☆ ᠶᠢᠨ ᠯᠦᠩ
ᠭᠦᠰᠡᠯ ᠤᠨ ᠨᠠᠷᠠ
ᠪᠣᠷᠬᠠᠨ ᠮᠤᠩᠭ᠋ᠤᠯ ᠭᠡᠯᠡ ᠪᠠᠨ
ᠪᠣᠰᠤᠭᠠ ᠪᠠᠷ ᠪᠢᠴᠢᠭᠦ ᠪᠣᠯᠤᠭᠰᠠᠨ ᠭᠦᠤ ᠮᠢᠨᠢ
ᠨᠠᠷᠠ ᠲᠡᠶ ᠭᠠᠵᠠᠷ ᠤᠨ ᠭᠦᠮᠤᠨ ᠪᠦᠭᠦᠨ ᠳᠤ
ᠮᠤᠩᠭ᠋ᠤᠯ ᠭᠡᠳᠡᠭ᠌ ᠶᠢᠡᠨ ᠮᠡᠳᠡᠭᠦᠯ ︕
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠪᠦᠷ ᠳᠡᠮᠳᠡᠭᠯᠡᠯ ᠡᠴᠡ
ᠦᠷᠭᠦᠭᠡ ᠭᠡᠷ ᠲᠤ ᠮᠢᠨᠢ ᠨᠠᠷᠠ ᠳᠠᠭᠠᠭᠤᠯᠤᠭᠰᠠᠨ
ᠭᠦᠤ ᠮᠢᠨᠢ᠂ ᠦᠷᠡ ᠮᠢᠨᠢ
ᠣᠢ᠌ᠯᠠᠰ ᠮᠦᠷ ᠲᠤ ᠮᠢᠨᠢ ᠵᠢᠷᠭᠠᠯ ᠳᠠᠯᠠᠯᠤᠭᠰᠠᠨ
ᠭᠦᠰᠡᠯ ᠮᠢᠨᠢ᠂ ᠭᠤᠯᠤᠮᠳᠠ ᠮᠢᠨᠢ
ᠨᠢ᠋ᠮᠠᠨ ᠵᠠᠭᠤᠨ ᠤ ᠳᠡᠷᠳᠡᠭᠡᠭᠢ
ᠣᠮᠤᠭ ᠵᠠᠯᠭᠠᠵᠤ
ᠨᠠᠷᠠᠨ ᠳᠡᠷᠭᠡᠯ ᠣᠭᠰᠠᠭᠠᠨ ᠤ
ᠣᠳᠤᠮ ᠵᠠᠯᠭᠠᠵᠤ
ᠣᠨᠤᠨ ᠤ ᠴᠠᠭᠢᠭᠤᠷ ᠴᠢᠯᠠᠭᠤ ᠰᠢᠭ
ᠣᠷᠭᠤᠵᠤ ᠢᠷᠡᠭ᠍ᠰᠡᠨ ᠶᠤᠮ ᠴᠢ
ᠣᠪᠣᠬᠠᠢ ᠭᠡᠷ ᠲᠤ ᠮᠢᠨᠢ ᠨᠠᠷᠠ ᠪᠣᠯᠵᠤ
ᠮᠠᠠᠳᠤᠵᠤ ᠳᠦᠷᠦᠭ᠍ᠰᠡᠨ ᠶᠤᠮ ᠴᠢ
ᠭᠦᠤ ᠮᠢᠨᠢ᠂ ᠭᠦᠰᠡᠯ ᠮᠢᠨᠢ
ᠭᠦᠷᠦᠭᠡᠳ ᠢᠷᠡᠭ᠍ᠰᠡᠨ ᠵᠢᠷᠭᠠᠯ ᠮᠢᠨᠢ ︕
ᠬᠠᠨᠢ ᠶᠢᠨ ᠮᠢᠨᠢ ᠰᠠᠢ᠌ᠬᠠᠨ ᠵᠠᠶᠠᠭᠠᠨ ᠤ
ᠮᠥᠩᠭᠡ ᠶᠢᠨ ᠢᠨᠠᠭ ᠴᠢ ᠪᠢᠯᠠ
ᠬᠠᠢ᠌ᠷᠠ ᠶᠢᠨ ᠮᠢᠨᠢ ᠰᠠᠢ᠌ᠬᠠᠨ ᠳᠠᠪᠢᠯᠠᠩ ᠤᠨ
ᠡᠩᠭᠡ ᠶᠢᠨ ᠬᠠᠳᠠᠭ ᠴᠢ ᠪᠢᠯᠠ
ᠮᠤᠷᠢ ᠲᠡᠶ ᠶᠠᠪᠣᠭᠰᠠᠨ ᠣᠭᠰᠠᠭᠠᠨ ᠤ ᠮᠢᠨᠢ
ᠭᠤᠯᠤᠮᠳᠠ ᠶᠢᠨ ᠦᠷᠡ ᠴᠢ ᠪᠢᠯᠠ
ᠡᠷᠡ ᠲᠡᠶ ᠶᠠᠪᠣᠬᠤ ᠣᠢ᠌ᠯᠠᠰ ᠤᠨ ᠮᠢᠨᠢ
ᠭᠦᠰᠡᠯ ᠤᠨ ᠨᠠᠷᠠ ᠴᠢ ᠪᠢᠯᠠ ︕
ᠭᠦᠤ ᠮᠢᠨᠢ᠂ ᠭᠦᠰᠡᠯ ᠮᠢᠨᠢ
ᠭᠦᠰᠡᠵᠤ ᠰᠠᠨᠠᠭᠰᠠᠨ ᠵᠢᠷᠭᠠᠯ ᠮᠢᠨᠢ ︕
ᠦᠷᠯᠦᠭ᠌ ᠮᠤᠩᠭ᠋ᠤᠯ ᠣᠢ᠌ᠯᠠᠰ ᠲᠤ ᠮᠢᠨᠢ
ᠭᠦᠴᠤ ᠰᠡᠯᠭᠦᠵᠤ
ᠦᠪ ᠶᠡᠭᠡ ᠰᠤᠶᠤᠯ ᠳᠤ ᠮᠢᠨᠢ
ᠭᠦᠷᠳᠤ ᠵᠠᠯᠭᠠᠵᠤ
ᠠᠯᠳᠠᠢ ᠶᠢᠨ ᠭᠦᠷᠡᠩ ᠴᠢᠯᠠᠭᠤᠨ ᠤ
ᠭᠡᠯᠳᠡᠷᠭᠡᠢ ᠪᠣᠯᠵᠤ
ᠠᠷᠢᠭᠤᠨ ᠮᠤᠩᠭ᠋ᠤᠯ ᠣᠭᠰᠠᠭᠠᠨ ᠤ
ᠳᠠᠰᠤᠷᠬᠠᠢ ᠪᠣᠯᠵᠤ
ᠴᠡᠭᠡᠯᠭᠡᠨ ᠨᠢᠳᠤ ᠲᠡᠶ
ᠳᠤᠷᠮᠣᠢ᠌ᠵᠤ ᠳᠦᠷᠦᠭ᠍ᠰᠡᠨ ᠶᠤᠮ ᠴᠢ
ᠴᠡᠪᠠᠷᠭᠡᠨ ᠴᠢᠷᠠᠢ ᠲᠡᠶ
ᠪᠣᠠᠳᠣᠢ᠌ᠵᠤ ᠳᠦᠷᠦᠭ᠍ᠰᠡᠨ ᠶᠤᠮ ᠴᠢ
ᠭᠦᠤ ᠮᠢᠨᠢ᠂ ᠭᠦᠰᠡᠯ ᠮᠢᠨᠢ
ᠭᠦᠷᠭᠦ ᠢᠷᠡᠭᠡᠳᠦᠢ ᠶᠢᠨ ᠢᠳᠡᠭᠡᠯ ᠮᠢᠨᠢ ︕
ᠴᠢᠰᠤ ᠪᠠᠨ ᠭᠠᠵᠠᠷ ᠠᠰᠬᠠᠭᠰᠠᠨ
ᠪᠠᠭᠠᠳᠤᠳ ᠤᠨ ᠬᠣᠢ᠌ᠴᠢ ᠴᠢ ᠪᠢᠯᠠ
ᠨᠠᠷᠠ ᠪᠠᠨ ᠬᠤᠷᠸᠠ ᠳᠤ ᠮᠥᠩᠭᠡᠯᠡᠭ᠍ᠰᠡᠨ
ᠮᠤᠩᠭ᠋ᠤᠯ ᠤᠨ ᠦᠷᠡ ᠴᠢ ᠪᠢᠯᠠ
ᠨᠤᠴᠤᠵᠤ ᠳᠦᠷᠡᠯᠵᠡᠭ᠍ᠰᠡᠨ ᠭᠠᠯ ᠤᠨ
ᠦᠷᠪᠢᠰᠦᠭ᠍ᠰᠡᠨ ᠣᠴᠢ ᠴᠢ ᠪᠢᠯᠠ
ᠨᠤᠤᠷᠠᠭᠯᠠᠵᠤ ᠬᠣᠢ᠌ᠴᠢᠰ ᠲᠤ ᠢᠯᠡᠭᠡᠭ᠍ᠳᠡᠭ᠍ᠰᠡᠨ
《ᠳᠤᠪᠴᠢᠶᠠᠨ》 ᠤ ᠢᠯᠴᠢ ᠴᠢ ᠪᠢᠯᠠ
ᠥᠶᠦᠭ᠌ ᠰᠠᠢ᠌ᠬᠠᠨ ᠠᠮᠢᠳᠤᠷᠠᠯ ᠤᠨ ᠮᠢᠨᠢ
ᠬᠠᠢ᠌ᠷᠠ ᠶᠢᠨ ᠣᠶᠠᠩᠭ᠋ᠠ ᠴᠢ ᠪᠢᠯᠠ
ᠦᠯᠵᠡᠢ ᠳᠡᠷᠭᠡᠯ ᠣᠢ᠌ᠯᠠᠰ ᠤᠨ ᠮᠢᠨᠢ
ᠨᠠᠢ᠌ᠷᠠᠭ ᠤᠨ ᠪᠢᠯᠢᠭ᠌ ᠴᠢ ᠪᠢᠯᠠ ︕
ᠭᠦᠤ ᠮᠢᠨᠢ᠂ ᠭᠦᠰᠡᠯ ᠮᠢᠨᠢ
ᠭᠦᠰᠡᠯ ᠰᠡᠳᠭᠢᠯ ᠤᠨ ᠨᠠᠷᠠ ᠮᠢᠨᠢ ᠡ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠵᠠᠷᠤᠳ ᠬᠤᠰᠢᠭᠤ ᠭᠠᠬᠠᠢ᠌ᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠶᠢᠨ ᠯᠦᠩ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2634
ᠴᠠᠭ᠄ 2010 ᠤᠨ ᠤ 03 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ