☆ ᠳᠡᠯᠡᠩᠭᠦᠳ·ᠴᠠᠭᠠᠠᠮᠦᠷ
ᠭᠠᠩ ᠵᠢᠯ
ᠪᠣᠷᠤᠭᠠᠨ ᠣᠷᠤᠯᠠ ᠭᠡᠵᠤ
ᠵᠡᠭᠦᠳᠦᠯᠡᠨᠡ ᠪᠢᠯᠠ
ᠪᠣᠷᠬᠠᠨ ᠨᠢᠳᠤ ᠪᠠᠨ ᠵᠠᠪᠰᠠᠷᠯᠠᠵᠤ
ᠨᠢᠯᠪᠣᠰᠤ ᠣᠨᠠᠭᠠᠭᠰᠠᠭᠠᠷ
ᠪᠣᠷᠤᠭᠤ ᠬᠠᠷᠠᠵᠤ ᠭᠤᠷᠪᠠ ᠨᠠᠢ᠌ᠳᠠᠯᠭᠠᠭᠰᠠᠭᠠᠷ
ᠪᠣᠷᠤᠭᠠ ᠣᠷᠤᠴᠢᠬᠠᠨᠠ ᠭᠡᠵᠤ
ᠵᠡᠭᠦᠳᠦᠯᠡᠨᠡ ᠪᠢᠯᠠ
ᠵᠡᠭᠦᠳᠤᠨ ᠡᠴᠡ ᠪᠣᠷᠤᠭᠠ ᠣᠷᠤᠨᠠ
ᠭᠠᠩ ᠵᠢᠯ ᠤᠨ ᠪᠣᠷᠤᠭᠠᠨ
ᠦᠶᠡᠷ ᠶᠢᠡᠨ ᠣᠷᠤᠯᠳᠤᠵᠤ ᠴᠢᠤᠠᠬᠤᠪᠠᠯ
ᠭᠠᠩ ᠳᠠᠢ᠌ᠯᠴᠢᠬᠠᠨᠠ
ᠭᠠᠩ ᠳᠠᠢ᠌ᠯᠴᠢᠬᠠᠪᠠᠯ
ᠭᠠᠵᠠᠷ ᠣᠰᠤᠨ ᠡᠯᠢᠭᠡ ᠪᠠᠨ ᠳᠡᠯᠭᠡᠨᠡ ᠭᠡᠨᠡ
ᠪᠣᠷᠤᠭᠠ ᠣᠷᠤᠬᠤ ᠪᠣᠯ
ᠭᠤᠶᠤᠵᠤ ᠣᠯᠤᠭᠰᠠᠨ ᠮᠠᠨᠢ ᠶᠢᠨ ᠵᠢᠷᠭᠤᠭᠠᠨ ᠥᠰᠦᠭ᠌
ᠥᠢᠯᠡᠳᠦᠭ᠍ᠰᠡᠨ ᠪᠣᠶᠠᠨ ᠤ ᠶᠡᠭᠡ ᠵᠢᠪᠬᠤᠯᠠᠩ
ᠵᠡᠭᠦᠳᠤᠨ ᠪᠣᠷᠤᠭᠠ ᠵᠢᠷᠦᠭᠡ ᠪᠠᠷ ᠯᠤᠭᠰᠢᠵᠤ ᠣᠷᠤᠨᠠ ᠭᠡᠨᠡ
ᠭᠠᠩ ᠵᠢᠯ ᠤᠨ ᠪᠣᠷᠤᠭᠠᠨ ᠵᠢᠠᠷ
ᠣᠷᠭᠤᠮᠠᠯ ᠴᠢᠭᠢ ᠪᠠᠷᠢᠵᠤ
ᠣᠠᠳᠠᠭᠰᠠᠨ ᠡᠴᠡ ᠪᠠᠨ ᠰᠤᠴᠢᠬᠤ ᠶᠤᠮ ᠰᠢᠭ ᠰᠡᠷᠢᠳᠡᠭ᠌ ᠭᠡᠨᠡ
ᠪᠢ ᠭᠦᠷᠵᠡ ᠪᠠᠷᠢᠵᠤ
ᠪᠣᠷᠤᠭᠠ ᠳᠠᠷᠢᠬᠤ ᠪᠠᠷ ᠡᠷᠳᠡᠯᠡᠵᠤ ᠭᠠᠷᠳᠠᠭ ᠪᠢᠯᠠ
ᠮᠤᠳᠤ ᠣᠷᠭᠤᠳᠠᠭ ᠭᠡᠨᠡ
ᠵᠠᠮ ᠣᠷᠭᠤᠳᠠᠭ ᠭᠡᠨᠡ
ᠵᠤᠭᠠ ᠳᠡᠭᠦᠳᠡᠭ᠌ ᠭᠡᠨᠡ
ᠵᠢᠷᠤᠬᠠ ᠪᠠᠨ ᠳᠠᠭᠠᠵᠤ
ᠵᠤᠨ ᠪᠦᠷᠢ ᠨᠢ ᠭᠠᠯ ᠢᠳᠠ ᠰᠢᠭ᠌
ᠭᠠᠩᠳᠠᠨᠠ ᠭᠡᠤᠨ ᠪᠣᠯᠬᠤ ᠦᠭᠡᠶ ᠭᠡᠨᠡ
ᠵᠢᠷᠤᠭ ᠶᠢᠡᠨ ᠳᠠᠭᠤᠷᠢᠶᠠᠵᠤ
ᠳᠠᠳᠠᠮᠠᠯ ᠭᠤᠤᠯ ᠨᠢ ᠬᠠᠳᠠᠮᠠᠯ ᠭᠤᠤᠯ ᠰᠢᠭ
ᠰᠢᠷᠭᠢᠨᠠ ᠭᠡᠤᠨ ᠪᠣᠯᠬᠤ ᠦᠭᠡᠶ ᠪᠢᠯᠠ
《ᠭᠠᠴᠢᠭᠠᠨ ᠤ ᠵᠤᠭᠤᠷᠢᠨ》ᠭᠡᠮᠡᠭᠦ ᠳᠦᠷᠢᠶᠠᠰᠤᠨ ᠭᠦᠮᠦᠷᠭᠡᠨᠡ
2007 ᠣᠨ ᠤ 12 ᠰᠠᠷᠠ ᠶᠢᠨ 08 ᠨᠠ
ᠵᠤᠬᠢᠶᠠᠭᠴᠢ᠄ ᠳᠡᠯᠡᠩᠭᠦᠳ·ᠴᠠᠭᠠᠠᠮᠦᠷ
ᠢᠷᠡᠯᠲᠡ᠄ ᠳᠡᠯᠡᠩᠭᠦᠤᠨ·ᠴᠠᠭᠠᠠᠮᠦᠷ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 6325
ᠴᠠᠭ᠄ 2008 ᠤᠨ ᠤ 01 ᠰᠠᠷᠠ ᠶᠢᠨ 13
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ