠡᠷᠡᠭ᠍ᠰᠡᠨ ᠠᠯᠢᠶᠠ ᠪᠠᠠᠳᠢ ᠪᠠᠢ᠌ᠯᠠ᠃ ᠨᠢᠭᠡ ᠣᠳᠠᠭᠠ ᠵᠡᠷᠭᠡᠯᠡᠳᠡᠭᠡ ᠠᠢ᠌ᠯ ᠤᠨ ᠬᠡᠦᠬᠡᠳ ᠤᠨ ᠪᠦᠮᠪᠦᠭᠡ ᠶᠢ ᠴᠤᠭᠤᠯᠴᠢᠬᠠᠭᠠᠤᠨ ᠬᠠᠷᠮᠠᠨ ᠡᠴᠡ ᠪᠠᠨ ᠨᠢᠭᠡ ᠵᠠᠭᠤᠳᠤ ᠶᠢᠨ ᠳᠡᠪᠢᠰᠭᠡᠷ ᠶᠢ ᠭᠠᠷᠭᠠᠵᠤ᠄ 《ᠪᠣᠤ ᠣᠭᠢᠯᠠ᠂ ᠮᠠᠭᠤ ᠪᠦᠮᠪᠦᠭᠡ ᠶᠢ ᠴᠢᠨᠢ ᠳᠦᠯᠦᠴᠢᠭᠡᠶᠡ》 ᠭᠡᠰᠡᠨ ᠳᠤ ᠪᠢ ᠶᠡᠭᠡ ᠰᠤᠴᠢᠵᠤ ᠠᠪᠣᠭᠰᠠᠨ ᠪᠢᠯᠠ᠃ ᠳᠠᠷᠠ ᠰᠦᠨᠢ ᠡᠵᠢ᠂ ᠡᠭᠡᠴᠢ ᠶᠢ ᠭᠦᠯᠢᠶᠡᠵᠤ ᠪᠠᠢ᠌ᠭᠠᠤᠨ ᠢᠷᠡᠭᠦᠯᠵᠤ᠄ 《ᠭᠡᠦᠭᠡᠨ ᠮᠢᠨᠢ ᠳᠠ ᠬᠤᠶᠠᠭᠤᠯᠠ ᠪᠠᠨ ᠪᠦᠷ ᠠᠵᠢᠯ ᠭᠡᠳ ᠶᠠᠭᠠᠷᠠᠵᠤ ᠪᠠᠢ᠌ᠭᠰᠠᠭᠠᠷ ᠬᠡᠦᠬᠡᠳ ᠶᠢᠡᠨ ᠬᠠᠶᠠᠭᠠᠨ ᠳᠠᠭᠠᠨ ᠬᠠᠶᠠᠴᠢᠬᠠᠵᠠᠢ᠃ ᠡᠳ᠋ ᠮᠥᠩᠭᠦ ᠶᠢ ᠭᠦᠮᠤᠨ ᠣᠯᠤᠭᠠᠤᠨ ᠪᠠᠷᠠᠬᠤ ᠶᠤᠮ ᠪᠢᠰᠢ᠂ ᠭᠡᠭᠦ ᠳᠡᠭᠡᠨ ᠳᠠᠷᠠ ᠴᠢᠨᠢ ᠥᠷᠯᠦᠭᠡ ᠦᠳᠡᠰᠢ ᠶᠢᠨ ᠰᠢᠭᠦᠳᠡᠷᠢ ᠰᠢᠭ ᠶᠠᠭᠤᠮᠠ᠃ ᠪᠣᠤ ᠳᠡᠭᠦᠨ ᠤ ᠳᠦᠯᠦᠭᠡ ᠭᠦᠤ ᠪᠠᠨ ᠦᠭᠡᠶ ᠭᠢᠴᠢᠭᠡ︕ ᠬᠡᠦᠬᠡᠳ ᠪᠣᠯ ᠭᠦᠮᠤᠨ ᠤ ᠢᠷᠡᠭᠡᠳᠦᠢ ᠰᠢᠤ︕ (ᠬᠡᠦᠬᠡᠳ ᠶᠢᠠᠨ ᠰᠤᠷᠭᠠᠵᠤ ᠭᠦᠮᠦᠵᠢᠭᠦᠯᠵᠤ ᠴᠢᠳᠠᠬᠤ ᠦᠭᠡᠶ ᠠᠪᠣ ᠡᠵᠢ ᠪᠣᠯ ᠬᠠᠮᠤᠭ ᠤᠨ ᠭᠤᠳᠤᠮᠰᠢᠭ) ᠭᠡᠵᠤ ᠨᠠᠭᠠᠴᠤ ᠡᠮᠡᠭᠡ ᠴᠢᠨᠢ ᠴᠤ ᠡᠭᠡᠴᠢ ᠳᠡᠭᠦᠤ ᠪᠢᠳᠠ ᠭᠡᠳᠦᠭᠦᠯᠡ ᠳᠤ ᠶᠠᠷᠢᠳᠠᠭ ᠪᠠᠢ᠌ᠭᠰᠠᠨ᠁》 ᠭᠡᠭᠦ ᠳᠤ ᠪᠣᠯᠤ ᠡᠭᠡᠴᠢ᠄ 《ᠠᠨᠢᠶᠠ ᠪᠠᠰᠠ ᠡᠵᠢ ᠰᠢᠭ ᠨᠤᠷᠰᠢᠬᠤ ᠳᠤᠷᠠᠳᠠᠢ᠂ ᠣᠳᠤ ᠠᠮᠠᠷᠠᠴᠢᠬᠠ︕ ᠮᠢᠨᠤ ᠭᠦᠤ ᠶᠠᠭᠤ ᠪᠠᠷ ᠴᠤ ᠳᠤᠳᠠᠵᠤ ᠦᠭᠡᠶ᠃ ᠥᠵᠡᠭᠦᠢ᠂ ᠰᠠᠨᠠᠭᠠ ᠠᠮᠤᠷ ᠣᠠᠳᠠᠴᠢᠬᠠᠭᠰᠠᠨ ᠪᠠᠢ᠌ᠬᠤ ᠦᠭᠡᠶ ᠦᠦ︖》 ᠭᠡᠳ ᠬᠤᠶᠠᠷ ᠭᠠᠷ ᠶᠢᠡᠨ ᠡᠵᠢ ᠶᠢᠨ ᠮᠦᠷᠤᠨ ᠳᠡᠭᠡᠷᠡ ᠳᠠᠯᠪᠢᠵᠤ ᠪᠠᠷᠤᠭ ᠳᠦᠯᠭᠢᠭᠦ ᠰᠢᠬᠠᠭᠤ ᠥᠷᠦᠭᠡᠨ ᠤ ᠡᠭᠦᠳᠡ ᠪᠠᠷ ᠣᠷᠤᠭᠤᠯᠪᠠ᠃ ᠡᠵᠢ ᠪᠠᠰᠠ ᠰᠠᠨᠠᠭᠠ ᠠᠮᠠᠷᠠᠭᠰᠠᠨ ᠦᠭᠡᠶ ᠪᠣᠯᠤᠯᠳᠠᠢ᠄ 《ᠬᠡᠦᠬᠡᠳ ᠤᠨ ᠬᠠᠵᠠᠭᠤ ᠳᠤ ᠠᠪᠣ ᠡᠵᠢ ᠨᠢ ᠪᠠᠢ᠌ᠬᠤ ᠨᠢ ᠬᠠᠷᠮᠠᠨ ᠳ᠋ᠤᠨᠢ ᠵᠤᠭᠤᠰ ᠴᠢᠭᠢᠭᠡᠳ ᠬᠠᠶᠠᠭᠰᠠᠨ ᠡᠴᠡ ᠬᠤᠯᠠ ᠳᠡᠭᠡᠷᠡ ᠪᠠᠢ᠌ᠬᠤ ᠡ᠃ ᠨᠠᠭᠠᠴᠤ ᠶᠢᠨ ᠳ᠋ᠤᠨᠢ ᠣᠷᠭᠢᠵᠤ ᠪᠠᠢ᠌ᠭᠰᠠᠨ ᠪᠣᠯ ᠡ᠊ᠨᠳᠡ ᠠᠪᠴᠢᠷᠠᠭᠰᠠᠨ ᠡᠴᠡ ᠳᠡᠭᠡᠷᠡ ᠪᠠᠢ᠌ᠬᠤ ᠴᠤ ᠮᠠᠭᠠᠤᠨ᠂ ᠣᠴᠢᠷ ᠦᠭᠡᠶ ᠪᠠᠭᠠ ᠡᠴᠡ ᠨᠢ ᠶᠠᠭᠤᠮᠠ ᠰᠤᠷᠭᠠᠨᠠ ᠭᠡᠵᠤ ᠠᠪᠴᠢᠷᠠᠭᠠᠤᠨ᠁》 ᠭᠡᠵᠤ ᠥᠭᠦᠯᠡᠵᠤ ᠪᠠᠢ᠌ᠪᠠ᠃ ᠡᠭᠡᠴᠢ ᠰᠤᠨᠤᠰᠤᠭᠰᠠᠨ ᠡᠰᠡᠭᠦ ᠶᠢ ᠪᠣᠤ ᠮᠠᠳᠠ᠂ ᠡᠰᠡᠭᠦᠯᠡ ᠠᠯᠢ ᠭᠡᠵᠢᠶᠡᠨᠢ ᠣᠠᠳᠠᠴᠢᠬᠠᠭᠰᠠᠨ ᠴᠤ ᠮᠠᠭᠠᠤᠨ᠂ ᠨᠥᠭᠦᠭᠡ ᠥᠷᠦᠭᠡ ᠨᠠᠮ ᠵᠢᠮ ᠯᠠ ᠪᠠᠢ᠌ᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠭᠡᠴᠢ ᠶᠠᠭᠤ ᠴᠤ ᠭᠡᠰᠡᠨ ᠳᠠᠷᠠ ᠦᠶᠡ ᠪᠠᠨ ᠰᠢᠭ᠌ ᠶᠠᠭᠠᠷᠠᠬᠤ ᠪᠠᠨ ᠪᠣᠯᠢᠵᠠᠢ᠃ ᠪᠢ ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠢᠩᠭᠢᠵᠤ ᠥᠭᠦᠯᠡᠨ ᠪᠣᠳᠤᠯ ᠡᠴᠡ ᠰᠡᠷᠭᠦᠯᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠯᠠ ᠳᠡᠨᠡᠭ᠍ᠰᠢᠵᠤ ᠠᠷᠪᠢᠨ ᠢᠯᠡᠭᠦᠤ ᠠᠵᠢᠯ ᠭᠢᠵᠤ ᠶᠠᠪᠣᠯᠠ᠃ ᠣᠳᠤ ᠪᠣᠳᠤᠬᠤᠯᠠᠷ ᠵᠠᠷᠢᠮ ᠵᠣᠢ᠌ᠯ ᠨᠢ ᠶᠤᠰᠤᠳᠠᠢ ᠢᠯᠡᠭᠦᠴᠡ ᠶᠠᠭᠤᠮᠠ᠃ ᠭᠡᠷᠡᠭ᠌ ᠦᠭᠡᠶ ᠠᠷᠪᠢᠨ ᠵᠤᠭᠤᠰ ᠣᠯᠬᠤ ᠪᠠᠷ ᠵᠢᠦᠡᠭᠦᠵᠤ ᠪᠠᠢ᠌ᠭᠰᠠᠭᠠᠷ ᠭᠦᠤ ᠪᠠᠨ ᠭᠦᠮᠦᠵᠢᠭᠦᠯᠭᠦ ᠪᠠᠨ ᠮᠠᠷᠳᠠᠯᠠ᠂ ᠡᠷᠭᠡ ᠣᠯᠬᠤ ᠪᠠᠷ ᠳᠡᠮᠡᠴᠡᠭ᠍ᠰᠡᠭᠡᠷ ᠪᠠᠢ᠌ᠵᠤ ᠡᠷᠡ ᠨᠥᠭᠦᠷ ᠡᠴᠡ ᠪᠠᠨ ᠰᠠᠯᠤᠯᠠ᠃ ᠣᠳᠤ ᠭᠦᠤ ᠪᠠᠨ ᠲᠦᠰᠢᠵᠤ ᠰᠠᠭᠤᠶᠠ ᠭᠡᠭᠦᠯᠡᠷ ᠳᠠᠷᠠ ᠴᠢᠨᠢ ᠨᠠᠳᠠ ᠶᠢ ᠡᠨᠡ ᠶᠡᠭᠡ ᠬᠠᠩᠭᠢᠯ ᠭᠡᠷ ᠲᠤ ᠭᠠᠭᠴᠠᠭᠠᠷ ᠢ ᠣᠷᠭᠢᠭᠠᠤᠨ ᠳ᠋ᠠᠯᠢᠶᠠᠨ ᠳᠤ ᠨᠤᠳᠤᠭᠰᠢᠵᠤ᠂ ᠳᠠᠯᠠᠢ ᠬᠠᠷᠠᠵᠤ ᠰᠠᠭᠤᠬᠤ ᠶᠤᠮ ᠭᠡᠨᠡ᠃
ᠡᠭᠡᠴᠢ᠂ ᠡᠷᠭᠡ ᠮᠥᠩᠭᠦ ᠵᠠᠷᠢᠮ ᠳᠠᠭᠠᠨ ᠵᠤᠪᠠᠯᠠᠩ ᠡᠴᠡ ᠥᠭᠡᠷᠡ ᠶᠢ ᠠᠪᠴᠢᠷᠠᠬᠤ ᠦᠭᠡᠶ ᠰᠡᠳᠭᠢᠯ ᠤᠨ ᠨᠠᠢ᠌ᠵᠠ ᠦᠭᠡᠶ ᠪᠣᠯᠴᠢᠬᠠᠨᠠ᠃ ᠡᠷᠭᠡᠨ ᠳᠤ ᠭᠤᠷᠢᠯᠠᠵᠤ᠂ ᠮᠥᠩᠭᠦᠨ ᠳᠤ ᠣᠨᠠᠭᠴᠢ ᠯᠠ ᠣᠢ᠌ᠷᠠᠳᠤᠭᠠᠤᠨ ᠪᠠᠢ᠌ᠳᠠᠭ ᠭᠡᠭᠦ ᠮᠠᠳᠤ ᠪᠠᠷ ᠣᠯᠠᠨ ᠢ ᠶᠠᠷᠢᠵᠤ ᠰᠡᠳᠭᠢᠯ ᠨᠢ ᠡᠪᠭᠡᠷᠡᠨ ᠨᠢᠯᠪᠣᠰᠤ ᠪᠦᠮᠪᠦᠷᠢᠭᠦᠯᠵᠤ ᠪᠠᠢ᠌ᠪᠠ᠃
ᠪᠢ ᠶᠠᠭᠤ ᠶᠠᠭᠠᠭᠢᠪᠠᠴᠤ ᠢᠷᠡᠭ᠍ᠰᠡᠨ ᠤ ᠦᠶᠡ ᠶᠢᠨ ᠪᠠᠢ᠌ᠳᠠᠯ ᠳᠤ ᠭᠦᠳᠡᠯᠵᠤ᠂ ᠳᠡᠷᠡᠭᠦ ᠰᠠᠢ᠌ᠬᠠᠨ ᠠᠭᠤᠷ ᠠᠮᠢᠰᠬᠤᠯ ᠢ ᠪᠣᠢ ᠪᠣᠯᠭᠠᠵᠤ ᠴᠢᠳᠠᠬᠤ ᠦᠭᠡᠶ ᠪᠠᠨ ᠮᠡᠳᠡᠭᠡᠳ ᠡᠪᠯᠡᠭᠦᠯᠵᠤ ᠪᠠᠢ᠌ᠭᠠᠤᠨ ᠮᠤᠷᠳᠠᠯᠠ᠃
ᠪᠠᠭᠠ ᠳᠤᠭᠤᠷᠢᠭ ᠤᠨ ᠡᠭᠦᠳᠡ ᠪᠠᠷ ᠭᠠᠷᠬᠤ ᠳᠠᠭᠠᠨ ᠪᠢ ᠡᠨᠡᠭᠦ ᠵᠠᠮ ᠨᠡᠪᠳᠡᠷᠡᠯᠭᠡ ᠳᠦᠭᠦᠮ᠂ ᠬᠤᠳᠠᠯᠳᠤᠭᠠ ᠳᠡᠯᠭᠡᠭᠦᠷ ᠡᠴᠡ ᠣᠢ᠌ᠷᠠ ᠵᠡᠷᠭᠡ ᠡᠯᠡ ᠳᠠᠯᠠ ᠶᠢᠨ ᠨᠥᠭᠦᠴᠡᠯ ᠤᠨ ᠰᠠᠢ᠌ᠨ ᠢ ᠬᠠᠷᠠᠵᠤ ᠪᠠᠷᠢᠭᠰᠠᠨ ᠠᠯᠪᠠᠨ ᠭᠠᠵᠠᠷ ᠤᠨ ᠠᠵᠢᠯᠳᠠᠨ ᠤ ᠳᠤᠭᠤᠷᠢᠭ ᠤᠨ ᠠᠰᠠᠷ ᠢ ᠡᠷᠭᠢᠵᠤ ᠬᠠᠷᠠᠪᠠ᠃
ᠬᠤᠳᠠ ᠶᠢᠨ ᠬᠠᠮᠤᠭ ᠰᠠᠢ᠌ᠬᠠᠨ ᠪᠠᠷᠢᠯᠭᠠ ᠶᠢᠨ ᠨᠢᠭᠡ ᠪᠣᠯᠤᠭᠰᠠᠨ ᠡᠨᠡᠭᠦ ᠠᠰᠠᠷ ᠲᠤ ᠵᠢᠭᠡ ᠮᠢᠨᠢ ᠰᠢᠭ ᠵᠠᠯᠠᠭᠤᠴᠤᠳ ᠭᠡᠴᠢᠨᠡᠨ ᠥᠰᠦᠭ᠍ᠰᠡᠨ ᠪᠣᠯ︖ ᠡᠭᠡᠴᠢ ᠮᠢᠨᠢ ᠰᠢᠭ ᠺᠠᠳ᠋ᠷ ᠭᠡᠴᠢᠨᠡᠨ ᠪᠠᠢ᠌ᠬᠤ ᠪᠣᠯ︖
ᠵᠤᠬᠢᠶᠠᠭᠴᠢ᠄ ᠨ·ᠷᠢᠠᠴᠢᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠥᠭᠥᠯᠡᠯᠭᠡᠳᠠᠷᠤᠮ᠄ 9208
ᠴᠠᠭ᠄ 2009 ᠤᠨ ᠤ 02 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ